ّ

سرى اللّيل والذِّكرى ثلاثيّة الأبعاد
‏بعد ما تغيب الشمس تبدأ طواريها

‏على الساعة الثنتين في وقتها المعتاد
‏عسى الله يعين اللّي سواتي يعانيها

‏حنينٍ على الماضي وشوق وعنا وجهاد
‏وجمرة غضى لا هبّت الرّيح تحييها

‏يا كمّ ذكرياتٍ نزفها فالحنايا حاد
‏لو أتصنّع النسيان مانيب ناسيها

فقدت من الليالي صوت ما غيّب صداه سنين
‏سكن بين القصيد الحان تتمرّد على آفاقي

‏فقدت انسامك بـ فجرٍ هدوءه يجرح المسكين
‏بوجهك كان عنوان الصباح و موعد اشراقي

‏أشوفك بالمرايا ، والوجيه العابره لـ الحين
‏ملامح ترسم الذكرى طريق يعاتب اشواقي

‏إذا حسّيت بالغربه وضيّعت الديار منين
‏بتلقاني على نفس المكان آقلّب اوراقي

‏تعال وزاحم ظنون الحنين وعتمة التخمين
‏انا احتاجك طمأنينه تصبّ الضيّ باحداقي

تمرّك ذكريات العام، نوقٍ شدها المسراح
- وأمرك ليلةٍ تتعب رجولي من مساريها -

غريبٍ ما لمح وجهك وجيه وطبعه اللمّاح
خذا كف القصايد لين سلّم لك نواصيها

لو يدفّي الصوف جلدي والضلوع تْطوّى
‏ما تدفّي برد جوفي جمرةٍ وقّادة

‏البرود اللي أحسّه غير برد آلاجوا
‏والشعور اللي بصدري غير حزن العادة

‏انتمي للعزله لْحالي واعاف الاضوا
‏واجفل مْن الناس وتمرّ الليالي سادة

‏وتنقضي ليلة بليّا انجاز وبْلا جدوى
‏وتبتدي ليلة بنفس شْعورها وزْيادة
- نوف العثمان

مُستقبل الظُلم : كم باقي وتعتقني ؟
وتفك قيد الزمان وتمضي أيامك ؟

مرّيت ليلك ضيا من قبل تسرقني
لـ كفوفك السمر ارتب سبحة احلامك

ياليت عمري وقف هالركض ارهقني
ماخذت الا صدى الاحزان والآمك

من كثر ماني فقدت احباب صدّقني
ماعاد لي حِمل افقدني مع زْحامك

كم " آه " ذابت بصوتي قبل تخنقني
كم تهت ادوّر عليّ برُزمة أوهامك

أنا ذخرت البكا لرضاك واغرقني
في بحر ماله جدى استنجد حطامك

استجدي الفرْح واثر الهم يعشقني
من صرختي فــ المهد لـ الموت قدامك

https://ehsan.sa/campaign/90AD9740FB

وداعة الله.. ولك في قلوبنا ديرة
‏ذكراك فيها السحاب وذكرك الصيّب

‏وإن مر طاريك بين الخير والخيرة
‏صبحٍ يفج الظلام ونورٍ يهيّب

‏ حتى لو الموت ياخذ طيّب السيرة
‏ما يقدر الموت ياخذ سيرة الطيّب
‏- راشد النفيعي

وش العذر لا سالت الدمعة على خدي وبكيت؟
‏و الأرض مثل القبر ضاقت بي علي اوساعها

‏تزاحمت سود الهموم اللي عليها ما قويت
‏و أنا بنيّه من بنات الغيم بيض اطباعها

‏تنشدني أمي كيف حال اللي لهم فالقلب بيت؟
‏واصّد عيني لجل ما تدري بخافي ‏اوجاعها

‏وشلون اعلمها و أنا اللي في حياتي ما شكيت
‏و أنا اللي تطيع القدر لو القدر ما طاعها

‏اني كثر ما أودع أحبابي من الوحشة غديت
‏بنتٍ ليا عانقتها تسمع صرير أضلاعها

‏«عساني أرتوي شوفك بجنه عقب طول البعد
‏وقسايا دمعتي من لهفتي تصافح كفوفك

‏تراني أذرف الدمعه بَعد بعدك بليّا جهد
‏هنيّك يا قبر ياللي فقيدي محتضن جوفك

‏عساني ما انحرم شوفك عقب ماصابني هالهجد
‏مصيبه بعد طول البعد عيني تنحرم شوفك»

ّ pinned «https://ehsan.sa/campaign/90AD9740FB»

https://ehsan.sa/campaign/90AD9740FB

ليت عيني من سهر ليلي بدونك مستريحة
‏كل فجرٍ ما يشعشع به سناك الغضّ باير

‏وكلَّ ليلٍ ما يجيبك؟ يدفن بصدر الجريحة
‏شوق حار ودمعتين وضيق صدر وحزن غاير

‏ووالله أنَّ الأرض عقبك ضيَّقة لو هي فسيحة
‏ولو اعدَّ العمر دونك؟ راحت أيَّامه خساير

