NamMQI_Rasmiy | YANGILIKLAR

🚀 TEST BOSHLANDI

Test uchun berilgan vaqt 40 daqiqa
Tugash vaqt 29.01.2025-yil soat 20:00 da

Testni to'g'ri bajarishdan tashqari bajarilgan vaqtga ham e'tibor beriladi

⏺️Bitta profildan ikki marta test ishlagan ishtirokchi tanlovdan chetlatiladi.

❗️Qoʻshimcha savol va murojaatlar uchun: @tanlovadmini_bot orqali yozing

Test ishlash uchun botga kiring 👉🏻 @zukkokitobxon_robot

#Video

NamMQI media markazi taqdim etadi: Institutda Oliy Majlis Qonunchilik palatasi deputatlari Dilnoza Azizova va Davron Oripov bilan boʻlib oʻtgan uchrashuv tafsilotlari.

Yoshlar orasida psixofaol moddalarning noqonuniy aylanmasiga qarshi kurashish boʻyicha uslubiy qoʻllanma taqdimot qilindi

Jahon iqtisodiyoti va diplomatiya universitetida “Taʼlim muassasalarida yoshlar orasida psixofaol moddalarning noqonuniy aylanmasiga qarshi kurashish ishlarini tashkil etish mexanizmlari toʻgʻrisida” nomli uslubiy qoʻllanma taqdimoti boʻlib oʻtdi.

Unda Narkotiklarni nazorat qilish milliy markazi direktori Ravshan Mamatov, Oliy taʼlim, fan va innovatsiyalar vaziri oʻrinbosari Otabek Mahkamov ishtirok etdi.

Mazkur uslubiy qoʻllanma OTMlarda profilaktik tadbirlarni tizimli oʻtkazish, talabalarni foydali mashgʻulotlarga jalb qilish, yoshlar orasida giyohvandlikka qarshi murosasiz munosabatni shakllantirishga xizmat qilishi taʼkidlandi.

Tadbirda Zoom platformasi orqali institut birinchi prorektori Odiljon Jakbarov, rektor maslahatchisi Abdurahmon Shokirov, dekan oʻrinbosarlari, professor-oʻqituvchilar, tyutorlar, psixologlar, profilaktika inspektori, “Qalqon” guruhi aʼzolari qatnashdi.

Institut talabalarining takliflari tinglandi

Viloyatimizda boʻlib turgan Yoshlar ishlari agentligi Markaziy apparati ishchi guruhi ishtirokida Namangan muhandislik-qurilish instituti yoshlari bilan ochiq muloqot tashkil etildi.

Muloqotda Yoshlar ishlari agentligi Markaziy apparati bo‘lim boshlig‘i Ismoil Mirzaraimov va Yoshlar ishlari agentligi viloyat boshqarmasi bo‘lim boshlig‘i Ahrorbek Akbarov ishtirok etishdi.

Tadbir davomida talabalar ta’lim sifatini oshirish, infratuzilmani rivojlantirish, zamonaviy texnologiyalarni o‘quv jarayonlariga joriy etish va yoshlar uchun yangi imkoniyatlar yaratish bo‘yicha o‘z takliflarini ilgari surishdi.

Bildirilgan tashabbuslar asosida maxsus harakat rejasi ishlab chiqilishi rejalashtirilgan boʻlib, ishchi guruh aʼzolari yoshlarning fikrlarini yuqori baholab, ularni amalga oshirish uchun zarur choralar ko‘rilishini ta’kidladilar.

#Video

NamMQI media markazi taqdim etadi: Institutda rektor ishtirokida oʻtkazilgan 2025-yil davlat dasturi loyihasining yakuniy muhokamasi.

Fotofakt: NamMQI talabalari uchun moʻljallangan yangi 12 qavatli turar-joy tomini yopish va derazalariga oyna oʻrnatish ishlari olib borilmoqda.

Namanganda texnika universiteti tashkil etiladi

Prezident Shavkat Mirziyoyev 22-yanvar kuni oliy taʼlim va ilm-fan sohasidagi ustuvor vazifalarga oid taqdimot bilan tanishdi.

2024-yil 20-iyunda boʻlib oʻtgan videoselektor yigʻilishida davlat rahbari har bir hududda texnika oliygohi va ilgʻor muhandislik maktablari tashkil qilish vazifasini qoʻygan edi.

Hozirgacha Termiz, Andijon va Qarshida texnika universitetlari faoliyati yoʻlga qoʻyildi. Shuningdek, 8 ta muhandislik maktabi ochildi.

Yigʻilishda Nukus, Buxoro, Fargʻona va Namangan texnika universitetlarini tashkil etish loyihalari taqdimot qilindi.

Unga koʻra, yangi yoʻnalishlar ochilib, xorijiy dasturlar tatbiq qilinadi, talabalarning ilmiy-innovatsion jarayonlarda ishtiroki kengaytiriladi, oliygohlarga sanoat hamkorlari biriktiriladi.

Umuman, bu yoʻnalishdagi 35 ta muassasani yiriklashtirish hisobiga, 22 ta texnika universiteti tashkil qilinadi. Shu yil oxirigacha yana 17 ta muhandislik maktabi ochiladi.

Fotofakt: Prezident va nomli davlat stipendiyalari sohibi boʻlgan talabalarning fotobannerlari institutning barcha binolaridan oʻrin oldi.

Stipendiatlar xonadonidan xabar olindi

Institut birinchi prorektori Odiljon Jakbarov, institut yoshlar yetakchisi Diyorbek Soataliyev boshchiligida Yoshlar Kengashi aʼzolarining stipendiatlar xonadonidan xabar olishi davom etmoqda.

Navbatdagi manzil Islom Karimov va Beruniy nomli davlat stipendiyalari sohiblari Goʻzal va Humoyun Hakimovlarning xonadoni boʻldi.

Xonadonda maʼsullarni talabalarning bobo-buvisi, institut professor-oʻqituvchilari Anvarjon Hakimov va Rahimaxon Botirova kutib oldi.

Institut vakillari tomonidan xonadon egalarini samimiy muborakbod etib, institut tashakkurnomasi va esdalik sovgʻalari topshirildi.

Institut huzuridagi ilmiy daraja beruvchi PhD.03/30.12.2019.T.90.01 raqamli ilmiy kengashda dissertatsiya himoyasi boʻlib oʻtdi

Mazkur ilmiy kengashning 2025-yildagi ilk majlisida institut rektori ishtirok etdi.

Rektor ilmiy kengashning 2024-yildagi faoliyati davomida erishilgan natijalariga alohida toʻxtalib, kengash aʼzolari va talabgorlarga 2025-yilda muvoffaqiyatlar tiladi.

Shundan soʻng kengashda Jizzax politexnika instituti katta oʻqituvchisi Sharof Xudoyorovning 05.07.01 – “Qishloq xoʻjaligi va melioratsiya mashinalari. Qishloq xoʻjaligi va melioratsiya ishlarini mexanizatsiyalash” ixtisosligida texnika fanlari boʻyicha falsafa doktori (PhD) ilmiy darajasini olish uchun tayyorlagan “Urugʻlarni havo oqimida tozalaydigan qurilmaning konstruktiv oʻlchamlari va ish rejimlarini asoslash” mavzusidagi dissertatsiya himoyasi boʻlib oʻtdi.

