قصائد نساء فقط

@abbasns5

يالله

قصائد نساء فقط (Arabic)

قصائد نساء فقط هو قناة تيليجرام تهتم بنشر القصائد الشعرية التي تمتاز بأنها من كتابات النساء فقط. إذا كنت من محبي الشعر وتود الاستمتاع بأعمال شاعرات موهوبات، فهذه القناة هي المكان المناسب لك. تجد في هذه القناة مجموعة متنوعة من القصائد التي تعبر عن مشاعر وأفكار النساء بطرق مختلفة ومتميزة. سواء كنت تبحث عن قصائد رومانسية، وطنية، اجتماعية أو غيرها، ستجدها هنا. لن تجد نصوص مللية أو مكررة، بل ستستمتع بقراءة إبداعات جديدة ومميزة تعكس قدرات الشاعرات النساء المتألقات. فتابع هذه القناة واستمتع بعالم الشعر النسائي الجميل والملهم. يالله، لنكتب ونقرأ ونبتكر معًا!

قصائد نساء فقط

12 Jan, 20:20

فزاعيه الزينب ع

ودو طروش للعباس لايتعطل عليها
تريده للكبر بيده يوديها
..........
ودو طروش   للمهيوب
ماتت يم كلب مصيوب
واليها وعليه   معتوب
زينب بين غربه لايخليها
..........
خله يكوم ابوالهدات
زينب تجذب الونات
فزعو الشايل الكلفات
هاي ام الخدر جاوين اهاليها
..........
خل يفزع كمر   عدنان
تريده ايرافك الدفان
اليوم بعازة الاخوان
شيال الجنازه تريد واليها
...........
تعتب عمت ابنه اليوم
تريده للجنازه ايكوم
اكعد ياعجيد الكوم
شيل اختك وامش بيها
.........
يكوم   بغيرته العباس
واخته يشيلها عالراس
يهيبه وراعي النوماس
هاي الي تزامط بيك تدريها

✍️ ام زينب كربلاء غير مبرئ الذمه من يأخذ الكلام وينسبه له او حذف الاسم

https://t.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

879

قصائد نساء فقط

13 Dec, 18:03

قصيدة لأم البنين ع {حشمت ام البنين}

بالعباس ...حشمت ام البنين
صاحت يمه جيب اوياك الحسين
❥❥❥❥ـــــــــــــ❁❁ـــــــــــــ❥❥❥
بالعباس حشمت ام المحنه
صاحت جيب ابو اسكينه اريدنه
قبل لا اموت اريد الليله اشمنه

الليله رايدتكم تهمل العين
❥❥❥❥ـــــــــــــ❁❁ـــــــــــــ❥❥❥
اريدنكم تجوني لا تعوفوني
لصوب المكبره يمه تزتوني
من الشوگ تهمل من دمه اعيوني

عذبني بجفاكم يمه الونين
❥❥❥❥ـــــــــــــ❁❁ـــــــــــــ❥❥❥
عذبني بجفاكم وني يحبابي
عيني امناطره هالليله لبابي
اريد اجفوفكم اتهيل بترابي

حشمتك تجي يبني يالحنين
❥❥❥❥ـــــــــــــ❁❁ـــــــــــــ❥❥❥
حشمتك تجي وتجيب ابو اليمه
لا تعتذر مني ادخيل يايمه
مابيه بعد واتحمل الهظمه

تعبتني وحگك يبني السنين
❥❥❥❥ـــــــــــــ❁❁ـــــــــــــ❥❥❥
تعبتني السنين وليلي مرضني
وجفاكم يبو النوماس شيبني
ليلي وي هجركم يمه تعبني

وخذت حيلي مصيبة ذبح الحسين
❥❥❥❥ـــــــــــــ❁❁ـــــــــــــ❥❥❥
#للشاعرة غدير الحساني

https://t.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

19,362

قصائد نساء فقط

13 Dec, 18:02

فزاعيه لاام البنين ع
جنوبيه رباط هوسه

لطمن حيل لم الكطعوا اجفوفه
ام عباس بالكلفات معروفه
💔💔💔▪️💔💔💔
عازنها الزجيه اليوم عازنها
دكن عالصدر واللطمه عدلنها
ولم الاربعه الدمعات هلنها

المهيوبه//غمضتها العين
💔💔💔▪️💔💔💔
عيون ام البنين اليوم غمضتها
لا ويلادها الحضرت جنازتها
لحد الموت ماهودت ونتها

مامرتاحه //من يوم الطف
💔💔💔▪️💔💔💔
ثفطر اجبال ونتها تون لحسين
فدت اولادها وجفوف ابنها اثنين
مو دمع التهله دم تهل بالعين

مهضومه//ماشافت راحه
💔💔💔▪️💔💔💔
واعزاز الكلب هليوم رادتهم
معتازه البنين تريد فزعتهم
وبكسره كلب يولادي ندبتهم

يحضروها/بهذا اليوم
💔💔💔▪️💔💔💔
وسفه ام البنين الغربه شيعتها
لا والي الحضرها بيوم دفنتها
هاي ام الوفه دم جرت دمعتها

للداست صدره//الخياله
💔💔💔▪️💔💔💔

تــــمت بعون الله تعالى
بقــــ✍🏻لم خـادمة االزهراء عليها السلام
الشـــاعره أم حسين الفريداوي
لاأجيز حذف الأسم
نسالكم الدعاء بتعجيل الفرج لصاحب الزمان ((عج))

https://t.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

17,338

قصائد نساء فقط

13 Dec, 18:01

لطمية لأم البنين عليها السلام (( مايضل عندك گلب ))

مايضل عندك گلب
من تشوف ام البنين
گاعده بدارك تنادي
ياحبيبي ياحسين

امگابله امچانك الخالي
وحالهه اخلافك صعب
لو شفتهه اشلون تنعه
مايضل عندك گلب
عبره مخنوگه بصدرها
والدمع عالخد يصب
اتگول وديتك بديه
للمنايه وللحرب
وللسيوف والرماح
وللظلم والظالمين

