Harbiy blog | Temur Malik

Harbiy xizmatni o‘tash bilan bog‘liq tartiblar yangilanadi

Prezidentining ayrim qarorlariga harbiy xizmatni o‘tash bilan bog‘liq cheklovlar o‘rnatishni nazarda tutuvchi o‘zgartirish va qo‘shimchalar kiritildi.

Xususan, kontrakt bo‘yicha harbiy xizmatga kirish istagini bildirgan fuqaro “Umumiy harbiy majburiyat va harbiy xizmat to‘g‘risida”gi Qonunida va harbiy xizmat shartlarida nazarda tutilgan harbiy xizmatni o‘tash bilan bog‘liq bo‘lgan cheklovlar hamda maxsus talablar bilan yozma shaklda tanishtiriladi.

Mazkur cheklovlar bilan kontrakt tuzishga rozi bo‘lgan hamda vazirlikning maxsus talablariga javob beradigan nomzodlar kontrakt bo‘yicha harbiy xizmatga qabul qilinadilar.

Harbiy blog 👉 @mudofaauz

Xayrli kun, jigarlar!

Shu harbiylarimiz bor ekan, biz bogʻchaga, maktabga, universitetga, ishga va boshqa joylarga bemalol borib kelypamiz. Ishlarimizni tinchlikda, omonlikda bexavotir bitirib, xavfsiz hayot kechiryapmiz. Ularning xizmatlari, hech qursa, duolaringizda eslab qoʻyishga arziydi, albatta.

Vatan omon boʻlsin!

Harbiy blog 👉 @mudofaauz

✔️ O‘zbekiston mudofaa vaziri general-mayor Shuhrat Xolmuhamedov va Rossiya Federatsiyasi mudofaa vaziri Andrey Belousov — foto

Harbiy blog 👉 @mudofaauz

"Tinch yashashni xohlasang, urushga tayyorlan!" — Otto fon Bismark

Dunyoning deyarli barcha davlatlari o‘z xavfsizligini ta’minlash maqsadida Qurolli Kuchlarga ega. Lekin shunday davlatlar ham borki, ular mutlaqo armiyaga ega emaslar.

❗️Shunday zamonda-ya?! Ro‘yxat bilan tinish, Karl!

Harbiy blog 👉 @mudofaauz

O‘zbekiston mudofaa vaziri general-mayor Shuxrat Xalmuxamedov rasmiy tashrif bilan kelgan Rossiya Federatsiyasi mudofaa vaziri Andrey Belousov boshchiligidagi harbiy delegatsiyani qabul qildi — Mudofaa vazirligi

Harbiy blog 👉 @mudofaauz

Rossiya mudofaa vaziri O‘zbekistonga keldi

Rossiya mudofaa vaziri Andrey Belousov rasmiy tashrif bilan O‘zbekistonga keldi. Bu haqda RF Mudofaa vazirligi ma'lumotiga tayanib, Kun.uz xabar bermoqda.

Xabarda Rossiya harbiy idorasi rahbari Toshkentga tashrifi davomida O‘zbekiston mudofaa vaziri general-mayor Shuhrat Xolmuhamedov, shuningdek, mamlakatning harbiy-siyosiy rahbariyati bilan muzokaralar o‘tkazishi yozilgan.

Xususan, muzokaralarda xavfsizlikni ta’minlash masalalari, shuningdek, harbiy hamda harbiy-texnik hamkorlik muhokama qilinishi ta'kidlangan.

Harbiy blog 👉 @mudofaauz

Sening armiyaga borib kelgan doʻsting. 😁

Harbiy blog 👉 @mudofaauz

Zoʻr-a?🔥

#trendshort
#kayfshort

Harbiy blog👉 @mudofaauz

Bugundan bir yil davomida muddatli harbiy xizmatni o‘tagan askarlar imtiyozli tavsiyanomalar olish uchun test sinovlaridan o‘tishni boshladi.

Tavsiyanomani qo‘lga kiritgan yigitlar oliy harbiy ta’lim muassasalaridagi tegishli ta’lim yo‘nalishlariga o‘qishga kirishda test sinovlari natijalariga ko‘ra to‘plagan ballarining 50 foizi miqdorida qo‘shimcha ball shaklidagi imtiyozga ega bo‘ladi.