‏اللهم اشفِ مرضانا ومرضى المسلمين، وارحم موتانا وموتى المسلمين

https://ehsan.sa/campaign/7B9FB957D2
اللهّم اشفِ عمي وعافه واغرس له الراحة في بدنه، اللّهم أنت الشافي فارفع عنه كُل ما يُتعبه عاجلًا غير آجلٍ

لا تنسونه من دعواتكم

أتغيصب على الضحكة و أطلق الحجّان
‏و أنا في داخلي حرب و لجة صهيل أحصنّة

‏يارب و أنا عبدك المتعود على الخذلان
‏أكتب لي على كل ضحكة مزيفة حسنّة

وجنبنّي يالله من جرح خيبـة الخـلّان
‏وانا اللي إعتدت كل من أشوفه أضحّك سِنَّه

‏و كل غلطةٍ بحقي أدمحها لوجهك بالغفران
‏أرجيك إن ماكان لي بالدنيا حظ، أكرمني بالجنّه

‏سرابك البال والذكرى مفازة حنين
‏في لبّةٍ يجرح الاحداق نسناسها

‏البارح الدار موحش والمواجع يقين
‏اثر الجمادات تفقد صوت جلّاسها

‏ركض بك العمر ياعامر وعذر السنين
‏ان الليال القديمه يكفي احساسها

‏من فايض الوجد ما باقي سوى دمعتين
‏واخاف ترمش وتفقد روحك انفاسها

‏عيّت خطاويك تتبع جرّة الراحلين
‏والبدو -مثلك- تموت ولا انحنى راسها

-عامر بن مبشّر

tellonym.me/r__hl

البرا مردود والله يعز الفاتحين
‏من فضل ربي على كل نطّاحة قوى

‏النصر معقود رايه على العزم المكين
‏ساعة التحصيل دقت بعد زرع النوى

‏والمخذّل والمحبّط بعزم المسلمين
‏فالهم نارٍ من الله نزّاعة شوى

‏من ثمان سنين قلنا لْـ بعضنا كلمتين
‏فاضت العين وكتبنا على الطوفه سوا

‏قلت لك يا نبض قلبي وحنا طالعين
‏( راجعينٍ يا هوا ،، راجعينٍ يا هوا )

- هود

قال رسول الله ﷺ: ( داووا مرضاكُم بالصدقة )

‏لاتنسونه من دعائكم لعلّ دعوة احدكم مستجابة

https://ehsan.sa/campaign/7B9FB957D2

‏يا حل عوقي يا عوايق حلولي
‏و يا لذة طعوني و يا ملح الآلام

‏و يا توق قلبي يا مواطن ذهولي
‏يا أول شعور يتوه احساسي هْيام

‏لك تدبك فصحرا خفوقي خيولي
‏ضلعي وتد و فْؤادي العاشق خيام

‏أحب وقتٍ جاب زولك لزولي
‏وأحب مسيارك لغفوات الاحلام

‏واحب معك أطوّل قصير قولي
‏وآحب مع عطرك تعاليل الانسام

‏والله لو أقدارنا يسمحولي
‏ما تشكي عيونك دقايق وتنظام

‏لأغيض في ضحكة هيامك عذولي
‏و أدوم لك لو أغلب الحب ما دام

‏ابيك في كل السنوات حولي
‏واعد و أخربط حواليك الايام

https://tellonym.me/r__hl

‏تباطيت الفجر، وأنا عيوني تنتظر وش جاب
‏كأن أنظارها في رملة الشبّاك منصوبة

‏مضى عنّه شهر، خافه تهانى للغياب وْغابّ؟
‏أو انّه بين طيَّات الليالي ضيّع دْروبه

‏أعامل غرفتي كنّ الزوايا غرفة إستجواب
‏أجيها "مرتبك" وأروح والأنفاس مسلوبة

‏وراح البال يستطرد ظماه، وفالسراب تْراب
‏أخاف اللي أمرّه من مشاوير الفكِر : حوَبة

‏أكيد أن المسا ما هو بـ يفتح -للسهارى- باب
‏إذا ما طارت طْيور الفجر في صوت رعبوبة

‏يحسْبون أن زراقك لا تغيَّب فصّ ملح وذاب
‏لكنْك الموج، والربّان، وأنت البحر، وعْيوبه

‏ورى عذب الكلام، وعشرةٍ ما خانها الطلَّاب
‏فناجيل الظروف اللي ورى مسراك؛ مشروبة

‏ركزت الرمح في ملقى الجموع وجيت ضرس وناب
‏أخيْط القوم، وأساوي براس الرجَل : عرقوبه

‏يوم أنّه عنتَرة شاف لْثغرها في السيوف أسباب !
‏أشوفك من ورى غْبار الخيول تْقول: روفوا به

