مؤسسة منبريون للشعراء @ahmed

مؤسسة منبريون للشعراء

27 Jan, 22:06

مولد الامام الحسين ع

يالتتـبده حنيه .. ويالكـلك انسانيه
احبك يا ابو ارقيه
احبك ياحسين
------

يأعذب كلمه .. وامام الرحمه .. محبتك نعمه
ابا عبدالله
يـكل امــالـي .. يــدگ دلالي .. حسين الغالي
ابا عبدالله

دنــيايــه انــته والله لـو مابــيها
بحــفنة تراب الدنيــه ما اشريها
وچيه انته بيها انه اموت اعليها

شحچي والحچي اشويه .. يالكــــلك انـــسانيه
احبك يا ابو ارقيه
احبك ياحسين
------

يــمالـك ذاتـي .. ويكـــل كلــماتي .. الـك صفــناتي
ابا عبد الله
عشت مفتونك .. وصرت مجنونك .. وحق اعيونك
ابا عبد الله
وي العـوابس ســيدي خلـيني
ومن هالجنون البيه لتشافيني
لامومهـم النــاس شتســـميني

كفايه تقبل اعليه .. يالكلـك انســانيه
احبك يا ابو ارقيه
احبك ياحسين
--------

يالمــغذيني .. ويالمــرويني .. شكثر منطيني
ابا عبد الله
تگلي تامــر .. وانا المو شاكر .. عطائك وافر
ابا عبد الله
خيرك ترسني امن الجدم حد راسي
شكرا حســين بگــد عـــدد انفــاسي
الــهـــذا جميـــلك والله لامانـــاسي

احچي اوياك ليليه .. يالــكلك انسـانيه
احبك يا ابو ارقيه
احبك ياحسين
-------

الهـــدالك قـُبله .. اعله بـــاب القبله .. اكـيـد اتقبله
ابا عبد الله
ردت بس نظره.. عليك الزهره .. امن اطب للحظره
ابا عبد الله
انتــه التخلـــي كــربلـه بعــــيونه
اهل الارض واهل السمه يغبطونه
خيعونه التحبـه صـدگ خيعـــونه

ارزقني بهاي يوميه .. يالكـــلك انــسـانيه
احبك يا ابو ارقيه
احبك ياحسين
------

يكــــل ايـامي .. ويكـــل احـلامي .. تظــــل گدامي
ابا عبد الله
بصحوتي ونومي .. بصلاتي وصومي .. اردد دومي
ابا عبد الله
يا احله كلمه المايملها الساني
يا واحــد ابدلالي مالــك ثاني
غيرك اذا مر اسمه اسد اذاني

احچايه وماهي سريه .. يالـــكــلك انــســـانه
احبك يا ابو ارقيه
احبك ياحسين
--------
حيدر تركي الكربلائي

29

مؤسسة منبريون للشعراء

27 Jan, 22:06

لمولد ابا الفضل ع
.
.
.

طــلع البــدرُ علينا      من ثنايا ام البنين
وجب الشكرُ علينا      هكذا قال الحسين

-----

شعشع نـــور العبــاس .. مــن علياء الاحساس
والبسمه بوجه حسين .. معكوسه بوجه الناس
شــيال الرايــه الجــاي .. وثلــث انعــام الوفاي
باچــر بالطــف اهنــاك .. بجفوفه ايــذل الـماي

بيــن عيــنيه خفــايا      تحكي ان الطف دين
وجب الشكرُ علـينا       هكــذا قــال الــحسين
-----

نور وطالع من نــور .. وخدر اخته بيه مسرور
ويم كاروكه الحوراء .. گـصدت لچفوفه اتزور
صد الزينب بالحــال .. وبعيــونه اتحس افعال
وصاحت يابو الحسنين .. امــبين هــذا الكفال

سجدت لله شـــكرا      ثم صلت ركعتين
وجب الشكرُ علينا      هكذا قال الحسين

-----

جيــش احسين المولود .. اليجـلي الايام السود
عباس انحسبه احساب .. رايــه وچفـين وجود
رايــه ترجف الشجعان .. مخــلوقه الهـل انسان
عــباس اشكــد ماحــار .. بعيــونه تحس بركان

ومن الافراح هـــذه      دمعـت للال عين
وجب الشكرُ علينا      هكذا قال الحسين

-----

بيـــــه انـــوار الاقــمــار .. وبيــه نفحــات الكرار
سبـــحان الله العبـــاس .. شكـد شايل نور ونار
نور احســين المـكنــون .. بوجه الناس يشوفون
الهذي اربع معـــصومين .. بچف عباس يبوسون

عندما نادى المــنادي    ولـد الحصن الحصين
وجب الشكرُ عليــنا     هكـــذا قــال الحسين

-----

الكون ابكـــبره وطــاريه .. مـــن شافه اتـــغزل بيه
هالــــــوادم مــاتــــنــلام .. نــور الله امـــن اتسمـيه
امن اعيونه اشكد محبوب .. من زغره امأسر اگلوب
حـــقها الـطف باچـــر لو .. ابــحب الـــعباس اتذوب

من ضيا شمس الكفاله    تـســتدل العالمين
وجــب الشــكرُ علـينا     هكذا قال الحسين

-----

حساس وهـوه ازغير .. وبحساسه النـــاس اتحير
بحظن امه وتحس بيه .. اكـــبر مـن عمره اچـبير
تشعر بيه زلمه وحــيد .. ايصد عاللامه امن ابعيد
ولـمــن يبچــي العباس .. بســـيف الكــرار ايهـيد

وغــدا بيــن يــديه     رايـة الفتح المبين
وجب الشكرُ علينا     هكذا قال الحسين
-----
حيدر تركي الكربلائي

17

مؤسسة منبريون للشعراء

27 Jan, 22:06

لمولد الامام الحسين ع
.
.
.

اليوم اريد احچيها .. ومــا اجـامـل بـيها
انه مجنون ابا عبد الله

____________

بعيـوني مكتوب العـشگ بعـيوني
وبأسـمي مـن هـاليـوم لـتــنادوني
مجنون ابـو اليمه افـرح اتسموني
وماعندي غيره ابدنيتي وتدروني
ابــدلالي .. بـس غـالي
وعــيونه .. التــبــرالي

الـروح الـه افديها .. ومــا اجـامـل بـيها
انه مجنون ابا عبد الله
____________

مــرات وي روحـي اسـوالـف اني
وحسين مجـنون اعـترف خلاني
دلالي يرفض غــيره واحـد ثـاني
والساني حالف مايعوفه السـاني
بحساسي .. ونــومــاسي
بس هـوه .. اويه انفاسي

دنـيــتي امحــليها .. ومــا اجـامـل بـيها
انه مجنون ابا عبد الله

____________

هواي البشر وحسين بس بدربي
وماشوف واحد غير تارس گلبي
للــباري افــرع وانــدعــي يـاربي
خليــني هــايم انــه دوم بحــبي
نجــيــني .. بحسيني
وبس وياه .. خـلـيني

والــذي ناسـيها .. مــا اجـامـل بـيها
انه مجنون ابا عبد الله

____________

بجنوني غايه وافخر ابهـا الغايه
والحــمد لله انــي واصــل هـايه
بالعــشگ كـل واحد اكـيد ورايه
الغير ابو اليمه ماتلـوگ احچايه
احچاياتـي .. ودعواتي
نـــاذرهــــا .. وبسماتي

بسمـــه مسميها .. ومــا اجـامـل بـيها
انه مجنون ابا عبد الله

____________

حسين المحيط وغيره كلها اوشاله
الفـضل عليه شــلون اعوف افضاله
اشگــد بـــي حــنان وعاطــفه دلاله
ماعـــنده حـــظ المايعــيش ابجـاله
عـنـــوانه .. ابـــيبانه
وغامرني .. بأحسانه

وهذي ما اخفيها .. ومــا اجـامـل بـيها
انه مجنون ابا عبد الله

____________

الوادم امـن الحب الصدگ تتحرج
وعـن حبي ردت المــادرت تـتفرج
مدرسـة عابــس منهــا راح اتخرج
اليـهوه الحسين ابـلايه شك يتوج
والدارس .. من عابس
بهذا الحب .. ايـنافس

والهـوت واليــها .. ومــا اجـامـل بـيها
انه مجنون ابا عبد الله
____________
حيدر تركي الكربلائي

13

مؤسسة منبريون للشعراء

27 Jan, 22:06

مولد علي الاكبر ع..لحن المستهل وختام النص هوسات…

ميــــــلاد الأكبــر هليله
يستاهل فرحه انسويله
           @🌹@🌹@🌹@

هله وميت هله بأصل البساله
ورث من حيدر افنونه وقتاله
من جده النبي ماخـذ خصاله

وماخذ من غيرة عباسه………
           @🌹@🌹@🌹@

الاكـــبر نـور ميـــــــــلاده تـلاله
شبيه المصطفى ابخلقه وجماله
ومن حـــيدر اخذ قدره وجلاله

يستاهل صفگه وهلهوله………
           @🌹@🌹@🌹@

يوم اهدعش من شعبان ســـرنه
وبمـــــولد علـي اليـله احتفلـــنه
حتى الزهره اجت تحظر فرحنه

وتهني حسين ابميلاده………
             @🌹@🌹@🌹@

حســـين ابتشر هليله وتبسم
وصله اعله النبي وعليه سلم
باســه ابجبهــــته أويا تكلــم

يمكن عالطف ضل يحچيله………
         @🌹@🌹@🌹@

حرت شكتب شوصفك انته آيه
جمــــــيل وصــورك رب البرايه
الك هوســــــاتنه اقبلهن هدايه

وسجلنه ابحبك وفايه……
            @🌹@🌹@🌹@

         الخادم
✍كامل السعيدي

13

مؤسسة منبريون للشعراء

27 Jan, 22:06

هلا بهاي الانوار وهلا بطاريها
ابوالسـجاد والعباس شع بيها
گلـبي فرح بيهم
فدوه الاساميهم
            ـ………………………ـ

هاي الليالي امن العمر غنيمة
موفقه ومبــــــــاركه وكريمه
بيـــــها ولادات اربعه عظيمه
وبيـها انولد للمصطفى كليمة

ليالي اثمرت خدمه حسينيه
ليالي مكلله باقمار قدســــيه
فرض واصـليهم
فدوه الاساميهم
           ـ………………………ـ

وجه الحسين امن المهد تلاله
انجوم الســمه تتغازل بجماله
هيبه انخلق ما اعظمه بكماله
فاز الذي بيه انجعل وصـــاله

مصحف للغرام نرتله كل ليله
يشفه المعتلي لوعنه نحچيله
فاز اليــــــواليهم
فدوه الاساميهم
           ـ………………………ـ

عبـــــاس اول ما فتـــحها عيـنه
تبـــسم الان شاف اخته الحنينه
مدري شحچتله وطلع الها ادينه
وضـــلت تبوس ابيسرته ويمينه

ابتسبيحة الزهره امگمط اليله
وزينب گاعده ابصفه وتلوليله
يامـحله طاريهم
فدوه الاساميهم
         ـ………………………ـ

الســجاد مملكة العشگ نشوفه
نكشــــخ ابحــبه وابد مانعوفه
ينشرح صدره الينطق بحروفه
كاروكه ورده والنـــحل يطوفه

نولد راعي الصحيفه ومنبر الشيعه
نبــــــــيع الدنيه كلها وحبه منبيعه
للمــــوت اواليهم
فدوه الاساميهم
      ـ………………………ـ

الاكبر حبيبي وافتخر عشگته
اسمه على ارواق الگلب كتبته
نور النبي ايشع وترس وجنته
ذبت بهواه وابـــد ما تركـــــته

شبيه المصطفى مااجمل اعيونه
حضاره امن العشگ عند اليحبونه
راسي ارتفع بيهم
فدوه الاساميهم
       ـ……………………ـ

✍الخادم
كامل السعيدي

12

مؤسسة منبريون للشعراء

27 Jan, 22:06

مولد شيخ العشيرة ـ ومولد بدر العشيرة
الله شلون اثنين ،،،، أبوفاضل وحسين
🌹🌹🌹🌹🌹🌹🌹🌹🌹

يا اهــــلاً كلنه انرحب بالاقـــمار الميـــــمونه
واحدهم حلى الدنيه ومحتاره ابلون اعيونه
عباس الكشخه الهيبه وراعي الغيره يسمونه
وحســــــين الشيخ العام وكل الناس يحبونه

حبهم رحمه وهدايه ــ حبهم اجمل بدايه
انسميهم فخر الدين ــ أبوفاضل وحسين
🌹🌹🌹🌹🌹🌹🌹🌹🌹

فرحــــــة زينب هاي الليله اولا فرحه تماثلها
مولود القـــــــــدوه وهيبتها وعزوتها وكافلها
ضل يهمس بذن اخته الكافل ماندري شگاللها
يمكن دگ صــــدره الها ابمهده واعدها ايدللها

ضحكت من كل گلبها ــ انولدو رفگت دربها
يالتسأل ذوله منين ــ أبوفاضل وحسين
🌹🌹🌹🌹🌹🌹🌹🌹🌹

همه اجمل وطهر ورقه وافه اخوان بدنيانه
بدرين ويتساطع ضــــــيهم ومحلين اسمانه
مو عالگاع الله امـــــــــنزلهم آيات ابقـــرئانه
مايگدر يوصـــفهم شاعر من وحيه اوجدانه

صارو مصدر غرامي ــ حبهم رافعلي هامي
اليشبهم يحصل وين ــ أبوفاضل وحسين
🌹🌹🌹🌹🌹🌹🌹🌹🌹

حيـــــدر فرحان ابمولدهم بيــــهم رافـــع راسه
أذن بذن حســــــــين اليمنه وشم عباس وباسه
شايل بيـــــــــده اورود الجنه اوزع اهله وناسه
اليهديه الله افحول اثنين اتوقع شنهو احساسه

بيهم صار افتخاره ــ چنهم نور المناره
ابمولدهم فرحانين ــ أبوفاضل وحسين
🌹🌹🌹🌹🌹🌹🌹🌹🌹

✍الخادم
كامل السعيدي

10

مؤسسة منبريون للشعراء

27 Jan, 22:06

#مولد_الاقمار_المحمديه

كشخة شـعبان مولدكم
ومحيرة الناس هيبتكم
سيادة… قيادة … عباده
🌹🌹🌹🌹🌹🌹🌹🌹🌹

ميلادك يحســـــــين الاول منبع للنور
ياهيبتنه وياكشـــــــخته وللعالم سور
بيك اتباهينه ابهل ليله والكل مسرور
غالي وتستاهل نفرحلك ونعلگ ازهور

بيــك الاكوان فرحانه
يانجم اسهيل بسمانه
سياده .. قياده .. عباده
🌹🌹🌹🌹🌹🌹🌹🌹

يوم الرابع من شعبان اشــگد حبيناه
ميـــلادك عباس الغيــره انولدة وياه
بالمحفل حاضر مهدينه اهنا حسيناه
نقرالك اجمل مانكتب ويصـــيح الله

يا آية زود ومــــروه
بيرغ مرفوع للخوه
سياده .. قياده .. عباده

🌹🌹🌹🌹🌹🌹🌹🌹🌹

يومك يالسجاد الخامس ومفرح الناس
نستنشق بي عطـر المولد نسـم بالراس
من عندك نتعلم كلشي حتى الاحساس
ياكعـــــبة معــرفه للعالم بيمن تنقاس؟

بيك الاحساس هناني
يالحبك صــار عنواني
سياده .. قياده .. عباده

🌹🌹🌹🌹🌹🌹🌹🌹

يالاكبر يالتشـــــبه جدك والله شمحلاك
نحبك حب الطـــير العشه واكثر نهواك
اجمل قصة حب عشناها بشعبان اوياك
حتى الاملاك اتحب تلهج دوم ابطرواك

ذكــــرك آيات قدسيه
واسمك ينهاب طاريه
سياده .. قياده .. عباده

🌹🌹🌹🌹🌹🌹🌹🌹🌹

يالمهدي الاملاك ابحفلك مصطفه اصفوف
حبك كعبه وبيه اكليبي يوميه ايطوف
يالساكن وســط الدلال وغيرك منشوف
نور الكون ابوجهك شع وقدرك معروف

والله امن اصباي حبيتك
وبنص الروح ضميـــــتك
سياده.. قياده.. عباده
💐💐💐💐💐💐

✍️الخادم
كامل السعيدي

11

مؤسسة منبريون للشعراء

27 Jan, 22:06

مولد الامام السجاد ع… ..

ابعث اشواقي وسلامي
الحظرت السجاد امامي
مرحبه بميلاده بميلاده بميلاده
ازهـرت اعيـاده اعيـاده اعيـاده
@🌹@🌹@🌹@

بخمسه شعبان انولد نـــوّر المعــــموره
وكل الامـــلاك انزلت اتبركت مـن نوره
ألعـرش وهل الارض بالفرح مســـروره
سـور يصبح للمحب ومحتمين ابسوره

عاشگ ومحبوبي غالي
وهايم ابحـــبه المثالي
مرحبه بميلاده بميلاده بميلاده
ازهـرت اعيـاده اعيـاده اعيـاده
@🌹@🌹@🌹@

العلـــــم والمعرفه انوجدن ابشخصيته
ابدار طه وحيدره نشـــأته وتربيــــــته
حافظ دروب السمه واخذ منهن صيته
هوه حبـي الاولي وبالگلب ضميــــــته

سيدي وزهرت زماني
ابمولده انقــدم تهاني
مرحبه بميلاده بميلاده بميلاده
ازهـرت اعيـاده اعيـاده اعيـاده
@🌹@🌹@🌹@

صلو ياشيـعة علي عل رســـول وآله
علي السجاد انولد وهل علينه اهلاله
كل محب ذايب صبح بالعشـگ دلاله
ياعشگ غـيره بعد يرهـم ويحــلاله

سولفت قصـة غرامي
وبينت ملخص كلامي
مرحبه بميلاده بميلاده بميلاده
ازهـرت اعيـاده اعيـاده اعيـاده
@🌹@🌹@🌹@

سوله بالعاشگ يضل يلهــج ابمحبـــــوبه
والرســــــايل تنبعث بالـورد مصحـــــوبه
مدمعه وشوگه سوه ايمزجه وي مكتوبه
ابلاحبيبه يختــــنگ تصير ظلمه ادروبه

ابهه لحظات السعاده
مـرّن ابهــاي الـولاده
مرحبه بميلاده بميلاده بميلاده
ازهـرت اعيـاده اعيـاده اعيـاده
@🌹@🌹@🌹@

بمولده اطيور السعد   ابفـرح كلهن غــردن
يا هـله وميــت هـله   بصــوت واحد رددن
فرفحن فــوگ المهد   احس چن مولد قرن
ويه خُلّص شيــعتك   بالــولاده استبشــرن

گمر بين انجوم ضاوي
الكل علل حـبه يداوي
مرحبه بميلاده بميلاده بميلاده
ازهـرت اعيـاده اعيـاده اعيـاده
@🌹@🌹@🌹@

          الخادم
✍ كامل السعيدي

18

مؤسسة منبريون للشعراء

27 Jan, 22:06

مولد الامام العباس ع🌹🌹

اليوم زينب ضاحكه ومستبشره
بمولد العبـاس ســــبع الگنطــره
ــــــــــــــــــ✮✩✮ــــــــــــــــــ

منـــــولد كافلهه ــ الباچر ايدللهه
حظرت محفلهه ــ بالولاده……….
ألگـــمر ضـــوانه ــ وزهرت دنيانه
اتهلهل وفرحـانه ــ بالولاده……...
استبشــــرت هليله ــ اتلعبه وتناغيله
وبين اديهه اتشيله ــ بالولاده………

اتصيح سبحان الألآه الصوره
بمولد العباس ســـبع الگنطره
ــــــــــــــــــ✮✩✮ــــــــــــــــــ

ابرايته امگمطـــينه ــ الكافل امسمينه
احزام ظهر احسينه ــ ابوفاظل........
هـوه مرجـــع غيـــره ــ سر صعب تفسيره
ابوصفه اضل ابحيره ــ ابوفاظل……..
سور زينب هوه ــ هوه رمز الخوه
نوره شع وضوه ــ ابوفاظل……..

استبشرو طه الرسول وحيدره
بمولد العبــاس ســـبع الگنطره
ــــــــــــــــــ✮✩✮ــــــــــــــــــ

للمحـافل رحنه ــ بصوت واحد صحنه
مولده ايفرحنه ــ هذا عيده……..
زينــب انهنيــــهه ــ بالگمـــر واليهه
اشگد ورد نهديهه ــ هذا عيده……..
بالفـرح مــن نقــــره ــ نشم ريحة عطره
انحبه حب عالفطره ــ هذا عيده……..

الشعر وهل العقول امحيره
بمولد العباس سبع الگنطره
ــــــــــــــــــ✮✩✮ــــــــــــــــــ

اسمه بالدم يجري ــ هوه روحي وعمري
المـادره خل يدري ــ بيه هايم………
افـرح ابطـــاريه ــ حبه عايش بيه
انفاسي عباسيه ــ بيه هايم…….
دار حيدر داره ــ مولده احلى ابشاره
اتبركت بنواره ــ بيه هايم……..

لغز حبه ابگلي محد فسـره
بمولد العباس سبع الگنطره
ــــــــــــــــــ✮✩✮ــــــــــــــــــ

الخادم
✍ كامل السعيدي

8

مؤسسة منبريون للشعراء

27 Jan, 22:05

مولد الامام الحسين ع… .

يا نبض دلالي … ياحسين الغالي
انته شمعت ديني
حبــــك امسليني
ياحسين الغالي
@🌷@🌷@🌷@

انتــه عشگك جنه
واني بيـــك امهنه
گلبي بالحب هايم
واللـه مامل مـــنه
انته عشـگي الأول اختــاريته
اسمك اويه الدم جره حسيته
راسـي عالي ابخدمـتك عليته

وياك اضل للتالي … ياحسين الغالي
خدمتك تكفيني
حبــك امسليني
ياحسين الغالي
@🌷@🌷@🌷@

بيــك يكبر شــاني
ومنـــــبرك ربــاني
من الزغر حسيتك
عايش ابوجــداني
يـا هـواي العـايش بأنفــــــاسي
انته محبوبي وملكت احساسي
انته صيتي وانته رفعت راسـي

دوم شاغل بالي … ياحسين الغالي
انتــه المعليني
حبك امسليني
ياحسين الغالي
@🌷@🌷@🌷@

اشگد خدمتك حلوه
لروحــي صاير سلوه
سيــــدي ابميـــلادك
نـور وجـــهك ضــوه
ياطبيب اجروحي يا دكتوري
انتـه بالدنيه مـلاذي وسـوري
ضامن ابحبك جناني وحوري

اوياك ابد مابالي … ياحسين الغالي
انتـه التنجيني
حبك امسليني
ياحسين الغالي
@🌷@🌷@🌷@

يـا نجــــات الأمــــه
اسنيني دونك ظلمه
المثل شخصك غالي
بالارواح انضـــــــمه
بيك محســودين يا مولانه
انتـــه نعمه وكرمك غطانه
الباري خدامك الك خصانه

بيك الف هنيالي … ياحسين الغالي
خيرك امكفيني
حبـك امسليني
ياحسين الغالي
@🌷@🌷@🌷@

انزف تهاني وبشره
للزچـــــــيه الزهـره
شــعر نقــــره اليله
ونحتفل بالحــظره
نشعل اشموع الفرح والزينه
انتـه رحمه وآيـه مـن بارينه
تبــقه واليــنه وابن واليــنه

غيرك شيحلالي … ياحسين الغالي
الك فدوه اسنيني
حبـــك امســليني
ياحسين الغالي
@🌷@🌷@🌷@

الخادم
✍ كامل السعيدي

10

مؤسسة منبريون للشعراء

27 Jan, 22:05

من عندي اسمع هاي يا لايم
ابحب ابوسكينه الگلب هايم
وفتخر حبيته
وفتخر حبيته
ـ🌷🌷🌷🌷🌷ـ

گلبـــي مرتـاح اشكــثر هالليله
انولد محــــبوبه ونبض يهديله
حســـــين قرئان اوجب ترتيله
اليقره بحروفه استعد وصغيله

اســـوالف العشاگ محلاهه
احساس بيها وشعر نقراهه
وفتخر حبيته
وفتخر حبيته
ـ🌷🌷🌷🌷🌷ـ

حسين عنوان العشگ سميته
واعتـــرف بي مغـرم وحبـيته
بس اله گلبـــي وقف خليـتنه
بيه والله امـــن الزغر ضميته

هوه عشگي الماردت غيره
عنه شكتب عايش ابحيره
وفتخر حبيته
وفتخر حبيته
ـ🌷🌷🌷🌷🌷ـ

اثلاثه مــن شــعبان هل اهلاله
وجهه احلى امـن البــدر يتلاله
اعـــذب واترف شــــــعر نقراله
بحـبه كلمن يحضه الف هنياله

گلبي ضل ايترجم اشواگه
وي حبـــيبه امنيته يتلاگه
وفتخر حبيته
وفتخر حبيته
ـ🌷🌷🌷🌷🌷🌷ـ

بلبل الحب غـــــــــرد بأنشاده
ياهلا ابســــــيد شباب الساده
كل محب هالليله يدعي وناده
حفظه يارب مـن حقد حساده

حســـــين اجمل ورده فواحه
ابمهده فطرس يمسح اجناحه
وفتخر حبيته
وفتخر حبيته

ـ🌷🌷🌷🌷🌷🌷ـ

الخادم
كامل السعيدي

9

مؤسسة منبريون للشعراء

27 Jan, 22:05

اقره قصيده بهل مسيه
ابميــــلاد سادات البريه
احبهم . احبهم گلبي ينبض بيهم
احبهم . احبهم والله ماناســيهم
ـ🌷🌷🌷🌷🌷🌷ـ

بأسم الحســين الفرحه نبديها
اول ولاده نحـــــــــــتفل بيها
ليلة نزول الخــــــــير اسميها
الدنيه ابضحكته الوان منطيها

مبتشر گلبي بهاي الأفـراح
همـي بشـهر شعبان ينزاح
احبهم . احبهم وبحيـاتي أشريهم
احبهم . احبهم والله ماناســــيهم
ـ🌷🌷🌷🌷🌷🌷ـ

عباس هــيبه ابيـوم ميـــــلاده
كشخة الــزهره وبيرق الساده
فرحــــــه لعلـي الكـرار وولاده
يامرحـــــبا ابجيته الگلب ناده

خيــــر الله كله بهل شهر زاد
وحتى السرور ابداخلي انعاد
احبهم . احبهم افرح ابطـــاريهم
احبهم . احبهم واللـه ماناســيهم
ـ🌷🌷🌷🌷🌷🌷ـ

مـولد علـي الســجاد مولانه
واهس وبهجه ونور غــذانه
الگمر هـــل بأجــــمل الوانه
واليـل طـش نجـماته ويانه

نهر الحنين ابگلبي جاري
بهاي الولادت افتــــخاري
أحبهم . أحبـهم . وخالقي امزكيهم
احبهم . احبهم . واللـه ماناســيهم
ـ🌷🌷🌷🌷🌷🌷ـ

يرتفع شاني ابخـــدمتي ويكبر
امن اقره القصيده بمولد الأكبر
يشبه نبينه ويشـــــــــبه لحيدر
اللـه يحرسه من الحسد والشر

خل يرتفع صوت الموالين
بحب النــبي وآله الميامين
أحبهم . أحبهم بمهجتي افديهم
احبهم . احبهم واللـه ماناســيهم
ـ🌷🌷🌷🌷🌷🌷ـ

هـايم دليلي بكـل بنـي هـاشم
الهم فخور من انحسب خادم
مـولـود عـدهـم للـحسن قـادم
يـاس أورد صيــنيت القاسـم

يامحب گوم اوطـش الـورود
عند الحســـن هاليله مــولـود
أحبهم . احبهم منبري امسميهم
احبهم . احبهم والله ماناســيهم
ـ🌷🌷🌷🌷🌷🌷

لصاحب زماني ماخنت عهدي
حبيـــــــته وانه ازغير ابمهدي
ابميـــلاده حاير يا بشر شهدي
محتـــــار شقره ابمولد المهدي

مسك الختام بهل شهر صار
نوره انجعل ســادس الانوار
احبهم . احبهم . واجب افرح بيهم
احبهم احبهم . والله ماناسيـــــــهم
ـ🌷🌷🌷🌷🌷🌷🌷

✍الخادم
كامل السعيدي

11

مؤسسة منبريون للشعراء

27 Jan, 22:05

تقرا في جميع ليالي شعبان…

شعبان هل اعلينه    صلو عالنبي
خ نبـارك المهدينه    صلو عالنبي
🌷🌷🌷🌷

بعـد التحـيه والسـلام انزف تهـانينه
مصحوبه بنواع الورد للمهدي والينه
شعبان من بعد الحزن رد الفرح بينه
ابميــلاد ســادات البشر تحله ليالينه

فرحتــنه    وضحكتنه     انقــدمهن هديه
منــذوره     للمهـــــدي     وللزهره الزچيه
صليــــنه     وهنيــــنه      ســادات البريه

واجمل حفل سوينه     صلو عالنبي
خ نبـــــارك المهدينه     صلو عالنبي

🌷🌷🌷🌷🌷🌷

اول ولاده ابهل شهر لحسين ابو اليمه
وتتبرك امـــلاك العرش كلها انزلت يمه
ذاك اليهزه مهده الشريف وهذا اليشمه
خل نحتفل وياهــم ابكل واهس وهمه

ابهـاليله    انسويله      محفل للقصيده
ونشارك    يسـتاهل     نقراله الجـديده
نتمــــنه    يقبــــلنه     ويضمنه العبيده

صك خدمته اينجينه     صلو عالنبي
خ نبــــارك المهـــدينه     صلو عالنبي

🌷🌷🌷🌷🌷🌷

ابثاني ولاده اتباهت وفرحت المعموره
ميــلاد عباس الگمــر بالكون شـع نوره
والحره ضحكت وشكثر هليله مسروره
كافلها للدنيه اجـه بأجمل واعــز صوره

فرحــانه    وسهــرانه    وي مهده ابصباها
كافــــلها    ايلوگ الها    وحق بيه اتبــــاها
ايناغيهه   وتضـحكله    ومنـــــور ســـماها

وبمهده خلت زينه     صلو عالنبي
خ نبــارك المهدينه     صلو عالنبي

🌷🌷🌷🌷🌷🌷

الزين العبــــاد الواجـب انزين منصـــتنه
وبأسمه من نكتب شعر تكشخ قصيدتنه
مرسـومه بوجوه البشـــر هاليله فرحتنه
نور الامـــامه الخامس امنـــــور مدينته

نقره اسمه   ابكل نجمه    ونرتل اسـمه آيه
جم عابس   بيه واهس    من فرحتنه هايه
خل نشـكر   باريــــــــنه    شكراً عل عطايه

خير ونعم منطينه    صلو عالنبي
خ نبــارك المهدينه    صلو عالنبي
🌷🌷🌷🌷🌷🌷

وللاكبـــر انعلگ شـــمع ونحــــني أيادينه
وبضــرف واحــد للنـــبي نرسـل تهانيـــنه
ومــن حبنه اله اجمل حفل هاليله سوينه
ونفتخر بالاكبـــــــــــــر الان كلنه موالينه

هيبــــتنه   وكشختنه   اوالينه وســـــندنه
بي نفخر    نتبخــــتر   غالي اهوايه عدنه
ونحــــبه    عالفــطره   وهيبه ابحبه زدنه

وحنه ابفخر نادينه    صلو عالنبي
خ نبـــارك المهدينه    صلو عالنبي
🌷🌷🌷🌷🌷🌷

          الخادم
✍كامل السعيدي

10

مؤسسة منبريون للشعراء

27 Jan, 22:05

ياهــلا بشعـبان الافراح
مـن حزنه انريــد نرتاح
بيه نشـم ريحة القداح
ياهلا …… ياهلا
🌹🌹🌹🌹🌹

اللـه مـن بيــن الشـهور اختــاره
وبيـــه جعل مــــولد اعـز انواره
عشنه بيه چم فرحه چم ابشاره
كل محب دخلت ســعاده ابداره

يختلف عن باقـي الشــهور
بيــــه تهل افراح چــم نـور
كل محب بيه عاش مسرور
ياهلا ……… ياهلا
🌹🌹🌹🌹🌹

وهاي اول فرحه بيه عشناهه
مولد حســـين الي بيه نتباهه
الدنيـه كلهه اتهلهل اسمعناهه
واحله زينـه اتعلگت شفـناهه

ياهلا ابميلاد الحسـين
ياهـلا بديمومت الدين
اتردد ابصوت الموالين
ياهلا ……… ياهلا
🌹🌹🌹🌹🌹

ثاني فرحــه الگـمر هل بسمانه
والشمس منه اصبحت خجلانه
ابمــــولد الكافل زهت دنيـــانه
وفاطمه اتعيــش الفـرح ويـانه

انسرت ابميـلاد عباس
گامت اتوزع ورد ياس
بالمحافل هنت الناس
ياهلا ……… ياهلا
🌹🌹🌹🌹🌹

ثالث اعيــاد النبـي القدســــيه
مـولد الســجاد شعشع ضــــيه
نقــره اناشــــــــيد الفرح ليليه
وكل محب شايل بديه جوريه

هل فرح مامثله بالكون
والملائك بيه يحظرون
للنــــبي وآله يهـــــنون
ياهلا ……… ياهلا
🌹🌹🌹🌹🌹

خمسه من ابهه الموالد جامــع
ومــولد الاكبر يصـــير الرابـــع
نوره چن نور الرسول الصاطع
وبالشـجاعه على حيـدر طالع

أنولد خيرت الفتـــيان
طه بيه اهواي فرحان
يا حلات اليال شعبان
ياهلا …… ياهلا
🌹🌹🌹🌹🌹

١٥ شعـــــبان اكـــــبر فـــرحه
انولد بيه المهدي وشرق صبحه
كل جريـــــح اليله ضمد جرحه
وصـدره بفراح الولاده ايشرحه

ابمحفله ما يبـــــقه معلول
يشفي حتى الچان مشلول
مــن صميم اگلوبنه انگول
ياهلا ……… ياهلا
🌹🌹🌹🌹🌹

الخادم
✍ كامل السعيدي

10

مؤسسة منبريون للشعراء

27 Jan, 22:05

شعبان هل أهــلاله     هلا هلا
أنهني الرسول وآله     هلا هلا
شهر الفرح شهر الخير
شعبان شعبان
يا هلا شعبان
................................................................
يا نسيم الهاب غنــــــي ودور ما بين المله
وأرسم الفرحة بشفاهك رتل أحروف الهله
أخذ مني شوك عاشك وأمشــي بيه الكربله
ضوي سمانه    يا هلا
الفـــرح جانه    يا هلا
عطر الورد بالحب فاح
والشــوك بحروفه حله
طيــــر السعد غناله    هلا هلا
أنهني الرسول وآله    هلا هلا
شهر الفرح شهر الخير
شعبان شعبان
يا هلا شعبان
.......................................................
شع ضوه أهلال المودة وعالم العلوي أبتهج
ثالث أنوار الهداية أشرق ونوره وهـــــــــج
رحمة الباري ونعمته حسيــــن مفتاح الفرج
يا هـــلا بجيته   يا هلا
بيت الله بيته      ياهلا
عالفطرة حبــــه يا ناس
ودلالـــــي بحروفه لهج
بسمه الفرح يحلاله     هلا هلا
أنهني الرسول وآله     هلا هلا
شهر الفرح شهر الخير
شعبان شعبان
يا هلا شعبان
.....................................................
هل ربيع الخوه وأزهر بسمه معراج الوفه
ورسم قاموس الكواكب كمر وبنوره أكتفه
شافه الحسين وتبختر شاف نور المصطفى
بكماطه توه    يا هلا
بيرغ الخوه    يا هلا
وزينب أجت بالكاروك
شدت حجاب العفــــــه
عباس نوره لالـــــه     هلا هلا
أنهني الرسول وآله     هلا هلا
شهر الفرح شهر الخير
شعبان شعبان
يا هلا شعبان
......................................................
بزغ من وحي الأمامة شمس سبحانه وجعل
بدر وجها ويا تمامه شبه من خير العمل
علي يا محلى علي السجاد ضي نوره أكتمل
ميلاده رحمه.     يا هلا
من فدوه لاسمه.    يا هلا
الليلة فرح والأعياد
كل محب عالفطرة احتفل
كلبي أبتهج دلاله.    هلا هلا
أنهني الرسول وآله.   هلا هلا
شهر الفرح شهر الخير
شعبان شعبان
يا هلا شعبان
...........................
11شعبان وتلاه 15 بدر الدرر
علي الأكبر نوره ضوه وبعده هل المنتضر
فرحه واعياد وهلاهل بيهم الكون أبتشر
نور الولاية.     ياهلا
كل شمس آيه. ياهلا
بيهم تغنه القداح
وفرحت ملايين البشر
البيهم فرح هنياله.     هلا هلا
أنهني الرسول وآله.    هلا هلا
شهر الفرح شهر الخير
شعبان شعبان
يا هلا شعبان
......................................
خادم خدمة الحسين
الشاعر محمد الموالي

12

مؤسسة منبريون للشعراء

27 Jan, 22:05

على الفطره وعلى النيه
محبتنه حسينه
@@@
المثيله لا اجل واروع
ارتوينه حبه بالمرضع
محبة روح ما تطلع
ويصيح الجوف غاليه
محبتنه حسينه
@@@
احب احسين بواليمه
واروحن فدوه يم اسمه
ومثل صدري الجفن ضمه
نبض گلب ونفس ريّه
محبتنه حسينه
@@@
خذوها مني معلومه
عشگ غيره فلا رومه
دوه هالجات مهمومه
وعلاجه ميه بالميه
محبتنه حسينه
@@@
امام وللگلب سلوه
ومحبته كالعسل حلوه
رغم وابشوگه نتچوه
قتلنه وما نبي ديه
محبتنه حسينه
@@@
اذا ما زوره واتنعم
اضل كل عامي اتألم
على اضريحه المحب يسلم
زياره بصافي النيه
محبتنه حسينه
@@@
احبه اعروگ بفادي
صفه ليها الگلب شادي
فداه المال وولادي
ودمائي وكلشي مابيه
محبتنه حسينه
@@@
يوادم كلمه مگيوله
اعوفه شلون معقوله
فروع الدين واصوله
الجفاها تايه ابغيه
محبتنه حسينه
@@@
خبل من عاف ابوالاكبر
شيجاوب الله بالمحشر
يودونه وسقر تسعر
وذمم احبابه مبريه
محبتنه حسينه
@@@
علي أحمد الحمود
٢٦-١-٢٠٢٥
مولد الحسين ع

17

مؤسسة منبريون للشعراء

27 Jan, 22:04

بمناسبه المبعث النبوي الشريف

جيت يا نور الرساله برحمه للوادم اجيت
ظلمه وافعال الرديه من زمن غابر محيت
من اجلنه يبو الزهرة أوضاع مره تحمليت
يلشفت ماشافه واحد شكثر بالدنيا ابتليت
يلشفت ظلم وخيانه وناس ماترحم لگيت
ياذنب سويته الهم وها كثر منهم جنيت
حجريرمونك وتنطي ثمر يا شجرة اعتليت
ما شفت راحه بحياتك چم درب موحش مشيت
خذوا من وقتك الغالي وخير الهم قدميت
ليش كلهم سعوا ضدك بخير للضدك دعيت
انطوت صفحات الظلاله بالعجل إلها طويت
قدمت راحتك ألهم عفت ديره وعفت بيت
عفت دنيا ومال عفته ودين ربك دوريت
ردت خير الناس كلها يوم لأجله توجهيت
لاردت سلطة وحكومه وإلها مايوم اعتنيت
جيت تهدي الناس كلها هذا سعيك من سعيت
غيريت الدنيا هاذي وناس ماتندل هديت
روحي إلك فدوه وحياتي يلي للباري وفيت

الشاعر حسن لعيبي الحريشاوي

14

مؤسسة منبريون للشعراء

27 Jan, 22:04

هوسات بمناسبة المبعث النبوي الشريف

بياهي من المكارم ماچنت أول
يبو الزهره الظلام بنورك اتبدل
يخواض الصعاب وعايف الاسهل

(ياعالي الزود من العالي )
★★★★★
الزمن مهظوم بس النوح ترديده
مثل غرگان فوگ المي رفع أيده
إله مديت ايدك يلچنت عيده

(بنورك ياطه اتعلينه )
★★★★★
چم مبدأ تزعزع يلصمد دينك
لان سوح العلم والحق ميادينك
يلمبعثك نور. وربك ايعينك

(ابخيرك يلهادي امغطينه)
★★★★★
على ايدك رعيت الحال و تغَيَّر
صار الجهل ماضي والظلم والشر
بساعة مولدك ياوالد الكوثر

( غَيَّرت الدنيا ومابيها)

الشاعر حسن لعيبي الحريشاوي

16

مؤسسة منبريون للشعراء

27 Jan, 22:04

بمناسبة المبعث النبوي الشريف

طاب وحله الزمن لاظلمه لامحن
الايام يامحلاها بمبعث نبينا طه
لاظلمه لامحن
★★★★★
بدد الظلمه ومحه اغبار الزمن
لا عبوديه ترد ولا وثن
رسم خير العاقبه وذل الفتن
هذا ابوالزهره النبي جد الحسن

ياصاحب القيم بالخالق اعتصم
جينه بفخر نتباهه بمبعث نبينا طه
لاظلمه لامحن
★★★★★
ابمبعثه عم الضوه بهاي الارض
وبالمحبه دفع روجات البغض
مله خيره على الارض طول وعرض
والمودة صفت علوادم فرض

ام القرى امتلت بنور النبي وحلت
رب السمه علاها بمبعث نبينا طه
لاظلمه لامحن
★★★★★
ياگمر يمحي الدياجي من يحل
وبوجوده الجهل غصبا يرتحل
ولا بعد موئوده باچر تنسئل
تراب ذل عليها دافنها يهل

يامحله طلعته وبالارض هيبته
الدنيا اختلف معناها بمبعث نبينا طه
لاظلمه لامحن
★★★★★
نور من مكه على الدنيا سطع
نور من هاشم على الوادم طلع
ايس الشيطان بالذله رجع
من نظر نور النبوه وبيه سمع

لليدعي بالفرج بالمبعث ابتهج
ساعات ماينساها بمبعث نبينا طه
لاظلمه لامحن
★★★★★
هذا الحبيب المصطفى سيد البشر
راسم طريق المعرفة اتنور البصر
جم لمسه بگلوب الخلگ تارك اثر
علمنه درب السيئه درب الخطر

بنوره السمه امتلت ومحلاه صفه الوكت
ساعاته من عشناها بمبعث نبينا طه
لاظلمه لامحن

الشاعر حسن لعيبي الحريشاوي

16

مؤسسة منبريون للشعراء

27 Jan, 22:04

أسمى آيات التهاني والتبريكات أرفعها إلى مقام سيدي ومولاي صاحب الزمان الإمام المهدي المنتظر ( عج ) ومراجعنا العظام والشرفاء من المسلمين و المسلمات والإنسانية جمعاء بمناسبة المبعث النبوي الشريف.

قصيدة { رحمة للعالمين }
كتبتها في ١٨ كانون الثاني من عام ٢٠١٨

يا لهفة الشوق ومسك الختام ... يا سيدي عليك مني السلام

************
في ليلة عــــــدت عروس الليال
تبــــــــــــارك الله بها ذو الجلال
حيث هوت فيـــها عروش الضلال
وجاء بالإسلام طه الهمام
*
أهلاً وسهلا ً يا حبيـــــــــب الآله
من كل قلب فيك يلقـــــــى هواه
لولاك ما العيـــــــــش وما محتواه
يا رحمة الله لكل الأنام
*
يا رحمة الله العزيـــــــــز المعين
قد اصطفاك لدينــــــــه خير دين
فعبدته حتــــــى أتاك اليقيـــــن
مقامك المحمود أعلى مقام
*
بك بلّغ الله عظيــــــــــم الشرف
لمحل من أكرمهــــــــــم إذ رأف
مذ فرحة الميلاد خيـــــــــــراً تزف
قد لاح فجر الفوز رغم الظلام
*
وجئت نوراً ليــــــــــس فيه امتراء
بك قد أنــــــــــار الله وجه السماء
كذلـــك الأرض وكـــــــــــان النداء
بشراكم اليوم بخير الأنام
*
والله أندى حين يحنــــــــــو على
عبيده يا خيـــــــــــــــر كل الملا
وهكذا العطــــــــــــــــف وإلا فلا
من مسبغ النعمة حد التمام
*
هذا سلامي من صمـــــــــيم الفؤاد
والعهد مني دائم للمعــــــــــــــاد
بك قد أنار الله درب الرشــــــــــــاد
يا سيد الخلق نشرت الوئام
*
وهكذا الإســـــــــــلام دين الولاء
دين المحبة ليـــــــس دين العداء
جئت به مبشـــــــــــــــراً والرجاء
تشفع يا طه لكل الكرام
*
تشفع عنـــــــــــــــد الله للمؤمنين
أقصد مـــــن والاك والطــــــــاهرين
أهل العبا وســـــــــــــادة العالمين
ومن بهم دين الآله استقام
*
فبنتك الزهراء خيـــــــــر النساء
وصهرك الكــــــــــــرار روح الوفاء
أنعم بسبطيـــــــــــك كنور يضاء
يا صفوة الله العلي السلام
*

خادم الإمام الحسين عليه السلام
عمار هليل الواسطي
١٨ كانون الثاني ٢٠١٨

23

مؤسسة منبريون للشعراء

22 Jan, 13:52

استشهاد الامام الكاظم ع

سلاسل بيدك وعشت بظلام
عله جروحك يمولاي السلام
****
يا غريب بنص قيودك والظلام اصبح وطن
دمعت عيونك اسيره والهوه اوياك انسجن
عندك آهات اشكبرها فوگ صدرك غيّمن
مو سنه وسنتين جرحك جرحك بگد الزمن

مِحِنْتك ما يوصفها الكلام
عله جروحك يمولاي السلام
****
يا سلام الله اعله گلبك الما حضه برحمة بشر
مو كأن جدك محمد اشماله وياك الدهر
النبي أيوب حتما حاشه گدك ما صبر
المحنتك يبن الزچيه ناح وانطر الحجر

سنينك عالحجر خلصت تنام
عله جروحك يمولاي السلام
****
دمعت احبابك جريه هاك اخذ كل الدمع
الليله من دون اليالي الك ونه تنسمع
فوگ ما بالظلمه عايش چبدك بسم ينگطع
حگها لگلوب المصابك يبن جعفر تنفجع

الك دمعتنه يا سابع امام
عله جروحك يمولاي السلام
****
دم چبدتك يبن جعفر ويه الدموع انمزج
ضاگت الوسعه وقرارك تلتقي برب الحجج
بيوم جمعه الشيعه تنطر وفرفحت كل المهج
من كثر ما محنه شايف موتك اتسمي فرج

جسر بغداد ياموسى الختام
عله جروحك يمولاي السلام
****
موعدك محد يخلفه للجسر كلها اعتنت
ما لگوك احبابك انته منطرح نعشك لگت
ويه دمعات الغياره السمه كلها بچت
ميت ولابس قيودك شمسك اهناك انطفت

عله جسرك مدامعها ازدحام
عله جروحك يمولاي السلام
****

الشاعر اياد الديراوي

256

مؤسسة منبريون للشعراء

22 Jan, 13:52

#الطاموره…

#موشح من التراث الحسيني (النجفي)
شهادة الأمام موسى بن جعفر عليه السلام
.
.

موسى روحه من السجون معلعله
ليا سـبب هـارون سـجنه يبـدله
ليـش للطـامـوره قــرر يـنقـله
شـنهي بيها وشـوصف سجـانها

ـــــــــــــــــ ❁ ❁ ❁ ـــــــــــــ

هاي طاموره انطمر بيها الظلام
واليطـبها عينه ما تغفى وتنام
بيها ابن شاهك وغلمانه اللئام
صبغو بسـفك الدمه حيطانها

ـــــــــــــــــ ❁ ❁ ❁ ـــــــــــــ

معطيات الحاله ترسملك مسار
عن سجين وليله ما شايف نهار
وآمر الطـاموره أصدر هالقرار
تعتـلي بسب فاطـمه غلـمانها

ـــــــــــــــــ ❁ ❁ ❁ ـــــــــــــ

عطش بيها شگد يويلي ابو الرضا
چـان قدر المـاي سنـدي اليفرضه
هالقـدر مايكفي حتـى المضمضه
للعـبادة تيـمـم بتــربـانـها

ـــــــــــــــــ ❁ ❁ ❁ ـــــــــــــ

الماي كلش حار بالصيف الرهيب
ولابـد يجـرعه أمامك الحـبيـب
لو رشـف يحتـرگ چبده بالهيب
وتـدوي چانت مهـجته بنيرانها

ـــــــــــــــــ ❁ ❁ ❁ ـــــــــــــ

جان بالطاموره اله مجلس عزاء
يمضي بالسجده الطويلة الكربلاء
على التربه الطاهره يحلى البكاء
وعالطفـوف وعالجـره بميدانها

ـــــــــــــــــ ❁ ❁ ❁ ـــــــــــــ

شاهـدو كـسـر الارادة مايفيد
ثگلّو چفـينه وجدامه بحديد
رطب جابو كالو اكله يالعنيد
لو تـودع شـيعـتك رضعانها

ـــــــــــــــــ ❁ ❁ ❁ ـــــــــــــ

اكل من هذا الطعام وأجرعه
لا نـدخـل شيـعتك بالمعـمعه
وتنـظر الأشـلاء منها مگـطعه
وتعتـليها. النايبه. واحــزانها

ـــــــــــــــــ ❁ ❁ ❁ ـــــــــــــ

أكل ياويلي وجـرع سم الطغاة
حتى يرمي الشيعته طوق النجاة
ابـو طلـبه يفـتدينـه. بالحياة
رجح چف التضـحيه بميـزانها

ـــــــــــــــــ ❁ ❁ ❁ ـــــــــــــ

ضاگ بنفاسه الهوه وضاگ الفضا
گضه وبسمهم ضلوعه مرضرضه
بالطـشت ياويلي چـبده يلفضه
تـزلزلت لجله السـمه بأركانها

ـــــــــــــــــ ❁ ❁ ❁ ـــــــــــــ

شاع بين الناس والصوت اعتلى
عن جـنازه امگيديها ابسنـسله
موسـى والغلمان نعـشه تحمله
وعنه غـابت شيـعته واعـيانها

ـــــــــــــــــ ❁ ❁ ❁ ـــــــــــــ

فزعت انصاره واجت من كل كتر
ونحنـى لجـنازته ظـهر الـجـسر
جمهـره ابغـداد چـن يـوم الحشر
ســرفنت زلم المــنايا اردانـها

ـــــــــــــــــ ❁ ❁ ❁ ـــــــــــــ

تسرفنت زلم الوغى ليـوم المصاب
شـيعو بـدر الذي بزنزانه غاب
لچن ظل حسين دامي اعله التراب
والفتن نفثت عليه دخانها
ـــــــــــــــــ ❁ ❁ ❁ ـــــــــــــ

3 ليالي ابـن الـزچيه بالجراح
دامي ظـل بمهـجته تذر الرياح
حسين محد شيعه بذاك الصباح
تضـحـياته بكربـله نيـشـانها

ـــــــــــــــــ ❁ ❁ ❁ ـــــــــــــ

حسن الموالي الفاطمي

208

مؤسسة منبريون للشعراء

22 Jan, 13:52

في حق الامام الكاظم. ع

واه ويلاه يمسموم واه ويلاه
واه ويلاه يمسموم واه ويلاه

---------------
تجري العيون يمسجون عليك اتصب دمع
ماكو اخبار يمحتار. تون ماتنسمع
تكضي حسرات وعبرات مثل حال الشمع
حسره اكلوب. يمحجوب الك حدر الضلع
الله رافع شانك. والصبر عنوانك

واه ويلاه يمسموم واه ويلاه
واه ويلاه يمسموم واه ويلاه

-----------------
بين حيطان. وعدوان. كظه كل العمر
تمر اليام. والالم دليلك بيه جمر
عشت مهموم يمضلوم خلص حتى الصبر
بسجن هارون. يمحزون ولاشفت الفجر
تكضي ليلك عابد. وبصلاتك ساجد

واه ويلاه يمسموم واه ويلاه
واه ويلاه يمسوم واه ويلاه

-----------------
يبن الطياب. الك باب نطوف بحضرتك
نعتني ليك. نواسيك كصدنه زيارتك
احنه كل عام. وخدام رفعنه رايتك
باب المراد وبغداد. بجت لمصيبتك
مثل يوم العاشر. وبمصابك حاير

واه ويلاه يمسموم واه ويلاه
واه ويلاه يمسموم واه ويلاه

------------------
ولجسر بيك. بجه عليك. لطم وي الخدم
نعشك انشال. والحبال. اثره عله الجدم
صاحت الناس. والنفاس. يصب دمع الندم
ونته مطروح. والجروح. نعاين بيها دم
صاح ناعي امصابك نفجع كلب احبابك

واه ويلاه يمسموم واه ويلاه
واه ويلاه يمسموم واه ويلاه

-----------------
واليشيعون. يلطمون عله مصابك حزن
الشيعه. شالوك. وخلوك. متن يم المتن
تبجي العيون. والجفون يصب دم الجفن
متت محروم. يمظلوم الك ناسك تحن
الملتقه يم بابك نجي نزور اعتابك

واه ويلاه يمسوم واه ويلاه
واه ويلاه يمسموم واه ويلاه

------------------
الخادم
رحيم الصالحي

171

مؤسسة منبريون للشعراء

22 Jan, 13:42

اجت مشايتك
تقيم ازيارتك
وتشيع جنازتك... يبن جعفر اويلاه
يقين ابابك
تطيب احبابك
الدمع بعتابك يبن جعفر اويلاه

نجي باصعب ظرف. بدمعنه المايجف. لهسه اسموم ابن شائك تحارب حظرتك
شعائرنه فرض. مدارس للرفض. الطعن بيهه دفن روحه قزم يم رايتك

قسم يلكاظم انزور مشي الحظره نجيهه
زلم للمذهب اتشوف تجيك ابلا وعيهه
ابد متهمنه الاصوات الي ينشز حجيهه
ومراسيم العزائات الك حاظر بجيهه

وحك دم الجبد. نجيك ومانرد
نصف يم كبرك اجنود يموسى ونستعد

يدكتور لاحبابك.. كصدناك بمصابك
.....................
الشعائر دورنه
عشك بجذرونه
انطينه انحورنه ولا عفناهه هيهات
انعكدنه برايتك
يتامه بصايتك
يموسئ زيارتك. فلا عفناهه هيهات

ينعتونه بجهل. ولد هند وهبل. الي اتهجم على الزارك لهارون انتمه
تغثم لطمتي. الي طعنو دمعتي
مطر تموز هجمتهم ولا هز رايتي

تظل وحدك بعد لا زحف نوصل نجيلك
بعد لامو حمايل تجي احبابك تشيلك
كبلنه تروح الكلوب يموسى وتعتنيلك
نذرنه بدربك الروح وفه تموت بسبيلك

يلمخلص العمر. بطوامير الصبر . بسجن ماظموه اظواك الفرج موتك نصر

يدكتور لحبابك. كصدناك بمصابك
.............
بشار السامي

153

مؤسسة منبريون للشعراء

22 Jan, 13:42

هاي اجنازة المسموم شيعوها
ودعوا ارواحكم لمن تودعوها

ماحضروا گرابه... يبچون المصابه
★★★★★★★★★★★★

هاي اجنازة الطيب وابن الطيبه اعلومه
خل تحظر بني عدنان هسه اوتدخل الحومه
ورده ابنص سجن هارون الهم هاي مسمومه
اليطلب ثار ياهالناس مايتهنه ابنومه

خل كلمن يسل ابچفه بتارة.
ويگصد للغريب اوياخذ ابثارة

اليكضون الطلابه....يبچون المصابه
★★★★★★★★★★★★

من ايس طيبه وگال خلي تحظر اعمامه
ليش الگاظم ابلا روح وفوگ الگاع العمامه
خل تلفي ابيارغها وتعرض اهله جدامه
الكاظم سمه من الراس ويلي اواصل اجدامه

وين اهل السيوف الباشطه اليله
تحظر نعش ابنها الكاظم اتشيله

وين اهله النجابه....يبچون المصابه
★★★★★★★★★★★★

يامن يمشي بدموعه ايحشم كل بني هاشم
ويگلهم مو وكت نومه اليطلب ثار مانايم
زحمه اعله الجسر تنعاف ويلي اجنازة الكاظم
الميت كون اهل وياه موش اتشيعه الوادم

حلوه الميت من اخوانه جنازه
من هزت النعش يعرفهم اعزازه

اخوانه والصحابه.....يبچون المصابه

★★★★★★★★★★★★

عدنه احنه العرب ياناس ماترهم تره هايه
العدنه ايموت كل تبچي اخوانه اتصير ملايه
يلطم كل سلفنه اعليه ويمه انسوي القرايه
وانــــــذب العگل عالگـــاع ونهوسله بالرايه

بس هذا الغريب الحاير ابأمـــره
ومشيوله السمه بعماته الخضره

دين الله وكتابه....يبچون المصابه
★★★★★★★★★★★★

خل نمشي الأسد بغداد هاي الفزعه مريوده
وانشيل النعش وانصيح احنه الكاظم اجنوده
نقسمله نظل خدام ابهاي اهدومنه السوده
ومجلسنه يظل اعليه يبچي وينعه رادوده

اليلطم هسه ويبين اثـــر صدره
الكاظم هوه باچر يحظر ابگبره

النايم بالترابه....يبچون المصابه
★★★★★★★★★★★★

يالكاظم قسمنه اعليك بالمبيوگه ترچيه
هليله اجينه اضيوف كلمن جالك ابنيه
هذا ايريد علته اطيب هذا ايريد ذريه
وضيفك من گبل ميگول انت اتصيح مگضيه

وي ناسه العراق اتعنه مشايه
والمهدي اجاك اوشايل الرايه

والشيعه اعله بابه....يبچون المصابه

★★★★★★★★★★★★

ــــــــــــــــــــــــــــــــــــــــ
ماجد حبيب الخيكاني
ونسالكم الدعاء

134

مؤسسة منبريون للشعراء

22 Jan, 13:42

شوط كربلائي للامام الكاظم عليه السلام

مسموم بسجن هارون … سليل الزهره ابن جعفر
عليه امگدر او مكتوب … او مامش حل لِلِمْگدر
:
:
على الكاظم بچه الصوبين .. او يبجي الغربته دجله
غريب او ميّت او مچتوف .. او ما حضرت تشيعه اهله
مصيبها الها ينوح الكون .. او ينوح الها رسول الله

حگ لو تنعمي العينين
هالميّت حفيد احسين
وحيد او كل هَله ابعيدين

جبير الشان ابو الشارات .. جثته اعله الجسر تُشمَر !
:
:
جانت شيعته تتناه .. الفرج كاللهم الجمعة
منتظرين ذاك اليوم .. بس بگلوب منفجعه
لن الصايح امن ابعيد .. ميّت موسى يا ربعه

ميّت خير كل الناس
يا شيعة الطموا الراس
راح الما اله مقياس

عزيز الزهره ابو الضامن .. امصابه للصخر فسّر
:
:
صاحت كل اهل بغداد.. آه يا موسى ومصابه
ركضت للجسر حفاي.. الشيعة بعين سچابه
امام الرافضة مجتول .. او نار الگلب لهّابه

بالتابوت ومگيّد
هاي امصيبة ما تبرد
حگه الشيعي من ينْهد

امامه الميّت المظلوم .. السادس من ولد حيدر
:
:
التمت شيعته تنعاه .. السده مو هيّن اعليهم
يم راسه او يحاچونه .. لاچن ما يحاچيهم
بعد فرگه او غياب اشلون .. بتابوته يرد ليهم

مات الجان عزوتهم
شيهودها دمعتهم
حيف الوكت شتتهم

اشيخيطها الجروج اثكال .. البين بموسى هالسدّر
:
:
شالوا نعشه فوك الروس .. للطيّب تجي الوادم
لاجن عالجنازة اصياح .. مامش من بني هاشم
مكتبوب الهم ايموتون .. بالغربة ولد فاطم

غربتهم تهد الحيل
من السم لسحگ الخيل
عمرهم صار ويل ابويل

شلعان الگلب مكتوب .. عليهم عونة المضطر
:
:
يصاحب ثار هاشم وين .. او يمتى اتطالب بهالثار
كضوا بالغربة عدنانك .. عليهم كل ألم يندار
صيح ابثار ابن جعفر .. مو هيّن عليهه الصار

صيح ابثاره وبثارك
جرّد كوم فقارك
خل ايشب لهب نارك

يآخر سيف يل موعود … يمن للغانمة امگدّر
:
:
فاضل عباس الخزاعي

https://t.me/fadlkuzay

118

مؤسسة منبريون للشعراء

22 Jan, 13:42

اكصد يمهدي بهل رزيه
وهل الدمع بالكاظميه
اجنازه الكم غريبه بعازة متون
..................

