قصائد موكب شهيد الجمعه

اعتب ودري العتاب٢                   يجرح والكلب شاب٢       ودموعي تضل تجرح وجنتي       انته عللرملل  انه بغربتي __ صح عنك رحت بس ما اعوفك                                     كل ما غمضت عيني انه اشوفك                            يلبكللبي جرح وشلون اروفك                                    عايش داخلي ولهج حروفك                                  وشتمك هاوه يلمالي ريتي       ودموعي تضل تجرح وجنتي __ عنك رحنه بس منك بدينه                                      مشينه اجساد لاكن مامشينه                                      انته رواحنه ويمك بقينه                                              بس بالجسد خويه تفاركينه                                       يمك لا تكلي خويه رحتي        ودموعي تضل تجرح وجنتي __     يا تالي هلي يالي عمري                                         يلعندك صبر يتخطه صبري                                     يالانته ويدمي حسين تجري                                    يليمك ردت كون انه گبري                                         حته منرد اون تسمعه ونتي   ودموعي تضل تجرح وجنتي _      يا عيني ونضرهه وبلسم الروح                              حاجيني ياخويه شعندك جروح                               يالباقي جسد والنحر مذبوح                                      يمك زينب تواسيك وتنوح                                         اون عليك ماتسمعه ونتي      ودموعي تضل تجرح وجنتي __      ارد اشبگ عليك منين اشبگك                                     منين الزم جروحك لا تلجمك                                     بصدرك من ردت ياخويه اشمك                                 شفت سهم المثلث شاگ گلبك                                      هنا زادت عليك انه حسرتي   ودموعي تضل تجرح وجنتي __         يا بعد العمر يالذابل شلون                                      وعيونك تغير بيهن الون                                       يالجنت النته منك يستحي الكون                           عطشان وسگيتك ماي العيون                                   خاف ادكلي ماي وياج جبتي    ودموعي تضل تجرح وجنتي ____

قصيدة انصار حبيب••♕
شجاعة••نزال


هلا بنصارك حبيب الغالي
كلهه غيره وراسهم ضل عالي
••••••••••••••••••••••••••••••••••••••••••••••

نصار  نافع بن  هلال البجلي
تخدم حسين الحبيب الازلي
فزعة انصارك حبيبي يا علي
حسين روحي ودوم ساكن بالي

••••••••••••••••••••••••••••••••••••••••••••••

وهلا بنصارك جناده الهايم
فزعتك لحسين فخر لهاشم
ويه انصارك   برير   العازم
ألك هاي الروح يبن الوالي

••••••••••••••••••••••••••••••••••••••••••••••

انصار عابس بالعزم معروفه
شالت الچفين  لجل چفوفه
نصارك السجاد  هم  ملهوفه
شحال گلبك بالحزن ينعالي

••••••••••••••••••••••••••••••••••••••••••••••

هايه أنصارك يمسلم هايه
وبالطم والنوح دگو رايه
ويه انصار أبن عروه الغايه
شاد حيله بنصرتك يقرالي

••••••••••••••••••••••••••••••••••••••••••••••

انصار للزهراء  كلهم غيره
يلا واسوهه لمصيبه چبيره
نصارك لعباس تبقه بحيره
بگطعت الچفين ونك عالي

••••••••••••••••••••••••••••••••••••••••••••••

نصار عبدالله بقت مفجوعه
تذكر حسين السليبه ظلوعه
انصار للحجاج  حزن ولوعه
وهاي تربات العزه بلا تالي

••••••••••••••••••••••••••••••••••••••••••••••

انصارك  الهفهاف شبت غيره
فزعت  الخدام  من كل ديره
نصار بشر لحضرمي وتفسيره
هلا بعشاگ الحزن يهلالي

••••••••••••••••••••••••••••••••••••••••••••••

انصار عون لبلعرك شد حيله
خله لون الجيش صاير ليله
انصار  زينب  بالعزه  تبچيله
تصيح وينك ياچفيل عيالي

••••••••••••••••••••••••••••••••••••••••••••••

وهلا  بنصارك  زهير  القائد
چن صگر علجيش كض لشارد
نصار للقاسم عشگ مو بارد
حار بالملگه  وتفور  دلاالي

••••••••••••••••••••••••••••••••••••••••••••••

نصارك سويد ابن عمرو لهيبه
ومثلك تحلي العزه  بالشيبه
الراد گلبه حسين هوه يجيبه
منيتي بس ذكرك عسل يصفالي

••••••••••••••••••••••••••••••••••••••••••••••
خادم الحسين ع
مهند العايدي

تمت بفضل الله وال محمد ع
نسالكم الدعاء /1445ه‍

اليـوم يـنحب عـلـي مـاتت فاطمه
ضـلع مكـسـور وجـرح ينـزف دمه
ــــــــــــــــــــــــــــــــــــــــــــــــــــــ
گـلب حيدر على ام حسين انكسر
ينحب اعليهه علي ومحني الضهر
خلاف فاطم والله ما يسوه العمر
عگـب نـور الزهره صارت مضلمه
ــــــــــــــــــــــــــــــــــــــــــــــــــــــ
عـلي مـوش بـمـاي غـسلـهـا بدمـع
علـه الزهـره الـيوم حيدر منـفجـع
ماتـت ام حـسين مـكسـورة ضلـع
دخل بسـمار بـضلـعـهـا وهـشـمـه
ــــــــــــــــــــــــــــــــــــــــــــــــــــــ
عــلي شيـع فـاطـمـه والـدنـيـه ليـل
ابو حسين اليوم ما ضل عنده حيل
عـلـه امتونه النعش والـدمعه تسيل
نكـسر گـلبـه بـكـسـر ضـلع الـعالمه
ــــــــــــــــــــــــــــــــــــــــــــــــــــــ
اليـوم حيـدر ودع الـزهـره البـتـول
فارگ الـزهـره عـلي فـحـل الـفحول
بـيده وسـدهـا الـگبـر بنت الرسول
اعلـيهه طـول الـعمر يـبقـه مـأتمه
ــــــــــــــــــــــــــــــــــــــــــــــــــــــ
وسفه ماتت فاطمه الجانت ضــوه
خـلافـهـا يـصـعب عـليـه شم الهوه
فــاگــد الـزهـراء والمـحسـن سـوه
جـرح فـاطـم يـبـقـه دوم يـألـمـه
ــــــــــــــــــــــــــــــــــــــــــــــــــــــ
سيد منتظر الهاشمي
ــــــــــــــــــــــــــــــــــــــــــــــــــــــ