Institut Yoshlar Kengashida Prezident Farmoni loyihasi muhokama qilindi

Namangan muhandislik-qurilish instituti Yoshlar ittifoqi Boshlangʻich tashkiloti aʼzolari ishtirokida “Oʻzbekiston–2030” strategiyasini “Atrof-muhitni asrash va “yashil iqtisodiyot” yili“da amalga oshirishga oid davlat dasturi va uni tasdiqlash toʻgʻrisida”gi Prezident farmoni loyihasi muhokama qilindi.

Institut yoshlar yetakchisi Diyorbek Soataliyev raisligi olib borilgan muhokamada Farmonning mazmun-mohiyati, maqsadi va vazifalari toʻgʻrisida oʻzaro fikr almashildi.

Koordinatorlar tomonidan 20 dan ortiq takliflar bildirildi.

NamMQI "Mexanika muhandisligi" kafedrasi mudiri dotsent M.Ubaydullayev hamda kafedraning tayanch doktoranti M.G'aybullayev “Akademik harakatchanlik” dasturining 2024-yilgi g‘oliblariga sifatida 60 mln so'mlik sertifikat bilan taqdirlandi.

#Live

Video: “Dinamo” majmuasida NamMQI vakillari ishtirokida oʻtkazilayotgan “Ochiq eshiklar kuni” tadbiri.

#Live

NamMQI vakillari “Dinamo” majmuasida oʻtkazilayotgan “Ochiq eshiklar kuni” tadbirida ishtirok etmoqda

Namangan muhandislik-qurilish instituti birinchi prorektori Odiljon Jakbarov boshchiligida mutasaddilar, tyutorlar va talabalar “Dinamo” majmuasida viloyat IIB tomonidan oʻtkazilayotgan “Ochiq eshiklar kuni” tadbirida ishtirok etmoqda.

Vatan himoyachilari kuni arafasida oʻtkazilayotgan ushbu tadbirda ichki ishlar tizimida mavjud maxsus mashinalar, qurol-aslahalar va himoya vositalari namoyish etilmoqda.

Shuningdek, tadbir davomida maxsus boʻlinmalarning chiqishlari ham boʻlib oʻtmoqda.

NamMQI media markazi

NamMQI vakillari “Xitoy kuni” deb nomlangan madaniyat tadbirida ishtirok etdi

Tiangong universitetiga xitoy tili kursini oʻrganish va qisqa muddatli almashinuv dasturini oʻtash uchun Indoneziyadan kelgan bir guruh talabalar bilan birgalikda Buyuk Xitoy devoriga borildi.

Shuningdek, vakillarimiz Xitoy madaniyati koʻchasi, Tianjin muzeyi hamda tarixiy manzilgohlarga safar uyushtirdi.

#NamMQI2024

Namangan muhandislik-qurilish instituti mutasaddilarining Fargʻonaga safari davomida “Indorama” xorijiy korxonasi bilan hamkorlik aloqalari oʻrnatildi.

⚡️ “Mard o‘g‘lon” davlat mukofotining 2025-yilgi saralash bosqichiga start berildi!

Mazkur mukofot jamiyatimizning turli sohalarida yuqori natijalarga erishgan, mardlik, jasorat, qatʼiyatlilik, halollik, vatanparvarlik kabi yuksak fazilatlari bilan ajralib turgan yoshlarni qo‘llab-quvvatlash maqsadida taʼsis etilgan.

✅ Kimlar ariza topshirishi mumkin?

⏺️ Respublika va xalqaro miqyosdagi musobaqalar, loyihalar va tanlovlarda g‘olib bo‘lgan;
⏺️ O‘z sohasida chuqur bilim, tashabbuskorlik va ishbilarmonlikni namoyon etgan;
⏺️ 14 yoshdan 30 yoshgacha bo‘lgan iqtidorli yigitlar.

✅ Hujjatlar joriy yilning 1-martiga qadar Yoshlar ishlari agentligining tuman (shahar) bo‘limlari orqali qabul qilinadi.

➡️ Nizomni ko‘rish

Namangan muhandislik-qurilish instituti bugun va avval

Quyidagi toʻrtta surat 2021-2022-yillarda olingan.

Oqilxon Mamajonov fotoarxividan

Sanoatni axborotlashtirish fakulteti yigʻilishida dolzarb masalalarga eʼtibor qaratildi

Sanoatni axborotlashtirish fakulteti dekani, professor Ozoda Abdullayeva, dekan oʻrinbosarlari, kafedra mudirlari, professor-oʻqituvchilar ishtirokida fakultetning navbatdagi yigʻilishi boʻlib oʻtdi.

Yigʻilishda fakultetda institut rektorining buyruqlari va Kengash qarorlari ijrosini taʼminlash, spin-off shaklida korxona tashkil etish, «Atrof-muhitni asrash va «yashil» iqtisodiyot yili» yoʻnalishlaridan kelib chiqib amalga oshiriladigan ishlar muhokama etildi.

Shuningdek, yangi oʻquv semestrida oʻquv jarayonlari sifatini tashkil etish, yakuniy nazorat ishlarini talab darajasida tashkil etish va shaffofligini taʼminlash, toʻlov-kontrakt mablagʻlari undirilishi holati ham diqqat markazida boʻldi.

#2024-yilning eng yorqin lahzalarini birgalikda eslaymiz

Oliy taʼlim, fan va innovatsiyalar vaziri Qoʻngʻirotboy Sharipov institutimizda boʻlib, talabalar turar-joyi qurilishi, olimlarning ilmiy ishlanmalari va loyihalari bilan tanishdi.

Oliy sud tomonidan internetdagi diniy ekstremistik, terroristik va aqidaparastlik g‘oyalari bilan yo‘g‘rilgan deb topilgan hamda O‘zbekiston hududiga olib kirish, tayyorlash, saqlash, tarqatish va namoyish etilishi taqiqlangan manba va kontentlar ro‘yxati e’lon qilindi

Institutda Xotin-qizlar maslahat kengashining navbatdagi yigʻilishi boʻlib oʻtdi

Institut birinchi prorektori Odiljon Jakbarov, rektor maslahatchisi Abdurahmon Shokirov ham ishtirok etgan yigʻilishda xotin-qizlar maslahat kengashi raisalarining oʻtgan semestr davomida reja asosida olib borgan ishlari yuzasidan hisobotlar tinglandi.

Rejaning bajarilish darajasi, bajarilmay qolib ketilgan bandlar alohida tahlil etildi.

Kamchiliklarni tez orada bartaraf etish, boshlangan semestrda xotin-qizlar faoliyatini yanada kuchaytirish kabi masalalarga urgʻu berildi.

NamMQI media markazi

Barchaga va’da qilgan animatsion filmimiz premyeraga tayyor. Tomosha qilib, fikr-mulohazalaringizni bildirsangiz xursand bo‘lamiz.

Boisi hali bu kabi dolzarb mavzularda yana animatsion filmlar yaratiladi, takliflaringiz esa faoliyatimiz uchun zarurdir.

Albatta, ko‘ring: https://youtu.be/Fbb9ORcLHpI

@otabek_khasanov

Oʻquv jarayonlari boshlanishiga bagʻishlangan seminar oʻtkazildi

Institut birinchi prorektori Odiljon Jakbarov boshchiligida yoshlar bilan ishlash boʻyicha dekan oʻrinbosarlari, tyutorlar, psixologlar hamda maʼnaviyat boʻlimi xodimlari uchun oʻquv jarayonlari boshlanishiga bagʻishlangan seminar-yigʻilish oʻtkazildi.

