محمد المراح

قبل خمسة اعوام..
وذات ليلة مشؤومة ، غريباً كنتُ في بلد اخر للدراسة.
حل منتصف الليل ومرت بضع ساعات بعده.
ارقاً كنتُ ليلتها لم تأخذ عيني الرقاد ولا لاق لجفني ان يغمض ،ثم حلت المصيبة .
صديق يرسل لي خبّر الفجيعة ، خبر الغصة والحزن اللوعة.
نَزل عليّ الخبر كصاعقة على حطب فأحاله رماد يذري .
قال لي:
لقد قتل مهندس الانتصار ورفيقه القائد العظيم قاسم .
تابعت الاخبار.
واذا الصدمة تعتريني مرة اخرى ، نعم قتل المهندس ورفيقة .
غصة لا تدانيها غصة ، ولوعة لا تدانيها لوعة، وفجيعة حلت بقلبي واكثر.
كيف يموت الابطال وتشمت الانذال ، وتراكص المهرجين على الجرح، وتقافزوا كالقردة.
حل الصباح والظهيرة واذا صوت خطيب الجمعة يصدح بنعيهم واسمتهم المرجعية قادة النصر.

يشهد الله ما رأيت كتلك الغصة والحزن.
تناثرت اشلائهم وتلك صفة المحاربين الاساطير العظماء.
حملتهم اكف الملايين من العرب والفرس.
طاف بهم الناس في المدن، وصلى عليهم المراجع وابناء المراجع وتزاحم الناس على شرف حمل توابيتهم.
عزة المرجعية بفقدهم وتألمت وابرقت مرجعية النجف الاشرف الى مرجعية قم بفقدهم.
رحم الله شهداؤنا الابرار.
رحم الله المهندس ورفاقه.

الامرُ أشبه بأنّي أريدك أن تعلم ولا اودُ اخبارك.

ولأني رجل شديد الغيرة متطرفاً حتى في الحب ، ملتزم بتقاليد بلادي القديمة ، ستجدني اغار عليك من كل شيء '' كون اظمك جوه گلبي حتى لا يجيسك برد'' حتى ذلك الهواء البارد اعتقد انهُ يسابقني عليك.

انا كـ أي عراقي جنوبي
لا استطيع قول احبچ بسهولة ،
وكلما قررت
القفز علىٰ العادات والتقاليد
لاقولها
خرجت بـ شلونچ شخبارچ؟
لأنُ هواي شلونچ شخبارچ.

أولاد العوائل
وين متكون وبيا معسكر لا تثق الا بإبن العائلة، اللي تشوف علاقته بأبوه وأمه مو زينة وما يفتخر بيهم لا تأمن بي، اللي سيئ الخلق ويه أهله وتحسه يشعر بالنقص منهم لا تأمنله، دوّر على ابن العائلة واشتريه حتى إذا مو نفس أفكارك، واللي نفس أفكارك وتسمعه يهين أبوه (ولو مازحاً) فاحذره وخليه بالمربع الأحمر لأن بأي لحظة ينقلب عدو ويصير علّاس وسيئ جداً، حتى عدوّك إذا ابن عائلة مراح يفتري عليك ولا يكشف أسرارك ولا يتشمت بيك، شخص يسولفلي يكول: قبل سقوط صدام بشهرين تم استدعائي لمعاونية الأمن المشرفة على منطقتنا، چان الضابط مشهداني برتبة رائد، لغاية الآن أتمنى ألتقي بي وأشكره على أخلاقه وأدبه ومواقفه وياي وآني بأضعف حالات حياتي لأن كنت مراقب ومطارد، سألته فد يوم گتله إنت ما تشبه هواي من ضباط الأمن شنو السبب؟ ضحك وگال آني ليهسه ما أدخن گدام والدي وإذا والدي بالبيت صوتي ما أعليه، گتله اختصرت القصة انت إبن أبوك ما عندك نقص تحتاج تسده بأذية الآخرين.

العضوية مُعضلتي الي ما تسقط بالتقادم، ولا تروح بمرور الوقت، ولا تفيدها القراية ، ولا يشفعلها السعي ، مُعضلة صار سنين من علي حسون وطلايبنا وياه، لليوم قاري ٦ ملازم من اصل ٨ ما انجح.
يمكن دكاترة العضوية يدرسونهم بمنهجهم كيفية ترسب اكبر عدد من الطلاب.

