إسراء فايز (قصص لبعض الأنبياء)

يارب ولد يارب

= هتفرق معاكي ولد ولا بنت !!

طبعاً!

الولد عبادته لربنا مش بتنقطع ابدا !!

إنما البنت بيجيلها وقت وتنقطع عبادتها بسبب فترة حيض يعني ..

= طيب تعالي بقي هحكيلك حاجة جميلة أوي عشان توضحلك رزق وجمال وحلاوة البنات

كان في ناس من بني إسرائيل صالحين أوي ..

أهل البيت ده كانوا معروفين أنهم أهل التقوى من كتر عبادتهم لربنا ..

= وكان اسمهم إيه!؟

_ عمران ، وزوجته حَنّة..

حَنّة كانت كبيرة في السن ويقال انها كانت لاتنجب ، فدعت ربنا إنه يرزقها ......

لقراءة باقي القصة اضغط هنا
https://esraa-fayez.artikles.site/135

رأت آمنة شعاعاً من النور خرج منها فأضاء الدنيا من حولها حتى تراءت لها قصور بصرى في الشام وسمعت صوتًا يقول لها: يا آمنة لقد حملتِ بسيد هذه الأمة، ظل هذا الحلم في مخيلتها ولم تنساه وكانت تحدث اقرب الناس لها عنه بإستمرار حتى مضت شهور وجاء الخبر القاسي.. حين علمت آمنة من أبيها بوفاة زوجها وحبيبها عبدالله أثر تعرضه لمرض اثناء رحلته فتوفي بيثرب ودفن فيها، فوصل الخبر لآمنة لكنها لم تبك عليه وحدها، بل بكت عليه مكة كلها، ومع ذلك صمدت آمنة حتى تحافظ على سلامة جنينها، وبالفعل جاء اليوم الموعود ووضعت وليدها..

‏وأنزل الله عز وجل الطمأنينة والسكينة في نفس "آمنة"، وأخذت تفكر في الجنين الذي وهبها الله عز وجل والذي وجدت فيه مواساة لها عن وفاة زوجها الحبيب، ووجدت فيه من يخفف أحزانها، وجاءتها آلام المخاض، فكانت وحيدة ليس معها أحد، ولكنها شعرت بنور عظيم يغمرها من كل جانب..

‏فولدت أشرف الخلق محمد ﷺ، ومالبث عندها قليلًا حتى ارسلته للبادية عند حليمة السعدية كعادة العرب في ارسال ابنائهم للبادية، وعندما عاد من عند حليمة رآت أمنة انه من باب الوفاء لزوجها ان تذهب لزيارة قبره مع ابنها محمد فشدت الرحال وانطلقت بإتجاه يثرب مع صغيرها وسيدة تدعى ام ايمن..

https://esraa-fayez.artikles.site/100

ايه اللى حصل للعمالقة زمان!!
راحوا فين؟!
هل فعلا كان عندهم (مصانع بيصنعوا منها ادويه تخليهم مخلدين ويعيشوا للابد)!!
ايه حقيقة الكلام ده!!

تعال مع بعض فى رحله جديده فى اعماق القران الكريم هنعرف منها الكلام ده حقيقي ولا لا!!
==============
■ إرم ذات العماد!!
قوم عاد..
==============
الاول خلينى اعرفك تقسيمة الارض بعد حدوث (الطوفان العظيم) كانت عامله ازاى..

ربنا كان وعد سيدنا (نوح) بوعد عظيم وهو (وَجَعَلْنَا ذُرِّيَّتَهُ هُمُ الْبَاقِينَ).. يعنى نسل نوح هو اللى هيبقا فى الارض بعد الطوفان..
وفعلا نجأ ذرية نوح عليه السلام وكانوا 3 من الابناء (سام – حام – يافث)..
وبعد ما ابوهم (نوح) ما مات..
كل واحد منهم بدأ ينتشر فى الارض بنسله..

وتوجه سام بن نوح : لمنطقة اسمها (الاحقاف)..
وعاش فيها هو وابنه "عوص" ثم مات "سام" واستمر ابنه "عوص" فى نشر الدعوه بعده للعباده.. وخلف ولد سماه "إرم"..

اللى كان بدأته التطاول فى البنيان مره تانيه والتكبر والتجبر..
وحكم "إرم" مدينة داخل بلدة الاحقاف (فى اليمن) مكانها بين عمان وحضرموت!
واستمر حكمه لحد ما خلف "عاد"..
واطلق على المدينة بعد موت الملك اسم "إرم"..
=============
■ قوم عاد :
فى وصف قوم عاد ذكر على لسان الشيخ عمر عبد الكافي..
ان القزم منهم كان طوله : 60 ذراع (ده القزم ما بالك بالاطول فيهم!!)
ولو جينا نقارن طولهم بطول سيدنا (ادم) هنلاقي انهم كانوا كمان اطول من سيدنا "ادم"!!
(عاد) كان كافر هو وكل قومه..

وكان طاغيه هو وكل قومه وكانوا اذا دخلوا بلد دمروها واكلوا كل خيراتها وفسدوها اشد فساد!!
لكنه بدأ يحول بلدته (الاحقاف) : البلدة الرمليه الصحراء الجرداء دي بالتدريج لاكبر واضخم واقوي بلدة فى العالم فيها القصور والمزارع والحدائق..

ربنا عز وجل وضح ده فى قوله : "الَّتِي لَمْ يُخْلَقْ مِثْلُهَا فِي الْبِلَادِ"
اقوي مدينة فى العالم!!

وبناء مصانع وبيوت ومتاحف ومعابد.. وكانوا سابقين زمنهم بشده..
لدرجة ان الشيخ عمر عبد الكافي قال :
"انهم وصل بهم الحال انهم بنوا مصانع لتصنيع مواد وادويه تخليهم خالدين ويعيشوا للابد.."
وأيد الكلام ده الامام بن كثير فى كتابة البداية والنهايه وتفسيره للقران..
قال تعال : "وتتخذون مصانع لعلكم تخلدون"!!

