قصائد الملا محمد باقر الخاقاني

قصيدة : بحق فاطمة
الرادود : محمد باقر الخاقاني
الشاعر : احمد الهلباوي

ــــــــــــــــــــــــــــــــــــــــــــــــــ
ادعي السما هل موزمه
يافاطر بحق فاطمه
وغربة علي داح الباب
عجل فرج مهدينا

ندعي ونشيل ايد الرجاء بعبره
ونقسم على الله بل ضلع والعصرة
يخلص رحيله ويرجع ابن الزهرة
هيچ ويرد المبتعد

يخضر حدر جدمه الورد
ويخلص حزن راعي الثار
ويرجع حكم والينا
يل تسأل شعنده ويرد من اجله
دين الوصي ينشره ويرجع عدله
ثاراته ياخذهه ويرجع حق اهله
چف العدل يعدل الحمل

ويرجع الحگ للأصل
بيسراه يشيل القران
وسيف الغضب بيمينه
گالو حچي الدم والملاحم عيفه
گتلهم الحگ مايرد من كيفه
وضلع امه ماينجبر الى بسيفه
ماينجبر ذاك الكسر
الا المسبب ينحفر
گبره ويصلبه على جذوع
وگبل القصاص يهينه

گالو يجي محمل ورد مو للثار
چا والضلع گلتلهم البيه بسمار
چا والعيون اليصبن دم حار
هوه العلم وچف السلم

لاكن يكنه المنتقم
لويرجع وبيده ازهار
المن تصب دم عينه
والنفى ثار الطاهره
يصيح هناك
رد يبن فاطم مالي حاجه وياك
ذاك الوكت ذاك اليبايع من ذاك
بس الجزع گلبه وفزع
ويلطم على الزهره بوجع
وناح على ابنها العطشان
وغربة دموع سكينه

ياربي خذنه من الفتن هاي بعيد
واحشرنا خلف المنتضر ايد بايد
ونخدمه ونعينه على الثار نريد
ثار الجسد وثار المهد
وثار العطش وام الولد
وثار السبوهن بحبال والگطعو چفينه

ـــــــــــــــــــــــــــــــــــــــــــــــــــــــــ

@MuhammadBaqerAlKhaqani

القصيدة : خير امة
الرادود ؛ : محمد باقر الخاقاني
الشاعر : احمد الهلباوي

ــــــــــــــــــــــــــــــــــــــــــــــــــــــــــ

خير امة اخرجت
للناس بنو طه ولاغير
ليس كالتي اسرجت
خير الشر عدوانا على الخير

من وصف رب الجلاله
بل الرسول الهادي واله
يعني مايشمل كلامه
الحاربوا بيت الرساله
امة متفرقها وعمرها
ماجمعها الى كفرها

بضلع محني استنصرتهم
فاطمة ومحد نصرها
قليله انصار حامي الجار
والامة هجمت عل دار
الماشارك بحرگ الباب
ضل يتفرج على النار


السلام على اهل بيت النبوة
السلام على اهل بيت النبوة
ــــــــــــــــــــــــــــــــــــــــــــــــــ
ياالهنا اهدنا
صراط الذين انعمت عليهم
ان فاطما عندنا
هم عندهم المغضوب عليهم

الله من بدء الخليقة
بين الدس والحقيقة
علي دين الستقامة
واليبغضة اعوج طريقة
الحرگو الباب بيديهم
نصف معنه الايه بيهم
اليغضب الباري الغضبها
مشت غضبانه عليهم

المضل والضال بيي يدرون
رفس باب اشرف اهل الكون
الله انعم على الزهراء
وغضب عالسامري الملعون


السلام على اهل بيت النبوة
السلام على اهل بيت النبوة

ــــــــــــــــــــــــــــــــــــــــــــــــــــــــــــ
ان فعل من يكفر
بالطاغوت هذا محض ايمان
في حسابه يحبر
يجزي ابوحسن باحسان

الرشد يعني نوالي حيدر
ونبرا من الغي الكبر
وننعل اول طاغي بيده
ضلع من فاطم تكسر
ضالم العترة الشريفة
البيدة زاح اول خليفه
يااسم يرهمله عدنا
غير طاغوت السقيفه

هذا الطاغي بل القران
واكبر صورة للطغيان
من نادئ وان عل باب
وبيده مشعل النيران


السلام على اهل بيت النبوة
السلام على اهل بيت النبوة
ـــــــــــــــــــــــــــــــــــــــــــــ
في كتابه المحكم
قال الله سبحانه الذي قال
اجر احمد الكرمي
ماهو غير ود الامي واللال

الامه مانصفت بيهه
رغم كل عطفة عليها
وماطلب غير المودة
بفاطمة الزهرا وبنيها
روعوها بللا جريره
وتشهد الضلع الكسيرة
ضهرو الغل والعداوة
ضد علي ونكرو غديره

العتبة والجدار شهود
هذا الصار فعل يهود
الضلع ماينجبر ويطيب
الى برجعة الموعود

وان كسر الضلع ليس ينجبر
الى بصمصام عزيز مقتدر
ــــــــــــــــــــــــــــــــــــــــــ
@MuhammadBaqerAlKhaqani

ــــــــــــــــــــــــــــــــــــــــــــــــــــــ
📜 القصيدة: دَمعة الرباب
🎤 أداء: الملا محمد باقر الخاقاني
🖋 كلمات: محمد حسن ضيغم
ــــــــــــــــــــــــــــــــــــــــــــــــــــــ

يا حسين بدمعة الرباب وعرس الشباب جيت بألم
انا عايش وانت عالتراب بدم الخضاب وانا بهدم

يلوموني ابچي دمع .. لو بيدي اكسر ضلع
كل همي ام الحسين .. تخليني وياها انجمع
حسين حبيب يامولاي ..
حسين حبيب يامولاي ..
حسين غريب يامولاي ..
ــــــــــــــــــــــــــــــــــــــــــــــــــــــ

حگه عابس جننه الجنون نور العيون شافك عجب
نظرة منك تنخلق جنان حبك امان يطفي اللهب

من عابس خذنا الدرس .. كل نظرة لعينك شمس 
عبادك جن وانس .. مرهونه بيك النفس
حسين حبيب يامولاي ..
حسين حبيب يا مولاي ..
حسين غريب يامولاي ..
ــــــــــــــــــــــــــــــــــــــــــــــــــــــ

أنا بالذر أندبك حسين انت الحنين دونك أضيع
خادم بتعزيتك ارد اصير عبد وأسير بجاه الرضيع

احسبني من الخدم .. بلياها ابقى بندم
كل دمعة لحرگ الخيم .. بسنيني ترفع علم
حسين حبيب يامولاي ..
حسين حبيب يا مولاي ..
حسين غريب يامولاي ..
ــــــــــــــــــــــــــــــــــــــــــــــــــــــ

انا ادري واقع الحساب وكل العذاب و وادي سقر
للي ما هل دمعة للرضيع وجسم الصريع وذاك النحر

الماشايل طف كربلا .. گلبه وسبي العايلة
الجنة لا مو اله .. يترافگ وي حرملة
حسين حبيب يامولاي ..
حسين حبيب يا مولاي ..
حسين غريب يامولاي ..
ــــــــــــــــــــــــــــــــــــــــــــــــــــــ
@MuhammadBaqerAlKhaqani