عـلـي فـاگـد فـاطـمـه بـهـل ليـلــه
مـاتـت ام حسـيـن وانـهـد حـيـلـه
ــــــــــــــــــــــــــــــــــــــــــــــــــــــ
اليوم الله يساعده بهذه المصاب
علي دافـن زهـرته جـوه الـتراب
ماتت ام حسين شـيفيد العـتاب
الـجانت امن انوراها اضـويـلـه
ــــــــــــــــــــــــــــــــــــــــــــــــــــــ
اليوم حيدر علي مكسور الضهر
عله الزهره شاب گلبه من القـهر
خلاف ام حسين ما يسوه العمر
خـلافـهـا ولـده عـلـي اتـچـيـلـه
ــــــــــــــــــــــــــــــــــــــــــــــــــــــ
وسفه ام حسين ماتت فاطمه
ماتت ام گلب الحنين الـعالـمه
خـلافها العـيلـه تـضل مـيتمـه
تيـمـت كـلهـا عـگـبهـا الـعـيلـه
ــــــــــــــــــــــــــــــــــــــــــــــــــــــ
حيدر اعله الزهره گلبه المنفجع
الحـزن عـم الـدار ويـهـل الدمع
راحت ام حسين مكسورة ضلع
والـنعش فـوكَ الـمتون يـشيـله
ــــــــــــــــــــــــــــــــــــــــــــــــــــــ
النبي لو ما وصه حيدر بالوصيه
يكسر ضلوع الكسر ضلع الزچيه
وثـار فاطم ياخذه من الناصبيه
وداره مـامـش نـاصبي يـدنـيلـه
ــــــــــــــــــــــــــــــــــــــــــــــــــــــ
سيد منتظر الهاشمي
ــــــــــــــــــــــــــــــــــــــــــــــــــــــ

علي وحده الليلة يدفن فاطمة
ظهر مكسور و عيون تصب دمة

علي شال النعش والمدمع يسيل
عينه طول الدرب دم كامت تهيل
علي بعدج فاطمة صاير عليل
وكل حياته خلاف فاطم مضلمة
ـــــــــــــــــــــــــــــــــــــــــــــــــــــــــــــــــ
علي بعدج فاطمة گلبه انشلع
قهر ضيم وحزن من بعدج شبع
عله ذكر ام الحسن ماضل دمع
علي خلافج كل سنينه مؤلمة
ـــــــــــــــــــــــــــــــــــــــــــــــــــــــــــــــــــ
شاب گلبه من القهر بعد البتول
انتي بت خير البشر بت الرسول
يصير گبرج بين غربه والتلول
من وصيتج والأمانة مسلمة
ـــــــــــــــــــــــــــــــــــــــــــــــــــــــــــــــــــ
خلص عمره بحزن اهات ودموع
واعله فاطم مابقت عدها ضلوع 
وعلي ليلية بحزن يمج يلوع
كل نهار خلاف شوفج معتمة
ـــــــــــــــــــــــــــــــــــــــــــــــــــــــــــــــــــــ
يعينك الله ياعلي مصابك عظيم
اليوم مكسور الضهر وجهك إليم
بهل المصاب نعزي سيدنا الكريم
راحت ام الكون أمنه فاطمة
ـــــــــــــــــــــــــــــــــــــــــــــــــــــــــــــــــــــ
بعد گلبي من الحزن ماضل عتاب
نكسر گلبي عليج من دفعة الباب
اتمنى گون وياج غطاني التراب
ولايخلص عمري بالهم مأتمة

سجاد جواد الغانمي

ضجت الاملاك تنعى لاطمة
شلون حالك علي ماتت فاطمة

ماتت ام الكون و خير النساء
خلي ننصب فاتحه نقيم العزاء
حزن ربي عليج وكل السماء
وخلاف عينج كل حياتي معتمة
__
علي الله يساعده بفگد الحنين
بالحزن مكتوبله يخلص السنين
ماگفاله وي كسر ضلع الحسين
وبالسواد اليوم حزنانه السمة
___
علي وحده يم گبر بنت الرسول
اول مره يبچي وماتسمعين البتول
حاير شيحجيلج وشني اليكول
ليش گلوب هاشم بالحزن مورمة
_____
علي بعدج خلص سنينه يون
من الزغر للشيب ماعافه الحزن
دم مو دمع يبچي عليج ام الحسن
حتى عيني من الحزن صبت دمه
__
علي بعدج حتى مايگدر يكوم
وحده يمج بضلام شابع هموم
بعد عينج ينغدر بسيف السموم
وشعيتك بالحزن كلها قائمة

سجاد جواد الغانمي

الزهره ماتت حيدر الله يعينه
هاذه نعشج لو علي مشيعينه
@@@@@@@@@@@@@@@
@@@@@@@@@@@@@@@
هاذه حيدر بنعش مدري البتول
ثنينهم روح النبي وعين الرسول
ماتت ام الحسن وبصوته يكول
                        علي ميت بعدج مجبلينه
@@@@@@@@
@@@@@@@@
جنازة شال جنازه والمدمع يصب
عليج مدري عليه اهيل انه الترب
شلون ادفنج يم حسن موقف صعب
                    وانه جسمي بكبرج موسدينه
@@@@@@@@
@@@@@@@@
كمت اهيلن طين من دمعي اليسيل
صعب ادفنج وانه اسوي المستحيل
عيوني ماترمش صرت بعدج عليل
                      وحيد يم كبرج علي مخلينه
@@@@@@@@
@@@@@@@@
وحيد يم كبرج وصعبه اعليه اكوم
شلون اعوفج وانتي ماعفتيني يوم
عشرتج حلوه شعجب جا ما تدوم
                       كل عزيز بنعش ومودعينه
@@@@@@@@
@@@@@@@@
وحيرتي شلون امشي عنج ياضواي
زحمه  اعوفنج  وخليج  بكفاي
امشي خطوه والتفت كبرج وراي
                        ويرجع اركاض ام حسن حاجينه
@@@@@@@@@
@@@@@@@@@
كمت اروح لداري ورجع ما اهيد
ومن  اذكرج  نار  دلالي  تزيد
كلبي يم كبرج يوديني ويريد
                       يريد يم كبرج تخلص اسنينه
@@@@@@@@@
@@@@@@@@@
كرار السعيدي

