ቀሲስ ሄኖክ ወልደ-ማርያም

#_ቃና_ዘገሊላን_ከንቦ_ቅዱስ_ሚካኤል_ጋር_በበረከት_ውለናል!

❤ አጭር ማብራሪያ ቃና ዘገሊላ ለምን? ከጥምቀት በዓል ጋር እንደተገናኘ!

በቀሲስ ሄኖክ ወልደ-ማርያም

ወዳጆቼ የጥምቀት በዓል በዋለ በማግስቱ የሚከበረው የቃና ዘገሊላ በዓል ይባላል። ይህም በየዓመቱ የቅዱስ ሚካኤል እለት ጥር 12 ይከበራል።

እንደምታውቁት በቃና ዘገሊላ ጌታችን ከእናቱ ከድንግል ማርያም እና ከቅዱሳን ሐዋርያት ጋር አብሮ ወደ ሠርግ ቤት ሄዶ፣ በሠርግ ቤትም የወይን ጠጅ በሚያልቅበት ጊዜ በእመቤታችን ምልጃ ውኃውን ወደ ወይን ለውጦ የመጀመሪያውን ተአምራት አድርጓል።

ጌታችን በቃና ዘገሊላ የመጀመሪያውን ተአምር ያደረገው ወይም ውኃውን ወደ ወይን የቀየረው የካቲት 23 ቀን ነው፡፡ ነገር ግን አባቶቻችን የጥምቀት በዓል የውኃ በዓል በመሆኑ፣ የውኃን በዓል ከውኃ በዓል ጋር ማክበር ይገባል በማለት፣ የካቲት 23 የሚከበረውን የቃና ዘገሊላን በዓል ወደ ጥር 12 አምጥተው እንዲከበር አደረጉ፡፡

ውኃ ወደ ወይን የተለወጠበትን ዕለት ጌታችን በውኃ ከተጠመቀበት የጥምቀት በዓል ጋር ለማገናኘት ወይን አንድ ለማድረግ አስበው የቃና ዘገሊላ በዓል ጌታችን ከተጠመቀበት የጥምቀት በዓል ማግስት ጥር 12 የቅዱስ ሚካኤል እለት እንዲከበር አድርገዋል።

አምላከ ቅዱስ ሚካኤል የዓመት ሰው ይበለን። ቅዱስ ሚካኤል በብርሃናዊ ክንፉ አቅፎ ደግፎ፣ ከመከራ ሥጋ ከመከራ ነፍስ ጠብቆ፣ ለዓመቱ በሰላም በጤና ያድርሰን!

ጥር 12-5-17 ዓ.ም
አዲስ አበባ

በዓለ ጥምቀትን ጌታን ካጠመቀው ከመጥምቁ ቅዱስ ዮሐንስ ጋር አክብረን ውለናል! የዓመት ሰው ይበለን!

https://youtu.be/2xFRZHY1bhs?si=rPCqf7nclH_n4TUy

https://youtu.be/kHUpAI12EwY?si=ZU7txOHg-tHWUqRG

https://youtu.be/-yIQGSLqjtA?si=lHNSbq9mhiakrxUd

https://youtu.be/_b6aiCCj-Bk?si=pI6d6NAVUHrPpmO0

#_ጥር_8_ሐሙስ_ቅድስት_ሥላሴ_በሜቄዶንያ_ይዘከራሉ!

#ረቡዕ_የነበረው_ዝክር_ወደ_ሐሙስ_የተቀየረው_ለእርድ_ተብሎ_ነው

ሼር በማድረግ መልእክቱን አዳርሱልን!

የቅድስት ሥላሴ ልጆች ሐሙስ ጥር 8 ጠዋት 3 ሰዓት የአብርሃሙ ሥላሴ በሜቄዶንያ የአረጋውያንና የአእምሮ ሕሙማን መርጃ ድርጅት ይዘከራል።

በእርግጥ በዓላቸው ጥር 7 ረቡዕ ነው። ረቡዕ ደግሞ ፆም ስለሆነ በየዓመቱ ያስለመድናቸውን በሬዎች ለማረድ እና ለመዘከር እንዲመቸን ብለን ዝክራቸውን ሐሙስ አድርገነዋል። ስለዚህ ጥር 8 በእለተ ሐሙስ ጠዋት 3 ሰዓት ሜቄዶንያ መጥታችሁ የቅድስት ሥላሴን የዝክር በረከት ቅመሱ!

#_ስትመጡ_ከቻላችሁ_ለአረጋውያንና_ለአእምሮ_ሕሙማን ...

❤ ብርድ ልብስ

❤ የአዋቂዎች ዳይፐር

❤ ሞዴስ

❤ የማትጠቀሙበትን ጫማዎች እና ልብሶች

❤ ሳሙናና ሶፍቶች

ይዛችሁልን ብትመጡ ደስ ይለናል!

ሊቀ መልአኩ ቅዱስ ገብርኤል በእለቱ በሰላም ያገናኘን!

#_አድራሻ :- አያት ፍል ወኃ መድኃኔ ዓለም ጸበል ፊት ለፊት!

❤❤❤ ጠሪ የአብርሃሙ ቅድስት ሥላሴ!

https://youtu.be/8jx2K_pCISc?si=CXBC0zwOmno5Ri8t

https://youtu.be/TJRSyvMmGLo?si=-dgY55BsERY-NKl3

https://youtu.be/eJfIb-rdNiw?si=WcNVu4LucSj-G_BO

#_እሑድ_ጥር_4_አገልግሎት_አለን!

#_በአያት_አምስት_ቅዱስ_ዮሐንስ_ቤተ_ክርስቲያን!

ሼር በማድረግ ለወዳጆ አዳርሱ!

የወለላይቱ እመቤት ልጆች የፊታች አርብ የጥምቀት እና የቅብዓ ቅዱስ አገልግሎት አለን።

እንዲሁም እሑድ ጥር 4 በአያት ዮሐንስ ቤተ ክርስቲያን የትምህርተ ወንጌል እና የጠበል ጥምቀት አገልግሎት ይኖረናል መጥታችሁ አገልግሎቱን እንድታገኙ ቤተ ክርስቲያኗ ጥሪዋን ታስተላልፋለች።

❤ #_የትራንስፖርት_መምጫው ፦

#_ከመገናኛ አያት መጥተው ከአያት በቦሌ አራብሳ ታክሲ ተሳፍረው አያት አምስት ሰንሻይን አፓርታማ ጋር ወርደው በባጃጅ ቤተ ክርስቲያኑ ደጅ ይወርዳሉ

#_ከቦሌ አያት መጥተው ከዛ የቦሌ አራብሳ ታክሲ ተሳፍረው ሰንሻይን አፓርታማ ጋር ወርደው በባጃጅ ቤተ ክርስቲያኑ ደጅ ይወርዳሉ

#_ከቃሊቲ፣ ከቱሉ ዲምቱ፣ ከኮዬ ፈጬ የምትመጡ አያት ወርዳችሁ ከአያት የቦሌ አራብሳ ታክሲ ተሳፍራችሁ አያት አምስት ሰንሻይን አፓርታማ ዳር ወርዳችሁ በባጃጅ ቤተ ክርስቲያኑ ደጅ ትወርዳላችሁ

#_ከለገ_ጣፎ አያት መጥታችሁ፣ ከአያት የቦሌ አራብሳ ታክሲ ተሳፍራችሁ አያት አምስት ሰንሻይን አፓርታማ ጋር ወርዳችሁ በባጃጅ ቤተ ክርስቲያኑ ደጅ ትወርዳላችሁ

ከጎሮ አያት መጥታችሁ ከአያት አያት አምስት ሳንሻይን አፓርታማ ጋር ወርዳችሁ በባጃጅ ቤተ ክርስቲያኑ ደጅ ትወርዳላችሁ

#_በግል_መኪና የምትመጡ ከየትኛውም አቅጣጫ አያት አምስት ሰንሻይን አፓርታማ ደርሳችሁ በመግቢያው ታጥፋችሁ ቀጥታ ቤተ ክርስቲያኑ ደጅ ትደርሳላችሁ።

❤ #_የጌታ_ልደት_እና_የእመቤታችን_ደስታ! ❤

❤ #_እመቤቴ_ሆይ_እንኳን_ጌታን_ወለድሽልን_እናመሰግንሻለን!

በቀሲስ ሄኖክ ወልደ-ማርያም

ሼር በማድረግ ለወዳጆ አዳርሱ!

ተወዳጆች ሆይ የተስፋው ቃል ኢየሱስ ክርስቶስ አስቀድሞ ለአዳም በገባለት ቃል መሠረት ትንቢቱን በነብያት እያስነገረ ለዘመናት ቢቆይም የጊዜው ጊዜ ሲደርስ የትንቢት ቃል መዳረሻ፣ የትውልዱ የነፍስ ዕንባ ማበሻ ከሆነችው ከድንግል ማርያም ታህሳስ 29 ቀን ተወልዷል፡፡

ይህ አስደናቂ ቀን ዘመን የማይቆጠርለት ጌታ ዘመን እንዲቆጠርለት፣ በኃጢአት የጨለመው ዓለም የፅድቅ ብርሃን ያየበት፣ ረቂቁ መለኮት በሥጋ ግዘፍ የታየበት፣ ሰውና እግዚአብሔር ታርቀው መላእክት የዘመሩበት፣ የቀራንዮ የእለተ አርብ የድህነት መሠረት የተጣለበት፣ የእርግማን ኃይሎች የደነገጡበት፣ የሰው ልጆች ከዲያቢሎስ ባርነት ነፃ የወጡበት በተለይ የሰው ልጅ ሰማያዊ ክብር በእመቤታችን በኩል የተመለሰበት ድንቅ ቀን ነው፡፡
ምክንያቱም

የዘመናት ባለቤት በዘመን ተወስኖ ኃያሉ ፈጣሪ ፍጡር በሆነችው በ15 ዓመት ብላቴና ማህፀን አድሮ መወለዱ እጅግ ግሩም ነው፡፡ ፈጣሪ ሁሉን ቢያደርግ ከሃሊ ነውና ይቻለዋል፡፡ በዚህ ቀን ጌታችን ብርሃነ ልደቱን ከመግለጹ ባሻገር የእመቤታችንም ክብር የተገለጠበት ታላቅ ቀን ነው፡፡

እመቤታችን ፈጣሪን ወልዳ የፈጣሪ እናት የተባለችበት፣ መለኮትን በሥጋ ወልዳ ማህደረ መለኮት የተባለችበት፣ አምላክን ወልዳ እመ አምላክ የተባለችበትና ልዩ ክብር ያገኘችበት እለት ነው፡፡

በዚህ በልደት ቀን በዘባነ ኪሩብ የሚቀመጥ ጌታ በእመቤታችን ጭን ላይ መቀመጡ፣ በክንዷ መታቀፉ፣ እንደ ማንኛውም ሕፃን ጡቷን መጥባቱ እጅጉን ያስገርማል፡፡ ለዚህም ነው ቅዱሳን መላእክት በመገረምና በመደነቅ የቤተልሔምን ዋሻ ከበው ጌታን ከእናቱ ጋር ያመሰገኑት፡፡

ወዳጆቼ አንድ ወላድ የልጇን የልደት ቀን ስታከብር ደስታው የራስዋ ነው፡፡ በመለኮታዊ ባሕርይው የአብ ልጅ፣ በሰውነቱ የድንግል ማርያም ልጅ የሆነውን ጌታችንን ስትወልደው ደስታው ከእሷ ባሻገር ለዓለሙ በሙሉ ነው፡፡ ለዚህም ነው አባ ጊዮርጊስ ‹‹ክርስቶስ ግን ያለ ዘር ያለ ሩካቤ ከድንግል ተወለደ ለሁሉ የሚረባ የሚጠቅም ሆነ›› ያለው፡፡

በመቀጠል በአግራሞት ‹‹የአዳምን መርገመ ሥጋና መርገመ ነፍስ ያጠጠፋሽለት እመቤታችን ሆይ የማይመረመር ረቂቅ ምስጢር ባንቺ ተደረገ፡፡ እሳትና ውኃም በአንድነት ተስማምተው መኖራቸው ድንቅ ነው፡፡ የሚያስፈራውንም የአንበሳ ደቦል ፀአዳ በግዕት በክንዷ መታቀፏ እጅግ ድንቅ ነው፡፡ ከድንግልም ብላቴና ጡቶች ወተት መፍሰስ እጅግ ድንቅ ነው፡፡ በበረትም ለድሆች ልጅ የሰማይ ሠራዊት መስገድ እጅግ ድንቅ ነው፡፡ የተመረጠች ድንግል የሰማዩን ሠራዊት አሰገደቻቸው›› በማለት ይገልጻል፡፡

