1000KITOB

📣 “1000KITOB” loyihasi tashkiliy-moliyaviy menejer izlamoqda

Oʻzbekiston Yoshlar ishlari agentligining eng sara ilmiy-ommabop va badiiy adabiyotlarni xorijiy tillardan o‘zbek tiliga tarjima qilish va chop etish bo‘yicha “1000KITOB” loyihasi tashkiliy-moliyaviy menejer lavozimi uchun nomzodlarni ishga taklif qiladi.

📋 Tashkiliy-moliyaviy menejerning vazifalari quyidagilardan iborat:

🔹loyiha rejasini ishlab chiqish va amalga oshirish;
🔹nashrga tayyorlangan kitoblarni chop etish maqsadida tender jarayonlarini shaffof o‘tkazilishini ta’minlash;
🔹kitoblarni chop etish jarayonida belgilangan sifat talablariga rioya etilishi ustidan doimiy nazoratni olib borish;
🔹nashriyotlar, bosmaxonalar, tegishli mutaxassislar bilan shartnomalar tuzish jarayonini tashkil qilish hamda to‘lovlarning o‘z vaqtida o‘tkazilishini nazorat qilish;
🔹сhop etilgan kitoblar tegishli kutubxonalar, maktablar va davlat idoralariga yetib borishini tashkil etish, ularning hisobini yuritish;
🔹kitoblarning taqdimotlari hamda savdosini nashriyotlar bilan hamkorlikda tashkil etish;
🔹kitoblarning OAV va ijtimoiy tarmoqlardagi targ‘ibotini yo‘lga qo‘yish;
🔹loyihaga homiylarni jalb qilish bo‘yicha chora-tadbirlarni ishlab chiqish;
🔹faoliyati yuzasidan Agentlik, Ekspertlar kengashi va jamoatchilikka muntazam hisobot berib borish.

⬇️ Nomzodlarga qo‘yiladigan talablar:

•  oliy ma’lumot;
•  sohada kamida 3 yillik uzluksiz ish staji;
•  davlat tilini mukammal bilish (chet tillarini yaxshi bilish ustunlik beradi);
•  yuklatilgan vazifalarni mustaqil bajara olish.

❓Sizga nimalarni taklif qilamiz?

•  shinam ofis;
•  qulay ish rejimi;
•  xorijiy davlatlarga xizmat safarlari;
•  yuqori oylik ish haqi.

📞Tanlovda ishtirok etish istagidagi nomzodlar [email protected] manziliga CV yuborishlari mumkin.

Telegram | Facebook | Instagram | YouTube | X

📣 “1000KITOB” loyihasi kontent-menejer izlamoqda

Oʻzbekiston Yoshlar ishlari agentligining eng sara ilmiy-ommabop va badiiy adabiyotlarni xorijiy tillardan o‘zbek tiliga tarjima qilish va chop etish bo‘yicha “1000KITOB” loyihasi kontent-menejer lavozimi uchun nomzodlarni ishga taklif qiladi.

📋 Kontent-menejerning vazifalari quyidagilardan iborat:

🔹chop etiladigan kitoblar ro‘yxatini Ekspertlar kengashi bilan hamkorlikda shakllantirish;
🔹Ekspertlar kengashiga kitoblarning ro‘yxatini shakllantirish, tarjimalar va matn tahriri jarayonlarini takomillashtirish bo‘yicha takliflar kiritish;
🔹tanlangan kitoblarning mualliflik huquqini qo‘lga kiritish ishlarini tashkil qilish, bunda agar zaruriyat bo‘lsa, tegishli mutaxassislar yordamidan foydalanish bo‘yicha takliflar kiritish;
🔹nashriyotlar, shuningdek, har bir kitobga biriktiriluvchi ekspertlar ro‘yxatini tasdiqlash uchun Ekspertlar kengashiga taklif kiritish;
🔹noshirlar bilan hamkorlikni rivojlantirib borish;
🔹nashr sifatiga mas’ullik, belgilangan muddatlarga qat’iy rioya qilinayotgani ustidan doimiy nazoratni olib borish;
🔹Ekspertlar kengashi bilan hamkorlikda tarjima va tahrir maktabini hamda an’analarini shakllantirish va rivojlantirish;
🔹loyiha ofisini boshqarish;
🔹loyiha haqida Agentlik, Ekspertlar kengashi va jamoatchilikka muntazam hisobot berib borish.

⬇️ Nomzodlarga qo‘yiladigan talablar:

• oliy ma’lumot;
• sohada kamida 3 yillik uzluksiz ish staji;
• davlat tilini mukammal bilish (chet tillarini yaxshi bilish ustunlik beradi);
• yuklatilgan vazifalarni mustaqil bajara olish.

❓Sizga nimalarni taklif qilamiz?

• shinam ofis;
• qulay ish rejimi;
• xorijiy davlatlarga xizmat safarlari;
• yuqori oylik ish haqi.

Tanlovda ishtirok etish istagidagi nomzodlar [email protected] manziliga CV yuborishlari mumkin.

Telegram | Facebook | Instagram | YouTube | X

Loyihada kimlar ishlayapti?

