Mm Sub Desc

Signal The Movie 2021

ဇာတ်လမ်းအစ အသံတိတ် လူသတ်သမားတွေရဲ့ လက်ချက်ကြောင့်
သေသွားခဲ့တဲ့ ခေါင်းဆောင် ဆာကူရာဂီ ရဲ့ တပည့်ဖြစ်သူ ဆယ်ဂူဆာ ဟာ သူတို့ ခေါင်းဆောင် ကို သတ်သွားတဲ့ လူသတ်သမားကို လိုက်ရှာဖို့အတွက် အိုယာမီ အဖွဲ့နဲ့ပူးပေါင်းခဲ့တယ်

ဒါပေမယ့် အိုယာမီ ဟာလည်း လူသတ်သမားတွေ လိုက်သတ်လို့ ထွက်ပြေးရင်းနဲ့ ဇာတ်မြုပ်သွားခဲ့ပါတယ်

ဒါကြောင့် ဆယ်ဂူဆာ ဟာ အိုယာမီ ကို လူသတ်သမားတွေ ဘာကြောင့် လိုက်သတ်တာလဲဆိုတာ စုံစမ်းရင်း လူသတ်သမားတွေဟာ တခြားလူတွေမဟုတ်ဘဲ အထက်လူကြီးတွေရဲ့ ခိုင်းစေမှာကြောင့်ဆိုတာ သိသွားခဲ့ရာမှာတော့

အထက်လူကြီးတွေရဲ့ မကောင်းတဲ့ ဒုစရိုက်လုပ်ငန်းတွေကို အိုယာမီ သိသွားခဲ့လို့ လိုက်သတ်ခဲ့တာလား?

စုံထောက်လေး ဆယ်ဂူဆာက ရော အထက်လူကြီးတွေရဲ့ နောက်ကွယ်က လျှို့ဝှက်ချက်ကို ဖော်ထုတ်နိုင်မလား?

အိုယာမီ ကရော ဘယ်ချိန်မှ ပြန်ဖော်
လာပြီး အထက်လူကြီးတွေ ရဲ့ ယုတ်မာတဲ့ လုပ်ရပ်တွေကို ဖော်ထုတ်မလဲ ဆိုတာ စိတ်ဝင်တစားကြည့်ရမယ့် ဇာတ်ကားကောင်းလေးမို့ လက်မလွှတ်ဘဲ ကြည့်လိုက်ရအောင်

Moonshine (2021)

သမိုင်းနောက်ခံအချစ်ဇာတ်လမ်းအမိုက်စားလေးတွေကို မျှော်လင့်နေကြတဲ့ ပရိသတ်ကြီးအတွက် အခုတစ်ခေါက်တင်ဆက်ပေးမှာကတော့
လူငယ်တွေရဲ့ ချစ်ခြင်းမေတ္တာနဲ့ ခင်မင်မှုတွေကို စိတ်ဝင်စားဖွယ်ဖော်ညွှန်းထားတဲ့ ဂျိုဆွန်းခေတ်နောက်ခံဇာတ်ကားလေးပဲဖြစ်ပါတယ်။

ဒီကားလေးထဲမှာတော့ …

အရက်သေစာရောင်းဝယ်ဖောက်ကားမှုကို ပြင်းပြင်းထန်ထန်တားမြစ်ထားတဲ့ ကာလကြီးမှာ အောင်မြင်မှုအတွက် ယန်ဟန်းမြို့တော်ကိုတက်လာပြီး တရားရေးဌာနမှာအလုပ်လုပ်နေသူ အထောက်တော်လေး Nam Young
အကြွေးတွေကိုဆပ်ဖို့အတွက် အရက်ပုန်းရောင်းရုံသာမက ရရာအလုပ်နဲ့ မိသားစုကိုရှာကျွေးနေရတဲ့ကောင်မလေး Kang Ro Seo နဲ့
အရက်သေစာသောက်စားမှုတားမြစ်ထားပေမယ့် စည်းမျဥ်းတွေကိုဂရုမစိုက်ဘဲ နန်းတော်အပြင်ကိုခိုးခိုးထွက်ပြီး သောက်စားနေတတ်တဲ့ ပြဿနာအိုးမင်းသားလေး Lee Pyo
ကိုယ်လိုချင်တာကိုရအောင်ယူတတ်တဲ့ မျိုးရိုးမြင့်မိသားစုရဲ့ သခင်မလေး Han Ae jin တို့လေးဦး ဆုံစည်းဖို့ အကြောင်းဖန်လာခဲ့ပါတယ်။

သူတို့လေးဦးရဲ့ ဘယ်လိုကမောက်ကမအဖြစ်အပျက်လေးတွေနဲ့ ဆုံစည်းဖြစ်ကြမလဲ ?
ဘယ်လိုအမှုတွေ ဘယ်လိုအခြေအနေတွေနဲ့ စုံစမ်းမှုတွေကို ရင်တထိတ်ထိတ်နဲ့ လုပ်ဆောင်ကြမလဲ ?
လူငယ်တွေကြား ဘယ်လိုအချစ်ဇာတ်လမ်းမျိုးတွေ ပေါက်ဖွားလာကြမလဲ ? ဆိုတာကိုတော့ အခုတင်ဆက်ပေးထားတဲ့ When Flowers Bloom, I Think of the Moon (Moonshine) ကားလေးကို အပတ်စဥ်စောင့်ကြည့်ရင်း ရင်ခုန်လိုက်ကြရအောင်နော်။

ပါဝင်ထားတဲ့ cast တွေကလည်း နာမည်ကြီးသရုပ်ဆောင်တွေဖြစ်တဲ့ Yoo Seung Ho, LeeHyeri, Byun Woo Seok, Kang Mi Na တွေပဲဖြစ်လို့ သူတို့ လေးဦးရဲ့ အလန်းစားသရုပ်ဆောင်ချက်တွေကို ကြည့်ရှုရမှာပဲဖြစ်ပါတယ်။

When the Stars Gossip (2025)

ယခုတစ်ခေါက် တင်ဆက်ပေးသွားမဲ့ ဇာတ်လမ်းတွဲအသစ်လေးကတော့ sci-fi အမျိုးအစားကိုမှ romantic comedy လေးပါ ကြည့်ချင်တယ်ဆိုတဲ့ ပရိတ်သတ်ကြီးတို့အတွက်...

နာမည်ကြီးမင်းသား မင်းသမီးတွေပါဝင်ထားတဲ့ When the Stars Gossip ဇာတ်လမ်းတွဲသစ်ပဲ ဖြစ်ပါတယ်...

အဓိကသရုပ်ဆောင်တွေအနေနဲ့ မင်းသားချော Lee Min Ho နဲ့ မင်းသမီးကြီး Gong Hyo Jin တို့ ပါဝင်ထားပါတယ်...

ဇာတ်လမ်းအကျဉ်း
---------------------------

တောင်ကိုရီးယားနိုင်ငံရဲ့ အချမ်းသာဆုံးလုပ်ငန်းစုတစ်ခုဖြစ်တဲ့ MZ လုပ်ငန်းစုရဲ့ အနာဂတ်သမက်လောင်း ဂုံလျောင်း(Lee Min Ho)ဟာ အာကာသခရီးသည် တစ်ဦးအနေနဲ့ အာကာသစခန်းမှာ ရက်အနည်းငယ်လောက်နေဖို့ ဖြစ်လာခဲ့တယ်...

ဂုံလျောင်းမှာ တခြားလျှို့ဝှက်ရည်မှန်းချက်တစ်ခုလည်း ရှိပါသေးတယ်...

စည်းမျဉ်းစည်းကမ်းတွေကို တင်းကြပ်ပြီး အမှားလုပ်မှာကို မကြိုက်တဲ့ ပြီးပြည့်စုံမှ အကောင်းမြင်တတ်သူ အီ့ဖ်ဂင်(Gong Hyo Jin)...

အိ့ဖ်ဂင်ကတော့ အာကာသစခန်းအတွက် ခေါင်းဆောင်အနေနဲ့ တာဝန်ယူထားရပါတယ်...

အာကာသယာဉ်မှူးမလေး အီ့ဖ်ဂင်နဲ့ အာကာသခရီးသွားလေး ဂုံလျောင်းတို့တွေ ဘယ်လိုအရာတွေကိုတွေ့ကြုံရမလဲ...

အာကာသစခန်းမှာ တစ်ယောက်ကို တစ်ယောက်မှီခိုနေထိုင်ရင်း အချင်းချင်းချစ်မိသွားကြတဲ့အခါ...

ဘယ်လိုတွေဆက်ဖြစ်မလဲဆိုတာကို အပတ်စဉ် စနေ တနင်္ဂနွေနေ့တိုင်း စောင့်မျှော်ကြည့်ရှုပေးကြပါဦးနော်...

Love is Blind , Hate Too 2022

စာရေးဆရာမ အားပေါင် ဆိုသူနဲ့ ဆရာဝန်ယန်ယောက်ဟွာတို့ဟာ
သူများတွေအားကျရတဲ့အထိ အရမ်းကိုမှ ချစ်ခင်ကြင်နာကြတဲ့ လင်မယားတွေပါ ။
အားပေါင်တစ်ယောက် ကားမတော်တဆမှုနဲ့ကြုံတွေ့ပြီး မျက်စိနှစ်လုံး
အမြင်ကွယ်ခဲ့ပြီးတဲ့နောက်မှာ ဆရာဝန်ယန်ဟာ သူ့ဇနီးအပေါ်ကို
အရင်ကထက် ဆထက်တစ်ပိုး တိုးလို့ချစ်ခဲ့ပါတယ် ။

ဒီလိုနဲ့ပဲ တစ်နေ့မှာတော့ ဆရာဝန်ယန်ဟာ အလုပ်ကိစ္စနဲ့ ခရီးထွက်သွားခဲ့ပြီး
ဇနီးဖြစ်သူ အားပေါင်ကို အိမ်မှာတစ်ယောက်ထဲ ထားခဲ့ရပါတော့တယ် ။
ဒီလိုမျိုး ဆရာဝန်ယန် ခဏတာ အိမ်ကနေ ထွက်သွားခဲ့တဲ့အခိုက်အတန့်က
သူ့ရဲ့ ဘဝကိုတစ်ဆစ်ချိုးပြောင်းလဲသွားခဲ့တယ်ဆိုရင်လဲမမှားပါဘူး ။

သူခရီးထွက်နေစဥ်အတွင်းမှာ ကျန့်ဝမ်တီ လို့ခေါ်တဲ့ အမျိူးသားတစ်ဦး
အိမ်ရောက်လာခဲ့ပြီး မျက်မမြင်အားပေါင်ကို စတင်အနိုင်ကျင့်ခဲ့ပါတော့တယ် ။
ယောကျာ်းဖြစ်သူသူ ခရီးထွက်သွားနေတဲ့အတွက်ကြောင့်
ကူရာမဲ့ဖြစ်နေတဲ့ အမျိုးသမီး မျက်မမြင်တစ်ယောက်
ကြောက်မက်ဖွယ် အကြုံဆိုးနဲ့ ယောကျာ်းတစ်ယောက်ကို ရင်ဆိုင်ခဲ့တဲ့ အချိန်မှာ -

❏ ဘယ်လိုတွေ ရင်ဆိုင်ဖြေရှင်းသွားမှာလဲ ?
❏ ကျန့်ဝမ်တီလို့ခေါ်တဲ့ အမျိုးသားကရော ဘယ်လိုအညှိုးအတေးတွေ ရှိခဲ့လို့
ဒီလိုမျိုးကြောက်မက်ဖွယ်ကောင်းတဲ့ အကြံအစည်ကို ကြံစည်ရတာလဲ ?

❏ ဒီလိုမျိုးလျှို့ဝှက်ချက်တွေနဲ့ ပြည့်နှက်နေတဲ့ ဆက်ဆံရေးတွေကြားမှာ
တကယ့်အဖြစ်မှန်က ဘာလဲဆိုတာ သိရဖို့ ဒီကားလေးကို ကြည့်ရှုလိုက်ရအောင်ပါနော် ။

Money Game (2020)

ဘဏ္ဍာရေးပြဿနာဖြစ်ပြီးနှစ်၂၀အကြာ ဂျောင်အင်းဘဏ်ကိုရှင်းထုတ်ဖို့ ကြိုးစားရင်း ဘဏ္ဍာရေးဌာနထိပ်သီးပိုင်းတွေကြားထဲကပဋိပက္ခတွေ အစိုးရရဲ့ရှယ်ယာတွေကြောင့် ဒေဝါလီခံရတော့မယ့်သူတွေကြားပွက်လောရိုက်နေခဲ့ပါတယ် ပြည်သူတွေကလဲ ၁၉၉၇ခုနှစ်တုန်းကဖြစ်ခဲ့တဲ့ ကိုရီးယားဘဏ္ဍာရေးအကျပ်အတည်းကာလလိုထပ်ဖြစ်မှာကိုကြောက်ရွံ့နေခဲ့ပါတယ် ….အဲ့ဒီတုန်းက တစ်နိုင်ငံလုံး
ရောက်ခဲ့တဲ့ ဒုက္ခက တော်တော်ကြီးခဲ့တာကိုး….
အစိုးရပိုင်းကလူတွေ ခရိုနီတွေ စတော့ကစားတဲ့သူတွေ စီးပွားရေးသမားတွေကြား ဉာဏ်ကစားကြသူတွေရဲ့ အကြောင်းတွေကို ပုံဖော်ထားတာပါ…

ဒီနေရာမှာ ကျရှုံးတဲ့သူတွေ ဘဝပျက်သွားတဲ့သူတွေ မိမိကိုယ်မိမိသေကြောင်းကြံတဲ့သူတွေ ဒုနဲ့ဒေးပေါ့…
ဒီကားမှာ အားရစရာကောင်းတာက မင်းသားရော မင်းသမီးရော သိပ်ထက်မြက်ကြတဲ့
သူတွေဖြစ်ပါတယ်….
ပြီးတော့ မင်းသားနဲ့ မင်းသမီးရဲ့ အချစ်ဇာတ်လမ်းလေးကိုတော့ သိမ့်သိမ့်မွေ့မွေ့လေး ထည့်ထားပါတယ်…

Money Game ဆိုတဲ့အတိုင်း ငွေကြောင့် သားကောင်တွေပဲဖြစ်မလား…ငွေကို လိမ္မာပါးနပ်စွာနဲ့ အသုံးချနိုင်တဲ့သူတွေဖြစ်မလားဆိုတာကိုတော့…

ရင်ခုန်စိတ်လှုပ်ရှားစွာ စောင့်ကြည့်ရမှာဖြစ်ပါတယ်….

.စီးပွားရေးသမားတွေပိုကြည့်သင့်သလို အချစ်ဆို သိမ့်မွေ့နူးညံတဲ့အရာလို့ထင်တဲ့သူတွေလည်းကြည့်သင့်ပါတယ်

The Haunting 2023

အိမ်ခြံမြေလုပ်ငန်းရှင်Jiang Shuoရဲ့ အိမ်အရောင်းဝယ်လုပ်ငန်းကို လုပ်ကိုင်ရင်း ကြုံတွေ့ရတဲ့အတွေ့အကြုံလေးအကြောင်းပဲဖြစ်ပါတယ်။

ရေမြေမကောင်းလို့ လာဘ်မကောင်းလို့ သရဲခြောက်လို့ ဆိုပြီး အလောတကြီးရောင်းချင်တဲ့အိမ်တွေကတော့ Jiang shuo ရဲ့အကြိုက်ပါပဲ။
Jiangက အဲဒီလိုအိမ်ရှင်တွေဆီကနေပြီး ဗိုက်နာစျေးနဲ့ဝယ် ပြင်ပြင်ဆင်ဆင်လုပ်ပြီး စျေးပြန်မြှင့်ပြီးရောင်းတဲ့
အိမ်ခြံမြေလုပ်ငန်းရှင်လူဖျံလေးတစ်ယောက်ပေါ့......

တစ်နေ့မှာတော့ Jiangဆီကို တိုက်ကြီးတစ်တိုက်ကိုစျေးပေါပေါနဲ့လာရောင်းပါတယ်။
သူတို့အိမ်သွားကြည့်တဲ့နေ့ဟာ တစ္ဆေပွဲတော်နေ့ဖြစ်ပြီး
တိုက်ကြီးမှာနေတဲ့သူတွေက ပူဇော်ပွဲလုပ်နေကြပါတယ်။ တိုက်ကြီးမှာနေတဲ့သူတွေက ဖီပါးကုန်းဆိုတဲ့နတ်ကို ကိုးကွယ်ကြသတဲ့။

အိမ်ကြီးကလဲ ကျောချမ်းစရာအပြည့်နဲ့ ခြောက်ချားစရာကြီးနဲ့ ဖီပါးကုန်းဆိုတာဘာနတ်မှန်းလဲမသိတော့ Jiang ရဲ့လုပ်ဖော်ကိုင်ဖက်ကမဝယ်ဖို့တားတာပေါ့။
ဒါပေမယ့် အိမ်ရှင်ကစျေးကိုအဆမတန်လျှော့ပေးတော့
စျေးပေါတာကြိုက်တဲ့ Jiang တစ်ယောက်ဝယ်လိုက်ပါလေရော.....
သူ့လက်ထဲကိုအိမ်ကြီးရောက်လာပြီးမှ ဖီးပါးကုန်းရဲ့ကျိန်စာကြောင့်
သေတယ်ဆိုပြီး လူတွေဆက်တိုက်သေလာပါတယ်......
ရှေ့ဆက်ပြီးကျန်းတို့အဖွဲ့ဘာတွေကြုံတွေ့ကြရမလဲ......
လူတွေသေရတဲ့နောက်ကွယ်ကအမှန်တရားကရောဘာတွေဖြစ်နေမလဲ......
ကျန်းတို့အဖွဲ့ကဘယ်လိုဖြေရှင်းကြမလဲဆိုတာကို
ခြောက်ချားစရာတွေကြားမှာဟာသလေးနှောပြီး စိတ်ဝင်စားဖွယ်ကြည့်ရမှာဖြစ်ပါတယ်။

Juvenile Justice (2022)

ဇာတ်လမ်းအညွှန်း

တောင်ကိုရီးယားဥပဒေအရ အသက်မပြည့်သေးတဲ့ရာဇဝတ်သားတွေက ထောင်မကျဘဲ လူငယ်ပြုပြင်နေရာလောက်ကို ပို့ရုံလောက်နဲ့ပြီးသွားပါတယ်။

လူသတ်မှု ပြန်ပေးမှုတွေကျူးလွန်ရင်တောင်မှ ထောင်မကျပါဘူး။ ဒီလိုနဲ့ လူငယ် ရာဇဝတ်သားတွေ များသထက်များလာတဲ့ခေတ်ဖြစ်လာပါတော့တယ်။

နာမည်ကျော် ဖြောင့်မတ်တဲ့ တရားသူကြီးတစ်ယောက်ဖြစ်တဲ့ ရှင်းအွန်ဆော့က ဒီဖြစ်ရပ်ကို လုံးဝ သဘောမကျတဲ့ လူတစ်ယောက်ဖြစ်ပါတယ်။

ဒီလိုမမျှတတဲ့ ဥပဒေအောက်မှာ အပြစ်ပေးဖို့ မဖြစ်နိုင်တဲ့အတွက် ရှင်းအွန်ဆော့တစ်ယောက် တရားမျှတမှုအတွက် ဘယ်လိုတွေ လုပ်ဆောင်သွားမလဲ? ဘယ်လိုအခက်အခဲတွေ ကြုံတွေ့ရမလဲဆိုတာ အတူတူ ဆက်လက် ရှုစားကြပါစို့

Island Keeper (2021)

ကျွန်းတစ်ကျွန်းပေါ်မှာ လူမရှိ သူမရှိ ကိုယ့်မိသားစုနဲ့ ကိုယ်ပဲ နေဖို  စိတ်ကူးရဲပါသလား?
တချိုတွေက ပြစ်မှုကြီးတွေ ကျူးလွန်လို တစ်သက်တစ်ကျွန်း ပြစ်ဒဏ်ကျခံရပါတယ်။
ဒါကြောင့် အပြစ်သားတွေကို မီးပြတိုက်ရှိတဲ့ကျွန်းတွေမှာ  အစောင့်တာဝန်နဲ့ ချထားတာမျိုးပါ
တချိုတချိုတွေရဲ့ဘဝကတော့ စားဝတ်နေရေး အခက်အခဲကြောင့်
ကျွန်းပေါ်မှာ သွားနေရတဲ့လူတွေ ရှိပါတယ်။
ဒီအထဲမှာ ဝမ်ကျိခိုင် နဲ့ သူ့ဇနီးသည်တိုလည်း ပါခဲ့ပါတယ်။
ဒီဇာတ်လမ်းကတော့ ကျွန်းလေးတစ်ကျွန်းပေါ်မှာ ၃၂ နှစ်ကျော် နေထိုင်လာခဲ့ပြီး
ဒီကျွန်းလေးကို ကိုယ့်အိမ်လို သဘောထားပြီး ခုခံကာကွယ်ခဲ့တဲ့ ဝမ်ကျိခိုင်တို မိသားစုအကြောင်းကို
ရိုက်ကူးတင်ဆက်ထားတဲ့ ဖြစ်ရပ်မှန် ဇာတ်လမ်းပဲ ဖြစ်ပါတယ်။
ဖြစ်ရပ်မှန်ကို အခြေခံထားသလို ဆုပေါင်း ၆ ဆု နဲ့ တစ်ကြိုစာရင်း ၄ ကြိမ် ဝင်ထားတာမို
မလွဲမသွေ ကြည့်သင့်တဲ့ ရုပ်ရှင်ကောင်းတစ်ခုဆိုတာတော့မလွဲတာသေချာပါတယ်။

Catch The Ghost (2019)

ဇာတ်လမ်းအကျဥ်း
++++++++++++++

ဇာတ်လမ်းပုံစံလေးကတော့
ဆိုးလ်မြေအောက်ဘူတာရုံတစ်ခုမှာ ကွင်းဆက်လူသတ်မှုဖြစ်ပွားခဲ့ပါတယ်
အဲ့ဒီမြေအောက်ဘူတာရုံမှာ စိတ်ဝေဒနာရှင် အမြွှာညီမလေး ပျောက်ဆုံးသွားတာကြောင့် ကွင်းဆက်လူသတ်မှုနဲ့ ဆက်နွယ်နေမလားဆိုတာစုံစမ်းချင်တဲ့အတွက် မြေအောက်ရထားရဲဌာနကို ဝင်ချင်ပြီး မတရားတာမြင်ရင် မကူညီဘဲမနေနိုင်တဲ့  ရဲမေလေးYoo Ryung
မြေအောက်ရထားက ခါးပိုက်နှိုက်တွေကို ဖမ်းဆီးရပြီး နှံကောင်ပျံလို့သိကြတဲ့ ကျွမ်းကျင်ခါးပိုက်နှိုက်ကို ဖမ်းဆီးဖို့ တာဝန်ပေးအပ်ခြင်းခံရတဲ့  မြေအောက်ရထားရဲဌာန ခေါင်းဆောင် Ko Ji Seok
သူတို့နှစ်ယောက်ရဲ့တွေ့ဆုံမှုမှာ ဘယ်လိုအလွဲလွဲအမှားမှားတွေဖြစ်ပြီး  လူဆိုးတွေကို ဘယ်လိုဖမ်းဆီးကြမလဲဆိုတာကို ကြည့်ရှုရမှာကြည့်ပြီး Comedy Crime စီးရီးအမျိုးအစားလေးဖြစ်ပါတယ် နော်

Alienoid /Alien+Human Part 1 (2022)

