وش ينسّيني عبق ماضي لياليك المليحه
مستحيل أنسى ، لو النسيان للإنسان عاده
- فهد العيبان
مستحيل أنسى ، لو النسيان للإنسان عاده
- فهد العيبان
قصيدة
@poem031
مهتمه بالشعر النبطي
بعض مافي القناة قصائد مقتبسة من ذائقتي
Tw : Poem011
قصيدة (Arabic)
قصيدة هي قناة تلغرام مخصصة لعشاق الشعر النبطي، حيث تقدم مجموعة متنوعة من القصائد والأبيات الشعرية التي تعكس جمالية هذا النوع من الشعر. يمكن لمتابعي القناة الاستمتاع بقراءة قصائد مقتبسة من ذائقة المديرة، التي تضفي لمسة خاصة على المحتوى المقدم. بالإضافة إلى ذلك، يمكن العثور على تغريدات شعرية أخرى على حساب تويتر المرتبط بالقناة بواسطة Poem011. إذا كنت تبحث عن مكان للاسترخاء والاستمتاع بجمال الشعر، فقناة قصيدة هي الوجهة المثالية لك.
قصيدة
11 Jan, 05:55
ولهت لك واشتقت واجد وحنّيت...
...و اقرب" سعادة في عيوني " بعيدة !
لو قلت احبك في أي جملة و صدّيت
... من طيبتي بتصير جملة مفيدة !
اعتبري انك " بيت " دايم وانا " بيت "
... يمكن يجمّعنا القدر في قصيدة
- تركي بن مطر
...و اقرب" سعادة في عيوني " بعيدة !
لو قلت احبك في أي جملة و صدّيت
... من طيبتي بتصير جملة مفيدة !
اعتبري انك " بيت " دايم وانا " بيت "
... يمكن يجمّعنا القدر في قصيدة
- تركي بن مطر
قصيدة
11 Jan, 05:53
مد صوتك يا أوّل الأحباب قبل أسريك كلي
واسترد العارض المنشود لين أسرق جفافه
يا حبيبي كل ما اشتدّ السحاب، وسال، قلي
من تحب عيونك من الناس وإلا من تعافه
أتمنى طلّتك، صوتك وش أحدد، وأخلي
الجفاف يحدّني.. والبيد زادتني صلافة
إن عذرت الطاري المرّار في طيّة سجلي
ما عذرت عيونك النجلاء على قل الكلافة
أتماهى مع ديارك.. فيك ترحالي، وحلّي
لين أرجع سيرة العاشق ورى جسر الرصافة
في مقامك أنسج الغيمة على الغصن المدلي
قِل لعودك: يأخذ من البارق الوسمي لحافه
وأنت وحدك تمنح الأشياء مقامات، وتجلي
ما بقى إلا ظاميٍ ما بلّت غيومك ضفافه
كيف عينك تقتل الرجال، ورموشك تصلي
ليش صوتك يجرح الأيام وأحبه، وأخافه
الهوى دربه طويل وحرّ شمسك جايزٍ لي
وأنت أرقّ احساس من ريح الصبا واعذب مسافه
إن قدرت اكسر جناب العطف في لحظه تغلّي
نازعتني دون كفّ الصفح لحظات ارتجافه
شِرَّد الأحزان..مابعد السكوت إلا التخلي
لاتقصّر في حقوق الولف وتزيد الحسافه
لك علي اوقف الدنيا وانا جالس محلّي
شاعرك لو شابت ايامه معك ما شاب قافه
- محمد السلطان
واسترد العارض المنشود لين أسرق جفافه
يا حبيبي كل ما اشتدّ السحاب، وسال، قلي
من تحب عيونك من الناس وإلا من تعافه
أتمنى طلّتك، صوتك وش أحدد، وأخلي
الجفاف يحدّني.. والبيد زادتني صلافة
إن عذرت الطاري المرّار في طيّة سجلي
ما عذرت عيونك النجلاء على قل الكلافة
أتماهى مع ديارك.. فيك ترحالي، وحلّي
لين أرجع سيرة العاشق ورى جسر الرصافة
في مقامك أنسج الغيمة على الغصن المدلي
قِل لعودك: يأخذ من البارق الوسمي لحافه
وأنت وحدك تمنح الأشياء مقامات، وتجلي
ما بقى إلا ظاميٍ ما بلّت غيومك ضفافه
كيف عينك تقتل الرجال، ورموشك تصلي
ليش صوتك يجرح الأيام وأحبه، وأخافه
الهوى دربه طويل وحرّ شمسك جايزٍ لي