Yoshlar ishlari agentligi hamda Axborot va ommaviy kommunikatsiyalar agentligining 2023-yil 11-dekabrdagi qo‘shma qarori bilan Ekspertlar kengashi tarkibi tasdiqlangan.

Ro‘yxat havolada ➡️ https://telegra.ph/Ekspertlar-royxati-05-21

☝️Loyihada bundan tashqari:

▫️Iqtisodiyot, siyosatshunoslik, tabiiy fanlar, ekologiya, sun’iy intellekt kabi turli yo’nalishlardan 30 dan ortiq ekspert-mutaxassis;
▫️41 nafar tarjimon;
▫️28 nafar muharrir;
▫️12 nafar musahhih;
▫️10 nafar sahifalovchi va muqova dizaynerlari;

Umumiy holda 120 dan ortiq mutaxassis ishlayapti.

Yuqoridagi jadvalda qaysi kitob(lar)ga kimlar ekspertlik qilayotgani borasida to‘liq tasavvurga ega bo‘lishingiz mumkin.

Sahifalarimizga ulaning va ulashing👇

Telegram | Facebook | Instagram | YouTube | X

#jarayon

Do‘stlar, 1000KITOB loyihasida ish jarayoni bir maromda davom etayotganini ma’lum qilamiz.

Tanlangan 50 ta kitobdan:

▫️50 tasining tarjimasi tayyor
▫️ekspertlar xulosasi olingan
▫️26 ta kitob tahrir qilingan
▫️19 ta kitob sahifalangan

Hozirda kitoblarni chop etish uchun tender talablari ishlab chiqilgan. Kitoblar nashriyotlardan to‘liq tayyor holda qabul qilib olingach, Yoshlar ishlari agentligi tomonidan bosma uchun ochiq tenderga qo‘yiladi.

Sahifalarimizga ulaning va ulashing👇

Telegram | Facebook | Instagram | YouTube | X

#tanishing

✍️Tomas Hilland Eriksen

Tarjima huquqi uchun haq olmagan olim.

Norvegiyalik antropolog Tomas Hilland Eriksen zamonaviy dunyoda o‘zlik, madaniyat va globallashuvning murakkabliklarini tadqiq qilgan. Uning asarlari akademik antropologiya va keng ijtimoiy munozaralar o‘rtasidagi bo‘shliqni to‘ldiradi, shaxslar va jamoalarning globallashuv va jadal rivojlanishga qanday moslashayotganini tushuntirib beradi.

Eriksenning tadqiqotlari globallashuv va uning muammolari, o‘zlik va xilma-xillik, atrof-muhit antropologiyasi kabi mavzularni qamrab oladi. Umrining so‘nggi yillarida olim iqlim o‘zgarishi va barqarorlikning dolzarb muammolarini madaniy va ijtimoiy tizimlar bilan bog‘lab o‘rgangan. Shuningdek, global isish mahalliy jamoalar va ularning an’analariga qanday ta’sir qilayotganini tadqiq etgan.

Olimning "Kichik makonlar, katta masalalar" ("Small Places, Large Issues"), "Lahza istibdodi" ("Tyranny of the Moment"), "Etniklik va millatchilik" ("Ethnicity and Nationalism") kabi asarlari boshqa olimlar tomonidan yuqori baholanadi. "Kichik joylar, katta masalalar" ijtimoiy va madaniy antropologiyaga keng qamrovli kirish bo‘lsa, "Lahza istibdodi" zamonaviy aloqa texnologiyalari hayotimizni qanday o‘zgartirayotgani haqida chuqur tadqiqotdir. "Etniklik va millatchilik" esa zamonaviy dunyoda etnik o‘zlikning roliga tanqidiy qarashlarni aks ettiradi.

Loyiha doirasida "Kichik makonlar, katta masalalar" asarini Eldor Asanov va O‘tkir Xolmuradov tarjima qilishdi. Kitob haqida tarjimon bilan suhbatimizdan kengroq ma’lumot olishingiz mumkin.

Ushbu asarning tarjima huquqi bo‘yicha shaxsan muallif bilan kelishuv imzolagan edik. Olim o‘z asarining o‘zbek tilida, ijtimoiy loyiha doirasida chop etilayotganidan mamnunligini bildirib, tarjima va chop etish huquqini loyiha uchun bepul taqdim etgan edi. Afsuski, janob Eriksenga kitobning o‘zbek tilidagi nashrini ko‘rish nasib etmadi. Muallif shu yilning 24-noyabr kuni 62 yoshida hayotdan ko‘z yumdi.

Bizni ijtimoiy tarmoqlarda kuzatib boring:👇

Telegram | Facebook | Instagram | YouTube | X

20-dekabr kuni oʻtkazilgan uchrashuvimizdan fotolavhalar.

Videotasvir esa bu yerda:

👉 https://www.youtube.com/live/HTpMk7_lr54?si=fqyTCj6iHb5qu4wA

Telegram | Facebook | Instagram | YouTube | X

Uchrashuvga qatnasha olmagan boʻlsangiz, YouTube orqali jonli kuzatishingiz mumkin:

https://youtube.com/live/HTpMk7_lr54?feature=share

Hurmatli kanalimiz a’zolari!

Ayrim sabablarga koʻra uchrashuv vaqti 15:00 ga oʻzgardi. Barchangizni kutamiz!

