Saidakbar Ikramov 🇰🇷

"Oddiy askarlar haddan tashqari kuchli, ammo ofitserlar juda zaif bo‘lsa, natijada itoatsizlik yuzaga keladi. Aksincha, ofitserlar haddan tashqari kuchli, oddiy askarlar esa zaif bo‘lsa, natija mag'lubiyat bo‘ladi"

"Agar bosh qomondon zaif bo‘lsa, uning buyruqlari aniq va tushunarli bo‘lmasa, ofitser va askarlarga belgilangan aniq vazifalar bo‘lmasa va saflar betartib shakllantirilsa, natijada mag’lubiyatga olib boradigan butkul betartiblik yuzaga keladi"

Jamoada tartib va balansning ahamiyati beqiyos. Har bir darajadagi insonlar - oddiy xodimlardan rahbarlargacha - o‘z vazifalarini va maqsadlarini aniq bilishi kerak.

Rahbarlar kuchli bo‘lishi, ammo jamoani qo‘llab-quvvatlash va jamoani fikrlarini inobatga olishga tayyor bo‘lishlari kerak.

Faqat rahbarning kuchli bo‘lishi, xodimlarning esa zaif bo‘lishi muvaffaqiyatsizlikka olib keladi. Shu bois xodimlarni rivojlantirish va ularga mos vazifalar berish zarur.

Muvaffaqiyatga erishish kuchli, maqsadli va balanslashgan jamoa yaratishdan boshlanadi.

"Do not repeat the tactics which have gained you one victory, but let your methods be regulated by the infinite variety of circumstances" - Sun Tzu

Doimiy ravishda bir xil strategiyani qo’llash o’zgaruvchan sharoitlarni hisobga olmaslikka olib keladi. Bu esa rivojlanishning to‘xtashiga yoki hatto muvaffaqiyatsizlikka sabab bo‘lishi mumkin.

Bozorlar rivojlanadi, iste’molchilar ehtiyojlari o‘zgaradi, raqobatchilar moslashadi va texnologiya yoki tartib-qoidalardagi o‘zgarishlar biznesga ta’sir qiladi. Oldin ishlagan uslub keyin ishlamay qolishi mumkin. Misol uchun yangi geografik bozorga kirayotgan kompaniya boshqa hududda ishlatilgan bir xil marketing strategiyasini qo‘llasa yoki “culture”dagi farqlarni inobatga olmasa muvaffaqiyat qozonmasligi ehtimoli yuqori.

O‘tmishdagi yutuqlar qimmatli saboq beradi, ammo ularni “tayyor shablon” sifatida ishlatish xato.

Har bir bozor yoki sharoit o‘ziga xos yondashuvni talab qiladi. Muvaffaqiyatli bizneslar bozorni tahlil qiladi, raqobatni tushunadi va hozirgi sharoitga mos strategiyalarni ishlab chiqadi.

- Netflix: DVD ijarasidan striming xizmatiga o‘tdi va hozirda original kontent yaratishga katta sarmoya kiritmoqda.

- Airbnb: Mehmonxonalar hukmron bo‘lgan bozorda, bo‘sh turgan uylardan foydalangan holda yangi samaraliroq yechim taqdim etdi.

Shaxsiy tajribamdan: Yirik kompaniyadan tortib, kichikroq "start-up"larga qadar bir xil xatolarni kuzatganman. Avval foyda keltirgan qarorlar yoki strategiyalarni yillar davomida saqlab qolishga urinish ko‘pincha bozor ulushining qisqarishiga olib keladi.

Kitobdan kuchli boshqaruvchi bo'lish va jamoani shakllantirish haqida ham ko'plab "insight"lar oldim, nasib qilsa keyingi postlar shu haqida

Avvalo o'zimga, keyin esa sizlarga ham ilm bo'lib qolsin degan maqsadda,

Hurmat bilan,
Saidakbar Ikramov

Sun Tzu’ning 2500 yillik klassik asari – “The Art of War” – nafaqat urush maydonidagi g‘alabalar uchun, balki zamonaviy biznes va hayotdagi muvaffaqiyat uchun ham muhim qo‘llanma hisoblanadi.

Agar bu kitobga biznes nuqtai nazaridan yondashsangiz, raqobatchilardan oldinda bo‘lish, kuchli rejalashtirish va har qanday sharoitga moslashishning ahamiyatini chuqur tushunib olasiz.

Nasib qilsa, ushbu kitobdan o‘rganganlarimni mavzularga ajratib, batafsil izohli postlar shaklida siz bilan bo‘lishaman.

Murod Nazarov: Biznesda Kuchli Jamoa Tuzish

"Bir kishi qancha ko’p mehnat qilmasin, 24 soat ishlasa ham, yirik yutuqlarga o’zi yolg’iz erisha olmaydi. Haqiqiy natijalar faqat kuchli jamoa yordamida amalga oshadi"

Kuchli Jamoa – Kuchli G’oya Atrofida Yig’iladi
Kuchli jamoa shakllanishi uchun, birinchi navbatda, kuchli va ilhomlantiruvchi g’oya kerak. Bu g’oya hayotiy yoki biznes bilan bog’liq bo’lib, aniq maqsad va batafsil tasvirga ega bo’lishi lozim. Bu g’oya qanday foyda olib keladi? Men uchun, jamoam uchun yokida insoniyat uchun qanday ahamiyatga ega? Bu savollarga javob bera olish juda muhim.

Maqsadning Muhumligi
Har qanday g’oya insonlarning hayotini yaxshilashga qaratilgan bo’lishi kerak. Bizning asosiy maqsadimiz – daromad ortidan faqat foyda olish emas, balki vatandoshlarimiz va butun dunyo insonlarining hayotini yengillashtirish, ularni baxtliroq qilish bo'lmog'i kerak.

Kuchli Jamoa Uchun Kuchli Rahbar Zarur
Jamoani muvaffaqiyatga eltuvchi asosiy omillardan biri – bu rahbarning o’zi. Kuchli rahbar bilan ishlash, o’rganish va rivojlanish har bir xodim uchun qiziq va ilhomlantiruvchi tajriba bo’ladi. Har bir inson tabiatan o’zidan kuchliroq bo’lgan shaxsga intiladi. Biz kimni hurmat qilamiz? Biror narsa o’rgangan yoki havas qiladigan insonni. Shunday ekan, xodimlar kuchli, ilmli va mehnatkash rahbar atrofida birlashadilar.