Shuningdek, oliy ta’lim muassasalari bakalavriatiga o‘qishga kirish uchun tegishli o‘quv yiliga tasdiqlanadigan oliy ta’lim muassasalariga qabul parametrlaridan tashqari alohida ajratilgan qabul ko‘rsatkichlari doirasida – tanlovda ishtirok etish huquqiga ega bo‘ladi.

Harbiy blog👉 @mudofaauz

Mudofaa vazirligi serjantlariga yangicha tartibda harbiy unvonlar berilishi mumkin

Vazirlar Mahkamasi tomonidan “O‘zbekiston Respublikasining “Umumiy harbiy majburiyat va harbiy xizmat to‘g‘risida”gi Qonuniga o‘zgartirishlar va qo‘shimcha kiritish haqida”gi qonun loyihasi Qonunchilik palatasiga kiritilibdi.

Qonun loyihasi bilan Mudofaa vazirligining serjantlar tarkibi harbiy xizmatchilariga harbiy unvonlar berishning yangicha tartibini belgilashni nazarda tutuvchi qoʻshimcha va oʻzgartirishlar kirtilyapti ekan.

Qanday oʻzgarish boʻlishi mumkin? 🤔

Harbiy blog👉 @mudofaauz

Mudofaa vazirligi ogohlantirmoqda!

Muddatli harbiy xizmatga yuborish, kontrakt bo‘yicha harbiy xizmatga kirish, mudofaa ishlari boshqarmasi va bo‘limlarida amalga oshiriladigan har qanday hujjat ishlari mutlaqo BEPUL.

Videoda tegishli aloqa raqamlari qoldirilgan. Kimdir sizga soha yo‘nalishida ishingizni osongina bitirib berish evaziga "soqqa" talab qilsa, bemalol chiqaverishingiz mumkin. Agar o‘zingiz taklif qilmagan bo‘lsangiz, albatta)

Harbiy blog👉 @mudofaauz

Bir oylik armiyaga borsammikan yoki bir yillikka, deb yurgan ukalarim, koʻp boshni garang qilmasdan vaqtida bosish kerak.

Er-yigit uchun harbiy xizmatning har qanday turi foydali. Shunday paytlar keladiki, uning foydasi tegayotganini hatto oʻzingiz ham bilmay qolasiz.

Harbiy xizmat — yigitning koʻrki. Chiroyli emas, koʻrkam yigit boʻlib yuring!

Harbiy blog👉 @mudofaauz

Tavsiyanoma olgan muddatli harbiy xizmatchilarning imtiyozlari — Mudofaa vazirligi

Harbiy blog 👉 @mudofaauz

Muddatli harbiy xizmatchilar uchun mo‘ljallangan test savollarining umumiy soni — Mudofaa vazirligi

P.s: jigarlarga joʻnatib qoʻyamiz.

Harbiy blog👉 @mudofaauz

Shu videoni yasagan montajchi qidirilmoqda!

Urush boʻlsa bari qochib, sichqonning ini ming tanga boʻladi, deydigan fitnachilarga gapim bor, ijozat bersangiz, albatta. Kim nima desa desin, mudofaamiz yaxshigina qudratga ega, deb oʻylayman. Qudratni namoyon qilish uchun esa urush boʻlishi shartmas.

P.s: ha, yangi qurol-aslaha va texnikalarimiz bor yoki yoʻqligiga menam qiziqaman. Lekin bilishim shartmas, boʻlsa boʻldi. ✊😁

Harbiy blog 👉 @mudofaauz

Menimcha, hozirga yoshlar bilan turli madaniy va ma’naviy tadbirlarda zerikarli suhbatlarni qurgandan koʻra, mana shunday #trendshortlarni koʻproq taqdim qilish ancha ta’sirli boʻlar. Qaydam, buyam bir gap-da.

Vatan omon boʻlsin!

Harbiy blog 👉 @mudofaauz

DXX raisi Bahodir Qurbonov general-polkovnik unvonini oldi — OAV. Uning yonida rais oʻrinbosari general-mayor Botir Tursunov.

Bahodir Qurbonov general-leytenant unvonida bir necha yil Mudofaa vazirligi qoʻshinlarini boshqarib kelgandi.

Harbiy blog 👉 @mudofaauz

Bugun Toshkent koʻchalarida Mudofaa vazirligi va Milliy gvardiya harbiy boʻlinmalari bayramona marsh yurishlarni amalga oshiribdi.