ብዙዎቻችን በዓለ ገናን ስናከብር እመቤታችንን ‹‹እንኳን ጌታን ወለድሽልን›› ብለን በልዩ ክብር አናዘክራትም፡፡ በበዓለ ገና ሁለት አስደናቂ ነገሮችን እናያለን፡፡ አንደኛ መለኮት የሆነው ጌታ ቃል ሆኖ፣ ሥጋ ማርያምን ለብሶ ወደዚህ ዓለም ለድህነት መምጣት ሲሆን ሁለተኛ ያ ቃል ሥጋ ለብሶ ግዘፍ ነስቶ የእመቤታችንን ማህተመ ድንግልናዋን ሳይፈታ በረቀቀ ጥበቡ መወለዱ ነው፡፡

አባ ጊዮርጊስ እኛን ስላልጠቀሙ ሦስት ልደታትን ተናግሯል፡፡ በአራተኛው የበጎ እረፍት እንዳገኘ ጽፏል፡፡ እነሱም አባታችን አዳም ከድንግል መሬት የተወለደው በተፈጥሮ መሆኑንና እኛን ግን እንዳልጠቀመን፡፡ እናታችን ሔዋንም ከአዳም ግራ ጎን የተወለደችው በተፈጥሮ መሆኑንና እኛን እንዳልጠቀመች፡፡ ቃየልም እንደ ሰው ሁሉ በዘር በሩካቤ ተወልዶ ምንም እንዳልጠቀመን፡፡

እንኳን እኛን እራሱን መጥቀም አለመቻሉንና እነዚህ ሦስቱ ልደታት ለማንም አለመጥቀማቸውንና ግን ጌታችን ያዘር ያለ ሩካቤ በእግዚአብሔር ረቂቅ እሳቤ ከድንግል ማርያም ሲወለድ፣ ለዓለሙ ሁሉ የድህነት፣ የነፃነት እና የብርሃን መንገድ መሆኑን ገልጾልናል፡፡

በተለይ ዜና ልደቱን በመጽሐፈ ምስጢር እንዲህ ሲል ይደነቃል ‹‹ኢሳይያስም ከእሴይ ዘር በትር ትወጣለች፣ ከድንግልም አበባ ይወጣል፣ በእርሱም ላይ የእግዚአብሔር መንፈስ ያርፋል አለ፡፡ እነሆ የእግዚአብሔር በረከት በዳዊት ቤት አለፈች፡፡ የዘይቱ ቀንድ በራሱ ላይ ፈላ፡፡ የመንግሥት በትር ከቤቱ በቀለች፡፡ ከዘሩም እግዚአብሔር የመድኃኒታችንን ቀንድ አነሳልን፡፡ ዳግመኛ ወደ ገሊላ ነገሥታት አፀዶች አልገባም፡፡ የሔሮድስን ሴት ልጅ አልመረጣትም፡፡ ከአይሁድ ነገሥታት ከታላላቆች ሴት ልጅ ይልቅ በእመቤታችን ማህፀን ውስጥ አደረ፡፡

ጌታችን የእመቤታችንን ንፅህናዋን ባየና ደም ግበቷን በወደደ ጌዜም በጽርሐ አርያም እናት ትሆነው ዘንድ ወደ ሰማይ አላሳረጋትም፡፡ ይልቁንም እርሱ ራሱ ከሰማይ ወረደ፡፡ በጠራቢው በዮሴፍ ቤት አደረ፡፡ በዚያ በፅርሐ አርያም ትፀንሰው ዘንድ በኪሩቤል ሠረገላ ላይ አላስቀመጣትም፡፡ ናዝሬት በተባለች በገሊላ ሀገር ሳለች እርሱ ራሱ በማህፀኗ አደረ እንጂ፡፡

ሰው ሲሆን ጌትነቱን አላሳተፋትም፣ ገብርኤልንም ዘጠኝ ወር በማህፀኗ እንድትሸከመው ድንግልን ወደ ሰማይ አምጣት አላለውም፡፡ እርሱ ራሱ በትህትናዋ ተሳተፈ እንጂ፡፡ ከቅዱስ ገብርኤል ጋር ወደ እሷ ወረደ ወደ ችግር ቤት ገባ፡፡ መልአኩም መንፈስ ቅዱስ ባንቺ ላይ ይመጣል ባላት ጊዜ የአምላክ እናት ለመሆን በመንፈስ ቅዱስ ተቀደሰች፡፡ የልዑል ኃይል ይጋርድሻል ባላት ጊዜ አንድ ወልድን በሰማያዊ አባቱ ኃይል ለመሸከም ጸናች፡፡

ይህም ካንቺ የሚወለደው ቅዱስ ነው፡፡ የልዑል ልጅ ይባላል ሲላት ያን ጊዜ ከእርሷ የሚወለደው የእግዚአብሔር ልጅ እንደ ሆነ አስተዋለች፡፡ ሕሊናዋን ወልድ ከአባቱ ጋር ወዳለበት ወደ ፅርሐ አርያም አሳረገች፡፡ እርሱም ዝቅ ብሎ ከሰማያት ወረደ እራሱንም በማህፀኗ ውስጥ አሳደረ፡፡

ዳግመኛ ድንግል ማርያም መልአኩም እንዳልኸኝ ይሁንልኝ አለቸው፡፡ ያን ጊዜ ቃል ከእርሷ ሥጋን ተዋሃደ፡፡ አይታ እንዳትደነግጥ፣ ተመልክታም እንዳትፈራ ሰው በሆነ ጊዜ ከእርሱ ጋር መንበሩን የሚሸከሙትን አራቱን እንስሳውን አላመጣም፡፡ ይልቁንም በሰማይ ሥርዓት የተጠበቁ ሰማያውያኑን በዚያ ተወ እንጂ፡፡

በዚህም ለቅዱሳን መላእክት የሚረባ ምድራዊት ሥርዓት ሠራ፡፡ በዚያ በሰማይ በአባቱ ቀኝ አለ፡፡ በዚህም በምድር በእናቱ ማህፀን ውስጥ አለ፡፡ በዚያ ብቻውን የሚታይ ኃይል ነው፡፡ በዚህም የማይዳሰስ ኃይል ከሰው ጋር የሚዳሰስ ሆነ፡፡

በዚያ ተሸካሚዎቹ እሳት የተሳለባቸው አራቱ እንስሳ ናቸው፡፡ በዚህም ተሸካሚዎቹ ሰው በመሆን መንገድ የተገቡ አራት ጠባያት ናቸው፡፡ በዚያ ያለ እናት አባት አለው፡፡ በዚህም ያለ ምድራዊ አባት እናት አለችው፡፡ በዚያ ገብርኤል በፍርሃት ይቆማል፡፡ በዚህም ገብርኤል በሐሴት የምሥራች ይናገራል፡፡ በዚያ በጽርሐ አርያም የሚደነቅ ከማይታይ አብ የመወለድ ምስጋና በዚህም በቤተልሔም የሚደነቅ ከድንግል የመወለድ ምስጋና አለው፡፡

በዚያ ከሰማያውያን ካህናት በወርቅ ማዕጠንት የዕጣኑን መዓዛ ይቀበላል፡፡ በዚህም ወርቅና ከርቤን ዕጣንን ከሰብዓ ሰገል ተቀበለ፡፡ በዛ ኪሩቤል እና ሱራፌል ከግርማው የተነሳ ይንቀጠቀጣሉ፡፡ በዚህም ድንግል ማርያም አቀፈቸው ሰሎሜም አገለገለችው፡፡ በዚያ የመብረቅ ብልጭታ በፊቱ ይገላለጣሉ፡፡ የእሳትም ወላፈን ከአዳራሹ ይወጣል፡፡ በዚህም አህያና ላም በትንፋሻቸው አሟሟቁት፡፡

በዚያ የእሳት ዙፋን አለ፤ በዚህም የድንጋይ በረት፡፡ በዚያ የእብነ በረድ የሰማይ ንጣፍ፤ በዚህም የላሞች መጠጊያ በረት፡፡ በዚያ የትጉሃን ስፍራ በሰማያት ያለች ኢየሩሳሌም አለችው፡፡ በዚህም የእንስሳት ጠባቂዎች ማደሪያ በዓት አለው፡፡ በዚያ የዘመኑ ርዝማኔ የማይታወቅ የዳንኤል ሽማግሌ አባት አለው፤ በዚህም የዓመቶቹ ቁጥር በሰው ልጅ አቅም መጠን የሆነ ሽማግሌ ዮሴፍ ተሸከመው፡፡

እመቤታችን ጌታችንን በጽርሐ አርያም ጸንሳው ቢሆን ክብርና ከፍ ክፍ ማለት ለብቻዋ በሆነ፡፡ እኛም በእርሷ ክፍ ማለት ጥቅም ባለገኘን ነበር፡፡ ምክንያቱም በሰማያት የሚደረገውን ምስጢር በምን እናውቃለን? በአርያም ያለውንስ የተሸሸገውን ምን እናያለን?

በኪሩቤል ሠረገላ ላይ ወልዳው ቢሆን ኖሮ መታቀፍን ማን ያይ ነበር? ማንስ አካሉን ይዳስሰው ነበር? በምድር ላይ ባይመላለስ ኖሮ የመጠመቅን ፍለጋ ማን ያሳይ ነበር? አብስ የምወደው ልጄ ይህ ነው እርሱን ስሙት ብሎ በማን ላይ ምስክር ይሆን ነበር? መንፈስ ቅዱስም በነጭ ርግብ አምሳል በማን ላይ ይወርድ ነበር?

የሥላሴ አካል ባይገለጥ በማን ስም እንጠመቅ ነበር? ስለዚህ ደቀ መዛሙርቱ ወደ ዓለም ዳርቻዎች ሄዳችሁ አስተምሩ፤ ስታጠምቋቸውም በአብ በወልድ በመንፈስ ቅዱስ ስም በሉ አላቸው፡፡ አብ ማን ነው? ወልድስ ማን ነው? መንፈስ ቅዱስስ ማን ነው? እንዳይሉ በዮርዳኖስ ወንዝ የሥላሴን አካል ገለጠ፡፡

በሰው መጠን ጎልማሳ ባይሆን በሰው ልጆችም አካል/በእመቤታችን ሥጋ/ ባይገለጥ እኛን ስለማዳን ማን መከራ በተቀበለ ነበር? እነሆ ከሰማይ ትጉሃን ይልቅ የሰው ልጅ ከበረ፡፡ እግዚአብሔር ከእመቤታችን ተወልዶዋልና የተሸከመችውን የድንግል ማህፀን እናመስግን፡፡

ላቀፉት ጉልበቶቿ እንስገድ፡፡ ላሳደጉት ጡቶችዋ እንዘምር፡፡ ለዳሰሱ እጆችዋ እናመስግን፡፡ ለሳሙት ከንፈሮቸዋ እናሸብሽብ፡፡ ከእረኞች ጋር ምስጋና እናቅርብላት፡፡ ከሰብዓ ሰገል ጋር እጅ እንንሳት፡፡ እንደ ዮሴፍ እናድንቅ፡፡ እንደ ሰሎሜ እናገልግላት፡፡

በልደቷ የአዳምና የልጆቹን እንባ ያደረቀች፣ክርስቶስን ወልዳ ነፃነትን ያጎናጸፈች፣ወደ ቀድሞ ለመመለሱ ምክንያት የሆነች፣ ክርስቶስን በመውለዷ በጌታ ልደት የነፍሳችንን ልደት ያከበርንባት በዋጋ የማይከፈለውን ውለታዋ በነፍሳችን እዝነ ልቦና እንደታተመ ይኖራል›› ይለናል፡፡

ተወዳጆች ሆይ የጌታ ልደት የእመቤታችን ደስታ፣ የሰው ልጆች የነፍስ እፎይታ፤ ለዲያቢሎስ የዘመናት የነፍስ ኪሳራ፣ በሲኦል ለታሰሩት የነጻነት ጮራ ነው፡፡ አባ ጊዮርጊስ አሁን በመጽሐፈ ምስጢር ላይ ‹‹ክርስቶስ በማርያም ማህፀን ከማደሩ አስቀድሞ ሰው እንዳልሆነ እወቁ፡፡ ዳሩ ግን ሥጋ ያልለበሰ እሱ በሥጋውያን ሴት ልጅ ማህፀን አደረ፡፡ በወንድ እና በሴት ልማድ ያለመዋለጃ ዘር እንድትጸንስ የሴቶች ልማድ ያልሆነውን ለእናቱ አደረገላት፡፡ ከእሷ ያለ ምድራዊ አባት ይወለድ ዘንድ የተለመደ ያልሆነውን መጸነስ ለራሱ አደረገ፡፡

ወንድምና እህት የሌሉት ለአባቱ አንድ ብቻ የሆነ ወልድ መውለዱ ከመቼ ጀምሮ ነው? ስለ አኗኗሩም እስከ መቼ ድረስ ነው? የማይባል በአባቱ መልክ የተገለጠ የወላጁ ሕልውና ምሳሌነት ብርሃን ነው፡፡ በመለኮት እና በክብር የተካከለ በአኗኗርና በመንግሥትም የተካከለ ነው፡፡ በኃለኛው ዘመን በእሱ በአባቱ በመንፈስ ቅዱስ ፈቃድ ብቸኛ ድንግል ከሆነች የተወለደ ነው›› በማለት በዜና ልደቱ እጅጉን ተገርሟል፡፡