وبعد استيلاء (عاد) ومن قبله ابوه (إرم) وجيوشهم على الارضي من حولهم .. بدأ ينشر عبادة الاصنام..
وصنع تلات تماثيل للعباده (صمود – صدأ – هباء)..
والناس كانت بتعبدهم تقرب واقتداء باهلهم وغيرهم!!
لحد ما بعث ربنا عليهم عبد صالح من اهلهم اسمه "هود"..
==========================
■ اخوهم (هود) ورد فعلهم تجاه دعوته اهم
---
"وَاذْكُرْ أَخا عادٍ إِذْ أَنْذَرَ قَوْمَهُ بِالْأَحْقافِ"..
شوف تعبير القران الكريم لطيف ازاي (اخوهم هود).. لان سيدنا هود كان رقيق لين مهذب شهدوا له بالصلاح والذكاء وقوة الحجه..

دعاهم (هود) لترك عبادة الاصنام ويرجعوا لعبادة الله..
لكن للاسف رد فعلهم كان عنيف معاه..
قالوا له : (انت جاي تعملنا غسيل مخ وتقولنا نبعد عن الالهه بتاعتنا) "أَجِئْتَنَا لِتَأْفِكَنَا عَنْ آلِهَتِنَا فَأْتِنَا بِمَا تَعِدُنَا إِن كُنتَ مِنَ الصَّادِقِينَ "!
رد صادم حتى منتظروش انه يجيب لهم معجزة على صدق دعوته!
قفلوا الباب عليه من اول مره كلمهم فيها..

لكن سيدنا (هود) ميئسش واستمر يدعوا لهم فترة من الزمن طويله.. لحد ما اتبعه منهم عدد قليل جدا جدا جدا..
لحد ما هما زهقوا منه وردوا عليه للمره الاخيره :


لقراءة باقي القصة اضغط هنا
https://esraa-fayez.artikles.site/132

كل عام والخير يصبّ عليكم صَبّاً، والبهجة تُعانِق أرواحكم، والرِضا يُلازِم خطواتكم ودروبكم، وعادَ العيد عليكم أعوامًا عديدة، ودامَت أيامكم أعيادًا سعيدة...
عيدكم مبارك 🤍

قصص رمضان

الحلقة الثلاثون والأخيرة
نبي الله إلياس

سمعت قبل كدة عن نبي اسمه " إيليا " !؟

= إيليا !!!!

اه ،، وموجود اسمه في التوراة كمان!

= اه مش مذكور في القرآن يعني !!؟

لأ مذكور في القرآن !!

بس في القرآن مااسمهوش " إيليا " ..

❓أُمال اسمه إيه

= اسمه " إلياس عليه السلام " ..

❓أُمال إيه إيليا ده !!؟

دول بني إسرائيل كانوا بينادوه بيقولوله يا إيليا ،،

قال بيدلعوه يعني!

❓و إلياس كان من نسل مين !؟

من نسل هارون عليه السلام..

إلياس كان نبي..

طبعا الأنبياء في بني إسرائيل من بعد سيدنا موسي كانوا بيجددوا إحياء شريعة موسى ويذَكّروا بيها الناس،،

فربنا أرسل النبي إلياس كرسول لبني إسرائيل

"وَإِنَّ إِلْيَاسَ لَمِنَ الْمُرْسَلِينَ.."

ليه بقي !؟

لقراءة باقي القصة اضغط هنا
https://esraa-fayez.artikles.site/131

قصص رمضان

الحلقة التاسعة والعشرون
حزقيل عليه السلام

سبحان الله
إزاي الجثث دي تقوم تاني تبقى أحياء

"أَلَمْ تَرَ إِلَى الَّذِينَ خَرَجُوا مِن دِيَارِهِمْ وَهُمْ أُلُوفٌ حَذَرَ الْمَوْتِ فَقَالَ لَهُمُ اللَّهُ مُوتُوا ثُمَّ أَحْيَاهُمْ "

#نبي_الله_حزقيل

#معجزة_إحياء_الموتي

ومكملين مع بني اسرائيل، وزي ما احنا عارفين اننا وقفنا المرة إللي فاتت عند موت يوشع عليه السلام، بعد ما عاش في بيت المقدس فترة من الزمن مع بني إسرائيل يحكم فيهم بالتوراة،بنو إسرائيل من كثرة فسادهم وعصيانهم لله، كان ربنا بيبعث فيهم الأنبياء ..واحد ورا الثاني ورا الثالث؛ عشان يستقيموا على الدين وميبعدوش عنه..

_فبعد موت يوشع عليه السلام، انتقلت النبوة لنبي من بني إسرائيل اسمه (كَالِب بن يُوفَنا) ...احنا منعرفش عنه حاجة تقريبا، لكن كباقي الأنبياء استمر يحكم في بني إسرائيل بحكم الله وشريعته لحد ما مات،وجه بعده نبي تاني اسمه حِزقِيل بن بُوذَى --ويقال إنها بُوذِي-- وبرده معندناش عنه أخبار كثيرة، لكنه كان نبي من أنبياء بني إسرائيل ، نعرف عنه قصة واحدة فقط، هي في قوله تعالى:

"أَلَمْ تَرَ إِلَى الَّذِينَ خَرَجُوا مِن دِيَارِهِمْ وَهُمْ أُلُوفٌ حَذَرَ الْمَوْتِ فَقَالَ لَهُمُ اللَّهُ مُوتُوا ثُمَّ أَحْيَاهُمْ "

_إللي هي قصتنا النهاردة..

لقراءة باقي القصة اضغط هنا
https://esraa-fayez.artikles.site/129

أنت عارف إن كان فيه نبي من بني إسرائيل بعد سيدنا موسي !؟

نبي من بني إسرائيل !!!!!!! بني إسرائيل ،، بني إسرائيل دول !! اللي ها

أيوة هما اللي كانوا ها دول ...

ومين دة !!؟

دة واحد معرووووف جداااااااااا ،، وتعرفوه كمان !!

لا قولي بسرعة مين مش قادرة اتنفس ..!

" يوشع " .. يوشع بن نون ..

يوشع دة الغلام الصالح اللي كان رايح مع سيدنا موسي يقابلوا الخضر ..!

