misterberd - Koreya yangiliklari

Muan Xalqaro Aeroportidadagi aviahalokatda 179 kishi halok bo'ldi

Bugun 29-dekabr kuni Shimoliy Jeolla viloyatiga tegishli Muan Xalqaro aeroportidagi aviahalokat natijasida kamida 179 kishi halok bo'lgani xabar qilinmoqda. O't o'chirish xizmati xodimlarining ma'lum qilishicha, samolyotda 173ta koreys, 2ta Tailand fuqarolari va 6ta ekipaj a'zolari bo'lishgan. Ushbu Jeju Airga tegishli samolyot Tailanddan soat kechki 1:30da uchgan va tonggi 8:30ga Muan Aeroportiga qo'nishi kerak bo'lgan.

Muan Aeroportiga yetib kelgan samolyot birinchi urunishda qo'nishni amalga oshira olmagan, so'ngga ikkinchi qo'nish jarayonida qo'nish yo'lagidan chiqib ketgan va chetdagi devor to'siqqa urilgan va soat 9:03da yong'in kelib chiqqan.

Samolyot halokatiga qo'nish moslamalaridagi nosozlik yoki qushlar bilan to'qnashuv sabab bo'lganligi tahmin qilinmoqda.

14:38 — 96 kishi halok bo'lgan, qolgan 83 kishi ham o'lgani tahmin qilinmoqda, 2kishi qutqarilgan.
16:15 — 125 kishi halok bo'lgani tasdiqlandi, qolganlar ham halok bo'lgani tahmin qilinmoqda, 2 kishi qutqarilgan
17:11 — 167 kishi halok bo'lgani tasdiqlandi, 2 kishi qutqarilgan, qolganlarning shaxsi tasdiqlanib o'rganilmoqda.
21:57 — 179 kishi halok bo'lgani, 2 kishi tirik qolgani to'liq tasdiqlandi.

👉@misterberd👈

Keyingi yilda 130mingta xorijiy ishchilarga E-9 viza asosida Koreyaga kelib ishlashga ruxsat beriladi

2025-yilda Koreya hukumati mehnat bozorida ish o'rinlarini to'ldirish maqsadida 130mingtagacha xorijiy fuqarolarga E-9 vizasini berishni rejalashtirmoqda. Hozirgacha 17ta davlat bilan bu borada o'zaro hamkorlik yo'lga qo'yilgan bo'lib, keyingi yildan Tojikiston ham ushbu ro'yxatga qo'shilishi ko'zda tutilgan.

Aytish kerakki, E-9 viza asosida Koreyaga ishchi yollash tizimi ishchi topishda qiynalayotgan koreys ish beruvchilarni qo'llab-quvvatlash maqsadida ilk marta 2004-yildan boshlab yo'lga qo'yilgan. Shuningdek, keyingi yildan 75mingta xorijiy fuqarolarga E-8 vizasi ham berilishi rejalashtirilgan.

👉@misterberd👈

Butun Koreya bo'ylab Prezident Yunga qarshi namoyishlar boshlandi

Shanba kuni ertalabdan amaldagi Prezidentning iste'fosini talab qilib bir qancha yirik shaharlarda minglab koreyslar namoyishga chiqishmoqda. Shuningdek, bugun Prezidentga nisbatan Milliy Assambleyada 2chi impeachment ovoz berish jarayoni ham bo'lib o'tishi rejalashtirilgan.

Seulning Milliy Assambleya joylashgan Yoido tumanida esa 85mingga yaqin odamlar to'plangani aytilmoqda. Bundan tashqari Gwangju, Busan, Tegu, Shimoliy Gyeongsang viloyatlarida ham minglab kishilar namoyishga chiqqani xabar qilinmoqda.

👉@misterberd👈

Milliy Assambleya Koreyaning 2025-yildagi "qisqartirilgan" Davlat Budjeti loyihasini tasdiqladi

Bugun amaldagi hukumat va muxolif partiya o'rtasida ancha tortishuvlarga sabab bo'lgan Davlat Budjeti loyihasi nihoyat tasdiqlandi va 673.3 trln won (471.5 mlrd dollar) etib belgilandi. Budjet loyihasi umumiy 183-94 ovozlar soni bo'yicha ma'qullandi.