‏فداك الصبح، وأحلام الصغار، وضحكة الأصحاب
‏وبيضان القلوب ــ ولابس النيِّات مقلوبة

‏فداك الشك لا صاروا لي أخوان السنين : أغراب
‏وراحوا، كل قلبٍ يحرق اللحظات بأسلوبه

‏نسى الله من نسى وجهك ليا ضرَّ المغيب أحباب
‏وراحوا كل قلب يْراجع اللي فات من صوبه

‏تعدّ الجرح؟ في صدري معك مساحة إستقطاب
‏تحاليت الجروح، وكل حاجة منْك مرغوبة

‏أجاهر بك، لأنّك ما أنت ذنبٍ يرهق اللي تاب
‏أنا عبدٍ يخاف الله، ولا قد جاهر ذْنوبه

‏أنا عبدٍ لقى فـ قلبك -سكينة- كنّها المحراب
‏وكبّر به قبل يذنب، وسلّم معلن التوبة

‏لقيتك وأنت غايب في الوجيه العابرة تنساب
‏يورَّى أن كل جلد يشيل منّك من ورى ثوبه

‏لقيتك في الدروب وفي الصور والصوت والرحِّاب
‏ودوبه في مواويل اللحون، وفي الشِعر دوبه

‏لقيتك في قصيدة لـ "المحيـّا" والعيون غْياب
‏"تعدّوا ينشدون الصبح عن رمشك وضاعوا به"

‏معْ انّ الذكريات وناسها ما هم بـ عِتق رْقاب
‏سجينة بالي اللي ما تملّ يْدينه جْيوبه

‏أحسْب أن السنين أن طوُّلت تستاذن الغيِّاب
‏وتبدا تمحي آثار السوالف، نوبه، ونوبه

‏وعرفت أن الزمن ما يستحي، وأن الأمل كذّاب
‏إذا ما هان "جرح" الآدمي ما هان "محبوبه"

لا تجرحيني جارحٍ كبدي اللال
الله ولا ظلٍّ توارت شجرته

أنا أعرفك خيالةٍ تجرح البال
وقطين بدوٍ لي سنة ما عذرته

ليلك رتيب وخاصر الحزن ميال
والنور شع في بارقك واستعرته

يا كلّ من بلل مشاويري وسال
أنا ضواني ليل نجد وسهرته

بعدك تلاشى نور الأشياء ولا زال
دربك طويل ومن زمن ما عبرته

لو اقدر اقيد خطاويك وأحتال
صوتك تحت جفن المساء ما قدرته

تغيرت بعدك مسافات وأحوال
الا الشعور اللي بجنبك شعرته
-محمد السلطان

يموت الصمت بلسان الكلام اللي بدون أسباب
ويحيا قلب متأمل يكافح رغم تغريبه

يمد النور كفينه على هيئة وجيه أحباب
واقلطهم وكلٍ باسمه أرحب وأهليّ به

وأشد ازري وأحسب حساب للي يحسبون حساب
لطاريي وتسعى للنعم والنعم تحري به

ولو أن الظروف تحطني مابين ضرس وناب
أنا .. حرٍ يطق الضرس والناب بمخاليبه

صدور الناس فيها أسرار ما تدري بها الألباب
وبعض الناس حتى أخوه في أسراره ما يدري به

طواري الغايب اللي كل ما هب الهوى تنتاب
ضميري والضمير الغايب أصلًا ساس تأنيبه

جذبك لخاطري تفكيري اللي ما نساك وتاب
يعاتبك الغلا في بعدك ويسأل عن الغيبه

نديمي.. لو تبعدنا الليالي فالقلوب أقراب
يمر الوقت! والدنيا تلهيّنا ما ندري به

تأكد بأنك الحاضر في بالي لو وجودك غاب
ولو لرجعتك قيمة ياكل المال افادي به

لك في قوس الضلوع مشيدٍ بيت ومشرّع باب
ما يقلط وسطه إلا حضرتك وأنت من اصاحيبه

يمرون الطراقي مالهم لا أهلًا ولا ترحاب
لو أنها عيب في سلوم الرجال وذنب ومصيبه

تساوو في عيوني عقبك الحضّار و الغيّاب
وبديت أشكك أن عيوني الثنتين.. تركيبه

- فهد بن بجاد

تشبه جروحك ، جروحً تبتليني
‏مثل ما هو يشبه الانسان ظله

‏عاشقً من موتتي به تحتريني
‏ما عرف قلبي يا لولا الشوق غله

‏واحدً له واجد بيسرى حنيني
‏ولا أنا ما الله قسم لي غير قله

‏فيك مني مثل ما للجرح فيني
‏والهوى من صوب نوع من المذله

‏لو على كيفي مناي و وود عيني
‏هاك قلبي من مكانه واستحله

‏انت ما تنعاف لو أمري بيديني
‏فيك طيب و فيك زين و فيك قبله

‏اختياراتي تحت رحمه جبيني
‏القلوب موزعه بأمرً من الله

قال رسول الله ﷺ: ( داووا مرضاكُم بالصدقة )