يالحزنك يعيش اوياك كل يوم
جدك يابو صالح مات مسموم
الله يعين روحك شافت الضيم
گلبك عالاهل يوميه ملجوم

الفاكد احبابه يعيش غربه
وبس الله يدري بحال كلبه
تعال اوياك جيب ادموع العيون
اجنازه الكم غريبه بعازة متون
..........................

بسجن اظلم وجوه الكاع مسجون
لا نسمة هوه ولا ضي للعيون
عايش غربته الكاظم معانات
وياطوك الحديد مثكل المتون

والليل يخلص دمعه دمعه
الحسره شكبرهه الجوه ضلعه
لاخوان تفزعله ويحضرون
اجنازه الكم غريبه بعازة متون
.......................

مامرتاح ابد ومساهر الليل
وحياطين السجن جن حافر الخيل
على شوفت بناته بصدره حسرات
وفراك الاهل ماخله كل حيل

لا اهل يمه ولاعشيره
والوحشه بعيونه چبيره
الهضم والضيم ماخلن عليي لون
اجنازه الكم غريبه بعازة متون
.........................

امن الطاموره مل وشيب الراس
من الخنكه كوه ايجر الانفاس
باب الحاجه هذا بجفه كل خير
الشامت على بابه مخلي حراس

والشيعه منتظره علامه
بلكت يردلهه بسلامه
وكل يوم اليمر بيهم ينطرون
اجنازه الكم غريبه بعازة متون
........................

شايل گلب ينبض بس بالجروح
وعلى اوليده الرضا بكل مغرب اينوح
انحرم من شوفت ابنه وروحه تشتاك
وشيطيب الوجع لو چان بالروح

موجوع كلبه وظهره مايل
من الفركه لو من السلاسل
وين اولاد هاشم خل يشوفون
اجنازه الكم غريبه بعازة متون
..........................

باچر عالجسر موعد للدموع
والنبضات توكف جوه الضلوع
يمهدي احضر وشيعه بدمعة العين
الكاظم مات كلبه هواي مشلوع

يالمهدي الله يعينك بهاي
ويعظم الله اجرك يمولاي
گلبك منفطر هليله محزون
اجنازه الكم غريبه بعازة متون

محمد هادي العقابي

106

مؤسسة منبريون للشعراء

22 Jan, 13:41

جينه ننشد عن سجن طاموره
اِو ليش مشكاة الله بي مكسوره

جينه ننشد وين محبوس البعيد
او ليش شَدوه اِبسلاسل مِن حديد
او ليش مربوطه الرِجل وْايد اعله ايد
اِوْ هَذي يا ظلمه التغطي نوره

جينه ننشد عن سبب سِجنه الامام
وليش كلما يخلص يزيدونه عام
ما صحه عقل الذي شاف الحمام
على شباجه الطيور اتزوره

جينه ننشد وين امام الشيعه صار
وليش مايعرف الليل من النهار
والله ملينه حياة الأنتظار
ويدري بينه اگلوبنه معصوره

جينه ننشد عن حبل الله المتين
ضاعة اخباره علينه مِن سنين
او لو نشوفه نذر يا ام البنين
عليج نقره الفاتحه مشكوره

جينه ننشد عالوجه تجري الدموع
صاحب السجدة الطويله بي رجوع
اِتْكَزبُر الحيطان من ذاك الخشوع
حلو صوته من يرتل السوره

جينه ننشد والبشاره من الحبيب
گالو الجمعه تره الموعد قريب
ما عرفنه الجرح ياجمعه يطيب
يدري كل مهجه عليه مفطوره

جينه ننشد هالجنازه المن تميل
خبر بس هذا الخبر وقعه ثگيل
هذا امام الرافضه اصبح قتيل
واالله كل الدنيا مامعذوره

للشاعر محمد الظالمي

113

مؤسسة منبريون للشعراء

22 Jan, 13:41

المنهج الكاظمي عدد ٨
نزلة #

المن اليوم المشي للكاظميه
المن اليوم المشي للكاظميه
+-+-+-+-+-+-+-+-+-+-

اسئلت روحي شفتهه بيهه همه وعازمه
المن النيه تراهه اليا مكان وهايمه ؟
جاوبتني بلا تردد ارد اروح الفاطمه
اليوم ابنهه ايروح منهه تبقه بعده لاطمه

اليوم موسى الكاظم يشوف المنيه
المن اليوم المشي للكاظميه

+-+-+-+-+-+-+-+-+-+-

كلشي يتأجل يسائل والقصد لجله وجب
جاوب انچان انته تكدر تسمع امن امه عتب
ويلي عالمسموم تصرخ مؤمنينك ياشعب
حته هالطير اعلى گبته زائرا هوه انحسب

ياحياة بلا بو طلبه يابقيه
المن اليوم المشي للكاظميه

+-+-+-+-+-+-+-+-+-+-

والله ياروحي الحزينه خجليتي انتي السئل
من عمت اعلى مثله الكاظم اليوم انچتل
انشد اعلى الرضا ابنه وصل بعده ماوصل
اليوم كل الرافضيه بيهه غيض وهم زعل

اللارشيد اتدوسه جدم الجعفريه
المن اليوم المشي للكاظميه

+-+-+-+-+-+-+-+-+-+-

كل مواكبنه العزيزه وكل خدمنه تنتظر
اهلا تفضل تدلل گام يسمعهه اليمر
كلهه تتحزم شفتهه من فجرهه للفجر
واليقين الصار عدهه كل عسر بعده يسر

اتسجلت كلهه بسجل امه الزجيه
المن اليوم المشي للكاظميه

+-+-+-+-+-+-+-+-+--+

امن الدول كلهه تزوره والجناسي تختلف
اليبچي عالكاظم اكيده بروحه وياه مئتلف
غمة الامة دعاهه بجاهه هوه تنكشف
موسى اسد بغداد هذا يعني طابوهه الصرف

امن الاذر والصين والاوطان هيه
المن اليوم المشي للكاظميه

+-+-+-+-+-+-+-+-+-+-

حسين بالغربه يعاني مثله عانه ابو الرضا
فوض حسين امره لله وابنه بعده فوضه
حسين مترضرضه اعظامه وقيد موسى رضرضه
هذا ابو الاحرار هذا وهذا امام الرافضه

كل امام يکول جدي حسين بيه
المن اليوم المشي للكاظميه

+-+-+-+-+-+-+-+-+-+-+-

108

مؤسسة منبريون للشعراء

22 Jan, 13:41

المنهج الكاظمي عدد ٧

الحاجه احچيهه لليگضيهه
باب مراده چلب بيهه
+++++++++++++++++

بالنيه السليمه الصافيه احچيله
اول شي دموعك خلهه تبچيله
تعال وعوف كلشي اتوجه الليله
للمگيد تعال المنهدم حيله

لمن تكصد ابابه اكعد
روحك هوه الي اينقيهه

+++++++++++++++++

شكوتك من همومك والحزن كله
بگفاك الدنيا خلهه وگبره لتخله
ارجع چن (بِشر) واتعنه تندله
عوف انته الگشر هاللب تره اوله

لموسى الكاظم اكصد خادم
رتبة عشگك گلبك ليهه

+++++++++++++++++

اذا معلول دكتورك تره حاضر
للمحروم هوه وهوه للتاجر
اذا هالطب يكلك لازم اتسافر
كللهم اطيبن لو رحت باچر

علتك تشفه ابهالمستشفى
توكل زوره ويشافيهه

++++++++++++++++

يونس حوته مو مثلچ يطاموره
ولا (جُب) يوسف انقاس اويه هالصوره
صحيح المنحبس نور ويشع نوره
ظلام الظالمين ايعور ابجوره

ابن الزهره شاهد گبره
اگبور الخانت مالاگيهه

+++++++++++++++++

جناره اعلى الجسر والشيعه تنظرهه
تنوح وينكسر كل لحظه خاطرهه
امن اهل بيت النبي ياهو يحضرهه
معصومه اعلى ابوهه ايأذي منظرهه

جيتك بويه ون ياخويه
والشاهدهه يظل باچيهه

++++++++++++++++++

اريدك من تزور الليله هالكاظم
ترفع ايدك انته وتدعي للقائم
تصيح بصوت عجل ويه هالوادم
يسمعك يدعي وياك انته ابن فاطم

هاي الدعوه كلش تسوه
انتاني الطلعه ويتانيهه

++++++++++++++++++

104

مؤسسة منبريون للشعراء

22 Jan, 13:41

استشهاد الامام الكاظم ع

ليل السجن .. يرسم اميرة ميسره
ليل السجن .. راواني زينب حايره
ليل السجن .. ساعاته شيبتني تره
"""""""""
الكاظم انه بسجني احزاني شكبرها
ليلي يرسم حُرمة وسياط بظهرها
وبالحبل وادم لهالحُرمة تجرها
هاي عمتي الـبالسبي خلصت عمرها
احلم حلم .. بالطف غريبة عمتي
احلم حلم .. اصحه وافز من نومتي
احلم حلم .. عالگاع اذب عمامتي
"""""""""
عايش بزنزانة وحشة وظلمة كلها
وزينب اوحيدة وغريبة محد إلها
الـتفگد العباس تفگد كل اهلها
بعين كافلها سهم هذا الـكتلها
ولعمّتي .. كل ليلة اذكرها واون
ولعمّتي .. صاير حسينية السجن
ولعمّتي .. مجلس بسم ام الحزن
""""""""""
الـبالسجن مثلي تظل عينه اعله بابه
صورة ذكرتني برقية بالخرابه
طفلة منتظرة لابو يرد من غيابه
ما درت مذبوح وامسلبه ثيابه
طفلة وتون ..انطوها طشت وكشفته
طفلة وتون .. ولـراس ابوها شافته
طفلة وتون .. امدمه الوجه ما عرفته
""""""""
السندي بايده من سطرني فوگ خدي
اذكرت عمتي بيها چان الشمر يحدي
من سطرها اتگله وسفه ابقيت وحدي
ما تمد ايدك لوّن عباس عندي
تهل دمعتي .. مو لجلي هالدمعة تصب
تهل دمعتي .. زينب يضربوها الغرب
تهل دمعتي .. عالمتن والخد تنضرب
""""""""""
عيني كلما نامت اذكر حُرمة وايتام
عمتي نامت بالخرابة ايام وايام
مساهرة تعبّها درب الكوفة والشام
على ظهر الناگة چانت زينب تنام
بليل السبي .. زينب تحامي العايله
بليل السبي .. حرگوا خيمها بكربله
بليل السبي .. عماتي نامن بالفله
"""""""""
السندي يومية السجن يدخل عليه
برجله يدفعني ويشتّم دوم بيه
اتذكرت زينب وانه مچتوفة اديه
بناگة هزلة امجتفه اخذوها سبيه
صاح الشمر .. هليوم اخت عباس اذل
صاح الشمر .. صعدي يزينب عالهزل
صاح الشمر .. وبالچ تحلين الحبل
"""""""""
چبدي مسموم واون وفكري حاير
فكري دوم بكربله وبيوم عاشر
بصدر ابو اليمه اخاف اذكر شصاير
رماح فوگ رماح حافر فوگ حافر
بالسم متت .. صح نعشي ظل فوگ الجسر
بالسم متت .. بس نحري ما حزه الشمر
بالسم متت .. ولا خيل ترفس بالصدر

انيس الخفاجي الكربلائي

96

مؤسسة منبريون للشعراء

22 Jan, 13:41

شبه الغاضريه   اليوم الكاظميه
فوگ الجسر ون اليوم
فاطم اجت للمسموم
تنصب للعزيه اليوم الكاظميه
،،،،،،،،،،،،،،،
علجسر عين الموالي يمته يظهر موسى ألهه
تنتظر طلعة وليهه   شيعته   تشوفه أملهه
بي تشم عطر النبوه وحيدر اليشفي عللهه
مرت اعله اغيابه مده ولاخبر منه وصلهه
ياساعه يخلص هالسجن
وتفرج على البيه ممتحن
الكاظم وليهه وليه تحن
ويجمع    الشيعه    شملهه
تخلص اليله واملهه   الغايب يرجعله
يمته تصد ليه العين
جمر البعد داوي سنين
شعظم هالرزيه    اليوم الكاظميه
،،،،،،،،،،،،،،
مرت الليله العصيبه والصبح اسفر عليهه
كفكفت دمعة حزنهه ساعه وتشاهد وليهه
لن جنازه اعليهه نادو والحديد يون بديهه
لارفاگه اعليهه تبچي ولاگرابه تحيط بيهه
حيف الزمن بيهه شعمل
ليش الجنازه ابلا اهل
ودمع الحزن يمهه تهل
أبهمه هاشم خل تجيهه
ناعي ينعى هل مصيبه يفجعهه بنحيبه
منه اشتفه بسم هارون
الكاظم عليه ناح الكون
بل ونه الشجيه اليوم الكاظميه
،،،،،،،،،،،،،،،
سمعت الناعي وجمرهه ساجر وساعه رهيبه
چنه عاشر من محرم   رد يچويهه ابلهيبه
للجسر ركضت ذهيله ركضت ام عون الغريبه
اتنادي وينك ياولينه   شيعتك بعدك سليبه
يم الجسد شافت مره
محنيه تبچي امحيره
يبني الچبد من وذره
وسلسله ابساگك عجيبه
ولا رحم حالي زماني    بسهامه رماني
عيني طفت ماضل ماي
يجري الدمه ويه ابچاي
بحزاني سبيه   اليوم الكاظميه
،،،،،،،،،،،،،،
عنك الليله الهواشم يبني وين ابيا مدينه
ما دروا عدهم جنازه عل جسر ظلت رهينه
عرفت الشيعه التنادي هاذي ام روح الحنينه
فاطمه حضرت ولدهه والهه هلونه الحزينه
تدري ابونين ام الحسن
اعليهه ايتجدد كل زمن
اسهام الدهر بيهه مضن
وهذا فعل اهل الضغينه
جدد ايام السقيفه هاليله الخليفه
حتى الصبر ملني وراح
من كل كتر بيه اجراح
ما چني الزچيه    اليوم الكاظميه
،،،،،،،،،،،،،،
شالت الشيعه الجنازه والأرض ماجت بأهلهه
لكن   افجعهه منادي   ودمعته ابحرگه يهلهه
چنه ابن حذلم يخبر عن جنازه الدم غسلهه
ضلت ابوادي سليبه ابلا دفن محد وصلهه
الميت ذبيح من الگفه
الدفنه وسف محد لفه
وجفن العقيله ماغفه
بكربله   اتشتت   شملهه
للكفل صاحت ذخرهه وتنادي بصبرهه
امشي بيسر ويه اعداي
ولا كافل اليوم اوياي
روح الهاشميه   اليوم الكاظميه
،،،،،،،،،،،،،،،،
لخادم خدمة الحسين ع
ابو عمار الدراجي

96

مؤسسة منبريون للشعراء

22 Jan, 13:41

#نعي

لمولاي موسى بن جعفر
روحي فداه

يبوابراهيم شو مالك عشيره
وين الصيت والهيبه الچبيره
السلاسل موالك والغربه مولاي
ليش اجنازتك مثل الاسيره
احماميل اربعه اعله الجسر خلوك
ماشالوك للدفنه ابحصيره
كل هذا ونگول اتهون الاحزان
مثل احسين مامذبوح عطشان
ولا بالشام عندك مشن نسوان
وتصگع روسهن حر الضهيره
يبوابراهيم شو مالك عشيره

محمد الجماسي

#اللهم_عجل_لوليك_الفرج

93

مؤسسة منبريون للشعراء

22 Jan, 13:41

من صاحب الجنازة المنادى عليها (هذا الغريب منين)
إلى المسبية من بلد إلى بلد (غريبة الشام)

آنه غريب وانـتـي هم غريبه
چم نايبه لاحتنه چم مصيبه
يا غربة الشام ما منها غربه
======================
جـرحي ياعـمـه چبـير وعـلتـي أكــبـر
والذي عــذب دلـيلـي جرح ابو الأكـبر
ياهـو يحمل هـالمصيبه يا گلب يـگدر
ساعد الله ام عون انادي يابنت حيدر

زيــنـب يـا غــريــبـه الـلـه اشــمــصـيــبـــه
وجهچ يا زينب وين مذبوح اخوچ حسين
والـجــثـه ســلـيــبـه الــلــه اشــمـصــيـبــه

يا غربة الشام ما منها غربه
======================
مـن غـريب الكاظمـيه هـاي الـچ نُدبه
متني هم سوط الشماته مثلچ ايعذبه
هـم يـمـولاتـي أبـوي الـظـالم ايسـبـه
عالجسر ناده المنادي هالنعش عُجبه

هـذا الـغـريب منـيـن وين اهله راحوا وين
مـات بسـجن مظلوم وبـيـا ذنـب مسـمـوم

يا غربة الشام ما منها غربه
======================
رغم كل العشته جرحچ يختلف لونه
وسـفه والمظلوم أصبح ما يسمـعونه
عونه هالفارگ عزيزه من الهجر عونه
هــيـه ايـام وزمـنـه جـادحـه اعيـونه

أيام أيام هاي الدنيا أيام
يـوم الأهل يحمونه
يوم العده ايسلبونه
هـــاي الـدنـيـا أيـام

يا غربة الشام ما منها غربه
======================
صـح غـريب اعله الجنازه ناده حاديهم
وين شـيـعة عـلـي الليله هـذا والـيـهـم
عـالجسر صاح الموالي بصوت داعيهم
أهـل بيت الرحـمه محد گدر يمحـيهم

وينـه هارون و جيوشه السامـرية
خل يجي وينظر شموخ الكاظمية
بيها أسرار.. أرض الأحرار .. الكاظمية

يا غربة الشام ما منها غربه
======================
يا مصـيـبتها السبـيه كـلـش اچبـيره
زينب الكـلفه الأمـيـره ظـلت بحـيره
هناك بالطف يا حسافه مابقت غيره
والوجه بـعد الجـفـوها الـمـن اتديره

ياليل طوّل ساعاتك يا ليل أحمل آهاتك
لـو ودّعـت الـولـيـان تـتـولانـي الـعـدوان

يا غربة الشام ما منها غربه
======================
22/1/2025 يوم الأربعاء
21/ رجب الأصب 1446 هـ
#الشاعر_الميرزا_محمد_الساعدي

91

مؤسسة منبريون للشعراء

22 Jan, 13:41

تديـــــر بيا نـــضر وألمن تديره
تصب الدمعه باللحضه الاخيره

حوافر گيدك يسحگن بالچفوف
نوبه اتصيح اسيره ونوبه اميره

نوبه تصيح صعدت فوگ الهزيل
نـــــوبه تصــــيح عثرتها چبيره

تريد عيونك اتسدهن لحـــــد ما
تــوزع روحك دموع بحصيره

يالمتاني الرضا جمره وبالچفوف
مولاي السجن حيره اعله حيره

يهتز القـــــــفل وجروحك تهــيج
وحيطان اربعه يفسرن مصيره

ها يــــا عمتي واسيــــتچ هـــواي
هــــــــم مثلچ بگـيت بغير ديره

هم مثلچ السوط بـــروحي مطـــبوع
وأحس الروح چن رگضت زغيره

الطبيب الشاف سِمي بچبدي موجود
بـس ماشاف بيـــه چم اسيره

عشت والنوگ تركض وانه بالــــگيد
وجمــرات الخيم بيه سعيره

ها يــــــاعــمتي بالغـــــربه ضليت
چـــــه گلولي بالغربه الاميره

عبد زينب
محمد الابراهيمي

92

مؤسسة منبريون للشعراء

22 Jan, 13:41

((الغريب منين))

تدري الغريب منين
أبن الذبيح حــسين
وعمه الفده الچفين .. للخيمات

أهــله صـفو بــرماح
وعــماته ويّ ذبـــاح
يبچن بدون أصـياح .. تـعـبانات

مسير الليـل .. هـد الحيل .. وايـتام
ضــــيـم وآه .. واويـــــــلاه .. ضــلام
هاي النوگ .. هذا السوگ .. والشام

مثل عــماته مسجون .. ابا الرضا
بسناسل صار مرهون .. ابا الرضا

چبيره أمصيبةّ الكاظم .. چبيره
"""""""""""""""""""""""""""""""""""''''''''''

موسى أبن جعفر ضاع
بطاموره جــوه الــگاع
مـــات أبــــدون أوداع .. للأولاد

لا قـــاسم الحاضر
ومعصومه وتناطر
وذاك الـرضا يناضر .. للميعاد

غربه ونـوح .. روحـه أتروح .. ويـآه
بويه يصيح .. نــوبه إيطـيح .. ويلاه
نوبه أدموع .. محنيّ ضلوع .. بــالآه

غده مسموم مگتول .. أبا الرضا
حديد وگيـد معقول .. أبا الرضا

چبيره أمصيبةّ الكاظم .. چبيره

"""""""""""""""""""""""""""""""""""''''''''''

جرح بنعش مسجون
وصــار بصفــار اللون
مو أهله بي يحــدون .. للتغسيل

تـــالي أجــوله الناس
وصار النعش عالراس
شيعه وعشگـــ نبراس .. مثل السيل

لا تـشـيـيــع .. لاتـــــوديع .. يحسين
لادمــعـــات .. لاحسرات .. و ونـين
جرح الراس .. والعـباس .. لاويـــن

الكاظم عنده تشييع .. ابا الرضا
غسل وأكفان توديع .. ابا الرضا

چبيره أمصيبةّ الكاظم .. چبيره

"""""""""""""""""""""""""""""""""""''''''''''

الكاظم گضه مخنوگ
گــيد وغـده مـشـبوگ
بس طفله ماتت شوگ .. فوگ الراس

طفله وتريد حسين
وعـمتها صبت عين
وتجيبه ألــها مـنين .. يـــا عــبـــاس

رقيه أتموت .. ناصيّ الصوت .. حسرات
حسرةّ ويــل .. حــسرةّ خــيل .. آهــــات
ضيم أهواي .. مــامـــش ماي .. ويــلات

مـــاتـت وانتها اليآس .. أبا الرضا
طاحت دمعه عالراس .. أبا الرضا

چبيره أمصيبةّ الكاظم .. چبيره

عبد زينب
محمد الابراهيمي

95

مؤسسة منبريون للشعراء

22 Jan, 13:41

يا أبو الرضا والينخاك لا ما تخيب أظنونه
....................................
ياسيدي ويامولاي انت الطبيب الشافي ..
لو يعتنيلك معلول منك يرد متعافي ..
لزيارتك هذا اليوم أمشي بطريقك حافي ..
بهذا الدرب كلمن مات والله الف خيعونه ..
...................................
بهذا الدرب كلمن مات والله يظل يتباهه ..
بالجنه وي الانصار يم حيدر ويم طاهه ..
لاتعتقد يمولاي هاي الزياره انساهه ..
كلبي بمحبتكم ذاب والعقل جن أجنونه ..
.................................
مشاي أجيتك وأنخاك أنطيني بيدي مرادي ..
من الفتن والأحقاد أحفظ شباب بلادي ..
بسدكم يلوذ المحتار يانسل طاهه الهادي ..
بحبكم يقاضي الحاجات روحي تظل مرهونه ..
................................
صرختنه وبعالي الصوت خل تسمع المعموره ..
واليسد عينه وميشوف مغثوث من هالصوره ..
وأهل المواكب خدام ما قصرّت مأجوره ..
بهذا الطريق أحنه نذوب بزيارتك يدرونه ..
.................................
نلطم وندمي الصدور بالكاظميه الليله ..
نقره الزياره بالباب عالخد دمعنه نسيله ..
بالصحن عدنه تشييع والنعش كلنه نشيله ..
حبكم لغز كل الكون ما كدرو يفسرونه ..
..................................
يالكاظم انه أتعنيت أسجد وابوس أعتابك ..
وأشجم بعيد ومظلوم يتمنه يوصل بابك ..
تطلك العاجر وتجيب لمن تشم ترابك ..
والما يزورك هاليوم تهمل أدموع أعيونه ..
.................................
حيدر مطر العبادي

109

مؤسسة منبريون للشعراء

22 Jan, 13:40

شلون نور الباري عايش بالظلام ..
وجمرة السم تسعر بجبد الإمام ..
بقيد مجتوفه الأدين .. مثل زين العابدين
وجمرة السم تسعر بجبد الإمام ..
..........................................
موسى بن جعفر أنيس البسمله..
بصبره حيطان السجن تشهد أله..
بدمعه شيباته الكريمة مبلله ..
ونال من الباري أشرف منزله ..
مرت اللحظات حسبالك شهور ..
شما طغه الطاغي الزمن لابد يدور..
بدمعه وأهات وأنين .. مثل زين العابدين
وجمرة السم تسعر بجبد الإمام ..
......................................
من طوامير السجن صوت أرتفع ..
موسى بن جعفر صبور وماجزع ..
وأبن شاهك سد أذانه وما سمع ..
الجبل صح ينثلم بس ما وكع ..
أنت بجيت السلاسل والحديد ..
والعليل بخطبته بجه يزيد ..
كالاسد وسط العرين .. مثل زين العابدين
وجمرة السم تسعر بجبد الإمام ..
.....................................
بحفره ظلمه وابد ماشاف الضوه..
ولو بديهم كطعو عليه الهوه ..
بالسجن زهد وعلم عاشن سوه..
وبسموم الطاغي دلاله انجوه..
اتحير السجان من شاف السجين ..
رغم قيده وهوه ثابت مايلين ..
وخلص كل عمره حزين .. مثل زين العابدين
وجمرة السم تسعر بجبد الإمام ..
..........................................
الوجه أصفر من مرارات السموم ..
وجسمه ناحل هدمت حيله الهموم..
ويعثر بقيد السلاسل من يكوم..
وعالسجن طير المنيه ظل يحوم ..
وبجنح جبريل تصعد للسماء ..
روح ناموس الفخر باب الرجاء..
شكد قست بيه السنين .. مثل زين العابدين
وجمرة السم تسعر بجبد الإمام ..
.....................................
جبده بالسم انطحن طحن الرحه ..
وينعى مأساة الحسين ومذبحه ..
وظلت مصلايته والمسبحه ..
ياهو عالمسموم يقره الفاتحه..
انعادت أيام الطفوف ومن جديد..
بس يزيد تغير بوجه الرشيد ..
وعاش بين الحاقدين .. مثل زين العابدين
وجمرة السم تسعر بجبد الإمام ..
.........................................
ياوهج وسط الحفيره وماطفه..
والحلم عند الإمام أعظم صفه ..
والله كل معلول يم بابك شفه ..
والحمام يبات بحضانك غفه..
انت علمت السجن ابلغ دروس ..
كتله لاجل الدين رخصنه النفوس..
وثابت لحد اليقين .. مثل زين العابدين
وجمرة السم تسعر بجبد الإمام ..
.........................................
حيدر مطر العبادي

136

مؤسسة منبريون للشعراء

22 Jan, 13:40

مشايه .. يبقه شعار بكل سنه نعيده
مشايه .. والكصد ياخذ حاجته بأيده
مشايه .. مشايه
.......................................
أعتنيلك حافي والدمعه جريه
بيدي رايه ترفرف بعلو الثريه
أخذ مني هالعهد حد المنيه
كل سنه زيارة رجب بالكاظميه
والرايه .. منشوره سوده والحزن بيهه
والرايه .. للغيمه توصل حيل أعليهه
مشايه .. مشايه
.......................................
برهن بخطواته كل شيعي وموالي
يطوي هذا الدرب أيام و ليالي
واليشوف الكبه بأنوارك تلالي
هذا دنيا وآخره يظل راسه عالي
أهوايه .. أفضالك من الجدم للهامه
أهوايه .. باب الحوائج وأحنه خدامه
مشايه .. مشايه
.....................................
تمشي أملاك السمه وخجلانه منه
كاصده الباب الحوائج ويّ أهلنه
تشتم بهذا الدرب ريحة الجنه
زياره وحده بالعمر جانت تمنه
أحجايه .. كلمة وفاء و مانرد بيهه
أحجايه .. بحضرة أسد بغداد نحجيهه
مشايه .. مشايه
..................................
كل معانات الدرب نشعر قليله
مانوافي صاحب السجده الطويله
مثل غربة زينب الحره العقيله
نعشه ظل مطروح ما واحد يشيله
تجايه .. محتاج نعشه وتنظر أعيونه
تجايه .. شيعة الكاظم خل يشيلونه
مشايه .. مشايه
...................................
أعلن اليوم المحب صرخة ولاءه
مثل ما عاهد حسين بكربلاءه
جعفري تبقه الهويه وأنتماءه
ويلي عالمسموم ظل عالي نداءه
وفايه .. شما يصعد وينزل نفس بينه
وفايه .. موسى بن جعفر يبقه والينه
مشايه .. مشايه
................................
بالزياره كل محب يوصف شعوره
لو وصل باب المراد يشوف نوره
الليله كلمن بالصحن سجّل حضوره
بكبره باجر فاطمه تحضر تزوره
الغايه .. باب المراد أنقبل أعتابه
الغايه ..يروح التعب من نوصل البابه
مشايه .. مشايه
.................................
حيدر مطر العبادي

88

مؤسسة منبريون للشعراء

22 Jan, 13:40

كعديه لوفاة الإمام موسى الكاظم ع
على موسى بن جعفر تربي العيون
شيطلع الشمس من سجن هارون
ظلمه بلا ضوه أسنين .. جا خيط الفجر وين
شيطلع الشمس من سجن هارون
..................................
مرت اسنين ونناطر     والهموم شكد ثجيله
يطلع ويجبر خواطر     شيعته والهم يزيله
عالسجن تربي النواظر   بحسره والمدمع تسيله
تنتظر كل الرافضه
البالقيد رجله مرضرضه
بالسجن كل عمره كضه
صاحب السجده الطويله
خلّص بالسجن كل عمره ياناس
بس للطاغي أبد مادنك الراس
بين اربع حياطين .. جا خيط الفجر وين
شيطلع الشمس من سجن هارون
......................................
اللا رشيد يريد يفرض    حكمه ويصدّر قراره
الأمام بسجن يبقه         وعنه ممنوعه الزياره
ماجزع موسى بن جعفر   صابر ودمعه يتجاره
بالغيظ ظل يكظم كظم
أنطبع قيده على العظم
لا بد نهايه لهل الظلم
ويطلع الكاظم نهاره
أعله حر من الجمر نتنطر يعود
ال بوكت الشدد نلكاه موجود
وين أبن الميامين .. جا خيط الفجر وين
شيطلع الشمس من سجن هارون
...................................
ماخضع لحظه وتراجع    ثابت ومايحني هامه
ذل غرور الطاغي صبره   ولابس أثياب الكرامه
للأمان تشوف صوره      بنت عش يمه الحمامه
رغم السلاسل مؤلمه
وتتكاطر من أيده دمه
من يذكر أمه فاطمه
يبجي ويذب العمامه
على تربة صلاته تطيح الدموع
ينعه أمه الزجيه وكسر الضلوع
يجري الدمع صوبين .. جا خيط الفجر وين
شيطلع الشمس من سجن هارون
.....................................
صابت السجان حيره         منالأمام ومن صموده
خطر صار اعله بن شاهك   راهب العتره ووجوده
الطاغي بالسم غدر قرر        الكاظم يموت بقيوده
السم مرد جبده مرد
والكربله وجهه يصد
ذبلان ياغصن الورد
الدنيا كلها بعينه سوده
الطبيب يكول جبد الغالي مسموم
خل أهله و أعمامه تحضر اليوم
ظل يصفك بالأيدين .. جا خيط الفجر وين
شيطلع الشمس من سجن هارون
..........................................
نام بفراش المنيه         بعد ما أيس طبيبه
محد بليلة وداعه     حاضر وينعه المصيبه
أهل ماعنده وعشيره   جنازته ظلت غريبه
من طلع نعشه من السجن
محد وراه يبجي ويوّن
ترتجف دمعات الحزن
راح والراح أشيجيبه
الكاظم عالجسر ظل نعشه مطروح
حتى و هو ميت يبجي و ينوح
يصب دمعه عله حسين .. جا خيط الفجر وين
شيطلع الشمس من سجن هارون
............................................
المصيبه
..............
ظل نعش موسى بن جعفر   حاير بجسر الرصافه
يصيح وين أجتاف أهلنه     ومحد يجاوب وسافه
هالغريب ألمن يعالم          صوت عالي بكل صلافه
ظل النعش فوك الجسر
خاطر أمامي منكسر
ميت ولاكن منتصر
وأندفن راهب العتره .. وتزهي بيه الكاظميه
........................................
حيدر مطر العبادي

93

مؤسسة منبريون للشعراء

07 Jan, 06:14

بداعت اوليد الرباب // خل ادكلج مره باب
مولاتي هالمره صدك حاير
خايف اموت وانه مازاير
**************************
يم عون انه اريد العون _ عليج بكلبي الف حسره
شوكت امنيتي تتحقق _ وازورج بالعمر مره
مالت علي دنياي
وعندي امنيات اهواي
ويالرايح ويالجاي __ ابعث الج سلام
حتى بمنامي ابجيج
تصيحيلي اجي متانيج
محتركه روحي عليج _ مثل حرك الخيام

بغربتج عندي شعور // ولذالك ارد ازور
شتبقه بملامح وجهه اليساهر
خايف اموت وانه مازاير
*************************
عليج الغربن وياج _ اريدن منج ابشاره
امشي اعليج ابو فاضل _ اقسميلي هالزياره

مو عمري عود ابخور
لايكضي يمته نزور
يشبه رجب عاشور _ رايدله حفنه ادموع
زينب بجي الخدام
جي وحدج بالشام
تقبليهه هذا العام _ دربج صدك ممنوع

يمتى اطب ذاك الضريح // وياغريبه هناك اصيح
بالغربه هسه بحالج شصاير
خايف اموت وانه مازاير
**************************
الرجعو منج انشدهم _ ويرد مدمعهم اعليه
يكلولي نحس زينب _ بعدهه لهسه مسبيه

يكلولي من اتروح
كلك ترد مجروح
كبالك تحس مذبوح _ حسين وتسحكه الخيل
وياسدت البيبان
ما الهه اي عنوان
تحس بعبد عطشان_ بس يعتنيك الليل

وهناك صعبه من تنام // تضل تحلم بحرك خيام
براسك خيام بصدرك الحافر
خايف اموت وانه مازاير
**************************
صحنج فارغ يكولون _ هاي التهضم اهوايه
كسرة خاطرج يمعون _ مبينه برفت الرايه

وهاي اصعب الصعبات
حرمه بوسط شمات
الشبعت بجي وطيحات _ التغقه اعله ضهر النوك
الخنكت اديها احبال
ماتلكه راحت بال
مكابلها جم جتال _ محاوط صحنها السوك

عندي يامولاتي راي // لكربله يمنه تعاي
ومنج لخيج ركضت العاشر
خايف اموت وانه مازاير
**************************
تعبني الزمان اهواي _ وبذلت لجيتج جهدي
ضل عندي امل واحد _ اجيج بطلعت المهدي

وباجر زماني يشوف
اتعنه الج ملهوف
بالحضره راح نطوف_ ونشبك عله الشباج
عدنه برجب تحضير
اكبر عزاء يصير
من الدمعه للتطبير _ ونبجي مثل مبجاج

المهدي من يعلن حداد // الدنيه تلبسلج سواد
نسبي السبوج وداعتج باجر
خايف اموت وانه مازاير
**************************
تمت ____ علاء الزيدي

251

مؤسسة منبريون للشعراء

03 Jan, 14:26

ثاراتك يــٕا يـــوم تــردهه

***
يا يوم البيه يطلع بــدرك
  يا الغايب ثارات تنطرك
  يا يوم البيه ينفذ صبرك
  وأعداك بزودك تگصدهه

***

تگصـد عــدوانك وتـــذلهه
وتگلــب تاليــهه بأولــهه
والمـــالت انتـــه التعـدلهه
  وعدوانك موت اتوَردهه

***

اتوردهـــه المـــوت أبفقـــارك
يالغيــض يـــوزع بــتـــارك
من كل صوب تصيح انصارك
حمّلت حيــدر رد جـــددهه


***
جدد حملــت حيدر جـــدك
وگطع روس لكلمن ضــدك
  ضلع الزهره اليوم ينشدك
  ثاراتك طالت مـــوعدهـه

***

ثاراتــك تسعــر چن جمــره
ثــار البــاب وثـــار الطــبره
وثار الچبده ابسم متفطره
لليوم وجعده انشـــاهدها

***
يا يـــوم أترد ثــــار الأكبر
  ثار حسين وگطع المنحر
  ثار أخيام الضلت تسعر
  وثار المسبيه لوحدهه


***

ثــارات اهــلك كلهه أطلبهه
والدنيا أعلى الباغي أگلبهه
  وخل سيفك موت يشربهه
  وللنار ابسيفك تحصدهه

***

أطلب ثـــارك فــي سامره
ثـــار الگبه وثار الحضره
قــرآن الباري أعلى الغبره
  أياته الكـــافر هـــددهه


***

الشاعر
موسى البديري

582

مؤسسة منبريون للشعراء

03 Jan, 14:26

قصيدة ( مر بينه ) إلى الامام الحجة ابن الحسن العسكري عليهم السلام

مــر بينــه مــر بينــه
صحره احنه وانته الماي
تــروينــه چلــمــة جــاي
يالغايـــب شنــهي الـراي
مـــر بينــه. مــر بينــه

*----------*----------*

تتاني الــروح ويـن الجيتـك مطـره
صفت بعدك يغايــب بالبعد صحـره
يتامى احنـه ونتاني منــك النظـره
نحلفـك بيش بحسين وگطع نحـره
تـدرينــــه تـدرينــــه
ننتظـــرك يـالـمـوعـود
يالمهـدي يمـتـه أتعــود
وتـــرد الفــرحـه اردود
مـــر بينــه مــر بينــه

*----------*----------*

مــر بيـنا الحـــزن نشــف مـدامعــنه
وحچي الشمات لجلك هد مسامعنه
بـلا نـــورك يغـــايــب سيدي ضعنــه
وبس انتــه التطـــيب كل مواجعنه
تــاذينــــه تـــاذينــــه
نسمعها واحنــه ازغار
چــا وين الغايب صـار
يالمهــدي لجــل الثــار
مـــر بينــه مــر بينــه

*----------*----------*

ظلمه الدنيه مرنه واشعـل الشمعـه
وامسح من جفنّه سيــدي الدمـعـه
بغايبك كل وكـت يبن الحسن ننعه
نحلفك بالبقن بچفوفه بـس تسعـه
تـروينـــه تـروينــــه
يبست بينـه الامـــال
ملينه القيـــل وقــال
يالمهدي بهذا الحــال
مـــر بينــه مــر بينــه

*----------*----------*

ضاگــت بالنــفس يالغــايب الريه
يا نســمة صبــح يـل كلــها حنيـه
الفرحه أويه العقيله چنها مسبيه
وبس انتــه التردهه مـن بني ميه
ملينـــه ملينــــه
مـن الـدمعه ومــن الاه
يــا جــرح المـا ننســاه
كل يــوم نعيـش ويــاه
مـــر بينــه مــر بينــه

*----------*----------*

مثــل حــال العليله لجيتــك انتــاني
البعـد يـبن الحسن غيرهــن الــواني
هااا هســه يجـي مــا مــره تنسـاني
يزيح اهمومي كلها ويجلي احـزاني
نــادينـــه نــادينـــه
عجــل عجــل مــولاي
يا عمري الراح وجــاي
يــــا قبلـــة كـــل وفاي
مـــر بينــه مــر بينــه

*
الشاعر
موسى البديري

339

مؤسسة منبريون للشعراء

03 Jan, 14:25

[[💔قصيدة للإمام الهادي ع💔]]

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

ولله    يادنيا    مصيبه ٠٠٠ ياعلي الهادي   عجيبه

انته ابن الشطر مرحب ٠٠٠٠جثتك    ضلت   غريبه

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

ياعلي   الهادي انا جدك علي
صدگ بالغربه وحيد   و مبتلي
من بني العباس الاذوني بهلي
بحقد   ماخلو    ولا تابع إلي

مرحله كلش عصيبه ٠٠٠ ياعلي الهادي عجيبه

انت ابن الشطر مرحب ٠٠٠ جثتك   ضلت غريبه

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

ياعلي اصبر   عالمقدر    بالأزل
يبني عمر   الريح ماهزت جبل
وصي شيعتنه ترى سر الامل
بكلمة الحي على خير   العمل

المؤمن اليرضى بنصيبه٠٠٠ياعلي الهادي     عجيبه

انت ابن   الشطر مرحب ٠٠٠جثتك   ضلت     غريبه

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

للبلا والتضحيه يبني إستعد
يلي عن دار   الاحبه مبتعد
تالي چبدك ياحبيبي   ينمرد
يبني اصبر   ذوله تربية هند

وگلبك   يضل    بلهيبه ٠٠٠ ياعلي الهادي    عجيبه

انت ابن الشطر مرحب ٠٠٠٠ جثتك   ضلت   غريبه

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

يعينك   الله   بغربتك   يا مهجتي
بس اكلك كلمه    وأسمع      كلمتي
مصابك أهون من مصيبة عيلتي
ولا بناتك      كلهه   تصرخ عمتي

واقعة   عاشر   رهيبه ٠٠٠ ياعلي الهادي   عجيبه

انت ابن الشطر مرحب ٠٠٠جثتك   ضلت   غريبه

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

شرد سولفلك على   شاطي الكدر
مايه احمر من دمه چفوف الگمر
اللهفة سكينه يبس ريج النهر
يبني والادهى شمر عمتك إسر

تبچي مسبيه وسليبه ٠٠٠ ياعلي   الهادي عجيبه

انت ابن الشطر مرحب ٠٠٠ جثتك   ضلت    غريبه

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

أليوم    شيعتنه   تفهم   المافهم
الحفاظ    على شعائرنا     الاهم
وين ملك الطاغي وقصور وخدم
مشى   والهادي بقى گبه وعلم

وثورة   القائم    قريبه ٠٠٠ياعلي الهادي   عجيبه

انت ابن الشطر مرحب ٠٠٠جثتك     ضلت غريبه

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

خادم الامام الهادي(ع)
جهاد البصيراوي

331

مؤسسة منبريون للشعراء

03 Jan, 14:25

نزله

يل مهدي الشيعه اتنادي
مسموم الهادي الهادي
____

يا وعد الله اشضل بعد يمته او ترف الرايه
خلص عمرنه بس حزن واقرايه فوگ اقرايه
كل يوم عدنه فاتحه او جثه اعله المسنايه
لو بارض سامره نِون لو عل فرات او مايه

بينه الهم رايح غادي
مسموم الهادي الهادي
____

ابسامره جدك يا نفل فاضت مِنَ السم روحه
يل مهدي والهاذه الوكت ما طيّبات اجروحه
ايريد ثاره ابيمنتك يل چلمتك مملوحه
راية الثار اليا وكت تبقه ابهضم مطروحه

خلها اترف ابكل وادي
مسموم الهادي الهادي
____

چم علي الهادي الينتظر چم چبد تسعر ناره
اهدعش معصوم ابأمل كلها تتاني ابشاره
كل واحد ايريدك دوه واتردله حگه او ثاره
ارجع الخاطر فاطمه ماعدنه غيرك چاره

شوف اشمر بينه او سادي
مسموم الهادي الهادي
____

انهض يصمصام السمه يا حيد يا جيدومها
عترتكم انوخذت غفل او هل نازفات ادمومها
ما سلم شايب لا طفل من السقيفه او يومها
بين المخذم هامته او بين السگوه بسمومها

يبن الساده الامجادِي
مسموم الهادي الهادي
____

تدري ابعلي الهادي اشجره يابعد اهلي او ناسي
طايح بلا اعمامه يون يوم اغدره العباسي
اعذرني يوجع هل حچي وادري المعاتب قاسي
شمعطلك يبن الحسن ماتدري بي ؟ لو ناسي ؟

يا حرزي او كل اورادي
مسموم الهادي الهادي
____

عجل علينه امروتك ماضل صبر وانتاني
يا كوكب المالك مثل يا واحد ابلا ثاني
رد واخذ ثارات الطهر امن الناصبي والجاني
خل بينه عيد الله يمر او ننسه دمعنه القاني

يامن يفداك اولادي
مسموم الهادي الهادي
____

ابو فاطمة الطائي

244

مؤسسة منبريون للشعراء

03 Jan, 14:25

سامراء سم او داء ...
سِگت اطهر سلاله
عاشر نور ضل مكسور ....
او دمع عينه ايتلاله
______________________

مأ انسه لوعة مهجته يوم الهوه ابسامره
أمسمم علي الهادي او يون وارسومه صارت صفره
من وجع چبده والالم ضل يندب أمه الزهره
وايصيح يمه فاطمه انفاسي صارت جمره

ابروحه ايجود ذابل عود ...
ولا واحد اجاله
اهله ابعاد والون زاد. ...
او دمع عينه ايتلاله
______________________

أيده على اصفاحه او وين او تهمل دمعها اعيونه
واندار وجهه الكربلا ضل ينعه و ايسمعونه
ثاري الوجع مال الچبد ما گدرو ابوصفونه
وانت الي چبدك بالعرى طحن الرحه ايطحنونه

عشره اخيول فوگه اتجول ....
وذر صارت وصاله
ويلي اعليك وشضل بيك .....
او دمع عينه ايتلاله
______________________

اتوجه للحسين او نعه والجفن بل هم دامع
چبدك او اچبدي اتصوبن لاچن فرقهن شاسع
الماي ما عني انگطع او لا ضامي بالحر واگع
ويلاه بس انت العذب ما ضگته من السابع

السانك صار خشبة ابنار ....
وحگ رب الجلاله
والشفّات متفطرات .....
او دمع عينه ايتلاله
______________________

مسموم آنه من طحت واليمي كلهم غربه
اتذكرت حالك واصرخت الله يساعد گلبه
اوحيد . او ضامي . او منكسر . وابكل كتر بي ضربه
وانوب زينب تنسبي مولاي هاي الصعبه

اتلثـ مرات. گام او مات .....
لمن وصلو عياله
زينب صاح خدرچ راح ....
. او دمع عينه ايتلاله
______________________

أمصيبتك يل بالطف متت هونت كل آلآمي
مهيوبه اهل بيتي او بگت نسواني هل جدامي
لا أخت ليه تنسبي او لا هجمو اعله اخيامي
او لا بل مهد عندي طفل بالسهم ذبحو ضامي

جدي احسين مثلك وين .....
سبو خدره او دلاله
علويات مچتوفات ....
او دمع عينه ايتلاله
______________________

حي ميت اعيوني اتهمل لجلك يماي اعيوني
ايضنون اون امن الوجع يوم الذي سموني
مادرو ونتي العمتي لمن تصيح : امتوني
يحسين گطعها الشمر اعليمن يخي عفتوني

اليوم الدين تجري العين ...
اكف نوحي محاله
حدر الگاع گلبي لاع ....
او دمع عينه ايتلاله
______________________

ابو فاطمة الطائي

267

مؤسسة منبريون للشعراء

03 Jan, 08:12

بلوعه وبحسره
بدمعه وبعبره
عالهادي أنوح اليوم
بغربة وطن مسموم

* * *

عاشگ وأبچي عالمحبوب
مثــل بچــي الطفل لــمه
وأحناً چن حنين النـــــوگ
وأمــن لـــو رحــت يمه
بحضرته تشهگ أنفــاسي
وأهيم أبصحنه وأشتمه
وأنادي الهادي يا مـولاي
سمــك للمحــــب سمـه

جمرتك تسعر
يا شبل حيدر
يالهــــادي يا مظلــــــوم
بغـــربة وطـــن مسموم

* * *

ورثت من المحن مـــولاي
محن ما تنحصي وتنعــد
ورثت الهامــه والبسمـــار
وچم چبد الـــذي تمــرد
ورثت أمصاب طف حسين
بگلبــك نـاره مـــا تخمد
وچن خيل التدوسه أهنـاك
تدوس أبصدرك وتصعد

تسحگ أجروحك
تلچم أبروحـــك
ونبلــــة طفـــل مفطــــوم
بغربـــة وطـــن مسموم

* * *

مثل غربـــة أبو الأحــرار
عاش الهــادي بالغربــه
لسامره مـــن أرض جـده
جابه الطاغيه وحــزبــه
راد يطفـــي نـــــور اللــه
ونـــور الهادي من ربـه
وتحمل من سجون الجور
مـــا فت وعصــر گلبـه

لوعه كل عمره
يا عظـــم صبره
من أهله ظل محروم
بغربــة وطن مسموم

****

عاصر من ملوك الجور
ستـه مـن بنــي العبـــاس
ظالـــم مــن بعد ظالـــم
ورجس بعده أجت أرجاس
رادو ذلــــت الهــــادي
مـا ذل دومه عالي الراس
ذلهــم بالصبــــر والله
شبل من حيدر أصل الساس

هزهه عدوانه
صبره عنوانه
بوجهه الصبر مرسوم
بغربة وطــن مسموم

* * *

غدر ورثــوه بني العباس
ساسه أنعرفه وأصله منين
أرجع وأنظـــر التاريــــخ
وركـــز عالمصـــادر زيــن
أصله من السقيفه أهنـاك
باغـــي يسلمــــه لبـــاغين
للمعتـــز وصل هالــــدور
ســم الهــادي روح الديــن

ظـــالـم لظـــالم
ضد بني هاشم
أمــــر القــــدر محتـــوم
بغربـــة وطـــن مسموم

* * *

الحسن لمن نظـــــر للحال
سالـــت دمعتــه أبحـــزان
لبوه دمعه علــــي الهادي
ودمعه لمـــرع العطشان
وذكر جده الغريب أشلون
ثلــــث تيــام عـــالتربـــان
لا مــــاي الغسل جسمـــه
وذاري الطف صبحله أكفان

مگطعه أوصاله
تصعب الحاله
والحسن هـــل أدمـــــوم
بغربـــة وطـــن مسموم

* * *
الشاعر
موسى البديري

311

مؤسسة منبريون للشعراء

03 Jan, 08:12

قصيدة ( مر بينه ) إلى الامام الحجة ابن الحسن العسكري عليهم السلام

مــر بينــه مــر بينــه
صحره احنه وانته الماي
تــروينــه چلــمــة جــاي
يالغايـــب شنــهي الـراي
مـــر بينــه. مــر بينــه

*----------*----------*

تتاني الــروح ويـن الجيتـك مطـره
صفت بعدك يغايــب بالبعد صحـره
يتامى احنـه ونتاني منــك النظـره
نحلفـك بيش بحسين وگطع نحـره
تـدرينــــه تـدرينــــه
ننتظـــرك يـالـمـوعـود
يالمهـدي يمـتـه أتعــود
وتـــرد الفــرحـه اردود
مـــر بينــه مــر بينــه

*----------*----------*

مــر بيـنا الحـــزن نشــف مـدامعــنه
وحچي الشمات لجلك هد مسامعنه
بـلا نـــورك يغـــايــب سيدي ضعنــه
وبس انتــه التطـــيب كل مواجعنه
تــاذينــــه تـــاذينــــه
نسمعها واحنــه ازغار
چــا وين الغايب صـار
يالمهــدي لجــل الثــار
مـــر بينــه مــر بينــه

*----------*----------*

ظلمه الدنيه مرنه واشعـل الشمعـه
وامسح من جفنّه سيــدي الدمـعـه
بغايبك كل وكـت يبن الحسن ننعه
نحلفك بالبقن بچفوفه بـس تسعـه
تـروينـــه تـروينــــه
يبست بينـه الامـــال
ملينه القيـــل وقــال
يالمهدي بهذا الحــال
مـــر بينــه مــر بينــه

*----------*----------*

ضاگــت بالنــفس يالغــايب الريه
يا نســمة صبــح يـل كلــها حنيـه
الفرحه أويه العقيله چنها مسبيه
وبس انتــه التردهه مـن بني ميه
ملينـــه ملينــــه
مـن الـدمعه ومــن الاه
يــا جــرح المـا ننســاه
كل يــوم نعيـش ويــاه
مـــر بينــه مــر بينــه

*----------*----------*

مثــل حــال العليله لجيتــك انتــاني
البعـد يـبن الحسن غيرهــن الــواني
هااا هســه يجـي مــا مــره تنسـاني
يزيح اهمومي كلها ويجلي احـزاني
نــادينـــه نــادينـــه
عجــل عجــل مــولاي
يا عمري الراح وجــاي
يــــا قبلـــة كـــل وفاي
مـــر بينــه مــر بينــه

*
الشاعر
موسى البديري

216

مؤسسة منبريون للشعراء

03 Jan, 08:11

الشاعر الحسيني ظاهر حبيب الهليجي (للامام علي الهادي ع)

عاشر جرح منل ألايمه
نصبت عزاء الزهره يمه
بل حسرات والدمعات
*

اجت هل الليله يمه فاطمه الزهره
تنوح وتسجب الدمعات بل حضره
لعلي الهادي ابنها وعاشر العتره
الگضه سنينه صبور بگاع سامره
نصبت عزه بنوح ومدامع
عل لي گضه عمره مواجع
والحسبات والدمعات
*
بدت بول كلام تخاطبه وتنعه
علي يبني اجيت وبل جفن دمعه
يلمسموم لجلك تبجي السبعه
السمه والگاع والافلاك منفجعه
جيتك ييمه وجرحي ملجوم
تدري بدليلي اشايل هموم
والعبارات والدمعات
*
تگله أبسم ييمه جبدك اتصوب
وبديره غريبه وقله من ايحب
لان نسلك علي رادوك تتعذب
وصار الموت عندك ياعلي ارغب
گبلك ييمه بداري اجوني
نفس الاجوك وروعوني
والآهات و الدمعات
*
گبلك جم جبد مسموم يل معصوم
وجم نحر بنحره علغبره يدي دموم
بدت منل السقيفه والسبب مفهوم
بغضاً للصميده والبغض لليوم
يوليدي بغضاً للزجيه
وجدك علي حامي الحميه
والونات والدمعات
*
مصابك أهون أمن حسين وايتامه
يبني حسين سلبوا حته هندامه
وبعد أكثر حوافر نهبت عظامه
وسبوا بلطف بناته وسلبوا بخيامه
نعشك ييمه تشيعه الناس
وحسين ظل إعله الرمح راس
بل عبرات والدمعات

246

مؤسسة منبريون للشعراء

03 Jan, 08:11

لشهادة الامام علي الهادي عليه السلام

وين الذي يطوي البعيده
علريح يعبر بيده بيده
ابگلب يلهب يسبج الريح
لهل الكلايف والشديده

------------

يوگف على حدود المدينه
محروگ گلبة وحمره عينه
للساده حيهم حيهم ايصيح
مسموم هاديكم لگينه

------------

وين اهل بيظ ال بلحرايب
وين اهل طالب واهل غالب
اتمدد الهادي وغمظ العين
ومن ذاك سمه الچبد ذايب

------------

حيهم اوين اهل المعالي
المن زودهم كل راس عالي
حاسر اجيت الراس هليوم
چي راسه حاسر علي الهادي

-------------

اتعنى للساده ابهل امصاب
ناعي المصيبه ابعتبة الباب
الكلفه عدكم ياال عدنان
باچر الهادي اتشييع الاجناب

--------------

امصاب وي حسين ينعاش
ميت الهادي وحدرى الافراش
بدم الجروح اتغسل حسين
وتچفنه ماصح وصلة اقماش

------------

الحسن سد للهادي الاعيون
واعيالة فوگه ابراحه يبچون
وحسين فوگ اجروحه علگاع
مفتوحه عينه وبي يسحگون

--------------

غير اليموت اهله يجوله
واجهاز ميت يجهزوله
اكرام اليموت ادفنه العزاز
والگبر اهله اليحفروله

--------------

وحسين ثلث ايام عاري
مسلوب وبحر الصحاري
بس الجسد والرس برماح
وي الظعن يمشي ويباري

196

مؤسسة منبريون للشعراء

03 Jan, 08:11

الله ايعين كَلب العســـــكري اشحاله
محني امن الهظـــم نعش الأبو شاله
***
الله ايعين كلب العســــــــكري اتمرد
على نعش العزيز الوالـــــــــد اتمدد
وعلى صدر ه الحنين بدمعته اتوسد
اه يالهادي بالونــــــــــــــــات ينعاله
***
آه يالهادي بالونـــــــــــات والعبره
ايكله اهواي فكــــــد الوالد اشكبره
لو شال الابو ماينجـــــــــبر كسره
منو ايعوض حنانه اوحشـة اعياله
***
منو ايعوض حنانه وحضنه وافيايه
بخت البيت والعمـــــــــــود والثايه
بعد ماتت صـــــدك يابويه الحجايه
كلشي ايموت من تتيتـــــــم اطفاله
***

كلشي ايموت لومات الابو وحمل
ايتيه الراي كله ومابعـــــــد يندل
كل الحيل لوراح ومشـــــه يذبل
وبيه ابنــــه يسولف منشغل باله
***

بيه ابنه يسولف بالوكــــــــــت بعده
هم يرجع ابويه وهــــــــــم اله رده
مكانه الشال منه منهو اليســــــــده
جراحات العزيز اهــــــواي جتاله
***

جراحات العزيز اشــــلون ننساهه
وصور في كل مكـان ابيته نلكاهه
الموت اشلون ذيج الهيبـــه باكاهه
وخله العين بعده ادمــــــوع هماله
***

ابو علي الركابي

188

مؤسسة منبريون للشعراء

03 Jan, 08:11

العسكري والهادي(ع)

ياخيمة الروح مابطل النوح
عن اهلك ابساع ارحلت يابويه عن بيتك شلت
مابطل النوح
***

يالعايف البيت ورحـت يالشـــايل ابساع
بصوته ينوح العسكري مووكـت الوداع
يابويه يالهاي صحـت كل العمـر ضاع
ظهري تكسـر يالابو ومحنيه الاضلاع
ياشمعة البيت موتي تمنيت
للموت ليش استعجلت يابويه عن بيتك شلت
مابطل النوح
***

ياخيمة احساس اودفو وتمطـــر محـنه
ياشـمة ابخور وعطر ياريــــح اهـــلنه
يالوجهك بنور الشمس يالجنه جــــــنه
يانعمه ياخـــــير ونده افراك كتلــــــنه
ياديرة احساس موشيب الراس
يالغالي بفراكك متت يابويه عن بيتك شلت
مابطل النوح
***
شيخ الهواشم ياوسف ديوانــــه مسدود
وابنك اثيابه امن الحزن ماذبهن السـود
ناصب فواتح تعزيه ادري انتـه متعود
شيطيب اجروح الكلب وبجمره ممرود
مشتاك إلك حيل مانايـــم الليل
مذبوحه روحي اتعذبت يابويه عن بيتك شلت
مابطل النوح
***
كاعد على الباب انتظـــر تانيتك اهــواي
هلبت تردلــــــــي يالابو واتبرد احشـاي
عطشان الك مثل الهواي يالغالي والماي
ردت تجيه للعســــــر من تحضر اوياي
يابعد العــيون محتاجك اشلون
لأرض المكابر شو رحت يابويه عن بيـــتك شلت
مابطل النوح
***
محتاجك ابكَد السمه يانعمـة البـــيت
وياك كون انه اندفن واشكَد تمنـــيت
هاكبر فــــيك يالأبو بالوحشه حسيت
كل مغربيه امن البجي مالحظه مليت
شيردك اردود يالساكن ألحود
ماصدك بلحدك نمت يابويه عن بيتك شلت
مابطل النوح
***

ابو علي الركابي

164

مؤسسة منبريون للشعراء

03 Jan, 08:11

يالمهدي الشــــيعه ايعزونك
***
بأيام الاحـــــــــــزان المــــــره
وجرح الألمنــــه ابســــــــامره
ناديناك بعبــــــــــــــره وجمره
انصارك عجـــــــــــل يردونك
***
عجــــــــــل ياغايبنــــه الدارك
صوت اتصيح بحركًه انصارك
مكطوعه وماندري اخــــــبارك
بمصاب الهــــــــادي ايحلفونك
***
مات وبالغربــــــــــــه ايدفنونه
بسامره الناس ايشـــــــــــيعونه
جدك يالمهــــــــــــدي ايسمونه
احبابك لأجلـــــــــــه ايواسونك
***
انواسيك اعله الهــــادي وهمه
وانته اتلوج الوضـــــعه وسمه
تتحمل ياجـــــــــــــرح ولجمه
كون الخــــــــدام ايعينـــــونك
***
ريت الخــــــــــدام بلطمتهم
ايخيطون الجـــرح بدمعتهم
ايواسونك تدري بنيـــــتهم
متعوب وحايــــــر يدرونك
***
متعوب اهــــــواي بدنياتك
ليهسه اتنــــــــوح العماتك
يازينب تبجــــــــي بوناتك
تتكاطر دمـــــعات اعيونك
***

ابو علي الركابي

245

مؤسسة منبريون للشعراء

03 Jan, 08:10

في وفاة الإمام الهادي (ع)

عجِّل عجِّل .. واحْمِل الرايه
عجِّل عجِّل .. ما بُقَت ثايه

& & & & &

عجِّل يبو صالح تره ما بُقَت حيله
اوهذا الدمِع مَلْ من كِثِر إحنه مَنْسيله
اعليك ابجَرِح جدك علي الهادي هالليله
تطلع يمهدينه اوتفضِّ السفره لِطْويله

إظهَر إظهَر .. ابسُرعه مولايه
عجِّل عجِّل .. ما بُقَت ثايه

& & & & &

عجِّل يمهدينه البشر صارت اِذْيابه
واتحوِّلت هاي الأرُض سيدي اِلْـ غابه
دين الله أصبح لا محل لهْ مِنِ اِعْرابه
واعله المبادئ والقِيَم صارت اِطْلابه

كِلنه كِلنه .. نهتف ابهايه :
(عجِّل عجِّل .. ما بُقَت ثايه)

& & & & &

ابكلْب المُحِب يا سيدي كِثْرَن اِجْرُوحه
اوما ظَل إله حيل اوصُفت روحه مذبوحه
سيفك يبِن فارس مُضَر كلي متلوحه ؟!
دَمْعَتْها زينب لشوكِت تُبقه مسفوحه ؟!

