𝐀𝐥𝐥𝐨𝐡𝐧𝐢𝐧𝐠 99 𝐆𝐨'𝐳𝐚𝐥 𝐈𝐬𝐦 𝐯𝐚 𝐒𝐢𝐟𝐚𝐭𝐥𝐚𝐫𝐢

📔ИСМ ВА СИФАТЛАР ТАВҲИДИ

Муаллиф: Солиҳ ибн Ал-Фавзон Ал-Фавзон
Таржима: Исмоил Муҳаммад Ёқуб

@ism_sifat

#Elon
#Bõydoq_birodardan

السلام عليكم ورحمه الله وبركاته
📣 Bir bo'ydoq birodarimiz uylanish arafasida ekanlar

Birodar haqida qisqacha ma'lumot↓↓↓
Yoshi: 26
Bo'yi: O'rta bo'yli.
Ko'rinishi: Soqolli, gavdali kelishgan yigit.
Sog'lig'i: Sog'lom, sport bilan shg'ulanadi.
Tug'ilgan joyi: Samarqand
Aqida: Ahli sunna (tavhid ahlidan)
Xarakter, Xulqi: Xulqi yaxshi, Qurʼon rozi bo'lgan ishdan rozi, Qurʼon norozi bo'lgan ishdan norozi.
Qaysi tillarni biladi? O'zbek, Tojik, Rus tillarini biladi, arab tilini o'rganyapti.
Uylanishdan maqsad: Diniga yordamchi bo'ladigan, Allohni diniga xizmat qilishda harakat qiladigan, ummat g'amida bo'lgan, farzandlarni haqiqiy rijol va rabboniy olim qilib tarbiyalashga harakat qiladigan soliha itoatkor muslimaga uylanish.
Qiz uchun ibodat qilishiga sharoit qilib beriladimi? Albatta ibodat qilishiga ham, ilm olishiga ham sharoit qilib beriladi.
Nafaqasichi? Islomda erkak kishidan nima talab qilingan bo'lsa shu, bundan tashqari yana qo'shimcha bo'lsa o'z oilasiga infoq qilgan boʻladi.
Qogan ma'lumotlar: o'zi bilan shaxsiyda gaplashiladi.


Qiz uchun talablar↓↓↓
Yosh chegarasi: 17-21
Bo'y chegarasi: 160-165 sm atrofida.
Vazn chegarasi: 50-55 kg atrofida.
Aqidasi: ahli sunna (tavhid ahlidan) bo'lishi kerak, bu muhim!
Qiz qayerdan bo'lsin? Iloji boricha Samarqandan, agar boshqa joydan bo'lsa o'ylab ko'riladi in shaa Alloh.
Ajrashgan buladimi, farzandlichi? Uzr soʻrayman muslima opa-singillarimdan, toʻgʻri kelmaydi!
Ayoliz ishlab pul topishiga rozi bo'lasizmi? Yo'q!
Ayolni vazifalari haqida: Iboli hayoli, ma'siyat bo'lmaydigan ishlarda eriga itoatda bo'ladigan, erini uydagilariga hurmatsizlik qilmaydigan, bekorchi lag'u narsalarga vaqt ajratmasdan oxiratiga foyda bo'ladigan ilmni olib turishi, farzandlarni rabboniy olimlardan qilib tarbiyalashga harakat qilishligi, qalbini qalb kasaliklardan asrashga harakat qilmog'i, umumiy qilib aytganda shariatga taslim bo'ladigan va eriga gap qaytarmaydigan Allohdan qo'rqadigan soliha qiz. Xusniga ham qaraladi. Alloh subhonahu taolodan dunyo va oxiratimiz uchun eng munosibini so'raymiz.

E'lon bergan yigitga aloqaga chiqish uchun: 👉 @Sunnat_Ahli1

📌Bundan oldin biron yigit bilan gaplashib yozishib sevishib... yurganlar bezovta qilmasin, UMUMAN to'g'ri kelmaydi!