ــــــــــــــــــــــــــــــــــــــــــــــــــــــــ
📜 القَصيدة:گلبي عَلىٰ بَعدچ
🎤 أداء:مُحمّد بَاقِر الخَاقانيّ
🖋 كلمات: السَيّد انور المُوسوي
ــــــــــــــــــــــــــــــــــــــــــــــــــــــــ
واه اُمّاه.. واه اُمّاه
ــــــــــــــــــــــــــــــــــــــــــــــــــــــــ
گلبي اعله بُعدچ يسعر غَليله
مُو گد حِملها الفرگة الطويلة
ليا هم يَيُمّه عفتي العقيلة؟
مِن هذا الفراگ عندچ دَخيله
ليل بغيابچ بيا عين انامه؟
تِنام بدمعها عيون اليِتامىٰ
يترك رَحيلچ بينا عَلامة
بگد ما وجودچ چان إبتسامة
واه اُمّاه.. واه اُمّاه
ــــــــــــــــــــــــــــــــــــــــــــــــــــــــ
مَا تفگد الناس اُم بحنانچ
وبالدِنيا يا اُم تاخذ مكانچ
يا مَأمن الكُون ظالم زِمانچ
ليش ويّ ولدچ ضايع امانچ؟
شضل بحياتي وراحت حَياتچ !!!
ما راحت وِياچ شو ذكرياتچ؟
وعُطر المَحنّة بعده بعباتچ
وشِما اشمّها تُكبر غَلاتچ
واه اُمّاه.. واه اُمّاه
ــــــــــــــــــــــــــــــــــــــــــــــــــــــــ
تُمرّ ذكرياتچ مِن يلفي ليلي
وكِل ذكرىٰ يُمّه تِهدّملي حيلي
صُوت لدمعتي وسَكتة عَويلي
يا يُمّه ويصيح ب اسمچ دِليلي
عفتيني يُمّه وخَمسة سنيني
بلا شُوفتچ بيش اقنعها عيني؟
ارجعيلي سَاعة وارحمي حَنيني
ولو لحظة وِحدة بحُضنچ خُذيني
واه اُمّاه.. واه اُمّاه
ــــــــــــــــــــــــــــــــــــــــــــــــــــــــ
شِلون ابقىٰ دُونچ لحدّ المِنيّة؟
بس اني عِندي مِنّچ وصيّه
آخذ مكانچ بالغاضرية
واحَملها وَحدي جبال الرِزيٌة
مرّتين افگدچ هاي الاذية
عِندي شبيهة ادفنها ب اديه
اوّل حياتي جَرح الزچية
وآخر حَياتي افگد رُقيّة
واه اُمّاه.. واه اُمّاه
ــــــــــــــــــــــــــــــــــــــــــــــــــــــــ
@MuhammadBaqerAlKhaqani

ــــــــــــــــــــــــــــــــــــــــــــــــــــــ
📜 القصيدة: شَريك الحُسين
🎤 أداء: محمّدبَاقِر الخَاقانيّ
🖋 كلمات: أبو احَمد الخيگاني
ــــــــــــــــــــــــــــــــــــــــــــــــــــــ
مَولاي .. ياحَسن .. مَولاي
ــــــــــــــــــــــــــــــــــــــــــــــــــــــ
لا وحَگ جِروح اُمّك فَاطِمة
يا شَريك حسين بجروح وضِمه
بكَربله مَوجود مَولاي الحَسن
عَوض عَنّك إبنك تِحنّه بدِمه
يا بيت الكَرم.. لجروح الحَرم
إرزقني دَمع وجمرة إعله الخِيم
وغيرة إعله الخِدر مِن بيت الشِيم
مِن جروحك اريد حَسرات والم
مِن الطم إعله عيوني سَيّدي يِلوموني
انتَ مَالك رُوحي ويّ العَبيد اخذوني
مَولاي .. ياحَسن .. مَولاي
ــــــــــــــــــــــــــــــــــــــــــــــــــــــ
ياجَريح لحال إختك بالطفوف
توسّليتك سَيّدي بأعظم چفوف
مَدد يامولاي ولحدّ الجَزع
ع الرِجع مَكسور ظَهره ومايشوف
الطم إله جَزع مِن جَرح النهر
احسبها قَليل لو امشي دَهر
إتعنّىٰ الظعون الرِجعت مِن سفر
يمَضيّف اليزور الضَامي والگُمر
كل يَقيني بهاية تِعتني مَشّاية
تِعتني وي الزَهرة تجي وشَايل رَاية
مولاي .. ياحَسن .. مَولاي
ــــــــــــــــــــــــــــــــــــــــــــــــــــــ
مِن غَرام البيك ارسملك بَقيع
حَاضن جِروح الأخو جَرح الرَضيع
بي سوالف مِن جِروح مدلّلات
مِن اتيهن مِن جِروحك آنه اضيع
بجاه اُم الگُمر توسلّتك مَدد
بدِموع الرَباب و العاف المَهد
تِحسبني عَبد عندك للابد
كِل جَرح وسَهر أحلى مِن الشَهد
الكَرم يگصد بابك شويّة مِن ترابك
ويّ تراب الضَامي يِزيد جَرح أحبابك
مولاي .. ياحَسن .. مَولاي
ــــــــــــــــــــــــــــــــــــــــــــــــــــــ
عَلىٰ ترابك شِفت جَرح مِن الحَبل
وجَرح ليل وسَفر ورِچاب الهِزل
ورِسم دَمع اختك خرابة ودَرب شام
مِن اجتّك مِن سَبي المّاينحمل
يَم گبرك إجت تشكي ما جَرىٰ
يا دَمع النزل دَمع مخدّره
طُلعت بالخِدر تردّ ميسّرة
جَابتلك تراب بي دَم منحره
ــــــــــــــــــــــــــــــــــــــــــــــــــــــ
@MuhammadBaqerAlKhaqani

ــــــــــــــــــــــــــــــــــــــــــــــــــــــــ
📜 القَصيدة:مُهجة عَلي
🎤 أداء:مُحمّد بَاقِر الخَاقانيّ
🖋 كلمات: سيّد مُرتضىِ اليَاسِري
ــــــــــــــــــــــــــــــــــــــــــــــــــــــ
مَولاتي يا مُهجة عَليْ
ــــــــــــــــــــــــــــــــــــــــــــــــــــــ
حِملي إعله مَتني.. خاَيف يهدّني
وين اليلمّني اصيح
بز‌هرة مُحمًد.. د‌لّالي رَدّد
لا گلبي يِبرد و اطيح
نَاديت ياخَير النِسا
يالنَظرتچ نِعمة.. يا ر‌‌حمة الر‌َّحمة ..مَا يِندل الاعمىٰ
يمغطّيه جِبريل بكسا
بالرَحمة غَطّيني..سائل تُطعميني..أُم و ترحميني
يالنَظرتچ چانت قبل .. مَلجأ عَلي وسيّد الرُسل
تحمّلهم الو‌ادم حِزن .. نظراتچ تزيح الحِمل  !
حِزن لحِزنهُم رِدته ألي
مَولاتي يا مُهجة عَليْ
ــــــــــــــــــــــــــــــــــــــــــــــــــــــــ
سَاعي لنِعمتي.. و جَاي بدَمعتي
لمَصدر رحمتي و اگول
إعليها اتكّالي.. التِدري بسُؤالي
تغيّرلي حَالي البتول
تعنّيت مِن باب الد‌َمع
دَمع الچ أتبدّه..چي گلبچ يِسعده..و منعوچ مِن عِنده
بَس انتِ جرحچ ينمنع
مِن بَلسم دِموعه..و العَابت ضِلوعه..حَقّه البَچي بِ لُوعة
دَمعي مَراسيل يِهمي .. اترجّه انعدّ فَاطِمي  !
اكره حَياتي بِلا حِزن .. ومِن غَفلتي بيچ احتمي
گلبي إعله حَاله تقبّلي
مَولاتي يا مُهجة عَليْ
ــــــــــــــــــــــــــــــــــــــــــــــــــــــــ
گلبي بطَريقه.. لَأكبر حقيقة
بس لا يعيقه زَمان !
و ما يِكفي عُمري.. يِأخّرني دَهري
و مَا ينطي ادري امان
هِد ايدي اصيحن يازَمن
لمَولاتي اريد امشي..و ما اعاين لكِلشي..ابچي لَحدّ نَعشي
ما خَادُم انا اُم الحَسن
ومِحاول اخَدِمها..يا دَهر ظالمها..زينب تِيتّمها
عَافت يِتاماها ومِشت.. وحِيدر عيونه تغرّبت
كَسرة ضِلع اُم الحَسن .. بمَگفه الصُميده بيّنت
حِزنه حِلم مُستقبلي
مَولاتي يا مُهجة عَليْ
ــــــــــــــــــــــــــــــــــــــــــــــــــــــــ
@MuhammadBaqerAlKhaqani