وأنت أرقّ احساس من ريح الصبا واعذب مسافه
إن قدرت اكسر جناب العطف في لحظه تغلّي
نازعتني دون كفّ الصفح لحظات ارتجافه
شِرَّد الأحزان..مابعد السكوت إلا التخلي
لاتقصّر في حقوق الولف وتزيد الحسافه
لك علي اوقف الدنيا وانا جالس محلّي
شاعرك لو شابت ايامه معك ما شاب قافه
- محمد السلطان
قصيدة
11 Jan, 05:49
لا تعذليني يوم أجرّ الصوت في راس الطويل
الليل توّه ماسرى والشمس بكره باديه
أنا حياتي ما بقى منها كثير ولا قليل
غير القصيد اللي كتبته في مرابي ناديه
بنتٍ تثنّى في ضواحي نجد وتفلّ الجديل
جيت أتداعى في مرابيها وروحي غاديه
واللي ورى صدري على الميعاد مايبغى دليل
قلب بدويٍ ما رعت به غير بنت الباديه
مانيب مستغرب يزلّ العمر ويخفّ الثقيل
الوقت حادي وأغلب العالم معه متحاديه
أغيب وإن شفت البروق تلوح فالطرف الكحيل!
أرجع على صوت العزاوي فوق ظهر العاديه
بين الطواري والقصيد العذب والبيت الجزيل
أنا أحترق من داخلي والناس حولي هاديه
مانيب مثلك كل ماغنّيت.. يالغصن الظليل
تومي بك الأنسام وتغني عليك الشاديه
أنا سحابٍ حنّت رعوده وحوّل فالمسيل
لعيون من تمشي تحت وبله وهي متهاديه
- مشاري محمد
الليل توّه ماسرى والشمس بكره باديه
أنا حياتي ما بقى منها كثير ولا قليل
غير القصيد اللي كتبته في مرابي ناديه
بنتٍ تثنّى في ضواحي نجد وتفلّ الجديل
جيت أتداعى في مرابيها وروحي غاديه
واللي ورى صدري على الميعاد مايبغى دليل
قلب بدويٍ ما رعت به غير بنت الباديه
مانيب مستغرب يزلّ العمر ويخفّ الثقيل
الوقت حادي وأغلب العالم معه متحاديه
أغيب وإن شفت البروق تلوح فالطرف الكحيل!
أرجع على صوت العزاوي فوق ظهر العاديه
بين الطواري والقصيد العذب والبيت الجزيل
أنا أحترق من داخلي والناس حولي هاديه
مانيب مثلك كل ماغنّيت.. يالغصن الظليل
تومي بك الأنسام وتغني عليك الشاديه
أنا سحابٍ حنّت رعوده وحوّل فالمسيل
لعيون من تمشي تحت وبله وهي متهاديه
- مشاري محمد
قصيدة
07 Jan, 16:04
أجاهر بك، لأنّك ما أنت ذنبٍ يرهق اللي تاب
أنا عبدٍ يخاف الله، ولا قد جاهر ذْنوبه
أنا عبدٍ لقى فـ قلبك -سكينة- كنّها المحراب
وكبّر به قبل يذنب، وسلّم معلن التوبة
أنا عبدٍ يخاف الله، ولا قد جاهر ذْنوبه
أنا عبدٍ لقى فـ قلبك -سكينة- كنّها المحراب
وكبّر به قبل يذنب، وسلّم معلن التوبة
قصيدة
07 Jan, 16:02
تباطيت الفجر، وأنا عيوني تنتظر وش جاب
كأن أنظارها في رملة الشبّاك منصوبة
مضى عنّه شهر، خافه تهانى للغياب وْغابّ؟
أو انّه بين طيَّات الليالي ضيّع دْروبه
أعامل غرفتي كنّ الزوايا غرفة إستجواب
أجيها "مرتبك" وأروح والأنفاس مسلوبة
وراح البال يستطرد ظماه، وفالسراب تْراب
أخاف اللي أمرّه من مشاوير الفكِر : حوَبة
أكيد أن المسا ما هو بـ يفتح -للسهارى- باب
إذا ما طارت طْيور الفجر في صوت رعبوبة
يحسْبون أن زراقك لا تغيَّب فصّ ملح وذاب
لكنْك الموج، والربّان، وأنت البحر، وعْيوبه
ورى عذب الكلام، وعشرةٍ ما خانها الطلَّاب
فناجيل الظروف اللي ورى مسراك؛ مشروبة
ركزت الرمح في ملقى الجموع وجيت ضرس وناب
أخيْط القوم، وأساوي براس الرجَل : عرقوبه
يوم أنّه عنتَرة شاف لْثغرها في السيوف أسباب !
