الشاعرة الملة ام هجران العمارچيه @amhejran12345 Channel on Telegram

الشاعرة الملة ام هجران العمارچيه

29 Jan, 16:25

تتوفر جميع دواوين
الشاعرة ام ريام الركابي
والشاعرة ام هجران العمارچيه
والشاعرة ام غصون العمارچيه
في مكتبة العليلة بأدارة العلوية ام علي محافظة البصرة يوجد لديها خدمة توصيل لجميع المحافظات للحجز والاستفسار الاتصال او المراسلة واتساب ع الرقم
07705677443

1,363

الشاعرة الملة ام هجران العمارچيه

29 Jan, 11:13

نعي للشبان

كون اعله ساعه ويندگ الباب
واطلع واشوف اوجوه الاحباب
وامسح ادموعي وانسه العتاب

انسه العتب وافتح عيوني
واگولن هله بالمانسوني
ولاني الهضم من فارگوني

ولاني الهضم والضيم كله
وافرگهم مابيه احمله
عفيه عليه اشلون عدله

عدله واجر النفس ضليت
وللمگبره شبان وديت
واندفن وياهم تمنيت

لو بيدي اضل اهناك يمهم
شبان واسم الله اعله اسمهم
والرمل مايرحم عدمهم

اتراب ورمل ذبوا عليهم
مدري الشباب شصار بيهم
شمحله الخواتم بين اديهم

نزعوا خواتمهم الحلوات
گومن امشنه يالمضيعات
نعوف المباني وعدهم انبات

لگبورهم گومن امشنه
بنزولهم والدار شلنه
وناخذ عتب لهل المحنه

خل ناخذلهم ماي واهدوم
وانصيح ياحلوين الارسوم
ويانه اگعدو بسكم النوم

اگعدوا ويانه وگابلونه
واعتابنه لاتملونه
اتراب الگبر ماتحبونه

شو زيحوا التربان عنكم
وخلونه نشبع شوف منكم
شبان ماينفل حزنكم

انتم حزنكم غير الاحزان
ثجيل ويخلي الگلب وجعان
ولاتنسن المذبوح عطشان

لاتنسن ابني الطاهره اتگول
اگبال النهر عطشان مچتول
والخيل فوگ اجنازته اتجول

ركضن الخيل وداسن حسين
ومشمور ضل بغير تچفين
وراسه وخواته بدواوين

✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر

https://t.me/amhejran12345

1,705

الشاعرة الملة ام هجران العمارچيه

27 Jan, 17:40

فزاعية للأمام الكاظم عليه السلام ( هاللطمه لسبع بغداد )

هاللطمه لسبع بغداد
يمحبات شدنهه

للمسموم هاللطمه
گومن خل نعازي امه
اتون وتبچي بهضمه
وايفطر الصخر ونهه

اتفطر الصخر ونتهه
عازوهه يشيعتهه
والشوغات كتلتهه
وشيريد الدهر منهه

من عدهه الدهر شيريد
كل يوم وفجعهه بحيد
مات الكاظم الصنديد
والزهره انگطع ضنهه

صاحت يالولد يبني
يومك نوح چملني
واجروحك تلوعني
وتعميني امن اشوفنهه

اجروح البيك تعميني
وامصابك يبچيني
بتك وين حاچيني
حبسوك وغبت عنهه

غايب بالسجون اعوام
صاير بس جلد واعظام
اجروح البيك ماتلتام
اجيت بدمعي اغسلنهه

اغسلك جايه بدمعي
مره الطم ومره انعي
نار امصابك بضلعي
تسعر بيش اخمدنهه

✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر

https://t.me/amhejran12345

2,860

الشاعرة الملة ام هجران العمارچيه

26 Jan, 16:07

موشح لأستشهاد الأمام الكاظم عليه السلام ( وايست معصومه )

هاي هيه ... وايست معصومه
مات ابوها وحيل يوجع يومه

مات ابوها وحيل توجع فرگته
وايست من شوفته ومن ردته
گومن اوياها واعدلن لطمته
واللطم ميدان للجيدومه
هاي هيه ... وايست معصومه

اللطم ميدان يحله اوياها
راح واليهه وبعد ماجاها
للهضايم واليتم خلاها
ضلت تحن وتون مهضومه
هاي هيه ... وايست معصومه

ماتنام الليل ضلت بس تنوح
اتصيح ودوني لبوي وخل اروح
انفض اترابه واداويله الجروح
گوم اگله وموش الك هالنومه
هاي هيه ... وايست معصومه

ليش اگله اتنام ماردتك تنام
گوم شوف البيت بغيابك ظلام
ياامام الرافضه ونعم الامام
فدوه اروح لوجهك ولرسومه
هاي هيه ... وايست معصومه

فدوه اروح الوجهك ولعيونك
يابعد لوني يبويه اشلونك
هاي هيه ومالحگت اضعونك
من دللالك صبحت محرومه
هاي هيه ... وايست معصومه

من رحت لليوم ماشفنه الدلال
ليش غايب بسك اغياب وتعال
بيمن يطلبوك حبسوك النذال
مانسيت امتونك المهشومه
هاي هيه ... وايست معصومه

امتونك الحلوات تتناگط دمه
امن السلاسل والحديد امهشمه
وانمرد گلب الرسول وفاطمه
وانلچم ضلع امك المظلومه
هاي هيه ... وايست معصومه

✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر

https://t.me/amhejran12345

3,761

الشاعرة الملة ام هجران العمارچيه

26 Jan, 08:01

نعي لأستشهاد الأمام الكاظم عليه السلام

الطموا يشيعه اليوم عالروس
موسى ابن جعفر مات محبوس
امگطع دليله ويابس ايبوس

شافه الطبيب وصفگ بيده
ويگول كلشي مايفيده
مسموم واحبابه بعيده

مسموم واحبابه بعيدين
ودوا خبر واطروس لحسين
گلوله گلبه انجسم نصين

السم گضاه ومرد گلبه
ومات الغريب بدار غربه
وهارون چا بيمن يطلبه

بيمن يطلبه النذل هارون
ذبه بسجن مظلم يگولون
ثجيل الحديد وترفه المتون

وي الحديد انشلع جلده
ياهو اليتچيله ويگعده
محبوس جوه الگاع وحده

بسرداب جوه الگاع حبسوه
جابو رطب مسموم وانطوه
عدوان ماچنهم يعرفوه

چنهم ولاواحد يعرفه
هاذه اليحل الضيج چفه
وايموت بالطامور وسفه

مات الشجاع وگضه بطامور
ومن الحديد الضهر مكسور
للجسر شالوه مو للگبور

ياحيف شالوه الحماميل
ماشيعوا نعشه عله الخيل
اجروح البمتنه ادمومهه اتسيل

✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر

https://t.me/amhejran12345

4,214

الشاعرة الملة ام هجران العمارچيه

25 Jan, 22:23

ابوذيات ونعي للإمام موسى بن جعفر ع



إمام وكل شهر للسجن    ردوه
يترك نهج ابو الحسنين   ردوه   (رادوه)
تراده وبلهدم من مات    ردوه   (ارتدى)
عمت عينچ يهالدنيه الرديه

الك يبچي النبي عيسى   ولك نوح
والك فوگ الجسر ونه    ولك نوح
لا تگرب يبن شاهك   ولك نوح ( تنحى ابتعد)
نزل خيال لجثه الرميه

هذا الرضا شجابه واجه منين
نزل عالجسر يلطم عله العين
صاح: بويه ارد انشدك غيبتك وين
اگعد وخل النوم بعدين

اگعد يبويه شبيك نايم
گضيت السجن كل يوم صايم
بلسم متت لو بلهضايم
وين الملابس والعمايم

بقلم شاعرة اهل البيت ع المله
أم ريام دخيل الركابي

https://t.me/amhejran12345

4,016

الشاعرة الملة ام هجران العمارچيه

25 Jan, 14:10

#من_ديوان_سفرة_العطاء_الجزء_٦_

نوحيه للأمام الكاظم عليه السلام

لامنك رساله ولاوصيه
بويه وغيبتك طالت عليه
أعدن وأحسب أيام......صار أثمنطعش عام
لاشفتك ولا مريت بيه

أعدن بالليالي وصارن سنين
طالت غيبتك بويه وغبت وين
ياشمعه زماني وياضوه العين
ياسور وسكف وأنته التجيه

ياسور وسكف يالدللتني
ميت لو عدل لو يتمتني
غايب وين هالغيبه وعفتني
أفكر بيك كل صبح ومسيه

أفكر بيك هالمده الطويله
هنياله الكعد وياك ليله
تمسح دمعتي وهمي تشيله
أبوي وماكو أعز منك عليه

بويه ولوكلت بويه شحلاتك
غريب وبالغرب خلصت حياتك
مهضومات ماتدري بناتك
من غير الأبو شتسوه البنيه

ماتسوه البنيه بغير أبوهه
يصيرلهه سند لو عاركوهه
روحي مصوبه أعله الفاركوهه
ضلت ونتي بكلبي خفيه

أكابر عالونين وماأون حيل
ناس أتنام وأنه مساهره الليل
ضلت عالمخده دموعي أتسيل
هاذه الحال وأكثر صار بيه

هذا الحال وأكثر صار بالحال
كبرنه أعله الهظم خليتنه أطفال
لاطارش وصل لاشفنه مرسال
عونه الحاضرك يوم المنيه