ወዳጆቼ ከሰው በበረት የተወለደ የለም፡፡ በረት ከብት እንጂ ሰው አይወለድበትም፡፡ በበረት ለዛውም አምላክ ተወልዷል፡፡ ጌታ በዚህ ታሪክ ብቸኛ ነው፡፡ እመቤታችን ጌታን በበረት በመውለዷ ባለ ታሪክ ናት፡፡ የሚገርመው የጌታ ልደት የታደሙት እረኞች ናቸው፡፡ እረኛ የሚባለው ከብቱ ከፊት እሱ ከኋላ ሆኖ በመንዳት/በመከተሉ/ ነው፡፡ እረኛ የሚሆነው እውቀት የሌለውና የተናቀ ነው፡፡ በጌታ ልደት የተከበሩት የአይሁድ ሊቃውንት ሳይሆኑ የተናቁ እረኞች ናቸው፡፡ በጌታ ልደት ከሙክራብ የተጠራ ማንም የለም፡፡

ተወዳጆች ሆይ በዚህ በልደት በዓል ጌታ ለእኛ ያለውን ፍቅር እና ክብር እያሰብን በእመቤታችን ወላዲተ አምላክነት እየተገረምን እናት እና ልጅን ልናከብራቸው እንዳቅማችን ልናዘክራቸው ይገባል፡፡

በተለያየ በውጭ አገራት በስደትና በአገር ውስጥ ያላችሁ ወዳጆቼና መላው የኦርቶዶክስ እምነት ተከታዮች መልካም የገና በዓል ይሁንላችሁ፡፡

ታህሳስ 28/4/15 ዓ.ም
አዲስ አበባ

https://youtu.be/NlaK_V-AuOI?si=u0GQbrN136bc8bDl

https://youtu.be/8yiXViU7FsU?si=6TTiaNNA-Ic4YHzf

እሁድ ታህሳስ 27 በአያት ዮሐንስ የነበረን አገልግሎት!

https://youtu.be/g0-NE0sgmEI?si=aK8UQrfXX4lwQUde

https://youtu.be/EfJTuEDJubM?si=BPJYPXR4dqzNFbsT

https://youtu.be/jCWAEVWvt6w?si=n32g-QbsqfXYy9Rb

#_የመጨረሻው_የገና_ፆም_የጠበል_እና_የቄደር_ጥምቀት_ጥሪ!

#_እሑድ_ታህሳስ_27_በአያት_ዮሐንስ_ቤተ_ክርስቲያን

❤ #_አድራሻ :-_አያት አምስት ሰንሻይን አፓርታማ ገባ ብሎ በእመቤታችን_እና በመጥምቁ ዮሐንስ ቤተ_ክርስቲያን!

"ጥሩ ውኃንም እረጭባችኃለሁ እናንተም ትጠራላችሁ" ሕዝቅ 36፥25

"የትኛውንም ኃጢአት ብንሠራ ሁሉም ኃጢአተቶች ከንስሐ በታች ናቸው። ከንስሐ በላይ የሆነ ኃጢአት የለም። የእኛ ኃጢአት ከእግዚአብሔር ቸርነት በላይ አይደለም"

❤ #_ቄደር_ለመጠመቅ_የሚያበቁን_ኃጢአቶች_የትኞቹ_ናቸው?

❤ #_ቄደር_ለምን_እንጠመቃለን?

❤ #_ቄደር_በመጠመቃችን_ምን_ጥቅም_እናገኛለን?

#_የነፍስ_ጉዳይ_ነውና_ሳትቸኩሉ_በደንብ_አንብቡት!

ቀሲስ ሄኖክ ወልደ-ማርያም

#_ሼር_በማድረግ_የነፍስ_ግዴታዎትን_ይወጡ!

የወለላይቱ እመቤት ልጆች እሑድ ታህሳስ 27 ጠዋት 2 ሰዓት በአያት አምስት ሰንሻይን አፓርታማ ጋር ገባ ብሎ ባለው በእመቤታችን እና በመጥምቁ ዮሐንስ ቤተ ክርስቲያን ንስሐ የመስጠት እና የቄደር ጥምቀት እንዲሁም የመደበኛ የጥምቀት አገልግሎት ስላለ መጥታችሁ ንስሐ ግቡ፤ የቄደር ጥምቀት እና ጠበል ተጠመቁ።

የጸሎት መርሃ ግብሩ ካለቀ በኃላ ብትጠመቁ ዋጋ የለውም። ምክንያቱም ለምሳሌ የጸሎቱ መርሃ ግብር ላይ አቡነ ዘበሰማያት 41 ጊዜ ካርያላይሶን 41 ጊዜ እግዚኦ መሃረነ ክርስቶስ ወዘተ እንድትጸልዩ ስለሚሰጣችሁ እነዚህን ጸሎቶች ሳትካፈሉ ሰዓት አርፍዳችሁ ብትመጡ መጠመቅ አይቻልም። ስለዚህ የነፍስ ጉዳይ ነውና ሰዓት ይከበር።

❤ #_ቄደር_ለመጠመቅ_የሚያበቁን_ኃጢአቶች_የትኞቹ_ናቸው?

ቀደር ለመጠመቅ የሚያበቁን ኃጢአቶች ለምሳሌ ረቡዕ ብና አርብ የፍስክ ከበላን፣ ውርጃ ከፈጸምን፣ ከሃይማኖታችን ውጪ ካሉ ሰዎች ጋር ሩካቤ ሥጋ ከፈጸምን፣ በልጅነት እና ካደግን በኃላ ግብረ ሰዶም ከፈጸምን፣ ከእንስሳት ጋር ግንኙነት ካደረግን፣ በልጅነት መሬትን ካወሰብን፣

ከሥጋ ዘመድ ጋር ግንኙነት ከፈጸምን፣ ቅዱስ ቁርባን ተቀብለን በዝሙት ከወደቅን፣ በቅዱስ ቁርባን አግብተን ባል በሚስት ላይ ሚስት በባል ላይ ከዘሞተች፣ ኢ- ሩካቤ ከፈጸምን ማለት ከተፈጥሮ ውጪ የሆኑ ግንኙነቶችን ከፈጸምን፣ የአሕዛብን ምግብ ከበላን፣ ኦርቶዶክስ ሆነን ወደ ሌላ እምነት ገብተን ከተመለስን፣

ለዛር ለጨሌ ለአቴቴ ከገበርን፣ የተገበረውን መስዋዕት ከበላን፣ ጠንቋይ ቤት ከሄድን፣ ዛር አንጋሽ ጋር ከሄድን፣ ግለ ወሲብን ከፈጸምን፣ ሴት የወር አበባዋን ሳትጨርስ ግንኙነት ካደረገች፣ ወንድም የወር አበባ ካልጨረሰች ሴት ጋር ግንኙነት ካደረገ፣ ጫት ሲጋራ ከተጠቀምን ወዘተ ቄደር የግድ መጠመቅ አለብን።

ወዳጆቼ ልብስ በሳሙና ይታጠባል በመጨረሻ በኦሞ ተዘፍዝፎ ይለቀለቃል። በዚህም ጸዐዳ ይመስላል። ንስሐ ኃጢአታችንን የምናጥብበት ሳሙና ነው። ቄደር ደግሞ ኦሞ ነው ያነጻናል።

በተለይ ንስሐ ገብታችሁ ቅዱስ ቁርባን ለመቀበል ያሰባችሁ ቄደር ተጠምቃችሁ ብትቀበሉ መልካም ነው። በንስሐ ያላካተትነው ኃጢአት በቄደር ይነጻልና። እንዲሁም በቄደር ነጽተን ቅዱስ ቁርባን ብንቀበል ይሰምርልናል።

ሌላው ንስሐ ለመግባት አስባችሁ የንስሐ እድሉን ያላገኛችሁ እና ንስሐ አባት የሌላችሁ እሑድ ታህሳስ 27 ጠዋት 2 ሰዓት መጥታች በደብሩ ካህናት ንስሐ መግባት ትችላላችሁ።

የእናንተን ችግር የሚረዱ በተለይ ለካህናት መናገር የምትጨነቁበትንና የምታፍሩበትን ለምሳሌ ግለ ወሲብንና የወሲብ ፊልምን የተመለከቱ ወዘተ ዘመን አመጣሽ ኃጢአትን የሚረዱ ካህናትን ስላዘጋጀን መጥታችሁ በነፃ ንስሐ ግቡ፣ የኃጢአት ሸክምን በእናታችሁ ቤት አራግፉ።

የወለላይቱ እመቤት ልጆች የትኛውንም ኃጢአት ብንሠራ ሁሉም ኃጢአተቶች ከንስሐ በታች ናቸው። ከንስሐ በላይ የሆነ ኃጢአት የለም። የእኛ ኃጢአት ከእግዚአብሔር ቸርነት በላይ አይደለም።

የእኛ ኃጢአት የደም ጠብታ ነው። የእግዚአብሔር ቸርነት ደግሞ ውቅያኖስ ነው። ስለዚህ የደም ጠብታ የውቅያኖስን ውሃ እንደማያደፈርስ ሁሉ የትኛውም የእኛ ኃጢአት የእግዚአብሔርን ቸርነት አይበልጥም። ንስሐ ግቡ ቄደር ተጠመቁ።

ስለዚህ እሑድ ታህሳስ 27 ከጠዋቱ ሁለት ሰዓት በአያት አምስት ሰንሻይን አፓርታማ ጋር ገባ ብሎ በሚገኘው በእመቤታችን እና በመጥምቁ ዮሐንሰሰ ቤተ ክርስትያን ኑ። ከጠዋቱ ሦስት ሰዓት ጸሎቱ ይጀመራል መጥታችሁ ተጠመቁ።

❤ #_የትራንስፖርት_መምጫው ፦

#_ከመገናኛ አያት መጥተው ከአያት በቦሌ አራብሳ ታክሲ ተሳፍረው አያት አምስት ሰንሻይን አፓርታማ ጋር ወርደው በባጃጅ ቤተ ክርስቲያኑ ደጅ ይወርዳሉ

#_ከቦሌ አያት መጥተው ከዛ የቦሌ አራብሳ ታክሲ ተሳፍረው ሰንሻይን አፓርታማ ጋር ወርደው በባጃጅ ቤተ ክርስቲያኑ ደጅ ይወርዳሉ

#_ከቃሊቲ፣ ከቱሉ ዲምቱ፣ ከኮዬ ፈጬ የምትመጡ አያት ወርዳችሁ ከአያት የቦሌ አራብሳ ታክሲ ተሳፍራችሁ አያት አምስት ሰንሻይን አፓርታማ ዳር ወርዳችሁ በባጃጅ ቤተ ክርስቲያኑ ደጅ ትወርዳላችሁ

#_ከለገ_ጣፎ አያት መጥታችሁ፣ ከአያት የቦሌ አራብሳ ታክሲ ተሳፍራችሁ አያት አምስት ሰንሻይን አፓርታማ ጋር ወርዳችሁ በባጃጅ ቤተ ክርስቲያኑ ደጅ ትወርዳላችሁ

ከጎሮ አያት መጥታችሁ ከአያት አያት አምስት ሳንሻይን አፓርታማ ጋር ወርዳችሁ በባጃጅ ቤተ ክርስቲያኑ ደጅ ትወርዳላችሁ

#_በግል_መኪና የምትመጡ ከየትኛውም አቅጣጫ አያት አምስት ሰንሻይን አፓርታማ ደርሳችሁ በመግቢያው ታጥፋችሁ ቀጥታ ቤተ ክርስቲያኑ ደጅ ትደርሳላችሁ

ታህሳስ 23-4-17 ዓ.ም
አዲስ አበባ

❤ #_የትራንስፖርት_መምጫው ፦

#_ከመገናኛ አያት መጥተው ከአያት በቦሌ አራብሳ ታክሲ ተሳፍረው አያት አምስት ሰንሻይን አፓርታማ ጋር ወርደው በባጃጅ ቤተ ክርስቲያኑ ደጅ ይወርዳሉ

#_ከቦሌ አያት መጥተው ከዛ የቦሌ አራብሳ ታክሲ ተሳፍረው ሰንሻይን አፓርታማ ጋር ወርደው በባጃጅ ቤተ ክርስቲያኑ ደጅ ይወርዳሉ

#_ከቃሊቲ፣ ከቱሉ ዲምቱ፣ ከኮዬ ፈጬ የምትመጡ አያት ወርዳችሁ ከአያት የቦሌ አራብሳ ታክሲ ተሳፍራችሁ አያት አምስት ሰንሻይን አፓርታማ ዳር ወርዳችሁ በባጃጅ ቤተ ክርስቲያኑ ደጅ ትወርዳላችሁ

#_ከለገ_ጣፎ አያት መጥታችሁ፣ ከአያት የቦሌ አራብሳ ታክሲ ተሳፍራችሁ አያት አምስት ሰንሻይን አፓርታማ ጋር ወርዳችሁ በባጃጅ ቤተ ክርስቲያኑ ደጅ ትወርዳላችሁ

ከጎሮ አያት መጥታችሁ ከአያት አያት አምስት ሳንሻይን አፓርታማ ጋር ወርዳችሁ በባጃጅ ቤተ ክርስቲያኑ ደጅ ትወርዳላችሁ

#_በግል_መኪና የምትመጡ ከየትኛውም አቅጣጫ አያት አምስት ሰንሻይን አፓርታማ ደርሳችሁ በመግቢያው ታጥፋችሁ ቀጥታ ቤተ ክርስቲያኑ ደጅ ትደርሳላችሁ።

https://youtu.be/Tz7uVDd0qeE?si=pLETZcSYOS_Xw1kj

https://youtu.be/dfnY7ntKJAE?si=GWAXirvZ3bSnTufu

#_ለ_7_ቀን_መንፈሳዊ_ጉዞ_ቱርክ_ደርሶ_መልስ

አስደሳች_መንፈሳዊ_ጉዞ ወደ እመቤታችን መኖሪያ ቤት ኤፌሶን

#_መነሻ_የካቲት_1_ቀን_ቅዳሜ_መመለሻ_የካቲት_8_ቅዳሜ

#_በፈረንጆች_አቆጣጠር_መነሻ_Feb_8_መመለሻ_Feb_15

የቪዛው ፕሮሰስ ከ20 ቀን እስከ አንድ ወር ስለሚፈጅ ቀደም ብላችሁ ተመዝገቡ!