اشلون وديتك بديه
للسيوف وللرماح
لاتضن گلبي بغيابك
يستقر لو يستراح
من شفت ضعنك جزاني
حيلي وي الضعن راح
عيني مشبوحه اعله دربك
كل مسيه وكل صباح
بلكت يردك زماني
وجرحي يضمد يالحنين

بلكت يردك زماني
من ترد جرحي يطيب
ودعتني ومن وداعك
يبني صار بگلبي شيب
انته بس انته حبيبي
ولابعد غيرك حبيب
بيك افكر خاف بالطف
باچر اتصبح غريب
من عگب ذيچ النشامه
لانصير ولامعين

اشلون لو ضليت وحدك
لامعين ولانصير
چني يامظلوم اشوفك
عينك الزينب تدير
ايعينهه الله من تگلهه
گومي لوداعي الاخير
الدهر لارحمه عنده
ولامروه ولاضمير
للهضم خلاني بعدك
والمناحه والونين

للمناحه والونين
والمصايب والقهر
ماانام الليل كله
هيچ خلاني الدهر
من سمعت الناعي ينعه
هيست ضهري انكسر
صحت وين حسين گلي
وگال ماعنده نحر
وهاي زينب وابن اخوها
امس سووله اربعين

هاي زينب وابن اخوها
چانوا ابين اللحود
من السلاسل والسياط
امتونهه وامتونه سود
حسين بالحومه توذر
لاتنطرينه يعود
والبطل عباس عالشط
راسه مطبور بعمود
لاعلم لاعين عنده
لايسار ولايمين

لشاعرة اهل البيت
ام هجران العمارچيه

غير مبري الذمه من يمحي الاسم اويغيره ويتلاعب بالقصيده وينسبها لشخص اخر

https://t.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

15,428

قصائد نساء فقط

30 Nov, 17:04

#جديد_وحصرياً_.
#الطميه_بديوان_خير_النساء_الجزء_١_.

لطميه للزهراء عليها السلام( يمه لفيني ابعباتچ )

يمه لفيني ابعباتچ خل اشمن ريحتّچ
ماهو وكت اوداع يمه اتيتمين ابنيتّچ
طفله وبعازت حنان ... چان الي اوجودچ امان
گلبي وشلون ابغيابچ يمه يحمل وحشتچ
❥━──➸➽❥💔❥━──➸➽❥💔
يمه يوم الرحتي عني خيم ابگلبي الحزن
يمه جدامي مشيتي للمگابر والدفن
ليش ذبيتي العبايه ولابسه الأبيض چفن
غاليه أو كلچ محنه يا بعد روحي ام حسن
دونچ اشيسوه العمر ... فرگتچ تحني الضهر
گلبي وشلون ابغيابچ يمه يحمل وحشتچ
❥━──➸➽❥💔❥━──➸➽❥💔
يمه كل ليليه افزن واصرخ اعليچ ابهظم
والله فرگاچ اشمصعبه مني سل حتى العظم
بس اليفارگ عزيزه يشعر بمعنى الألم
ادخل الغرفت منامچ ريحتچ فواحه اشم
احضن اهدومچ واون ... والدموع اتسايلن
گلبي وشلون ابغيابچ يمه يحمل وحشتچ
❥━──➸➽❥💔❥━──➸➽❥💔
احضن اهدومچ ييمه وابچي ابحرگة گلب
چنتي امس يا زهره يمي وهسه بحضان الترب
ضايعه اخلافچ وعيني ادموعهه من دم تصب
ضلمه بيتچ يلحنينه گمت اشوفه بس اطب
همي يكثر والدمع ... خالي اشوفه وانفجع
گلبي وشلون ابغيابچ يمه يحمل وحشتچ
❥━──➸➽❥💔❥━──➸➽❥💔
ثاري كلمن فارگ امه ايعيش عيشه باهته
واعلى خده ابحزن تجري كل مسيه دمعته
من عمت عين المگابر يمه وجهچ ضمته
گلبي مكسور ابرحيّلچ والله توجع كسرته
ها يروحي او دنيتي ... صار موتچ غصتي
گلبي وشلون ابغيابچ يمه يحمل وحشتچ
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم✍الشاعره أميره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://t.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

26,146

قصائد نساء فقط

29 Nov, 14:50

قصيدة لمولاتنا الزهراء "عليها السلام"

حنينة وغالية والگلب يهواچ
رافگنه الحزن من ودعيناچ

واعلينه الهوه ضاگ
يتعب اهواي الفراگ

ندور غرفتج بس ما لگيناچ
رافگنه الحزن من ودعيناچ
ــــــــــــــــــــــــــــــــــــــــــــــــــ
رافگنه الحزن من رحتي عنّه
شمحله الموت والله وياج يمنه
يموت الولد گبل امه ايتمنه
خيمة وطحتي واتطشر شملنه

ينعمة ومني تنباگ
يتعب اهواي الفراگ

صعبة فرگتج ويانه ردناچ
رافگنه الحزن من ودعيناچ
ــــــــــــــــــــــــــــــــــــــــــــــــــ
صعبة ايفگدچ المتعود اعليچ
أصَبْر اشلون روحي معلگه بيچ
تأمن الروح لو بس يمر طاريچ
دعيت الموت ياخذني ويخليچ

اعليه اليتم ما لاگ
يتعب اهواي الفراگ

كسر البالضلع للموت وداچ
رافگنه الحزن من ودعيناچ

✍🏻زينب الواسطي
ــــــــــــــــــــــــــــــــــــــــــــــــــ
كـسـر الـبـلـضلـع يا ريـت بـيـه
ناديــت ابــهــضـم آآيالـزچــيـه
بحسره اتعيش دون امها لبنيه
لـمـصـلاچ اصـد كـل مـغـربـيه

الچ كل لحضه اشتاگ
يتعب اهواي الفراگ

ريـت انموت كلنه كـون وياچ
رافگنه الحزن من ودعيناچ
ــــــــــــــــــــــــــــــــــــــــــــــــــ
ريـت الـموت ياخذنه ويـخليچ
ما احمل جـفاچ امعلمه عـليچ
يمن فدوه رحت يمه المعانيچ
ذاري الـمگـبـره خـافـنه ياذيچ