Yigʻilishda talabalarni kutib olish, 2024-yil davomida amalga oshirilgan ishlar hisoboti va kelgusida amalga oshiriladigan ishlar taqdimoti, Vatan himoyachilari kuniga bagʻishlangan tadbirlarni tashkil qilish,uchrashuvlar, sayohatlar, muzeylarga safarlarni tashkil qilish, talaba-yoshlar oʻrtasida harbiy-sport oʻyinlarini oʻtkazishga tayyorgarlik masalalari koʻrildi.

Shuningdek, shartnoma toʻlovlari, faoliyat yuzasidan chiqishlar, ilmiy va ilmiy-uslubiy ishlar boʻyicha tushuntirishlar berildi.

NamMQI media markazi

#2024-yilning eng yorqin lahzalarini birgalikda eslaymiz

Institutning sobiq bitiruvchisi, tarkibida 20 dan ortiq korxonani birlashtirgan BA Holding taʼsischisi Bahodir Abdullayev oila aʼzolari bilan oliy oʻquv yurtimizda boʻldi.

“Ижтимоий карта” тизимини жорий этиш бўйича Ҳукумат қарори қабул қилинди

Қарорга кўра, ижтимоий картани муомалага чиқариш ва фойдаланиш учун тақдим этиш молиявий агент вазифасини бажарувчи резидент тижорат банклари томонидан амалга оширилади.

Бунда:

➖ барча фуқаролар учун дастлаб электрон ижтимоий карта муомалага чиқарилади ва фойдаланиш учун тақдим этилади;

➖ банк картаси шаклидаги ижтимоий карта фуқароларнинг хоҳишига кўра муомалага чиқарилади ва фойдаланиш учун тақдим этилади.

Ижтимоий картани муомалага чиқариш ва фойдаланиш учун тақдим этиш бўйича аризалар қуйидагилар орқали тақдим этилади:

➖ЯИДХП (my.gov.uz);
➖“Ижтимоий карта” мобил иловаси;
➖“Инсон” ижтимоий хизматлар марказлари ҳамда алоҳида ҳолларда ижтимоий ходимлар;
➖молиявий агент.

Ижтимоий картани самарали амалиётга татбиқ этиш ҳамда “Ижтимоий карта” АТ ва мобил илованинг лозим даражада ишлашини таъминлаш мақсадида:

▪️2025 йил 1 январдан бошлаб “Ижтимоий карта” АТ ва мобил иловани техник қўллаб-қувватлаш ижтимоий карта бўйича тўлов хизматларини кўрсатувчи тўлов ташкилотининг туну-кун фаолият кўрсатадиган техник хизмати томонидан амалга оширилади;

▪️ 2025 йил 1 февралдан ижтимоий картани муомалага чиқариш ва фойдаланиш учун тақдим этиш масалалари бўйича Агентликнинг ахборот-маълумотнома хизматларини кўрсатувчи “1070” қисқа рақамли ва туну-кун фаолият кўрсатадиган хизмати (“Ишонч телефони”) фаолияти тест режимида йўлга қўйилади.

2024-yilning eng yorqin lahzalarini birgalikda eslaymiz

NamMQI media markazi taqdim etadi: Institutda oʻtkazilgan “Jadidlar ibrati va jadidchilik saboqlari” mavzusidagi ilmiy-amaliy seminar.

⚡️Institut talaba-yoshlari oʻrtasida “Harbiy-sport oʻyinlari” oʻtkaziladi

🇺🇿 14-yanvar - Vatan himoyachilari kuni munosabati bilan fakultetlar oʻrtasida “Harbiy sport oʻyinlari” musobaqasi 2025-yil 10-yanvar soat 14:00 da institutning 2-sport zalida boʻlib oʻtadi.

Musobaqalar quyidagi sport turlari boʻyicha oʻtkaziladi:

✅ Tosh koʻtarish (1 nafar);
✅ Arqon tortish (5 nafar);
✅ Armrestling (1 nafar);
✅ Turnikda tortilish (1 nafar);
✅ Darts (1 nafar).

💥Ushbu musobaqalar boʻyicha har bir fakultetdan jami 9 nafardan ishtirokchi talabanomalarini 10-yanvar kuni soat 13:00 ga qadar Jismoniy madaniyat va sport kafedrasiga yetkazib, roʻyxatdan oʻtishlari kerak.

🏆Gʻoliblikni qoʻlga kiritgan ishtirokchilar institut rektorining darajali diplomlari hamda esdalik sovgʻalari bilan taqdirlanadi.

Kanal

2024-yilning eng yorqin lahzalarini birgalikda eslaymiz

NamMQI rektori Pekinda boʻlib oʻtgan birinchi Oʻzbekiston-Xitoy taʼlim forumida ishtirok etdi

#xorij
#stajirovka

NamMQI delegatsiyasi Xitoyning Tiangong universiteti “Iqtisodiyot va menejment” fakulteti bilan batafsil tanishdi

Tanishuv davomida fakultetning oʻquv jarayonlari oʻrganildi, dars mashgʻulotlarida bevosita ishtirok etildi.

Shuningdek, oʻquv-ilmiy adabiyotlar muhokama qilindi, fan dasturlari va sillabuslari bilan tanishib chiqildi, fakultetga qarashli oʻquv- laboratoriya xonalari koʻzdan kechirildi.

Barqaror rivojlanish maqsadlarining “SDG-8 — Iqtisodiy oʻsish va rivojlanish” hamda “SDG-4 — Sifatli taʼlim” kabi ustuvor maqsadlari yuzasidan oʻzaro fikr almashildi.

NamMQI delegatsiyasining Xitoyga safari davom etmoqda.

#Video

Oʻzbekiston Qurolli Kuchlari tashkil etilganining 33-yilligi va Vatan himoyachilari kuniga bagʻishlab Toshkentning asosiy koʻchalari boʻylab Mudofaa vazirligi va Milliy gvardiya harbiy boʻlinmalarining yurishlari boʻlib oʻtdi.

#Video

“El-yurt umidi” jamgʻarmasi tanlovi gʻolibi Madaminbek Mahmudov: “Liverpul universitetida magistraturani tamomlagandan soʻng faoliyatimni institutda davom ettirmoqchiman”

NamMQI media markazi

Muhandislik kommunikatsiyalari fakulteti jamoasi “Axsikent” arxeologik manzilgohi bilan tanishdi

Muhandislik kommunikatsiyalari fakultetida haftaning shanba kuni – maʼnaviyat va maʼrifat kuni sifatida belgilangan. Shu kuni professor-oʻqituvchilarning viloyatimizdagi tarixiy maskanlar, muzeylarga va boshqa diqqatga sazovor joylarga safarlari tashkil etiladi.

Fakultet jamoasining bu galgi safari Toʻraqoʻrgʻon tumanidagi “Axsikent” arxeologik manzilgohiga uyushtirildi.

Sayohatda fakultet dekani Nozimjon Ortiqov, Fizika kafedrasi mudiri Sobirjon Boydadayev, professor-oʻqituvchilar hamda tyutorlar ishtirok etdi.