زينب زينب .. سَوّت اِقْرَايه
عجِّل عجِّل .. ما بُقَت ثايه

& & & & &

يا ربي عَجِّل بالفرج دايم انّادي
لنِّ الكلُب من غيبِتك ينتحب صادي
مكتوب جنب العلكمي ابحق علي الهادي
خِذْ ثار جدك حيدره مِنِّ لِمْرادي

ثارك ثارك .. اِلْـ حامي لِحْمايه
عجِّل عجِّل .. ما بُقَت ثايه

& & & & &

جم مسجد اِلْنَه فَجِّرَوا ؟! جم حُسَيْنِيه ؟!
اوجم قاسم الْشِفْنه ابدِمه إيده مِتْحَنْيه ؟!
واشكم حسين اعله الأرُض شِفْنه تالِيَّه ؟!
اوهَم إلنه جم زينب مِشَت هِيه مسبِيه ؟!

اِتْكرّر اِتْكرّر .. طَفّك اِهْوَايه
عجِّل عجِّل .. ما بُقَت ثايه

& & & & &

يا حُجَّةَ الله اشمِنْتِظِر ؟! والله ملّينه
كِلْها صُفت (مِتْوَكِّلِ) اتريد الغَدُر بينه
لاجِن رَغُم كِلِّ الألم والْجِره اعلينه
(كُن لوليِّكَ الوَلي ..) ياما نادينه

فاطم فاطم .. تِدْعُو وَيّايه
عجِّل عجِّل .. ما بُقَت ثايه

& & & & &

خادم الهادي (ع) : إبراهيم الدريس

263

مؤسسة منبريون للشعراء

03 Jan, 08:10

في ذكرى استشهاد الإمام الهادي (ع)

عهَد يالهادي عهَد .. نبكه جُندك للأبد
يا علي الهادي .. يا علي الهادي

&&&&&

يا إمامي إحنه بالذر .. ابدمنه وقَّعنه العهَد

حاشه لا منعوف حبكم .. و الفُكَدْكم شالوِجَد ؟!

إنتُوا حبكم يا إمامي .. أحله والله امن الشهَد

و اللي يخدمكم عِرفنه .. ذكره بالوادم خِلَد

رِدْنه بالخدمه مدد .. نبكه جُندك للأبد
يا علي الهادي .. يا علي الهادي

&&&&&

من قبل يوم الولاده .. بينه حبكم منعِجِن

و الـ مصايبكم إمامي .. ألله خالق هالجِفِن

الدنيه لولاكم الدنيه .. نار بـ اعيوني او سِجِن

إنتُوا نور الله ابسماءَه .. الليل يمكم ما يِجِن

شانك انته ماله حَد .. نبكه جُندك للأبد
يا علي الهادي .. يا علي الهادي

&&&&&

إحنه يالهادي مَحَبْتك .. علِّمَتْنه اعله الفَخَر

او صرنه نتعنَّه الـ ضريحك .. لَوَن كل دربك خَطَر

غيرةِ العباس بينه .. و اليزَعِّلْنه خِسَر

نكلب الدنيه ابـ عَزِمْنه .. من يعود المنتظر

نقسِم ابربنه الصَّمَد .. نبكه جُندك للأبد
يا علي الهادي .. يا علي الهادي

&&&&&

للضريح الوَرِد كاصد .. حته لـ اعطورك يِشِم

و ابحضرتك شفنه غيره .. ايصليِ ابصَفْها العَزِم

زِلِم ما تهوه حروفك .. هيه قطعاً مو زِلِم

او مو مهم الكون كله .. عدنه بسِّ انته المهم

أغله من ولْد الوَلَد .. نبكه جُندك للأبد
يا علي الهادي .. يا علي الهادي

&&&&&

ابكل كلب هالليله مجلس .. هوه لازم ينِّصُب

فاطمه الـ سامره حِضْرَت .. تبجي مكسورةْ كلُب

او كل محب هالليله عنده .. فَدْ أمُر كلش صعُب

أمره يسهَل من مُجَرَّد .. حضرةِ الهادي يطُب

إنته حَلاَّل الشِّدَد .. نبكه جُندك للأبد
يا علي الهادي .. يا علي الهادي

&&&&&

الجنه نشعرها ابقُرُبْكم .. و العسُر يمكم يسُر

الدنيه لو ما إنتُوا ظلمه .. او ما عِرَفْنه احنه الفجُر

الما يحبكم والله مدري .. عايش اشلون العُمُر

حبكم أنطه الـ كل شي معنه .. او عطُر أنطه للعطُر

عِدْنه حبك مُعتَقَد .. نبكه جُندك للأبد
يا علي الهادي .. يا علي الهادي

&&&&&

خادم الهادي (ع) : إبراهيم الدريس

165

مؤسسة منبريون للشعراء

03 Jan, 08:10

في ذكرى وفاة الإمام الهادي (ع)

كبّه او دمعه .. او فاطم تنعه :

(يالماخذ وَيّاك الروح
تبجيكِ اخيام (المذبوح))

& & & & &

يالكل عمرك آهه او حسره .. جيتك بالدمْع المنثور

أبجي او أنحب يبني الهادي .. و اَلطُم عالضلْع المكسور

ليش اتزيد ابفكدك ناري ؟! .. او نار اخيامي ابكلبي اتفور !!

اغيابك يبني هدَّم حيلي .. وَ أعْتَبْره ثاني عاشور

اغيابك يبني .. جرَّح جفني

ناداك الدمْع المسفوح :
(تبجيكِ اخيام (المذبوح))

& & & & &

ليل اتحوَّل هذا العالم .. يالهادي من نورك غاب

او مو بس كلبي انصاب ابفكدك .. حتى العرْش الليله انصاب

اجروحك تاكل هيه ابروحي .. او ما يستاهل دهري اعتاب

اغيابك جَدَّد كسري اعليّه .. او ثاني أصبح دَفْعَةْ باب

شفْت ابدمعي .. ينزف ضلعي

من شفتك ميِّت مطروح
تبجيكِ اخيام (المذبوح)

& & & & &

امصابك مو هيِّن يوليدي .. او لا مو عادي ابسَم اتروح

منِّ اتشوف الأم الغالي .. ابنعشه اطّش بيديها الروح

و التفكد واحدها اتموتن .. و الها يحلى الون والنوح

و آنه اشجم غالي وَدَّعْته .. او عطره الهسه ابحسره ايفوح

كلبي اينادي .. يبني الهادي

مجروح ايودِّع مجروح
تبجيكِ اخيام (المذبوح)

& & & & &

يبن الهادي لا تِحْسِبْني .. الـ (سامره) ابدمعي ما جيت

او لتْظِن ما حنّيت ابكترك .. و اعله اجروحك ما ونّيت

ناديتك يوليدي ابحركه .. او جيبي الفكدك هم شكّيت

كبْتك تقره اوْيايه امصابك .. و اترابك يلطُم صَدّيت

كبْتك تبجي .. ابجَرْحك تحجي

و اترابك بس حسره ايفوح
تبجيكِ اخيام (المذبوح)

& & & & &

رَغْم امصابك يبني الهادي .. خلاها اتهلِّ دَمِّ العين

او رَغْم اغيابك خلّه اكليبي .. يبجي او يعلى منّه اونين

لاجن أعظم و أكبر لوعه .. امصيبةْ إبني الغالي احسين

محَّد مثله كطعَوا نحره .. او كطعُوله خنصر ليمين

محّد مثله .. اِتْيَسْرَت أهله

او نحره ابسيف أصبح مذبوح
تبجيكِ اخيام (المذبوح)

& & & & &

خادم الزهراء (ع) : إبراهيم الدريس

164

مؤسسة منبريون للشعراء

03 Jan, 08:10

في ذكرى استشهاد الإمام الهادي (ع)

اشلون شمس الهادي غطاها التراب ؟!
اشلون سهم الموت صاب ام الكتاب ؟!

راح اَبو الروح الحَنينه
راح والدمعه اعله عينه

اشلون سهم الموت صاب ام الكتاب ؟!

&&&&&

من غُمَض عينه الإمام اتجاره موحه
كثره بكليبه يهالوادم جروحه
راحت اَحبابه كبل متروح روحه
الهذا هَمه ماكو هَم يكدر يلوحه

عمره خلّص ينتِقِل بين الجروح
او ما نِسى ابآخر نِفَس لـ احسين اينوح

مات .. او عالظامي وِنينه
راح والدمعه اعله عينه

اشلون سهم الموت صاب ام الكتاب ؟!

&&&&&

مثل ليل اِهْدَعش صارت هالمسيه
فاطمه اتوَدْع ابدَمِع عاشر ضَحِيه
جَنِّي أسمع ناحت اعليْه السِّبِيه
لنَّه ضَمِّ ابعينه جَرْحِ الغاضِرِيه

الليله بس تحله المدامع والبُكاء
وَدِّعَت أم الحسن عاشر سماء

مِنْكِسِر كلب الحَزينه
راح والدمعه اعله عينه

اشلون سهم الموت صاب ام الكتاب ؟!

&&&&&

ما عرف غير الألم معنه الـ حياته
الهذا أصبح حيل أرحم له مماته
ابزود عطفه ضَمَّتِ الشيعه عَبَاته
او بعده ضَمِّ اليِتِم أحبابه او بناته

بَعْد اَبو العسكري ما تِسْوَه الحياةْ
إلهَضُم مِتْوَزِّع ابكل الجِهات

اِنْدِفْنَتِ ابكبره السّكِينه
راح والدمعه اعله عينه

اشلون سهم الموت صاب ام الكتاب ؟!

&&&&&

يوم طاحت كبِّته ويه المناره
طاحت ادموع الأسى ابخَدِّ الغَيَاره
رغم هذا ما كِطَعْنه احنه الزياره
او بالمشي الـ كبره كِتَبْنه اَجمل عِباره

بالهَدِم ميموت اِبِن طه الرسول
إنتُم اتزولون او كبره ما يزول

اِعداه وين ؟! او هوه وينه ؟!
راح والدمعه اعله عينه

اشلون سهم الموت صاب ام الكتاب ؟!

&&&&&

اتنادي سامراء اُو صوت الحسره عالي
راح منِّ اِيدِي يدنيه الجان غالي
بَعْدَه تِرْسَت عين أحبابه الليالي
و الضُّوه أصبح مِنَ اَيَّامِ الخَوالي

هيه سامراء بَعْد اِبْنِ الجواد
الـ هسه ما نِزْعَت أبد ثوب السواد

الفاكد ألله بس يِعِينه
راح والدمعه اعله عينه

اشلون سهم الموت صاب ام الكتاب ؟!

&&&&&

هالزمن غصبَن على الناس العَنيده
إلزياره الجامعه شايِلْها بيده
ابـ هالزياره انشوف ميزان العقيده
والنكرها احسين جَن كاطع وريده

إلزياره الجامعه بيها اِمْتِحان
يُكْرَمُ المرءُ بِهِ والا يُهان

الما نِجَح يخسر سِنِينه
راح والدمعه اعله عينه

اشلون سهم الموت صاب ام الكتاب ؟!

&&&&&

خادم الهادي (ع) : إبراهيم الدريس

164

مؤسسة منبريون للشعراء

03 Jan, 08:09

ويلي اعليك .. يا الهادي
مصابك مابره جرحه
@@@
ياللي شاهدت كلفات .. منها اجبال تتهدم
ويوميه ابغرب مسجون .. عالاوطان تتألم
امصابك ياعلي الهادي .. منه النوح نتعلم
وبعدك هالوجود ابليل .. دامس معتم واظلم
…
يامظلم .. بعده الكون
مظلم وانطفه صبحه
@@@
نستعرض حياتك كون .. نفهم واقع امصابك
يلي بالغرب ممنوع .. حتى مرافگ احبابك
وابسجن البني العباس .. چان السوط طلابك
شتم وضرب والاغلال .. بيد اللي ابغرب جابك
…
من طيبه .. يهجرونك
ابله اجنايه وبلا جنحه
@@@
المتوكل اذاه اكبير .. اشسوه ابمهجة الزهره
من طيبه انشخص مجبور .. ليمن ارض سامره
وتالي آمره بحبوس .. اعليها مطلعت گمره
وبين اگيود كل جلاد .. ادمت مهجة الحوره
…
بالاغلال .. دمه يسيل
ويصعب عالجره شرحه
@@@
بخان الجمع كل صعلوك .. وسفه ينجبر يگعد
وهو هيبة المبعوث .. رحمه عالبشر احمد
ليش ابركة الاسباع .. ابن المرتضى ينهد
وتالي المعتمد بالسم .. چبده الطاهره فرهد
…
آه اعليه .. من سموه
سمهم بالگلب رمحه
@@@
ضل ايلوج من السم .. والله ايساعد احساسه
گلبه الطاهر اتلضه .. وعانه بعلته وقاسه
حد ما طابگ الجفنين .. وخمدة ويلي انفاسه
ومالت عالارض ايده .. وميل عالچتف راسه
…
مات اللي .. ابعطفه الناس
چانت كل صبح تصحه
@@@
يحگ للعسكري لمن .. ثوبه يفتگه ويجزع
طاح لخيمته العامود .. لمن بالنعش يطلع
الشاله عالچتف بمهاد .. تالي بالنعش يرفع
حگه ايصيح واويلاه .. وگلبه لوالده اتگطع
…
راح الچان .. خيمه اعليه
وجمره ابمهجته اتلفحه
@@@
علي أحمد الحمود
٣٠-١٢-٢٠٢٤
شهادة الهادي ع

165

مؤسسة منبريون للشعراء

03 Jan, 08:09

اوووه يا مااال
@@@
اول رجب بالشهر .. لهلال صاير بدر
ولي جنة الباري عدن .. صريا تنفح عطر
يوم الاجه منولد .. هادي الامامه الذخر
كل كربه بي تنجلي
ولي وابن كل ولي
بشباه طه وعلي .. وجه بياض الفجر
@@@
هذا التقي النقي .. معصوم من الزلل
گبل الوجود انوجد .. من نور خير العمل
شما طال بيه المدح .. ماتوفي حگه الجمل
يكفي امام البشر
ودره اجه امن الدرر
سمي ولينه المفتخر .. علي امير النحل
@@@
سامره هذا المسه .. مثل البدر زاهي
والنور لين النجم .. وثوب الضيه راهي
الهادي بي نفتخر .. ومن حگنه وانباهي
مولانه ماله مثل
ودرب الثريه يدل
والحبه حبه عدل .. ومگرود حظه اللاهي
@@@
مولد تناثر ورد .. والخير طشه فرح
هنياله هاللي حضر .. وابكل سعاده صبح
للهادي لمن اجه .. وتالي دليله انشرح
عاشر ايمة هدى
گلبك ترى يسعده
وجرحك ترى ايضمده .. لو بالهموم انجرح
@@@
علي أحمد الحمود
٢٨-١٢-٢٠٢٤
مولد الامام الهادي ع
موال بحري

148

مؤسسة منبريون للشعراء

03 Jan, 08:09

يانفس صدري وحياتي ومسندي
راحل ابغربه وعفتني والدي
عالصبر مالي ضمد
مدد يالهادي مدد
آه يبويه .. آه يبويه
@@@
يا ألم فگد الأبو يجرح جرح
ما يطيب ابنزفه لمن ينفتح
غاب عن عيني ضوايه بالصبح
والدمع يسكب على جروحي ملح
…
لا تلوم اللي على عوده انفجع
لو يون فگده ويشگ ثوبه وجزع
عالفگِد گلبي انمرد
مدد يالهادي مدد
آه يبويه .. آه يبويه
@@@
سم بني العباس چبده مرضه
وبعد ابويه اظلم بأفقه الفضه

الشالني ابصغري على اچتافه مضه

وعلى چتفه شلته جثه امرضرضه
…
عانه من سجن الطواغيت اللآم
وبالحبس تحت الارض بس الظلام
من شدد الى شدد
مدد يالهادي مدد
آه يبويه .. آه يبويه
@@@
العمر بعد الابو تيه وضياع
وانا بويه لمركبي مرسى وشراع
البيه ربي للظلم يكشف قناع
اشگد رموه ابركه متروسه ابسباع
…
الوارث اعلم النبي چفه ابقيود
والسياط اموركه ليه الزنود
وليش يرموه لاسد
مدد يالهادي مدد
آه يبويه .. آه يبويه
@@@
اسمعت ابويه ابليل لمن يختلي
يبچي طه وفاطمه وحيدر علي
وگلبه عالعم الحسن بس ينصلي
وعالحسين اينادي مذبوح الولي
…
يبچي اجداده الگضوا من الطغات
والاشد نعيه على قتله الفرات
اضلوع لو رض الجسد
مدد يالهادي مدد
آه يبويه .. آه يبويه
@@@
راح ابويه وخلف اوحيده حزين
شما فتح عينه انفتح جرح الونين
شلحگ اوبچي نوايب بالسنين
وكل مصيبه اتهون بمصاب الحسين
…
من افز اذكر ابويه اللي رحل
چبده من سم الذي اتجرع وصل
حتى بترابه انوسد
مدد يالهادي مدد
آه يبويه .. آه يبويه
@@@
شلت نعشه الچان شايلني ابمهاد
واسمع ابتشيعه ونات الجماد
واللي وسدني على افراش ومخاد
وسديته اتراب في ارض السواد
…
ويلي من وسدته بتراب الگبر
لونه لتغير هدم مني الصبر
شسوه بيه المعتمد
مدد يالهادي مدد
آه يبويه .. آه يبويه
@@@
علي أحمد الحمود
٢٨-١٢-٢٠٢٤
شهادة الامام الهادي ع

149

مؤسسة منبريون للشعراء

29 Dec, 18:40

على الهادي دمعنه يصب
وعزائه ابكل وكت ننصب
من كربله السامره طول العزاء
......
للعمره خلص بالقهر واللوعه والأاه
ننصب عزه من كربله السامره والله
يتعاله بيهه صياح عالمسموم ويلاه
نواسي الامام العسكري الضل محد وياه

على امصابه الحسن يبجي
كعد يم النعش يحجي
افتحلي عينك ياحبيب السماء
......
مجلس عزانه صيته يوصل لاخر الكون
عامر يضل بالنوح وبدمعات الاعيون
بيه الجزع مسموح خلي الناس يحجون
وتعداده مو مليون لا عشرين مليون

على مد البصر مأتم
نقيم اعله التجرع سَم
وانعيش لوعة فاطمه بكربلاء
.....
نطلع مشي من كربله السامره بدموع
مثل اربعين حسين هيجي يصير موضوع
كل زاير بجفه علم عالراس مرفوع
وبعينه دمعات الحزن والبجي المسموع

تبجي الناظر الصوره
يجي كل زاير يزوره
وأعيونه حمره صايره امن البكاء
.......
السمو جبدته يصير جد المهدي ياناس
واجب لطمنه ايصير مو عالصدر عالراس
بهاي المصيبه الراتبه فرحانه الارجاس
والمهدي خنكه بروحه كوه يجر الانفاس

اليواسي المنتظر وينه
على الهادي وعلى احسينه
ذاك الغريب السلبوه الرداء

.......
باجر المهدي ابطلعته يشاركنه الامصاب
بالصف الاول يوكف ويلطم يالاحباب
وأمه الزجيه اتصير وكفتهه على الباب
اسجل اسامي اليبجي عالهادي الضواه غاب

المجالس هايه ياسامع
تجيهه الزهره بالواقع
وتاخذ بديهه دمعتك والدعاء

......
كلمات
موسى الخادم

330

مؤسسة منبريون للشعراء

29 Dec, 18:38

الشكر لله الشكر لله … الله رزقنه امحبتك
ياسبع الدجيل ــ ياسبع الدجيل

*
لزيارتك حــيل يا سيـــدي اشتـاگينه
اويم گبرك ابشوگ يابن علي اتعنينه
كل زاير اتشوف دمع المصيبه ابعينه
يلمتت مسمـــوم مـــن اجلك اتأذينه

بدموع العيون… جينه ودخلنه الحضرتك

يابو الكرامـــات فضلك فلا ناسينه
والعنــده حاجات يمك يمـد چفينه
انعرفك يمولاي تسعدنه اوترضينه
يلما تسد بـاب نركض البابك جينه

فرحنه مولاي … وحسبنه خلص شيعتك
**

احبابك اهواي وبيك اشكر مجنونه
واسمك يمولاي آيـة عشـگ يقرونه
كل هــاي الارواح بمحبـتك مفتونه
اليتعـنه مشـاي مجنونك ايسمـونه

حتى الحمامات… تنزل تقبل تربتك
**

بمصـــابك اليوم انعزي ابوك الهادي
وبصوت الاحزان يم الضريح انادي
لا والله مولاي هذا الولاء مو عادي
من الله توفيق ومن المهد بي بادي

منك فلا اتوب… يالشرفتني ازيارتك
*

منهج للجيـال علمك بقه ايدرسونه
وبحبك ايزود كلمن عرف مضمونه
خسرت يمولاي أعــــدائك الملعونه
ماعـرفو اشلون تاريخك ايفسرونه

الحمدلله… احنه الربحنه ابجنتك
*

يم بـاب المراد نتـوسل ابدعوانه
حاجتنه نرجاك اقضيهه يامولانه
لحبابك ابشوگ گلبك فتح بيبانه
انحلف يمولاي بالزهـره لاتنسانه

مالحضه ننساك … نبچي ونون لمصيبتك
*

✍الخادم
كامل السعيدي

250

مؤسسة منبريون للشعراء

29 Dec, 18:37

لوفاة سيد محمد (سبع الدجيل) سلام الله عليه
(وزن عگيلي )

ابصدري النيران اللَّهابَه
لأبن الهادي وعظم أصوابه
لبن الهادي وعظم أصوابه
★★★★★
لمصاب الطاهر خلوني
كثر النوح ايغَيَّر لوني
بسيل المدمع تعمه عيوني
متكفي دموعي السچابه
لابن الهادي وعظم أصوابه
★★★★★
تعمه عيوني بسيل المدمع
ذاك البلسم چبده اتگطع
لسيد محمد گلبي اتصدع
الكون أظلم ينحب لمصابه
لابن الهادي وعظم أصوابه
★★★★★
بالسم گصدوه اهل الظلمه
اليمحون الخير ابلارحمه
ظلَّام ا لكفروا   بالنعمه
الخير الينفع سدوا بابه
لابن الهادي وعظم اصوابه
★★★★★
أصلاح وحكمه وراي وثوره
شع نوره   ومايرحل فكره
بگلب الهادي ضلت حسره
هذا النوح   لكثر اغيابه
لابن الهادي وعظم أصوابه
★★★★★
شكل الدنيا تغير لونه
صارت مهظومه ومحزونه
الگبره أحبابه ايشيعونه
يبچون بلوعات احبابه
لابن الهادي وعظم أصوابه
★★★★★
من كل حاقد بالشر بادي
الله ايساعد گلب الهادي
ابليل الموحش بأسمه ينادي
من فراگ الماظن بحسابه
لابن الهادي وعظم أصوابه

الشاعر حسن لعيبي الحريشاوي

162

مؤسسة منبريون للشعراء

29 Dec, 18:37

لوفاة سيد محمد( سبع الدجيل )بن الامام علي الهادي عليه السلام

أفضال أهواي ماتنعد
إلك ياسيد محمد
إلك ياسيد محمد
★★★★★
كرامات اشكثر وآيات
يبن الهادي معلومات
الك تشهد يبو الكلفات
ياصافي الگلب والذات
ما إلهن نهايه وحد
إلك ياسيد محمد
★★★★★
من راعي الوفه مكفول
خلي ايأمن المعلول
ماكو هناك مامعقول
يمه كل ثگيله اتزول
براهين شكثر تشهد
إلك ياسيد محمد
★★★★★
فاز بحظرتك من طب
نال وَحَصَّل المطلب
عليك الصعبه ماتصعب
انت النور المجرب
كرم بيبانه ماتنسد
إلك ياسيد محمد
★★★★★
اجوا لحماك مشايه
من كل ديره وولايه
الوادم أجوا وفايَّه
اجوا هليوم عِنَايَّه
شماطال الدرب وأبعد
إلك ياسيد محمد
★★★★
بلد يا آخر المعراج
ضريحك إلها نور وتاج
الناس الگصدتك افواج
بين العارف ومحتاج
غدت زوار تتحَشَّد
إلك ياسيد محمد

الشاعر حسن لعيبي الحريشاوي

158

مؤسسة منبريون للشعراء

29 Dec, 18:37

مرت سنه من العمر

شبعجل صارت تمر   مرت سنه من العمر.
مَرَّن شلون ايام.    كلهن حزن وآلآم
مرت سنه من العمر
★★★★★
سنه مرت شفت ايامها المره
تلوح بوسط جرحي البسمه والحسره
عشت بس ليل بيها مفارگ الگمره
وراحت ناس مني. وضلت الذكره
نصين عمري انقسم   بين الحلم و الوهم
انطتني دمع سچاب ومني خذت أحباب
مرت سنه من العمر
★★★★★
سنه راحت ولاخلت اهل عندي
هظم ودموع اصبح كل حلم وردي
الدمع مايوم هاجر لاجفه خدي
النهايه أگبالي اصدها منين ماأبدي
كل وكت يوم ارتجي. مايوم مثله يجي
لاچن طبع دنياي. نفس الطبع وياي
مرت سنه من العمر
★★★★★
شفت طيبيين بيها تعرف الصحبه
وشفت اوجوه مثل الوطن بالغربه
وشفت احباب توفي وتحظر الصعبه
مشوا عني ولفالي النوح والحسبه
مابين ليل ونوح    ظلت وحيده الروح
يايوم بيه ارتاح. وانسه زمان الراح
مرت سنه من العمر
★★★★★
سنه ما اذكر اشقدمت وانطتني
بس أذكر اجتني وشخذت مني
وروج ايامها يم شامت يذبني
محه كل الفرح لمن لفه حزني
كل سنه اتمر وتهل. نفس الطبع والشكل
كل يوم اگول اتهون. والگاها نفس اللون
مرت سنه من العمر
★★★★★
سنه مرت تذبني محنه علمحنه
يوم البچت روحي شگد بچت منه
شگد روحي بچتله. ويرد تتمنه
بجحيم العاش صعبه يوصف الجنه
امنين اجيبن زمن. مابيه عذاب ومحن
راحت سنه ابشوغات. وجتني سنه ابلوعات
مرت سنه من العمر

الشاعر حسن لعيبي الحريشاوي

173

مؤسسة منبريون للشعراء

29 Dec, 18:37

لوفاة سيد محمد سبع الدجيل
بن الامام علي الهادي عليه السلام
( ميمر )

سبع الدجيل بفرگاه   عايش الهادي ابحسره
★★★★★
عين الوفه صوب الدرب مشبوحه
الهادي يناطر ماتهيد اجروحه
لاحته اسهام المايظنها تلوحه
أسهام الفراگ الچتال    نيران تچوي ابصدره
★★★★★
دار الاهل ظلت حزينه وظلمه
نور وجمال الگمر چان ورسمه
روح الامام العسكري وأبن امه
وعم الامام المهيوب   بلهفه الخلگ تنتظره
★★★★★
الحافظ كتاب الخالق ومظمونه
عالي القدر والوادم ايعرفونه
حته العده ماگدروا ينكرونه
وارث علوم الاطهار      لوعَنَّه رايد تقره
★★★★★
يامنزله المحد گدر يوصلها
من الهادي وابنه العسكري حَصَّلَهَا
روحه القدر ياحيف مَاأَجْلَّها
البيها علوم واسرار   أسرار وعلوم العتره
★★★★★
موضع كرامات شكثر مشهوده
معروفه هيه مسجله وموجوده
سيد محمد لوتريد شهوده
اگصد ضريحه ونخاه    لمن تطب بالحظره

الشاعر حسن لعيبي الحريشاوي

216

مؤسسة منبريون للشعراء

29 Dec, 18:37

لوفاة سيد محمد سبع الدجيل وزن الدارمي (٣ دگات )

يامن زرت هيهات حاجتك ترَّدَ
لا مايرد محتاج     سيد محمد
★★★★★
بلمرحبه للناس   تضوي المناير
خل يفرح المهموم   لايضل حاير
بمراده صوب الدار يرجع الزاير
بابه بوجه مظلوم مالحظه ينسد
★★★★★
ماتمر حسبه اعليك لوچنت گاصد
لسبع الدجيل العون   وكت الشدايد
خير وكرامه وجود     عينك تشاهد
بفضاله تدري الناس ما إلها كل حد
★★★★★
حاطوه بني العباس   بالحيله والشر
بالسم تأثر حيل          لونه وَتِغَيَّر
من شجرة المختار     غصن التكسر
صبله الدمع مدرار خل يحفر الخد
★★★★★
بفضلك أَشَيَّم الروح وانت سندها
تحمل مزايا اهواي    محتار أعدها
بيك العشم مولاي       لا ماتردها
أفضالك عليها اهواي   يافضل ينعد
★★★★★
ياسند للمهظلوم   ولماله صاحب
ومن العلل خلصان والگلبه ذايب
امجرب يبو الكلفات   وكت النوايب
بفضلك جميع الناس كل وكت تشهد

الشاعر حسن لعيبي الحريشاوي

185

مؤسسة منبريون للشعراء

29 Dec, 18:37

لوفاة سيد محمد بن الامام علي الهادي سبع الدجيل رضوان الله عليه (ميمر )

سبع الدجيل اتعناه.      لمحمد ابن الهادي
★★★★★
عنده كرامات شكثر موصوفه
كلها فخر بين الخلگ. معروفه
بفيض الكرم والجود تنطي اچفوفه
عونه الگصد ليه وراح.   وبِسمه الشريف ينادي
★★★★★
اگصد لبو جعفر وانحب يمه
واشكيله همك وابچي لوعة همه
تزول المحن من خاطرك والظلمه
ابغرة شبابه المهيوب.   الموت غَرَّب حادي
★★★★★
من والده طِيْب وعبير ونسمه
تقوى وعبادات وشجاعة وحكمه
ذاك الْرُبَه بحظن المجد. والعصمه
ياجاهي مابين اثنين. بضل دنيتي وميعادي
★★★★★
لوعذَّبَك جور الزمان وجاسك
والناس صارت هلوكت موناسك
والدنيا مگصدها تِشيَّب راسك
اگصد الباب الحاجات. وخله اليعادي ايعادي
★★★★★
الهادي ظهره منكسر بغيابك
والعسكري شگ الهِدْم بمصابك
والشيعه عَنَّايَه   تون ابابك
كل كتر لجلك مفجوع. حتى الجبل والوادي
★★★★★
عطر الإمامة بسيرتك يبرالك
التاريخ يشهد عن جميل أفعالك
المعلول والمهموم يروي افضالك
بفضلك تزول اللوعات . ويطيب شربي وزادي

★★★★★
ليك ابعذابي ودمعتي متعني
خادم الك   يبن النبي تقبلني
بفيض الكرم يابوالكرم تشملني
ياگاضي حاجات الناس. اتعنيت اريد امرادي

الشاعر حسن لعيبي الحريشاوي

247

مؤسسة منبريون للشعراء

26 Dec, 16:46

يالجاي ونـــــــاوي اتزوه سيـــد محمد يرعاك
أول مـــــــا تبدي اتطوفه تاخذ كلشي منچفوفه
سيـــــــــــــــد محمد يرعاك
****
باب الله هــــــذا ولا أبــــــــــــد ميردك
يسمع أكيده لــــــو بديت ابعــــــــــــدّك
أطلب شرايـــــــــــد گول كلشي العندك
حاشه يردك مـــــــــــــــا يعوفك وحدك
ايفرح كــــــل واحد زاره سيـــد محمد معروف
لـــو طحت أبشده وحيره لا تگصد واحد غيره
سيــــــــــــــــــد محمد يرعاك
**
سبع الجزيره والنعـم مـــــــــــن عنده
كل واحـــــــد أتعنّه الحضرته ايسعده
ويمّه أكيـــــــــــــــــده تنتهي أي شدّه
بنفس الوقـــــــــــت ميريد مهله ومدّه
عشنه وشفنـــــه لهل واقع هسّــــه وسالف الأزمان
راجـــــــــع تاريخــه وأقره وأطلب من عنده النظره
سيـــــــــــــــــد محمد يرعاك
******
يستقبل ابصحنــــــــــه وحضرته الوادم
وميهمه بلــــــــــــــــــدة لا هويت القادم
وحتى المخالف لـــــــــو گصدله ابلازم
مسرور يرجـــــــــــــــع بالحوايج غانم
شفنـــــــــاها وبيها سمعنه وينقلها جيــــل الجيل
وصارت عنده من السيره لتضـــل أبشك وحيره
سيـــــــــــــــــد محمد يرعاك
*
يعرف شرايد مـــــــــــــن گبل ما تسأل
وشتريد يگضيلك أبـــــــــــــــد ما يبخل
بس صفّي نيتـــــــــــــك تاخذ بأيدك حل
وتفرح أبصحنه مـــــــــن گبل لا ترحل
يــــــــداوي العله ويشفيها ويگضي شعندك حاجات
شايع جــــــــــوده وإيثاره أول مــــــــــا تدخل داره
سيـــــــــــــــــد محمد يرعاك
****
چم واحد ابداخـــــــــــــل حضرته اتشافه
وداواه مــــــن علته وأبــــــــــــد ما عافه
وچم واحــــــــــــــد ابداره أشمله بألطافه
وزاره أبحضرته مـــــن بعــــــــد متعافه
جايب أهلــــــــــه وأحبابه وجاب بأيـــــــده القربان
مــــــــن زالت منّه المحنه قادم يتشكّـــــــــــــر منّه
سيــــــــــــــــــــــد محمد يرعاك
****
عن تجربه هـــــــــذا الحچي وعن برهان
وشاعـــــــــــــــت كراماته بجميع البلدان
التعلم ابمنزلتــــــــــــــه الأنس ويه الجان
يكفي شـــــــــــرف يتسمّه حامي الجيران
شامـــــــــــخ دوم أبمنزلته ويلهجها كـــــل لسان
أطلب منّـــــــــــــه شتتمنّه مـــن تگصدله وتتعنه
سيـــــــــــــــــــــد محمد يرعاك
***
من مأتمه السبـــــــــــــــع الدجيل أنطالب
ايعجّـــــــــــــــــل اله الكون جيت الغايب
فراگه صعب ونريــــــــــــــد ليث الغالب
وبـيـنـاتـنـــــــــــــه ميضل ستار وحاجب
طال فراگه ومــــا نعرف يا ديره مــــــــن الأمصار
بيها عايـــــــش مهدينه ونريـــــــــــده ايرد علينه
سيـــــــــــــــــد محمد يرعاك

الشاعر
قاسم حتروش البلداوي
خادمكم
أسألكم الدعاء 🤲🤲🤲🤲🤲🤲
غير مبري الذمه كل من يقرأها بطور الغناء

https://t.me/Hatrush

524

مؤسسة منبريون للشعراء

26 Dec, 16:45

جديد جمادى الثاني١٤٤٦هـ
نخوه بالسيد محمد سبع الدجيل
إبن الإمام الهادي عليهما السلام

ادخيل يابن الهادي يامولانه
ادخيل يابن الهادي يامولانه
ـــــــــــــــــــــــــــــــــ
داخلين اعليك بالعتره الهداة
بالنبي المختار سَيْد الكائنات
والوصي وبفاطمه سُفْن النجاة
انلوذ بيكم انتو بس منجانه
ـــــــــــــــــــــــــــــــــ
بالحسن ننخاك يابن الطاهره
وبالغريب احسين وبحق منحره
وبالعقيله زينب إخته الصابره
والبكفيل اللّي اقطعو ذرعانه
ـــــــــــــــــــــــــــــــــ
ابشدّه طحنه وبيك جينه نستجير
وبعلي السجاد هالقادوه أسير
وابنه الشاهد أبوالأكبر عفير
ابكربله وظل يندبه ابأحزانه
ـــــــــــــــــــــــــــــــــ
سيّدي وبصادق الآل الكرام
وكاظم الغيظ اللّي عاش ابإهتضام
من توسّل بيكم اينال المرام
واحنه حاشه انخيب يارجوانه
ـــــــــــــــــــــــــــــــــ
بالرضا يابن الحجج نقسم قسم
وفاطمه المعصومه ياباب الكرم
وبالجواد انريد ينزاح الألم
وتنقضي الحاجات ياسلوانه
ـــــــــــــــــــــــــــــــــ
وبأبوك الهادي ياسبع الدجيل
وبالحسن خيّك اليبچيك ابعويل
ويّا دمعه السال دمعتنه تسيل
لجل فقدك هالهدم أركانه
ـــــــــــــــــــــــــــــــــ
انحلفك ابجاه الإمام المنتظر
تشفي للمرضى وتسهّل كل أمر
ونلتقي ابغايبنا من بعد الصبر
ابنصره نحضه وخدمته ويرعانه
ـــــــــــــــــــــــــــــــــ

تمت بحمد الله ومنّه
نظم خادم السيدة الزهراء عليها السلام
ياسين جواد العبد الرضا

518

مؤسسة منبريون للشعراء

21 Dec, 15:13

#هوسات_ولادة_مولاتنا_ام_الحسن

انكسر خاطر رسول الله .. بصوت الصاح " يالابتر"
ورب العالمين اختار .. يجبر خاطره وينسر
نزل جبريل اله ونداه .. يبشرك الله بالكوثر

الكوثر شنهي الكوثر ؟.. يعني هواي الذرية ؟
ـــــــــــــــــ ❁ ❁ ❁ ــــــــــــــــــ
رسول الله بهذا اليوم ... انسر وبانت افراحة
ومن المسره والمعراج ... وهو يشعر براحة
لان من مر على الجنة ... اكل من عدها تفاحة

وصارت بته الزهرة ... من التفاحة
ـــــــــــــــــ ❁ ❁ ❁ ــــــــــــــــــ
الله ما خلاها هيته .... وتايه هرج ومرج
لا .. نصّب أهل فاطم ... بالأرض حجة وفرج
والحسن گال احنه حجة وامنه حجة اعله الحجج

" همه الحجة اعله أهل الگاع .. وفاطم حجة عليهم "
ـــــــــــــــــ ❁ ❁ ❁ ــــــــــــــــــ
لولا فضل الله ورحمته .. چان مسانه العذاب
ومنو الرحمة ؟ وفضل الله ؟ .. الوردو بلفظ الكتاب
فاطمة الزهرة رحمته .... والفضل قالع الباب

الگاع تسيخ وتهلك ... لو ما حيدر والزهراء
ـــــــــــــــــ ❁ ❁ ❁ ــــــــــــــــــ
القرون الأولى دارت ... على معرفة ام حسن
والوصل أخفى وصوله .. وما وصل كلمن عِلَن
العلم الاقوى .. علم فاطم .. وكل علم دونه وهن

علوم الدنيا وما بيها .. تسيس يم علوم الزهرة
ـــــــــــــــــ ❁ ❁ ❁ ــــــــــــــــــ
الحديث القدسي يذكر ... باجر بيوم القيامة
المعتصم بالزهره ينجى .. والله يكتبله السلامة
تشفع لشيعة الشيعة ... وتلگط الحب كالحمامة

بطرف اعباية فاطم ... خل نچلب بلكي نفوز
ـــــــــــــــــ ❁ ❁ ❁ ــــــــــــــــــ
الهمة چان بس واحد ... كفاه الله كل همة
والبكل وادي همه يصير ... يهلك والله ما همه
وهمنه نريده لاهل البيت .. وبس بوادي الخدمة

الرايد يوصل فاطم ... خل يهم بس لاهل البيت
ـــــــــــــــــ ❁ ❁ ❁ ــــــــــــــــــ
عبد فاطم
مصطفى باسم الغزي

1,111

مؤسسة منبريون للشعراء

21 Dec, 14:34

.

670

مؤسسة منبريون للشعراء

21 Dec, 14:03

مولود المولاتي الزهراء عليها السلام

بستان الورد من جاب عطره
هديه للنبي المولد الزهره
###############
كلشي ابتشر بالدنيا لجلهه
يا راحه وهدايه مانملهه
يكفينه فخر من نفرحلهه
وتعله اصواتنه ونعلن البشره
#############
گلبنه صفگ وفرحان بيهه
هالفرحه شرف نكتب عليهه
لو برواحنه هم نشتريهه
فضلكم يالهواشم مانقدره
#############
لجلهه الكون وافلاك ومجرات
يا زهراء من تنادي الاصوات
هيهات التمسك بيج هيهات
بالمحشر تعوفينه يحره
##############
حبل حبچ مسكناه بعقيده
وأسمچ للگلب أصبح نشيده
نحس مولاتي امان شما نعيده
وكسرنه يم حسن بسمچ نجبره
##############
عهد يبقى العهد حد گطع الانفاس
حبكم بالدمه يجري ويه الاحساس
بيكم مانهبط نرفع الراس
طعم هاي المحبه أحله ثمرة
#################
المايفرح الچ منه حذاري
وأبد ماتشمله رحمة الباري
شيعي ورافضي واحد قراري
ظهر العاده مولاتي نكسره
###############
الخادم عبدالمعين الشمري

532

مؤسسة منبريون للشعراء

21 Dec, 14:03

صلاوات صلاوات عله الزچيه فاطمه
صلاوات صلاوات عله الزچيه فاطمه
#############
انتي يم الحسن دستور وسند
نور فضلج من غطانه للابد
عهد دوم وياچ مانخلف عهد
نبقى خدامج بفطرة ومعتقد

صلاوات صلاوات الليله افرحت ارض وسمه
صلاوات صلاوات عله الزچيه فاطمه
###############
بهل الولاده الدين أصبح منتصر
والنبي فرحان گلبه مبتشر
صوت حق بكل وكت مايندثر
الدين سولف عنچ بوعي وصبر

صلاوات صلاوات خدام ولدچ هايمه
صلاوات صلاوات عله الزچيه فاطمه
##############
نمشي بدربچ وعنه مانزل
رغم محفوف بخطر بس مانمل
كل عملنه نور باچر ينجعل
نظرة منج كل عملنه ينقبل

صلاوات صلاوات مولاتي رحمه ومكرمه
صلاوات صلاوات عله الزچيه فاطمه
###############
أن شاء الله من الخدم من ننحسب
وبسجلج يالوديعه ننكتب
ابحضورج ابد مايبقى ذنب
الحمدلله عله الفطرة نحب

صلاوات صلاوات هالخدمه اكبر غانمه
صلاوات صلاوات عله الزچيه فاطمه
##############
التوسل بيچ رفعه ومفخره
ابابج اكعدنه بأمل يالطاهره
اريدچ تحضرينه دنيا واخره
ياملاذ گلوبنه وأعظم مره

صلاوات صلاوات سمعيهه هاي الخاتمه
صلاوات صلاوات عله الزچيه فاطمه
#############
الخادم عبدالمعين الشمري

321

مؤسسة منبريون للشعراء

21 Dec, 14:03

هوسات بحق مولاتي الزهراء عليها السلام

الليله العاطفه والشرف والاحساس
وي فاطم انولدت مالهه مقياس
يابضعة محمد تاج فوگ الراس
ها
وهنياله اليفرح هليله
##############
باقات الورد ونعلگ شمع وبخور
والملبس الليله الفاطمه منثور
يا أقدس مره ومن الجليل النور
ها
ياشيعه الحگ زامط بيهه
################
أجمعت كل القوافي وكل معانيهه
وكل الصور ذره ماتوفيهه
كلشي بهل الوجود ومايكفيهه
ها
نور الله وعطفه وقرانه
###############
الكفر هليله مذبول انكسر ظهره
من ناده الوحي ومن أعلن البشره
هنه المصطفى من ولدت الزهره
ها
وأملاك الباري ايهنوله
############
الخادم عبدالمعين الشمري

341

مؤسسة منبريون للشعراء

21 Dec, 14:03

دخيلج يامولاتي

لاح الفرح والدنيا مبتشره
والورد فاح بمولد الزهره
يجوهر وهيبه
يامنبع الطيبه
والورد فاح بمولد الزهره
##############
گلب النبي فرحان هليله
وامهه خديجه اللهجه تهديله
هاي الولاده تعدل الميله
وحمل الرساله الخالده تشيله

الوحي اخذ دوره
والدنيا مسروره
والورد فاح بمولد الزهره
############
حوراء إنسيه بنت طه
بمر الجلاله الزهره سماها
حگه الأملاك الليله تتباها
اعظم هديه الباري انطاها

الحبهه يتوفق
كل حلمه يتحقق
والورد فاح بمولد الزهره
##############
خدامج وحگنه تباهينه
للمحفل براحة گلب جينه
كل محب بس الحضرتج عينه
صك الشفاعه هناك تنطينه

من حگه يتباها
يامفخرة طه
والورد فاح بمولد الزهره
############
كلمن يخدمچ بالحشر يربح
الختم يمج فايز وينجح
كلهه غلط بس اليخدمچ صح
الخاتمه معروفه مايشرح

اليخدم حسينچ
يعني يقر عينچ
والورد فاح بمولد الزهره
#################
منعوفه ابواليمه يريحانه
هذا العهد ظل يسري بدمانه
حسينچ سطع بالنور عنوانه
بالشده حاضر دوم ويانه

مولاتي منعوفه
بگلوبنه نشوفه
والورد فاح بمولد الزهره
##############
الخادم عبدالمعين الشمري

523

مؤسسة منبريون للشعراء

21 Dec, 14:03

موال بحق مولاتي الزهراء عليها السلام

الكون وجهه ابتشر نور الزجيه سره
دستوره بنت النبي ياهيبته ويا سره
الجدم لا ماوكف دوم بدربهه سره
توصلهه عفه وشرف متوهمه يا مره
الي نكرهه خسر حس العسل يامره
والي خدمهه ربح رب العرش يامره
بالحشر يوم الظمه عله الحوض يلزم سره

كلبي بغير حبج ابد منسر
ولا غير مساره الجدم منسر
سر حملته ام حسين منسر
اثكل من جبال عله الوطيه

الخادم عبدالمعين الشمري

565

مؤسسة منبريون للشعراء

20 Dec, 11:51

صلاوات على الهادي نبيه
على الال على العتره النقيه

بجمعة الخير التمر
كل موالي يبتشر

تحيه للاحبهم على الغالي اسمهم
نزل كل علم عالي يظل عالي علمهم
دعاء بلا نهايه اظل امشي بدربهم
مينسون اليودهم يحبون اليحبهم

يمهدي جمعتك هيه يمته
يمهدي منو غيرك نطرته

انته صاحب هالامر
كل موالي يبتشر

جمعة مباركة

500

مؤسسة منبريون للشعراء

20 Dec, 11:51

ابو ذيات لميلاد سيدتي ومولاتي فاطمة الزهراء عليها السلام
🌹🌹🌹🌹🌹🌹🌹🌹🌹🌹

فاطم عل خلايق تضل ... لولى ( الاولى)
كوثر صافي ابد ما بيه ... لوله
جبريل ابمهدها اشكثر .... لوله
ابمولدها أشكثر طش واهليه ....

سبحان الخلق فاطم .... تبارك
بيها العرش والكرسي ... تبارك
المحمد . روحي الليله ... تبارك
ابمولد فاطمه البضعه الزچيه

الدنيا مبتسم ضاحك ... سن الها
انولدت فاطمة او شعشع .. سنا الها
روحي الما فرح شافت ..... سنه الها
افرحت والعيد اجاها ابهل مسيه

بسمها ايزود ما ينگص ... هياماي
لانها الروحي من تعطش .... هيا ماي
اذا عنها النبي گايل .......... هيا امي
شگول او ياشعر يوفي الزچيه .....

الحياة ابدون اسم فاطم ... بلا افراح
ابولادتها انترس عمري ..... بالافراح
الملائك الها الف نازل ....... بالف راح
المهدها اتزوره واتأدي التحيه ....

يلولاچ النفس فگدت ... هُداها
يدره . او ربي للخاتم ... هداها
الفرح هل يوم لجفوني ... هدّاها
او الچ وديت دمعاتي هديه ....

