Latest Posts from Mirsaidov || Shaxsiy sahifa (@mirsaidov_sahifasi) on Telegram

Mirsaidov || Shaxsiy sahifa Telegram Posts

Mirsaidov || Shaxsiy sahifa
Muhammad Amin Mirsaidovning shaxsiy sahifasi

Murojaat: @Mirsaidov_1997
3,210 Subscribers
899 Photos
236 Videos
Last Updated 01.03.2025 14:16

Similar Channels

Alimdjanov versiyasi
5,628 Subscribers
«ПсихоБлог»
3,434 Subscribers

The latest content shared by Mirsaidov || Shaxsiy sahifa on Telegram


Mohi Ramazon barcha-barchamizga qutlug‘ kelsin.

@mirsaidov_sahifasi

#muhim

4 kundan beri Toshkentdaman. Yana 2–3 kun poytaxtda ba'zi muhim masalalarda uchrashuvlarim bor. Ba'zilariga esa ulgurdim. Shuni ma'lum qilmoqchimanki, Yog‘du nashriyotida ta'sischi soni ko‘paydi. Bundan keyin Tahrirchi va Tilmoch loyihalari (@tahrirchi_uz) ta'sischisi Muhammadsaid Mamasaidov nashriyot faoliyatida ta'sischi sifatida faoliyat olib boradi.

Ishonamanki, qadrdonim Muhammadsaidning jamoamiz safiga qo‘shilishi Yog‘du nashriyotining keyingi faoliyatida ijobiy tomonga tub burilish bo‘ladi. Nashriyot faoliyatida shu kunlarda anchagina yangiliklar bo‘lib turibdi. Nasib, hammasi haqida batafsil yozaman.

@mirsaidov_sahifasi

#sovgʻa

Zabarjad media nashriyoti jamoasi ajib kitobni sovg‘a qilib yuborishibdi. Rasmda ko‘rib turganingizdek, Jaloliddin Rumiyning "Ichindagi ichindadir" asarini to‘liq nashr qilishibdi. Juda katta ish. Ko‘rib quvondim, to‘g‘risi.

Rumiy haqida eshitmagan, bilmagan kishi yo‘q. "Ichindagi ichindadir" asarini o‘qimaganlar soni ham kam bo‘lsa kerak. Ushbu asarni to‘liq holida o‘qish esa haqiqiy kitobxon uchun zavqli jarayon. Ana shunday zavq ulashgani uchun Zabarjad media jamoasiga tashakkur!

@mirsaidov_sahifasi

#tarjima_huquqi

Yog‘du nashriyoti uchun turkiyalik olima, Kembrij universitetining Siyosat va xalqaro tadqiqotlar kafedrasi xalqaro munosabatlar bo‘yicha professori Ayşe Zarakolning "Before The West" asarining o‘zbek tiliga tarjima huquqini oldik.

Kelishuv jarayoni ancha cho‘zildi. Ba'zida oylab javob ololmay sabr-toqatimiz sinaldi. Lekin oxirida baribir epladik. Chunki shuncha intilish va sabr-toqatga arziydigan asar. Barcha kitobxonlarga muborak bo‘lsin!

@mirsaidov_sahifasi

O‘tgan 27 yosh xulosalari...

Shu kanal o‘z faoliyatini boshlaganiga ham fevral oyida 5 yil to‘ladi. Ancha salmoqli davr. Bu orada birga ulg‘aydik, ko‘p yaxshi-yomon lahzalarni yashab o‘tdik. Yozganlarimdan yozolmaganlarim ko‘p bo‘ldi. Bugun ham nimalarnidir yozmoqchiman. O‘tib ketgan 1 yilligimning, 27 yoshimning qisqa sarhisobini.

1. Shaxsiy uylik bo‘ldim. Bu ham hayotimdagi qandaydir darajada yutuq. O‘ziga shukr.

2. Ko‘pyillik xizmatim singgan loyihamni norozi holatda tark etdim. Bundayam bir xayr bor ekan. Yangi nashriyot faoliyatini yo‘lga qo‘ydim. Nomi Yog‘du.

3. Navoiydagi maktablardan biriga direktor etib tayinlandim. Kutmagandim. Yuki, mashaqqati, mas'uliyati og‘ir. Yuzim yorug‘ bo‘lishidan umidvorman.

4. Arab tilidan onlayn va oflayn dars berishni davom ettiryapman. Shogirdlarim safi 2000 taga yaqinlashib qoldi. Eng katta yutug‘im shu.