أشوفك من ورى غْبار الخيول تْقول: روفوا به
فداك الصبح، وأحلام الصغار، وضحكة الأصحاب
وبيضان القلوب ــ ولابس النيِّات مقلوبة
فداك الشك لا صاروا لي أخوان السنين : أغراب
وراحوا، كل قلبٍ يحرق اللحظات بأسلوبه
نسى الله من نسى وجهك ليا ضرَّ المغيب أحباب
وراحوا كل قلب يْراجع اللي فات من صوبه
تعدّ الجرح؟ في صدري معك مساحة إستقطاب
تحاليت الجروح، وكل حاجة منْك مرغوبة
أجاهر بك، لأنّك ما أنت ذنبٍ يرهق اللي تاب
أنا عبدٍ يخاف الله، ولا قد جاهر ذْنوبه
أنا عبدٍ لقى فـ قلبك -سكينة- كنّها المحراب
وكبّر به قبل يذنب، وسلّم معلن التوبة
لقيتك وأنت غايب في الوجيه العابرة تنساب
يورَّى أن كل جلد يشيل منّك من ورى ثوبه
لقيتك في الدروب وفي الصور والصوت والرحِّاب
ودوبه في مواويل اللحون، وفي الشِعر دوبه
لقيتك في قصيدة لـ "المحيـّا" والعيون غْياب
"تعدّوا ينشدون الصبح عن رمشك وضاعوا به"
معْ انّ الذكريات وناسها ما هم بـ عِتق رْقاب
سجينة بالي اللي ما تملّ يْدينه جْيوبه
أحسْب أن السنين أن طوُّلت تستاذن الغيِّاب
وتبدا تمحي آثار السوالف، نوبه، ونوبه
وعرفت أن الزمن ما يستحي، وأن الأمل كذّاب
إذا ما هان "جرح" الآدمي ما هان "محبوبه"
- صالح بن حمد
كأن أنظارها في رملة الشبّاك منصوبة
مضى عنّه شهر، خافه تهانى للغياب وْغابّ؟
أو انّه بين طيَّات الليالي ضيّع دْروبه
أعامل غرفتي كنّ الزوايا غرفة إستجواب
أجيها "مرتبك" وأروح والأنفاس مسلوبة
وراح البال يستطرد ظماه، وفالسراب تْراب
أخاف اللي أمرّه من مشاوير الفكِر : حوَبة
أكيد أن المسا ما هو بـ يفتح -للسهارى- باب
إذا ما طارت طْيور الفجر في صوت رعبوبة
يحسْبون أن زراقك لا تغيَّب فصّ ملح وذاب
لكنْك الموج، والربّان، وأنت البحر، وعْيوبه
ورى عذب الكلام، وعشرةٍ ما خانها الطلَّاب
فناجيل الظروف اللي ورى مسراك؛ مشروبة
ركزت الرمح في ملقى الجموع وجيت ضرس وناب
أخيْط القوم، وأساوي براس الرجَل : عرقوبه
يوم أنّه عنتَرة شاف لْثغرها في السيوف أسباب !