Safar davomida ishtirokchilarga Axsikent arxeologik manzilgohi tarixi, vatanimiz tarixidagi ahamiyati, bu yerda olib borilayotgan ilmiy tadqiqotlar hamda kelgusida amalga oshirilishi rejalashtirilgan ishlar haqida atroflicha maʼlumotlar berildi.

#Live

Institutga biriktirilgan texnikumlar mutasaddilari uchun seminar boshlandi

Namangan muhandislik-qurilish institutida oliy oʻquv yurtiga biriktirilgan texnikumlar direktor va direktor oʻrinbosarlari uchun oʻquv seminari boshlandi.

Seminar avvalida institut rektori Sharifjon Ergashev ishtirok etib, uning ishtirokchilari bilan muloqotda boʻldi.

Institut oʻquv ishlari boʻyicha prorektori Qahramon Inoyatov yangi tartibda ishlashning oʻziga xos xususiyatlari, kredit-modul tizimi, oʻquvchilarni oliy oʻquv yurtiga tayyorlashning oʻziga xos jihatlari haqida maʼruza qildi.

Maʼruza yakunida undagi asosiy mavzular yuzasidan seminar ishtirokchilarining savollariga batafsil javoblar berildi.

NamMQI media markazi

#OAV_nigohida

“Namangan haqiqati” gazetasining 2025-yil, 4-yanvardagi 1-sonida jurnalist Risliqxon Majnunovaning “Mehr-oqibat dunyoni qutqaradi” nomli maqolasi eʼlon qilindi.

Maqolada Namangan muhandislik-qurilish institutini 1984-yilda tamomlagan sobiq bitiruvchilarning 40-yillik yubiley uchrashuvi haqida hikoya qilinadi.

Mahmudxoʻja Behbudiy tavalludining 150-yilligi nishonlanadi

“Turkiston jadidlik harakatining asoschisi, atoqli adib va jamoat arbobi, noshir va pedagog Mahmudxoʻja Behbudiy tavalludining 150-yilligini keng nishonlash toʻgʻrisida”gi Prezident qarori qabul qilindi.

Qarorga koʻra, 2025-yilda Turkiston jadidlik harakatining asoschisi, atoqli adib va jamoat arbobi, noshir va pedagog Mahmudxoʻja Behbudiy tavalludining 150-yilligi keng nishonlanadi.

Mahmudxoʻja Behbudiy tavalludining 150-yilligini nishonlash boʻyicha amalga oshiriladigan chora-tadbirlar dasturi tasdiqladi.

Dasturda quyidagi masalalarga alohida eʼtibor qaratiladi, jumladan:

🔹mutafakkir adibning “Tanlangan asarlar” toʻplami, uning hayoti va faoliyatiga bagʻishlangan ilmiy-ommabop kitoblarni nashrga tayyorlash va chop etish;

🔹Mahmudxoʻja Behbudiy haqida spektakllar sahnalashtirish hamda bugungi kunga qadar yaratilgan “Mahmudxoʻja Behbudiy” kinoseriali va “Xalq yuragi” badiiy-publitsistik filmlarining ommaviy namoyishlarini tashkil qilish;

🔹umumiy oʻrta taʼlim muassasalari, ijod maktablari oʻquvchilari, “Temurbeklar maktablari” kursantlari hamda oliy taʼlim muassasalari talabalari oʻrtasida “Mahmudxoʻja Behbudiy saboqlari” mavzusida insholar tanlovini oʻtkazish va gʻoliblarni munosib taqdirlash;

🔹2025-yil oktyabr oyida “Mahmudxoʻja Behbudiy merosi va jadidlik harakatini oʻrganishning dolzarb masalalari” mavzusida xalqaro ilmiy-amaliy konferensiya tashkil qilish;

🔹2025-yil noyabr oyida Mahmudxoʻja Behbudiy tavalludining 150-yilligiga bagʻishlangan tantanali adabiy-maʼrifiy xotira kechasini oʻtkazish.

Президент Шавкат Мирзиёевнинг Ўзбекистон халқига Янги йил табриги

#Видео

Наманган шаҳридаги "Шодиёна" тантаналар мажмуасида Янги йил арафасида илк бор ўтказилган "Наманган ифтихори-2024" байрам тадбири.

Наманган муҳандислик-қурилиш институти ректори Шарифжон Эргашевнинг Янги йил байрам табриги

Ассалому алайкум қадрли профессор-ўқитувчилар, ишчи-ходимлар, азиз талабалар!

Барчангизни кириб келаётган 2025 йил билан институт ректорати ва шахсан ўз номимдан чин дилдан қутлайман. Фаолиятингизга ривож, хонадонларингизга тинчлик-омонлик ва файз-барака тилайман.

Йил якунида ўтаётган санани сарҳисоб қилиш одат тусига кирган. 2024 йил институтимиз учун воқеа-ҳодисаларга бой бўлди деб айтишимиз мумкин. Бу биринчи галда институтнинг 45 йиллик юбилей тадбири ўтказилиши билан боғлиқ. Ушбу тадбирга узоқ-яқиндан кўплаб меҳмонларимиз келди, собиқ битирувчиларимиз ўз эътиборлари билан бизни мамнун этишди, жамоа учун ҳақиқий байрам бўлди.

Наманган муҳандислик-қурилиш институти дунёнинг 1200 дан ортиқ олий таълим муассасалари фаолияти баҳоланган Round University ranking (RUR) рейтингида илк бор қатнашиб, дунё топ университетлари қаторига кирди. Институт ушбу рейтингга киритилган Намангандаги ягона олий ўқув юрти бўлиб, Ўзбекистон олий таълим муассасалари орасида 13-ўринни эгаллади.

Университет ва институтларнинг барқарорлик кўрсаткичлари дунё миқёсида таҳлил этиладиган UI GreenMetric World University Rankings рейтингининг 2024 йилги натижаларига кўра Наманган муҳандислик-қурилиш институти ушбу нуфузли рейтингда 817-ўринни эгаллаб, топ-1000 таликдан жой олди.

Институтимиз Адлия вазирлиги томонидан 2020-2024 йилларда энг кўп ихтиролар яратган илмий-тадқиқот ва олий таълим муассасалари топ-10 талик рейтингида эътироф этилди.

Халқаро алоқаларимиз изчил ривожланиб бормоқда. Ўтган йилнинг ўзида 150 нафардан ортиқ профессор-ўқитувчиларимиз дунёнинг ўнлаб мамлакатларида бўлиб, малака ошириб қайтди. Хусусан, Хитой, Ҳиндистон, Туркия, Россия, Беларусь ва Қозоғистон олий ўқув юртлари билан алоқаларимиз ҳар қачонгидан мустаҳкам бўлди.

2024 йилда институт профессор-ўқитувчилари ҳамда иқтидорли талабалари томонидан қарийб 3 миллиард сўмлик 12 та амалий ва инновацион лойиҳалар бажарилди. Улар орасида Беларусь ва Германия билан ҳамкорликда амалга оширилаётган қўшма лойиҳалар бор.

Умумий қиймати 1,850 млрд. сўм бўлган "Наманган шаҳар транспорт инфратузилмасини такомиллаштириш бош режасини ишлаб чиқиш" лойиҳаси асосида вилоят марказининг транспорт инфраструктураси мақбуллаштирилмоқда.