📝Roʻyxatdan oʻtish uchun:

https://docs.google.com/forms/d/10u19HW9d9gDQpLdzXgZYLR2T1_za--5Ox4u-d2my2hw/edit

Telegram | Facebook | Instagram | YouTube | X

Keling, suhbatlashamiz!

1000KITOB ning 2024-yildagi 50 kitobi tarjimalari tugab, Loyihaning birinchi bosqichi yakunlanishiga oz qoldi. 2025-yil uchun ham rejalar tuzilgan.

Kitoblar qachon chiqadi? Kelgusi rejalar qanday? Hozir-chi, aynan nima qilinyapti?

20-dekabr kuni Yoshlar ijod saroyida jonli uchrashuv o‘tkazmoqchimiz. Kelib, shu kabi savollaringizning barchasiga to‘g‘ridan-to‘g‘ri Loyiha tashkilotchilaridan javob olishingiz mumkin. Uchrashuvda hamkor nashriyotlar ham o‘z yarmarkalari bilan qatnashadi.

Ishtirok etish uchun quyida ro‘yxatdan o‘ting:

📝 Ro‘yxatdan o‘tish

📆 20.12.2024
⏰ 15:00
📍 Yoshlar ijod saroyi

Telegram | Facebook | Instagram | YouTube | X

#1000KITOB_podkasti

Podkastimizning ushbu sonida ekspertlarimiz biologiya fanlari boʻyicha falsafa doktori Baxtiyor Sheraliyev hamda Germaniyaning Gyotingen universiteti doktoranti Izzat Sobitov mehmon boʻlishdi. Biz ular bilan loyihamiz, sohaga doir adabiyotlar, ilmiy ish bilan shugʻullanish kabi qator mavzularda suhbatlashdik.

Batafsil: https://youtu.be/atdM1foQgxo

Bizni ijtimoiy tarmoqlarda kuzatib boring:👇

Telegram | Facebook | Instagram | YouTube | X

#bu_qiziq

"Mangu munozara" (inglizcha Great Conversation) haqida eshitganmisiz?

Hayotga doir shunday masalalar borki, ular yuzasidan barcha davrlarda faylasuf va olimlar oʻz fikr-mulohazalarini bildirgan – biri ikkinchisining fikrini davom ettirib toʻldirgan yoki rad etgan. Bu davomli jarayon. Ana shu fikriy zanjir Great Conversation (“Mangu munozara”) deb ataladi.

“...munozara”da g‘oyalarning davrlararo bir-birini qanday to‘ldirgani va o‘stirib borilgani yaqqol ko‘rinadi. Masalan, Suqrotning “Adolat nima?” savoli zamonaviy faylasuf Jon Rolsning adolat nazariyalarida o‘z aksini topgan.

“...munozara”da erkinlik, aql-idrok va bilimga intilish kabi umumbashariy qadriyatlar muhokama qilinadi. Shu tariqa unda fikrlar qarama-qarshiligi, tanqidlar orqali intellektual o‘sish yuzaga keladi.

Ushbu "munozara"ning turli yoʻnalishlarda bosh ishtirokchilari bor. Masalan, falsafa va axloqda Platon, Aristotel, Dekart, Nitshe; aniq fanlarda Galiley, Nyuton, Eynshteyn; adabiyot va san’atda Gomer, Dante, Shekspir va Milton...

Ularning g‘oyalarini o‘rganish bugungi murakkab muammolarni tushunishga ko‘maklashadi. Qolaversa, zamonaviy bahslarni o‘z intellektual ildizlariga bog‘lashga imkon beradi.

1000KITOBda bu yil chop etiladigan asarlarning aksariyatida “Mangu munozara” tadqiqlarini kuzatasiz. Xususan, Oksford universiteti nashriyotining “Qisqa tanishtiruv” toʻplami ushbu bahsni umumiy qamrab olib, fundamental bilimlar berishi bilan ham ahamiyatli.

Bizni ijtimoiy tarmoqlarda kuzatib boring:👇

Telegram | Facebook | Instagram | YouTube | X

#nega_aynan

Yalangʻoch statistika: Ma’lumotlarni vahima libosidan xalos etish

Statistika deganda kishi xayoliga oʻsha mashhur ibora keladi: "Yolgʻonning uch turi mavjud: yolgʻon, gʻirt yolgʻon va statistika". Bu gapda qanchalik jon bor oʻzi, umuman olganda statistika va uni oʻrganish qay darajada ahamiyatli?

Statistika — ma’lumotlarni to‘plash, tahlil qilish, talqin va taqdim etish ilmi. Matematikaning bu boʻlimi odatda murakkab va zerikarli fan sifatida qaraladi. Tarjima qilinayotgan kitobimizning ahamiyatli jihatlaridan biri — zerikarli ilmiy sohani sodda, tushunarli va oʻziga bogʻlab qoʻyadigan darajada qiziqarli tarzda oʻrgatishidir.