ሦስት ቀን ከእመቤታችን መኖሪያ ቤት በፈለቀው ጸበል የጥምቀት አገልግሎት ይሰጣል!

ሼር በማድረግ ለወዳጆ አዳርሱ!

የወለላይቱ እመቤት ልጆች ሲምባ የሀገር ውስጥ እና ዓለም አቀፍ ጉዞዎችን የሚያዘጋጀውና የሚያስጎበኘው ድርጅት ከኢትዮጲያ አየር መንገድ ጋር በመተባበር ለ 7 ቀን ወደ ታሪካዊቷ ሀገር ወደ ቱርክ መንፈሳዊ ጉዞ አዘጋጅቷል፡፡ በዚህ መንፈሳዊ ጉዞ ፦

1ኛ/ እመቤታችን ከወንጌላዊው ከቅዱስ ዮሐንስ ጋር ለ 15 ዓመታት የኖረችበትን ቤት /ኤፌሶን/

2ኛ/ የሰውን የተቆለፈ ሕይወት የምትከፍተውን ተአምረኛዋ ቁልፏ ማርያምን!

3ኛ/ እመቤታችን ከቅዱስ ዮሐንስ ጋር ለመጀመሪያ ጊዜ ያረፈችበት እና በጸሎቷ ተአምር ያደረገችበት፣ ባሕር የከፈለችበት ቤተ ክርስቲያኗን!

4ኛ/ ጌታችን የተሰቀለበት መስቀል የመሃል ክፍሉ የሚገኝበትን የቅዱስ ጊዮርጊስን አስገራሚ ቤተ ክርስቲያንን!

5ኛ/ ከ1500 ዓመታት በላይ ያስቆጠረውን፣ ንጉሥ እና ጻድቅ የሆነው ቆስጠንጢኖስ ያሳነጸው እና ቅዱስ ዮሐንስ አፈወርቅ ዘወትር ወንጌል ያስተምርበት የነበረውን የቅድስት ሶፍያን ቤተ ክርስቲያንን!

6ኛ/ ገላትያን ፦ ቅዱስ ጳውሎስ ተመላልሶ ወንጌል ያስተማረበትን ቦታ!

7ኛ/ ቅዱስ ጳውሎስ ወንጌል ያስተማረበት እና በጣዖት አምላኪዎች ተቃውሞ የገጠመበትን ቦታ /ኤፌሶን/

8ኛ/ 318ቱ ሊቃውን አርዮስን ያወገዙበትን ቦታ ኒቂያን!

9ኛ/ በዓለማችን ላይ ብቸኛ የሆነው ሙሉ ለሙሉ ከብረት የተሠራውን ቤተ ክርስቲያን

10ኛ/ ፕሪንስስ ደሴት ፦ በኦቶማን ዘመን የኦርቶዶክስ አማኞች የተሰደዱበት እና የስደት ዘመናቸውን ያሳለፉበት እና ሌሎችን መካነ ቅዱሳንን ጨምሮ ቀሲስ ሄኖክ ወልደ-ማርያም የሚያሳዩንና የሚያስጎበኙን ይሆናል፡፡ እንዲሁም ለሦስት ቀን የጥምቀት እና የቅብዓ ቅዱስ አገልግሎት ይሰጡናል፡፡

በነገራችን ላይ ቅዱስ ጳውሎስ ከጻፋቸው አሥራ አራቱ መልእክታት ውስጥ ሁለቱ ማለትም የኤፌሶን መልእክት እና የገላትያ መልእክት ቱርክ ውስጥ ለነበሩት ቀደምት ክርስቲያኖች የጻፈው ነው፡፡

❤ ኤፌሶን ቱርክ ውስጥ በኤጂያን ባሕር ዳርቻ የምትገኝ ከተማ ናት፡፡ ቅዱስ ጳውሎስ በነበረበት ዘመን 360 ሺ ክርስቲያኖች የሚኖሩባት ታላቅ የንግድ ከተማ ነበረች፡፡

❤ ገላትያ ደግሞ በቱርክ ዋና ከተማ ኢስታንቡል ውስጥ ከሰሜን እስከ ደቡብ የሚገኘው ነው፡፡ የገላትያ አብያተ ክርስቲያናት በቅዱስ ጳውሎስ ነው የተመሠረቱት፡፡

❤ #_የጉዞ_ጥቅሉ_የሚያጠቃልለው

- የደርሶ መልስ ቲኬት

- የሆቴል የ 7 ምሽቶች እና የ 8 ቀናት ቆይታ /7 ቀን/

- መጓጓዣ እና የምግብ ወጪዎች

- የጉብኝት ቦታዎች መግቢያ ቲኬት

-_መስተንግዶዎቻቸው በተሟላ የ 4 እና የ5 ኮከብ ሆቴሎች

- ከአሜሪካ፣ ከአውሮፓ እና ከሌሎች ሀገራት የምትመጡ ተጓዦች በዚህ ስልክ ደውላችሁ መረጃ ማግኘት ትችላላችሁ፡፡

- ለበለጠ_መረጃ_ከዚህ_በታች_ባሉት_ስልኮች_ደውላችሁ አናግሩ!

+251911523136

+251116 62 29 22,

+2519 88 38 38 38

+25153 44 40 00

- ሲምባ አስጎብኚ እና የጉዞ ወኪል ድርጅት!

https://youtu.be/XrdFNhwwrRk?si=1CDZBqN51CGWGE5s

https://youtu.be/sQirXu_OqdY?si=09CgTlUbwj4lmuId

https://youtu.be/jx25esM92gM?si=MoaRH1jq8lMVySvR

#_ለ_7_ቀን_መንፈሳዊ_ጉዞ_ቱርክ_ደርሶ_መልስ

አስደሳች_መንፈሳዊ_ጉዞ ወደ እመቤታችን መኖሪያ ቤት ኤፌሶን

#_መነሻ_የካቲት_1_ቀን_ቅዳሜ_መመለሻ_የካቲት_8_ቅዳሜ

#_በፈረንጆች_አቆጣጠር_መነሻ_Feb_8_መመለሻ_Feb_15

የቪዛው ፕሮሰስ ከ20 ቀን እስከ አንድ ወር ስለሚፈጅ ቀደም ብላችሁ ተመዝገቡ!

ሦስት ቀን ከእመቤታችን መኖሪያ ቤት በፈለቀው ጸበል የጥምቀት አገልግሎት ይሰጣል!

ሼር በማድረግ ለወዳጆ አዳርሱ!

የወለላይቱ እመቤት ልጆች ሲምባ የሀገር ውስጥ እና ዓለም አቀፍ ጉዞዎችን የሚያዘጋጀውና የሚያስጎበኘው ድርጅት ከኢትዮጲያ አየር መንገድ ጋር በመተባበር ለ 7 ቀን ወደ ታሪካዊቷ ሀገር ወደ ቱርክ መንፈሳዊ ጉዞ አዘጋጅቷል፡፡ በዚህ መንፈሳዊ ጉዞ ፦

1ኛ/ እመቤታችን ከወንጌላዊው ከቅዱስ ዮሐንስ ጋር ለ 15 ዓመታት የኖረችበትን ቤት /ኤፌሶን/

2ኛ/ የሰውን የተቆለፈ ሕይወት የምትከፍተውን ተአምረኛዋ ቁልፏ ማርያምን!

3ኛ/ እመቤታችን ከቅዱስ ዮሐንስ ጋር ለመጀመሪያ ጊዜ ያረፈችበት እና በጸሎቷ ተአምር ያደረገችበት፣ ባሕር የከፈለችበት ቤተ ክርስቲያኗን!

4ኛ/ ጌታችን የተሰቀለበት መስቀል የመሃል ክፍሉ የሚገኝበትን የቅዱስ ጊዮርጊስን አስገራሚ ቤተ ክርስቲያንን!

5ኛ/ ከ1500 ዓመታት በላይ ያስቆጠረውን፣ ንጉሥ እና ጻድቅ የሆነው ቆስጠንጢኖስ ያሳነጸው እና ቅዱስ ዮሐንስ አፈወርቅ ዘወትር ወንጌል ያስተምርበት የነበረውን የቅድስት ሶፍያን ቤተ ክርስቲያንን!

6ኛ/ ገላትያን ፦ ቅዱስ ጳውሎስ ተመላልሶ ወንጌል ያስተማረበትን ቦታ!

7ኛ/ ቅዱስ ጳውሎስ ወንጌል ያስተማረበት እና በጣዖት አምላኪዎች ተቃውሞ የገጠመበትን ቦታ /ኤፌሶን/

8ኛ/ 318ቱ ሊቃውን አርዮስን ያወገዙበትን ቦታ ኒቂያን!

9ኛ/ በዓለማችን ላይ ብቸኛ የሆነው ሙሉ ለሙሉ ከብረት የተሠራውን ቤተ ክርስቲያን

10ኛ/ ፕሪንስስ ደሴት ፦ በኦቶማን ዘመን የኦርቶዶክስ አማኞች የተሰደዱበት እና የስደት ዘመናቸውን ያሳለፉበት እና ሌሎችን መካነ ቅዱሳንን ጨምሮ ቀሲስ ሄኖክ ወልደ-ማርያም የሚያሳዩንና የሚያስጎበኙን ይሆናል፡፡ እንዲሁም ለሦስት ቀን የጥምቀት እና የቅብዓ ቅዱስ አገልግሎት ይሰጡናል፡፡

በነገራችን ላይ ቅዱስ ጳውሎስ ከጻፋቸው አሥራ አራቱ መልእክታት ውስጥ ሁለቱ ማለትም የኤፌሶን መልእክት እና የገላትያ መልእክት ቱርክ ውስጥ ለነበሩት ቀደምት ክርስቲያኖች የጻፈው ነው፡፡

❤ ኤፌሶን ቱርክ ውስጥ በኤጂያን ባሕር ዳርቻ የምትገኝ ከተማ ናት፡፡ ቅዱስ ጳውሎስ በነበረበት ዘመን 360 ሺ ክርስቲያኖች የሚኖሩባት ታላቅ የንግድ ከተማ ነበረች፡፡

❤ ገላትያ ደግሞ በቱርክ ዋና ከተማ ኢስታንቡል ውስጥ ከሰሜን እስከ ደቡብ የሚገኘው ነው፡፡ የገላትያ አብያተ ክርስቲያናት በቅዱስ ጳውሎስ ነው የተመሠረቱት፡፡

❤ #_የጉዞ_ጥቅሉ_የሚያጠቃልለው

- የደርሶ መልስ ቲኬት

- የሆቴል የ 7 ምሽቶች እና የ 8 ቀናት ቆይታ /7 ቀን/

- መጓጓዣ እና የምግብ ወጪዎች

- የጉብኝት ቦታዎች መግቢያ ቲኬት

-_መስተንግዶዎቻቸው በተሟላ የ 4 እና የ5 ኮከብ ሆቴሎች

- ከአሜሪካ፣ ከአውሮፓ እና ከሌሎች ሀገራት የምትመጡ ተጓዦች በዚህ ስልክ ደውላችሁ መረጃ ማግኘት ትችላላችሁ፡፡

- ለበለጠ_መረጃ_ከዚህ_በታች_ባሉት_ስልኮች_ደውላችሁ አናግሩ!