أشوفك من ورى غْبار الخيول تْقول: روفوا به
فداك الصبح، وأحلام الصغار، وضحكة الأصحاب
وبيضان القلوب ــ ولابس النيِّات مقلوبة
فداك الشك لا صاروا لي أخوان السنين : أغراب
وراحوا، كل قلبٍ يحرق اللحظات بأسلوبه
نسى الله من نسى وجهك ليا ضرَّ المغيب أحباب
وراحوا كل قلب يْراجع اللي فات من صوبه
تعدّ الجرح؟ في صدري معك مساحة إستقطاب
تحاليت الجروح، وكل حاجة منْك مرغوبة
أجاهر بك، لأنّك ما أنت ذنبٍ يرهق اللي تاب
أنا عبدٍ يخاف الله، ولا قد جاهر ذْنوبه
أنا عبدٍ لقى فـ قلبك -سكينة- كنّها المحراب
وكبّر به قبل يذنب، وسلّم معلن التوبة
لقيتك وأنت غايب في الوجيه العابرة تنساب
يورَّى أن كل جلد يشيل منّك من ورى ثوبه
لقيتك في الدروب وفي الصور والصوت والرحِّاب
ودوبه في مواويل اللحون، وفي الشِعر دوبه
لقيتك في قصيدة لـ "المحيـّا" والعيون غْياب
"تعدّوا ينشدون الصبح عن رمشك وضاعوا به"
معْ انّ الذكريات وناسها ما هم بـ عِتق رْقاب
سجينة بالي اللي ما تملّ يْدينه جْيوبه
أحسْب أن السنين أن طوُّلت تستاذن الغيِّاب
وتبدا تمحي آثار السوالف، نوبه، ونوبه
وعرفت أن الزمن ما يستحي، وأن الأمل كذّاب
إذا ما هان "جرح" الآدمي ما هان "محبوبه"
- صالح بن حمد
قصيدة
04 Jan, 04:49
أرتاحي .. وخليني أخدمك تكفين
يكفيك من عمر الشقا اللي خذيتي
زال اني أشم الهواء .. لاتضيقين
أنا معك .. وانتي على مانويتي
شوفيني بـ عينك مثل ما تمنين
و أرهن لك الدنيا على باب بيتي
أجي عشانك كحل عين وعجب عين
و أرضى على عدواني .. ليا رضيتي
انا الجموع اللي من يسار ويمين
وانا العزاااااوي كلها .. لا أعتزيتي
أكسر لك الظرف القوي كسر روتين
وامشي على مشهاك في ما اشتهيتي
مخاوفي .. ماعادت اللي تعرفين .!
تغيرت .. وأنــا مثــل ماهقيــتي .!
مريت في صدمه وذقت الأمرين
بس أحتقر شكواي لا من شكيتي
الموت عندي والحياة .. متساوين
إلا .. لا رحتي في عيوني وجيتي
اخاف اموت .. وتفقديني وتبكين
وما أحدٍ يضمك عقبي .. ليا بكيتي
واخاف .. من موعد علاجك تسجين
وما احدٍ يجيبْ لْك الدواء لا نسيتي
واخاف.. لا منك بغيتي تقومين
ما احدٍ يفز ويسندك لا ارتكيتي
واخاف .. لا منك بغيتي تنامين
ما احدٍ يمد لْحافك ليا استويتي
واخاف .. لا نمتي قبل ما تصلين
ما أحدٍ يجي ويقول يُمه صحيتي ؟!
واخاف .ما احد يْقول لك يوم تدعين
أبـشـرك ... زانت بعـد ما دعيتي !