Demokratik Partiya tomonidan taklif qilingan ushbu qisqartirilgan Budjet loyihasi Prezident Yun Seok Yol ma'muriyati olg'a surgan Budjet loyihadan 4.1 trln wonga kamroqdir (677.4 trn won). Qabul qilingan Budjet loyihasida hukumat rezerv fondlari, Prezidentlik devoni kotibiyatining maxsus faoliyati hamda milliy xavfsizlik ofisiga qilinadigan xarajatlar kamaytirilgan.

👉@misterberd👈

Janubiy Koreyada bo‘lib turgan O‘zbekiston fuqarolari diqqatiga!

Hurmatli vatandoshlar!

Ayni vaqtda Koreya hududida kuzatilayotgan holatdan barchangizning xabaringiz bor.
Mamlakatda yuzaga kelayotgan ichki siyosiy vaziyatdan kelib chiqqan holda, barchangizdan Janubiy Koreyada turli xil mitinglar va namoyishlarda ishtirok etmaslikka, odamlar gavjum joylarga bormaslikka, o‘zingizning shaxsiy xavfsizligingiz va sog‘ligingizni ehtiyot qilishga chaqirib qolamiz.
Zarurat bo‘lgan holatda quyidagi telefon raqamga murojaat qilishingiz so‘raladi:
+82 10 3213 4505
+82 10 2909 4334

O‘zbekiston Respublikasining
Koreya Respublikasidagi Elchixonasi

75%ga yaqin koreys kompaniyalari chet elliklarni ishga olishga tayyor

👉Koreyadagi eng ko'zga ko'ringan onlayn ish qidirish saytlaridan biri hisoblanmish Saramin saytida o'tkazilgan so'rovnoma natijalariga ko'ra har 4ta koreys kompaniyasidan 3tasi chet elliklarni ishga olishga tayyorligini bildirgan.

So'rovnomada ishtirok etgan 557ta kompaniyaning 73.4%i chet elliklarni ishga olishga xohishi borligini, va ularning 44.7% qismi esa oldin chet elliklarni ishga olganliklarini bildirishgan.

Chet elliklarni ishga olishga bo'lgan asosiy sabab sifatida esa (60.1% kompaniyalar) koreys applikantlarning kamayib ketganligini ko'rsatishgan. Shuningdek, respondentlarning 31.3%i chet elliklar orasidan Vetnamliklarni ishga olishni afzal ko'rishini bildirib o'tishgan.

👉@misterberd👈

Janubiy Koreyalik o'quvchilar kompyuter savodxonligi bo'yicha dunyoda yetakchi bo'ldi

2023-yilgi Xalqaro Kompyuter va Axborot Savodxonligi bo'yicha tadqiqot natijalariga ko'ra Janubiy Koreyalik o'quvchilar 32 ta davlat orasida eng yuqori o'rinni egallashdi.

Ta'lim yutuqlarini baholash Xalqaro assotsiatsiyasining seshanba kuni bergan bayonotiga ko'ra Janubiy Koreyadagi o'rta maktab (middle school) o'quvchilari kompyuter va axborot savodxonligi testlarida o'rtacha 540 ballni qo'lga kiritishgan. Eslatib o'tamiz, dunyo miqyosida bu borada o'rtacha ko'rsatkich 476 ballni tashkil etadi.

Kompyuter savodxonligi testi kishilarning kompyuterdan foydalangan holda tahlil qilish, yaratish va u orqali muloqot qila olish darajasini belgilovchi test hisoblanadi.

👉@misterberd👈

Shu yilning o'zida wonning dollarga nisbatan qiymati 1450 KRWga tushib ketishi mumkin

💰Donald Trampning AQSH prezidentlik saylovlaridagi g'alabasi fonida dollarning qadri tobora oshib bormoqda. Aytish kerakki, koreys wonining kursi shu yilgi Aprel o'rtalarida kuzatilgan 1400 wonlik dovon atrofida aylanib turibdi.