5. 1000KITOB loyihasi doirasida xalqimiz uchun muhim kitoblarni nashr qilishdek savobli ishda hissam qo‘shildi. Kitobxonlarga muborak bo‘lsin!

6. Mutolaa loyihasida rahbarlik lavozimlaridan birida ozmi-ko‘pmi faoliyat olib bordim. Anchagina kitoblarni elektronlashtirishda mehnatim singdi. Shukr.

7. Oylik daromadimni 2000$ ga yetkazib oldim. Moliyaviy mustaqillik muhim jarayon. Bardavom bo‘lsin.

8. Yog‘du nashriyoti uchun bir qator ajib va manfaatli kitoblarning tarjima huquqini oldik. Tez orada nashrdan chiqaramiz. Oz qoldi.

9. Ko‘p yaqinlarimni yo‘qotdim. Yangi qiyofalar, yangi qalblar hayotimga kirib keldi. Hammasi Allohdan.

10. Kitob mutolaasi o‘tgan yilga qaraganda ancha sustlashib qolgani bor gap. To‘xtab qolmasin.

11. Ko‘p sinovlarda boshimiz qaynadi. Pishdim. Hammasi yaxshilikka.

12. Muhimi, kanal faoliyati to‘xtab qolmadi. Yozyapman, yozolyapman. Yana yozishim kerak. Salomat bo‘ling.

@mirsaidov_sahifasi

#tavallud_kun

Xush kelibsan, 28 yosh...

@mirsaidov_sahifasi

Navoiy viloyati hokimi Normat Tursunov Navoiy shahridagi hamma sharoitlarga ega 3 qavatlik zamonaviy kutubxonaning qurilish jarayonini kuzatish asnosida kitobxonlikni targ‘ib qilib aytgan fikrlari diqqatimni tortdi.

"Kutubxonada qulf degan narsa bo‘lmaydi. Kitobni kelib o‘g‘irlab ketsa, men faqat xursand bo‘laman. Qaniydi hamma kitob o‘g‘irlasa. Biz to‘ldiraveramiz, hech muammosi yo‘q", deya ta’kidlagan viloyat hokimi.

@mirsaidov_sahifasi

#imlo

🤦‍♂

Venzin yuo‘q
Benzin yo‘q

@mirsaidov_sahifasi

Britaniyaning BBC nashri 2024-yilning eng yaxshi kitoblarining 24 talik ro‘yxatini e'lon qilibdi. Ancha qiziqarli, tanish va notanish nomlar bor ekan:

1. Sally Rooney: "Intermezzo"
2. Joyce Carol Oates: "Flint Kill Creek"
3. Garth Greenwell: "Small Rain"
4. Rachel Kushner: "Creation Lake"
5. Miranda July: "All Fours"
6. Molly Aitken: "Bright I Burn"
7. Yael Van der Wouden: "The Safekeep"
8. Jo Hamya: "The Hypocrite"
9. Kaveh Akbar: "Martyr!"
10. Alan Hollinghurst: "Our Evenings"
11. Olga Tokarczuk: "The Empusium"
12. Jonathan Coe: "The Proof of my Innocence"
13. Andrew O'Hagan: "Caledonian Road"
14. Lucas Rijneveld: "My Heavenly Favourite"
15. Madeleine Gray: "Green Dot"
16. Scarlett Thomas: "The Sleepwalkers"
17. Colin Barret: "Wild Houses"
18. Édouard Louis: "Change"
19. Helen Oyeyemi: "Parasol Against the Axe"
20. Neel Mukherjee: "Choice"
21. Andrew Boryga: "Victim"
22. Chukwuebuka Ibeh: "Blessings"
23. Percival Everett: "James"
24. Alexandra Tanner: "Worry"

@mirsaidov_sahifasi

Cho‘chqa bosib ketdi mening bog‘imni,
Bir-biridan oq, semiz cho‘chqalar.
Ko‘ppaklarday talab hammayog‘imni,
Hech to‘ydim demaydi bu go‘rso‘xtalar.

Ey voh, cho‘chqalardan bezorman bu kun,
Alam gulxanida yonmoqda ichim.
Alloh, Alloh, o‘zing bir chora qilgin,
Mening cho‘chqalarga yetmaydi kuchim.

© Muhammad Yusuf

@mirsaidov_sahifasi