နန်းတွင်းရာဇဝင်ကားလို ဆိုလိုက်တာနဲ့ သမားရိုးကျ ဘုရင် မိဖုရား မင်းသားတွေကြား ထီးနန်းလုတာပဲ ရိုက်တဲ့ ကားတွေချည်း ထပ်ခါတလဲလဲ ကြည့်နေရလို ငြီးငွေ့နေပြီလား
ဪ ဒါနဲ့ အဲ ၁၃၈၀ ခုနှစ်တွေထဲ အာကာသယာဉ်တွေ ဂြိုဟ်သားတွေ ရောက်လာမယ်လို တွေးကြည့်ဖူးလား
အင်တာနက်မရှိ မီးမရှိ ဖုန်းမရှိတဲ့ အဲခေတ်တွေမှာ ဂြိုဟ်သားတွေက ဘယ်လိုနေမှာလဲ နေလိုရောရလိုလား
သိချင်တယ်ဟုတ် တိုလဲသိချင်တယ်လေ
ဒါဆို ဂြိုဟ်သားတွေ အဲခေတ်မှာနေလိုရလား ပရမ်းပတာတွေဖြစ်လာမလားဆိုတာကတော့ ဒီ "alienoid" ဆိုတာလေးထဲ အဖြေရှာကြည့်လိုရပါပြီနော်

လောလောလတ်လတ်ကမှ ပရိတ်သတ်အားပေးမှုရခဲ့တဲ့ Twenty Five Twenty One ဇာတ်လမ်းတွဲက မင်းသမီးလေးနဲ့ မြန်မာပြည်မှာ ကိုရီးယားကားလို ခေတ်တစ်ခေတ်စကတည်းက ရွှေသရဖူလို လူငယ်တွေကြား နာမည်ကြီးခဲ့တဲ့ The Heirs ဇာတ်လမ်းတွဲထဲက မင်းသား ကင်ဝူဘင်တိုကို ပြန်တွေ့ကြရမှာပါ

The Moon Embracing the Sun

ဒီဇာတ်ကားလေးကတော့ အားလုံးသိတဲ့ဇာတ်ကားဟောင်းလေးတစ်ကားပါပဲ ဒီအချိန်ဒီလိုကာလမှာ နွမ်းနယ်တဲ့စိတ်တွေကိုတစ်ဖက်တစ်လမ်းက ဖြေလျော့ပေးမယ့် Old but Gold ကားလေးပေါ့ ဒီသမိုင်းဝင်ချစ်ဇာတ်လမ်းလးတစ်ပုဒ်ကို “လရောင်ဖန်ဆင်းနေမင်းကြမ္မာ” “လရောင်လွှမ်းသောအလွမ်းနေ” “လတစ်စင်းရဲ့ချစ်ခြင်းဖွဲ့နေမင်း” စတဲ့ နာမည်တွေအမျိုးမျိုး အဖုံဖုံတင်စားခဲ့ကြတယ် နေမင်းကြီးကိုကိုယ်စားပြုတဲ့မင်းကြီးဟာ လမင်းလေးကိုကိုယ်စားပြုတဲ့ အတိတ်မေ့နေတဲ့ အချစ်ဦးနတ်ဆရာမလေးတို့ရဲ့ လွမ်းမောဖွယ်ချစ်ဇာတ်လမ်းလေးကို ခံစားကြည့်ရှုကြရမှာပါ ဇာတ်လမ်းကကောင်းဆို IMDb Rating 8 နဲ့ Stand ခဲ့တဲ့ဇာတ်ကားမို့လို့ ကြည့်ပြီးသား  ပြန်ကြည့်လည်းနောင်တမရှိလောက်ပါဘူးနော် မင်းသား Kim Soo Hyun, Jung II Woo နဲ့ မင်းသမီး Han Ga In တို့ကို ကြည်ကြည်လင်လင်ပြန်ကြည့်ရတာနဲ့တင် တန်မှာပါ ဇာတ်လမ်းလေးကြည့်ရင်းနောက်နေ့တွေအတွက်အားမွေးကြနော်

Kairos (2020)

ဘဝမှာအောင်မြင်ဖို့အတွက်သာ ကြိုးပမ်းနေတဲ့မင်းသား ဂင်ဆောဂျင်ဟာ သူရဲ့ကြိုးစားအားထုတ်မှုကြောင့်သူ့ကုမ္ပဏီမှာ အသက်အငယ်ဆုံး အလုပ်အမှုဆောင်ဖြစ်လာပါတယ်။

ဇနီးချောလေးဖြစ်သူ တယောပညာရှင် ဂန်ဟွန်းချယ်နဲ့သမီးတစ်ယောက်ရှိပြီး သူဘဝဟာပြီးပြည့်စုံနေခဲ့ပါတယ်။

သာယာနေတဲ့သူရဲ့ဘဝတစ်ခုလုံးဟာ သမီးဖြစ်သူပြန်ပေးဆွဲခံရတဲ့အချိန်မှာ အကုန်ရပ်တန့်သွားခဲ့ပါတယ် ဆောက်တည်ရာမရဖြစ်နေပြီး အတိတ်ကိုပြောင်းလဲဖို့အတွက် သမီးဖြစ်သူပြန်ပေးဆွဲခံရတဲ့အချိန်ဖြစ်တဲ့ လွန်ခဲ့တဲ့တစ်လလောက်မှာ အတိတ်ကာလက မင်းသမီးဂန်အယ်ရီကို ဆက်သွယ်မိတဲ့အခါ….

မင်းသမီးဂန်အယ်ရီက စာလေ့လာရင်းတစ်ဖက်နဲ့ မိခင်ဖြစ်သူ ခွဲစိတ်ဖို့အတွက် အချိန်ပိုင်းအလုပ်လုပ်ရင်း ပိုက်ဆံရှာဖွေနေသူပါ တစ်နေ့မှာ မိခင်ဖြစ်သူပျောက်ဆုံးသွားပြီး ဆောက်တည်မရဖြစ်နေတဲ့အချိန် အနာဂတ်က ဂင်ဆောဂျင်နဲ့ဆက်သွယ်မိသွားတဲ့အခါ…..

မင်းသားကကော သူ့သမီးဖြစ်သူကို ကယ်တင်နိုင်မှာလား
မင်းသမီးကကော ပျောက်ဆုံးနေတဲ့မိခင်ဖြစ်သူကိုပြန်ရှာတွေ့မှာလား
သူတို့နှစ်ယောက်သားဘယ်လိုတွေအတူတူကြိုးစားကြမလဲဆိုတာကို…. Kairosဆိုတဲ့ dramaလေးမှာကြည့်ရှုနိုင်ပါတယ်

Cloudy Mountain (2021)

သဘာဝဘေးအန္တရာယ်ဆိုတာ ‌မမျှော်လင့်ဘဲရောက်လာတတ်တဲ့ နတ်ဆိုးဧည့်သည်ပါပဲ။

ဒီနတ်ဆိုးရဲ့ ပုံသဏ္ဍာန်အမျိုးမျိုးကို ပုံဖော်ရင်း ရိုက်ကူးထားတဲ့ ရုပ်ရှင်ပေါင်းများစွာရဲ့အရသာကို

ကြည့်ရှုခံစားဖူးသူတိုင်းသေချာသိနေလောက်မယ်လို့ ထင်ပါတယ်။

ဒီတစ်ခါတင်ဆက်ပေးမှာကတော့ အောက်တိုဘာလက ရုံတင်ခဲ့တဲ့

သဘာဝဘေးအန္တရာယ်အခြေပြု တရုတ်ရုပ်ရှင်ကားကြီးဖြစ်တဲ့ Cloudy Mountain ပဲဖြစ်ပါတယ်။


၁၀နှစ်ကျော် ဖောက်လုပ်ခဲ့ကြတဲ့ဥမင်လိုဏ်ခေါင်းတစ်ခု ပြီးစီးလုနီးနီးအချိန်မှာ

မထင်မှတ်ထားတဲ့ ကမ္ဘာ့ဘူမိဗေဒဆိုင်ရာ ဘေးအန္တရာယ်နဲ့ကြုံတွေ့ခဲ့ရပြီး

မြေငလျင်ဒဏ်ကြောင့် တောင်ပြိုမှုတွေဖြစ်ပွားလာနိုင်တဲ့အခြေအနေတစ်ခုကို ပုံဖော်ပြထားပါတယ်။

ဒါ့အပြင် လူဦးရေသိန်း၁၆၀ရှိတဲ့မြို့ကိုကာကွယ်ဖို့ နည်းပညာအင်အား၊လူအင်အားနဲ့အတူ

အများအကျိုးသယ်ပိုးရတာ ဂုဏ်ကျက်သရေတစ်ခုပါ လို့ မှတ်ယူထားတဲ့

သားအဖနှစ်ယောက်ရဲ့ စိတ်အားထက်သန်မှုတွေကိုပါ မြင်တွေ့ရဦးမှာပါ


ခံစားမိနေတဲ့ ကယ်ဆယ်သူတွေနဲ့ပိတ်မိနေသူတွေကြားထဲက မေတ္တာဓာတ်တွေကိုပါ အပြည့်အဝခံစားမိစေမယ့် ကားလေးပါပဲ။

ဗဟုသုတလည်းရ ရင်ထဲလည်းခံစားချက် တစ်မျိုးလေးကျန်နေစေမယ့် ကားကောင်းလေးတစ်ကားကို တင်ဆက်ပေးလိုက်ပါတယ်‌။

Broker (2022)

''ကလေးလေးတွေ... နွေးထွေးဖို့လေ...ကမ္ဘာမြေမှာ အိမ်တစ်အိမ်ကို ဆောက်ကြမယ်လေ...''

ကြပ်တည်းလာတဲ့ ဒီကမ္ဘာကြီးမှာ ကလေးတစ်ယောက်ကို ပြုစုပျိုးထောင်နိုင်စွမ်းမရှိဘဲ မွေးဖို့စိတ်မကူးသင့်ပါဘူး။

''ကလေးတွေဟာ သူတို့ကို မွေးဖွားလာစေဖို့ ရွေးချယ်ခဲ့တာမဟုတ်တဲ့အတွက် မိဘတွေမှာသာ အစစအရာရာတာဝန်ရှိတယ်''လို့ အီလွန်မာ့စ်က ပြောဖူးပါတယ်။

ဒီကားလေးမှာတော့ မိဘတွေ စွန့်ပစ်တာကို ခံရတဲ့ ကလေးတွေအတွက် ရည်ရွယ်ပြီး ရိုက်ကူးထားတာပါ။ ကြည့်နေရင်း ငိုလိုက် ရယ်လိုက် ကြောက်လိုက် ချစ်ခြင်းကိုခံစားရလိုက်နဲ့ ခံစားချက်မျိုးစုံဖြစ်နေမှာ အသေအချာပါပဲ။

IMDb နဲ့ RT မှာ Critic Review တွေ ရှယ်ကောင်းနေပြီး Masterpiece လို့တောင် ပြောနေကြတဲ့ Korea Movie ဖြစ်ပါတယ်။ ရုံတင်ပြသတုန်းကလည်း လက်မှတ်ပါကုန်တဲ့အထိဖြစ်ခဲ့တာပါ။

Mr.Queen (2020)

အပြင်ပန်းက နူးညံ့သိမ်မွေ့ပြီး ပျော်ပျော်နေတတ်တဲ့ ဂျိုဆွန်း​​ခေတ်မင်း​ကြီး Cheoljong (Kim Jung-Hyun) ဟာ ရုပ်ပြဘုရင်လိုဖြစ်နေပေမယ့် တကယ်တမ်းကျတော့ သန်မာတဲ့ပုံစံကို ဖုံးကွယ်ထားတဲ့ လျို့ဝှက်ပေါင်းများစွာနဲ့ ဘုရင်တစ်ယောက်ဖြစ်ပါတယ်။

မင်းကြီး Cheoljong ရုပ်ပြဘုရင်သက်သက်ဖြစ်​နေရတဲ့အကြောင်းရင်းကတော့ ဘုရင်မ Sunwon (Bae Jong-Ok)ကြောင့်ဖြစ်ပါတယ်။
သူမက​နတ်ရွာစံသွားတဲ့ဘုရင် Sunho ရဲ့မိဖုရားတော်ဖြစ်ပြီး တိုင်းပြည်ရဲ့အခွင့်အာဏာတွေကိုကိုင််တွယ်ထားတဲ့သူဖြစ်ပါတယ်။

တစ်ရက်မှာ မထင်မှတ်ထားတဲ့မတော်တဆမှုတစ်ခုကြောင့် ဒီဘက်ခေတ်သမ္မတအိမ်ပြာတော်မှာ စားဖိုမှူးလုပ်​နေတဲ့ Jang Bong-Hwan ဆိုတဲ့ကောင်လေးရဲ့ဝိညာဥ်က ဂျိုဆွန်းခေတ်မိဖုရား Kim So-Young (Shin Hye-Sun) ကိုယ်ထဲကိုရောက်သွားခဲ့ပါတယ်။

ဒီတော့ယောက်ျားစိတ်ပေါက်နေတဲ့မိဖုရားနဲ့လျှို့ဝှက်ချက်များတဲ့မင်းကြီးတို့ ဘယ်လိုကမောက်ကမတွေဖြစ်ပြီး ရယ်ရဦးမလဲဆိုတာ စောင့်မျှော်ကြည့်ရှုပေးကြပါဦး…..

Insider (2022)

ဒီတစ်ခါတော့ မင်းသားချော ဂန်ဟာနူး ရဲ့ ဒရမ်မာ အသစ်လေး လာပါပြီ။ Moon lovers ကနေစလို မတူကွဲပြားတဲ့ ဇာတ်ရုပ်တွေကို ပိုင်ပိုင်နိုင်နိုင်သရုပ်ဆောင်ပြခဲ့တဲ့ ဂန်ဟာနူးက ဒီတစ်ခါမှာလည်း တရားရေးအလုပ်သင် အဖြစ်နဲ့ ရိုက်ကူးထားတဲ့အပြင် Heo Sung Tae, Kim Sang Ho နဲ့ Jung Man Shik တိုလို အက်ရှင်ကားတွေ၊ စုံထောက်ကားတွေမှာ နာမည်ကျော်တဲ့ မင်းသားကြီးတွေကလည်း အားဖြည့်ပါဝင်ထားပါတယ်။

ဇာတ်လမ်းအညွှန်းအနေနဲ့ကတော့ ...

တရားရေးအလုပ်သင် Kim Yo Han က မှင်သေသေမျက်နှာထားနဲ့ အလုပ်ကို ချင့်ချိန်စဉ်းစားလုပ်တတ်သူပါ။

သူများထက် အမြဲ နှာတစ်ဖျားသာပြီး အကွက်ကြိုရွှေ့တတ်တဲ့ ပြိုင်စံရှား Kim Yo Han တစ်ယောက် သူလျှိ အဖြစ်နဲ့ စုံစမ်းရေးလုပ်ရင်းကနေ ထင်မှတ်မထားတဲ့ အမှုတစ်ခုမှာ ကြားညပ်သွားပြီး ထောင်ကျသွားခဲ့ရပါတယ်။

အကျဉ်းထောင်ထဲရောက်သွားတဲ့အချိန်မှာလည်း မှင်သေသေမျက်နှာထားကြီးနဲ့မို အမြဲ ရန်ရှာခံရပြီး အန္တရာယ်များတဲ့ အခြေအနေတွေနဲ့ပဲ ကြုံရပြန်ပါတယ်။

Kim Yo Han တစ်ယောက် ဒီလိုခက်ခဲနေတဲ့ အနေအထားတွေကနေ ဘယ်လိုရုန်းထွက်မလဲ?
အကွက်ကြိုရွှေ့တတ်သူပီပီ ကြုံတောင့်ကြုံခဲ ရလာတဲ့ အခွင့်အရေးတွေကို ဘယ်လိုအသုံးချမလဲဲ?

Action, Thriller ကားတွေကိုမှ ကြိုက်နှစ်သက်ကြတယ်ဆိုရင်တော့ ဒီ ဒရမ်မာလေးကို အပတ်တိုင်း မလွတ်တမ်း ကြည့်ရှုလိုက်ကြပါဦးနော်။

The Target (2015)

ဒီကိုရီးယားကားကတော့ Action/Thriller ထဲမှာ တော်တော်ကောင်းတဲ့ကားမို့ ပြန်လည်တင်ဆက်လိုက်ပါတယ်။
ဇာတ်လမ်းကတော့..
မမျှော်လင့်တဲ့ ကိစ္စတစ်ခုကြောင့် ထွက်ပြေးလာရတဲ့ သူက ကားတိုက်မှုနဲ့ ဆေးရုံရောက်လာခဲ့တယ်။ အဲဒီနောက်မှာတော့ ထပ်ပြီးမမျှော်လင့်စရာကောင်းတာက ကုပေးရတဲ့ ဆရာဝန်ပါ။ သူ့ရဲ့ဇနီးကို အကြပ်ကိုင်မှုနဲ့အတူ ဆေးရုံကို ဘယ်ကနေဘယ်လို ဘယ်ကိစ္စကြောင့်ရောက်လာမှန်းမသိတဲ့သူကို ကယ်ထုတ်ရပါတယ်။ ဒီကြားထဲမှာလဲ ကိုရီးယားရဲတွေ၊ စုံထောက်တွေ၊ ထောက်လှမ်းရေးတွေက အဲဒီလူကို အသည်းအသန်လိုချင်နေကြတယ်။ အကြောင်းအရင်းကတော့ အဆောက်အဦးပိုင်ဆိုင်မှုကိစ္စအရှုပ်တော်ပုံမှာ လူသတ်တရားခံအဖြစ် သံသယရှိလို့ပါတဲ့။ ဇာတ်လမ်းက စိတ်ဝင်စားစရာကောင်းပြီး သနားဖို့လည်းကောင်း အက်ရှင်ခန်းတွေလည်းကောင်းပါတယ်လို့ ပြောရမယ်။
ကိုရီးယားတို့ထုံးစံအတိုင်း ဇာတ်လမ်းလေးတော့ အနည်းငယ်ရှုပ်သယောင်ထင်ရပေမယ့် ပေါ့ပေါ့ပါးပါးကြည့်လို့ရနေတာကလည်း မမျှော်လင့်ရတာပါပဲ။ ဒါကြောင့် လူသတ်တရားခံအဖြစ် သံသယရှိသူနဲ့ ဆရာဝန်တို့ ဘယ်လို ၂ ပါးသွားကြမလဲ၊ သူတို့ကို ရဲတွေက ဘာကြောင့် အသည်းအသန်လိုချင်နေကြလဲဆိုတာကို ဇာတ်လမ်းလေးကြည့်ရင်း အဖြေရှာကြပါလို့ ညွှန်းဆိုလိုက်ရပါတယ်။

The Warrior (2001)

ကိုရီးယားနဲ့ တရုတ်တို့ကြား သံတမန်ဆက်ဆံရေးဟာမင်သံတမန်အဖွဲ့သေသွားချိန်မှစပြီးနှစ်နိုင်ငံကြားဆက်ဆံရေးက ယိုယွင်းခဲ့ရပါတယ်။မင်ဧကရာဇ်က ဂိုလျောသံတမန်တွေကိုသူလျှိုလို့စွပ်စွဲပြီးနယ်နှင်ဒဏ်ပေးပြီး နှင်ထုတ်လိုက်ပါတယ်။
အပြန်လမ်းမှာ သံတမန်စစ်သူကြီးတို့အဖွဲ့ဟာ မွန်ဂိုတပ်သား‌တွေပြန်ပေးဆွဲလာတဲ့မင်တိုင်းပြည်ရဲ့ မင်းသမီးလေးကိုမွန်ဂိုတပ်သားတွေလက်ထဲကနေကယ်တင်ဖို့ဖြစ်လာပါတယ်…မင်းသမီးလေးကို အန္တရာယ်ကင်းကင်းနဲ့ မင်တိုင်းပြည်ကို ပြန်ပို့နိုင်ပါ့မလားမွန်ဂိုတွေက‌ရော မင်းသမီးလေးကို ပြန်ခေါ်သွားနိုင်မလားဆိုတာကိုဆက်လက်ကြည့်ရှုလိုက်ပါဦးနော်ခေါင်းဆောင်စိတ်ဓာတ်နဲ့ အနစ်နာခံမှုတွေကိုသေချာလေးရိုက်ပြထားတာမလို့ လုံးဝကိုအချိန်ကုန်မှန်းမသိလိုက်ပဲကြည့်ရတန်စေမယ့်ကားလေးပါနော်

A Man Called God (2010)

2010ခုနှစ်က ထွက်ခဲ့တဲ့ ဒီစီးရီးက ဂျူမုံမင်းသားလဲပါဝင်လို့ အတော်လေး မိုက်ပါတယ်.Action စီးရီးလဲ ဖြစ်နေပြီး မင်းသမီးအနေနဲ့လည်း Han Chae Youngလဲပါဝင်ထားတော့ အတော်လေးကြည့်လိုကောင်းသွားပြီ ပြောရမှာပေါ့….