‏لاتنسونه من دعائكم لعلّ دعوة احدكم مستجابة

https://ehsan.sa/campaign/7B9FB957D2

ليه تعقد حجاج الوقت قدامي
والزمن ليه حوّل عقب رحت مْخيف

كيف تكتب شقاي برغبة اقلامي
وارقبك تسرق الايام مدري كيف

دونك احترت مدري ضقت بهيامي
نصف يرقب تفاصيلك ونصف ْمعيف

احسب انك ذخر في مقبل ايامي
واثر جيتك بايامي سحابة صيف

وين انا يا تضحياتي عن بلوغ أحلامي
‏كل ما زاد العزم دربي يزيد صعوبه

‏ليه احسّ المجريات اللي تمرّ أعوامي
‏ما تشابه للطموح اللي مشيت دروبه

‏خايف اسهب بالكتابة ثم تجف أقلامي
‏وخايف اذخر فكرتي وتمرّني مكتوبه

المدى اللي في سكونه تستهيض أوهامي
‏كل ما اغواني الطريق اعلنت عنه التوبه

‏يا خفوقي لا تهزّك بالحياة آلامي
‏جعلها تكفير لإنسان اثقلته ذنوبه

‏السحاب اللي جحدني يوم اجي له ظامي
‏لا يجيني لا ارتويت ودمعته مصبوبه

‏والشروق اللي تمنّيته يزيل عتامي
‏ماقدرت اشرق معاه ولا لحقت غروبه

‏الفضا اللي مايعاتب بالغياب أنسامي
‏ليه ألومه يوم غابت عن فضاي هبوبه

‏والله إن الدمع ما جرّب يضمّ أكمامي
‏كيف أصافح بسمةٍ من خاطري مسلوبه

‏يا حبيبي لا تغرّك نظرة إستسلامي
‏الجمال اليوسفي يفضح وله يعقوبه

‏القصايد قبل اعرفك ماتعرف إلهامي
‏وذا قصيدي من عرفتك منفرد بأسلوبه

‏يا نديمي لو تذكّرت بـ مداك أيامي
‏من بعيد اذكر هوانا.. لاتقرب صوبه

‏من تلاقينا وانا ادري إن الوداع إلزامي
‏من قبل وقت اللقاء وأقدارنا مكتوبه

‏بين عثرات الرحيل ورجعتي وأقدامي
‏ما نجا غير الرحيل اللي نجا بـ أُعجوبه
- فيصل القاضي

قال رسول الله ﷺ: ( داووا مرضاكُم بالصدقة )

‏لاتنسونه من دعائكم لعلّ دعوة احدكم مستجابة

https://ehsan.sa/campaign/7B9FB957D2

‏أنت عمرٍ لا سألوني وش تمنى؟ قلت أعيده
‏وأنت فرحة يوم جت لي ماتت أحزاني بعَدها

‏أنت لو للناس دنيا.. ! صرت لي دنيا جديده
‏ما حييت إلا عليها ولا أندفنت إلا فـ لحَدها

‏أنت خيرٍ جابه الله خصني به من عبيده
‏وأنت نعمة قلبي اللي كل ما ينبض حمَدها

‏أنت ضحكه ساندتني رغم الأوقات العنيده
‏مثل ماني بالوجود، وفوق هالدنيا سندها

‏أنت غيمة مرّت بـ قاعٍ، شكت للغيم بيده
‏وأرتوت فيك الصحاري من جفافٍ قد حصَدها

‏أنت حبٌ مع مرور الوقت يتزايد، و أزيده
‏وحدك اللي مكتفي بك، والبشر ينقص عددها

‏الله يديمك لـ قلبي، عمر، وأعوامك مديدة
‏أنت حاجة ما يعيش إنسان لو قلبه فقدها

‏أنفجر لأجلك شعوري لين صارت هالقصيدة
‏كل ما جا لك فضولك عن غلاك أقرأ وعدها
- عادل العصيمي

