شرح برمجة | ندى

السلام عليكم ورحمة الله

سنة دراسية سعيدة عليكم جميعًا✨

إذا تعرفوا طالبات/طلاب تحضيري في جامعة الملك عبدالعزيز، شاركوهم رابط القناة عشان يستفيدوا من الشروحات الموجودة فيها🤍

الرابط 👇🏻
https://t.me/kau_python1

وبالتوفيق 🌿

مساء الخير🌱
كتبت في هذه التدوينة تجربتي في كلية الحاسبات في جامعة الملك عبدالعزيز

https://caramellaapp.com/home/NaE1mYtFo/tkhssat-alhasb-walfrq-bynha-altdwynh-alnhaeyh

حاولت أجاوب فيها على أغلب أسئلتكم اللي وصلتني عن الكلية،
أتمنى التدوينة تفيدكم وتساعدكم في ترتيب رغباتكم✨

كل التوفيق..
ندى

هذه ٤ ملخصات سريعة كتبتها لأهم المفاهيم اللي الأغلب كان يسأل عنها👆🏻

ولو تحتاجوا شي او فيه شي لسا ملخبطين فيه قولولي عالخاص (غير اني أحل واجبات عشان أكيد ما ينفع)

وبالتوفيق ✨

شرح لكل حالات الدوال سواء فيها return او مافيها، ولو فيها امر طباعة او لا، ولو تم استدعاءها جوا امر طباعة او لا..
🌟🌟🌟🌟

الدالة اللي فيها return لازم ترجع لي بقيمة،
زي مثلا لو طلبت من (سارة) طلبات وقلت لها بعد ما تخلصي ارجعيلي .. يعني عطيتها امر return
فهي لازم بعد ما تخلص طلبات تجي
تقول لي ايش صار معاها..
مثلا راحت سوت حسابات ورجعت لي بقيمة 100


اما لو طلبت طلبات من وحدة اسمها نورة مثلا وما قلت لها ارجعيلي يعني ما أعطيتها امر return
فهي حتروح تسوي كل شي انا طلبته منها وخلاص مدري ايش صار عليها ما رجعت لي بشي.. ممكن تكون طبعت اشياء وممكن تكون حسبت اشياء بس انا مادري عنها..

تعريف الدوال حق سارة ونورة حيكون بهذا الشكل:

Def Sara():
# compute values
Return value

Def Nora():
# compute values
—————
لو جا احد طلب مني أطبع له القيمة اللي رجعت فيها سارة ايش حقول؟؟ حعرف وحقول 100
وهذا نعبر عنه بهذا الكود
print(Sara())
ايش الاوتبوت؟؟
100
—————
لو جا احد وطلب مني أطبع له القيمة اللي رجعت فيها نورة ايش حقول؟؟
محا اعرف وحقول مدري ولا شي!!
وهذا نعبر عنه بهذا الكود
print(Nora())
ايش الاوتبوت؟؟
None
—————
طيب فيه حالات يكون فيها return بس ما يطبع قيمة ليش؟؟ عشان محد طلب مني أطبع ..
انا بس طلبت من سارة أوامر بس محد جا قال لي اطبعي ايش قالت فالقيمة تكون ضايعة عندي محد داري عنها
وهذا نعبر عنه بهذا الكود
Sara()
فيه قيمة ترجع فيها سارة بهذه الحالة؟؟ ايوا ١٠٠
بس فيه شي اطبعه؟؟
لا عشان مافي طلب طباعة وقت الاستدعاء
————————
طيب نجي لحالة ثانية
لو انا اصلا طلبت من سارة طلبات كثييير ومنها انها تطبع كلمة Hello وبعدين ترجعلي يعني فيه return
وبعدين جا احد وطلب مني أطبع ايش رجعت فيه سارة (يعني الاستدعاء جوا امر طباعة)

تعريف الدالة حيكون بهذا الشكل:
Def Sara():
Print("Hello")
return values

الاستدعاء كذا:
Print(Sara())
هنا ايش حيكون الاوتبوت؟؟
اول شي حيسوي اي امر جوا الدالة
بعدين يطلع برا الدالة
يعني اول شي يطبع
Hello
بعدين يطبع القيمة اللي رجعت فيها سارة اللي هي ١٠٠ ((مثلا))
فحيكون الاوتبوت
Hello
100