✍الشاعره ام ريام دخيل الركابي الناصريه قضاء الرفاعي غير مبري الذمه من يحذف الاسم او يتلاعب بالقصيده

https://t.me/amhejran12345

4,884

الشاعرة الملة ام هجران العمارچيه

25 Jan, 06:49

نعي لأستشهاد الأمام الكاظم عليه السلام

ياهو العدل راس الشفيه
وكت المنازع والمنيه
ولاولد يمه ولابنيه

لاولد يمه ولابنيات
واجروح البجسمه وسيعات
غمص عيونه وبالسجن مات

غمص عيونه ومات وحده
وابعاد مايدرون ولده
يالسندي خايب شلك عنده

يالسندي خايب لاتضربه
فك السجن واميه شربه
وخل الهوه يدخل الگلبه

خل الهوه يترس وريده
مسموم والونه شديده
فك السلاسل وافتح ايده

فك السلاسل وافتح الباب
وخلي الغريب ايشم هوه الهاب
دمه يصب والمتن ماطاب

متنه انهشم ويسيل دمه
گلبك صخر مابيك رحمه
امنين الهوه ايلوحه ويشمه

الهوه امنين يلوح صدره
بالسجن گضه اسنين عمره
وحديدكم متنه يحفره

شگ الجلد والعظم جاسه
ومحد دخله وعدل راسه
وعالباب خليتوا حراسه

اباب السجن وكفوا الحراس
ممنوع گالو توصله الناس
ومنين اجيب البطل عباس

امنين اجيبنك يجيدوم
تكسر الباب ويومك اليوم
وبيدك اتشيل المات مسموم

تشيله اعله راسك مو بيمناك
الهاي ياعباس ردناك
اليوم انچتل واحد امن اعضاك

✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر

https://t.me/amhejran12345

5,179

الشاعرة الملة ام هجران العمارچيه

24 Jan, 12:46

لطمية لأستشهاد الأمام الكاظم عليه السلام ( گوم گوم ابساع )

گوم گوم ابساع يامهدينه
ذاك جدك عالجسر رامينه

گوم گوم ابساع مالك كل عذر
ضل ثلث تيام جدك عالجسر
گلبك المفجوع ندري ينكسر
من نگلك سيدي امعذبينه
گوم گوم ابساع يامهدينه

تكبر اجروح البگلبك والصواب
من نگلك عذبوا جدك عذاب
سيدي الحمال ذبه اعله التراب
وين صارت ميت امچتفينه
گوم گوم ابساع يامهدينه

وين صارت هاي ابد ماصارت
ايد موسى امن الحديد انهارت
والمصايب والنوايب جارت
محد المسموم غمص عينه
گوم گوم ابساع يامهدينه

جدك المسموم محد غمضه
من ظلم هارون والسندي گضه
ابعيد عنه ومادره بهاي الرضه
فاجعه تبچيك وتبچينه
گوم گوم ابساع يامهدينه

فاجعه وماكو مثلهه فاجعه
بالسجن هارون سمه ولوعه
اربع احماميل وسفه اتطلعه
ولااعمامه ولاغطه امخلينه
گوم گوم ابساع يامهدينه

لااعمامه الفوگ راسه ولاغطه
هاذه ابو الشارات عطاي العطه
جدك العباس شو عنه بطه
وعطلنه هامته وچفينه
گوم گوم ابساع يامهدينه

عطلنه اصواب عينه وطبرته
گوم يالموعود شيل اجنازته
اليوم عالهامات تلطم شيعته
نلطم اعله الروس ماملينه
گوم گوم ابساع يامهدينه

✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر

https://t.me/amhejran12345

6,194

الشاعرة الملة ام هجران العمارچيه

23 Jan, 19:26

لطميه للأمام الكاظم عليه السلام( هاكم دمعتي )

هاكم دمعتي وياكم اخذوها
يازوار للمسموم ودوها

هاكم عبرتي وهاكم دمع عيني
مريض وبس دوه الكاظم يشافيني
لا مهضوم لا حاير يخليني
هالچلمه السبع بغداد وصلوها

وصلو چلمتي ومهضوم گلوله
بس هوه اليعين الطاحن احموله
ادعولي بضريحه لو وصلتوله
بعد عندي وصيه موش تنسوها

وصيه السيدي ومولاي اوديهه
اگله اقرايتك للموت اسويهه
اذكر حال معصومه واعازيهه
والعدوان من سموك فجعوها

فجعوها العده وصبحت مفجوعه
حزنان الرضا ومهدمه اضلوعه
ليش ازيارتك بالسجن ممنوعه
حتى ازيارتك عالناس منعوها

گالو مانخلي واحد ايزوره
لا بيها هوه ولا ضوه الطاموره
بنتك من تهد الحيل معذوره
تجيك اليوم والشيعه ايتلگوها

معصومه تجيك اليوم تعبانه
اتگوم اتعينها الزوار عوانه
تمر اعله السجن تنشد الزنزانه
ابوي اجنازته ياكتر شمروها

ابوي اجنازته ياكتر مرميه
اجينه انواجهه ونسامر شويه
صعب فرگاه راوانه المهضميه
بس اعمامته للدار جابوها

✍شاعرة اهل البيت
العلوية هجران الياسري
بنت المله ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر

https://t.me/amhejran12345

6,484

الشاعرة الملة ام هجران العمارچيه

23 Jan, 09:03

فزاعية للأمام الكاظم عليه السلام ( ندگ بابه )

خل انروح للكاظم ندك بابه
هذا البالشدايد يحضر احبابه

خل انروح للمعصوم نتعنه
نبجي بمجلسه ونطلب حوائجنه
هاذه المايردنه ولايفشلنه
ابو طلبه سبع ماخاب طلابه
وخل انروح للكاظم ندك بابه

ابو طلبه سبع والكل يعرفونه
يفك باب الحوائج لليندبونه
يالعدكم هضم للكاظم امشونه
نشكي اهمومنه بدموع سجابه
خل انروح للكاظم ندك بابه

نشكي اهمومنه وانصيح مولانه
انريدك بالشدايد توكف اويانه
يادكتور خل عينك المرضانه
عليك اقسم قسم بالسلبو اثيابه
خل انروح للكاظم ندك بابه

عليك اقسم قسم مولاي شافينه
جفك مايرد سايل امجربينه
نصبنالك عزانه وبالحزن جينه
يومك سيدي مايبرد اصوابه
خل انروح للكاظم ندك بابه

الك بين الضلوع اصواب شيضمده
والسجان سمك والسجن سده
محد حاضرك ياحاضر الشده
ويانار اليفارك نار لهابه
خل انروح للكاظم ندك بابه

يانار اليفارك نار سعريه
محد غمضك وانطاك الاميه
عليك ابنك يون واتنوح الابنيه
يكولون الحنين شيحمل اغيابه
خل انروح للكاظم ندك بابه

كالوا غيبتك لرواحنه امچيده
عنت شوفتك وادروبك ابعيده
ننعاك بحزن وامرادنه انريده
وي بتك نون وانصيح يايابه
خل انروح للكاظم ندك بابه

✍🏻الشاعرة الملة ام هجران العمارجيه

⭕غير بريء الذمه كل من يمحي اسم الشاعره من المنشور او يتلاعب بالقصيدة

https://t.me/amhejran12345

6,750

الشاعرة الملة ام هجران العمارچيه

22 Jan, 11:39

هوسات للأمام الكاظم عليه السلام

صايم من امس لليوم تدرونه
ياعدوان بالسم لاتفطرونه
اجو زوار خلوهم يشوفونه
(( واعياله وربعه مضيعينه ))

صار اسنين عنهم غايب الريسان
من سجن السجن وامگابل السجان
يعاتب بالنشامه ويصد للميدان
(( واليوم ايريد اهل الحومه ))

اليوم ايريد سبع الگنطره يحضره
سجن وافراگ وامصايب خلص عمره
الف عبره بدليله وموش بس عبره
(( من يذكر بته تهل عينه ))

تهل ادموع عينه لو ذكر بته
يدري مناطره وتتفكر الجيته
طگ گلبي اعله ابوي اتصيح رايدته
(( شيبني ودولبني افراگه ))

صاحت گبل اوان الشيب شيبني
افراگه اصواب فوگ اصواب صوبني
انشدك يالرضا ولاتضم جاوبني
(( ميت لو حي البيه غيره ))

ميت لو عدل لو بالسجن بعده
ماتدري تهشم وانمرد چبده
ضل اعله الجسر مشمور شيرده
(( والميت بالسم شيجيبه ))

✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر

https://t.me/amhejran12345

7,035

الشاعرة الملة ام هجران العمارچيه

20 Jan, 12:16

لطمية لأستشهاد الأمام الكاظم عليه السلام ( ياسجان )

ياسجان هاذه الميت امنين
بيه نور الزچيه وهيبة حسين
( يتساطع نور من عيونه )

بيه نور الزچيه ونور حيدر
ولك هاذه البطل موسى ابن جعفر
عليمن سامينه الله واكبر
بالطامور غايب صارله اسنين
( والكاظم بيش تطلبونه )

صار اسنين بالطامور غايب
شاف الويل واشكال المصايب
حل عنه الحديد شبيك خايب
ابراحه ايموت خل ابن الميامين
( يتگلب مامات براحه )

مامرتاح عالكاع ايتگلب
وجهه امن الالم والسم تخرب
عاد انطوه اميه ايريد يشرب
يبس گلبه وتگطع ياملاعين
( من السم صار اصفر لونه )

من السم تخرب ياحسافه
ومات اوحيد گضاي الكلافه
لابت حضرته ولاولد شافه
ومحد غمضه وكلهم بعيدين
( ماگعدوا يمه وتچوله )

ماواحد حضرله ابعاد كلهم
ياهو اليعتني لهله ويگلهم
مات انحيل ومچتف شبلهم
وبذرعان وبضهره نياشين
( لو گام ايطيح الجيدومه )