"انطفى نور الأمان وما غدى للصبح طاري
و إبتدا ليل الشعر يرسل مع العتمة نذيره

مرّ في بالي شريطٍ فيه من عمري مواري
يشبه أحلام السنين وعثرة اليأس الأخيرة

مو غريب انّ السكون يجول في سكّة نهاري
الغريب انّ الصخب في ليلي أحداثه كثيرة

بين صدفة جابها العمر ووداع باختياري
ما عرف قلبي يطيع الواقع أو يرضي ضميره

كنت اظن أنّ مرّت الأيام بيجف أنتظاري
ما هقيت إن الامل يستمطر اليا جفّ بيره

كيف صارت وحشة الغربة تغنّي في دياري
"ذبلت أنوار الشوارع" وانطفت شبه الجزيرة

ودّي أقسى ودّي انسى ودّي أرسى في مساري
وأمسك يدين اليقين اللي تخافه كل حيرة

وش على يمناي تتحّمل شقا خطوة يساري
وش على القلب يتحمل صدمة الوهم الكبيرة

لليال الذكريات وللصباحات الطواري
وللعبور التضحيات وللسنين البعد خيرة

العمر ما هو مشاورني ولا رهن لقراري
العمر يمضي وسيف الوقت ما يحضن جفيرة

ذي نجوم التايهين اللي تجلّت في مداري
وذا خفوقي مؤمن أن التيه منفاه ومصيره

لا تداوين الجروح ولا تمرّين انكساري
وجهك أنتي له ملامح تبري الجرح وتثيره

يا عظيمة ما معي غير الموادع واعتذاري
ما بقى في مرجع الإحساس درع ولا ذخيرة

كنت أداري بالرحيل المرّ والله كنت داري
وكنت داري أن الوداع أقسى من الدرب وهجيره

إذكريني لا بكت نجد وتخطّتها الصحاري
واكتبيني للرسايل كل ما انقصّت ظفيرة

إنتهى عذر اللقاء من يوم ما مات انبهاري
يوم جيتيني ورحت ولا طرى للشوق سيرة"

لا تفل الحبل وتخليه عوّد وأطوّه*

‏الله من جفنٍ عن النوم محروم
‏و قلبٍ رجف بين الضلوع النحايف

‏حاولت أنام ولا تهيا لي النوم
‏النوم و الهاجوس ماهم ولايف

‏ما تستريح العين و البال مهموم
‏ولا يستقر الحال و القلب خايف

‏غديت مثل اللي بالأعدام محكوم
‏ما مات لكنه من العمر خايف

‏انا مفتقد قلبٍ يساير هبوب النود
‏ياحظي لو ان اني مفتقد عقلي الشايب

‏يضيع الشغف لا صار ما يدعمه مجهود
‏مثل ما يضيع المال من غفلة السايب

‏عسى غايتي في ليلةٍ بدرها .. موجود
‏يجيني عوضها ليلةٍ بدرها غايب

‏غريبٍ منهكه و عثا السفر والوجد والحرمان
‏يحسّب خطوة أقدامه من الخوف ومن الريبة

‏تعداه أغلب الظن وتعلق بـ أضعف الأيمان
‏و أخذ من قل حيلة بين تشريقة و تغريبة

‏من يشوف المساري والسهر ملجا وبر أمان
‏لا يجزع لا تغشاه السهاد ولا كثر شيبه

‏يقولون المحبة قابلة للزود و النقصان
‏و أنا أقول الحنين اللي يبي يوديك بيجيبه

‏على ذكراك يا وجهٍ يوقّف دونه النسيان
‏ألين أموت ما أنسى مزاياه و عذاريبه

‏خذاني خل ،خلسة لين سمّحني من الخلان
‏و وصاني ما طول بالغياب وطول الغيبة

‏جرت رجله على الروحه وعينه غورقت تحنان
‏لاهو اللي راح مغصوب ولا هو اللي راح من طيبه

‏ما خلا غير مشروه الحنين وحسرة الندمان
‏وطيفٍ وين ما أوجه يهلي بي و أهلي به

‏يا قلبي مالنا حيلة لا تسالني من الغلطان
‏أنا أصغر ظنوني لو تبي تخطيه بتصيبه

‏أجيه من الزعل راضي يروح من الرضا زعلان
‏غريب الحب مهما صار ما تصفى مشاريبه

‏على أدنى الدون ياخذنا العتاب عناد واستلعان
‏ونخوض فـ بعض ماكنا هواويّة و حبّيبة

‏لا ترجي من حبيبك يا حبيبه شي مهما كان
‏لا صار يذكرك عيبك و صرت تذكره عيبه

‏ولا لي في مشاويرك؛ مسافة دمعة وْتنساب
‏فقدتك كنّك الأخو الكبير، وطوّل الغيبة

‏على الله يوم حطيت الليالي بين ضرس وناب
‏وهقيتك وأنت علمٍ، كم لي أودّيه وأجيبه؟

‏مضى وجهٍ قديم، وضحكٍ إن ضِلّ الزمان وْتاب
‏أعرف إنّي لو تميل المساعي عنك حاضي به

‏حزين إنّي بعد قلبٍ تساقى علمك ولا شاب
‏تشوف إنه جفاف وهو يشوفك من مشاريبه

‏تعب حتى يدور لك؛ عذر، مع كثرة الأسباب
‏ترى ما هو عدوك، يوم عينك؛ ما تهلي به

‏يعرف الفقد، والليل الطويل،ونظرة الكذاب
‏مثل ما هو يعرف إنك هوى داره، وتغريبه

‏تسربل لك جيوش، ولا توقّى قبل لا يرتاب
‏نطح صدر الجموع، وهبّ ذكره، وأهتوى غيبه

‏لقى في نظرتك علم، ولقى في ما لقاه غياب
‏وْقلّط صدره حقوق العتاب، وْجت معازيبه

‏أنا لو ضاعت الدنيا وراك؟ وزادت الأتعاب
‏أجي كنّي؛ صباحٍ، كل هالعالم تهذري به

‏يمرّ الصوت، وأتخلخل مداك، ولا قفلت الباب
‏تجي مثل السحاب اللي يفز القاع من صيبه

‏وترحل، ما لحقك إلّا القصيد وْشرهة الطلّاب
‏وقلبٍ ما يخونه فـ الحياة إلّا تجاريبه