طيب لو عندي نفس الكود حق تعريف دالة سارة
بس انا طلبت منها تسوي الأوامر بدون ما احد يطلب مني طباعة يعني مافي امر طباعة مكان الاستدعاء..يعني كان الاستدعاء بهذا الشكل:

Sara()

ايش حيكون الاوتبوت؟؟
بس
Hello
ليش؟؟
عشان جوا الدالة فيه امر طباعة لكلمة hello..
صح انو الدالة ترجع لي بقيمة بس هذه القيمة انا ما طلبت وقت الاستدعاء طباعتها فحتكون ضايعة ما تنطبع ولا شي.. هي سارة رجعت لي بقيمة بس هذه القيمة انا ما طبعتها ولاشي عشان كذا ما تظهر في الاوتبوت.
————————

طيب لو رجعت طلبت من نورة أوامر كثير ومنها امر طباعة لكلمة Hello بس ما طلبت منها ترجع لي بقيمة
يعني مافيه امر return
وكان تعريف الدالة بهذا الشكل

Def Nora():
# statements
Print("Hello")

نورة حتسوي كل شي طلبته منها بس محا ترجع لي بأي قيمة
يعني لو سويت استدعاء لنورة بهذا الشكل
Nora()
ايش حيكون الاوتبوت؟؟
حيكون فيه طباعة كلمة هلوو اللي جوا دالة نورة
Hello
بس؟؟ ايوا خلاص..


طيب لو جا احد وطلب مني أطبع وانا استدعي نورة
يعني الكود زي كذا وقت الاستدعاء
Print(Nora())

هنا ايش حيكون الاوتبوب؟؟
مدام فيه أمرين طباعة واحد برا الدالة وواحد جوا الدالة يعني لاااازم يطبع لي شيئين
اول شي حيطبع امر الطباعة اللي جوا الدالة
Hello
بعدين حيشوف نورة رجعت بقيمة كم؟؟ هل هي رجعت بشي اصلا؟؟ لا! فأنا ماعرف بكم رجعت نورة عشان كذا أطبع none
يعني الاوتبوب حيكون بهذا الشكل:
Hello
None



يا رب كذا تكون واضحة كل حالات الدوال سواء فيها return او مافيها، ولو فيها امر طباعة او لا، ولو تم استدعاءها جوا امر طباعة او لا..
بالتوفيق 🙏🏻

ايش الفرق بين Break و Continue؟

بريك يوقف ويطنش كل اللي باقي وخلاص يطلع من اللوب تماما حتى لو باقي كم دورة ما سواها

كونتينو يوقف ويطنش كل شي باقي في هذه الدورة بس.. ويروح للدورة اللي بعد

———

يعني مثلا

For i in range(0,100):
Print("hello")
Break
Print("hello")

هنا محا يمشي على اللوب غير مرة وحدة بس مع انه المفروض يمشي عليه ١٠٠ مرة وكمان محا يسوي اي شي موجود بعد كلمة break
يعني امر الطباعة حق كلمة hello محا يصير
وحيطبع hi مرة وحدة بس!

—————

اما لو نفس المثال بس حطينا continue

For i in range(0,100):
Print("hi")
Continue
Print("hello")

هنا حيمشي على اللوب ١٠٠ مرة، بس كل مرة حيطنش اي شي بعد كلمة continue
يعني حيطبع كلمة hi ١٠٠ مرة

مثال على nested if


مثلا طلب في السؤال انو ابغاكي تشيكي اذا الرقم اصغر من ١٠٠ وموجب
او اذا اصغر من ١٠٠ وسالب

عندك طريقتين لحل هذه المسألة

—————————
الاولى باستخدام nested if
وتكون كالتالي:

if number < 100:
if number > 0:
print("positive and less than 100")
elif number < 0
print("negative and less than 100")


——————
الطريقة الثانية اني استخدم logical expressions يعني استخدم and واحط الشرطين جمب بعض بدل ما احطهم جوا بعض

وحيكون الجواب كالتالي:

if number< 100 and number >0:
print("positive and less than 100")
elif number<100 and number<0:
print("negative and less than 100")


ايش الطريقة الأصح؟؟
الاولى اكثر اختصارًا

غغلط لو استخدمت الطريقة الثانية؟ لا مو غلط بس في الغالب هم حيطلبوا الطريقة الاولى عشان كذا افهموها

ايش الفرق بين الif والwhile والfor؟

الif هو عبارة عن جملة شرطية، شرط عندي اذا تحقق يطبق اللي تحته، ما تحقق ما يطبقه. طيب كم مرة؟ مرة وحدة بس.