Xulosa:
Kuchli jamoa tuzishni istasak, avvalo bizning o'zimiz mehnatkash bo'lishimiz, bilimlarimizni muntazam oshirishimiz va o'z xulq-atvorimiz bilan boshqalarga o'rnak bo'lishimiz kerak. Aynan bizning harakatlarimiz va o'zimizga bo'lgan talabchanligimiz kuchli jamoani shakllantirishning asosi bo'ladi.

Ta’lim sohasidagi yosh startupda ishlash imkoniyati!

Hozirda maktab yoshidagi bolalar uchun foydali bo'ladigan startup ustida ishlab kelmoqdamiz va jamoamizga ikki yangi “intern”ni qo'shib olish niyatidamiz. Agar siz ta’lim va texnologiya sohalarida qiziqish bilan ishlovchi, faol va izlanuvchan inson bo'lsangiz, bizning jamoaga qo'shilishingizni kutib qolamiz.

Internship haqida:

- Vaqt: Haftada 4-5 soat
- Ish joyi: Masofadan turib (Online)
- Internship davomiyligi: 3-6 oy

Asosiy majburiyatlar:

- Platformamizga tegishli turli vazifalarda yordam berish.
- Kontent yaratish va marketing ishlarida yordam berish.
- Bozorni tadqiq qilish va ma'lumot to'plashda yordam berish.
- Platforma yangilanishlari va takomillashtirishlari bo'yicha yordam berish.

Asosiy talablar:

- Ingliz tilida yaxshi muloqot qilish qobiliyati (IELTS 6.0-6.5).
- Mas’uliyatli, intiluvchan va izlanuvchan yondashuv.
- Yaxshi internet aloqasi va kompyuter.
- Haftada kamida 4-5 soat vaqt ajratishga tayyorlik.

Agar siz bu rolda o'zingizni sinab ko'rishga tayyor bo'lsangiz, yoshingiz, til bilish darajangiz va o'zingiz haqingizda qisqa ma'lumotni @saidakbar_ikramov ga yozib qoldiring.

Tanlangan nomzodlar bilan intervyu vaqtida biz sizga taqdim etadigan narsalar haqida batafsil ma'lumot beramiz. Vaqtingiz va qiziqishingiz uchun katta rahmat.

Bu rolga mos keladigan do’stlaringiz bo’lsa postni ular bilan ulashishni unutmang 🙂

Hurmat bilan,
Saidakbar Ikramov

Savol berish ham bir san’at!

Koreya haqida gapirganda, ko‘p yoshlarning hayolida "Orzular Mamlakati" tasviri gavdalanadi. Ular shu darajada bu yerga kelishga shoshilishadiki, oddiy bir ma’lumotni ham o‘zlari qidirib topishga urinmaydilar.

Instagramda aktiv bo‘lib, turli videolar tayyorlab yurganimda, ko‘plab yoshlar menga har xil savollar bilan murojaat qilishardi:

"Qanday qilib Koreyaga ketsam bo‘ladi?"

"Til bilmasam, Koreyada qiynalmaymanmi?"

"Ham o‘qib, ham ishlab, 3000$ topa olamanmi?"

Ko‘rinib turibdiki, savollarning aksariyati sayoz o‘ylangan, hatto ChatGPT yoki Google’dan bir marta qidirish bilan javob topish mumkin bo‘lgan savollar edi.

Bu kabi savollarni berayotgan yoshlar Koreyaga kelib, o‘zlarining 3-4 yil umrini va sog‘ligini behudaga sarflab yubormaydilarmi degan savol odamni chuqurroq o‘ylashga majbur qiladi.

Savol berish yaxshi. Ammo savollarimiz bizning rivojlanishimizga va dunyoqarashimizga ta’sir qilishi kerak. Shuning uchun savol berishdan oldin biroz o‘ylang, izlaning. Shu yo‘l bilan siz nafaqat kerakli javobga ega bo‘lasiz, balki yanada mazmunliroq va chuqurroq savollarni shakllantirishni ham o‘rganasiz.

Savol bering, lekin shunchaki hayolingizga birinchi kelgan narsani so‘rayvermang. Biroz fikrlang, izlaning, so‘ng savol bering – shunda savolingiz ham o‘zingizga, ham boshqalarga foydali bo‘ladi...

Sodda va Mukammal: Steve Jobsning Yondashuvi

Bugungi kunda milliardlab insonlar Apple mahsulotlaridan foydalanadi. Keling, iPhone’ni misol qilib olaylik: tashqi dizayni oddiy, ortiqcha bezaksiz. Operatsion tizimi esa - IOS, uning asosiy afzalligi – tezligi va qotmasdan mukammal ishlashi. Hatto eski modellar ham uzoq yillar davomida sifatini yo‘qotmaydi.

Buning siri nimada? Steve Jobsning ajoyib yondashuvida!

"Simple can be harder than complex. You have to work hard to get your thinking clean to make it simple."

Haqiqatdan ham, sodda va mukammal mahsulot yaratish o‘ylaganimizdan ancha qiyin. Buning uchun siz iloji boricha kamroq narsalar bilan, mukammal mahsulot yaratish uchun vaqt sarflashingiz kerak bo'ladi. Jobs o‘z mahsulotlarini mukammallashtirish uchun yaxshigina vaqt sarflaydigan insonlardan bo'lgan.

Hayotimizda ham shunday: Ko‘pincha ko‘p ishlarni bir vaqtda qilishga harakat qilamiz, ammo aslida eng kerakli ishlarimizni birin-ketin yaxshilasak, ma'lum bir vaqtdan so‘ng hayotimiz yangi darajaga ko‘tariladi.

Kasbimiz bo‘yicha ham xuddi shunday: O‘z ishingizning ustasi bo‘lsangiz, har qanday sharoitda ham ish topa olasiz. Ammo bunga erishish uchun ko'p narsalarga chalg‘imasdan faqat bir sohaga e’tibor qaratib, ilm va tajriba orttirishingiz kerak bo'ladi.

Xulosa: Keraksiz narsalardan voz kechib, faqat eng muhim ishlarni sifatli bajarishga harakat qilishimiz kerak.

Agar orangizda hozirda o‘quv markazlarida tahsil olayotgan yoki avval tahsil olgan insonlar bo‘lsa, sizlarga bir savolim bor.

Siz tahsil olgan yoki hozir o‘qiyotgan o‘quv markazida qanday kamchiliklar bor deb o‘ylaysiz? Nimalar yetishmayapti yoki qanday sharoitlar bo‘lsa, o‘qish jarayoningiz yanada samarali bo‘lar edi?

Fikringizni yozib qoldirsangiz, juda xursand bo‘laman. Shu sohaga qiziqishim sababli o‘quv markazlaridagi o‘zim sezmagan yoki e’tibor bermagan kamchiliklarni sizning tajribangiz orqali bilib olmoqchiman.