‏أنا ماني بْـ عاقلك الدروب، ولا رضيت أحباب
‏حزين إني أشوفك؛ حق، وأنت تشوفني ريبة

‏جزيت، وفز قلبي؛ أثر قلبي.. ما نساك وْتاب
‏حكيت؛ وضاع صوتي، في رجاك وضاعت الهيبة

‏ولا عاد السهر ملفى، ولا عاد السنين أصحاب
‏تحاشيت المكان، ولا فقد سمعي؛ تراحيبه

‏ تجوّدت بـ سفر ليلك،"وأنا أقول القمر ما غاب."
‏يا عنك إن القمر لو غاب، من هو عاد بـ يجيبه

‏لو إن الغيمة أقفت، ما تلحقت الهبوب عتاب
‏أنا حتى الجفاف إن كان في طارفك؟ راضي به
- محمد السلطان

“هذا أول الليل.. لاتربك سكون الظلام
للنور بعيوني الليلة مسافة سهر

حييت ياساعي الذكرى عليك السلام
لا انفض سمار ليلي طاب معك السمر

شعوري البارحة ..ماكان قدّ المقام
البارحة كانت الساعة بحسبة عمر

كيف أختزل جوهر المعنى بقالب كلام
الا اني انزف مداده من عروقي حبر

للنور يافجري الأول ومسك الختام
لو ما لقا المهتدي لك في قنوته فجر

رتبت رزنامة أحلامي: طيور ..وغمام
ودفتر قصيد وصباح أبيض وورد وعطر

وأخذت صهوة نسايم خصلتك بالخطام
—وشكلتها في سما روحي سحابة طهر—

واستاذن الغي.. يتجاوز حدود الحرام
مزيج كاس الغواية كان ثلج وجمر

وبعثرت عمري على سفح اللقاء والغرام
نزوة وطيش ..ومشاوير وغياب وسفر

قد قلت لي خذني لحربك حمامة سلام
وقد قلت لك: خذني لمجدب شعورك مطر

كنت أدري أني وسيلة ، وأدري أنك مرام
قبل أستميح الليالي ..وأستميحك عذر

وأنزع من الصمت مايشبع فضول الكلام
وآخذ من الحبر مايرضي غرور الشعر

والحين لو شعّ نورك في سكون الظلام:
سفكت دم الشفق لأجلك وطل الفجر”
— عبدالله البديري

شعوري أطول من مدى الأيام يالترف الغيور
‏يالله بصبح تزفّه أنسامك و شمسٍ مشرقه

‏آخايل اللهفة على لاماك و سنيني دهور
‏و على ثمانك جيتك اسابق ظلالي و اسبقه

‏أنظرلك بعين العمى و اصونك بصمت الوقور
‏بس الغريب آمرّك بضيقة و آعوّد بغلقة

‏عن حاجتي لو اهرج للناس بالصوت الجهور
‏يمكن يعوّد حبل صوتي مثل حبل المشنقة
- متعب البقيلي

لا تنسونه وجميع مرضى السرطان من دعواتكم ❤️

﴿ مانقصَ مالُ من صدقة ﴾
‏الصدقة خبيئة وجند من جنود الله لحمايتك
‏تبارك لك في مالك ويومك ورزقك وتبدل من حال إلى حال تصدقوا لو بالقليل
‏الدال على الخيّر كفاعله

https://ehsan.sa/donationcampaign/details/1419986

‏كنت بـ اخر محطات الصبر والتعافي
‏وصرت بـ اول محطات الوله ياجميله

‏كم جحدت الدموع ويوم حان اعترافي
‏مانثرته وانا اعدي براس الطويله

‏دمعي اللي مسيله في طريق الخرافي
‏كل ماخلي الجهراء واروح المسيله

‏اعتقد لين هذا الحد بالعشق كافي
‏مابقى لك طريق ولا بقى لي وسيله

‏يا حبيبي والديار اللي ورا صوتك محيْله
‏من يردّك لا تسيَّل قاعها.. وتبلّ جوفي؟

‏طلّت الدنيا، وأهاليها، ومال الشعر ميلة
‏وأنت ما شدك هوى بالي، ولا مسرى طيوفي!