امچتف بالسلاسل يوگف اشلون
مل من العذاب وضيم هارون
هاذه ابن الحياده الموش بالهون
احا يمصيبته الهزت الكونين
( والكون اهتز اعله امصابه )

اهتز الكون كله والسماوات
عالكاظم نون ونت حنينات
منه انريد فزعه للمريضات
عدنه اهموم گليله ومريضين
( كل احنه اليوم اندگ بابه )

✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر

https://t.me/amhejran12345

8,619

الشاعرة الملة ام هجران العمارچيه

20 Jan, 08:21

جديد ١٤٤٦ هـ

طف ام البنين ج ٢

الشاعرة ام جعفر الموسوي

خاص للامام علي والامام الكاظم عليهم السلام

متوفر في مكتبة الغدير بغداد
لدينا توصيل لكافة المحافظات

واتساب
👇👇👇👇
07711395580

https://t.me/eheh10

6,934

الشاعرة الملة ام هجران العمارچيه

20 Jan, 08:21

جديد ١٤٤٦ هـ

خيمة الخدام ج ١٢

الشاعرة ام هجران العمارجية

خاص للسيدة زينب والامام الكاظم عليهم السلام

متوفر في مكتبة الغدير بغداد
لدينا توصيل لكافة المحافظات

واتساب
👇👇👇👇
07711395580

https://t.me/eheh10

7,148

الشاعرة الملة ام هجران العمارچيه

20 Jan, 08:21

جديد ١٤٤٦ هـ

الناعي والناعية ج ٧

الشاعرة ام هجران العمارجية

خاص نعي
للزهراء وام البنين والسيدة زينب والامام الكاظم والامام علي عليهم السلام

متوفر في مكتبة الغدير بغداد
لدينا توصيل لكافة المحافظات

واتساب
👇👇👇👇
07711395580

https://t.me/eheh10

7,509

الشاعرة الملة ام هجران العمارچيه

18 Jan, 10:36

نعي للعباس عليه السلام

طور الگرناوي :

وينك ياعلي الكرار هاليوم
تعال وشوف ابو اليمه واخيه

عظيم اوداعهم بچه السماوات
وكسر گلب النبي وگلب الزچيه

واحد شابك الثاني ويونون
وكلمن ونته بصدره خفيه

مارادوا يفجعون العزيزات
احنان وكلهم امروه وحميه

خلص ذاك الوداع وطلع عباس
يجيب الماي لسكينه ورقيه

غضبان ويطگ الروس بالروس
وماقصر فنه الكون الشفيه

عله اخشوم الزلم وارگابهم داس
ترس جوده ورجع للفاطميه

لاچن آه كل الآه والحيف
عرضت بدرب عرضه المنيه

طبروا هامته وصابه السهم بالعين
وطاحن رايته وسيفه سويه

سلام الله عليك يصيح يحسين
وابو اليمه ركض للعلگميه

گعد يمه ويگله شيوجعك گول
يمن تفداك روحي وذني اديه

مات بحضن ابو السجاد عباس
وضل حسين بين احشود اميه

رجع مكسور ضهره وفاگد الحيل
يزينب صاح ايسي وهاي هيه

خليت البطل عالمشرعه وجيت
اخوچ اوياي ودالچ وصيه

خل تعذرني زينب ماارد گال
خاف تشوفني وتعتب عليه

لو حي مااخلي ادموعهه اتسيل
الف طعنه وجرح واصواب بيه

ابوذيه :

سهم عينك فطر گلبي     وشاله
اصواب الموت ماينشل ( وشله )     وشاله
انحنه حسين اعله ابو فاضل     وشاله
لاچن مارضه يرد الشفيه

نعي مجرد :

عالمشرعه خليني وروح
ماگدر اسمع زينب اتنوح
وبالگوه عافه حسين مطروح

بالگوه عافه وراح عنه
وگلبه انترس ونه اعله ونه
وضهره انكسر وانگطع ضنه

ضهره انكسر والضلع محني
ويصيح راح البطل مني
يزينب تعاي اوياي وني

تعاي خل نبچي اعله اخونه
عالمشرعه طاحن امتونه
ودم هامته غرگ عيونه

الدم ترس عينه الوسيعه
واچفوف ابو فاضل گطعيه
وخليته نايم عالشريعه

خليته مرمي بدون ذرعان
ضليت وحدي بدون خوان
بين الشماته وبين عدوان

ضليت وحدي ابين شمات
عباس طبروا هامته ومات
مو بالخيم عالمشرعه يبات

طور الفراق :

اشلون يرجع ... لاعلم لاسيف عنده
اشلون يرجع ... وعالنهر مايه تبده
اشلون يرجع ... گطعوا العدوان زنده
اشلون يرجع ... الليله اخونه ايبات وحده
اشلون يرجع ... سهم البالعينه مضهده
اشلون يرجع ... هاي هيه وماكو رده

✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر

https://t.me/amhejran12345

8,555

الشاعرة الملة ام هجران العمارچيه

16 Jan, 10:36

لطمية لأستشهاد العقيلة زينب عليها السلام ( زينب هالمسيه )

زينب هالمسيه ... تريد واليهه
يغمض عينهه وبيده يغطيهه

زينب هالمسيه اعضيدهه اتريده
يودعهه ويغمض عينهه بهيده
ماواحد حضرهه وكربله بعيده
والوجعان حاير وامتحن بيهه
زينب هالمسيه ... اتريد واليهه

حيران العليل ايصيح ياعمه
محد عاونه ولاشاركه بهمه
من ابعيد ينخه حسين ويحشمه
بويه ايگول اذبهه لو اخليهه
زينب هالمسيه ... اتريد واليهه

بويه ايگول ريتك حاضر الليله
نعش ام الحزن للمگبره اتشيله
غيرك مااحشمه ولااوصيله
ماتت عمت ابنك وين اوديهه
زينب هالمسيه ... اتريد واليهه

ماتت عمك ابنك گوم شيعهه
اتريد اتشوفكم والگلب يوجعهه
اشلون ارجع وحيد وماارجعهه
تنشدني الفواطم باچر اعليهه
زينب هالمسيه ... اتريد واليهه

تنشدني الفواطم من ارد وحدي
ماتت عمتي وچا غيرهه شعندي
بيه اصوابكم واصوابهه يدي
اجروحي اهواي صارت بيش اداويهه
زينب هالمسيه ... اتريد واليهه

اجروحي اهواي واحد يلچم الثاني
يابويه الزمان اوحيد خلاني
شنهو العطلك ماجيت شمتاني
وانصب فاتحه وبالشام سويهه
زينب هالمسيه ... اتريد واليهه

انصب فاتحه وجيب الزلم كلهه
عد عينچ يزينب شيلهه وگلهه
تحن اعليك وتحن اعله كافلهه
ونار افرگكم تسعر وتچويهه
زينب هالمسيه ... اتريد واليهه

✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر

https://t.me/amhejran12345

10,082

الشاعرة الملة ام هجران العمارچيه

15 Jan, 16:31

نعي للسيدة زينب عليها السلام

اليوم اللطم والنوح لم عون
ضلت اوحيدتهه يگولون
چا وين اهلهه مايفزعون

ضلت غريبه اوين اهلهه
چا ليش محد يفزع الهه
وافراگهم مر وكتلهه

افراگهم مر وگضاها
شو محد اتحزم واجاها
واشلون ابو فاضل نساها

اشلون ينسه اخته الشفيه
بدروب غربه واجنبيه
تبچي عليهم للمنيه

تبچي عله اخوتهه حنينه
ماتنسه عباس ويمينه
وراس الغريب الگاطعينه

شافت جنايزهم عله الگاع
عنهم خذوها اميسره بساع
واتريد منهم زينب اوداع

رادت تودع المات عطشان
وابعاد عن زينب الوليان
گضت روحهه والگلب لهفان

گضت روحهه وخلص عمرهه
مكسور عالراحو ضهرهه
وياهو الينزلهه بگبرهه

ياهو اليوسدهه بلحدهه
من الحبل بايد زندهه
وعالمشرعه امطبر ضمدهه

عباس عالمشرعه امطبر
وحسين بالحومه توذر
وماتت غريبه الله واكبر

✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر

https://t.me/amhejran12345

10,043

الشاعرة الملة ام هجران العمارچيه

15 Jan, 14:18

نعي لوفاة السيدة زينب عليها السلام

لسان حال مولانا الامام زين العابدين مخاطب عمته زينب

ايگلها….