ဇာတ်လမ်းအကျဉ်း
————
ငယ်စဉ်ကလေးဘဝမှာပဲ မျက်စိရှေ့တင် အဖေကို ရက်ရက်စက်စက်သတ်တာကို မြင်ခဲ့ရတဲ့ မိုက်ကယ်လေးက ကံကောင်းထောက်မစွာပဲ အမေရိကန်စုံတွဲရဲ့မွေးစားခြင်းကို ခံခဲ့ရပြီး တိုင်းတပါးမှာ ကြီးပြင်းခဲ့ရပါတယ်. ဒါပေမယ့် သူအသက်ရှင်နေသမျှကာလပတ်လုံး သူ့အဖေရဲ့ အသတ်ခံရမှုအတွက် နာကျည်းမှုတွေနဲ့ ရှင်သန်ခဲ့ရပြီး ၂၅နှစ်အကြာမှာ မွေးရပ်မြေဖြစ်တဲ့ ကိုရီးယားကို သွေးကြွေးဆပ်ဖို့ ပြန်လာခဲ့ပါတယ်…

မိုက်ကယ်တစ်ယောက် သူ့မိသားစုအတွက် ရန်သူ့ကို လက်တုံ့ပြန်နိုင်မလား ဘာတွေဆက်ဖြစ်မလဲဆိုတာကိုတော့ ဇာတ်လမ်းကို ဆက်လက်ကြည့်ရှုခံစားကြပါခင်ဗျာ…

Muoi- The Legend of a Portrait (2007)

ဒီဇာတ်ကားလေးကတော့ ကိုရီးယား ဒါရိုက်တာက ဗီယက်နမ်မြိုကို နောက်ခံထား၍ သမိုင်းအကြောင်းကို အခြေခံရိုက်ကူးထားတဲ့ဇာတ်ကားလေး ဖြစ်ပြီး Horror ဇာတ်ကားကောင်း‌လေး ဖြစ်ပါတယ် ဆု‌ကောင်းတွေလည်း ရရှိထားတဲ့ ကားလေးဖြစ်ပါတယ်

ဇာတ်လမ်းအညွှန်းလေးကတော့ ကိုရီးယားက စာရေးဆရာမလေးက မိမိရဲ့ ဒုတိယဝတ္ထူ စာအုပ်ကို ထုတ်ဝေနိုင်ရန် ကုန်ကြမ်းရှာနေချိန် ဗီယက်နမ်မှာ‌ နေတဲ့ သူငယ်ချင်းက ပြောပြတဲ့ဗီယက်နမ်က မူအီဆိုတဲ့ ရာစုနှစ်တစ်ခုကြာတဲ့ ရက်စက်ကြမ်းကြုပ်တဲ့ ဝိညာဉ်အကြောင်းကို ပြောပြရာမှ နောက်ဝတ္ထူအဖြစ် မူအီအကြောင်း ရေးသားရန် ဗီယက်နမ်ကို သွားရောက်ခဲ့ပါတယ်။

သူမရဲ့ ဝတ္ထူကရော အဖြစ်မြောက်မလား ဘယ်လို ကြောက်လန့်တုန်လှုပ်ဖွယ်ရာများကိုလည်း ကြုံတွေ့ရမလဲဆိုတာကို စိတ်ဝင်စားဖွယ် ကြည့်ရှုရမယ်ကားလေးဖြစ်ပါတယ် ။

Class of Lies (2019)

ဒီတစ်ခေါက်မှာတော့ ပရိတ်သတ်ကြီးအတွက် ကျောင်းတွင်း မှုခင်းကားကောင်းလေး တစ်ကားကို တင်ဆက်ပေးမှာပါ

ချွန်းမြောင်အထက်တန်းကျောင်းမှာ လူသတ်မှုဖြစ်ပွားပုံနဲ့ ဇာတ်အိမ်တည်ထားတာပါ

ချွန်းမြောင်းအထက်တန်းကျောင်းကတော့ လူကုံထံတွေရဲ့ သားသမီးတွေ အာဏာပိုင်တွေရဲ့ သားသမီးတွေနဲ့ စာအရမ်းတော်တဲ့ကလေးတွေ အနုပညာအသိုင်းဝိုင်းက ကလေးတွေအများစုတက်ကြတဲ့ လူချမ်းသာ အထက်တန်းကျောင်းတစ်ခုပါ

ဒီကျောင်းမှာ ကျောင်းရဲ့မော်ဒယ် ဂျောင်ဆူအာကို သတ်တဲ့ လူသတ်မှုတစ်ခုဖြစ်ပွားခဲ့ပါတယ်

အမှုရဲ့တရားခံအဖြစ် စွဲချက်တင်ခံထားရတဲ့ ကင်ဟန်ဆူက အမှုရုံးတင်နေချိန်အတွင်း ကိုယ့်ကိုကိုယ် သေကြောင်းကြံခဲ့တာကြောင့် သူသတိပြန်မရခင်အထိ အမှုကို ဆိုင်းငံ့ထားခဲ့ရပါတယ်

ဒီအမှုကို တာဝန်ယူရှေ့နေလိုက်ပေးရတဲ့ ရှေ့နေကလည်း အထက်လူကြီးရဲ့ အမိန့်ကိုဆန့်ကျင်ပြီး သူ့ရဲ့အမှုသည်မှာ အပြစ်မရှိကြောင်း တရားရုံးမှာ လျှောက်ထားလိုက်တဲ့အတွက် အလုပ်ကနေ ထုတ်ခံခဲ့ရပါတယ်

ပြီးတော့ လာဘ်စားမှုတွေနဲ့ အမှုဆင်ခံရပြီး ရှေ့နေလိုင်စင် သိမ်းခံခဲ့ရပါတယ်

အဲ့အတွက်ကြောင့် သူဟာ ဒီအမှုကို အမှန်တိုင်း ပေါ်ပေါက်အောင် ဖော်ထုတ်ဖို့အတွက် အမှုဖြစ်ခဲ့တဲ့ ချွန်းမြောင် အထက်တန်းကျောင်းမှာ လက်ထောက်ကျောင်းဆရာအဖြစ် အလုပ်ဝင်ခဲ့ပါတယ်

ကဲ ဒီဇာတ်လမ်းတွဲလေးမှာ ဘယ်လို ထူးခြားမှုတွေရှိမလဲ ?

ချွန်းမြောင် အထက်တန်းကျောင်းမှာ နောက်ထပ် အခြားသော ကလေးချင်း အနိုင်ကျင့်မှုတွေ ရှိနေဦးမှာလား ?

ဘယ်လိုလျှို့ဝှက်ချက်တွေရှ်ိမလဲ ?

ဂျောင်ဆူအာကို သတ်တဲ့ တရားခံအစစ်ကရော ဘယ်သူဖြစ်လဲ ဆိုတာကို Class of Lies ဆိုတဲ့ ဇာတ်ကားလေးမှာ စောင့်မျှော်ကြည့်ရှုပေးကြပါဦး

Time ( 2018 )

ဇာတ်ဆောင်တွေနဲ့ ဇာတ်လမ်းအကျဉ်းလေးကတော့....

W Group ဆိုတဲ့လုပ်ငန်းစုကြီးရဲ့ သူဌေးသားဖြစ်တဲ့အပြင် ကိုယ်ပိုင်စားသောက်ဆိုင်ပိုင်ရှင် CEO ချွန်းဆူဟို (Kim Jung Hyun)

ချွန်းဆူဟိုဟာသူဌေးကြီးရဲ့အငယ်အနှောင်းသားဆိုပြီး အမြဲနာမည်အတပ်ခံရတဲ့အတွက် အေးတိအေးစက် မှုံကုပ်ကုပ်နဲ့ရိုင်းတိရိုင်းစိုင်းဂျစ်ကန်ကန်ဖြစ်နေသူတစ်ယောက်ပါ......

ဒါ့အပြင် သူဟာ အသက်ရှင်ဖို့ အချိန်သိပ်မကျန်တော့သူတစ်ယောက်လည်းဖြစ်ပါတယ်...

တစ်ဖက်မှာတော့ ဆောဂျီဟွန်း (Seohyun-SNSD)က မိသားစုကိုကြိုးစားပမ်းစားလုပ်ကိုင်ရှာဖွေကျွေးမွေးနေပြီး အပြုသဘောဆောင်တွေးခေါ်ပြုမူတတ်သူလေးတစ်ယောက်ပါ.....

သူမဟာ စားဖိုမှူးတစ်ယောက်ဖြစ်ချင်တာဖြစ်ပြီး တစ်နေ့တစ်ချိန်မှာ ပြင်သစ်ကို ခရီးထွက်နိုင်ဖို့ အိပ်မက်မက်နေသူလေးလည်းဖြစ်ပါတယ်.....

" Time " drama လေးဟာ အသက်ရှင်ဖို့ အချိန်သိပ်မကျန်တော့တဲ့ ကောင်လေး (ချွန်းဆူဟို)ဟာ သူ့လက်ကျန်အချိန်တွေကို သူ့ကြောင့် ဘဝ ကမောက်ကမဖြစ်ကုန်မဲ့ ကောင်မလေး (ဆောဂျီဟွန်း) ကိုကူညီရင်း ကုန်ဆုံးရမဲ့အကြောင်းလေးကို ရိုက်ကူးထားတာပါ.....

ဆောဂျီဟွန်းလေးကလည်း အစားသောက်တွေ ချက်ပြုတ်ရတာကို နှစ်သက်ပြီး အများတကာနဲ့ အလွယ်တကူခင်မင်ဖော်ရွေစွာနေတတ်တဲ့ ကောင်မလေးအဖြစ်ကနေ ရုတ်တရက် သူမရဲ့ ညီမငယ်လေး ဆုံးသွားပြီး သူမရဲ့ အချိန်တွေဟာ အဲ့နေရာမှာပဲ ရပ်တန့်သွားတဲ့အခါမှာတော့.........

မင်သားက သူမဘဝ ကမောက်ကမဖြစ်အောင် ဘယ်လိုအခန်းကဏ္ဍက ပါဝင်ထားပြီး အချိန်တွေ နောက်ပြန်လှည့်ပစ်ချင်တဲ့အထိ သူ့ရဲ့အရာရာနဲ့ ဘယ်လိုပြန်ပေးဆပ်ကူညီလေမလဲ......

မင်းသမီးလေးကရော ပြောင်းလဲကုန်တဲ့ ကံကြမ္မာကို ဘယ်လိုရင်ဆိုင်ရမလဲ......

မင်းသားနဲ့ ဘယ်လိုတွေ ဆုံတွေ့ပတ်သတ်ရမလဲဆိုတာတော့ ဇာတ်လမ်းထဲမှာသာ ဆက်လက်ကြည့်ရှုကြပါနော်.......

အဆို ၊ အက ၊ သရုပ်ဆောင် ဘက်စုံတော်တဲ့ SNSD ရဲ့အငယ်ဆုံး ပရိသတ်တွေရဲ့အသည်းကျော်လေး Seohyunဟာ ဒီ drama လေးမှာ သူ့ရဲ့အခန်းကဏ္ဍကို အကောင်းဆုံးသရုပ်ဆောင်နိုင်ဖို့ တစ်ခြားသူတွေချက်ပြုတ်တာတွေကိုကြည့်ပြီး ကိုယ်တိုင်လည်း အချက်အပြုတ်တွေ လေ့ကျင့်ထားပါတယ်တဲ့........

ဒါ့အပြင် အေးတိအေးစက်နဲ့ မှုံကုပ်ကုပ်ဇာတ်ရုပ် သရုပ်ဆောင်ရမဲ့ မင်းသားကလည်း ဇာတ်ရုပ်ပီပြင်စေဖို့ ဇာတ်ကောင်mood လေး အမြဲသွင်းထားတာမို့ အပြင်မှာပါ ဆူပုတ်ပုတ်ရုပ်လေးဖြစ်သွားတာကို စိတ်ဆိုးအမျက်မရှဘဲ ဇာတ်လမ်းအတွက်လို့တွေးပြီး ခွင့်လွှတ်ပေးလိုက်ကြပါနော်...........

ဇာတ်လမ်းလေးက စိတ်ဝင်စားစရာကောင်းတဲ့အပြင် သရုပ်ဆောင်တွေကပါ အကောင်းတကာ့အကောင်းဆုံး ကြိုးစားထားကြတာမို့ ကြည့်ရှုသူတွေကို ကျေနပ်စေနိုင်မှာပါ........

Squid Game Season 2 (2024)

ကဲ အားလုံးမျှော်နေကြတဲ့ Squid Game S2ကတော့ 3နှစ်အကြာမှာ ထွက်ရှိလာပါပြီ။
S1က ရင်းနှီးပြီးသား Castတွေဖြစ်တဲ့ Lee Jung Jae, Lee Byung Hun, Wi Ha Joon, Gong Yooတို့လို
မင်းသားကြီးတွေ အပြင် Im Si Wan, Kang Ha Neul, Park Sung Hoon တို့လို ပရိသတ်ရင်းနှီးပြီးသား
တခြားနာမည်ကြီး သရုပ်ဆောင်များစွာလည်း ပါဝင်အားဖြည့်ထားပေးကြပါသေးတယ်။

S1 ကစားပွဲရဲ့ အနိုင်ရသူဖြစ်တဲ့ ကစားသမားနံပါတ် ၄၅၆ ဆောင်းဂီဟွန်း (Lee Jung Jae) ဟာ
တခြားကစားသမားတွေရဲ့ အသက်ကို ကယ်တင်ပြီး ကစားပွဲကို အဆုံးသတ်ချင်တဲ့အတွက်
Squid Gameထဲကို ပြန်လည်ဝင်ရောက်လာပါတယ်။
ဒါပေမဲ့ အခက်အခဲအမျိုးမျိုးကြောင့် ပိုက်ဆံလိုအပ်လို့ ကစားပွဲထဲကိုရောက်လာကြတဲ့
ကစားသမားအသစ်တွေကတော့ ဝမ်၄၅.၆ဘီလီယံဆိုတဲ့ ငွေပမာဏအမြောက်အမြားကိုမြင်ပြီး
ငွေဆိပ်တက်ကာ အသက်ကို မမှုနိုင်ဖြစ်နေကြပါတယ်။
ဒါကြောင့် ဒီရက်စက်လှတဲ့ကစားပွဲထဲမှာ ဘယ်ကစားသမားက အဆုံးထိရှင်ကျန်သွားနိုင်မလဲ..။
ဆောင်းဂီဟွန်းကရော ဒီကစားပွဲရပ်တန့်အောင် တားဆီးသွားနိုင်မလား..။
S1 ထက် ပိုကြမ်းတဲ့ ဇာတ်လမ်း၊ ဇာတ်ကောင်ပုံစံတွေနဲ့ ရင်တထိတ်ထိတ် ကြည့်ရှုရမှာဖြစ်လို့
ရှုစားလိုက်ကြပါဦးနော်။

Closed School (2019)

ဒီတစ်ခါမိတ်ဆက်ပေးချင်တာကတော့ ကျောင်းတွင်းအနိုင်ကျင့်မှုကိုအခြေခံပြီးရိုက်ကူးထားတဲ့ Horror Movie ပဲဖြစ်ပါတယ်
မီအုတ်နဲ့ယူရာဟာအချစ်ဆုံးသူငယ်ချင်းတွေဖြစ်ကြပြီး တစ်နေ့မှာတော့မီအုတ်ကိုလူတစ်စုက ကျောင်းတွင်းအနိုင်ကျင့်မှုတွေဆိုးဆိုးရွားရွားလုပ်ခံရတဲ့အခါ ဘာဆက်ဖြစ်မလဲ
“မြန်မာစကားပုံ တွေထဲကအတိုင်း လူယုံသတ်လို့သေတယ်” ဆိုတဲ့စကားအတိုင်း
ကိုယ်ကကြူးကိုယ်ဒူးတောင်မယုံသင့်ဘူးဆိုတာဒီဇာတ်ကားလေးကသက်သေပြသွားတာပါပဲ

ဒါပေမယ့်အမှားဆိုတာလုပ်ထားရင်ပြန်ပေးဆပ်ရမှာ လောကရဲ့နိယာမပဲမို့
မီအုတ်ကိုအနိုင်ကျင့်တဲ့သူတွေရောသူတို့လုပ်ရပ်တွေအတိုင်းဘယ်လိုပြန်ပေးဆပ်ရမလဲဆိုတာကြည့်လိုက်ကြရအောင်နော်

Your all surrounded (2014)

ဇာတ်လမ်းအကျဉ်း
၂၀၁၄ကထွက်ခဲ့တဲ့စုံထောက်ဇာတ်ကားလေးဖြစ်ပြီးအဓိကသရုပ်ဆောင်တွေအနေနဲ့မင်းသား Lee Seung-Giနဲ့မင်းသမီး Go Ara(Blackမင်းသမီး)တို့ကပါဝင်သရုပ်ဆောင်ထားပါတယ်

အွန်ဒယ်ဂူ,အော်ဆူဆွန်း,ပါ့ခ်ထယ်အီ,ဂျီဂု ဆိုတဲ့စုံထောက်အသစ်လေးယောက်အကြောင်းပြချက်တခုစီနဲ့စုံထောက်ဖြစ်လာခဲ့သူ4ယျောက်တဖွဲ့တည်းဖြစ်လာပီးရာဇဝတ်မှုအဖြစ်များတဲ့ ဂန်နမ်းစခန်းမှာတာဝန်ကျတဲ့အခါမှာတော့.
မဟုက်မခံထက်မြတ်ပီးဘုဘောက်ကျတဲ့အဖွဲ့ခေါင်းဆောင်ဆိုပန်ဆော့နှင့်တွေ့ကြရာဝယ်...
အဖွဲ့ခေါင်းဆောင်ရဲ့သူတို့ လေးယောက်အပေါ်အားမရမှုတွေ သူတို့လေးယောက်ရဲ့အလွဲတွေကိုဟာသနှောပြီးကြည့်ရှုရမှာဖြစ်ပါတယ်

ဒါ့အပြင်အွန်ဒယ်ဂူကကောသူ့ဘဝအမှန်ကိုဖုံးကွယ်ပီးလူသတ်တရားခံကိုရှာဖို့လုပ်ရင်းကျောင်းနေဖက်ဖြစ်တဲ့အိုဆိုဆွန်းနဲ့အမှတ်မထင်ပြန်ဆုံကြရာ ဘုဘောက်ကျရင်းကြည့်မရဖြစ်ရင်းကနေအိုဆိုဆွန်းကိုချစ်မိတဲ့အခါမှာတော့......
Action,comedy,romance အမျိုးအစားဖြစ်တဲ့အတွက်စုံထောက်ဇာတ်လမ်းတစ်မျိုးတည်းမဟုတ်ပဲရသစုံအောင်ခံစားရမှာပါ....)

Hansan: The Emergence of Dragons (2022)

"Hansan" ရုပ်ရှင်က Hansando တိုက်ပွဲအကြောင်းရိက်ကူးထားတဲ့ ရုပ်ရှင်ကားလေးတစ်ကားပဲဖြစ်ပါတယ်။ Hansando ကမ်းခြေအလွန်မှာဖြစ်ပွားခဲ့တဲ့ ကိုရီးယားနဲ့ဂျပန်တိုက်ပွဲအကြောင်းကိုအခြေခံထားတာပါ။

1592 ခုနှစ် ဇူလိုင် 8 ရက်နေ့မှာဖြစ်ပွားခဲ့တဲ့ ကိုရီးယားရေတပ်ကို ဂျပန်ရေတပ်ကအကြီးအကျယ် ရှုံးနိမ့်မှုဖြစ်ပွားခဲ့တဲ့ ကိုရီးယားသမိုင်းကြောင်းကို ရိုက်ကူးပုံဖော်ထားခဲ့တာပဲဖြစ်ပါတယ်။

"Mr.Sunshine" မင်းသား Byun Yo Han, Park Hae Il, Ahn Sung Ki, Son Hyun Joo နဲ့ "Reply 1988" Kim Sung Kyun တို့ကအဓိကပါဝင်သရုပ်ဆောင်သွားကြမယ့် ကိုရီးယားသမိုင်းဝင်တိုက်ပွဲအကြောင်းပဲဖြစ်ပါတယ်။

Eighteen Arhats of Shaolin Temple (2020)

တရုတ်သိုင်းကား ကြိုက်သူများ ရေငတ်တုန်း ရေတွင်းထဲ ကျစေမယ့် သိုင်းကားစစ်စစ်တစ်ကား လာပါပြီဗျာ အထူးပြုလုပ်ချက်တွေ အများကြီး မပါတဲ့ တရုတ်သိုင်းကားမျိုးကိုသဘောကျတဲ့လူတွေဆို တော်တော်လေး ကြိုက်ကြမှာပါ။

သိုင်းကွက်တွေကို ကျကျနန လှလှပပ မြင်ရမယ့်အပြင် ဇာတ်လမ်းသဘောကလည်း အတော်လေး ကောင်းတာပါ။

ဇာတ်လမ်းအကျဉ်းကတော့ …..
မင်ကျားချင် ၃၁ နှစ်မှာ ဂျပန်ဓားပြတွေက ဟန်ကျိုးပင်လယ်အော်ကနေ ဝင်ရောက်လာကြပါတယ်။
ဂျပန်တွေက ရောက်လေရာအရပ်မှာ သောင်းကျန်းပြီး ခိုးဆိုးလုယက်ကြပါတယ်။
ဒီအတွက် တရုတ်ပြည်သူတွေ ဒုက္ခအကြီးအကျယ် ခံစားနေရပါတော့တယ်။
နန်းတော်က ရှောင်လင်က သိုင်းပညာကျွမ်းကျင်တဲ့ ဘုန်းတော်ကြီး ၁၈ ပါးကို စေလွှတ်ပြီး သွားရောက်ချေမှုန်းစေခဲ့တဲ့ ဇာတ်ကြောင်းပဲ ဖြစ်ပါတယ်။
ဘာတွေ ဆက်ဖြစ်မယ်ဆိုတာကတော့ ဇာတ်လမ်းထဲမှာ ဆက်လက်ရှုစားစေချင်ပါတယ်။

သွေးထွက်သံယိုခန်းတွေ ပါတာ ဖြစ်တဲ့အတွက် ကလေးများ ကြည့်ရှုရန် မသင့်တော်ပါဘူး။

China PeaceKeeping Force (2021)

စစ်ကားကောင်းလေးတစ်ကားနဲ့တင်ဆက်ပေးလိုက်ပါတယ်ထွက်တာသိပ်မကြာသေးလို့ IMDb တောင်မှ မသတ်မှတ်ရသေးပေမယ့်
အတော်လေးကောင်းတဲ့ဇာတ်ကားတစ်ကားပါပဲ UN တရုတ်ငြိမ်းချမ်းရေးတပ်ဖွဲ့ဟာ နယ်စပ်မှာဗုံးပေါက်ကွဲမှုတခုကို
စုံစမ်းဖို့သွားတယ်..နှစ်နိုင်ငံငြိမ်းချမ်းရေးဆွေးနွေးဖို့ညှိနှိုင်းဖို့ရောက်လာတဲ့UN ညှိနှိုင်းရေးအဖွဲ့ကို ဗုံးပေါက်ကွဲမှုတွေဖန်တီးပြီးအရှုပ်အထွေးတွေဖန်တီးနေတဲ့ အကြမ်းဖက်သမားတစ်စု…ဒီလိုနဲ့ နှစ်နိုင်ငံကြားမပြေလည်မှုတွေဖြစ်လာပြီး အပြန်အလှန်တိုက်ပွဲတွေဆင်နွဲလာရတော့တယ်ဒီလိုတိုက်ပွဲတွေကြားမှာ..UN တရုတ်ငြိမ်းချမ်းရေးတပ်ဖွဲ့ 5 ယောက်ထဲဘယ်လိုတွေများရှေ့ဆက်မလဲ..နောက်က ထောက်ပံ့ရေးတပ်ဖွဲ့တွေရောက်မလာခင်..ဘယ်လိုတွေရင်ဆိုင်ရမယ်ဆိုတာတော့ဆက်လက်ကြည့်ရှုရမယ့် ရင်သပ်ရှုမောဖွယ်..စစ်ကားကောင်းတစ်ကားပဲ ဖြစ်ပါတယ်

Gatao: The Last Stray

ဒီတစ်ခေါက်မှာတော့ ဇာတ်ကြမ်းကားတွေမှ ကြိုက်နှစ်သက်သူတွေ အကြိုက်တွေ့စေမယ့် ထိုင်ဝမ်ဂန်းစတားဇာတ်ကားကောင်းတစ်ကားဖြစ်တဲ့
Gatao 3 The Last Stray ဆိုတဲ့ကားလေးကိုရွေးချယ်ထားပါတယ်
Gatao 1 ကို ၂၀၁၅လောက်ကပြသခဲ့ပြီးတော့ Gatao 2 Rise of the king ကိုတော့ ၂၀၁၈ ခုနှစ်မှာ ပြသခဲ့ပါတယ်
ဒီကားလေးမှာတော့ အရှေ့ပိုင်းတွေလိုလူဆိုးဂိုဏ်းတွေရဲ့နယ်မြေလုပွဲ ပဋိပက္ခတွေချည်းပဲရိုက်ကူးပြထားတာ
မဟုတ်ဘဲ ဂန်းစတားတစ်ယောက်နဲ့ သာမန်ကောင်မလေးတိုရဲ့အချစ်ဇာတ်လမ်းလေးကိုပါထည့်သွင်းပုံဖော်ထားပါတယ်အားချင်းဟာမြောက်ပိုင်းနယ်မြေဂိုဏ်းစတားအဖွဲကလူမိုက်တစ်ယောက်ဖြစ်ပါတယ် တစ်ရက်ပွဲတစ်ခုမှာ
ရှောင်ချီဆိုတဲ့ဓာတ်ပုံဆရာမလေးတစ်ယောက်နဲ့တွေ့ပြီး ခင်မင်ရင်းနှီးရာကနောက်ပိုင်းချစ်သူတွေဖြစ်လာခဲ့ပါတော့တယ်
ဒါပေမယ့်အားချင့်ဟာလူမိုက်တစ်ယောက်ဖြစ်နေတဲ့အတွက် အမြဲလိုလိုအသက်အန္တရာယ်နဲ့ကြုံတွေ့နေရသူဖြစ်ပါတယ်
သူတိုချစ်သူနှစ်ဦးရဲ့ခရီးလမ်းဟာချောမွေ့နိုင်ပါ့မလား အန္တရာယ်များလှတဲ့လူဆိုးဂိုဏ်းတွေကြားမှာ
ရှောင်ချီကိုဘေးကင်းအောင်ထားနိုင်မလားဆိုတာကိုတော့ ဆက်လက်ကြည့်ရှုလိုက်ကြပါဦးနော်

