Maktablar uchun hujjatlar

Elektron jurnal eMaktab.uz da 2-chorak baholarni chiqarish tartibi
✅ 2-9-sinflar uchun dars soati haftasiga 1 soat yoki 0,5 soat bo‘lsa, 2-chorak ustuniga 1- 2-chorak o‘rtacha ballarining o‘rtacha qiymati qo‘yiladi.

✅10-11-sinflar uchun dars soati haftasiga 1 soat yoki 0,5 soat bo‘lsa, 2-chorak ustuniga 1-2-chorak o‘rtacha ballarining o‘rtacha qiymati qo‘yiladi va yarim yillikka ham 2-chorak baholari qo‘yiladi.

✅ 2-9-sinflarda dars soati haftasiga 1,5 soat va undan ko‘p bo‘lsa, choraklik bahoga baholarning o‘rtacha qiymati qo‘yiladi.

✅ 10-11-sinflarda dars soati haftasiga 1,5 soat va undan ko‘p bo‘lsa, choraklik bahoga baholarning o‘rtacha qiymati qo‘yiladi va yarim yillikka 1-2-chorak baholarining o‘rtacha qiymati qo‘yiladi

✅O‘rtacha qiymatda 1,5 - 2,49 ball oralig‘iga 2 baho, 2,5 - 3,49 ball oralig‘iga 3 baho, 3,5 - 4,49 ball oralig‘iga 4 baho va 4,5 - 5 ball oralig‘iga 5 baho chiqariladi.

Eslatma: 1-sinflarga barcha fanlardan 1-2-choraklik baholar chiqarilmaydi, “OZ” belgisi qo‘yiladi. Chetga elga chiqib ketgan yoki darsga qatnashmagan o‘quvchilar uchun chorak baho ustuniga T/O belgisi qo‘yiladi.

«Maktab uchun hujjatlar» - kanaliga obuna bo'ling! 👇👇👇

👉 @maktablar_uchun_hujjatlar
👉 @maktablar_uchun_hujjatlar

❓Мактабда ўқийдиган фарзандимнинг телефонини ўқитувчиси олиб қўйибди. Шахсий мулк бўлса, уни олишга ҳаққи борми?

Қонунчиликка асосан, ўқув машғулотлари ва тадбирлар бошланишидан олдин таълим олувчилар телефонини ўчириб қўйиши ҳамда сумкасига солиб қўйиши шарт.

❌ ТАҚИҚЛАНАДИ

Таълим олувчиларга қуйидагилар қатъиян тақиқланади:

🟢 телефонини бўйнига осиб олиш, кўкрак чўнтакларида, шим, юбкалари чўнтакларида ва шу кабиларда сақлаш;
🟢 телефон аккумуляторини зарядлаш учун таълим муассасаси электр тармоқларига улаш;

📱Телефони ёрдамида:

🟢 атрофдагиларга зўравонлик, шафқатсизлик, порнографияни тарғиб қилувчи видео ва суратларни намойиш қилиш;
🟢 таълим муассасасининг нуфузига, шу жумладан, зўравонлик ва вандализм ҳолатларини суратга олиш ва кейинчалик уларни атрофдагиларга намойиш этиш йўли билан зарар етказиш;

👨‍🏫 Ўқув машғулотлари вақтида:

🔵 телефон орқали сўзлашиш ҳамда SMS (ММS) ва бошқа турдаги хабарларни жўнатиш;
🔵 телефонни стол устига қўйиш;
🔵 мусиқа тинглаш;
🔵 сурат ва видео тасвирларни кўрсатишда телефондан фойдаланиш, тасвир кўриш, диктофон, калкулятор, календарь, блокнот, ён дафтарча кабилар сифатида фойдаланиш;
🔵 суратга олиш ва видео тасвирга тушириш;
🔵 телефон орқали бошқа хизматлардан фойдаланиш.

⚠️ РУХСАТ ЭТИЛАДИ

➡️ Таълим муассасасида таълим олувчиларга машғулотлар ва тадбирлар оралиғида фақат асосли ва кечиктириб бўлмайдиган зарур ҳолатларда ота-онаси (уларнинг ўрнини босувчилар), яқин қариндошлари, таълим муассасаларининг раҳбарлари ёки ходимлари билан зудлик билан боғланиш мақсадида телефонлардан фойдаланишга рухсат этилади.

‼️ ТАРТИБНИ БУЗСА

Ушбу талаблар бузилган тақдирда таълим муассасасининг ҳар қандай педагог ходими таълим олувчидан телефонни олиб қўйиш, билдиришнома расмийлаштириш ва уни телефон билан бирга таълим муассасасининг директорига ёки директор ўринбосарига, кейинчалик уни ота-оналарга бериш ҳуқуқига эга.

Демак, таълим муассасасида мобил телефондан фойдаланиш тартиби бузилган тақдирда, ўқитувчи унинг телефонини муассаса раҳбариятига ёки ота-онасига бериш шарти билан олиб қўйиши мумкин.

«Maktab uchun hujjatlar» - kanaliga obuna bo'ling! 👇👇👇

👉 @maktablar_uchun_hujjatlar
👉 @maktablar_uchun_hujjatlar