خلصت الكعده ويه ولدج كولي يمه مودعين
يمه يالزهره انه زينب والبكه براس الحسين
@@@@@@@@@@@
@@@@@@@@@@@
بلا وداع وغربتي وين جانت هاي الي
العافيه عيونج ييمه وغمضت هيبت علي
يابعد كل العشيره ويا بعد ناسي وهلي
                انته ايت الله صرتي ونتي حبل الله الوتين
@@@@@@@@@@@
@@@@@@@@@@@
الله ياشلعان كلبي عليج كل مصباح انوح
يمه تعبانه ونحيله وكلبي بي كثره الجروح
حزني يبدي المغربيه والفجر مني يروح
        حزنج يذكرني يمه بحزن سيد المرسلين
@@@@@@@@@@
@@@@@@@@@@
راحت ايام النفاهة والفرح وياج راح
وراح بعدج يالزجيه عمري يخلص بالنياح
وراح اضل مكسوره خاطر ما اهيد واستراح
        البيت من بعدج يفاطم باقي بي بس الونين
@@@@@@@@@@@
@@@@@@@@@@@
يمه تخنكني المسيه لو لفه وجلجل اليل
ادعي بس ساعه ويخلص وعله زينب شو طوي
كبالي تعرض ذكرياتج والدمع من عيني سيل
       يمه يم كبرج اموتن لو لفتني الاربعين
@@@@@@@@@@@
@@@@@@@@@@@
فراكج الخله ابونه لايوجد لا يشوف
هاذه قالع باب خيبر تشرد اكباله الالوف
الخله كل الكفر ترجف يرجف وبيه الخسوف                                      يرجف من فراك فاطم هاذه ابو كلب الحنين
@@@@@@@@@@@
@@@@@@@@@@@
شلون يمه يكضي عمره الغربت عافيته
بالحنان ام  المحنه  دارج  امغطيته
للمصايب علي بعدج رحتي ومخليته
           شلون بعدج يالحنينه حيدر يخلص السنين
@@@@@@@@@@@
@@@@@@@@@@@
جنه كل مشراكه نكعد عاده ليهة تعوديت
يمه كل مصباح اشوفج هسه دنكت وبجيت
ميته من ذيج المسيه شكثر مشدوهة ونسيت
          ولزم اهدومج وصيحن يمه جا ليمت تجين
@@@@@@@@@@@
@@@@@@@@@@@
عيوني عميه من البواجي ضلمه وبعز النهار
يمه هجرج موتاني ودمر اليخفك دمار
سهله كلنه تموت فاطم شنهو جا ذنب الزغار
            ونبجي لمصاب الزجيه ونبجي لمصاب الجنين
@@@@@@@@@@@
@@@@@@@@@@@
مال بيه الحمل بعدج والحمل صاير ثجيل
وياج راح الفرح كله وانوه وياج الرحيل
حالي بعدج يالحنينه ابجي ودموعي تسيل
  و من كثر مانوح لجلج ناسي كلهم شايلين
@@@@@@@@@@@
@@@@@@@@@@@
حزن البكلبي حجيته وهدم اكبار الجبال
راحت ايام المحنه وراحت ايام الدلال
وبرحيلج يمه حيدر من حني حنيت هلال
         ال هاشم كلهة فزعت بالوصيه مكيدين
@@@@@@@@@@
@@@@@@@@@@
ياله عينوني يخوتي اعله الفجيعه نعين ابوي
وانه محتاره اعينك لو اعين احسين اخوي
زينب بوحدهة حرمه بدارهة ضلت تلوي
        والحسن وياي يبجي كاعد يصبر اللجين
@@@@@@@@@@
@@@@@@@@@@
الله وكبر يالزجيه لكبرج اتمنه اعتنيج
راح يكضي العمر يمه ليمت لكبرج نجيج
ضلعج مهشم يزهره الباب جا شمسوي بيج
        ونخسف اعليج الصدور ونلطم احنه اعله الجبين
@@@@@@@@@@
@@@@@@@@@@
كرار السعيدي

صابح دليلي جفاك مصباح
مئيسه ولچحت العلم من طاح

خواتك تريد الماي والعون
وغارت خيول المايرحمون
عباس اشوفك وين وشلون
وبيني لبينك خيل ورماح



يتامك تصيح الماي يلماي
خيامك چوته وماله فياي
الدنيه بغيابك جاسيه وياي
وتدري يخيي لزينب شراح


جوتني الخيم بالنار واحا
صحت من وجعتي حيل ويلا
زماني الكفلني وين وداه
لجمه عله لجمه رداف واصحاح



رحت للشريعه ملاجيه الخيل
ومدري بنهاري نهار يو ليل
بيه تميل الكاع لو ميل
وراسي حوافر خيل وصياح


حر الشموس وحاره چبود
وچنچ شربتي الدمع يخدود
مبارك اشمچ حيل يزنود
راحه لدليلي لموش مرتاح


واكعد وكوم هناك لهناك
مسويه عليك الغالية فناك
الكاك اخاف تعوفني الكاك
وأنه البست الصاگعه وشاح