Yurtimizda tinchlik boʻlaversin. Harbiylarimizni urushda emas, shunaqa bayramlarda saf tortib yurishlarini koʻraveraylik.

Urush yomon.

Harbiy blog👉 @mudofaauz

⚡️O‘zbekiston Respublikasi mudofaa vaziri general-mayor Shuxrat Xalmuxamedov “Yosh harbiylar forumi”da yoshlarga murojaat qildi

Harbiy blog 👉 @mudofaauz

Shu qizchamiz Mudofaa vazirligi matbuot xizmati uchun topilma boʻldi, desak adashmagan boʻlamiz-ov. Chiqishlari shaxsan menga yoqyapti.

Bunaqa mutaxassislarni avvalboshda ishga olish kerak edi. Bu sohada ular bilan qanchadan qancha loyihalarni yorib tashlasa boʻlardi. Boshqa tomondan esa vazirlik axborotlarini kuzatadigan va eshitadiganlar soni yanayam ortardi)

Dilbuzarda koʻrgandik, axborot xizmatining yangi binosini. Pul boʻlsa bor, muhit, texnika, sharoit ham menimcha havas qilarli. Ikki-uchta bir xil chehralar bilan cheklanmasdan ishni bosish kerak, deymanda.

Nu hechdan koʻra kech. Omad!

Harbiy blog 👉 @mudofaauz

❗️Parij Olimpiadasida sovrindor boʻlgan Mudofaa vazirligi harbiy xizmatchilari taqdirlandi:

- Mudofaa vazirligi Oliy sport natijalarini rivojlantirish markazi sportchisi leytenant Diyora Keldiyorovaga muddatidan oldin navbatdagi “katta leytenant” harbiy unvoni va “Toʻmaris” koʻkrak nishoni bilan ham taqdirlandi.

- Mudofaa vazirligi Oliy sport natijalarini rivojlantirish markazi sportchisi kichik serjant Ulugʻbek Rashitov boshlangʻich ofitserlik “leytenant” harbiy unvoni bilan taqdirlandi.

- Mudofaa vazirligi Oliy sport natijalarini rivojlantirish markazi sport boʻlimi sportchisi kichik serjant Svetlana Osipovaga boshlangʻich ofitserlik “leytenant” harbiy unvoni va “Toʻmaris” koʻkrak nishoni topshirildi.

- Mudofaa vazirligi Oliy sport natijalarini rivojlantirish markazi sport boʻlimi sportchisi – oddiy askar Turdibekova Sitora Shavkat qizi “Toʻmaris” koʻkrak nishoni bilan taqdirlandi.

- Oliy sport natijalarini rivojlantirish markazi oʻqituvchi treneri – Qurolli Kuchlar xizmatchisi Xan Pavel Afanasyevich ikki xonali uy bilan taqdirlandi.

Harbiy blog👉 @mudofaauz

Mudofaa vazirligi sport markazi murabbiyi Akmal Hasanov "Chingiz Aytmatov” medali bilan taqdirlanibdi

Suratda: Akmal Hasanov hamda “Chingiz Aytmatov nomidagi Issiqko‘l forumi” xalqaro jamoat birlashmasi bosh kotibi Assol Moldokmatova

Eskartish: Olimpiya o‘yinlarida qirg‘izistonlik bokschi Munarbek Seyitbek o‘g‘liga O‘zbekiston delegatsiyasidan borgan murabbiy Akmal Hasanov sekundantlik qilgandi.

Harbiy blog👉 @mudofaauz

Mudofaa vazirligi Kinematografiya agentligi bilan hamkorlikda “Yangi O‘zbekiston lochinlari” hujjatli filmini olishibdi.

Tizerga qaraganda harbiy uchuvchilarimiz haqidagi filmni tez kunda maza qilib tomosha qilamiz.

P.s: harakat bor)

Harbiy blog👉 @mudofaauz

Harbiy oila (hazil)

Harbiy blog👉 @mudofaauz

Hozirgina "Qiruvchi" filmini ko‘rib tugatdim.

Shu janrdagi filmlarni sevib tomosha qilaman. Hindlar doim harbiy-qahramonlik filmlarini maromiga yetkazib ishlaydi. Va bu bekorga emas. Fuqarolarning vatanparvarlik tuyg‘ularini uyg‘otishning eng samarali usuli qahramonlik filmlaridir. Yana u harbiy yo‘nalishda olingan bo‘lsa ikki karra natijadorlikka erishish mumkin.