The 8th Night (2021)

Netflix က Horror-thriller ကားသစ်လေးကိုတင်ဆက်ပေးလိုက်ရပါတယ်။

Pandora box ကိုဖွင့်လိုက်ရင် ကြောက်စရာကောင်းတာတွေဖြစ်လာသလိုပဲ ဒီကားထဲမှာတော့ ဆာရီလာကျုတ်လေးကို ဖွင့်လိုက်ရင်ဆိုးဝါးတဲ့အဖြစ်တွေ ဖြစ်လာမှာပါ။ အဲဒီကျုတ်လေးထဲမှာ ဝိညာဉ်နှစ်ခုရှိပြီး အဲဒါကို ဆရာတော်တွေက စောင့်ရှောက်ရပါတယ်။

တစ်ရက်မှာတော့ မကောင်းဆိုးဝါးဝိညာဉ်တစ်ခုက နိုးထလာပါတယ်။ အဲဒါကိုတားဆီးဖို့ ဆရာတော် Jin-Soo နဲ့အတူ Chung-seok ဟာ ခရီးထွက်လာခဲ့ပါတယ်။ ဒီလိုနဲ့ ဒီကျုတ်လေးနောက်ကွယ်က ကြောက်မက်ဖွယ်အရာတွေနဲ့ ဘယ်လိုရင်ဆိုင်လာရမလား။ သူတို့မသိသေးတဲ့လျှို့ဝှက်ချက်တွေက ဘာတွေလဲ။

ဒီကားရဲ့ Key player ဆိုတဲ့ Ae-ran (Kim Yoo Jung) ရဲ့လျှို့ဝှက်ချက်ကရော ဘာများဖြစ်မလဲ ဆိုတာတွေကို စိတ်လှုပ်ရှားဖွယ်ကြည့်လိုက်ကြရအောင်ပါ။

The Player (2018)

ဟာရီ ဟာ လိမ်လည်မှုတွေကိုအကွက်ကျကျစီစဉ်ပြီးကျူးလွန်တတ်သူတစ်ယောက်ဖြစ်ပါတယ်
ဘာကိုမှအကြောက်အလန့်မရှိပဲ တည်ကြည်လွန်းတဲ့သူ့ရဲ့ ရုပ်ရည် နဲ့စကားပြောကောင်းလွန်းတာတော့
လူတိုင်းကိုယုံကြည်အောင်အယုံသွင်းနိုင်ပြီးတော့
အမြဲတမ်းသူ့ရဲ့လွတ်မြောက်ဖိုလမ်းကို
ဖန်တီးနိုင်သူ တစ်ဦးပါ

အာယောင်း ကတော့ ကြမ်းတမ်းတဲ့ငယ်ဘဝကို
ဖြတ်သန်းလာခဲ့ပြီးတော့ ကားမောင်းကျွမ်းကျင်လွန်းတဲ့
မိန်းကလေးတစ်ဦးဖြစ်ပါတယ်

ဗြောင်မင်း ဟာဟက်ကာတစ်ယောက်ဖြစ်ပြီးတော့
သူမထိုးဖောက်နိုင်တဲ့ ကွန်ပျူတာစနစ်မရှိတဲ့
လူတစ်ယောက်ပါ

ဂျင်ဝူး ကတော့အခကြေးငွေယူပြီးတော့လူဆိုးဂိုဏ်း
တွေ အတွက် တိုက်ခိုက်ပေးနေတဲ့ တိုက်ခိုက်ရေးသမားတစ်ယောက်ဖြစ်ပါတယ်

သူတိုလေးယောက်ဆုံတွေ့ပြီးနောက်မှာတော့ တရား
မဝင်အလုပ်မျိုးစုံလုပ်ပြီးချမ်းသာနေတဲ့လူတွေဆီကနေ ငွေတွေကိုခိုးယူဖိုကြိုးစားကြပါတော့တယ် သူတို့ဘယ်လိုတွေကြိုးစားမလဲ နဲ့ အောင်မြင်အောင်မလားဆိုတာကတော့..

Devil in the Lake {2022}

သမီးလေးကို ခရီးဆောင်အိတ်ထဲ ဝှက်သယ်လာတဲ့သူမ

မြိုပြကနေ တောင်တန်းဒေသကို ရောက်လာတဲ့အခါ အေးမြတဲ့ လေညှင်းတွေ လှပတဲ့ ရှုခင်းတွေ ဆီးကြိုနေမယ်လို ထင်ခဲ့ပေမဲ့ သူမရဲ့မှန်းချက်နဲ့ မကိုက်တဲ့ ဒေသ
သူမ ရောက်ရောက်ချင်း ရေကန်ထဲကနေ ပေါလောပေါလော ကြိုနေတဲ့ အလောင်းတစ်ခု

အိတ်ထဲမှာ ဝှက်လာတဲ့ စပ်စုချင်တဲ့သမီးလေးရယ်

အိမ်အိုကြီးထဲမှာ အလုပ်လုပ်ဖို ရောက်လာတဲ့ သူမတို သားအမိနဲ့ သရဲတွေ ဖြတ်ပြေးနေတဲ့ စကြံတွေနဲ့ အိမ်တစ်လုံး

ရေကန်ထဲကသေနေတဲ့အလောင်းနဲ့ အိမ်အိုကြီးရဲ့ ပတ်သက်မှုက horror ဇာတ်အိမ်အသစ်ရဲ့ အရသာအသစ်ကို ပေးစွမ်းထားတဲ့ ဇာတ်ကားတစ်ကားလို ဆိုရမှာပါ..

Gangnam B-Side (2024)

ပရိသတ်ကြီးတို့အတွက် The Worst of Evil ထဲက ဘဲကြီး Ji Chang Wook နဲ့
အဆိုတော် BIBI၊ မင်းသားကြီး Jo Woo Jin ၊ ဝူယောင်းဝူထဲမှ နွေဦးရဲ့နေရောင်ခြည်လေး
Ha Yoon Kyung တို့ ပါဝင်ထားတဲ့ Action , Thriller ကားကောင်းလေးတစ်ကားနဲ့
မိတ်ဆက်ပေးချင်ပါတယ်။

ဇာတ်လမ်းအညွှန်း ~

နေ့ဘက်မှာ လူတွေပျားပန်းခပ် သွားလာလှုပ်ရှားရာနေရာဖြစ်ပြီး ညဘက်မှာလည်း
မီးအလင်းတွေ ထိန်ထိန်ညီးနေတတ်တဲ့ ဆိုးလ်မြို့ရဲ့အထင်ကရနေရာဖြစ်တဲ့ ဂန်နမ်မှာ
ကွင်းဆက်လူပျောက်ဆုံးမှုတွေ ဖြစ်ပေါ်နေပါတယ်။
တစ်ချိန်တည်းမှာပဲ ဂန်နမ်ရဲ့ ဘားတစ်ခုမှာ အလုပ်လုပ်နေပြီး ပျောက်ဆုံးမှုရဲ့နောက်ကွယ်က
အဖြစ်မှန်ကိုသိထားတဲ့ တစ်ဦးတည်းသောသက်သေဖြစ်တဲ့ Jae Hui (BIBI) ဆိုသူပါ
ပျောက်ဆုံးသွားတဲ့အခါမှာတော့..။
ဒီလိုနဲ့ပဲ ဝရမ်းပြေးဖြစ်တဲ့ Yun Gil Ho (Ji Chang Wook) ၊ စုံထောက်ဖြစ်တဲ့
Kang Dong Woo (Jo Woo Jin) နဲ့ အမှုစစ်ဖြစ်တဲ့ Min Seo Jin (Ha Yoon Kyung) တို့က
သီးခြားစီ သက်သေကို ရှာဖွေဖို့ ဖြစ်လာကြပါတော့တယ်။
ကိုယ်ပိုင်ရည်ရွယ်ချက်တွေရှိကြတဲ့ သူတို့တွေဟာ ကိုယ့်နည်းကိုယ့်ဟန်နဲ့ Jae Hui ကို
ဘယ်လိုလိုက်ရှာကြမလဲ။
သူတို့ရဲ့ရည်ရွယ်ချက်တွေကရော ဘာလဲ..။
ပျောက်ဆုံးမှုရဲ့နောက်ကွယ်က အဓိကအကြောင်းအရင်းကရော ဘာတွေလဲဆိုတာကို
တစ်ပတ်နှစ်ပိုင်းစီ ဗုဒ္ဓဟူးနေ့တိုင်း တင်ဆက်ပေးသွားမှာဖြစ်လို့ စောင့်မျှော်ရှုစားပေးပါဦးနော်။

My Super Heroine (2024)

တရုတ်ကားချစ်သူတို့ရေ... တကယ်လို့ ဘဝအမောတွေပြေအောင်
ဟာသကားကိုကြည့်ချင်တယ်ဆို... ဒီကားလေးကိုကြည့်ဖို့ ဖိတ်ခေါ်လိုက်ပါတယ်နော်...
ဒီဇာတ်လမ်းလေးကဆိုရင် ကျွန်တော်ရည်းစား မာဖီးယားဆိုတဲ့ ပုံစံဆင်တူပဲ...
နာမည်ကြီး ရှန်ဟိုင်ဂိုဏ်းချုပ်လောင်းကိုမှ ရေကန်ထဲ
လှေစီးပြီး ရေစက်ဆုံကာ ကယ်မိတဲ့ အားဝမ်...
အားဝမ်ကတော့ သူ့လမ်းလေးအေးချမ်းဖို့အတွက် အစ်ကိုဟုတ်ဆိုတော့ အမြတ်ကြီးစား ဒုစရိုက်လုပ်နေတဲ့သူရဲ့ အောက်ခြေသိမ်း အလုပ်ကြမ်းသမားလေးအဖြစ် နေနေတဲ့သူပေါ့...

အစ်ကိုဟုတ်ကလည်း သူ့ရဲ့ ကြပ်မပြည့်တဲ့ လက်ဝှေ့သမားဖြစ်ချင်တဲ့
သူ့အစ်ကိုဆန္ဒတွေကို ဖြည့်ဆည်းပေးဖို့အတွက် လူရှာပြီး သူ့အစ်ကိုကို အဖော်ပြု လက်ဝှေ့ထိုးပေးမယ့်သူ ခဏခဏရှာခိုင်းတာ...
အခုဆို ပွဲ ၁၀၀ ပြည့်ဖို့ နောက်ဆုံး တစ်ပွဲပဲလိုတာ...
လက်ဝှေ့လည်း ထိုးချင်တယ် သူ့အစ်ကိုကိုလည်း မထိခိုက်စေချင်ဘူးဆိုတော့...
အားဝမ်တစ်ယောက် ရေထဲက ကောက်ရတဲ့
အမျိုးသမီးလေးကို ကြိုးစင်ပေါ်တင်ပေးဖို့အတွက် ဇာတ်လမ်းတွေဆင်တော့တာပေါ့...

အတိတ်ကလည်းမေ့.... မျက်စိရှေ့မှာလည်း
အားဝမ်ပဲမြင်နေရတာဆိုတော့ ဒီအမျိုးသမီးလေးလည်း...
အားဝမ်ရဲ့ ဇာတ်လမ်းကို ယုံကြည်ပြီး ကြိုးစင်ပေါ်ကို တက်ခဲ့တာပေါ့...
အဲ့ ကြိုးစင်ပေါ်တက်ခဲ့လို့ အားဝမ်တစ်ယောက် ဘာနောက်ဆက်တွဲတွေကြုံရမှာလဲ...

ဒီပွဲရလဒ်ကရော ဘာဆက်ဖြစ်မှာလဲ...အားဝမ်နဲ့ ဘယ်ကလာမှန်းမသိတဲ့ မိန်းကလေးကရော ဘာတွေဆက်ဖြစ်ကြမှာလဲဆိုတာ ဆက်ကြည့်ပြီး ရယ်မောလိုက်ကြဦးနော်...

Princess Hours(2006)

ရွှေမင်းသားလေးရဲ့ချစ်ပုံပြင်ကိုရီးယားဇာတ်လမ်းတွဲဟာ အောင်မြင်မှုများစွာရရှိခဲ့လို နိုင်ငံတော်တော်များများက

Remark ပြန်လည်ရိုက်ကူးကြတယ်...ဒီနေ့ ဒီချိန်ထိလည်း ဇာတ်အိမ်ခိုင်တဲ့အပြင် ရသ မျိုးစုံခံစားရလို

ပြန်ကြည့်လည်းမရိုးနိုင်တဲ့ဇာတ်လမ်းတွဲတစ်ခုဖြစ်တယ်...

သရုပ်ဆောင်တွေကလည်း နာမည်ကြီးတွေကြီးဖြစ်သလို မမဂျီဟိုတိုရဲ့ငယ်ရွယ်စဉ်အလှတရားကလည်း

ရင်သပ်ရှုမောဖွယ်ရာပါပဲ...

ဒါ့ကြောင့်အကောင်းဆုံးလေးဖြစ်အောင် ကြည့်ရှုချင်တဲ့သူတွေအတွက်ပြန်လည်တင်ဆက်ပေးလိုက်ပါတယ်...

သက်ဉီးဆံပိုင်တစ်ချက်လွှတ်ဘုရင်စနစ်ဟာ အားနည်းချက်ရှိတယ်လို ယူဆပြီးနောက် ဘုရင်ခံစနစ်ကို

နောက်ပိုင်းကူးပြောင်းလာကြတယ်...ဘုရာခံစနစ်ဆိုတာ အာဏာနဲ့လုပ်ပိုင်ခွင့် ကန့်သတ်ချက်တွေရှိပါတယ်..

သိုပေမဲ့ ဒီတော်ဝင် မျိုးနွယ်ဟာ ဘယ်လောက်ချမ်းသာပြီး ဘယ်လိုနေနိုင်ကြတယ်ဆိုတာ လက်ရှိ

ဘုရင်ခံစနစ်ကျင့်သုံးနေတဲ့ နိုင်ငံက ဘုရင်ခံမျိုးရိုးတွေကိုကြည့်ရုံနဲ့သိနိုင်ပါတယ်...

ဒီဇာတ်လမ်းတွဲထမှာ ရှင်းဂူဆိုတာ အိမ်ရှေ့စံမင်းသားပေါ့....

Overheard ( 2009 )

မင်းသားသုံးယောက်က စတော့ဈေးကစားပြီး စီးပွားရေးမသမာမှုလုပ်နေတဲ့လုပ်ငန်းတစ်ခုနောက် လိုက်နေကြတယ်။ သူတို့လုပ်ရတဲ့အလုပ်က အသံဖမ်းစက်တွေတပ်ပြီး သူတို့ပြောတာကို ချောင်းနားထောင်ကြတာပေါ့။ တစ်ခါကျ သူတို့တွေ သူဌေးဖြစ်မယ့်အကွက်ကို ကြားလိုက်ရာကနေ အစီရင်ထည့်မခံတော့ဘဲ ကွက်ပျောက်လေးရိုက်ပြီး စတော့လောင်းလိုက်ကြတယ်။ ဒါပေမဲ့ သူတို့ အဲဒီကနေမှ သူတို့ငွေတွေဆုံးသွားပြီး ငွေတွေပြန်ရဖို့ကြိုးစားရင်း အာဏာလည်းကြီးသလို မလုပ်ရဲတာဘာမှမရှိတဲ့ ကုမ္ပဏီပိုင်ရှင်နဲ့ ထိပ်တိုက်ရင်ဆိုင်ရဖို့ဖြစ်လာခဲ့တယ်။

The Front Line (2011)

၁၉၅၀ ၀န်းကျင်တောင်မြောက်ကိုရီးယားစစ်ပွဲကို
အခြေခံပြီးရိုက်ကူးထားတယ် ၂နိုင်ငံ အပစ်အခတ်ရပ်စဲရေးစာချုပ်
လက်မှတ်မထိုးခင် အရို ကေတောင်ကုန်းနဲ့ပါတ်သက်ပြီး ၂ဖက်ခေါင်းဆောင်
တွေအငြင်းပွါးကြတယ် ဒီတောင်ကုန်းကို၂ဖက်တပ်တွေအလုအယက်
သူတပြန်ကိုယ်တပြန်သိမ်းနေရင်းနဲ့မှနောက်ဆုံးဘယ်လိုဇာတ်သိမ်းသွားမလဲ…

တောင်ကိုရီးယားတွေဘက်က မိကျောင်းတပ်ခွဲကဒီတိုက်ပွဲကိုအဆုံးထိတိုက်ရပြီး
နောက်ဆုံးသူတို့ဘယ်လိုတွေဇာတ်သိမ်းသွားကြလဲ….အသက်ရောရှင်ရဲ့လား….တောင်ကုန်းလေးရယ်စစ်မြေပြင်ရယ် အပစ်အခတ်ရပ်စဲရေးလက်မှတ်ထိုးတာရယ်
နေရာ၃ခုပဲပါပေမယ့် အချစ်အမုန်း အယူဝါဒ…အစုံကိုသရုပ်ဖော်သွားတဲ့ဒီကားက
စစ်ကားကောင်းတကားဖြစ်သလို ၂ဖက်တပ်တွေရဲ့ သရုပ်ကိုပီပြင်အောင်သရုပ်ဖော်
ထားတဲ့ ဇာတ်ကားကောင်းတကောင်းဖြစ်လို့မလွတ်တမ်းကြည့်သင့်တဲ့ဇာတ်ကားကောင်း တကားဖြစ်ပါတယ် တကယ့်ဖြစ်ရပ်မှန်ဇာတ်လမ်းကို အခြေခံရိုက်ကူးထားပါတယ်

The Last Heroes (2018)

ဖန် အဖြစ် Phetthai Vongkhumlao
ကရိုင် အဖြစ် Yong Armchair
ဒူအန် အဖြစ် Kootee Aramboy
ဟုမ် အဖြစ် Tik Klinsee

ဇာတ်လမ်းအကျဉ်း...

ကူရာဂါရွာလေးမှာပဲ ကောက်စိုက်လိုက် ရွာထဲက ဆင်ထိန်းကိုကိုတွေကို ငမ်းလိုက်နဲ့ ပျော်ပျော်နေတတ်ကြတဲ့ မိန်းမလျာသူငယ်ချင်းအုပ်စု….

တိုင်းပြည်ထဲကို သူလျှိုတွေဝင်ရောက်လာပြီး တိုက်ခိုက်သိမ်းပိုက်ဖို့ လုပ်နေကြချိန် တိုင်းပြည်အတွက် သူလျှိုဖမ်းပေးဖို့ ရွာထဲကလူတွေ မဖြစ်မနေပါဝင်ကြရတဲ့အခါမှာတော့…

သူငယ်ချင်းအုပ်စုလိုက် ဖြစ်တည်မှုကို ထည့်မတွက်ဘဲ ကိုယ့်မိသားစု ကိုယ့်ရွာ နဲ့ ကိုယ့်တိုင်းပြည်အတွက် သူလျှိုဖမ်းအစီစဉ်ကြီးကို တာဝန်ထမ်းဆောင်ကြတဲ့အခါ….

အောင်မြင်အောင်လုပ်ပြီး တိုင်းပြည်ကို ကာကွယ်ပေးနိုင်ပါ့မလားဆိုတာကို တစ်ကားလုံးကို အခွီဓာတ်အပြည့်နဲ့ ရယ်မောရင်း စိတ်ဝင်စားဖွယ် ကြည့်ရှူရမယ့် ဇာတ်ကားလေးကို တင်ဆက်ပေးလိုက်ပါတယ်

Dan's Family No.1 (2022)

ဒီကားလေးကတော့ ခေါင်းစဉ်က်ုက တမူထူးခြားနေတာပါနော်
ယောရောဘွန်းတိုကြည့်လိုက်တာနဲ့ ဘာကိုပြေးမြင်လဲ
နံပါတ် ၁ ဆိုတော့ အမိုက်စားအတော်ဆုံး ထိပ်ဆုံးက နံပါတ် ၁ လိုထင်ကြမှာပေါ့နော်
ဒါပေမယ့် ဒီထဲက Kang Dan ဆိုတဲ့ ဇာတ်လိုက်မင်းသားကတော့
အနိုင်ကျင့်ခံရပြီး ခိုင်းတဲ့အတိုင်းလုပ်တာ အတော်ဆုံး နံပါတ် ၁ ပါတဲ့ရှင်
ဂိုဂျိုဆွန်းမျိုးဆက်ရဲ့ စွမ်းအားရှင် Dan မိသားစုက နောက်ဆုံးမျိုးဆက်ဆိုပေမယ့်
အရာအားလံုးကို သည်းခံလာတဲ့ ကောင်လေး...
‌တစ်နေ့မှာ သူချစ်ရတဲ့ကောင်မလေး(ဟီယွန်း)ကို အနိုင်ကျင့်တာ သိသွားတဲ့အခါ...
ကောင်မလေးကိုကာကွယ်တဲ့အခါ သူ့ရဲ့သရုပ်မှန်ကိုသိလိုက်ရတဲ့အခါ...
ဘယ်လိုမျိုး စွန့်စားခန်းတွေဖြစ်လာမလဲ
သူ့ရဲ့ စွမ်းအားကရော ဘယ်လိုမျိုးလဲ
ကောင်မလေးကိုရော ကယ်နိုင်ပါ့မလား
တိုက်ပုံခိုက်ပုံတွေနဲ့ အမိုက်စား အက်ရှင်ဆန်ဆန်ကြည့်ရမယ့်အပြင် အခွီလေးတွေပါ ပါသေးတယ်နော်
တိုက်ခိုက်နေရင်းတောင် တကယ်ရယ်နေရတာ
ကြားထဲက ရိုမန့်လေးပါ ရောလိုက်တော့ ရသစုံခံစားရမယ့် ဒီသဘာဝလွန်ကားသစ်လေး
မင်းသား မင်းသမီး နာမည်သိပ်မကြီးပေမယ့်
အမိုက်စားသရုပ်ဆောက်ချက်တွေနဲ့ ဒီကားလေးကို အခုပဲ ကြည့်လိုက်ကြရအောင်....