مالي نصيب وياك يوداع
لخوتي الوذرهم تارسه الكاع
جنه الضعون تريدنه بساع
وناس بگصصه الخجل ينزاح

شلون حالج يالعقيله  ونتي توج فاگده
خوان  وولاد وعشيره وبالسناسل راده

فاگده اولادج وخوتكج ولعشيره مذبحين
يعينج الله اعله الجرالج فاگده وين الحنين
لا ابو فاضل يبره ضعنج لا يباريج الحسين
روسهم وياج تمشي وفوك منج صاعده

يعينج الله شلون شفتي الشمر من يذبح بخوج
حز رگبته اگبال عينج يبتسم ويسب ببوج
وجابو النوگ الهزيله ولليسر زينب خذوج
شعدها وياج المصايب ولمنايا شرايده.
.........
  وسار حاديكم  من يزينب لجن  مو عباس سار
الشمر ضل يحدي بضعنكم هذا مدري شلون صار
اليل كله  يسير بينه وراحه  ماشفنه  بنهار
ولدمو ع  تسيل سكته ويالچفن  متواعده
.......
ومن بعد عين ابو فاضل هسه يحدينه الغريب
حگنه من ننصب مناحه ولوعه وصياح  ونحيب
حشمت موته النشامه ورد صداي ولا مجيب
وانه روحي امن اهد يومك يابو فاضل راگده
.......
وبده بدرب الشام ذاك الگطع اجدام الجمال
درب ماشفته بحياتي ولا خطر مره اعله بال
وين مضمومتلي هايه مچتفه بذيج الحبال
عگب ذيج اشبول هاشم ولسيوف الحاده

وباجر الهظمه الچبيره من نطب شام الغدر
وخاطر الناس اتفرج خلو الطبه العصر
السوك كله التم علينه وگمنه بالضل ننهطر
وناس فرحانه بسبينه وناس تركض هاده
.......
وفتحو قصر الخلافه وفوتونه مچتفات
وعيدو وطبول ترگع هلهلن يالشامتات
وانه نار تفور حدري وكوه اصبر بالبنات
وطبو اعلينه بطشتهم بي چبير الساده

وانه شفت الراس عدهم ريت ميته ولا شفت
طفله تبچي تريد ابوها انطوها بس راسه بطشت
شبگته وماتت رقيه و ريتني بصفها ومتت
ولا شفت ذيج المصايب ولشماته الگاعده

فراك ابو المهدي وعلي مأ ذينه
بنعش وسفه العسكري مخلينه
@@@@@@@@@@
@@@@@@@@@@
وشال نعش الحسن والمدمع يصب
شلون ابوي يموت مابين الغرب
مات مسموم وشلع مني الكلب
شنهو حاله الوالده مشيعينه
@@@@@@@@@
@@@@@@@@@
وخل نعين المهدي بمصاب الحسن
عيونه دم اعله الابو يوم البجن
الشيب غاطيه وكصه وياه الزمن
زغير بس كوم العده مشيبينه
@@@@@@@@@@
@@@@@@@@@@
يعينه الله الشاف ابوه يمه يلوع
سيل جار عله الجفن تجري الدموع
تذكر السجاد وي كسر الضلوع
بس فرق شيعه وغمض عينه
@@@@@@@@@@
@@@@@@@@@@
ويا رزيتكم يهل بيت النبي
حمر عين المهدي وي لون العبي
ال هاشم جتل لو سم لو سبي
الموت عاده عليكم مكدرينه
@@@@@@@@@@
@@@@@@@@@@
ويا بو صالح طال بينه الانتضار
والنواصب انته تطلبهم بثار
كوم رد ثارك من الحركو الدار
نور وجهك سيدي متانينه
@@@@@@@@
@@@@@@@@

كرار السعيدي

اسبــاع هجت مـن برز ذبــاحهــا
وصار فوگ من الصهيل صياحها
ــــــــــــــــــــــــــــــــــــــ
بـرز مدنف مايمــر خشمـه الهــوه
وگام يثني الفرس والفارس سوه
حار ومن حرورته الغوج  انچــوه
صولته اسرع من مهب ارياحهــا
ــــــــــــــــــــــــــــــــــــــ
ضيعت عين الشمس ذيج الصفوف
كلـه والعبـــاس وادم مــــا يشــوف
صرخ بيها ومن صرخ ماتت وگوف
واكثر مــن العدل صــار طيـاحهــــا
ــــــــــــــــــــــــــــــــــــــ
صفنه صارت بالـــوغه وعم السكـوت
وفوك صوت ابن الفحل مايعله صوت
علـى ظهور خيولهــا گــامت تمـــــوت
گبـــــل لا تنـــزل يجــــر ارواحهـــــــا
ــــــــــــــــــــــــــــــــــــــ
كــــام ينثر بالزلـــم نثـــر الدنــــان
وصفها صف ومايصح للظل مچان
نزلت مـــن خيــولهــا تريد الامــان
وگبل لا يحمـــل  تسلم سلاحهـــــا
ــــــــــــــــــــــــــــــــــــــ
گام يفرشهـا حـــدر جدمــه ويــــدوس
واليريد يفـــر يحط رجله اعلـــى روس
غدت تصطك الضروس اعلى الضروس
چلچلت مثــل الغيــــــوم وزاحهـــــــا
ــــــــــــــــــــــــــــــــــــــ
تراكضت والصايح اعلى من الصهيل
وانـذبـح حـاجوزهــــا وفـر الدخيــل
گضه هــواي بصــــارمه وظل القليل
وبيهــا مـاتت مـــن نزيف جراحهــا
ــــــــــــــــــــــــــــــــــــــ
يرعـــد بنصهـــا مثل ليث المخيــف
يصيد قادة ويعبر المـا بيــده سيف
سبع صــار اليشـرد وبخت الخفيف
عبرت الشــاطي ولحگها ولاحهــــا 
ــــــــــــــــــــــــــــــــــــــ
اصتكت وضكت وركت بالضرب
والهــوا ابينــاتها مـا ظن يطب
ال هاشم عدها تسيورة الحرب
ولبست بيوم الطفوف وشاحها