بعيونچ قريت اوداع وافراگ
وادموع المصيبه اتناوشن خدي

وشفتچ عالصبر ياعمه تتوچين
اجاها الموت روحچ گامت اتبدي

گومي اوياي خل انروح للدار
عليچ ابروح ابوي الدارنه ردي

اوداعچ موش حيل ايريد حيلين
وحيلي بكربله وكل حيل ماعندي

وياشيل الجنازه ايريدله ازنود
وتدرين السلاسل هشمت زندي

ملعون الزمان الشبعاني افراگ
وملعون الدهر يمشي الدهر ضدي

مكسور الگلب وبعازتچ ضليت
اجيت اوياچ عمه وراح ارد وحدي

اجاچ الموت غفله              وماتوانه
ونيني الناس كلها               ماتوانه
چثير احباب عمه               ماتو النه
ونار افراگهم ضلت سريه

نار الافراگ ولاطفت يوم
عمه الگلب ماعايز اهموم
امنين اجيبلچ المظلوم

امنين اجيب حسين عمه
انگطع راسه وفاض دمه
حاچيني واحچي اوياي چلمه

حاچيني چلمه ولاتسكتين
تونين ياعمه شتهيسين
حيلچ گضه لو ذاكره حسين

حيلچ گضه لو رايده احباب
جرحچ مثل جرحي ولاطاب
وين اليحط نعشچ عله الباب

✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر

https://t.me/amhejran12345

3,948

الشاعرة الملة ام هجران العمارچيه

15 Jan, 12:08

#من_ديوان_جبل_الصبر_الجزء_الاول_

لطميه للسيده زينب عليها السلام على طور                #گومن_بنات_النبي_

زينب تون بالدرب     هالموقف شگد صعب
اتصيح وين اخوتي     ماهم اعزاز الگلب

اتصيح وين اخوتي   وتحشم اهل الشيم
زينب مرار الدهر         خلاها جلد وعظم
شافت عذاب وقهر     لوعه ومصاب وهضم
من يوم كسر الضلع      عايش وياها الآلم
عاشت معاني الحزن   موحگها زينب تون
تگول انحنت رگبتي     ماهم اعزاز الگلب

تگول انحنت رگبتي        ياناس من الأسر
مايدري اخوي البطل بلسوط طگني الشمر
والحيل كله انهدم      ومتوني صارن حمر
ضيعت حته الدرب   حافي سحگت الجمر
وحسين ضهره انطبگ      ياوادم وياخلگ
محد مثل عملتي          ماهم اعزاز الگلب

محد مثل عملتي            البين بيه شعمل
عباس وينك صحت     ماعندي غيرك امل
انت الكفلت الضعن     وانت الگلت ما اذل
ريتك تشوف الشمر    شتم علي وما خجل
مطرت اتراب السمه من شتم حامي الحمه
وانه تهل دمعتي           ماهم اعزاز الگلب

هلت دمعتي وگلت      ياحيف تنسه الوعد
والنوگ اجت للخيم حادي الضعن بن سعد
من صاح ركبي بعجل   هيست گلبي انمرد
كل هالمصايب جرت     ياخويه واكثر بعد
بالشام شفت العده            تتباشر امعيده
ومحد سمع نخوتي       ماهم اعزاز الگلب

محد سمع نخوتي     ياخويه يوم النخيت
ما انسه ذاك الهضم    لا والله ابد مانسيت
للدار تالي رحت           بالدار گلي شلگيت
بس الكدر والحزن     لمن گضاني وگضيت
تنصبلي ردتك عزه         يلتحضر بكل وزه
وتشيع اجنازتي            ماهم اعزاز الگلب

ــمت والـــــفضـــ🤲ـــل لله تعالى*
*بقلم✍الشاعره المله أم هجران العمارجيه*
*صاحبه ديوان📚صبر العقيله*
*❌لايجوز شرعاً وغير مبرء الذمه كل من يحذف أسم الشاعره وينسب القصيده له

https://t.me/amhejran12345

3,618

الشاعرة الملة ام هجران العمارچيه

15 Jan, 12:04

#ديـوان_سفرة_العطاء

هوسات للسيدة زينب (عليها السلام) 💔🏴

اليــوم نريـد زينــب حالنـه تشـوفه
اجيناهـا بـدمع واگلــوب ملهوفـه
نگلهـه بــداعت العبـاس وچفوفـه
((كـل همنـه اليلـه تفرجينـه))
❥❥❥❥ـــــــــــــ❁❁ـــــــــــــ❥❥❥❥
مـن ايـدچ طلبنــه الفـرج والنضـره
عدنـه اهمــوم والحاجـات متعسـره
اجينـه وكـل گلـب متــروس بـالعبره
((غيـرچ ماعدنـه انــدگ بابـه))
❥❥❥❥ـــــــــــــ❁❁ـــــــــــــ❥❥❥❥
نـدگ بـابچ يزينـب مانـدگ كـل بـاب
عدنـه امـراض چتالـه ودمـع سـچاب
لادكتـــور ينفـع لاتفيــد احبــاب
((وانصــيح ادخــيلچ كلسـاعه))
❥❥❥❥ـــــــــــــ❁❁ـــــــــــــ❥❥❥❥
مـو مـره نصـيح ادخـيلچ ابكـل سـاع
تــدرين الهضـم ماينحمــل وجـاع
امنـين انجيـب يازينـب دوانـه الضـاع
((بــس انتــي ادواچ يحمدونـه))
❥❥❥❥ـــــــــــــ❁❁ـــــــــــــ❥❥❥❥
بـس انتـي الـدواچ امجـرب وموصـوف
هنيالـه اليـروح الحضـرتچ ويطـوف
ماننسـاج شـفتي اعلـه الشـريعه اچفـوف
((والـروس اگبـــالج گطعوهـا))
❥❥❥❥ـــــــــــــ❁❁ـــــــــــــ❥❥❥❥
اگبــالچ گطعــوا روس النشـامه اهلـچ
الله يســـاعدچ يازينــب نگلــچ
حملتــي احـزان ماواحـد حمـل مـثلچ
((بــس الله يعنـــيچ مــولاتي))
❥❥❥❥ـــــــــــــ❁❁ـــــــــــــ❥❥❥❥

بـ✍️ـقلم شاعرة اهل البيت «؏»//ام ريام دخيل الركابي صاحبة ديوان الدموع الزينبية

الـ📚ـديوان// ديـوان سفرة العطاء الجزء العاشر

⭕غير مبري الذمه امام الله ورسوله الي يتلاعب بالقصيدة او يحذف اسم الشاعرة

https://t.me/amhejran12345

3,002

الشاعرة الملة ام هجران العمارچيه

15 Jan, 12:04

#منقول_من_قناة_الشاعرة_ام_هجران_
#من_ديوان_جبل_الصبر_ج_٢_

لطميه للسيده زينب عليها السلام

الما عدها حبايب ينكطع بيهه
ماتت بالغرب زينب اذكريهه
🏴🏴💔🏴🏴
ماتت بالغرب موا يم الاحبيبات
شافنهه ومشن من عدهه المغسلات
ويكولن مريضه امتونهه امورمات
محد غسلتهه وكربت ليهه
🏴🏴💔🏴🏴
محد غسلتهه وابعدن عنهه
زينب هاي جنهن مايعرفنهه
خل جلثوم وسكينه يحضرنهه
يونن عالجنازة يبجن اعليهه
🏴🏴💔🏴🏴
يونن عالجنازة اليوم رادتهن
تدرن بالحبايب هاي عازتهن
بنات حسين مايدرن بعمتهن
مايدرون خوتهه واهاليهه
🏴🏴💔🏴🏴
مايدرون زينب طاحت بكطعه
وتريد اليشيل النعش وايشيعه
تريد الحبايب تلطم وتنعه
مشت بت الحياده يكولن اعليهه
🏴🏴💔🏴🏴
مشت بت الحياده وكلف ممشاها
واتريد البطل جناز وياها
غير الضيم ماشافت بدنياها
اويلاه يالكضاها افراك واليهه
🏴🏴💔🏴🏴
اويلاه يالكضاها افراك خوتهه
زينب هزت الارضين ونتهه
محلاها اليشيل الولي اجنازتهه
واخت حسين ماواحد حضر ليهه
🏴🏴💔🏴🏴
ماواحد حضرها وكلهم منومين
زينب حشمت وإخوانها ابعيدين
واحد بالبقيع وبالطفوف حسين
وعباس البطل عينه امصوبيهه
🏴🏴💔🏴🏴

*تـــمت والـــــفضـــ🤲ـــل لله تعالى*
*بقلم✍الشاعره أم هجران العمارچيه*
*صاحبه ديوان📚صبر العقيله*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*
https://t.me/amhejran12345

3,178

الشاعرة الملة ام هجران العمارچيه

15 Jan, 12:04

#من_ديوان_جبل_الصبر_الحزء_الرابع_

لطميه للسيده زينب عليها السلام

يهل الشام هاي الماتت امنين
اتصد لكربله واتصيح يحسين
🏴🏴💔🏴🏴
تصد لكربله ويحسين صاحت
نحيله وگاضيه بلدرب طاحت
زينب هاي زينب ما ارتاحت
گضنها وغيرنها امصايب البين
🏴🏴💔🏴🏴
گضت من المصايب والنوايب
لا تشيع لا صيحت حبايب
الها احيود ضلو عالترايب
علتربان خلتهم مطاعين
🏴🏴💔🏴🏴
علتربان عافتهم ضحايه
وراحت روسهم وي السبايه
زينب ضيمها يغطي العبايه
عدها اويه المناحه عشرت اسنين
🏴🏴💔🏴🏴
عاشرها الدمع عشره طويله
من يوم السبط زينب عليله
اضنها اتذكرت نحره ودليله
وگلبه البالسهم مجسوم نصين
🏴🏴💔🏴🏴
ذكرت راس اخوها وذكرت الدم
وصدره انداس بالخيل وتهشم
صاحت لوجبل گلبي تهدم
من جور المجالس والدواوين
🏴🏴💔🏴🏴
من جور العده وجور المجالس
گلب ام الحزن للموت يابس
خلاها الكفيل بدون حارس
وضل اعله النهر من دون چفين
🏴🏴💔🏴🏴
ضل اعله النهر من غير ذرعان
واليوم الغريبه تريد خوان
الينصب فاتحه واليمشي دفان
اباب الدار يبنون الصواوين
🏴🏴💔🏴🏴

ــمت والـــــفضـــ🤲ـــل لله تعالى*
*بقلم✍الشاعره المله أم هجران العمارجيه*
*صاحبه ديوان📚صبر العقيله*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://t.me/amhejran12345

3,070

الشاعرة الملة ام هجران العمارچيه

15 Jan, 12:04

لطمية للسيدة زينب عليها السلام (( وين اعضيد زينب ))