على حب فاطمة ع

https://youtu.be/RmfUnt3XtqU

على حب فاطمة ع

فاطمة اختياري _ مصطفى اللامي _ موكب الرأس الشريف ع
https://youtube.com/watch?v=SZgdRqI_4iA&feature=shared

خوش قناة على بركه الله

https://t.me/baqri_7

على حب سيد الشهداء (ع)

https://youtu.be/iTE4HDYwV4k

لله نور جانب النهر تجلى
مذ سلم العباس بالسيف وصلى
بدر توارى بالرمال
وذا جمال في جمال
وفيها نور ذي الجلال تجلى
بدر توارى بالرمال
وذا جمال في جمال
وفيها نور ذي الجلال تجلى
بارينا كان من الازل اعظم واعز واكرم واجل
من ان يحيطون بزمن او ان يحدونه بمحل
لكن تجلى بكربله النور التجلى للجبل
محظر جماله ورحمته من يسكي الاطفال
ومظهره جلاله ونقمته من يفني الابطال
مثل صفات الله الذي ليس له مثل
مثل النسيم على الخيم لاجنه لو رايد يكر
جن ريح صرصر عاتيه في يوم نحس مستمر
بطشه شديد على كفر وشكد رحيم على خدر
مثلت صفات الله الذي ليس له مثل
سبحان من عز فلا عبن تراهُ
وقد اتئ العباس كي نعلم ماهو
عبد الاله المتعال
سما فجسد الكمال
وفيه نور ذي الجلال تجلى
بدر توارى بالرمال
وذا جمال في جمال
وفيه نور ذي الجلال تجلى
...........................
سر الله بالغيب انستر حدما تجلى على النهر
وبكلبه من صابه السهم سالت مناجاة السحر
وزينب تعنتله شمس لاجنها مكسورة ظهر
وتنادي وين اتوسدت يانور العيون
يتلاكن ويا للعجب يتلاكن شلون
ولا الشمس ينبغي له ان تدرك القمر
جمرة الغير على النهر وام العفاف الزيني
من حكها تمشيله وهو الكاللها كومي بشاربي
ودار الفلك بس بالعكس شطلع بهليل الشمس
ولا الشمس ينبغي له ان تدرك القمر
عنك سنمضي للسبا ياغضبة الله
وهون الخطب بان نسبى بمراه
خدر على عجف الجمال
يطوي سهول وجبال
وفيه نور ذي الجلال تجلى
بدر توارى بالرمال
وذا جمال في جمال
وفيه نور ذي جلال تجلى
...........................
من المهر لمن هوى ناحت عليه ال قل هو
ما ادري بجروح الكمر تنزف دما والا ضوه
وشنهو اللي طايح عالنهر كلب اخته لو هذا اللوا
هب ريح وجربته باجتافه غيمه
وبجوده يترس ماي لو حلم اليتيمة
وتالي تبدت جربته وحلم طفل سوا
لمن تعنى العلكمي ارتفعت بشاير بالخيم
وعيون عبدالله تميل اشما غد يميل العلم
ضن يرتوي من جربته والسهم خيب حسبته
وتالي تبدت جربته والحلم طفل سوا
حكى السخه جوده كما وكيفا
ما رد ضيفا مذ اتاه السهم ضيفا
في قلبه غر خصال
فيه نبال ونبال
وفيه نور ذي جلال تجلى
بدر توارى بالرمال
وذا جمال في جمال
وفيه نور ذي الجلال تجلى
..............................
العباس مراة العقل يعكس فضل رب الفضل
بالسيف لو راسه انفصل الغيره البيه ما تنفصل
جسمه بقه بجنب النهر والراس راح ويه الهزل
امر الكفاله والخدر ما لحظة فاته
ميت لجن راسه مشه يباري خواته
ويعين زينب بالسفر من يثكل الحمل
راسه ويه راس حسين اخوه ولسن كلبها واطمئن
والراس يوكف علرمح لو طفل طاح من الضعن
راس الاخو مثل الجسد بي تنتخي وكت الشدد
ويعين زينب بالسفر من يثكل الحمل
من كربلاء راسه للشام سارا
فوق الرماح ساهراً يرعى الاسارى
حامل للربات الحجال
ذا راسه فوق النصال
وفيه نور ذي الجلال تجلى
قمر بني هاشم مولاييي
شاعرها/ميرزا عادل الاشكناني

@MuhammadBaqerAlKhaqani

اسجل بالاسامي وبالي يمها
ضليت اكتب وامسح باسمها
مكتوب تبلل من كد ما اوده
دمع اتكلي اخذها... ودمع اتكلي ردها
..........
سجلت اسامي القافلة بشفافي شد حيله الضما
غارك بشط المستحى ساعدني يارب السما
كلما نويت اكتب اسم اترك فراغ لفاطمة
ما حاسبها ما حاسبها
بس حتى اخفي جروحي وتعبي
وبخير يضل ايدك كلبي وارحم روحي
كلت اكتبها.... بضلام
شلون اجرحها محتاجتني بهاي الشده
ومتوقعه تمشي اول وحده
وليش من المكتوب امسحه.....حرام
اكثر منها محتار بقراري
كعدت بوحدي واعلنت انكساري
مجروح علطولي بيش جروحي اشدها
دمعه اتكلي اخذها..... ودمعه اتكلي ردها
مكتوب تبلل من كد ما اودها
......................
الما بجن بس على الضلع بهذا القرار شكد بجن
لخاطرها حالف ما اصد مرتين لاسماء المشن
عيوني واسمها المنحذف اول خسارات الظعن
شغلت بالي.....
شغلت بالي......
التبجي وتدعي من تصلي
خاف بذاك الليل تكلي
اشر على هودج مالي وانوح
وشحجي وياها....
من تكود ايدي وتاخذني
للميمون وتطلب مني
ويه هدومي تحط دواها ...وتروح
عشتها الليله كتاله وثجيله
والله يساعد عليها العليله
بسم الفركه خايف..... يتكطع جبدها
دمعه اتكلي اخذها....ودمعه اتكلي ردها
مكتوب تبلل من كد ما اودها
........................
تقويت بس وين الكلب اليكدر يكلها بهالخبر
الخافية اوجاع المرض والما شكتلي من شهر
بيا عين اصارحها واجي احرمها من هذا السفر
حرب الخاطر ....
خلتني اتلفت بمجاني
ومصوب ما بين اخواني
وبداري اصرخ هل من ناصر .....عذاب
ياهو يحلها...
هاشم ياهو يروح عليها
ويكعد عالروحه يحاجيها
ماترحين ويانا يكلها ...مصاب
العليها يبجي ابو فاضل لكيته
منيتي بيده ياخذها ومنيته
ياعيني عليها.....لعتبة بابي حدها
دمعه تكلي اخذها....ودمعه تكلي ردها
مكتوب تبلل من كد ما اودها
.................
ومن ردت اصعد العايله كلساع تتلفت علي
سكتت وللاكبر مشت كالتله جا وانا يخي
تشهد عليه رجفات ادي لو بيدي اصعدها بدي
ما كتلها...
الراحت عمدا شالت ثوبي
وجانت متامله بمكتوبي
هي اخر وحدها مسجلها.......بجيت
شكد مجروحة ....
وتركب رادت ويه ضعوني
بس من شافت جرح اعيوني
مافتحت موضوع الروحه....المميت
لمحتها دخلت لحجرتها سكتة
وكلت من حقها خاطرها كسرته
كل ضني اهضمتها....وراحت تنخه جدها
دمعه اتكلي اخذها....ودمعه اتكلي ردها
...........
بحجرتها من اتاخرت بالخوف دلالي انسبه
توني احرك بالضعن وطلعت ركض متحجبه
جابتلي ماي لناكتي وكالتلي اشرب يا ابه
لتهم بيه....
ولتنزل عينك كدامي
حسيتك تعبان وضامي
هاك اشرب من اديه اميه ....حسين
ولا تتعذر....
رايك عدي اغلى من دموعي
وانته اعرف بويه بموضوعي
وبخير يظل يدك كلبي....حسين
مريضه ورفعت النا اثنين اديها
لصحاري الكوفه واتلفت عليها
ايامي العشتها........وياها شيردها
دمعه اتكلي اخذها ......ودمعه اتكلي ردها
مكتوب تبلل من كد ما اودها