+251911523136

+251116 62 29 22,

+2519 88 38 38 38

+25153 44 40 00

- ሲምባ አስጎብኚ እና የጉዞ ወኪል ድርጅት!

https://youtu.be/-RN0J7kOla4?si=GtXhVRx-URY8bBKd

https://youtu.be/cmcsQUSbbpo?si=UbZq4AQAfFPjAxpQ

https://youtu.be/p1_CLxvB3uU?si=1hqoGFXP_B021gZV

https://youtu.be/7kis6bMppLs?si=XTTyrQCRx2CKd_By

https://youtu.be/fgo4w6RgwpY?si=2Dwjx55GrvdOVqOa

https://youtu.be/g9HL8yYmZJc?si=itOEXC3fWr9JDmXY

#_ታላቅ_የንግስ_በዓል_ጥሪ_በጎሮ_ቅዱስ_ሚካኤል_ቤተ_ክርስቲያን

#_ነገ_ቅዱስ_ሚካኤልን_ለማክበር_የት_አስባቹሃል?

ሼር በማድረግ ለቅዱስ ሚካኤል ወዳጆች አዳርሱ!

የቅዱስ ሚካኤል ወዳጆች ነገ ህዳር 12 ሊቀ መልአኩ ቅዱስ ሚካኤል ዓመታዊ ታላቅ ክብረ በዓሉ ነው። ስለዚህ ሊቀ መልአኩ ቅዱስ ሚካኤል ነገ በጎሮ ቅዱስ ሚካኤል ቤተ ክርስቲያን በታላቅ ድምቀት ይከብራል።

በእለቱም ታቦተ ሕጉ ወጥቶ ሕዝቡን ይባርካል። ታቦተ ሕጉ ወደ መንበረ ክብሩ ከተመለሰ በኋላ የቅዱስ ሚካኤል የዝክር በረከት በሰፊው ይዘከራል።

ነገ ህዳር 12 ጎሮ ቅዱስ ሚካኤል ቤተ ክርስቲያን መጥታችሁ ቅዱስ ሚካኤል እንድታከብሩ እንዲሁም የቅዱስ ሚካኤልን የዝክር በረከት እንድትቀምሱ ቤተ ክርስቲያኗ ጥሪዋን ታስተላልፋለች!

#_አድራሻ :-

ከየትኛውም አቅጣጫ የምትመጡ ጎሮ አደባባይ ስትደርሱ ወደ ሰሚት/ሰባ ሁለት/ በሚወስደው አስፓልት ትንሽ ዝቅ እንዳላችሁ ቤተ ክርስቲያኑ በስተቀኝ በኩል ይገኛል!

ቅዱስ ሚካኤል በእለተ ቀኑ በደጁ ለበረከት ያገናኘን!

https://youtu.be/UfH0jvBIaOg?si=56Lq77ADRZ34ulUj

https://youtu.be/j8k5hre8Xqc?si=pC1nyR7RhmRpW9Mk

#_ታላቅ_መንፈሳዊ_ጉዞ_ወደ_ቅድስት_ሀገር_ኢየሩሳሌም!

#_የጌታችንን_ልደት_በዓል_በኢየሩሳሌም_ያክብሩ!

ከታህሳስ 26 እስከ ጥር 6 ለ 10 ቀናት!

ሼር በማድረግ ለወዳጆ አዳርሱ!

የወለላይቱ እመቤት ልጆች፣ ሲምባ የሀገር ውስጥ እና ዓለም አቀፍ ጉዞዎችን የሚያዘጋጀውና የሚያስጎበኘው ድርጅት፣ ከኢትዮጲያ አየር መንገድ ጋር በመተባበር ለ 10 ቀናት የጌታችንን የልደት በዓል ለማክበር ወደ ቅድስት ሀገር ኢየሩሳሌም ከታህሳስ 26 እስከ ጥር ቀን ጉዞ አዘጋጅቷል።

ስለዚህ የጌታችንን የልደትን በዓል በኢየሩሳሌም ለማክበር እና ኢየሩሳሌምን ለመጎብኘት ያሰባችሁ ከወዲሁ እንድትመዘገቡ ያሳስባል።

#_የምንባረክባቸው_እና_የምንሳለማቸው_መካነ_ቅዱሳን :-

ጌታችን የተወለደበት ቤተልሔምን፣ የተጠመቀበት ዮርዳኖስን፣ የተሰቀለበት ቀራንዮን፣ ጌታችን ያድርበት የነበረው፣ አባታችን ሆይ ጸሎት እና ነገረ ምጽአቱን ያስተማረበትን፣ ያረገበትን ደብረ ዘይትን፣ ጌታችን የጸለየበት ገዳመ ቆሮንጦን፣ ግርማ መለኮቱን የገለጠበትን ደብረ ታቦርን፣

ጌታችን የተቀበረበት እና እመቤታችን የሰኔ ጎልጎታን የጸለየችበትን ጎልጎታን፣ አስራ አራቱን ምዕራፍን፣ ቅዱስ ገብርኤል እመቤታችንን ያበሰረበትን ቦታ፣ እመቤታችን የተቀበረችበትን ጌቴሴማኒን፣ ቅድስት ኤልሳቤጥ እና እመቤታችን የተገናኙበትን ቦታ፣ እመቤታችን ትቀዳው የነበረውን ውኃ፣ መቋመ ማርያምን፣ ቃና ዘገሊላን፣

ቅዱስ እስጢፋኖስ የተወገረበትን ቦታ፣ የዳዊት መቃብርን፣ ቢታንያ የአላዛር መቃብርን፣ ቤተ ሳይዳን፣ አንቀጸ ብጹአንን፣ ለሐዋርያት መንፈስ ቅዱስ የወረደበት ጽርሐ ጽዮንን፣ ቤተ ምኩራብን፣ የዘኪዎስ ዛፍን፣ ጥብርያዶስን፣ ቀርሜሎስን፣ ቅፍርናሆምን፣ ቤተ ፋጌን፣ የኤልሳን ምንጭ እና ሌሎቹንም መካነ ቅዱሳንን ተሳልመን ጸሎት አድርሰን እንመለሳለን፡፡

ቀሲስ ሄኖክ ወልደ-ማርያም መካነ ቅዱሳኑን ከመጽሐፍ ቅዱስ አንጻር እያስተማሩ ያስጎበኙአቹኋል።

ለበለጠ መረጃ ከዚህ በታች ባሉት ስልክ ደውሉ :-

+251116622922, +251911523136, +251988383838

ሲምባ አስጎብኚ እና የጉዞ ወኪል ድርጅት!

https://youtu.be/QQDEXsjLKPs?si=2XBzCgv7p7T_xBoB

https://youtu.be/MKhc71sxsbU?si=HWxWoVZcnQHGxnXq

https://youtu.be/kobbIxw5J2w?si=JPcsr-utyMcntwCZ

https://youtu.be/aLLsM8hVpXo?si=tGXXIVJy7fGO9VVy

https://youtu.be/j1J6kfvOyck?si=vRC_l_9oASZ7hNlo

https://youtu.be/2m454VZPQWI?si=rRsAvaHXhDMB55AW

https://youtu.be/C4M81PiwIII?si=CpMCjWOVc8AhDOhJ

#_ታላቅ_መንፈሳዊ_ጉዞ_ወደ_ቅድስት_ሀገር_ኢየሩሳሌም!

#_የጌታችንን_ልደት_በዓል_በኢየሩሳሌም_ያክብሩ!

ከታህሳስ 26 እስከ ጥር 6 ለ 10 ቀናት!

ሼር በማድረግ ለወዳጆ አዳርሱ!

የወለላይቱ እመቤት ልጆች፣ ሲምባ የሀገር ውስጥ እና ዓለም አቀፍ ጉዞዎችን የሚያዘጋጀውና የሚያስጎበኘው ድርጅት፣ ከኢትዮጲያ አየር መንገድ ጋር በመተባበር ለ 10 ቀናት የጌታችንን የልደት በዓል ለማክበር ወደ ቅድስት ሀገር ኢየሩሳሌም ከታህሳስ 26 እስከ ጥር ቀን ጉዞ አዘጋጅቷል።

ስለዚህ የጌታችንን የልደትን በዓል በኢየሩሳሌም ለማክበር እና ኢየሩሳሌምን ለመጎብኘት ያሰባችሁ ከወዲሁ እንድትመዘገቡ ያሳስባል።

#_የምንባረክባቸው_እና_የምንሳለማቸው_መካነ_ቅዱሳን :-

ጌታችን የተወለደበት ቤተልሔምን፣ የተጠመቀበት ዮርዳኖስን፣ የተሰቀለበት ቀራንዮን፣ ጌታችን ያድርበት የነበረው፣ አባታችን ሆይ ጸሎት እና ነገረ ምጽአቱን ያስተማረበትን፣ ያረገበትን ደብረ ዘይትን፣ ጌታችን የጸለየበት ገዳመ ቆሮንጦን፣ ግርማ መለኮቱን የገለጠበትን ደብረ ታቦርን፣

ጌታችን የተቀበረበት እና እመቤታችን የሰኔ ጎልጎታን የጸለየችበትን ጎልጎታን፣ አስራ አራቱን ምዕራፍን፣ ቅዱስ ገብርኤል እመቤታችንን ያበሰረበትን ቦታ፣ እመቤታችን የተቀበረችበትን ጌቴሴማኒን፣ ቅድስት ኤልሳቤጥ እና እመቤታችን የተገናኙበትን ቦታ፣ እመቤታችን ትቀዳው የነበረውን ውኃ፣ መቋመ ማርያምን፣ ቃና ዘገሊላን፣

ቅዱስ እስጢፋኖስ የተወገረበትን ቦታ፣ የዳዊት መቃብርን፣ ቢታንያ የአላዛር መቃብርን፣ ቤተ ሳይዳን፣ አንቀጸ ብጹአንን፣ ለሐዋርያት መንፈስ ቅዱስ የወረደበት ጽርሐ ጽዮንን፣ ቤተ ምኩራብን፣ የዘኪዎስ ዛፍን፣ ጥብርያዶስን፣ ቀርሜሎስን፣ ቅፍርናሆምን፣ ቤተ ፋጌን፣ የኤልሳን ምንጭ እና ሌሎቹንም መካነ ቅዱሳንን ተሳልመን ጸሎት አድርሰን እንመለሳለን፡፡

ቀሲስ ሄኖክ ወልደ-ማርያም መካነ ቅዱሳኑን ከመጽሐፍ ቅዱስ አንጻር እያስተማሩ ያስጎበኙአቹኋል።

ለበለጠ መረጃ ከዚህ በታች ባሉት ስልክ ደውሉ :-

+251116622922, +251911523136, +251988383838

ሲምባ አስጎብኚ እና የጉዞ ወኪል ድርጅት!

https://youtu.be/HQjz_1yRbnQ?si=smv2E-BUBXy_vOKg

https://youtu.be/24-V3lkbmQE?si=ORp8ax7VJ93DCebe

#_ቶሮንቶ_ካናዳ_በሰላም_ገብቻለሁ!

በአሜሪካ በሎስ አንጀለስ ከተማ የነበረኝን የአንድ ወር አገልግሎቴን ጨርሼ ካናዳ ገብቻለሁ!

ስለ ሁሉም ነገር የወለላይቱ እመቤት ልጅ ኃያሉ መድኃኔ ዓለም ክብር ምስጋና ይድረሰው!

ቀሲስ ሄኖክ ወልደ-ማርያም

ቶርንቶ ካናዳ!

https://youtu.be/n82GGVceFJo?si=v1dYMwVBYl0pSwgX

https://youtu.be/iTDs4opdNtY?si=Grd3oxnqu4TH-I7M

https://youtu.be/mHQ3A21Tc80?si=2mX7xDkZpd_qw_y_

https://youtu.be/Ae278wnscJw?si=mllWt2T1V7uVKn3a

https://youtu.be/r36vXGjWJ70?si=A_yDTDP97FN4_bNH

https://youtu.be/f7mZWhcCl9c?si=kCrAyBlWXpUkx6gf

ለስም አጠራሩ ክብር ምስጋና ይድረሰውና ጌታችን ምድኃኒታችን ኢየሱስ ክርስቶስ ለሰማዕቷ ለትውልድ የሚተላለፍ የዘላለም ቃል ኪዳን ገብቶላታል፡፡ መታሰብያዋን ያደረገ ስሟን የጠራ፣በስሟ ቤተ ክርስትያን የሠራ፣የተራበውን በስሟ ያበላ፣የተጠማውን በስሟ ያጠጣ፣የገድሏን መጽሐፍ የጻፈውን፣ያጻፈውን፣ያነበበውን፣የተረጎመውን፣ሰምቶም በልቡ ያኖረውን፣የልቡን መሻት እንደሚፈጽምለት እና በመንግስተ ሰማያት እንደ እርሷ የክብር አክሊል እንደሚያቀዳጀው፤ሥዕሏን አሥሎ በክብር በቤቱ አስቀምጦ ሽቶ እየረጨ ቢጸልይበት ጸሎቱ እንደሚሰማና ልብን የሚመስጥ ጣፋጭ የሆነ መዓዛ እንደሚያሸተው፣ወንድ ልጁንና ሴት ልጁን በስሟ የሰየመ በመንግስተ ሰማያት የበለጠና የከበረ ስም እንደሚሰጣቸው፣ዕጣን፣ስንዴና መብራትን፣ልብሰ ተክህኖ፣መጋረጃ ቢሰጥ በሞቱ ቀን የብርሃን ልብስ እንደሚለብስ፣ያለ ወቀሳ ያለከሳ ባህረ ሲኦልን ተሻግሮ መንግስቱን እንደሚወርስ ቃል ኪዳን ገብቶላታል፡፡