يوشع ،، كان شخص صالح مؤمن بالله ،، صبور ،، ونبيه ،،

سيدنا موسي كان عارف إنه هيموت في يوم من الأيام،،

فكان لازم يشوف حد يقود بني إسرائيل من بعده،،

وطبعا الشخص ده لازم يكون فيه صفات معينة عشان يقدر يتحمّل بني إسرائيل وإللي بيعملوه

سيدنا
موسى وهارون عليهما السلام،،

اهتموا جدا بيوشع .. وكانوا بياخدوه معاهم في كل حته عشان يتعلم منهم ..

كان سيدنا موسى بيثق فيه لدرجة كبيررة جداااا ،، حتي إنه لما راح قابل الخِضر أخده معاه،،

وبعد ما سيدنا موسي مات !!

هو إللي تولّى أعباء النبوة،،

فبقى هو إللي بيوجّه بني إسرائيل وبيعلمهم،،

وفضل يبلّغ شريعة سيدنا موسي بكل حرص وإخلاص،،


وبعد ما عدت الأربعين سنة كان الجيل خلاص اتغير..

أو اختفى أثره نوعًا ما يعني ،

في منهم إللي مات وفي منهم إللي خلاص كِبِر في السن،،

وفي بقي منهم إللي اتغيرت واتأثرت عقولهم بشكل إيجابي بكلام سيدنا موسى قبل ما يموت بسبب الأحداث إللي شافوها خلال السنين إللي فاتت

لقراءة باقي القصة اضغط هنا
https://esraa-fayez.artikles.site/127

قصص رمضان ،

الحلقة السابعة والعشرون
نبي الله موسى الجزء الثامن والأخير


هو ليه مش مذكور إن سيدنا موسي مات ازاي !؟
= مين اللي قال إنه مش مذكور قصة وفاته!!!!

مش موجودة في القرآن مثلا !!
= اة بس موجودة في السنة بقي

طيب مات ازاي

في يوم من الأيام ،،
واحد دخل فجأة على سيدنا موسي ، وقاله :
سلمني روحك.!!

"أجِب ربك"

فسيدنا موسي اتخض !!،
وافتكره واحد جاي يقتله!
فضربه وفقع له عينه

ويقال أنه ضربه بس من غير فقع عين يعني

من حقه طبعا يدافع عن نفسه لإن ده واحد داخل عليه البيت فجأة بدون إذن وبيقول له سلمني روحك !!.

فكان الراجل ده هو ملك الموت ،،
وكان ربنا بعته عشان يقبض روح سيدنا موسي،،
وكان جايله علي هيئة رجل بشري مش في صورة الملك المعروفة،،
عشان كده فقع عينه،!

وكمان سيدنا موسي مكنش لسه خُيّر،،
لأن الأنبياء مش بتتقبض أرواحهم إلا لما ربنا يخيرهم هل عايزين يعيشوا في الدنيا ولا يموتوا ويدخلوا الجنة،،

فطبعا سيدنا موسي متوقعش أبدا إن الراجل ده هو ملك الموت،،

ملك الموت بقي رجع لربنا وقاله :
بعثتني لرجل لا يريد الموت!

وليه قال كدة !؟
هو بيقول كده لإنه فاكر إن سيدنا موسي عارف إنه ملك الموت فضربه عشان رافض الموت،!!

فربنا خلي عين ملك الموت زي العيون البشريه ..
وقاله ارجع تاني لموسى وقوله:
حط إيدك على ظهر ثور وكل شعرة هتمسّها إيدك ليك بكل واحدة منها عُمر سنة

فرجع ملك الموت في نفس الهيئة البشرية برضو لسيدنا موسى ،
فلما موسى شاف إن عينه رجعت زي ماكانت عرف إن ده مش شخص عادي،،
فبلغه ملك الموت رسالة ربنا، إنه جاي عشان يقبض روحه ..

فسيدنا موسي قاله....

لقراءة باقي القصة اضغط هنا
https://esraa-fayez.artikles.site/126

قصص رمضان


الحلقة السادسة والعشرون
نبي الله موسى الجزء السابع

سكووووت
كله بيبص لبعض محدش قادر يتكلم !!!

اتخضوا !!

فيه ايه !!!!

سيدنا موسي جه

جه وشافهم وهما بيحتفلوا ،، و بيرقصوا حوالين العجل!!!????

وقف يبصلهم وهو غضبان غضب شديد جدا،

وبدأ يسألهم عشان يفهم ليه عملوا كدة !!

قالهم

هو ده شكل الخلافة اللي عيشتوا بيها بعد الي شوفتوه من التوحيد والحث على عبادة ربنا وإرضائه من بعدي !!!

وَلَمَّا رَجَعَ مُوسَى إِلَى قَوْمِهِ غَضْبَانَ أَسِفًا قَالَ بِئْسَمَا خَلَفْتُمُونِي مِن بَعْدِيَ) ..

ليه اتصرفتوا كدة !!! هو ربنا ماوعدكمش بخير الدنيا والآخرة وحُسن العاقبة ؟! ..

(أَلَمْ يَعِدْكُمْ رَبُّكُمْ وَعْدًا حَسَنًا) ..

ليه عملتوا كدة !! حسيتوا إن وعد ربنا اتأخر عليكم ؟ ..

(أَفَطَالَ عَلَيْكُمُ الْعَهْدُ) ..

استعجلتوا أمر ربنا عشان اتأخر فعصيتوه !!!


(أَعَجِلْتُمْ أَمْرَ رَبِّكُمْ) ..

ولا حسيتوا إن رجوعي اتأخر ؟ ولا افتكرتوني موت ومش راجع ؟ فاستعجلتوا غضب ربنا عليكم !!؟

(أَمْ أَرَدتُّمْ أَن يَحِلَّ عَلَيْكُمْ غَضَبٌ مِّن رَّبِّكُمْ فَأَخْلَفْتُم مَّوْعِدِي) ..

فقال له بنو إسرائيل......