وينشف ذيچ الرياگ
يتعب اهواي الفراگ

يمن عاب الگلب لويوم ينساچ
رافگنه الـحزن مـن ودعيناچ

✍🏻خادمة آل البيت
ــــــــــــــــــــــــــــــــــــــــــــــــــ
نستني العافيه بس لونسيتج
يلعشتي بوريدي مـــــو ابّيتج
صارت غفل يــحبيبه مشيتچ
لو بس ساعه وتردين ريتـچ

الج حيل الگلب طاگ
يتعب اهواي الفراگ

يهد الحيل يم حسين طرواچ
رافگنه الحزن من ودعيناچ
ــــــــــــــــــــــــــــــــــــــــــــــــــ
احس حتى الهوه يخنگني يمه
وهذا الكون عگبج صــار ظلمه
ومن اشتاگلـــج ثوبچ اشـمه
الفاگد زهرته يريد اليضمه

دمعه يكت حراگ
يتعب اهواي الفراگ

تنعينه ردت لا موش ننعاج
رافگنه الحزن من ودعيناچ

ام عــــ✍🏼ــــــلي البابلي
ــــــــــــــــــــــــــــــــــــــــــــــــــ
تمت بعون الله تعالى بأقلام

✍🏻ام علي البابلي
✍🏻خادمة آل البيت
✍🏻زينب الواسطي

لانجيز حذف الأسماء
نسألكم الدعاء

https://t.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

25,692

قصائد نساء فقط

10 Sep, 00:08

لطميه للأمام الحسن العسكري عليه السلام

اليوم العسكري شايل أو شيعوده
والمهدي حزين وروحه ممروده
❥━──➸➽❥💔❥━──➸➽❥💔
حزنان أبو صالح شال أبو عنه
أمگابل جثته أو بس يجهر الونه
صاح أشلون أبوي الگبره أشيلنه
بيت العز وگع يا ناس عاموده
❥━──➸➽❥💔❥━──➸➽❥💔
لاوين الحسن شايل أبهالليله
نرجس تنتحب لمصابه وأنحيله
والمهدي يون وضل يتچيله
صورة والده أمن البيت مفگوده
❥━──➸➽❥💔❥━──➸➽❥💔
أبسامره الحسن مسموم وأتراده
گعدو بلحزن يم راسه الساده
ويلي السم ثجيل وهدم أفاده
الليله جثته أعلى القبله ممدوده
❥━──➸➽❥💔❥━──➸➽❥💔
عرگان الجبين أو ضل يون وحده
والمهدي حزين أو گاعد أبسده
الدمعه ضلت أتلالي على خده
صاح أبصوت بويه العشره مريوده
❥━──➸➽❥💔❥━──➸➽❥💔
عشرتنه عمر مريوده يالغالي
وياك الأمسامر بويه يحلالي
بيتك يالأبو صبح صدگ خالي
وهسه المدرسه والدار مسدوده
❥━──➸➽❥💔❥━──➸➽❥💔

*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*

الثلاثاء / ٦ من شهر ربيع الأول
الموافق / ٢٠٢٤/٩/١٠

https://t.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

49,988

قصائد نساء فقط

09 Sep, 15:36

#الطميه_بديوان_أئمة_الهدى_الجزء_١_.

لطميه للأمام العسكري عليه السلام

اليوم العسكري متغيره الوانه
سامره عليه اتنوح حزنانه
❥━──➸➽❥💔❥━──➸➽❥💔
سامره عليه اتنوح هليله
مسموم الحسن والسم هدم حيله
ملتمه عليه اتودعه العيله
وسامره صفت من شخصه خلوانه
❥━──➸➽❥💔❥━──➸➽❥💔
المهدي حزين وعينه سجابه
بيده غسلاه وصاح يا يابه
شلون ايشيل عنه راعي الاهيابه
هليوم الحزن والهظم غطانه
❥━──➸➽❥💔❥━──➸➽❥💔
اليوم العسكري مسموم جر ونه
يريد ايشيل هليله الولي عنه
الف وسفه النوايب ليش صابنه
مسموم ويون ممدود جثمانه
❥━──➸➽❥💔❥━──➸➽❥💔
اليوم العسكري ناوي عله افراكه
والمهدي يكله شوكت نتلاكه
احا يا فركتك يابويه حراكه
يا جمر الأفراك شلونه جوّانه
❥━──➸➽❥💔❥━──➸➽❥💔
سامره تون من شال واليهه
الليله امكدره وتريد راعيهه
شال اليوم من عدهه امخليهه
يا يومك ثجيل اشكثر بجانه
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://t.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

43,597

قصائد نساء فقط

31 Aug, 19:49

لطمية للنبي محمد صلى الله عليه واله وسلم (ابن عمك يحيدر)

ابن عمك يحيدر ... شال عن داره
لايرجع بعد لاتسمع اخباره

مايرجع بعد حمل الجيدومه
نام اعله التراب وطول النومه
خله ام الحسن تلطم ومهضومه
تگول افراگ ابوي ولاطفت ناره
ابن عمك يحيدر ... شال عن داره

تگول افراگ ابوي المارحم حالي
خله النار تتفاور بدلالي
للمحراب اصد امكدر وخالي
ومفگود الحنين وغايبه انواره
ابن عمك يحيدر ... شال عن داره

غايب نور ابوي الچان يتلاله
وادموع الحسن وحسين هماله
والديوان ضل فال الحزن فاله
وعن المصطفى ينشدون خطاره
ابن عمك يحيدر ... شال عن داره

تنشد عالنبي ياحيدر اضيوفه
وين الچان ينطي الزاد بچفوفه
مايرجع بعد واشلون ماشوفه
احن الشوفته وضليت محتاره
ابن عمك يحيدر ... شال عن داره

احن الشوفته الحلوه ومحاچيه
مايرجع بعد لاينشد اعليه
سور الدين مات وشيعو فيه
راح اليگعد المسكين بكتاره
ابن عمك يحيدر ... شال عن داره

كلهه بعازته المسكين والسايل
ياوسفه الحنين امحمل وشايل
باچر يهجم اعله الدار چم عايل
والحگ ينوخذ بچفوف غداره
ابن عمك يحيدر ... شال عن داره