Bizda esa bunday filmlar sanoqli. "Sardor", "18-kvadrat", "Vatan" va hokazo bo‘lgandayam, ular aslida haqiqiy qahramonlik filmlari emas.

Kinochilarimiz ham auditoriyaga moslashadi-da. Bizga 18+ voqealari bo‘lgan — qaynota-kelin ishqiy sarguzashtlari, ukasi akasini xotini bilan yurishi, xiyonat kabi ijtimoiy-maishiy keks mavzular qiziq, shularni ko‘proq ko‘ramiz. Tomoshabin sifatida saviyamiz shu bilan belgilanadi. Kinochilar bizni shu darajaga tushirib qo‘ydimi yoki o‘zimiz shunday bo‘lib qoldikmi, Vallohu a'lam?!

Harbiy-vatanparvarlik filmlarini esa kimam ko‘rardi, yana u bir ahvolda hissiz bo‘lsa. Bizga yuqorida kabi chin hissiyotlarga ko‘milgan, ularni yuz-ko‘zlarda ko‘rsata bilgan, bir so‘z bilan Vatanni chindan sevdira olgan, ta'sir darajasi yuqori bo‘lgan, or-nomus va g‘ururni qitiqlab, qalblarni titratvoradigan filmlar kerak. Ularni ko‘rganingda tomiringdan qonlar jo‘shqin bo‘lib oqsin. Vatanparvarlik haqidagi mingta hisobot uchun qilingan tadbirdan bitta shunday film maqsadli bo‘lardi.

Temur Malik, Sartoy

Harbiy blog👉 @mudofaauz

Toshkentdagi yangi yo‘l o‘tkazgich to‘rtta tank bilan sinovdan o‘tkazildi

Poytaxtning Bobur ko‘chasi va «Toshkent» xalqaro aeroportini bog‘lovchi yo‘l o‘tkazgichning birinchi bosqichi qurilish-montaj ishlari yakuni bo‘yicha sinov o‘tkazilgan.

Sinovda har biri 35 tonnadan bo‘lgan to‘rtta avtotreylerga 40 tonnalik to‘rtta tank yuklanib, undan olib o‘tilgan.

Sinov natijasiga ko‘ra, yo‘l o‘tkazgich 300 tonnalik yuklamaga muvaffaqiyatli bardosh bergan va uning mustahkamligi isbotlangan.

Harbiy blog👉 @mudofaauz

O‘zbekiston armiyasi kuch bo‘yicha dunyo reytingida 18-o‘rinni egalladi

News & World Report tadqiqoti natijalariga ko‘ra, O‘zbekiston armiya qudrati bo‘yicha 87 davlat orasida 18-o‘rinda turibdi.

Reytingda Rossiya, AQSH va Xitoy yetakchilik qilmoqda. Qo‘shnilarimizdan faqat Qozog‘iston reytingga kiritildi, mamlakat 19-o‘rinni egallagan.

Nashrning yozishicha, armiyalarning qudrati global so‘rovda qatnashganlarning fikr-mulohazalari asosida baholangan.

Biznikilar yaxshi yeb-ichadi, qoni toza, qiyinchilikka chidamli. So‘rovnomada qatnashganlar bizning harbiylarni katta ehtimol bilan Xalqaro armiya o‘yinlaridan bilishsa kerak.

Harbiy blog👉 @mudofaauz

⚡️“Harbiy xizmatchilar maqomi va ularni ijtimoiy himoya qilish to‘g‘risida”gi qonun loyihasi e'lon qilindi

Qonunning asosiy maqsadi harbiy xizmatchilarning huquqlari, majburiyatlari, javobgarligi va harbiy xizmatni o‘tash bilan bog‘liq cheklovlarni, shuningdek, harbiy xizmatchilar va harbiy xizmatdan bo‘shatilgan fuqarolar hamda ularning oila a’zolarini huquqiy va ijtimoiy himoya qilish sohasidagi munosabatlarni tartibga solishdir.