@MuhammadBaqerAlKhaqani

على حب سيد الشهداء ع

https://youtu.be/9S_oId1Mw_U

مِّنَ ٱلۡمُؤۡمِنِينَ رِجَالٞ صَدَقُواْ مَا عَٰهَدُواْ ٱللَّهَ عَلَيۡهِۖ فَمِنۡهُم مَّن قَضَىٰ نَحۡبَهُۥ وَمِنۡهُم مَّن يَنتَظِرُۖ وَمَا بَدَّلُواْ تَبۡدِيلٗا ٢٣
لِّيَجۡزِيَ ٱللَّهُ ٱلصَّٰدِقِينَ بِصِدۡقِهِمۡ وَيُعَذِّبَ ٱلۡمُنَٰفِقِينَ إِن شَآءَ أَوۡ يَتُوبَ عَلَيۡهِمۡۚ إِنَّ ٱللَّهَ كَانَ غَفُورٗا رَّحِيمٗا ٢٤

ــــــــــــــــــــــــــــــــــــــــــــــــــــــــ
📜 القَصيدة:لِيلة وبعدها وِين؟
🎤 أداء:مُحمّد بَاقِر الخَاقانيّ
🖋 كلمات: انور المُوسوي
ــــــــــــــــــــــــــــــــــــــــــــــــــــــــــ
يَبن اُمّي يَا حُسين
ــــــــــــــــــــــــــــــــــــــــــــــــــــــــــ
لِيلة وبَعدها وين؟.. نتلاگه يا حُسين
فَرگتنا قَدرنا
خَل نذكر الزَمان.. الشَبّينا عَ الحَنان
وعَ الخِوّة كُبرنا
تعاهدنا يَم ابوي.. تِظل ملجأي واخُوي !
يَا محلىٰ عُمرنا
ايّام الوِصال.. والحُب والدَلال
بملگاك ذاكَ العَذِب
تفيّيلي بِ اديك.. وعِيني افَتح عَليك
وانظر الوجه الرَحِب
لا يَسنينا الحِلوات بالهيمة الهَجر تالي؟
يَدنيا إخذي التريدينه وعُوفي اخوتي لدلّالي
هَاي شِلون تالي انوب اعُوف بكربله الغَالي؟
يَبن اُمّي يَا حُسين
ــــــــــــــــــــــــــــــــــــــــــــــــــــــــــ
ويّ اُمنا يا حُسين.. ما سِمحت السِنين
ولوّعنا يِتمنا
حِملي انتچه عليك.. مِن تحط اديّ ب ايديك
تِرويني مَحنّة
شِلون وزمننا دار؟.. لا يِطلع النَهار
ويِطشّره شَملنا
لو صَار الصَباح.. وفَيّك مِنّي راح
لا عِندي اخو لا سند
للتل رَاح اجيك.. بس إرفعلي إيديك
البَاقي اعله إختك بَعد
إختك لَاركض لصُوبك واطرّ الجِيمة والعِدوان
وافيّي اعليك بظلالي واجَازيك بوِفه الخِوّان
واگلّهم لا تِذبحونه إبن اُمي وِگع عَطشان !
يَبن اُمّي يَا حُسين
ــــــــــــــــــــــــــــــــــــــــــــــــــــــــــ
عِشرة عُمرنا ذَاك.. يبن اُمّي بوراك
تِهد حيلي الليالي
ما شِفته بس بالخِيال.. فراگك گلت مُحال
وما مَرّ بخِيالي
هسّه وصدگ تصير؟.. بليل الوِداع احِير
واتناسىٰ دَلالي
بَس هالليلة هَاي.. وعايفتك وَراي
گِوّة عَليّ نفترگ
لو صار البُعد.. عَ الهَزلة واصد
وبشوگ ناري احترگ
وحگ طِيب العُمر ودُرّ السِوا مرضّعنا
شُوگك لا يِبارحني ولا حِزنك اكفّ عَنّه
لَاونّ اعليك ليل نِهار واداري الونّة بالونّة
يَبن اُمّي يَا حُسين
ــــــــــــــــــــــــــــــــــــــــــــــــــــــــــ
مِگابلتك وانوح.. وِداعك سِلبني رُوح
وگليبي كسرته
متعلّقة رُوحي بيك.. حگي انهضم عَليك
يَالغالي عَلىٰ إخته
ما إلي بهلي نصيب.. وردّ دهري عَ الغريب
سَم عُمري جِرعته
طوّل يا وِداع.. لاحگ عَ الضِياع
وتفتّه بَاجي گلب
عَنّك راح اروح.. ابچيلك وانوح
ودمُوع رُوحي تصبّ
إن چان تريدني انسىٰ وابطّل النُوح وونيني
إخذ ذِكراك مِن گلبي وإخذ صُورتك مِن عيني !
ايّام العِشتها وِياك اناغيك وتِناغيني !
يَبن اُمّي يَا حُسين
ــــــــــــــــــــــــــــــــــــــــــــــــــــــــــ

@MuhammadBaqerAlKhaqani

على حب علي خوش قصيدة

ياروحي ...الرادود الحسيني حسين هاشم _الشاعر الحسيني محمد الجماسي
https://youtube.com/watch?v=gZiuDZWXKaM&feature=shared

ــــــــــــــــــــــــــــــــــــــــــــــــــــــ
📜 القصيدة: عمتنا زينب
🎤 أداء:محمد باقر الخاقاني
🖋 كلمات:عادل اشكناني
ــــــــــــــــــــــــــــــــــــــــــــــــــــــــ
عَمَّتي ما أقرَح الجَفْنَ سِوَاكِ...
بالبُكا عَلَّمّتِ وَرْقَاءَ الأرَاكِ...
كيفَ لا تُبدي لكِ العينُ اِحْمرارْ؟!.
و احمرارُ الأفْقِ عي جَفنَيْكِ حاكِي...
هكذا كانت نِداءاتُ السَّماء
فعلى زينبَ فلتَبْكِ البَوَاكِي...

انا اللّي سَد نوحي الفضا...
بلحظه فرَح گلبي ما حِظَى...
آنا المُهَيِّجْ حزْن الطفوف
علِي اِبِن موسى الرِّضا...
هوَّنت عمَّتنا اِللّي يجي
و أنسَتنا كِل هَمنا اللّي مضى...
[أوْرَثَتْنا الكربَ و البَلاءْ]
كرْب و بلا لهسَّه ما انگضى...

الخلّت علينا ايّامنا طول العمُر سُود
عمتنا زينب...
دمعة رسول الله إلى الحجةَ الموعود
عمتنا زينب...
ما لا يُرىٰ و ما يُرىٰ صَب دمْع العيون
لحسين جّدنا...
لاچن البچّه الحسين و هوَ بنفسه يجُود
عمتنا زينب...

عمتي المظلومة...عمتي المظلومة
ــــــــــــــــــــــــــــــــــــــــــــــــــــــــ
شيعَتي أوْصِيكُمُ بالنَّوح ما إنْ...
عذْبَ ماءٍ ذُقتُمُ يوماً ، و لكِن...
فلْيكُنْ نوْحًا لهُ تُدمَى القُلُوب
لقطيع النَّحْرِ مرضُوضِ الجَناجنْ
فضمانُ الفَوْزِ في هذا النُّواحْ
و أنا في الحشْر عندِ اللهِ ضامِن...