واخاف .. لا جلستي وخاطرك شين
ما احد يعرف من نظرتك وش بغيتي؟
واخاف .. لا قلتي ما ابي الاكل هالحين
ما احد يحلف ما يأكل ان ما كليتي
واخاف.. لا منك طلعتي تقضين
ما احدٍ يقف ويحاسب اللي شريتي
واخاااف وااجد وااااجد انك تروحين
ياويلي أن رحتي .. ولا عاااااد جيتي
- ميلاف
يكفيك من عمر الشقا اللي خذيتي
زال اني أشم الهواء .. لاتضيقين
أنا معك .. وانتي على مانويتي
شوفيني بـ عينك مثل ما تمنين
و أرهن لك الدنيا على باب بيتي
أجي عشانك كحل عين وعجب عين
و أرضى على عدواني .. ليا رضيتي
انا الجموع اللي من يسار ويمين
وانا العزاااااوي كلها .. لا أعتزيتي
أكسر لك الظرف القوي كسر روتين
وامشي على مشهاك في ما اشتهيتي
مخاوفي .. ماعادت اللي تعرفين .!
تغيرت .. وأنــا مثــل ماهقيــتي .!
مريت في صدمه وذقت الأمرين
بس أحتقر شكواي لا من شكيتي
الموت عندي والحياة .. متساوين
إلا .. لا رحتي في عيوني وجيتي
اخاف اموت .. وتفقديني وتبكين
وما أحدٍ يضمك عقبي .. ليا بكيتي
واخاف .. من موعد علاجك تسجين
وما احدٍ يجيبْ لْك الدواء لا نسيتي
واخاف.. لا منك بغيتي تقومين
ما احدٍ يفز ويسندك لا ارتكيتي
واخاف .. لا منك بغيتي تنامين
ما احدٍ يمد لْحافك ليا استويتي
واخاف .. لا نمتي قبل ما تصلين
ما أحدٍ يجي ويقول يُمه صحيتي ؟!
واخاف .ما احد يْقول لك يوم تدعين
أبـشـرك ... زانت بعـد ما دعيتي !
واخاف .. لا جلستي وخاطرك شين
ما احد يعرف من نظرتك وش بغيتي؟
واخاف .. لا قلتي ما ابي الاكل هالحين
ما احد يحلف ما يأكل ان ما كليتي
واخاف.. لا منك طلعتي تقضين
ما احدٍ يقف ويحاسب اللي شريتي
واخاااف وااجد وااااجد انك تروحين
ياويلي أن رحتي .. ولا عاااااد جيتي
- ميلاف
قصيدة
04 Jan, 03:47
للعيون أهداف لاشدّ الكلام رحاله
وللطموح مْن المعارك بالفتى ماريّة
والقصيد أحيان حالة بس ماهو حالة
جوفنا في كلّ حال أحوالها شعريّة
سيّدي سلمان في كل الامور لحاله
والله ان العز في وجهه وفي طاريّه
العمر لو ينهدي كل العمار فدا له
والغلا لو ينوصف ماتمّ في ألفيّة
عنده الكفّين لاشدّ اللزوم وجاء له
كف من سوطٍ عذاب وكفّ من حنيّة
يرجح الميزان من رايه وطيب أفعاله
والمصاعب ماتنوخ الا لحاكم زيّه
هدّ صقر اسمه محمّد من حرار عياله
السماء من حنكته تمطر بـ يالله حيّه
كل ماقلنا ولي العهد تنبت طالة
والله ان كفه حصاد ونظرته وسميّة
من كثر مايعشق أرضه بالثرى وجباله
حط من لون الخزامى لون للزوليّة
كل حاكم لاوقف لازم يحط رسالة
والرسايل ماهي بدايم تجي خطيّة
وين نلقى له مثيل بهمتّه وآماله
ووين نلقى له شبه بالكورة الارضيّة
ازدهر بالشرق الاوسط تحت فيّ ظلاله
وعن لواهيب المعارك حطّهم في فيّه
لاشْرحت ذا لاين مْن اللي يدور بباله
فاحت الامجاد بين نيوم والقديّة