وين اعضيد زينب ... خل يشد حيله
ينصب فاتحه ولايگعد الليله

ينصب فاتحه ويتحزم احزامين
گلوله العقيله استوحداها البين
طاحت بالدرب وتصيح وين حسين
تحن الشوفته وبشوگ تبچيله
وين اعضيد زينب ... خل يشد حيله

تبچي الخال ابنهه وحنت تشوفه
تريده ينگط الهه الماي بچفوفه
خل ايطر فيافي ويعبر الكوفه
حيل اتداركت عمت مداليله
وين اعضيد زينب ... خل يشد حيله

حيل اتداركت والموت وازاها
شنهو العطله وچا ليش ماجاها
زينب بس علي السجاد وياها
محتار بنعشهه ومارضه ايشيله
وين اعضيد زينب ... خل يشد حيله

محتار بنعشهه بساع ماشاله
بلكت لن تجي الوليان خياله
ضل يبچي العليل ومو سهل حاله
عگب ام عون چا ياهو اليتچيله
وين اعضيد زينب ... خل يشد حيله

عگب ام عون ياهو اليلزم امتونه
محتار العليل وهلن عيونه
واهل الشام غربه ومايعازونه
عمه ايصيح بيتچ مارجعتيله
وين اعضيد زينب ... خل يشد حيله

ايگول البيت وحدي اشلون اردله
يومچ زود الشوغات والعله
ياهو اليعتني العباس ويگله
عتب مخصوص من عندچ يوديله
وين اعضيد زينب ... خل يشد حيله

عتب مخصوص ياخذله ويصيح بصوت
ياعباس زينب فرهداها الموت
لاچادر بنيت ولاجيت تابوت
مايبعد عليك الشام وچيله
وين اعضيد زينب ... خل يشد حيله

لشاعرة اهل البيت
ام هجران العمارچيه

غير مبري الذمه من يمحي الاسم او يغيره او يتلاعب بالقصيده وينسبها له

https://t.me/amhejran12345

3,300

الشاعرة الملة ام هجران العمارچيه

15 Jan, 12:04

قصيده بحق السيده زينب [ع]
على لسان زين العابدين [ع]

ياعمه ليش الوحدي
نص الدرب عفتيني

ودعتچ وگلبي انچوه
مخنوگ بعيوني الضوه
وللشام اجيناهه سوه
وبــالشام فارگتيني

گـوه تفارگنـه بعجـل
ودموعي ودموعچ تهل
واشلـون اردن للنزل
والگه النزل يعميني

ماروح شنهي روحتي
وياچ اضـل ياعمتي
كبرت عليـه علتـي
وشنهو البصر حاچيني

حاچيني ضيعت البصر
ومـاعايز همـوم وقهر
چا عفيه صبري ياصبر
حيلي انهدم شوفيني

عمه تهدم حيلي
ماواحد يتچيلي
واشلون ارد گليلي
وياچ اضل خليني

خليني يمچ ما ارد
اشلون اعوفچ بالحد
چا فلت العشره بعد
وجهر عليچ اونيني

اجهر ونيني بكل وكت
وياچ عمه مـا متت
وتعثر بهمي گمت
واحزاني اتماشيني

#ديوان_مسلوب_العمامه

الشاعرة المله
ام هجران العمارچيه
غير مبري الذمه من يمحي الاسم او يغيره

https://t.me/amhejran12345

2,987

الشاعرة الملة ام هجران العمارچيه

15 Jan, 12:04

#الطميه_بديوان_جبل_الصبر_الجزء_١_.

لطميه للسيده زينب عليها السلام

گومي وياي خل نلطم على أم عون
بدرب الشام مطروحه يگولون
🏴🏴💔🏴🏴
گومي وياي خلينه انتعازه
بدرب الشام مطروحه الحنازه
صدگ ياعازت الخوان عازه
اليوم اتريدهم زينب يحضرون
🏴🏴💔🏴🏴
اليوم اتريدهم يمشون بيها
دگومي وياي خل نلطم عليها
محد غمضاهه ومد اديها
مهضومه وغريبه ادير العيون
🏴🏴💔🏴🏴
ودارت عينها للغاضريه
بدرب الشام وازتها المنيه
وين اليوم عباس الشفيه
شلون اينام سبع الگنطره اشلون
🏴🏴💔🏴🏴
شلون اتنام عينه وموش اله النوم
خل ينصب عراضه لزينب يگوم
ماتت بالدرب والحيل مهضوم
محد شيعاهه وگال ممنون
🏴🏴💔🏴🏴
محد شيعاهه ولا حضرهه
أبو السجاد مازتهه الگبرهه
ماتت من مصايبها وقهرهه
وضيم المر عليها يعجز الكون
🏴🏴💔🏴🏴
ضيم المر عليها يهدم اجبال
الطمي والطم ميدان واگبال
تريد حسين للتابوت شيال
وعباس اليباري النعش بالهون
🏴🏴💔🏴🏴
تريده ويالنعش عباس دفان
وتگضي الروح ياعزت الخوان
بيش ايشيلها الماعنده ذرعان
اجفوفه مگطعه ماعنده امتون
🏴🏴💔🏴🏴

*تـــمت والـــــفضـــ🤲ـــل لله تعالى*
*بقلم✍الشاعره أم هجران العمارجيه*
*صاحبه ديوان📚صبر العقيلة*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام

https://t.me/amhejran12345

3,645

الشاعرة الملة ام هجران العمارچيه

15 Jan, 12:04

#من_ديوان_جبل_الصبر_الجزء_الثاني_

فزاعيه للسيده زينب عليها السلام

يالشايل نعش زينب على الهون
خوش اخوان عدها خل يحضرون
🏴🏴💔🏴🏴
خوش اخوان جيدومه
عد زينب المهضومه
كلهم عالثرى نومه
ينصبون الچواد كون يدرون
🏴🏴💔🏴🏴
لو يدرون حضروها
عزيزه ما يرخصوها
ونت مايسمعوها
يشيلوها الغرب لا مايقبلون
🏴🏴💔🏴🏴
مايرضون ولياها
تمشي الغرب وياها
علي السجاد دفناها
يجهر ونته ويسيل الاعيون
🏴🏴💔🏴🏴
يون ودمعته بعينه
عنها نشدته سكينه
ضعن ام الخدر وينه
شو خالي الضعن من عمتي شلون
🏴🏴💔🏴🏴
خالي الضعن من عدها
تگله ياعلي ردها
خلينه نناشدها
نگلها شعطلچ بالشام يم عون
🏴🏴💔🏴🏴
شعطل عمتي عنه
تصيح وتنتحب سكنه
يگلها الضن اگطعنه
اندفنت والگبر ماينطي مدفون
🏴🏴💔🏴🏴
يسكنه عمتچ شالت
ما ارجع بعد گالت
هلت عينها وسالت
بعدها من السياط امورمه المتون
🏴🏴💔🏴🏴

*تـــمت والـــــفضـــ🤲ـــل لله تعالى*
*بقلم✍الشاعره أم هجران العمارچيه*
*صاحبه ديوان📚صبر العقيله*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://t.me/amhejran12345

3,657

الشاعرة الملة ام هجران العمارچيه

15 Jan, 12:04

#من_قصائد_الشاعره_ام_عضون_العمارچيه_.

لطميه للسيده زينب عليها السلام(صارت فاتحه)

صارت فاتحه وعباس راعيها
وباركان السمه زينب مشيعيها
🏴🏴💔🏴🏴
صارت فاتحة وبالعرش منصوبه
كالو شايله زينب المهيوبه
ومن ضيم اليسر والجور متعوبه
واملاك السمه تتلاطم اعليهه
🏴🏴💔🏴🏴
واملاك السمه تتلاطم وتنعه
يعازون الصميدة وفاطمه البضعه
لزينب لا يكه ومحلاتهه الدمعه
نزل جبريل جناز ومشه بيها
🏴🏴💔🏴🏴
نزل جبريل جناز ومشه وياها
وبجناحه الشريف اليوم غطاها
زينب هاي يعني الصبر معناها
واهل الزود معروفين اهاليها
🏴🏴💔🏴🏴
واهل الزود اهلهها وزلم حربيه
للحك والعدل راحو فدائية
وزينب رفعت الرايه الحسينيه
وبنت اسباع هاي وينزمط بيها
🏴🏴💔🏴🏴
بنت اسباع هاي وزلم معلومه
وخلي الماعرفها ينشد الحومه
وما هابت يزيد الظالم وكومه
وزينب هزت الشام ونواحيها
🏴🏴💔🏴🏴
هزت كل نواحي الشام خطبتها
فصيحه وشهدت العالم بلاغتها
زينب هاي يالرايد شفاعتها
وبالشدات توكف لو ندبتيها
🏴🏴💔🏴🏴
تحضر ساعة الشدات بالكلفه
زينب علمتنه الشرف والعفه
بس عدها جرح بالقلب ما يشفه
الجلسه ونظرت الشامت تأذيها
🏴🏴💔🏴🏴

*تـــمت والـــــفضـــ🤲ـــل لله تعالى*
*بقلم✍الشاعره أم غصون العمارچيه*
*صاحبه ديوان📚آيات الشهاده*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://t.me/amhejran12345

3,050

الشاعرة الملة ام هجران العمارچيه

15 Jan, 06:36

لطمية للسيدة زينب عليها السلام ((لم عون ونشيعهه))

خل انروح ... لم عون ونشيعهه
ماتت بالدرب والگلب يوجعهه

يوجعهه الگلب من فرگت اخوتهه
خل نروح ونجدد مناحتهه
زبنب بالدرب ضلت اجنازتهه
والوجعان مايگدر يودعهه
خل انروح ... لم عون ونشيعهه