Bugun ertalab ustoz Aziz Rahimovning 2025-yil uchun ideal reja videosini ko‘rib chiqdim, videoda keyngi yilda o‘zlashtirishimiz kerak bo‘lgan 4 ta asosiy narsa sodda qilib tushuntirib berilgan:

- Ko‘nikmalar
- Odatlar
- Kitoblar
- Yondashuvlar

Siz ham yarim soat vaqtingizni ajratib, ko‘rib chiqsangiz, keyingi yil uchun o‘zingizga reja tuzishda foydalansangiz bo‘ladi

Video uchun link

07.12.2024

Ustoz @Muhammadali_Eshonqulov bilan uchrashib, ilmlaridan bahramand bo'lish nasib etgan kun.

Seuldagi uchrashuvda qatnashib, Ustozdan maqsadlar qo'yish, jamoa tanlash, biznes boshlash va “mindset”ni to'g'irlash bo'yicha ko'plab qimmatli ma'lumotlar oldik.

Hayotimizdagi eng muhim qarorlarni qabul qilishda qo'llaniladigan formulalarni o'zimiz uchun yozib olib, kelayotgan yil uchun aniq maqsadlarni belgilab oldik.

O'rgangan ilmlarimizga amal qilgan holda, kelayotgan yil uchun qo'ygan maqsadlarimizga erishishni Alloh nasib qilsin.

"Dirty water doesn't stop plants from growing, so don't let negative words stop your progress"

"Iflos suv o'simliklarni o'sishiga to'sqinlik qilmaydi, shunday ekan salbiy so'zlar sizning rivojlanishingizga to'sqinlik qilmasin"

Hayotimizda ko‘plab to‘siqlar va qiyinchiliklar bo‘lishi mumkin. Ba’zan, salbiy fikrlar, boshqalarning tanqidlari yoki hatto o‘zimizning shubhalarimiz ham bizni oldinga qarab yurishdan to'xtadi. Ammo, biz unutmasligimiz kerakki, har qanday qiyinchiliklarga qaramay, o‘simliklar iflos suvda ham o'sishni davom etadi.

Salbiy so‘zlar yoki muammolar sizni bezovta qilsa, unutmang ular faqatgina vaqtinchalik to‘siqlardir. Ular sizni o‘zgartirmasligi uchun o‘z maqsadlaringizga sodiq qoling va harakatni davom ettiring. Rivojlanish faqat tashqi holatga emas, balki ichki kuchga ham bog‘liqdir.

Har bir qadam, har bir kichik yutuq sizni maqsadlaringizga yaqinlashtiradi.

O'zim va sizlar uchun kichik eslatma

Koreyada haydovchilik guvohnomasini olish jarayoni: Qayerdan boshlash kerak? 🤔

Agar Janubiy Koreyada haydovchilik guvohnomasini olishni rejalashtirayotgan bo‘lsangiz, KOROAD (Korea Road Traffic Authority) orqali ariza berish jarayonidan o‘tishingiz kerak.

Mana nimalarni bilishingiz zarur 👇

1. Yo‘l harakati xavfsizligi ta’limi
- Onlayn yoki markazni o'zida ro‘yxatdan o‘ting
- ID kartangiz kerak bo'ladi
- Dars taxminan 1 soat davom etadi va bepul

2. Sog‘liqni tekshirish
- Hududiy imtihon markazlarida yoki belgilangan shifoxonalarda amalga oshirilishi mumkin
- ID kartangiz kerak bo'ladi

3. Yozma imtixon (elektron kompyuterda bo'ladi)
- 40 ta savol, 40 daqiqa vaqt beriladi,
- O'tish balli: 60%
- ID karta va 3.5 x 4.5 rasm kerak
- Telefoningizni o'chirib olib qo'yishingiz talab qilinadi.
- To'lov: 10,000 won (yiqilsangiz har safar qayta to'lov qilasiz)

4. Ichki haydash kursi imtihoni
- Maxsus maydonchada o’tkaziladi
- Kompyuter orqali tekshirilasiz
- Boshlaganizda 100 ballingiz bo'ladi
- O'tish balli: 80 (faqatgina 20 balll hato qilish mumkun)
- Transport vositasidan foydalanish va favqulodda vaziyatlarga javob berish qobiliyatlari sinovdan o‘tkaziladi
- Imtihonning bir qismi raqamli baholash tizimi tomonidan baholanadi, shuning uchun vaqtga rioya qilish muhim
- Koreys, ingliz, vetnam yoki xitoy tillarida topshirilishi mumkin
- Yozma imtihondan o‘tgan bo‘lishingiz va uni o‘tgan kundan boshlab 1 yil ichida haydash kursi imtihonini topshirishingiz kerak
- ID kartangiz kerak bo’ladi
- To'lov: 25,000 won (yiqilsangiz har safar qayta to'lov qilasiz)

5. Vaqtinchalik prava olish.
- 1 yilga amal qiladi
- To'lov: 4,000 won
- Faqatgina tajribali va pravasi bo'lgan inson bilan avtomobil boshqarish mumkun. So'ngi imtixonga tayyorlanish uchun foydalansa bo'ladi.

6. Yakuniy haydash imtihoni (Shahar ko'chalarida o'tkaziladi)
- Oxirgi bosqich bo‘lib, xavfsiz haydash malakasini to‘liq namoyish qilish (shu jumladan haydash, parkovka, yo‘l o‘zgartirish va hokazo)
- Vaqtinchalik haydovchilik guvohnomasi amal qilish muddati davomida topshirilishi kerak
- Agar imtixondan yiqilsa, 3 kundan keyin qayta topshirish mumkin
- ID karta, vaqtinchalik prava va 30,000 won to'lov kerak bo'ladi.

