គីម រិទ្ធី KIM Rithy Channel

ការជំរុញផលិតកម្ម ល្ងសរីរាង្គ និងកសិអេកូឡស៊ី ដើម្បីបង្កើនទិន្នផល និងប្រាក់ចំណូល របស់ប្រជាកសិករ សហគមន៍កសិកម្មពុទសាមគ្គីវឌ្ឍនៈមានជ័យ ស្ថិតនៅភូមិពើក ឃុំពុទ្រា ស្រុកជ័យសែន ខេត្តព្រះវិហារ។

https://freshnewsasia.com/index.php/en/enwish/376375-2025-02-13-09-03-45.html

ដោយក្តីគោរព និងសេចក្តីជ្រះថ្លា!

ខ្ញុំករុណា ពិតជាជឿជាក់លើទឹកចិត្តដ៏បរិសុទ្ធរបស់ព្រះចៅអធិការ ព្រះសង្ឃគ្រប់ព្រះអង្គ គណៈកម្មការ និងពុទ្ធបរិស័ទចំណុះជើងវត្ត វត្តដីដុះ និងសូមកោតសរសើរចំពោះការខិតខំជាវឈើយកមកកសាងវត្តអារាម ដែលជាទីសក្ការៈដ៏សំខាន់របស់ពុទ្ធបរិស័ទខ្មែរយើង។

ក្នុងនាមជាពុទ្ធសាសនិក ខ្ញុំករុណា និងឯកឧត្តម អ៊ុន ចាន់ដា អភិបាលខេត្តកំពង់ចាម សូមចូលរួមបច្ច័យម្នាក់ចំនួន ១០លានរៀល (សរុប ២០លានរៀល) ដើម្បីជាចំណែកក្នុងការកសាងវត្តដីដុះ នៅក្រុងកំពង់ចាម ខេត្តកំពង់ចាម។

ខ្ញុំបាទ សូមអំពាវនាវដល់បងប្អូន ពុទ្ធបរិស័ទទាំងអស់ សូមចូលរួមចំណែកក្នុងការលើកស្ទួយព្រះពុទ្ធសាសនារបស់យើង ជាជាងការឈរមើល និងរិះគន់។ ការចូលរួមនេះ មិនត្រឹមតែជាការជួយដល់វត្តអារាមប៉ុណ្ណោះទេ តែជាការសាងកុសលផលបុណ្យសម្រាប់ខ្លួនឯងផងដែរ។

បងប្អូនអាចចូលរួមធ្វើបុណ្យកសាងវត្ដដីដុះ តាមរយៈ ព្រះសិរីរក្ខិតមុនី ញ៉ សាវី ព្រះចៅអធិការវត្តបុទមរតនដីដុះ ដែលមានលេខទូរស័ព្ទ +85512236937 និងគណនី QR Code ខាងក្រោមនេះ។

សូមអនុមោទនា 🙏🙏🙏

https://www.facebook.com/share/p/191beUFsiT/

ចំណងមិត្តភាពយុវជន កម្ពុជា-ឡាវ កាន់តែរឹងមាំ!

យុវជនគណបក្សប្រជាជនកម្ពុជាថ្នាក់កណ្តាល និងសហភាពយុវជនប្រជាជនបដិវត្តន៍ឡាវ បានចុះអនុស្សរណៈយោគយល់គ្នា ដើម្បីពង្រឹង និងពង្រីកចំណងមិត្តភាព សាមគ្គីភាព និងកិច្ចសហប្រតិបត្តិការឱ្យកាន់តែរឹងមាំថែមទៀត។

នៅក្នុងស្ថានភាពពិភពលោកដែលងាយនឹងមានជម្លោះ យើងត្រូវតែពង្រឹងមិត្តភាព និងសាមគ្គីភាពជាមួយប្រទេសជិតខាង ដើម្បីសន្តិភាព និងវិបុលភាពទាំងអស់គ្នា 🇰🇭🇱🇦

ដំណឹងល្អសម្រាប់បងប្អូនខេត្តព្រះវិហារ! សម្ដេចតេជោ ហ៊ុន សែន បានជំរុញការសាងសង់ស្ពានឆ្លងកាត់ទន្លេរពៅនាពេលឆាប់ៗខាងមុខនេះហើយ!