🌹🌹🌹🌹🌹🌹🌹🌹🌹🌹🌹🌹

ابو فاطمة الطائي

644

مؤسسة منبريون للشعراء

20 Dec, 11:50

مولد مولاتي فاطمة الزهراء ع🌹

ـ               ميــــــلاد الزچيه
ـ              الفرحه الفاطميه
للمصطفى وحامي الحمه هذا الحفل هديه
ـ⇔⇔⇔⇔⇔⇔⇔⇔⇔⇔ـ


بيها النبــي حيـل ابتشر والبسـمه بانت
وهـيه ابمهــــدها فاطمه وتكلمه چانت
آيه ابحضــن امها انزلت والفرحه حانت
والشمس من عازت ضوه بيها استعانت

ـ              تعيش الفرحه بيه
ـ              ولايگ حــبها اليه
للمصطفى وحامي الحمه هذا الحفل هديه
ـ⇔⇔⇔⇔⇔⇔⇔⇔⇔⇔ـ

الله الزعلها يزعل ويرضــــه لرضاها
دور القيـاده اعله النسه اليله نطاها
مثل النبي عدها شكثر هيبه اوجاها
وحقه محمد عالملا بيــــها ايتـــباها

ـ              هيبه اعله البريه
ـ              بنت طــــه الابيه
للمصطفى وحامي الحمه هذا الحفل هديه
ـ⇔⇔⇔⇔⇔⇔⇔⇔⇔⇔ـ

حبها هويه وبالحشـــر هيه الشفيعه
ونشكر الباري الفاطمه خالقنه شيعه
نكشخ بحبها بكل زمـن امنه الوديعه
الورد يكشـخ لو وصـــل موسم ربيعه

ـ              شيعه وجعفريه
ـ              ونردد ســـــويه
للمصطفى وحامي الحمه هذا الحفل هديه
ـ⇔⇔⇔⇔⇔⇔⇔⇔⇔⇔ـ

فاطمه بحر المعرفه وفرقد محمد
ماعون فايض بالوفه ويشبها محــد
بيبـــانها اتوزع نعم مالحظه تنســد
عنها محمد وعلي والباري يشـــهد

ـ              الريحـــــانه الوفيه
ـ              الاوله بكلشي هيه
للمصطفى وحامي الحمه هذا الحفل هديه
ـ⇔⇔⇔⇔⇔⇔⇔⇔⇔⇔ـ

   ✍الخادم
كامل السعيدي

358

مؤسسة منبريون للشعراء

20 Dec, 11:50

مولد فاطمة الزهراء ع

اللهــــــــــم صــل على … محمد وآل محمد
انولدت فاطمة الزهراء … كوثر للنبي محمد
                ـ🌹🌹🌹🌹🌹ـ

بلحظة مانولدت ســـاجده لربها
اميره اعله النسـاء الباري نصبها
واجب عالبشر كلها انكتب حبها
الماحبها خسر والجـــنه ماطبها

جـــــددنه العهد بولاء … محمد وآل محمد
نولدت فاطمة الزهراء … كوثر للنبي محمد
              ـ🌹🌹🌹🌹🌹ـ

جبــــــــــرائيل بعنان العرش كبر
حين انولدت وشــع نورها وازهر
نزل يم باب طه وجاب هالمصدر
بالاصلاب گله نكتبت الحــــــيدر

الكون فيهم اســتضاء … محمد وآل محمد
نولدت فاطمة الزهراء … كوثر للنبي محمد
               ـ🌹🌹🌹🌹🌹ـ

نور الزهــــره مايرهم اگباله افياي
ماينصـد عكس نور الشمس بهواي
كلشي اتغيــــــر ابيت النبي الوفاي
اليشرب مايهم يشــعر ابطعم الماي

اصبــــــح الكل سـعداء … محمد وأل محمد
انولدت فاطمة الزهراء … كوثر للنبي محمد
                ـ🌹🌹🌹🌹🌹ـ

من شجرة علي الزهراء غصن ريحان
عطــــــــرها منفـرد ويفوح بالبســتان
متبسم علي ابميــــــــــلادها وفرحان
كعـــبه امـــــن الادب والزهد والايمان

تقيــــــــه بنت الاتقياء … محمد وآل محمد
انولدت فاطمة الزهراء … كوثر للنبي محمد
             ـ🌹🌹🌹🌹🌹ـ

✍️الخادم
كامل السعيدي

197

مؤسسة منبريون للشعراء

20 Dec, 11:50

كعديه لولادة فاطمة الزهراء ع

نولدت فاطمة الزهره الزجيه
التشبه لنبي وحامي الحمـيه
انبــــارك للنبي انريد
ونقره اجمل اناشيد
       ـ🌷🌷🌷🌷🌷🌷ـ

نورها نور الجلاله ـ ومن غصن شجرة محمد
جنة الفردوس هيه ـ وسيده اعله الكون تنعد
فاطمه طوق النجاة ـ وعنها رب العرش يشهد
بفيايها الكل تستضل
اهواي الها عالدوام فضل
ابمولدها جينه نحتفل ـ هالفرح عدنه تجدد

لدرة ســـــيد الامه العظيمه
وسط گلوبنه المحفل نقيمه
بينه الواهس ايزيد
ونقره اجمل اناشيد
    ـ🌷🌷🌷🌷🌷🌷ـ

فرحت الاملاك كلها ـ وبأسمها العرش كبر
آية الله العظيمه ـ استبشر ابمولدها حيدر
محجبه نولدت الزهره ـ وللحجاب اصبحت مصدر
بيها النواضر تنترس
للعفه انطت چـــم درس
بيها الله يذهب كل رجس. ونطفه ابمولدها كل شر

فرحه امن العمر هاي الولاده
اوياها انفتحت ابواب السعاده
عدنه اويه النبي عيد
ونقره اجــمل اناشيد

   ـ🌷🌷🌷🌷🌷🌷ـ

بگلبي جنح الشوگ رفرف ـ واعلن لفاطم غرامه
وللنبي ايقــــدم تهاني ـ انصاغة اوياها ابتسامه
وردة الجنه الزجيه ـ النابته ابيت الكرامه
بخدودها ايحط الندى
والحزن خلص موعده
موسم سعادتنه ابتده ـ وفاطمه اول علامه

مرجع للنســـاء وبنت ابوها
الكتبو عجزو اشما وصفوها
الشــاعر يقره وعيد
ونقره اجمل اناشيد

✍الخادم
كامل السعيدي

183

مؤسسة منبريون للشعراء

20 Dec, 11:50

مقدمات ولادة الزهراء

الزهـــــره آيـــه ونزلت ابهيئة مــره
وضـــوت العالم ابمنظرها العجيب
الشمس خجلت من بزق نور البتول
اوقبل لاتشرق ترد رأســـــــن تغيب

يهز مهدچ محمد ســـــيد الكون
وعلى نبرات صـوته ابساع تغفين
ربـچ حاط وي نورچ شـكل خاص
ورده وعطرچ امحلي البســـاتين

✍كامل السعيدي

199

مؤسسة منبريون للشعراء

20 Dec, 11:50

ولادة فاطمة الزهراء ع

طلبها مـــن الله ابوالقاسم ـ وطه
اله وجنـــح الملك صــــاير ـ وطه
ابمولدها افرحو حيـــــــدر ـ وطه
وخديـــــــجه وآسيا ومريم سويه

كامل السعيدي

202

مؤسسة منبريون للشعراء

20 Dec, 11:50

مقدمه لولادة الزهراء🌹

يا عطر جــنة عدن عشـنه ابهواچ
النشـمه ابدونـــچ اصلن موهــوه
هــوه لو ما نور وجهــچ بالوجــود
كلشي ضلمه ايصير وبعازت ضوه
محفلــچ اتحــفه وتعــــــناله كون
مثل ما موسى دخـل وادي طــوه

✍كامل السعيدي

266

مؤسسة منبريون للشعراء

20 Dec, 11:50

مقدمة ولادة الزهراء ع

شرد اوصفچ يالجمالچ سر عظيم
يعجـــــز الســاني وتكــف الانملي
انتي آيه وصـــــورچ رب الســـــماء
واليوصـــــفچ لو محمد لو علي

✍كامل السعيدي

240

مؤسسة منبريون للشعراء

20 Dec, 11:50

في ذكرى ميلاد السيدة الزهراء (ع)

هاي الليله كل الناس مبتشره
او كل كَسْرِ ابدِليل الليله حَل جَبْره
لأنْ هاي المسيه انوِلدَت الزهره

ابميلاد البضعه .. عِلگوها الشمعه
او هِزُّوها الوَسعه .. بالهوسات الليله
&&&&&

خديجه اليوم ورده او طِلْگت ابورده
جابت فاطمه المعروفه بالشده
عالمحتاج حاشه بابْها اتسِده

لا لَتلوموني .. لُو أهدي اعيوني
الـ عشگي و اجنوني .. فاطم أُمِّ العتره
&&&&&

إبراهيم الدريس

209

مؤسسة منبريون للشعراء

20 Dec, 11:50

في ذكرى ميلاد السيدة الزهراء (ع)

هالليله ليلةْ فرحه .. فاطمه فاطمه
و أرواحنه منشرحه .. فاطمه فاطمه
نورچ من أشرگ صبحه .. فاطمه فاطمه
گلبي تشافه او جرحه .. فاطمه فاطمه
يا مولاتي نورچ شافي
&&&&&

هاي البشر فرحانه .. فاطمه فاطمه
بالمولد او هيمانه .. فاطمه فاطمه
او كل المُهَج عطشانه .. فاطمه فاطمه
الگبرچ يـ أعز انسانه .. فاطمه فاطمه
گبرچ چا يمته احنه انطوفه
&&&&&

منقوشه بينه احروفچ .. فاطمه فاطمه
كل الكرم بچفوفچ .. فاطمه فاطمه
كعبه انتي و احنه انطوفچ .. فاطمه فاطمه
لآخر نفس منعوفچ .. فاطمه فاطمه
نقسم بالباري او هادينه
&&&&&

يم بابچ اتعنّينه .. فاطمه فاطمه
عدنه حوائج جينه .. فاطمه فاطمه
عنِّچ فلا اتبعدينه .. فاطمه فاطمه
خِدَّام الچ حسبينه .. فاطمه فاطمه
اترفعين الكل خادم راسه
&&&&&

إنتي الشرف مضمونه .. فاطمه فاطمه
و الدنيه لچ مديونه .. فاطمه فاطمه
بيچ البشر مفتونه .. فاطمه فاطمه
بـ امحبِّتچ مجنونه .. فاطمه فاطمه
حُبِّچ عالخير ايدلِّينه
&&&&&

بيچ الوجود اتنوَّر .. فاطمه فاطمه
يا جنه إنتي او كوثر .. فاطمه فاطمه
مالچ كفؤ بس حيدر .. فاطمه فاطمه
عالمنه إسمچ خضَّر .. فاطمه فاطمه
يالكلِّچ حِنِّيَّه او غيره
&&&&&

بسمچ ترف الرايه .. فاطمه فاطمه
عدنه محبتچ غايه .. فاطمه فاطمه
نبگه إلچ وفَّايه .. فاطمه فاطمه
صاح الفرات او مايه .. فاطمه فاطمه
بسمچ كلشي الليله اينادي
&&&&&

إبراهيم الدريس

199

مؤسسة منبريون للشعراء

20 Dec, 11:50

في ذكرى ميلاد السيدة الزهراء (ع)

يا زهراء .. بالفرحه نادينه
يا زهراء .. إسمج يروِّينه

&&&&&

شع نورج ابأفْق السمه هالليله
او طه الأرض من فرحته مَتْشِيله
هالكون جَيتج عدِّلت له الميله
او صارت حروفج مُصحفه او ترتيله

يا زهراء .. ابوجهج تضوِّينه
يا زهراء .. إسمج يروِّينه

&&&&&

ابميلادج أنثر فاطمه جَلْواتي
او منِّ الوَجِه أمسح صِرِت دمعاتي
أرفع إديه هالمِسه ابدعواتي
يا ربِّي لا تِبْعِدْني عن مولاتي

يا زهراء .. رحمه انتِيِ اعلينه
يا زهراء .. إسمج يروِّينه

&&&&&

إسمج إذا آنه أكْتِبَه بِجْفوفي
عطر الجِنان أشتمَّه بين احروفي
و ابكلبي لو يتكاثر أنظر خوفي
بس انتي ألكه اِطَّمِنين اجروفي

يا زهراء .. حُبِّج ينجِّينه
يا زهراء .. إسمج يروِّينه

&&&&&

يـ أم الحسن أهواج أظل للتالي
او حُبِّج يفاطم هُوَّه شاغل بالي
امقامج يزهره عالي عِدِّ العالي
و ايروح فدوه امحبِّتج كل غالي

يا زهراء .. خيرج يغطِّينه
يا زهراء .. إسمج يروِّينه

&&&&&

هاي السمه ويه الأرض مسروره
يوم الـ علينه وَجْهِج أشركـ نوره
مولاتي روحي الـ خدمتج منذوره
يالعِجْزَت اتوصِّف جمالج صوره

يا زهراء .. يا أحله نسرينه
يا زهراء .. إسمج يروِّينه

&&&&&

خادم الزهراء (ع) : إبراهيم الدريس

298

مؤسسة منبريون للشعراء

20 Dec, 11:50

في ذكرى ميلاد السيدة الزهراء (ع)

أبوذيتين

بس الزهره هيه .. أُم أبيها
أبو العذراء أفضل .. أم أبيها ؟
اشكثر فرحانه أنظر .. أُمْةَ أبيها

لأنْ هالليله مولود الزچيه
&&&&&

رحمه مولد أم احسين .. وَلْطاف
مكه لبست الأفراح .. والطف
كلمن دار حول الكعبه وِلْطاف

وَلا ايحِبْها خِسَر جنه عَلِيه
&&&&&

إبراهيم الدريس

202

مؤسسة منبريون للشعراء

29 Nov, 12:56

*هذا الدرب ميدوسه ابد جدمي*
**
*لن بيه شفت مسطور خد امي***

وزينب تِكِلي يالحسن

حته الدرب يبچي وحزن

لن بيه شفت مسطور خد امي

/////////////

امي طلعت بالدرب وامشي وراها

وشفت قنفذ يركض وبالسوط اجاها

وحده من اعيونها بسطره عماها

وطاحت امي بالدرب والون علاها

*تكلي الحسن يايمه تجيلي*

*كومني ما اكدر برد حيلي*

*وضلوعي يايمه انحنن*

حته الدرب يبچي وحزن

لن بيه شفت مسطور خد امي

////////////////

ها يزينب كون لا شفتي الي شفته

كون هذا الدرب لا شفته وعرفته

بقه يلچمني بخيالي ورغم عفته

ويرجع إلصاطرها لامي ترد وكفته

*وبكعب رمحه يظرب ابأُمي*

*وتكلي ريته والدك يمي*

*يايمه حظرلي الچفن*

*حته الدرب يبچي وحزن*

لن بيه شفت مسطور خد امي

////////////////

اخ يازينب عله الزهره الحنينه

وحكه گلبي مابُطل نوحه اوِّنينه

شفت امي عاشت وماتت حزينه

عله افراش الموت وَنَّتها علينه..

*تدري بعلي طايح ابمحرابه*

*وتدري بدليلي وتعرف اصوابه*

وتدريچن ابلايه وطن

حته الدرب يبچي وحزن

لن بيه شفت مسطور خد امي

////////////

يختي زينب كون هذا مو دربنه

وَلّا دَرْب الشام من إصوابه طِبنه

حافيه وتمشين لتكولي تعبنه

بالسبي ودرب الالم هالوكت ذبنه
*
*وهالحطب يصبح نار بالخيمه**

*وركظتها امي انتي بالهيمه*

وثنينهن يتشابهن

حته الدرب يبچي وحزن

لن بيه شفت مسطور خد امي

////////////////

انه ما انسه ابد ازرك جفنها

وامي من طاحت رحت نمت ابحظنها

صعبه ام من تنسطر كدام ابنها

وهو مايكدر يصد صطرتها عنها

**ومنها وابد مابطلت نوحي*

*سطرت جفنها طاحت بروحي*
*
وگلبي ركض لامي حظن

حته الدرب يبچي وحزن

لن بيه شفت مسطور خد امي

//////////////

نسالكم الدعاء
احمد الطيب الحلي

الجمعه 22/11/2024
السعه 1:52 فجرا

491

مؤسسة منبريون للشعراء

29 Nov, 12:56

.
الزهراء ..ومجالس العزاء.....تجليبه....

أنشــــد وادور كــل ارض
عــن دمــعة العـين
وين الگه مجلس بالحزن
يندب على حسين
.
مـا أبطـــل عـبــرتــي
لبــني اذرف دمـعتي
...... آنه الزچـــيه .....
.
..ـــــــــــــــــ ❁ ❁ ❁ ـــــــــــــــــ
.
آنـه أم الغــريب الـمـحد أينـصــره
آنـه أم الشــــهيد الهـشمو صدره
آنـه أم التـــريب الـمـنــذبح نـحره
ظـامي ولاتروه مـن العـذب قطره
.
أنشـد على دمـوع الحزن
صــبـح ومســيه
وين الگه مهــظـــوم ويون
للـــغـاضــريــه
.
آنــه بلسم علـــتي
لبــني اذرف دمـعتي
...... آنه الزچـــيه .....
.
..ـــــــــــــــــ ❁ ❁ ❁ ـــــــــــــــــ
.
تون أجــروحــي لـو راد العــزه يلتـم
أدخــل واجلـس آنــه بــآخـر الـمـأتـم
أون لحسيني واذرف دمعتي من دم
والطــم عالــضـــلع ياريـته يتهــشـم
.
ابني أنذبح فوگ التـرب
ظل صدره مخسوف
الف وســـبع مـية جرح
صلـن بـالطــفــوف
.
من يطـــفي جمرتي
لبــني اذرف دمـعتي
...... آنه الزچـــيه .....
.
..ـــــــــــــــــ ❁ ❁ ❁ ـــــــــــــــــ
.
وي همس الدموع يظل خـيالي أيطوف
انـظــر چـــن خيــام وقــافله وطفوف
واشوفن چـن نحـور مـوذره وچـفوف
يويلي وچــن علـيـلي بالحبل مچتوف
.
انظر يتــامه بكـــل كتر
تتـلــفــت ادور
مرعـوبه موتــها الهظم
تعثـــر بالنحور
.
جرحي يـدوي بحسرتي
لبــني اذرف دمـعتي
...... آنه الزچـــيه .....
.
ـــــــــــــــــ ❁ ❁ ❁ ـــــــــــــــــ
.
صــوت النـاعي يتــرك بيه چم لـوعه
من يوصـف رقــيه ويـنـزف ادمــوعه
ابـــوها يـالحـزينه هشـــمو أضْــلوعه
مثلچ الها سطــره بخـــدها مطبـوعه
.
أربــع أصــابـع من زجر
شوفي اعله خدها
يالـزهره طاحت عالوجه
لـمــن جلـــــدهـــا
.
وي رقــيه غــربــتي
لبــني اذرف دمـعتي
...... آنه الزچـــيه .....
.
.ـــــــــــــــــ ❁ ❁ ❁ ـــــــــــــــــ
.
أموت من البچي لو بالقصــــيده أسمع
شــمر ثنى اعله صدر اوليـدي يتــــربع
يويلي بســيفه بوداج الـوصي يگــطــع
أهيس روحي وي روح ابـني هم تطلع
.
للنـاعي اصـــيح آنه أعد
وأنـتــم تعيـــدون
لو عيني ذرفـت بالدمـع
لدموعي تبچــون
.
للأبــد يــاشيــعــتي
لبــني اذرف دمـعتي
...... آنه الزچـــيه .....
.
..ـــــــــــــــــ ❁ ❁ ❁ ـــــــــــــــــ
.
أطيح من البــواچي وأگطع الأنفاس
لو نـادى الـمنادي ذبحــــو العبــاس
اتـخيل مصابه وأخـــته بــين الناس
غريبه وتحدي بيــها زمرة الانجاس
.
عباس اظمه بدمـــعتي
وأنــدب يشيعه
ياريته نحري الـي انذبح
يم الشـــــريعه
.
للقـــيـامه ونـتـي
لبــني اذرف دمـعتي
...... آنه الزچـــيه .....
.
.
............

حسن الموالي الفاطمي

353

مؤسسة منبريون للشعراء

29 Nov, 12:56

      عفتونه ومشيتوا
جمال وجوهكم غطاهه التراب
عفتونه ومشيتوا آه يلحباب
فرهدكم زماني.   واحد ورى الثاني
عفتونه ومشيتوا آه يلحباب
▪️▪️▪️▪️▪️▪️▪️▪️

عشنه ايام حلوه اوياكم اسنين
غفله ابساع ما گلتوا احنه ماشين
وصله من الجبد وشگد عزيزين
صوركم بالگلب مو عل حياطين

سلام الله عليكم    اشما نذكر حجيكم
الگلب وي الدمع اعله فراگم شاب
▪️▪️▪️▪️▪️▪️▪️▪️
بعد المن نعيد لو اجه العيد
وصارت بالنجف كل المواعيد
الفرح مذبوح عدنه أحزانه ازيد
ينار افراگم ما تقبل اتهيد

يل كلكم محنه   الليالي عذبنه
وبعده اول جرح للحين ما طاب
▪️▪️▪️▪️▪️▪️▪️▪️▪️

سفرتكم طويله وما تردون
ما گلتوا بعدكم حالنه اشلون
نشيع ارواحنه وي اليشيعون
نحبكم وبجنون انتم تعرفون

غالين و نودكم   ونشم ابهدمكم
تهدى اجروحنه أبشم الثياب
▪️▪️▪️▪️▪️▪️▪️▪️
ساعاته طويله من يجي الليل
ذكراكم تأذي وتهدم   الحيل
مدامعنه نهر عل َوجنه وتسيل
يعطر الرازقي ويا ريحة الهيل

نشتاگ العطركم    احباب ونعزكم
تفز ارواحنه اشما دگوا الباب
▪️▪️▪️▪️▪️▪️▪️
يخدام العقيله وإم البنين
تدورون المجالس وين ماوين
معروفين   خيرين وموالين
شفيع الكَم يكون هناك الحسين

لئن زواره أنتم . ولحبابه خدمتم
يطيبين الأصل ناصرتو ا الاطياب

الشاعر هادي جبار الساعدي

212

مؤسسة منبريون للشعراء

29 Nov, 12:55

هيَ قَلبٌ لِحنانِ أبيها والسِرُ المُستَودَعِ فيها
في العصرِ وكيدُِ الاصحابْ
غابت شمسٌ خلف البابْ
والسِرُ المُستَودَعِ فيها
..............
اعيون اعاديهه الزغيره وهيه أكبر من جبير
الهذا ما رحموهه ذوله المالهم ذمه وضمير
جانت ابيت الرساله المبني طين وبي حصير
هجمو اعليهه الاعادي وشيبو حته الزغير
وهوى مَن ألقوهُ جَنينا
والكوثر تُحمَّرَ جبينا
مَن يَزْهو فيها المحرابْ
غابت شمسٌ خلفَ البابْ
والسِرُ المُستَودَعِ فيها
..............
هُبَل هجمو على البضعه مو بشر هجمو صنم
ومن كسر ضلع الزجيه الدين يا وسفه انثلم
اصله طين البشر نعرف همه والله من العدم
طين بيت الزهره لكن بابه قلعو وانهدم
عَصرو مَن كانت لأباها
تَعلوا البَهجةَ في لقاياها
والبابُ قد صارَ سَحابْ
غابت شمسٌ خلف البابْ
والسِرُ المُستَودَعِ فيها
..............
عينهه وكسرة ضلعهه ولطمة الخد والعصر
والله لو ما ذني صارن اصبح المحسن فجر
لكن ابجور الاعادي صار للزهره العصر
عرفو ابلا ضغطه تُحشر عوضو ضغط القبر
ويلٌ لِرُعاعٍ ظَلَموها
مِن شَمِ هواها حرموها
فَغدى يجري الدمع عتابْ
غابت شمسٌ خلفَ البابْ
والسِرُ المُستَودَعِ فيها
..............
بيتهه بيت الله يعني هوه والكعبه سوه
هذي قبله لليصلي وهذا للعالم ضوه
بيت حسْنين وابوهم للجرح همه دوه
بيت جبرائيل منه ومن تلاواته ارتوه
يزدادُ زهواً وجمالا
فيهِ ذكرُ الله تعالى
فيهِ الزهراءُ وتُثابْ
غابت شمسٌ خلفَ البابْ
والسِرُ المُستَودَعِ فيها
..............
هيه دم وابكل عروقه بكل شرايينه مشت
وكل جزيئه ابدمهه بعده لهالمصاب اتيتمت
بدل ماواسوهه دفعو بابهه وخلفه اختفت
وانعصر صدر الزجيه وعين من عدهه انطفت
غدروا بِنتَ نبيٍ فيهم
كالكَهفِ كانَ يأويهِم
مِن نورٍ كانت وحِجابْ
غابت شمسٌ خلف البابْ
والسِرُ المُستَودَعِ فيها

ياسر العارضي

133

مؤسسة منبريون للشعراء

29 Nov, 12:55

هاي الزهره عاشت عصره
وخلف الباب المحسن طاح
مظلومه يا زهراء مظلومه يا زهراء
.........................................................
عاشت عصره ودفعة ظالم
وماكو الفزاع من الوادم
والنار ابجف كلمن قادم
يحركَهه الدار وهالعازم
عصر البضعه وتهل دمعه
وخلف الباب المحسن طاح
مظلومه يا زهراء مظلومه يا زهراء
.........................................................
محتاره ابحشمه اتناديهم
آنه البضعه وتحاجيهم
عوفوني اشكَد صاحت بيهم
بس يضحك سمعت حاديهم
وصاح ابربعه ضربو البضعه
وخلف الباب المحسن طاح
مظلومه يا زهراء مظلومه يا زهراء
.........................................................
عصروهه وصاحت يافضه
جن سيف البسمار وأمضه
نكرو ربنه ودينه وفرضه
تَّباعين السلطه المرضه
طفو عيني كَومي احميني
وخلف الباب المحسن طاح
مظلومه يا زهراء مظلومه يا زهراء
.........................................................
ماراعوهه اوصيت الهادي
عدهم نكران الحق عادي
صاحت بيهم ذكرو أجدادي
منهي اني ومن همه اولادي
من سمعوهه هم ضربوهه
وخلف الباب المحسن طاح
مظلومه يا زهراء مظلومه يا زهراء
.........................................................
مارحموهه ولا واسوهه
وبأعلى الصوت ايشتموهه
غصبو حقهه ومن شافوهه
تبجي من الدمعه حرموهه
وطاح ابعبره دمع الزهره
وخلف الباب المحسن طاح
مظلومه يا زهراء مظلومه يا زهراء

ياسر العارضي

139

مؤسسة منبريون للشعراء

29 Nov, 12:55

وره الباب اختفت فاطم لاذت من أعاديهه
مستوره ابحجاب اطويل اراذل هجمو اعليهه
دفعو عالزجيه الباب
وصاحت فضه صدري انصاب
سمعهه وشب عليهه النار والزهره انجوت بيهه
واويلي يازهراء
..................................
وره استشهاد ابوهه ابيوم بوكتهه الساعه عصريه
تعناهه الأبد مايوم عاف اطماعه يوميه
ابكل حيله عليهه الباب يدفع وبكراهيه
الى أن طك ضلعهه وصار تون مالومه ليليه
تون الهه ولبوهه الغاب
وصاحت فضه صدري انصاب
سمعهه وشب عليهه النار والزهره انجوت بيهه
واويلي يازهراء
..................................
عصرهه ومارحمهه وجان يدري الزهره موجوده
كالوله الزجيه اهنا ( وأِن) هاي اللي مريوده
جوابه والعصر مقصود كل افعاله مقصوده
العدو ابهجماته عالزهراء كتب صفحة ظلم سوده
فلا شخص الزجيه انهاب
وصاحت فضه صدري انصاب
سمعهه وشب عليهه النار والزهره انجوت بيهه
واويلي يازهراء
..................................
هجم بيده الحطب والنار وي ربعه تعنوهه
الحسن وحسين موجودين بالدار ويحركَوهه
لاجار الفزع لا مار لاديره اليطفوهه
ذيج المنهه تنطي امراد واحتركَت يشوفوهه
جمر نار الحقد لهاب
وصاحت فضه صدري انصاب
سمعهه وشب عليهه النار والزهره انجوت بيهه
واويلي يازهراء
..................................
وكَع محسنهه دون اسباب سبط ثالث وجد حتفه
لوما هالمصيبه اعليه الدين الله سند وصفه
جنين وعالمه مابي ظلم لا بس وفه وعِفه
ابعصر باب الزجيه ايطيح هالمصيبه الصدك كلفه
وجرح امه الابد ماطاب
وصاحت فضه صدري انصاب
سمعهه وشب عليهه النار والزهره انجوت بيهه
واويلي يازهراء

..................................
بده من اهل السقيفه الجور والوان الظلم عدهم
وعلي اوصيته اعله دين الله لو ما هيه يذبحهم
هجمو جن سموم الصيف كره كل واحد المنهم
ولارحمه ابكَلبهم جان لا رجعة الترجعهم
ضلموهه بلا اسباب
وصاحت فضه صدري انصاب
سمعهه وشب عليهه النار والزهره انجوت بيهه
واويلي يازهراء

الشاعر ياسر العارضي

169

مؤسسة منبريون للشعراء

29 Nov, 12:55

يافـاطمه أنه الحسن * يافــاطمه أنه الحسن
------------------------------------------------
1= يمه يمه - كعــدي خلــيني أعـــله حضـــنج
دورت كلــــــبي بضلــــوعي ومــــا لكـــيـــته
ونه ونه - أتـــفرهـــد من الــفركه أبــنج
دمــــــع مـــــاضل أبعــــــــيوني وما بجيته
نكعـت وجهي بدمعـــتي -- وفاتحة كلبي ثـجــيله
والمصـــيبه أنه أريدج -- والقــبر فارش شليله
**
يافاطمه أنه الحسن ** يافاطمه أنه الحسن
**********
2= كعـدي كعـدي - ســـندي راســـج فـــوك متـــني
خل يشيلج يالعـــــــــــــــــــزيزه شويه حضني
ميــــــت أنه - للحياه رجـــــــــــعــــيني بـــيدج
قـــبر المــــوادع دفـــــني أنطــــــــــيني أيدج
الصوبج مشـكـولة ذمته -- من الله وين يروح باجر
ياضوه لــــمن وكعـــتي -- ضلمه كـــل الكون صاير

3= خل نسولف - ضايـــــــــــــع الــــــــمايلكه أمه
يطـــيح دمعه مـــــــــن الجـــــــــــــبل محد يلزمه
تالــــي ليله - يـــــــصيح ردو جـــــــــــــنازة أمي
شلع كلــــــــــــبي غـــــــــــــــــيابها ودافني همي
صافـــــن ومن ذكرياته ** تطلع أصور المحاجي
يــــريد أمه وماتردله ** سنينه يكضيها بــواجي
** يافاطمه أنه الحسن يافاطمه أنه الحسن
************
4= كون ميت - وعـــــــــــــايشه أمي الحنينه
ما أصدك الـــــــــزهره باجــــــر ما تجينه
ياعيوني - أعــــمن التـــــــــمشي أمه يعمه
بعـــد شيشــــوف بحــياته وكلـــــشي ضلمه
اليكعـــد وما يلكه أمه ** ميت ومحد يدفــــــنه
مانعوف النوح بعــــدج ** أنه وخـــــواني حلفنه
*
يافاطمه أنه الحسن ** يافاطمه أنه الحسن

5= جنها صارت - صدك وتعــــــوفـــين ولـــــدج
لسه ســـوده رايـــــــــحه وسطره عله خدج
وياج نمشي - الكــــبرج ونكعـــــــــد سويه
الموت سفره والمصــــــــــــــيبه بلايه جيه
ضالـــــين ألمن ييمه ** والعـــــصر خنكنه بعـــدج
وأنتي شفتيهم بعينج ** حركــــو البيت ع والدج
*
يافاطمه أنه الحسن ** يافاطمه أنه الحسن
*************
الخادم عبد الجليل المالكي

121

مؤسسة منبريون للشعراء

29 Nov, 12:55

كضيت الضلوع .. وماخذني دمى
وصحت ابدمعتي.. خَلوّ ابنَ عمي

غريبه

*******

اول ما حسيت ابكسرت..ضلعي أشعر بالمحسن طاح
لبسمار الطب وسط احشائي خله الدم عالحايط ساح
و ماهميت لكسر اضلوعي ولا للمحسن ذاك الراح
بس من حيدر شفته امجتف أشعر كلبي هوه الصاح

ادموعي الجريات .. يا فضه صاحت
لحكي الي بساع .. مو روحي راحت

غريبه
***********
للمسجد اكصد محنيه وفوك ضلوعي امخليه الايد
وصاح الثاني رجعو الزهره لحكت حيدر شنهو اتريد وقنفذ شال السوط ويضرب واحد صاح بسوطك عيد
واصرخ خل حيدر يرجعلي من يرجع بس روحي تهيد

بصوتي ودمعتي .. الظالم اسأله
هو النبي أشكد.. جا وصه بهله

غريبه

____

انه العشت أيامي ابغربه الغربه الما مر بيها انسان
محرومه من الدمعه اجريها صرت اكصد بيت الاحزان
ولاجار اليسأل عن وضعي واني الكَلبي عله الجيران
ومحد يفزع ليش لبااااابي من شبت بابي ابنيران

مجتوف ابو حسين .. بحبل الوصيه
ليش اهل يثرب ** شحو عليه

غريبه

**********

واحد واحد شفت الوادم اتلثميه الهجمو ع البيت
شي يرفس بابي شي يدفع وخلف الباب اني اتواريت
وقنفذ جاب السوط بأيده يضرب متني شما ونيت
تلثميه وهجمو ع الزهره وكسرو ضلع ام ال البيت

شال ايده قنفذ .. وسوط بيمينه
عمر اليأمره.. ومبتسمه عينه

غريبه

*******

اخر لحظات وي طفالي بدمعي وصوتي الضل مبحوح
هذا الحسن شفته اكبالي شلون السم من جبده ايفوح
وهذا حسين الخيل اتسحكه فوكه انضرها اترد وتروح
وزينب هاي اعزيزت كَلبي مسبيه لجم ديره اتروح

بنتي العزيزه .. صارت سبيه
ومذبوح الحسين بالغاضريه

غريبه

117

مؤسسة منبريون للشعراء

29 Nov, 12:55

ولا يبرد نوحه .. وكلفات اجروحه
جناااااز بروحه .. علي مشه

**

سر الله الأعظم .. شيعها ملثم
ماااخذ روحه لكَبر
نزلها ابهيده .. تتراجف ايده
وطمهاااااا اسنين العمر

ومن راد يوكف ماكدر ماشالته اجدامه
اتمدد ابصف الكبر حل طرف العمامه
وجهه اصفر ويبجي علي وتبدت احلامه
وشيرجع لبيت بعد وشيلكًه كدامه

لو رد لبيته .. ياهي امتانيته
مكسور الخاطر .. علي مشه

**
وامتدد وياها .. فاطم حاجها
راح وياج الهوه
تخنكَني الوادم .. واتغرب فاطم
يموت ابعيني الضوه

دنك يحااااجي بالكبر والدمعه ماخذته
شيسوي اليحس ابغرب والروحه عايفته
فوك القبر فاطم صرخ وكض بيده خاصرته
المثل حيدر ياخلك مو هينه سالفته

ليشيع الزهره .. جن يحفر كَبره
يموت بلا فاطم .. علي مشه

****

وبدمعت عينه .. يسولف بونينه
فاطم فاطم حجه
واشكد حاجاها .. وتحجي أتمناها
ومارد صوت وبجه

ياا نور عيني فاطمة يم روحي حاجيني
وياج انه اقلع خيبر وبس محني عفتيني
وبكل حروبي الي مضت بسمج تِحرسيني
ماشيل سيف الا صحت يا زهره عينيني

من كض ضلوعه .. هد نهر دموعه

تذكر فاطمته .. علي مشه

*

روحت فاطمته .. كلش كاسرته
تارس وجهه التعب
ينكَل خطواته .. ونزلن دمعاته
وحيدر عاف العرب

سد باب بيته وانعزل وي البير سالفته
مكسور ضهره وخاطره بس ينعى فاطمته
موووو ولده بس اتيتمو بروحتها يتِمته
اليوزع ابكيفه الهوه هاااالدنيا خانكَته

يوصل يم بابه .. ويحاجي عتابه
من نعصرت يمك ... علي مشه

****

لليل يتاني .. من الشوك يعاني
ايسير يم الكبر
يقره بقرئانه .. ويلم أحزانه
يكلها احتاج اشكثر

الليل هذاااا الي يمر والناس نايمته
يم القبر حيدر كعد ورجعيلي سالفته
من المغرب اجدامه لعد ام روحه ماخته
و يقرالها آياااات ابدمع والفركَه كاتلته

مشيب وجه الله ... ذابل حيل الله
متغير كلش .. علي مشه

***

الحمد لله

خالد عبد السادة البديري

106

مؤسسة منبريون للشعراء

29 Nov, 12:54

هالليله بأصوات النحيب
نصرخ وداعا يالغريب
واقاسما..واقاسما
...
مثل مانحيي الليالي الفاطميه
ننصب اعله القاسم الليله العزبه
انواسي ابوه المندفن بالكاظميه
وللرضا انقدم تعازي بهالمسيه

ياوسفه اشراف العباد
كل واحد ايموت ابلاد
واقاسما...واقاسما
....
فاطمه المعصومه كون الليله يمه
بآخر انفاسه تواسيه وتشمه
ابشوفة احبابه الغريب ايزول همه
وماتضل الدنيه بين اعيونه ضلمه

معصومه يمه الليله كون
اخت واخوهه يلتقون
واقاسما..واقاسما
...
عنده بس ابنيه ياناس وزغيره
لااهل يمه ولايمه عشيره
بآخر انفاسه بقه الناظر يديره
عله احسين اللمو اضلوعه ابحصيره

هذا الامام اشكد حنين
يبجي وينادي اهلي وين
واقاسما..واقاسما
...
ناس الامضيفينه من شافو يعاني
والعمر ماباقي ينعد بالثواني
ناشدو عن اسمه كال القاسم آني
ابن موسى الكاظم وسيد زماني

بس الوكت بايامي دار
خلاني احن ليل ونهار
واقاسما..واقاسما
....
كلهم اخذو ابنيتي لو رحتو الوطنه
هيه الاتدليكم اعله ابيوت اهلنه
وانتو ماقصرتو يالكلكم محنه
بالحشر ويانه مثواكم الجنه

ومن غمض اعيونه الامام
سووله بالحله مقام
واقاسما..واقاسما
....
كون هاي الليله نلتم بمزاره
نلطم بحركتنه وانون بحراره
بالكلب بانين اله كبه ومناره
يا الهي ارزقنه للقاسم زياره

اخو الرضه وللحاجه باب
هالليله غطوه بالتراب
واقاسما..واقاسما
....
محمد الجماسي
اللهم عجل لوليك الفرج

96

مؤسسة منبريون للشعراء

29 Nov, 12:54

واه ويلاه على الكسروا ضلعها
...............
ييمه أعليج ذابل كلبـــــــي والشوف
وصدري أمن اللطم يا يمه مخسوف
ليــــــل أنهار طيفج بالفضى أيطوف
أشما أريد أفزع أيلزمنـــــي اللجفوف
فدوة حاجيني ...يا نبع المحنة
...................................................
يم الباب أكعد من يجـــــــــــي الليل
وأسولف وي جذعها ومدمعي أيسيل
أمن أذكــــــــر طيحتج والآه والويل
أشهك يمه شكهة أتهدم الحيـــــــــــل
كون ألج جية...أشم أتراب جدمج
.......................................................
وي كـــــــل مغربية أشعل أشموع
وأشوطن شوطة البوليــــده مفجوع
ثكيلة أدموع عيني أشحال الاضلوع
من كسروا ضلعهـا بصوت مسموع
حيرتي حيره...حيرة كسر ضلعج
.....................................................
يريت أوياج ميته يمه يا ريـــت
ولا بعدج وحيده الوحدي ضليت
صوتج ذكرياتج وحشـــــة البيت
بيهن راسي شيًب والـــــج حنيت
ريحة أثيابج...أشمها وروحي تطلع
....................................................
مثل دور الرحى دهري بقه أيدور
وبكل غرفــــة أشعل شمع وبخور
الفاكد ماي عينيه ويمشــي مكسور
علي هــــــــــذا علي يا يمه معذور
الخذوا عافيته...يعيش ألمن ييمه
.............................................
الفاكد أمـــــــــــه يمه شله بالعين
وشله بروحـــــــه واحبابه بعيدين
تعاي وشوفي يمه الحسن وحسين
يم كبرج أجـــــــــوا عدلين ميتين
طيحة الدمعة...طاحوا يمه ولدج
.......................................................
خادم خدمة الحسين
الشاعر
محمد الموالي

101

مؤسسة منبريون للشعراء

29 Nov, 12:54

جرحنه اغيابهه كلش ولمنه
چانت حضن جامعنه ولمنه
لا بونه اليظل باچر ولمنه
بعد متعود لمتنه سويه

97

مؤسسة منبريون للشعراء

29 Nov, 12:54

مشت وانه اناديهه يمتناي
يريت اوياهه باب الهم يمتناي
باچر سوط ينتظرك يمتناي
بعد حسين والعباس اخيه

ياالله

99

مؤسسة منبريون للشعراء

29 Nov, 12:54

على واحد يسأل كلبي هواي
على ماي وباچر يعطش ماي

على ابو الاحرار
ابو گلب الحار

مصيبة فاطمه المرويه ادريهه
رواهه المنصف وعكسه الي يخفيهه
شنهو عذره الذي ادموعه ميبچيهه
بعد چا بيش هالزهره يواسيهه

بقه يتناثر دمعي امن العين
على ام حسين وهم حسين

شنهو هوه الصار
ابو گلب الحار

خيالي يروح لحسين ابفگد امه
زغير وهالمصيبه الراتبه اتهضمه
اشتشوف اعيونه ياهم ياكبر همه
يريت اعيوني من كد البچي تعمه

اشحچه وشكال الباچر مسحوگ
اهو ينظر باب الله ومحروگ

على باب الدار
ابو گلب الحار

تره حسين اليشوفه اتكرر بيومه
تره المهضوم قبله امه مهضومه
النظرهه نظرته طايح بلا هدومه
وتكله احا ييمه وهيه مالومه

على صدره امن اتربع هالشين
تره فاطم يمه بدمع العين

مع حامي الجار
ابو گلب الحار

سؤالي البي جرح وجوابه حيرني
شتنادي فاطمه للدومه لاچمني
التدور امضيعه ليك وتدورني
اه يبني شكول اعليك اه يبني

على كل مجلس لحسين اتروح
على ذاك الظل عاري ومطروح

على نوح ازغار
ابو گلب الحار

القصيده الفاطميه احسين مطلعهه
الامام الغايب ابيا حاله يسمعهه
يمينك شلت ومولاتي تدفعهه
عزيزة گلب ابوهه وهم تروعهه

شنو باچر لله اهناك اتگول
على كل شوغه ومدمع مسؤول

تره يحچي الغار
ابو گلب الحار

التزاما بالوصيه المن وحي القدره
علي سيفه يظل مضموم ميشهره
اهل شينه واهل مثلى واهل غدره
هذوله العادو الزهراء والعتره

تره ذوله ابلا دين وظلام
تره هاي الدنيه ايام ايام

حطب بكل نار
ابو گلب الحار

اخيرا ليس اخر بيت من كلبي
اقدمهه القصيده متاعي في دربي
سلامي للزجيه الي شهد ربي
الچ لحسين انه اقسم يظل حبي

انا وياكم باقي ويا ريت
انا بالخدمه ابقه وما جافيت

ردت الانظار
ابو گلب الحار

الفاطميه الثانيه

97

مؤسسة منبريون للشعراء

29 Nov, 12:54

قصيدة عموديه في حق الزهراء عليها السلام ....

يعرف اللي له مكانه في شعر
هذا سارق هذا اديب ابهالمجال

واللي له ابعلم الفقاهه هم عمر
يعرف الطال الفقاهه والماطال

وعندك الصايغ إذا درنا النظر
يعرف الصايغ من اشغاله ابفعال

النبي يعرف تصانيف البشر
أهل جنه ان كانو لو نار ابخصال

يعرف الخيّاب هادينا اشكثر
شنهو يطلع منهم وشنهو يُقال

مو بعد يعرفهم الهادي الكفر
وكيف يتصرف معاهم بالحيال

المرتضى وصى لذالك بالصبر
لا ادخلو بيته الولي اشباه الرجال

واعصرو أم الحسن زوجه عصر
وحملها ابنه في سقوطه الضرب نال

في سلامة دين خالقنا الأمر
يصبر ونفسه يشدها امن القتال

يجمع القرآن من بعده الصهر
حتى في حرقه العدو نسخه تشال

ومثلما الزهره أخبرتنا ابهالأثر
راح كل تالي يرى هذا الخذال

وكشفت اجيال ابنظرها للخطر
ابخذهم بيعة وصي بالأحتيال

✍️
علي الأحسائي
جمادى أوّل ١٤٤٦هـ

89

مؤسسة منبريون للشعراء

29 Nov, 12:54

بين الگبور   دمعي منثور   وأنعه الأحباب
****
كسر ظهري مصابچ فاطــــمه الليله
وگلبي من الوداع انهــــد ركن حيله
العزيز المن هله لو سار بيه الموت
   حگـــــــها أحباب گلبه العين تعميله
والله اليعين   الدّافن اعزاز   حدر التراب
****
كل جرح بمرور أيّامــــــــــه يتشافه
وترجــــع بسمته الچّانت عله شفافه
بس اللي إله بين الگـــــــبور أحباب
لتظن جرحــــــــــه يبره ويوم يتعافه

بثوب الأحزان يگظي السنين جرحه ماطاب
****
عله چتافي النّعش للمگـــــــبره شلته
وما بين الضّلوع مصــــــــابچ احملته
او وجه گبرچ بديّه احفرته يأم حسين
ولحدچ يالعـــــــزيزه بدمعـــــــي بللته
بهدوة الليل   ودفنت بيه   طولچ وغاب
****
لو شــــــال العزيز وللمگــــــابر سار
يبقه بكل كتر بالدّار الــــــــــــه تذكار
مشـــــيتي وذكرياتچ ظلّت اعله البال
ما بين الجـــــــدار وباب والبســــمار

ودمّچ السّال   شفته مطبوع   بعتبة الباب
****
كل فاگـــــــــــــد بروحه تكتل الفرگه
بعد ويّه المشــــــوا مايحصل الملگه
تشوفه بكل وكت بخدوده دمعه تسيل
وبسم اعزازه يلهج ويّه كل شـــهگه
من بعدكُم   يالمبعدين   چم گلب ذاب
****

الشّاعر
أبو سجّاد الجعفري
20 جمادى الأولى 1446هـ

95

مؤسسة منبريون للشعراء

29 Nov, 12:54

ام حسين توجع سالفتها
علي بنص بيته ناصب فاتحتها
بين أولاده گاعد
وما دك بابه واحد
علي بنص بيته ناصب فاتحتها

_________
1
من بالديره يسمع جان شده يركض ايحلها
علي الماگاطع بواحد بفاتحته اگطعت كلها

ليش اقرب انسان ل الله
يون وحده وفارغ ديوانه
فوگ افراگ ام بيته اليذبح!!
محد راح ودگ بيبانه...بهذا اليوم

ابداره اضماد الدنيه امصوّب
يبجي الزهره ويبجي اوليده
جا وصلت بي وين الغربه؟؟
وحيدر هاگد يفرك بيده..شگد مهضوم

شثگلها اتحس غريب ابين ناسك
ماگالوله حتى البگه براسك
بخده ادموعه شاهد
مادگ بابه واحد
علي بنص بيته ناصب فاتحتها

/////////////////////////////////

ألطفّه اجم گلب محروگ بيته وگلبه وج بالنار
شبيها الجوره متكتّره و ما فزعت لحامي الجار

ياكسرة جبّار الخاطر
الخلصن بالتغسيل اعيونه
الوان الناس ابخير وهوه
مدري اشگد اتغير لونه.... امن الحسرات

يتلفت مابين اولاده
ساعه ايمين وساعه أشماله
وهاي اول مره بديوانه
حيدر تهفت نار ادلاله.. شگد لجمات

گدما تانه تعبت امنياته
وغطه الحسن وحسين بعباته
حيله كله راكد
ومادگ بابه واحد
/////////////////////////////////////

امنهد ما شييع ام حسين وشيخ الساده متغرّب
على الزهره ولا واحد ابهاي الديره متنگب

قالع خيبر لازم ظهره
وازغاره ابهيده يتجوله
بالبسمار وذيج العصرة
محسن وام محسن راحوله.. برمشة عين

كلما صد عالباب ايدنگ
ويعصر گلبه ومدري شيحجي
وكل ما گالو محسن يرگض
يم كاروكه ويگعد يبجي.... يموت اونين

الوادم تضحك بذيج المسيه
ولا جن ميته بالديره الزجيه
حيدر كلشي فاگد
وما دگ بابه واحد
علي بنص بيته ناصب فاتحتها
///////////////////////////////

بده ايحاجي علي اولاده حسن صاح ولزم جبده
واويلي لمن جاب احسين وحط خده على خده

باجر هذا الخد يتجوّه
بتراب الطف المايرحم
وكل ماي ابهالدنيه ايخونك
عن عبدالله وعنك ينضم...تهضم هاي

من طگ ضلع امك طگ گلبي
انعه واتذكر موضوعك
يامذبوح امك شرد احجي
من تتكسر كل اظلوعك..احجي وياي

ولا واحد يجي بالغاضريه
مثل الزهره فاتحتك خليه
وعليلك بس يشاهد
ومادگ بابه واحد
//////////////////////////////////

ويم زينب خفت صوته
وبجه وأشر اعله امتونه
گوه أمسّكت السانه
الما سّكت حجي اعيونه

گوه ايطلع الجمله لزينب
ويتراجف حيدر من خوفه
گض جفها وصاح ودگ راسه
اخ الشام واخ الكوفه.. دموع وآه
ياعلوية بيت الزهره
باجر سوط وضم وحيره
والتكتل حداّي اضعونج
وين المابي ذمه وغيره... واويلاه

يلماكاعده بيوم بترابه
اعذريني على ذيج الخرابه
اويلي شگد مشاهد
ومادگ بابه واحد

احمد ماجد الكلابي

79

مؤسسة منبريون للشعراء

29 Nov, 12:54

يايمه زينــــب نادي الحسين
ساعه وتغمض عنكم العين
خليني اروي بشوفه
لو بيدي ابد ماعوفه
****
ناديلي حسين وحسن جاي
هل ساعه كعدو كلكم احذاي
خلوني اروي شوف. عيناي
انتم سلوتي وانتم. ادواي

خلوهه تروه عيوني
گبل الدفن خلوني
ياخذني عنكم حتمن والبين
يايمه زينب نادي الحسين
♾️♾️♾️♾️♾️♾️♾️
التمو يمي وسولفو وياي
دموعكم تمرد تره جلاي
تزودوني بلوه فوك بلواي
عوفو الدمع خلصانه دنياي

عوفو البجي وحاجوني
وامشوا اذا دفنوني
ونوب كثرو خلافي الونين
يايمه زينب نادي الحسين

♾️♾️♾️♾️♾️♾️♾️
مسحو الدمع بس نظرو اليه
وياكم تره بس هل مسيه
باجر اروح وماكو جيه
تراب اللحد ينرد عليه

باجر تغمض عيني
تراب اللحد ياذيني
خلصت ايامي وكل السنين
يايمه زينب نادي الحسين
♾️♾️♾️♾️♾️♾️♾️
ناديلي اخوتج يمه ابساع
ماظل وكت ويحين الوداع
مني العمر يايمه هالضاع
وباجر تضمني عنكم الكاع

مبيوكه يمه أحلامي
وبس الكدر كدامي.
ودلالي يمه انجسم نصين
يايمه زينب نادي الحسين
♾️♾️♾️♾️♾️♾️♾️
هايج دليلي وزايد الخوف
ومن الحزن بعيوني ماشوف
وطيف المنايا اعليه ايطوف
وانظر زماني سن السيوف

سنن اسيوفه اعليكم
بكأس الألم يرويكم
وباجر عزيه المن تنصبين
يايمه زينب نادي الحسين
♾️♾️♾️♾️♾️♾️♾️
من اوجوهكم خل اروي العيون
صعب البعد والفركة متهون
من بعدي يمه بيكم. شلون
شجم فاجعة ولوعة تعيشون

الدهر لو شن غاره
زينب تظل محتاره
وتحتار تنطيه الوجه وين
يايمه زينب نادي الحسين

ابو سلام الجابري

76

مؤسسة منبريون للشعراء

29 Nov, 12:54

قصيدة لسان حال مولانا علي بعد فقد الزهراء ع

غابه ودربها. يحير    الطير
والدنيه ظلمه خلافج تصير
يم الحسن بوداعج
عذبني حيل فراكج
****
الدنيه ظلمه وضاع الحساب
يالجمت البسمار.    والباب
ويغيب نورج عن. الحباب
وحشة يظل ياعمر ابو تراب

خلصت حسافه ايامج
وزينب بجت جدامج
ابيتج تظل بس التصاوير
والدنيه ظلمه خلافج تصير
****-*-----

ابيتج بقت بس حسرة واهات
كل حلم عندي بفركتج مات
خلصت حياتج هي لحظات
وذاك الوجه ماشوفه هيهات

منج اسف حرموني
وتهمل دموم عيوني
المن دليلي الناظر.   ايدير
والدنيه ظلمه اخلافج تصير

رحتي وبقت بس حسره وهموم
وگلب الحسن وحسين ملجوم
هل فركه اعرف راحت ادوم
وزينب بعدهي ادور. وتحوم

عله الباب ومتانيتج
كلتلها شنهو منيتج
زاد البجي بهاي التعابير
والدنيه ظلمه خلافج تصير

زينب بعدهي مناطره طيوف
تتمنه طولج لحظة     اتشوف
من اليتم ظلت عايشة بخوف
ودهر المصايب لازم.   سيوف

ياجرح بعد اتروفه
لازم دهرها سيوفه
بالدنيا بعدج باجر. اتحير
والدنيه ظلمه اخلافج تصير

سيوف الدهر مارحمت وياي
لجلج بجيت ويكثر   ابجاي
عطشان الج ونتي الگبل ماي
منج صعب كون اگطع ارجاي

فراكج صعب ياذينه
وحسين تهمل عينه
وخلاف عينج المن نشير
والدنيه ظلمه خلافج تصير

افراكج صعب ويهدم الروح
وسلواي بعدج دمعي والنوح
بيه ابد    ماتشفه.   الجروح
بغيابج اشبه. طير.   مذبوح

جارح دليلي امصابج
ياذيني حيل اغيابج
جرح الفراگ بكلبي. اجبير
والدنيه ظلمه اخلافج تصير

✍ الشاعر ابو سلام الجابري
✍ام زهراء البصراويه
🤲نسالكم الدعاء 🤲

76

مؤسسة منبريون للشعراء

29 Nov, 12:53

غابت نجوم السمه .. إلحگ يحامي الحمه
عيالك تصيح وتون .. ماتت ترى فاطمه
@@@
الحسن يبچي وحسين دموعه ابعيونه
وعلي من نظرهم تغيرله لونه
من البيت عله الصوت علي يا ابونه
ترى الموت اخذها العزيزه الحنونه
…
الدنيا عليها العفا .. حس البتوله انطفه
وزينب تنوح ابألم .. ماتت ترى فاطمه
@@@
علي من اجاه الخبر بالمصيبه
تفتت دليله وتوجر لهيبه
ركض والمسافه رغم ما گريبه
يطيح ويگوم ويصيح الحبيبه
…
خان ابولينه الصبر .. وابركضه ضل يعتثر
عنه القريب ابتعد .. ماتت ترى فاطمه
@@@
عليها اطبگت هالاراضي الفسيحه
بعيونه ظلام انطفت هالصبيحه
وصل للزجيه ولگاها طريحه
الى القبله مدت اديها الجريحه
…
ابثوب العباده وجد .. امغطى ابصلاته جسد
وصوت الملايك حچه .. ماتت ترى فاطمه
@@@
اجه لن بنينه تنوح اعله امها
او وگع عالزچيه يشمها ويضمها
انخنگ حسه لمن ينادي باسمها
مشت عنه روحه ابهضمها وألمها
…
بحجره وسد ام حسن .. وخده بدموعه هتن
ونادى يربي الصبر .. ماتت ترى فاطمه
@@@
يمدها ودليله لفگدها تألم
لان حس متنها ابچفوفه تورم
واذا ايضمها حيله بوشبر تهدم
لان حس صدرها الزچيه تهشم
…
مدها ونظر عالجفن .. اسود كأنه المتن
ابسوط الدعي ناتجه .. ماتت ترى فاطمه
@@@
ابجنبها اليمين الجمر چم چواها
وجنبها اليسار العدو بي اذاها
ابظهرها التمزگ سياطه لواها
وترى ابكفه فاطم سطرها وعماها
…
طابع عليها اثر .. قرط بأذنها انتثر
لمن سطرها الصلف .. ماتت ترى فاطمه
@@@
الحسن والحسين ابنياحه اعله امهم
وعلى ابچه العقيله تزايد هضمهم
لحد ما بديها الزچيه تضمهم
عسى الله يجازي ابجحيمه الظلمهم
…
وگلب الوصي يغتلي .. الله يساعد علي
بساع اليتامه تون .. ماتت ترى فاطمه
@@@
علي أحمد الحمود
٢٥-١١-٢٠٢٤
شهادة الزهراء ع