الحگ ينوخذ بچفوف سلابه
ادري اهل السقيفه تعيل بغيابه
اصيح بصوت وينك ماتجي يابه
الكسر البالضلع ماترهم اجباره
ابن عمك يحيدر ... شال عن داره

✍شاعرة اهل البيت
ام هجران العمارچية
غير مبري الذمه من يمسح اسم الشاعرة او ينسب الرثاء لشخص اخر

https://t.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

47,092

قصائد نساء فقط

30 Aug, 16:45

قصيدة ليلة استشهاد النبي الاكرم محمد (ص)

يا محمد   ليله صعـبه اليله
يا محمد   علي اتهدم حيله
صعبه ساعات المصاب
فرگتك حسره وعـذاب
              علي اتهدم حيله

¢¢¢¢¢¢¢¢¢

يا رســول الله غيـــابك جمـره تســـعر للابـد
عـذبت گلــب الصميـــــــده وألك دلاله انمـرد
بيمن ايعوضــك يطــه المـات ما يرجـع بعــد
الدنيه ماتحلى ابغيابك يلي احلى امن الشهد

اشلون ليله   بيه مخسوف الگمر
اشلون ليله   ليلة احـزان وقــهر
نور وجهـك بيهه غاب
فرگتك حسره وعذاب
              علي اتهدم حيله

¢¢¢¢¢¢¢¢¢

غسلك بدمـوعه حيـــــدر چفنك بثيـابه
وشيـعك بجروح گلـبه ودمعته السچابه
وفاطمه خلفه تنــادي ابسفـرتك يا يـابه
سهم هجرك صوباني ومايطيب اصوابه

دمع هجرك    راح يعمي اعيونهه
دمع هجرك    أيفرح اليبغضونهه
انفتــح لمصايبهه باب
فرگتك حسره وعذاب
            علي اتهدم حيله

¢¢¢¢¢¢¢¢¢

دمعة امصـــابك يطه عل بشر مكتـــوبه
والسمه والارض لجلك بالحزن مصيوبه
ظهر ابوالحسنين حـدب صاير الهم ثوبه
يدري هـــذا آخــر لقاء اويـاك يا محبوبه

وحشه دارك     والحزن غاطيـهه
وحشه دارك      يالچنت ضاويهه
يلــي غطـــــاك التراب
فرگتك حسره وعذاب
                 علي اتهدم حيله

¢¢¢¢¢¢¢¢¢

اتيـــــتم العالم بأسره وعلي زادت محنته
اتحزم ابصبره ومحنته بهيده يجذب ونته
گلبه ضل ينزف مشــاعر والمشــاعر بچته
ناظـــره ينزف مــــدامع اثـر خله ابوجنته

بحزن وبهم    ضل يودعك حيدره
بحزن وبهم    وســـدك حـدر الثره
طـــول وياك العتـــاب
فرگتك حسره وعذاب
                 علي اتهدم حيله

¢¢¢¢¢¢¢¢¢

ماتت بگلبه السوالف بعد ماعنده صبر
عمره بعدك مايريده ودفن ويـاك العمر
آخ يا فــگد العزيز وآخ يا جـرح الهجر
لوسمع آذان يبچي ذكـر أسمك بي يمر

يزيد نوحه    لونظـر لـم الحســـن
يزيد نوحه    وتثگل اعليه المحن
عگبك اتشوف الصعاب
فرگتك حسره وعذاب
                   علي اتهدم حيله

¢¢¢¢¢¢¢¢¢

تم بعون الله تعالي
بقلم ام زين العابدين اللامي
من يود يقرا القصيده يذكر هذا الاسم (زين العابدين الزبيدي)
والله ولي التوفيق
اسـالـكم الـدعاء لي والـدي،
الفاتحه الى روح والدي

https://t.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

36,835

قصائد نساء فقط

30 Aug, 16:39

القصيدة ' بدار ام الحسن
الشاعرة 'فاطمة هاشم الحسيني
ـــــــــــــــــــــــــــــــــــــــــــــــــ

بدار ام الحسن نقرة تعازينة
شايل هل مسة ياناس هادينة

⊱━━⊰✾ياصاحب الزمان✾⊱━━⊰

بدار ام الحسن لطمتنه والونة
شايل ياحبيب الباري ودعنة
جد حسين هذا الماكو ابد منة

مودعينة //ياجد حسين

⊱━━⊰✾ياصاحب الزمان✾⊱━━⊰

بيجن حيل مابيجن الطملة
مثل يوم العزيز حسين سولة
ترة ابنيته حزينة المدمع اتهلة

مالومة //من شال الوالد

⊱━━⊰✾ياصاحب الزمان✾⊱━━⊰

مالومة ويكون اوياها نتألم
نصرخ ياحسافة ونعدل الملطم
عله واليها ريت العين هلت دم

نبجيلة //من دم يستاهل

⊱━━⊰✾ياصاحب الزمان✾⊱━━⊰

عزيز ابنيته هذا الشال لترابة
واسي ام الحسن مو هين امصابة
وصيحي اوياها من تصيح يايابة

الهادينة //رخصيه الحيل

⊱━━⊰✾ياصاحب الزمان✾⊱━━⊰

ارخصي الحيل لتبخلين بالدمعة
عمت عيني يتيمة صارت البضعة
سندها الشال منها وراح شيرجعة

ماجورة //هليها ادموعج

#الشاعرة_فاطمة_هاشم_الحسيني

https://t.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

33,864

قصائد نساء فقط

28 Aug, 19:05

موشح للرسول (ص)

اليوم خاتم الرسل والانبياء
شال من الدار والدنيا فناء
//////////

شال من الدار والد فاطمه
ومحزن الكرار حماي الحمه
عليه حزنانه الارض وي السمه
وتلطم عله العين ياخير النساء
//////////

وتلطم عل راس بنت المصطفه
خلاف ابوي تكول ع دنيه العفه
ضلمه دارك يلنبي ونورك طفه
يارسول الله جنت نور وبهاء
//////////

جنت نور بدنيتي بويه وضوه
ماتعود ايامنه الجانت سوه
ليش تهجر يلأعز من الهوه
وانه بعدك بلهضم بويه وعناء
/////////