Kitob sizga statistik tahlil siyosat va biznes strategiyasidan tortib, shaxsiy tanlovlargacha bo‘lgan barcha darajadagi qarorlarni qanday shakllantirishini tushuntiradi. Uni oʻqir ekansiz, kompaniyalar mahsulotlarni taklif qilish uchun algoritmlardan qanday foydalanishi; shifoxonalar sog‘liqni saqlash tizimini yaxshilash uchun omon qolish ko‘rsatkichlarini qanday tahlil qilishi kabi murakkab jarayonlarni oddiy misollar va hazillar orqali tushunib olasiz.

Kitob sodda va qiziqarliligidan tashqari, kitobxonni tanqidiy fikrlash va tahlilga oʻrgatadi. Hozir ma’lumotlar oqimi juda keng, oqibatda odamlarni turli usulda manipulyatsiya qilish mumkin. Deylik, ommada biror taassurot uygʻotish uchun butun ma’lumotning faqat bir qisminigina e’lon qilish, grafiklarni buzib ko‘rsatish holatlari koʻp uchraydi. Kitobda bu usullar batafsil tushuntiriladi, soʻng o‘quvchi ma’lumot manbalarini tekshirish, ehtimoliy noxolisliklarni aniqlash va asosli qarorlar qabul qilish koʻnikmalarini egallaydi.

"Yalang‘och statistika" raqamlar ko‘pincha bizga ta’sir o‘tkazish va ba’zan aldash uchun ishlatiladigan dunyoda noto‘g‘ri axborotga qarshi qalqon vazifasini o‘taydi, deya olamiz.

Bizni ijtimoiy tarmoqlarda kuzatib boring:👇

Telegram | Facebook | Instagram | YouTube | X

#1000KITOB_podkasti

"Bitta bo‘lsa ham inglizcha bilmaydigan bola bo‘lsa, tarjima qilish kerak"

Podkastimizning navbatdagi sonida fizik olimlar, loyihamiz ekspertlari Rustam Ashurov va Po‘lat Tojimurodov mehmon bo‘lishdi. Biz ular bilan ilm-fan, fizika, kitoblar, ta’lim va loyiha haqida suhbatlashdik.

Batafsil: https://youtu.be/Tqc8E_75uKk?si=3hf2bG4VO4tCSbJg

Bizni ijtimoiy tarmoqlarda kuzatib boring:👇

Telegram | Facebook | Instagram | YouTube | X

Tilimiz rivoji uchun har kuni harakat qilish har birimiz uchun burchdir. Bayram muborak boʻlsin!

Telegram | Facebook | Instagram | YouTube | X

#iqtibos

Yangi tuzum olib kirgan ma’rifat o‘ziga yarasha kuch-qudrat bo‘lib, statistika qo‘mitalari aslida hisoblash imkonsiz narsalarni ham ro‘yxatga olishga intilardi. Avvalroq aytib o‘tganimizdek, maktablar katta yoshdagilar bilan bolalarning o‘zaro munosabatlari asosidagi norasmiy maskan bo‘lsa-da, yangi hukmdorlar ularni to‘laqonli “mahalliy maktab” tarzida bilib, ular borasida ham to‘liq statistik ma’lumotlar yig‘ishni talab qilardi. Ushbu ma’lumotlar o‘ta ishonchsiz bo‘lsa-da, ro‘yxatga olish jarayonining o‘ziyoq maktab tushunchasiga yangi ma’no baxsh etdi. Aholini etnik jihatdan tasniflashdan manfaatdor bo‘lgan yangi tuzum bora-bora etnik toifalarni reallashtirdi va bu kabi tasniflash mahalliy ziyolilarning o‘zlik borasidagi munozaralarida muhim va muqim o‘rin tutishi hali oldinda edi.

📚“Musulmon madaniyati islohoti siyosati: Markaziy Osiyoda jadidchilik” (“The Politics of Muslim Cultural Reform: Jadidism in Central Asia”)
✍️ Muallif: Adib Xolid

Bizni ijtimoiy tarmoqlarda kuzatib boring👇

Telegram | Facebook | Instagram | YouTube | X

#1000KITOB_podkasti

"Iste’dodlar — O‘zbekistonning eng katta boyligi"

Podkastimizning bu galgi mehmonlari Darajaviy qonuniyat — venchur kapitali bilan yangi kelajak sari (The Power Law: Venture Capital and the Making of the New Future) kitobi muharriri, Aloqa Ventures sherigi Davron Parmonov hamda Tahrirchi va Tilmoch loyihalari asoschisi Muhammadsaid Mamasaidov bo‘lishdi. Biz ular bilan Venchur kapitali, startaplar, sun’iy intellekt va mashinaviy tarjimaning kelajagi, shuningdek, o‘zbek tilidagi imlo muammolari va loyiha haqida suhbat qurdik.

Batafsil: https://youtu.be/X0GC4xv_XBU

Bizni ijtimoiy tarmoqlarda kuzatib boring:👇

Telegram | Facebook | Instagram | YouTube | X

#nega_aynan

“Yer tarixi: Ilk 4,5 milliard yil, fazoviy zarradan ona sayyoragacha”: tarjima uchun asos faktlar

Maktab darsliklarida Quyosh sistemasi qay tarzda yuzaga kelgani, Yerning yoshi nechidaligi, dinozavrlar, ularni qirgan asteroid va Darvin evolutsiya nazariyasi haqida umumiy maʼlumotlar beriladi. Biroq barchasi aslida ham shunday boʻlganmi? Bilganlarimiz qanchalik haqiqatga yaqin? Biz bilmagan yoki oʻzgargan faktlar bormi? Bularning bariga minerolog nigohi bilan qarashga nima deysiz?