يا أبْنَ شَبيِبَ إذا تنتحِب...
مُسعْدِ امَّي الزهره تنحِسِبْ...
و الدمعة لو علِى الخَدْ جِرَت
بالمحشر تجينا بلا ذَنِبْ...
جدِّي الحُسين إذا تندبْه
تسبيح إلك نَدْبَك ينكِتِبْ...
إسلِب وَقَارَك من تذْكِره
بحرِّ الشمس عاري و منسِلِبْ...

إن چَان رايد بالقيامة الجنَّة تضْمِن
ابچي لحْسين
إن چان ويَّانا تريد بعَدَن تسِكِن
ابچي لحْسين
چلمه أخيره و تختصر كل هالمضامين
و اسمعها مني
[يا أبْنَ شبيبِ إنْ كُنْت باكيًا لشَيءٍ]
ابچي لحْسين

حسين اااه.... حسين اااه... حسين اااه
ــــــــــــــــــــــــــــــــــــــــــــــــــــــــ
@MuhammadBaqerAlKhaqani

خوش قصيدة على حب علي

https://youtu.be/xnYMT5gu_kI?si=QGFMnKdmo4FLU1_p

اِنْتَهَىٰ الأَرْبَعِين ..

قُلُوب جَمِيعِ خدَّام الحُسَيْن ‹عَلَيْه السَّلَام›
فِي اِنْكِسَار وَقُلُوبِ الزَّائِرِينَ تَلْتَهِبُ
بِنِيرَانِ الفِرَاقِ ، هَل سَنْحَضِىٰ بِعَام آخَر ؟
لِلزِّيَارَة ، لِلْخِدْمَة ،  لِدَمْعَة المُصَاب ، لِتَوْبَةٍ أُخْرَىٰ ؟
هَلْ لَنا بِزِيَارَتِك العَام القَادِم وَالتَّقَرُّبَ إِلىٰ الله مِنْكْ؟.

ــــــــــــــــــــــــــــــــــــــــــــــــــــــ
📜 القصيدة: مَن الذي أيَتمني؟
🎤 أداء:مُحمّد بَاقِر الخَاقاني
🖋 كلمات:عَلي عُسيلي العَامِلي
ــــــــــــــــــــــــــــــــــــــــــــــــــــــ
مَن الذي أيتمني.. ابتاه ياحُسين
ــــــــــــــــــــــــــــــــــــــــــــــــــــــ
طَويتُ الطَريق.. بِ هَمٍ وضِيق
مِلءُ قَامِوسي ظَلامٌ خَان صفحاتي النَهار
فَ مُنذُ الطفوف.. بِلاداً اطَوف
هَا انا حَافيةٌ تَحتيَ شَوكٌ وحِجار
وبابي القَريب.. بِ امّن يُجيب
انتَ مَن عَلّمتنيها فَ هِيَ حِرز الإضطرار
فَ عجّل تعال.. إمام الدَلال
قُلت لي حَتماً ستأتي لَم ازل بالإنتظار
مَن الذي عَذّبني؟.. ابتاه ياحُسين
مَن الذي اتَعبني؟.. ابتاه ياحُسين
مَن الذي أيتمني.. ابتاه ياحُسين
ــــــــــــــــــــــــــــــــــــــــــــــــــــــ
فَ رُزئي ثَقيل.. وجِسمي نَحيل
اوَجبوا في النَاسِ قَهري فَ انا إسمي فَاطِمة
وَرِثتُ المُصاب.. وآلامَ باب
عَصروني بينَ طَفٍ وشَامٍ آثِمة
بِ خَدّي حروق..بِ كَفّي شقوق
ايُّها اللاثم خَدّي وكفوفي النَاعمة
جَرعتُ الكَثير.. بعُمري الصَغير !!!
ايَقظوني بِ سياطٍ إن رَأوني نَائِمة
مَن الَذي رَوّعني.. ابتاه ياحُسين
بِ السوط كَم قَنّعني.. ابتاه ياحُسين
مَن الذي أيتمني.. ابتاه ياحُسين
ــــــــــــــــــــــــــــــــــــــــــــــــــــــ
بِ حِجرِ الجِنان.. وكَهفِ الأمَان
يا ابي طَمأنتني مِن بَعدِ خوفٍ وإهتضام
مَسحتَ العيون.. وسُودَ المتون
ثُمَّ غَادرتَ سَريعاً كانَ ذا طَيفٌ مَنام
فَ قُمتَ انوح.. امامي تَلوح
فَاتِحا بَاعك نَحوي نَاظِرا لي بِ ابتسام
فَ قُلتُ حُسين.. اُريدُ الحُسين
وَيلهم لم يَرحموني واتوني بِ الطعام
مَن الذي لَوّعني.. ابتاه ياحُسين
للهمِ قَد جَرّعني.. ابتاه ياحُسين
مَن الذي أيتمني.. ابتاه ياحُسين
ــــــــــــــــــــــــــــــــــــــــــــــــــــــ
دَعت عمّتي.. الا يا ابنتي
إرفعي المنديل عَنهُ فهُوَ ذُو العَطفِ العَجيب
تَريْ شمسهُ.. تَريْ رأسه
جاء للجُرحِ يُداوي إنّه نِعمَ الطَبيب
جَرت عَبرتي.. عَلت صَرختي
اتُرىٰ انتَ حبيبي آهِ يا حَالَ الحَبيب
اأنت ابي؟.. اأنت ابي؟
لَم اُصدّق جِئتني دَاميَ الشَيبِ خَضيب
مَن الذي اذَهلني؟.. ابتاه ياحُسين
يَتيمةً حَوّلني.. ابتاه ياحُسين
مَن الذي أيتمني؟.. ابتاه ياحُسين
ــــــــــــــــــــــــــــــــــــــــــــــــــــــ
بهذي العيون.. عَهِدت السكون
لَيتَ شِعري لم اراها غائراتٍ يا ابي
وامّا العَجيب.. فَ شعرُ المشيب
فيه رَملٌ ورمادٌ ودِماءٌ يَا ابي
فَ خُذني إليك.. ودَعني لَديك
هكذا ارتاح مِن ظُلمِ زَماني يا ابي
لأنتـ الحَياة.. وانتَ الممات
ليسَ في عَيشيَ طَعمٌ دُون قَولي يا ابي
انتَ الذي تَرحمُني.. ابتاه ياحُسين
وانتَ الذي يَضمُّني.. ابتاه ياحُسين
مَن الذي أيتمني؟.. ابتاه ياحُسين
ــــــــــــــــــــــــــــــــــــــــــــــــــــــ
@MuhammadBaqerAlKhaqani

ــــــــــــــــــــــــــــــــــــــــــــــــــــــــ
📜 القصيدة: ألم الوداع
🎤 أداء:محمد باقر الخاقاني
🖋 كلمات: أنور الموسوي
ــــــــــــــــــــــــــــــــــــــــــــــــــــــــ
ألم إنتزاع الروح وصراعه
غربة وعناء المسجّى وضياعه
عشته بتمامه بوداعك يالاكبر
يالروحي روحه واخذها بوداعه

جسمين روح بجسمين
علي وي حسين... هيام
لليوم من عمرك يوم
بعيوني تحوم... غرام

تطلب أذني واحتار بجوابك
يالساجيته من روحي شبابك
لون الدنيا مغبر بغيابك

يوليدي ياعلي الأكبر...
ــــــــــــــــــــــــــــــــــــــــــــــــــــــــ
ذبل ظماك ابتسامة أعله ثغرك
ياللحظه لحظه اعد بيدي عمرك
گدامي اشوف الذبول بربيعك
ونار الحديد ولضاها أعله صدرك

عطشان ياغصن البان
طولك ذبلان...يماي
من تروح تتركني جروح
يخنگها الروح... هواي

اتعذرلك و جروحي اعتذاري
بگلبي الضامي تتصارع يناري
يالأكبر من تروح انكساري!!!.