الwhile وfor عبارة عن لوب.. ايش يعني لوب؟؟
(((اللوب يعني تكرار..)))

وله حالات مختلفة
١- حالة ما اقدر اكتبها إلا بوايل لوب.
غالبًا هذه الحالة تواجهنا لما يكون اللوب نهايته غير معروفة، يعني ما عندي عداد..
يعني حبدأ اللوب بس ماعرف متى أوقف؟؟ ما اعرف حكرر اللوب مرة ولا مرتين ولا ١٠ مرات!!

مثلا زي لاب٧ بروبلم١ وبروبلم٤ ما اقدر احلها الا بوايل لوب.. ليش؟؟ عشان ما عندي عدد تكرار واضح للوب قبل ما أبدأه، النهاية تعتمد على الانبوت حق اليوزر، اذا كان صفر وقف اللوب اذا ما كان صفر كمل.. وهذا الشي ما تعلمنا كيف نسويه بالفور لوب فعشان كذا دايمًا في هذه الحالة تستخدموا وايل لوب
————
٢- حالة ما أقدر أكتبها إلا بفور لوب
للآن ما شفنا شي زي كذا..
————
٣- حالة أقدر اكتبها بالاثنين (وايل او
فور)

هذه الحالة لما يكون البرنامج يعتمد على عداد، زي بروبلم٢ و٣ من لاب٧
كلها تعتمد على عداد انا اعرف متى البداية ومتى النهاية

ومثلًا بروبلم١ من لاب ٨ برضو اقدر اكتبها بفور او وايل.. ليش؟
لأنه اليوزر في اول سطر يدخل كم مرة يتكرر اللوب.. فمدامي صرت عارفة قبل ما أبدأ اللوب حبدأه من كم لكم؟ فأقدر استخدم الاثنين فور او وايل


يا رب يكون واضح🙏🏻

https://twitter.com/nadaalsaab/status/1243269978834505740?s=12

شروحات كل اللابات: (عملي)


Lab3 + Lab4 + Lab5:
https://www.youtube.com/playlist?list=PLo3sdMaWC6DtdPrS-TIYWGF2EYKR25kRK


Lab6:
https://www.youtube.com/playlist?list=PLo3sdMaWC6DvxnHJqX_kHfhxjZIBK2yQH


Lab7 + Lab8:
https://www.youtube.com/playlist?list=PLo3sdMaWC6DvxrB9ixXbvs7F7JbXnxxtz


بالنسبة للاب ١ و٢ ما شرحتهم لأنهم سهلين مرة وإذا فهمتوا ٣ وبعد حتفهموهم ان شاء الله ولو عندكم سؤال عنهم اسألوني..


الله يوفقكم يا رب ويفتح عليكم🙏🏻

——كل الشروحات المحفوظة (نظري)——

Chapter 1
https://www.youtube.com/playlist?list=PLo3sdMaWC6DvT4fXNOxg1Is5z46q8ohxI

-----------

Chapter 2
https://www.youtube.com/playlist?list=PLo3sdMaWC6DsvAM08C_oYCzzeQUJPxVNT

-----------

Chapter 3
https://www.youtube.com/playlist?list=PLo3sdMaWC6Dv_fs01Fin6ZsnGdIievNWV
ما انحفظ غير نصف شابتر٣ للأسف، لو تيسرت أشرحه اليوم بناء على طلبكم حبلغكم🙏🏻

-----------

Chapter 4
https://www.youtube.com/playlist?list=PLo3sdMaWC6Dv_SKwpPjHCYhHvxp1uO7HB

-----------

Chapter 5
https://www.youtube.com/playlist?list=PLo3sdMaWC6DvEuhD1Rb-l1P9UX5Qiy6MP