76

مؤسسة منبريون للشعراء

23 Nov, 07:24

لحـــــــــــــــــد مماته الوادم يسألونه
وتبچي دم لجـــــــــــل السؤال عيونه
*****
القاسم ابـــــــــن الكاظم وجدّه الحبيب
عاش عمــره وخلّصه بغربه وغريب
ومـــــــــن يسألونه على أهله النجيب
مــــــــــــــــــا يجاوب خايف يقتلونه
****
عاش عمــــــره وخلص بديار الغرب
وليفارك اهلـــــــه وضعه شكد صعب
بالخصوص اليمشي عـن أهله غصب
وروحـــــــــــــــه تبقه بالأهل مفتونه
******
آه چم لوعه حمــــــــــل وشگد عذاب
بيوم فارك ديرتـــــــــــه وعليها غاب
مـــــــــــا تهنّه بدنيته ولا عيشه طاب
بعـــــــــــــــــــــد اهله الدوم يتفدّونه
****
كتم ســــــرّه والنسب عــــــــن البشر
سنين عـــــــده يخاب ليصيبه الضرر
وأنعـــــــرف بأسم الغريب أبن الغرر
وعيشته بهـــــــــــــذا الأسم مأمونه
***
الناس گامــــت تسأله عـــــــن الأهل
ويـــــــــا مدينه عاف من عدها رحل
تجري عينه دمــــوع ويصيبه الوجل
مــــــــــــن تجي هالناس وينشدونه
****
عاش فتــــــــره طويله بيهذا الوضع
ولــــــــو گعد وحده بده يصب الدمع
حگه يبچي وعيلتــــــه اصل الشرع
واليحبهم جــــــــنّــــــتـــه مضمونه
****
دنت المنيه ونـــــــــــــده عمّه وإجه
وعلّمه باسمه وأصولــــــــه ومنهجه
لطم عالخــــــــــــد عمّه والحاله بچه
وانخطف مـــــــن عمّه شكله ولونه
*****
بچه وگلّه شـــــــرد أجاوب للرسول
بيا عـــــــــــــذر أتوجّه البنته البتول
وأنت ساكت ليش مـا تحچي وتگول
ولجــــــــــل أهلك ربنه خالق كونه
*****
ابد مــــــــــــا قصّرت يا عم جاوبه
وإلك يم جـــــــــــدّي عظيم المرتبه
وبعد مـــــــــــا وصّاه والعهده كتبه
مات والغربه بــــــــــــده يشيعونه
****
وين سلطان العصــــــر لغيابه طال
وينه ليحـــــــل المصاعب والمحال
تندبـــــــــــه الثارات يالمهدي تعال
وشيعته لهـــــــــــــذا الأمر يتنونه

الشاعر
قاسم حتروش البلداوي
خادمكم
أسألكم الدعاء 🤲🤲🤲🤲🤲🤲🤲
غير مبري الذمه كل من يقرأها بطور الغناء

https://t.me/Hatrush

129

مؤسسة منبريون للشعراء

19 Nov, 05:37

               حدد موقفك كدام ابو تراب
             كبال الباب توكف لو وره الباب
                        ___
             عندك عقل المن باقي محتار
              اصفه براي من تريد تختار
             ضلوعك تنكسر لو تشعل النار
              باجر بالقيامه حساب وكتاب
            كبال الباب توكف لو وره الباب
                        ____
            خلف الباب صير تصير انسان
            والكاسر ضلع كله انته شيطان
           شتختار القصر لو بيت الاحزان ؟
             ويامن حضرتك رايد جواب
            كبال الباب توكف لو وره الباب
                      ___
             بين الضلمه خيرتك والنجوم
             ضالم لو تريد تعيش مضلوم
              لتجامل ابد والضلع مهشوم
             غربيل الضلع والضلع ماطاب
           كبال الباب توكف لو وره الباب
                      ___
              اتريد الزهره ترضه ويه مولاك
                لاتترضه عَّليْ بجه الأملاك
                كله بوجه ماصير انه وياك

              لاتنكل حطب وتصير حطاب
             كبال الباب توكف لو وره الباب
                      ___
              لاتجمع حطب ويه اليجمعون
               انته اللي تحدد انته شتكون
               تلعن لو تعيش العمر ملعون
             لو صاحب عتب لو تحمل عتاب
             كبال الباب توكف لو وره الباب
                      ___
             عيش بوجه واحد وافتهم زين
               درهم لاتصير والك وجهين
             اختار فلان لو تختار ابو حسين
             لو صاحب صدك لو انته جذاب
              كبال الباب توكف لو وره الباب
                        ___
سيد معتز الحسيني

460

مؤسسة منبريون للشعراء

19 Nov, 05:37

   مايموت الحي ضميره
                      والضلع تاج الاميره
                    فاطمه الخيمه الجبيره
                    بيها نتباها ماتركناها
                        ______
      من عرفنه اربع اصابع فاصل الباطل يصير
     ماسكتنه اعله الحقيقه صحنه بس حيدر امير
       احنه مختنكين متنه حته ميموت الضمير
       ثوره كل مجلس نحسبه واللطم موقف جبير

                 الدنيه من سكتت حجينه
                 فاطمه اكبر سفينه
                   وياها غمضنه ومشينه
                    وماسألنها ماتركناها
                        _____
       بكل حرب هاي المجالس للنصر شفناها باب
          والوفي ميضم ونينه حتلو ضمه التراب
       الضلع من حشم رجاله فزعت بدمها الشباب
        ولان ويانه الزجيه تنمحي جيوش الضباب
                  فاطمه بمجلس عزانه
                     ادعي للثوار امانه
                     محد اينزل لوانه
                 كلمه كلناها ماتركناها
                    _____
      من الضلع ثوار طلعت الزهره مدرسة الوفاء
       وابو فاضل سل ضلعها يوم طب لكربلاء
          اليساوم عالعقيده لايجي لهذا العزاء
        ولايسمي نفسه شيعي المايضحي بالدماء
                   نقسم بضلع الوديعه
                  شيعه احنه ونبقه شيعه
                     دين حيدر مانبيعه
                   بدم كتبناها ماتركناها
                        _____
         فاطمه اول شهيده وضحت دور الشهيد
         وره الباب نريد نوكف كباله مانوكف اكيد
         قاده صرنه بيوم صحنه احنه للزهره عبيد
         الضلع( لاء حسين) ندري الهدمت دولة يزيد
                    زغار وبفاطم كبرنه
                   واللطم وسم صدرنه
                    الها ضحينه بعمرنه
                  واشتريناها ماتركناها
                        _____
          الماتو بدرب الولايه ذوله أسياد الزمان
        ومحسن الزهراء صوته يدوي صار بكل مكان
           فاطمه خيمة امان بدنيا مابيها امان
         مثل حضن الام عزاها ايوزع اعلينه الحنان

                  ماننام اعله الوساده
                   احنه عشاك الشهاده
                    النضر للمنبر عباده
                  وافتهمناها ماتركناها
                       _____
          باب فاطم علمتنه عالضلم لازم نثور
         للعدل والمات نرهم مثل عودان البخور
       بالمجالس دوم ندعي لبو صالح بالضهور
        يمته يبني مرقد امه وحمله ياخذنه نزور
                جم كلب طال انتضاره
                  الزهره ماعدها مناره
                المهدي ياخذ يمته ثاره
                شكد حجيناها ماتركناها
                    _____
سيد معتز الحسيني

310

مؤسسة منبريون للشعراء

19 Nov, 05:37

             لاتسلم والسلام وياي اگطعه
           مااسامح والعذر ماريد اسمعه
          مااصدلك لو تصير بليلي شمعه
                        —-————-
         لاهله بجيتك يشايل طبع شيطان
        شوفتك تخنك واحسها چنها دخان
         وياك ماغزر ملحنه ليش يفلان !
       العذر من الفعل اقبح بعض الأحيان
           مااعذرك والوجه عنك اديره
         ما اريده الباع اسلامه وضميره
         وبصلاتي اعليك چفي ابقه ارفعه
                     ——————
         لو تجيني الف مره ما احاجيك
       يلي خنت الزاد تحلم يوم اراضيك
         باجر بيوم القيامه راح ابجيك
         اِينزلك كرسي الخلافه مايعليك

        لاتصدك خاف كالولك خليفه
      دور اصلك يله تنصبلك سقيفه
        تاج حيدر مو حلو براسك انزعه
                      ————
          لاسلام اعليك يامن حارك الباب
         والزعل وياك يبقه ليوم الحساب
        ماادخلك بيتي بس بختك ببو تراب
       انت مو زلمه وانصحك تلبس حچاب
           ماتنفعك بعد اعذار وندامه
           لاتحاول يلي ماعندك كرامه
          وبجهنم المر اشوفنك تجرعه
                       ————-
     السم اليطبخه يضوكه وانت مسموم
      تحلم اشما تعله توصل يم النجوم
     انت عاصي شلون تحرك باب معصوم
    شلون ارضه أعليك وآنه ضلعي مهشوم

         لاتكلي ابلا قصد ضلعي كسرته
       ومحسن ابني كبل ميلاده ذبحته
         انته مذنب والثمن لازم تدفعه
                    —————
       والدي بذنك سمعته من حچه هاي
      يغضب الله لمن اغضب يرضه برضاي
       اعليك غضبانه اصيح بدمع عيناي
        لو تصير الماي ابطل اشرب الماي
         مااطيقك لو توچ العشره اليه
           انته واحد ابد ماعندك حميه
       خد محمد تعمدت بيدك تصفعه
                      —————
       بموتي ماريدك تروح ويا اليشيعون
        انت حته ابليس كلك انته ملعون
      الصاحب من يموت ربعه ويا يموتون
        انت ماتعرف توافي تعرف تخون
       انته صاحب غدر مو صاحب طويله
        واليحشمك تطعنه لا ماتنتخيله
         اليمد جفه الك متعود تگطعه
                   ————-
سيد معتز الحسيني

170

مؤسسة منبريون للشعراء

19 Nov, 05:37

             مَجروحه تدريها    لاتنطي ابد بيها
                لو زعلت الزهره بيمن ترضيها ؟
                           ____
            صاحب عَقيده ورافضي فاطم تريدك
              لاتنكل وياهم حطب محد يفيدك !
              دافع عله الزهره لحد كطعت وريدك
               بيد الكسر ضلع النبي لتخلي ايدك
                اِقره الكتب كلها لاتحمي قاتلها
                  بالك تجاملهم بالك تأذيها

                     _____
              ضلع الزجيه بسكتتك احذر تكسره
             هل من مناصر لو هتف افزع وانصره
             حط طينته بخده الهجم واسمه اذكره
               المفاتح القران ابد لتضن يفسره
                 عِندك اساميهم    المن تبريهم !!
                  لاتفزع لضالم فشله تسويها
                            _____
             اترك سقيفت ساعده واحذر غدرها
               مابيها فيي ولانفع واضح امرها
             الشجره الخبيثه لاتضن لذه بثمرها
              ولاتسمح بكاعك ابد يمتد جذرها
              لتامن بشجره حقدت عله الزهره
              منْ العرك كصها لاتمشي تسكيها
                       _____
          اليهجم عله حرمه شتضن يملك رجوله !!
            وانته تكلي طائفي من اسمه اكوله
            كسر الضلع بالك تضن يشفه بسهوله
            ملعون كل واحد غضب الله ورسوله

               ثار بدوي ثارك لاتنطفي نارك
            وام الحسن تدري حاسبتك اعليها
                      ____
              لتضن ابد يكبر شخص زعل امامه
                ماتكبر بهذا الفعل بس القمامه
               بالك تبيع وتشتري بهاي الضلامه
             واللي يحب ام الحسن واحد كلامه
              اكشف نواياهم لاتمشي وياهم
             والخانت الصحبه المن تماشيها
                        _____
سيد معتز الحسيني

131

مؤسسة منبريون للشعراء

19 Nov, 05:37

وفـقينه يزهراء وفـــقينه
سجلينه يزهراء سجلينه
———————
رزقينه للضلوع دمعه فاطـــميه
مديناها الجفوف لاترجع خليـــه
وبكل الـــروايات نقرالج سويــــــه
المو شيعي رفضناه احنه الرافــــضيه

حبينه يزهراء حبينـــه
سجلينه يزهراء سجلينه

———————
انصار البسامير مانسمع حجيهم
بفلسين اليضدوج محد يشتريهم
خدامج يريـــــدون نضراتج عليهم
فري سبحة الطين ادعي واذكريهــم

لــمينه يزهراء لـــمينه
سجلينه يزهراء سجلينه

———————
ببيوت اليحبوج اســــٰمائج هويه
لازم عدنه زهراء لو عبد الزجــــــيه
سمينه فدك ليش جم بت حيدريه
چيه بستانج اخذوه الماعدهم حميه

ضحينــه يزهراء ضحينه
سجلينه يزهراء سجلينه
————————-
تحضرين العزاءات معروفه الروايه
مولاتي وتكعديـن انتي بالبدايــــــه
علمتينه للموت منعوف الولايــــه
وابابج قرابين قدمنه وضحــــــايه

حزمينه يزهراء حزمينه
سجلينه يزهراء سجلينه

———————
بالمجلس توزعين للمخلص شــهايد
خاتمها ابو حسين حـــلال الشدايـد
بعِباتج تغــطي اليقرالج قصايــــــد
اليفتر العزاءات يتسجل مجاهــــد

شوفينه يزهراء شوفيــنه
سجلينه يزهراء سجلينه

———————
من نختم تمدين سفرتنه بجفوفج
احنه بعين الگلوب ويانه نشوفج
ذبحونه ويذبحون لگن ما نعوفج
بعد الباري بحروف يـ لزهره حروفج

امرينه يزهراء امرينــه
سجلينه يزهراء سجلينه

———————

سيد معتز الحسيني

100

مؤسسة منبريون للشعراء

19 Nov, 05:37

لسان حال أميرالمؤمنين في دفن فاطمة عليهم السلام ...

أخذ بالباب بكتافه يفضه
وجنبي من أذى العصره يفضه
دلحگيني ابعجل عندي يافضه
جنيني أسقطو المحسن عليه

مكانه غلط هالمسمار بالباب
وطعنه لب نبينه طعن بالباب
أفكّر يام حسن كم وحدي بالباب
لداري اشلون انا جبته بديّه

الوديعه من لها العدوان وگفت
دفاعاً عن علي الزهـراء وگفت
وعن الدنيا ارحلت مولاتي وگفت
كسيرة ضلع وملطومه الزجيّه

العدو اهنا ماكفا الزهره دماها
بقى يعصر لجل يجري دماها
وسياط اعوانه بالعصره دماها
عليها ونيته قتل الزجيه

النبي خلف وحيده بت نبيهم
يودوها عشانه بت نبيهم
فلذت كبده وروحه بت نبيهم
تموت من القهر بعده ابرزيه

✍️
علي الأحسائي
جمادى أوّل ١٤٤٦هـ

94

مؤسسة منبريون للشعراء

19 Nov, 05:37

في هجوم القوم على بيت الزهراء عليها السلام ....

تحرقُ الداره وفيْها فاطِمه
بُضعة المختارِ نفسه العالمه

خاطرك بعده ابنبينا مكْتفه
الوحيده عنده بنته المصطفى
وين فضله اعليك ظل وين الوفا
الحطب في حرگه داره اململمه

روح هادينا في بيته اللي رحت
وناسك ابحرگه الحطب كوم اجمعت
تغضبون الله إذا بنته اغضبت
عودو من شوف النفوس امخاصمه

دار ابوالزهره نبيكم تحرگون
بنت من هذي ياعالم تعرفون
بابها اليطرق نبيكم تكسرون
في غيابه تحرگونه الخاتمه

طفلته زينب في داره بالونين
وفيها طفلينه الحسن وابنه الحسين
المرتضى فيها وكتاب الله المبين
الفينا بالثقلين وصى طالما

صلا هادينا ونحر لله امتنان
الكوثر اعطه الله نبيه امن الجنان
وأي عطيّه مثْلها الزهره ابزمان
ماعطه حد مثلها هالمرحمه

هالهبه هذي إلهي الواهبي
كلّما اشتاگ الجنان الله النبي
ريحت الجنه يشم منها الأبي
فاكهة فردوس ربّه ومبْسمه

الهادي اِذا زاره من الأملاك احد
بين ادي يجلس ورد جلست عبد
مو فقط جبريل لا زاره نجد
ونافخ اسرافيل صوره في السما

ولادخلت بنته عليه ابمجلس يُقال
أحترام الها النبي يوقف جلال
ايگوم ويجلسها مكانه بالدلال
وراسها ايقبل وديها فاطمه

بل فرض طاعتها أعله الانبيا
مو بعد جن وأنس والأوصيه
والملايك بنته ابوالخلق ان هيه
سر من أسرار الإله ومعلمه

بل كفأ ملها لاما خلقه علي
الگال عنه المصطفى قوله بلي
الناس لو عرفت أثر فضله الولي
من تحت جدمه التراب اتلملمه

✍️
علي الأحسائي
ربيع ثاني ١٤٤٦هـ

116

مؤسسة منبريون للشعراء

19 Nov, 05:37

ايام تمضي بالعمر
وانت اعله بابك تنتظر
ماترجع النامت گبر      يابو حسين

___

عجبتني هالمحبه     حب علي وي فاطمه
نفس واحد گلب واحد تفرقو بالخاتمه
هو يبچي وهي ميته. راحت الرب السمه
منتظرها بحلم ترجع البتراب النايمه

هذا النفس صاير صعب
وماتگدر الدارك تطب
ذبلان والدمعه تصب   يابو حسين

_____

ليش تنطر وانت تدري. ماتردلك للابد
ليش تبچي وانت تدري. راحت الچانت سند
ليش باقي و انت تدري بعد ماترجع بعد
علي بالله عين روحك. وصيح يا حيدر مدد

افداك ارحم مهجتك
ارحم يحيدر وحدتك
ماتنوصف يا غربتك.   يا ابو حسين

_____

اسم دافي اسم فاطم.   وشحلاته اعله الگلب
جنت تفرح من تشوفك زهرتك لمن تطب
صب دموعك الدمعه حلوة على الزهرة من تصب
بيت الله انت بيتك. وداسة الناس الغرب

ماعدها وادم مستحه
حرگت اغلاف الفاتحه
خلت ابيتك نايحه.      يا ابو حسين

___

ياللهي. شلون حيره.    حيرتك يا ابا الحسن
جبل ظهرك ماتندنگ   شما قسى وياك الزمن
لچن هسه محني ظهرك علي تحنيك المحن
شنو فاگد حيرتني.       ياعلي مضيع وطن

البس قابئك :     ياعلي
رفرف لوائك :    ياعلي
وارفعك ندائك : ياعلي     يابو حسين

__

شد حزامك شده حيلك ماي وتبده العمر
وشيلّمه بعد راحت.      فاطمه لذاك الگبر
صرنه نسمع علي انت   منكسر بعد الكسر
ابو الحمله من يحمله حيل ماعنده وصبر

مهموم ياسيد البشر
عينك على ضوء القمر
من فاطمه تلگه صور.       يا بو حسين

__

ريت مكة والمدينة والجهات الاربعه
كون تلبس ثوب اسود على هاي الفاجعه
بت محمد ام محمد والخبر خل نسمعه
شلون ماتت بيا جريمة. جيب عاقل واقنعه

هاي البريئة العالمه
اعظم هديه من السمه
مكسوره ماتت فاطمه.     يابو حسين

للشاعر محمد الظالمي

84

مؤسسة منبريون للشعراء

19 Nov, 05:37

يومك طال وهجرك طال        يالماعندك راحة بال
        منتظرينك     فدوه العينك.
            يالماعندك راحة بال

___

اشتياقي الحضرتك شاعلهن اشموعي
مدينة شوگ الك مبنيه بضلوعي
ولا موضوع افهمه انت موضوعي
يتاج الراس بيدك امسح ادموعي

قصرت وياك بدنياي   سوده ابوجهي يامولاي
     محتاجينك       فدوة العينك
         يالماعندك راحة بال

على وجهي الحزن بَيّن تجاعيدي
بظلام اليل اشوفك يا حلم عيدي
امد ايدي وتمد ايدك على ايدي
اگلك هايبويه تگلي : يوليدي

خليني وياك ابقه وياك        يالكاسر گلبي بفرگاك
وينك وينك     فدوة العينك
يالماعندك راحة بال

_

احط ايدي اعله راسي واقره بالندبه
الهي ارحم شعوره وارئف ابگلبه
على اللي ماله اهل لا اخوه لا صحبه
وغير احسين بالله شنهو المتعبه

ذاك اليبچي طول الليل      الله يصبره وينطي حيل
   الله يعينك     فدوة العينك
       يالماعندك راحة بال

_

اذان اجروحه گلبي ماسكت لحظه
واذا گلبي وگف بأسمك يرد نبضه
زعلانه العيون ابشوفتك ترضه
بس حبك حقيقي وغيرك نرفضه

حبيتك لا صورة وصوت    بلكي نضره قبل الموت
         وين اجبينك            فدوة العينك
             يالماعندك راحة بال

___

خذاني الشوگ كله العالمي الثاني
وگعدت ابيت جرحي وشجرة احزاني
تره حچي الگلب ماينطقه الساني
ولا حولة ولا قوة اعله وجداني

ادركني ياغيث الله      خَلص گلبي من ال آه
انطيني ايمينك          فدوة العينك
يالماعندك راحة بال

____

الذنب صاير حجاب أكلوبنه السوده
وعلى جيتك يمهدي الفرحه معگوده
مثل توبة الحر ودمعة اخدوده
اجي ومشدوده اديه وعيني مشدوده

انت القاضي والسجان        تريد ابسيفك بالقران
تريد بدينك         فدوة العينك
يالماعندك راحة بال

للشاعر محمد الظالمي

78

مؤسسة منبريون للشعراء

19 Nov, 05:37

حاول تنسه الراح           ياحيدر ترتاح
هذا انت المهموم. ؟ توگع من تگوم ؟
حاول تنسه الراح
.
.
.

كل الماضي بآخر لحظه
ممكن ينهي آخر نبضه
هذا الكون شكبره شعرضه
          زغير

ما نايم سهران هوايه
جنت اتشوف الزهرة مرايه
بيدك سبحة ومصلايه
        وحصير

اول مره هاي المره
تتلفت ماتلگه الزهره
بس فسرلي هاي النظره
          امير

شجرة بيتكم ليش. ذبلت ورگه ورگه
الحنين تحرگه مو نار. الحنين تحرگه فَرگه

شايب صاير حيل       تنحب طول الليل
هذا انت المعصوم ؟ توگع من تگوم ؟
حاول تنسه الراح

.
.
.

اصعب ليلة ليل الجمعه
شمعه تطفي وتشعل شمعه
دمعه تروح بمجره دمعه
زلالال

فاطم فاطم دگت گلبك
تتنفسني عيوني تحبك
هجراني مأذيك متعبك
تعال

يالتسمعني گلي شلونك
ليش الدنيا امبچيه اعيونك
من شبعت داست ماعونك
سؤال

ملك ابينهم عيش وانسه ذكرياتك
يالماتنسه هيهات. اذكرني بصلاتك

انظرلك تعبان وتقرالي قران
يالحزنك مكتوم. توگع من تگوم
حاول تنسه الراح
.
.
.

غيمة عينك مطرت غربه
شاعر روحي وسيد حبه
بيرغ بيتك رفرف گلبه
حنين

حيرني حيدر موضوعك
من تصلي تجري ادموعك
ومبين حتى بضلوعك
انين

مايترس گلبي غير اسمك
جبرائيل بكبره يخدمك
ليش الدنيا لسه اتلچمك
سنين

اعذرك انت مكسور. على فگد الوديعه
اذا تذبل يكرار يبين بالطبيعه

كل عمرك تنهاب. تالي يلچمك باب
من بابك ملچوم. توگع من تگوم
حاول تنسه الراح

.
.
.

يالفاتح للبير اسرارك
صندوگ الذكره وافكارك
ماكو ماي اليطفي نارك
غريب

قوس الشوگ بسهمه يصيبك
وغير الحسره شنهو يشيبك
گبر الزهرة المخفي يطيبك
طبيب

عانك الله عِين ابروحك
كافي راح يهدمك نوحك
محد يعرفك غمق اجروحك
عجيب

شمس الله تِچّويك بشروق المشرقيه
تبين كل الهموم. بسلام المغريبه

صعبه يالكرار. كل ساعة تنهار
معذور المظلوم. توگع من تگوم
حاول تنسه الراح

.
.
.

لاتتكسر لا تتالم
تگضي هاي الدنيا ونلتم
والمايفهم لازم يفهم
نعود

عوف البير وعوف الشجره
لا تكتب ياحيدر ذكرى
كون الهم البيك اتكسره
قيود

اشرب ماي العذب اتهنه
متانيتك اني بالجنه
كلما تكبر بيك الونه
تزود

الكَبِتْ والله ياذيك صيح بصوت عالي
تبچيني وابچيك غالي يبچي غالي

بالك ما مرتاح تصفگ راح براح
يالما شايف نوم توگع من تگوم
حاول تنسه الراح

للشاعر محمد الظالمي

71

مؤسسة منبريون للشعراء

19 Nov, 05:37

شمعت البيت ... طفت طفت طفت
وانه العيون ... عمت عمت عمت
الفاكد امه كل حياته ... قهر
موحشه سنينه المماته .. قهر ... هذا حالي
......
الماتت امه ميت بمعنى الشعور
ظلمه تصبح دنيته ومابيهه نور
عمره يخلص نوح ما بين الكبور
بين ماي وشمعه ودموع وبخور

فكد الاعزاز ... صعب صعب صعب
يترك العين ... تصب تصب تصب
دمعه عالخد يبقى جاري ... عمر
المثلي فاكد بيه داري ... عمر

......
ابلاية ام الدار مهجورة تصير
لا تشوف الفرح لا يدخلها خير
الكعده وي امي اشلاحهه اعله الحصير
تسوه هذا الكون وافلاكه التدير

امي ياناس ... شمس شمس شمس
ضاوية الكون ... احس احس احس
كلشي ليل اصبح بعدهه ... سهر
وانه واحد من ولدهه ... سهر
......
لا تلومه الماتت امه يعيش نوح
جرح فكد الام اشد كل الجروح
الراحت امه كلشي وياهه يروح
بس جسد عايش يضل ابلايه روح

بس نفس بي ... يضل يضل يضل
منتظر يوم ... أجل . أجل . أجل
عايش الموت بعذابه ... جمر
الدافن امه بالترابه ... جمر

.......
البيده دافن امه يعرف شنهو اكول
يحس بية من اسولف عالبتول
حسين انه ابن علي وجدي الرسول
موتت امي اذتني اشد من الخيول

موتت امي .... اشد اشد اشد
من سحكتي ... بعد بعد بعد
اضلوعي كلهن يم ضلعهه ... كسر
ودمعي نازل وي دمعهه ... كسر
......
الامه عدله خل يضل يرعاها دوم
أيحبهه من يكعد ايحبها من يكوم
هالنصيحه مني اخذهه يالخدوم
بس حنان امك ينسيك الهموم

منهه هيهات ... يصح يصح يصح
يمها الانهار ... تشح تشح تشح
يا حلات الكعده يمها ... تسر
البين اديه امه يضمها ... تسر

.......
رضا الباري من رضاء الوالدين
الامه ما ترضى عليه ما عنده دين
عيش لمك موت لمك يالحنين
الجنه تحت اقدامهه كال الامين

رحمت الله .. الك الك الك
هي امك ... هلك هلك هلك
عبد صير الهه بحياتك ... ذكر
بيها مقبوله صلاتك ... ذكر
.......
الكلمات
موسى الخادم

70

مؤسسة منبريون للشعراء

19 Nov, 05:37

البجفوفه قالع خيبر .... ما يصعب اعليه عسكر
لومه الوصيه كَيدت جفينه
جا ماكو واحد يوصل ام حسينه
.......
؛١
مشهور حيدر بالمعارك أسمه
اليدناله يرجع على طوله امدمه
المن سيفه فر ربعه تحسبه زلمه
جا غير حيدر هوه ياهو ايلزمه

ما تنجرع سطراته .... الاول علي بصولاته
ما واحد ايردهه سَطرت ايمينه
لومه الوصيه كَيدت جفينه

......
؛؛٢
تتراجف اكَباله الزلم بالحومه
والشاهد ابن العاص ذب اهدومه
كل صوله يدخلهه علي محسومه
اليدخل نزال اوياه آخر يومه

حيدر جبيره اصروحه .... اليدناله بايع روحه
كبل المنيه ايشوف موته بعينه
لومه الوصيه كَيدت جفينه
......
؛؛؛٣
فارس عظيم اتهابه كل عدوانه
يا ويلهم لو سرفناهه اردانه
ماغيره بالكلفات يصرخ انه
وبركَاب خصمه ما خطه نيشانه

ضرباته ميثنيهه .... كلهه تسولف بيهه
متعجبه بيهه الدنيه كَبل اسنينه
لومه الوصيه كَيدت جفينه
.......
؛؛؛؛٤
حيدر مثل بركان تلهب ناره
مايسكت اعله العيله ياخذ ثاره
لومه الوصيه محد ايطب داره
خيبر يعيده ابيمنته وبتاره

لو صاح حيدر اني ... لا أول ولا ثاني
يتجره يكسر ظلع ام حسينه
لومه الوصيه كَيدت جفينه
.......
؛؛؛؛؛٥
ينعد بلف فارس علي بصولاته
أتلثميه موش بعينه وي سطراته
لو ما نطه احجايته الصاحب ذاته
جا كَلب كون الله علي بحملاته

لو ما نطاهه اوعوده ... محد يصل لحدوده
زلمه كلف حيدر علي والينه
لومه الوصيه كَيدت جفينه
......
✍️ كلمات موسى الخادم

78

مؤسسة منبريون للشعراء

19 Nov, 05:37

اتمنيت موتتنه سوه ...
مو واحد ايروح ويضل واحد
جنتي إلي ماي وهوه ...
هسه اني ميت بس جسد كاعد
.........
من اول اليوم الدخلتي البيتي
ردت الي يا فاطمه عافيتي
عفتيني ليش الوحدي اويه احزاني
ياهوه الكل لحضه يطب الريتي

ضاع الهوه ... بعدج يمحبوبه
ضاع الهوه ... والريه مصيوبه
ضاع الهوه ... وانفاسي محسوبه

مخنوكَ بعدج يم حسن
وبحالي يعلم ربي اوشاهد

.....
جنت ادعي بسمج فاطمه الحنينه
واحد على الثاني يقسم اسنينه
موتته وحده جانت انه ابالي
ماكو اليعيش وثاني تغمض عينه

ردي علي ... يافاطمت حيلي
ردي علي ... يا صبحي ياليلي
ردي علي ... مو انتي كلتيلي

نعشين نطلع مو نعش
وروحي ويه روحج سوه تتشاهد

.....
يازهره ايام العمر حاجيني
ينطيج كَلبج وحدي اتخليني
احلامي طشرتيهه كلهه ابموتج
فتحيلي عينج يا ملاذ اسنيني

يافاطمه ... اشلون اصبر ابدونج
يافاطمه ... فتحيلي اعيونج
يافاطمه ... ايتامي يردونج

زينب والحسين وحسن
عالخد دمعهم عيني اتشاهد
......
اتذكرين كعدتنه سوه ياروحي
جنت انسه بيهه اهمومي وانسه اجروحي
يا ذنب سويته وتركتي ادياري
عفتنيي ليش وعالي بعدج نوحي

ياسلوتي .... روحي اشيسليهه
ياسلوتي ....بعدج اهم بيهه
ياسلوتي .... ناري شيطفيهه

مهدود حيلي ابموتتج
بس نفس بعدج نازل وصاعد

......
يم عشرت الحلوه اشيصبر حالي
والدار من نورج يصبّح خالي
كلشي ابحياتي حاسب انه احسابه
بس مال ادفنج بيدي موش ابالي

كلشي انتهى ...بعدج يفاطمتي
كلشي انتهى ... من بالكَبر نمتي
كلشي انتهى ... مت انه من متي

من نزليتج للكَبر
كَالتلي روحي اوياك لا مارد
......
بعدج علي مو عمره موته ايتاني
شله ابحياته المات نصفه الثاني
ما دافنج والشيب اكل كل راسي
اتصدكَين ما اعرف صدك هذا اني

ماجن علي .... شايب صرت شُوفي
ماجن علي .... موتج اخذ شَوفي
ماجن علي .... عوفي الكَبر عوفي

عايني الحالي يم حسن
كبرني موتج والفكر شارد
............
✍️ كلمات موسى الخادم

69

مؤسسة منبريون للشعراء

19 Nov, 05:37

الدافن عزيزت روحه ... يادوه اليشفي اجروحه
الله يعين الفاكَد .... مثلي امه يكثر نوحه
......
؛١

الدافن بديه أمه يعرف اشجاي اسولف
عمره يصير ابلا طعم ما داعي احلف
لا ليله ليل ولا نهاره يصير يعرف
طاري امه من ينجاب يمه كله يرجف

كَلبه يلزمه ابسرعه ... ومن عينه ينزل دمعه
التنذكر امه اكَباله .... مايدري يبجي ينعه

......
؛؛٢

كلمة اليمه اشكَد أمل بيهه ومحنه
الله يعينه الفاركَ امه ومشت عنه
تخلص حياته ابلا فرح ونه اعله ونه
وكلشي يموت ابداخله وايروح منه

كل حلم جان ايتاني ... ويصير واحد ثاني
الما يشم شيلت امه ... كل عمره يبقى ايعاني
.......
؛؛؛٣

ألفاكَد امه اتصير اله المكَبره حلوه
كل ليله يتعناهه شايل نعي يسوه
ما يهوه كل عيشه بعدهه موته يهوه
بلوه يناس الميته امه يعيش بلوه

ما تبقه عنده الفرحه ... بس حزن يلجم جرحه
يشطب ايام اسنينه ... وسيف الفراكَ ايذبحه
.....
؛؛؛؛٤

ألبيت اذا من عنده شالت أم حنينه
وحشه يصير وظلمته اتغطي المدينه
معذور كلمن ماتت امه يبجي عينه
أيشيع وراهه ايام عمره وكل سنينه

الشيع بديه غاليته .... اتروح ابعجل عافيته
ويصير ذابل عوده .... والوحده تترس بيته

......
؛؛؛؛؛٥

احسين انه الجاي اسولف يالحبايب
من ماتت امي فاطمه عشت المصايب
ثوب اليتم ما فاركَاني وكَلبي ذايب
وكل حيل ما ظلي بعدهه وصرت شايب

من عندي راحت امي .... وبس القهر ظل يمي
كل ليله ارش ادموعي ... ابحجرتهه انه وهمي

....؛؛؛؛؛؛؛.........
✍️ كلمات موسى الخادم

65

مؤسسة منبريون للشعراء

19 Nov, 05:37

شيعتهه ... للمكَابر ... شيعتهه
وادفنتهه ... وانه حاير ... وادفنتهه
وظل سؤال ابداخلي
الزهره ماتت لو علي
.....
؛١
من بعد ما غسلتهه ابدمع الاعيون
بين اديه انه شلتهه مو عالمتون
غاليه عندي الزجيه وناسي يدرون
جنت اخاف اعليهه من الهوه البلكون

اغله مني ... عندي هيه ... اغله مني
فاركَتني ... للمنيه ... فاركَتني
يا عمر يحله الي
الزهره ماتت لو علي
......
؛؛٢
آنه قالع باب خيبر ذاكه الاثكَيل
وحيل ما ظلالي راح اوياهه كل حيل
من شفت كسر الظلع والدم الايسيل
شاب راسي الجان يشبه ظلمة الليل

كلشي بيه ... صاير ابيض ... كلشي بيه
عالزجيه ... كلي اختض ... عالزجيه
حقي بالهم مبتلي
الزهره ماتت لو علي
.....
؛؛؛٣
من وصلت المكَبره صرت انحب اهواي
أعرفت أم بيتي مترد بيتي وياي
حرت أرجع لو أتاني فرحة اصباي
وصرت بالدمعات يمهه رايح وجاي

عالي نوحي .. ودعتهه .. عالي نوحي
يمهه روحي ... ما جبتهه ... يمهه روحي
نوحي يمهه معتلي
الزهره ماتت لو علي
.....
؛؛؛؛٤
بيه ما بيه احفرت كَبر ام الحسين
مثل واحد ميت ويدفنله ميتين
اوموش ماي اللحد رشيته ابدمع عين
وخفت لا تنلجم وسعته اللحد زين

جاري دمه ... شكَد ضلعهه ... جاري دمه
خاف الجمه ... وي رفعهه ... خاف الجمه
وتنوجع روحي وهلي
الزهره ماتت لو علي
......
؛؛؛؛؛٥
أشد موقف مر عليه وأبد ما راح
من عليهه بجفي اهيل الترب بصياح
اتذكرت من فوكَهه باب الخشب طاح
ساعه ظليت انه واكَف لازم اصفاح

هذا حالي .. من بعدهه ... هذا حالي
داري خالي ... روحي عدهه ... داري خالي
والحزن واضح جلي
الزهره ماتت لو علي
................؛؛؛؛؛...................
✍️ كلمات موسى الخادم

65

مؤسسة منبريون للشعراء

19 Nov, 05:36

جريمةًُ لا تُغتَفرْ .... تَبكيها عينُ المُنتظر

.......
يا جريمه... المنهه تجري ... عيون مهدينه دمه
امصيبت الطف ... لو مصيبت ... أمه أمه فاطمه

انه اعتقادي يجري دمه اعله اثنين
مصيبت كسر ظلع الزجيه واحسين
يوميه عَصرت فاطمه اتشوف العين
ويوميه مقتل ينعرضله مرتين

جريمةًُ لا تُغتَفرْ .... الموتُ فيها قد حَضر

......
ايساعد الله ... كَلبه كلبه ... أشكثر شايل هضم
ماكو مثله ... حزن شايل ... حزنه واصل للعظم

ليل ونهار المهدي عايش بمصاب
ما راحه شاف ابدنيته وصار اتراب
يبجي على الصار وجره للأحباب
ويوميه بيده للحزن فاتح باب

جريمةًُ لا تُغتَفرْ ... مَنّ أنكرَ الظلعِ كَفر

.......

كبر صبره ... كد سنينه ... يا كبرهه محنته
مدري يبجي ... الكسر امه ... مدري يبجي العمته

ألمثله ميت ما يعيش ابهل حال
حمله ثكيل وما تشيله الأجبال
وبعينه ظل امن الدمع بس اوشال
وعمر انتظاره للفرج بالهم طال

جريمةًُ لا تُغتَفرْ .... قد أورَثت حُزنَ القَدر

.......

ياهو عايش ... مثله غربه ... وشايل ابكَده محن
حقه يذبل .. غصن عوده .. نوحه دايم لام حسن

شاب ابعمر شاب ابسبب حركَ الدار
واكبر جروح ابداخله امن البسمار
وامتاني يايوم الفرج يوم الثار
بعيونه ينظر كل وكت ذاك الصار

جريمةًُ لا تُغتَفرْ .... للظالمينَ لا مَفر
.........
✍️ كلمات موسى الخادم

64

مؤسسة منبريون للشعراء

19 Nov, 05:36

#يا_علي

ليل المغرب... كاسر ضهري
ليل المغرب... شيب عمري
وضل ينزف جرحي الدامي
ماتت زهرة ايامي
ليل المغرب
////////////////////////////////////////////////
يا أول كسر بالروح غيرني
يالطيفچ يمر كل ليل ما هدني
دموعي بغيبتچ ما تنضم بردني
عجيبة شلون شالج ما هدل متني

وانه الحالي... وليل جروحي
وانه الحالي... ياهو الروحي
صارت باسمج أحلامي
ماتت زهره ايامي
ليل المغرب.
////////////////////////////////////////////////
رافگت الصحاري بغيبتچ عني
يالمنچ نفس وانتي نفس مني
على كبرچ يفاطم ما هده وني
وعله مصابچ منو غيرچ يساعدني

وبصف البير...اصرخ فاطم
وبصف البير... ما رد سالم
وانهض كوه اعله جدامي
ماتت زهره أيامي
ليل المغرب
////////////////////////////////////////////////
اسولف عالكبر بس ما يجاوبني
جا ليش الزمن رايد يتعبني
سكوتك يا حبيبي ما يطمني
يا جرحي الغميج ويا اعز حزني

وبگرب الباب ... انظر طولچ
وبگرب الباب... ابجي بدونچ
ضلموچ وياهو يحامي
راحت زهره أيامي
ليل المغرب
////////////////////////////////////////////////
حيره روحتچ يام الحسن حيرة
غربة وموحشة بدونچ تره الديرة
يأم العاطفة ويا منبع الغيرة
رحيلج مو سهل لا معضله جبيرة

يالچنتي وياي... أجمل بلسم
يالچنتي وياي... زهره وتنشم
لكن ماتت كدامي
راحت زهره أيامي
ليل المغرب
////////////////////////////////////////////////
شاغت روحي لمن كسروا ضلوعچ
خفيتي علية ودري بلچمة متونچ
يَعّين (الله) ولكن سطروا عيونچ
يبت طه شعجب ربعه يكرهونچ

سطروا عينچ.... والكون اهتز
سطروا عينچ.... والحايط نز
يا جرحي ويا ألامي
راحت زهره أيامي
ليل المغرب
////////////////////////////////////////////////
السيد احمد النوري

57

مؤسسة منبريون للشعراء

19 Nov, 05:36

يايمة... يزهراء.... يا يمة..... يزهراء
////////////////////////////////////////////////
زينب انه يا يمة
جيتج مسرعة بهمة
گبرج ردت أنه اشتمة
هضمه روحتج هضمة

صورة ضلت بالي .... نيران وحرگ عالي
واسمع فضة أدركيني.. وطاح المحسن الغالي
يا يمة.... يزهراء..... يا يمة... يزهراء
////////////////////////////////////////////////
ليل فراگج بروحي
زيّد همي وجروحي
عگبج ما هده نوحي
واحزاني الج توحي

اعاين كل مسه علباب ... واتنطر يجوني احباب
لا امي ولا محسن... راحوا والگلب عطاب
يا يمة... يزهراء... يا يمة... يزهراء
///////////////////////////////////////////////
أفگد طولج بكل ليل
شيصبره العزيزة يشيل
يا حيل اليشد الحيل
شلال الدمع ويسيل

اشتم شيتلج يمة ... لچمة بالگلب لچمة
يا حزن الكلب ما هاد.. من ضلعج نزف دمة
يا يمة... يزهراء.... يا يمة... يزهراء
////////////////////////////////////////////////
يمة لطولج اشتاكيت
يالطولج يحلي البيت
احن لكعدتج وبجيت
تانيت شكثر تانيت

كسرة ضلت بروحي ... زادت همي وجروحي
معقولة بلا تشييع؟ .... يكون ولا هده نوحي
يا يمة.... يزهراء.... يا يمة...... يزهراء
////////////////////////////////////////////////
علباب اوكف بتعبي
وعيني عالدرب تربي
نار ومشتعل كلبي
ادعي بكل مسه ربي

بلكت لن حلم موتج .... واسمع زينب بصوتج
ولا اكو عصره لا نيران... ولا ينشال تابوتج
يا يمة... يزهراء.... يا يمة.... يزهراء
//////////////////////////////////////////
الشاعر السيد احمد النوري

60

مؤسسة منبريون للشعراء

19 Nov, 05:36

بجروحه باب ... دنيه العذاب
گلبـــــه علي ... تَحتِ التراب
عالزهره صحته بدمع العين
الله يعـيـــنك يا بو حــسين
____
هذاك الـ ينسِــــمِع يم العـرش صــوتــه
و نِجَد (خامسها بعد العَشرَه) من حُوته
الخـــيــبر مِـن قِــلـــعها ابعض من قوته
مــا شــايــل الزهــــره شـــــال تابــوتـــه

ويه الزهره عاش ... أحله حياة
و من عافـتــه ... چم مره مات
الساعه بعدها عنده سنين
الله يعـيـــنك يا بو حــسين
___
أدور بالبــــشــر محد وصـل صبره
علي گــــدام عـــينه مـــيته الزهره
يشم گوّه الهوه من شاف هالنظره
محـروگه أديــــها و عالوجه سطره

بحاله شيصير ... ايشوف بنياح
الباب الثگـيل ... فوگــاها طاح
صوت الصبر من ذاك الحين
الله يعـيـــنك يا بو حــسين
ـ_
عالمـغتـــسل دمعاته حِچت چَنها
صـدگ بچفـــوفك الزهره تِچفنها
اشيگول لزينب و لو ناشدت عنها؟
مكـــسورة ضلــع بالليـل دافـــنها

مدري شيگول ... لو رَد وحيد
زينــب تصــيح ... أمـــي أريــد
اتهِـز گلبه كل ما گالت وين
الله يعـيـــنك يا بو حــسين
__
علي شِـيب المَــلامح بي ألِــف فاگِـد
اليگعِـد بالسِمــه بالمگــبــره گــــاعِد
ينــــاس صواب حيدر مِكلِف و چــايد
فُـگَـــد مَنْ چــان ويا بالنَفَـــس واحد

ذاك الجـِـــــبـَـــل ... المَتهزه ريـح
اعله الزهره صار ... يوگــف يطيح
الرايحله غالي يجيــبه منين
الله يعـيـــنك يا بو حــسين
_
علي ايفزِز الميت لو سِمَع نوحــه
غير الزهره ياهو اليعرُف جروحه
اعله خدها الازرگ اعله التُرُب مطروحه
علي يدفـــنها مدري يدفِن بروحه

نــــاداها آه ... يالروحي بيچ
من التراب ... خايــف عليچ
لا يلـــچم الخَـد و الضلعين
الله يعـيـــنك يا بو حــسين
__
رِجَـع واتخيّـــل يناديهــا من دونــچ
مكسور الظهر مِن غُمضَت اجفونچ
يلون العافــيــه و راح ابگبــر لونــچ
شسوي ابيــت ما بي فاطمه عيونچ

لو ما القضاء ... احچي بسكوت؟
يالزهره كون ... ويّـــــاچ أمــــوت
ما خَلّه عنده احباب البيــن
الله يعـيـــنك يا بو حــسين
___
الشاعر حاتم صبري الكاظمي

55

مؤسسة منبريون للشعراء

11 Nov, 05:29

شور

اه ييمه ...اه ييمه ... اه ييمه
.....
يمه لا تمشين عني ... ابقى مثل امضيعه ايه
باجر احتاجج ييمه ... بلمت أطفال وسبايه

لمن اظل ابلايه حماي
وبسياطهم تتورم اكفاي
وحدي اظلن محد اوياي
وياناظري لا وين اديره

يمه العين فتحي وعايني اعليه
وحشه ابدونج اكظي سنيني مسبيه

من هسه صرت انه احس غريبه
مو هينه كلش توجع المصيبه
افراكج ييمه يذبح امنياتي
وين انطي بعدج وجهي يالحبيبه

.....

يمه ما شبعانه منج .. شوف عيني يالحنينه
كلمة اليمه تلجمه ... الماتت امه الله يعينه

يايمه لتخليني للنوح
اوياج روحي رايده اتروح
صرت اشوف حسين مذبوح
من كبل عاشر من محرم

صرت انظر اخيام كبالي محتركه
وجثة ابو اليمه ابخيل منسحكه

ابكثره الحوافر ساحكه اعله صدره
ماينعرف صاير وذر يزهره
والرمح نابت بالكلب اشوفه
وسكنه ورقيه طاحن اعله نحره
..........

ازغيره مو مالت مكابر ... عمرج سنينه كصيره
وردة الله انتي مكانج .... جنة الله يالأميره

المنج حرمني ريته بالموت
ماخله عندي فرحه لا صوت
الأمه يمه هذا مبخوت
الله يساعد كل يتيمه

اودعج من زغر ما جانت ابالي
بعدج كل حزن كل نوح يحلالي

بعدج يزهره حالي يقهر حالي
حزني اعله طولي يمشي ويه اخيالي
كبل السبي مسبيه روحي اني
وجفوفي مشدوده بحبل جتالي

....
لا تموتين اعله بختج ... داخله ابدمعي الاسيله
من اطيح ابحيرة الطف .... ياهو اروحله اشتكيله

من اوكف اعله التل وحيده
حيلج اوياي اني اريده
حسين من ينحز وريده
ياهو اليصبرني ييمه

ما يبقالي حيل ابكطعت المنحر
اظل كلي اعله طولي ابمشيتي اتعثر

امن اركضله ياهو يكلي يمه تاني
خل امشي وياج العشك زماني
بذيج الفجيعه ياهو يعتنيني
وكل البقالي انحور من خواني
......
الهوه الما بيه عطرج ... خنكه ما اكدر اشمه
ظلي يمي سنيني وحشه ... وانه احب كلمة ييمه

فركاج يذبح منحري بسيف
مثل الرضيع العطشه الصيف
كربله باجر تذبح الضيف
وحبل السبي يموت رقيه

وبركبة عليل حسين انظرهه
ذيج الجامعه اليصعب اوخرهه

وكل الاحبهم عالترب أشاهد
مثل الذبايح واحد اعله واحد
وللشام اروح اميسره اويه غربه
ما واحد اليسال علي ويناشد

.......
كلمات
موسى الخادم

349

مؤسسة منبريون للشعراء

11 Nov, 05:29

رد ظهره منكسر ... من حفرت الكبر
ودع علي ... بنت النبي ... بين اللحد وترابه
.......
كوه يمشي اعله الجدم ... رد علي منهه
اعليهه يسجب دمعته ... من مشه عنهه
حار بامره المرتضى ... من سمع ونهه
رد عليهه للكبر .... راد يحضنهه

اتذكر بيده دافنهه ... بالترابه
مدد عالكبر طوله ... يا عاذبه
وزع دمعة اعيونه ... في ثوابه
قصة فاطمه اخذت ... كل شبابه

شيب علي قهر .... رد منحني الظهر
لم الحسن ... شيد وطن .... دمعت حزن سجابه

.......
تخوصر اكبال الكبر ... منكسر ظهره
مثل المضيع وطن ... حاير أبامره
صاح بدموعه التصب ... كومي يازهره
علي بعدج مو علي .... سنينه مطشره

كومي وعايني الحالي ... يالحبيبه
جرحي ابفركتج نازف ... يا طبيبه
هاذي صيحته الجانت ... بالمصيبه
حيدر ذبلت ارسومه ... من نحيبه

كالساعه يلتفت .... يحجي منو ادفنت
وسط الكبر ... دافن عمر ... اغله واعز احبابه
.......

جرحه اكبر كل جرح .... سولفت ناسه
من دفن ام الحسن ... شيب اكل راسه
كُبر ما جنه علي .... حزنه هد ساسه
كَوه صار امن البجي ... ياخذ انفاسه

ما جنه القلع خيبر .... يمشي كَوه
واحد يسأل الثاني .... اعليه منوه
كلشي اتغير بحيدر ... حتى هوه
غابت ضحكته الجانت ... عنده حلوه

متعوبه مشيته .... مذبوحه ضحكته
دافن ورد ... وسط اللحد ... مكتوبه اله بكتابه

......
البيده دافن ضحكته ... تخلص اسنينه
الفرحه متمر خاطره ... ولا تمر عينه
هيج كظاهه علي ... بحزنه واونينه
ناره تسعر بالكلب ... شاهد أحسينه

من يوم المشت عنه ... ام جهاله
ولون السهر ظل ياخذ ....من خياله
ويه ام الحسن ودع ... ما حلاله
ما واحد علي يلومه ... ايبجي حاله

كلشي ابعلي ذبل .... ومتاني للّاجل
الفارك شمس ... بيته يحس .. ما واحد ايدك بابه
......
سلوته بالمكبره ... اليفكد ام بيته
تخلص ايامه قهر ... وتروح عافيته
الزهره جانت عد علي ... هيه غاليته
حقه حيدر يختنك ... كل هوه بريته

اغله امن النفس عنده ... هي جانت
بموتت فاطمه الزهره .... روحه ماتت
ظلمت دنيته بعينه ... وحشه صارت
كل أحلامه وافراحه ... اوياهه راحت

من فارك ام حسن ... بالمكبره سكن
ليل وصبح ... نازف جرح ... حيدر غميج اصوابه

..........
كلمات
موسى الخادم

268

مؤسسة منبريون للشعراء

11 Nov, 05:29

شور

يا زهرة حياتي
.......
تعاي ... عوفي الكبر عوفي الكبر
تعاي ... موحش بلياج العمر
تعاي ... ليلية جيتج انتظر

يافاطمه كلبي انمرد
ماظل صبر بيه بعد
رجعي الي عون وسند

رجعيلي .. ياضحكتي
رجعيلي ... يرويحتي ... فداج .. فداج

ايامي ... وحتى النفس
ايامي ... صارت همس ... وراج .. وراج

نوح .. بعدج حياتي
نوح .. يا ذكرياتي
نوح ... ساعاتي بعدج ... لو بيدي اردج
يم الحسن وحسين
راح ... حيلي ابغيابج
راح ... ابجي المصابج
راح ... كلشي امندية ... اه يالزجية
يم الحسن وحسين

يا كل امنياتي
.......
اصيح ... يم الحسن يم الحسن
اصيح ... من بعدج اعيوني انعمن
ااصيح ... عايش غريب ابلا وطن

مشتاق الج يافاطمه
روحي عليج امعلمه
تشهد علي ارض وسمه

من دونج ... كلشي عدم
من دونج ... عايش وهم ... كلام ... كلام

ياروحي ... بالمختصر
ياروحي ... عمري كبر .... حرام ... حرام

شيب ... تارس لحيتي
شيب ... من عفتي بيتي
شيب ... يا اغله ناسي ... صار اعله راسي
بعدج ينور العين
حيل ... اذاني فكدج ....
حيل ... سهرني بعدج
حيل ... ماظل يزهره ... بظلوعي كسره
بعدج ينو العين

تشهد نايباتي
.....
عليج ... يافرحتي يافرحتي
عليج ... اتغيرت رسومي وحالتي
عليج .... عيني انعمت من دمعتي

موتج اخذ كلشي احب
امشي بلا شوف الدرب
ينبض حزن صار الكلب

مو حيدر ... جني صرت
مو حيدر ... اتغيرت ... عليج ... عليج

وي موتج ... حلمي انذبح
وي موتج ... موتي صبح ... بديج ... بديج

وين ... تاليهه كولي
وين ... محني اعله طولي
وين ... ياديرة اشوفج ... مابية اعوفج
اشتاق الج كل حين

ريت ... قبلج عساني ...
ريت ... موت الخذاني
ريت ... دفنوني قبلج ... يالحيل احبج
اشتاق الج كل حين
يا كل ذكرياتي
......
اموت .. احسن الي احسن الي
اموت ... يحجيهه من كَلبه علي
اموت .. يازهرة سنيني وهلي

شلي بعد بيه العمر
وياج اعيشن بالكبر
حلوه السوالف تنذكر

يازهره ... صبري خلص
يازهره ... العمره نقص .... وحيد ... وحيد

اخذيني ... ليج انه احن
اخذيني ... اوياج اندفن ... اريد ... اريد ...

نار .... ما تطفه بيه
نار .... صبح ومسيه
نار ... حركت دليلي ... بعدج يويلي
وين انطي وجهي الوين

مال ... حملي برحيلج ...
مال ... خليني اجيلج
مال ... كلشي اعله كلشي ... شمتناي نعشي
وين انطي وجهي الوين
ياصومي وصلاتي
.......
وراج ... ظهري انحنه ظهري انحنه
وراج ... كل يوم اليمرني بسنه
وراج ... متهني بحزاني انه

ياعشره تشبه عشرتج
روحي ادفنت وي دفنتج
كلشي انتهى وي موتتج

ذابحني ... انتي بكبر
ذابحي ... طاري الهجر ... اصيح ... اصيح

مابية ... اصبر بعد
مابيه ... جبدي انمرد ... ذبيح ... ذبيح

مات ... حلمي البنيته
مات ... كلشي هويته
مات ... بعدج دلالي ... شحجي اعله حالي
اتمنيتج اتشوفين

صار ... اظلم نهاري
صار ... يبجيلي داري
صار .... حزني اعله كدي .... دمعي اعله خدي
اتمنيتج اتشوفين

اشباقيلي الوفاتي
......
كلمات
موسى الخادم

182

مؤسسة منبريون للشعراء

11 Nov, 05:29

يالزهره امشي اعليج ابو اليمه
رزقيني ساعة بمجلسج خدمه
يافاطمه ... يافاطمه
......

يافاطمه مجلس لطم رزقيني
ميت تراني وخدمتج تحييني
بابج طرقته وادري مترديني
خليني وين اخدم الج ترديني

لو اكنس .. لو الطم ... لو اقره ... بخدمتج
تحت امرج ...مولاتي ... بس اشري ... بخدمتج
رهن الاشاره منتظر كلمه

.....
وفقيني اخدمج حد اخير ايامي
عليج اقسم بنحر الحسين الدامي
احلامي كلها ابماتمج احلامي
ضامي تراني ابلا عزائج ضامي

كل ساعه ... محسوبه ... من عمري ... فاطمه
خليني ... بمصابج ... دمعي يصب ... فاطمه
تبجي المصابج روحي متعلمه
......