នៅក្នុងកិច្ចប្រជុំកំពូលលើកទី១៥ រវាងគណបក្សប្រជាជនកម្ពុជា ដឹកនាំដោយសម្ដេចតេជោ ហ៊ុន សែន និងគណបក្សប្រជាជនបដិវត្តន៍ឡាវ ដឹកនាំដោយឯកឧត្តម ថងលុន ស៊ីសូលីត នាព្រឹកថ្ងៃទី៧ ខែកុម្ភៈ ឆ្នាំ២០២៥ នៅប្រទេសឡាវ គណបក្សទាំងពីរបានឯកភាពគ្នាជំរុញរដ្ឋាភិបាល នៃប្រទេសទាំងពីរ អនុវត្តសេចក្តីប្រកាសរួមរបស់នាយករដ្ឋមន្ត្រីកាលពីខែធ្នូ ឆ្នាំ២០២៤ ដើម្បីពន្លឿនការជ្រើសរើសទីតាំងសាងសង់ស្ពានឆ្លងកាត់ទន្លេរពៅ (ខេត្តព្រះវិហារ) និងទន្លេសេឡាំប៉ាវ (ខេត្តចំប៉ាសាក់) ឱ្យបានឆាប់បំផុត។

នេះជាដំណឹងដ៏រីករាយសម្រាប់បងប្អូនប្រជាពលរដ្ឋដែលរង់ចាំជាយូរមកហើយ!

១. មកដល់ពេលនេះ ប្រជាជន៣៧គ្រួសារ បានមកចង្អុលជាក់ស្តែង លើដីដែលមានវិវាទនៅ ភូមិណារុង។ សូមបងប្អូនដែលមានវិវាទ បន្តមកសាលាឃុំឆែប២ ដើម្បីរដ្ឋបាលខេត្ត ដោះស្រាយជូន។

២. ចំពោះបងប្អូនប្រជាពលរដ្ឋក្រីក្រ ដែលគ្មានដីពិតប្រាកដ ក៏អាចមកសាលាឃុំដើម្បីដាក់ពាក្យស្នើសុំដី ក្រោមកម្មវិធី "ផ្តល់ដី ការពារព្រៃ ដើម្បីរួមគ្នាអភិវឌ្ឍន៍ដោយចេរភាព"។ ប៉ុន្តែបើមានដីរួចហើយ គឺលក្ខខណ្ឌ នៃកម្មវិធី មិនអោយទេ។

៣. ចំពោះអ្នកនៅក្រៅភូមិណារុង ឬអ្នកដែលគ្មានដីនៅតំបន់នោះ ដែលកំពុងញុះញុងបំផុសឲ្យមានហឹង្សា សូមបញ្ឈប់សកម្មភាពរបស់ខ្លួន។

៤. ក្រុមការងាររដ្ឋបាលខេត្ត នឹងទទួលពាក្យបណ្តឹងអន្តរាគមន៍ដោះស្រាយវិវាទ នៅសាលាឃុំឆែប២ ចាប់ពីថ្ងៃច័ន្ទ ទី០៣ តទៅ។

ការចុះពិនិត្យ ការជួសជុលផ្លូវ ក្រាលបេតុង និងក្រាលកៅស៊ូ របស់មន្ទីរអភិវឌ្ឍន៍ជនបទខេត្ត ស្ថិតក្នុងមូលដ្ឋានស្រុករវៀង។

៣០ មករា ២០២៥

"ការផ្តល់ឈាម របស់កងពលតូចលេខ៩ តាមរយៈ ក្លឹបនៃក្តីស្រឡាញ់ បង្ហាញពីស្មារតីសប្បុរសធម៌ និងសាមគ្គីភាពជាតិ"