رائد الناشي

حسينكم دك خيام وانتم صدور ليله
باجر يموت العباس وتيه بلطف عليه..
… …
باجر الخيل وسبعين توكف عل مسنايه
وتكطع الشط على حسين والزلم تمنع مايه
وعباس ع الماي يموت وتروح منه الرايه
وحسينكم ظهره يميل ميت حزامه وحيله
………
وباجر ازلامك يحسين كلمن يحير بحاله
ومنكثر ماتسحك خيل محد تعرفه اعياله
وبصدورهم تلكه اثار من سحكت الخياله
وتشيلهم بس يحسين لوطاح ياهو يشيله
………
باجر الوادم صوبين تسطف لحد الكوفه
وملتم الجيش على حسين من هسه حد سيوفه
وباجر بعازة عباس عباس ماهي جفوفه
لوطاح متروس اسهام مايلكه اليتجيله
………
وباجر الخيل على حسين ياراده ويارايحه
ولاكتر خالي من اسهام وازلام هاشم طايحه
من هسه خن ننعه حسين ونكوم ننصب فاتحه
ومناوب يصير النوح نتگابل ونبجيله
………

اليوم زينب راده وروس العزاز اوياها
امن ادرب تعبانه حيل ومحد اتلكاها
°°°°°°°°°°°°°°°°°°°°°°°°
ردت ومامش زلم بضعونهه
امجلبه بسكينه ومغوشه اعيونهه
ابلا اجدام ويوجعنهه امتونهه
جابهه الشوك اعله اخوهه الحيل ما جاباها
°°°°°°°°°°°°°°°°°°°°°°°°
ردت ونص الرمح بحسين اكل
زرف راسه وراسه للكضه نزل
غلضو رمحه لحد ما بي عدل
ولحدما شوغات زينب شبعت ابممشاها
°°°°°°°°°°°°°°°°°°°°°°°°
اجت من عشرين سوك وطايفه
نازفه وحته العبايه نازفه
ابحلك كل مايسوه صارت سالفه
اوحيده ضلت محد الهه ومحد الباراها
°°°°°°°°°°°°°°°°°°°°°°°°
ردت ويخفگ گلبهه الهايم
بالشتايم ماكلتهه الوادم
ولاكتر بكتار زينب سالم
وبين سبعين الف طاحت محد الشالاها
°°°°°°°°°°°°°°°°°°°°°°°°
راجعه وبيهه بعد ريحت حرگ
ولكت جسم حسين غاط امن السحگ
تبچي اودمام فرحتهم يدگ
راح من عدهه العزيز وللهظم خلاها
°°°°°°°°°°°°°°°°°°°°°°°°
اجت من الزلم للطف شارده
وكالبه اوجوه العبايه وبايده
والعطش هارش كلبهه ومارده
اولاتلكوها بميه ولا علي وياها
°°°°°°°°°°°°°°°°°°°°°°°°
اجت بس اشلگت من شاهينهه
امگبل وجوه التراب احسينهه
طاحت اعله الگبر هيه وعينهه
ولگت ثلث اضلوع منه امطشرات احذاها
°°°°°°°°°°°°°°°°°°°°°°°°
مشت للعباس هيه وشوگهه
هرولتله ودمهه شح بعروكهه
راحت وجم صوط هوس فوگهه

اوجابو الشوچ الضخين وجومو جواها
°°°°°°°°°°°°°°°°°°°°°°°°

احسین خویه طولیت الــنومه 
امنین اجیلک والطرق ملزومه

**

احسـین خـویه حیرتنی طیحـتک 
اشلون اجیک اشلون اعوفن عیلتک
گطــعت گــلبی یخــویه نـومـتک 
امنین اجـیک انمنع درب الـحومه

**

احســین خــویه الخــیم ناراموجره 
و لابگه عدنه کفیل و لا ضـره
چـــم یـتـیـم اجــمع وچــم امـخدرّه 
سلـبوهــا الــحرم یــا جـیدومه        
**

احسین خویه اطفالکم عرض الفله 
وتـدری ضرب الصوط ما تتحمّله
شـرد اشاجـف خـویه عـن العـایله 
امتـونی خـویه امدممه ومالومه

**

بگت زینب شکت من عظم المصاب 
ولمـت العیله عگب حرگ الطناب
اشـما تصـیح احسـین مـاتسـمع جواب 
و علثره احسین وصبحته وگومه                
**

آیــه لــوعة لیـــلة الــــحادی عشر 
ابعین تحمی العیله من ذاک الخطر
وعــین للــمیدان مشــبوحه الــنظر 
ولـسمه تمـطر ادمـوع اغـیومه

**

لنهه تسمع صوت وی طرت الفجر 
حضرونـوگ الهــزل شــان الــیسر
ورخصو العــیله اعــله ولــیاهه تمر 
کل فجـیده الولی اتـرید اعلومه

**

های من گامت تگع نوبه و تگوم 
وذیـچ بلـحومه مثل طـیرالیحوم
ایــدورن ولــیانهن بین الـــجسوم 
وکــل بــدرغـیر الحرّار رسومه

**

وصـلن الجـسم الـولی اربات الدلال 
بس جسد من غیر راس اعله الرمال
الـیهز جــــبرائیل مهــده ابلاضـلال 
بلشمس ولـحر هجـیر اسـمومه

**

آه مــن شــافــنه جــسمه اعله الثره 
ودمه یشخب من اجروحـه ومنحره
حــجـــة البــاری وابــن خـیرالـــوری 
عـاری حـته امسـلبین اهــدومه

**

اتگلله زینب خویه جینه انودعک 
ولـوبدیــنه انغسلک وانـشیـعک
غـصبن اعـلــینه نـخــلی مـصرعک 
ونمشی للـشام وتجـیک اعـلومه

**
اتوادعت زینب من احسین الضمد 
وکـل فـجیده اتـوادعت مــن الـولد
صـاحـت آنه اوداع ضل عندی بعد 
العل شریعـه هـامته مجـسومه