مايگدر علي ايودع المهضومه
تهل عينه وتصد كلساع للحومه
صاح بصوت ياضيغم يجيدومه
گوم العمت ابنك لاتضيعهه
خل انروح ... لم عون ونشيعهه

گوم العمت ابنك والنهر عوفه
خلهه تشوف طولك رايده اتشوفه
خلصت من مرار الشام والكوفه
زينب والدهر لوعات لوعهه
خل انروح ... لم عون ونشيعهه

زينب والدهر تدري شلعب بيهه
ماتت بالغرب ياحيف تاليهه
اتريد الكربله واشلون اوديهه
تون بهداي ونت موت واسمعهه
خل انروح ... لم عون ونشيعهه

ونت موت ونت عمتي ابهيده
وانه اشلون بيه وكربله ابعيده
تريد اعضيدهه ايشيل النعش بيده
اشلون اشلون ينساها ويگاطعهه
خل انروح ... لم عون ونشيعهه

ماينسه العزيزه وعمت اولاده
لو حي چان خلاها عله افاده
مصيبتهه التهد الحيل مراده
البين بواحد وسبعين فاجعهه
خل انروح ... لم عون ونشيعهه

البين اسباع بالميدان اخذ منهه
زينب والمصايب مايعوفنهه
چا عباس وينه ولانشد عنهه
ازنوده امشمره وبيمن يرجعهه
خل انروح ... لم عون ونشيعهه

✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر

https://t.me/amhejran12345

3,635

الشاعرة الملة ام هجران العمارچيه

14 Jan, 13:35

فزاعية لوفاة السيدة زينب عليها السلام (( شتهيسين ياعمه ))

حالچ ماعجبني اليوم
شتهيسين ياعمه

شتهيسين گليلي
عمه ويابعد حيلي
لاترحين ريضيلي
گلبي اعليچ ينعه وغارگ بهمه

غارگ بالحزن گلبي
عمه وتيهت دربي
عيني الكربله تربي
اريدن والدي وماجاني ابو اليمه

ابوي حسين حشمته
ينزلچ بالگبر ردته
ضيعتچ وضيعته
عليه احزان دهري اليوم ملتمه

ملتمه عليه احزان
وانه امضيع اوجعان
واهل الزود بالميدان
كل جيدوم مات امغسل بدمه

بالطف راح كل جيدوم
مايدرون بيه اليوم
ابچي وحاير ومهضوم
واليدفن غوالي ينهدم عزمه

كل يوم ودفنت احباب
محصول الدمع ماجاب
ياعمه وكفيلچ غاب
لاشال الجنازه ولابنه اخيمه

ماشال النعش لاگام
وسفه اعله الشريعه اينام
راسه امطبر الضرغام
مايحمل عتب واعتابنه يلچمه

✍شاعرة اهل البيت
الملة ام ريام الركابي
غير مبري الذمه من يحذف اسم الشاعرة او ينسب الرثاء لشخص اخر

https://t.me/amhejran12345

4,253

الشاعرة الملة ام هجران العمارچيه

13 Jan, 11:57

هوسات لأستشهاد العقيلة زينب عليها السلام

شمالچ يالمغسله ماغسلتيهه
بالمتون شلگيتي من گلبتيهه
زينب هاي اضنچ ماعرفتيهه
گاضيهه اليسر كل مرض مابيهه
( ومن السوط امجرح متن المهضومه )

نيشان بمتنهه امن الحبل شفتي
وحسبالچ مريضه وماتگربتي
زينب هاي چنهه اتگول اريد اختي
تغلسني وتگلي اشبيچ غربتي
( وابهيده ابهيده تغطيني )

تغطيني بهداوه وتلطم اعليه
ليش اختي الحنينه اوياي ماهيه
بعيده اليوم عني ومادرت بيه
اصد الهه واصدن للبقيعيه
( ماشدن راسي احبيباتي )

ماعدلن حجابي اتعطلن عني
وراسي امن المصايب حيل يوجعني
بنات الشام مايرضن يغسلني
ولابيهن مشفجه بس غرب ذني
( كلساع ايگولن طلعوهه )

گالن وين اخوها خل يطلعهه
مايدرن اچفوفه السيف گطعهه
والله لو عدل عباس شيعهه
من الشام للحومه يرجعهه
( وتشوف حسين يوديهه )

لو عباس حي ويمتلك چفين
چا خله الچوادر بالدرب صوبين
مو بالشام يدفنهه بضريح حسين
هاذه ابن الصميده امصلصل الجدين
( اهلن بالكافل زينب يتناگط غيره )

✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر

https://t.me/amhejran12345

4,896

الشاعرة الملة ام هجران العمارچيه

13 Jan, 10:48

معاني الحزن ج ٥
الشاعرة ام هجران العمارجية
خاص للفواتح (للشبان)

⬇️ للتواصل والاستفسار ⬇️
@ABRAR5325
@ABRAR5325

كروب اجهزة يفيد ملايات👇👇

https://t.me/+n-BgqsOHygw5OWNh

4,382

الشاعرة الملة ام هجران العمارچيه

09 Jan, 09:42

نعي لأستشهاد العقيلة زينب عليها السلام

صبح علي مايگدر ايگوم
ضهره انكسر والحيل مهدوم
ويصيح يابويه يمظلوم
ضيعت زينب عمتي اليوم

بالشام بويه ضيعتهه
وحيلي انهدم من ودعتهه
وامدده اگبالي شفتهه
عافتني وحدي الماعفتهه

عافتني وحدي ابين غربه
بيه حزن وجروح صعبه
بالماي اغص كلما اشربه
اشلون ارد والبيت اطبه

اشلون ارد وشلگه بالبيت
والموت ياخذني تمنيت
ياعمه الله وياچ ناديت
لو بيدي چا بالشام ضليت

بالشام اضلن لو بديه
وماعوفن ام عون ورقيه
چا وين سبع الغاضريه
شو ماحضرهه بالمنيه

شو ماحضر لاجاب تابوت
عباس مات وعطله الموت
گلوله زينب گطعت الصوت
وگضت روحهه واللون مبهوت

گضت روحهه وتريد جناز
ومحد حضرهه ابعاد العزاز
وافراگهم بالگلب نغاز
وشيل النعش حيلين يحتاز

شيل الجنازه ايريد حيلين
وهدم افادي بكربله البين
چا وين عمي اوالدي حسين
واليوم گلبي انكسر نصين

كل يوم مكسور بمصيبه
گلبي ولايبرد لهيبه
اويلاه يالماتت غريبه
وتعتب عله الزاچي حليبه

تعتب وتنشد عالكفلهه
واليسر وافراگه كتلهه
مگطوع چفه اشلون اگلهه
نام وبعد مايگعد الهه

✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر

https://t.me/amhejran12345

556

الشاعرة الملة ام هجران العمارچيه

07 Jan, 16:39

بعون الله وأهل البيت سوف يصدر ديوان طف ام البنين الجزء الثاني. خاص ب الامام الكاظم والإمام علي

1,838

الشاعرة الملة ام هجران العمارچيه

06 Jan, 13:11

اللهم صل على محمد وال محمد
قريبآ ان شاء الله سيصدر ديوان خيمة الخدام الجزء الثالث عشر خاص بالامام علي عليه السلام

2,536

الشاعرة الملة ام هجران العمارچيه

06 Jan, 08:04

مسلوب العمامة ج ١٧

الشاعرة ام هجران العمارجية

خاص للسيدة زينب والامام علي والامام الكاظم عليهم السلام

متوفر في مكتبة الغدير بغداد
لدينا توصيل لكافة المحافظات

واتساب
👇👇👇👇
07711395580

https://t.me/eheh10

2,362

الشاعرة الملة ام هجران العمارچيه

06 Jan, 08:04

مسلوب العمامة ج ١٧

الشاعرة ام هجران العمارجية

خاص للسيدة زينب والامام علي والامام الكاظم عليهم السلام

متوفر في مكتبة الغدير بغداد
لدينا توصيل لكافة المحافظات

واتساب
👇👇👇👇
07711395580

https://t.me/eheh10

2,756

الشاعرة الملة ام هجران العمارچيه

05 Jan, 15:49

ديوان سفرة العطاء الجزء السادس خاص بالامام الكاظم ع
ديوان سفرة العطاء الجزء العاشر خاص بالسيدة زينب ع
لشاعرة اهل البيت ام ريام دخيل الركابي
متوفر في مكتبة ابو محمد☝️☝️ ناصريه .. شارع الحبوبي .. قرب مرطبات تفاحه لديهم خدمة توصيل لجميع المحافضات للحجز والاستفسار
المراسله واتساب او الاتصال على الرقم 07705504973

2,905

الشاعرة الملة ام هجران العمارچيه

04 Jan, 07:26

فزاعية للأمام الهادي عليه السلام ( عالهادي نعازيهه )

حزينه اگلوبنه وهامت السامره
يالهادي تنادي وتصرخ بعبره
يومك مو سهل وامصيبتك مره
اجينه انعاون امك فاطمه الزهره

( نزلة الفزاعية )