2024 йил январ-декабрь ойларида профессор-ўқитувчилар томонидан 3 та DSc ва 35 та PhD диссертация ҳимоя қилинди. 34 нафар профессор-ўқитувчидан 4 нафари профессор, 30 нафари доцент илмий унвонларини олди.

Талабаларимизнинг ишлаб чиқариш амалиёти мамлакатимиздаги йирик корхона ва компаниялар, қурилишларда ўтказилиши одат тусига кирди. Жумладан, “Ўзбекгидроэнерго” жамияти томонидан Уйчи туманида қурилаётган кичик ГЭСлар тармоғи, Next Solar Energy Group хорижий корхонаси Попда барпо этаётган 500 мегаваттли қуёш электр станциясида ёшларимизнинг амалиёти жуда самарали кечди.

Наманган муҳандислик-қурилиш институтида бугунги кунда 10 минг нафарга яқин талаба таҳсил олмоқда. Улар орасида зукко ва билимдон талабалар кўплигидан қувонамиз. Яқинда 6 нафар талабамиз Президент, Ислом Каримов ва Беруний номли давлат стипендиялари соҳиблари бўлгани эса яна бир қувончимизга сабаб бўлди.

Азиз дўстлар!

Мен бу каби натижаларни яна узоқ санаб ўтишим мумкин. Буларнинг барчасида институт жамоаси ва талабаларининг муносиб ҳиссаси бор. Тилагим — давлат раҳбари томонидан “Атроф-муҳитни асраш ва „яшил“ иқтисодиёт йили” деб эълон қилинган 2025 йилда муваффақиятларимиз сони ва салмоғи бундан ҳам кўп бўлсин. Фаолиятимизга кўз тегмасин, оилаларимиз тинч-омон бўлсин.

Янги йил барчамизга муборак бўлсин!

#Video

NamMQI media markazi taqdim etadi: Institut ishchi-xodimlariga viloyat hokimining Yangi yil sovgʻalari topshirildi.

📚"Kitob karvoni" loyihasi Xorazmda oʻtkazildi

Namangan muhandislik-qurilish instituti Yoshlar ittifoqi Boshlangʻich tashkiloti Transport fakulteti koordinatori Asadbek Bekchonov tomonidan "Kitob karvoni" loyihasi tashkil etildi. Ushbu aksiyada institut talabasi Murodjon Qoʻziboyev ham ishtirok etdi.

Loyiha davomida faol koordinatorlar tomonidan oʻzlari tahsil olishgan Bogʻot tumani Ixtisoslashtirilgan maktabi direktori Sharofat Allaberganova va oʻqituvchi Muhayyo Quramboyevaga institutning tashakkurnomasi hamda kitoblar ulashildi.

#Xushxabar

NamMQI matbuot kotibiga “Namangan iftixori” mukofoti topshirildi

Namangan shahridagi “Shodiyona” tantanalar majmuasida “Namangan iftixori-2024” taqdirlash marosimi bo‘lib o‘tdi.

Yangi yil arafasida ilk bor o‘tkazilgan ushbu bayram tadbiriga madaniyat, sport, OAV va turizm sohalarida mehnat qilib, viloyat ijtimoiy-siyosiy hayotida faol ishtirok etib kelayotgan bir guruh namanganliklar taklif etildi.

Ulardan 35 nafarining mehnati alohida e’tirof etilib, viloyat hokimi boshchiligidagi sektor rahbarlari tomonidan maxsus statuetka va pul mukofotlari tantanali ravishda topshirildi.

Quvonchli tomoni, “Namangan iftixori” sifatida taqdirlanganlar orasida Namangan muhandislik-qurilish instituti matbuot kotibi Azizbek Abduvaliyev ham bor.

Tabriklaymiz!

Professor-oʻqituvchilar uchun oʻquv seminarlari tashkil etildi

Institut rektori tomonidan talabalarning qishki taʼtili davrida professor-oʻqituvchilar uchun oʻquv seminarlari tashkil etish boʻyicha jadval tasdiqlangan boʻlib, bugundan ushbu jadval asosida fakultetlar kesimida seminarlar boshlab yuborildi.

Seminarlar oʻquv ishlari boʻyicha prorektor Qahramon Inoyatov, Oʻquv-uslubiy boshqarma boshligʻi Tohirjon Joʻrayev hamda Taʼlim sifatini nazorat qilish boʻlimi boshligʻi Bahriddin Jamalov tomonidan oʻtkazilmoqda.

Seminarlarda oʻquv jarayonlariga kredit-modul tizimini toʻliq joriy etish masalasi koʻrilib, vazirlikning joriy yildagi oʻquv jarayoniga oid buyruqlari mazmun-mohiyati tushuntirilmoqda. Professor-oʻqituvchilar tomonidan berilgan savollarga batafsil javoblar berilmoqda.

NamMQI media markazi

Yenching Global Symposium 2025 in China (YGS China 2025)

Davlati: Xitoy
Manzil: Yenching Academy , Peking Universiteti
Forum vaqti: Aprel 17-20, 2025-yil
Hujjat topshirish muddati: 2-yanvar 2025-yil

Qoplab beriladi:
- Aviachipta
- Bepul turarjoy (Accomodation)
- Jamoat transporti (Public Transportation)
- Oziq-ovqat

Kimlar uchun:
- Barcha millat vakillari
- Kuchli yetakchilik qobiliyatiga ega yoshlar
- IELTS (Ixtiyoriy)
- Bakalavr bitiruvchilari
- Bakalavr bitiruvchi kurs vakillari

Talab etiladigan hujjatlar:
- CV (Resume)
- Online YGS Application Form
- Video Essay (1 daqiqa)
- Qisqa Essay Savollariga Javoblar

Murojaat uchun: +998 50 004 73 38, Saidahror Saidakbarov
Ma'lumot uchun: Institut 1-o'quv binosi, Xalqaro hamkorlik bo'limi

NamMQI olimlari ishlab chiqqan Namangan shahri yoʻl-transport infratuzilmasini rivojlantirish bosh rejasi xalq deputatlari viloyat Kengashi tasdigʻiga kiritiladi

Namangan shahrining transport va yoʻl-transport infratuzilmasini rivojlantirish boʻyicha ishlab chiqilgan Bosh reja xalq deputatlari viloyat Kengashiga tasdiqlash uchun kiritilishi belgilab qoʻyilgan.

Shunga muvofiq, Namangan muhandislik-qurilish instituti professor-oʻqituvchilari tomonidan ishlab chiqilgan Bosh rejani xalq deputatlari Kengashiga qoʻyish boʻyicha shahar kengashida muhokama yigʻilishi boʻlib oʻtdi.

Yigʻilishda loyiha boʻyicha qilingan ishlar yuzasidan hisobot berildi va savol-javoblardan soʻng xalq deputatlari viloyat Kengashining 27-dekabr kuni boʻlib oʻtadigan navbatdagi sessiyasiga qoʻyilishi yuzasidan qaror qabul qilindi.

Institutda viloyat YHXB vakillari bilan hamkorlikda targʻibot tadbiri oʻtkazildi

Mashinasozlik fakultetida “Yoshlar haftaligi” doirasida viloyat IIB Yoʻl harakati xavfsizligi boshqarmasi bilan hamkorlikda targʻibot tadbiri oʻtkazildi.