Mazkur kitob eng kichik fazoviy zarralar yuzaga kelishidan tortib kelajakda ona sayyoramizni nimalar kutib turganigacha bahs yuritadi. Asarning oʻziga xos jihatlaridan bir shundaki, unda geosfera va biosferaning birgalikdagi evolutsiyasi oʻta qiziqarli va mufassal tarzda ochib berilgan.

Muallif Yer tarixi aslida oʻzgarishlar tarixidan iboratligini, uni oʻrganish oʻzlikni anglash bilan borabar esa-da, bu tarixning katta qismi bizga nomaʼlum ekanini taʼkidlaydi. Shunga qaramay, biz eʼtibordan chetda qoldiradigan, "oʻlik" mineral toshlarda sayyoramizning butun tarixi bitilgan boʻlishi hech gap emas.

Ilmiy-ommabop tilda yozilgan ushbu kitobdagi ilmiy tushunchalar sodda va oʻziga xos usulda yetkazib berilgan. Oʻzimiz yashab turgan sayyoraviy uyimizning oʻtmishi, buguni va kelajagiga befarq boʻlmagan kitobxonlar uchun ayni muddao.

Kitob orqali minerallar Yer yuzaga kelishida naqadar muhim ahamiyat kasb etgani, Oyning paydo boʻlishiga oid turli munozarali gipotezalar, olimlar "zerikarli million yillik" deb nom bergan davrda ham aslida ancha-muncha oʻzgarishlar sodir boʻlgani va boshqa koʻplab yangi maʼlumotlarni bilib olish mumkin. “Minerallar evolutsiyasi” deb atalgan yangi atamani kashf etasiz.

Muallifning oʻzi minerolog va astrobiolog boʻlib, u yillar mobaynida turli minerallarni toʻplash va ular ustida tadqiqotlar olib borish bilan shugʻullangan. Kitobda oʻzi boshidan kechirgan sarguzashtlar (Sahroyi Kabirdagi meteorit pullovchi savdogarlar deysizmi yoki oy zarralarini qoʻriqlagan federal agentlar deysizmi), yillar davomida o'zi, hamkasblari va boshqa ilm vakillari olib borgan izlanishlar natijalari va turli gipotezalardan misollar keltirgan.

Mutolaa orqali kitobxon Yer yagona uyimiz ekanini, uning kelajagi uchun har bir inson masʼul ekanini his etadi.

Bizni ijtimoiy tarmoqlarda kuzatib boring:👇

Telegram | Facebook | Instagram | YouTube | X

#tanishing

Mulohazalari asrlar osha eskirmagan muallif — Mark Avreliy

1000KITOB ekspertlari ham Rim imperiyasi haqida tez-tez o‘ylab turishadi. Shuning uchun ro‘yxatga imperiya tarixidagi eng buyuk besh imperatordan biri Mark Avreliyning kitobini ham qo‘shishgan)

Mark Avreliy II asrda Rim imperiyasini boshqargan. Uni hozirgacha insoniyat tarixidagi kam sonli adolatli, insoniy sifatlarga ega hukmdor sifatida eslashadi. Shuningdek u stoik falsafasi mutafakkirlardan biridir.

Kelib chiqishi asli hukmdorlar avlodidan bo‘lmagan. Tarixiy ma’lumotlarga tayansak, Avreliydan oldingi imperator farzandsizligi sababli Mark Avreliy va yana bir bolani asrab oladi. Taxt vorisi etib tayinlanganidan so‘ng bolalar ta’limiga alohida e’tibor qaratilgan. Mark afinalik ritorik Gerodos Attik, Markus Frontodan tahsil olgan.

Avreliyning imperatorlik davri og‘ir, urushlarga to‘la o‘tganiga qaramay, tarixga eng adolatli va qudratli hukmdor sifatida kirgan. Uning biz tarjima qilayotgan "O‘zimga xitob" (Meditations) asarida mas’uliyat, hokimiyatni suiiste’mol qilmaslik va vazifalariga vijdonan yondashish haqida chuqur mulohazalar keltirilgan.

Kitob dekabr oyida loyihada chop etiladi.

Bizni ijtimoiy tarmoqlarda kuzatib boring👇

Telegram | Facebook | Instagram | YouTube | X

"Misinformatsiya psixologiyasi": tarjima uchun asos faktlar

📌Misinformatsiya nima?
📌Misinformatsiya, dezinformatsiya va malinformatsiya qanday farqlanadi?
📌Misinformatsiyaga ishonish va uni tarqatish sabablari nima?
📌Misinformatsiyaga qarshi qanday kurashish mumkin?