يوليدي ياعلي الأكبر...
ــــــــــــــــــــــــــــــــــــــــــــــــــــــــ
من درته وجهك نويت لمماتك
مرن خيالي صور ذكرياتك!!.
من الطفولة وعمر فجرك اشرق
لهاي الثواني البقت من حياتك

وياك كل حيلي وياك
راح بممشاك.. هويت
ويعود ما ظن يعود
لجيتك مشدود...بقيت

تسارع نبضي وي نگلة خطوتك
ظل بأذني يسامرها صوتك
مايرحم گلب عاشگ يموتك!!!.

يوليدي ياعلي الأكبر...
ــــــــــــــــــــــــــــــــــــــــــــــــــــــــ
يافَي خواتك يأكبر حلمهن
يشوفني بيك وأمان لخيمهن
حيرة شجمع؟!. وصالك وصالي!
بس برجعتك يالاكبر تلمهن

ابتديت كلي اتبديت
فوگك ناديت... عذاب
والريح ذرتني الريح
اجمع ويطيح... شباب

الشافوا كسره يم مصرع حبيبه
حتى انفاسه من يشمها غريبه!!
من تعب گليبي هجرك نصيبه

يوليدي ياعلي الأكبر...
ــــــــــــــــــــــــــــــــــــــــــــــــــــــــ
الزاد بعذابي وأخذ صبري كله
بدمك لگيته حُسن وجهك احله
حيرة بدمائك اعز؟!. لو جمالك؟!!.
ولگلبي كلهن من عيوني اغله

ويلاه حُسنك غطاه
شعرك فوگاه... يمر
ويميل وي الريح يميل
وبصبري يعيل... جمر

فكلي عيونك بس نظرة اخيرة!!.
لو بس كلمة يوليدي چبيرة
لو بسمة خد لگلبي تجيرة

يوليدي ياعلي الأكبر...
ــــــــــــــــــــــــــــــــــــــــــــــــــــــــ
@MuhammadBaqerAlKhaqani

ــــــــــــــــــــــــــــــــــــــــــــــــــــــــ
📜 القصيدة:طلع بظعنه الغريب
🎤 أداء:محمد باقر الخاقاني
🖋 كلمات:أحمد الهلباوي
ــــــــــــــــــــــــــــــــــــــــــــــــــــــــ
طلع بظعنه الغريب وعرج بحسره ونحيب
على قبر ام الحسن
خله خده عالضريح وينعى ودموع تصيح
لا أمان لهالزمن

يمه... وانا رايح ولطف كربله نيتي
ماخذ كل اهل بيتي ادري تدور الايام
يمه... وانا رايح رفعي ﭼفـﭼ ادعيلي
من اوگع اشد حيلي وانهض واحمي الخيام

ييمه وجاي اودعـﭼ خاف ما رد للمدينة اردود
ادعيلي بظهر عاشور ما اطيح اويه ماي الجود
اخاف مدللاتي تضيع ويعيشن ليالي السود

ظعن مجبل عالديره... اهله تحزمت ضده
ظعن سيد العشيرة... نازح عن وطن جده
ــــــــــــــــــــــــــــــــــــــــــــــــــــــــ
منكسر ظعن الدلال و نزلن دموع الجمال
وصاح ابو اليمه بقهر
يمه عنﭼ راح اروح لكربله عين الجروح
وغربة الماله ظهر

يمه... والي بيها حيرة تعطش عيوني
طيحه تغرب ظعوني وانا موسد الگاع
يمه... والي بيه صوت وركضة لعضيدي
گوم انهض يحيل أيدي والگه حسينك الضاع

ضاگت يمه واحتاريت اروح بها الظعن لا وين
ماكو ديرة بيه نعيش كلها بدمنا تطلب دين
باﭼـر راح كله تصيح اطلعوهن خوات حسين

ظعن حاير بمصيره... كل خطوة جرح عنده
ظعن سيد العشيرة... نازح عن وطن جده
ــــــــــــــــــــــــــــــــــــــــــــــــــــــــ
رحلة تجرح كل ضمير حزن ابو اليمه الﭼـبير
رايح لديرة عطش
تسلبه ﭼفوف الحرام وظعنه يبقى بلا خيام
وينسبي فجر اهدعش

يمه...يگله وينـﭼ افتحي گبرج اخذيني
صعب انظر صواويني.. الظهر تاكلهن النار
يمه... يگله وينـﭼ الهجري ينشف لهاتي
واصد ركظت عزيزاتي... وحدرهن شوك واحجار

ييمه اخذيني يمـﭼ ريت من ضيم الزمان ارتاح
بالطف لو وسادة تراب لو اغفه عالسن ارماح
وبناتي من انذبح عالنوگ يظعن بيهن الذباح

ظعن بت على الأميرة... يظل لوحدة شدة
ظعن سيد العشيرة... نازح عن وطن جده
ــــــــــــــــــــــــــــــــــــــــــــــــــــــــ
راحل وحزنه متاع ومن تناهيد الوداع
هو محني عالقبر
گلها باﭼـر بالطفوف غربتي فگد الﭼـفوف
وعالصواوين انكسر

يمه... وعگب اخوتي احير بروحي وخيامي
واحس يموتن اجدامي لان ما يمي عباس
يمه... وعگب اخوتي تشمت بيه عدواني
واحس دموعي برداني واصيرن ابيض الراس

واطيح من المهر والگوم تحرگ للخدر صيوان
عنﭼ راح اروحن شاب واموت مشيب وحزنان
عنﭼ راح اروح اسمي الحسين باﭼـر العطشان

ظعن رحلة الأخيرة... دمع مسبية يتبده
ظعن سيد العشيرة... نازح عن وطن جده
ــــــــــــــــــــــــــــــــــــــــــــــــــــــــ
@MuhammadBaqerAlKhaqani

ــــــــــــــــــــــــــــــــــــــــــــــــــــــــ
📜 القصيدة:طلع بظعنه الغريب
🎤 أداء:محمد باقر الخاقاني
🖋 كلمات:أحمد الهلباوي
ــــــــــــــــــــــــــــــــــــــــــــــــــــــــ
طلع بظعنه الغريب وعرج بحسره ونحيب
على قبر ام الحسن
خله خده عالضريح وينعى ودموع تصيح
لا أمان لهالزمن

يمه... وانا رايح ولطف كربله نيتي
ماخذ كل اهل بيتي ادري تدور الايام
يمه... وانا رايح رفعي ﭼفـﭼ ادعيلي
من اوگع اشد حيلي وانهض واحمي الخيام

ييمه وجاي اودعـﭼ خاف ما رد للمدينة اردود
ادعيلي بظهر عاشور ما اطيح اويه ماي الجود
اخاف مدللاتي تضيع ويعيشن ليالي السود

ظعن مجبل عالديره... اهله تحزمت ضده
ظعن سيد العشيرة... نازح عن وطن جده
ــــــــــــــــــــــــــــــــــــــــــــــــــــــــ
منكسر ظعن الدلال و نزلن دموع الجمال
وصاح ابو اليمه بقهر
يمه عنﭼ راح اروح لكربله عين الجروح
وغربة الماله ظهر

يمه... والي بيها حيرة تعطش عيوني
طيحه تغرب ظعوني وانا موسد الگاع
يمه... والي بيه صوت وركضة لعضيدي
گوم انهض يحيل أيدي والگه حسينك الضاع

ضاگت يمه واحتاريت اروح بها الظعن لا وين
ماكو ديرة بيه نعيش كلها بدمنا تطلب دين
باﭼـر راح كله تصيح اطلعوهن خوات حسين