حسين يبجي يكول ياهدينه
صدك كالو يمه مشيعينه
ميهيد ينوح ويهل عينه
مانريد فراك ونريد البقاء
//////////

انه اريد وياي يحضر غربتي
يشوف جدي شلون ضلت جثتي
ولليسر والشام تمشي عيلتي
وخل يشوف اليصير بكربلاء
//////////

تمتتتتتتتت والحمد الله 🤲
كلمات الشاعرة اسيل الزينبية ✍️
ممنوع حذف الاسم ✋

خادمة اهل البيت عليهم السلام
الشاعره ام عون الحلاوية

قاسي ويهد الروح ندري العطش زين
يامن شربت الماي لاتنسى الحسين

https://t.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

34,075

قصائد نساء فقط

28 Aug, 13:39

*فزاعيه للرسول (ص)*
*((من ديوان📚 مسير الفواطم لارض المظالم الجزء الرابع))*
❥━──➸➽❥❂❥━──➸➽❥❂
*الزهرة تنوح هذا اليوم*
*حزنانه اعله و اليهه*
❥━──➸➽❥❂❥━──➸➽❥❂
حزنانة وتجر ونه
تگول الوالي اريدنه
ومنه انگطعت الضنه
عليه العين لعميهه
❥━──➸➽❥❂❥━──➸➽❥❂
لعمي العين لغيابه
يفجع كلش مصابه
كلف ومچيد يصوابه
واعليه دمعتي اجريهه
❥━──➸➽❥❂❥━──➸➽❥❂
دمعاتي بگت تجري
و الله بحالتي يدري
قاسي شكثر يا دهري
قاسي وخذه اليحميهه
❥━──➸➽❥❂❥━──➸➽❥❂
يا وسفه خذاه البين
وانه بس اجر الونين
وما رحمته الملاعين
راح الچان يفنيهه
❥━──➸➽❥❂❥━──➸➽❥❂
راح وما اله رجعه
صوتي الوالي ميسمعه
بيه ضاگت الوسعه
العيله من يباريهه
❥━──➸➽❥❂❥━──➸➽❥❂
*بقلم 📝 شاعرة اهل البيت*
*العلوية مريم النور نسألكم الدعاء الفاتحه إلى روح اختي ولامواتكم:🍃*

https://t.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

35,591

قصائد نساء فقط

27 Aug, 21:02

#الطميه_بديوان_بحر_الولاء_الجزء_١٨_.

لطميه للرسول صلى الله عليه وآله

الزهره اتنوح وي جبريل بلكون
شال المصطفى واولاده يبجون
❥━──➸➽❥❂❥━──➸➽❥❂
ما نامت الزهره ساهره الليل
بس غمض ابوهه هجمت الخيل
حركو دارهه واتهدهد الحيل
عنهه وين شايل يلنبي وين
❥━──➸➽❥❂❥━──➸➽❥❂
عنهه وين ابوهه حمل او شال
يمصيبت الزهره اتهدم الاجبال
مكسورة ضلع والدمع همال
تكله ارجع يبويه اوفتح الاعيون
❥━──➸➽❥❂❥━──➸➽❥❂
تكله ارجع او شوف اشسوت اعداك
اريدن للمنيه اخذني اوياك
ما اصبر يبو ابراهيم لولاك
واليفكد عزيزه يصبر اشلون
❥━──➸➽❥❂❥━──➸➽❥❂
الزهره اتنوح والاملاك حزنت
وي جبريل عالي الصوت نحبت
شايل يا رسول الله او ونت
ظلمه دنيته والكون مرجون
❥━──➸➽❥❂❥━──➸➽❥❂
شال المصطفى الليله ابونينه
والزهره تون ونه حزينه
تصيح بصوت ارجع ياولينه
والحسنين ضجو ما يسكتون
❥━──➸➽❥❂❥━──➸➽❥❂

*تـــمت والـــــفضـــ🤲ـــل لله تعالى*
*بقلم✍الشاعره أميره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://t.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

32,290

قصائد نساء فقط

27 Aug, 18:25

https://vt.tiktok.com/ZS2hWssaQ/

31,015

قصائد نساء فقط

26 Aug, 10:31

فزاعية للرسول الأكرم محمد(ص)

~

عيني ام الحسن عالمصطفى اليوم

ودگي اعله الصدر وعازي المظلوم

~~~~

دگي اعله الصدر والونه عليهه
زهره بالنبي هاليوم   عازيهه
وبدمعة حزن فاطمه نواسيهه

   ( مغرب عنه... شال بهل لليله)

~~~~

مغرب ياحسافه   مرسل   الامه
دنيه خلاف عينه موحشه وظلمه
ابو ابراهيم غاب وغيبته عظمه

       (لبنيه اتنوح... امخليهه)
~~~
تنوح الطاهره  عالوالد بحسره
بعده يروح محسن يالنبي بعصره
مگيدين الوصي ياريتك   تنظره

    (يا وسفه الحيد... مگيدينه)
~~~
مگيدينه علي وضلوعي كسروهه
بتك    يا لرسول اعداك   اذوهه
وبنار   الحقد     دارك    يشبوهه