My Beautiful Bride (2015)

ရိုးသားတဲ့ဘဏ်ဝန်ထမ်းတယောက်ဟာ လှပစွဲမက်ဖွယ်ကောင်းတဲ့ မိန်းမလှလေးနဲ့ အမှတ်မထင်တွေ့ဆုံခဲ့ပြီး ၂ နှစ်တွဲခဲ့ပါတယ်။ သူတို့မဂ်လာဆောင်ခါနီးတရက်မျာ ကောင်မလေးရုတ်တရတ်ပျောက်သွားခဲ့ပါတယ်။ အဲ့ဒီကစလို့ သူမဘယ်သွားတယ်၊ သူမရဲ့နောက်ကြောင်းကဘာလဲ ဆိုတာ လိုက်ရင်းနဲ့ မထင်မှတ်ထားတဲ့ လျှို့ဝှက်ချက်တွေ တစပြီးတစပေါ်ပေါက်လာခဲ့ပါတယ်။

စိတ်ဝင်စားစရာ ခိုင်မာတဲ့ဇာတ်အိမ်ရှိပြီး တင်ဆက်ပုံကောင်းမွန်တဲ့အတွက် ကြည့်ရင်းအရှိန်တက်လာတဲ့ဇာတ်ကားမျိုးဖြစ်ပါတယ်။ IMDB rating 6.8 ရထားတဲ့ Korea Mystery ဇာတ်ကားကို ကြည့်ရှုခံစားကြပါဦး။

Cyber Hell : Exposing an Internet Horror (2022)

ဒီDocumentaryဟာ ၂၀၁၉ တောင်ကိုရီးယားနိုင်ငံမှာ ဖြစ်ပွားခဲ့တဲ့ အကြီးကျယ်ဆုံး ဆိုက်ဘာပြစ်မှု တွေထဲက၂ခုအကြောင်း ဖြစ်ရပ်မှန် တွေကို ရိုက်ကူးတင်ဆက်ထားတာ ဖြစ်ပါတယ်

IT ခေတ် ဖြစ်တာနဲ့အညီ နည်းပညာနဲ့ ကျွမ်းဝင်သူ တွေ များသလို ဒီနည်းပညာကိုသုံးပြီး မသိနားမလည်သူ တွေအ ပေါ် ကျူးလွန်လာတဲ့ဆိုက်ဘာပြစ်မှု တွေက
တစ် နေ့တခြား များလာသလို နည်းလမ်း တွေလည်း ပိုစုံလာပါတယ်၊
ဒီ Documentary မှာဆိုရင် နည်းပညာကိုအသုံးချပြီး လိင်ပိုင်းဆိုင်ရာ အမြတ်ထုတ် စီးပွားရှာသွားသူ တွေအ ကြောင်း မြင် တွေ့ရမှာပါ။

ဘယ်လိုပုံစံမျိုး ကျူးလွန်သွားမလဲဆိုတာ အညွှန်းထဲရေးတာထက် ကိုယ်တိုင်ကြည့်လိုက်တာက ပိုပြီးအ ဆင် ပြေပါတယ်၊

Contorted (2022)

မိသားစု တစ်စုဟာ ဆိတ်ငြိမ်တဲ့ သီးခြားဆန်ဆန်  နေရာတစ်ခုစီ   ရွှေ့ ပြောင်း နေထိုင်ခဲ့ရာက

အိမ်အသစ်ကို  ရောက်တဲ့ ပထမဆုံး နေ့မှာတင် အိပ်မက်ဆိုး တွေ မက်ခဲ့ကြ တော့တယ်။

အဲ့ဒီလိုက နေ အမျိုးသမီးဖြစ်သူဟာ ဂို ဒေါင်ထဲက လာတဲ့ ထူးထူးဆန်းဆန်း အသံ တွေပါ ကြားပြီး စိတ္တဇဖြစ်လာခဲ့တယ်။

ဒါပေမဲ့ ခင်ပွန်းဖြစ်သူက တော့ သူမရဲ့ စိုးရိမ်ပူပန်မှု တွေကို လျစ်လျူရှုဆဲ …

တဖြည်းဖြည်း အိပ်မက်ဆိုး တွေဟာလည်း ပိုမို ပြင်းထန်လာပြီး

အိပ်မက်လား လက် တွေ့လား ဆိုတာကိုပါ ခွဲခြားသိမြင်နိုင်ဖို ခက်ခဲတဲ့ အထိ ဖြစ်သွား တဲ့အခါမှာ တော့

Robot No 8 (2023)

ဒီတစ်ခါစုံထောက်ဇာတ်လမ်းတွဲတွေကမှ
အက်ရှင်ဇာတ်ကားလေးတစ်ကားလေးဖြစ်တဲ့
Robot No8 ဇာတ်ကားလေးပဲဖြစ်ပါတယ်။
ယနေ့ခေတ်နည်းပညာတိုးတက်လာတဲ့အချိန်စက်ရုပ်တွေ တီထွင်လာတဲ့ခေတ်မှာ
အကျိုးအပြစ်ဆိုတာရှိလာတတ်ကြတာပေါ့။
ဇာတ်လမ်းလေးထဲမှာ စက်ရုပ်ကိုသုတေသနလုပ်တဲ့
စင်တာတစ်ခုမှာ လောရှောင်တန်လို့ပါမောက္ခက
ကမ္ဘာအပြင်ဘက်ကနေစီလီကွမ်
အခြေခံထားတဲ့ ဇီဝရုပ်ဖြစ်တစ်ခုကိုတွေ့ရှိခဲ့ပြီးသူ့ကို
စက်ရုပ်ကိုယ်ထဲသွင်းဖို့ကြိုးစားတယ်။
သူ့ကို စက်နှလုံးသားလို့ခေါ်ပြီးသူသာလူ့ခန္ဓာကိုယ်ထဲ
ရောက်သွားရင်ရက်စက်ကြမ်းကြုတ်ပြီး
အထိန်းအကွပ်မဲ့သွားတဲ့ လူသားအဖြစ်ပြောင်းလဲသွားမှာဖြစ်တယ်။
တစ်ရက်ကျတော့ ချန်နန်ဆိုတဲ့
မိန်းကလေးဟာ လောရှောင်တန်ကိုတစ်ဖက်သတ်ကြိုက်နေပြီး အဲ့ဒီ့ စက်နှလုံးသားကိုသူ့ခန္ဓာကိုယ်ထဲ
ထည့်သွင်းစမ်းသပ်ဖို့ ကြိုးစားတဲ့အချိန်မှာတကယ်ပဲ
အထိန်းအကွပ်မဲ့ပြီး လူတွေကိုရက်ရက်စက်စက်
သတ်ဖြတ်တဲ့လူသားအဖြစ် ပြောင်းလဲသွားတဲ့အချိန်
ရှောင်ခယ်ဆိုတဲ့လောရှောင်တန်ပါမောက္ခရဲ့
သမီးရှေ့မှာ သူ့အဖေအသတ်ခံရတာကို မြင်သွားခဲ့တာပေါ့။
အဲ့အချိန်မှာသူ့အဖေကိုယ်တိုင် လုပ်ထားတဲ့
ပါးဟောက်ဆိုတဲ့ စက်ရုပ်လေးကနိုးထလာပြီး
သူ့သမီးနဲ့သူ့အဖေသူငယ်ချင်းကို လိုက်လံကာကွယ်ပေးသလို အသိဉာဏ်မဲ့သွားတဲ့ စက်ရုပ်တွေတိုက်ခိုက်မှုကနေလည်း ကာကွယ်ပေးတယ်။
ကဲဒီတော့ဒီစက်ရုပ်သုတေသန
စင်တာတစ်ခုလုံးမှာ အသိဉာဏ်မဲ့နေတဲ့စက်ရုပ်တွေကြားက ဒီပါးဟောက်စက်ရုပ်ဘယ်လိုဖြစ်ပြီး
အသိဉာဏ်အပြည့်အဝရှိနေတာလဲ။ လောရှောင်တန်ပါမောက္ခကကော ဘာရည်ရွယ်ချက်နဲ့များဒီစက်ရုပ်ကို
ထွင်ထားခဲ့တာလဲ။ အချစ်ကနေအမုန်းအဖြစ်ပြောင်းလဲသွားတဲ့ ချန်နန်တစ်ယောက်ဘယ်လိုတွေလိုက်တိုက်ခိုက်နေမလဲ။
အသိဉာဏ်မဲ့စက်ရုပ်တွေကို ဘယ်လိုအဆုံးသတ်ရှင်းပစ်မလဲစတဲ့ စိတ်ဝင်စားစရာကောင်းစရာတွေကိုကြည့်ရူလိုက်ရအောင်။
ဒီဇာတ်ကားလေးကတော့ အချစ်အမုန်းခံစားချက်ရှိတဲ့လူသားနှလုံးသားကို တုပပြီးစက်ရုပ်ကိုယ်ထဲထည့်ဖို့တီထွင်ဖန်တီးနေကြတဲ့ ယနေ့ခေတ် နည်းပညာလောကရဲ့ဖြစ်တည်လာမယ့်ဆိုးကျိုးတွေကို
မီးမှောင်းထိုးပြသွားတာဖြစ်သည့်အတွက်ကြည့်ရူသင့်တဲ့ဇာတ်ကားလေးဖြစ်ပါတယ်။

Winner and Sinners (1983)

ပေါကားမဟုတ်တဲ့ ဟောင်ကောင်အက်ရှင်ဇာတ်ကားလေးတွေပြန်တင်ပေးလိုက်ပါတယ်
5 lucky stars seriesထဲက ပထမဆုံးကားလေးဖြစ်တဲ့ Winners and Sinners ပါ အဓိကသရုပ်ဆောင်အဖြစ်ကျွန်တော်တို့အကြိုက်ဇာတ်လိုက်မင်းသားကြီး Jackie Chan ကတော့သူ့ရဲ့ပုံစံအတိုင်းပဲလုပ်သမျှအလွဲတွေကြည့်ဖြစ်နေတတ်တဲ့ရဲတစ်ယောက်အဖြစ်ပါဝင်သရုပ်ဆောင်ထားပါတယ် ဇာတ်လမ်းအကျဉ်းလေးဟာဆိုရင်
တော့ဖြင့် ခိုးမှု , လုယက်မှု , ပြည့်တန်ဆာခေါင်းလုပ်မှု စသဖြင့် ရာဇတ်မှု အမျိုးမျိုးနဲ့ထောင်ကျသွားတဲ့၅ယောက်ထောင်ထဲမှာတွေ့ကြပါတယ်တကယ်တော့သူတို့ကလည်းပေါတောတော အူတူတူတွေကြည့်စုထားပြီးမမိုက်ရဲ မိုက်ရဲနဲ့၅ယောက်ပေါင်းလောင်းကျော်နေတဲ့သူတွေပါတစ်ခုရှိတာက သူတို့ထောင်ကလွတ်တဲ့အချိန်မှာသူတို့၅ယောက်နဲ့တစ်ချိန်တည်းလွတ်သွားတဲ့သူတစ်ယောက်ရှိပါတယ်သူကတော့ဖိုက်တာလိုလို ဘာလိုလိုညာလိုလိုနဲ့အထာပေးကြမ်းတဲ့ဘဲကြီးတစ်ကောင်လည်းရက်စေ့ပြီးလွတ်သွားပါတယ်ဟို ၅ ယောက်ကကော ထောင်ကလွတ်ပြီးဘယ်တွေသွားကြမလဲဘာတွေလုပ်ကြမလဲပြီးတော့စီအိုင်ဒီကအလွဲတွေကြည့်လုပ်တတ်တဲ့စုံထောက်ကျော်ကြီးကိုဂျက်ကီရယ် ၅ယောက်ပေါင်းလောင်းကျော်နေတဲ့အူတိအူကြောင်ကောင်တွေရယ် ပိုက်ဆံအတုတွေထုတ်ပြီးဘာညာသာဒကာ လျှောက်လုပ်နေတဲ့ဘဲကြီးရယ်ဘာတွေဆက်ဖြစ်ကြမလဲ ကြည့်ကြပါစို့ဗျာ

Faith & The Great Doctor (2012)

Castsတွေအနေနဲ့ကတော့ Lee Min Ho & Kim Hee Sun တို့ပါဝင်ထားပါတယ်။နာမည်ကြီးမင်းသား/မင်းသမီး တွေမို့ ကြည့်လို့ကောင်းမှာတော့ သေချာပါတယ်။

ဇာတ်လမ်းအကျဥ်း

ဟိုဘက်ခေတ် ဒီဘက်ခေတ်ပုံစံရိုက်ကူးထားတဲ့ဇာတ်လမ်းဖြစ်ပြီးတော့လီမင်ဟိုဟာ ဂိုဂူလျောခေတ်က အရမ်းတော်တဲ့သစ္စာရှိတဲ့စစ်သူကြီးတစ်ဦးအနေနဲ့ပါ။

တစ်နေ့မှာ ဘုရင့်ရဲ့မိဖုရားဒဏ်ရာရရှိသွားလို့ ဘယ်သမားတော်မှမကုနိုင်တဲ့အချိန် ကောင်းကင်တံခါးလို့ခေါ်တဲ့ Portal တခုပွင့်လာတော့အဲ့ထဲကို၀င်ပြီးတော့ သမားတော်ခေါ်ဖို့ကြိုးစားပါတယ်။

ဖြစ်ချင်တော့ရောက်သွားတာက လက်ရှိ မျက်မှောက်ခေတ်သူ့အတွက်အရာအကုန်လုံးကအဆန်းတွေကြီးပါဘဲ

အဲ့မှာ မိဖုရားကိုကုသဖို့အတွက် ဆရာ၀န်ကိုရှာရင်း မင်းသမီးကိုတွေ့တဲ့အခါမှာတော့သူ့ခေတ်ကိုမရမကဆွဲခေါ်သွားပါတော့တယ်။

ဘာတွေဆက်ဖြစ်မလဲ မင်းသမီးကယော လိုက်သွားမှာလား?လိုက်သွားပြီး ဒီဘက်ခေတ် ကိုပြန်ရောက်ဖို့ဘယ်လိုကြိုးစားကြမလဲ မင်းသားနဲ့မင်းသမီး ကယောဘယ်လိုချစ်ကြိုးသွယ်မလဲဆိုတာကိုတော့ စိတ်ဝင်စားဖွယ်ရာများနဲ့ ဇာတ်လမ်းထဲမှာ ဆက်လက်ခံစားကြည့်ရှုလိုက်ပါနော်။

Spring Garden (2024)

The Medium ရဲ့ ပဲ့ကိုင်ရှင်တွေ ရိုက်ကူးထားတဲ့ အသစ်ဆက်ဆက် သရဲကားကြီး လာပါပြီနော်။

ဖြစ်ရပ်မှန်ကို ရိုက်ကူးထားတယ်ဆိုတော့ ကောင်းမကောင်းကတော့ ကိုယ်တိုင်ပဲ ကြည့်ရှုအမှတ်ပေးလိုက်ကြပါဦး..။

ဇာတ်လမ်းအညွှန်းလေးကတော့..

ဆိုဟွီက တိတ်ဆိတ်တဲ့ ကျေးလက်တောရွာလေးက အိမ်ကြီးတစ်ဆောင်မှာ ပန်းဥယျာဉ်လေးကို စိုက်ပျိုးပြီး နေသွားချင်သူ တစ်ယောက်ဖြစ်တဲ့အလျောက် သူ ကိုယ်ဝန်ဆောင်နေတဲ့ အချိန်မှာ သူ့ခင်ပွန်းဖြစ်သူ ချန်းဆူက သူ့ဇနီးမသိစေဘဲ ဇနီးဖြစ်သူ ဆန္ဒအတိုင်း တစ်ထပ်တည်းတူတဲ့ အိမ်ကြီးကို ဖန်တီးပေးနေခဲ့တာပေါ့။

ဒါပေမဲ့ တစ်ရက်ကျ ခင်ပွန်းဖြစ်သူ ချန်းဆူက ကိုယ့်ကိုယ်ကိုယ် ကြိုးဆွဲချ သတ်သေသွားခဲ့ပြီး

သူမသေခင်
ဆိုဟွီနာမည်နဲ့ ချန်ရစ်ထားခဲ့တဲ့ နွေဦးဥယျာဉ် အိမ်ကြီးအကြောင်းကို ကြားလိုက်ရတဲ့ ဆိုဟွီတစ်ယောက်

ခင်ပွန်းသည်ပေးတဲ့ နောက်ဆုံး အမှတ်တရလက်ဆောင်အိမ်ကြီးမှာ ပြောင်းနေခဲ့တဲ့အခါ..။

ဒါပေမဲ့ ဆိုဟွီမသိလိုက်တာကတော့ အဲဒီအိမ်ထဲမှာ သူ့အပြင် နောက်တစ်ယောက် ထပ်ရှိနေသေးတယ်ဆိုတာကိုပါပဲ

အဲဒီအိမ်ပေါ်ကို ရောက်တာနဲ့ ဆိုဟွီတစ်ယောက် အိပ်မက်ဆိုးတွေ ဆက်တိုက်မက် နေ့စဥ်နဲ့ အမျှ ထူးဆန်းတဲ့ ကိစ္စတွေနဲ့
မျိုးစုံ ကြုံတွေ့လာရပြီး အိမ်ထဲမှာ ရှိနေတိုင်း အမြဲတမ်း တစ်ယောက်ယောက်ကို မြင်နေခဲ့တဲ့အခါ..
အမြဲလိုလို မကောင်းတဲ့ အငွေ့အသက်တွေကိုပဲ ခံစားနေခဲ့ရတဲ့အခါ...
အဲဒါတွေက ဆိုဟွီထွက်သွားအောင် နည်းမျိုးစုံ သုံးပြီး ခြောက်လှန့်နေခဲ့တဲ့အခါ..
..ဆိုဟွီတစ်ယောက် နောက်ဆုံးအချိန် အထိ အဲဒီပုဏ္ဏကတိုက်တဲ့ အိမ်ကြီးထဲမှာ ဆက်လက်
နေထိုင်သွားနိုင်မလားဆိုတာကို ဇာတ်လမ်းလေးထဲမှာပဲ ရင်တထိတ်ထိတ်နဲ့ ကြည့်ရှုအားပေးလိုက်ကြပါဦးနော်။

Hong Kong Rescue [2018]

ဖြစ်ရပ်မှန် သမိုင်းကြောင်းနောက်ခံကားလေးတစ်ကားကိုမိတ်ဆက်ပေးပါရစေ။ကားလေးနာမည်က Hong Kong Rescue (2018)ကားလေးပါ။ဒီကားလေးရဲ ့နောက်ခံကတော့ ဂျပန်တွေတရုတ်ကိုဝင်စီးနေတဲ့အချိန်လေးပါ။တရုတ်တွေဟာ စိတ်ဓာတ်သိပ်ပြင်းသူတွေလို့ တော်တော်များများယူဆကြမှာပါ။အဲ့လိုယူဆတဲ့အတိုင်းပဲတရုတ်တွေကိုအောင်နိုင်ချင်ရင် သူတို့စာပေ အနုပညာကို ချိုးနှိမ်နိုင်မှ ဖြစ်မယ်လို့ယူဆကာ ဟောင်ကောင်မှာရှိတဲ့ တရုတ်အနုပညာသည်တွေကိုဖမ်းဆီးခိုင်းပါတော့တယ်။ထိုအချိန်မှာပဲ ဂျပန်တော်လှန်ရေးတပ်မတော်ကလဲ ထိုသူတွေကို ကယ်ဖို့ကြိုးစားပါတော့တယ်။တင်းကြပ်ပြီး ရက်စက်တဲ့ဂျပန်တွေရဲ ့လက်ထဲကနေ ဘယ်လိုလွတ်မြောက်အောင်ကြိုးစားကြမလဲ။အနုပညာသမားဆိုတာ ပျော့ညံ့ညံ့တွေမဟုတ်ဘူးဆိုတာပဲ သက်သေပြနိုင်မလား ဆိုတာတွေ ရင်တစ်ဖိုဖိုနဲ့ကြည့်ရှုရမယ့် ဇာတ်ကားလေးပါ

Confession (2022)

တစ်ခေါက်မှာတော့ မင်းသားကြီး So Ji Sub ပါဝင်ထားတဲ့ Confession ဆိုတဲ့ မှုခင်းကားလေး တင်ဆက်ပေးလိုက်ပါတယ်ခင်ဗျာ။

ဇာတ်လမ်းအကျဉ်း …
ယူမင်ဟိုဟာ IT ကုမ္ပဏီတစ်ရဲ့ ဥက္ကဌဖြစ်ပြီး ဟိုတယ်အခန်းထဲမှာ မိန်းကလေးတစ်ယောက် အသတ်ခံရတဲ့အမှုမှာ အမှုစစ်တွေရဲ့ သံသယရှိသူ လည်းဖြစ်ပါတယ်။
ဒီအမှုမှာ ယူမင်ဟိုဘက်က ခုခံချေပေပးဖို့ ရှေ့နေလုပ်သက်တစ်လျှောက်လုံး တစ်ခါမှ အမှုမရှုံးဖူးသေးတဲ့ ရှေ့နေယန်းရှင်းအယ်က ယူမင်ဟိုရဲ့ ရှေ့နေဖြစ်လာခဲ့ပါတယ်။
ဟိုတယ်ခန်းထဲမှာ အသတ်ခံရတဲ့ ဂင်ဆယ်ဟီးက ယူမင်ဟိုနဲ့ ဘယ်လိုပတ်သက်မှုရှိနေမလဲ?
ဒီလူသတ်မှုရဲ့ နောက်ကွယ်မှာ ဘယ်လိုကိစ္စတွေရှိနေမလဲ?
တစ်ခါမှ အမှုမရှုံးဖူးသေးတဲ့ ရှေ့နေက အမှုသည်ကို ဒီတစ်ခါကော ကယ်တင်ပေးနိုင်ဦးမလား? ဆိုတာတော့ ဇာတ်လမ်းလေးထဲ ဆက်လက် ကြည့်ရှုခံစားလိုက်ကြရအောင်ဗျာ။

Voice (2017)

Voiceစီးရီးနဲ့ပတ်သက်ပြီး အညွှန်းတော့ထွေထွေထူးထူးရေးစရာမလိုလောက်…..အသက်နဲ့သစ္စာလို့လူသိများကြပါတယ်….

ဒီစီးရီးက ရဲမှုခင်းဌာနရဲ့ Call Center တစ်ခုကိုအခြေပြုပြီးတော့ ဇာတ်အိမ်ဖွဲ့ထားတာပါ…ကိုရီးယားရဲ့ လူသိများတဲ့ဇာတ်ကောင်က Psychopath ပါပဲ…ကြည့်နေတုန်း Screen ထဲဝင်ပြီး သတ်ပစ်ချင်လောက်အောင် ဖမ်းစားနိုင်ပါတယ်….

အဲ့လိုနေရာကို နာမည်ကြီးသရုပ်ဆောင်တွေထားသလို ဇာတ်အိမ်ကိုအမြင့်ဆုံးဖြစ်စေနိုင်တဲ့ နာမည်ရသရုပ်ဆောင်တွေ Plot Twist အလန်းစားတွေနဲ့ ဖွဲ့စည်းပြီး အဆင့်အတန်းမြင့် Crimeဇာတ်လမ်းတွေဖန်တီးလေ့ရှိတယ်…

လူကြိုက်များလှသလို ဒီ Voiceစီးရီးကလည်း အထင်ကရ စီးရီးဆက်ကြီးလို့ပြောရင်လည်းမမှားပါဘူး…..