Mutaxassislarning fikriga ko'ra dollar kursining oshishiga sabab sifatida Trampning import tovarlarga yuqori bojlar o'rnatishi va proteksion choralar ko'rishga va'da bergani tufayli ro'y bermoqda. Ularning qo'shimcha qilishicha, saylovlardan keyingi o'zgarishlar oqibatida shu yilning o'zida wonning kursi 1450 wongacha tushib ketishi mumkinligi ham tahmin qilinmoqda.

👉@misterberd👈

Koreyada IT sohasida (Web Full-Stack va Mobile Application) ishlashni istaysizmi?💻

IT (Dasturlash) sohasi Koreyada eng talabgir sohalardan biri hisoblanadi va hozirda bu sohaga talab juda ham yuqori. Keyingi 10 yillikda ham bu sohaga bo'lgan talab ortib borishi tahmin qilinmoqda.

"Be Coder" IT Akedemiyasi - Koreyada so'nggi 2-3 yildan beri IT sohasida 20dan ortiq o'zbek yoshlarini o'qitib, koreys firmalarga muvaffaqiyatli ravishda ishga joylashishlarida yordam berib kelmoqda.

👉Eng quvonarlisi, ushbu akademiyaning navbatdagi darslari Noyabr oyidan boshlanishi kutilmoqda va siz Web-dasturlashni 0 dan boshlash imkoniyatiga ega bo'lasiz☺️

Be Coder IT Akademiyasining Noyabr oyida boshlanadigan darslari haqida qisqacha ma'lumot:

Dars boshlanish sanasi: 1-Noyabr
Dars davomiyligi: Haftada 3 kun, 6oy
Dars to'lovi : Oyiga 200,000 Won

Ushbu darslar Web Full Stack va Mobile Application Development bo'yicha bo'ladi va quyidagilarni qamrab oladi:
- HTML
- CSS
- JavaScript
- React Js
- Typescript
- NodeJs (Backend)
- Redux
- React Native (Mobile) (xohlovchilar uchun)

Birinchi dars - bepul!

Darslar Koreyada bir necha yildan beri dasturlash sohasida ishlab kelayotgan tajribali mentor @muhammadbekzod tomonidan o'tiladi. Batafsil ma'lumot uchun Telegram orqali aloqaga chiqishingiz mumkin.

|𝘙𝘦𝘬𝘭𝘢𝘮𝘢|

👉@misterberd👈

O'tgan yilda birincha marotaba uy hayvonlari aravachalari (kolyaska) bolalar aravachalaridan ko'proq sotildi

Narxi o'rtacha 100ming wondan 300ming wongacha bo'lgan bunday uy hayvonlari aravachalariga bo'lgan talab Koreyada yil sayin oshib bormoqda. Koreyadagi eng yirik e-commerce platformalaridan biri - Gmarketning ma'lum qilishicha, o'tgan yilda bunday aravachalar savdosi yosh bolalar aravachalaridan ko'proq sotilgan.

Gmarketning yana xabar qilishicha, 2024-yil 3-chorak yakunlariga ko'ra jami sotilgan aravachalarning 58%i uy hayvonlariga, qolgan 42%i esa yosh bolalar aravachalariga tegishli.

Koreyslarning ma'lum qilishicha, bunday aravachalar issiq yoz kunlarida uy hayvonlarini ko'chada xavfsiz ravishda olib yura olishi va ular bilan kofeshop hamda restoranlarda birga qulay ovqatlana olishi uchun imkon beradi.

👉@misterberd👈

Janubiy Koreyada o'z joniga qasd qilish ko'rsatkichi 9yil o'tib yana eng yuqori darajada

Hukumat bergan ma'lumotlarga asosan o'tgan yilda Janubiy Koreyada o'z joniga qasd qilish ko'rsatkichi 2014-yildagi ko'rsatkichga teng bo'ldi. Ya'ni har 1000ta odamga Koreyada o'rtacha 27.3 kishi o'z joniga qasd qilgan.

Ma'lumotlarga ko'ra, o'tgan yili qayd etilgan jami o'lim holatlari (352,511 kishi) ning 4% i o'z joniga qasd qilish orqali sodir bo'lgan (13,978 nafar). Ekspertlarning ma'lum qilishicha, Janubiy Koreyada o'z joniga qasd qilish holatlarining ko'payishiga asosiy sabab - pandemiyadan keyingi o'z-o'zini ijtimoiy yakkalash, depressiya, stress hamda iqtisodiy omillar bilan bog'liq.