**

مـن الحـومـه اتـمشـت ابذاک الخطر 
امدوهنه وتنـشد عله درب النهر
اتـصیح یاهـلناس مـاشـفــتو گــمر 
طاح من سابع سمه اویه انجومه

الشاعر عزیز الفیصلی

يابعد عيني البلمثلث رايحة
من ناكتج كالو يزينب طايحة
مشتاكلج يازينب شلـــونج
شو حاجبج طايح على عيونج
كالولي من طكوج وينك صايحة
ــــــــــــــــــــــــــــــــــــــ
بذيــج الخــرابة ونـارها الحراكــه
راس ابــو فــاضل وي اخيته تلاكه
مشتــاك ظل يســولف لمشتـــاكــه
ودموعه تجري وجاب طاري الناكه

عيونج يبعد عيون اخوج شلونها
كالولي زينب طايحه منضعونها
هـم توجعج يازينب متونج
شوحاجبج طايح على عيونج 
ــــــــــــــــــــــــــــــــــــــ
اول ملاكه ابينه بــلايه جفـــوف
وشلون اشبكج وانه كلش ملهوف
وشلون يمي ولون وجهج مخطوف
من جنت امرج مايمر كلبج خــوف

فوك التراب كبالي زينب كاعده
ومجتفـــة وتنحب نحيب الفـاكـده
يمج اخوج ومنخطف لونج
شو حاجبج طايح على عيونج
ــــــــــــــــــــــــــــــــــــــ
مشتاكلج بس الرمـــح يــاخذنــي
وابتعد بس الشــوگ ليج يردنـــي
فــوك المهــازل صعدتج تمردنــي
واتمنه راس الــرمح كون يهــدني

يــارمح موهين عليه فراكهـــا
هاي العزيزة ومدري ياهو الطاكها
الله يكون اعلى السبي بعونج
شو حاجبج طايح على عيونج    
ــــــــــــــــــــــــــــــــــــــ
اتمنــه كون يردلي جف أيــدي الراح
وانــزل واشبكج وافكك ايــدج وارتـاح 
بس شبــديـه الــراسه بيــد الذبـــــاح     
وجسمه اعلى شاطي العلكمي موذر طاح

عباسج مقصر يبعد العــافيــة
لو الف موته ولا اشوفج حافية
كل همي بس لا خيب ضنونج
شو حاجبج طايح على عيونج
ــــــــــــــــــــــــــــــــــــــ
يازينب منبعيد مايطفي الشوك
وما اكدر اوصلج وانه معلك فوك
يختلف ظهر الرمح عن ظهر النوك
مااكدر انزل منه والحادي يسوك

ماجنها بس كطعة المنحر كافيه
حته العيون البيها اشوفج طافيه
وشتسوه هاي الدنيا من دونج
شوحاجبج طايح على عيونج
ــــــــــــــــــــــــــــــــــــــ
لوملتـــي من النــاكه اميلن ويــاج
واتمنـه كـــون بسهم عيني اتلكــاج
ماشوف بس اسمع الصوت الطكاج
وهضمونــي من شدواحبال ييمناج

جدام اخوها انشد حبل بجفوفها
حسبالهم جي منذبح ماشوفها
يهضموني زينب من يهضمونج
شو حاجبج طايح على عيونج
ــــــــــــــــــــــــــــــــــــــ
ادري اليضيع شوفه كلش صعبة
بس ينوجع حيل اليشوف بكلبه
وشلون بل مثلي ويخلص دربه
فوك الرمح وظعونه بيد الغربة

والناس تنشد وين اخوها الجابها
حـاديهـا زينب يــاوكت سلابهــا
خجلان منج من ينشدونج
شو حاجبج طايح على عيونج


رائد الناشي

كال نمشي وخايفة من حجايته
وللصبح يــم الهــوادج بــايتـــه
كلت حته يشوفنــي
خاف ناوي يعوفنـي
وللصبـح يـم الهــوادج بـايتــه
ـــــــــــــــــــــــــــــــــــــــــــ
كعد يم عمتي وكلها باجر نشيل الصبــح
جلمة ماجنها وحجاها جنه دج كلبي برمح
خاف سكته يشيل باجر والموادع مايصح
والدمــــوع ولام كلش لليفك ريجه بجرح

شمالــه كلبي يكلي كال نعوفهــا
وغبشه باجر نمشي عن لاشوفها
خاف بفراشي منبات
مــا يكعدنــي البنـــات
وللصبح يم الهوادج بايته
ــــــــــــــــــــــــــــــــــــــ
سولفو وانــه اعلى حالي اتنوع الهم من بعــد
من يصدلي تهيد روحي ومن يصد عني انمرد
كمت يتراوالـــي اشوفن درب وضعــون ونشد
خل الــم اغراضي هسه وللسفــــر خل استعــد

خل انامن حدر جدم الناكـه
خـاف من يمشون مانتلاكه
عــــذر مـــاخليله
مشي يريد امشيله
وللصبح يم الهوادج بايته
ــــــــــــــــــــــــــــــــــــــ
من الصبح ذاك ولهسه مغورجه عيوني وترف
الخايفه منالفركه روحه يصيـــر وي الهم ولف
المالــه وي الضعن محمل بالمــوادع ينعــرف
المثل ابـوي فراك وجهه بيـا سوالف ينوصف

المثل ابوي يريـــد حيل وداعه
ومن يسافر سنة تصير الساعة
المثلي الله يعينهـــــا
مـن تودع حسينها
وللصبح يــم الهـوادج بــايتــه
ــــــــــــــــــــــــــــــــــــــ
ماخذت شي من غراضي بس الهدوم وكمت
انــــه اول وحــدة بيهـــن للرحيـــل تـــولمت
كلت ماعطلنه بــاجر خـــاف يطلع مـن وكت
مافرشت فراش حدري وع الرمل يمهن نمت