Voiceရဲ့အကောင်းဆုံးကတော့ SE1ရဲ့ အပိုင်း(၁)စပြီး Tempoကိုကျမသွားတာပါပဲ…ကိုယ်တိုင် ဇာတ်လမ်းထဲရောက်သွားသလို ခံစားရပြီး ကိုယ်တိုင်အမှုတွေအဖြေရှာရ  Psychopath က ဘယ်သူဖြစ်မလဲကိုတွေးရ အသံတွေကြားပြီး ဘာမှမကယ်နိုင်အကူအညီမပေးနိုင်နဲ့   တော်တော်ဒုက္ခများတယ်လို့ပြောရမှာပါပဲ…

တစ်ချို့အခန်းတွေဆို ဟာ ဟင် ထအော်ရတာမျိုးရှိသလို ကြည့်ရင်း လည်ချောင်းတွေခြောက်ပြီး ရေတွေပါငတ်တဲ့အခြေအနေမျိုးတွေလည်းကြုံရပါတယ်…

Personal Taste(2010)

ဒီတစ်ခေါက် တင်ဆက်ပေးလိုက်တဲ့ ဇာတ်လမ်းတွဲလေးကတော့ K-drama လောကမှာ မသိတဲ့သူမရှိတဲ့ နာမည်ကြီးမင်းသား Lee Min-ho နဲ့
Crash Landing on You ထဲက မင်းသမီး Son Ye-jin တို့ရဲ့ 2010ခုနှစ်က ထွက်ရှိထားတဲ့ Personal Taste လို့ အမည်ရတဲ့ ရိုမန့်တစ်ဇာတ်လမ်းတွဲလေးပဲဖြစ်ပါတယ်
နာမည်ကြီးမင်းသား၊မင်းသမီးတွေ ရိုက်ထားတဲ့ ဇာတ်လမ်းဟောင်းလေးဖြစ်တာကြောင့် မတူညီတဲ့ရသခံစားချက်ကို ပေးစွမ်းနိုင်မှာပါ

ဇာတ်လမ်းအညွှန်း
-----------------------
အလွဲလွဲအချော်ချော်တွေနဲ့ လူတကာကို လွယ်လွယ် ယုံကြည်တတ်တဲ့ မရင့်ကျက်သေးတဲ့ ဘတ်ဂယ်အင်က
ချစ်သူရည်းစားဆီကနေ ရက်စက်မှုကို ခံလိုက်ရတဲ့အတွက် အချစ်ကို စိတ်နာနေတဲ့ ကောင်မလေးပါ

ရုပ်ရည်ချောမော စတိုင်လ်ကျပြီး အသန့်ကြိုက်လွန်းတဲ့ ဂျောင်ဂျင်ဟိုကတော့ ရုပ်နဲ့မလိုက်အောင် တစ်ကိုယ်ကောင်းဆန်တဲ့ကောင်လေးပါ

ဘတ်ဂယ်အင်က ချစ်ခြင်းမေတ္တာတို့ဆုံစည်းရာဆိုတဲ့ အိမ်လေးထဲမှာ သူနဲ့အတူနေထိုင်ဖို့အတွက်
Straight ကောင်လေးတွေအစား Gay အခန်းဖော်ကောင်လေးကို ရှာပါတော့တယ်

အဲဒီအချိန် ချစ်ခြင်းမေတ္တာတို့ဆုံစည်းရာဆိုတဲ့ အိမ်ကို အကြံအစည်တစ်ခုကြောင့် ဝင်ခွင့်ရဖို့ကြိုးစားနေတဲ့ ဂျောင်ဂျင်ဟိုက သူ့ကိုယ်သူ Gay လို့ ညာပြီး ဘတ်ဂယ်အင်ရဲ့ အခန်းဖော်အဖြစ် ဝင်ရောက်နေထိုင်ဖို့ဖြစ်လာပါတယ်

တစ်ကိုယ်ကောင်းဆန်တဲ့သူနဲ့ လူတွေကို အယုံလွယ်ပြီး မရင့်ကျက်တဲ့သူတို့ရဲ့ကြားမှာ
အချစ်တွေ ဘယ်လိုပေါက်ဖွားလာမလဲ...

သူတို့တွေရဲ့ ကြားထဲမှာရော ပြဿနာဆိုတာက ရိုးရှင်းတဲ့ အချစ်ရေးကိစ္စလေးတင်ဖြစ်ပါ့မလား....

ချစ်ခြင်းမေတ္တာတို့ဆုံစည်းရာဆိုတဲ့ အိမ်လေးမှာရော ဘယ်လိုလျှို့ဝှက်ချက်တွေရှိနေဦးမလဲ...

ရိုးရှင်းတဲ့အချစ်ဇာတ်လမ်းတွဲလေးဆိုတာအပြင် အခက်အခဲတွေကြားက အိပ်မက်တွေ၊
ကြားလူတွေရဲ့ အနှောင့်အယှက်တွေ၊ မိဘတွေရဲ့မကြည်ဖြူမှုတွေ စသည်ဖြင့်
ပြဿနာပေါင်းစုံကို နှစ်ယောက်အတူကျော်လွှားကြပုံနဲ့ အချစ်ချိုချိုလေးကို အဓိကထားပြီး
ရသစုံကို ခံစားကြည့်ရှုနိုင်မဲ့ ဇာတ်လမ်းတွဲလေးတစ်ပုဒ်ပဲဖြစ်ပါတယ်

Spy Girl (2004)

ဒီဇာတ်ကားလေးကတော့ Train to Busan ထဲကမင်းသား Gong Yoo နဲ့ မင်းသမီး Kim Jung Hwa တို့ ပါဝင်ထားတဲ့ ..
မြောက်ကိုရီးယားသူလျှိုကောင်မလေးနဲ့ တောင်ကိုရီးယားကောင်လေးကြားက Romance, Comedy အမျိုးအစား ရုပ်ရှင်ကားကောင်းလေးဖြစ်ပါတယ်။

ဇာတ်လမ်းအကျဉ်း
***
သင်တန်းကျောင်းတစ်ခုက ကျောင်းသားတွေက
ဝက်ဘ်ဆိုက်တစ်ခုထောင်ပြီး မိန်းကလေးပုံတွေအပျော်တင်ပြီးတော့ အလှဆုံးမိန်းကလေးကို အိန်ဂျယ်လို့ သတ်မှတ်ကြပါတယ်။

တစ်နေ့မှာတော့ သင်တန်းကျောင်းနားက ဘာဂါဆိုင်မှာ
အသစ်ဝင်လာတဲ့ မိန်းကလေးတစ်ယောက်က အိန်ဂျယ်အသစ်အနေနဲ့ ရုတ်တရက် နာမည်ကြီးလာပါတယ်။

တကယ်တမ်း အဲဒီမိန်းကလေးက မြောက်ကိုရီးယားကရောက်လာတဲ့ သူလျှိုဖြစ်နေတဲ့အခါမှာတော့...

သူလျှိုမိန်းကလေးက ဘာအကြောင်းနဲ့ တောင်ပိုင်းကို ရောက်လာရတာလဲ...

သင်တန်းကျောင်းက ကျောင်းသားဖြစ်တဲ့ ဂိုဘုံး (Gong Yoo) နဲ့ ဘယ်လိုဇာတ်လမ်းလေးတွေ ဖြစ်သွားမလဲဆိုတာ ပေါ့ပေါ့ပါးပါးနဲ့ ကြည့်ရှုခံစားလိုက်ကြပါဦးနော်။

Fighter 2022

တရုတ်လက်ဝှေ့ဖိုက်တာ တစ်ယောက်ဟာ အမေရိကန်ဖိုက်တာတစ်ဦးရဲ့ ညစ်ပတ်စွာတိုက်ခိုက်မှုကြောင့် MMA ပွဲမှာသေဆုံးသွားခဲ့ပါတယ်။ တစ်ချိန်ထဲမှာပဲ အဲ့ဒီပွဲကို စီစဉ်ပေးခဲ့တဲ့ မိန်းကလေးရဲ့ကုမ္မဏီဟာ MMA ကိုတရုတ်မှာ စျေးကွက်တိုးချဲ့ဖို့အတွက် ပြိုင်ဖက်ကုမ္မဏီတစ်ခုနဲ့အတူ
ရွေးချယ်ခံခဲ့ရပါတယ်။ ဒါပေမယ့် အလောင်းအစား တစ်ခုလုပ်ဖို့ ရှိပြီး အဲ့ဒီအလောင်းအစားကို နိုင်မှ အလုပ်ကိုဆက်လုပ်ခွင့်ရမှာပါ။

ဒီတော့ အလောင်းအစားက ဘာများလဲ။ အဲ့ဒီအမျိုးသမီးကရော နိုင်အောင် လုပ်နိုင်မှာလား သေဆုံးသွားတဲ့ တရုတ်လူမျိုး MMA သမားမှာရော
ဘယ်လိုနောက်ဆက်တွဲတွေရှိနိုင်မလဲ ဆိုတာ ရုပ်ရှင်မှာပဲ စီးမျောခံစားလိုက်ပါ။
ဒီကားကိုစကြည့်လိုက်တော့ ထိုင်းနာမည်ကျော် ဝမ်းဘတ်မင်းသားကို သတိရသွားပါတယ်
နောက်တစ်ချက်က အရှေ့တောင်အာရှမှာ အခြေတည်တာကိုရိုက်ပြထားတော့
မြန်မာလိုလေးတွေပါတာကိုသဘောကျတယ်။
MMA သဘောကျတဲ့လူတွေအတွက်လဲ ကျေနပ်လောက်ဖွယ်ရာပါပဲ။

Melting Me Softly (2019)

cryonics ဆိုတဲ့ သိပ္ပံ နည်းလမ်း ကတော့ ခန္ဓာကိုယ်ကို အအေးလွန်အောင် လုပ်ပြီး အေးခဲ ထိန်းသိမ်းထားတာပါ ဒါကို ( Cryonic Suspension ) လို့ခေါ်ပါ တယ် incurable လူနာတွေကို အအေးလွန် ထိန်းသိမ်းထားပြီးနောက် ပြန်လည်နိုးထလာတဲ့အချိန်မှာ ပိုမိုကောင်းမွန်အောင် ကုသနိုင်မယ်ဆိုတဲ့ ရည်ရွယ်ချက်နဲ့ ဒါကို လုပ်ဆောင်နေကြတာပါ

ဒီဇာတ်လမ်းလေးမှာတော့ အများနဲ့ မတူတာတွေ အမြဲလုပ်တတ်တဲ့ သူများမလုပ်တာတွေကိုမှလုပ်တတ်တဲ့ ရုပ်သံလွှင့်ရုံရဲ့ PD မာဒုံချန်းက ပရိုဂရမ်အသစ်ရိုက်ကူးရေးအတွက် cryonic experiment လုပ်နေတဲ့ ပရော်ဖက်ဆာဟွမ်ရဲ့ စမ်းသပ်မှုမှာ သူကိုယ်တိုင်ပါ၀င်စမ်းသပ်ခံပြီး ၂၄ နာရီကြာ ရိုက်ကူးရေးပြုလုပ်မှာပါဖြစ်ပါတယ်

သူနဲ့အတူပါ၀င် စမ်းသပ်ခံဖို့အတွက် သူ့ရဲ့ ခက်ခဲတဲ့ show တိုင်းမှာ ပါ၀င်ရိုက်ကူးခံခဲ့တဲ့ ဂိုမီရမ်ကိုလည်း သူက စည်းရုံးခဲ့ပါတယ် ဂိုမီရမ်က လည်း ပါ၀င်စမ်းသပ်ဖို့လက်ခံခဲ့ပြီး ၂၄ နာရီမပြည့်မှာ စမ်းသပ်မှု ပြသနာတက်ခဲ့ပါတယ်

ပရော်ဖက်ဆာနဲ့အတူတူ သူတို့ ၂ ယောက်လည်း နှစ်၂၀ကြာ ပျောက်ဆုံးသွားခဲ့ပြီးမှ မအိုမင်းပဲ ၂၀၁၉ ခုနှစ်မှာ ပြန်လည်နိုးထလာကြပါတယ် အနှစ် ၂၀ ကြာမှ နိုးလာတဲ့ သူတို့ ၂ ယောက် ဘယ်လို အလွဲလေးတွေလုက်မလဲဆိုတာတွေကိုလည်း ဟာသအနေနဲ့ ကြည့်ရှုရမှာပါ ပြီးတော့ စမ်းသပ်မှုမှာ ဖြစ်ခဲ့တဲ့ ပြသနာကို သူတို့ ဘယ်လိုစုံစမ်းကြမလဲ

ဘာလို့ နှစ်၂၀ကြာ ပျောက်ဆုံးသွားခဲ့လဲဆိုတာ ဒီဇာတ်ကားလေးမှာ ကြည့်ရှုလိုက်ရအောင်နော်

Christmas Carol (2022)

ဒီဇာတ်ကားထဲမှာ GOT7 အဖွဲ၀င် မင်းသားချောလေး  Jin-young က လုံး၀မတူညီတဲ့ ကာရိုက်တာနှစ်ခုကို နှစ်ကိုယ်ခွဲ သရုပ်ဆောင်ထားပြီး သရုပ်ဆောင်ချက်တွေကလည်း တအားမိုက်လို တကယ်ကို ကြည့်သင့်တဲ့ကားလေးလို ညွှန်းချင်ပါတယ်။

ဇာတ်လမ်းအကျဉ်း …
ဂျူအီးဝူနဲ့ ဂျူဝေါဝူတို့ဟာ အမြွှာညီအစ်ကိုတွေဖြစ်ကြပြီး ခရစ္စမတ်နံနက်ခင်းမှာ ညီဖြစ်သူ ဝေါဝူကို သေလျက်သား တွေ့ရှိခဲ့ရတယ်။ ရိုးရိုးရှင်းရှင်းမတော်တဆမှုကြောင့်ဆိုပြီး အမှုပိတ်လိုက်ပေမဲ့ အစ်ကိုဖြစ်သူ အီးဝူဟာ ဒါကိုလက်မခံနိုင်ခဲ့ဘူး။
အဲဒါကြောင့် သူ့ညီရဲ့ သေဆုံးမှုကို ကိုယ်တိုင်စုံစမ်းဖော်ထုတ်ပြီး ပါဝင်ပတ်သက်နေသူ ဖုံးကွယ်ပေးသူအားလုံးကို လက်စားချေဖို့ စိတ်ဆုံးဖြတ်လိုက်တယ်။
အီးဝူမှာရှိနေတဲ့ သဲလွန်စက ဝေါဝူနဲ့ နောက်ဆုံးဖုန်းပြောတုန်းက ဖုန်းထဲကနေ ကြားလိုက်ရတဲ့အသံတစ်ခုတည်းသာပါ။
ဒါပေမဲ့လည်း ညီဖြစ်သူအတွက် တရားမျှတမှု ဖော်ဆောင်ဖို့နဲ့ တရားခံကိုရှာဖို့အတွက် အီးဝူတစ်ယောက် ကြိုးစားစုံစမ်းရင်းကနေမှ လူငယ်ထိန်းသိမ်းရေးစခန်းကို ရည်ရွယ်ချက်ရှိရှိ၀င်သွားတဲ့အခါမှာတော့

Extraordinary Hero Huang Jiguang 2022

ဟွမ်ကျီကွမ်း ဆိုတာ စီချွမ်းမှာ မွေးထားပြီး မတ်လ ၁၉၅၁ ခုနှစ်မှာ ကိုရီးယားစစ်ပွဲကို တရုတ်အမျိုးသားလုပ်အားပေးတပ်ဖွဲ့နဲ့ပူးပေါင်းပြီး ကိုရီးယားဖက်က ပေါင်းပြီး အမေရိကန်တပ်ကို တိုက်ခဲ့တယ်.... သူ့ဘဝနဲ့အတူ သူတို့ခေတ် သူတို့အခါက မရှိတဲ့လက်နက် မသိတဲ့စစ်ပညာကို အသုံးချပြီး
အသက်ကိုလောင်းကြေးထပ်ပြီး တိုက်ပွဲဝင်ပြီး ရယူခဲ့တာမို့ မှတ်ကျောက်တင်ခံခဲ့ရသူတစ်ဦးပေါ့....

သူ့အကြောင်းကို version မျိုးစုံနဲ့ နိုင်ငံတကာက
ရိုက်ကူးပုံဖော်ပြထားခဲ့ပေမယ့် ဒီတစ်ခေါက်မှာတော့ တရုတ်ပြည်ဖွား တရုတ်သူရဲကောင်းဘဝကို တရုတ်က ပြန်လည်ရိုက်ကူးထားတာမို့ မမြင်ရတဲ့ရှုထောင့်နဲ့ မရိုက်ရဲတဲ့ ပြကွက်တွေကိုမြင်ရမှာမို့ အမျိုးသားစိတ်ဓာတ်နဲ့ တိုက်ပွဲမျှော်လင့်ချက်ကို တောင့်တသူ မက်မောသူတို့
ဒီကားလေးကို ဆက်ဆက် ဒေါင်းကြည့်လိုက်ကြပါလို့ ဖိတ်ခေါ်လိုက်ပါတယ်....

Unalterable (2019)

ဂွမ်ဆန်းဂွန်းဟာ အားကစား တက္ကသိုလ်က အားကစားသမားတစ်ယောက်ဖြစ်ပါတယ်……
ဝါသနာအရင်းခံရှိပေမဲ့ မိသားစုပတ်ဝန်းကျင်က Gangster တွေဖြစ်နေလေတော့သူလည်း သွေးပါခဲ့ပုံရပါတယ် အရာရာ လက်ရဲဇက်ရဲပေါ့…

ဒီလိုအချိန်မှာပဲ အဖွဲ့အတွင်းမညီမညွှတ်မှုတွေရှိလာတဲ့အပြင် ခေါင်းဆောင်ဖြစ်သူကလည်း
သစ္စာမဲ့တဲ့လုပ်ရပ်တွေလုပ်လာတော့ ဆန်းဂွန်းတစ်ယောက် အားကစားသမားဘဝကိုစွန့်လွှတ်ပြီးခေါင်းဆောင်ဖြစ်တဲ့သူကိုဖြုတ်ချင် အဖွဲ့ခေါင်းဆောင်သစ်အဖြစ်ဝင်လုပ်ကိုင်ဖို့ကြိုးစားပါတော့တယ်..

အဲ့ဒီအချိန်မှာဘယ်လိုအခက်အခဲတွေရင်ဆိုင်ရမလဲ.,,,,
ခေါင်းဆောင်ဖြစ်ပြီးအချိန်မှာရော ဘယ်လိုပြဿနာမျိုးစုံကြုံရမလဲဆိုတာကိုတော့Gangster ကားကြိုက်သူတို့လက်မလွှတ်သင့်ပါကြောင်း

Nobody Nose ( 2018 )

ရဲအရာရှိတစ်ယောက်ဟာ သူ့ကြောင့် သူလျှိုမလေးသေသွားတဲ့အခါ စိတ်ဒဏ်ရာတွေဖြစ်ကျန်ခဲ့ပြီး ထင်ယောင်ထင်မှားတွေမြင်လာတယ်။
အဲဒီလိုနဲ့ရဲဌာနကနေနှုတ်ထွက်လိုက်ရတယ်။ သူ့အခြေနေက ဆေးပုံမှန်မသောက်ရင် ပိုဆိုးလာနိုင်တယ်လို့ပြောကြပေမယ့် သူကတော့ ခေါင်းမာမာနဲ့ ငါအရူးဆိုတာ လူတိုင်းသိနေပြီပဲ မသောက်လဲဘာမှမဖြစ်ဘူးဆိုပြီးတော့ ပေတေပြီးနေနေတုန်းပဲ။

ရဲမဟုတ်တော့ပေမယ့် ဒီအမှုကိုဆက်စုံစမ်းတာတော့မရပ်ခဲ့ဘူး။
(၄)နှစ်ကြာသွားတဲ့အခါ အမှုဟာသဲလွန်စအသစ်ပြန်ရလာခဲ့တယ်။
သူကတကယ်ပဲ ထင်ယောင်ထင်မှားတွေမြင်နေပြီးတော့ အသုံးမကျတဲ့သူတစ်ယောက်ဖြစ်သွားပြီလား.....
ဒီတစ်ခါရော နောက်ကွယ်ကတကယ်ချုပ်ကိုင်နေတဲ့ အဓိကတရားခံကိုအမိဖမ်းနိုင်မလား......

Times (2021)

ဇာတ်လမ်းအညွှန်း

သမ္မတရွေးကောက်ပွဲမှာ ပြည်သူတွေရဲ့အမှန်အကန်ပေးတဲ့ရလာဒ်နဲ့ သမ္မတဖြစ်လာတဲ့ ဆောဂီထယ် ပြည်သူတွေချစ်တာခံရသလောက် အာဏာလိုချင်တဲ့သူတွေကတော့ မုန်းတာခံရတာပေါ့ သမ္မတဟောင်းနဲ့သမ္မတအသစ်လဲတော့ သမ္မတဟောင်းရဲ့နောက်ကြောင်းတွေကို စစ်ဆေးရပါလေရော သူတို့လုပ်ခဲ့သမျှကလည်း လက်လွန်နေပြီဆိုတော့ မကြံကောင်းမစည်အပ် ပြည်သူချစ်တဲ့သမ္မတကြီးကို စနိုက်ပါနဲ့လုပ်ကြံပါရော သတင်းထောက်ဘဝကနေ သမ္မတဖြစ်လာတဲ့ သမ္မတဆောဂီထယ်ရဲ့သမီးဟာလည်း အဖေ့ခြေရာနင်းတဲ့ သတင်းထောက်ဆုပေါင်းများစွာရထားတဲ့ သိပ်တော်တဲ့သတင်းထောက်တစ်ယောက်ပေါ့ မျက်စိရှေ့မှာပဲ သေနတ်မှန်ပြီးသေသွားမယ့်အဖေကို လွန်ခဲ့တဲ့ကာလကလူတစ်ယောက်နဲ့ဖုန်းအဆက်အသွယ်ကနေ ကယ်တင်နိုင်ဖို့ကြိုးစားတဲ့အခါမှာ ဘယ်လိုမျိုးတွေကြိုးစားမလဲ ကယ်တင်နိုင်မလား မကယ်တင်နိုင်ဘူးလား ဆိုတာ ဆက်ပြီးတော့ ကြည့်လိုက်ကြပါဦးနော် Itaewon class ကတုံးကားထဲက မိန်းမလျာလုပ်တဲ့ မင်းသမီးလေးကခေါင်းဆောင်ပါဝင်ထားပါတယ် မင်းသားကလည်း ဟိုးအရင် ဂျုမုံကားတည်းက ချစ်ခဲ့ရတဲ့ ပါးချိုင့်လေးနဲ့မင်းသားကြီးမို့လို့ ကြည့်ရတာ အားမရနိုင်လောက်အောင်ကောင်းပါလိမ့်မယ်.....

Oh My Ghost (2015)

ဒီတစ် ခါ ၂၀၁၅ခုနှစ် က ထွက် ထားတဲ့
ရသစုံ ခံစားရတဲ့ drama ကား ကောင်း လေး
တစ် ကား ဖြစ် တဲ့ oh my ghost ဆိုတဲ့
ဇာတ်ကားကောင်းလေးတစ်ကားနဲ့
မိတ် ဆက် ပေးလိုက် ပါတယ် ....

နာဘိုဆွန်းဆိုတဲ့ကောင်မလေးဟာ
စားသောက်ဆိုင်မှာ အလုပ်လုပ်နေတဲ့
ကောင်မလေးတစ်ယောက်..

သူ့ရဲ့ထူးခြားချက်ကဘာလဲဆိုတော့
မကောင်းဆိုးဝါးတွေကိုမြင်နေရတာပဲ…

ဒီတော့ကောင်မလေးဟာ အရာရာကို
ကြောက်ရွှအားငယ်နေတတ်တယ်..

သူ့ရဲ့အမူအရာတွေဟာလည်း သာမန်လူတွေနဲ့
မတူပဲ ကွဲပြားနေတော့ သီးခြားအထီးကျန်
ဆန်နေတယ်..

ဒီလိုအမူအကျင့်တွေကြောင့်လည်း
နာမည်ကျော်စားဖိုမှူးလည်းဖြစ်
စားသောက်ဆိုင်ပိုင်ရှင်လည်းဖြစ်တဲ့
ကန်ဆန်း၀ူဟာ သူမကိုသိပ်သဘောမကျဘူး.. .