يم الحسن كل اني ملكج اني
خادم زغير ومنبرج رباني
يالبيح اشوفن مكتمل ايماني
وخيمه عزائج عندي بيتي الثاني

كل ليله ... اتمر بيه ... تليكيني ... بالعزه
ما عايف ... ايامج ... يالنورج ... بالعزه
فطمتني امي الدمعه واللطمه

......
هنياله كلمن خادمج سويتي
وجهه ابيض اكبال الخلق خليتي
الامه دعتله ابمجلسج ربيتي
وصيته اعله كل ناسه وهله عليتي

يانعمه .. الكل نعمه .... منا منهه ... تنوجد
كل سائل ... يم بابج ... طلباته .... تنوجد

يا رحمة الله الواهبه النعمه
...
يالعالمج يختلف ان كل عالم
بي مرتبط كلشي انخلق كبل ادم
لو ما وجودج بالارض جا ماتم
فرض الصلاه والصوم والله اعلم

يا اعظم ... يا اقدس... شي طاهر ... منخلق
لو منتي ... لا طه ... لا حيدر ... منخلق
هاي الحقيقه تنحجي ذمه

........
يافاطمه يا اغله من كل غالي
ليج ارفعت جفي وطلبت امالي
تنظرين حال الناس هاي وحالي
وتدعين تعجيل الفرج للوالي

عند الله ... كلشي انتي ... واقربله ... من العرش
دعواتج ... مقبوله ... يا زهره .... من العرش
سر الله انتي المحد يفهمه

.........
كلمات
موسى الخادم

115

مؤسسة منبريون للشعراء

11 Nov, 05:28

يالماخذه الزهره الزجية حيلك
ليليله تعجيل الفرج ندعيلك
يا املنه الغالي .. يابو صالح
.....
يغايب نرتجيك
دعاء الندبه نقرالك بالدموع
اوكل جمعه عليك
نسولف ما نسولف غير موضوع
نحس ابكلشي بيك
نعلم حالتك عالزهره مفجوع
اخذنه ابين اديك
فداك انحرونه وافداك الاظلوع

وين انت ساكن سيدي نجيلك
ليلية تعجيل الفرج ندعيلك
يا املنه الغالي
.....
يبو صالح تعال
عليك ابكل دمع من عينه يسيل
عليك البل حبال
كيدوهه ومشت وي رمح الطويل
اشتاكينه الوصال
واحدنه اعله جيتك ساهر الليل
نسال هالسؤال
يايوم اللقاء يحصل مشه الحيل

يالمهدي ملينه البعد نشكيلك
ليليله تعجيل الفرج ندعيلك

........
الك ثار اليصيح
يا يوم الفرج يا صاحب الثار
تتوجه وتطيح
من تذكر الزهره وحركت الدار
نظر عينك جريح
على الظلع الكسير الصابه بسمار
سعفه تهزهه ريح
حالك هيجي صاير تحجي الاقدار

اظلم نهارك مثل ظلمت ليلك
ليليله تعجيل الفرج ندعيلك
.......
يسيد الاتقياء
امك فاطمه محمّرة العين
لحد هسه البكاء
ابيت احزانهه مسموع للحين
تصيح ارض وسماء
يا محي الشريعه ومحي هالدين
تناشد كربلاء
عن ثار الزجية وثار الحسين

يالتبجي جدك من دمه نبجيلك
ليليه تعجيل الفرج ندعيلك
.........
يمذبوح الونين
منك نعتذر حتمن لجمناك
الك الله المُعين
ابكسر ظلع الزجية ما جبرناك
على مر السنين
تنوح الوحدك مولانه عفناك
تنادي ياحسين
وابداخلك غصه الفاطمه اهناك

تعتني روحك للبقيع اتشيلك
يليله تعجيل الفرج ندعيلك
......
كلمات
موسى الخادم

100

مؤسسة منبريون للشعراء

11 Nov, 05:28

حضره الج تنبي ... وسط الصحن يم علي
متنورة بالذهب ... لاخر سمه تعتلي
يم البخت والفخر
هاي امنيات البشر
......
كبه ومناير من ذهب مبنيه الج وسط الصحن
منا ضريح المرتضى منا ضريحج يم الحسن
واجمل عباره تنكتب بسمج على مر الزمن
ياخادم الزهره ابتشر رجعت الزهره للوطن

كبر ام حسن يم علي ... من المدينه انتقل
الباري انطه الامر ... وجبريله جابه بعجل
عاجل يرد هالخبر
هاي امنيات البشر
.....
ماكو كبر مخفي بعد كبرج يصير البلنجف
تتنعنه زوارج الج مثل اربعين البسمه طف
درب المواكب ينملي زوار الج كلهم شرف
واعداد زوار التجي مليون صف يماشي صف

زوار الج تعتني ... من كل بقاع الارض
ليل ونهار وصبح .... ما واحد اليعترض
هنياله كلمن حضر
هاي امنيات البشر
......
كل زاير ايزورج يجي بيمينه شايل رايته
يم بابج ايدنك خجل والسمه تلقط صورته
لهفته الشباجج اشد من لهفته الشوف اخوته
بعيونه ما ننظر دمع ننظر فرح بزيارته

خلص حياته بجي ... واليوم اجاه الفرح
بزيارتج يم حسن ... صدرة ودليله انشرح
طوك الهموم انكسر
هاي امنيات البشر
.....
اويه المهدي ينقام العزه بسمج يمكسورة ظلع
يرتقي المنبر بالدمع والنور من خده يشع
والبث مباشر ينقل ويشوفه كل هذا الجمع
اليوم يوم ام الحسن نستقبله بحركه ودمع

اعظم عزاء ينعقد ... بسمج يبنت النبي
والمستهل ينكتب ... لعنه اعله كل ناصبي
والقارئ المنتظر
هاي امنيات البشر
......
كلمات
موسى الخادم

90

مؤسسة منبريون للشعراء

11 Nov, 05:28

بين الحايط وبابه ... امي الزهره عصرو
دمهه انتثر .. خدهه انسطر .. هذا الشفت
بعيوني
.......

انه الحسين اروي ما صار وجره
من هجوم الدار حد الكسر
امي جانت كاعده اويانه بهنه
لحضه والباب انطرق بالغدر
اعتنتله امي الحبيبه وهو صاح
دفعو باب الزهره ما ظل عذر
اتلكته ابكل حيلهه المابيه حيل
لحضه والبسمار ضك بالصدر

صار ابحيله يدفعه .. عالحايط انظره
كلشي عصر ... خدهه انسطر ... هذ الشفت
بعيوني
.....
ابعصرت امي عاينت محسن سقط
على العتبه ابلا ذنب دم جره
صاحت امي فضه سنديني ابعجل
مني محسن طاح فوك الثره
الحيل ما بيهه على الكومه بعد
حكهه كل اظلوعهه أمكسره
اركضت ليهه بلايه راي ابلا فكر
ومثلي الهه هم ركض حيدره

صاحت ياضوه اعيوني ... لا تبجي علية
زال الخطر ... خدهه انسطر ...
....
بعد حرك الدار كادو جف علي
وامي طلعت خلفه تجري الدمع
هو يمشي ويلتفت ليهه بحزن
بشريني شنو اخبار الضلع
خلو ابن عمي تصيح ولامجيب
حالهه بجه العرش والشرع
صورة من اذكره ما تبقالي روح
وانهضم حيل ابذكرهه انفجع

تمشي اعله الجدم كوه ... امي شاهدتهه
تمشي اتعثر ... خدهه انسطر ... هذا الشفت بعيوني
......
امي من هالحادثه سلهه المرض
حسره صارت عدهه جرت النفس
ليلهه امساهره اتكضيه بالونين
والنهار اعليهه يخلص همس
كوه تركع كوه تسجد للصلاه
ما تبين الوجع خافن نحس
شابحه اللون امي غيرهه الكسر
وين هسه اواوين جانت امس

وردة امفتحه ابنصنه ... وسفه ذبلوهه
شبعت قهر ...خدهه انسطر ... هذا الشفت بعيوني
........
اخ ياليلة وداع امي الاحب
هاي اشد ليلهص علي بالزمن
كلميني صحت الهه بعبرتي
وهي طلعت ايدهه من الجفن
نادت جبرائيل ياحامي الحمه
نحَّي ايتامك امن ام الحسن
بجت املاك السمه ايتامك علي
ساعد الله كلبك ابهل محن

ما انسه الجفن احمر ...ساعت ودعتهه
بالمختصر ... خدهه انسطر ... هذا الشافت اعيوني
........
كلمات
موسى الخادم

86

مؤسسة منبريون للشعراء

11 Nov, 05:28

اخر ليله ... كعدو سوه يم امهم
اخر ليله ... ايكلموهه وتكلمهم
بجه حسين ونظرهه
وعلي ايعاين كسرهه
اخر ليله ... اخر ليله
......
منظر ياخذ روح الشافه . مو بس زينب
حسين مكدر كاعد يبجي . وحيدر ينحب

شابح لونه ... هدله امتونه ... الله بعونه
حيل امعذب

ماجن حيدر هذا الواكف . باقي اخياله
مره ايكوم ويوكع مره . اكبال اعياله

شهكة ريته ... وكل عافيته ... اتفارك بيته ...شيضل حاله

باجر ماكو ... ابيته الزجية الزهره
باجر ماكو .... صاحبت اجمل عشره
يضموهة بكبرهه
وعلي ايعاين كسرهه .
......
متوسده اعله افراش العله . وتنظر ليهم
ماهمت بألام البيها . همّت بيهم

دكلهم يمه ... ما متألمه ... وهي ابظلمه
امن تحاجيهم

خافن تفجع كلب العيله . جرعت كل مر
وبسكته اتوصيه بحيدر . كالتله اصبر

حيدر يسمع ... منهه ويدمع ... كلبه اتكطع
لمن يحفر

يا عافيتي .... امسح دموع اعيونك
يا عافيتي .... من فدوه اروح اللونك
تواسيه ابعمرهه
وعلي ايعاين كسرهه
......
وحال الحسن يم جدم امه . ايبوس بيهه
ويكلهه الدار ابلا شوفج . ما طب ليهه

اوياج اخذيني ... لتعوفيني ... دمعت عيني
اعليج اجريهه

ماعندي افراح ابهل دنية . انتي افراحي
يايمه ابموتج تدريني . تزيد اجراحي

رحمي ابحالي ... يا اَمالي .... كعدي اكبالي
سمعي انياحي

يمه بدونج .... دارج تسكنه الدمعه
بمه بدونج .... اكضيهه ابجي وانعه
مصيبه يا كبرهه
وعلي ايعاين كسرهه

.......
اكثر صوره اتألم جانت . عل شافاهه
حسين امدد طول اويمه . وما عافاهه

يصرخ يمه... وهيه اتضمه .. بهيده اتكلمه
روحه انطاهه
من كثر امناشغته اعله امه . وكثر اوجاعه
خفت عليه لا تطلع روحه . بهاي الساعه

اسماء اني ... حسين اذاني ... زاد احزاني
عطشت كاعه

يشبك بيهه .... ويعاين اعله اعضيده
يشبك بيهه .... ويخلي اديها ابيده
وي شمشم ابعطرهه
وعلي ايعاين كسرهه
.......
كلهه بصوب وزينب جانت . هاي الليله
تجري ادموع الفركه وتشكي . الحامي ادخيله

ادكله امنه ... امن اتفاركنه .... يكثر همنه
ياهو يشيله

بوية ازغيره انه ومحتاجه . الحضن الزهره
مابية اتيتم من زغري . واجري العبره

من بعد امي ... يكثر همي ... ويصير اسمي
ايتيمه ابكسره

محتاجتهه ... كللهه لا تتركني
محتاجتهه ... اشمحلاهه من تحضني
تتخيل صورهه
وعلي ايعاين كسرهه
.......
كلمات
موسى الخادم

91

مؤسسة منبريون للشعراء

11 Nov, 05:28

يازهراء .... يا مصدر كُل نعمه
يازهراء ....مشكورة اعله الخدمه
خدمتج يامحلاها
البيها عايش يتباها
......
مشكورة يا ام الوفه .... مجلسج من جبتيني
تايه جنت مثل الطفل ... عالخدمه دليتيني
لو الف عام اخدم الج .... امقصر اشوف بعيني
لا شي جنت كبلج انه .... وانتي الي سويتيني

يازهراء ... ما وافيج افضالج
يا زهراء ... لو كل عمري اقرالج
قيمتي من سواها
خدمتج يا محلاها

....
ممنون الج يم الحسن ... من جدمي والحد هامي
من غيرج انتي فاطمه ... للخدمه شد احزامي
مطلوبلج دين ابكبر ...طف الحسين الضامي
ماوافي حقج لو الج ... اخدم جميع ايامي

يا زهراء ... يا مفتاح الجنه
يا زهراء ....الخادم بيج مهنه
يا هديت الله الطاها
خدمتج يا محلاها
......
يافاطمه الزهرة الج ... افضال كثرة اعلية
لو ريد اعدهن بالضبط ...احتاج الف لطمية
خيرج امغركني اعترف ... هالخير بين بية
شكرا الج شكرا الج .... يم زينب العلوية

يا زهراء .... شكراً يم العتره
يا زهراء .... اعليج اقبلتيني اقره
كل قصيدة امن اقراها
خدمتج يا محلاها
.....
الف انعم الله يم حسن ... احجيها دوم ابالي
لو ما خدمتج جا تهت .... والضيم اصبح حالي
شلي بحياتي ودنيتي .... المابيها مثلج غالي
ياسر وجود اهل السمه ... واهل الارض للتالي

يا زهراء ... تسبيحت كل حيدر
يا زهراء ... تنفع يوم المحشر
بالمواقف خصّاها
خدمتج يا محلاها

.....
هنياله كلمن صار الج ... خادم امسجل اسمه
اهل السمه واهل الارض .... تحسدة على هالنعمه
مجلسج مو ياهو اليجي ... يحضر اله ويخدمه
محتاج توقيع النبي .... ومعصوم من اليمه

يا زهراء .... خيراتج ما تنعد
يا زهراء .... كل العالم يشهد
اسمج الدنيا احياها
خدمتج يا محلاها
......
كلمن يبغضج فاطمه ... الله بعضمته ايبغضه
ما يحصد الفرحه ابد ... كلمن بدالج رفضه
بس اليحبج من صدك ...هذا الي كاعد حضه
للجنه يدخل كل الملك ... أبتوج الذهب والفضه

يا زهراء ... رابح كلمن حبج
يا زهراء ... راضي العترة و ربج
كلمه بالحق كلناها
خدمتج يا محلاها
......
الحمدالله رب العالمين
اللهم صل على محمد وال محمد
موسى الخادم ..

79

مؤسسة منبريون للشعراء

11 Nov, 05:28

موسى الخادم:
يااله السماولت ... أخرة موت أمي لحضات ..... صعبة فركاهة مأسات
،،،،
رايد أشكي همومي للزهرة الزجـية
رايد اخبرهة البعد يصعب عــــلـية
رايد احضنهة وأضمهة أبين أديــة
رايد أشبع منه شوف ابهل المسـيـة
ارد أشوف حالي لمي .. ارد اكلهة تــبقى يمي ... ... فاكـــــد ألابـتسامات
،،،،،
يااللهي أقسم عليك أبمحي هالــدين
يااللهي أخذ العمر كبل أم الحــسين
يااللهي موتي أرحم عندي مــرتين
يااللهي أبلاية أم مـــا تغمض العين
بالسهر أيامي تمضي .... بالحزن كل عمري يكظي ... عمري يخلص بالاهات
،،،،
راجي عطفك ربي لا تاخذهة مـني
راجي عطفك بالدموع التجري ذني
راجي عطفك تســـتمع يا ربي وني
راجي عطفك لا تبعد الزهرة عــني
انه هذا حسين أبنهة .... صعبة يتفارك حضنهة ... ربي رجعهة ساعات
،،،،،

مالي غيرك يا اللهي أشكـيلة حـالي
مالي غيرك يا رحيم أيـرد ســـؤالي
مالي غيرك وحشة بعد أمي اللـيالي
مالي غيرك والحـزن واضح يـلالي
حزني يكبر من بعدهة ... غالية الام عد ولدهة ... أحمل أشكد معانات
،،،،،
ربي قادر تنطي من عمري العمرهة
ربي قادر تشفي كـــل علة بصدرهة
ربي قادر بيـــدك أتجــــبر كســرهة
ربي قادر تاخـــذ اسنين العــصرهة
ربي لا ترحم خصمهة ... دخلة نارك من ظلمهة ... لا تشوفة المسرات
،،،،،
انت أعلم مــن تموت امي الحبــيبة
انت أعلم كل فــرح يعـــلن مغيــبة
انت أعــــلم كلبي يتعالى بنحــــيبة
انت أعلم روحي ما تحمل مصيبة
من تمـوت أخفيه موتي ... وأستعـد لـيه بسكوتي ... ربي قـرب المسافات
"""""""""""
الحمد لله رب العالمين
اللهم صل على محمد وال محمد
موسى الخادم

75

مؤسسة منبريون للشعراء

11 Nov, 05:28

بالمغتسل ... مد ايدة حيدر عالظلع وارتبك
بالمغتسل ... قصت حياته صارت اعله المحك
بامر الزجية اتحير
شاهد ظلعها امكسر
.......

حيدر علي ذاك النفل .. بالحرب شايع صيته
بالمغتسل حيله فكد ... صار الدمع عوجيته
مو عجبة الي فارك محب ... لو تنسلب عافيته
اومو شاب شايب ينكلب ... بيضه تصبح الحيته

شايب صبح ... بعد ام حسن حيدر امير المله
شايب صبح ... بي حارت املاك السماء العله
شكله بعجل تغير

......
شاهد كسر ظلع ام حسن ... واتغيرت احواله
مايدري يبجي اعله الظلع...ما يدري يبجي الحاله
ظهرة انكسر عل المغسل ... وتناثرت اماله
يافاطمه ايصيح بحزن ... وايعاين اعله اعياله

محني الظهر ... ينظر على احسينه اليصب دمع
محني الظهر ...وصرخت بواجي عل ظلع تنسمع
ما ينوصف هالمنظر
......
شيّعها حيدر بالخفى .... والدمع تارس عينه
بوحشة الليل المظلمه .... شال النعش بونينه
بخطواته جم عثر عثر ... كايد حسن وحسينه
مو هينه عظمه الفاجعه ... فاكد حنان اسنينه

روحه علي ... الزهرة جانت حكة من ينتحب
روحه علي ... ماتت وراها هو هذا اليحب
افراك اليحب ما يكدر

.......
بالمكبرة حامي الحمه ... ودع حياته وعمره
كل فرحه ما ظلت اله ... من بعد عين الزهرة
يحجي اويه تربان الكبر ... بحسره دليله وكسرة
هنيالك امغطي وجه ... جان الرسول اينظرة

هاي ام حسن ... عندك امانه ياتراب الكبر
هاي ام حسن ... اغله واعز شي امتلك بالعمر
اعليه الدليل اتفطر
.....
دار الحزن حيدر بنه ... بعد الزجية ابروحه
ليليته يكظيها بدمع ... وانهاره يكظي بنوحه
معذور فارك فاطمه ... مرهم شفاء اجروحه
معذور حيدر لو نحل ... هدت الزهره اصروحه

اصغيرت عمر ... من ايدة راحت فاطمه الطاهرة
اصغيرت عمر ... مو بيته سكنت سكنت المكبرة
بالحشر يفتح محضر

.........

@Alfoatm5
الحمد الله رب العالمين
اللهم صل على محمد وال محمد
موسى الخادم

75

مؤسسة منبريون للشعراء

11 Nov, 05:28

(سكته فاطم)
...................
سكتـــه فاطــم بـس تديــر بعينـهـا
صوب زينب والحسن وحسينـهـا
...................................
أبـــد مابيـــهـا بعــد يمكـن أمــــل
كربــت هاليــوم ساعــات الاجـــل
وصل ضعن الموت يم فاطـم نـزل
راح ينهــي بهالمصيبــه أسنينـها
,,,,,,,,,,,,,,,,,,,,,,,,,,,,,,,
سكته بس بعيونها صـار الحجـي
تلتـفـت لولادهـــا بحســره وبجـي
اتريـد زينب أشــارت يمهــا تجـي
كسر كلب الزهره صوت أونينـهـا
,,,,,,,,,,,,,,,,,,,,,,,,,,,,,,
تنظر اعله حسيـن وتهــل الدمع
ينحـب مدنـــك تشوفـــه ومنفجـع
ايموت والله حسين لوميته سمع
بيهــا متعـلــق تراه احسيــنـــهـا
,,,,,,,,,,,,,,,,,,,,,,,,,,,,,
حيـل ماذيـهـا ظلعـهــا المنهـشــم
وصار من اوداعهـا عـدهـا علـم
حيلها اعله اعيالهـا ظــل منهـدم
بيهــم أتـهــم فاطمـــه امخليـنـهـا
,,,,,,,,,,,,,,,,,,,,,,,,,,,,,,
هــاي نظــرات الاخيــره الفاطمـه
عينها اعله اولادها وحامي الحمه
ساعــة التوديـــع ساعـــه مؤلمه
صعبـــه هاللحظــات اللـه ايعيـنـها
,,,,,,,,,,,,,,,,,,,,,,,,,,,,,,
مو سهــل توديع فاطــم مو سهـل
فاجعــه من اتــروح بالعيلــه تحـل
صعــب تدري أفـراكهـا وماينحــل
أيأثــر اعله الحـره وعله أبنيـنـها
,,,,,,,,,,,,,,,,,,,,,,,,,,,,,,,

وصـل يـوم أوداعـهـا ومامنـه أبـد
راح ترحـــل فاطمـــه عنهـم بعـــد
كام أبو الحسنيـــن وبصفـها كعــد
بنـوح ودعــهــا ولــزم جفيــنــهــا
,,,,,,,,,,,,,,,,,,,,,,,,,,,,,,,,
خادم أهل البيت(ع)
الشاعر: حيدر كامل العبودي
07815363696

72

مؤسسة منبريون للشعراء

11 Nov, 05:28

(يافضه مانهوى الزاد)
.........................
يافضـه مانهـوى الـزاد ـــــ مـر وأبـد ماينـراد
ماينهضـم منريـده ـــــ وأمنه الحنينـه أبعـيـده
يافضه مانهوى الزاد
...........................
هم شفتي الحسين وحســن. والحره تهده اخلافهــا
بحسـيــــــن ماتــدريـــن أبــد. يـتـأذه لـــو ماشــافـهـا
وبعينــــــه شافــاهــا بكبـــر. مدفونــــه فاطــم عافهــا
بعيونــــــه الزهــره تظــــل. يافضـــــه كل اوصــافـهـا
أمنه وتظــل وسط الروح ــــــ نذكرهـــا ويصيـر النـوح
ألها النيـــاح انزيـده ــــــ أمنه الحنينــه ابعيــده
يافضه مانهوى الزاد
,,,,,,,,,,,,,,,,,,,,,,,,,,,,,,,,

الزاد لا مابـــي طعـــم. وحنظــل نحـس من دونهــا
يافضه بعـد أمنــه أبــد. العيشـــه مـدري اشلـونهــا
جانـت تصبنـــه الاكــل. وتطعمنـــه من ماعـونـهــا
يمهـــا انتجــمـع كل وكـت. وبينــــه تسـر اعيـونـها
يافضـه ظلينـــه ايتـــام ــــــ جنه اعله صوت امنه انـام
راح وبعـد شيعـيـده ــــــ وأمنه الحنينــه ابعيــده
يافضه مانهوى الزاد
,,,,,,,,,,,,,,,,,,,,,,,,,,,,,
واليفكــــد أمــــــــه بالزغـــــر. يتأثــــر ابفركـاهـــا
مكســـور يافضـــــــه يظـــل. ومايــرهــم ابليـــاهــــا
أمه الحنينــــه الربتــــــه. ماظنــــــه أبــد ينســاهــــا
ايدورهــا صعبـــــه لورجـع. وبالبـيـــــت مايلكــاهـــا
للدار صعبـه من انفــوت ــــــ ومانسمـع الفاطـم صـوت
صعـب الكلب تهويـده ـــــ أمنه الحنينــه ابعيــده
يافضه مانهوى الزاد
,,,,,,,,,,,,,,,,,,,,,,,,,,,,,

راحـت حزينـه فاطمـه. ومتهشمـه كل أظلاعـــها
أثـــر علينــه من مشــت. أمنه الزجيــه اوداعهـا
كســرو ظلعهــا بلا ذنــب. وأتغـيـــرت أوضـاعهـا
بضعـة محمـــد ياأســـف. محـد سمعهـا وطـاعهــا
ضربوها والظلـع انصاب ـــــ من دفعـو اعليها الباب
اعليها النذل مد أيده ـــــــ أمنه الحنينـه أبعيـده
يافضه مانهوى الزاد
,,,,,,,,,,,,,,,,,,,,,,,,,,,,,,
النــوح يحـــلا الفاطمــــه. والدمعـه مـن نجـريـهـا
أمنـه وعزيـــزه وغــاليـــه. خلينـه نبجـــي أعليـها
الدنيــــه ماتــراد أبـــد. والزهـــــره ماهــــي بيــهـا
راحت يفضــه ام الوفـــه. اتــراب الكبـــر غاطيـهـا
صارت لحــد بيــن أللحــود ــــــ ماظنهــا للدار أتعــود
بغربة كبر ووحيـده ـــــ أمنه الحنينـه ابعيـده
,,,,,,,,,,,,,,,,,,,,,,,,,,,,,,,,,
خادم أهل البيت(ع)
الشاعر: حيدر كامل العبودي
07815363696

72

مؤسسة منبريون للشعراء

11 Nov, 05:28

أنكسر ظهري يدنيا     بعد شيعوض أمنه
ألعزيزة الغالية الطيبة الوفيــــة
ألصدوقة فاطمة الزهرة الزجية
بعد شيعوض أمنه
.........................................................
يا دنيا ألمكابر من تشوفيـــــــها
شجم غالي وعزيز المندفن بيها
وحشة أديارها وأتريد أهاليــــها
منو يسمعها يا دنيا ويواسيـــــها
وحشتها وحشتــــي     عشتها أنه ودمعتي
مثل شمعة أحترك صبح ومسية
ألصدوقة فاطمة الزهرة الزجيـة
بعد شيعوض أمنه
.........................................................
من أشتاك لأمــي فاطمة الزهرة
أركض عالصور واتذكر العشرة
أهنا جانت تلمنــه وتفرش السفرة
وكبـــل لا نبدي ناكل تطعم الفقرة
الحمام أيمر عليها     ياكــــل من أديها
ويـــــــــم الباب يغفى ألمغربية
ألصدوقة فاطمة الزهرة الزجية
بعد شيعوض أمنه
........................................................
طاحت أمي طيحة دمعة الفركة
والفاكد ظـــــلام المغرب أيخنكة
مثل أمـــــــــي حنينة ما بعد ألكه
الهوه لــو مر عليها أيعزب الملكه
العاشت كل عمرها    تغطينــــــه بعطرها
وبين أجفوفها نغفــــــــى سوية
ألصدوقة فاطمة الزهرة الزجية
بعد شيعوض أمنه
.................................................
خلف الباب لاذت من تولوهــــــا
وحركوا بابها وعالعين سطروها
صاحت بويه بويه لَمن عصروها
لحد ما طك ضلعها النوب جووها
أوي طيحتها شافت     المحسن يمه صاحت
وينك يا علــــــــــي ألحك علية
ألصدوقة فاطمة ألزهرة الزجية
بعد شيعوض أمنه
......................................................
حيدر والدمع يسبك خطـــى جدمه
فوك الكاع شاف أمطشرة النعمـــة
أنحنى ودمعه تبده وظاع كل رسمه
فاطم علــــــي بعدج باقي بس أسمه
اليشيع روحه بيده     شله بعمره ويريده
اعيش المن بعد رحتي امن اديه
ألصدوقة فاطمة الزهرة الزجية
بعد شيعوض أمنه
.......................................................
ترفه أمي وحسافة أتراب غطاها
كون وياها ميته ودفنتــــي اوياها
نص الليل أمــــي الزهرة شلناها
ومدري أشلـــــــون يا دنيا دفناها
حفر حيدر كبرها      ودفن روحه وكسرها
وداع الطالبـــــــــــي والطالبية
الصدوقة فاطمة الزهرة الزجية
بعد شيعوض أمنه
......................................................
خادم خدمة الحسين
الشاعر
محمد الموالي

69

مؤسسة منبريون للشعراء

11 Nov, 05:27

و براحتك
غِيب شكثر مَتريد عني براحْتَك
شعليــه بالناس الـ عليه بغايْـتَك
__
يابو صـــالح ... بأنتــظارك يا ضــوه
بجــمكرانـك ... روحي مرّه و نينـوه
بــيه خنــگه ... شيبَت خُلـگ الهــوه
هواي اگــلك ... يمته نــتلاگه ســوه

بحچايتك
أستغني عن كل الحچي بحچايتك
شعــــليــه بالناس الـ عليه بغايْـتَك
__
باليعـــجـبك ... يمتــه و بكيفك تِــهِـل
هواي أحبك ... و الـ يحــبك ما يــمِـل
مو جــديده ... اني اعشـگك من قَـبل
وما أعوفك ... وداعِــتَك لـــو أنـقِــتِل

و بعازتك
روحي اليتيمه يا حبيبي بعازتك
شعليــه بالناس الـ عليه بغايْـتَك
___
راح أندبـــك ... ما دمِـت يالمهدي حَـيْ
رَفـَّــعِــتـني ... و چنت ما أسوالي شَيْ
مِن أعطشَك ... حروفــك اتروينـي مَيْ
خيــمـة الله ... و چـفّـك المحبوب فَـيْ

و برايتك
گلبي يرف مشتاگ رفت رايتـك
شعليــه بالناس الـ عليه بغايْـتَك
____
تحت أمرك ... بيدك اطــشني و تلــِم
سر عشگنه ... صــعب لا ما يــنــفهِم
گبال عيني ... يــمته أشوفك يا حلِم
أبو صــالح ... رحِــت فدوه لـهالأسِم

و بعْمامتك
راح أشــم ريحة كربله بعمامتك
شعليــه بالناس الـ عليه بغايْـتَك
____
گــالو إنتــه ... تحچـي يا هذه صدِگ
كافي بَسّك ... عالـتِحــبّــه تــخــتنـگ
و أنه گـلبي ... بفَضْل ابو صالح يدِگ
بلا نهــــايه ... وياه يا محــله العشگ

تربايتك
عبدك و ابن عبدك أنه و تربايتك
شعليــه بالناس الـ عليه بغايْـتَك
_
مختصرها ... هـ الحيا دونــك عَـدَم
بارَكــــتلي ... حتى خـطوات القَـدِم
من تجيني ... أوگف أگــبال الخـدِم
بيدي جربه ... و بيدي يالمهدي عَلَم

بقرايتك
گلبي اشِــدّه بمـنبــرك و قرايتك
شعليــه بالناس الـ عليه بغايْـتَك

الشاعر حاتم صبري الكاظمي

69

مؤسسة منبريون للشعراء

11 Nov, 05:27

الليالي الفاطمية

الصعبة والچبيرة الـماكو حل إلها
هي فاطمة تحلها وتسهلها
"""""""
ادگ بس بابها وبهاي إلي اسباب
كلما باب تنسد هي تفتح باب
الـتمسّك بيها دنيا واخرة ما خاب
هاي حچاية اظل للموت گايلها
"""""""
والله اچبيرة كلش نظرة الزهره
صحة وعافية وتوفيق للفقره
آنه بخير لو تنظرني نُص نظره
نُص نظرة شكبرها لو احصلها
""""""""
لو انخاها ادري ما ترجعني
عقيدة عندي من اسألها تسمعني
بحلگ الحوت اذا اوگع تطلعني
عقيدة عندي بيها ما ابدلها
"""""""
على نيتي اسولف إلها امنيتي
ولان تعرفني اطلبها اعله لاهيتي
تنطيني على گد فطرتي ونيتي
غير الزهرة ماكو واحد ايحلها
"""""""
اذا طحت بمصيبة چبيرة ما تسهل
بجاه الزهرة لله ادعي واتوسل
سبحان الله رأساً تسهل وتنحل
صعبة وسهلة يمها تنگضي كلها
"""""""
شكراً فاطمة ما قَصرَت اويايه
بس انه اطلعت لمقصر هوايه
اخدمها رضت متفضلة بـهايه
اظل افضالها عالراس شايلها
"""""""""
وگفات الزچية بيش اجازيها
ما فد يوم ردتني امن احاچيها
الچبيرة والصغيرة هي تگضيها
تگضيها لذلك منها اسألها
"""""""""
دوم لفاطمة اهمومي اسولفها
وسوالف گلبي هي كلها تعرفها
شعد افضال مولاتي وشوصفها
لو اگعد واعدها ما اكملها

انيس الخفاجي الكربلائي

75

مؤسسة منبريون للشعراء

11 Nov, 05:27

الليالي الفاطمية
شوط كربلائي

على حب فاطمة نبقه اهل دمعة واهل فطره
احنه بصاية الزهره سلام الله على الزهره
"""""""""
يسألونا عن الزهرة شكثر وشگد تحبوها
بسؤال احنه نجاوبهم نِعَم الله تعدوها ؟
نحبها گد نِعَم الله اظن هسه عرفتوها
نِعَم ربنا فلا تنعد
نحب مولاتنا هلگد
نحبها هلگد وأزيد
حبنا بالحقيقة اكثر لكن ردنا نختصره
"""""""""
ندور بالعيون نريد عيون امن البچي ابيضت
ندور بالصدور نريد گد ما لطمت انرضت
ندور بالگلوب نريد گلوب لفاطمة حفظت
تشبهنا ندور ناس
تبچي اعله الضلع باحساس
وتلطم عالصدر والراس
وينه المحترگ گلبه لـعالزهرة يرض صدره
""""""""""
عشنه وليعيش يشوف اشكال القصص وانواع
كلشي يشتره وينباع الا الدمعة ما تنباع
دمعتنا على الزهرة لو نزلت ترج الگاع
مو كل دمعة يا وادم
دمعة تنحسب لازم
بس الچانت لفاطم
هاي الدمعة صدگية ما تنباع ولا تشره
"""""""""
مرات الحسد ينراد وآنه اشرحلك المقصود
من تنحسد عالخدمة هنانه هالحسد مريود
يهنياله الف مرة خادم فاطمة محسود
رزق من الله هالخدمه
خادمها تره برحمه
بـنُص الخير والنعمه
مثل خدمتنا ما موجود خُم العالم ودوّره
"""""""""
شـيسموكم ايسألون ومنو انتو يسألونه
نجاوب وبفخر ونگول خدم فاطم يسمونه
دون الناس طينتنا بحب الزهرة معجونه
سؤالك احنه جاوبناه
وعنوان السكن گلناه
بمجلس فاطمة تلگاه
يبقه يصيح يا زهراء حتى الميت بگبره
"""""""""
ناس تگول وين الله بهاي الخدمة ينقبلون
وآنه الزهرة قبلتني اخدمها اويه ليخدمون
وجه وگفه ابوس ايدي ولها شاكر وممنون
لهذا الدرب جابتني
هي بأسمي طلبتني
وخادم إلها حسبتني
عين الزهرة نظرتني والله شـكبر هالنظره

انيس الخفاجي الكربلائي

70

مؤسسة منبريون للشعراء

11 Nov, 05:23

خادم الزهره وأظل أتباهه ..
              وأبقه دوم على العهد وياهه ..
          يالزجيه .. يالزجيه
.....................................
انه خادم وابقه رافع راسي ..
فاطمه انتي الهوه البنفاسي ..
أغلى من اخواني وهلي وناسي ..
ونبض كلبي حيدري وعباسي ..
دوم مأساتج تعيش ويانه ..
             ياأساس المذهب وعنوانه ..
        يالزجيه .. يالزجيه
......................................
هالهويه بحب علي مختومه ..
وبصمة العباس سبع الحومه ..
وبيهه دمعه عالوجه مرسومه ..
عالذبيح السلبوله هدومه ..
للزجيه خادم وتدروني ..
               دوم ماينشف دمعهه اعيوني ..
       يالزجيه .. يالزجيه
....................................
انه مابطل ابد وناتي ..
عالوجن حفرن نهر دمعاتي ..
عالزجيه الطاهره مولاتي ..
ادري بيهه تقضي كل حاجاتي ..
خيرج مغطيني حد الهامه ..
                       نظره يامولاتي لللطامه ..
يالزجيه .. يالزجيه
..............................
الليله عالزهره لطم وقرايه ..
وكلنه نحضر مجلسج وفايه..
كوثر انتي والشرب من مايه..
غرف منج مكرمات هوايه ..
مكرماتج فاطمه مشهوده ..
                       اي وحك الكطعوله ازنوده ..
يالزجيه .. يالزجيه
.................................
الحضر مجلس فاطمه هنياله ..
لابس اسود واللطم يحلاله ..
الليله تجري دموعنه هماله ..
جن شهر عاشور هل اهلاله ..
هالليالي الفاطمه نحييهه..
                      أبوصالح ندري حاضر بيهه ..
يالزجيه .. يالزجيه
.................................
الليله حتى المنبر يهل الدمع ..
عالزجيه الطاهره وكسر الضلع ..
كل موالي الليله خل يعلك شمع ..
من قره الرادوود نبجي ونستمع ..
الخدمه كلمه والعرف معناهه ..
                          هامته بعلو النجم علاهه ..
يالزجيه .. يالزجيه
.....................................
الزجيه عاشت بوجداني ..
ابد مافارك اسمهه الساني ..
ابقه للموت أبغض المرواني ..
ألعن الاول وأسب الثاني ..
الظلم بضعة طاهه والوج ناره ..
                             بصدر كل شيعي غرز بسماره ..
       يالزجيه .. يالزجيه
......................................
حيدر مطر العبادي

72

مؤسسة منبريون للشعراء

11 Nov, 05:23

ابعلة الرضه الزچيه امغمضه العين
من نزف جرح ابصدرها وألم ضلعين
ومن متن بالسوط ازرگ شبگت البين
وصار كالدملج عليها بأيد ليمين
ساعه تنحب موت ابوها ساعه لجنين
وساعه تنحب عالجراها من لثنين
ماتت المقهوره حسره ابلطمة العين
وخلفت زينب يتيمه وحسن وحسين
…
الله يلعن من ظلم
وصدر ام شبر هشم
يدري بالزهره وعلم .. والصدر عاب
الله عنهم لا رضه
والزچيه امرضرضه
ابوادي بجهنم حضه .. دافع الباب
@@@
احنه نبچي هالمصيبه ابصوت مسموع
ونخبر الامه گلبنه دامي مفجوع
من بعد طه ابوها شمعه واتموع
وصوتها ابكثر النياحه صار مگطوع
الزهره مو سهله علينه ابنعش مرفوع
ابليل شيعها بوشبر يسچب ادموع
الوديعه ردها لاچن خدها مصفوع
والنبي بنته استردها مكسره لضلوع
…
ينعه عالزهره الفلك
وكل نبي وهم كل ملك
عاللي سلبوها فدك .. وشافت الويل
وحنه شيعه حيدره
عالعزيزه الطاهره
دموم مدمعنه جره .. لمن اتسيل
@@@
لفاطمه نكتب عهدنه ابعزم واصرار
واللي ينكر هالمصيبه اشعنده اعذار

كل سنه نذكر هجوم الباب والنار
ومحنة الزهره الزچيه كنز لسرار
ام ابيها الگال عنها جد لطهار
وكوثر القرآن فاطم نور لنوار
هاللي لو مالله خلقها ما فلك دار
وما خلق طه او وصيه حامي الجار
…
وارثه طه النبي
طگها تالي الاجنبي
يا دموعي اكتبي .. عهد للموت
ابد مانسه فاطمه
والضلوع امهشمه
والنياحه للسمه .. ابعالي الصوت
@@@
هاللي تخدمها ابعلاها الحور واملاك
ترى بالمحشر شفيعه فاطمه هناك
تجي للشيعي وتگله صك نجا هاك
لجنتك روح ابسلامه وعلي وياك
محبة الزهره يشيعي الله اعطاك
وللعطيه مو قليله لمه سواك
اشكر اللي بالزچيه كون رباك
شكر ما تحصي نعمها ابطول محياك
…
فاطمه دين وقيم
وبيها منجاة الامم
وبالصدر الها حرم .. مخفي بالروح
يمته نگصدها ونزور
وعلى گبتها ندور
ويوسف الزهره بحضور .. يجي ويروح
@@@
علي أحمد الحمود
٨-١١-٢٠٢٤
شهادة الزهراء ع

67

مؤسسة منبريون للشعراء

11 Nov, 05:16

من دفعو الباب عالزهرة مولاتي
كسر الظلع بان وأبتدت مأساتي
صاحت يفضة سنديني
قد اسقطو مني جنيني
…… ..... وأبتدت مأساتي
… ..

من هجم عالباب أبحقد… اتلكتة ريحان الورد
يدفعهة صار وهي تسد… حد ما كسر منهة الظلع
صاحت يفضة لحكي … بظلوعي حيل اتشبكي… ما حس بدية حركي…
ألباب فوكي منطبع
غطني بحجاب السمة … لا حيدر ايشوف الدمة… كسرت ظلوعي أتألمة
بالج يشاهدلج دمع

حيدر لون شاف كسري ونزف دمي
من طولة يوكع موته يصح يمي
اخُذي بكفي وسديني
قد اسقطو مني جنيني

……
أتعنيت الهة ابلا وعي … وعالخد يسايل مدمعي … صاحت يفضة طلعي … بظلوعي بسمار أنغرس
حاولت وياه اشكثر… منغرس حيل امن العصر… كل ما اسحبة تحتضر
ويضيك للزهره النفس
كل هذا وبحيدر تهم … موش بجرحة الملچم … ليهة السمة مطرت نجم.
والكمر ينعى اوية الشمس

عالزهرة ياناس شفت الورد يبچي
وعيون الحسين متحّيرة اشتحچي
صيحاتُ حزنٌٍ تعتنيني
قد اسقطو مني جنيني
… .
حاولت اشيلنهة وشفت… كسر الظلع بيدي وعفت… ساعتهة حيل اتخوفت… منظرهة يبجلة الصخر
كالتلي فضة اتحملي .. الخاطري والخاطر علي… عن حالي لا لا تسألي
متألمة حيل امن الكسر
كل حيل ما ظلي بعد … بالباب احس صدري أنمرد… ياجرح أعوف وجرح اشد
والنزف ماخذني وكثر

بنت النبي اشلون هيجي يجازوني
يافضة ترضين عالعين سطروني
لم يكتفو جرحاً بعيني
قد اسقطو مني جنيني
… ..
محسن شفت فوك الارض… نازف دمة بطول وعرض… بمصابة بچة اهل الفرض… وعيون اخوه احسينة
غطيته بمصلايتي … واعلية تسايل دمعتي … الزهرة أشد من حالتي
من شافتة امغطينة
صاحت يسباح الگلب… وسفة يغطيك الترب… مو هين افراك صعب … يل ماعشتهة اسنينة

ما شبعت العين من شوفتك ليلة
مستجعل الموت تابوتك ايشيلة
يا هل ترى ذنبي بديني
قد اسقطو مني جنيني
… ..

شحجي وشسولف عالجرة … جيش وهجمة اعلة مرة … والدار نار أموجرة… البيهة الوحي تنزيلة
كادو علي بحبل الغدر… ظهرة بوصية منكسر
والزهرة خدهة منسطر … نازف دمة اعلة الشيلة
طلعت وماخذهة النزف … واعظاهة كلهة ترتجف… خلو أبن عمي يا حلف
لو راسي اكشفة الليلة

من أكشف الراس والدمعة أجريهة
دنياكم أبساع بارينة يمحيهة
لا يرضى ربي في انيني
قد اسقطو مني جنيني
… ..
الحمد الله رب العالمين
اللهم صل على محمد وال محمد
موسى الخادم

66

مؤسسة منبريون للشعراء

08 Nov, 08:54

يا بـاب الـزچـيـه الـمـا طـفـت نـارك
لـيـش ام الحـسـن عـذبـهـه بسمارك

                         *------------*-------------*

من غـاب الرسول اشفعلوا الاصحـاب
سـولـفـلـي الـرئـيـتــه والجـره يا باب
الجِنَتْ شنهي الزچيه والضلع ينصاب
مــا أدري واريـــد اتـوضـح الاسـبـاب

سـولـفـلـي الصحابه اشسووا ابدارك

                         *------------*-------------*

اشجنت بضعة محمد تحمل العـصـره
أشذنب طفل الجنين المـا كمل عـمـره
الطهر صدت عليه ومخضب اتـنـظـره
ذبـلـهــه الـحـزن چــن ذبـلـت الـزهـره

اشـهـد عـالـعـصـرهـه أوضح اخـبـارك

                         *------------*-------------*

اكـشـف من يـسـمـوهه البـعـض صحبه
الـعـصـابـه المـجـرمـه الماراعوا القـربـه
يـاهـو عــالــزچـيــه هـالـحـقـد صـــبـــه
ويـاهـو ألـي أشـد اتــجــاســر بـحــربــه

ولاذت فـاطـمــة مـجـروحـه بـكــتــارك

                         *------------*-------------*

چـم ظـالـم اجـاهـه شـفـتـه وٱعـصـرهـه
البضعه الـطـاهـره الـجـهـلـوا قـدر سرهه
خـلـوهـه بــدمــع جـرحـت نــــواظـرهـه
مـكـســورة ضــلــع والـثـانـي خـاطـرهـه

ويـاهـــــه عــلــي بـالـفـاجـعـــه اتـشـارك

                         *------------*-------------*

يــأذي الـهـادي فـــاطـــم مــن يــأذيــهـــه
أمــه وبــضــعــتــه والــكــل درت بــيـهــه
يـبـاب أشـهـد غـداً عـالـهـجـمـوا اعـلـيـهـه
عـلى الـخـلـوا جـرح والـدمـعـه تـجـريـهـه

جـبـريـل بــشـرف بـالــعــتـبــه يــتــبــارك

                         *------------*-------------*

✍ خادم الزهراء ع
الشاعر رعد الجريخي

319

مؤسسة منبريون للشعراء

08 Nov, 08:54

ولادة السيده زينب (ع)

أميره وبت امير
على العالم تصير
١

كل خادم من يحضر
شايل الياس
بميلادچ يازينب
برقه واحساس
بالمحفل وينادي
وتسمع الناس
بالفرحه هالليله
انهني عباس

بالفرحه نعقد احنه الليله
محفلها فايز اليسعيله
والزهره حتمآ وتدعيله

أميره وبت امير
على العالم تصير

٢

كل احنه التمينه
ونصفگ الراح
بميلاد الحوريه
ونعلن افراح
من نشتم من عدها
عطر فواح
كل همنه اتناسينه
والگلب صاح

نحضرلج جينه واتعنينه
وبأسمج خدم واتسمينه
يازينب احنه من نادينه

أميره وبت امير
على العالم تصير

٣

بميلادج هالليله
الخاص والعام
يتعنه للمحفل
رافع الهام
بالصفگه يحضرچ
بيده اعلام
والعاشگ حالفلچ
الليله مينام

اتعنينه بمولدچ عنايه
والغايه زينب انته الغايه
وابصمنه بدمعت الوفايه

أميره وبت امير
على العالم تصير
٤

بميلاد العلويه
بنت الاكرام
نتشرف هالليله
الها خدام
مانوگف بالأول
احنه مادام
من نشعر بالمهدي
هو گدام

يتقدم واحنه نبقه التالي
والغالي ايمون دوم الغالي
لو متنه الها لا منبالي

أميره وبت امير
على العالم تصير
٥

نختمها الحفلتنه
والعهد صار
بالمولد يازينب
سر الاسرار
من عدنه اخذيها
هاي الاخبار
خدامچ كل احنه
ازغار وكبار

بت حيدر انحبچ دمادامج
يازينب هاي تبقه ايامج
سجلينه خدم من خدامچ

أميره وبت امير
على العالم تصير

لاتنسون والدي ووالدتي وأبني عباس من الرحمه والمغفره خادمكم رياض الرسل الجابري

247

مؤسسة منبريون للشعراء

08 Nov, 08:54

ابو ذيات جديده لميلاد سيدتي زينب

ألي راي . او خصيمي. ... عنده رايه
اعله زينب . من أسولف .. عن درايه
الكوثر أمها . والأب ....... عنده رايه
انبياء الله خذت الها تحيه ...

مثل زينب دگلي .. منهي عدكم ؟؟
ولو نُص عُشر خصله .. منها عدكم
العقل يامن تضدها ... منهي عدكم
او عماكم الله دنيه او آخريه

الشرف من دون اسم زينب ... مناراه
على روس الخلگ ضلت .. مناراه
لأسمها اركع او أسجد ..... من آراه
واصلي اعليها كل صبح او مسيه ...

ابخامس من جماد الفرح ... هَل هَل
او جميع الساكن الجنات .... هَلهَل
يحاضر بل حفل شمتان ؟؟ ... هلهِل
اخت عباس هاي الهاشميه ...

باب النار ربي اليوم .... ساده
ابمولدها . علينه الفرح .. ساده
علويه . واهلها اشراف ... ساده
شمس واشرقت فوگ الرافضيه ...

ابو فاطمة الطائي

151

مؤسسة منبريون للشعراء

08 Nov, 08:54

هوسات لميلاد سيدتي زينب عليها السلام

1

يامن تنشد اعله العيد او عندك تايه احسابه
سؤالك عندي لا تعجب يومن تسمع اجوابه
صُبح الخامس امن اجماد الباري واحزابه
واهلاله وي مولد زينب

2

لا مريم ولا بلقيس لا أم موسى لا هاجر
زينب والحچي مگطوع مثلها او لا خدر صاير
يوصفّها وحي المفروض ما يوصفها اي شاعر
چن مصحف يصعب تأويله

3

يوم انولدت الحوراء صارت بالسمه ضجه
لان بل مهد كلمن طاف محسوب ابالف حجه
الطريق امن السمه للگاع انترس والحور تترجه
بت حيدر خل ترضا اعلينه

4

هلا يامن نضل لولاچ محد للشرف يعرف
هلا يل هيبتچ تاريخ من عدها الفخر يغرف
امن اوصفچ نبي آنه ابهاي ما بالغ ولا اسرف
يا تاج الدين او نوماسه

5

زينب بيچ ضل محتار عگلي والفكر مرهق
زينب انتي التوحيد وانتي العدل وانتي الحق
ابميلادچ سكت هل كون بس ضل هيبتچ تنطق
واتضل تنطق حد الساعه

ابو فاطمة الطائي

133

مؤسسة منبريون للشعراء

08 Nov, 08:54

لميلاد سيدتي زينب عليها السلام

يا هلا ياهلا خدر الله اشرق نوره
ياهلا ياهلا دنيانه بي مسروره
______________________

هلا بل نور العظيم الزاهر
هلا بل أسم الجليل الطاهر
زينب البيها غدينه انفاخر
يوم مولدها فرح وانساهر

نفرح انغني ابشغف
صوت يوصل للنجف
والحفل هاذه هتف

يا هلا يا هلا بالنعمة المبروره
ياهلا ياهلا دنيانه بي مسروره
______________________

خبر مولدها السماء اتذيعه
او صار اجمل عيد عند الشيعه
لو نبيع ارواحنه منبيعه
او غير زينب ما نحب . منطيعه

فخر بيت آل الرسول
زهره من غصن البتول
الها يوميه نگول

يا هلا يا هلا ارواح الچ منذوره
ياهلا ياهلا دنيانه بي مسروره
______________________

الورد والريحان يشتم بيها
والفراشات ابشِعِر تطريها
والبلابل صوتها ايناغيها
هلا يل مثل عسل طاريها

ابشارة الله للأمير
زينب العيد الچبير
هيه للزهره غدير

يا هلا ياهلا يل بلگلب محفوره
ياهلا ياهلا دنيانه بي مسروره
______________________

زينب امن الله العلي امودّايه
الله خصّه او كرّمه ابهل آيه
گلّه هاذي للعفاف امرايه
بيها نفسك يا علي امهنايه

صافيه او مثل الزلال
نسمه چنها امن الشمال
الوصف الها محال

يا هلا يا هلا چن عطر منثوره
ياهلا ياهلا دنيانه بي مسروره
______________________

يوم مولدها الملائك طارت
او عله بيت الزهره كلها اندارت
اتهلهل الحور ابمهدها او صارت
صافنه . ابهاذه البهاء احتارت

سبّحت رب الكريم
او نادت ابصوتن عظيم
هاي نفحه امن النعيم

يا هلا ياهلا چنها عدن وزهوره
ياهلا ياهلا دنيانه بي مسروره
______________________

بهجة الشيعه چبيره الليله
والحفل كلها ابشغف تمشيله
بسم زينب هل فرح ترتيله
غيرها من يسوه ليل احييله

سيدة كل الوجود
ابعيد مولدها اجود
بالگلب مو بالورود

يا هلا. ياهلا يا مركز المعموره
ياهلا ياهلا دنيانه بي مسروره
______________________

ابو فاطمة الطائي

100

مؤسسة منبريون للشعراء

08 Nov, 08:54

لميلاد سيدتي زينب سلام الله عليها

ابنور زينب اشرقت دنيانه
إنهني الزهره . او علي مولانه
يا هلا يا هلا يا هلا ابزينب
________________________

أجمل أبشاره الله زفها للميامين
يوم خمسه اجماد الاول كحلة العين
بيه ميلاد العقيله اخت الحسين
هل مثلها حاشا ربي خالق اثنين

الله حاسبها مثل قرآنه
چنها حوريه ابوصف انسانه
يا هلا يا هلا يا هلا ابزينب
________________________

اصطفت الاملاك كلها او سجدت الحور
من ضوه ارسوم العقيله تقتبس نور
اليوم كل طاهر ولاده الها مسرور
كعبة الأشراف زينب ام الخدور

الكوكب الدري وصف معناها
يسبحان المن طُهر سواها
يا هلا يا هلا يا هلا ابزينب
________________________

اشرقت لعيون فاطم باحلى مصباح
وابتهج بيت الرساله والعطر فاح
من عبق جنات عدنن بيها قداح
يجبر المكسور گلبه او يحيي الارواح

زينب او بيها السمه تتباها
بضعه للبضعه الهي انطاها
يا هلا يا هلا يا هلا ابزينب
________________________

اعيون ابو الحسنين بيها هل فرح بان
انولدت ابنيته الوجهه يمحي الاحزان
بل مهد متروسه هيبه چنها سلطان
سورة النور اوصوفها الأنس والجان

على صدره حيدره ضمّاها
او مثل شمته للورد شمّاها
يا هلا يا هلا يا هلا ابزينب
________________________

والحسن مسرور يمها رايح او راد
وابمهدها اشكثر خله ازهور ووراد
عيد ميلاد اخته عنده احلى الاعياد
ايصلي وايسلم عليها او يقره اوراد

يصد ليها ضاحكن مسرورا
چنها در امن العدن منثوره
يا هلا يا هلا يا هلا ابزينب
________________________

والحُسين ابسد مهدها ما رضه ايگوم
بيها فرحان او يسولف ويه النجوم
ايگلهن اجمل هاي منچن . واكمل ارسوم
اشلون فرحه اشلون بهجه عندي اليوم

هيه روحي والنظر واعيوني
هاي زينب بيها لتلوموني
يا هلا يا هلا يا هلا ابزينب
________________________

ابو فاطمة الطائي

91

مؤسسة منبريون للشعراء

08 Nov, 08:54

باچر اترف رايته المنصوره
او نمشي الگبر الزچيه انزوره
يا مهدي يامهدي يامهدي يامهدي
____________________________

باچر ايرد لينه بالفرج مهدينه
الفاطمه ايودّينه قرّة العين

وعد الله والوعد أنَّ المهدي غالب
يِرد واترد شيعته في اعلى المراتب
او درب مرقد فاطمه تمليه المواكب
يضل بس مذهب علي ما تبقه المذاهب

شمسه تطلع عل الارض والشيعه
يم گبرها ايجددون البيعه
يا مهدي يامهدي يامهدي يامهدي
________________________________

باچر ايرد شاهر ذو الفقار الباتر
واحنه بيه انفاخِر رفعة الراس

نمشي او نرفع لافته مخطوطه او مُبينه
هل يوم ارض الله اشرقت من نورك ولينه
أيتام رد ألنه أبو يزعل لو بچينه
احنيّن ياخذنه ابشغف يم گبر الحنينه

اجروح ايام الهجر ننساها
لو نظرنه بسمته او شفناها
يا مهدي يامهدي يامهدي يامهدي
________________________________

باچر الكم بشرى يل خدمتو الزهره
لا دمع . لا حسره لا عتابات

ضلع فاطم ينجبر والدملج يشيله
او زراگ ابخد فاطمه مهدينه يزيله
لَمَن يعقد محكمه لاصحاب الرذيله
يحاسب كلمن دفع باب الله الجليله

عل مضالم وحده وحده ايحاكم
او يصلبه ابشجره السطر خد فاطم
يا مهدي يامهدي يامهدي يامهدي
________________________________

حكم الله او نازل سيفه ابد ميجامل
على راس القاتل او تفرح الآل

يا ويله الگايل ( وأن ) للزهره او ضلمها
دره مدري ما دره ابهل كلمه او حكمها
كلمه هيه الأسست للطف او هظمها
لحسين من عدها عطش . وعياله سگمها

احسين من عدها ابرمح ضل راسه
او چم امام اتگطعت انفاسه
يا مهدي يامهدي يامهدي يامهدي
________________________________

أله يرجع ثاره وگلبه تبرد ناره
او تبتسم أنصاره عگب الالام

على المنبر يرتقي والشيعه تسمعه
(صلى اللهُ )يبتدي او تنزل منه دمعه
ابصحن لحسين او لچن لامه الزهره ينعه
يگلها ثار الضلع واعدتچ ارجعه

او بدت من طف كربلا مشايه
لحد گبرچ رايه تسبق رايه
يا مهدي يامهدي يامهدي يامهدي
________________________________

حتمن ايرد النه وابعباته أيلمنه
احنه غيره اشعدنه هو الانفاس

حتمن ايرد او نشمه يا تراب اجدامه
يجي والمحزون چاين تنسعد أيامه
حتى طير الفوگ شجره تكتمل احلامه
او كلشي فوگ الگاع ينحني جدّامه

الله حاشا ما خلف ميعاده
هل أرض كاتب ترثها الساده
يا مهدي يامهدي يامهدي يامهدي
________________________________

ابو فاطمة الطائي

110

مؤسسة منبريون للشعراء

08 Nov, 08:54

أمير المؤمنين بلسان الحال يخاطب الزهراء بعد دفنها :