፨ ሰማዕቷን ከሌሎች ቅዱሳን ልዩ የሚያደርጋት ታሪክ ፨

በግብጽ አገር አርባ ዓመታት የነገሠ ባለ 12 ክንፉ ብጹአዊ አቡነ ሙሴ የሚባሉ ታላቅ ጻድቅ አሉ፡፡ እኝህ ጻድቅ ከንግስና ወደ ምንኩስና የተሸጋገሩ መንፈሳዊ አርበኛ ናቸው፡፡

ታድያ እኝህ ጻድቅ የቅዱሳን፣የሰማዕታትን ዓጽም እሰበሰቡ ደግላቸውን እያጻፉ፣ቤተ ክርስትያን በመስራት፣ታቦታቸውን በማክበር፣በበዓላቸውም ቀን ይቀድሱ ነበር፡፡

ከእለታት አንድ ቀን ታቦት ለማሰናዳት፣ሜሮን ለመቀባት ወደ ቤተ መቅደስ በገቡ ጊዜ በወርቅ የተለበጠ እና በላዩ በሮማይስጥና በጽርዕ ቋንቋ የብጽዕት ቅድስት አርሴማ ስም የተጻፈበት አንድ ጽላት ያገኛሉ፡፡ ያን ጊዜ የቅዱሳንን ስማቸውን አሰቡ፡፡ የገድላቸውንም ዜና መረመሩ፡፡ ግን የቅድስት አርሴማን ግድልና የሞቷን ዜና አላገኙም፡፡ ስለዚህም ነገር በምን ዘመን ሰማዕት እንደሆነች እና የሰማዕትነቷን ሥራ ያስረዳቸው ዘንድ ወደ እግዚአብሔር በጸሎት አመለከቱ፡፡

ያን ጊዜ የእግዚአብሔር መልአክ ለአቡነ ሙሴ ተገልጦ ‹‹ብጽአዊ ሙሴ ሆይ የብጽእት አርሴማን ሥራ እነግርህ ዘንድ ስማ፡፡ ይህቺ ሰማዕት ገና አልተጸነሰችም፣አልተወለደችም፤በወርቅ ዓምድ በሕይወት መጽሐፍ ስሟ ተጽፏል እንጂ፡፡ ነብዩ በመጽሐፍ ውስጥ ሁሉ ይጻፋል እንዳለ እርሷም በኋለኛው ዘመን ሰማዕት ትሆናለች፤በዓለም ዳርቻ ሁሉ የገድሏ ዜና ይታወቃል፡፡

ተአምሯ የሚነገረው በኢትዮጲያ ነው፡፡ ስለዚህ ከዚህ ጊዜ ጀምሮ የብጽዕት ቅድስት አርሴማን የስም መታሰብያ መጥራት አትተው፡፡ ጽላትዋም ከአንተ ጋር ይኑር፡፡ የመቅደስዋም ህንጻ በህንጻህ ቦታ ጎን ይኑር፡፡ ስምህ በተጠራበትም የስሟ መታሰብያ ይጠራል›› ብሎ መልአኩ ወደ ላከው እግዚአብሔር ተመለሰ፡፡

አቡነ ሙሴም የእግዚአብሔር መልአክ እንዳዘዛቸው አደረጉ፡፡ ሰማዕቷም ገና ሳትወለድ በፊት እንደ እመቤታችን በእግዚአብሔር ህሌና ታስባ ትኖር ነበር፡፡ እኛም እንደ እንደ ጻድቁ አቡነ ሙሴ በሰማዕቷ ጸሎት እና ቃል ኪዳን ልንጠቀምባት ይገባል፡፡
ተወዳጆች ሆይ ቅዱስ ጳውሎስ ‹‹እንግዲህ ምን እላለሁ? ስለ ጌዴዮንና ስለ ባርቅ ስለ ሶምሶም ስለ ዮፍታሔ ስለ ዳዊትና ስለ ሳሙኤልም ስለ ነብያትም እንዳልተርክ ጊዜ ያጥርብኛልና›› ነው ያለው፡፡ /ዕብ 11÷32/ እኔም ስለ እዚች ድንቅ ብርቅ እና ከወርቅ በላይ የከበረች ከአልማዝም በላይ የተወደደች ስለ ሰማዕቷ ለመተረክ ጊዜ ስለማይበቃን እዚህ ላይ ይብቃን፡፡

የሰማዕቷ የቅድስት አርሴማ ጸሎት፣ በረከት ከሁላችን ጋር ይሁን፡፡

በሰማዕቷ በቅድስት አርሴማ ስም ‹‹ሼር›› አድርገው ለወዳጆ ይዘክሩ፡፡

በድጋሚ የተለጠፈ

መስከረም 29/1/17 ዓ.ም
ሎስ አንጀለስ

#_አርሴማ_ቅድስት_ሰማዕት!

#_አጠር_በጠር_ያለ_ታረኳ_እና_አስገራሚ_ቃል_ኪዳኗ!

ሰማዕቷ ቅድስት አርሴማ ከመወለዷ በፊት ፅላት እንደተቀረጸላት ያውቃሉ?

በቀሲስ ሄኖክ ወልደ- ማርያም

ሼር በማድረግ ለሰማዕቷ ወዳጆች አድርሱ!

የወለላይቱ እመቤት ልጆች ሰማዕቷ ቅድስት አርሴማ እግዚአብሔርን ከሚፈሩ ከሚያከብሩ ብሩካን ከሆኑ፤ በጾም በጸሎት በስግደት በትጋት ከሚኖሩ ከአባቷ ከቅዱስ ቴዎድሮስ ከእናቷ ከቅድስት አትናስያና በጥር 6 ቀን የተወለደች ደገኛ የገድል አርበኛ ናት፡፡

በተለይ ስትወለድ ይህ ቀረሽ የማትባል እጅግ መልከኛ እና ግርማዋ የሚያስፈራ ነበር፡፡ እናት እና አባቷም በጾም በጸሎት በስዕለት ስላገኟት እስከ 3 ዓመት ካሳደግዋት በኃላ በእመቤታችን በድንግል ማርያም ስም በተሰራች ቤተ ክርስትያን ታገለግል ዘንድ ሰጧት፡፡ እመቤታችንን 12 ዓመት አገልግላ ያለፈቃድዋ በቤተሰቦችዋ ግፊት በ15 ዓመቷ ዳሯት፡፡ ሰማዕቷ ግን ዓለማዊ ሕይወት ባለመፈለግዋ ወደ ገዳማዊ ምናኔ ህይወት ገብታለች፡፡

በዚያን ዘመን ብዙ ሰማዕታት ያስፈጀ ጨካኙ የሰው አውሬ ካሃዲው ዲዮቅልጥያኖስ መላኳ ውብ የሆነ ብላቴና ድንግል ሴት ሊያገባ ሽቶ በየአገሩ ሁሉ ፈልገው መርጠው ያመጡለት አንድ አሽከሮቹን አዘዘ፡፡

እንግዲህ የሰማቷ አሳዘኝ የመከራ ሕይወት ከዚህ ነው የሚጀምረው፡፡

የዲዮቅልጥያኖስ ሠራዊቶች አርሴማ የምትባል ውብ ሴት በሮሜ በአንድ ገዳም እንዳለች ሰሙ፡፡ አዋቂዎችም የሰማዕቷን ውብ መልኳን ስለው ለንገሡ ለዲዮቅልጥያኖስ ላኩለት፡፡ ንጉሡም ስዕሏን ባየ ጊዜ እጅግ ደስ አለውና በሥጋዊ ጋብቻ አብሯት ሊኖር እንዳሰበ ለመኳንንቱ ነግሮ ለሠርግ እንዲመጡ አዘዘ፡፡

ቅድስት አርሴማ ይህንን በሰማች ባወቀች ጊዜ ከደናግሉ ጋር የንጉስ ድርጣድስ ግዛት ወደ ሆነው አርመንያ አገር ሸሸች፡፡ ንጉስ ዲዮቅልጥያኖስ የከበረች አርሴማን አስፈልጎ ባጣት ጊዜ በአርመንያ እዳለች ሰማ፡፡

ዲዮቅልጥያኖስም ለአርመንያው ንጉሥ ለድርጣድስ ከእሱ ሸሽታ እንደሄደች እና ባስቸኳይ አስጠብቆ እንዲልክላት አዘዘው፡፡ ደናግሉ ይንን በሰሙ ጊዜ ወደ ሌላ ቦታ ተሰወሩ፡፡ ንጉሡም ቅድስት አርሴማን በክብር ያመጧት ዘንድ አዘዘ፡፡ ሰማዕቷም ወደ እርሱ መምጣትን እንቢ ባለች ጊዜ በመሬት እየጎተቱ ወደ ንጉሡ አቀረቧት፡፡

ድርጣድስ የቅድስት አርሴማን ደም ግባት እና ውበት ባየ ጊዜ ድንግልናዋን ሊያረክስ ሽቶ የመንፈስ እናቷን አጋታን አባብላ እሺ ታሰኛት ዘንድ አዘዛት፡፡ አጋታም ወደ ሰማዕቷ ሄዳ ልቧን አስጨከነች እንዲህም አለቻት ‹‹እወቂ ይህ ርኩስ አረሚ እንዳያረክስሽና ሰማያዊ ምሽራሽን ክርስቶስን እንዳትተይ›› ብላ አጸናቻት፡፡

ንጉሥ ድርጣድስም ሰማዕቷን ይዞ ወደ እልፍኝ ሊያስገባት ከአደባባይ መካከል ተነስቶ ድንግል አርሴማ በእጁ ያዛት፡፡ በዚያን ጊዜ በቅድስት አርሴማ ላይ የእግዚአብሔር ኃይል አደረባትና በምድር ላይ ጣለችው፡፡ ድርጣድስም በጦትነት እጅግ የጸና አርበኛ ስለነበር በታናሽ ብላቴና ስለተሸነፈ መኳንንቱ ፊት ስለተዋረደ አፈረ፡፡

ከዚህ በኃላ በሰው አንደበት ለመናገር የሚከብድ መከራና ስቃይ አጸናባት፡፡ ሰማዕቷም ከንጉሡና ከጋሻ ጃግሬዎቹ የሚደርስባትን መከራ በመታገስ በረታች፡፡ ንጉሥ ድጣድስ በሰማዕቷ ላይ የሚያደርሰውን ሥጋዊ መከራ የልቡ ስላልደረሰለት ጡቷን በማስቆረጥ ዓይኗን በወረንጦ በማስወጣት ቢያሰቃያትም ሰማዕቷ ይበልጥ በክርስቶስ ፍቅር ጸናች፡፡ በሚደርስባትም ነገር ደስ ተሰኘች፡፡

ወዳጆቼ እኛ በሚደረስብን ሥጋዊ ህመም ስቃይ መከራ ፈተና እንደሰታለን? አንደሰትም ይልቁንም እናማርራለን፡፡ ምንያቱም የክርስቶስ የመከራ ሕይወት ውስጣችን ስላልገባ ነው፡፡ ክርስቶስ ጋር ለመድረስ መንገዱ፣በአጋንንት እና በሥጋ እየተጎዱ መሆኑን ስለማንረዳ ነው፡፡ ብንረዳም የደስታ እንጂ የመከራ ትከሻ ስለሌለን ነው፡፡ የመከራ ትከሻ ቢኖረንም ትዕግስት ስለሌለን በመከራችን አንጸናም፡፡

በመጨረሻም ንጉሥ ድርጣድስ የሚያደርገውን ሲያጣ አንገቷን በሰይፍ ሊያስቆርጥ ወሰነ፡፡ ከዚህ በኃላ ንጉሥ ድርጣድስ ቡርክት ቅድስት አርሴማን ወደ መገደያ ወንዝ እንዲወስዷትና በዚያም የከበረ ራሷን ይቆርጧት ዘንድ አዘዘ፡፡ ንጉሡም ቅድስት አርሴማን ወታደሮች አንገቷን ሲቆርጧት ያይ ዘንድ ከእርሷ ጋር ወጣ፡፡ ሰማዕቷ በምትገደልበት ትይዩ ከሠራዊቱ ጋር ተቀመጠ፡፡

የእጃቸው ክንድ የበረታ ልባቸው ግን የጨከነ ሮማውያን ወታደሮች ሰይፍ ይዘው ወደ ሰማዕቷ ቀረቡ፡፡ ሰማዕቷ ሞቷ ሰማያዊ እረፍቷ ስለሆነ በደስታ ትመለከታቸው ነበር፡፡ ቅድስት አርሴማም ወታደሮቹን የጸሎት ጊዜ እንዲሰጧት ጠይቃቸው ፈጣሪዋን ካመሰገነች በኃላ ፊቷን ወደ ምስራቅ መልሳ ወገቧን ታጥቃ አንገቷን ከፍ አድርጋ ለሚቆርጧት ታመቻችላቸው ነበር፡፡