لقراءة باقي القصة اضغط هنا
https://esraa-fayez.artikles.site/125

قصص رمضان،


الحلقة الخامسة والعشرون
نبي الله موسى الجزء السادس
(وَجَاوَزْنَا بِبَنِي إِسْرَآئِيلَ الْبَحْرَ فَأَتَوْاْ عَلَى قَوْمٍ يَعْكُفُونَ عَلَى أَصْنَامٍ لَّهُمْ قَالُواْ يَا مُوسَى اجْعَل لَّنَا إِلَـهًا كَمَا لَهُمْ آلِهَةٌ "

نعععم!!!!!! !

لا واحدة واحدة كدة !!

هما مين اللي بيعبدوا الأصنام دول !؟ وبني إسرائيل بعد اللي شافوه دة كله عايزين إله تاني يعبدوه !!؟

بعد ما ربنا نجي سيدنا موسي وهارون وبني إسرائيل وأهلك فرعون واتباعه ..

فربنا أمر سيدنا موسى إنه يتوجه مع بني إسرائيل للأرض المقدسة .!


وهما ماشيين في الطريق مروا علي مكان. ، وشافوا

أهل المكان بيعبدوا آلهتهم اللي عملوها و بيعظّموها!

كانت الأصنام دي علي شكل بقرة !

بني إسرائيل أول ما شافوا ناس بيعبدوا أصنام قالوا لموسى :

احنا كمان عايزين إله نعبده قدامنا كده زي ما الناس دي عندهم إله

طبعاً سيدنا موسى اتصدم!!

بعد كل ده جايين تقولوا عايزين إله!.

أومال مين إللي نجاكم من فرعون، ومين إللي كان بينزل المعجزات دي كلها قدام عنيكم!


سيدنا موسى قعد يفهمّهم إن عبادة الناس دي باطلة وأعمالهم مش مقبولة ومصيرهم معروف ..

وقالهم إن كلامهم ده نابع من الجهل فلازم يبطلّوه!

(قَالَ إِنَّكُمْ قَوْمٌ تَجْهَلُونَ ﴿138﴾ إِنَّ هَـؤُلاء مُتَبَّرٌ مَّا هُمْ فِيهِ وَبَاطِلٌ مَّا كَانُواْ يَعْمَلُونَ ﴿139﴾

ولازم يقدّروا قيمة إن ربنا فضّلهم على العالمين في زمنهم ..

قَالَ أَغَيْرَ اللّهِ أَبْغِيكُمْ إِلَـهًا وَهُوَ فَضَّلَكُمْ عَلَى الْعَالَمِينَ

سيدنا موسي فضل يفكرهم بفرعون وتعذيبه ليهم والي كان بيعمله فيهم وإن ربنا نجّاهم وأنقذهم منه ومن عبوديته وجبروته ..


ف إزاي يسيبوا كل النِعم دي و يسيبوا رب العالمين ويعبدوا صنم مابينفعش ولا بيضر!

لقراءة باقي القصة اضغط هنا
https://esraa-fayez.artikles.site/124

قصص رمضان

الحلقة الرابعة والعشرون
نبي الله موسى الجزء الخامس

بني إسرائيل سمعوا كلام موسي ولالا

= لأ ماقدروش يصبروا شوية !!

ومحدش سمع كلامه خالص!؟

لأ فيه ،،

الشباب بس هم اللي سمعوا كلامه لأنهم كانوا لسه سنهم صغير مكنوش لسه اتشبّعوا بالظلم والقهر والخضوع إللي أباؤهم اتعودوا عليه ورضيوا بيه ، ومع ذلك كانوا خايفين برده من فرعون بس ما استسلموش ..

"فَمَا آمَنَ لِمُوسَى إِلاَّ ذُرِّيَّةٌ مِّن قَوْمِهِ عَلَى خَوْفٍ مِّن فِرْعَوْنَ وَمَلَئِهِمْ أَن يَفْتِنَهُمْ

"

الشباب دول كانوا مصممين إنهم يمشوا ورا الحق مهما كانت العواقب بالرغم خوفهم من فرعون.!

سيدنا موسي قالهم :؛

خلاص توكلوا على الله لو كنتم فعلا صادقين في إيمانكم بالله القوي ،،

"وَقَالَ مُوسَى يَا قَوْمِ إِن كُنتُمْ آمَنتُم بِاللّهِ فَعَلَيْهِ تَوَكَّلُواْ إِن كُنتُم مُّسْلِمِينَ"

فقالوا له:

توكلنا على الله ،،

وفضلوا يدعوا إن ربنا ينجيهم من فرعون وجنوده..

"فَقَالُواْ عَلَى اللّهِ تَوَكَّلْنَا.. ربنا لا تجعلنا فتنة للقوم الظالمين.. وَنَجِّنَا بِرَحْمَتِكَ مِنَ الْقَوْمِ الْكَافِرِينَ "

وبني اسرائيلي عملوا إيه!؟

بني إسرائيل بقي ،، قالوا لسيدنا موسي :

احنا عشنا في ظلم وقهر وقتل من قبل ما تيجي .. وفضلنا زي ما إحنا في نفس الظلم والقهر بعد ما جيت ،،

.ماعملتلناش حاجة يعني ...مفيش جديد،،

واحنا كنا متصورين إنك هتنقذنا من الهم ده!!!

"قَالُواْ أُوذِينَا مِن قَبْلِ أَن تَأْتِينَا وَمِن بَعْدِ مَا جِئْتَنَا"

سيدنا موسى مزعلش منهم ،،

بالعكس قدر جدا نفاذ صبرهم وماعتبش عليهم ,

وقعد يفكّرهم إن ربنا موجود ويبشّرهم إن الهلاك للظالمين قرب ،، وإن من بعد هلاكهم هيبقوا هما المُستخلفين ..

بس قالهم .......

لقراءة باقي القصة اضغط هنا
https://esraa-fayez.artikles.site/123

قصص رمضان

الحلقة الثالثة والعشرون
نبي الله موسى الجزء الرابع

هو فعلا فيه ناس بتعمل سِحر وأعمال زي ما بنشوف في الأفلام

= اة فيه ،، وربنا ذكره في القرآن لما حصل قدام نبي من الأنبياء .!

مع مين ؟

= مع سيدنا موسي لما السحرة يحاولوا يسحروا عيون الناس عشان يصدقوهم ومايصدقوش سيدنا موسي !