Tadbirda YHXB axborot xizmati boshligʻi Botir Boymirzayev talabalarga yoʻl harakati qoidalariga kiritilgan oʻzgartirish hamda qoʻshimchalar toʻgʻrisida batafsil maʼlumotlar berdi.

Shuningdek, boshqarma vakillari tomonidan Yangi yil bayrami arafasida pirotexnika vositalaridan foydalanmaslik boʻyicha tushuntirish ishlari olib borildi.

Uchrashuv yakunida talabalar oʻzlarini qiziqtirgan savollarga mutaxassislardan javoblar olishdi.

NamMQI media markazi

Oʻzbekiston Respublikasi Konstitutsiyasining 32-yilligi muborak boʻlsin!

Namangan muhandislik-qurilish instituti professor-oʻqituvchilari, ishchi-xodimlari va talaba-yoshlarini Oʻzbekiston Respublikasi Konstitutsiyasining 32-yilligi bilan tabriklaymiz.

Vatanimizni tinchlik-osoyishtalik, xonadonlarimizni fayz-baraka tark etmasin.

Oʻqish va ishlaringizda doimo muvaffaqiyatlar yor boʻlsin!

Namangan muhandislik-qurilish instituti rektorati

#Transport_fakulteti
#Konstitutsiya_32

Namangan muhandislik-qurilish instituti Transport fakulteti professor-oʻqtuvchilari, dekan oʻrinbosari va fakultet koordinatori tomonidan O‘zbekiston Respublikasi Konstitutsiyasining 32 yilligiga bag‘ishlab tayyorlagan videorolik.

Video by: Asadbek Bekchonov

Muhandislik kommunikatsiyalari fakulteti Kengashining navbatdagi yigʻilishi boʻlib oʻtdi

Yigʻilishda fakultet dekani, dekan oʻrinbosarlari, kafedra mudirlari va professor-oʻqituvchilar ishtirok etdi. Fakultet dekani Nozimjon Ortiqov yigʻilishni ochdi va olib bordi.

Yigʻilish davomida hukumat va vazirlik topshiriqlari hamda institut rektori buyruqlarining fakultetdagi ijrosi, kafedralarning 2024-yil davomidagi reyting koʻrsatkichlari, ilmiy-metodik yoʻnalishdagi amaliy ishlar hamda hoʻjalik shartnomalarining bajarilishi yuzasidan hisobotlar muhokama qilindi.

Shuningdek, fakultet professor-oʻqituvchilari va yosh olimlarining xorijiy safarlari boʻyicha hisobotlari ham tinglandi.

Yigʻilish yakunida amalga oshirilgan ishlar natijalari baholandi va kelgusidagi vazifalar kelishib olindi. Yoʻl qoʻyilgan kamchiliklarni bartaraf etish boʻyicha koʻrsatma hamda tavsiyalar berildi.

NamMQI media markazi

Transport fakultetining ijara xonadonlarida yashayotgan talabalari xolidan xabar olindi

Transport fakulteti dekan oʻrinbosari Gʻayratali Tuxliyev va tyutor Qobiljon Soliyev Furqat mahallasidagi xonadonlarda yashayotgan fakultetning bir guruh talabalaridan xabar olindi.

Talabalarga xonadonda yaratilgan imkoniyatlar, ularning yashash sharoitlari koʻzdan kechirildi. Ularning oʻqish jarayonlari bilan bogʻliq fikrlari oʻrganildi.

Yoshlar yongʻin va texnika xavfsizligi qoidalari hamda yoʻriqnomalari bilan tanishtirildi.

Shuningdek, huquqbuzarliklarga yoʻl qoʻymaslik, boʻsh vaqtdan unumli foydalanish, turli ijtimoiy-siyosiy tadbirlardan faol boʻlishga targʻib etildi.

NamMQI media markazi

“Qoʻqon” erkin iqtisodiy zonasida faoliyat koʻrsatayotgan “BNBM Building Materials Central Asia” Oʻzbekiston-Xitoy qoʻshma korxonasi vakillari bilan uchrashuv oʻtkazildi

Uchrashuvda qoʻshma korxona ofis bosh menejeri Liu Bin Lubin, ofis menejeri Asliddin Botirov, menejer Neʼmatillo Osmanov, institut oʻquv ishlari boʻyicha prorektori Qahramon Inoyatov, Marketing va talabalar amaliyoti boʻlimi boshligʻi Otabek Jalolov ishtirok etdi.

Uchrashuv davomida institut bilan korxona oʻrtasida hamkorlik shartnomasini tuzish, professor-oʻqituvchilar stajirovkalarini tashkil etish, bitiruvchilar bandligini taʼminlash, amaliyotlarni tashkil etish va uzoq muddatli oʻzaro hamkorlikni yoʻlga qoʻyish boʻyicha kelishib olindi.

Mehmonlar talabalarga yaratilgan sharoitlar hamda “Kimyo muhandisligi” kafedrasi laboratoriya xonalari bilan yaqindan tanishdi.

#Video

NamMQI media markazi taqdim etadi: Institutda Xalqaro talabalar kuniga bagʻishlangan tadbirlarning toʻliq tafsiloti.

NamMQI media markazi fotogalereyasi: Institutda Xalqaro talabalar kuniga bagʻishlangan osh tanlovi.

NamMQI media markazi fotogalereyasi: Institutda Xalqaro talabalar kuniga bagʻishlangan sport musobaqalari va taqdirlovlari.

NamMQI media markazi fotogalereyasi: Institutda Xalqaro talabalar kuniga bagʻishlangan tantanali tadbirga tayyorgarlik lahzalari.

Namangan muhandislik-qurilish institutida davlat bayrogʻi qabul qilingan kunga bagʻishlangan tantanali tadbir boʻlib oʻtdi

Tadbir Oʻzbekiston Respublikasi davlat madhiyasi bilan boshlandi. Institut birinchi prorektori Odiljon Jakbarov professor-oʻqituvchilar va talabalarni 18-noyabr — davlat bayrogʻi qabul qilingan sana bilan tabrikladi.

Ijtimoiy fanlar kafedrasi katta oʻqituvchisi Nigora Abdullajonova bayroqlar tarixi, ularning davlat ramzlari orasida tutgan oʻrni, milliy bayroqning qabul qilinishi oid faktlar haqida maʼruza qildi.

Institut talabalari Shahzoda Gʻulomjonova va Sarvinoz Nuriddinova bayroqqa bagʻishlangan sheʼrlarini ijro etdi.

Institutda davlat bayrogʻi qabul qilingan sanaga bagʻishlangan bayram tadbirlari davom etmoqda.

NamMQI media markazi

“Kitob karvoni” loyihasi Qurilish fakultetida

Namangan muhandislik-qurilish instituti Yoshlar ittifoqi Boshlangʻich tashkiloti tashabbusi bilan yoʻlga qoʻyilgan “Kitob karvoni” loyihasining keyingi manzili Qurilish fakulteti boʻldi.

Loyihada institut birinchi prorektori Odiljon Jakbarov, Qurilish fakulteti dekani Muxtorjon Mansurov, institut yoshlar yetakchisi Diyorbek Soataliyev va Yoshlar Kengashi aʼzolari ishtirok etdi.