   ( اصحابك بويه... يظلمونه)
~~~
يظلمونه يبويه بعدك اصحابك
وبنار الحقد يحرگونهه   بابك
ما خافو الباري وراعو اغيابك

(بتك يالهادي... ايصطروهه )

~

تمت والحمدلله ✍ خادمة أم ابيها الشاعرة أم علي الحلفي

               نسألكم الدعاء

https://t.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

41,990

قصائد نساء فقط

25 Aug, 01:48

#من_ديوان_قُربانُ_الطف_ج11
قصيدة للأربعين(يعمن عيوني)
❥━──➸➽❥❂❥━──➸➽❥❂
السيدة زينب عليها السلام عندما وصلت كربلاء وشاهدت قبور اخوتها نادت:

ولياني وعليهم يعمن عيوني
اريد ابچي عليهم حيل خلوني
❥━──➸➽❥❂❥━──➸➽❥❂
اريد ابچي عليهم واجهر الونه
فرگاهم كلف وشلون احملنه
يچوي الروح والدلال احسنه
الون والنوح للماتوا وعافوني
((وعليهم كل وني ونوحي))
❥━──➸➽❥❂❥━──➸➽❥❂
ونيت وعليهم هلت الدمعه
النايم باللحد ياناس شيرجعه
احا يفراگهم دلالي يفجعه
منهم أيست وانگطت ظنوني
((ماتوا يعزازي اولياني))
❥━──➸➽❥❂❥━──➸➽❥❂
صحت يخوان جيت اليوم مهضومه
صار الأربعين وروحي مالومه
خوال الولد گعدو طالت النومه
ماحسبت هيج بساع تنسوني
((فرگاكم يوجع اذاني))
❥━──➸➽❥❂❥━──➸➽❥❂
من گبر لگبر افتر وازورنكم
بعدني بعوزكم لامشبعت منكم
تسرون اويه دمي والله احسنكم
بنومتكم عله الغبره فجعتوني
((مفجوع مفطر دلالي))
❥━──➸➽❥❂❥━──➸➽❥❂
من درب اليسر رديت محنيه
بارض الشام ماتت يخوتي ارقيه
عفتهه وجيت انوح وحيل مابيه
بالايتام والله حيريتوني
((بايتام الماتوا محتاره))
❥━──➸➽❥❂❥━──➸➽❥❂
*بقلم✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:*

https://t.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

36,109

قصائد نساء فقط

21 Aug, 19:15

فزاعية للاربعين (خليني اشم اترابه)

لحسين اخذني ياعلي
خليني اشم اترابه

بلكت يحن الحالي
وينفض اترابه الوالي
مثل الجمر دلالي
ماخله بيه امصابه

ماخله بيه افراگه
والوالدك مشتاگه
ماتبرد وحراگه
نار الهضم لهابه

نار الهضم بفادي
ياعمه مر بالوادي
ذبني اعله خال اولادي
يصعب فجعني اغيابه

اغياب ابوك المو سهل
لاينجرع لاينقبل
خلينه الم ذاك الشمل
وي السليبه اثيابه

وي السليبه اعمامته
ملهوفه عيني الشوفته
خليني اغسل طبرته
بدموعي السچابه

خليني اغسله بالدمع
بلكي يخف عنه الوجع
گلبي تفطر وانوجع
ماينحسب دولابه

ماينحسب ضمي شكثر
عمه علي وحيلي عثر
چا ليش مسدود الگبر
واشلون افكن بابه

باب الگبر ماينفتح
واشلون اگعده الينذبح
مشيول راسه عالرمح
وسكينه صاحت يابه

✍شاعرة اهل البيت
ام هجران العمارچية
غير مبري الذمه من يمسح اسم الشاعرة او ينسب الرثاء لشخص اخر

https://t.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

43,110

قصائد نساء فقط

20 Aug, 23:15

حصريا 🔥
شوفولي الفزاعي الجديد
للاربعين 😔

فزاعي قصير
بقفلة هوســــــــــــــــــــــــه
عندما وصلت زينب الى الحسين رميت بنفسها من على ضهر الناكه 😭 واحسيناه
〰️〰️〰️〰️〰️〰️〰️〰️〰️
شمرت روحهه اعله احسيـــن
زينب من على الناكــــــــــــــه
〰️〰️〰️〰️〰️〰️〰️〰️〰️

شمرت روحه وصاحـــــــــــت.
خويه روحيتي راحـــــــــــــت
على كبر الولي. طاحـــــــــــت.

اتلكاني،، اكعد يبن امــــــــــــي
〰️〰️〰️〰️〰️〰️〰️〰️〰️

دگله اكعد يخال ابنــــــــــــــي.
اجيتك والضهر محنــــــــــــي
خويه منجرح. متنــــــــــــــــي.

شوف امتوني،، يحسين اكعـــد
〰️〰️〰️〰️〰️〰️〰️〰️〰️

مهضومه اجيت اليــــــــــــوم
وگلبي من الیسر مالــــــــــــوم
كافي بسك من النـــــــــــــــوم

من النومه،، بسك یاخــــــــــوي
〰️〰️〰️〰️〰️〰️〰️〰️〰️

عندي اوياك خويــــــه اعتـاب
وناري بالگلب عطـــــــــــــــاب
گعدونه بلایــــــــــــــــــــه باب

ماذيني،، حجي الشامـــــــــت
〰️〰️〰️〰️〰️〰️〰️〰️〰️

شسولفلك يماي العيـــــــــــن
ضيمي اهواي تدري حسيـــن
كلب اختك كضاه اونيــــــــن

اعله افراكك،، اعميت العيــن
〰️〰️〰️〰️〰️〰️〰️〰️〰️

ماهودت طول اليــــــــــــــــل
دمعي على اخدودي يسيــــل
خويه اجفاك رك الحيـــــــــــل

احنه اضلوعي يحسين اجفاك
〰️〰️〰️〰️〰️〰️〰️〰️〰️

بقلمي عاشقة العباس الشاعره ام عراق الشمري البصره صاحبة ديوان الرايه الخضراء وقائد الطف ولايجوز حذف الاسم شرعا وغير مبري الذمه لكل من ينسب الكلمات لنفسه او يتلاعب بالمفردات
https://t.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

37,798

قصائد نساء فقط

20 Aug, 20:02