ظعن حاير بمصيره... كل خطوة جرح عنده
ظعن سيد العشيرة... نازح عن وطن جده
ــــــــــــــــــــــــــــــــــــــــــــــــــــــــ
رحلة تجرح كل ضمير حزن ابو اليمه الﭼـبير
رايح لديرة عطش
تسلبه ﭼفوف الحرام وظعنه يبقى بلا خيام
وينسبي فجر اهدعش

يمه...يگله وينـﭼ افتحي گبرج اخذيني
صعب انظر صواويني.. الظهر تاكلهن النار
يمه... يگله وينـﭼ الهجري ينشف لهاتي
واصد ركظت عزيزاتي... وحدرهن شوك واحجار

ييمه اخذيني يمـﭼ ريت من ضيم الزمان ارتاح
بالطف لو وسادة تراب لو اغفه عالسن ارماح
وبناتي من انذبح عالنوگ يظعن بيهن الذباح

ظعن بت على الأميرة... يظل لوحدة شدة
ظعن سيد العشيرة... نازح عن وطن جده
ــــــــــــــــــــــــــــــــــــــــــــــــــــــــ
راحل وحزنه متاع ومن تناهيد الوداع
هو محني عالقبر
گلها باﭼـر بالطفوف غربتي فگد الﭼـفوف
وعالصواوين انكسر

يمه... وعگب اخوتي احير بروحي وخيامي
واحس يموتن اجدامي لان ما يمي عباس
يمه... وعگب اخوتي تشمت بيه عدواني
واحس دموعي برداني واصيرن ابيض الراس

واطيح من المهر والگوم تحرگ للخدر صيوان
عنﭼ راح اروحن شاب واموت مشيب وحزنان
عنﭼ راح اروح اسمي الحسين باﭼـر العطشان

ظعن رحلة الأخيرة... دمع مسبية يتبده
ظعن سيد العشيرة... نازح عن وطن جده
ــــــــــــــــــــــــــــــــــــــــــــــــــــــــ

@MuhammadBaqerAlKhaqani

ــــــــــــــــــــــــــــــــــــــــــــــــــــ
📜 القصيدة: رَكب الجَلالة
🎤 أداء:مُحمّد بَاقِر الخاقاني
🖋 كلمات:احَمد الهلباوي
ــــــــــــــــــــــــــــــــــــــــــــــــــــ
هِنا تِحلّ بيك الرِزيّة.. يَـ النازل الغَاضرية
ــــــــــــــــــــــــــــــــــــــــــــــــــــ
رَكب الجَلالة.. ب اهل الرِسالة
عَايف دِيار اهله وحط رِحاله بِ ارض السَواد
بِاب الرَزايا..و ارض المِنايا
كِل خيمة حطّوا فوگاها راية تصبح رَماد
وإبن النبي بروحه.. چم حَسرة مذبوحة؟
تِتلاچم جروحه..حُسين،حُسين،حُسين
ما بَاقي چم ليلة.. وتصرخ مِداليله
الطايح مِنو يشيله.. حُسين،حُسين،حُسين
يَـ الجاي مِن الوطن.. بخِدور اُم الحَسن
تِدري چفوف الزَمن.. خَوّانه؟
بالكوفة الشَرّ عِرگ.. واليُوگع يِنسحگ
بالخيل ويحترگ.. صِيوانه
وما تِرحم الهَاشمية.. يَـ النازل الغَاضرية
ــــــــــــــــــــــــــــــــــــــــــــــــــــ
جاي لمَصيره.. بعيُونه حيرة
وجايب دَلاله وگاصدله ديرة تحرمه الشَراب
راعي الشَهامة.. الليلة بِ سلامة
وباچر اذا طاح يِسلّبونه حَتّىٰ الثِياب
حَط رحله المِسافر.. بِ الطفّ بقىٰ يِناطر
غُربة ظهر عَاشر.. حُسين، حُسين، حُسين
يِدور بصواوينه.. هُوَ ورَياحينه
ويجري دَمع عينه.. حُسين، حُسين، حُسين
حَط رحله بكربله.. ومحدّ ناداه هَلا
ولا گام إستقبله.. بضعونه
يعرفونه إبن النَبي.. إبن الزَهرة الطَالبي
وتاليها الاجنبي.. يِسمّونه
وللذبح مَعگودة نِيّة.. يَـ النازل الغَاضرية
ــــــــــــــــــــــــــــــــــــــــــــــــــــ
عَاف المدينة.. وجايب حنينه
طُول المسافة مَا كفّ وِنينه وبگلبه نار
بِ الغاضرية.. تعطش رُقية
يشوف بِ دمعها فَرگة ومِنيّة ولون إنكسار
وتِگله رِد بينا.. لديار اهَالينا
عَ الغُربة ما بينا.. حُسين، حُسين، حُسين
ارض الغَدر هايه.. وما بيها وفّاية
ولا عِندهم حِچاية..حُسين،حُسين،حُسين
يِعطّشونه اهَل الغَدر.. وتِطيح مِن المُهر
ويحرگون الخِدر.. گدّامك
والمّا عرفوا مِنو.. مِن تبقىٰ بِلا إخو
رَاح يحيط العَدو.. بخيامك
وتِطلع عِيالك سِبيّة.. يَـ النازل الغَاضِرية
ــــــــــــــــــــــــــــــــــــــــــــــــــــ
وضَعن الغَرايب.. تحيطه المُصايب
اليوم بخِيامه وباچر خَرايب باچر حِبال
عندهم عَقيلة.. تركب هِزيلة
وتعوف إخوها مَحدّ يِشيله فُوگ الرِمال
يِخون الدَهر بيها.. ومحدّ يِباريها
وعَ الغبرة واليها.. حُسين، حُسين، حُسين
يِذبح مَشي البيدة.. وِين الگُمر وايده؟
كافِلها وتريده.. حُسين، حُسين، حُسين
آه يا مَشي الغُرب.. آه يا تَعب الدَرب
طِلعت زينب غَصب.. مَهضومة
بالكوفة شِگد حِزن.. مَحبوس دَمع الجِفن
يِولوها شِما تِون.. مَألومة
يَـ النازل الغَاضرية
ــــــــــــــــــــــــــــــــــــــــــــــــــــ

@MuhammadBaqerAlKhaqani

ـــــــــــــــــــــــــــــــــــــــــــــــــــــ
📜 القصيدة: نَفسِي و عضِيدِي
🎤 أداء:مُحَمَّد بَاقِر الخَاقَانِي
🖋 كلِمَات: سَيد حسام الزاملي
ــــــــــــــــــــــــــــــــــــــــــــــــــــــــ
جيتَك يَا هَلِي و نَفسِي و عضِيدِي ...
لا تهتم يَخُويه برجفَة أيدِي ...
گوم وياي خل نرجع للخِيَام ...
يا حيلِي و گفاي و دَم ورِيدِي
يَا أبَا الفَضِلْ خُويَه خُويَه خُويَه ...
يَا أبَا الفَضِلْ خُويَه خُويَه خُويَه ...
يَا أبَا الفَضِلْ خُويَه خُويَه خُويَه ...
ــــــــــــــــــــــــــــــــــــــــــــــــــــــــ
طَايح على النهر يا ضَنُوةِ الروح ...
عطشَان و جرِيب المَاي مَطرُوح ...
عين السَهَم بيها و عين الِترَاب ...
كلّ مَعنى الأخوة گبالي مَذبوح ...
عفتنِي الوحدي بين اليشِمتُون ...
الشِمَاتَه يَا أبُو فَاضِل تعمِي العِيُون ...
أدري بحالتك مو مالتِ أعتَاب ...
بَس أنطيني رايِ يصبر أم عُون ...
بَس انطيني راي و كلّ شيء ما أريد ...
شيردني و طريج المشرعَة بعيد ...
حِيَلِي يكدنِي بَس لكَض الِصفَاح ...
الحِيَل منين للِي يفارگ عضِيد ...
ادعي لي بحيل اردن بي للِخيام ...
ادعي لي بشيء يهود خوف الأيتام ...
رَاح أرجع جسد يَلرُوحِي وَيَّاك ...
جَسَد مَحنِي الظَهَر يَلچِنت اله حزام ...
شَافُونِي وسمعت صياح أجة الجُود ...
أطفَال و حرَم مِن الظمأ تنود ...
ظَنهُم رَاجع العبَاس بِالمَاي ...💔
مَا يدرون عمهُم خَالِي الِزنُود ...
مَا يدرُون چفه الساگي مبتور ...
مَكسُورِ الَعَلَمْ و حسِيَنْ مَكسُور ...
عَمود الخِيمة طَيحتَه و صحِت صُوَت ...
علويَات راح الحَامِي وِ السُور ...
عَمود الخِيمة طَيحتَه و صحِت صُوَت ...
علويَات راح الحَامِي وِ السُور ...
وِيلَاه ... ... ...
ـــــــــــــــــــــــــــــــــ
@MuhammadBaqerAlKhaqani

