GCT2026

مسالخير..
عدد المحاضرات يلي صارت نازلة بالمكتبة:
1-المنتجات: صار نازل 5 غسان و4 منال وهاد كلشي اخدتوه لحد مبارح..❤️
2- اللاعضوية2: صار نازل 3 محاضرات للدكتورة ميسون ومحاضرتين للدكتورة ملك وهاد كلشي اخدتوه باستثناء محاضرة اليوم.
3-الفيزيائية3: صار نازل 9 محاضرات وهاد كلشي اخدتوه لحد اليوم..❤️
4-تحليل الي: نازل 4 محاضرات وهاد كلشي اخدتوه لحد الان.
5-صناعات: الملخصات رح تبلش تنزل ابتداءاً من الاحد باذن الله❤️
6-حديثة: الاحد رح ينزل الجزأ الاول من الملخص مترجم😄
====================================
وهيك منكون عم نوفي بوعدنا الكن بانو ننزل كل المحاضرات اول بأول وما نتأخر بشي اطلاقا💣👌
#هاااام: شرح المواد عكروبات الشرح رح يبلش ببداية الشهر يعني بعد يومين 😌
#فريق_الكيمياء_الخضراء

علامات الجسم الصلب بعد التعديل

مسالخير...
حبينا نشارك معكن جلسات العملي يلي عملتوهن هالاسبوع...
بجلسة المنتجات شرحنالكن كلشي بخص مكونات الحليب من الدسم لمكوناتو للبروتينات ومكوناتها... وحطينالكن طريقة الشغل يلي اشتغلتوها بالمخبر لانو بيجي عليها مسائل واسئلة...وبنهاية الجلسة حطينالكن بعض اسئلة المذاكرات والمسائل يلي اجت السنة الماضية بالمذاكرات...💙
======================
بعملي الصناعات شرحنالكن كلشي معلومات بتخص التجربة يلي عملتوها من معادلات وتعاليل و طرق اجراء المعايرة بنهاية الجلسة حطينالكن مسائل مذاكرات السنين السابقة وعم يتكررو دائما💙
=========================
بعملي اللاعضوية٢ حطينالكن كل التفاعلات المطلوبة ووزناها بطريقة الاكسدة والارجاع مشان تتعلمو كيف توازنو...وطبعا هالمعادلات بيجي منن وحدة بالمذاكرة لهيك درسوهن منيح وتعلمو شلون توازنوهن❤️
===================
بخصوص عملي التحليل الالي نحنا نزلنالكن ملخص شامل للعملي مع الاشتراك فيو شرح مغصل لكل التجارب واسئلة مذاكرات ومسائل عكل تجربة بتجربتا ودراستو كافية ووافية للعملي
#فريق_الكيمياء_الخضراء

مسالخير..
الجلسة الاولى عملي منتجات صارت جاهزة بالمكتبة فيكن بكرا تمرو تاخدوها..💣
الجلسة الاولى لعملي الصناعات صارت جاهزة بالمكتبة فيكن بكرا تمرو تاخدوها..💣
الجلسة الاولى عملي لاعضوية كمان صارت جاهزة وفيكن بكرا تمرو تاخدوها 💣
==========================
رح نشاركن معكن بكرا PDF ونحكيلكن عن طريقة دراستن وكلشي بخصن ❤️
#فريق_الكيمياء_الخضراء

هاد الملف فيو كلشي طلبوه الدكاترة نراجعو قبل عملي الصناعات
بالتوفيق🌝🩷
#فريق-الكيمياء-الخضراء

مسالخير..
حطينالكن ببداية ملخص عملي التحليل الالي مراجعة لقواعد تحضير المحاليل مشان الطلاب يلي عندن ضعف يمشو منيح بالعملي...
الملخص يلي حكينا عنو بكرا فيكن تمرو تاخدوه من المكتبة مع الاشتراك.
#تنوووويه: رجاءاً لا تفوتو الملخص معكن عالمخبر مشان ما تضرونا وتضرو حالكن ❤️
#عملي_اللاعضوية:
رح نزللكن جلسات شاملة للعملي بنهاية كل اسبوع فيكن تمرو تاخدو التجربة يلي عملتوها خلال الاسبوع رح نضيف عليها كلشي اخدتوه بالمخبر وكلشي بيطلبوه من كتاب العملي..
#عملي_المنتجات:
بنهاية كل اسبوع كمان رح ننزللكن الجلسة يلي عملتوها بالمكتبة ورح نضيف عليها تعاليل ونحطلكن بنهايتا مسائل واسئلة مذاكرات السنين السابقة..
#عملي_الصناعات:
رح نزللكن كمان بنهاية كل اسبوع جلسات لتدرسو منن ورح نضيف عليهن مسائل كتير واسئلة مذاكرات هامة ومتوقعة❤️
=============================
#موفقين
#فريق_الكيمياء_الخضراء