وين اروح .. روحي يل زهره عگب عينچ غريبه
وين اروح .. صبر ما ضل عندي من هاي المصيبه
يمن چان ابشوفتچ جرحي يطيب
علي مكسور الجنح ضل او غريب
وين اروح وين اروح
__________________________________

چلچل الليل او عيوني چن ملح محطوط بيها
لا تنام اسويعه تقبل لا رضت تگطع بچيها
اعيوني مشبوحه الحجرتچ جَر تجرجرني عليها
والگه بس اعبايه سوده عل جدار امعلگيها

هل عباه .. اصد ليها او گلبي ايفر من مچانه
هل عباه .. صور بيها عن فرح راح ابزمانه
راح وابدال الفرح حل النحيب
علي مكسور الجنح ضل او غريب
وين اروح وين اروح
__________________________________

آنه عگبچ يل زچيه طير عشه امهدمينه
حدره الصياد جاعد او صگر فوگ اتخزره عينه
لو اجي الگبرچ انوحن خاف الچمچ يل حنينه
او من ترد للدار روحي تلگه باب امحرگينه

الگه باب .. على دم اضلوعچ أيأشرلي چنه
ألگه باب .. اهنا يحيدر ماتت الكلها محنّه
وآنه كلما اصدله دلالي يشيب
علي مكسور الجنح ضل او غريب
وين اروح وين اروح
__________________________________

دهري والليل وجروحي اعليه متحزمات كلهن
وين اروح او اشكي المن تعّبني او تعّبتهن
فاطمه كلشي احتملته اشگد مصايب عبّرتهن
لچن بس ساعات هجرچ يصعب اعليه احتملهن

بس تعاي .. لاني ميت لا عدل عگبچ يروحي
بس تعاي .. ردي يل بعدچ مثل يعگوب نوحي
الباب طفوها او بقه ابگلبي اللهيب
علي مكسور الجنح ضل او غريب
وين اروح وين اروح
__________________________________

هاي أول مره اوگع وانكسر مني جناحي
فاطمه رحتي او دليلي اتگول تحفر بي مساحي
اعيوني ليل انهار تجري وين اليگلها استراحي
وين اليردچ أليه واليداوي لي جراحي

امن العيون .. ياهو يمسح صورت الطيحه الرهيبه
امن العيون .. اشلون اوخر عصرة الباب او لهيبه
او صيحة الـ آخ الّي عنّي ما تغيب
علي مكسور الجنح ضل او غريب
وين اروح وين اروح
__________________________________

يا حياه تنعاش عگبچ او ياطعم بيامي باقي
وآنه من ينجاب اسمچ روحي توصل للتراقي
ابكل نفس تطلع لي شيبه وابكثر شيبي اشتياقي
ريت گبرچ ليّه ينطر او تحصل أسويعة تلاقي

ارد اجيچ .. او شوفي اضلوعي الغدت عگبچ نحيله
ارد اجيچ .. يمچ ارفع ايدي ل الله وارد اسيله
وارد اگله اقبضني ابجاه الحبيب
علي مكسور الجنح ضل او غريب
وين اروح وين اروح
__________________________________

آخ يل زهره وحگچ المر علي محد يحمله
او دمع عيني الي هملته غيم ما يگدر يهمله
يوم بغيابچ كتلني اشلون لو طالت المهله
يمته هل شيبه اتخضب واندفن والموته تحله

يل بتول .. علي مو نفسه علي حامي الحميه
يل بتول .. علي صار اخيال عگبچ يل زچيه
شاحب او نحلان محزون او كئيب
علي مكسور الجنح ضل او غريب
وين اروح وين اروح
__________________________________

ابو فاطمة الطائي

87

مؤسسة منبريون للشعراء

08 Nov, 08:53

هوسات لولادة العقيلة زينب عليها السلام

زهره اتفوح ولدت من شذا الزهره
ومن نور الامامه منهج. وثوره
ومن فكر النبوة مبدء وقدره
(من اثلاثه اتكون معدنها )

من اثلاثه عزمها انرسم وأتصور
من جدها الحبيب وفاطمة وحيدر
بمولدها ابتهج بيت الشرف وازهر
( زينب هاي إرباة الزهره )

يانور التجادح نوره من كوكب
شگد ميزات عدها وشأن يم الرب
ال ( طه )أيگول سمي هلبنت زينب
(زينب مأمور ايسميها )

الشاعر حسن لعيبي الحريشاوي

82

مؤسسة منبريون للشعراء

08 Nov, 08:53

قصيده گعديه   لولاده العقيلة
زينب سلام الله عليها

جود وسماحه وكرم
زينب سجاياها
متعلمه وعالمه
من حيدر وفاطمه
زينب سجاياها
★★★★★
عنها من ياجانب احچي كون يسعفني كلامي
ابخشوع انحنه فكري   متصل الها ابسلامي
اختار اسمها الباري زينب الهلاسم كل احترامي
عن الگمر من ينسئل
حتماً بنوره يستدل
يعني مضامين واصل  من اصل طاهر وسامي

صبر وعطاء وهمم
رب السمه انطاها
وغذّاها رب السمه
من حيدر وفاطمه
زينب سجاياها
★★★★★
قدر عالي انطاها ربها  تستحق هاي الكرامه
من النبوه طبع بيها   وخذت من صبر الامامه
من نسل للكون بيهم   كوّن الباري   نظامه
بهلمولد الدنيا ازهرت
وارض المدينه نورت
من يوم للدنيا اجت خير جيتها وسلامه

تغذت علوم وقيم
وصارت مزاياها
ربها الطبع قسمّه
من حيدر وفاطمه
زينب سجاياها
★★★★★
من مهدها الحد لحدها   حل وسط لاماتقبله
طبع مثل حسين بيها    ماتذلها المحن مثله
كملّت خطواته لمن بالرمح راسه   تعلّه
ذلت يزيد وزمرته
للارض دنگ هامته
مذلول ساكت خلتّه ماجنه   غير المذله

اصبح ذره مثل العدم.
لمن حچه وياها
طبع وصفات وسمه
من حيدر وفاطمه
زينب سجاياها
★★★★★
رغم ماصار وتغير. غيرت مجره القضيه
ابلاغة علي صالت  وبفكر امها الزچيه
والثرى شمهما تعله. وين يوصل للثريه

لا ماضعف منها العزم
بنت المواقف والعلم
ماكو هواده   ولاسلم ثوره ضد أهل الرديه

بنت الشجاعة والشيم.
كل شدّه تلكاها
متهاب كل موزمه
من حيدر وفاطمه
زينب سجاياها
★★★★★
بياوصف لو وصفتها   بالعجز وصفي توجب
من بعد شرحي وكلامي لخصتها بكلمه ( زينب)
بعيد عن الذل طبعها. هيه من العصمه اقرب
بزود وعزم من سطرت
تاريخ بيه اتميزت
وي ابواليمه جاهدت من صعاب الزمن اصعب

للمجد معنى اتم
للعرف معناها
واطباع مستلهمه
من حيدر وفاطمه
زينب سجاياها

الشاعر حسن لعيبي الحريشاوي

95

مؤسسة منبريون للشعراء

08 Nov, 08:53

ابوذيه لولادة العقيلة زينب سلام الله عليها

السعاده التحل بچفوفي محلها
وحگ اسم الجله اهمومي محلها
السعادة اليوم ياشيعه محلها
ولادة زينب ارباة الزجيه

الشاعر حسن لعيبي الحريشاوي

167

مؤسسة منبريون للشعراء

08 Nov, 08:53

شنهي نهايتها الروح (وزن الچلمة ونص )

حسبه تجي وحسبه تروح   شنهي نهايتها الروح
برحلة مصيري محتار
لوجنه باچر. لونار.    شنهي نهايتها الروح
★★★★★
يوميه غربه وترحال. ماساعه يرتاح البال
ولاتثبت الدنيا بحال   بهذا العمر مهما طال
بوجهي تصيح الأيام
ياغافل اصحه ولتنام
من هسه لازم تختار. لوجنه باچر لونار
شنهي نهايتها الروح
★★★★★
روحي تظن كلشي يدوم. مانفع وياها اللوم
وكل يوم اصعب من يوم تجهل دربها المعلوم
المحتار باچر ميحير
ويعرف بياحال يصير
دارين منهن يادار. لوجنه باچر لونار
شنهي نهايتها الروح
★★★★★
دنيا صفت كلها الغاز. يلفاگد اهواي اعزاز
راحوا بأدين الجناز.    الموت منك. ماجاز
تتعنه لويتعناك.
وبياخبر يتلگاك
حتماً تجيك الأخبار. لوجنه باچر لونار
شنهي نهايتها الروح
★★★★★
دنيا حلم ماظنيت. شقدمت بيها اسويت
بدرب الندامه رديت. ماتنفع بيوم الريت
باچر خبر بيها اتصير
تصبح خبر مثل الغير
لاتعتب على الأقدار.   لوجنه باچر لونار
شنهي نهايتها الروح
★★★★★
يوم الحشر تدري يطول عن فعله كلمن مسئول
جيت بطلب مامقبول.     رجعني يارب اتگول
هيهات ناده الرحمان
فرصة وخذتها يفلان
شماقدمت من اعذار.   لوجنه باچر لونار
شنهي نهايتها الروح

الشاعر حسن لعيبي الحريشاوي

152

مؤسسة منبريون للشعراء

08 Nov, 08:53

لولادة عقيلة الهاشميين زينب سلام الله عليها

ياهله بميلاد زينب ياهله
مهجة الزهره الزچيه الفاضله

الكملت دور الحسين وسيرته
وكل حمل مطروح زينب شالته
والعدو مهزوم خاسر ذلته
صابره بنت العلوم الكامله
ياهله بميلاد زينب ياهله

لولا زينب مابقه للحق شكل
كَملَّت درب المفاخر والعدل
حتى مدمعها غضب لمن يهل
واعتراض على الطغاة وزلزله
ياهله بميلاد زينب ياهله

من قيود چفوفها بيوم الأسر
قررت ثورة اخوها تنتصر
والعدو مذلول يرجع منكسر
تشهد الشام ومواقف كربله
ياهله بميلاد زينب ياهله

ياهله بميلادها الكل مستعد
كل موالي اليوم گلبه منسعد
يحله لم الشمل ونطش الورد
وبالسعادة الكون هليوم امتله
ياهله بميلاد زينب ياهله

مسعده هليوم علشيعه يمر
بمولد الحره العقيلة ام الصبر
هذا أجمل يوم بأيام العمر
اليوم كلنه بلفرح نستقبله
ياهله بميلاد زينب ياهله

الشاعر حسن لعيبي الحريشاوي

89

مؤسسة منبريون للشعراء

08 Nov, 08:53

لولادة العقيلة زينب سلام الله عليها

من أهل بيت النبوة.    زينب إرباة العلم
نعمة الله شلون تنعد. حتى ينعد النجم
بيش يتوصف قدرها. حتى ينقاس بحجم
بمولدچ فرحت الدنيا . الكون كله مبتسم
ياشفيعه وياوجيهه.    ودوم منچ والنعم
بسمچ المحفل تعطر. كل فرح يحله ويتم
لأسمچ تلوگ القصيدة   بنور أسمچ تنرسم
من بلاغة حيدر انتي. ومثله أيمان. وحلم
ومن ضوه الزهره الزچيه صار نورچ منقسم
ومن صبر طه وحكمته وهيبته راي وعزم
ومن رسل نورچ. الباري. اختارلچ هذا الاسم

الشاعر حسن لعيبي الحريشاوي

81

مؤسسة منبريون للشعراء

08 Nov, 08:53

لولادة العقيلة زينب بنت
أمير المؤمنين علي عليه السلام

ياهله بميلاد زينب بت علي
ياهله بميلاد زينب بت علي
★★★★★
ياهله بميلاد زينب ياهله
كل مرار الدنيا بلساني حله
زينب الصنعت مفاخر كربله
فوگ عرش المجد صارت تعتلي

ياهله بميلاد زينب بت علي
★★★★★
ياهلا بميلاد زينب والنعم
گلبي المجروح قرر يبتسم
ارعب الاشرار والله هلأسم
قررت دولة امية تنجلي

ياهله بميلاد زينب بت علي
★★★★★
نور الله كونچ من الازل
بيچ معنى الحق تعطر واكتمل
حسد صبرچ بالشددحتى الجبل
من علو قدرچ مناي و منهلي

ياهله بميلاد زينب بت علي
★★★★★
لوگلت زينب گلت يعني القمم
والمبادئ والدفاع على القيم
اسم زينب فوگ كل قمه علم
مله الديره أنواره شع بمنزلي

ياهله بميلاد زينب بت علي
★★★★★
زينب الخالق قدرها كرمّه
ياقبس انوار من رب السمه
اسيا ومريم خديجة وفاطمه
منزلتها الطاهره من الله العلي

ياهله بميلاد زينب بت علي
★★★★★
الله كَرَّم زينب وزاد الكرم
هيه من بيت النبوة والقيم
ابيت بيه جبريل صار من الخدم
بت علي الكرار يانعم الولي

ياهله بميلاد زينب بت علي

الشاعر حسن لعيبي الحريشاوي

88

مؤسسة منبريون للشعراء

08 Nov, 08:53

لولادة العقيلة زينب سلام الله عليها

هاي ام الخدر زينب
هاي ام الخدر زينب
★★★★★
النجابه. الخدر. والحشمه
الشجاعه. الراي. والحكمه
البلاغه الفكر. والكلمه
هاي ام الخدر زينب
هاي ام الخدر زينب
★★★★★
البساله. الادب. والقدره
الكرامه. الفخر. والثوره
الوفيه. الصابره. الحره
هاي ام الخدر زينب
هاي ام الخدر زينب
★★★★★
الهدايه. الدين. والدعوه
الثبات الصبر. والتقوى
السماحه. الخير والصفوه
هاي ام الخدر زينب
هاي ام الخدر زينب
★★★★★
الجلاله. القدر. وأَلهمَّه
الصلابه. الزود. وأَلقمَّه
الطهاره. الفقه والنعمه
هاي ام الخدر زينب
هاي ام الخدر زينب
★★★★★
القيادة   الرفض    والقوه
الفصاحه المجد   والقدوه
الشفاعه   الامل   والرجوه
هاي ام الخدر زينب
هاي ام الخدر زينب

الشاعر حسن لعيبي الحريشاوي

95

مؤسسة منبريون للشعراء

08 Nov, 08:53

الرحمه ميلادج والجنه يم بابج
يدخلوها احبابج زينب يا حوراء
****
بسمج يلهجون
كل اليحبوم
يا شمس بالكون
يانور العيون
بيج أنه مفتون
يادوه الكل داء
****
بيج الوصف حار
مصدر للانوار
بنت حامي الجار
ياخت الاطهار
الباري الج ختار
وحي الله بي جاء
***
اسمج يامشهود
ياالمالج حدود
سبحانه معبود
ياسر الوجود
نور انتي مولود
جنه انتي علياء
****
الله الي سواج
لحيدر علي انطاج
جف زهرة رباج
وبحبه غذاج
اليوم انه انخاج
محتاجج و جاء
****
زينب تمنين
كلشيء انتي تنطين
بالنصه جفين
وبجاه الحسين
منج ردت عين
بحق سيد الماء
****
الشاعر
اياد الفرح المهدوي

96

مؤسسة منبريون للشعراء

08 Nov, 08:53

حوريه انسيه
انسيه حوريه
@@@
صوت القداسه ينادي هاي الليله
انا خلقنا زينب الهالعيله
حتى الزچيه لحيدره تحجي له
ويله اليضدها بنيتي يا ويله
@@@@
الليله الملايك ظلت تناديها
الله بعظمته هالعلم منطيها
الله الصبر بس خالقه بس ليها
ثم استعينوا بالصبر هم بيها
@@@
حبج يا زينب بالگلب سابينا
علگنا لجلج يا عقيله الزينه
ابكل المحافل هالورد طشينا
صوت الهلاهل للسما علينا
@@@
انتي الوديعه يالساكنه بدلالي
زينة ابوها هالاسم يحلالي
زينب عقيله من العلي العالي
احلى قصيده صغتها بموالي
@@@
خادمكم / فاضل عبدالسلام

106

مؤسسة منبريون للشعراء

08 Nov, 08:52

❇️ قصائد ولادة آية الصبر والعفاف زينب صلوات الله على صبرها
وحي الصبر
-----------
صوت الحزن صاح بإذنهه اليمنه = وحي الصبر كبّر بِذِنهه اليسره
اصبحت اكبر من كيان الاحزان = ولهاي سموهه العقيله الكُبره
من گبُل ما عالدنيا يسطع ضيهه = وجور الحياة اعليهه يطلع فجره
عالم الارحام الذي گيّدهه = غذّاهه دم حريه طلعت حُرّه
شكلين الهه امن الرضاع اتعيّن = من صدِر امهه وجِفِن امهه ودَرّه
صدر امهه غذّاهه ابحليب العِفّه = والجِفِن غذّاهه بدمع من سِرّه
اوسِر الدمع ظل كامِن ابمُقلَتْهَه = وانكشف، يوم حسين گطعوا نحره
ما گمّطوهه بثوب ابيض لاچن = ربّ العفاف اعليهه أنزل خِدره
ابسِتر الله محجوبه وكِذَب كل من گال = يوم الطفوف الگوم سِلبوا سِتره
مفتوح چفهه امن المهد ما ينسَد = لچف الكفيل اعلى العهد تنتظره
مِن گبُل ميلاد الكفيل العباس = ابفِكر العقيله انولد، أروع فِكره
تتبسّم امن تشوف هيبة حيدر = لاچنهه تتخيّل براسه الطبره
تضحك اذا أزهر جمال الزهره = وتتخيّل الضِلْع او تِنوح لكَسره
اتشوف الحسن، تشعر بلوعة سمّه = تشوف الحسين، تشوف گَطْعة نَحره
حفّتهه أفراح الأهل لاچنهه = ما بين افراح اوكِدَر متحَيْره
مولود ويّاها اوصُبَح توأمهه = والَف مشاعرهه الحزن من زُغره
وتربّه بحشاها وكُبَر وتعلم = منهه، اوصُفَت امّ الحزن عالفطره
حتى الفرح هم تختلف ألوانه = بعيون زينب لونه لون الحسره
حتى الدمع يتغيّر ابوجَنتْهه = دمعتهه بيضه اليوم، باچر حَمره
حتى الحلم بيه الصور مختلفه = اوگاع الجنان البيه تصبح صَحْره
حتى الألم من المهد للمرقد = يتجدد واسبابه صارت كَثره
بس الصبُر ما يوم عنهه اتخَلّه = عالمُرّه عاش وياها واعلى المُرّه
والامل صار اويه الصبر عون الهه = ليوم الظهور بهالأمل تنتظره
------------
عقيل الكاظمي
لا تنسوا والدتي واخوتي بالدعاء والفاتحة يرحمكم الله

99

مؤسسة منبريون للشعراء

08 Nov, 08:52

انولدت الكرامه انولدت وياها
حگنه بزينب بكل جيل نتباها
زينب جدها هذا اليوم سماها

( راية عز ظلت للتالي )

موسى البديري

95

مؤسسة منبريون للشعراء

05 Nov, 06:10

لولادة العقيلة الهاشمية
زينب سلام الله عليها

فوگ الكلمه والمعنى
وصفّها شماگلت عنه
جنه من اصل جنه
زينب بت علي
★★★★★
بچفوف الامامه والنبي اتربت
ابيت البيه اسم الله انرفع ولدت
شبيهة فاطمة من فاطمه انقسمت
منازل بالعلم اعلى الرتب وصلت

لوعنها ردت فكره
وسيرتها ردت تقره
يعني فاطمة الزهره
زينب بت علي
★★★★★
شبيهة فاطمة بالجود والرحمه
خطابه ومنهجيه ومنبر الكلمه
تثور بمعرفه   وتتعامل ابحكمه
رغم كل المصايب تشكر النعمه

من صار الزمن ضدها
وماظلوا اهل عدها
هز اهل الظلم ردّها
زينب بت علي
★★★★★
بيت النور بيها زادت انواره
بيت القدّسه الرحمان واختاره
البيه جبريل يتشرف اذا زاره
من بيت النبوه ومعدن اسراره

فرح بيها النبي جدها
قبّل راسها وخدها
يوم الخير مولدها
زينب بت علي
★★★★★
اليوم الطف علي الكرار ذاخرها
ثوره على الظلم من يوم   عاشرها
وي احسين للعالم     تصدرّها
مواقف گدرت   ابلحظه    تغيرها

رد الي يخوفّها
خايف من مواقفها
ارض الشام تعرفها
زينب بت علي
★★★★★
مشت للشام صح متعوبة الخطوه
وجدمها من لهيب الرمل يتجوّه
بس اعلامها بكل ظالم   اشسوه
رد خاسر ضعيف اليدعي القوه

كشفت عن ظلم حكمه
ظالم يدعي الرحمه
نهاره خلته ظلمه
زينب بت علي

الشاعر حسن لعيبي الحريشاوي

204

مؤسسة منبريون للشعراء

05 Nov, 06:10

قصيدة گعده للزهراء ع
.
.
.
.

غربيل الزچيه ايغربل الناس / ومايخطي بحسابه
وضح موقفك وين
لو ويه ام الحـسين
لو وي العـــصـــابه

***

عيش وتحرر بفكــرك وبـــحــث بحكـــمه ورويه
وبالك انتـــه فــي دماغـــك تبني عش للجاهليه
اتـــوكل ودقــق وحـــقق في خظم هـاي القضيه
واسئل العقـل الباطــني .. والفكــره منــا تنـــبني
اثمنطعش عام وتنحني .. ليش شمسويه الزچيه

باچر من رسول الله يحاچيك / شتحظر جوابه
جاوب هالكلمتين
لو ويه ام الحسين
لو وي العــصابه

***

رقــم مايقــبل القـسمه فاطــمه بظـــعة الـهــادي
حـدد وبــت ابــقرارك مـَن تـــوالـي ومــَن تعـادي
لو الاســود لو الابيــض مــاكو شـي اسمه رمادي
ولو طبــعت ويه الـــربع .. معــناتها كاسر ضـــلع
احـــذر وبالـــك تــنــدفع .. ولاتگـول الامر عادي

عادي شلون ومكسر ضلعها / تحچي ابيا صحابه
منهــو عندك الزين
لو ويه ام الحسين
لو وي الــعــصــابه

***

بــدد الظلمه بضــياء العقــل وبحــث بالــمـساند
ومــيـز الطرح النــظــيف بفكر واعــي ولاتعــاند
الدنيه سبحه الخرز بيها اهواي وشويه الشواهد
مــليار مــسـلم بالاسم .. مـــليار بس ماتفـــتهم
زرعو زرع بــس للعــلم .. كــل زرعها طلع فاسد

اليترضه على قاتل الزهراء / بشماله كتابه
هاي الدنيـه يومين
لو ويه ام الحسين
لو وي الــعــصــابه
***
اعرف الحق تعرف اهـــله بهالامر خلــيك واعي
وصيــر ملاچ ابصفاتك مــاتلــوگ اعليــك راعي
لاتلــمــع صــور وادم قـــذره صـدگ مــاله داعي
الكسرو ضلع من فاطمه .. چفهم جريمه اتسالمه
باچـــر ابيــوم الخـاتمه .. ماتفـيدك اي مساعي

حيدر عالسراط ايعاتبك غاد / وشتجاوب عتابه
تلعـب على الحبلين
لو ويـه ام الحسين
لو وي العـــصـــابه

***

لاتشكك بالقضيه وســـالفة كســـرة ضلـعها
من يغــث الزهره فكرك تزعل وينزل دمعها
فاطمه بيا حال هيه والله لو تدري بوضعها
بسمار نابـت بالـصدر .. والظلع منها منكسر
للنفس بالگــوه تجـر .. والنفس زاد بوجعها

مكسور الظلع يتنفس اشلون / منهو ايحس عذابه
من تشهگ شهگتين
لو ويه ام الحــسين
لو وي العــــصـــابه
***
حيدر تركي الكربلائي

159

مؤسسة منبريون للشعراء

05 Nov, 06:10

مولد السيده زينب ع
.
.
.

تستاهل .. الليله نحيي اعيادها
تستاهل .. نــفــرح ابـمــيــلادها
تستاهل .. زينب اخـت العباس
نـفـرح ابميلادها

__________________

زينب / نـور ابنور مــن نــور المــيامين
زينب / زينــب أية الله الـناصره الدين
زينب / إمــكــمـله الرســالات النبـيــين
زينب / الناطق الرسـمي بسم الحسين

تستاهل .. الله هــوه الــرادهـــا
تستاهل .. نــفــرح ابمــيــلادها
تستاهل .. زيـنب اخت العباس
نـفـرح ابميلادها

__________________

نزلت / زينب رحمة الله على هالناس
نزلت / أيـة للــوفه بقــرأن الاحساس
نزلت / حوريه وبعــدها بأول انفـاس
نزلت / تتــنفس عـطـر كافلهــا عباس

تستاهل .. مــوتــو ياحــسادها
تستاهل .. نــفــرح ابمــيــلادها
تستاهل .. زينب اخـت العباس
نـفـرح ابميلادها

__________________

الدنيه / فرحانه بــلا شك تمـــلك اســـباب
الدنيه / اشـجبتــيلي يزيــنب بــعد الغياب
الدنيه / الخاطر فاطمه الزهره ام الاطياب
الدنيه / زينــب لَبسـت للدنـــيه الِحــجاب

تستاهل .. وفَــتحـــــت اورادها
تستاهل .. نــفــرح ابمــيــلادها
تستاهل .. زينب اخـت العباس
نـفـرح ابميلادها

__________________

فرحه / زيــنب بـــت علــي مولدها هاليوم
فرحه / هــاللــيله يشيعي انـــسه الهـــموم
فرحه / ودعي الباري كـون افراحنه اتدوم
فرحه / والي ايلــومـنه مـيهـــمنه خيـــلوم

تستاهل .. الشيعه يبقه انشادها
تستاهل .. نــفــرح ابـمــيــلادها
تستاهل .. زينـب اخت العباس
نـفـرح ابميلادها

__________________

حقها / بزينب هالمسه فرحانه الارواح
حقها / امـلاك السمه تعــلن هــالافراح
حقها / لــو هالليله كثره اهـموم تـنزاح
حقها / حقــها فاطـمه بــزينـبها ترتـاح

تستاهل .. نحـــتفل بــــاولادها
تستاهل .. نــفــرح ابمــيــلادها
تستاهل .. زينب اخـت العباس
نـفـرح ابميلادها

__________________

بهجه / عـمَت هـالارض وي الســماوات
بهجه / مـن زيـنب اجـت نـزلت الايـات
بهجه / الدنيه امن الفرح تقره ابتهالات
بهجه / مـن سابع سمه تـسمع الاصوات

تستاهل .. الارض ابـــعبــادهــا
تستاهل .. نــفــرح ابمــيــلادها
تستاهل .. زينب اخت العباس
نـفـرح ابميلادها
__________________

حيدر تركي الكربلائي

96

مؤسسة منبريون للشعراء

05 Nov, 06:09

ميلاد السيده زينب ع
.
.
.

الأميرة الخـدر .. متحير الشـعر
ابميلادها ابميلادها
زينــب

_____

چان راس السمه امفرع لچن لابد بالسحاب
وزينـب ابيـوم الولاده للـسـمه جـابت حجاب
هــيه مـن گــد ماكـريـمه وزعـت مــنه ثـواب
اتحجبت بحجـاب زينب حتى ايات الكتاب

حجاب ام الستر .. امن الجنه بي عطر
ابميلادها ابميلادها
زينــب

_____

الرايد ايـوصف خدرها وَحـي رايـدله وسـور
( أنــا انـزلـنـاهـا ) عــفـه زيـنب الـكـل الـبـشر
ماتوصفـها القصيده الـشـعر لـو ظـهره انكسر
النبي بس يعرف قدرها وفاطمه وفارس مظر

شعرنا لو يجف .. أبد ماتنوصف
ابميلادها ابميلادها
زينــب

_____

الله كاتـب بيـده زيـنب كـون كـلـنه نـفـتهم
ولو سمعنه احـنه اسـمها انگول الله للاسم
للــعـلم مــحـد قـراهـا هالقـصــيده للــعــلم
والوحـيد الــي عـرفـها ابـو فاضل والنــعم

عرفها ومن عرف .. أميـره للــشـرف
ابميلادها ابميلادها
زينــب
_____

يالله يامـريـم أنـزلـي البيـت فاطـم حـافيه
(واخلعي نعليكي) يمكن هسه زينب غافيه
(أنتي في البيـت المقدس) لاتفـز الصافيه
اقري يمها انجيل عيسى كون بـس ابقافيه

على طور السمه .. هـديه الـفاطمه
ابميلادها ابميلادها
زينــب

_____

لازم اليـذكــر اسمــها كــون يتــبع مــايــلي
ايسمي بسم الزهره امهالو بسم حيدر علي
الكـون كله تحـت امـرها والهـا گـال اتدللي
ابيـوم مـيلاد الاميره الفـرح صـوته يعتلي

الفرح صوته اعتله .. هله ابزينـب هله
ابميلادها ابميلادها
زينــب

_____

امن الفرح هاللـيله حـتى الحور ضلت ساهره
امن السماء اصفوف اجت ابابها ولزمت سره
انشوف زينـب اسمـح الـنه امروتك ياحيدره
حقـك وخـايف علـيها جـوهره وبـت جوهره

يحق لـك يا اسد .. تضمها امن الحسد
ابميلادها ابميلادها
زينــب
_____
حيدر تركي الكربلائي

70

مؤسسة منبريون للشعراء

05 Nov, 06:09

الليله حفلتنه جميله جميله
مولد الحوره العقيله العقيله

@@@
شلون فرحه هالمسه معقوده
ابذكرى صارت بت علي مولوده
جينه وانردد لها الانشوده
عطونه يا آل النبي عيوده
…
هوسينه وگلنه بيها ياهلا ويامرحب
يوم لفاچ المهد من السمه يازينب
…
جابت الزهره جليله جليله
مولد الحوره العقيله العقيله
@@@
طه من جاله الخبر عالنيه
گال جات امن السمه حوريه
چنها امها فاطمه مرضيه
الها نجمات السمه محنيه
…
الچنها امها فاطمه باغلا قدر موصوفه
گمطاها الدين فرحه وبالهدى محفوفه
…
نعمه من الله او وسيله وسيله
مولد الحوره العقيله العقيله
@@@
جات اميره للستر وي خدره

ونور زاد اليوم بيت العتره
تغني املاك السمه مستره
ياحلات الزهره جابت زهره
…
التشبه الكرار حيدر كشخته والرزه
للمهد جبريل لوله وابجناحه ايهزه
…
وللستر اصبح كفيله كفيله
مولد الحوره العقيله العقيله
@@@
اتخيلوا ابطيبه جمال المنظر
اول الشهر وگمرها اتبدر
والعطر من الزچيه اتعطر
واشكبر فاطم فرحها وحيدر
…
شالوا المهد ابمود بوعلي وبومحمد
ابفرحه عالدنيه كبيره والنجم ما ينعد
…
مهد محفوف ابفضيله ابفضيله
مولد الحوره العقيله العقيله
@@@
الناس للهادي اجتله اتهني
وبلمبارك صوب بابه اتغني
وهني للي راحله متعني
شرح صدره ونال ما متمني
…
حيدره فاتح مضيفه للسماء السابع
وسفرته ابگد الثريه وهالفضاء الواسع
…
وهمك الاسود يشيله يشيله
مولد الحوره العقيله العقيله
@@@
علي أحمد الحمود
٤-١١-٢٠٢٤
مولد العقيله ع

74

مؤسسة منبريون للشعراء

05 Nov, 06:09

وحق شباچها وخفگت ــ علمها
علم المرتضى حيــــدر ــ علمها
اصيله وطـــالعه زينب ــ علمها
الكرم والعــــلم جمعتهن سويه

✍كامل السعيدي

63

مؤسسة منبريون للشعراء

05 Nov, 06:09

لولادة السيده زينب ع🌹🌹

الزهـــره اتنطرت يغمرهه ميـــلادچ
وگعـــدت بيدهه اتخيطلچ اثيــابچ

تحچــــي اوياچ چانت قبل لتصيرين
وتحسب ساعه ساعه الحضت انجابچ

محمد والحسن وحسين فرحانين
وبالذر ابو فاضل فصل احجـــابچ

فضه الهلهلت من بزق وجه النور
لعلي زفت البشرى وفرحت احبابچ

ونزلت كاشخه املاك الله بالميلاد
وزينه اتعلگت مـن السمه البــابچ

✍كامل السعيدي

66

مؤسسة منبريون للشعراء

05 Nov, 06:09

عباس   ابمولد زينب الحره الابيه
عباس    جايــــبك يبوفاضل هديه
بالطور التريـده
جايبلك قصيده
             ـ🌹🌹🌹🌹🌹ـ

جايبلك قوافي امسـگمه اسگام ـ
من عندي هديه
اتلوگ ابنت ابوها ولبـوة الشـام ـ
ذيچ الهاشميه
ابمولدها السرور بداخلي يعيش
هاي اجمل مسيه
منك اذن اطلب اقـــــره البيات ـ
ياتاج الخويه

عباس ـ جاي وللحفل جـايب هدايه
عباس ـ وبيدك جايب الزينب عبايه
يانور العقيـــده
جايبلك قصيده
              ـ🌹🌹🌹🌹🌹ـ

يا اجمل ثنائي واوفه خوان ـ
مايحصل مثلكم
نخـــتار ونرتب أجمل الحان ـ
نقراها ابحفلكم
يتوافد جمعنه امنــين ماچان ـ
ياعباس الكم
مولوده العقيله وكلشي فرحان ـ
مسروره خدمكم

عباس ـ جيتك والسرور ايگود بيه
عباس ـ شــــايلك فرح بثنين اديه
ياضخر الصميده
جايبلك قصــيده
           ـ🌹🌹🌹🌹🌹ـ

ياعبـــــــاس زينب ورده وتريد ـ
من عندك تشمها
يتكون اسمها امن اربع آيات ـ
الله اختار اسمها
يمك ياگمر نجمه اختك اتصير ـ
تكشخ ونته يمها
واجب نكتبلها ابيات حلوات ـ
تلمع وي رسمها

عباس ـ جايبلك حچي اينگط ترافه
عباس ـ نتمنه ابحفلها انتــه العرافه
موزونه وجديده
جايبلك قصـيده

          ـ🌹🌹🌹🌹🌹ـ

مجــــــــــتمعه البلابل بالبساتين ـ
والكل ينشد الها
بخدود الورد قطرت ندى اتعيش ـ
وين ايصح مثلها
اترف حتى من جنــح الفراشات ـ
منفرده ابشكلها
زينب بســمله بقرأن الاحســـاس ـ
حيدر يشهدلها

عباس ـ زينب شمس وتضوي ابسمانه
عباس ـ العنده هيــچ اخت سيد زمانه
يالروحك سعيده
جايبلك قصــيده
         ـ🌹🌹🌹🌹🌹ـ

✍الخادم
كامل السعيدي

78

مؤسسة منبريون للشعراء

05 Nov, 06:09

مولد السيده زينب ع🌹💐🌷

يازينب ... الله اسمـچ اختاره
يازينب ... انتي اجمل ابشاره
ياهله ابميلادچ
ياهله ابميلادچ

🌷🌷🌷🌷
مـن اجمــل انواع الورد مولاتي اسمچ
وتفاحة الجنه انخلق من عدهه رسمچ
أيفوح مــن خــدچ عطر لو طــه شمچ
ابميـلادچ امــلاك العرش محتفله يمچ

يازينب ... يا ريحـة الجـــنه
يازينب ... بشخصچ تشرفنه
ياهله ابميلادچ
ياهله ابميلادچ
🌷🌷🌷🌷

هليله عيـــد وكل محـب اعلن فرحته
ومعلگ الزيــنه وبديه شـــايل شمعته
بالذر ابو فاضل فرح من صارت اخته
وبوجه ابوه المرتضى بانت ضحــتكه

يازينب ... وجهـچ بزق نوره
يازينب ... والشيعه مسروره
ياهله ابميلادچ
ياهله ابميلادچ
🌷🌷🌷🌷

رب العرش للمرتضى امقدمچ هديه
وخالقلچ اوصاف اشكثر من الزجيه
يالعلمه ابعلمــچ شهد ســــيد البريه
منـــچ ألف مــره ونعــــم يالهاشميه

يازينب ... انتي آيه قدســيه
يازينب ... نقــــــراهه ليلــيه
ياهله ابميلادچ
ياهله ابميلادچ
🌷🌷🌷🌷

الحسن وحسين اشكثر فرحه اغمرتهم
وشكثــر صلو عالنبي ابميــــلاد اختهم
فرحو لمـــن بالحـــره امهـــــم بشرتهم
حتى العقيله اتبسمت مــن شاهـــدتهم

يازينب ... يا شمعة اخـوانچ
يازينب ... عالي اشكر شانچ
ياهله ابميلادچ
ياهله ابميلادچ
🌷🌷🌷🌷

العالم بأسره احتفل والفرحه عمت
ميلادچ ابكل الارض انواره ضـوت
حتى المــلائك نزلت الوالينه هنت
وباب حيـــدر محفل ابهليله سوت

يازينب ... فطرس صفگ جنحه
يازينب ... شـــــاركنه بالفـــرحه
ياهله ابميلادچ
ياهله ابميلادچ
🌷🌷🌷🌷

يا مرحبه ابنورچ يبت وحــي الرسـاله
بأبهه المحاسن صـــورچ رب الجـــلاله
نورج خلق نور الكواكب مــن خـــلاله
والگمر منــچ بالســمه ماخــذ جمـــاله

يازينب ... يا فرحة الزهــره
يازينب ... بأسمج شعر نقره
ياهله ابميلادچ
ياهله ابميلادچ
🌷🌷🌷🌷

✍كامل السعيدي

70

مؤسسة منبريون للشعراء

05 Nov, 06:09

مولد السيده زينب ع

زينب مولد الحجاب
زينب   آية الكـــتاب
     ياهلا   ابقدوة النساء
©©©©©©©

مولوده العفيفه ـ الشريفه ـ البهيه
يامحلى رسمها ـ واسمها ـ الوفيه
معروفه ابعلمهه ـ على امهه ـ الزجيه

زينب بسمها اهل الشــعر محتاره
هـــذا الاســم رب العرش مختاره
مولدها للهادي وعلي احله ابشاره
ايســـمونها بت فاطمه الجـــماره

زينب   سـورة الاباء
زينب   دافـع الولاء
ياهـــلا    ابقدوة النساء
*

ياهيبه ابسترها ــ ابخدرها ــ وأباهه
چن آيه وتوزع ــ تشعشع ــ ضواهه
بارينه ابحلاته ــ ابصفاته ــ اصطفاهه
انصلي ونسلم عالنبي ابهاليله
وحيـدر علي باقة ورد نهديله
ابميلاد زينب محفل انسويله
والما فرح وي النـــبي ياويله

زينب   ثورة الفــداء
زينب   نصرة السماء
ياهـــلا      ابقدوة النساء
*

حي الله الاميره ـ النذيره ـ الجليله
معروفه ابكرمها ـ ابعزمها ـ العقيله
والناس اعرفتها ـ ابصفتها ـ الاصيله
طــه بأذنـها أذن أذآن الغـــيره
شاد ابعلمها وهيه طفله زغيره
ياگمرة الزهره المضويه الديره
تبقه ابوصفها اهل العقول ابحيره

زينب كعــبة الوفاء
زينب خيمة العطاء
ياهـــلا    ابقدوة النساء
****

جيت بهل مسيه ـ وبـــــديه ـ شمـــــعتي
بحساسي وشعوري ـ وسروري ـ وفرحتي
بت حيدر سمعتي ـ ودمعتي ـ وضحكتي
زينب وطنه المحتمين ابسوره
ثورة شجاعه الكربلاء مضخوره
بحجابهه نزلن حديث وسوره
ابمولدها كل شيعة علي مسروره

زينب   فرحة القلوب
زينب   شمعة الدروب
ياهـــلا     ابقدوة النساء
****

✍الخادم
كامل السعيدي

74

مؤسسة منبريون للشعراء

05 Nov, 06:09

ولادة الحوراء زينب🌹🌹

همـتنه … حيدريه
جمعتنه… مزهريه
فرحتنه… زينــبيه
         نهديها الفاطمه وعلي
🌷🌷🌷🌷
بالحره احلفچ يالزچــــــيه
اتقبلي من عـدنه الهــــديه
وكلمن حظر هذا حفلنه
سجلي اسمه خادم بالهويه

يالحبكم … بي هدايه
نخدمكم … للنهـــــايه
فرحـتنه … بيهه غايه
          نهديها الفاطمه وعلي
🌷🌷🌷🌷
نبعث تهــاني المنتظــــرنه
ونشــــــارك اوياه ابفرحنه
يالمقتدر عجل ظهــوره
ننتظره بيده ايشل جرحنه

يا منــبر … للسياده
يامصدر … للسعاده
فرحتـنه … بالولاده
        نهديها الفاطمه وعلي
🌷🌷🌷🌷
شمس الهواشــــم نورتنه
ورغم المواجـــع فرحتنه
حـورية الجنه العظيمه
ابليلة ولادتهه اجمعـــتنه

اشمحلاهه… من مسيه
اتســـر طه… والزچــيه
فرحـــــتنه… هاشــميه
           نهديها الفاطمه وعلي
🌷🌷🌷🌷
وبمـــولد الدره المصــــونه
نهـــدي الفرح للمانســــونه
ياربي بس همه الوسيله
وفايه عدهــــم سجلـــونه

احنه الهم … نبقه شيعه
يالحبـــهم … ما نبـــيعه
فرحــــتنه … يعني بيعه
             نهديها الفاطمه وعلي
🌷🌷🌷🌷

✍كامل السعيدي

77

مؤسسة منبريون للشعراء

05 Nov, 06:08

لمولاتي المظلومه عليها السلام

صارت گبل وين وتنحچي كلفه
الماعنده شرف شيقنعه شيوگفه
بالتلثميت زلمه بحرمه متحلفه
وبيهم من ضربها وحيل صم چفه

وحيل صم چفه ….. وطگاها الزچيه
…………………………………
ياهو سمع حرمه الزلم توليها
والبگد الزچيه شتحمل ايديها
تدفع بيهم وتندفع تاليها
اتهون العصره بس بسمار شچ بيها

ومن غرز بيها ……. شج ريت المحسن
………………………………….
معروفه المره لطيح لاي انسان
تفزع ليها تركض زلم والنسوان
ماتفزع عليها بحطب وبنيران
وفوگ الصار كله خنگت الدخان

او فوگ مابيها ….. واختنگت الزهره
…………………………………….
كلفه السالفه وماتمشي وتهون
ياكسرة اظهور السادة بالمحسن
والهظمه الچبيره الزهره ليهه اتحن
ياذيها النفس واليل كله تون

واشلون تتنفس …… والكسره بظلعها
……………………………………..
من حل الموادع بينها وبينه
صار القلع خيبر يفرك ادينه
اعز شي عنده راح اتفارگه عينه
اتبدت ذكرياته وراحت اسنينه

ماتت بحضنه ………… وماتت روح حيدر
…………………………………………
من گد الالم والنار والطبگه
البسابع سمه ظل يبچي وبحرگه
اول تالي حيدر ينحب بشهگه
من شاف المتون من الظرب زرگه

وعلي صم ايده ……… وظل يلطم عليها
……………………………

الاقل شرفاً
كرار اللامي
#محرم_فاطمة

155

مؤسسة منبريون للشعراء

02 Nov, 20:38

هيه زينب زينب
*****
الدنيه كلها تنورت بعيادها
عمة الساده هله بميلادها
كلشي يصفن لو نعد امجادها
تموت خل اهل الحقد بعنادها

نعلك شموع الفرح والكلب همه نشرح
زينبي العالم صبح وبالارض كلشي وضح
******
هاي زينب والحجي عنها يطول
اليوم بالميلاد فرحان الرسول
كمطتها الحور بكماط البتول
بالعقيله احتارت اصحاب العقول

بالضبط تشبه علي هيه روحي وكل هلي
بيها كل همي ينجلي صوت حبنه يعتلي
********

بزود اخوها تزامط المهيوبه
الله ميزها شكثر محبوبه
من عشكها ما اكول التوبه
والتبعها الباري يمحي اذنوبه

هيه باء البسمله والاميره بكربله
والمسير اتكمله هله بزينب يا هله
******
من العفاف ايغار ضل حته الكمر
ماكو شاعر شفنه وصفها كدر
وياها تتمنه الشمس تاخذ صور
بليله الميلاد خل يحله السهر

واخت سبع الكنطره هيه ستر الله تره
بيها تحلف كل مره هله بغيرة حيدره
******
علي بيده امن المهد شالاها
والحسين بضحكته ناغاها
والحسن بعيونه يحجي وياها
الله زينب بالسمه سماها

والكواكب هلهلت والنجوم اتزينت
والطيور اتباركت اباب زينب عيدت
*****
تمت
تحسين الخفاجي

407

مؤسسة منبريون للشعراء

02 Nov, 20:38

رسول الله ص يوصي امير المومنين ع
بالصبر على مصيبة الزهراء ع
--------------------
تموت الزجيه او دمها عالتراب
وتصبح يحيدر دنيتك عذاب
انته الامير على الصبر .. شد حيلك او لا تنكسر
سلام .. سلام
-------------------------
صح جفك الخيبر قلع .. والشافك اكبالك وكع
تتگيد ابذاك الوجع       .. تطيح
اهل الحقد بيهم طبع .. لاذمه عدهم لا شرع
باجر يكسرون الظلع   .. تطيح
على خد يسطروها تره .. دين الله يمك منبره
ياحيدر اصبر عالجره .. تطيح

حتى السمه علنت ترى الحداد
انحب يحيدر ولبس السواد
كسر الگلب ماينجبر   .. شد حيلك او الاتنكسر
سلام .. سلام
-----------------------------
باب او عله الحايط هوه .. عالزهره ونطبگن سوه
مختنگه واتدور هوه   .. تصيح
ريتها دخان انملت .. اعليها الچفوف اتطاولت
ياعلي الزهره اتالمت      .. تصيح
ضلوع الزچيه مكسره .. ومحسنها اصد دمه جره
او وردة حياتي محيره      . تصيح

خلي ابن عمي مني هالرجاء
لا ارفع ايدي واگلب السماء
اگلبها عاليها حدر     .. شد حيلك او لاتنكسر
سلام .. سلام
------------------------
لمن اموتن ياعلي . . مو بلوه رايح تبتلي
ولاواحد ايضل من هلي  .. حرام
امر الله هذا الكاتبه .. وعين الله هيه اتراقبه
الجامع حطب وي صاحبه     ..حرام
لا رحمه عنده ولا يحن ..جاب الحطب يصرخ وان
الزهره گالوله تون          ..   حرام

باچر يحيدر دمعتك تسيل
وظهرك مثل هذا الكمر يميل
كلبك صبح مثل الجمر    شد حيلك ولا تنكسر
سلام .. سلام
------------------------

واليندبك تحظر اله . وتفظله اعظم مشكله
والزهره عندي مدلله    .. تنوح
جرحك إعلام ايظلله .. صعبه ترى هل مرحله
خلگك ياحيدر طوله    .. تنوح
ياحيدر اي هذا الصدگ .. چفوف التسبح تنحرگ
ويه الباب عمرك ينطبگ   .. تنوح

يمك ياحيدر يبقه هل قرار
وانه ادري كلبك على الزجيه نار

صبرك عله كل اليمر   .. شد حيلك او لاتنكسر
سلام .. سلام
------------------------
باجر يحيدر شيعتك … كلها تصير ابخدمتك
يرفعون باجر رايتك    ..امير

الحاضر يبلغ غايبك . يالصابر الله يعوظك
ياهو الي منهم يوصلك    . .. امير
هذا الحقد ظل للازل ..يغارون منك لااقل
والحبك ابنعشه انحمل .. امير
هاي العصابه العلنت الولاء
باجر اموت أو تنصب العداء
اي وحق خدها المنسطر   .. شد حيلت او لاتنكسر
سلام سلام
--------------------------

الخادم
حسين الزيدي

340

مؤسسة منبريون للشعراء

02 Nov, 20:38

ابوذيه

مـشـت أمـي وأنـه اتـنـطـر   طفلهه
وعـيـنـي الـدمـع بـالـعَـبـره   طفلهه
اضـل لـلـمـوت مـا انـســـه   طفلهه

اشـجـناه وطـاح بـعـتـاب الـمـنـيـه

*------------------------*------------------*

✍خادم الزهراء ع
الشاعر رعد الجريخي

187

مؤسسة منبريون للشعراء

02 Nov, 20:38

(يازهراء)

.    .   يــمــــه     مـاتـت احـــلام الــعـمـر
         يــمــــه     وآنـــه بالـبـيت انـتـظــر
         يــمــــه     بـغيبـتـچ اصـعب كـســر

   شـفـتـه بـحـيـاتـي          شـفـتـه بـحـيـاتـي

                                 *---------------*---------------*

چـنـتي رحـمـه    چـنـتـي نـعـمـه    وأحـلـه سـلـوى
وحـشــه لـيلـي    وخاوي حـيلـي    ردي فــــــــدوه
الحجره ظلـمـه    الـدنـيـه ظلـمـه    اشبيهه يـسـوه
آنــــــه زيــنــب    گـلـبــي شـيّـب    يـــمـــه تـــووه

         وحـدي     ودمعت عيونــي تصـب
         وحـدي     آنــــه مـكـسـورت گـلـب
         وحـدي     يـمـه ومـصـابـچ صـعـب

                                 *---------------*---------------*

أغـفـه واگـعــد    عــنــچ أنــشــد    يـــمــه يـــمـــه
گـمـت أحــسّـن    مــن أفـــــــزّن    كـلشـي ظـلـمـه
اشكـد مصايب    عـمـري ذايـــب    هـايــه هـظـمـه
الـدنـيـه ضــده    الـيـبقـه وحـده    مــــن يـرحـمـه

         بــيّــــه     حسره ودمـوعـي تـكـت
         بــيّــــه     تـلـهـب الـنـار وحـــــرت
         بــيّــــه     تــــارك اجــروح الـوكـت

                                 *---------------*---------------*

صـرتـي ذكـرى    وگـلبـي جـمره    صـعـبـه يـطفه
دمعـي يـجـري    وهــذا كـسـري    شـلـون اوصفه
الشيلـه اشـمهه    وابـچي يمـهـه    وعـيـنـي تغفـه
خــيّــم الــهــم    ربــــي يــعـلـم    وارجو عـطـفـه

         صـعـبه     يـاخـذچ مـنـي الاجــــل
         صـعـبه     بـروحـي مـذبوح الامــل
         صـعبـه     الما اضـن صـار وحـصـل

                                 *---------------*---------------*

راح اضــــــلـن    وحـدي احـنـن    واجـري عـبـره
بـسـمـچ اهـتف    گـلـبـي يـنـزف    بـيش اصـبـره
أبـعـيـده عـنـچ    حـلمـي اشـمچ    والله كــســـره
أبـــــلا نـهـايــه    الـغـيـبـه هـايه    وادري مــــــره

         كـلـهــه     صــــارت اسنيني شـمـع
         كــلـهـه     اهـدومي نگـعهه الـدمـع
         كـلــهـه     عــرفـــت بـهـذا الـوضـع

                                 *---------------*---------------*

التـمشـي عـنـه    الچـنـهـه جـنـة    يحچـي دمـعـه
بـگـلـبـة حـرگة    ايـتـانـي ملگـه    ومـن يـسـمـعـه
حــلـمـه يـذبـل    حـيـلـة يـنحـل    هـــــذا وضـعـه
صعـبـه فـگـدچ    حـگـي بــعـدچ    ابــقـــه انــعــه

         ويـنــچ     يــمـــه رديـلــي بـحـلــم
         ويــنـچ     بـحالـتـي عـنـدچ عــلــم
         ويـنــچ     بـغـيـبـتـچ كـسـر ولـچـم

                                 *---------------*---------------*

والـلـه فـجـعـه    مـاكـــو رجـعـة    بــهـالــــرزيــــة
عـنـي رحــتـي    وبـس دمـعـتي    بـكـل مـسـيـــة
بـغـربـة اشـعـر    الـطولـچ انـطـر    بـلـكـي جـيـــة
هيچـي هجرچ    هيچـي كـسـرچ    ســـــــوه بـيـه

         يـمـتــه     يـنـتـهـي هـــــذا الـحـزن
         يـمــتـه     اتـمـنـه ويــــــاچ انـدفـن
         يــمـتـه     بـمـوتـچ الـعـالــم سـجـن

                                 *---------------*---------------*

✍خـادم الـزهـراء ع
الشاعر رعد الچريخي

165

مؤسسة منبريون للشعراء

02 Nov, 20:36

عمرها 18
ورده بوسط نعش
بگبر خدها انفرش .. أمي الحبيبه

.ـــــــــــــــــ ❁ ❁ ❁ ـــــــــــــــــ
.
أمي نسمة هوه
باليالي ضوه
للنوايب دوه .. الحبيبه.
.
وآنه حرة علي
همي ما ينجلي
الزمن ظم الي .. كل مصيبه
.
آنه زينب والدهر بلهم لظمني
ترادفن طگاته بضلوعي وهدمني
توسد تراب الگبر حِجر الي ظمني
ماتت أمي والحزن عتني وهظمني

.
بشهگتها أستمع
الم كسر الضلع
گلبها منشلع… أمي الحبيبه
.
.ـــــــــــــــــ ❁ ❁ ❁ ـــــــــــــــــ
.
عندي ذكرى ألألم
بوجه أمي انرسم
چن چبدها انثلم .. بالوصيه
.
يالحسن لو متت .
گلب زينب يفت
عنها أخفي الطشت .. بالمنيه

عميه عيني السم يعجل يُمه موتك
والچبد ينفض دمه بعيون أخوتك
من يخلص ينـگطع يايمه صـوتك
كـربله ولـوعتها يالغـالي تفـــوتك
.
.
جبينه مسحته
تنشف دمعته
تقبله بوجنته .. أمي الحبيبه
.
.ـــــــــــــــــ ❁ ❁ ❁ ـــــــــــــــــ
.
من يطر كل فجر
حسين بيها يمر
تفرح وتبتشر. .. من تظمه
.
لكن بهالوضع
الضلع منشلع
والنفس منگطع .. ماتشمه
.

أمي موتها القهر عبره ويه لوعه
حسين لو صدتله تتناثر دموعه
ومّنهد عصرتها ماشمت ضلوعه
أمنيتها كون اقبلنه بطلوعه

لو هلت كربله
يودع العايله
بقت تشتاگ اله .. أمي الحبيبه
.
.ـــــــــــــــــ ❁ ❁ ❁ ـــــــــــــــــ
.
كل جرح ينشرح
بعيني دم ينسفح
الأ مر يتضح .. كل مسيه
.
بابها اليحترگ
وبالجمر يعتلگ
.أمي من تختنگ .. تصد اليه
.
أمي چانت لو نوايب اللمتني
دموعي تمسحها ويمر چفها اعله متني
تشهگ وكل شهگه منها دوهنتني
تگلي ياريت الشمر دونچ يعتني
.
يشد بيدچ حبل
وتصعدين الهزل
بوجنها الدم يهل .. أمي الحبيبه
.
.ـــــــــــــــــ ❁ ❁ ❁ ـــــــــــــــــ
.
تبچي بنت النبي
تلفظت بسّم أبي
يالبطل يالوفي .. حزني أسمعه
.
لاتخلي العدى
أبني تستفرده
نايبات الردى .. تجري دمعه
.
يالغضنفر تملك الكون وتديره
كربله يابو الحسن محنه چبيره
للحرب كثر ولد يابو الأسيره
يا أسد خل ينولد بدر العشيره
.

غيور بنخوته
يوفي الخوته
تشيد بصولته .. أمي الحبيبه
.
.ـــــــــــــــــ ❁ ❁ ❁ ـــــــــــــــــ
.
طلب تتنطره
أمي وتكرره
تگله ياحيدره .. أخفي گبري
.
اليفرح بدمعتي
لايجي لعتبتي
آنه بس شيعتي .. بنبضي تسري

أخفي گبري وخل تظل الحسره بيهم
الي ما نصروا أبد بضعة نبيهم
وآنه ادري بشيعتي صعبه عليهم
آنه أمهم وامسح بچفي بچيهم

.
المهدي بموعده
يبيد اهل الردى
شعار اتردده .. أمي الحبيبه
.
.
حسن الموالي الفاطمي

141

مؤسسة منبريون للشعراء

02 Nov, 20:36

نزله للسيده الزهراء سلام الله عليها

آخره او دنيه اگول خادم آنه للبتول
__________________

كلمه وحده او آنه بيها مِعتقد
هيّه حرزي ودُعائي والوِرِد
ابقه آنه الفاطمه الزهره عبد
والها في يوم الورود آنه ارد

ابد عنها ما ازول خادم آنه للبتول
__________________

ابغير فاطم كل عباداتي عدم
اللوح بيد اوبيدها الاخرى القلم
الفاز في رضوانها اينول النعم
والبغضها حصته حسره او ندم

والندم كلش يطول خادم آنه للبتول
__________________

هل خلايق ذره والزهره جبل
غيرها الآخرتي ما عندي امل
تغفر اذنوبي او تسامح عل زلل
تختم ابدفتري تكتبلي : انقبل

منها محلات القبول خادم آنه للبتول
__________________

زهره . واليخدمها مرفوع القدر
حيث حاشاها تغض عنه النظر
او ينحرج خادمها گدام البشر
لا . ولا اتخليه ساعه في سقر

جنه وانهارن ينول خادم آنه للبتول
__________________

أم حسن واحسين الها انتمي
بيها من جور الليالي احتمي
حبها يجري في شراييني او دمي
حتى اسمي افلان صار الفاطمي

بيها اعلى ابلا نزول خادم آنه للبتول
__________________

خادم الها وافتخر بل عالمين
آنه مولاتي الأميره أم الحسين
في مجالسها الي دمعه او انين
يِسون الدنيا شمالن ويمين
ريت عمري الها يطول خادم آنه للبتول
__________________

ابو فاطمة الطائي

123

مؤسسة منبريون للشعراء

02 Nov, 20:36

من بعد هذه الوصيه التي كانت بلسان حال سيدتي فاطمة الزهراء للعقيله زينب .