👉@misterberd👈

Koreyada tabiiy yo'l bilan tug'ilish kamayib bormoqda

Sog'liqni Saqlash va Ijtimoiy himoya Qo'mitasining ma'lum qilishicha, Koreyada tabiiy yo'l bilan farzandli bo'lish ko'rsatkichlari 5 yil ichida 44.3%ga kamaygan va hozirga kelib, har 3ta bolaning 2tasi kesarcha kesish (cesarean section) yo'li orqali tug'ilmoqda.

📊Aytish kerakki, 2019-yilda butun Koreyada tug'ilgan chaqaloqlarning (jami 297,339ta) 49.9%i tabiiy yo'l bilan, qolgan 51.1%i esa operatsiya yo'li bilan tug'ilgan.

Qo'mita ma'sul xodimi hukumatni tabiiy yo'l bilan farzandli bo'lish ko'rsatkichlaridagi bu kabi keskin tendensiya sabablarini o'rganish hamda ona va bola muhofazasi uchun yanada xavfsiz tibbiy muhitni yaratishga chaqirdi.

👉@misterberd👈

Koreyada IT sohasida (Web Full-Stack va Mobile Application) ishlashni istaysizmi?💻

IT (Dasturlash) sohasi Koreyada eng talabgir sohalardan biri hisoblanadi va hozirda bu sohaga talab juda ham yuqori. Keyingi 10 yillikda ham bu sohaga bo'lgan talab ortib borishi tahmin qilinmoqda.

"Be Coder" IT Akedemiyasi - Koreyada so'nggi 2-3 yildan beri IT sohasida 20dan ortiq o'zbek yoshlarini o'qitib, koreys firmalarga muvaffaqiyatli ravishda ishga joylashishlarida yordam berib kelmoqda.

👉Eng quvonarlisi, ushbu akademiyaning navbatdagi darslari Noyabr oyidan boshlanishi kutilmoqda va siz Web-dasturlashni 0 dan boshlash imkoniyatiga ega bo'lasiz☺️

Be Coder IT Akademiyasining Noyabr oyida boshlanadigan darslari haqida qisqacha ma'lumot:

Dars boshlanish sanasi: 1-Noyabr
Dars davomiyligi: Haftada 3 kun, 6oy
Dars to'lovi : Oyiga 200,000 Won

Ushbu darslar Web Full Stack va Mobile Application Development bo'yicha bo'ladi va quyidagilarni qamrab oladi:
- HTML
- CSS
- JavaScript
- React Js
- Typescript
- NodeJs (Backend)
- Redux
- React Native (Mobile) (xohlovchilar uchun)

Birinchi dars - bepul!

Darslar Koreyada bir necha yildan beri dasturlash sohasida ishlab kelayotgan tajribali mentor @muhammadbekzod tomonidan o'tiladi. Batafsil ma'lumot uchun Telegram orqali aloqaga chiqishingiz mumkin.

|𝘙𝘦𝘬𝘭𝘢𝘮𝘢|

👉@misterberd👈

Seulda Olive Youngning erkaklarga mo'ljallagan ilk kosmetika do'koni ishga tushdi

Seul shahrining Mapo hududida 30-avgust kunidan CJ Olive Young - mashhur kosmetika brendiga qarashli faqat erkaklarga mo'ljallangan do'kon ishga tushgani xabar qilinmoqda. Aytish kerakki, 30-avgustdan 8-sentabrgacha bo'lgan vaqtda do'konga 12,000 dan ortiq mijoz tashrif buyurgan (80% i erkaklar).

📈Kompaniyaning xabar berishicha, hozirgacha savdolar yaxshigina o'sib bormoqda va buni ko'rgan raqobatchi kompaniyalarda ham bunday do'konlarga bo'lgan qiziqish ortgan. Shuningdek, ayrim boshqa brendlar, xususan Musinsa, Dashu kabilar allaqachon erkaklarga mo'ljallangan kosmetika savdosida o'tgan yilga nisbatan anchagina o'sishga erishgan.