Harbiy blog👉 @mudofaauz

Ijarada turganlik uchun oylik pul kompensatsiyasi to‘lash miqdori 50 foizga oshirilishi mumkin

Qurolli Kuchlar harbiy xizmatchilarining turar joyi bo‘yicha ijtimoiy muhofazasini kuchaytirish maqsadida O‘zbekiston Respublikasi Prezidentining ayrim qarorlariga o‘zgartirishlar kiritilmoqda. Bu bo‘yicha tegishli hujjat loyihasi e'lon qilindi.

Hujjatda:

▪️harbiy xizmatchilariga turar joyni ijaraga olganlik (ijarada turganlik) uchun har oylik pul kompensatsiyasi to‘lash miqdorini 50 foizga oshirish;

▪️harbiy xizmatchilarga va harbiy xizmatdan rezervga (iste’foga) bo‘shatilgan (chiqarilgan) fuqarolarga turar joy sotib olish (qurish) uchun ipoteka krediti olinishida ularning kalendar hisobdagi harbiy xizmat muddatiga muvofiq dastlabki badal miqdorini oshirish belgilab o‘tilgan.

Iqtisodiyot va moliya vazirligi, O‘zbekiston Respublikasi Qurolli Kuchlari tarkibiga kiradigan vazirlik va idoralarning so‘rovnomasiga asosan harbiy xizmatchilariga turar joyni ijaraga olganlik (ijarada turganlik) uchun har oylik pul kompensatsiyasining oshirilgan to‘lovlari bo‘yicha xarajatlarni amalga oshirish uchun Davlat byudjetidan zarur mablag‘lar ajratadi, 2024 yildan boshlab zarur mablag‘larning Davlat byudjeti parametrlarida ko‘zda tutilishini ta’minlaydi.

❗️Mudofaa vazirligi manfaatdor vazirlik va idoralar bilan birgalikda bir oy muddatda qonunchilik hujjatlariga ushbu qarordan kelib chiqadigan o‘zgartirish va qo‘shimchalar to‘g‘risida Vazirlar Mahkamasiga takliflar kiritadi.

Harbiy blog👉 @mudofaauz

O‘zbekiston Mudofaa vazirligi harbiy xizmatchilari «Kembriya patruli» xalqaro musobaqasida muvaffaqiyatli ishtirok etib, o‘tgan yilgi natijasini takrorlagan holda ikkinchi o‘rinni egalladi.

Joriy yilning 1–12-oktyabr kunlari Buyuk Britaniyaning Brekon shahrida o‘tkazilgan razvedka va maxsus bo‘linmalarning «Kembriya patruli» xalqaro musobaqasida dunyoning jami 44 ta davlatidan 118 ta jamoa ishtirok etdi.

Jumladan, unda mezbon Buyuk Britaniya, O‘zbekiston, Irlandiya, Germaniya, Latviya, Fransiya, Gana, Italiya, Hindiston, Polsha, AQSH, Litva, Niderlandiya, Nepal, Avstraliya, Pokiston, Meksika, Albaniya, Chili, Qozog‘iston, Yangi Zelandiya Qurolli Kuchlarining razvedka va maxsus bo‘linmalari harbiy xizmatchilaridan iborat jamoalar o‘zaro bahs olib bordilar.

Harbiy blog👉 @mudofaauz

Qurolli Kuchlar tarkibiga kiruvchi vazirliklar va idoralar uchun yagona bo‘lgan maxsus Armiya.uz rasmiy axborot sayti ishga tushirilibdi.

Endilikda Mudofaa vazirligi, Milliy gvardiya, DXX, FVV va IIV yangiliklarini birgina shu saytda o‘qib borish mumkin.

Telegram kanali👈
Veb-sayti👈

Harbiy blog👉 @mudofaauz

Mudofaa vazirligi qo‘shinlarida harbiy xizmatchilar “Dovyurak jangchi” farqlovchi nishoni uchun intensiv sinovlardan o‘tibdi.

Ma'lumot uchun, ushbu sinovlar “Oʻzbekiston Respublikasi Qurolli Kuchlari harbiy xizmatchilarining jismoniy tayyorgarligini yuqori darajada tashkil etish boʻyicha qoʻshimcha chora-tadbirlar toʻgʻrisida” prezident qaroriga muvofiq tashkil qilingan.

Vazirlikdagi manbamizga ko‘ra, bu yil sinovlarda ayol harbiy xizmatchilar ham qatnashgan va “Dovyurak jangchi” degan nomga ega bo‘lgan.