#Ҳадис_486

📚Расулуллоҳ ﷺ дедилар: «Аллоҳ таолонинг тўқсон тўққизта – бир кам юзта исми бор. Ким уни санаса, жаннатга киради. Аллоҳ тоқдир, тоқни яхши кўради».

✍Бухорий ва Муслим ривояти
(Абу Ҳурайра розияллоҳу анҳудан)

  ↓Обуна бўлинг↓
𝐓𝐞𝐥𝐞𝐠𝐫𝐚𝐦  |  𝐈𝐧𝐬𝐭𝐚𝐠𝐫𝐚𝐦

99) "ас-Сабур" — "Ўта сабрли. Осийларни азоблашга шошилмайди.
Гоҳида Аллоҳни инкор қиладиган кофирлар гуноҳларга ботганини ва бошқаларга зулм қилаётганини кўриб иймони заифлар: «Аллоҳ қаерда? Нима учун уларни жазоламаяпти?» деб айтадилар. Аллоҳ таоло бу ҳақда: «Сен ҳаргиз, Аллоҳ золимлар қилаётган нарсадан ғофил, деб гумон қилма. Фақатгина уларни кўзлар қотиб қоладиган кунгача қўйиб қўяди, холос» (Иброҳим, 42), деб айтган. Аллоҳ таоло бу нарсалардан ғофил эмас, фақат инсоннинг қай даражаги хатаргача етиб боргунича Ўзини билмаганга солиб, қўйиб беради, холос. Ўзининг етук ҳикматига биноан азоблашни кечиктириб, сабр қилади.
Баъзилар: «Аллоҳнинг ал-Ҳалим сифати билан ас-Сабур сифати орасида қандай фарқ бор?», деб сўраши мумкин. Жавоб шуки, ас-Сабур исми фақат азобни кечиктиришга эътибор қаратади. Аммо ал-Ҳалим исми азобни кечиктириб, уни охирида афв қилиб ҳам юборади.
Аллоҳнинг ас-Сабур исмидаги инсоннинг насибаси, Роббиси учун сабр қилмоғидир.

@ism_sifat

98) "ар-Рашийд" — "Тўғри йўлга иршод қилувчи. Ар-Рашийд сифати Аллоҳга васф қилинса, мутлақ тўғри йўлга бошловчи деган маънони англатади. Аллоҳнинг илми, қудрати, раҳмати мутлақдир. Аммо инсоннинг исми ва сифатлари нисбийдир. Аллоҳнинг сифатлари мутлақ ва барча нарса Аллоҳнинг измида эканига инсон иймон келтирса, унинг нафсида хотиржамлик ҳукм суради. Бундай хотиржамликни йўқотганлар яхши билишади. Чунки Аллоҳ соғлик, зукколик, мол дунё ва гўзалликни кўплаб махлуқларига ато қилаверади. Аммо хотиржамликни Ўзининг соф мўмин бандаларига ато қилади холос. Биз Аллоҳнинг исм ва сифатлари мутлақ эканига аниқ ишондик. Унда бузилиш қайси нуқтада юзага келади, деган савол пайдо бўлади? Бузилиш Аллоҳ ато қилган неъматларни нотўғри ишлатиш орқали юзага келади.