مسالخير..
#عملي_التحليل_الالي:
صار وقت اول مفاجأة من يلي عم نحضرلكن ياه لهالفصل❤️😎
نزلنالكن بالمكتبة ملخص #شامل لعملي التحليل الالي (1)، الملخص فيو شرح القسم النظري بشكل سؤال وجواب + القسم العملي مشروح بشكل مفصل جدااااااا مشان تفهمو منيح شو اشتغلنا😚
وبكل تأكيد حطينالكن تحضير المحاليل والنتائج وكلشي حسابات رح تحتاجوها لكل تجربة✅
وبنهاية كل تجربة حطينالكن اسئلة مذاكرات السنين السابقة + مسائل امتحانية عكل تجربة😜
يعني هيك بتدرسو الجلسة واسئلة المذاكرات وبتكونو حطيتو ال30 علامة تبع العملي بجيبتكن🧿✅
#ملاااحظة: الملخص مع الاشتراك للطلاب المشتركين اشتراك ذهبي..
الملخص فيكن يوم الاحد تمرو تاخدوه جاهز ❤️😇
#فريق_الكيمياء_الخضراء

مسالخير..
#عملي_التحليل_الالي:
نوطة الدكاترة صارت جاهزة فيكن بكرا تمرو تاخدوها من المكتبة... النوطة لازم تجيبوها لتحضرو تجربتكن منها عدفتر الفيزيا الكبير.. وتشتغلو منها بقلب المخبر...
#عملي_الصناعات_اللاعضوية1:
نوطة الدكاترة صارت موجودة بالمكتبة فيكن بكرا تاخدوها.. لازم تكون معكن النوطة بالمخبر مشان تشتغلو منها..
#عملي_المنتجات:
اوراق الدكاترة صارو موجودين بالمكتبة وجاهزين..هدول الاوراق مهمين لتحضرو تجربتكن منن ولتشتغلو منن بالمخبر..
===================================
جميع نوطات العملي مع الاشتراك للطلاب المشتركين بالمكتبة..
#فريق_الكيمياء_الخضراء

تجارب عملي مقرر الصناعات اللاعضوية١
موفقين💚
#فريق الكيمياء الخضراء💚

مسا الخير🌚💚
هي تسلسل تجارب عملي التحليل آلي 1 بالوان لتفتح نفسكن ع الدراسة🤣🤍
موفقين💚
#فريق الكيمياء الخضراء💚

.#اعلان_هام
#قسم_الكيمياء
⭕بطلب من الهيئةالطلابية في كلية العلوم ورغبة الطلاب وبالتعاون مع عمادة الكلية وقسم الكيمياء تم الموافقة على تبديل نظام الامتحان للمقررات التالية
⛔️كيمياء المنتجات الطبيعية فصل اول لطلاب السنة الثالثة تطبيقية (اعتبارا من هذا الفصل)
⛔️الكيمياء الحيوية فصل اول لطلاب السنة الثالثة بحتة (اعتبارا من هذا الفصل )
⛔️كيمياء التحليلية 2 فصل ثاني لطلاب السنة الثانية (اعتبارا من اعطاء المقرر في الفصل الثاني)
⛔️كيمياء فيزيائية 3 فصل اول لطلاب السنة الثالثة بحتة +تطبيقية (اعتبارا من هذا الفصل)
من نظام تقليدي الى مؤتمت

#بالتوفيق_للجميع

#رئيس_الهيئة_الطلابية
الزميل:فراس عمر حسن

أوراق طلبو نقرأها بمخبر الصناعات

الصناعات اللاعضوية1 🤍🌸

#فريق_الكيمياء_الخضراء 💚

عملي التحليل الآلي 1 🌸🤍
#فريق_الكيمياء_الخضراء 💚

صباح الخير🤍🌸
تجارب عملي اللاعضوية2
موفقين💚
#فريق الكيمياء الخضراء💚

مسالخير...
كلشي محاضرات اخدتوها لتاريخ الخميس الماضي صارت جاهزة بالمكتبة فيكن بكرا تمرو تاخدوهن...
(عدا محاضرات د.منال بالمنتجات بدن للتلاتا لينزلو)
============================
#التسجيل_على الاشتراك
على الاغلب رح يكون هاد الاسبوع هو الاسبوع الاخير للتسجيل على الاشتراك لأنو العدد المتاح قرب يكتمل ❤️
#فريق_الكيمياء_الخضراء