طبعا الناس هتصدق سيدنا موسي صح

لما إبتدا السحرة في إنهم يثبتوا قدراتهم وثقتهم في نفسهم ،، خيّروا سيدنا موسى وقالوله براحتك يا إما تبدأ إنت يا إما إحنا اللي هنبدأ !


طبعا سيدنا موسى كان أكثر ثقة منهم ،، فماإهتمش بثقتهم وإستهون بتحدّيهم..

فقالهم يبدأوا هما ..

السحرة رموا الحبال والعصيان إللي معاهم

وسحروا عيون الناس وهَيَّأوا لهم إن الحاجات دي بتتحرك بِحِيَل وألاعيب السحرة..

كل الموجودين تخيلوا إن الحبال اتحوّلت لثعابين..

"فَإِذَا حِبَالُهُمْ وَعِصِيُّهُمْ يُخَيَّلُ إِلَيْهِ مِن سِحْرِهِمْ أَنَّهَا تَسْعَىٰ"

إشتغل سحر السحرة على العيون ..

عشان كدة ربنا قالنا إن السحرة دول سحرهم العظيم ،،


(فَلَمَّا أَلْقَوْاْ سَحَرُواْ أَعْيُنَ النَّاسِ وَاسْتَرْهَبُوهُمْ وَجَاءوا بِسِحْرٍ عَظِيمٍ "

سيدنا موسي خاف في نفسه وقلق!!

"فَأَوْجَسَ فِي نَفْسِهِ خِيفَةً مُّوسَىٰ ."

فربنا أوحى له إنه مايخفش ومايقلقش وإن إنت إللي هتغلب فرعون في الآخر...بس إنت ارمي عصاك.

"قُلْنَا لَا تَخَفْ إِنَّكَ أَنتَ الْأَعْلَىٰ ۩ وَأَلْقِ مَا فِي يَمِينِكَ تَلْقَفْ مَا صَنَعُوا "

ربنا طمّنه إنه مايخافش ف مااترددش ولا تراجع لحظة رغم سحرهم العظيم دة!


كانت ثقته في ربه أعظم وإطمئنانه ويقينه بدينه وأقوى.. فقالهم بكل ثقة ؛

السحر اللي انتوا عملتوه دة ربنا هيبطله ومش هينفع اصلا لانه سحر فاسد بتخدعوا بيه الناس !

لقراءة باقي القصة اضغط هنا
https://esraa-fayez.artikles.site/122

قصص رمضان

الحلقة الثانية والعشرون
نبي الله موسى الجزء الثالث

إيه ده ثانية واحدة كدة !!

= إيه

هو إزاي سيدنا موسي عارف ان هارون دة اخوه وهو مكنش عايش مع أهله اصلا !؟

= واحدة واحدة كدة ،، هو مش سيدنا موسي اتولد في السنة اللي الأطفال هيتقتلوا فيها ؟

اة ..

ومش ام سيدنا موسي خافت عليه ف حطيته ف تابوت ورميته في النيل زي ما ربنا أوحي ليها ؟

اه

ومش اخت سيدنا موسي مشت ورا التابوت لحد ما وصل قصر فرعون وعرفت أنهم محتاجين مرضعة وقالتلهم علي أمها ترضعه ؟

اة

وكان وقتها بقي أن المرضعات تاخد الأطفال في بيتها ترضعهم ..

صح..

يعني سيدنا موسي اتربي سنتين في بيت أهله صح كدة ؟

صح

وهارون بقي كان اكبر من سيدنا موسي .. يعني شاف سيدنا موسي و عرفه كويس صح ؟.


صح

يبقي لما يكبروا بقي مش هيعرفوا بعض

اكيد واحد فيهم عرف التاني ..

لأ الاتنين كانوا عارفين ،، اقولك الدليل

بدليل ان سيدنا موسي طلب من ربنا هارون اخوه يكون معاه ..

يبقي كدة عارفه ولا مش عارفه

عارفه يا كبير .!

وحصل إيه بعد لما قابلوا بعض بقي

لقراءة باقي القصة اضغط هنا
https://esraa-fayez.artikles.site/121

قصص رمضان،

الحلقة الواحدة والعشرون
نبي الله موسى (الجزء الثاني)

سيدنا
موسي فضل ماشي ماشي ماشي 8 ايااااام ماشي ..

= ماشي رايح فين

هو اصلا ميعرفش رايح فين !!

=وأية اللي حصله في المدة دي

كان في سفره كل الأيام دي من غير أي أكل

إلا ورق الشجر ..

رجله اتقرّحت ..

كان جعان جدااا لدرجة إن العلماء قالوا إن بطنه إلتصقت فظهره وأمعاءه بقت بارزة!!


وفضل على الحال ده لحد ماوصل مَدْيَن ..

مش مدين دى هي المدينة الي بُعث فيها سيدنا شعيب من سنين

" ،، أكثر العلماء قالت لأ مش هي".،، وفيه اقاويل قالوا لأ هي !! "

أول ما وصل مدين قعد تحت ظل شجرة يرتاح من تعب السفر والجوع والعطش ،،

وقعد يفكر في اللي حصل وفي اللي هيحصل..

في الوقت ده لفت انتباهه حاجة بتحصل.

لقي مجموعة من الرجال ومعاهم أغنام موقفينهم عند مكان الماية عشان بيشربوهم منها ،،


ولقى بنتين بعيد عنهم شوية ومعاهم أغنامهم،

وكل ما الأغنام تحاول تقرّب جنب باقي الأغنام عشان يشربوا تقوم البنتين يبعدوا الأغنام بتاعتهم عن الماية،!

فهو استغرب الموقف...!

الله !! هو إنتم مش جايين عشان تسقوا الأغنام بتبعدوهم ليه!!

" وَلَمَّا وَرَدَ مَاءَ مَدْيَنَ وَجَدَ عَلَيْهِ أُمَّةً مِنَ النَّاسِ يَسْقُونَ وَوَجَدَ مِنْ دُونِهِمُ امْرَأتَيْنِ تَذُودَانِ "

رغم تعبه وجوعه وشدة إرهاقه إلا إنه ماقدرش مايتدّخلش وهو شايف اتنين بنات لوحدهم شكلهم محتاجين مساعدة ..