نوحيه للأربعين( صاحت ما تگعدون )

يوم الأربعين أم عون ردت
يم أگبور أهلهه أتنوح گعدت
صاحت ما تگعدون
ها يا نور الأعيون
والله الروح ليكم يهلي حنت
يوم الأربعين أم عون ردت
❥━──➸➽❥💔❥━──➸➽❥💔
ردت بالحرم والروس وأطفال
گوه تمشي وأتسحسح بالأذيال
صاحت يا خوال أبني يالأبطال
ما يرهم عليكم نوم الأرمال
جيناكم يالأحنان
من وليت العدوان
بس خوله أو رقيه أهناك ضلت
يوم الأربعين أم عون ردت
❥━──➸➽❥💔❥━──➸➽❥💔
سلمنه عليكم من دخلنه
ما وأحد گعد منكم يهلنه
صحنه حسين ما تگعد تلمنه
بعد أفراگ يبن أمي رجعنه
جينالك بالأعتاب
ها يا نسل الأطياب
روحي أعليك يلمهيوب شاغت
يوم الأربعين أم عون ردت
❥━──➸➽❥💔❥━──➸➽❥💔
يا خال الولد جيتك بالأعتاب
أعتب والدمع من عيني سچاب
أدور بالگبر بلكت أكو باب
أريد أدخل وأشوفنك يحباب
بالتربان ممدود
يالكلك وفه وزود
صدگ يحسين هاي الفرگه صارت
يوم الأربعين أم عون ردت
❥━──➸➽❥💔❥━──➸➽❥💔
أشوف أبكربله أگبور السلاطين
عباس الشهم وأبن أمي حسين
ذاك الأكبر أو جسام الأحنين
شبان أشحلاهم ما معرسين
ليش الموت أجاهم
شبان شحلاهم
وأسكينه أعله گبر الحيد ونت
يوم الأربعين أم عون ردت
❥━──➸➽❥💔❥━──➸➽❥💔

*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*

الثلاثاء / ١٥ من شهر صفر الحرام
الموافق / ٢٠٢٤/٨/٢٠

https://t.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

35,138

قصائد نساء فقط

19 Aug, 16:32

لطمية للاربعين (جابت هضم واعتاب)

جابت هضم واعتاب زينب واجتكم
محد نشدهه شبيج من حشمتكم

شو كلكم امنومين محد نشدهه
من الحبل والسوط ورم زندهه
زينب هضم واعتاب هالليله عدهه
مثل الغريبه اتصيح ماچنهه اختكم
محد نشدهه شبيچ من حشمتكم

مثل الغريبه اتصيح يهل الحميه
من اليسر رديت والبيه بيه
ماشفتو العدوان زمخو عليه
للكلفه والعازات والهم ردتكم
محد نشدهه اشبيچ من حشمتكم

الكلفه والعازات كثرن والاحزان
ضيم العليه اهواي وبگلبي نيران
محد نشدني اشبيچ نمتوا يالاحنان
لاني الخذاني الموت لاني الشفتكم
محد نشدهه شبيچ من حشمتكم

ياموت اصيح اشبيك چا ماخذتني
للونه والشوغات خايب عفتني
لو حي ابو السجاد ابو السجاد راويته متني
ودعت اگله الروح من ودعتكم
محد يگلهه اشبيچ من حشمتكم

يبن امي اگله الروح مرهونه يمكم
من طحتو العدوان حرگو خيمكم
لابيه اعن وارتاح لابيه المكم
ردت سبتني الگوم من وذرتكم
محد يگلهه اشبيچ من حشمتكم

✍شاعرة اهل البيت
ام هجران العمارچية
غير مبري الذمه من يمسح اسم الشاعرة او ينسب الرثاء لشخص اخر

https://t.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

35,584

قصائد نساء فقط

18 Aug, 18:54

*((من ديوان 📗 عبرات وأنين في رثاء الطاهرين الجزء الخامس))*

*فزاعية للاربعين*
❥━──➸➽❥❂❥━──➸➽❥❂
كل عام اليمر يحسين
نگصد ليك مشايه
❥━──➸➽❥❂❥━──➸➽❥❂
كل عام اليمر بينة
نگصدلك يبوسكينة
مصابك والله ماذينة
وافجع روحنه اهواية
❥━──➸➽❥❂❥━──➸➽❥❂
مصابك سيدي افجعنة
عليك ايسيل مدمعنة
ليك ارواحنا ارخصنة
وجينة اليوم عناية
❥━──➸➽❥❂❥━──➸➽❥❂
انت الروح و الانفاس
اتعنينة وندگ عالراس
ليك وللبطل عباس
وشلنه ويانة الراية
❥━──➸➽❥❂❥━──➸➽❥❂
رايات الحزن يحسين
شلنها ونهل العين
انعازي الحيراها البين
الصارت بالصبر اية
❥━──➸➽❥❂❥━──➸➽❥❂
نعازي ام الصبر زينب
واعليك الدموع اصب
نارك بالگلب تلهب
تسعر بينة دواية
❥━──➸➽❥❂❥━──➸➽❥❂
يحسين الگلب يهواك
كلنة سيدي نفداك
دنيا واخرة وياك
تشفع النة الغاية
❥━──➸➽❥❂❥━──➸➽❥❂
نريدك بالحشر مولاي
تشفع للاجة عناي
انت اتكون الة حماي
تحضرة بشدتة هاية
❥━──➸➽❥❂❥━──➸➽❥❂
*بقلم ✍🏻 شاعرة اهل البيت*
*العلوية مريم النور نسألكم الدعاء الفاتحة إلى روح اختي وﻷمواتكم:🍃*

https://t.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

37,396

قصائد نساء فقط

18 Aug, 13:31

قصيده للأربعين عله طور يقاروره للملا باسم الكربلائي

رجعنالك يبو اليمه    ٱنه وگلبي الكثر همه
أجيت بعيني دمعه    الضعن ياهو اليرجعه
❥━──➸➽❥💔❥━──➸➽❥💔
ردينه من درب السبي ومحمله عتاب شكثر
يحسين من گد الهضم شحچيلك شسوه الشمر
گوم أفتح الباب الگبر يا خويه باقي شتنتظر
دلالي من گد العتب كل كلمه تطلع ينعصر
كلف وضعي      على عيالي
شسولفلك        حچي أبالي
هضم محد يجرعه    الضعن ياهو اليرجعه
❥━──➸➽❥💔❥━──➸➽❥💔
أطفالك أشتاگو الك ردولك بمدمع يصب
كل ليله مرت بالسبي يحسين تمرد بالگلب
حال اليفارك كل هله ويمشي بيسر كلش صعب
بتنه بخرابه بلاسگف نومت بنتك عالترب