لم حسين اجينه ابشوگ
عالهادي نعازيهه

نبچي ونلطم اوياها
عزايات اجيناها
اليوم الدهر بچاها
وبلوه البين باليهه

كل يوم وهضمهه البين
الله ايساعد ام حسين
خلصو صاحت الطيبين
چا روحي شيضل بيهه

حزنانه وگضت روحي
انه المابطل نوحي
ابد ماتنحصه اجروحي
وچتاله شيداويهه

اجروحي هواي چتاله
والهادي كلف حاله
گالو ودع اعياله
وسد الدار راعيهه

سد داره الحنين ومات
چملني حزن وٱهات
الطمن حيل يمحبات
والتلطم لجازيهه

اجازيهه التعاوني
بالشدات اندبني
راح ومايرد ابني
وبته الحزن غاطيهه

حزنانه وتون بته
ايوها اليوم فاگدته
للكلفات رايدته
ومايرجع بعد ليهه

صار ابعيد مايرجع
لايدري ولايسمع
يفراگ الشهم يفجع
حتى العين يعميهه

✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر

https://t.me/amhejran12345

4,221

الشاعرة الملة ام هجران العمارچيه

03 Jan, 15:22

لطمية لوفاة السيدة زينب عليها السلام (( تون بهداي ))

تون بهداي ... زينب ياعلي شبيهه
اجاها الموت لو حنت الواليهه

اجاها الموت لو حنت لبو اليمه
تون بسكوت گلهه شبيچ ياعمه
شوغات بگلبهه اهواي متلمه
افراگ اخوانهه گضيان گاضيهه
تون بهداي زينب ياعلي شبيهه

فرگاهم كلف وبزينب شسوه
گوه اليوم تجهر بالنفس گوه
تريد اهل المحنه واهل المروه
عنهه ابعاد ماواحد حضر ليهه
تون بهداي زينب ياعلي شبيهه

عنهه ابعاد مايدرون خوتهه
زينب بالدرب ضلت اجنازتهه
تهل عيونهه وتسيل دمعتهه
تصد الكربله وياهو اليوديهه
تون بهداي زينب ياعلي شبيهه

تصد الكربله وبضلوعهه الونه
درب الشام گالت ماريدنه
عمه ياعلي ياضيم اذكرنه
شفت الروس گدامي امسطريهه
تون بهداي زينب ياعلي شبيهه

شفت الروس گدامك وگدامي
وگلبي امن المصايب والحزن دامي
هاذه الموت اجاني وطاح بعظامي
روحي اتداركت واليوم تاليهه
تون بهداي زينب ياعلي شبيهه

روحي اتداركت والموت اجاني الموت
عمه ياعلي وضليت اون بسكوت
عمك مادره ولاجابلي التابوت
اشلون يگوم وامتونه امگطعيهه
تون بهداي زينب ياعلي شبيهه

اشلون يگوم والچفين مگطوعه
وابوك امطشره بالمعركه اضلوعه
من يوم الگضو لليوم مفجوعه
نار امصابهم حمره شيطفيهه
تون بهداي زينب ياعلي شبيهه

من ديوان سفرة العطاء الجزء العاشر خاص بالسيدة زينب عليها السلام

✍شاعرة اهل البيت
الملة ام ريام دخيل الركابي
غير مبري الذمه من يحذف اسم الشاعرة او ينسب الرثاء لشخص اخر

https://t.me/amhejran12345

4,927

الشاعرة الملة ام هجران العمارچيه

03 Jan, 09:24

صدر حديثا ديوان

خيمة الخدم ج 12

الشاعرة ام هجران العمارجية

قصائد خاصه للإمام الكاظم ع والسيده زينب ع

⬇️ للتواصل والاستفسار ⬇️
@ABRAR5325
@ABRAR5325

كروب اجهزة يفيد ملايات👇👇

https://t.me/+n-BgqsOHygw5OWNh

3,902

الشاعرة الملة ام هجران العمارچيه

02 Jan, 09:42

لطمية لأستشهاد العقيلة زينب عليها السلام لسان حال الزهراء عليها السلام ( اجيت امن البقيع )

اجيت امن البقيع انشد عليهه
زينب بالدرب طاحت شبيهه
انه امهه الزچيه ... ولاضل حيل بيه
عنهه ابعيد مايدري وليهه
زينب بالدرب طاحت شبيهه

انه امهه الزچيه وهاي بتي
اجيت اليوم اغسلهه بدمعتي
اگلهه شبيچ ونيتي اوگعتي
وصلتي الشام بالشام شذكرتي
بيهه شگد مصايب ... جلسات وخرايب
شنهو الوهدنچ رديتي ليهه
زينب بالدرب طاحت شبيهه

شنهو الوهدناچ وردچ اردود
وگلبچ من مرار الشام ممرود
ومتونچ بعدهي امهشمه وسود
ضل يبچي ابن اخوچ ومارضه ايهود
اسمعه ايصيح عمي ... گوم وشيل همي
اختك رادتك چا ماتجيهه
زينب بالدرب طاحت شبيهه

وين اهل الرحم كلساع ويصيح
وعيونه اعله درب الطف مشابيح
ماواحد يسمعه امن المذابيح
مهضوم وعليل ايگوم ويطيح
چا ياهو اليسنده ... ماكو احباب عنده
بس وادم غرب ماينتخيهه
زينب بالدرب طاحت شبيهه

چا ياهو اليسنده اوحيد بالشام
ايباوع بالوجوه اوجوه ظلام
وتشييع الجنازه يريدله احزام
وعباس الشفيه اعله النهر نام
لاجعفر ولاعون ... گدام اليشعون
ايگلهم عمتي وين اوديهه
زينب بالدرب طاحت شبيهه

يگلهم وين اودي ام عون حيران
ضل اوحيد واهل الشام عدوان
كل يوم بعزيز يروح دفان
الله ايساعدك ياعلي الوجعان
زينب فارگتهه ... ورديت عفتهه
تبچي الدار ويعذبك بچيهه
زينب بالدرب طاحت شبيهه

✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر

https://t.me/amhejran12345

4,344

الشاعرة الملة ام هجران العمارچيه

30 Dec, 17:33

#من_ديوان_جبل_الصبر_ج_٢_

لطميه ميدان للإمام الكاظم عليه السلام

وسعن الميدان وي معصومه
مات ابوها وصبحت مهضومه

وسعن الميدان وي اخت الرضه
من ضلم هارون والدها گضه
اليوم حزنان العلم والموعضه
ومايله اركان الهدى ومهدومه

مايله اركان الهدى ومهدمه
اليوم هم واحزان مطاره السمه
عازن بهاي المصيبه فاطمه
وياچ تحضر بالعزه المضلومه

حاضره وتلطم وياچ الطاهره
وهاي معصومه تون ومكدره
امصاب اهلنه تگول مثله ماجره
المات بلسم والگضه بالحومه

خلصوا السادات مسموم وقتيل
والدهر كل يوم ويانه يميل
شال ابو الشارات سطار اليعيل
مادرو ولده وعمامه وگومه

مادرو ولده وعمامه واخوته
بالسجن هارون گطع چبدته
تفجع الدلال موسى عملته
مثل يوم حسين يفجع يومه

مثل جده حسين محد غسله
بلسجن ياحيف والينه انوله
لا محب شافاه ومحد طب اله
صبحت روح البطل مهدومه

صبحت روحه نحيله وبايده
وسعن الميدان وي الفاگده
خل يروح الرضه يدفن والده
وخل يشوفه مغيرات ارسومه

✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر

https://t.me/amhejran12345

5,461

الشاعرة الملة ام هجران العمارچيه

28 Dec, 08:38

لطمية لدوران السنه ( حسبالي السنه اتدير ويرجعون )

حسبالي السنه اتدير ويرجعون
ماضنيت هالغيبه يغيبون
گلبي اليوم مكسور
عالناموا بالگبور
وياكسر الگلب يوجع تعرفون

ياكسر الگلب يوجع ولاطاب
صار الهم سنه وماهمه الاحباب
لانشدوا بعد لادگوا الباب
مامروا عليه
راحوا من اديه
شمحلاهم گبل چانوا ينشدون

شمحلاهم گبل چانوا وچنه
يسيرون العصر ونلم شملنه
صارلهم سنه وماردو النه
نسوني المانساهم
مانشدوا شجاهم
لامرسال لاطارش يودون

لاخط لاخبر من البعيدين
ضلت بس صورهم عالحياطين
مر اعله المشوا مو عيد عيدين
انطرهم يجوني
شو ماعايدوني
گولي اشلون بالمظلم يعيدون

مر عيد الضحايا وعيد رمضان
بالمبارك عليكم وين ماجان
وحشه المگبره وتخلي يالاحنان
لاديوان لاسوگ
باب الكبر مغلوگ
والتربان حار ويعمي العيون

عمت عين التراب الخرب ازلام
ايلوح اوجوهم من يرگد الخام
ثاري اغيابهم بالمگبره اعوام
گلت شيجيب باجر
واروحن للمگابر
بلكت من اضيفنهم يگعدون

ايس يادليلي وگول هيهات
يگعد للعدل ويگابله المات
عمت عين التراب الضم شبابات
اشلون اولاد حلوه
بلاها الموت بلوه
شبان الهوه الدنيه يحنون

نسالكم الدعاء
شاعرة اهل البيت
ام هجران العمارجيه

غير مبري الذمه من يمحي الاسم او يغيره

https://t.me/amhejran12345

6,467

الشاعرة الملة ام هجران العمارچيه

27 Dec, 07:01

الدعم الحسيني الزينبي دعم القنوات الحسينيه الملتزمة وعدد مشتركيها لا يقل عن 500 مشترك من أفضل القنوات على التليكرام تنشر السته يوميا ثلاث مرات ساعتين كل مره ويتم الحذف من القناة يكون الحذف من خلال البوت بعد انتهاء الوقت للاشتراك راسلنا على الرابط 👇👇

https://t.me/Abas747

43

الشاعرة الملة ام هجران العمارچيه

26 Dec, 05:38

موشح للسبي ( بتك العدوان )