مروءته خلته يروح عندهم عشان يعرف لو ممكن يساعد في حاجة ..


كمان إزاي مفيش حتى راجل واحد فيهم حاول إنه يساعد البنتين دول ويسقي لهم أغنامهم بدل البهدلة إللي همّ فيها دي.!!

فلما شاف المنظر ماقدرش يسكت

راح سألهم: إيه حكايتكم؟

لقراءة باقي القصة اضغط هنا
https://esraa-fayez.artikles.site/120

قصص رمضان

الحلقة العشرون
نبي الله موسى (الجزء الأول)

الحكاية المره دي بدأت بحلم مرعب

فرعون حلم بحلم مرعب جداااا بالنسباله

= ياترى حلم بإيه

حلم إن في نار بتخرج من بيت المقدس وبتنتشر في مصر ، وهتولع كل بيوت أهل مصر، ماعدا بيوت بني إسرائيل مش بتيجي ناحيتهم،،

فقام من النوم خايف ومرعوب !!

" يقال أن حد من شيوخ بني إسرائيل هو اللي حلم الحلم دة "" لكن أقرب التفاسير أنه حلم فرعون ..

قام فرعون مخضوض أوي !

فجمع
السحرة والكهنة والوزراء وقعد يسألهم معني الحلم دة أية ..

فقالوا له ده معناه إن في طفل هيتولد من بني إسرائيل وهيكون زوال ملكك على إيده.!!

فطبعا خاف أوي ،، ومن غير ما يفكر ،، أمر إن أي طفل يتولد لبني إسرائيل يُتقتل على طول

لكن المستشارين اللي حواليه قالوله إن القرار ده هيكون سبب في فناء بني إسرائيل كلهم !!

لإن الكبار منهم بيموتوا بسبب سنهم ,، والصغيرين هيتم قتلهم ..


فكدة إحنا هنتضرر من قلة الناس اللي بيتشغلوا وده هيأثر على إقتصاد البلد كله..

فالأفضل إن العملية تتنظم ..

إزاي ؟؟

= بإنهم يذبحوا الاطفال الذكور من بني إسرائيل في سنة , والسنة اللي بعدها يسيبوا أي طفل ذكر يتولد فيهم عشان يضمنوا الحفاظ على النسل وبكدة ميتأثروش بقلة العمال ..

فرعون وافق على الكلام ده وحسه منطقي وفيه مصلحته برضو ..

فأصدر القرار وإبتدا تطبيقه..

إيه هيحصل لبني إسرائيل ده من اصدار القرار ده لقراءة باقي القصة اضغط هنا
https://esraa-fayez.artikles.site/119

قصص رمضان،

الحلقة التاسعة عشر
نبي الله ذا الكفل

بقرأ في القرآن الكريم لقيت ايه بتتكلم عن سيدنا ذا الكفل؟

هو يعني ايه ذا الكفل

وهل في معلومات تانيه عن قصته ؟

قصة سيدنا ذا الكفل من أكثر قصص الأنبياء غموضاً .. سبب الغموض ده هو عدم ذكر أي تفاصيل عن قصته في القرآن والسنة .. ربنا إكتفى بـ ذكر اسمه في آيتين فقط لا غير .. لكن رغم قلة الكلام عنه إلا إنه في الآيتين دول إتكرّم تكريم كبير

فنلاقي ربنا بيوصفه بالصبر في سورة الأنبياء وبيجمعه مع سيدنا إسماعيل وسيدنا إدريس بقوله تعالى (وَإِسْمَاعِيلَ وَإِدْرِيسَ وَذَا الْكِفْلِ كُلٌّ مِّنَ الصَّابِرِينَ ) .. آية 85 : سورة الأنبياء


ذِكرهم في الآية دي تحديداً مكنش عشوائي , وجمعهم هما التلاتة مع بعض مكنش عشوائي بردو .. فـ كان بسبب إشتراكهم في صفة الصبر بس مش أي صبر .. ده الصبر الكامل التام ..

والشخص لا يذكر بـ الصبر التام غير عند تحقيقه لـ أنواع الصبر الثلاثة .. وده بيشمل :

- الصبر على الطاعة , بإنك تجاهد نفسك وتطيع ربنا بإتباع أمر غير مُحبب لقلبك لكنك بتعمله عشان ربنا أمر بيه .. وده زي الحجاب للبنات رغم الإغراءات بترك الحجاب .. أو زي غض البصر للشباب رغم العُري المنتشر والقناوات المُتاحة في كل وقت وكل مكان .. فـ تنفيذك هنا للطاعة رغم انها انها صعبة عليك ده يُعتبر من أجمل أنواع الصبر


-الصبر على المعصية بإنك تبعد نفسك وتمنعها عن المعصية رغم مقدرتك عليها ..

- والصبر على أقدار الله المؤلمة , فـ مهما كان الخبر قاسي على قلبك تسلّم بإنه قضاء الله ولابد من حكمة وراه ..

بالمثل سيدنا ذا الكِفل .. رغم إن ربنا ماذكرلناش تفاصيل عن قصته ورحلته , إلا إن ده يدينا دلالة أكبر على إن صبره كان عظيم لدرجة إنه لما جت سيرته ربنا إختار يذكره بـ الصفة دي تحديداً ..

ولإن ذِكر الأشخاص بيكون بأكثر صفاتهم بروزاً .. ده يأكد إن الصبر كان من أكثر صفات سيدنا ذا الكِفل وضوحاً وبروزاً


تاني آية إتذكر فيها سيدنا ذا الكفل كانت في سورة ص لما ربنا قال (وَاذْكُرْ إِسْمَاعِيلَ وَالْيَسَعَ وَذَا الْكِفْلِ ۖ وَكُلٌّ مِّنَ الْأَخْيَار ) .. [ آية 48 : سورة ص ]

فنلاقيه لـ تاني مرة بيتقال اسمه مع اسم سيدنا إسماعيل .. بس المرادي كان سيدنا اليسع هو ثالث المذكورين

لقراءة باقي القصة اضغط هنا
https://esraa-fayez.artikles.site/118

قصص رمضان

الحلقة الثامنة عشر،
نبي الله شعيب

شوفتي الجديد !؟

= إيه ..