تلگوني          يخواني
رجع ضعني ويه نسواني
طفت من عندي شمعه    الضعن ياهو اليرجعه
❥━──➸➽❥💔❥━──➸➽❥💔
ضنيت من أرجع ورد الگاكم وأفرح صدگ
ماحسبت تالي الزمن مدفون ياوسفه العشگ
طبع الأخت من تنهضم تشكي الأخوهه وتحترگ
رديت من ضيم السبي أمتوني وأچفوفي زرگ
يضربوني          وصحت وينك
بچت عيني       عگب عيني
صحت صوتي شيسمعه    الضعن ياهو اليرجعه
❥━──➸➽❥💔❥━──➸➽❥💔
طبينه ديوان وزلم مابيهه غيره ولاشرف
أيزيد گاعد بالصدر وأختك يگعدوهه طرف
أسم أختك الما منعرف يحسين يا وسفه نعرف
من صاحو بأسمي متت لوني يبواليمه أنخطف
درو بيه      العده بأسمي
ذبل طولي    ونشف دمي
ضحك هو ويربعه    الضعن ياهو اليرجعه
❥━──➸➽❥💔❥━──➸➽❥💔
ياهو اليرد بيه الهلي مشتاگه أرد نرجع سوه
ديوانك البي كل بخت يحسين ضلمه بلاضوه
ترجعلي أنت والگمر مشتاگه أختكم للهوه
ما شبع گلبي ومختنك محتاجكم چي ماروه
نرد كلنه      وترد روحي
وترد أهلي   ودوه جروحي
ترد أخواني فزعه    الضعن ياهو اليرجعه
❥━──➸➽❥💔❥━──➸➽❥💔

*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*

الثلاثاء / ١٠ من شهر ذي القعدة
الموافق / ٢٠٢٣/٥/٣٠

https://t.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

30,316

قصائد نساء فقط

18 Aug, 13:08

فزاعيه للأربعين( حسبالي أشوفنه )

يم العلگمي مريت
حسبالي أشوفنه
❥━──➸➽❥💔❥━──➸➽❥💔
جيت وحيل مشتاگه
ونار الشوگ حراگه
ضني اليوم نتلاگه
بالعباس الأمچنه
❥━──➸➽❥💔❥━──➸➽❥💔
كل ضني أشوف الحيد
وأشكيله أعله ضيم أيزيد
كافل خدري الصنديد
نايم ما أستقبلنه
❥━──➸➽❥💔❥━──➸➽❥💔
يم العلگمي أو مايه
جيت الصاحب الرايه
الخدري چان حمايه
سبع الزلم كافلنه
❥━──➸➽❥💔❥━──➸➽❥💔
جيت أبشوگ يم گبره
وأدموعي تهل عشره
والداسو على صدره
راسه جيت أردنه
❥━──➸➽❥💔❥━──➸➽❥💔
خواني اليحبوني
چنهم ما يعرفوني
ما گعدو تلگوني
وما نزلو محاملنه
❥━──➸➽❥💔❥━──➸➽❥💔

*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*

الأحد / ١٣ من شهر صفر الحرام
الموافق / ٢٠٢٤/٨/١٨

https://t.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

31,044

قصائد نساء فقط

18 Aug, 09:50

#الطميه_بديوان_أئمة_الهدى_الجزء_٧_.

لطميه للأربعين

اليوم الكربله رديت مهضومه
اكعدو يا هلي شو طالت النومه
❥━──➸➽❥💔❥━──➸➽❥💔
اكعدو يا هلي ردت المحزونه
ليش حسين نام وغمض عيونه
نايم بلتراب وجايبه ضعونه
( اكعد لينه يلكلك غيره )
❥━──➸➽❥💔❥━──➸➽❥💔
اكعدو يا هلي رديت بضعوني
نومه بلاكبور وما تلكوني
اريدن للوطن همه اليزتوني
( زتوهه الحرمه الجتكم )
❥━──➸➽❥💔❥━──➸➽❥💔
اليوم الكربله رديت بحزاني
ما واحد كعد منهم تلكاني
كلهه بلاكبور انيام خواني
( دلوني بلكافل خدري )
❥━──➸➽❥💔❥━──➸➽❥💔
طرو اكبوركم يهلي العيلتكم
اليوم امنليسر خطار اجت عدكم
ما تدرون ماتت بلغرب بتكم
( ذل حالي شادهني الضيم )
❥━──➸➽❥💔❥━──➸➽❥💔
خطار الحرم هليوم اجت ليكم
اكعدو يا هلي الحلوه محاجيكم
اجيت اليوم مهضومه اعتب عليكم
( اتسمعونه اعتاب ام عون )
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://t.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

27,947

قصائد نساء فقط

17 Aug, 17:28

قصيدة للاربعين "المشاية"{واسوها بمشيكم}
#طور قصيدة مايحاجيها

خل انلاگي زينب بالعراضات
گلبها من السبي متروس شوغات
شافت بالغرب يا ويلي لوعات
بعد ماتحمل الحره مهظمات

((آه يمشايه // واسوها بمشيكم))
❥❥❥❥ـــــــــــــ❁❁ـــــــــــــ❥❥❥
واسوها بمشيكم يوم تمشون
وكون من البواچي تعمي العيون
اتذكروا بيوم شافتهم يذبحون
براسه وبالعمامه اهمه يهوسون

((خل نعازيها // اجت مهظومه زينب))
❥❥❥❥ـــــــــــــ❁❁ـــــــــــــ❥❥❥
اجت تعثر بهمها زينب اليوم
تدور كبر اخوها بگلب مهظوم
صاحت وين كبرك اه يمضلوم
اجيتك ناحله والحيل مهدوم

((جيت مشايه// من الشام صاحت))
❥❥❥❥ـــــــــــــ❁❁ـــــــــــــ❥❥❥
من الشام صاحت جيتك احسين
ادورك بالكبور واهمل العين
ما اندله كبرك وين ماوين
عمت عيني ابمصابك اه يالحنين

((عميه يا خويه // عيني من مصابك))
❥❥❥❥ـــــــــــــ❁❁ـــــــــــــ❥❥❥
عمت عيني بمصابك يوم ذبحوك
سمعتك صحت ماي ومايشربوك
تجي اطفي الخيم لا مايخلوك
وتالي بخيلهم گدامي سحگوك

((سحگوا اضلوعك // بس ذبحوك خويه))
❥❥❥❥ـــــــــــــ❁❁ـــــــــــــ❥❥❥
#للشاعرة غدير الحساني

https://t.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك

26,880