مسالخير..
متل مابتعرفو بكرا رح تكون جلستكن الاولى بالعملي ورح تكون جلسة توجيهات + تقسم مجموعات فقط
يعني مارح تاخدو تجربة نظامية ولكن الحضور عليه علمات..
بهالبوست حابين نحكي شو جهزنالكن بخصوص كل عملي لنضمنلكن علامة العملي كاملة:
#التحليل_الالي1:
العملي عبارة عن تجارب #دوّارة رح نعمل فيا شوية معايرات ونتعلم الشغل على اجهزة معدات التحليل يلي تستخدم في المخابر..❤️ بدكن بهاد العملي دفتر فيزيا كبير مشان تحضرو التجربة عليه قبل ماتفوتو عالمخبر
التجهيزات_ضمن_الاشتراك_الدهبي:
1-نوطة الدكاترة: هي النوطة كتير ضرورية لتحضرو التجربة منها ولتشتغلو منها بقلب المخبر..❤️
2-ملخص شامل:
هاد الملخص بيشمل شرح مفصّل لكل تجارب العملي .رح تلاقو القسم النظري تبع كل تجربة عشكل سؤال وجواب اما القسم العملي تبع التجربة رح تلاقوه مشروح بشكل مفصل
من ناحية تحضير المحاليل والعمل المخبري والنتائج والرسم البياني + بنهاية كل تجربة حطينالكن اسئلة مذاكرات السنين السابقة ويلي عم يتكرر بشكل كبير بالمذاكرات وبالفحص الاخير..😍
وطبعاً هاد الملخص بتاخدوه من بداية الفصل
3-الملحق: بينزل بنهاية الفصل بيحوي نماذج امتحانية وشغلات هامة بتجي بالفحص النهائي للعملي😋
=================================
#عملي_المنتجات:
العملي من احلى مواد العملي يلي بتعملوها بكل حياتكن رح نتعلم فيه الكشف عن شوية منتجات طبيعية 😯
تجارب العملي مو دوّارة.
التجهيزات_ضمن_الاشتراك_الدهبي:
1-اوراق الدكاترة: هدول الاوراق بتعطينا ياهن الدكتورة منال مشان تاخدوهن وتشتغلو فين بالمخبر ومالن كافيين لدراسة العملي بس ضروري نجيبن.
2-جلسات شاملة: بنهاية كل اسبوع (يوم الاربعاء) بتنزل الجلسة يلي عملتوها خلال الاسبوع..الجلسة بتكون مشروحة بشكل مفصّل لكلشي عملتوه واشتغلتوه وكلشي لازم تكونو تعرفوه عن التجربة + بنهاية الجلسة رح تلاقو اسئلة مذاكرات ومسائل 😌❤️
3-ملحق: بينزل الملحق كمان بنهاية الفصل بكون فيو شوية نماذج هامة وشغلات رح تعجبكن 😂😁
================================
#عملي_الصناعات_اللاعضوية:
العملي شوي غليظ وبدو شغل كتير بقلب المخبر ومعت نوعاً ما 😂 بس مع هيك بضل احسن من عملي السنة الرابعة🤯 رح نتعلم بهاد العمل نحضر شوية مواد ونحلل شوية مواد تانية..
التجهيزات_ضمن_الاشتراك_الدهبي:
1-نوطة الدكاترة: هي النوطة يلي لازم تفوتها معكن عالمخبر وتشتغلو منها لانو فيا كل خطوات اجراء التجارب..🥹 لهيك كتير مهم تجيبوها..
2-جلسات شاملة: رح ينزل بنهاية كل اسبوع الجلسة يلي عملتوها خلال الاسبوع...بتحوي الجلسة عكلشي معلومات بتتعلق بالتجربة ومشروحة بشكل مفصّل وبنهاية كل جلسة رح تلاقو تجميعة كبيرة ومتنوعة للمسائل يلي بتخص التجربة (بهاد العملي المسائل هية اساس كلشي لهيك بكونو كتار وافكارن متنوعة)
3-ملحق هام: هاد الملحق فيو نماذج على امتحان العملي النهائي وشغلات هامة بتجي بالفحص نفسا عادة😂💣
======================================
#عملي_اللاعضوية2:
رح ندرس بهاد العملي العناصر الكيميائية وتفاعلاتا ورح نعمل تجارب عكل عنصر..😇
التجهيزات_ضمن_الاشتراك_الدهبي:
1-مافي نوطة دكاترة في كتاب للعملي لازم تجيبوه من المستودع مشان تتبعو مع الدكاترة بقلب المخبر..
2-جلسات شاملة: هي الجلسات بتشمل كل التجارب يلي رح تعملوها خلال كل جلسة مع اسئلة مذاكرات السنوات السابقة..
3-ملخص: بينزل هاد الملخص بنهاية الفصل وبكون فيه اعادة ترتيب التجارب بشكل امتحاني وبكون فيه كمان نماذج امتحانية كتير هامة🥹
========================================
اماكن المخابر:
المنتجات: فوق مخابر العضوية 1 و2
التحليل الالي: فوق مخبر المنتجات
الصناعات اللاعضوية: فوق القاعة الخامسة.
اللاعضوية2: جنب حمامات البنات (بالمدخل يلي مواجه رئاسة القسم)
#فريق_الكيمياء_الخضراء

مسالخير..
بخصوص تجهيزات العملي...
انطرونا ببوست مفصّل رح نخبركن فيه كلشي تجهيزات صارت جاهزة للعملي بتضمنلكن علامة العملي كاملة ❤️
#فريق_الكيمياء_الخضراء

توزيع الفئات
موفقين
#فريق الكيمياء الخضراء💚