7. Haydovchilik guvohnomasini olish.
- Guvohnoma imtihon markazida taxminan 20 daqiqada chop etilishi yoki manzilingizga yuborilishi mumkin
- To'lov: 10,000 won

Umumiy xarajat: 79,000 won (agar barchasidan bittada o'tsangiz ✅)

Koreyada prava olmoqchi bo’lgan yaqinlaringizga yuborib qo’ying. Keyingi postlarda o’zim prava olishim uchun foydalangan barcha qo’llanmalar bilan ulashaman 🤝

Hurmat bilan,
Koreyadan Saidakbar 🇰🇷

https://t.me/koreyadan_saidakbar

Oxirgi vaqtlarda Janubiy Koreyada ko‘plab avtohalokatlar haqida eshitamiz, afsuski, ularning ko‘pchiligi vatandoshlarimiz ishtirokida sodir bo‘lmoqda. Koreyada avtomobil narxlari O‘zbekistonga nisbatan ancha arzon va barqaror ishi bor deyarli har bir kishi avtomobil sotib olish imkoniyatiga ega ✅

Lekin shu imkoniyatdan biroz noto‘g‘ri foydalanib, haydovchilik guvohnomasi bo‘lmasa ham avtomobil sotib olib, uni katta tezlikda boshqaradigan yurtdoshlarimiz ham yo‘q emas. Ko‘p hollarda bunday holatlar avtohalokat bilan yakun topadi ⛔️

Koreyslarning bir salbiy tomoni bor, ya’ni agar siz ularning mashinasiga ozgina tegib ketsangiz ham, o‘zlarini kasalga solib, "har xil joyim og‘riyapti" deb, sizdan pul undirishga harakat qilishadi. Haydovchilik guvohnomasi bo‘lmagan holda mashina haydaganingiz uchun bir nechta jarimalar to‘lashingizga to‘g‘ri keladi. O‘z avtomobilingizning zararini o‘zingiz qoplaysiz, sababi "prava" bo‘lmagan holda sug‘urta zararni qoplab bermaydi. Shuningdek, koreys kishi o‘zini jabrlanuvchi qilib ko‘rsatib, sizdan juda katta miqdorda pul undirishga harakat qiladi va bunga qonuniy haqqi bo‘ladi

Bunday hikoyalarni ko‘p eshitganimiz sababli Koreyada haydovchilik guvohnomasi olish haqida post yozishga qaror qildim. Balki bu post bir necha qismga bo‘linar, sababi hamma ma’lumotlarni to‘liq va tushunarli tarzda tushuntirgim keldi ✔️

Koreyada haydovchilik guvohnomasi bilan avtomobil boshqarsangiz, turli muammoli vaziyatlarda sizga ko‘proq yengillik bo‘ladi va qonuniy tomondan o‘z huquqlaringizdan to‘liq foydalanishingiz mumkin ✅

Koreyada haydovchilik guvohnomasi olish hozirgi O‘zbekistondagi holat bilan deyarli bir xil, test jarayonlari juda o‘xshash, ammo biroz farq qiladi 🚘

Haydovchilik guvohnomasini olish uchun sizga quyidagi hujjatlar kerak bo‘ladi 👇

- ID kartangiz
- Kamida 3 ta 3.5x4.5 rasm
- Tibbiy ko‘rikdan o‘tganlik haqida hujjat (guvohnomani olish uchun borganda markazning o‘zida ko‘rikdan o‘tish mumkin)

Imtihonni koreys, ingliz, xitoy va vetnam tillarida topshirishingiz mumkin 🇰🇷🇺🇸🇨🇳🇻🇳

Men bilgan ma’lumotlarga ko‘ra, Koreya haydovchilik guvohnomasi 54 ta davlatda tan olinadi (bular ichida AQSh, Kanada, Avstraliya va yana ko‘plab Yevropa davlatlari ham bor).

https://t.me/koreyadan_saidakbar

Bilamizki, Koreyada sog'liq sug'urtasi majburiy hisoblanadi va bu 1 kishi uchun viza turiga qarab har oyga deyarli $100 dan to'g'ri keladi 🏥

Har oyda bu summani to'lash ba'zida yoqmaydi ham, lekn kasal bo'lib qolganingizda bu sug'urtani foydalari juda katta ekanini his qilasiz ✅

Ammo, Koreyada oila qurgach bu narsani o'zingiz uchun ancha yengillashtirsangiz bo'ladi, ya'ni siz va turmush o'rtog’ingiz alohidadan to'lov qilishingiz shart emas. O'zingiz yashayotgan shahardagi sog'lik sug'urtasiga tegishli bo'lgan markazga borib quyidagi hujjatlarni taqdim qilgan holatda, ikki kishilik to'lovni bittaga o'tkazib olishingiz mumkun.

Kerakli hujjatlar:

- ID karta ✅
- Rasmiy ZAGS qog'ozi ✅
- ZAGS qog'ozini tasdiqlovchi hujjat ✅ (Ingliz va Koreys tilida O'zbekiston elchixonasidan olsangiz bo'ladi, narxi 58,000 won)

Shu hujjatlarni taqdim qilgan holatda oilangiz uchun ancha yengillik qilsangiz bo'ladi, ya'ni $200 dan oshadigan harajatingiz teng yarmiga kamayadi.

Bu imtiyozdan foydalanishingiz uchun, siz va turmush o'rtog'ingizdan bir kishi, yokida ikkalangiz ham rasmiy daromad topmaydigan viza turida bo’lishingiz kerak.

Koreyada oila qurgan yokida endi oila quradigan yaqinlaringiz bilan bu postni ulashib qo'ying 🙂

Hurmat bilan,
Koreyadan Saidakbar 🇰🇷

Kechasida zerikishdan barcha tajribam, qizishlarim va "skill"larimni birma bir kiritib chiqgach bir nechta ishlarga topshirib chiqdim. Ertalab turib bir qarasam 4tacha ishdan taklif kelgan ekan 🤔

Ularni ichida men topshirmagan ishlarimdan ham takliflar kelibdi, ya'ni profilimni ko'rib qiziqish bildirgach menga ish taklif qilgan tashkilotlar ham bor edi ✅

Koreya bozoriga kirishga harakat qilayotgan Avstraliya kompaniyasi e'tiborimni tortdi, sababi ular taklif qilgan ish osonroq va kam vaqt talab qiladigandek tuyildi. Ish Koreyadagi do'konlarda sotiladigan shirinliklar bozorini analiz qilishdan iborat edi. Universitet davrlarida bu kabi ishlarni darslar davomida ko'p qilganmiz 📊

Kuniga 4-5 soatdan vaqtimni sarflab 2 kunda ishni bajardim va umumiy hisobda $370 ishlab topdim. Upwork ishlab topgan pulingizni 10% ni "service fee" sifatida olib qolar ekan, lekn to'g'risi bekor vaqt bo'lganda Upworkda frilanserlik qilish menga yoqdi 😁

Hozirda yana 2ta kompaniyadan ish takliflari oldim, ishlar ham qiziqarli va ko'p vaqt talab qilmaydigan, ammo to'lovi yaxshi 💵

Balkim Koreyadagi katta kompaniyada ishlaganim mening shaxshiy profilimni bezab turgandir va shu sababli kompaniyalar ko'proq qiziqish bildiryotgandir, yana bilmadim.

Lekin buyog'iga ko'plab insonlar "Remote" ishlar va frilanserlik platformalariga qiziqishlarini oshirsa kerak...