ቆራጮች ወታደሮች ከቅድስት አርሴማ ግርማ የተነሳ ደንግጠው ሰይፋቸውን እንደያዙ በምድር ላይ ወደቁ ሰይፋቸውንም ጣሉ፡፡ ሰማዕቷም እያበረታታች ‹‹የታዘዛችሁትን ፈጽሙ›› ትላቸው ነበር፡፡ ወታደሮቹም ‹‹እኛስ ወዳንቺ መቅረብ እና አንገትሽን መቁረጥ አልቻልንም በግንባርሽ ላይ ያለው ትዕምርተ መስቀል አስፈርቶና፤ግንባርሽን ካልሸፈንሽልን አንገትሽን ፈጽሞ ልንቆርጥ አንችልም›› አሏት፡፡

ሰማዕቷም ለወታደሮቹ ፊቴን የምሸፍንበት ቁራጭ ልብስ ወይም ቁራጭ ጨርቅ ስጡኝ አለቻቸው፡፡ እነሱም ቁራጭ ጨርቅ ጣሉላት እሷም ፊቷን ሸፈነች፡፡

ቅድስት አርሴማም ንጉሥ ድርጣድስ እና ሠራዊቱ ሕዝቡም እየተመለከቱ ምስከረም 29 ቀን አንገቷን በሰይፍ ቆረጡ፡፡ ወዳጆቼ እኛን ጌታችን እንደ እነ ቅድስት አርሴማ፣ቅድስት ወለተ ጴጥሮስ፣ቅድስት ፍቅርተ ክርስቶስ ወዘተ አንገታችሁን ተቆረጡልኝ ሰማዕት ሁኑልኝ አላለንም፡፡ ኃጢአትን ከእናንተ ሰውነት ቆርጣችሁ ጣሉት ነው ያለን፡፡

የዝሙትን ፍላጎት ከሰውነታችሁ ቁረጡና ደም አላባ ሰማዕት ሁኑ ነው የተባልነው፡፡ የኃጢአቶችን ተቀጽላ ከሥጋችሁ ላይ ቁረጡና በንስሐ ጻድቅ ሁኑ ነው ያለን፡፡ እንደ ሰማዕታት በደማችሁ ዋጋ ገነት ግቡ ሳይሆን በደሜ ፈሳሽት መንግስቴን ውረሱ ነው ያለን፡፡ እንደ ሰማዕታት ጽኑ መከራን በሥጋችሁ ተቀበሉ ሳይሆን ቅዱስ ሥጋዬን ብሉና የርስቴ ተካፋይ ሁኑ ነው ያለን፡፡ ሰማዕት ሁኑ ሳይሆን በእኔ መስዋዕትነት ዳኑ ወደ መንግስቴ ጎዳና አቅኑ ነው ያለን፡፡ አወይ አለመጠቀማችን እንደ እኛ ያደለው ማን አለ?

ቅድስት አርሴማም በሰይፍ ስትሰየፍ ከአንገቷም ደም፣ውኃ፣ወተትና ማር እንደ ክረምት ነጠብጣብ እየተንጠባጠበ መነጨ፡፡

ደም ከአንገቷ የመነጨው ስለ ሃይማኖትዋ ቆራጥነት ስለ ሞት አለመፍራት እና የጌታችንን መከራ ተሸክማ ሰማዕት ስለሆነች ነው፡፡

ውኃ የፈሰሰው ስለ ብዙ ጸሎትዋ፤ስለልመናዋና የቤተ ክርስትያን መጻሕፍትንና ምስጢራትን ሁሉ ልብ ስለምታደርግ ነው፡፡

ወተት የመነጨላት ስለ ክብሯ ስለ ከፍታዋ እና ንጽሃ ድግልናዋን ስለጠበቀች ነው፡፡

ማር የወረደው ስለሚያስደንቅ የፊቷ ወዝ፣ደም ግባቷ፣ስለ ጣፋጭ የከንፈሯ ቃልና የሰማዕታት ሁሉ እህት ስለሆነች ነው፡፡

ከዚህ በኃላ ብሩህ የሆነ የደመና አምድ ወረደና በላይዋ ጋረዳት፡፡ ወደ ሰማይም እንደ መብረቅ ሳባት፡፡ የቅዱሳን መላእክትም ማህበር ነፍሷን አሳረጓት፡፡ በክብር በእልልታ በዝማሬና በማህሌት ሃሌ ሉያ እያሉ ወደ ሰማያዊት ኢየሩሳሌም አስገቧት፡፡

እርሷ እንደ ሞተች ባወቁ ጊዜ ወታደሮቹ ደናግሉን ሁሉ ጫማቸውን እየበሱ እራሳቸውን ቆረጡ፡፡ ቁጥራቸውም ሰባ ሁለት ነፍሳት ነበሩ፡፡

፨ ቃል ኪዳንዋ ፨

https://youtu.be/et0boa5cm_M?si=7xs6Pvti_DxAzrT1

የጌቻንን የልደት በዓል በቤተልሔም ማክበር የፈለጋችሁ መጓዝ ትችላላችሁ!

ለጌታችን ልደት ወይም ለገና በዓል ኢየሩሳሌም አብራችሁን መሄድ የፈለጋችሁ ተመዝገቡ!

እያለ ይወቅሰናል፡፡ /ፊል 3÷9/

የወለላይቱ እመቤት ልጆች በተአምረ ማርያም ላይ እንደሰማነው በፍጹም ልቡና በፍጹም ሐሳቡ እመቤታችንን ይወዳት የነበረው ኤጲስ ቆጶሱ ደቅስዮስ ቅዱስ ገብርኤል እመቤታችንን ባበሰራት ቀን በዓሏን እንዳከበረና የልደትን በዓል ከማክበር አስቀድሞ 8 ቀን እንደ ጾመና ታህሳስ ሃያ ሁለትን ስለ ፍቅሯ እንዳከበረ ይነግረናል፡፡ ደቅስዮስ የጾመው ከሰባቱ አጽዋማት ውስጥ የለም የአዋጅም አይደለም፡፡ ግን ስለ እመቤታችን ፍቅር ብሎ ጾመ ታድያ ደቅስዮስ ምን አገኘ?

የደቅስዮስን የፍቅር ጾም የወደደችለች እመቤታችን በእጅዋ የከበረ ልብስ ይዛ ተገለጸችለት፡፡ ‹‹በእውነት አገልጋዬ ወዳጄ ደቅስዮስ ሆይ እኔ አመሰግንሃለሁ በአንተም ደስ አለኝ፡፡ ሥራህንም ወደድሁ›› አለቸው፡፡ ወዳጆቼ እመቤታችን በስቶቻችን ተደስታ ይሆን? የስንቶቻችንን ሥራ ወዳልን ይሆን? ‹‹በእኔ ደስ እንዳለህ ገብርኤል የሚባል መልአክ ባበሰረበት ቀን በዓሌን አክብረሃልና ስለ እኔ ሰውን ሁሉ ደስ አሰኝተሃልና እኔም ዋጋህን ልሰጥህ እወዳለሁ፡፡ አንተም በዚህ ዓለም በሰው ፊት እንዳከበርከኝ አከብር ዘንድ እወዳለሁ፡፡ እሷን ትለብስ አንድ ይህችን ልብስ እነሆ አመጣሁልህ፡፡ በላዩም ትቀመጥባት ዘንድ ይህንን ወንበር አመጣሁልህ፡፡ ከሰው ወገን አንድስ እንኳ ይህችን ልብስ ሊለብሳት በዚህችም ወንበር ላይ ሊቀመጥባት አይችልም፡፡ ነገሬን ያፈረሰ እሱን አጠፋዋለሁ›› ብላ ሰጥታው ከእሱ ተሰወረች፡፡

ደቅስዮስ ስምንት ቀን ስለ ፍቅሯ ማንም ያልጾመውን ጾም ጾሞ ለሰው ያልተሰጠ ጸጋ ከእሷ አገኘ፡፡ እኛስ ታላቁን የስደትዋን ጾም ብንጾም ምን እናገኝ ይሆን? እንዴትስ አመስግናን ይሆን? እንዴትስ ደስ ተሰኝታብን ይሆን? በሰው ፊት ጾምዋን ‹‹የፍቃድ ነው›› እያልን ከምናቃልል ለሌሎችም እንዳይጾም የስንፍና ምክንያት ሳንሆን አክብረን ብንጾም እሷም እንደ ደቅስዮስ ባከበረችን ነበር፡፡

ደቅስዮስ በጾሙ ያገኘውን የክብር ልብስና የክብር ወንበር ከእሱ ውጪ ለሚቀመጥበት እና ለሚነካው ሰው መከራ እንደሚመጣበት ተነግሮታል፡፡ እኛም የፅጌ ጾምን ስለ ፍቅሯ በመጾማችን የስንፍና ቃል ለሚናገሩን መከራ ይገጥማቸዋል፡፡ ከዚህ በኃላ አባታችን ደቅስዮስ የዚህ ዓለም አኗኗሩን በተጋድሎ ካበቃ በኃላ እመቤታችን ነፍሱን አቅፋ ከእሷ ጋር በተድላ ገነት አኑራዋለች፡፡

ከደቅስዮስ በኃላ የተሸመው ኤጲስ ቆጶስ እሱ ሳይለፋ ሳይደክም በድፍረት የደቅስዮስን ‹‹ልብስና ወንበሩን አምጡልኝ እኔም ሰው እሱም ሰው›› ብሎ አስመጥቶ በድፍረት ቢቀመጥበት ተቀስፎ ሞቷል፡፡ ኤጶስ ቆጶሱ እንደ አሁኑቹ እንደ እኛ ጾምን የማይሻ ግን በአፍ ብቻ አውርቶ ጸጋን ማግኘት ስለወደደ ሞተ፡፡ ጸጋ ደግሞ እንዲሁ አይገኝም፡፡

ወዳጆቼ እኛም በእመቤታችን በጾምዋ ከምንከራከር ‹‹የፈቃድ ነው›› እያለን ሰንፈን ሰውን ከምናሳንፍ ብንጾም ኖሮ፣ደቅስዮስ የሆነላትን ብንሆንላት ኖሮ እመብርሃን እንደ ደቅስዮስ ስንት ክብር እና ጸጋ ባሰጠችን፣በሰጠችን ነበር፡፡ ውድ የእመቤታችን ልጆች የደቅስዮስ የስምንት ቀን የፈቃድ ጾም ምን ያህል ክብር እንዳሰጠው አያችሁ? እኛማ የስደትዋ መታሰብያ የሆነውን ፅጌ ጾምን አርባ ቀን ብንጾመውማ ምን እናገኝ ይሆን? የሚፈትነን አጋንንት በራቀን፣የተቋጠረብን በእሷ ጸሎት በተፈታልን ነበር፡፡

ግን እዚህ ላይ አንድ ነጥብ ያዙልኝ እንዲህ ስል ፅጌ ጾምን በግሌ የአዋጅ ይሁን እያልኩ ሳይሆን የወዳጅ ይሁን ነው፡፡ ብንጾመው እጅጉን ተጠቃሚና አትራፊዎች ነንና፡፡ መከራ ወደ ምድር የመጣው በጾም ሳይሆን በመብል ነው፡፡ ወፎች የሚያዛቸው ወጥመዱ ሳይሆን ሆዳቸው ነው፡፡ የቻልን በርትተን ብንጾም ብሎም ሱባኤ ገብተን ብንጠይቃት መልስ አናጣም፡፡

አንዳነድ ሰነፎች ‹‹ፅጌ ጾምን ያል ጾመ ችግር የለውም፡፡ በመጾሙም አይጸድቅም ባለ መጾሙ አይኮነንም ›› ይላሉ፡፡ በእርግጥ ልክ ነው፡፡ ግን በእመቤታችን የፍቅር ሚዛን ላይ ተመዝኖ እንደ ገለባ መቅለል እንዳለ መርሳት የለብንም፡፡ እመቤታችን እኛን አገራችንን ብትወድ አስራት አድርጋ ተቀበለችን፡፡ እኛ ግን ለእሷ እንደ ደቅስዮስ መሆን አቃተን፡፡ የፍቃድ ነው እየልን ከመሳነፍ፣ጾመን ጸጋ ብናተርፍ ይሻለናል፡፡

‹‹መብል ለሆድ ነው ሆድም ለመብል ነው፣እግዚአብሔር ግን ይህንንም ያንንም ያጠፋቸዋል›› /1ኛ ቆሮ 6÷12-13/

‹‹ከእመቤታችን በጸሎት መልስ የምናገኝበት ጠቃሚ መንገዶች›› ከሚለው ከቁጥር አንድ መጽሐፌ ተወስዶ ተሻሽሎ የቀረበ፡፡

ጾሙ ለሀገራችን ለቅድስት ቤተ ክርስትያናችን ሰላም የሚወርድበት እኛም አንድ የምንሆንበት ያድርግልን።

አንብበው ሲጨርሱ ልጆችዋ ጽጌ ጾምን ጾመው በረከት እንዲያገኙ ሼር ያድርጉላቸው፡፡

መልካም ጾመ ፅጌ ይሁንልን!