كتبت هذه القصيده بلسان حال سيدتي زينب عليها وكاني بها بعد ما استمعت كلام امها حول مصيبة سيد الشهداء فقالت لها:

يزهره من عگب هاي الوصيه
انشدچ يمه لا تخفي عليه
احسين اجروحه من ايصيرن اهواي
أضل اوحيدي لو تلفين ويّاي
لا تخفي عليه       لا تخفي عليه

_________
_
ييمه اصواب ضلعچ گلتي ما گوم من عنده اعله حيلي
او گلتي ابهل مسيه اتوسد اتراب يبنيتي اندعيلي
وصّيتي ابوصايا اتشيب الراس واتگطع دليلي
انشدچ يل حنينه او رايده اجواب اگعدي او سولفيلي

ييمه احسين من تيبس لهاته
او محد عنده بس آنه او بناته
تجين اوياي واندورله چف ماي ؟؟
لو وحدي اضل وامتيهه الراي
لا تخفي عليه       لا تخفي عليه

______

اذا صابه المثلث بين الضلوع واهوه اعله الوطيه
واشوفه ايرافس ابرجلينه بل گاع واعيونه عليه
چنه يگلي اريدن ماي عطشان . من گبل المنيه
وآنه امدوهنه واصرخ يعباس . وابقه افرك بديه

تعالي اوياي غادي او باصريني
اعصري اعيونچ او اعصرلي عيني
نبلل ريجه يمه ابدمعة العين
بلچن ناره تخمد گلب الحسين
لا تخفي عليه       لا تخفي عليه

______

اعله صدر احسين لو شفت الشمر داس وايحز ابوريده
المن انطي وجهي و امنعه اشلون . حرمه آنه او وحيده
لا عنده گلب. لا يرحم ادموع ييمه او سيفه بيده
امن اگله حز وريدي او عوف الحسين . يضحك . يهز بيده

يگلي بثنعش طبره ارد اطبره
من مگفه يزينب راح انحره
ييمه اشلون بيه او اتجه وين
تعالي او شوفي حالي اهناك مو زين
لا تخفي عليه       لا تخفي عليه

______

توصيني ييمه وآنه هل يوم هم عندي وصيه
اريد من الگبر ليه تفزعين يوم الغاضريه
تعال اوياي من اتدوس الحسين خيل الاعوجيه
ابعباتچ وابعباتي انلم الاضلوع يا يمه سويه

ونسويله فيايه من عبينه
وانرد گلبه لمچانه ابأدينه
او من جسمه نطلع اسهام وارماح
بلكت يل زچيه اينام مرتاح
لا تخفي عليه       لا تخفي عليه

______

واريدچ يمه من اتهد الجيوش لاخيامي وتسلب
او يحرگوهن على روس النساوين او ركضتهن تشيب
مذعورات هامن مدري ليوين. التشرّج والتغرب
وحده الوحده تنشد وين الحسين خلنه بي نچلّب

تعالي واسمعي صوت البواچي
او شوفي اشسوه سلاب التراچي
بآذان اليتامه اجروح واجروح
كل عته اليعتها اتشوغ الروح
لا تخفي عليه       لا تخفي عليه

______

وازيد واكلف امن امصاب الاطفوف يا يمه سبينه
على الهزل نطوف الكوفه والشام مچتوفات ادينه
عگب ذاك الدلال او ذيچ الاخدور ابقصور موگفيه
او علينه ايزيد يضحك بل دواوين . يتبختر علينه
تعالي او شوفي حالتنه الرديه

تمنيت السبي ابداله المنيه
او من هسه ييمه اتوسد اوياچ
او لا طب كربلا . او لا نار فرگاج
لا تخفي عليه       لا تخفي عليه
______

ابو فاطمة الطائي

118

مؤسسة منبريون للشعراء

02 Nov, 20:36

سالت دموعي .. وهشموا ضلوعي
سطروا عيوني .. گوم الاذوني
@@@
صعبه شأوصف ياشيعه هالجرالي
يوم اللي ذاكه لكبس داري اجالي
روع دليلي وبعد روع عيالي
وانا ابهجومه افگدت عزي ودلالي
…
لا ما تروه .. وسوطه تلوه
لذبحي اجوني .. گوم الاذوني
@@@
لذت لحجابي وعصرني ابلايا رحمه
توچه اعله بابي وگصد صدري يهشمه
عيني صفعه وشفت هالدنيه ظلمه
وتالي عليه اهجموا ازلامه زحمه
…
هذا اللي يضرب .. وذاك اللذي ايسب
اشگد اوجعوني .. گوم الاذوني
@@@
ابابي تسمّر ضلع صدر وتفطر
ودمي ابجداري ورى ظهري تطشر
حامل جنيني سگط مني وتعفر
ونار الشعلها چوت متني التوذر
…
والقاسي لحساس .. لو رفسه لو داس
بطني وجنيني .. گوم الاذوني
@@@
وگف هجومه لچن شره بقه اوياه
حگي ابنحلتي غصب هالطاغي سلباه
ونعيي ونياحي ترى من بيتي منعاه
وغصن الأراكه حقد من عرجه گطعاه
…
وابيت لحزان .. وناتي ألوان
وليه ولوني .. گوم الاذوني
@@@
ياشيعه سألوا بعد كسري شعلامي
بالعله حالي لحد نحلة عظامي

ما راعوا الحال بشر نكرت مقامي

واولهم اشلون صفه يچذب كلامي
…
انا الوريثه .. وزوّر حديثه
تالي سلبوني .. گوم الاذوني
@@@
حگي اوصي دفاني ابليل اظلم
وعن گبري محد بعد هالدفنه يعلم
وهذي الظليمه العرفها تالي يفهم
ان الأذاني منافق لا ما اسلم
…
تبقى علامه .. هذي الظلامه
عالروعوني .. گوم الاذوني
@@@
علي أحمد الحمود
١-١١-٢٠٢٤
شهادة الزهراء ع

117

مؤسسة منبريون للشعراء

23 Oct, 02:57

✒️قصيدة بعنوان
(ياحلم العمر )
كلمات الشاعر: كرار حسين الكربلائي
الرادود : السيد احمد النعيمي
🎙️🎙️🎙️✒️🎙️🎙️🎙️ء
يمه ربيت واتنطر يكبرون
واسگيتهم ماي العيون
ياحلم العمر•
شيفيد الصبر•
عريس الولد•
زفوه للگبر•
يجاسم يجاسم يجاسم ييمه
يجاسم يجاسم يجاسم ييمه
✒️🎙️✒️🎙️✒️🎙️✒️ء
يحلو المحاچي .شتفيد البواچي
كبرت ابغايبك يروح امك ارجع
اريدك تجيني واسمعك ونيني
يبعد المحنة دليلي تگطع
كلشي حسبتة يمر اعله بالي
ماچنت احسب يظل بيتي خالي
افرك بديه وسبتني الليالي
افرك بديه وسبتني الليالي
ياريع الگلب
توديعك صعب
واعيوني عمت
مااشوف الدرب
يجاسم يجاسم يجاسم ييمه
يجاسم يجاسم يجاسم ييمه
ياحلم العمر شيفيدالصبر
عريس الولد زفوه للگبر
✒️🎙️✒️🎙️✒️🎙️✒️ء
يجاسم ييمه تره الدنيه ظلمة
تجي المغربية ويجي ابالي طولك
ونيني اشعلاتة تسمعة الشماتة
شلع گلبي بعدك اضن ماحچولك
يوليدي بالعيد اجيك ابونيني
اعلگلگ اشموع عله الله وتجيني
بلكت يروحي تفز من حنيني
دمع الوالده
ينطرلك نده
ايبجي المگبرة
نوح الفاگدة
يجاسم يجاسم يجاسم ييمه
يجاسم يجاسم يجاسم ييمه
ياحلم العمر شيفيدالصبر
عريس الولد زفوه للگبر
✒️🎙️✒️🎙️✒️🎙️✒️ء
بگبر يبني غافي ينوم العوافي
اخاف اعله جرحك يفز بالنواعي
انوح ابسكوتي ردت يبني موتي
وغلاتك احس العمر ماله داعي
عرسك نطرته أمل كل حياتي
والغاضرية خذت أُمنياتي
ابعاشور الحسين تمنيت وفاتي
ابعاشور الحسين تمنيت وفاتي
ياعطر الورد
رايح ماترد
كل تعب العمر
مدفون ابلحد
يجاسم يجاسم يجاسم ييمه
يجاسم يجاسم يجاسم ييمه
ياحلم العمر شيفيدالصبر
عريس الولد زفوه للگبر
✒️🎙️✒️🎙️✒️🎙️✒️ء
ياراح اشيجيبه. عفتني غريبة
رحيلك يجاسم. حلم ما اصدگة
يتعبي ويشيبي. كتلني نحيبي
بقت عندي ذكره .قميصك واشبگة
المن عفتني .الضنه غالي تدري
يمه ييمه. الوكت حاني ظهري
اصحة وانامن .ودمع عيني يجري
اصحة وانامن .ودمع عيني يجري
كل حيلي انفگد
مااشوفن بعد
تگضيهة بچي
الراح الهة ولد
يجاسم يجاسم يجاسم ييمه
يجاسم يجاسم يجاسم ييمه
ياحلم العمر شيفيدالصبر
عريس الولد زفوه للگبر
🎙️🎙️🎙️🎙️🎙️🎙️🎙️ء
✍️خادمة خدام الإمام الحسين سلام الله عليه
ذمة مشكولة لاتحذف التوقيع👆

380

مؤسسة منبريون للشعراء

23 Oct, 02:55

الليالي الفاطمية

فتحيها عينچ يا بعد عيني
كلمة ووراها يُمه ودعيني
بكربله انتظرچ تحضريني
"""""""""
بليلة اوداعچ ييمه حسين ابنچ حاير
فاطمة ودعتچ الله ومُلتقانه باچر
راح انتظرچ تجيني بظهر يوم العاشر
بس اشوفچ خل وراها يدوس صدري الحافر
هم مثل صدرچ ينهشم صدري
بدوس الحوافر ينكسر ظهري
وهناكه باخر نفس تلگيني
"""""""""
ابنچ اخر امنياته لحضنچ اتضمينه
بكربله بيا حالة باچر ابنچ تشوفينه
عالارض تلگين جسمي عاري ومسلبينه
ولو نظرتي لفوگ راسي عالرمح تلگينه
يا يمه محنة ثانية سمعي
من اجل خاتم ينگطع صبعي
اريع اصابع تبقه بيميني
"""""""""
جروح جسمي يالحنينة انتي لـتداويها
يمه نبلة گلبي اريدچ بايدچ اتجريها
وگبل نبلة گلبي طلبة لخاطري تسويها
النبلة من عين ابو فاضل اول اتطلعيها
عباس خوفي بهايه ما يقبل
ويگول سهم حسين بالاول
هالموقف هوايه يبچيني
"""""""""
وياچ لاخر نفس انه وردت منچ هايه
بكل مصيبة خطوة خطوة بكربله ويايه
يُمه ذيچ اللحظة والله اتخففيها هوايه
لحظة المذبح ييمه كون اشوفچ جايه
وجهچ تشوفه المهم عيوني
يمه ووراها خل يذبحوني
گوليلي جيتك يُمه يحسيني
"""""""""
مصاب ضلعچ يالحبيبة سوه نتشارك بي
بصدرچ البسمار انتي وانه نبلة بـگلبي
بلا ذنب انذبح باچر هاي ارادة ربي
ذنبي لنّي ابن حيدر وابن فاطم ذنبي
اتمنه أمي بكربله يمي
مشتاگلچ من هسه يا أمي
ما بقت لحظات وتعوفيني
"""""""""
الباب طاحت على صدرچ ونار بيها تسري
وانه مو باب اعله صدري شمر يصعد صدري
بضلعچ انتي نار تمشي وسيف يمشي بنحري
دفنتچ سر ودفنتي وذرة وذرة بگبري
گبرچ ابونه يخفي اثاره
بس صدرچ ايظل اثر بسماره
دمعة ومآسي بينچ وبيني
""""""""
الـذابحين اخوتها يُمه تشكي المن همها
لحگي زينب يام زينب محد ايظل يمها
زينبچ تبقه غريبة ايطيّحون اخيمها
لا حسين ولابو فاضل لا ابوها وامها
بالحبل مچتوفة ويجروها
وعالمتن مثلچ هم يضربوها
ردتچ تواسيها وتواسيني

انيس الخفاجي الكربلائي

149

مؤسسة منبريون للشعراء

23 Oct, 02:55

الليالي الفاطمية

ميتة والاسباب .. نار وضلع وباب
مو مثل هالناس ماتت فاطمه
""""""""
(كّلُ نفسٍ ذائقةَ) طعم المنيه
هاذي آية واضحة امن الله وجليه
لكن ايحز بالگلب هاي المسيه
تنعصر بالباب وتموت الزچيه
وبالصدر بسمار .. يچوي چان وحار
والضلع طگ ينزف وينزف دمه
""""""""
مو سهل بس چان اخف وطأة يشيعه
لو چبيرة بالعمر ميتة الوديعه
بس عمرها اثمنطعش عام بربيعه
تموت مچويات اديها بيا شريعه
ياهو بلله الـمات .. وايده مچويات
لا محمد يرضه لا رب السمه
""""""""
گطعت الانفاس وما گطعته ونها
حگها لو ماتت بحسرتها وحزنها
طاح ابنها وهو ابنها قطعة منها
يمكن اسباب المنية موت ابنها
فضة لحگي تصيح .. ابني شفته يطيح
طيحته صدمتها صدمة مؤلمه
""""""""
مو مثل خلگ الله يا عالم وضعها
ميتة وعله الخد اثر چف الـصفعها
لليموت اسباب بارينه جمعها
وموتة الزهرة بسبب كسرةْ ضلعها
والمصيبة اثنين .. مو ضلع ضلعين
ماتت وضلعين إلها مهشمه
""""""""
لو تموت الأُم صعب كلش فگدها
والاشد ابنيّة لو اولاد عدها
الحسن وحسين شيصبر ولدها
بلايه أُم متيتّمة زينب بعدها
صاحوا الحسنين .. يُمه لا ترحين
وحال زينب الله بس الـيعلمه
"""""""
موتة الزهرة عجيبة وكلنا نعلم
لا بسيف ولا حرب لا حتى بالسم
ماتت بلوعة ضلعها اللي تهشم
عالضلع رب السمه (صلى وسلم)
وسفه هيچي تموت .. نلعن الطاغوت
عالـظلمها لعنة الله الدائمه
"""""""
حتى دفنتها فلا صار بخبرها
اندفنت ووياها هم اندفن سرها
بالگبر يندل ويعرف منتظرها
على ايده انشالله نندل گبرها
ننتظر لظهور .. أُمنيتنا نزور
ندعي اللهم عجّل مقدمه

انيس الخفاجي الكربلائي

250

مؤسسة منبريون للشعراء

23 Oct, 02:55

الليالي الفاطمية

ما عندي غيره هو بس عندي
يا ربي عجًل طلعة المهدي
""""""
بدموع حمرة جيته منتظره
يا ربي أدعي سهّل بأمره
يرد بالسلامة يوسف الزهره
منتظرة لأبني ودمعتي بخدي
"""""""
بالحال يدري وبالظلم يدري
ظلموني وانه اثمنطعش عمري
وضلعين مكسورات من صدري
كل عمري دمعة منين ما ابدي
""""""""
چفه الشريف ضلوعي يشفيها
وجروحي بس هو اليداويها
بالزهرة يدري شبيها ما بيها
مشتاگة اشوفه بالعجل ودي
""""""""
لو رَد .. اگله حيل عصروني
لابني أشوّفه سطرة اعيوني
واشكيله قنفذ ورّم امتوني
تلثميه چانوا وانه بس وحدي
"""""""""
هالساعة كون المهدي يحضرلي
بس هو بس الباقي من اهلي
ارد اشتكيله سگّطوا حَملي
واحزاني بيه اتجيب وتودي
""""""""
اشكي واگله ضلوعي محنيه
ترضاهه اگله شتّموا بـيه
وبالنار اخبره احترگت ايديه
وچويات إيدي ذوبت چبدي
"""""""
من يوصل ابني ويدخل لداري
اول مـيدخل يلگه بسماري
والمهدي الا ياخذ بثاري
بايديه ثاري وثار كل ولدي
""""""""
ما من مُطالب الا رَد حگه
للمهدي اگله ساعة الملگه
عالشجرة الا الظالم اتحرگه
لخان الامانة وانگلب ضدي

انيس الخفاجي الكربلائي

167

مؤسسة منبريون للشعراء

23 Oct, 02:55

بالخير تجلت والبشرى
أمُ أبيها الحورى الاخرى
@@@
بالسعد جوانا إذ أعرب
فالنبض ينادي يازينب
فلحبل الود بنا اقرب
ملكت بالصدر كما الزهرا
@@@
آيات الفخر بها تسمو
ليخط روائعه القلم
كالوحي أتى عنها الكلم
للمدح يقول لها اقرا
@@@
أو ذا مهدٌ أم ذي جنه
أم منحة ربي أم منه
للمجد بدت قمرًا إبنه
صديقة صِدّيقتها الكبرى
@@@
هي فرحة طه المختار
وربيع فؤاد الكرار
وتمام بنين اطهار
ولذا بهم صارت حورى
@@@
في ذكرى مولدها الازهر
النور لمقلتنا ابهر
فالكوثر جاءت بالكوثر
كالشمس قد حظنت قمرا
@@@
علي أحمد الحمود
٢٠-١٠-٢٠٢٤
مولد العقيله ع

96

مؤسسة منبريون للشعراء

23 Oct, 02:54

((وداع السلطان))

الفرگه تكتل
بس وداعك چَملّ الفرگه عذاب
وزاد فوگ الدمعه دمعه
ونولد حزن ومصاب
اتعسر الحسره بضميري
وأرجع ايتچون بيه وآنه شاب

يالوداعك سلب حيلي
والنهار اسود بعيني
گمت أسَميّ الزمن ليلي
عيشتني من حنانك
و سكنتني بنص جنانك
وكلتني بأيدك (الرئفه) وضگتها
شما أگلك چلمةّ الصار بلسانك
ونومتني بريش حبك
بدفو گلبك
وآنه المدلل وأطلبك
وماتردتني من أطلبك

من ينابيع الموده بيمنتك يالشربتني
وآنه اعرفك انته ضامي
كون اجيب الماي يالضامي واشربك
رغم ما دمعه بعيونك
بس توديلي ابتسامه
وي حمامه
اي أحس هايه علامه
والترافه تغطي جرحي
بس افزن
ويصفن بجرحك سؤالي
سيدي الخيمه الچبيره
احترگت وبيها يتامه

راح أگلك كافي دمعك
حتى مثل أبن شبيب
تگلي ابوي عاري بالحومه وسليب
تگلي ابوي الشيب من دمه خضيب
تگلي عمتي الغربه توجعها لهسه
وما اضن من الشماته ما اضن تشفه وتطيب

تگلي عمتي مر عليها يوم واحد
يوم من گالو سبيه
يوم من گالت وداع الغاضريه
وسلمت بالدمعه ... خويه
راح نمشي ومادرينه بيا نويه
بيا درب ما أدري وكتي ايمشي بيه
بيا هزيله راح اصعدها رقيه

الشمس تحرگ
وانت عاري
راح اغطيك بخيالي
وارسم الثوب بحبالي

خويه الله وياك ظل نايم هضيمه
ارتاح من الخيل خويه
ارتاح من السيف خويه
راح اواسيك بهزيله
راح اواسيك بسبيه
بعد ماكو اسمي عقيله

راح كل سوط اليطگني النيه لطمه
وراح اصيح حسين خويه
الخيل سحگنه ييمه

وتالي تالي من سمعتك هيچ گتلي
وانترس يبن شبيب بروحي صفنه
وطلعت جروحي بحضرتك
وَنه مطبوگه اعله وَنه

وتالي تالي ودعيتك
وگلبي مچلب يگلي لا تردني السهر شوگك
لاتردني الندم حالك
ابقه يم الضامن واترك خيالك
اوف مولاي انه ضايع
راح اودعنك بواچي
راح اروح التعب حالي وراح اعوفن كل دلالك

عبد زينب
محمد الابراهيمي

120

مؤسسة منبريون للشعراء

23 Oct, 02:54

یتفاحة الجنه إلبیهه أحمد رَد
من سابع سمه وحلگ إتشمت لَد

لو ما خِلقتچ بلدنیه ما من نور
لو ما عِترتچ لدین ما ضل مَد

لا إمّچ مثلهه إتصیر بلنسوان
لا عودچ شبیه و لا کجدچ جَد

یا أول مره إملبسه إلحجاب إحجاب
وچمملتی إلستر یلا إعله سترچ گَد

ما غیرچ مره إطب آیة إلتطهیر
ولا غیرچ مره للعدل صارت حَد

ما نزلت إلکوثر إله نزلت بیچ
ومن باهل محمّد یاهی غیرچ عَد

شَد اللّه إلظهر من طه بلکرار
و للکرار بیچ إلظهر لمن شَد

سِد إلبوب کلهه إلباری لأحمدگال
بس باب اللّه بابچ ما یشمله إلسَد

یم بابچ یسلم طه یلا إیفوت
وچان إیعیده لو ما سمع منچ رَد

شفناچ إبفکر ما شفنه شوف العین
بس عیب الگلب لو مثل وِدچ وَد

عجیبه إلشایفچ بعیونه و یأذیچ
عجیبه إلگلبه ما رَف وعله دارچ هَد

مصیبه إلکسر قصنچ وإنتی شجرة خیر
مصیبه إلشال عینه إعلیچ ماهو إلیَد

تِمرّین إلقیامه إلوادم إمقمضین
تعمه إعیونه کلمن علی إعیونچ صَد

یا وردة علی الکل عطر ملتم بیچ
وللشم إلورد مو مال سطرت خَد

ما یدری إلیضدچ ضِد إبوچ إیصیر
وإلی إیضد محمّد یعنی لرّب ضَد

ما همچ ورث و بفدک تهتمین
همچ بلفقیر إلبیهه عاش وکَد

یا أول شهیدة نَصر للمعصوم
درع صرتی إبدمائچ وبلسانچ سَد

إبکسر ظلعچ قبلتی ولابکسر إلدین
إنتی أول شخص من واله حیدر جَد

وحیده إلإم إبوها إتصیر بلتاریخ
لا صارت گبل لا حاضر ولا غَد

إشما نکتب شعر وَصفچ یضل إجدید
مو بس القلم حتی إلفکر هم نَد

عباس زرگانی...

80

مؤسسة منبريون للشعراء

23 Oct, 02:54

يا زهراء   يزهراء      يا زهراء يزهراء

مثل أمصاب الحسين يتجدد ذكرها
ولابد هم نجي يوم. مشايه الگبرها
ام اثمنطعش عام   فدوه اني العمرها
ماننسه الضربها اِو لا ننسه العصرها

يا زهراء يزهراء      يا زهراء يزهراء

ما انساها فاطم    المهضومه بدفعها
كسره بالتواريخ من كسروا ضلعها
لو كل المجرات   والدنيا بوسعها
فدوه العالم ايروح الدمعه من دمعها

يا زهراء يزهراء        يا زهراء يزهراء

ماكو عدنه بالكون   مخلوقه سواها
يزعل رب الاكوان. او يرضه وي رضاها
محد سامع بيوم   او لا صارت وراها
ام بس ام ابوها.    ام صارت لطـٰه

يازهراء. يازهراء.      يازهراء يازهراء

لو عيسى أبن مريم   عنده بنيه وحده
كل يوميه يمها       ويحطها اعله خده
چا كل النصارى       ايقدسوها اعله بُعده
بس انتي يزهراء    من شده اعله شده

يازهراء يازهراء.       يازهراء يازهراء

بالدنيا خرائط   وكلمن راسم منين
يمشيها حياته    او يتفكر للسنين
بالنسبة إليه    اعرف مسلكي وين
تخطيطي بحياتي خدمة ام الحسين

يازهراء يزهراء   يا زهراء يزهراء

عني شما يگولون     مجنون العقيده
اقبل والله يا ناس     مجنون الشهيده
باچر ام الحسين       تاخذ للتريده
المايلطم عليها.      لا ما تلزم ايده

يازهراء يزهراء.     يازهراء يزهراء

للشاعر محمد الظالمي

85

مؤسسة منبريون للشعراء

23 Oct, 02:54

استشهاد الزهراء ع

بالمدمع تجاره إقراها الزياره
****
سلم واهمل دموع .. صوتك عدها مسموع .. وترده سلامك
لتگلي الگبر وين .. ابكل بقعه ام الحسين .. تتردد علامك

ما حاجه مناره اتشوف ابني ابگلبك الگبه
واتخيل تطب لحسين هيچ المدمع اتصبه

من تبني المناره إقراها الزياره
****
ربح الزهره مو مال .. اتنجيك امن الاهوال .. ربحك بالقيامه
اشتنفع بالله دنياك .. تتخلد تره اهناك .. اهنا ماكو سلامه

لو نوح النبي عمرك هم تخلص تره سنينك
غير الزهره يا مسكين ياهو اللي يگر عينك

مفهومه العباره إقراها الزياره
****
وياها ابني مشروع .. سمي دمعه وضلوع .. ولطماتك بضاعه
ابمشروعك تحط باب .. وارسم فوگه المصاب .. وحدره اكتب شفاعه

كونك تنچوي بالباب وصدرك ينترس دخان
واسيها بنفس مجروح واغرگ حيل بالاحزان

بابك ويه ناره إقراها الزياره
****
عيش بوضع الجنون .. واعمي اعليها العيون .. وجرحهن خدودك
نايم بيها مسمار .. حيل ابچي عله الصار .. اخلص من قيودك
مسمار الكسر الضلوع طيّح محسن اعله الگاع
طلعت من گلبها الآه من ام حسن كلشي ضاع

وبهاي الحراره إقراها الزياره
****
من انسطرت العين .. ما صاحت يبو حسين .. اتصورها الفجيعه
ظلت دمعه تجري .. عنده اوصيه تدري .. ويلي اعله الوديعه

ما همها الالم والنار دين الهادي كل همها
ما ندبت علي الكرار رغم الضلع لاچمها

ما جرد فقاره إقراها الزياره
****
حيدر عاش الاحزان .. ودع اغلى انسان .. آهاته چبيره
غسلها بالجروح .. روح وفارگت روح .. فارگله عشيره

علي من غسل البضعه انلچم وياها ابو الحمله
يطيح امن البچي ويگوم مصاب الزهره شيحمله

صار أظلم نهاره إقراها الزياره
****

الشاعر اياد الديراوي

125

مؤسسة منبريون للشعراء

23 Oct, 02:54

ما اخاف امن الكبر
انه خام وفتخر
دوم بالمجلس اسر
قلب الزهراء
***
لو دنت مني المنيه. وغمضت عيوني
وداروي الماي اعله جسمي. وربعي شالوني
وحضر الدفان كبري. واهلي دفنوني
تحضر الزهره الزجيه. الكبري صدكوني

تكلي بالخادم هله
بيك ريحة كربله
ويجلي يا ناس العسر
قلب الزهراء
***
انه منكر لو سألني. وكف عاليمنه
فاطمه تكله اتركه. هذا خادمنه
جان يحضر للمجالس. ودمعته تهمنه
احنه يا منكر نكفله. والسجل يمنه

انته تدري للمحب
الله يغفر كل ذنب
الخادم ايحبه اشكثر
قلب الزهراء
****
ما تمس النار جسمي. وفاطمه بكتري
فاطمه متأكد انه. تحضر الكبري
انه ما بين المجالس. خلصت عمري
ودري لطمت صدري باجر. بالكبر ذخري

تلزم ايدي ام الحسن
وسمي ينذاع بعلن
وراح باجر ينجبر
قلب الزهراء
**-
جان محبوب بحياتي. بحيرتي اشكيله
بابي انت وامي. جنت اناديله
هالحبيب حسين اسمه. وصرخ دخيله
جنت كل عاشور اخدمه. وكعد ابجيله

حسين لو شفته اطمئن
وبالكبر انسه الحزن
يفرح بلطم الصدر
قلب الزهراء
**
بالحشر حاير يعالم. ما تخليني
الزهره باجر تلتقطني. وهيه تحميني
منبر بيوم القيامه اهناك تنطيني
ومثل سيد جاسم انه. ناعي تدريني

باجر تلم الخدم
وحمزه اليشيل العلم
وينسر اشكد بالشعر
قلب الزهراء
**
تمت
تحسين الخفاجي

138

مؤسسة منبريون للشعراء

23 Oct, 02:54

يالماشين لرض الشام...أخيكم ضال يتحسر
سلمولي عليها هواي...أروحن ليها ماأگدر
مامقسوم أزور أم عون...وگلبي الرخصه يتنطر
ألي يمكم أمانه أتروح...توصل بابها الأخضر
هاكم روحي أخذوهه...گبل لا للگبر تنجر

آه يالـغريبـه

أمانه وياكم أخذولي
جرحي الصاير بطولي
يازوارهه أدعولي...گبل لاموت أزورنها

عمري خلص متانه
روحي أثغيب خلصانه
راحت كلها يمته أنه...المناره ذيچ أشوفنها

مريض وعلتي ماترضه تتطيب ومالي بس چاره
زينب يمه قسميلي لذيچ الحضره أجي زياره
♕♕♕♕♕♕♕♕♕♕♕♕♕♕♕
روحي من البچي تعبت...ونار بگلبي حراگه
آه يالشام دمعي يصيح...يمته يصير الملاگه
وعلي مشتاگ يايمه...وشوگه المثلي خناگه
بدخانه دليليّ يلوب...صحنچ يحرگ فراگه
أْنه امنيتي أطب لسوگ...أحس أبعثرت الناگه

آه يالـغريبـه

أطيح ورايد يشوفون
أريد أسمعهم أشيحچون
من السمعوو لم عون...هاي الماتو أخوتها

أجــي وتـعـثـر بممشاي
حافي أسمعها لچمت هاي
طـبـنْ للـقـصـر حـفـاي...وحس بالحيره ساعتها

أريد أسمعهم أيگولون أجه رايد يشوف أمه
غريبه وليلها تگضيه ونين وساكنا الضلمه
♕♕♕♕♕♕♕♕♕♕♕♕♕♕♕
أنا العايش بحيره...وتشيب الليل سالفته
من گد ماأون الليل...حته الليل جزعته
أنه الصحبانه المتعبيه...منهم كلمه هاضمته
شفنا أشويه من الشام...أبد ماتنحمل علته
الله يعين گلب أم عون...كله الشام شايفته

آه يالـغريبـه

گالو كلشي غربه هناك
وحال أم عون مو كواك
ويم شباجها أذكرناك...بس مو مال ننخاها

لسه امتانيا العباس
لسه أتعيل بيهه الناس
ناس بلا خجل وحساس...أخو يگولون ماجاها

يمه المثلي موش بخير والله تذبحه الحچايه
أريد الموت يمچ كون بعد ماتگضي القرايه
♕♕♕♕♕♕♕♕♕♕♕♕♕♕♕
دخيلچ يمه أرزقيني...أروح وي الألچ گاصد
أجي للمجلس أسمعهم...حچيهم صاير بواحد
بليلة مايريد يروح...والطرت الفجر گاعد
طر الفجر گالو مات...ذاك الحلمه الج رايد
أضم دمعي وگوم آبآآآه...وسد أذني ورد شارد

آه يالـغريبـه

أضم بگلبي هم وآلام
وحس بگلبي ضام أسهام
أنه السالفتي بس بالشام...أچي مولاتي ياساعه؟

كلشي عليا سويته
وثغيبي أُوني لميته
أنه الملگاج تانيته...أنه الدمعته متاعه

محضر كلشي وتنه اليوم ألبيه أنحسب زاير
دخيلچ يمه أرخصيني بعد ماريد أضل حاير
♕♕♕♕♕♕♕♕♕♕♕♕♕♕♕
رســول ريــاض

76

مؤسسة منبريون للشعراء

23 Oct, 02:54

نزال لصاحب الزمان عج

بااذن الله باجر. تعله المناير
وللزهره رايح تنبني گبه اومناره
****
كلها لظهورك سيدي منتظره الانصار
بس أشر أمن الخارطه نمحيها الاشرار
يمته لضريح الزهره تمشي افواج زوار
ونعاين لكبة الذهب تذهلها الانظار

ابصحن الفواطم. نحيي المأتم
كل شيعي يلعن قاتل الزهره بشعاره
****

مهدينا باجر لوطلع يكتب على الواه
فتحاً قريباً فاطمه اونصراً من الله
يطالب يجي بثار الظلع وايد الله وياه
الله ينصره الناصره وعاده الي عاداه
الكل ينصره. لوعجل امره
يملي الارض قسط اوعدل رايح فقاره
****

ليهسه ظلع ام الحسن ينزف
ولا طاب
شيب وشباب اتلوعت من عملة الباب
عالمحسن وخد فاطمه حتى الكلب ذاب
يالمهدي تطلع ياوكت وتصفي الحساب

ابياساعة تظهر. جيشك تحضر
كل شيعي يحسب سيدي وطال انتظاره
****
اليا وكت يل منتظر تبقه انت غايب
ابثار الغريب المنذبح ليمت تطالب
مهدينا جا ليمت تجي اذل النواصب
موت اوقتل سلب ونهب شفنا العجايب

شاهد وضعنه. كلش تعبنه
عبدالله ياهوه اليجي وياخذله ثاره
****
حگك يبو صالح تضل كل عمرك تنوح
عندك شهيد أمن الگفه بالسيف مذبوح
يادم مثل دم السبط عالغبره مسفوح
وابلا دفن جسمه ثلث تيام مطروح

عالغبره عاري. ابنص الصحاري
والرمضه تلهب والرمل يجوي ابحراره
****

عمك لهسه أعلى النهر وابلايه جفين
والجبهه مضروبه ابعمد والسهم بالعين
ليهسه ابو فاضل يحس ماوفه لحسين
مو مره مات أمن الخجل عباس مرتين

صابوو جربته . ودنگ رگبته
شيكلها زينب لو رجع صعبه اعتذاره
****
عل هزله صعدت عمتك اكبر مصيبه
واعليها شمات اشرو هاي
الغريبه
اولها تالي اميسره الجان الها هيبه
حرمه ويكيدوها بحبل والله عجيبه

تقبل شيمكم . انطگن حرمكم
ما تقبل بهذا الفعل كل الغياره

****

الشاعر ابو أسد البزوني

74

مؤسسة منبريون للشعراء

23 Oct, 02:54

لاستشهاد الزهراء عليها السلام.
(وزن السريع)

الله واكبر يادواهي الدهر
اشتحمل الزهره من عذاب وقهر
★★★★★
أيام صعبات اللَّفن فاطمه
بفعل العصابه الظالمه المجرمه
بلوعه وعليله وناحله امهشمه
غربه ومناحه وعاديات الخطر
★★★★★
كل الوكت مهموم گلب ام حسن
من نايبه النايبه ايذبها. الزمن
بعد النبي ايام صعبه. لفن
والگلب مثل الضلع منها انكسر
★★★★★
العلزهره لوعلجبل چان انهدم
من اهل الظلم مايوم شافت رحم
ولابيهم المكسور گلبه. وندم
ولابيهم الحس ابذنب واعتذر
★★★★★
وين الزچيه تروح من هَلْمِلَلْ
الخانوا ابوها وجفوا خير العمل
حصتها منهم بس مرار. وعلل
وگلوب أبد متلين مثل الحجر
★★★★★
القالع الباب الي بديه انرفع
بابه على ضلع الزچيه اندفع
صابر على المحتوم ابد ماجزع
صابر على الحال اليذوب الصخر
★★★★★
الغصبوا فدك معروف چان السبب
وحق الوصي يوم السقيفه انغصب
والهجموا على الدار. وَجَوّا حطب
نفس الي گالوا على الهادي هجر

الشاعر حسن لعيبي الحريشاوي

71

مؤسسة منبريون للشعراء

23 Oct, 02:54

لاستشهاد سيدة نساء العالمين
فاطمة الزهراء عليها السلام

مَهْلًا ياعذاب البين   عَطَّل ساعة اقدارك
خطار الزچيه اليوم   ارحم گلب خطارك
★★★★★
امان الناس مظلومه   محن مرت عليها اشگد
ياهظم الظلع مصيوب   نار الظلع ماتبرد
مهشوم الجنين ايطيح   وسياط الغدر تنمد
تشد يابين علزهره     حرب وتحشم انصارك
★★★★★
اشافت من عمر ها الفات بس غير الحزن والهم
الحگها ينحفظ لازم      على كل حال يتقدم
لامن حق ولاأنصاف       ورثها الغيرها اتقسم
يدهر المارحمت شلون    باچر شنهي اعذارك
★★★★★
ينور الخالقه المعبود     قبل الكون واسراره
حبها درع للمخلوق.      يوم المفزع وناره
وسيله بيوم يتلفت غريب و روحه محتاره
وانته والبشر يابين        توج ابدارها نارك
★★★★★
رحمه من إلآه الكون   على المخلوق ارسلها
بأسمها تنطفي النيران   تمنع محب يدخلها
تدعي رحمة الخالق.   على الوادم يعجلها
عَجَّل موتها الظْلَّام    يبين شمكثر اشرارك
★★★★★
جمره بگلب ابوصالح ابد ماتنطفي الجمره
على المحد رحم بيها گظت باقي العمر حسره
تصب ماتنشف دموعه ينوح ويبجي علزهره
يجرح البين ماتشفه بگلب مهدينه اثارك

الشاعر حسن لعيبي الحريشاوي

69

مؤسسة منبريون للشعراء

23 Oct, 02:54

اتلث روايات قليلات عزاء أم الحسن
اثمنطعش كون والعيون وجوبن ينعمن
ريت كل عمري عزيه
او بس ليالي فاطميه
    بس ليالي فاطميه
________________________________

يا أم الوگع ضامي    او نحره امگطّع او دامي
جيتچ هل مسيه

عن تقصيري اتعذّر       دمعي ماهو دم احمر
لجلچ يل زچيه

اتلث روايات المصابچ مو كِفايه
يلي بِـضلوعچ جنو اعظم جنايه
كون كل ونّه الچ تِنعد روايه
او عله كل دمعه نِون وَنّ السبايه

انسوي عاشور   والصدور الچ تشبع لطم
نعمي العيون والجفون تذوب امن الهظم
حسره يل زهره الزچيه
بس ليالي فاطميه
________________________________

آنه او صفنتي اتأمل      مِن اسمع لچ المقتل
والباب او حرگته

ابّالي اتصور الوگعه     او اسمع رنة الصفعه
والضلع او كسرته

يوم خلف الباب طحتي اگبال حيدر
ايشوف خدچ يسطرونه وايتحسّر
بذنه يسمع صوت ضلعچ من تكسّر
بچه . گدام الشماته الله واكبر

امفرع الراس   يهل ناس    يدگ ابهامته
يهوه وايگوم والهموم سقيمن خلته
شيبت راسه الرزيه
بس ليالي فاطميه
________________________________

شذكر يا ألم شنسه وانتي ابصدرچ الرفسه
لنفاسچ گطعها

ليلچ فاطمه امسهد من السطره فوگ الخد
ليشيّب وجعها

امنازع اتخلصين ليلچ يل حنينه
كل نَفَس مثل السهم تتجرعينه
العينه مصيوبه تنام اشلون عينه !!
يون طول الليل ما بطل ونينه

حالچ اشحال شده البال ملائكة السمه
اتنادي بل آه اويلاه ماتت فاطمه
ياعظم هاي الرزيه
بس ليالي فاطميه

________________________________

امتونچ يم حسن يدّن      حيل اهل السمه هدّن
او يبچولچ يفاطم

طحتي ياجلال الله او كلهم صاحو اسم الله
من طاها او لآدم

كل نبي ناح المصابچ يل زچيه
او لجلچ امفرع فزع سيد البريه
ايگول ريت اجذوعكم طبگن عليه
او كل مصاب الصار بيچ ايدور بيه

دمعچ ايصير بسامير ابدليلي انبتن
بويه زهراء يزهراء ثجيله هل فتن
شلها هل وادم عليه
بس ليالي فاطميه
________________________________

رغم القله والكسره     او رغم اشبينه من حسره
نحييها المآتم

امصابچ بينه يتجدد       الرفسه او صفعتچ عل خد
وسوط البل معاصم

هوّه يا جرح الذي ننساه گِدرنه !
الباب والبسمار عاشن وي عمرنه
الطيحتچ فوگ الترب طاحت عگلنه
من وكتها الهل وكت محني ظهرنه

ابصدرچ الآم    چن اسهام    بل اصفاح انبتن
او محسن الروح بلا روح      وگع يم الحسن
مرتمي فوگ الوطيه
بس ليالي فاطميه
________________________________

عهدن نبقه بل خدمه       انموت او تبقه هل كلمه
نتوارث عهدنه

اشما رادو نِگع . نعله         كلها الخاطرچ سهله
يا ام المحنه

لحد يوم البي نشوف المهدي قادم
ايشوف بعيونه عزائچ عدنه قائم
اويسمع الناعي يون لضلوع فاطم
او يگعد اويانه او دمع عيناه ساجم

انكحل العين   والحسين   إله ثاره يرد
بيده يسگيه    يرويه       يبردله الچبد
او زينب ترد مو سبيه
بس ليالي فاطميه
________________________________

ابو فاطمة الطائي

74

مؤسسة منبريون للشعراء

23 Oct, 02:53

قصيدة شور

للسيدة الزهراء عليها السلام
وامير المؤمنين عليه السلام

حبيتك لإن * شفت حبك وطن
حبيت وجنت ادري اليحب يدفع ثمن
اختبار أصعب ولي * ولأن بَس انتَ الي
لذلك قررت من انكسر قربى لعلي

هذا حُب
اليضحي بحياته ويعرف بتقصير وضعة
هذا حُب
اليموت امن الوجع بس يستحي ينشاف دمعة
هذا حُب
الما يهتم ولا يحجي اذا ينكسر ضلعة

وداعت عيونك يا علي هيه ونظرها
قربان احسب فاطمة هيه وكسِرها
أجري رضاك انت عَليه وهاي العيون
اخافن تبجي وتضيع أجرها

@
وآسيتك دمع * وبجي ما ينسمع
شفت حبك يريد التضحيه نطيته ضلع
بعيونك حجي * المن هالبجي
وأنه لو حَركت جفني اعله اسمك انتجي

يا علي
آنه السويته الك ما ينحجي تكليف واجب
يا علي
السويته أمر من الله مو فزعة گرايب
يا علي
وآنه الخاطر عيونك تَلگيت المصايب

لا تنكسر يا بو الحسن يابو الحمية
ممنونه الك ما قصرت عن الزجية
واعذرني اذا مره شفت محتركه الجفوف
مو قصدي اواريهن الك حگك علية

@
حبيتك صفة * مو من عاطفة
وصلت المرحلة امن الحب عبرت المعرفة
حب ما ينشرح *محسن منذبح
و خفت لو صيحن باسمك حيائك ينجرح

كمت اصيح
يا فضة الحگيلي ثكيل اعليه بابي
كمت اصيح
لأن انت اغلى من عمري وستر بيتي وشبابي
كمت اصيح
خلوو ابن عمي لو ترى أكشِف حجابي

يا عافية تضِل يا ستر يا حال حالي
مكسورة وركضلك ركض آنه وخيالي
لزموني عنك جي كمت مكسورة ضلوع
عوفوني كلتلهم ترى المجتوف غالي

@
صبرت اعله الاذى * لان كلشي انتهى
شهتم وآنه عندي ابيتي سدرة منتهى
انكسر ضلعي صبَرت * انغصب حكي صبَرت
ودفنت الما غفى بحضني ولا شفته صَبرت

هنانه لااااا
من توصل الك لا ياعلي اعلِك شموعي
هنانة لااااا
وخافن ضلع مني انكسر وأسبَل دموعي
هنانه لااااا
افزعلك اركضلك ركض وأكسر اضلوعي

ما ردت اشوفك تنجتف وتموت قبلي
وانتَ امامي من قبل لتصير بَعلي
ولو صار شي بيك انتهي وشيبقى بالبيت
وآنه بلايه عيونك بالهالدنيا شلي

اللهم عجل لوليك الفرج
علي الحسن

81

مؤسسة منبريون للشعراء

23 Oct, 02:53

((راحت امي))

.         مـا بــقـــه عــنــدي أمــان
          وادري يـجرحنـي الـزمـان

        راحـت امـي      راحـت امـي

                                  *---------------*---------------*

راحـت وبــيّــن عـلـيّــه الـخــوف والـهَـم
وابـتـدت رحـلـت عـذابـي وحزنـي خـيّـم
ظـلـت ابعيني صـورهـه الـعـصـره والـدم
تجـري دمـعاتـي واگولن بـلـگـت احـلــم

          صــــارت الــدنــيــا ظـلام
          تــركــت ابــروحـي هـيـام

                                  *---------------*---------------*

ادخـل الحـجـره ورسمهه لـبـالــي يـرجـع
مـا اشــوف الـزهـره بيهه ابـدمـعـه اطلـع
بصغري فـارگت الوديـعـه وصـعـبـه اقـنـع
كلمة الـيُـمـه أشـيـردهـه ومـنـهـه اسـمـع

          يُـــمـــه اتـــمــنـــه أگـــول
          مــاتـت ابـمـوت الـبــتــول

                                  *---------------*---------------*

ابــحـلــم اتــمــر ثــوانــي يـمـتــه وتـــرد
ما حسبت حـساب امـي بـلـحـظـه تبـعـد
يـجرح الـلـيـل وظـلامـه الـوحـدي اگـعـد
يـاهـو الـيـعـطـف عـلـيّـه و ياهـو يـنـشـد

          عـاشـت بـگلـبـي الـجـروح
          فـجـئـه خـلـتـنـي واتـروح

                                  *---------------*---------------*

بجرحي عـافتني الـزچـيـه وعيني تهمـل
ويـن اشوفـنهـه واگـلهـه الـفـرگـه تـكـتل
والله ما عيش ابـجـفـاهـه واگـدر احـمـل
غـابـت الـچـانـت تـلـمـنـه وخيـمـه للـكـل

          احـسـب احـسـاب البعـيـد
          والـحــزن بــيّـــه يـــِزيـــد

                                  *---------------*---------------*

عـاشـرت صـوت المناحـه ودمـعـه الـخـد
ذكـره خـلـتـلـي الزچـيـه الـثـوب الاسـود
اصــبــر اشـلـون وألـمـهـه عــابـــر الـحَــد
جـمـرة احـزانـي وعـذابـي صـعـبـه تـبـرد

          شـيّـب اجفوني الـحـنـيـن
          مـظـلـم الــبـيـت وحـزيّـن

                                  *---------------*---------------*

بـزهـرة اسـنـيـنـي وعـگـبـهـه گلبي شيّب
احــلــم اتــنــاديـنـي مـــره يُــمــه زيـنـب
لـشـوكـت ابـقـه ابحسرتي ونـاري تـلـهـب
الــتــروح اُمّــــه يـــوادم حــقــه يـنـحـب

          خـلـصـت ايــامـي عــذاب
          احـمـل اشـلـون الـمـصـاب

                                  *---------------*---------------*

✍خادم الزهراء ع
الشاعر رعد الجريخي

75

مؤسسة منبريون للشعراء

23 Oct, 02:53

السيده الزهراء اتگلم الامام علي في عالم الرئيه

ذبلان احس مو من بَچي
             أشگد شايل بعينك حَچي

سولفلي وضعك ياعلي
سولفلي وضعك ياعلي

                    *---------------*---------------*

أمبين اعليك التعب سولفلي واحچي اهمومك
يالصبرك بـگـد الـزمـن متغيره حـيـل ارسومك
متحمل اجروح وألم اشگد شفت مـن گومك
ابسرعه أحسّك شيّبت يـابـو الحسن مالومك

واضح عله اجفونك سهر
                گلبك حمل فرگه وقهر

                    *---------------*---------------*

احزانك مخليه اثـر گـلـي اشفت يالوالي
اهواي احسك منكسر غالي ويحس بغالي
نـاس العليك اتئآمرا صوره الغدرهه ابالي
البابك الجاب الحَطب نفسه الجرح دَلّالي

بأصعب جرح مثلي صرت
                 يوم انعصر صدري وحرت

                    *---------------*---------------*

اشگد شايل بصدرك ألم من الأجوك الدارك
عايش وحـيـد بدنيّتك ألمن تـبـث أسرارك
زمرت عصابه الأذتك اصبر يحامي الجارك
اختارلهم الباري الغدر وأنته الأمير اختارك

ادري بسهر ليلـك يـمـر
          حسره وحزن صار العمر

                    *---------------*---------------*

حاچيني يالحچيك نده بعدك احس ماطايب
ياحيدر اشسوه الزمن گلبك وراسك شايب
احچيلي بغيابي الجره جاي وعَبرتك جايب
أمحدّب اشبيه الظهر حيلك نَحـيـل وذايب

ماچن علي وليث الحرب
               وچان المَثل بي ينضرّب

                    *---------------*---------------*

الزادو اجروحك تـره اهـل الـحـقـد ادريهم
الشيّبو گـلـب النبي اسـود يـضـل ماضيهم
اصحاب السقيفه والفتن ايعينك الله اعليهم
مابيهم العنده وفه وقـطـرت رحـم مابيهم

الهم صفه نقض العهد
                بابك عله الخانوا شهد

                    *---------------*---------------*

✍خادم الزهراء (ع)
الشاعر رعد الجريخي

70

مؤسسة منبريون للشعراء

23 Oct, 02:53

شور

.            واويـلاه واويـلاه     يـايُـمـه
             واويـلاه واويـلاه     يـايُـمـه

                            *---------------*---------------*

               أجـاچ الـرحـمـه مـاعـنـده
               الـمـايـعـرف شـنـو الـورده
               عـلـيـچ اجـاسـر الـملـعـون
               ولـلـبـاب أعـتـنـه بـحـقـده

                            *---------------*---------------*

               الـبـاب بــدمــچ اتــوضــه
               دفــعــاه الــعـثـر حــظـــه
               يالـزهـره أنـعـصـر گـلـبـي
               يـوم الصحـتـي يـا فـضـه

                              *---------------*---------------*

               الـظـالـم بـالـحـقـد أعـمـه
               مــا شــاف الـــورد يــمــه
               اجــاچ ابــنــاره مـتـعـنـي
               وعـطـر الـجنـه مــاٱشـمـه

                              *---------------*---------------*

               اشلـون العصـرتـچ أنـسـه
               أونـن ونّــت الـخــنــســـه
               شــفـت الـمـا عــبــد ربــه
               اگبالي وصدرچ ايـرفـسـه

                              *---------------*---------------*

               حـنـانـچ بـيش اعـوضـنـه
               وچنـتي الرحـمـه والجـنـه
               عــاشـرت الـحـزن عِـشـره
               وأســمــچ دوم أذكـــرنـــه

                              *---------------*---------------*

               ظلمه الحجره أشـوفـنـهـه
               حـگـي الـدمـعـه أهـلّـنـهـه
               أتــذكــر وازيــــد الــنــوح
               أسنيني بـمـگـبـره چـنـهـه

                              *---------------*---------------*

✍خـادم الـزهراء ع
الشاعر رعد الجريخي

83

مؤسسة منبريون للشعراء

23 Oct, 02:53

(جاوب يسلمان)

بيدي أدفنت روحي ** اشلون احمل اجروحي

جـاوب يـسـلـمـان ** جـاوب يـسـلـمـان

*---------------------------*-------------------*

قصت جراحاتي ابتدت للموت اعيش اوياهه
الترست اعيوني صوور تصعب عليّه انساهه
دافـنـهـه مكسورت ضلـع بـاچـر شـگـل ألطـٰه
استعجل اتراب الـگـبـر بـعـمـر الورد غطاهه

المايدري خل يدري ** ألهه انكسر ظهري

*------------------------*------------------*

هاي الوديعـه فاطمة خـدهـه بـتـرب خليته
جاوب يسلمان بعَجل اشحال الدفن عافيته
ايحقله تـنـزل دمعته الماتت عليله ام بيته
الفاگـد ايجرحه الـهـوه لـمـن يـطـب الريته

خليني أبّث حزني ** شال النعش متني

*-----------------------*---------------------*

اثمنطعش عـمـر الـورد وتراب اخلي اعليهه
عافتني بثياب الحزن وألهه الدموع اجريهه
دنيا التغيّب فاطمة اشباقيلي واطمع بيهه
اتمنه وياهه الاجل كلمه بصراحهه احچيهه

الكسرت ظهر حيدر ** صعبه الدفِنهه أكدر

*-------------------------*--------------------*

ياهو اليلومه الحسرته اليدفن عزيزت روحه
بگد ذكرياته ومدمعه ايحس تصير اجروحه
والمثلي فاگدله غصن واجب يضل ابنوحه
ماعوفن الدمعه أبـد وبـكـل وكت مسموحه

زهره وعَلّي تبعد ** خليني يمهه أگعد

*--------------------------*--------------------*

اشلون اعيش ابدنيتي والزهره عني ابعيده
أتـنـطـر الموتي صـرت هـذا الـعـمـر ماريده
اليبقى وحيد بـغـربـتـه حتى الصبر ميفيده
ايسولف بطاري المشه وأسم الحبيب ايعيده

تدري انهدم حيلي ** ويخلص سهر ليلي

*---------------------------*----------------------*

✍خادم الزهراء ع
الشاعر رعد الجريخي

104

مؤسسة منبريون للشعراء

مؤسسة منبريون للشعراء (Arabic)

مؤسسة منبريون للشعراء

مؤسسة منبريون للشعراء

مؤسسة منبريون للشعراء

مؤسسة منبريون للشعراء

مؤسسة منبريون للشعراء

مؤسسة منبريون للشعراء

مؤسسة منبريون للشعراء

مؤسسة منبريون للشعراء

مؤسسة منبريون للشعراء

مؤسسة منبريون للشعراء

مؤسسة منبريون للشعراء

مؤسسة منبريون للشعراء

مؤسسة منبريون للشعراء

مؤسسة منبريون للشعراء

مؤسسة منبريون للشعراء

مؤسسة منبريون للشعراء

مؤسسة منبريون للشعراء

مؤسسة منبريون للشعراء

مؤسسة منبريون للشعراء

مؤسسة منبريون للشعراء

مؤسسة منبريون للشعراء

مؤسسة منبريون للشعراء

مؤسسة منبريون للشعراء

مؤسسة منبريون للشعراء

مؤسسة منبريون للشعراء

مؤسسة منبريون للشعراء

مؤسسة منبريون للشعراء

مؤسسة منبريون للشعراء

مؤسسة منبريون للشعراء

مؤسسة منبريون للشعراء

مؤسسة منبريون للشعراء

مؤسسة منبريون للشعراء

مؤسسة منبريون للشعراء

مؤسسة منبريون للشعراء

مؤسسة منبريون للشعراء

مؤسسة منبريون للشعراء

مؤسسة منبريون للشعراء

مؤسسة منبريون للشعراء

مؤسسة منبريون للشعراء

مؤسسة منبريون للشعراء

مؤسسة منبريون للشعراء

مؤسسة منبريون للشعراء

مؤسسة منبريون للشعراء

مؤسسة منبريون للشعراء

مؤسسة منبريون للشعراء

مؤسسة منبريون للشعراء

مؤسسة منبريون للشعراء

مؤسسة منبريون للشعراء

مؤسسة منبريون للشعراء

مؤسسة منبريون للشعراء

مؤسسة منبريون للشعراء

مؤسسة منبريون للشعراء

مؤسسة منبريون للشعراء

مؤسسة منبريون للشعراء

مؤسسة منبريون للشعراء

مؤسسة منبريون للشعراء

مؤسسة منبريون للشعراء

مؤسسة منبريون للشعراء

مؤسسة منبريون للشعراء

مؤسسة منبريون للشعراء

مؤسسة منبريون للشعراء

مؤسسة منبريون للشعراء

مؤسسة منبريون للشعراء

مؤسسة منبريون للشعراء

مؤسسة منبريون للشعراء

مؤسسة منبريون للشعراء

مؤسسة منبريون للشعراء

مؤسسة منبريون للشعراء

مؤسسة منبريون للشعراء

مؤسسة منبريون للشعراء

مؤسسة منبريون للشعراء

مؤسسة منبريون للشعراء

مؤسسة منبريون للشعراء

مؤسسة منبريون للشعراء

مؤسسة منبريون للشعراء

مؤسسة منبريون للشعراء

مؤسسة منبريون للشعراء

مؤسسة منبريون للشعراء