كبل طرت الفجر باجر ماشي
خاف اعطلنه امن الم فراشي
انــه اول فـاطمــة
من الفواطم والمة
وللصبح يم الهوادج بايته
ــــــــــــــــــــــــــــــــــــــ
تفكــدت كـل المحـامل بالضعينــه اعلــى العـــــدد
وحـــاسب حســـاب الرضيــــع وخله هودج للمهد
شفت بس نـــوك الفواطم عوزهن هـــودج بعــــــد
وكمت احس ياروحي عندي وي الحزن باجر وعد

باجر تصبح غميجه جروحي
عود اروح وياهم اقنع روحي
راح ارد لداري
والحزن بكتاري
وللصبح يم الهوادج بايته
ــــــــــــــــــــــــــــــــــــــ
صعدن الخدر وظلن بس غراضي اعلى التراب
ويــاعزيزة ادنــه يمهــا تردنــي بدمـوع المصاب
شلت عبــدالله ارد اشمــه وكالــو تريـــده الربـاب
يجذب حجـاية يجون الينصلب حلمـه اعلى بــاب

البيده حلمه وياخذونه منيــده
ردت احبــابه اعلى باله بعيــده
راح اظل ابره الضعون
وادري بيهــم مــايجون
وللصبـــح يـــم الهــوادج بــايتــه
ــــــــــــــــــــــــــــــــــــــ
اسمعهن يصيحن خطية وحيلي كبل دموعي طاح
ومــوش بالله ويـــاج طلعن بالبواجــي وبالصياح
لانـــه ويــاهم خــذونــي ولا متت حتـه استراح
جــا بعــد يـاروحــي المن ظالــه وعبدالله راح

طلعو وطلعت الروح وياهم
والتفت للدار كلهم مــاهــــم
شلون اردن ليها
واهلي ماهم بيها
وللصبح يم الهوادج بايته

آه لمـصـابك يـــزين أعــبادهــــا
زلزل العـالم وسـبع أشــدادها
ــــــــــــــــــــــــــــــــــــــ
تضـرب الوادم ابیعـگـوب المثل
شاب راسه وانحنه ظهره اونحل
ومن كثر ما ينحب اودمعه همل
بيضت اعيـونه اوزال اسـوادهــــا
ــــــــــــــــــــــــــــــــــــــ
اشراح منه اشذهب گلولي اشفگد
صـــار بي ما صــــــار دلاله انمرد
گالــو من اولاده الـعشــره ولد
باعته الدنيه على اولادها
ــــــــــــــــــــــــــــــــــــــ
ومطلع یعگــوبها اوعنــده خبر
عــدل يوسف ما عليه مر الخطر
وعشـــره عنده وما الواحد بالعشر
لو غــــده عنها يخـــل بعدادها
ــــــــــــــــــــــــــــــــــــــ
اشجاب یعگــوب النحيبه والونين
ما يجــادي سگم زیـن العــابــدين
يوم واحـــد اخــذمن خيمته البين
سلف والخيمه هــوت لعمادها
ــــــــــــــــــــــــــــــــــــــ
سبعطعش شاب من اخوته والعمام
بين شمس و چـوچــب وچـالبــدر تام
هــوت لاچــن عالسيوف وعالسهام
والتراب امسه يويلي وسادها
ــــــــــــــــــــــــــــــــــــــ
یشــوف شبان اهل بيته والشبول
چالضحايه امطرحه فـوگ الرمول
آه يا ويلي وعلـي اجثثها الخيــول
تلكد وامسـه عليها اطــرادها
ــــــــــــــــــــــــــــــــــــــ
يشوف ابوه احسين من عنده الجسم
بالمــواضي الگـــوم داعيته خذم
ما عليه كفارها خـلـت هدم
آه من شر العــده اوفسادها
ــــــــــــــــــــــــــــــــــــــ
ايشوف روس اهله على روس السمر
حاملتها اعــلــوج سفیان الكفر
ابراس ابو أمسه خــولــه يفتخر
عـد يزيد الرجـس وبن ازیادها
ــــــــــــــــــــــــــــــــــــــ
ایشوف عماته اوخواته امسلبه
وهنــد وسميّه ابملكها امحجبه
وجسم ابوه الخــامس من اهل العبه
اعله الثره اوراسه على ميادها
ــــــــــــــــــــــــــــــــــــــ
وچـم رضیع ایشوف يلعو اویضطرب
والعطش بحشــاه نيرانه تشب
جف حليب امه اوغده ابچيده ايحلب
سهم نمرود اوثمود اوعادها
ــــــــــــــــــــــــــــــــــــــ
وچم رضيعـه ما يفارجها السدر
وهيه متفــارج ثدايه امها التدر
لاچن امها ابكــتر والبت ابكتر
والثنين الخوف ذاب اچبادها
ــــــــــــــــــــــــــــــــــــــ
يبن من ابسيف ابـــوه الله نعبد
ونشكــــر ما زال سعيه ونحمد
جـــاوزت ياسيـدي ابحـزنك الحد حيث
حــــزنك للانــــذال اعيادها
ــــــــــــــــــــــــــــــــــــــ
مايبو محمد وياشبــل الحسين
نفســك تسكّن بچاها والونين
منهو منكم سطه اعلـه افراشه البين
سره السيف اشخاصكـم من عادها
ــــــــــــــــــــــــــــــــــــــ
ماسمعنه الكـم مشيب ولا كهل
عالوسايد مـات بمــراض العلل
انفوسكــم طيبه و عادتها الچتل
حيث لن نلتوا الشهاده امرادها
ــــــــــــــــــــــــــــــــــــــ
سيدي ما دونك الســـان الحزن
صــاح واخرس وگطع لوم اللسن
الجتــل میراث من والد لابن
استارثنه ارواح من اجـدادها
ــــــــــــــــــــــــــــــــــــــ
والچتـل للزلم بحــدود السيوف
فخر عز وشــرف بي ذل ماتشوف
لاچن احچيلي گبـل يوم الطفوف
بالحـــروب الماضيه وطــرادها