‏يكفي إني فيك أعرف أيّامي البِيض الجميلة
‏لو يطول خلف بيبانك من اللهفة وقوفي

‏ولا تعذّر عن عيونك فـ الظروف المستحيلة
‏وأنت تدري ما ورا ضحكة هدبك إلَّا حتوفي

حولين وأكثر وأنا واقف بخط الزوال
‏والريح تأخذ من أحزاني ثمر وأجنحة

‏أشرب هجير القوايل وأحلف أنه زلال!
‏والشمس تشرب دمي عذبٍ ولا تمدحه

فاقد اللي في "تفاصيلها" ، مت وحييت
‏اللي قلبي من بعدها الشكوك تساوره

‏كلّ ما طالعت فيها ، طلعت بشطر بيت
‏كنّ صف رموشها السود صف محاورة

‏أنا مثل إحساسها العذب ماعمري لقيت
‏المطر "تستنطقه" والسحاب "تزاوره"

‏كانت تسولف عن الغيم مرّة .. ما دريت
‏ألا أنا جالس على ( الغيمة المجاورة )

-عبدالله السراهيد

‏تمرد الليل .. و احتاج الضمير النزيه
‏لـ اللحظة اللي تخفف همه المنتشر

‏كم له وهو يحتريها ، مير عيّت تجيه
‏الحظ تعبان … وظروف الليالي قشر

‏الفرحه ، تمّره بـ سرعه ولا تحتريه
‏والحزن ، واقف على بابه يدق فلشر

‏من كثر ..ما يجرحه ليله ويثر عليه
‏ودي ..! لو ان الليالي ماتعدا ، عشر

‏قلبي من اللوعه اللي فيه ، ماله شبيه
‏مطوعٍ .. دشّروه " الضايعين " ودشر

‏ينصح بـ زيف الحياة اللي تغر .. السفيه
‏من عقب ماكان ينصحهم بـ يوم الحشر

‏ودي لو ان النوايا تتضح في .. الوجيه
‏وأشوف راعي النوايا الباطلة ، منحشر

‏الواقع اللي نعيشه ، ماهو اللي نبيه
‏تغيرت كل حاجه فيه .. حتى البشر

‏يكذّبون ، الفقير … أن كان رايه وجيه
‏ويصّدقون الغني ، لو كان كذاب أشِر

‏تخفي ، كلامٍ يفكر راعي العقل .. فيه
‏وتنشر مواضيع ليست ، قابلة للنشر

‏أنا حلمٍ شرايد متعته بين الأمل، والطرَد
‏يعيش أن ما تحقّق ويْتلاشى يوم تحقيقه

‏حبيبي ما عشقت الإختصار ولا كرهت السرد
‏ولكنّك : مشاوير العمر وأوّل توافيقه

‏عجزت إسهاب في ذكِرك يا غيثٍ ما لحصده جرد
‏يموت مْن الظمى جافي ثمانك، وأودية ريقه

‏يموت أسمي على شْفاهك وهو يحيا عليها الورد
‏عسى الله ما يورَّيني جفاه، وقِلّ توفيقه

‏وحنّا جعلني ما أذوق حزنك بين صدِّر و أرَد
‏كلَت شمس الضحى باقي ملامحنا بـ تدنيقة

‏تذكّر يوم أنا أعاتب كفوفك، والليالي نرد
‏لا تِرهقني وأنا غير إنتظار الوسم ما أطيقه

‏نعيش، ولو نضم أحبابنا بنموت فردٍ فرد
‏جعلنا كان متنا من فرح ماهو بمن ضيقة

تجرّعت منك المر حتى عشقت المر
‏من الشاهي الساده إلى القهوة السودة

‏وتقعّدت لك في كل سكة عساك تمر
‏و لا مرّيتني!
‏لكن الآمال موجودة

‏ولهالحين وأنت أشهى وألذ الأمور السمْر
‏ولو كنت أظن أن دونك الطرق مسدودة

‏ولكني أدمنتك مثل مدمنين الخمر
‏أملّك،وأذمك،و أتركك!
‏بس لي عودة

توّنا يا ظبية البان لا تستعجلين
‏اتركينا نسهر الليل هذا لـ النهار

‏كلها ساعة أو أكثر شوي بـ ساعتين
‏الأكيد أن قلعة الطين ، تاليها دمار

‏لا مواساتي غنيمة و لا عذرك سمين
‏الغنيمة بسمة الوقت يوم الوقت دار

‏عادني تارك همومي على رفّ الحنين
‏كان مريتي عليها عمارٍ في عمار

‏إقربي منّي و هاتي مْن سنينك سنين
‏عقب بدّلتي عن ديار مربانا ديار

‏كنت ضايع بين شك المفارق و اليقين
‏أرتجي من طارف الناس لو كلمة ، مجار

‏و أتوجّع كل ما مرّ دربي … عابرين
‏أنتظر و لا لعب فيّ غير الإنتظار

‏هاتي يدينك على يديّ و نعيش الثنين
‏في كنف حلمٍ حلمناه من حنّا صغار

‏لي عليك مجاور شفاك بين الوردتين
‏و لك عليّ أكرم جنابك على حُسن الجِوار

‏" قصّري بُعد المسافة " و " ليل العاشقين "
‏سكتك " سكة طويلة " و أنا أيامي قصار

«الوجيه الغبر سبت وأحد
وأنت عندي
مثل يوم الربوع»

