#Ona_tilim_faxrim
Kuni kecha 21-oktyabr, O‘zbek tiliga davlat tili maqomi berilgan sana munosabati bilan O‘zbek milliy maqom san’ati markazi Qashqadaryo viloyati hududiy bo‘limi ansambli va Qashqadaryo viloyati musiqali drama teatri hamkorligida “Ona tilim – g‘ururim, faxrim!” deb nomlangan ma’naviy-ma’rifiy bayram tadbiri tashkil etildi.
Ushbu tadbirda Qarshi muhandislik-iqtisodiyot instituti professor-o‘qituvchilari va talabalari ishtirok etdi.
Institut prorektori Azamat Xayriddinov va filologiya fanlari doktori Odil Begimov “Til – millat ko‘zgusi” mavzusida ma’ruza o‘qidi.
Shundan so‘ng buyuk tarixiy siymolarimiz – Alisher Navoiy, Zahiriddin Muhammad Bobur, va Abdulla Avloniylarning ona tilimizni madh etuvchi sahna ko‘rinishlari, shuningdek, milliy mumtoz kuy-qo‘shiqlar tadbirga yanada boylik va mazmun bag‘ishladi.
#Qashqadaryo
Telegram I Instagram | Facebook I YouTube