سمعتي عن الناس إللي بتعبد شجرة!

= لا والله أنا سمعت أن فيه بيعبدوا الأصنام ،، يعبدوا كواكب ، قمر ، نجوم ، إنما شجرة هههههه جديدة دي !!

لأ وإيه كمان ،

مش كفاية بيعبدوا شجرة ،، دول بيغشوا الناس في الميزان !!

= يالهوي بيغشوا الناس في الميزان

اه وكمان بيسرقوا مجهود وتعب غيرهم !!


= لا كدة الموضوع كبير ده انتي تحكيلي حكايتهم بقي !!

كان في قبيلة اسمها مَديَن،،

أهل مدين دول كانوا ناس كفار ،، وكانوا من أسوأ الناس معاملة ، وكانوا بيعبدوا شجرة " اسمها شجرة الأيكة "..

كان أهل مدين قطّاعين طُرق ..

بيطلعوا على الطريق ويخوّفوا المسافرين وياخدوا فلوسهم وحاجتهم،،

كانوا شبه قوم لوط كدة !!

كانوا في البيع والشراء ، ياخدوا بالزيادة ويدفعوا بالناقص..


" يعني بيبيعوا مثلا القماش ناقص بفلوس زيادة "

لكن لما همَ إللي يشتروا بياخدوا زيادة عن حقهم ..

ودول اللي ربنا قال عنهم في القرآن "ويل للمُطَفّفِين" .

ف لأن ربنا رحيم ومش بيعذب حد ولا يُهلكه إلا لما يبعتله حد يُذكره ويُوعظه ويُنبهه من الغلط إللي بيعمله ، فربنا بعت لهم واحد منهم إسمه " شعيب "..

"وَمَا كُنَّا مُعَذِّبِينَ حَتَّىٰ نَبْعَثَ رَسُولًا"..

شعيب عليه السلام كان زيه زي باقي الأنبياء مش بيعبد صنم أبداً و مكفرش بالله أبداً..

ربنا بعت سيدنا جبريل لسيدنا شعيب وأوحى له إنه هيكون رسول لقومه .


سيدنا شعيب قال لقوم مدين ،إنهم يعبدوا الله وحده.

ربنا إللي خلقهم وبيرزقهم وبيشفيهم لو تعبوا..

ونصحهم إنهم يوفوا المكيال..

" يعني ميغشوش في الميزان ويبيعوا كل حاجة زي ماهي بسعرها ووزنها "..

لقراءة باقي القصة اضغط هنا
https://esraa-fayez.artikles.site/117

قصص رمضان،

الحلقة السابعة عشر
نبي الله أيوب

أنا بصراحة تعبانة جدا ،، وفي كرب شديد أوي

ابتلاءات ورا بعض ومابتخلصش !!

استغفر الله العظيم يعني ،، بس ساعات بقول ليه يارب ..

اشمعني أنا

هل زى ما بيقولوا فعلاً إن المؤمن دائماً ربنا بيبتليه !!

حاسة بجد إن طاقتي خلصت ومش قادرة استحمل !

اعمل إيه !!؟

_اتعلمي ..

اتعلمي من الأنبياء كانوا بيعملوا ايه في أشد الابتلاءات واعملي زيهم..!


ربنا ذكرلنا حياة الانبياء عشان نتعلم منهم ويكونوا قدوة لينا ..

= وهو كان فيه نبي عنده ابتلاءات جامدة كده ..!؟

كل الانبياء مروا بأشد الابتلاءات اللي محدش فينا فكر مع نفسه أنه يقدر يستحملها ولا لأ ..!

_طيب احكيلي موقف لعل يكون الإشارة اللي ربنا باعتهالي عشان أتعلم منها !؟

= لأ أنا مش هحكيلك موقف ،، انا هحكيلك قصة حياة نبي..

يُقال أنه أغنى أغنياء زمانه.. عنده أموال وأراضي وذرية كتير جدا،،،


وكان عنده ‌‎عدد كبير جداً من الجمال والغنم والخيول ..!!

وعنده ‌‎سبع أولاد وثلاث بنات ..

ويُقال برضو إنهم أربعة عشر ولد وبنت.. " والله اعلم "

وكان عايش في أرض " حُورَان " في الشام ..

وكان محبوب جدا جدا بين الناس ..

وكريم جداً.

يُقال انه كان لو عدّى على اتنين بيتخانقوا وحلفوا على بعض بالله كان بيُصلح بينهم،،

وبعد ما يصالحهم كان بيتصدق عن حلفانهم ده من ماله الخاص تنزيهًا لاسم ربنا إن حد يحلف بيه كذب أو يحلف وميوفيش بحلفانه،،


وكان يساعد الفقراء بكل كرم وسخاء..

‌‎وكان كل ما يزيد غني والخير يزيد ،كل ما كان يحمد ربنا أكتر على فضله ونعمه ، ويقرب أكتر من ربنا .

متخيلة بقي رغم كل الطاعات اللي كان بيعملها دي و ينزل عليه ابتلاء ..!؟

سبحان الله مين النبي ده؟

لقراءة باقي القصة اضغط هنا
https://esraa-fayez.artikles.site/116

قصص رمضان،

الحلقة السادسة عشر
نبي الله يوسف (الجزء الثالث)

وخرج أخيرا سيدنا يوسف من السجن!!

وراح فين بعد كدة !؟

= الملك لما شاف سيدنا يوسف انه راجل كريم ،، مابيسعاش لملك

وعالم وصادق و صابر و أمين فطلبه يجي عنده !!

مش عشان يشكره ويثني عليه لأ ..

عشان كان غرضه أكبر من كدا ..

كان عايز منه إيه

= كان عايزه يبقى مستشار ليه ..

(وَقَالَ الْمَلِكُ ائْتُونِي بِهِ أَسْتَخْلِصْهُ لِنَفْسِي

وسيدنا يوسف وافق

= كان رد سيدنا يوسف أنه مش مهتم بالسلطة ,،

إنما اهتمامه كان بالمسؤولية , فوضّح للملك الحاجات اللي يقدر يشيل مسؤوليتها في الازمة الجاية !!