“Freelancer”lik qiladiganlar bormi?

P.S: Hozirda o'zim ham to'liq "Remote" ishlamoqdaman, buyog'iga "Digital Nomad Life" 😅

🟩 Upwork platformasi haqida ko'p eshitganman, ammo hozirgacha o'zim profil yaratib frilanserlik qilib ko'rmagan edim. Ohirgi haftalarda vaqt ko'payib frilanserlik ya'ni "Digital Nomad" hayotiga qiziqish oshib o'zim uchun profil yaratdim.

🇻🇳 Vyetnam sayohatlari haqida 2ta reels instagramga joylandi

Vyetnamga sayohat qilgan vaqtingizda rus tilida suhbatlasha oladigan gidlarni ko’p uchratasiz va barchasida narx deyarli bir hil ekan deb o’ylab qolasiz 🤔

Ammo, siz Vyetnamlik gidlardan tur sotib olsangiz, ancha pulingizni tejagan bo’lasiz. Sababi oddiy, Rus gidlar mahalliy aholidan olib, foydasini ustiga qo’yib kegn sayyohlarga sotishadi 💯

Shu sababli, joylashgan mehmonxonangizdan Vyetnamlik gidlar so’rasangiz ancha arzon narxlarga sizga tur paketlar topib berishadi ✅

Instagramga “Island Hopping” va “Vinpearl Oroli” haqida videolar joyladim, vaqtingiz bo’lganida bir ko’rib o’tib ketarsiz 😅

Video uchun link 👇

🇻🇳 Yangi Videolar

🇻🇳 Vietnamning Nha Trang shahridagi bozorlariga sayohat! 🌍

🎥 Youtubega joylangan yangi video orqali siz;

🔹 Nha Trang bozorlaridagi rang-barang mahsulotlar
🔹 Mahalliy aholining samimiyligi va mehmondo‘stligi
🔹 Arzon narxdagi mahsulotlar va bozorlardagi qiziqarli tafsilotlar bilan tanishasiz.

Bozordagi atmosfera va tajribalar haqidagi videoni quyidagi link orqali ko‘rishingiz mumkun👇

📺 Video: Nha Trang bozorlariga sayohat

Obuna bo‘lishni unutmang va sayohatni yaxshi ko‘radigan do‘stlaringiz bilan ushbu postni ulashing! ✈️🌏

Bu video Nha Trangga bo’lgan 1 haftalik sayohatimizning 1-qismi holos, hali ajoyib sayohatlar haqidagi videolar oldinda 😉

Anchadan beri telegramda post bo’lmadi, bunga ko’plab hayotimdagi shaxsiy va kasbiy o’zgarishlar sabab bo’ldi : )

Lekn bugundan yana sekn aktivlashamiz, bugun Koreyada ish qidirib yurgan insonlar uchun foydali imkoniyatni ulashmoqchiman

Bilamizki ko’plab insonlar o’qishni bitirish arafasida Koreyadagi kompaniyalarda amaliyot qilishni hohlaydi 💼

Ammo, amaliyot o’tash mumkun bo’lgan kompaniyani qayerdan topamiz degan savol ko’plab talabalarni qiynasa kerak 🤔

Yaqında Koreyadagi 20ga yaqin start-uplar “Global Intern for Startups” loyihasini e’lon qilishdi, ya’ni bu loyiha xorijlik talabalarni Koreyadagi tez rivojlanib borayotgan 20ga yaqin start-up’larda amaliyot o’tash imkoniyatini beradi.

Bu loyihaga kimlar ariza topshira oladi?

⁃ Koreya universitetlarida tahsil olayotgan xorijlik talabalar

⁃ Koreya universitetlarini bitirib hozirda D-10 vizasida bo’lgan xorijliklar

⁃ Koreya universitetlarini bitirib F-vizalarida bo’lgan xorijliklar

Ariza topshiruvchi mavjud bo’lgan 20ta start-up’dan 3tasiga ariza topshirishi mumkun ✅

Mavjud vakansiyalar quyidagi yo’nalishalr bo’yicha 👇

⁃ Overseas Sales
⁃ Overseas Marketing
⁃ Global Business Planning
⁃ Global Business Operations
⁃ IT/Development
⁃ Design

Ariza topshiruvchilar Koreys yoki Ingliz tilini mukammal bilishi kerak bo’ladi ‼️

Ariza topshirish vaqti:
30.09.2024 ~ 25.10.2024.

Batafsil ma’lumot uchun shu linkdan foydalaning: Global Intern Program

Amaliyot qilishni istagida bo’lgan do’stlaringiz bilan bu postni ulashib qo’yishni unutmang

Hurmat bilan,
Koreyadan Saidakbar 🇰🇷

https://t.me/koreyadan_saidakbar

Bu tadbirni tashkil qilish va qimmatli ma’lumotlarni bepulga taqdim qilish uchun Daejeon shahri hokimiyati tomonidan alohida grant ajratildi.🤝

Shunchaki Google so’rovnoma to’ldirib, o’zingizga kerakli ma’lumotlarni olgan holda hayot tarzingizga tatbiq qilasiz degan umiddamiz.

Ushbu seminardan siz:

- Koreys tilida "Korean Track" da ta'lim olish, amaliyot "internship" o'tash va albatta Koreya Kompaniyalariga ishga joylashish borasida tajribali so’zlovchilar o'z bilimi bilan bo’lishadi.

- O'quv dargohida Ingliz tilida "English Track" da talim olish, amaliyot "internship" o'tash va soha boyicha ishga joylashish kabi tajribalardan bahramand bo'lasiz.

- Koreya hayotida kerak bo’ladigan sayt, ilova va bloglar to planmasini ulashamiz.

- Koreyada sizni qiziqtirgan viza turlari bo’yicha tajribali insonlardan maslahat olish.

- Immigratsiya qonun-qoidalari bilan tanishish va muammolardan holi hayot kechirishni ta'minlash.

Agar siz Daejeon va Daejeonga yaqin shaharlarda istiqomat qilsangiz, sizni 30-iyun kuni tadbirimizda ko’rishdan hursand bo’lamiz 🙂

Assalomu alaykum Koreyada istiqomat qilayotgan Yurtdoshlar!

📌Sizlarni 2024 yil 30-iyun Yakshanba kuni, Tejon (Daejeon) shahrida bo’lib o’tadigan “O’zbekistonliklar Seminari” ga taklif qilamiz.