ماكترث لو حاربوه مْن العموم حثالة
ولا بلش بالغرب هو وابواقه المشريّة
في جبال طويق شبّه بالعزوم رجاله
وجاوبوه بعزمهم في كلّ وقفة حيّة
وسيّدي فيصل ابن نواف زبن الطاله
في ذراه نشوف نهضة جوفنا محميّة
شاهده كفاءة انفاقه وطيب اعماله
تحكي انجازاته المسموعة المرئية
ونائبه متعب ابن مشعل وحيّ خصاله
ماوقف للهيّه الا انه نطيح الهيّه
فيك يالجوف الهبايب تنثني مختالة
ليه أحس ان النسايم داخلك منقيّة
مادخل حدّك حزين الا وعوّد داله
بين زيتونك وخفّ نفوسك الجوفيّه
رفرفي بالراية الخضراء بعزّ وطالة
الفخر يكبر لاشاف الراية سعوديّة
- أيمن الرويلي
وللطموح مْن المعارك بالفتى ماريّة
والقصيد أحيان حالة بس ماهو حالة
جوفنا في كلّ حال أحوالها شعريّة
سيّدي سلمان في كل الامور لحاله
والله ان العز في وجهه وفي طاريّه
العمر لو ينهدي كل العمار فدا له
والغلا لو ينوصف ماتمّ في ألفيّة
عنده الكفّين لاشدّ اللزوم وجاء له
كف من سوطٍ عذاب وكفّ من حنيّة
يرجح الميزان من رايه وطيب أفعاله
والمصاعب ماتنوخ الا لحاكم زيّه
هدّ صقر اسمه محمّد من حرار عياله
السماء من حنكته تمطر بـ يالله حيّه
كل ماقلنا ولي العهد تنبت طالة
والله ان كفه حصاد ونظرته وسميّة
من كثر مايعشق أرضه بالثرى وجباله
حط من لون الخزامى لون للزوليّة
كل حاكم لاوقف لازم يحط رسالة
والرسايل ماهي بدايم تجي خطيّة
وين نلقى له مثيل بهمتّه وآماله
ووين نلقى له شبه بالكورة الارضيّة
ازدهر بالشرق الاوسط تحت فيّ ظلاله
وعن لواهيب المعارك حطّهم في فيّه
لاشْرحت ذا لاين مْن اللي يدور بباله
فاحت الامجاد بين نيوم والقديّة
ماكترث لو حاربوه مْن العموم حثالة
ولا بلش بالغرب هو وابواقه المشريّة
في جبال طويق شبّه بالعزوم رجاله
وجاوبوه بعزمهم في كلّ وقفة حيّة
وسيّدي فيصل ابن نواف زبن الطاله
في ذراه نشوف نهضة جوفنا محميّة
شاهده كفاءة انفاقه وطيب اعماله
تحكي انجازاته المسموعة المرئية
ونائبه متعب ابن مشعل وحيّ خصاله
ماوقف للهيّه الا انه نطيح الهيّه
فيك يالجوف الهبايب تنثني مختالة
ليه أحس ان النسايم داخلك منقيّة
مادخل حدّك حزين الا وعوّد داله
بين زيتونك وخفّ نفوسك الجوفيّه
رفرفي بالراية الخضراء بعزّ وطالة
الفخر يكبر لاشاف الراية سعوديّة
- أيمن الرويلي
قصيدة
03 Jan, 14:34
يذكرني رحيلك مجلسٍ باقٍ على حله
مداهيل الرجال اللي تنومسنا مواطيها
هنا سليت سيفٍ يوفي الثارين من سله
هنا علقت رمحٍ يطعن الجوزا ويطفيها
هنا بينت مصحفك الكريم ودلنا دله
معك نبدا مواعيد الكلام وننتهي فيها
هنا ساقيت غصنٍ من غلا كنّا تحت ظله
نسولف بالغنا يا بايع الدنيا وشاريها
هنا كان الرجل جبال ما تقبل خنا الزله
عمايمها سحاب وابله باقي مواضيها
رجالٍ لو تشوف الما غدر ما شربته لله