"Qirol Charlz III Drakulaning uzoq qarindoshi”. “Hukumatlar noma’lum uchar jismlar haqidagi ma’lumotlarni yashirmoqda". “COVID-19 kosmosdan kelgan…"

Bu kabi da’volar bir qarashda bema’ni ko‘rinadi, ammo ularning ba’zilari haqiqat, boshqalari esa noto‘g‘ri, yanglish ma’lumot, ya’ni "misinformativ" bo‘lishi mumkin. Misinformatsiya — yanglishtiruvchi, noto‘g‘ri axborot o‘zi qanday bo‘ladi? Kimlar ularga oson ishonadi va ishongani uchun tarqatadi? Nima uchun? Bunday holatlarda qanday yo‘l tutish kerak? Ushbu kitob shu va boshqa ko‘plab savollarga javob beradi.

Kitob kim uchun?

Kitob misinformatsiyaga qiziqadigan, lekin psixologiya, xulq-atvor ilmi va siyosatshunoslik yo‘nalishlarida ilmiy darajaga (balki, hozircha) ega bo‘lmagan kitobxonlar uchun mo‘ljallangan. Kitobdan oliy ta’limda misinformatsiya va dezinformatsiya bo‘yicha darslik sifatida foydalanish mumkin. Shuningdek, oliy o‘quv yurtlaridan tashqaridagilar (masalan, siyosatchilar, tarbiyachi-muallimlar yoki faktcheking bilan shug‘ullanuvchi tashkilotlar xodimlari hamda mutaxassis bo‘lmagan qiziquvchilar) uchun bilim manbasi bo‘lib xizmat qila oladi.

Nima haqida?

Kitob misinformatsiya bo‘yicha eng yangi tadqiqotlardan biri bo‘lib, unda misinformatsiya o‘zi nimaligi va uning tarixi; odamlar unga nima uchun ishonishi va boshqalar bilan ulashishi; misinformatsiyaga qarshi kurashish vositalari haqida so‘z boradi. Har bir masala yuzasidan hayotiy misollar orqali tushuntirishlar beriladi.

Qanday shaklda?

Kitob uch qismga bo‘lingan. Birinchi qism misinformatsiya haqida o‘quvchi bilishi kerak bo‘lgan boshlang‘ich bilimlarni o‘z ichiga oladi. Ikkinchi qismda misinformatsiyaga ishonish va uning tarqalishi haqida so‘z boradi. Nihoyat, uchinchi qism misinformatsiyaga qarshi kurashish haqida.

Nimasi bilan farqli?

Kitob nafaqat o‘qish uchun, balki qo‘llanma sifatida foydalanib, amalda misinformatsiyaga qarshi kurashish va kishining o‘zidagi misinformatsiyaga moyilliklarni aniqlash va bartaraf qilish uchun ham mo‘ljallangan. U o‘quvchini muayyan nuqtayi nazarni dastaklashga undamaydi. Aksincha, bir qancha nuqtayi nazarlarga xolislik bilan yondashib, xulosa chiqarishni uning o‘ziga qoldiradi.

Bizni ijtimoiy tarmoqlarda kuzatib boring👇

Telegram | Facebook | Instagram | YouTube | X

#1000KITOB_podkasti

"Bu kitob ta’lim tizimimizni yaxshilashga yordam beradi"

Podkastimizning navbatdagi sonida Ta’lim yo‘llari: nazariyalar va o‘qitish uslublari (Ways of Learning: Learning theories for the classroom) kitobining tarjimoni, ta’lim bo‘yicha ekspert Komil Jalilov hamda ta’lim va pedagogika bo‘yicha mutaxassis Shokir Tursun bilan suhbatlashdik. Ekspertlar ta’lim tizimi, pedagogika hamda darsliklar bo‘yicha o‘z fikrlarini bildirishdi.

Batafsil: https://youtu.be/ZxOmpL4eQqg?si=8h2pPlIWzMj_xxPw

Bizni ijtimoiy tarmoqlarda kuzatib boring👇

Telegram | Facebook | Instagram | YouTube | X

#Tanishing

✍️ Benedikt Anderson (1936–2015)

– Irlandiyalik siyosatshunos;
– AQSHdagi Kornell universitetida dars bergan (1965-2002), xalqaro tadqiqotlar bo‘yicha faxriy professor;
– Indoneziya jurnali bosh muharriri (1966–1984);
– Amerika san’at va fanlar akademiyasi a’zosi.

Anderson 1936-yili Xitoyda (otasining xizmat safari davrida) tug'ilgan. Otasi irland, onasi ingliz. 1941-yili Qo‘shma Shtatlarga ko‘chib o‘tgach, Kaliforniyadagi maktabda o‘qigan. 1957-yili Kembrij universitetini muvaffaqiyatli tamomlab, klassik fanlar bo‘yicha bakalavr darajasini olgan.

U millatchilikning kelib chiqishi haqidagi izlanishlari bilan mashhur. Uning dastlabki ishlari, shu jumladan doktorlik dissertatsiyasi Indoneziya siyosatiga qaratilgan.

Andersonning “Xayoliy jamoalar: millatchilikning ildizlari va oqibatlari” (“Imagined Communities: Reflections on the Origin and Spread of Nationalism”) asari loyihamiz doirasida nashrga tayyorlanmoqda.