- Seminar O’zbek tilida bo’ladi.
- Soat: 09:00-16:30
- Manzil: 대전 서구 계룡로 314, 대전일보 2층 강의장
- 🅿️ Avto ulov turargohi bepul!
- Qabul qilinuvchilar soni: 40 kishi

Google so’rovnoma uchun link: https://forms.gle/f8rPx58tzc5uxKCm9

Ohirgi kunlarda ishdan biroz charchadim va miyyadagi charchoqga ozroq dam berish maqsadida kundalik tartibimga velosipedda sayr qilishni kiritdim. To’g’risini aytaman hozirgi shiddat bilan rivojlanayotgan davrda zamonaviy gadjetlar ya’ni telefon, kompyuter, planshet va shu kabilarsiz kundalik ishlarimizni qilish deyarli ilojsiz bo’lib qolmoqda va shu sababli ham tabiat qo’ynida shunchaki sayr qilishga go’yoki vaqtimiz yo’qdek…

Ayniqsa Koreyada ishlab yokida o’qib yurganlar yuqoridagi texnologiylarsiz ishlarini qilish juda ham qiyin, tabiyki bu narsalar insonni miyyasiga o’z tasirini o’tkazmasdan qo’ymaydi va shu sababli ham velosipedda sayr qilish uchun yashash joyimga yaqin bo’lgan daryo bo’yini tanladim

“Daejeon Tashu” deb nomlangan ilova orqali shaharning ko’plab joylaridan velosipedlarni 1 soatga bepulga ijaraga olsangiz bo’ladi va men ham aynan shu ilova orqali ohirgi 7 kunda har kuni o’rtacha 40 daqiqadan 1 soatgacha tabiat qo’ynida velosipedda sayr qildim 🚲

Ochigini aytaman, shu ishni kundalik tartibimga qo’shish kayfiyatimga juda katta tasir o’tkazdi, ya’ni yaxshi tomonga o’zgartirdi, charchoqlar chiqib har hil texnologiyalardan uzoqda shunchaki sayr qilish insonga o’zgacha foyda berar ekan ✨

Albatta bunda Alloh tomonidan yaratilgan tabiy go’zalliklarni ko’z bilan ko’rishni ahamiyati katta. Bekorga sayohat qilish kerak deb ko’p aytilmaydi, sayohat deganda aynan boshqa shahar yokida davlatga chiqish emas shunchaki shu oddiy kichik bir sayr ham nazarda tutiladi 🌿

Charchoq his qilsangiz hech narsaga qaramay tabiat qo’ynida kichik sayr qilishni unutmang 🌱

Foydasi tegar degan maqsadda,
Hurmat bilan Koreyadan Saidakbar

Aviakompaniya rasmiy vebsaytidan tekshirilganda narxlarni ancha arzon ekanini ko'rish mumkun, ammo qulaylik turiga qarab narxlar o'zgarib boradi 📊

Albatta hamma sharoit va istaklaridan kelib chiqib tanlashi uchun 3-4ta aviakompaniyalar bo'lgani juda yaxshi 🤝

Aytishadiku, raqobat bor joyda rivojlanish bo'ladi ✅

Rasmiy vebsayt uchun link 👇

✈️: https://qanotsharq.com/

✈️ QANOT SHARQ aviakompaniyasida Toshkent-Inchon-Toshkent yo'nalishida muntazam aviaqatnovlar yo'lga qo'yilmoqda

🗓 reyslar haftada ikki martadan - Toshkentdan har yakshanba va chorshanba kunlari, Inchondan har dushanba va payshanba kunlari parvozlar amalga oshirilishi rejalashtirilgan:

Tashkent 22:40 → Incheon 08:50
Incheon 10:50 → Tashkent 14:35

✈️ #QanotSharq
‼️ Sotuvga chiqariladigan aviachiptalarni #23KG.lik hamda #BAGAJSIZ tariflari mavjud bo'lib, bagajsiz tarifidagi aviachiptani bekor qilib, pulini qaytarish imkoniyati yo'q.

✅ #23KG.lik tarifdagi chiptani bekor qilinsa aviakompaniya tarafidan belgilangan to'lovlari ushlab qolinib, qolgan summani o'rtacha 4 haftadan keyin tushiriladi.

‼️ Bordi-keldiga xarid qilinib bir tarafi ishlatib bo'lingan #23KG.lik tarifdagi aviachiptani ham bekor qilib, pulini qaytarish imkoniyati yo'q.

📌 Yaqin kunlarda Qanot Sharq avikompaniyasi parvozlari uchun Koreya Transport Vazirligidan yakuniy ruxsat olinganidan keyin aviachipatalar sotuvi boshlanishi rejalashtirilgan.

Manba: Azcity Group telegram kanali

#Qiziqarli Seul shahridan yaqin yillar uchun ajoyib imkoniyatlar 🤩

Seul Metropolitan Hukumati (SMG) Seulning global raqobatdoshligini oshirishga qaratilgan keng ko‘lamli sa’y-harakatlarning bir qismi sifatida 2028-yilgacha fan, texnologiya va muhandislik sohalarida magistratura yoki doktorlik darajasini olmoqchi bo'lgan 1000 ga yaqin chet ellik talabalarni Seuldagi universitetlarga jalb etishni maqsad qilgan ✅

Seul Metropolitan hukumati kelgusi besh yil davomida bu tashabbusga 250,6 milliard von (184,6 million dollar) sarmoya kiritmoqchi 📑

Loyiha Seulda xorijlik aholi sonining ko'payishi fonida e'lon qilindi, Seulda xorijliklar soni qariyb 440 ming kishini tashkil etmoqda, bu poytaxt aholisining 4,7% degani 📈

Shahar hukumati, texnologik taraqqiyot va sanoat tuzilmasini takomillanishi sababli kuchli bilim egalarini jalb qilishdagi xalqaro raqobat ham kuchayib borayotganini takidladi ‼️

Magistratura va doktorlik darajasiga ega bo'lishni istagan 1,000 nafar chet ellik talabalarni jalb qilish maqsadida
10ta eng ilg'or texnologiyalarni o'rgatishga ixtisoslashgan universitetlar tanlab olinadi va har bir universitet uchun 3 yil davomida 1,5 millard vongacha moliyaviy yordam ajratiladi💰

Shuningdek shahar hukumati, rivojlanayotgan mamlakatlardan kelgan eng iqtidorli talabalarga har yili kishi boshiga 20 million vondan to’g’ri keladigan mukofot berish uchun mo'ljallangan stipendiya dasturini tuzishni reja qilgan 💵

Bundan tashqari, Shahar 2030-yilgacha Osiyo bozoriga chiqishni maqsad qilgan 100 dan ortiq Koreyadagi xorijliklar tomonidan tashqil qilingan startuplar uchun qo'llab-quvvatlash va rivojlanish markazini tashkil qiladi 🌏