لا الدفا هذا دفاك ، ولا العناق عناقك
‏اه من ظلم النفوس اللي من أول حره

‏أحسب انك رزقٍ من الله علي وساقك
‏وانت ما انت اللي نفع قلبي كثر ماضره

‏مابعد غربة مسافاتك .. وضيق آفاقك
‏حلم اعيش بعالمه وشعور أقدس سره

‏وإن حرم ربي لقاك وعانني بفراقك
‏الله يقدرني أنسى اللي مضى بالمرّه

ما كساك الا شعاع الشمس يالغصن الطروب
‏وما فرحت الا وردّ الليل صوت وذكريات

‏لو تساورك الوجيه العابسه من كل صوب
‏لا تخيبك الظنون اللي تعلمك الثبات

‏يا حبيبي لا توريني تبلاد القلوب
‏وانت غيث تحيي اموات المشاعر والنبات

‏كيف اتوبك وانت من يخطي ونظراته تتوب ؟
‏كيف اسافر وانت وجهك سعد عين ومغريات

‏هاتني من ضيعة الايام بالظبي اللعوب
‏ليه ما ترمي تفاصيلك من الاربع جهات ؟

‏والله ان عيني تشوفك كل ما نسنس هبوب
‏ووالله ان باقي احبك وحدها راحت وجات

‏ووالله ان ماني معك غالب ولا جيت مغلوب
‏انت قسمى وانقسامي والعطى والمعطيات

‏سامح الله كل خطوه في متاهات الدروب
‏يوم ما تسمح ظروف ويوم ما تجمع شتات

‏ما عرفت ارضيك سامحني على كثر الذنوب
‏انتهزت اوجاعك اللي بين ليه وجلد ذات

‏الثقوب اللي تبث النور مازالت ثقوب
‏والكلام اللي قليله دل عراه السكات

راح ليل ، ولاح فجر ، وحرّك الشوق الحنايا
‏والهوى مثل الاسير اللي مايدري وش مصيره

‏ودي اصافح يد الفرحة و ابادلها التحايا
‏وابتجح مثل الامير اللي خطب ودّ الاميرة

‏واتفقّد نور وجهك في الدروب وفي الزوايا
‏والمحه في كل عفريّة و ريمٍ مستذيره

‏وش يفيد الشوق لو ما يكسي قلوب العرايا ؟
‏وش يفيد النور لو ينقاد لـ العين الضريره ؟

‏انتي اسمى من هوى النزوه و اعزّ من الحمايا
‏في عيون الفارس اللي سلّ سيفه من جفيرة

‏وان ظفرت بـ بقبلةٍ من ثغر معسول الشفايا
‏ليه لا ؟ و انا الكبير اللي طموحاته كبيره !

‏بين عذبات الوصوف وبين ترفات الصبايا
‏شفت في وجهك ملامح سكرة الموت الاخيره

‏وان تمعّنت التفاصيل الصغيرة والحلايا
‏ضعت مابين الحلايا والتفاصيل الصغيره

‏في عيونك ما يورّد عاشقك حوض المنايا
‏وفي قصيدي ما يغيّر خارطة شبه الجزيره

‏غبتي وباقي لك بـ صدري من اللهفه بقايا
‏ياسرابٍ ماتت احلامي على رجوى غديره

‏لو ما تلهمني الصبر ذيك الرسايل والهدايا
‏مت حزن ومت شوق ومت غبن ومت غيره

‏يا كعبة الحب لو طفتك طواف الوداع
‏وش ذنب بيض امنياتي تفقد آمينها
‏
‏إن دور " الداخل " الغفوه بشتّى البقاع
‏رصافة الشام من ينسى رياحينها
‏
‏وانفسي اللي مع نفسي تعيش بـ صراع
‏ما عدت اميّز اعداها من محبينها
‏
‏في رحلة البين مالي للمسافة متاع
‏كل المسافات كانت بيني و بينها

‏فارقتها طرق ما فارقتها بـ اقتناع
‏طرقاً قساها يشيل من الترف لينها
‏
‏صبيت روحي بوادً ماسعى فيه ساع
‏واودعتها بين حناها وكفينها
‏
‏ريمٍ على القاع لا مرت ما للمزن داع
‏القاع .. تروي ثراه آثار رجلينها
‏
‏لو يسقي الورد دمعك يالعيون الوساع
‏يمكن يلاقي منابت فوق خدينها

‏كفايه اوهام يا قلبي و فض النزاع
‏تدشين الأحلام ماهو مثل تأبينها
‏
‏ما كان يوم الموادع كان يوم الضياع
‏يا قسو الأيام لا سنت سكاكينها
‏
‏ودعتها بـ دمع عاشق و ابتسامة شجاع
‏و ابتسمت جفونها و اغرورقت عينها
‏
‏صدت و لما نوّت تمسح دموع الوداع
‏خافت من رموشها لا تجرح ايدينها