1992-yil 27-yanvarda O‘zbekiston Respublikasi Oliy Kengashi Rayosatining “O‘zbekiston Respublikasi tarkibida Navoiy viloyatini qaytadan tiklash haqida”gi qarori qabul qilindi. Unga muvofiq Navoiy viloyati avvalgi chegaralarida qaytadan tiklanib, uning tarkibiga Buxoro viloyatining Navoiy, Zarafshon va Uchquduq shaharlari, Konimex, Qiziltepa, Navbahor, Navoiy, Tomdi, Uchquduq tumanlari, Samarqand viloyatining Nurota va Xatirchi tumanlarini kiritildi. Navoiy shahri viloyatning ma’muriy markazi etib belgilandi.
Ma’lumot o‘rnida qayd etish kerakki, Navoiy viloyati 1982-yil 20-aprelda Buxoro va qisman Samarqand viloyatlari hududlaridan tashkil etilgan. 1988-yilda ma’muriy birlik sifatida tugatilgan. Yuqorida ta’kidlanganidek 1992-yil boshida qayta tiklandi.
Mazkur hujjat O‘zbekiston Milliy arxivida saqlanadi.
Axborot xizmati
1992 йил 27 январда Ўзбекистон Республикаси Олий Кенгаши Раёсатининг “Ўзбекистон Республикаси таркибида Навоий вилоятини қайтадан тиклаш ҳақида”ги қарори қабул қилинди. Унга мувофиқ Навоий вилояти аввалги чегараларида қайтадан тикланиб, унинг таркибига Бухоро вилоятининг Навоий, Зарафшон ва Учқудуқ шаҳарлари, Конимех, Қизилтепа, Навбаҳор, Навоий, Томди, Учқудуқ туманлари, Самарқанд вилоятининг Нурота ва Хатирчи туманларини киритилди. Навоий шаҳри вилоятнинг маъмурий маркази этиб белгиланди.
Маълумот ўрнида қайд этиш керакки, Навоий вилояти 1982 йил 20 апрелда Бухоро ва қисман Самарқанд вилоятлари ҳудудларидан ташкил этилган. 1988 йилда маъмурий бирлик сифатида тугатилган. Юқорида таъкидланганидек 1992 йил бошида қайта тикланди.
Мазкур ҳужжат Ўзбекистон Миллий архивида сақланади.
Ахборот хизмати