Xulosa: Seul shahrining asosiy maqsadi dunyoning global shahar maqomiga ega shaharlar ro'yxatining TOP-5 taligiga kirish va yaqin kelajakda kutilayotgan aholi sonining kamayib ketishini oldini olish maqsadida kuchli kadrlarni o'ziga jalb qilish

Yaqin 2-3 yil ichida magistratura yoki doktorantura qilishni reja qilayotgan bo'lsangiz, Seul shahrini ham o'z ro'yxatingizga qo'shib qo'ysangiz bo'ladi. Koreya deganda ko’pchilik kuniga $100lik qora ishlarni tushunib olgan, ammo sal sabr qilib ilm olinsa toza ishlarda ishlab dunyo taraqqiyotiga hissa qo'shgan holatda yaxshi daromad qilsa bo'ladi

Hurmat bilan,
Koreyadan Saidakbar

https://t.me/koreyadan_saidakbar

#Qiziqarli Seul shahridan yana bir ajoyib yangilik 🇰🇷

29-aprelda Yeouido bog'ida to'lin oy ko'rinishidagi "Seoul Moon" deb nomlangan havo sharini o'rnatish ishlari boshlangan edi

Habar qilinishicha, tugallangandan so'ng, xavfsizlikni tekshirish uchun taxminan 10 kunlik sinov bo'ladi va iyun oyining oxiridan boshlab insonlar Seul shahrining go’zal manzarasini yuqoridan tomosha qilish uchun ajoyib imkoniyatga ega bo’ladilar 🤩

⏰ Ish vaqtlari

- 2024 yil iyun oyining oxiridan
- Seshanbadan ~ Yakshanbagacha
- 12:00 dan 22:00 gacha

🎈Parvoz vaqti va yo’lovchi sig’imi
- Taxminan: 15 daqiqa
- Maksimal 30 kishi

📍Manzil: Yeouido Park

-Yeouido-dong 2, Yeongdeungpo-gu

💰Qabul narxlari:

- Kattalar 25 000 KRW
- Voyaga yetmaganlar: 20 000 KRW
- Qariyalar: 20,000 KRW

https://t.me/koreyadan_saidakbar

Tez orada “SeoulMoon” bilan osmondan Seulning maftunkor tungi manzarasidan bahramand bo'lishingiz mumkun bo’ladi 🌃

Bir necha kun oldin instagramda sizlarga eng qiziq mavzuni yozib qoldiring deganimda juda ko’pchilik Koreyadagi kompaniyalarga ishga kirish haqida aytsangiz deb yozib qoldirgan ekan.

Shu sababli bu mavzuda 2-3 ta video olishni reja qilib qo’ygan edim, birinchi videoni hozir instagramga joyladim, quyidagi link orqali o’tib ko’rsangiz bo’ladi 👇

🇰🇷 Koreyadagi Kompaniyalarga ishga kirishga uchun nimalarga ahamiyat berish kerak?

Shunchaki Koreyada o’qimoqchi bo’lgan yokida o’qib kelayotgan insonlar uchun kichik eslatma va maslahat ✅

Nasib qilsa foydali va qiziqarli videolar hali oldinda 🙂

#Foydali Samsung - 2024 Discover C&T Program 🤩

“2024 Discover C&T Program” xalqaro talabalarga Samsung kompaniyasining asosiy binolari va bosh qarorgohiga sayohat qilish imkonini beruvchi tajriba dasturidir.

- Dastur Vaqti: 1 iyuldan 5 iyulgacha
- Ariza topshirish: 8-maydan 31-maygacha. Qabul arizachilar soniga qarab erta yopilishi ham mumkin.

“2024 Discover C&T” dasturi haqida

- Kompaniya bilan tanishish
- Mentorlik
- Asosiy loyihalar bilan tanishish
- "Xavfsizlik akademiyasi" tajribasi
- Kompaniya bo'ylab sayohat
- DCT dasturini yakunlash marosimi

Minimal talablar 👇

- Koreyadagi universitetlarda tahsil olayotgan xalqaro talabalar.

- Mutaxassislar: Mashinasozlik, elektron muhandislik, qurilish, qurilish ishlari va fan va muhandislik yo'nalishlarida tahsil olayotganlar

- GPA baholari 3.0 yoki undan yuqori bo'lganlar

- Koreys tilini yaxshi biladiganlar
* Quyidagilardan 1tasi bo’lishi shart

1. TOPIK darajasi 4 yoki undan yuqori
2. KIIP darajasi 3 yoki undan yuqori
3. Sejong Korean Intermediate 1 yoki undan yuqori darajasi bo'lganlar

Qatnashish uchun:

1. Anketani Samsung C&T Construction Division kompaniyasining Linkedin sahifasidan yuklab oling - Anketa

2. Linkedin orqali ariza berish uchun bu ariza linkidan foydalaning

Ariza berish jarayoni 🗓

1. Ariza topshirish: 8-maydan 31-maygacha
2. Birinchi bosqich e'loni: iyun oyida
3. Yakuniy e'lon: iyun oyi ichida

Murojaatlar: [email protected]

*E-pochta sarlavhasini [Discover C&T Enquiry] deb boshlang va shundagina tezroq javob olasiz ✅

🇰🇷 28-May kuni Koreyaning Suwon shahrida “Gyeonggi Job Fair” bo’lib o’tadi va unda “semiconductor”, “battery”, “biotechnology”
sohalarida faoliyat yuritadigan 105ta kompaniya va 5000ga yaqin ish izlovchilar qatnashishi kutilmoqda

Ish yarmarkasi chet ellik ish izlovchilarga maxsus stendlar qilishni rejalashtirgan va xorijlik ish izlovchilar ham o’zlari qiziqgan kompaniyalarga hujjat topshirib suhbatlashib ko’rish imkoniyatiga ega bo’ladilar ✅

Qatnashmoqchi bo’lgan insonlar “i-ONE JOB” websayti orqali ro’yxatdan o’tsalar bo’ladi 👇

https://www.ibkonejob.co.kr/jp/cms/main.do

💡 Koreyada ohirgi kurs talaba yoki o’qishni bitirib ish izlab yurgan inson bo’lsangiz, bu siz uchun yaxshi imkoniyat bo’lishi mumkun.

Shaxsan o’zim ham hozirda ishlayotgan kompaniyamni o’zimizni shaharda o’tkazilgan “Job Fair” orqali topganman.