نبت عشب الرضا ياسيدي بأول مغازيها
هل التوحيد وكنوز العلوم ونصرة المله
رجالٍ يضحك التاريخ لولها وتاليها
هنا ماضيك ورياض الخليل اللي رعى خله
شربنا عذبها مدري لعبنا في مغانيها
هنا تخنقني العبرة وانا اكتب يا رسول الله
على قبرك نسيت الناس حاقدها وحانيها
-خالد العتيبي
مداهيل الرجال اللي تنومسنا مواطيها
هنا سليت سيفٍ يوفي الثارين من سله
هنا علقت رمحٍ يطعن الجوزا ويطفيها
هنا بينت مصحفك الكريم ودلنا دله
معك نبدا مواعيد الكلام وننتهي فيها
هنا ساقيت غصنٍ من غلا كنّا تحت ظله
نسولف بالغنا يا بايع الدنيا وشاريها
هنا كان الرجل جبال ما تقبل خنا الزله
عمايمها سحاب وابله باقي مواضيها
رجالٍ لو تشوف الما غدر ما شربته لله
نبت عشب الرضا ياسيدي بأول مغازيها
هل التوحيد وكنوز العلوم ونصرة المله
رجالٍ يضحك التاريخ لولها وتاليها
هنا ماضيك ورياض الخليل اللي رعى خله
شربنا عذبها مدري لعبنا في مغانيها
هنا تخنقني العبرة وانا اكتب يا رسول الله
على قبرك نسيت الناس حاقدها وحانيها
-خالد العتيبي
قصيدة
01 Jan, 21:52
يا فتّاك اللواحظ كيف تطعني بدون يدين !
أنا ما كنت آعرفْ ان العيون السود قتّاله
عليك الله و امانه من طعوني لين يوم الدين
مشاريهي قصايد و القصايد فيك مختاله
توادعنا و في خاطرك علم و في رقبتي دين
و تواجهنا و روحي ذايبه و خطاك ميّاله
على متني عهود مخضّبين السيف أبو حدين
يا متن مذيرٍ مافي رقبته غير سلساله
تنصّاه الهبوب الباردة و تزيد عوده لين
تزيده لين لو ما تقدر تحرك طرف شاله
قدرت اصبر و أنا اشوف الصبر من ليلة الاثنين
كريمٍ دارت الدنيا عليه و شانت احواله
تباطيت النهار و زلّ من ليل الشقا ثلثين
عسى الثلث الاخير اقصر على المرتاب من باله
وجودي يوم ادرّج خطوةٍ ما تطرد المقفين
وجود الشايب الي مات دونه خيره عياله
بتفقدني ليا عمّ الآمان و كثرو السالين
و تلقاني ليا صحّ الصحيح و كبرت القاله
أنا من بيت شيخة قبل اعدّ البيت و البيتين
ذخر من ضربهم فالقوم فال الله و لا فاله
اغنّي في نباهم يوم اشوف الفعل شوف العين
و آعد الصدق لاقام الكذوب يمسسّ حباله
علينا يزبن التاريخ لا دارت رحاة البين
و بنا يستأمن المجد التليد و تكبر آماله
نجي مثل الحيا و الارض جرادا و البدو شرهين
حدانا ينقضي دور السنة ما فرّق خياله
ولدنا بين معلاق السمان الحيل و السكين
يردّد مرحبا قبل يتعلّم يلبس عقاله
طوارينا و كلمة و النعم مثل الدعاءْ و امين
لها فالدين و السلم المعرّب مجد و آصاله
و اسامينا تخدم سيوفنا يوم الليال سنين
أجل و شلون لا منّا تعزوينا على الطاله
نهين المال و نشيّخ مواقفنا و أبو بعدين
على إستعداد يرخص عمره و لا يرخص رياله
كبيرة يا مسحّبه البشوت أهل الجناب الشين
طمعتو في مكاسيب البحر و انتم على جاله !
