Postagens do Canal Ma'rifat_un Nafs

#Рамазон

От маррага яқинлашиб қолганида ғалаба қозониш учун бор кучи билан чопади. У сиздан кўра заковатлироқ чиқиб қолмасин тағин! Ишлар охири билан ўлчанади. Кутиб олишни қойиллатолмаган бўлсангиз ҳам хайрлашишни қойиллатинг!

✍🏻 Ибн Жавзий раҳимаҳуллоҳ

💎 𝐌𝐔𝐙_𝐃𝐀𝐋𝐈𝐅𝐀𝐀 | 𝐓𝐄𝐋𝐄𝐆𝐑𝐀𝐌

🟠Саҳобалардан бир киши масжидга кириб, Расулуллоҳ соллаллоҳу алайҳи васалламнинг муборак юзларида қувонч аломатларини кўрди.

🟠Расулуллоҳ соллаллоҳу алайҳи васаллам агар хурсанд бўлсалар, юзлари тўлин ойдан-да гўзал бўлиб кетар эди.

🟠Сизга ота-онам фидо бўлсин, ё Расулуллоҳ, соллаллоҳу алайҳи васаллам сизни нима бунчалик қувонтирди? — деди.

🟠Шунда соллаллоҳу алайҳи васаллам:

— Менга аввалги бирорта пайғамбарга берилмаган неъмат берилди.

🟠Умматимдан менга битта салавот айтганга Аллоҳ 10 та ҳасанот ёзиб, 10 гуноҳини кечиришини Жаброил айтдилар, — дедилар.

🟠Убай ибн Каъб ривоят қилган ҳадисда Расулуллоҳ соллаллоҳу алайҳи васаллам:

— Кимки кўп салавот айтса, Аллоҳ дунёда ғамларини кўтаради ва охиратда гуноҳларини кечиради, — деганлар.

🟠Бу ҳаёти дунёда мўминнинг иккита орзуси бор:
1. Ғамлари кетиши
2. Гуноҳлари кечирилиши

Ислом неъматини бериб, осон амаллар билан жаннатга ҳидоятлаган Аллоҳга чексиз ҳамдлар бўлсин.

🟠Бу йўлни бизларга ўргатиб, мўминларга гўзал намуна қолдирган Расулуллоҳга Аллоҳдан салому салавотлар бўлсин.

🟠Тилларингизни салавотлар билан хушбўй қилинг.

💎 𝐌𝐔𝐙_𝐃𝐀𝐋𝐈𝐅𝐀𝐀 | 𝐓𝐄𝐋𝐄𝐆𝐑𝐀𝐌

Ассаламу алайкум ва рохматуллоҳи ва барокатуҳ
Қиш фаслининг яна бир гўзал тонгги хайрли бўлсин.

Соғ–саломат уйғотган Роббимизга ҳамдлар бўлсин!

Хар тонг янги кунингиз кечаги кунингиздан хайрли,  файзли,  манфаатли ва баракалироқ бўлсин.

Аллоҳ розилигига етишишликни барчамизга насиб айласин!
Жаннати фирдавсийлар маконингиз бўлсин!

Муборак Рамазон ойи жумасининг барча хойриётлари барчамизга бўлсин.  Каҳф сурасини ўқишни унутманг.


𝐌𝐔𝐙_𝐃𝐀𝐋𝐈𝐅𝐀𝐀 | 𝐓𝐄𝐋𝐄𝐆𝐑𝐀𝐌

Тонги тунги дуолар

𝐌𝐔𝐙_𝐃𝐀𝐋𝐈𝐅𝐀𝐀 | 𝐓𝐄𝐋𝐄𝐆𝐑𝐀𝐌

• Ўз муваффақиятсизлигида ўзгаларни айблайдиган одамлар қўрқоқ ва дангаса бўлишади.
• Бунақалар доим бошқалар унга ёрдам бериши керак деган иддао билан яшашади.
• Ўз омадсизликларини эса "Ота-онам мени ўқитишмаган", "Ўша пайтда замон бунақа эди" деган баҳоналар билан хаспўшлашга уринишади.
• Аслида меҳнат қилган одам қандай замон ва маконда бўлишидан қатъи назар, албатта, бирор куни муваффақиятга эришади.
• Нолиш ва ўзгаларни айблаш фақатгина дангаса ва қўрқоқларнинг иши!

✍️ Вафо Мўмин

 
𝐌𝐔𝐙_𝐃𝐀𝐋𝐈𝐅𝐀𝐀 | 𝐓𝐄𝐋𝐄𝐆𝐑𝐀𝐌

🔴 ОХИРАТ МАВСУМИ БОШЛАНДИ

Ишбилармон савдогар савдо-сотиқ учун мавсумини пойлайди. Сезонгача дам олиб, сезон бошланиши билан ишга киришади. Бир сўмлик нарсаси ўн сўмдан сотиладиган кун ухламасдан, мижжа қоқмасдан савдо қилиб, роса пул топади, «соққа»ни босади.