កងពលតូចអន្តរាគមន៍លេខ៩ នៅស្រុកជាំក្សាន្ត ខេត្តព្រះវិហារ បានរៀបចំយុទ្ធនាការបរិច្ចាគឈាម តាមរយៈ "ក្លឹបនៃក្តីស្រឡាញ់" របស់សហភាពសហព័ន្ធយុវជនកម្ពុជា ខេត្តព្រះវិហារ ដែលមានអ្នកស្ម័គ្រចិត្តចូលរួមផ្តល់ឈាមចំនួន១៧៣នាក់ ស្រី៣១នាក់ បានបរិច្ចាគឈាមដោយជោគជ័យចំនួន៩១នាក់។

សូមថ្លែងអំណរគុណយ៉ាងស្មោះស្ម័គ្រ ចំពោះកងយោធពលខេមរភូមិន្ទ ជាពិសេសកងពលតូចអន្តរាគមន៍លេខ៩ ដែលបានការពារបូរណភាពទឹកដីយ៉ាងម៉ឺងម៉ាត់បំផុត ព្រមទាំងបានបង្ហាញនូវស្មារតីសប្បុរសធម៌ ដោយចូលរួមបរិច្ចាគឈាមដើម្បីជួយសង្គ្រោះជីវិតប្រជាជន។

"ក្លឹបនៃក្តីស្រឡាញ់" បានជុំរុញយុវជន និងមហាជនគ្រប់ស្រទាប់វណ្ណះឲ្យគាំទ្រគោលដៅបរិច្ចាគឈាម ដោយស្ម័គ្រចិត្ត១០០% របស់មជ្ឈមណ្ឌលជាតិផ្តល់ឈាម ដើម្បីលើកកំពស់វប្បធម៌បរិច្ចាគឈាមដោយស្ម័គ្រចិត្តមិនគិតកម្រៃ ពង្រឹងនូវសុវតិ្ថភាព និងនិរន្តរភាពឈាម សម្រាប់សង្គ្រោះជីវិតមនុស្ស។

ការផ្តល់ឈាមមិនត្រឹមតែជាការបរិច្ចាគដ៏មានតម្លៃប៉ុណ្ណោះទេ ថែមទាំងបង្ហាញពីសាមគ្គីភាព និងការយកចិត្តទុកដាក់ចំពោះសង្គម។ ឈាមដែលបានបរិច្ចាគនឹងត្រូវប្រើប្រាស់សម្រាប់ការវះកាត់ព្យាបាលជំងឺធ្ងន់ធ្ងរ និងសង្គ្រោះជីវិតអ្នកជំងឺ ដូចជាជំងឺមហារីក ជំងឺឈាម អ្នកជំងឺដែលរងរបួសធ្ងន់ និងស្ត្រីឆ្លងទន្លេ។

គិតមកដល់ពេលនេះ ឯកឧត្តម គីម រិទ្ធី អភិបាលខេត្តព្រះវិហារ ដែលជាអ្នកបរិច្ចាគឈាមដ៏សកម្ម បានធ្វើការបរិច្ចាគឈាមដោយស្ម័គ្រចិត្តបានចំនួន២០ដងរួចមកហើយ ព្រមទាំងអំពាវនាវដល់ប្រជាពលរដ្ឋ អោយចូលរួមបរិច្ចាគឈាមដោយស្ម័គ្រចិត្តយ៉ាងហោចណាស់១ឆ្នាំម្តង ដើម្បីសង្គ្រោះអាយុជីវិតអ្នកជំងឺ ដែលតម្រូវការឈាមនៅក្នុងមន្ទីរពេទ្យ ដោយក្នុង១ខែមន្ទីរពេទ្យត្រូវការឈាមប្រមាណ១០០ប្លោក សម្រាប់ធ្វើការវះកាត់ដល់អ្នកជំងឺដែលត្រូវការឈាមជាបន្ទាន់នៅតាមមន្ទីរពេទ្យ។

"ក្លឹបនៃក្តីស្រឡាញ់" នឹងបន្តរៀបចំកម្មវិធីបរិច្ចាគឈាមជាប្រចាំ ដើម្បីបំពេញតម្រូវការឈាមនៅក្នុងមន្ទីរពេទ្យ។