መስከረም 25/1/17 ዓ.ም

ሎስ አንጀለስ

#_የፈቃድ_ጾም_እያልን_ያልተጠቀምንበት_ፅጌ_ጾም

#_ፅጌ_ጾም_ብንጾም_እመቤታችን_እጅግ_ትወደናለች

በቀሲስ ሄኖክ ወልደ-ማርያም

ሼር በማድረግ ለወለላይቱ ልጆች አዳርሱ

የወለላይቱ እመቤት ልጆች በቅድሚያ እንኳን ለእናታችን ለእመቤታችን የፅጌ ጾም አደረሰን፡፡ ፅጌ ጾም የምንለው በአጭሩ የእመቤታችን የስደት ጊዜ ማለት ነው፡፡ ይህም ከመስከረም 26 እስከ ህዳር 6 ቀን ያለው ነው፡፡ ስደት ሲነሳ ሐዋርያት በወንጌል የተነሳ ተሰደዋል፣ሞተዋል፡፡ ቅዱሳን ስለ ክርስቶስ ፍቅር በየገዳሙ ተሰደዋል፡፡ እነዚህና ሌሎችም ስለ ስሙና በስሙ ምክንያት ሲሰደዱ የእመቤታችን ስደት ግን ልዩ ነው፡፡ ተወዳጅ ልጅዋን ቅዱስ አማኑኤልን ይዛ ነው የተሰደደችው፡፡ ቅዱሳን በአምላካቸው ስም ሲሰደዱ እመቤታችን ደግሞ አምላክን ይዛ ተሰዳለች፡፡

እመቤታችን የተሰደደችው ምድራዊ ንጉስ ሄሮድስን ፈርታ ሸሽታ አይደለም፡፡ እሷማ ይዛው የተሰደደችው ሰማያዊ ንጉስ የሆነውን ሄሮድስን በዓይኑ እይታ ብቻ ከምድረ ገጽ የሚደመስስ አልፋና ኦሜጋ ኢየሱስ ክርስቶስን ይዛው ነው፡፡ ደግሞም እናውቃለን ልጅዋ ሐናንያና ሰጲራን ሳይመታ የጣለ ነው፡፡ /የሐዋ 5÷1-10/ ምናልባት ከእነሱ በኃላ ይሆና ሰው ሳይመታ መውደቅ የጀመረው፡፡

ስድት የማይገባት የእኛ እናት ወላዲተ አምላክ የእኛን የኃጢአተኞችን ፈንታ ተሰደደች፡፡ እመቤታችን በመሰደድዋ ከገነት እንድንሰደድ ያደረገን ሰይጣንን አሳደደችው፡፡ እመቤታችን በስደትዋ ወቅት በቀላሉ የማይነገር ከሕሊና በላይና ልብ ሰማሪ መከራ ተቀብላለች፡፡ በዚህም ስደትን ተሰዳ ባርካ ሰጥታናለች፡፡ በተለይ በውጭ አገር ያላችሁ ወንድም እህቶቼ በስደታችሁ መከራ ሲገጥማችሁ ስደትን ከእናንተ በበለጠ የእግር ጥፍራ እስኪነቀል ሀገር ለሀገር የተሰደደችውን እመቤታችንን እያስታወሳችሁ ተጽናኑ በነገሮች ሁሉ እንድትረዳችሁ ተማጸኗት፡፡

ተወዳጆች ሆይ አሁን ስለ ስደት ለማውራት ሳይሆን በስደትዋ ምክንያት ታስቦ ስለሚጾመው ስለ ፅጌ ጾም ነው፡፡ በመሠረቱ ጾም ጾም ሲባል መጾሙ ላይ እንጨቃጨቃለን መብላቱ ላይ ግን እንስማማለን፡፡ ይህ የሚሆነው ለነፍሳችን ሳይሆን ለሥጋችን ስለምናደላ ነው፡፡ ለስንት ዘመን ስንበላ የከረምነው ዓሳ ‹‹ይበላል አይበላም›› እያልን የምንጨቃጨቀው የመጾም ሳይሆን የመብላት ፍላጎታችንን ፍንትው አድርጎ የሚያሳይ ነው፡፡ ለዚህም ነው የዓሳ ጉዳይ ሐሳብ ሆኖብን ጎራ በመለየት በመብላት የተጠመድነው፡፡

ወዳጆቼ ይህ ችግራችን ገፍቶ በገና ጾም ቅበላ ላይ ገና ጾም የሚገባው ‹‹ህዳር 14 ነው አይደለም ህዳር 15 ቀን ነው የሚገባው›› እያልን የምንወዛገበው አንዱ የመብላት ፍላጎት ማሳያችን ነው፡፡ ብቻ ጾም ሲነሳ ጻር የሚሆንብን ሥጋን ለመብላት ካለን ሥጋዊ ፍቅር እንጂ ሌላ አይደለም፡፡

እውቀትና ጥበብ እንጂ ሃይማኖት የሌላቸው የሰለጠኑት ምዕራባውያን እና ሌሎች ሀገራት ሥጋ ለሥጋችሁ ስጋት ነው ያስረጃል፣ጤና ይነሳል እያሉ በሚዲያ እያስተማሩ ብሎም እያስጠነቀቁ ሕዝባቸውን አትክልት ተመጋቢ ሲያደርጉት እኛ በሃይማኖት የምንኖረው ጠንካራ ጿሚ መሆን አቃተን፡፡

አዳም እና ሔዋን በገነት ሲኖሩ ይመገቡት የነበረው ሥጋ ሳይሆን አትክልት እና ፍራፍሬ ነው፡፡ በየትኛውም መጽሐፍ በገነት ሥጋ በሉ የሚል ተጽፎ አናገኝም፡፡ ይልቁንም ከገነት ከተባረሩና ወደዚህ ምድር ከወደቁ በኃላ ነው ሥጋን የበሉት፡፡ ከዚያን ጊዜ ጀምሮ ሥጋ ከበደል በኃላ የመጣ የሰው ልጆች ምግብ ሆነ፡፡

አንዳንዶቻችን ስናስተምር ‹‹የጾም ጥቅሙ ሥጋን ለነፍስ ለማስገዛት እንጂ ለሌላ አይደለም፡፡ ሥጋህን ከገዛህ በጥቂቱ ጾመህ ብትበላ ችግር የለውም›› እያልን የራሳችንን የጾም ድክመት ለሰዎች እያሳየን በጾም ሕይወት እንዳይጠነክሩ እናደርጋለን፡፡ አባቶቻችንና እናቶቻችን በየገዳሙ ከሚገባቸውና ከመጠን በላይ የሚጾሙት ሥጋቸውን ለነፍሳቸው ማስገዛት አቅቷቸው ሳይሆን ጾም ወደ ብቃት ደረጃ ሚያደርሳቸው መንገድ አንዱ መሆኑን ስለሚያውቁና ስለተጠቀሙበት ነው፡፡

አባቶቻችንን ከጾም ትጋታቸው የተነሳ በመጨረሻ ከተፈጥሮ ሕግ በላይ በመሆን እስከ አለመብላት ደረጃ ይደርሳሉ፡፡ በጾም ትጋታቸው ድካማቸው ተቆጥሮላቸው ከመልአክ እጅ ሰማያዊ ህብስትና ጽዋ እየተቀበሉ እስከ መብላት ይደርሳሉ፡፡ እዚህ ደረጃ ላይ የሚደርሱት እንደ እኛ ‹‹አግዚአብሔር የማያውቀው የለም›› እያሉ በመብላት በመጠጣት ሳይሆን በጾም ተወስነው ነው፡፡

ጾም አንዱና ዋኛው የጸጋ መንገድ ነው፡፡ የትኛውንም ገድለ ቅዱሳን ብንመለከት አባቶቻቸን በልተው ሳይሆን ጾመው ነው የበቁት የተሰወሩት፡፡ ለዚህም ነው ጾሞ እንጂ በልቶ የበቃ ቅዱስ እስከ ዛሬ ያልተገኘው፡፡ ምናልባት ከበቁ በኃላ እንደ ፈለጉ ሊበሉ ይችላሉ፡፡

ተወዳጆች ሆይ ብዙዎቻችን እንደለመድነው እንደተማርነውም ‹‹ፅጌ ጾም የፍቅር ጾም እንጂ የአዋጅ ጾም አይደለም›› እንላለን፡፡ ልክም ነው፡፡ ግን ፅጌ ጾም የፍቅር ጾም ከሆነ ለምን በፍቅር አንጾምም? ‹‹አይደለም›› በምትለዋ አፍራሽ አማርኛ በፅጌ ፆም ስንቱ ሳይጠቀምበት ቀረ፡፡ ከሌሎቹ አጽዋማት እያሳነስነው ስንት የእመቤታችን በረከት ቀረብን፡፡ ዛሬ እንኳን በልተን፣ጾም ትተን ቀርቶ ጾመንም ጸልየንም ሰይጣን ከእኛ አልርቅ፣ፈተናችን አልላቀቅ ብሎናል፡፡

እመቤታችን ለእኛ እንደምትሆንልንማ ቢሆኖ ኖሮ ፅጌ ጾምን ብቻ ሳይሆን የተሰደዱትን የሚያረጋጋ ልጅዋን ይዛ መሰደድዋን፣ የተራቡትን የሚመግብ ልጅዋን ይዛ መራብዋን፣የተጠሙትን የሚያጠጣ ልጇን ይዛ መጠማትዋን በአጠቃላይ የእመቤታችንን እንግልት አስበን ከዓመት እስከ ዓመት በጾምን ነበር፡፡ ፅጌ ጾምን በአግባቡ በብንጾም በጾማችንም ፍቅራችንን ብንገልጽላት ከስደትዋ በረከት ተሳታፊ እንሆናለን እሷም የበለጠ ፍቅሯን ጸጋዋን ባሳደረችብን ነበር፡፡

ወዳጆቼ እውነት እንነጋገር ከተባለ ጾመ ነነዌና ጾመ ሐዋርያት የአዋጅ ጾም ነው፡፡ ጾመ ነነዌን የምንጾመው የታላቅዋ የነነዌ ሕዝብ ጾመው የእግዚብሔር መቅሰፍት ስለራቀላቸው እኛ እንደ እነሱ የእግዚአብሔር ቁጣ እንዲርቅልን እንጾማለን፡፡ እነሱ በዳኑት እኛም እንድንድን እነሱን እያሰብን አብነት አድርገን እንጾማለን፡፡ ዛሬ ነነዌ የቀድሞ ስሟና ሃይማኖትዋን ይዛ የምትገኝ አገር አይደለችም በድሮ ታሪኳ እናስባታለን እንጂ፡፡

ቅዱሳን ሐዋርያት ጌታ የወንጌል አገልግሎታውን እንዲባርክላቸው ስለጾሙ እኛም እነሱን አብነት አድርገን ሰኔ ጾምን እጾማለን፡፡ ደስም ይላል እጅግም መልካም ነው ቀኖናም ነው፡፡ ግን ለነነዌ ሕዝብ ከተደረገላቸው ነገር ለእኛ በእመቤታችን በኩል የተደረገልን የመዳናችን ምስጢር እና ውለታ አይበልጥም? በተለይ ለእኛ ለኢትዮጲያውያን፡፡

ቅዱሳን ሐዋርያት ወንጌልን ሰጡን እመቤታችን ደግሞ የወንጌሉን ባለቤት ጌታን ወልዳ ሰጠችን፡፡ ዛሬ ታሪካቸው እንጂ ውለታቸውን የማናውቀውን የነነዌ ሕዝብን ጾም እዚህ አምጥተን በአዋጅ እየጾምን የእናታን የእመቤታችንን የስደትዋ መታሰብያ የሆነውን ፅጌ ጾምን አለመጾማችን ትዝብት አይሆንም?

እባካችሁ ‹‹ፅጌ ጾም የአዋጅ ጾም አይደለም እያላችሁ›› ቀለል አድርጋችሁ ከእመቤታችን በረከት እና ጸጋ አትራቁ፡፡ ምስጢረ ሥጋዌ፣ምስጢረ ቁርባን ስንል በእነዚ ድንቅ ምስጢራት እመቤታችን በዋጋ የማይተመን ሚና አላት፡፡ ለሰው ልጆችም የድህነት ምክንያት ናት፡፡ ይህን ውለታዋን ያወቁ አበው ፅጌ ጾምን በሱባኤ ሲጠቀሙበት እኛ ደግሞ ስንት ችግር እና መከራ ተሸክመን በመብላት እናሳልፋለን፡፡ እንዲህ ላለነው ቅዱስ ጳውሎስ ‹‹ሆዳቸው አምላካቸው ነው፣ክብራቸው ነውራቸው ነው፣አሳባቸው ምድራዊ ነው››

https://youtu.be/eA5aRcsWFSA?si=qsFrl8fK3kfWohEZ

https://youtu.be/PbEEn-IlQr8?si=bYGJsjnoUG9Irj90