ـــــــــــــــــــــــــــــــــــــــــــــــــــــ
📜 القصيدة: لَحظَة أمَان  
🎤 أداء:مُحَمَّد بَاقِر الخَاقَانِي
🖋 كلِمَات: أَحْمَد الهَلبَاوي
ــــــــــــــــــــــــــــــــــــــــــــــــــــــــ
يَا كَرْبَلَاء ... لَحظَة أمَان   أنطِيني
شَسَوي مَا أدْرِي وَ عَليَّ صَار الَلِيَل ...
و عَنْ وَجهِي أبَد مَا نَزَلِت چَفِینِي
المَا عدهَا وَالِي و خِيمَة بالهِيَمَة تبَات
لَحظَة أمَان أنطِيني أرد أنعى أبِيَات
عَنْ كَافل دمُوعِي و دَلَال أهلِي الفَات
و أرد ابچِي بَسْ مُو يَم غَريب و شمَات
يَا كَرْبَلَاء ... چان الأمان الرَاية
من طَاح رَاعِي الرَايَة رَاوونِي الَويَل ...
شَسَوي مَا أدْرِي وَ عَليَّ صَار الَلِيَل ...
و عَنْ وَجهِي أبَد مَا نَزَلِت چَفِینِي ...💔
صِيُوانِي مُو بَسْ مِحترگ لَا مَنْهُوبْ ...
و فَرَن خُواتِي كْلّ عَقِيلِيَة بصُوَبْ ...
مَا كَافِي عذبيتِينَا مُو صَار غرُوبْ ...
مَكتُوب أضِيعَن نحترِگ هَمْ مَكْتُوبْ ...
يَا كَرْبَلَاء وگفُوا شمَاتَه ببَابِي
المَا مَاشِي فُوگ الغَبْرَة رَكضِتَه الخِيَلْ ...
شَسَوي مَا أدْرِي وَ عَليَّ صَار الَلِيَلْ ...
و عَنْ وَجهِي أبَد مَا نَزَلِت چَفِینِي 
لا حِيَل ظَل بچفُوفِي و يعِينَنِي ...
يا طفل الزمه بچفي يفلت مني ...
يَا كَرْبَلَاء شوي كتري أيدچ عَنّي ...
مصَايب أبُو الأكبَر و أخوه هلكَنِّي ...
يَا كَرْبَلَاء يَاهُو لي يلم ايتامي ...
و بالحُومَه دفن ١٨ رَايد حيَل ...
شَسَوي مَا أدْرِي وَ عَليَّ صَار الَلِيَل ...
و عَنْ وَجهِي أبَد مَا نَزَلِت چَفِینِي 
وَازَينَبَاه وَازَينَبَاه وَازَينَبَاه .........
ــــــــــــــــــــــــــــــــــــــــــــــــــــــــ
@MuhammadBaqerAlKhaqani

نعزي صاحب العصر والزمان الأمام الحجة " عجل الله فرجة " و الأمة الأسلامية والعالم بأسرى بذكرى استشهاد سيد الشهداء وأبي الأحرار ورمز الثوار الأمام الحسين ابن علي " علية السلام " فـ عظم الله لنا ولكم الأجر والثواب وجعلنا وأياكم من السائرين على نهجة والفائزين بمعرفته ونصرته .

"بِسْمِ اللَّـهِ الَرَحْمَٰنِ الرَّحِيمِ‏ْ "

الَلهُمَ صَلِ عَلَى مُحَمَدٍ وَ آلِ مُحَمَدْ  وَ عَجِلْ فَرَجَهُمْ  وَ الَعَنْ عَدُوَهُمْ...
ــــــــــــــــــــــــــــــــــــــــــــــــــــ
📜 القصيدة: هنَا يَلرَكَضتنِي
🎤 أداء:مُحمّد بَاقِر الخاقاني
🖋 كلمات:عَبَّاس الشبلَاوي
ــــــــــــــــــــــــــــــــــــــــــــــــــــــــ
هنَا يَلرَكَضتنِي و أنه عطشان . . .
و اول طايح اركاض أنه اجي له . . .
خلصان الگلب يوليدي خلصان گوم اتلگه ابوك انباگ حيله
لو طايح لابوك حسين صيوان . . .
ولا انت الطحت يوحيد ليلَى . . .
صيوان لي يطيح تشيله عمدان . . .
بس بجرحك الطاح شيشيله . . .
من سمعتك تنادي لي . . .
مو وجهي انخطف حيلي . . .
أگعد يبني واحچي لي . . .
يالاكبر واگف اعلى جدامي حيلَه . . .
هنا يالكاسر بفگدک جبيلَه . . .
يا بعد الجفن وبياض العيون . . .
يا تچایة حسين بزمانه . . .
أريد اوگف عدل بس اوگف شلون ؟! ...
و انا اسمع شهگتک يا حمانا لحزامي وصلت حنِيَتهَا المتون
أگعد يبني رد ظهري لمچانه . . .
هسه من انده اخوانك يحيرون . . .
يشيلوك انت لو انشال أنه ؟...
اخوانك لو اجت لينا يتيهون العدل بينا ...💔
موتَه أثنينا أصفينا . . .
انت بجرحك و أنه بهوانه . . .
آه يفراگک الموش بمچانه . . .
عَلِي يَبنِي ... عَلِي يَبنِي . . .
ــــــــــــــــــــــــــــــــــــــــــــــ
ها بويه حلت لك نومتك هاي . . .
مو عطشان گتلي يا ذخرنا . . .
و ديت الكفيل يجيب لك ماي . . .
و يمكن هسه واصل يم خيمنا . . .
ها شتگول هسه تگوم وياي . . .
تره اثنيناتنا من الحر تعبنا . . .
لو بيه و عدل يوليدي مگفاي . . .
علي چا شالك حسين و فوگ متنه . . .
و اذا ما بيك جدَّامي . . . ترد وياي يالظامي
بس دليني بخيامي. . .
تراه حسين راح الشوف منه . . .
و جروحك يالاكبر دوهننه . . .
يالتطفة ببَسمتك وحشة الليل . . .
ماهي البسمه يا حافر عبرها . . .
خدودك ذني الشدلاهن الخيل . . .
شماسح منهن شفافي وأثرها . . .
أحضنك ودي هيَچ و أشفي الغليل . . .
و اطفي النار البگلبي و جمرها . . .
بس خوفي ألچمک يبني وتسيل . . .
جروحك يلوَلد ويفز كسرها . . .
خاف تفززك أيدي . . . و تطلب ماي يوليدي
و أنه العطشان ما بيدي . . .
أنه المحتاره روحي وضاع أمرها . . .
انه العَلَمَاي حسراتي شكبرها . . .
عَلِي بُويَه عَلِي بُويَه عَلِي بُويَه . . .
وَ أكْبَرَاه وَ أكْبَرَاه وَ أكْبَرَاه . . .
ــــــــــــــــــــــــــــــــــــــــــــــــــــ
@MuhammadBaqerAlKhaqani