Jimma City Communication Telegram Posts

Aadaan hojiitti nama kakaasu, kalaqaafi haammatummaa jajjabeessu guddina biyyaatiif karaa saaqa!

Jimmaa,Guraandhala 25/2017(WKMJ)
Bulchiinsa Magaalaa Jimmaatti waltajjiin marii hubannoo uumuu haaromsa Aadaa Oromoo irratti hojjettoota Mootummaa waliin gageeffamaa jira.

Ittigaafatamaan Waajjira Paartii Badhaadhinaa Magaalaa Jimmaa obbo Waasee Girmaa haasawaa taasisaniin barbaachisummaan haaromsa aadaa yemmuu ka'u bakka itti namni kamiyyuu ilaalchaafi fedhii dhuunfaas ta'ee garee qabu qabatee tokkummaan dhaabbachuu itti danda'u, duudhaa fi safuu Oromoo ganamaa bakkatti deebisuuf waliin dhaabbannu akka ta'e hubatamuu akka qabu ibsaniiru. Hojjettoonni mootummaa ammoo dhimma kana bu'uurarraa jijjiiruun galma barbaadame milkeessuuf qaama isa murteessaa waan taa'aniif dhimma haaromsa aadaa irratti hubannoo qabaachuun murteessaa ta'uu eeraniiru. Galma ga'iinsa isaafis tumsuu akka qaban kaasaniiru.

Ittigaafatamaan Ijaarsa Paartii Badhaadhinaa magaalichaa obbo Tiijjaanii Mohammad barreeffama ka'umsa mariif qophaa'e dhiheessaniin, aadaan ibsituu eenyummaa saba tokkoo ta'uu isaatiin wal qabatee duudhaa, safuu, diinagdee, siyaasaafi falaasama jiruuf jireenya sabichaa ta'ee kan itti fufu waan ta'eef barsiifata badaa fi boodatti hafoo ta'an maqsinee aadaa tarkaanfataa gabbifachuun qabeenya dilbii hawaasichaa sirnaan fayyadamuun gara diinagdeetti jijjiiruuf of qopheessuu qabna jedhaniiru.

Kominikeeshinii Magaalaa Jimmaa

https://www.facebook.com/share/p/1DPspD2QH6/?mibextid=Nif5oz

Like, comment, share godhaa.

Jilli Kantiibaa Magaalaa Goondar Obbo Chaalaachoo Daanyeen durfamu Magaalaa Jimmaa gale

Jimmaa, Guraandhala 19/2017 (WKMJ)
Jilli Kantiibaa Magaalaa Goondar Obbo Chaalaachoo Daanyeen durfamu muuxannoo hojii qooddachuuf Magaalaa Jimmaa galeera.

Jilichi Wayita Buufata Xiyyaaraa Jimmaa Abbaa Jifaar gahu Kantiibaa Bulchiinsa Magaalaa Jimmaa Obbo Xahaa Qamar fi Ittigaafatamaa Waajjira Paartii Badhaadhinaa Magaalaa Jimmaa Obbo Waasee Girmaa akkasumas qaamooleen hawaasaa garaagaraa simannaa ho'aa obbolummaa bu'uureffate taasisaniifii jiru.

Obbo Xahaa Qamar ergaa baga nagaan dhuftanii kan dabarsan yemmuu ta'u, Kantiibaan Magaalaa Goondar moodeela Gamoo Faasilidas kennaadhaan Kantiibaa Magaalaa Jimmaatiif gumaachaniiru.

Kominikeeshinii Magaalaa Jimmaa

Lammiiwwan koo akkam jirtu? Link armaan gadii tuquun follow godhaa. Namoonni biroonis akka follow godhan taasisaa.

እንዴት ናችሁ ወገኖቼ ?
የሚከተለውን ሊንክ በመጫን follow ያድርጉ ። ሌሎችም እንዲከታተሉ ያድርጉ ።

Waajjira Kominikeeshinii Magaalaa Jimmaa
ጅማ ከተማ ኮሚዩኒኬሽን
https://www.facebook.com/share/1BFrs1M4PW/?mibextid=qi2Omg

Magaalaa Jimmaatti beenzilli seeraan alaa baarmeeliin 13 too'atame

Jimmaa, Guraandala 01/2017 (WKMJ)
Bulchiinsa Magaalaa Jimmaatti sakitta'iinsa tasaa qindoomina qaamoolee nageenyaatiin gaggeeffameen beenzilli baarmeelii 13 (Liitira 2,600) kan too'atame ta'uu Waajjirri Bulchiinsaafi Nageenya magaalichaa ibseera.

Seeraan alummaan biyyas ummatas ni miidha. Kanaafuu, waliin taanee seeraan alummaa haa ittisnu.

Kominikeeshinii Magaalaa Jimmaa

Bulchiinsi Magaalaa Jimmaa rakkoo mana jireenyaa furuuf xiyyeeffannoon hojjetaa jira.