១៥ មករា ២០២៥

ប្រជាពលរដ្ឋខ្មែរសរុបចំនួន ៣២០នាក់ មកពីរដ្ឋផេនស៊ីលវេនញ៉ា និងរដ្ឋញ៉ូជឺស៊ី តំបន់ឆ្នេរខាងកើត នៃសហរដ្ឋអាមរិក បានជួបជុំគ្នាអបអរសាទរខួបលើកទី៤៦ នៃទិវាជ័យជម្នះ៧មករា(៧មករា ១៩៧៩-៧មករា ២០២៥)។


សហរដ្ឋអាមេរិក ថ្ងៃទី១១ ខែមករា ឆ្នាំ២០២៥៕

ឯកឧត្តម ប្រាក់ សុវណ្ណ ប្រធានក្រុមប្រឹក្សាខេត្តព្រះវិហារ និងឯកឧត្តម គីម រិទ្ធី អភិបាលខេត្តព្រះវិហារ បានអញ្ជើញដឹកនាំប្រតិភូរដ្ឋបាលខេត្តចូលរួមរំលែកទុក្ខគ្រួសារសព ព្រឹទ្ធមហាឧបាសិកា គង់ លាន់ ត្រូវជាម្តាយបង្កើត ឯកឧត្តម មាស សុភា ឧត្តមក្រុមប្រឹក្សាផ្ទាល់ព្រះមហាក្សត្រ នៃព្រះរាជាណាចក្រកម្ពុជា និងជាតំណាងរាស្ត្រមណ្ឌល ខេត្តព្រះវិហារ ដែលបានទទួលមរណភាព ថ្ងៃទី៨ ខែមករា ឆ្នាំ២០២៥ វេលាម៉ោង ១០:៤០នាទីព្រឹក ក្នុងជន្មាយុ ៩៦ឆ្នាំ ដោយជរាពាធ នៅគេហដ្ឋានតម្កល់សព ស្ថិតនៅក្នុងភូមិសាឡី ឃុំកំពង់ត្រាចខាងលិច ស្រុកកំពង់ត្រាច ខេត្តកំពត។

១២ មករា ២០២៥

សាទរកម្ពុជា! Celebrating Cambodia! 🇰🇭🇰🇭🇰🇭

យើងមានមោទនភាព និងឈរយ៉ាងរឹងមាំក្នុងនាមជាប្រជាជាតិខ្មែរមួយដែលមានសន្តិភាពជានិរន្តរ៍! We are Proud and Stand Strong as a Khmer Nation with Everlasting Peace! 🕊️🕊️🕊️

សូមអបអរសាទរ ឆ្នាំសកល ២០២៥!

ក្នុងឱកាសឆ្នាំថ្មីនេះ ខ្ញុំបាទនិងក្រុមគ្រួសារ សូមជូនពរដល់ អ៊ុំពូមីង បងប្អូន មិត្តភក្តិ ជាទីគោរពស្រឡាញ់ទាំងអស់ ពោរពេញទៅដោយ សុខភាពល្អ សេចក្តីសុខ សុភមង្គល និងជោគជ័យគ្រប់ភារកិច្ច។

ពីខ្ញុំបាទ គីម រិទ្ធី និងក្រុមគ្រួសារ

ឯកឧត្តម គីម រិទ្ធី អភិបាលខេត្តព្រះវិហារ បានអញ្ជេីញដឹកនាំកិច្ចប្រជុំគណៈកម្មាធិការសម្របសម្រួលបច្ចេកទេសក្រុមប្រឹក្សាខេត្ត ដែលរៀបចំឡេីងនៅសាលប្រជុំប្រាសាទព្រះវិហារ សាលាខេត្តព្រះវិហារ។

២៧ ធ្នូ ២០២៤

https://m.freshnewsasia.com/index.php/en/enwish/366817-2024-11-27-13-23-20.html

https://m.freshnewsasia.com/index.php/en/enwish/366816-2024-11-27-13-21-12.html

កិច្ចប្រជុំផ្សព្វផ្សាយផែនការយុទ្ធសាស្ត្រស្ដីពីការអនុវត្តគោលនយោបាយ ភូមិ ឃុំ សង្កាត់មានសុវត្ថិភាព ឆ្នាំ២០២៤-២០២៨ របស់ក្រសួងមហាផ្ទៃ ក្រោមអធិបតីភាព ឯកឧត្តម អ៊ុំ ម៉ារ៉ា រដ្ឋលេខាធិការក្រសួងមហាផ្ទៃ នៅសាលប្រជុំសាលាខេត្តព្រះវិហារ។