“Xalqaro talabalar kuni” munosabati bilan tashkil etilgan anʼanaviy loyihaning qadriyatlariga asosan bu gal ham kutubxonaga 50 dan ortiq nodir va qimmatli kitoblar jamlanmasi topshirildi.

NamMQI media markazi

#bayroq33

Institutda davlat bayrogʻi qabul qilingan kun munosabati bilan chellenj oʻtkazildi

Ushbu chellenj Sanoatni axborotlashtirish fakulteti koordinatori Hayitboy Qodirqulov tashabbusi bilan tashkil etildi.

Chellenjda institut professor-oʻqituvchilari va xodimlari ishtirok etdi.

NamMQI yoshlar bilan ishlash, maʼnaviyat va maʼrifat boʻlimi boshligʻi Dadajon Dadaboyev ishtirokidagi brifing.

#Tayinlov

Rustamxon Kotibov Sanoatni axborotlashtirish fakulteti yoshlar bilan ishlash boʻyicha dekan oʻrinbosari etib tayinlandi

Rustamxon Kotibov 1994-yili Toʻraqoʻrgʻon tumanida tugʻilgan. Maʼlumoti oliy, 2018-yili Namangan muhandislik-qurilish instituti bakalavriati, 2021-yili magistraturasini tamomlagan.

Mehnat faoliyatini 2020-yili institut magistratura boʻlimi uslubchiligidan boshlagan. Shundan soʻng Qurilish fakulteti dekanati ish yurituvchisi, “Adolat” partiyasi Davlatobod tuman Kengashi raisi, Qurilish fakulteti yoshlar bilan ishlash boʻyicha dekan oʻrinbosari vazifalarida ishlagan.

Tayinlovga qadar Namangan muhandislik-qurilish instituti Sanoatni axborotlashtirish fakulteti tyutori boʻlib ishlab kelayotgandi.

Rustamxon Kotibov institut rektorining joriy yil 4-noyabrdagi buyrugʻi bilan Sanoatni axborotlashtirish fakulteti yoshlar bilan ishlash boʻyicha dekan oʻrinbosari etib tayinlandi.

NamMQI media markazidan short-video: Institutda oliy oʻquv yurtiga biriktirilgan texnikumlar direktorlari bilan uchrashuv boʻlib oʻtdi.

Namangan muhandislik-qurilish institutida oliy oʻquv yurtiga biriktirilgan texnikumlar direktorlari bilan uchrashuv boʻlib oʻtdi

Tadbirni institut rektori Sharifjon Ergashev ochdi va olib bordi.

Rektor oʻz chiqishida kasb-hunar maktablari oʻrnida texnikumlar tashkil etilishi bilan bogʻliq jarayonlarga toʻxtalib, bu boradagi asosiy maqsad va vazifalarga toʻxtaldi.

16 ta texnikumning har biriga institut tarkibidagi fakultetlar dekanlari biriktirilishi, kelgusi oʻquv yiliga qadar ushbu tizim toʻlaqonli shakllanishi zarurligi taʼkidlandi.

Institut mutasaddilariga texnikumlarga oʻquv-uslubiy ishlarda koʻmaklashish, adabiyotlar bilan taʼminlash, professor-oʻqituvchilarni mahorat darslariga yuborish, oʻquvchilarni auditoriyalar va laboratoriyalar bilan tanishtirish yuzasidan topshiriq va koʻrsatmalar berildi.

NamMQI media markazi

Iqtisodiyot va boshqaruv fakulteti dekani talabalar bilan muloqotda boʻldi

Iqtisodiyot va boshqaruv fakulteti dekani etib tayinlangan iqtisod fanlari doktori, professor Bahriddin Mahmudov auditoriyalarga kirib, talaba-yoshlar bilan muloqotda boʻldi.

Muloqot davomida dekan oʻzini tanishtirib, yoshlar bilan uzviy aloqada ekanligini bildirdi va telefon raqamlarini qoldirdi.

Yoshlarning dars jarayonlari va turar-joy bilan bogʻliq masalalarini tinglab, bildirilgan taklif va murojaatlar albatta koʻrib chiqilishini taʼkidladi.

NamMQI media markazi

Namangan viloyat FVB bilan hamkorlikda institut 1-TTJda yashovchi talabalar ishtirokida kuz-qish mavsumida isitish moslamalaridan to'g'ri foydalanish, tabiiy va texnogen tusdagi falokatlar vaqtida to'g'ri harakatlanish bo'yicha seminar tashkil qilindi.

Seminarda viloyat FVB boshqarmasi xodimlari, Yoshlar bilan ishlash, ma'naviyat va ma'rifat bo'limi boshlig'i D.Dadabayev, institut profilaktika inspektori S.Sherg'oziyev ishtirok etdi.

Talabalar mavzu yuzasidan o'zlarini qiziqtirgan barcha savollarga javoblar oldi.

NamMQI media markazi

NamMQI vakillari “Green University”da o‘tkazilgan seminar-treningda ishtirok etdi

Oliy ta’lim, fan va innovatsiyalar vazirining “Ekologiya, atrof-muhitni muhofaza qilish va iqlim o‘zgarishi sohasida kadrlar tayyorlashni amaliyot bilan muvofiqlashtirish to‘g‘risida”gi buyrug‘iga asosan “Green University”da seminar-trening o‘tkazildi.

Seminar-treningda institutning “Mehnat muhofazasi va ekologiya” kafedrasi mudiri Sh.Raxmanov, kafedra dotsenti Z.Mamajanov, kafedra katta o‘qituvchisi A.Turgunov ishtirok etishdi.

Seminar-treningda kafedra professor-o‘qituvchilari tomonidan universitet faoliyati, u yerda amalga oshirilgan ishlar bilan yaqindan tanishib tajriba almashdi.

#Tayinlov

Javlonbek Xolmirzayev Mashinasozlik fakulteti dekani etib tayinlandi

Javlonbek Xolmirzayev 1972-yili Namangan tumanida tugʻilgan. Maʼlumoti oliy, 1994-yili Namangan sanoat-texnologiya institutini tamomlagan. Texnika fanlari nomzodi, dotsent.

Mehnat faoliyatini 1994-yili Namangan sanoat-texnologiya institutida laboratoriya mudirligidan boshlab institutning oʻquv ishlari boʻyicha prorektorligigacha boʻlgan yoʻlni bosib oʻtgan.

Tayinlovga qadar Namangan muhandislik-qurilish instituti Yoʻl harakati xavfsizligi va muhandisligi kafedrasi dotsenti lavozimida faoliyat koʻrsatib kelayotgandi.

Javlonbek Xolmirzayev institut rektorining joriy yil 1-noyabrdagi buyrugʻi bilan Mashinasozlik fakulteti dekani etib tayinlandi.

Shavkat Mirziyoyev Turkiy davlatlar tashkiloti davlat rahbarlari kengashi majlisida ishtirok etish uchun 5−6-noyabr kunlari Bishkekda boʻladi

Majlis davomida qator qoʻshma qaror va hujjatlar, jumladan, Oʻzbekiston tashabbusi bilan ishlab chiqilgan Turkiy dunyo xartiyasi qabul qilinishi koʻzda tutilgan.