Худди шунга ўхшаш ишбилармон тақводор киши ҳам охират сезонини пойлайди. Охират сезони келиши билан енг шимариб астойдил Аллоҳ билан савдо қилади. Пул қудрати синиб, «соққа» иш бермайдиган Кун учун савобни кўпайтиради.

ҚИЁМАТДА ФАҚАТ САВОБ ВА ЯНА САВОБ ФОЙДА БЕРАДИ.

ҲОЗИР БИР НЕЧА ДАҚИҚАЛАРДАН СЎНГ ОХИРАТ МАВСУМИ БОШЛАНАДИ!

ЛАЙЛАТУЛ ҚАДР УМИД ЭТИЛГАН РАМАЗОННИНГ ОХИРГИ ЎН КУНЛИГИ КИРИБ КЕЛАДИ.

БУ ОХИРАТИНИ ЎЙЛАГАН АҚЛЛИ ИНСОН УЧУН ЭНГ КАТТА МАВСУМ, ЭНГ ФОЙДАЛИ МАВСУМ!

Бу мавсумда бир кеча минг ойдан яхшироқдир.

﴿لَيْلَةُ الْقَدْرِ خَيْرٌ مِّنْ أَلْفِ شَهْرٍ﴾

«Қадр кечаси минг ойдан яхшироқдир!» дейди Аллоҳ.

Эътибор беринг, бир кеча минг кечага тенг, дейилмаяпти, йўқ! Балки бир кеча минг ойдан яхшироқ, афзалроқ, дейилмоқда.

Бозор тили билан айтганда, бир сўмлик нарсангиз минг сўмдан кўпроққа сотилади. Бир сўмлик нарса мингга тенг эмас, мингдан кўпроққа сотилади. Агар харидор қўли очиқ бўлса, минг эмас, икки мингни санаб беради, балким нақ уч минг, тўрт минг санаб бериши мумкин.

Худди шунга ўхшаш ولله المثل الأعلى бу кеча харидорингиз энг сахий, энг бой зот Аллоҳдир!

Ё Раб, бизларни шу баракотли, серфайз кечага етказганинг учун ўзингга ҳисобсиз шукур.

Илоҳо, бу саноқли кунлар ва тунлардан тўғри фойдаланишни бизга ҳам насиб эт...

Бу кечада бажариладиган асосий ибодатлар:

1. Хуфтон намози, таровеҳ ва тунги қиём.

2. Қуръон ўқиш.

3. Зикр.

4. Дуо, илтижо.

5. Истиғфор.

6. Масжидда эътикоф ўтириш. Истаганлар ўн кун, истаганлар бир кун эътикоф ўтириши мумкин. Бир неча соатга эътикофни ният қилиб, масжидда ўтирса бўлаверади, дейди олимлар.

7. Инсонлар қалбига қувонч улашиш.

Қўлингиздан келса, ҳар кеча шароитингизга қараб садақа беринг.

Жамоат билан намоз ўқиб бўлгандан кейин ўзингиз қўлингизга Мусҳафни олиб, яна намоз ўқийверинг.

«Тунги намоз икки ракаат, икки ракаатдан» дейилган ҳадисга биноан тундан тонггача икки ракаатдан намоз ўқисангиз бўлаверади.

اللهم أعنا على ذكرك و شكرك و حسن عبادتك

Жалол Иброҳим.

𝐌𝐔𝐙_𝐃𝐀𝐋𝐈𝐅𝐀𝐀 | 𝐓𝐄𝐋𝐄𝐆𝐑𝐀𝐌

Бахтли инсонларнинг 7 та махфий сири

1. Атрофдагилар сиз ҳақингизда нима деб ўйлашлари ҳақида бош қотирманг;
2. Бизнинг ҳар қандай фикру хаёлимиз, албатта, ҳаётга кўчади;
3. Ўзингизни борингизча қабул қилинг ва яхши кўринг;
4. Ўзингизни ҳам, бошқаларни ҳам танқид қилаверманг;
5. Меҳр-муҳаббат ҳадя этинг ва севган инсонингизни ўзгартиришга уринманг;
6. Аввало беришни, сахийликни, кейин эса олишни, қабул қилишни ўрганинг;
7. Камроқ ўйланг, кўпроқ севиб, шодликлардан баҳра олинг.