Ushbu nashr muallifni millatchilikni tadqiq qilgan eng ilg‘or mutafakkirlardan biri sifatida dunyoga tanitgan. Kitobda XVIII-XIX asrlarda millatchilikning rivojlanishiga olib kelgan shart-sharoit tahlilga tortiladi. Shuningdek, imperiyalar tanazzulidan so‘ng millatchilik zamonaviy dunyoni qanday shakllantirgani Osiyo, Lotin Amerikasi va Yevropa misolida bayon etilgan.

Kitob 30 dan ortiq tilga tarjima qilingan.

Bizni ijtimoiy tarmoqlarda kuzatib boring👇

Telegram | Facebook | Instagram | YouTube | X

#nega_aynan

📚"Vaksinalar: Har kim uchun zaruriy bilim": tarjima uchun asos faktlar

"Vaksinalar: Har kim uchun zaruriy bilim" kitobi vaksinalar hamda ularning inson salomatligiga ta’sirini tushunish uchun muhim manbadir. Nega tarjima uchun aynan shu kitobni tanladik?

Ma'lumotlarni aniq va tushunarli ifodalaydi. Kitob savol-javob shaklida yozilgan bo‘lib, murakkab ilmiy ma’lumotlarni keng auditoriyaga yetkazadi. Muallifning aniq tushuntirishlari sababli, bu sohada bilimingiz bor-yo‘qligidan qat’i nazar vaksinalar ortidagi ilmiy asoslarni tushuna olasiz. Bu, ayniqsa, yolg'on-yashiq axborot oson tarqaladigan bugungi dunyoda juda muhim.

Vaksina bilan bog‘liq mavzularni keng qamrab oladi. Kitob vaksina tarixi va ishlash mexanizmidan tortib, ishlab chiqarish va ma'qullanish jarayonlarigacha yoritadi. Shuningdek, u emlashning axloqiy jihatlari, aholi immunitetining ahamiyati va dunyoning turli hududlarida vaksina yetkazib berish muammolari haqida batafsil ma’lumot beradi.

Ommaviy xavotir va yolg'onlarni bartaraf etadi. Muallif vaksina xavfsizligi, nojo'ya ta’sirlari va vaksinalar nima uchun zarurligiga oid savollarga dalillarga asoslanib javob beradi. Shu orqali kitob vaksina haqidagi noto‘g‘ri ma’lumotlarga qarshi kurashishda ishonchli manba bo‘lib xizmat qiladi.

Emlashning aholi salomatligidagi ahamiyatini aniq yoritadi. Vaksinalar yuqumli kasalliklar oldini olish va global salomatlikni yaxshilashda eng samarali vositalardan biridir. Kitob emlash dasturlari qanday qilib chechak, poliomiyelit va qizamiq kabi kasalliklarni yo‘q qilish yoki nazorat qilganini aytib beradi. U kitobxonga nafaqat shaxsiy sog'ligi, balki butun jamiyat salomatligi oldidagi mas'uliyatini ham uqtiradi.

Ongli qaror qabul qilishni rag‘batlantiradi. Kitobni o'qigan har kim o‘zi va oilasi uchun vaksinalar haqida asosli qarorlar qabul qila oladi. Emlash bilan bog‘liq ilmiy asoslar, foyda va xavflarni tushungan holda, kitobxon sog‘liqni saqlash mutaxassislariga toʻgʻri savol bera oladi va ma’lumotlarni tanqidiy baholaydi. Muallif dunyoning turli burchaklaridagi immunizatsiya dasturlarining qiyinchiliklari va yutuqlarini muhokama qilib, emlashga global nuqtayi nazardan yondashgan. Bu vaksinalardan foydalanishdagi tafovutlarni va yuqumli kasalliklarga qarshi kurashda global hamkorlikning ahamiyatini tushunish uchun ham juda muhim.

Dolzarb va zamonaviy ma’lumotlar. Kitob bilimlarning shunday mustahkam poydevorini taqdim etadiki, yangi vaksinalar va tadqiqotlar paydo bo‘lganda ham bu bilimlar dolzarbligini yo'qotmaydi. Shaffof va faktik ma’lumotlarni taqdim etish orqali ekspertlar va keng jamoatchilik o‘rtasidagi tushunmovchilikni bartaraf etishga yordam beradi.

Bizni ijtimoiy tarmoqlarda kuzatib boring👇

Telegram | Facebook | Instagram | YouTube | X

#Tanishing

✍️ Andras Sheyo (Andras Sajo)

– Vengriyalik huquqshunos akademik;
– 1949-yili Budapeshtda tug‘ilgan;
– Markaziy Yevropa Universiteti (Central European University – CEU) professori, yuridik tadqiqotlar kafedrasi asoschisi;
– Amerika huquq instituti (1997) hamda Vengriya Fanlar akademiyasi (1995) a’zosi;
– Strasburgdagi Inson huquqlari bo‘yicha Yevropa sudi sudyasi bo‘lgan (2009–2017).

Professor Sheyo taniqli konstitutsiyachi sifatida alohida mavqega ega. Bu borada olimning bir qator davlatlar, xususan, Ukraina, Gruziya va Janubiy Afrika konstitutsiyalarini tayyorlashdagi ishtirokini ta’kidlash kifoya.

Sheyo “Konstitutsiyaviy tuyg‘ular” (2011), “Ozodlik konstitutsiyasi” (2017) kabi asarlari bilan mashhur. U 1986-yilda Vengriya Fanlar Akademiyasining Kitob mukofotini qo‘lga kiritgan.