وطلب منه انه يوّكلها ليه من غير زيادة او نقصان علشان يبقى قد الأمانة

الملك إنبهر!

هو اللي متعود دايما على الناس اللي بيكون رد فعلهم الاول هو الفرحة و الشكر العظيم للملك ,،

داحنا خدامينك بقي وتحت امرك! ..

فكان الملك أول مرة يشوف حد بالأمانة دي

(فَلَمَّا كَلَّمَهُ قَالَ إِنَّكَ الْيَوْمَ لَدَيْنَا مَكِينٌ أَمِينٌ)

سيدنا يوسف شاف إقتناع الملك زاد بيه ,!

إبتدا يتشجع أكتر انه ياخد مسؤولية الموضوع من غير ما يخاف من ان الملك يفتكره طمعان ..!

قال (اجْعَلْنِي عَلَى خَزَآئِنِ الأَرْضِ إِنِّي حَفِيظٌ عَلِيمٌ).


هو مكنش طمعان , بالعكس دا مُتحمّل مسؤولية إطعام شعوب هتجوع لمدة 7 سنين !

والشعب لو جاع قادر إنه يقتل الحُكام .. الموضوع كان حقيقي تضيحة من سيدنا يوسف

ومسؤولية كبيرة ومش اي حد يقدر يتحملها , ولا أي حد يقدر يديرها إدارة حسنة

وَكَذَٰلِكَ مَكَّنَّا لِيُوسُفَ فِي الْأَرْضِ يَتَبَوَّأُ مِنْهَا حَيْثُ يَشَاءُ ۚ نُصِيبُ بِرَحْمَتِنَا مَن نَّشَاءُ ۖ وَلَا نُضِيعُ أَجْرَ الْمُحْسِنِينَ)

لقراءة باقي القصة اضغط هنا
https://esraa-fayez.artikles.site/115

قصص رمضان

الحلقة الخامسة عشر،
نبي الله يوسف (الجزء الثاني)

هو سيدنا يوسف كان جميل فعلاً ؟

= لأ..

دة كان آية في الجمال

طيب كان شبه مين

= جدته ،، السيدة سارة زوجة سيدنا إبراهيم ..

السيدة سارة كانت اجمل بنات حواء وكان سيدنا يوسف جميل زيها بالظبط

كان اجمل شاب في زمانه .

والبنات كانت بتعجب بيه

= كل الناس كانت بتعجب بيه وبجمال شكله وأخلاقه

امال ايه اللي حصله في بيت عزيز مصر

زوجة العزيز الي أكرمه ورباه وعاش في بيته كل السنين دي ،، عجبها سيدنا يوسف

عجبها جماله وكمال انسانيته خلتها تحاول تفتنه وتبقى عايزاه في الحرام ?

حاولت كتيييير اوي تلمحله أنها معجبه بيه
بس سيدنا يوسف كان بيهرب منها ويتجاهل تلميحاتها الجريئة..

لحد ما زهقت من التلميحات ،، وبدأ الشيطان يلعب في دماغها

فقالت بدل ما هتلمحله هتصرحله " يعني هتتكلم بكل صراحة "

فالصراحة دي وصلت معاها لقمة البجاحة وصارحته بحبها وحاولت تغريه بالقرب منها ..

قال يعني المرادي مايهربش ????

وفي يوم من الايام قفلت الباب عليهم هما الاتنين وقالتله مش هتهرب مني المرادي !!!

(وَرَاوَدَتْهُ الَّتِي هُوَ فِي بَيْتِهَا عَن نَّفْسِهِ وَغَلَّقَتِ الْأَبْوَابَ وَقَالَتْ هَيْتَ لَكَ)

سيدنا يوسف قالها :.......

لقراءة باقي القصة
https://esraa-fayez.artikles.site/114

قصص رمضان

الحلقة الرابعة عشر،
نبي الله يوسف

أنا حلمت إن 11 كوكب وشمس وقمر ساجدين ليا

ياااااه علي الجمال بجد

= إيه دة ،، انتي حلمتي كدة بجد !!!!!!

أنا أية انتي كمان دة حكاية النهاردة ،، حكاية غايه في الجمال

ربنا عز وجل بنفسه اللي قالنا أنها احسن القصص

(نَحْنُ نَقُصُّ عَلَيْكَ أَحْسَنَ القصص)

و هى القصة الوحيدة اللي متجمعة فى سورة واحدة . .

= دة قصة نبي طبعا !!

- لا دة بقي مش اى نبي ،، دة نبى إبن نبى إبن نبى إبن نبى .

دة ابن أنه نبي

= نبي الله يعقوب ..

واسمه اية !؟

= يوسف ،، يوسف الصديق

وفعلا حلم انه شاف 11 كوكب ساجدين له

سيدنا يوسف كان صغير أوي وحلم انه شاف 11 كوكب والشمس والقمر ساجدين له ،،

لكن الحلم بالنسبة للأنبياء بتكون رؤية من ربنا ،، حاجة هتحصل بجد !!

ف راح حكي لابوه علي الحلم اللي شافه..

(إِذْ قَالَ يُوسُفُ لِأَبِيهِ يَا أَبَتِ إِنِّي رَأَيْتُ أَحَدَ عَشَرَ كَوْكَبًا وَالشَّمْسَ وَالْقَمَرَ رَأَيْتُهُمْ لِي سَاجِدِينَ)

أبوه كان حكيم أوي ،، فكان من الطبيعي إنه يفهم إن دا مش مجرد حلم , وإن دي علامة مهمة..

ف أول ماسمع الحلم فهم ان سيدنا يوسف هيبقي نبي

فقاله إنه مايحكيش الحلم دة لأخواته ,،

سيدنا يوسف سمع الكلام وماحكاش لإخواته حاجة ,،

(قَالَ يَا بُنَيَّ لَا تَقْصُصْ رُؤْيَاكَ عَلَىٰ إِخْوَتِكَ فَيَكِيدُوا لَكَ كَيْدًا)

ولية مايحكيش لاخواته ؟؟

لقراءة باقي القصة اضغط هنا
https://esraa-fayez.artikles.site/112