اللهي ان كان هذا فخاً فأكشفهُ .

اصبحتُ لاّ أَمْلِكُ الكَلام.
لا أملكُ الحديثِ ، لا املكُ مهاراتي في التصدي لكلّ انواعُ الحوارُ، ضعيفاً بمجرد إن ادخلَ الى المحادثةِ معها، افقدُ ما تعلمتهُ من الكتبِ، والاهلِ، والاصدقاءِ ، والشارعِ ، وكل شيء لا استطيعُ إن اتحدث معها ، بلحضاتِ اجدُ نفسي انهيتُ الحديثِ الذي انتظرها ليومينِ.

لا اعرفُ لِمُا انا ضعيفُ امامها، هل هذا الحب، ام هذا الشغف ، ام قَلّة تجاربُ الحبِ ،او انني حقاً ضعيفاً ولا اعرف الحديثِ ، رغم انني اجادل الجميع يومياً ،وانصح الجميع في اي موضوع من مشاكل الحياةِ.

حقاً مغرم ، متعب بهذا الغرام ، منهك حد الحزن الذي لا اجد شيء يبعدهُ عني سوى المحادثة معها، ان كانت معها بشكل مباشر سوى لارى حروفها وكتابتها، ولا اعلم انها تعلم وتتجاهل او انها لا تعلم وتتجاهل، رغم تيقني انها تتجاهل.

متى سأقول لها احبك، وارى ردة فعلها، لكن اي ردة فعل ، ضحكتها التي اراها يومياً في المحاضرة ، او رفضها والحزن على وجهها رغم انني لم اراها حزينه ابداً.


مقتطفات من حياتي الجامعية.

الشخص الي يلبس ملابس عادية وما يهتم للمظهر ،والي يلبس ملابس قليلة بعز البرد وهو يعرف هو بردان
ميت شعورياً وكلشي ميت بعيونة.
والي يصرف هواي ومتهمه الفلوس ولا يهمه باجر ، والي يسهر الليل كله .
وشكد ميخسر يكول خسرت الاكبر منه وما يهتم .

هذا لتحاولون تلعبون اي دور ضده، اول شيء راح يسوي يصفيكم واحد واحد ، الخسارات الهواي علمته كل رايح ربح، وكلشي يروح منه يعتبره خير اله.

شكد ما يكون طيب وياكم وتشوفون عنده گلب طيب ، ونظيف ومو حقود بس بنفس الوقت راح تشوفه قاسي بأي موقف.
هذا الانسان اما تكون صديق اله حقيقي واستغل حتى المحادثة وياه ، لان هاي اول فرصة منطيها الك ، استفاد من كلشي حتى من تجاربة ، ولا تتذاكى وياه لان راح تخسره وخسارته مو هينه.

اعظم تجربة ممكن يمر بيها الانسان هي خذلان الاصدقاء.

هاي التجربة الي راح تعلمك دروس ما راح تتعلمهن سنين من الكتب ، راح تعلمك حتى تفهم المقابل وطريقة تفكيره، راح تعلمك كلشي بالمقابل، بحيث الثقه العمياء الي جانت عندك بالناس راح تنفقد، بوقتها راح تقييم كل انسان وعلاقتك بي.
رغم صعوبة التجربة ومرارتها بس التجرية الافضل بحياتك ، التجربة الي راح تخلصك من العثرات ، ومن نفاق الناس والضحكة الجذب ، تكوم تعامل كل الناس سواسية ، وتحدد علاقاتك وي كل الناس ، وتشوف كل شخص بعلاقة خاصة.

الشيء الوحيد الي راح تتعلم منه هو التجارب، لا كتاب ولا تنمية بشرية .

الوضع حالياً🥶🥶

نصيحة اليوم .
عيش حياتك ويه الناس على الموقف ، الموقف هو جدير بعلاقتك ويه الناس ، طبعاً اول موقف ما يعجبك حاول تحط علامة(x) على الشخص الي يمشي وياك، ابتعد عنه خلي البيناتكم بس سلام.

الحباة كلها مواقف والانسان بهاي الحياة موقف ، الصداقة موقف ، الاخوة موقف ،العمر موقف ، والعيشة موقف ، والحب موقف ، والموت موقف .