Eskartish: intensiv sinovlardan oʻtgan harbiy xizmatchilar harbiy unvon va lavozim maoshining bir baravari miqdoridagi bir yoʻla toʻlanadigan bir martalik pul mukofoti bilan mukofotlanadi.

Harbiy blog👉 @mudofaauz

"Sobiq harbiy 18 yilga qamaldi", "Sobiq harbiy 7 yoshli qizaloqqa tegajog‘lik qilgani uchun 18 yilga qamaldi" va hokazo degan sarlavhalar bilan xayp ishlayotgan ayrim saytlarni qoralayman va la'natlayman.

Bir axmoq qariya, qachondir organ sohasida ishlagan va nafaqaga, odamlar orasiga qaytgan. Uning psixologiyasi qanday, hech kim bilmaydi. Bo‘ldi, buning uchun "Sobiq harbiy" deb chiqish shart emasdi.

Rasmiy tashkilotlarimiz ayrim saytlarimiz faoiliyatini tartibga solib, ozroq tushuntirishlar o‘tib tursa senzuraga kirmas. Har holda bunday sarlavhalar bilan sodda odamlarimizda butun boshli kuch tuzilmalardagi (yuksak burchni ado etayotgan) harbiy xizmatchilarga bo‘lgan ishonch va hurmatning susayishiga, har xil shubha va gumonlar paydo bo‘lishiga, asta sekinlik bilan bo‘lsa-da, olib keladi, deb o‘ylayman.

Qolgan sohalarni bilmadim. Ammo, umuman olganda aynan Vatan himoyasida turganlarni fishka qilib, hazilga olish, e'tibor tortish uchun turli xayplardan foydalanish yaxshimas.

Temur Malik, Sartoy

Harbiy blog👉 @mudofaauz

Obbo sartarosh. Bir kulging keladi, bir jahling chiqadi.

Tojikistonda Xo‘jand harbiy sudi xizmatga yangi chaqirilgan to‘qqiz nafar askarning boshida «Konibodom» yozuvini qirtishlagan serjant Muhriddin Ismoilovni 5 yilga qamabdi.

U hokimiyat yoki xizmat vakolatini suiiste’mol qilishda ayblangan. Sud hukmida aytilishicha, M. Ismoilov harbiy xizmatga yangi chaqirilganlarni o‘z harakatlari bilan xo‘rlagan.

O'zimizni serjantlar, askarlar bilan muomalada yanayam ehtiyotkor bo‘lamiz)

Harbiy blog👉 @mudofaauz

Toshkentda Tojikistonning birinchi mudofaa vaziri Aleksandr Shishlyannikov 73 yoshida vafot etdi

U so‘nggi yillarda O‘zbekiston Qurolli Kuchlari akademiyasi harbiy ilmiy-amaliy ishlab chiqish markazi katta ilmiy xodimi sifatida ishlab kelayotgandi.

❗️Marhumni so‘nggi manzilga kuzatish bugun, 16 sentyabr kuni soat 11.00 da Chirchiq  oliy tank qo‘mondonlik-muhandislik bilim yurtida bo‘lib o‘tadi.

Harbiy blog👉 @mudofaauz

Erta tongda Mudofaa vazirligi Havo hujumidan mudofaa qoʻshinlari va Harbiy havo kuchlari qoʻmondonligining maxsus uchuvchilar jamoasi Havo floti kuni munosabati bilan Chirchiq osmonida UZAIRFORCE yozuvini hosil qildi. Jarayon H-215 Super Puma vertolyotida amalga oshirildi.

Harbiy blog👉 @mudofaauz

Chirchiqda Havo floti kuni munosabati bilan Harbiy havo kuchlari aviashou namoyish etadi.

Ertaga, 19-avgust kuni soat 08:30 da Toshkent viloyatida joylashgan “Chirchiq” poligonida Havo hujumidan mudofaa qoʻshinlari va Harbiy havo kuchlari mutaxassislari kuni munosabati bilan harbiy uchuvchilar tomonidan koʻrgazmali aviachiqish (aviashou)lar tashkil etiladi.

Mudofaa vazirligi mazkur bayramona tarzda tashkil etiladigan aviachiqishlar tadbiriga taklif qilmoqda.

Harbiy blog👉 @mudofaauz