#Tayinlov

Bahriddin Mahmudov Iqtisodiyot va boshqaruv fakulteti dekani etib tayinlandi

Bahriddin Mahmudov 1966-yili Chust tumanida tugʻilgan. Maʼlumoti oliy, 1988-yili Toshkent politexnika instituti Namangan filialini tamomlagan. Iqtisod fanlari doktori, professor.

Mehnat faoliyatini 1989-yilda Toshkent politexnika instituti Namangan filialida assistentlikdan boshlagan.
Oʻtgan yillar davomida institutning turli fakultet va kafedralarida katta oʻqituvchi, dotsent, kafedra mudiri, dekan oʻrinbosari va dekan vazifalarida ishlagan.

Tayinlovga qadar Namangan muhandislik-qurilish instituti Transport fakulteti dekani lavozimida faoliyat koʻrsatib kelayotgandi.

Bahriddin Mahmudov institut rektorining joriy yil 1-noyabrdagi buyrugʻi bilan Iqtisodiyot va boshqaruv fakulteti dekani etib tayinlandi.

NamMQI media markazidan short-video: Institut kasaba uyushma qoʻmitasi sovrini uchun futzal boʻyicha musobaqalarning final bahslari.

🇺🇿 O‘zbekiston bolalar tashkiloti Boshqaruv Kengashi raisi Namangan muhandislik qurilish institutidagi o‘quvchi yoshlar uchun tashkil etilgan IT va robototexnika o‘quv kursida yaratilgan imkoniyatlar bilan tanishdi.

📱 Telegram 🔹Instagram 📱 Facebook  📱  YouTube  📱 LinkedIn

Namangan muhandislik-qurilish instituti ilmiy kengashining navbatdagi yigʻilishi boʻlib oʻtdi

Yigʻilishni institut rektori Sharifjon Ergashev ochdi va olib bordi.

Yigʻilishda Prezident farmonlari, hukumat qarorlari, vazirlik buyruqlari va Kengash bayonlari ijrosi, jismoniy va yuridik shaxslar murojaatlari tahlili, institutda “Oliy muhandislik maktablari" faoliyatini tashkil etish, talabalarni turar-joy bilan taʼminlash, institut moddiy-texnik bazasini mustahkamlash va oʻquv-laboratoriya uskunalari bilan jihozlash, professor-oʻqituvchilar monografiyalarini nashrga tavsiya etish, yosh olimlarning xorijiy oliy taʼlim muassasalaridagi ilmiy stajirovkalari yakunlari toʻgʻrisidagi masalalar koʻrib chiqildi.

Kengash koʻrib chiqilgan masalalar yuzasidan tegishli qarorlar qabul qildi.

NamMQI media markazi

Institut ilmiy kengashining navbatdagi yigʻilishi erishilgan yutuqlar eʼtirofidan boshlandi

Kengash aʼzolari Uchqoʻrgʻon sanoat-texnologiya texnikumi informatika fani oʻqituvchisi Zulxumor Imomovani “Professional taʼlim aʼlochisi” koʻkrak nishoni bilan taqdirlanganini qutladi.

Institutda bunday nishon va orden-medallar sohiblari safi yanada kengayishiga tilak bildirildi.

Shuningdek, ilmiy unvon olgan ustozlar va tanlovlarda gʻolib boʻlgan talabalar ham eʼtirof etildi.

NamMQI media markazi

#Taъзия

Иқтисод фанлари доктори, профессор Тоштурғун Эргашев 87 ёшида вафот этди

Тоштурғун Эргашев 1937 йилда Янгиқўрғон туманида дунёга келган. 1959 йили Ўрта Осиё политехника институти, 1964 йилда Москва кончилик институти аспирантурасини тамомлаган.

Меҳнат фаолиятини 1959 йили Ўзбекистон фанлар академияси кончилик бўлимида илмий ходим сифатида бошлаб, 1985 йилгача Иқтисодиёт институти илмий ходими, бўлим бошлиғи, Тошент халқ хўжалиги институти кафедра мудири, Фанлар Академияси мувофиқлаштирувчи кенгаши раис ўринбосари бўлиб ишлаган.

1985 йилда Тошкент политехника институти Наманган филиали директори этиб тайинланган. 1991—2006 йилларда ушбу филиал негизида ташкил этилган Наманган саноат-технология институти (1998 йилдан Наманган муҳандилик-педагогика институти) ректори лавозимида фаолият юритган.

2006 йилдан ҳозиргача Наманган муҳандислик-қурилиш институти Менежмент кафедраси профессори сифатида меҳнат қилиб келаётганди.

Институт жамоаси марҳумнинг оила аъзоларига чуқур таъзия изҳор этади.

#No_comment

NamMQI media markazidan qisqa video: Institutda “Yashil makon” loyihasi doirasida oʻtkazilgan navbatdagi koʻchat ekish aksiyasi.

Institutda “Yashil makon” loyihasi doirasida navbatdagi koʻchat ekish aksiyasi boʻlib oʻtdi

Namangan muhandislik-qurilish instituti hududida “Yashil makon” loyihasi doirasida navbatdagi koʻchat ekish aksiyasi boʻlib oʻtdi.

Unda institut rahbariyati, professor-oʻqituvchilar, tyutor va talabalar ishtirok etdi.

Aksiya davomida institut hududidagi boʻsh maydonlarga pavloniya, katalpa, archa va bodom koʻchatlari ekildi.

Kelgusi haftada 5 ming dona atirgul qalamchalari ekilishi rejalashtirilgan.

NamMQI media markazi

NamMQI vakillari Turkiyada ilmiy loyihalarda hamkorlik masalalarini muhokama qilmoqda

Institut Energetika muhandisligi kafedrasi dotsenti Muzaffar Murodov va katta oʻqituvchi Murodjon Nabiyev ayni paytda Turkiyada xizmat safarida boʻlib turibdi.

Vakillarimiz safarning birinchi Anqara shahridagi Gʻozi universitetining Elektr va elektronika muhandisligi boʻlimi professorlari Muslim Chengiz Taplamiogli va Cevad Rohibi hamda Karabuk universiteti professori Ziyodulla Yusupov hamrohligida ilmiy seminarda ishtirok etdi.

Seminardan koʻzlangan asosiy maqsad xalqaro ilmiy loyihalarda hamkorlikni yoʻlga qoʻyish, ilmiy konferensiyalar tashkil qilish va birgalikdagi olingan natijalar ishlamalarini nufuzli horijiy nashriyotlarda chop etish masalalari boʻldi.

#bayram_qutlovi

Hamisha oqlagay qasamyodini,
Ichki ishlarning mard, chin xodimlari!

#No_comment

NamMQI media markazidan qisqa video: Institutda “Talabalar ligasi” doirasida oʻtkazilgan badminton musobaqalari.

Institutda “Talabalar ligasi” doirasida badminton boʻyicha musobaqalar boʻlib oʻtdi

Institut sport majmuasida badminton boʻyicha talaba yigitlar va qizlar oʻrtasida musobaqalar boʻlib oʻtdi.

Unda barcha fakultetlarning kuchli jamoalar gʻoliblik uchun kurash olib bordi.

Yakuniy natijalarga koʻra, Transport fakulteti jamoasi birinchi, Mashinasozlik fakulteti ikkinchi va Muhandislik kommunikatsiyalari fakulteti jamoasi uchinchi oʻrinni egalladi.

NamMQI media markazi

NamMQI.uz | Telegram | Instagram | YouTube | Facebook