* Bekor o’tgan umr, bu barvaqt o’lim topish demak…

* Kimki ko’p narsaga erishmoqchi bo’lsa, o’z oldiga katta talablar qo’yishi lozim…

* Manzilga yaqinlashganing sayin, qiyinchiliklar yanada ortib boradi…

✍️ Yohann Volfgang Gyote

#Foydali 2021-yil ma'lumotlariga ko'ra O'zbekistonlik 109,945 ta talaba chet el davlatlarida tahsil olib kelmoqda

Dunyoning eng ko'p aholisiga ega bo'lgan ikki davlati - Xitoy va Hindiston chet elda o'qiyotgan talabalar soni boyicha 1- va 2- o'rinlarni band etgan. Shu ro'yxatning kegngi uchtaligida Vyetnam, Germaniya va O'zbekistonni ko'rish mumkun 📊

Qo'shma Shtatlar 2021-yil ma'lumotlariga ko'ra, xorijlik talabalar tomonidan eng ko'p tanlanadigan davlat hisoblanadi va 833 000 dan ortiq talabalar hozirda tahsil olib kelmoqda.

Undan keyingi o'rinlarni Buyuk Britaniya (601,000 ga yaqin), Avstraliya (taxminan 378,000), Germaniya (376,000 dan ortiq) va Kanada (318,000 ga yaqin) egalladi

🇰🇷 Ma'lumot o'rnida, Koreya adliya vazirligining ma'lumotlariga ko'ra 2023-yilda Koreyada 226,507 talaba tahsil olayotgan edi. Koreyadagi Xorijlik talabalar soni bo'yicha O'zbekiston 4-o'rinni band etadi.

Hisobotga ko'ra, so'nggi yigirma yil ichida xalqaro talabalarning umumiy soni ortib bormoqda. YUNESKO ma'lumotlariga ko'ra, 2001 yilda 2,2 million talaba chet elda tahsil olgan bo'lsa, 2021 yilga kelib bu ko'rsatkich 6,39 milliondan oshdi.

Xo'sh bu raqamlar va ko'rsatgichlar yaxshimi? Albatta bunga bitta umumiy javob berib bo'lmaydi, ammo tanganing ikki tomoni bo'lganidek buning salbiy va ijobiy tomonlarini ko'rsak bo'ladi 👇

O'zbekistonlik ko'plab yoshlar o'z hayotini yaxshilash va sifatli ta'lim olish maqsadida chet elga o'qishga ketadi.

Amerika va Yevropaning ko'plab davlatlariga ketayotgan yoshlar asosan katta grantlarga qiziqish bildirib sifatli ta'lim olishni tanlashadi ✅

Afsuski, hozirda Koreyaga kelayotgan yoshlarning katta qismi "Media" qurboniga aylanib bormoqda, hozirda Koreyaga kelmasdan turib "Koreya" deb youtube yoki instagramga yozsangiz yuzlab videolar kelib chiqadi.

Ma'lumot bo'lgani yaxshi, chunki shaxsan o'zim Koreyaga kelayotganimda bu darajada ko'p ma'lumot mavjud emas edi, lekn hozirda ma'lumotning sifati va haqiqatga yaqinligi juda ham yomonlashib bormoqda

Videolarda aytilayotgan "Orzular Mamlakati" siz o'ylaganchalik oson emas, qiyinchilikga va haqiqatlarni qabul qilishga tayyor bo'lib keling.

Inglizchada bir gap bor "Always make your expectations lower" ya'ni doimo kutuvni pastroq qiling. Doim ham katta narsalarni va qiyinchiliksiz hayotni tasavvur qilib Koreyaga kelmang. Qanchalik kutuvni pastroq qilsangiz o'zingizga shuncha foydaliroq va moslashish osonroq bo'ladi.

Xorijda o'qish yaxshi va sizga ko'plab imkoniyatlar beradi, ammo siz yaqinlaringizdan uzoqda katta vaqt davomida yashashga majbur bo'lasiz. Vaqt esa kutib turmaydi, yaqinlaringizni yoshi o'tib boradi va yoshligingiz ortga qaytib kelmaydi.

Xorijda o'qishni maqsad qilgan ekansiz, shunchaki bir buyimni olish maqsadida 4 yil umringizni havoga sarflamang.

Ilm oling, sohangizda professional bo'ling va shunday vaqt keladiki siz olishni orzu qilgan narsalarni olish, yoki qilmoqchi bo'lgan ishlarni qilish siz uchun oddiy holatga aylanadi.

Tushunaman, hamma ham o'qishga qiziqmaydi. Shunchaki aytmoqchi bo'lgan gapim keraksiz narsalarga chalg'ib, ilm olishga bo'lgan vaqtingizni yo'qotib qo'ymang ‼️

Ishlagan mablag'larizga o'zingizga biron bir tadbirkorlik qilishni harakatini qiling va shu orqali o'z yo'nalishingizni toping, yoshligizda mustahkam fundamentni o'zingiz uchun qurib olsangiz nasib qilsa kelajakda hayotingiz osonroq bo'ladi va ishlash o'rniga ko'plab muhimroq narsalarga vaqt sarflay olasiz ✅

Hurmat bilan,
Koreyadan Saidakbar 🇰🇷

#Qiziqarli "Statista" rasmiy ma'lumotlariga ko'ra O'zbekiston chet elda talabalari eng ko'p tahsil oladigan davlatlarning TOP-5 ro'yxatidan joy oldi.

Oxirgi haftalarda kompaniyamiz ishi sababli bo'lgan "Business Trip" va ishdagi tayyorlash kerak bo'lgan "Report"lar sababli ancha band bo'lib qoldim. Nasib qilsa shu kunlarda yana aktivlashib sizlarga foydali va qiziqarli ma'lumotlarni ulashishni davom ettiraman 🤝

Hozircha esa sizlarga bitta ajoyib telegram kanalni tavsiya etmoqchiman, yaqin tanishim va deyarli
bir yildan beri ustida ishlayotgan loyihamizdagi jamoadoshim Muhammadjonning telegram kanali.

Bu kanal yangi, lekn Koreyaga endi kelmoqchi bo'lgan insonlarga qisqa, samimiy va foydali ma'lumotlarni "interview" formatida ulashib kelmoqda 🎙

O'zimizning vatandoshlarimizni Janubiy Koreya hayoti va o'qish tajribasi haqida qilgan qisqa suhbatlarini shu kanal orqali tomosha qilsangiz bo'ladi ✅

Foydasi tegadi degan umiddaman 🙂

Kunilar hayrli o'tsin.
Hurmat bilan Koreyadan Saidakbar!

#Foydali Shimoliy Gyeongsang provinsiyasi chet ellik ish izlovchilar uchun web-sayt tashkil qildi ✅

Batafsil ma'lumot 👇