الشاعر المرحوم عبود غفلة

المن طالعه بهالليل تمشيـن      
اذا لحسين هوه شضال بحسين
المن رايحه شتلكين منه          
يزينب والحوافر طشرنه
خافن ماتعرفينه وتتيهين
ــــــــــــــــــــــــــــــــــــــ
رايحه المن يالغريبه بهالظلام وهالتلول
الف سيف والف جثه البينج وبينه تحول
شنهي تلكين منخيج ضال سالم حته اكول
ضلوعه ظلن بالحوافر وين تلكين الخيول

اخيج داست الخيل اعله صدره      
يزينب طبكن ضلوعه اعله ظهره
كل وصله بنويه          
اعلى كبر الغاضريه
جا من جسم اخوج شراح تلكين
ــــــــــــــــــــــــــــــــــــــ
ياهو اليـزتج يزينب ليهم وعباس نــام
وانتـي تعبانه يخيه وتــونه طفينه الخيام
ابن امج مغطين جسمه برمل ويضيعه الظلام
مثلم منالطعن كله وغيــرة لونه السهام

بلا رجال صعبه الليل ينداس      
يالمتعوده يمشي وياج عباس ١
يخيه شلون ممشاج                  
وكفيلج موش وياج
يبعد اهلي شيردج للصواوين
ــــــــــــــــــــــــــــــــــــــ
الف طعنه والف ضربه والجرح فوك الجرح
وكلهم بـلا روس يختي شلون تلكين السمح
خيـه زينب همه كثــره وموش واحد منذبح
خيه ضلي ويانه هسه وبلكت نشوفه الصبح

باجـر بالضعن يمهــم يمــرون     
وبلكت يرضه نوكف حادي الضعون
نحول يم السباع       
ويحله انوب الوداع
وابدي اعتابج وكولي شتريدين
ــــــــــــــــــــــــــــــــــــــ
شويه خل تصير سفره والصبح لمن يجيج
موش مالت ليل يختي معلعه وشوفج رجيج
وسود مـن كثر المشاكف صايرات اديـج
ارتاحي لاتامشين هسه حسين مايعتب عليج

يم عون استراحي مروة الليل          
طريج بعيد وانتي منيلج حيل
نامي شويه يم عون                   
اخــوتج مــايعتبــون
جبيره وهذا ليل وما تشوفين
ــــــــــــــــــــــــــــــــــــــ
خيه كافيجن سوالف انــه مــابيـاش روح
كاعـد متـانيني هسـه تعطلت خلنـي اروح
انـه اعـرف حسين اخيي ومايضيعنه الجروح
وشلون اتيهه وريحت امي بصدره وبنحره تفوح

جنـه يصيحلـي منبعيــد اسمعـه       
بجف يوميلي بس مبتور اصبعه
شلون اكعد بصيوان            
وبره حسين عريان
شيهود الكلب ويغمض العين
ــــــــــــــــــــــــــــــــــــــ
ما اتاني الصبح يبطي وكلبي مايحمل يطك
انه مــامتعـــوده اطول عن الحسين اختنك
راح اروحله بعباتي وهضمـي ومتوني الزرك
يكوملي منبعيد اخيي بس يشم ريحت حرك

شصبر والكلب لحسين مشتاك         
بطيت وموش متعوده عللفراك
اريد اتمدد وياه                 
طول بطول وانعاه
واشوف صواب اخيي اليوجعه منين
ــــــــــــــــــــــــــــــــــــــ
طلعت الماكبل طالع صوتهت وتنكط خجل
هاي اول مره تمشــي وموش وياهــا الاهل
عثــرة بعــون بدربهـا وشافته وكالت فشــل
شلون اضل يمك ييمه وخالك مكطع وصل

ظلام ومـا اشـوفك واعثـرت بيك      
ييمه ابجي اعلى خالك مابجي عليك
خالك ها يلوليد            
بس لاعنك بعيد
دلوني اعلى جثة خالكم وين

رائد الناشي

اول مره اخاف وكلبي يرجف
دم مو دمع عيني اليوم تنزف
من ودعت الحسين....من ودعت الحسين
......
اسولف ويه روحي وكلت محتار.. اخوي شلون اودعه
طبعه يشوفني ويرتاح الحسين ..بس شيبدله طبعه
مانجرع مر وداع الخوان..ولجل ربنه نجرعه
حسين لوحده مومالت وداع...والصحبان صرعه
اسولف كلت وتهون...نسه وطفال يبجون
من ودعت الحسين
...
كلت هواي هوه وطلعت هواي..من امشي وعوفه
هوه يموت اذا ماهوه عباس..ويعدل من يشوفه
وانه حسين اذا ماهوه وياي..اخط اسمه واطوفه
ادري حسين بالطف عالنهر مات..ماذبحته الكوفه
اودعه شلون وشلون...دمع ما ضل بالعيون
من ودعت الحسين
..
اوصل يمه ورجع كلت عباس..تعب كلب الامامه
يدعيلك كبل لاتوصله حسين ..ترجع بالسلامه
بكلبه حسين يحجي تكربت ليه..رت اسمع كلامه
ما اتندم افكد روحي عباس ..بس فكدك ندامه
عزيز الكمر تدرون...صحت يحسين ممنون
من ودعت الحسين
..
كلت شلون احاجي حسين ورتاح..ولن حسين اجاني
كلي الفركه واجب صارت اعليك.حجاهة ومرمراني
كلي نفترك ياخويه عباس...وحده وماكو ثاني
متت بوداع اخيي يم الخيام..بس ربكم حياني
تموت أعله النهر كون..صحتله تمون وتمون
من ودعت الحسين
.....
صفك بيده اخيي وكال عباس..بجه من ودعيته
الاخو يموت اعله أخيه بيوم الوداع..من تكرب منيته
خنكته المات أخيه وكت الغروب..متت ماجت مسيته
بجاني حسين اخيي وكت الواداع..دمعي ومابجيته
حسين بوسط الجفون..يطيح شلون ترضون
من ودعت الحسين
....

كرار السعيدي