@ism_sifat

97) "ал-Ворис" — "Мавжудотлар йўқ бўлганда ҳам боқий қолувчи зот. Дунё ҳаётида ҳамма ҳалок бўлади фақат ал-Ворис сифатли Зот тирик қолади. Чунки Аллоҳ таоло тирик ва боқий бўлиб, меросхўр бўлувчидир. Одатда мана шу уй менинг мулким, деб айтилади. Бу мажозий гап. Аслида уй Аллоҳникидир. Масалан, бир гала туя ҳайдаб кетаётган аъробийларнинг биридан бу туялар кимники? деб сўралганида, у «Улар Аллоҳники, менинг қўл остимда, холос», деб жавоб берган. Шунинг учун баъзи иморатлар устига «Мулк Аллоҳникидир», деб ёзиб қўйилади.
Мол-дунё сенинг қўлингга омонат юзасидан вақтинча берилган. Бундан мақсад сени қандай йўл тутишингни синаш учун холос.
Дунёдаги энг бадавлат инсонлардан бири олтинларини темир эшикли бир хонага қўйган. Эшик қаттиқ маҳкамланган. У киши кириб кетганида эшик беркилиб қолган. Хонадон аҳллари уни сафарга кетган деб ўйлашган. У киши эса очликдан вафот қилган. Охирги нафасдан олдин бармоғидан қон чиқариб, дунёдаги энг бадавлат одам очликдан вафот қилди, деб ёзиб қолдирган.

@ism_sifat

96) "ал-Боқий" — "Боқий қолувчи. У доимий бордир, унга фонийлик етмайди. Демак, боқийлик дегани, фонийликнинг аксидир. Аллоҳнинг боқий қолувчи нарсалари деганда Аллоҳга итоат қилиш ва савобини кутиш, деганидир. Гоҳида тоат ибодат машаққатли ва қийин бўлади. Мукаллаф бўлинган ишлар албатта машаққат билан қўлга киритилади. Аммо ундаги машаққатлар йўқ бўлиб, савоби боқий қолади. Аммо шаҳвоний роҳат эса йўқ бўлиб, унинг азоби боқий қолади. Демак, мўмин киши боқий қоладиган нарсалар ҳақида фикр юритади.
ал Боқийнинг яна бир маъноси, боқий қолувчи солиҳ амаллардир. У Аллоҳ буйруқларида истиқомат ва бардавом юришдир. Инсон жидду жаҳд қилиб, қийинчиликларни бошидан ўтказиб, натижа ва икром кўрсатилишини кутади. Масалан, фитналар кенг қулоч отиб, аёллар ярим яланғоч бўлган ва барча гуноҳ маъсиятга чорлаган даврда яшамоқдасан. Энди сен ўзингни тутиб, нафсингни Аллоҳ буйруқларига бўйсундирсанг, сен учун нима қолади? Албатта сен учун тоат ибодатнинг савоби ва тавфиқи қолади.

@ism_sifat

95) "ал-Бадийъ" — Ўхшаши йўқ нарсаларни яратувчи. Аммо инсон бирор нарса ихтиро қилса, шак-шубҳасиз, у Аллоҳнинг махлуқотларига тақлид қилади. Масалан, самолётни қушдан ўрганиб ва сув ости кемасини балиқдан ўрганиб ихтиро қилган. Ушбу исмнинг нозик томонлари билан ўрганадиган бўлсак, ким олдин бирор киши қилмаган ишни амалга оширса, араб тилида «абдаъа» дейилади. Бидъат сўзи ҳам шу сўздан олинган. Чунки бидъат амални ҳам аввал ҳеч ким бажармаган бўлади. Бидъатнинг икки хил маъноси бор. Луғавий маънода ҳар бир янги нарса бидъат дейилади. Шариатда эса динда бўлмаган нарсани янгилик қилиш бидъат дейилади. Динда бидъат ишни амалга ошириш ҳаром амалдир. Мўмин кишини ҳалим, раҳмдил, адолатли бўлишга чақирганда Аллоҳнинг ана шу исмлари бўлмиш ал-Ҳалим, ар-Роҳим, ал-Адл исмлари билан хулқланишга чақирамиз. Аммо ушбу ал-Бадиъ исмида эса аксинча бўлиб, ақида, ибодат ва сулукда янгилик қилмасликка чақирилади. Чунки динда янгилик яратган одам бир суннатни тарк қилиш эвазига янгиликни яратган бўлади.