بتك العدوان مارحموها
وخارجيه ياعلي سموها

خارجيه اشلون هاي ام الخدر
عالهزل للشام وداها الشمر
شبعت اهموم ومصايب باليسر
وبالطبل عدوانهه اتلگوها
بتك العدوان مارحموها

وصلت الشام وتلگوها بطبول
والشمر والروس گدام الحمول
من ينشدوها اعله واليهه شتگول
وعن كفيل ضعونهه نشدوها
بتك العدوان مارحموها

بت علي گالوا عجيب ميسره
كل عمرها امدلله ومخدره
وين عنهه اليوم سبع الگنطره
ليش اهلهه اتعطلوا ماجوها
بتك العدوان مارحموها

ليش عافوها سبيه امچتفه
لايسر تحمل ولاتحمل جفه
طول زينب چان محد شايفه
تالي ماتالي الغرب شافوها
بتك العدوان مارحموها

تالي ماتالي وعگب ذاك الدلال
اخت ابو فاضل يچتفوها بحبال
واگفه ابين الشماته والنذال
وبخرابه امهدمه ذبوها
بتك العدوان مارحموها

ذبوا الحره بخرابه امهدمه
ماتنام الليل ياحامي الحمه
حايره بخوله ورقيه وفاطمه
والنشامه ابعاد ماشافوها
بتك العدوان مارحموها

كل بطل ضل بمچانه ومصرعه
وروسهم فوگ الرماح امرفعه
عافو الچانت عزيزه املوعه
وين اخوتي اتصيح ماسمعوها
بتك العدوان مارحموها

✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر

https://t.me/amhejran12345

6,642

الشاعرة الملة ام هجران العمارچيه

23 Dec, 12:21

لطمية للأمام الحسين عليه السلام (باچر محد ايفيد)

غير حسين ... باچر محد يفيد
مو بالسيف بالدم حارب ايزيد

حارب وانتصر عالسيف دمه
هاذه حسين هنياله اليخدمه
اجروحه امكشفه ومسفوح دمه
محد غسله ومشمور بالبيد
غير حسين ... باچر محد يفيد

محد غسله وضل بمچانه
هاذه حسين سدرتنه وغطانه
امه بكل عزه تحضر اويانه
للعطشان لطمه امعدله اتريد
غير حسين ... باچر محد يفيد

لطمه اتريد من عدچن لبنهه
كلچن ياحبايب گابلنهه
يلچمنهه الضلوع ويوجعنهه
تصيح حسين ضل بكربله اوحيد
غير حسين ... باچر محد يفيد

اتصيح حسين ضل اوحيد ياناس
يزامط بيش عگب ازنود عباس
زينب شافته بالمعركه انداس
اشلون ام الحزن ترتاح واتهيد
غير حسين ... باچر محد يفيد

اشلون ام الحزن تگعد وترتاح
ايحز بمنحره شافت الذباح
والحادي بضعنهه امن الصبح راح
تون عالنوگ مرت عالصناديد
غير حسين ... باچر محد ايفيد

تون عالنوگ بين المايرحمون
عالمظلوم الطمو لاتقصرون
كل الناس باچر مايفيدون
لاينفع ولد لاينفع اعضيد
غير حسين ... باچر محد يفيد

يمحبات اسمعن خل اگلچن
للمظلوم الطمن گبل اهلچن
بس هوه الشفيع ويوگف الچن
بساعات المنيه والمواعيد
غير حسين ... باچر محد يفيد

✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر

https://t.me/amhejran12345

7,236

الشاعرة الملة ام هجران العمارچيه

22 Dec, 21:49

هوسات ختامية مجلس للأمام الحسين عليه السلام

خل نختم لطمنه بهوسه للعطشان
وي زينب حبايب وسعن الميدان
تدرن ضل ثلث تيام عالتربان
(( مذبوح ايون محد شاله ))

يون ومايون من حرت اجروحه
شاغت عالفواطم ياخلگ روحه
وراسه اعله الرمح وعيونه مشبوحه
(( وعيونه اتصد اعله اطفاله ))

عين اتصد عله اخته وعين لطفاله
هذا حسين ياحال المثل حاله
تتسابگ عله اجنازته الخياله
(( چا وين امه اتلم اضلوعه ))

مافرشت هدمهه ولمت اضلوعه
الزهره ومن گبرها اتصيح مفجوعه
احا يحسين يبني لوعتك لوعه
(( بس انعه امصابك خلاني ))

احضر كل عزه وابچي بهضم وانعه
اصيحن ليش گلبك حرمله ايگطعه
كل ميت يشيعونه هله وربعه
(( بس انته اموذر بالحومه ))

بس انته ثلث تيام بمچانك
ياهو الغسلك ومذبحه اخوانك
وزينب رافگت راسك وعدوانك
(( من تبچي ايزمخون اعليهه ))

من تبچي عليك اعداك تشتمهه
مصابك عالقهر والحزن علمهه
گبل لو حشمت تلگه البطل يمهه
(( عافاها ومات البيه غيره ))

✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر

https://t.me/amhejran12345

6,112

الشاعرة الملة ام هجران العمارچيه

21 Dec, 13:56

#الطميه_بديوان_مصائب_عاشوراء_الجزء_٢_ ( جراني الجدم )

جراني الجدم يم باب اهلنه
ذكرت ايامنه وذيچ المحنه

ذكرت ايامنه وذيچ اليالي
اناشد بالنزل والنزل خالي
بعد شيصبر المهضوم حالي
حگي من اون ونه اعله ونه

ذكرت ايامنه والگلب ممرود
اصد البيت اهلنه الباب مسدود
ماضن الدهر بالراحو يعود
ووجوه المشت ماترجع النه

ضيعت الرجه ومني الصبر ضاع
واعتب عالدهر واعتب عله الگاع
چي ضمت ييمه اوجوه الاسباع
طشنه البين مايلتم شملنه

أريد اكعد وون للصبح عالباب
وزيدن بالعتب لليسوه العتاب
أگل لحسين خويه اشلون ننهاب
بالميدان نايم يا ضمدنه

روحي امهدمه وتهمل عيوني
واحنان الكلب ماجاوبوني
عندي أعتاب لهلي الضيعوني
چا وين اليجيني بغير منة

عندي عتاب لهلي وعاتبتهم
وعيوني انعمت من فارگتهم
حال الضيم مايدرون اختهم
مايدرون بالظالم هضمنه

✍الشاعره ام هجران العمارچيه
غير مبري الذمه كل من يحذف أسم الشاعره وينسب القصيده له
https://t.me/amhejran12345

6,495

الشاعرة الملة ام هجران العمارچيه

21 Dec, 08:13

ام جعفر:
هوسات نخوه حول ام البنين

مو كلتي النخاني ابضيج احضرنه
ومو كلتي المريض ابساع اطيبنه
وانه اباب بيتج جيت ادكنه

اذاني الوكت يا ام البنين هواي
واخبرج من طحت محد وكف وياي
بس انتي الوفيه واحس بيج احذاي

(انتي ام الغيره//وكل تعبان تكومينه)

ها يا ام البنين وبعد سمعيته
صيتج بل طوايف منعرف صيته
وانه اليله يمج طلب طلبيته

غثاني الوكت والوكت ما يرحم
وانتي المعتنيج عله الجرح مرهم
اسولفلج حجي والحجي الما ينظم

(البابج نكصد//وانتي تعرفينه)

مرهم لجرح ادري من اجيب اسمج
واحنه من زمان ام الوفه نعرفج
عندي سويلفه وتكضيهه رايدتج

تدرين الكلب مجروح بيه اهموم
وانه وداعتج متعنيه الج هليوم
كالولي اليطيح ابابج انتي يكوم

(ايكوم الطايح// يتوچه عليهه)

يتوچه عليهه الگال ما بيه
والعده وجع والعلته مخفيه
بس ينخه ويدك بابج يبدويه

كل هم الكلب منه تزيحينه
الكاصد مجلسج راضي ترجعينه
كفو منج وفيه وندري تنطينه

(انتي.الكاصدلج//حاشه اتردينه)

وانه الكاصدج وانه البجيت دموع
لايذ من اجيتج والكلب موجوع
انخه ابسفرتج والوجع يحني اظلوع

چفي ابسفرتج مديته وانه انخاچ
يل ما قصر وادري وفي طرواچ
ما فشلتي ابد وطيتي من يمناج

(اتخيل وجيتج//وانتي الوفايه)

لخادمة الزهراء. العلويه ام جعفر
غير مبري الذمه من يحذف الاسم وياخذ الكلام وينسبه له م

https://telegram.me/am_jafar

2,569

الشاعرة الملة ام هجران العمارچيه

20 Dec, 12:30

الختمة الشريفة ج ٤
الشاعرة ام ريام الركابي
خاص للختمة والفواتح
متوفر في مكتبة الغدير بغداد
لدينا توصيل لكافة المحافظات
للحجز واتساب فقط ٠٧٧١١٣٩٥٥٨٠
https://t.me/eheh10

6,011

الشاعرة الملة ام هجران العمارچيه

19 Dec, 11:00

جديد ١٤٤٦ هـ

خيمة الخدام ج ١٢

الشاعرة ام هجران العمارجية

خاص للسيدة زينب والامام الكاظم عليهم السلام

متوفر في مكتبة الغدير بغداد
لدينا توصيل لكافة المحافظات

واتساب
👇👇👇👇
07711395580

https://t.me/eheh10

6,868

الشاعرة الملة ام هجران العمارچيه

17 Dec, 17:05

بعض من نماذج ☝️☝️ ديوان خيمة الخدام الجزء الثاني عشر

6,758