اما تكون صاحب موقف او تعيش عمرك كله ما الك قيمة.

بالله انفسنا ما تحملنا
وكلوبنا تعبت
وعقولنا حايرة شتفكر ، واحنه نشوف شلون السيدة تتسلم لارهاب داعشي وما نكدر نسوي شيء ، الحزن اخذنا والايام صعبة ، تحس الدنيا ما بيها طعم .

السيدة زينب كتب عليها الزمان ان تكون غريبة، بس الغريب احنه ما نكدر نحرك شيء ولا نكدر نقدم شيء .
والله مصيبة وكارثة

وأنتِ تبيعين ثگل ولسه متحبيني😂

من دخلت للجامعة .
صارت تشرين والدنيا نكلبت، وراها كورونا وسنتين ببيوتنا ، وراها التيار الصدري والحكومه، وانوب قضية فلسطين و٧ اكتوبر ، وحرب لبنان والصهاينه ، وايران والمنطقة واليمن والسعودية، واخرها سقوط سوريا بالكامل .

تخيلوا كل هاي الاحداث واني لسه ما متخرج ، يمكن من اتخرج يطلعون ياجوج وماجوج ويوم القيامة .

'' الخائض في اعراض الناس ، مفلس يوم القيامة ، لا قيمة لهُ في الدنيا ، وإن صلى وصام وقام واعتمر ''

حتى البوكمال سقطت والعراق بدت بوادر الحرب بي ، وانتِ لسه متحبيني والله مصيبة

العالم كله راح يسقط ، فلسطين وسوريا ولبنان ، والعراق بالطريق ، والعالم متجه نحو استخدام النووي ، يعني ممكن بأي لحضة يجي صاروخ ونودع ، بأي لحضة نموت بهالوضع وهاي المشاحنات العالمية وانتِ لسه تبيعين ثكل دحبيني من عساكم بصاروخ تايه ما اشوف منكم اثر.

مرات تشكر الله لان انتَ ربيت بعائلة علمتك شلون تتعامل وي الناس ، علمتك شلون تعامل كل واحد بطريقته وتحافظ على اخلاقك واهلك وناسك، تعلمت ما تحقد على احد ، وتحب كل الناس ، تحافظ على كرامتهم رغم هم ما يستحقون احد يعاملهم بالكرامة، تعلمت شلون تاخذ حقك، وشلون تكسر خشم كل واحد يعتدي عليك، واليحاجيك كلمة ترده بعشرة .

هذا المجتمع يريدك تتعلم شلون تتعامل وياه ، البسيط والما متعلم راح يتعثر هواي .

الخميس / 28 نوفمبر

جو غائم جزئي ونهار حافل بالمطر، أجواء لا يكرهها إلا عشاق الصيف الانذال و محبي علي حسون المطرود .

ما بين النوم ، وانا غالق عيني ، سمعتها تقول ، بكل عفوية انا اعشق بغداد ، بقيت نائم لكني اسمع الحديث ، لأول اعشق النوم وانا مستيقظ ، سمعت الحديث الذي يدور ما بينها وبين صديقتها وهي تهمس، ركزت في الحديث اكثر من اي تركيز في حياتي ، وهي تعشق بغداد عشقتها لعشر سنوات قادمة، بغداد السلام ، بغداد الحياة والعالم.
لكنني عشقت بغداد التي تعشقها هي ، نعم بغدادها التي تراها عيناها ، بغداد الجمال والحياة ، لاني على يقين ان عيناها الجميلة لا ترى الا الجمال.

'' فيّ كُل مَرة هَدمتني فيّها الحياة كانَ الله هو من يَبنيني من جديد ، وفي كُل مرة استصعب فيها المواقف كانَ هو من يهونها عليّ، وفي كل مرة زارني فيها القلق كان الله هو من يبعث بقلبي الطمأنينة، وفي كل مرة شعرتُ بالوحدة كانَ يؤنسني بلطفه، وما زلتُ اقلق ويُطمنئني ، انكسرُ ويجبرني، احزن ويسعدني ، استصعب وييسر لي ، اطلب ولا يؤخر عني ، وفوق كُل هذا ما زلتُ اخطأ وما زال يسترني.

لقد كان الله معي وما زال.