@ism_sifat

94) "ал-Ҳодий" — "Ҳидоят қилувчи. У зот ўз фазли ила хоҳлаган кимсани ҳидоят қилади. Яъни Аллоҳ кимни тўғри йўлга ҳидоят қилса, албатта, ўз хоҳиши ва фазли ила ҳидоят қилади. Ҳидоят қилади дегани, тўғри йўлга йўллаб қўяди, деган маънодадир. Агар сен Ер ва осмон халқ қилиниши хусусида фикрласанг, Аллоҳ маърифати томон кенг қадам ташлаган бўласан. Чунки Ер ва осмон хусусида фикрлаш Аллоҳ томон кирадиган эшигимизни кенгайтириб, У томон бўлган йўлни қисқартиради. Коинот бизни У Зот томон ҳидоят қилади. Унда аввалги ўтган қавмларнинг ва узоқ келажакнинг хабари бор. Унда ўлгандан кейинги хабарлар, жаннат ва дўзах васфи, охират диёрининг манзараси ҳақида хабарлар бор. Ҳидоятларнинг энг аввали ва буюги, коинотда Аллоҳнинг илми, ҳикмати, қудрати, бойлиги, ҳалимлигини кўришингдир. Аллоҳ таоло сени ҳидлаш ҳис туйғуси билан жиҳозлаб қўйган.

@ism_sifat

93) "ан-Нур" — "Ўзи ўзи ила зоҳир бўлган ва ўзгаларни зоҳир қилган.
Нур сўзининг луғавий маъноси зиё ва ёруғликдир. Инсон ушбу Ер куррасида нима учун яратилди, у Ерда нима қилиши даркор эди. Еб, ичиб ва ухласа иш ниҳоясига етадими? Ёки бунинг бошқа муҳим вазифалари борми? Қачон ўлади? Нима учун ўлади? Нима учун яшайди? Яхшилик қилади, ёмонлик қилади, рост сўзлайди, ёлғон сўзлайди ва яна нималар қилади? Мана шундай қийин вазиятда Аллоҳнинг китоби келиб: «Сен кенглиги Еру осмончалик бўлган жаннат учун яратилдинг. Сен ҳаёти дунёдалик пайтингда солиҳ амалларни бажарсанг, жаннатга кирасан. Сен Аллоҳ таолога боғланиб, яқин бўлмагунингча бахтли бўлмайсан», деб сенга ҳаёт ҳақиқати, инсон ҳақиқатини ўргатиб, уни бажар, буни бажарма, деб ҳалол ва ҳаром, яхши ва ёмон, ҳақ ва ботилни баён қилиб, оламнинг яралиши ва ниҳоя топишини ўргатади. Аниқки Аллоҳ Қуръони карим орқали буларни барчаси ҳақида хабар берган.

@ism_sifat

92) "ан-Нофиъ" — "Манфаат берувчи.
Ан-Нофиъ – зарар деган сўзнинг аксидир. Инсон қачон мунофиқлик қилади ёки қачон риё қилади ёки қачон қўрқади ёки қачон бўйин эгади ёки қачон таҳқирланади? Қачонки ўзи каби бир инсон фойда бериши ёки зарар бериши мумкин деган тушунчада бўлса ушбу нарсаларга йўлиқади. Аммо фойдани ҳам, зарарни ҳам фақат Аллоҳ беради, деган эътиқодда бўлса, бошини баланд кўтариб азизликда юради. Барча қувват, азизлик ва журъатнинг сабаби Аллоҳдан ўзга фойда берувчи ҳам, зарар берувчи ҳам йўқ эканига иймон келтиришдадир. Кўплаб диний манбаларда мана шу «аз-Зорр» ва «ан-Нофиъ» исмларини оддий сабабга биноан бирга ишлатиш шарт. Ўша оддий сабаб, Аллоҳ таоло манфаат етиши учун зарар беришидир. Яъни, баъзи кимсаларни қаттиқ касалликка дучор қилиши ёки иқтисодий муаммога тушириши, у банда Аллоҳга қайтиб, тавба қилиши учундир.

@ism_sifat