Jimmaa, Amajjii 18/2017 (WKMJ)
Bulchiinsi Magaalaa Jimmaa rakkoo mana jireenyaa furuuf xiyyeeffannoon hojjetaa kan jiru yemmuu ta'u, iddoo afuritti manneen jireenyaa baay'inaan ijaaree xumuree jira.

Manneen jireenyaa kunis sadarkaasaanii kan eeggattan yemmuu ta'u, kaafamtoota misoomaa dandamachiisuuf kan oolu ta'uun ibsameera.

Jilli Ministira Muummee Dr.Abiyyi Ahmed fi pirezdaantii MNO Obbo Shimallis Abdiisaatiin durfamu manneen ijaaraman kanneen daawwatee jira.

Kominikeeshinii Magaalaa Jimmaa

https://www.facebook.com/share/p/18WuqKSphK/?mibextid=oFDknk

Manni Qopheessaa Magaalaa Jimmaa konkolaataa bottee haaraa lama bituun galche

Jimmaa, Amajjii 10/2017(WKMJ)
Manni Qopheessaa Bulchiinsa Magaalaa Jimmaa konkolaataa bottee (shower truck) haaraa lama bituun galche.

Hojigaggeessaan Mana Qopheessaa Magaalaa Jimmaa Obbo Hayider Dirrib magaalaa saffisaan guddataa jirtuuf maashiniiwwan sadarkaa sanaan walgitu kan barbaachisu ta'uu himani. Konkolaataan botteen lamaan bitamanis hojii qulqullina magaalaaf, hojii magariisummaafi rakkoo balaa ibiddaa sababa garaagaraan magaalaa keenya keessatti mudatu ariitiin dhaamsuuf kan gargaaru ta'uu ibsaniiru.

Maashiniiwwan sadarkaa guddina magaalichaan walmadaalu ittifufiinsaan horachuuf kan hojjetamaa jiru ta'uus kaasaniiru.

Kominikeeshinii Magaalaa Jimmaa

Waadaarraa Hanga Aadeffannaa!
**
Badhaadhinni Itoophiyaa badhaatuu lammii hundaaf mijattu ijaaruudhaan guddina hunda galeessa mirkaneessuuf hojjataa jira.

Milkaahinoota hunda galeessa fayyadamummaa hawaasaa mirkaneessan galmeessaa kan jiru Paartiin Badhaadhinaa kallattiiwwan gurguddoo yaa’ii jalqabaatiin kaa’aman hojiirra oolchuun yaa’ii lammaffaa gaggeessuuf qophii irratti argama.

Koonfiransiin Paartii Badhaadhinaa haal duree yaa’ii 2ffaa sadarkaa hundee Godinaalee fi Magaalotaatti gaggeeffamaa jira.

Suuraan:
#MagaalaaJimmaa
#Adaamaa
#Baalee

Kantiibaan Magaalaa Jimmaa Obbo Xahaa Qamar Ayyaana Qillee sababeeffachuun ergaa baga geessanii dabarsan

Hordoftoonni Amantaa Kiristaanaa hundi, baga Ayyaana Qillee bara 2017 nagaan geessan!

Ayyaanni Qillee ayyaana guddaafi hordoftoota Amantaa Kiristaanaa biratti bara baraan kabajamuudha. Ayyaanni Qillee hordoftoota Amantaa kiristaanaa biratti guyyaa dhaloota Iyyasuus Kiristoos yaadachuuf kan kabajamu, mallattoo araaraa, nagaafi jaalalaati.

Ayyaana bara kanaa kan addaa taasisu yeroo itti Magaalaa keenya Jimmaan haaromsuuf, giddugala tuurizimiifi konfaransii taasisuuf hojiiwwan jajjaboon itti hojjetamaa jiranitti ta'uusaati. Hojiin misoomaafi nageenyaa akka milkaa'u taasisuu keessatti gaheen hawaasa keenyaa olaanaa waan ta'eef kabajaafi galata guddaan qabu ibsuun barbaada. Deeggarsi hawaasni keenya hojii misoomaafi nageenyaa irratti taasisaa jiru cimee itti fufuu qaba .

Ummanni keenya wayita ayyaana kana kabaju nageenyisaa akka hin boorofne qaamoolee nageenyaa waliin qindoomuun nageenyasaa eeggataa kabajachuun gaarii ta'a.

Akkasumas walgargaaruun aadaafi duudha ummata keenyaa waan ta'eef, hawaasni keenya kan qabu irraa waliif qoodee, inni qabu kan hin qabne gargaaruun ayyaanicha gammachuun waliin kabajuun barbaachisaadha.

Ayyaanni kun kan nagaa, gammachuufi kan badhaadhinaa akka isiniif ta'u hawwii kooti.

Irra deebi'uun baga Ayyaana Qillee bara 2017 nagaan geessan isiniin jedha!
Ayyaana gaarii!

Xahaa Qamar,
Kantiibaa Bulchiinsa Magaalaa Jimmaa
Muddee 28/2017
Jimmaa

Kominikeeshinii Magaalaa Jimmaa