တစ်နေတော့ မတော်တဆမှုနဲ့သေဆုံးပြီး
မကျွတ်မလွပ်တဲ့သရဲမဟာ နာဘိုဆွန်းဆိုတဲ့
ကောင်မလေးကို၀င်ပူးသွားတယ်…

သရဲမဟာ လူ့ဘ၀တုန်းကလည်း ပြာကလပ်စိန်
ဆိုတော့ သရဲဖြစ်တော့ ပိုဆိုးတာပေါ့ …
ထပ်ဆိုးတာက ခပ်အေးအေးနေတတ်တဲ့
နာဘိုဆွန်းပဲ… သရဲမ၀င်ပူးခံရတော့
ပြာကလပ်စိန်နာဘိုဆွန်းဖြစ်သွားတယ်…

ပရ လောကသားဆိုတာတကယ် မရှိဘူး လို
ခံယူထားပြီး မာနအရမ်းကြီးတဲ့ ဘုဂလန့်လူ့ဂွစာ
စားသောက်ဆိုင်ပိုင်ရှင်နဲ့အဲ့ဒီမှာစတွေ့တော့တာပဲ….

ဒီကားက မင်းသားရောမင်းသမီးရောချောသလို
ရယ်စရာလေးတွေ ရင်ခုန်စရာလေးတွေ
စိတ်လှုပ်စရားလေးတွေနဲ့ တကယ့်ကို
ကြည့်လိုကောင်းတဲ့စီးရီးလေးဖြစ်ပါတယ်
အပိုင်းက (၁၆)ပိုင်းပဲရှိပါတယ် .....

The Day I Died (2020)

ဘဝမှာတစ်ယောက်တည်းအထီးကျန်နေတာမျိုး၊
ကိုယ့်အမှားမဟုတ်ဘဲ တစ်ခြားသူအမှားကြောင့်
အပစ်ပယ်ခံရတာမျိုးကို ကြုံနေရတဲ့ကောင်မလေးတစ်ယောက်အကြောင်းကို
စုံထောက်တစ်ယောက်က စုံစမ်းတာနဲ့ ဇာတ်လမ်းလေးကို စဖွင့်ထားပါတယ်

ဒီကားထဲမှာပါဝင်တဲ့သူတွေကတော့
နာမည်ကြီးမင်းသမီး Kim Hye-soo၊ တက်သစ်စ မင်းသမီးလေး No Jeong-ee (18 Again) နဲ့
မင်းသားချော Lee Sang-Yeob တို့က ပါဝင်ထားပြီး ၂၀၂၀မှာထွက်ရှိထားပြီး
IMDB 10/7.3 ထိ ရထားတဲ့ Drama/Crime ဇာတ်ကားကောင်းလေးတစ်ကားလည်း ဖြစ်ပါတယ်
ဇာတ်လမ်းကို ပြန်ပြောရရင် မတော်တဆမှုတစ်ခုကြောင့် အလုပ်နားထားရတဲ့ ဂင်ယောင်းဆွန်း အမှုစစ်ကို
အထက်လူကြီးဖြစ်သူကခေါ်ပြီး အလုပ်ခွင်နားထားရတဲ့မတော်တဆပြစ်မှုနဲ့ ရာထူးတိုးချင်တယ်ဆိုရင်
အမှုတစ်ခုကိုလိုက်ပြီး အမှုပိတ်ဖို့အတွက်အစီရင်ခံစာတင်ဖို့တောင်းဆိုခဲ့ပါတယ်
ဂင်ယောင်းဆွန်းကိုယ်တိုင်ကလည်း ယောက်ျားနဲ့ကွာရှင်းဖို့အမှုရင်ဆိုင်နေရပြီး
မတော်တဆမှုကြောင့် လက်အကြောဆိုင်းတဲ့ဝေဒနာကိုခံစားနေရတဲ့အပြင်
အလုပ်ကလည်းမတော်တဆမှုအတွက်နဲ့ ပြုတ်မလိုဖြစ်နေခဲ့သူပါ
အဲ့ဒီအချိန်အထက်ကစုံစမ်းခိုင်းတဲ့ ဆယ်ဂျင်းဆိုတဲ့ သူဌေးသမီးကောင်မလေးတစ်ယောက်
သေကြောင်းကြံစည်မှုကို အစီရင်ခံစာဖို့လုပ်ရင်း မထင်မှတ်ထားတွေပါ ဆက်လက်သိရှိလာခဲ့ပါတယ်
ကောင်မလေးအဖေဖြစ်သူကလည်း မတရားမှုများစွာလုပ်ခဲ့ပြီးနောက် သေဆုံးသွားခဲ့ပြီး
အစ်ကိုဖြစ်သူကလည်း ဆေးမှုနဲ့ထောင်ကျနေပါတယ်
ဆယ်ဂျင်းကိုလည်း သူ့အဖေပြစ်မှုတွေအတွက် သူမသေကြောင်းမကြံခင်မှာ ရဲတွေဖက်ကစစ်ဆေးခဲ့ကြပြီး
အဲ့ဒီအချိန်တုန်းက ဂင်ဆွန်းယောင်းကမတော်တဆမှုကြောင့်ဆေးရုံရောက်နေချိန်လည်းဖြစ်ပါတယ်
ဂင်ယောင်းဆွန်း ဆေးရုံက ဆင်းလာပြီးနောက် အထက်က ယာယီအလုပ်ဆင်းခိုင်းခဲ့ချိန် ဆယ်ဂျင်းက သေဆုံးသွားခဲ့ပြီး
အားလုံးက အပြီးသတ်ချင်နေတဲ့အမှုက ယောင်းဆွန်းလက်ထဲကိုရောက်လာခဲ့တာလည်း ဖြစ်ပါတယ်
ဘာလို့ရဲတွေဖက်ကဒီအမှုကိုသေချာမစုံစမ်းပဲ မြန်မြန်ပိတ်ချင်နေခဲ့တာလဲ?????
ကောင်မလေးကကောဘာလို့သေကြောင်းကြံချင်ခဲ့တာလဲ ဆိုတာရယ်
သူမသေကြောင်းကြံသွားခြင်းရဲ့ နောက်ကွယ်မှာ လျှို့ဝှက်ချက်တွေအများကြီးရှိနေခဲ့ပါတယ်
ကိုရီးယားကားတွေထုံးစံအတိုင်း အဆုံးသတ်မှာ အလှည့်အပြောင်းလေးတစ်ခုလည်းထည့်ထားလို့
ကြည့်ရတာစိတ်ဝင်စားမယ့် ကားကောင်းလေးတစ်ကားပါ
ဇာတ်လမ်းကလည်းစိတ်ဝင်စားဖို့ကောင်းသလို လူတိုင်းစိတ်ထဲမှာတစ်နည်းနည်းနဲ့ ခံစားနေရတတ်တဲ့ အထီးကျန်မှုကိုပါ
သေချာသရုပ်ဖော်သွားနိုင်လို့ နောက်ဆုံး စိတ်ထဲမှာတစ်ခုခုကျန်သွားနိုင်မယ့် ကားကောင်းလေးတစ်ကားလည်းဖြစ်ပါတယ်

The Lost Mausoleum (2024)

တရုတ်ပြည်ကြီးရဲ့ပြည်တွင်းစစ်တွေနဲ့ ရှုပ်ထွေးနေတဲ့ခေတ်မှာ အမြတ်ထုတ်ချင်ကြတဲ့
နိုင်ငံခြားသားတွေကအလုံးနဲ့အရင်းနဲ့ဝင်လာခဲ့တယ်။
ရှေးဟောင်းယဉ်ကျေးမှုအမွေအနှစ်တွေကိုကာကွယ်ဖို့အတွက် နိုင်ငံခြားသားတွေထပ်အရင် ရတနာတွေကိုရှာပြီးဖွက်ဖို့လူတစ်စုဟာကြံစည်ကြတယ်။

ဒါပေမယ့် ကံမကောင်းချင်တော့ ရှေးဟောင်းသုတေသနပါမောက္ခကြီးက
ရှေးဟောင်းသင်္ချိုင်းကိုစွန့်စားရှာဖွေရင်း ထူးဆန်းရှားပါးတဲ့မြွေဆိပ်မိသွားခဲ့တယ်။
အဲဒါကြောင့် သူ့ရဲ့သမီးဖြစ်တဲ့သူက မြွေဆိပ်ဖြေဆေးကိုရှာဖွေကိုကြိုးစားတဲ့ဇာတ်လမ်းဖြစ်ပါတယ်။

အဆိပ်ကိုဖြေနိုင်ဖို့ မြွေဆိပ်ကိုဖန်တီးသူသာသိလိမ့်မယ်ဆိုပြီးတော့
မြွေတွေကိုထိန်းချုပ်ပြီးနာမည်ကြီးခဲ့တဲ့ ပင်လယ်ဓားပြကြီးရဲ့ ရှေးဟောင်းသင်္ချိုင်းမှာ မြွေဆိပ်ဖြေဆေးကိုရှာကြမယ့် စွန့်စားခန်းဟာ ဘယ်လိုအန္တရာယ်တွေနဲ့ပြည့်နေမလဲ......
ထောင်ချောက်တွေနဲ့ပြည့်နေတဲ့ ရှေးသင်္ချိုင်းကြီးထဲမှာ ဖြေဆေးဆိုတာရောရှိနိုင်ပါ့မလား......

Acupuncture Needle ( 2024 )

ဆေးပညာက လူကိုကုသပေးနိုင်သလို သေအောင်သတ်နိုင်တယ်တဲ့။
မှုခင်းရုပ်ရှင်ကြိုက်နှစ်သက်တဲ့ ပရိသတ်တွေအတွက်
Acupuncture Needle Needle ဆိုတဲ့ ရုပ်ရှင်ကို တင်ဆက်ပေးလိုက်ပါတယ်။

ဇာတ်လမ်းအကျဉ်းလေးကတော့-

ကျန်းမြို့ မြို့ပြင်က လန်ထင်တည်းခိုခန်းမှာ အမျိုးသမီးအလောင်းတစ်လောင်းကို
တွေ့တယ်ဆိုပြီး တိုင်ကြားလာပါတယ်။ သွားရောက်စစ်ဆေးပြီးနောက်
ရဲတပ်ဖွဲ့တွေက သေသူက မြို့နယ်ဆေးရုံက
အလုပ်သင်ဆရာဝန် ထုံဟွဖြစ်ကြောင်း သိခဲ့ရပါတယ်။

အလောင်းမှာ အပြင်ဒဏ်ရာတစ်စုံတစ်ရာ ရှာမတွေ့ဘဲ သေဆုံးသွားတာ ဖြစ်တဲ့အတွက်
တရားခံကို ရှာမရ ဖြစ်နေပါတယ်။ ဒီအမှုကို လိုက်လံစစ်ဆေးချိန်မှာ
မှုခင်းအဖွဲ့ အဖွဲ့ခေါင်းဆောင်ရွှီခိုင်ဟာ ရဲဖြစ်တဲ့လုထင်ရဲ့ မိဘကလည်း ဒီအမှုနဲ့ ပတ်သက်နေကြောင်း သိခဲ့ရပါတယ်။

မှုခင်းရဲ့ နောက်ကွယ်က အတိတ်ကအကြောင်းအရာတွေ တဖြည်းဖြည်း ပြန်လည်ထွက်ပေါ်လာချိန်မှာတော့......
တရားခံအစစ်က ဘယ်သူဖြစ်မလဲ......
အပြင်ရော အတွင်းရော ဒဏ်ရာမမြင်ရအောင် လူကို ဘယ်လိုနည်းနဲ့ သတ်ခဲ့သလဲ......
လူသတ်ရတဲ့ အကြောင်းရင်းကရော ဘာကြောင့်လဲ.....
ဆိုတာကို ရုပ်ရှင်ထဲမှာပဲ ဆက်ပြီးအဖြေရှာလိုက်ရအောင်နော်။


ဇာတ်ကားကြည့်ရန် 👇👇
https://t.me/msm2channel/1380
https://t.me/msm2channel/1380

GoodBye Mr.Black (2016)
.
ကဲ အခုတစ်ခါ ဇာတ်လမ်းတွဲလေးကတော့ မြဝတီရုပ်သံကိုကြည့်နေကြသူတွေဆို ဒီ ကြိုးမဲ့စွန် ဆိုတဲ့ ဇာတ်လမ်းတွဲလေးကို ရင်းနှီးကြမှာပါ

ဇာတ်လမ်း အကျဉ်းလေးကတော့ ရေတပ်ဗိုလ်ဖြစ်သူ ချာဂျီဝန်း ဟာ မထင်မှတ်ထားတဲ့ အမှုတစ်ခုမှာ ထောင်ချောက်ဆင်ခံရပြီးသူဟာ မသေပဲ မစ္စတာဘလက် အဖြစ်တဖန် ပြန်လည်မွေးဖွားလာခဲ့ပြီး စွမ်း ဆိုတဲ့ မိန်းမချောလေးနဲ့ လက်ထပ်ပြီးသူ့ဘဝအမှန်ကို ဖုံးကွယ်ထားခဲ့ပါတယ် အဲ့ဒီ စွမ်းဆိုတဲ့ မိန်းမချောလေးကကော ဘယ်လို နောက်ကြောင်းအတိတ်ဘဝကြောင့် သူများအသုံးချတာကိုခံနေရတာလဲ

ချာဂျီဝန်း ကကော ဘယ်လိုတွေ လက်စားချေဖို့ကြံလေမလဲ

သူ့ကိုကောဘယ်သူတွေက မကောင်းကြံစည်ထောက်ချောက် ဆင်ခဲ့ကြတာလဲဆိုတာကိုတော့ ဆက်လက် ကြည့်ရှူလိုက်ကြပါတော့နော်

The Vanished (2018)

ထက်မြက်လှပပြီး ကြွယ်ဝချမ်းသာမှုတွေကိုပိုင်ဆိုင်ထားတဲ့
ဘာရွန်ဆေးဝါးကုမ္ပဏီရဲ့ ဥက္ကဌ ယွန်းဆိုဟီးဟာ
ရုတ်တရက် သေဆုံးသွားခဲ့ပြီးသူမရဲ့အလောင်းဟာ ထူးဆန်းစွာပျောက်ဆုံးခဲ့ပါတယ်။

ပတ်ဂျင်ဟန်ဟာ တက္ကသိုလ်ပါမောက္ခတစ်ဦးဖြစ်ပြီး ဇနီးသည်ယွန်းဆိုဟီးရဲ့ဆေးဝါးကုမ္ပဏီမှာလည်း မန်နေဂျင်းအဖြစ် လုပ်ကိုင်နေသူပါ။

ဇနီးသည် ယွန်းဆိုဟီးရဲ့အလောင်း ပျောက်ဆုံးခဲ့ပြီးနောက်မှာတော့ လူတိုင်းအားကျနေရတဲ့ အိမ်ထောင်ရေးကိုပိုင်ဆိုင်ထားတဲ့ သူတို့စုံတွဲရဲ့နောက်ကွယ်က အိမ်ထောင်ရေးအရှုပ်အရှင်းတွေနဲ့အတူ ယွန်းဆိုဟီးရဲ့ သေဆုံးမှုနောက်ကွယ်က ခင်ပွန်းသည်ရဲ့လုပ်ကြံဆောင်ရွက်မှုတွေကို ပရိသတ်ကြီး ရင်တထိတ်ထိတ်နဲ့ ကြည့်ရှုခံစားရမှာပဲဖြစ်ပါတယ်။

ဒါ့အပြင် အောင်မြင်ချမ်းသာပြီး လူတိုင်းအားကျရတဲ့ သူဌေးစုံတွဲရဲ့လျှို့ဝှက်ထားတဲ့အကြောင်းအရာတွေကိုဖော်ထုတ်ရင်း
စုံထောက် ဝူဂျောင်ရှစ်တစ်ယောက်
သူ့ချစ်သူရဲ့ပျောက်ဆုံးမှုအကြောင်းအရင်းကို ဘယ်လိုနည်းလမ်းတွေနဲ့ ဖော်ထုတ်သွားမလဲဆိုတာ

The Bodyguard ( 2024 )

ဒီတစ်ခါတင်ဆက်ပေးမယ့် ဇာတ်ကားလေးကတော့ မြင်တွေ့နေကျ
ကိုယ်ရံတော်မျိုးမဟုတ်တဲ့ အမျိုးသမီး ကိုယ်ရံတော်ကိုအဓိကထားပြီးရိုက်ကူးထားတဲ့ အက်ရှင်ဇာတ်ကားလေးပဲဖြစ်ပါတယ်

ဇာတ်လမ်းအကျဉ်းကိုပြောပြရမယ်ဆိုရင် နာမည်ကြီး ဇီဝဆေးဝါးလုပ်ငန်းစုရဲ့
တစ်ဦးတည်းသောသားဖြစ်သူကဖော်မြူလာအသစ်တစ်ခုကို စမ်းသပ်သုတေသနလုပ်နေရင်း အောင်မြင်လုဆဲဆဲမှာတော့ အဲ့ဒီဆေးဝါးသုတေသနအချက်အလက်ကိုလိုချင်တာကြောင့် လိုက်လံနှောင့်ယှက်နေတဲ့လူတစ်စုရန်ကနေကာကွယ်ပေးဖို့ အဖေဖြစ်သူက ကိုယ်ရံတော်ငှားပေးခဲ့ရာကနေမှ လင်သခင်လေးနဲ့ ကိုယ်ရံတော်မလေး ‌ကျုံးရှောင်နန်တို့ဆုံတွေ့ခဲ့ကြပါတယ်

လင်သခင်လေးရဲ့ ဘေးကင်းလုံခြုံမှုအတွက် ဒေသခံရဲစခန်းကတာဝန်ခံခဲ့ပြီး
ရဲမှူးကိုယ်တိုင်ကလည်းလိုက်လံကာကွယ်ပေးနေပေမယ့် စခန်းမှူးကိုယ်တိုင်က
မသမာသူဘက်ကဖြစ်နေခဲ့တာမို့လို့ သူတို့ဘယ်ပဲသွားသွားလုပ်ကြံခံခဲ့ရပါတယ်
အဲ့လိုနဲ့နောက်ဆုံး ဘယ်သူမှမသိတဲ့နေရာကို အရောက်သွားပြီးတော့ ဆေးဝါးစမ်းသပ်မှုကို အပြီးသတ်နိုင်ခဲ့တဲ့အချိန်မှာတော့ သူတို့ဆီကို မသမာသူအုပ်စုကရောက်ရှိလို့လာပါတော့တယ် ယုံကြည်ရသူတွေကြီးပဲသိတာမို့လို့
ဘယ်သူက သစ္စာဖောက်သွားတာလဲဆိုတာကို
ဒီအက်ရှင်ကားလေးမှာ ဆက်လက်ကြည့်ရှုလို့ရပါတယ်နော်

One Ordinary Day (2021)

ဂင်ဆူဟွန်းက ဒီကားထဲမှာသာမန်ကျောင်းသားလေး အနေနဲ့ သရုပ်ဆောင်ထားတာပေ့ါနော်။ သူ့ရဲ့တစ်ညတာအမှားကြောင့် လူသတ်မှုနဲ့ အစွပ်စွဲခံလိုက်ရတယ်။ သူ့အမှုကို ဘယ်သူမှလည်း လက်မခံတော့ သူ့ဘဝက ဟိုးအောက်ကို ထိုးကျသွားတယ်ပေါ့။ ချားဆောင်းဝမ်ကတော့ ဥပဒေစာမေးပွဲကို မနဲအောင်အောင် လုပ်ထားရတဲ့ တတိယအဆင့်ရှေ့နေ အဖြစ် သရုပ်ဆောင်ထားပြီး ဘာကိုမှ ဖြစ်ဖြစ်မြောက်မြောက် လုပ်နိုင်တာမရှိတဲ့ ရှေ့နေက ဂင်ဆူဟွန်းကို ကယ်တင်ဖိုဖြစ်လာတဲ့အခါမှာ ဘာတွေဆက်ဖြစ်ကြမလဲ စိတ်ဝင်စားစွာကြည့်ရှုရမှာပါ...

Monster 2014

ဒီရုပ်ရှင်ဟာ အလယ်အလတ်အဆင့် ကိုရီးယားရုပ်ရှင်ဆိုတော့ကာ အားနည်းချက်နဲ့ အားသာချက် အလီလီတော့ရှိနေတယ်။
သို့ပေမဲ့ Entertainmentတော့ အပြည့်အ၀ဖြစ်တဲ့ ရုပ်ရှင်ဆိုတာတော့ အာမခံလို့ရပါတယ်။
Thriller, Action အမျိုးအစားပေမဲ့ Thrillerနည်းပြီး Actionများတဲ့ကားလို့ ဆိုရမှာပဲ။
Psychopath လူသတ်သမားဖြစ်တဲ့ Lee Min Ki ရဲ့ သတ်ခန်း‌ဖြတ်ခန်းတွေကိုတော့ လူအတော်များများ အကြိုက်တွေ့ကြမှာ
ရုပ်ရှင်ရဲ့အားသာချက်ကိုပြောရရင်တော့ အားအသာဆုံးအပိုင်းက သရုပ်ဆောင်တွေရဲ့ သရုပ်ဆောင်မှုပဲ။
ကလေးသရုပ်ဆောင်က အစအတော်လေး အသက်၀င်တယ်။
သရုပ်ဆောင်ကောင်းဆို cast တွေကလည်း ဆရာတွေကိုး။
အဓိကဇာတ်ဆောင်ဖြစ်တဲ့ လီမင်ဂီကတော့ Beauty Inside series နဲ့ OH Master မှာ Sociopath ဆန်ဆန် ဇာတ်ရုပ်တွေနဲ့ အတော်လိုက်ဖက် သရုပ်ဆောင်ကောင်းခဲ့တဲ့လူ။
ဒီမှာလည်း Psychopathအနေနဲ့ အတော်လေး သရုပ်ဆောင်တာ ကောင်းတယ်။
နောက်… ပွဲဦးထွက် A Muse (2012)မှာကတည်းက အတော်လေးဂေါ်ခဲ့တဲ့ Goblin နဲ့နာမည်ကြီးတဲ့ ဂင်ဂိုအွန်းကလည်း ကျပ်မပြည့်တဲ့ ဇာတ်ကောင်နေရာမှာ အံ၀င်ခွင်ကျကို လိုက်ဖက်တယ်။
ကလေးသရုပ်ဆောင်မလေး အပါအ၀င် ကျန်တဲ့လူတွေလည်း သူ့နေရာနဲ့သူ ကောင်းကြပါတယ်။
အကုန်လုံးကလည်း K Drama တွေနဲ့ ရင်းနှီးတဲ့သူတွေ မစိမ်းတဲ့ သူတွေချည်း။
နောက်အားသာချက်ကတော့ ကလေးသရုပ်ဆောင်နဲ့ ဂိုအွန်းနဲ့ကြားက Chemistry က ချစ်စရာလည်းကောင်း နာကျင်စရာလည်းကောင်းပြီး အတော်လေး Emotional ဖြစ်တယ်။
အားနည်းချက်ကတော့ သိပ်တော့ ထွေထွေထူးထူး မဟုတ်ပေမဲ့ R Rate မထားချင်လားလို့လားတော့ မသိ သတ်ခန်းဖြတ်ခန်းတွေမှာ လုံး၀ ပီပီပြင်ပြင်ကြီး သတ်ပြသွားတာမျိုး မရှိဘူး။
သို့ပေမဲ့ သွေးသံရဲရဲအခန်းတွေတော့ အတော်များပါတယ်။
Run time ပိုယူပြီး သတ်ခန်းဖြတ်ခန်းတွေကို သေချာလေးပြပြီး ဇာတ်အိမ်လေးနည်းနည်း ဖြည့်လိုက်ရင်တော့ ဒီထက် ကြည့်ရကောင်းသွားမယ်တော့မြင်မိတာပါပဲ။
ပတ်ချန်း၀တ်ကားဆန်သွားတာပေါ့။
ဒါရိုက်တာကတော့ Spellbound နဲ့ ဒီကား နှစ်ကားပဲရိုက်ထားပြီး နှစ်ကားလုံး အတော်ကြည့်ပျော်တော့ မဆိုးဘူးပြောရမယ်။
ဘာပြောပြောပါ နာမည်ကြီးဒါရိုက်တာတစ်ယောက် ရိုက်တာမဟုတ်ဘဲ ဒီလောက်ကြည့်ပျော်တဲ့ Thrillerလိုင်းက ကားက ရှားပါတယ်။
ကိုရီးယား Psychopath ရုပ်ရှင်တွေ Thriller ရုပ်ရှင်တွေ ကြိုက်တဲ့လူတွေအတွက် အာသီသ ပြေစေမယ့်ကားဖြစ်တဲ့အပြင် ရင်နင့်စဖွယ်အရာတွေနဲ့ ချစ်စဖွယ် ဇာတ်၀င်ခန်း‌တွေကို ရောယှက်ပြီး ပရိတ်သတ်ကို ခံစားရအောင်လုပ်နိုင်တဲ့ Entertain လည်း အတော်ဖြစ်တဲ့ ကားဆိုတာကတော့ မမှားပါဘူး။