Loyihamiz doirasida uning “Hokimiyatni tiyish: konstitutsiyaviylikka qadam” (“Limiting Government: Introduction to Constitutionalism”) kitobi nashrga tayyorlanmoqda. Kitobda olim nafaqat konstitutsiyaviylik tarixi va nazariyasini qiyoslaydi, balki davlat va jamiyat o‘rtasidagi munosabatlarni ham tahlil qiladi. AQSH, Fransiya va Veymar Konstitutsiyasi tarixiga tayanib, muvaffaqiyasizliklardan nimani o‘rganish mumkinligini yozadi. Kitobda hokimiyatlar bo‘linishi va konstitutsiyaviy nazoratning turli shakllari ham bayon etilgan.

Bizni ijtimoiy tarmoqlarda kuzatib boring👇

Telegram | Facebook | Instagram | YouTube | X

#1000KITOB_podkasti

“Shaharsozlikni qanday qilsak, xalq boy bo‘ladi — bu kitob shuni tushuntiradi”

Podkastimizning navbatdagi sonida siyosiy fanlar doktori, "Loyihasiz tartib: Bozorlar shaharlarni qanday shakllantiradi" kitobi tarjimoni Bekzod Zakirov hamda urbanist Iskandar Soliyevlar shaharsozlik qoidalari va uning iqtisodiyot bilan bog'liqliklari, shaharsozlik bo'yicha O'zbekistondagi vaziyat va albatta loyiha hamda kitoblar tarjimasi bo'yicha suhbat qurishdi.

Batafsil: https://youtu.be/KQF2vLupfPA?si=6r5_4g2bKht03DM5

Bizni ijtimoiy tarmoqlarda kuzatib boring👇

Telegram | Facebook | Instagram | YouTube | X

#1000KITOB_tarjimonlari

O‘zbekiston fanlar akademiyasi tadqiqotchisi, tilshunos, tarixchi, loyihamiz tarjimoni va eksperti Eldor Asanov antropologiyaga mohirona kirish deb e’tirof etilgan va “talabalar albatta o‘qishi shart” deb qaraladigan mana bu kitobni o‘zbek tiliga o‘girmoqda. Jarayon qanday ketyapti?

Batafsil ushbu havolada: https://youtu.be/G_oe-85q53c

Ijtimoiy tarmoqlardagi sahifalarimizga ulaning va ulashing👇

Telegram | Facebook | Instagram | YouTube | X

#Tanishing

✍️ Bill Brayson

– jurnalist;
– 1951-yili AQSHda tug‘ilgan;
– sayyohlik, ingliz tili tarixi va boshqa yo‘nalishlarda ilmiy-ommabop kitoblar muallifi;
– Buyuk Britaniyada Oksford va Kembrijdan keyin uchinchi qadimiy universitet Darem universiteti rektori (2005-2011) bo'lgan.

Brayson murakkab mavzularni hazil-mutoyiba tilida bayon qilishi bilan mashhur. Bunda uning mahalliy gazetalardagi faoliyati ham ancha qo‘l kelgan.

Uning aksar asarlari sayohatlarga bog‘lanadi. “Yo‘qolgan qit’a: Amerika shaharchalariga sayohat”, “Bu yerda ham, u yerda ham emas: Yevropaga sayohatlar”, “Kichik oroldan qaydlar” shular jumlasidan. Ushbu kitoblar shunchaki yo‘l chizgilari emas, balki safar davomida muallif duch kelgan madaniyatlar haqida goh keskin, goh hazilomuz kuzatuvlardir.

“Kichik oroldan qaydlar” 2003-yili Butunjahon kitob kuni munosabati bilan Britaniyaning o‘ziga xosligi va millat holatini eng yaxshi aks ettirgan kitob deb topilgan.

Braysonga tom ma'noda shuhrat keltirgan asar Loyihamiz doirasida nashrga tayyorlanmoqda. Bu uning 2003-yili chop etilgan “Hamma narsaning qisqa tarixi” (“A Short History of Nearly Everything”) kitobidir. Ushbu kitob eng yaxshi ilmiy-ommabop kitob sifatida “Aventis” (2004) hamda “Dekart” (2005) mukofotlarini qo‘lga kiritgan.

Brayson til masalalariga ayricha e’tibor qaratgan. Uning ingliz tili tarixiga oid ikki asari mashhur. Bular – “Ona tili”, “Amerika mahsuloti: Ingliz tilining Qo‘shma Shtatlardagi norasmiy tarixi”. Muallif ushbu kitoblarda ingliz tilining o‘ziga xosligi va tarixini tadqiq etarkan, odatdagi uslubiga sodiq qolib, ta’limiy asarlarga hazilomuz yondashishdan o‘zini cheklamaydi.

Muallif, bulardan tashqari, “Braysonning muammoli so‘zlar lug‘ati”ni ham yaratgan. Qo‘llanma har bir til jonkuyarining ish stolida bo‘lishi kerak, deb ta'kidlanadi.

Ijtimoiy tarmoqlardagi sahifalarimizga ulaning va ulashing👇

Telegram | Facebook | Instagram | YouTube | X