👉@misterberd👈

Koreys yigit chaqmoq urishidan 40minut o'tib o'ziga keldi⚡️

Kim Gwan-haeng, yuqori maktab (high school)da dars beruvchi 29yoshli o'qituvchi, 5-avgust kuni Gwangju shahrida tushlik qilgani tashqariga chiqqan vaqtda chaqmoq zarbiga uchradi. Bu vaqtda u Chosun Universitetidagi malakaviy sessiyadan qaytayotgan bo'lgan.

👉Xuddi shu vaqtda Gwanju va Cholla viloyatlarida kuchli shamol esib, 3,000ga yaqin chaqmoq va momaqaldiroqlar kuzatilayotgan bo'lgan. Kim Gwan-haengni chaqmoq urgan vaqtda esa u katta bir daraxtning oldidan o'tayotgan bo'lgani xabar qilinmoqda.

Bu hodisaga guvoh bo'lgan odamlar Kimni zudlik bilan Chosun Universiteti kasalxonasiga olib borishadi, ammo kasalxonadagi shifokor uning yuragi to'xtaganiga 40minut bo'lgani uchun umidsiz holda uni qabul qiladi. Odatta, yurak urishi 5 daqiqadan ziyod to'xtab qolsa, tanadagi qon va kislorod yetishmasligi miya shikastlanishi xavfini oshiradi. Lekin shunga qaramay, shifokor unga tez tibbiy yordam ko'rsatadi va buni qarangki, uning yuragi ko'p o'tmay urib ketadi.

2-sentabr kuni kasalxonadan chiqqan va butunlay sog'aygan Kim Gwan-haeng unga ikkinchi hayotni tortiq qilgan o'sha shifoxona xodimiga 10mln won ($8.500) pul mukofoti berganini ma'lum qildi.

👉@misterberd👈

Seuldagi yo'lda kutilmaganda paydo bo'lgan chuqurlik mashinani yutib yubordi

Kecha 29-avgust kunduzgi taxminan 11:26da Seulning Sodemun tumanidagi yo'llarning birida paydo bo'lgan yer o'pirilishi natijasida Tivoli rusumidagi avtomashina yer ostiga kirib ketdi. Natijada 70yoshlar atrofidagi yo'lovchi va 80 yoshlardagi haydovchi yengil jarohatlar olib yaqin atrofdagi kasalxonaga yetkazilgan. Hozirda ularning ahvoli yaxshi.

Hozirda yo'l o'pirilish sabablari o'rganilmoqda.

👉@misterberd👈

O'zbekistonning yangi elchisi Seul shahriga keldi

O'zbekistonning yangi tayinlangan Favqulodda va Muxtor elchisi Alisher Abdusalomov Koreya Respublikasi poytaxtiga yetib keldi.

Bundan oldin u O'zbekiston Oliy Majlisi Senati Raisi Kotibiyatiga rahbarlik qilgan. Toshkent Xalqaro Vestminster universiteti va Janubiy Koreyaning Kyung Hee Universitetini tamomlagan.

U 1995-yildan 2024-yilgacha O'zbekistonning Seuldagi elchixonasiga rahbarlik qilgan Vitaliy Fen o'rniga tayinlandi.

👉@misterberd👈

Janubiy Koreya Parij Olimpiadasini 8-o'rin bilan yakunladi

J.Koreya umumiy hisobda 13ta oltin, 9ta kumush va 10ta bronza medallarini qo'lga kiritib, Olimpiadani 8-o'rinda, Osiyoda esa Xitoy va Yaponiyadan so'ng 3-o'rinda yakunladi.

💵Aytish kerakki, Koreya hukumati Olimpiadada oltin medalni qo'lga kiritgan sportchilarning har biriga 63mln won, kumush medalga 35 mln won, bronzaga esa 25 mln won pul mukofoti berilishini ma'lum qilgan. Bundan tashqari ularga har oylik pensiya ham ajratilib, umrlarining oxirigacha to'lanadi. (Oltin uchun har oy 1mln won, kumush - 750ming won, bronza uchun 525ming won).

👉@misterberd👈