Duel (2017)

ဒီတစ်ခေါက်မိတ်ဆက်ပေးမယ့် ဇာတ်လမ်း ကတော့ OCN ရုပ်သံလိုင်းမှာ ပြသခဲ့တဲ့ အက်ရှင်စုံထောက် သဲထိပ်ရင်ဖိုဇာတ်လမ်း Duel ပဲဖြစ်ပါတယ်

ဇာတ်လမ်းအကျဉ်းလေးကတော့
ပြန်ပေးဆွဲအမှုတွေကိုလိုက်လံဖော်ထုတ်ရတဲ့ ရဲတစ်ယောက်ဟာ မိမိရဲ့သမီးကိုယ်တိုင်ပြန်ပေးဆွဲခံလိုက်ရတဲ့အခါမှာ ခံစားရတဲ့ အဖေတစ်ယောက်ရဲ့ခံစားချက်တွေကိုရိုက်ကူးပုံဖော်ထားပြီ ရဲနှင့်လူဆိုးကြားအက်ရှင်ဇာတ်ကြမ်းလေးတွေကို လဲတွေ့မြင်နိုင်မှာဖြစ်ပါတယ်။
နောက်ဆုံးမှာ သမီးလေးကိုရှင်လျက်ပြန်တွေ့ပြီး ပြန်ပေးသမားကိုဖမ်းလိုက်နိုင်မလား ဘာတွေဆက်ဖြစ်မလဲဆိုတာကို နောက်ဆုံးထိစောင့်မျှော်ကြည့်ရှုသင့်တဲ့ သဲထိပ်ရင်ဖို အက်ရှင်ဇာတ်ကားကောင်းလေးတစ်ကားဖြစ်ပါတယ်

Long Live the King (2019)

ဒီတစ်ခါတင်ဆက်ပေးမယ့်ကားလေးကတော့ ခေးတို့ရဲ့ဦး ကင်ရေဝန်ရဲ့ကားလေးပါ ဒီကားထဲမှာဆိုရင် ဦးက
ခပ်မိုက်မိုက်လူမိုက်ခေါင်းဆောင်နေရာကနေသရုပ်ဆောင်ထားပါတယ်
ဆိုးမိုက်ပြီးမကောင်းတာမှန်သမျှလုပ်တဲ့လူဆိုးတစ်ယောက်ဟာအချစ်နဲ့တွေ့တဲ့အခါပြောင်းလဲသွားတယ်ဆိုတာဒီကားထဲမှာအတိအကျကြီးပြောပြထားတာပါ လူဆိုးလူမိုက်ကင်ဆယ်ချောတစ်ယောက်
ကင်ဆိုဟွန်ဆိုတဲ့ရှေ့နေမလေးကိုမြင်မြင်ချင်းချစ်မိတဲ့နောက် သူ့ဘဝကိုပြောင်းလဲဖို့ကြိုးစားရာကနေ ဘာတွေဖြစ်လာမလဲဆိုတာစိတ်ဝင်တစားကြည့်ရမှာပါ
ကဲဒီလိုပြောလိုက်လို့အချစ်ကားကြီးလားလို့တော့မထင်လိုက်နဲ့နော် လှည့်ကွက်တွေပြည့်နေတဲ့နိုင်ငံရေးအကြောင်းကိုစိတ်ဝင်စားဖို့ကောင်းအောင်ရိုက်ထားတာမို့ တကယ်ကြည့်သင့်တဲ့ကားကောင်းတစ်ကားပါ
ဦးရဲ့ဖန်တွေတော့သဘောကျမှာအမှန်ဖြစ်တာကြောင့်ဆက်ဆက်ကြည့်ရှုကြဖို့ တိုက်တွန်းလိုက်ပါတယ်နော်။

City of Damnation (2009)

Action + Comedy + Crime ပေါင်းစပ်ထားတဲ့ (3 in 1) ရသခံစားကြည့်ရအောင် ပရိသတ်ကြီးတို့....
ကြမ်းခန်းရမ်းခန်းအက်ရှင်ခန်းတွေ မှုခင်းဖြေရှင်းပုံတွေကို ကြည့်ရှုခံစားရမယ့်အပြင်
ဟာသအနှောလေးပါတာကြောင့် ပရိသတ်ကြီးအနေနဲ့ စိတ်အမောပြေတဲ့မယ့်
၂၀၀၉ ခုနှစ်ကထွက်ရှိခဲ့တဲ့ City of Damnation ဇာတ်ကားလေးကို မိတ်ဆက်လိုက်ပါတယ်။
Jeong Jun-Ho၊ Jung Woong-In၊ Kim Sang-Joong ၊ Jeong Woon-Taek တို့လို
ဝါရင့်သဘာရင့် သရုပ်ဆောင်တွေ ပါဝင်သရုပ်ဆောင်ထားတာမို့ ဇာတ်ကားရသအပြည့်ရမှာတော့ အမှန်ပါပဲ။

ဇာတ်လမ်းအကျဥ်း-
ချန်းချွန်းဒုံဟာ သာမန်ယာဉ်ထိန်းရဲအရာရှိဖြစ်သော်ငြားလည်း သူ့ရဲ့ဖြောင့်မတ်မှုတို့
အတိုက်အခိုက်စွမ်းရည်တို့ကြောင့် ရဲဌာနမှာ နာမည်ဂုဏ်သတင်းရှိတဲ့သူတစ်ယောက်ပါ။
ထိုအချိန်မှာ အထူးစုံစမ်းထောက်လှမ်းရေးအဖွဲ့က လူမိုက်ဂိုဏ်းအဖွဲ့ခေါင်းဆောင်
ယန်ဂန်ဆော့ရဲ့ နောက်ကြောင်းကိုလိုက်ပြီး ဖမ်းဆီးဖို့အတွက် ကြိုးစားနေတဲ့အချိန်ဖြစ်ပြီး
ဂိုဏ်းသတင်းတွေကို အတိအကျသိရဖို့အတွက် ဂိုဏ်းထဲမှာ သူလျှိုထည့်မယ့်အစီအစဉ်ကို
အကောင်အထည်ဖော်တဲ့အခါ အရာရှိချန်းတစ်ယောက်အရွေးခံလိုက်ရပါတယ်။
အရာရှိချန်း လူမိုက်ဂိုဏ်းအဖွဲ့ထဲကို လက်သစ်လူမိုက်အနေနဲ့ရောက်ရှိသွားချိန်မှာပဲ
တစ်ဖက်လူမိုက်ဂိုဏ်းကလည်း ရဲတွေဟာ သူတို့ကို မျက်စိဒေါက်ထောက်ကြည့်နေမှန်းသိတဲ့အတွက်
ရဲဌာနထဲမှာ သူတို့ရဲ့ တစ်ဦးတည်းသော တက္ကသိုလ်ဘွဲ့ရအဖွဲ့ဝင်လည်း ဖြစ်တဲ့အပြင်
ဉာဏ်ထက်တဲ့ အီဂျုံဒယ်ကို သူလျှိုအနေနဲ့ လွှတ်လိုက်ပါတယ်။
လက်ရည်ရှိတဲ့ ချန်းချွန်းဒုံဟာ တစ်ဖက်လူမိုက်ဂိုဏ်းခေါင်းဆောင်ရဲ့ယုံကြည်မှုကို ရလာခဲ့ပြီး
အဆင့်နေရာတွေ ရလာခဲ့သလို တစ်ဖက်က အီဂျုံဒယ်ကလည်း ထက်မြက်မှုတွေကို အသုံးချကာ
အထူးစုံစမ်းထောက်လှမ်းရေးအဖွဲ့မှူး ရာထူးအထိ ရောက်လာပါတော့တယ်။
အချင်းချင်း သတင်းတွေ ဖလှယ်ရင်း ရဲတပ်ဖွဲ့ဘက်ကပဲ လူမိုက်ဂိုဏ်းကို နှိမ်နင်းနိုင်မလား
လူမိုက်ဂိုဏ်းကပဲ ရဲတပ်ဖွဲ့ကို အနိုင်ယူနိုင်မလားဆိုတာကို စိတ်ဝင်စားဖွယ် ကြည့်ရှုရမယ့်အပြင်
ဟာသအနှောကြောင့် တစ်ခဏတာ စိတ်အမောလည်း ပြေစေနိုင်မယ့်
ဇာတ်ကားကောင်းတစ်လက်ဆိုတာတော့ မမှားပါဘူး။

By Quantum Physics: A Nightlife Venture (2019)

လီချန်ဝူက ကိုယ်ပိုင်စီးပွားရေး လုပ်ငန်းတစ်ခု ထူထောင်နိုင်ဖို့ အောက်ခြေကနေ အလုပ်လုပ်ခဲ့သူပါ

သူ့မှာ ငွေစုမိတဲ့ အခါ အရင်းနှီးထည့်မယ့်လူတွေကိုခေါ်ပြီး ဘားတစ်ခု ဖွင့်ခဲ့ပါတယ်…
သူ့ရဲ့ ဘားမှာ မန်နေဂျာလုပ်ပေးဖို့အတွက် ထက်မြက်ပြီး အရည်ချင်းရှိတဲ့ ဆောင်းအွန်ယောင်းကိုလည်း ကမ်းလှမ်းခဲ့ပါတယ်…
ဒါပေမယ့် ဖွင့်ပွဲပြီးတဲ့ နောက်နေ့မှာပဲ ဘားမှာ အဆိုတော်တစ်ယောက်နဲ့ တရားမ၀င်ငွေတိုးချေးလုပ်ငန်းပိုင်ရှင်တစ်ယောက်ရဲ့သားတို့ အတူတူဆေးသုံးနေတာကို အမှုစစ်တွေ မိသွားခဲ့ပါတယ်…
အဲ့နောက်မှာ အဆိုတော်လည်း  ထူးဆန်းစွာ ပျောက်ဆုံးသွားပြီး ဘားလည်းပိတ်ခဲ့ရပါတယ်…
ဒီအမှုဟာ အစိုးရလူကြီးပိုင်းတွေနဲ့ လူဆိုးဂိုဏ်းတွေပါ ပါ၀င်ပက်သက်တဲ့ အမှုကြီးဖြစ်သွားတာကြောင့်
လီချန်ဝူးနဲ့ ဆောင်းအွန်ယောင်းတို့လည်း အသက်အန္တရာယ်ရှိလာပါတော့တယ် အဲ့အခါမှာ သူတု့ိတွေ အမှုကို ဘယ်လိုဖြေရှင်းကြမှာလဲ …
သူတို့အသက်ဘေးကနေလွတ်အောင်ရုန်းပြီးရှေ့ဆက်နိုင်ပါ့မလားဆိုတာကိုတော့….

The Secret Scandal (2013)

ဝမ်းနည်းစရာ ဖြစ်ရက်မှန် ဇာတ်လမ်းလေး ဖြစ်ပါတယ်။

၂၀၁၃ ခုနှစ်မှာထွက်ခဲ့တဲ့ drama/thriller အမျိုးအစားရုပ်ရှင်ကားဖြစ်ပါတယ်။ကိုရီးယားရုပ်ရှင်လောကရဲ့အရှုပ်အထွေးတွေကို ရိုက်ပြထားတဲ့ဇာတ်ကားဖြစ်ပါတယ်။ဇာတ်လမ်းလေးကတော့….သတင်းထောက်လီဂျန်ဟိုက
မင်းသမီးဂျောင်ဂျီဟဲ suicude လုပ်သွားတဲ့ကိစ္စရဲ့နောက်ကွယ်ကအကြောင်းတွေကိုလိုက်စုံစမ်းရင်းမင်းသမီးကိုဒါရိုက်တာနဲ့ ပရိုဂျူဆာတို့ကလိင်ပိုင်းဆိုင်ရာအကြမ်းဖက်တဲ့အကြောင်းတွေပါပေါ်လာကြပြီးတော့တရားရုံးမှာအမှုရင်ဆိုင်ရတဲ့အထိဖြစ်လာခဲ့ပါတယ်။ငွေရှိရင်ဘာမဆိုလုပ်လို့ရတယ်ဆိုတဲ့အတိုင်း ငွေရှိတဲ့သူတွေကလူပါးဝပုံတွေမင်းသမီးတွေရဲ့ လိင်ပိုင်းဆိုင်ရာအကြမ်းဖက်ခံရမှုတွေကိုပါဒီဇာတ်ကားမှာတွေ့နိုင်ပါတယ်။အဲ့ဒီ့ကနေတရားရင်ဆိုင်ကြရင်ဖြစ်လာတဲ့အဆက်အခဲတွေဒီအမှုကိုနိုင်သွားမှာလား ရှုံးနိမ့်မှာလားဆိုတာကတော့ဒီဇာတ်ကားထဲမှာဆက်လက်ကြည့်ပေးကြပါဦးဗျာ

Min Ji-hyun သည် 2013 ခုနှစ် 50th Grand Bell Awards တွင် အကောင်းဆုံး အမျိုးသမီး ဇာတ်ပို့အဖြစ် လျားထားခြင်းခံထားရသူဖြစ်ပါတယ်။

(ဒီဇာတ်ကားက ကိုရီးယားမင်းသမီးဂျန်ဂျာယွန်းရဲ့အဆုံးစီရင်မှုအကြောင်းကိုရိုက်ကူးထားတာဖြစ်ပါတယ် ဒီဇာတ်လမ်းထဲကအတိုင်းအပြင်မှာလည်းတကယ်ဖြစ်ခဲ့တာပါ မင်းသမီးဂျန်ဂျာယွန်းက F4 ကားထဲမှာ ဂင်ဂျန်ဒီကိုဝိုင်းအကျင့်မကောင်းကြတဲ့ကျောင်းသူသုံးယောက်ထဲက တစ်ယောက်အနေနဲ့သရုပ်ဆောင်ခဲ့ဖူးပါတယ် )

White Snake: Afloat ( 2024 )

ပရိသတ်တွေ မေးမေးနေတဲ့ မြွေဖြူမလေး အတွဲ ၃ ရောက်လာပါပြီ...
ပထမတွဲမှာ ဆုံတွေ့ခဲ့တဲ့ ယုံကျိုးက မြွေဖမ်းသမားလေး အားရွှမ်းကတော့ ရှောင်ပိုင်အတွက် အသက်စတေးခဲ့တယ်...

ဒုတိယတွဲမှာ သူ့မ မြွေဖြူမလေးကို ရှာပုံတော်ထွက်တဲ့ ရှောင်ချင်းနဲ့ ရှောင်ပိုင် ပြန်ဆုံစည်းခဲ့တယ်...
ဒီတတိယတွဲမှာ မဆုံးသေးတဲ့ အားရွှမ်းရှာပုံတော်ကို မြွေဖြူမလေးက ဆက်ဖွင့်ခဲ့ပါတယ်...
ကျောက်စိမ်းဆံထိုးလေးရဲ့ လမ်းပြမှုကြောင့် စေတနာသမားတော်လေး ရွှီရှန်းနဲ့ ဆုံတွေ့ခဲ့ပြီး...
မြင်လျှင်မြင်ချင်း လွန်ခဲ့တဲ့ နှစ် ၅၀၀ က အားရွှမ်းဆိုတာကို သိခဲ့တယ်...

ဖူးစာလူးလာ ဒူးကာမရဆိုသလို မြင်မြင်ချင်းပဲ ချစ်မိတယ် ဖြစ်သွားတဲ့ရွှီရှန်းဟာဆိုရင် သူ့ပိုင်မိန်းကလေးကို ဇနီးမယားဖြစ်လက်ထပ်ယူဖို့ ခဲအိုနဲ့ မိတ်ဆက်ပေးပြီး အကြင်လင်မယားဖြစ်သွားခဲ့တယ်...
နောက်တော့ အားလုံးသိတဲ့အတိုင်း ရွာထဲ ပလိပ်ရောဂါတွေ စဖြစ်လာပြီး ရွှီသမားတော်က ဆေးဖော် ဆေးရှာ ဆေးကုနဲ့ အလုပ်များသလို ပါရမီဖြည့်ဖက်
မြွေဖြူမလေးလည်း တတ်စွမ်းတဲ့ဖက်က ကူခဲ့ပါတယ်...

နောက်တော့ ... ဖာဟိုင်နဲ့ တွေ့ရမှာပေါ့... ဘယ်လိုတွေ့မလဲ...
ရွှီရှန်းကရော မူရင်းဝတ္ထုထဲကလိုမျိုး မြွေဖြူမလေးကို ရိုက်သတ်မှာလား...
ဇာတ်လမ်းတွေထဲကလိုမျိုး ကာကွယ်မှာလား...
ဖာဟိုင်ကရော ရှောင်ချင်းနဲ့ မေတ္တာမျှမှာလား...
ဒါမှမဟုတ် ထန်စန်းကိုယ်တော်လိုမျိုး မေတ္တာရှေ့ထား
မိစ္ဆာတိုင်းကိုသနားပြီး လွှတ်ပေးတတ်တဲ့ မေတ္တာရှင်ဖြစ်မှာလား...
အတူတူကြည့်ပြီး မျှဝေကြတာပေါ့

The Prison (2017)

2017 ခုနှစ်ထွက် IMDb 6.5 ရထားတဲ့ ကိုရီးယား အက်ရှင် သဲထိပ်ရင်ဖို ကားလေးတစ်ကားကိုတင်ဆက်ပေးလိုက်ပါတယ် ဇာတ်လမ်းလေးက တော့ ထောင်ထဲမှာ တွေ့ကြုံရတဲ့ မသမာမူတွေ ငွေအင်အားနဲ့ အနိုင်ယူမူတွေ အာဏာနဲ့ ရက်စက်မူတွေကြောင်း ထောင်ထဲမှာ အစောင့်တွေရဲ့ မျက်နှာ လိုက်မူတွေ ကို အသားပေးရိုက်ကူး ပြထားပြီး အကျဉ်းသားတစ်ယောက်ရဲ့ဘ၀အတွေ့အကြုံ အခက်အခဲ နဲ့ ထောင်ထဲမှာအသက်ရှင်ဖို့ ရုန်းကန် ရပုံတွေကိုကြည့်ကြရမှာပါဇာတ်လမ်းအကျဉ်းလေးကတော့ ရဲအရာရှိဟောင်း တစ်ယောက်ဟာထောင်ထဲက ရာဇ၀တ်မူတွေကိုဖ်ေထုတ်ဖို့အတွက် အကျဉ်းထောင်ထဲ သို့၀င်လာခဲ့ပြီး သူကိုယ်တိုင် ည အချိန်မှာ အကျဉ်းသားတွေရဲ့ ရာဇ၀တ်မူတစ်ခုကိုကြုံတွေ့ရပြီး သက်သေတွေဖျောက်ဖျက်ခံ လိုက်ရာမှ ဘယ်လိုတွေဆက်ဖြစ်ကြမယ်ဆိုတာကိုတော့ ဆက်လက်ကြည့်လိုက်ကြပါ

The Soul-Mate (2018)

ဇာတ်ကားထဲမှာတော့ Ma Dong Seok ဟာ ဂျူဒိုဆရာတစ်အဖြစ်သရုပ်ဆောင်ထားပြီး သူ့မှာ နှလုံးအားနည်းရောဂါရှိတဲ့ သမီးလေးတစ်ယောက်လည်းရှိပါတယ်

တစ်နေ့ သူရဲ့ကားကို ရဲက သိမ်းသွားတော့ ယူသွားတဲ့ရဲနောက်ကိုလိုက်ခဲ့ပါတယ်၊ အဲ့ဒီအခါမှာ ရဲရော သူရောကို ဒုစရိုက်သမားတွေက သေလောက်အောင်ရိုက်သွားပါတယ်

တကယ်တော့ ရဲနဲ့ ဂျူဒိုဆရာတို့ဟာ တကယ့်ပြသနာတောကြီးထဲကိုရောက်ရှိသွားတာပါ၊ ကဲ သူတို့ ဘယ်လိုပြသနာတောကြီးထဲကိုရောက်သွားတာလဲ

အရိုက်ခံရပြီးဆေးရုံပေါ်ရောက်ပြီးတဲ့နောက် ဘာတွေဆက်ဖြစ်နေမလဲ၊ ဒုစရိုက်ဂိုဏ်းနဲ့ရော ဘယ်လိုတွေဆက်ဖြစ်မလဲ၊ နောက်ကွယ်က ဘယ်သူတွေရှိနေမလဲဆိုတာကိုတော့

Deja Vu ( 2018 )

လူခြေတိတ်ဆိတ်တဲ့ညတစ်ညမှာ ဂျီမင်က ခင်ပွန်းလောင်းဝူဂျင်နဲ့အတူကားမောင်းထွက်တုန်း ဝူဂျင်ကကားနဲ့ကျောင်းသူလေးတစ်ယောက်ကိုတိုက်မိခဲ့ပြီး
အဲ့ဒီကျောင်းသူလေးကအခင်းဖြစ်ရာမှာပဲသေဆုံးသွားခဲ့ပါတယ်ဝူဂျင်နဲ့ဂျီမင်တို့က သေဆုံးသွားပြီဖြစ်တဲ့ကျောင်းသူလေးကိုဆောက်လုပ်ရေးလုပ်ငန်းခွင်ထဲတစ်နေရာမှာလူမသိအောင်မြုပ်ထားပစ်လိုက်ပါတော့တယ်
အဲ့နေ့ကစပြီး ဂျီမင်တစ်ယောက်ထင်ယောင်ထင်မှားတွေမကြာခဏမြင်ကြားနေရပြီးသေသွားတဲ့ကျောင်းသူလေးကိုလည်းမကြာခဏသူ့ရှေ့ပေါ်လာတာကိုမြင်နေရလို့စိတ်ဂယောင်ခြောက်ခြားတွေဖြစ်နေခဲ့ပါတယ်.ဂျီမင်ကရဲစခန်းကိုသွားပြီး စုံထောက်အင်ထက်ဆီကိုအဲ့နေ့ကကားတိုက်မှုအကြောင်းကိုသွားတိုင်ကြားတဲ့အခါ အဖြစ်မှန်ကဒီတိုင်းပေါ်လာမှာလား.အဲ့ဒီသေဆုံးသွားတဲ့ကျောင်းသူလေးမှာ အဖေလိုတစ်ဖုံအစ်ကိုလိုတစ်ဖုံညီမလေးကိုအရမ်းချစ်တဲ့အစ်ကိုရှိနေမှန်းသူတို့မသိကြသောအခါအဲ့ဒီအစ်ကိုကရောသူ့ညီမလေးအတွက်ဘယ်လိုကလဲ့စားပြန်ချေပေးမှာလဲ.ဆိုတာဆက်လက်စောင့်ကြည့်ကြဖို့တိုက်တွန်းလိုက်ပါရစေ