𝐌𝐔𝐙_𝐃𝐀𝐋𝐈𝐅𝐀𝐀 | 𝐓𝐄𝐋𝐄𝐆𝐑𝐀𝐌

​​Аллоҳнинг раҳмати

Aбу Ҳурайра розияллоҳу анҳудан ривоят қилинади: Расулуллоҳ соллаллоҳу алайҳи васаллам дедилар: Ким бир мўминнинг (бошидан) дунёвий ғам-ташвишини аритса, Aллоҳ таъоло унинг (бошидан) Қиёмат кунининг ғамини аритади. Ким қийналган кишига ёрдам берса, Aллоҳ таъоло унга дунё-ю Охиратда енгиллик-ёрдам беради. Модомики, банда биродарининг ёрдамида экан, Aллоҳ таъоло унинг ёрдамида бўлади. (Фойдали) илм талабида йўл босган инсонга Aллоҳ таъоло жаннат йўлини осон қилиб қўяди. Одамлар Aллоҳ уйлари (масжидлар)дан бирига йиғилиб, Aллоҳ китобини тиловат қилиб, уни ўзаро дарс қилиб ўргансалар, улар устига сакинат-ором туширилади, уларни раҳмат қоплайди ва фаришталар ўраб олади. Aллоҳ таъоло ўз ҳузуридагиларга уларни зикр қилади. Aмали секинлаштирган кимсани насл-насаби тезлаштира олмайди. (Яъни, солиҳ амали камлиги боис камолат рутбасида қосир бўлган кимса сабабли насл-насаб олийликка эришмайди. Оталари кўрсатган хизматлар уни кўтариб қўймайди).
Имом Муслим ривояти.

𝐌𝐔𝐙_𝐃𝐀𝐋𝐈𝐅𝐀𝐀 | 𝐓𝐄𝐋𝐄𝐆𝐑𝐀𝐌

اللَّهُمَّ إِنَّا نَسْأَلُكَ مِنْ خَيْرِ مَا سَأَلَكَ مِنْهُ نَبِيُّكَ مُحَمَّدٌ صلى الله عليه وسلم، وَنَعُوذُ بِكَ مِنْ شَرِّ مَا اسْتَعَاذَ مِنْهُ نَبِيُّكَ مُحَمَّدٌ صلى الله عليه وسلم، وَأَنْتَ الْمُسْتَعَانُ، وَعَلَيْكَ الْبَلَاغُ، وَلَا حَوْلَ وَلَا قُوَّةَ إِلَّا بِاللَّهِ.


Аллоҳим, набийинг Муҳаммад ﷺ сўраган нарсаларнинг яхшисини Сендан сўрайман. Ва набийинг Муҳаммад ﷺ паноҳ сўраган нарсаларнинг ёмонидан паноҳ сўрайман. Сен ёрдам сўралгувчи Зотсан, буюклик Сенга хосдир.

Термизий ривояти.

𝐌𝐔𝐙_𝐃𝐀𝐋𝐈𝐅𝐀𝐀 | 𝐓𝐄𝐋𝐄𝐆𝐑𝐀𝐌

Бир куни тобеъийнлардан бўлмиш Саид ибн Мусаййиб раҳматуллоҳи алайҳ одамлардан;

– Сизлар саҳобаларни қандай тасаввур қиласиз? – деб сўрадилар.

– Биз уларни доимо ибодатда, зикрда, тўғри, ҳалол амалларда юрган инсонлар деб тасаввур қиламиз, дейишди.

Шунда Саид ибн Мусаййиб:

– Сизларни улар ҳақида шундай тасаввурга эга бўлишингиз тўғри, аммо, сизлар саҳобаларни кўрганингизда, уларни “жинни“ деб ўйлаган бўлар эдингиз, дедилар.

Эшитганлар бу гапдан ажабланиб қараб қолишди. У киши сўзда давом этдилар:

– Бунга сабаб, саҳобалар кўчада қоплаб олтин тўкилиб ётган тақдирда ҳам заррача парволарига келмас эди. Ҳозирги одамларнинг назарида бу бепарволик жиннилик билан тенглаштирилади (инсонларни мол дунёга ўчлигини назарда тутдилар). Мабодо саҳобалар сизларни ҳолатингизни кўрганларида сиз ҳақингизда нима деб ўйлаган бўлар эдилар, биласизми?

Одамлар;

– Йўқ, билмаймиз, нима деб ўйлаган бўлар эдилар бизни кўрганларида? – деб сўрашди. Шунда Саид Мусаййиб шундай жавоб бердилар;

– Улар сизларнинг ҳолатингизни кўрганларида «Ҳойнаҳой, булар мусулмон бўлмасалар керак» деб ўйлаган бўлар эдилар, деб жавоб бердилар.

Ҳа, бу эса, бир минг уч юз йил илгариги ҳолат эди...

Ҳозирда саҳобалар (Аллоҳ улардан рози бўлсин) бизларни кўрганларида, биз ҳақимизда қандай фикрда бўлар эдилар? Сиз нима деб ўйлайсиз?

Аллоҳ ҳолимизни ислоҳ қилсин

@Маҳбубия

𝐌𝐔𝐙_𝐃𝐀𝐋𝐈𝐅𝐀𝐀 | 𝐓𝐄𝐋𝐄𝐆𝐑𝐀𝐌