២៥ វិច្ឆិកា ២០២៤

Forbes: Cambodia’s Economic Growth: Deputy PM Chanthol On Investment & Reform
https://www.forbes.com/sites/karlmoore/2024/11/20/cambodias-economic-growth-deputy-pm-chanthol-on-investment--reform/

ពិធីបិទវគ្គហ្វឹកហ្វឺនបំប៉នពង្រឹង នាយទាហាន នាយទាហានរង ពលទាហាន និងហ្វឹកហ្វឺនម្ចាស់ការនៅនឹងកន្លែង និងបើកវគ្គហ្វឹកហ្វឺនក្បាច់គុណ កងយោធពលខេមរភូមិន្ទរបស់តំបន់ប្រតិបត្តិការសឹករងព្រះវិហារ យោធភូមិភាគទី៤ ឆ្នាំ២០២៤។

២០ វិច្ឆិកា ២០២៤

វេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្ត អាណត្តិទី៤ ជាមួយក្រុមប្រឹក្សាស្រុក គណៈអភិបាលស្រុក មន្ត្រីសាលាស្រុក កងកម្លាំងទាំង៣ មេឃុំ មេភូមិ អង្គការសង្គមស៊ីវិល និងប្រជាពលរដ្ឋ ដើម្បីស្ដាប់នូវបញ្ហាប្រឈម សំណូមពរ និងដោះស្រាយនូវសំណើ ដែលជាតម្រូវការចំបាច់នានារបស់ប្រជាពលរដ្ឋក្នុងមូលដ្ឋាន ក្រោមអធិបតីភាព ឯកឧត្តម ប្រាក់ សុវណ្ណ ប្រធានក្រុមប្រឹក្សាខេត្ត នៅសាលាស្រុកជ័យសែន។

១៩ វិច្ឆិកា ២០២៤

កិច្ចប្រជុំគណៈបញ្ជាការឯកភាពរដ្ឋបាលខេត្តព្រះវិហារ ដេីម្បីផ្សព្វផ្សាយសេចក្តីសម្រេច ស្តីពីការបង្កើតគណៈបញ្ជាការដឹកនាំស្រាវជ្រាវ ស៊ើបអង្កេត និងផែនការប្រតិបត្តិការប្រយុទ្ធប្រឆាំងបទល្មើសគ្រប់ប្រភេទ របស់ក្រសួងមហាផ្ទៃ នៅសាលប្រជុំសាលាខេត្តព្រះវិហារ។

១២ វិច្ឆិកា ២០២៤

ពិធីបិទវេទិកាថ្នាក់ខេត្ត ស្តីពីកំណែទម្រង់វិមជ្ឈការ និងវិសហមជ្ឈការ ដើម្បីចូលរួមសម្រេចបានចក្ខុវិស័យកម្ពុជា ឆ្នាំ២០៥០ នៅសាលប្រជុំសាលាខេត្តព្រះវិហារ។

១២ វិច្ឆិកា ២០២៤

ព្រះរាជពិធីខួបលើកទី២០ នៃការគ្រងព្រះបរមសិរីរាជសម្បត្តិ ថ្វាយ ព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពងខ្ពស់បំផុត។

២៩ តុលា ២០២៤

"កងទ័ពប្តេជ្ញាដាច់ខាត ការពារទឹកដី ការពារសន្តិភាព និងការពារសម្តេចធិបតី ហ៊ុន ម៉ាណែត នាយករដ្ឋមន្ត្រី"

ពិធីបិទវគ្គហ្វឹកហ្វឺនឆ្នាំ២០២៣ និងបើកវគ្គហ្វឹកហ្វឺនឆ្នាំ២០២៤ របស់កងពលធំអន្តរាគមន៍លេខ៣ ស្ថិតនៅ ស្រុកជាំក្សាន្ត ខេត្តព្រះវិហារ។

២៨ តុលា ២០២៤