-----------

Chapter 6
https://www.youtube.com/playlist?list=PLo3sdMaWC6Ds-gTv-PuOFnAo6ck3hJ_Nd

——————————————

أسئلة نهايات الفصول من شابتر 1 إلى 4
https://www.youtube.com/playlist?list=PLo3sdMaWC6Dsfk0PVkTA5l31kQW6rB3F-

وان شاء الله لو فيه وقت حكمل 5 و 6 وأنزلها على نفس الرابط

——————————————

نموذج الدوري الثاني
https://www.youtube.com/playlist?list=PLo3sdMaWC6Dtp6sjZoCqnuw12kJ3ZN_DU

—————————————

باقي نموذج النهائي ان شاء الله لو تيسرت حشرحه وأرسل لكم اللنك

بالتوفيق✨

👆🏻
هذه السلايدات اللي كنت اشرح عليها (نفس اللي عندكم بس عليها ملاحظات الشرح)

تشابتر3 بالملاحظات

تشابتر2 بالملاحظات

تشابتر1 بالملاحظات (مو مرة كثير)

هنا السلايدات اللي كنت أكتبها وقت الشرح

Machine language
هي اللغة الوحيدة اللي تفهمها الآلة او الكمبيوتر، وتعتمد على خانتين فقط (صفر و واحد) يعني الكمبيوتر ما يفهم حرفيًا غير أصفار وواحدات فقط. وفي هذا العصر مرة صعب علينا كبشر نكتب برنامج كامل عن طريق أصفار وواحد فقط!

Assembly language
هي لغة أبسط من الماشين لانقوج وأسهل للإنسان انه يتعامل معاها، وطوروها قديمًا لكنها برضو ما تعتبر سهلة وواضحة، لها منطق محدد وشوي معقد لازم الواحد يتعامل فيها معاه، صح انها ما تعتمد بس على الصفر والواحد بس برضو مهي قريبة من لغة الإنسان.
طبعًا الكمبيوتر ما يفهمها
عشان كذا فيه شي اسمه assembler هو اللي يحول الكلام اللي ينكنب من الاسمبلي لانقوج للماشين لانقوج عشان تفهمه الآلة او الكمبيوتر.

High level language
هي اللغة المطورة البرمجية اللي يتعامل فيها الإنسان في هذا العصر (زي بايثون وغيره) ومعناها من اسمها انها اللغة الأقرب للغة الإنسان، عشان كذا اسمها (هاي ليڤل) لأن اغلب الكلام فيها يشبه الإنجليزي، مو زي الاسمبلي كانت معقدة وما يقدر الواحد يستوعبها على طول.
ونفس الحكاية الكمبيوتر ما يستوعب غير المشين لانقوج، عشان كذا نحتاج شي يحول من هاي ليڤل لانقوج لمشين لانقوج وهذا الشي اسمه compiler

——شروحات شابتر١ + ٢ + ٣ ——

Chapter 1
https://www.youtube.com/playlist?list=PLo3sdMaWC6DvT4fXNOxg1Is5z46q8ohxI

-----------

Chapter 2
https://www.youtube.com/playlist?list=PLo3sdMaWC6DsvAM08C_oYCzzeQUJPxVNT

-----------

Chapter 3
https://www.youtube.com/playlist?list=PLo3sdMaWC6Dv_fs01Fin6ZsnGdIievNWV
ما انحفظ غير نصف شابتر٣ للأسف، لو تيسرت أشرحه اليوم بناء على طلبكم حبلغكم🙏🏻

-----------

أسئلة نهايات الفصول من شابتر 1 إلى 4
https://www.youtube.com/playlist?list=PLo3sdMaWC6Dsfk0PVkTA5l31kQW6rB3F-

بالتوفيق✨

أهلا بكل الأعضاء الجدد في القناة
ان شاء الله تكون هذه القناة مرجع مفيد لكم في المذاكرة🙏🏻
ححاول أرجع أرسل كل فترة روابط الشروحات، ولو عندكم أي استفسار قولوه في قروب المناقشة على هذا الرابط:

https://t.me/joinchat/AFqMEBcB7ko6djittY8upQ