وردّتو للعدود الي يكدّر دلو ماها طين
و تسابقتو على المنقود رجليه و خيّاله
وريث الأوله ما ينلحق لين الجبال تلين
ولا يسعى للمديح ، الطيب الأمداح تسعا له
يقولون العرب ذكر الحيا و الطيبين يبين
و ذكر معيض في شتّى الديار يسابق ظلاله
على مدّ النظر هذي حلاله لا تنشّد وين
حبته الأرض لو بين الجدي و سهيل منزاله
يجيه الضيف و يلقّي معاذيره طلاق ودين
تبرك له سمان الحشو قبل يهزّ فنجاله
تحاقرت المديح الي تكاثرته على الباقين
يا قلّه عند أبو طارق لا قمت آعدد خصاله
معه ما يجمع صفوف الجامعة لا غدت صفين
بشورٍ تزري اشوار الوجيه السود تغتاله
مع انه لو يحوف الناهية بالرمح ابو روحين
ما يثبت دونها غير الي عظامه ما تشتاله
إمارتنا التليدة من صقر و صقير لهالحين
و هي في ضفّ شيخٍ ما تجيه القوم عيّاله
على طاري عوْض بن صقر وش نعم وش نعمين
تعيد ونعم لين تشاف ف احفاده و فعياله
ياصفحات التواريخ اكتبي منّا ليوم الدين
لْو ان سيرة بني عمي تبي تاريخٍ لحاله
مغاتير النوايا و المكارم و الجناب الزين
ماهي والله سواليفٍ على فنجال و بياله
- متعب البقيلي
أنا ما كنت آعرفْ ان العيون السود قتّاله
عليك الله و امانه من طعوني لين يوم الدين
مشاريهي قصايد و القصايد فيك مختاله
توادعنا و في خاطرك علم و في رقبتي دين
و تواجهنا و روحي ذايبه و خطاك ميّاله
على متني عهود مخضّبين السيف أبو حدين
يا متن مذيرٍ مافي رقبته غير سلساله
تنصّاه الهبوب الباردة و تزيد عوده لين
تزيده لين لو ما تقدر تحرك طرف شاله
قدرت اصبر و أنا اشوف الصبر من ليلة الاثنين
كريمٍ دارت الدنيا عليه و شانت احواله
تباطيت النهار و زلّ من ليل الشقا ثلثين
عسى الثلث الاخير اقصر على المرتاب من باله
وجودي يوم ادرّج خطوةٍ ما تطرد المقفين
وجود الشايب الي مات دونه خيره عياله
بتفقدني ليا عمّ الآمان و كثرو السالين
و تلقاني ليا صحّ الصحيح و كبرت القاله
أنا من بيت شيخة قبل اعدّ البيت و البيتين
ذخر من ضربهم فالقوم فال الله و لا فاله
اغنّي في نباهم يوم اشوف الفعل شوف العين
و آعد الصدق لاقام الكذوب يمسسّ حباله
علينا يزبن التاريخ لا دارت رحاة البين
و بنا يستأمن المجد التليد و تكبر آماله
نجي مثل الحيا و الارض جرادا و البدو شرهين
حدانا ينقضي دور السنة ما فرّق خياله
ولدنا بين معلاق السمان الحيل و السكين
يردّد مرحبا قبل يتعلّم يلبس عقاله
طوارينا و كلمة و النعم مثل الدعاءْ و امين
لها فالدين و السلم المعرّب مجد و آصاله
و اسامينا تخدم سيوفنا يوم الليال سنين
أجل و شلون لا منّا تعزوينا على الطاله
نهين المال و نشيّخ مواقفنا و أبو بعدين
على إستعداد يرخص عمره و لا يرخص رياله
كبيرة يا مسحّبه البشوت أهل الجناب الشين
طمعتو في مكاسيب البحر و انتم على جاله !
وردّتو للعدود الي يكدّر دلو ماها طين
و تسابقتو على المنقود رجليه و خيّاله
وريث الأوله ما ينلحق لين الجبال تلين
ولا يسعى للمديح ، الطيب الأمداح تسعا له
يقولون العرب ذكر الحيا و الطيبين يبين
و ذكر معيض في شتّى الديار يسابق ظلاله
على مدّ النظر هذي حلاله لا تنشّد وين
حبته الأرض لو بين الجدي و سهيل منزاله
يجيه الضيف و يلقّي معاذيره طلاق ودين
تبرك له سمان الحشو قبل يهزّ فنجاله
تحاقرت المديح الي تكاثرته على الباقين
يا قلّه عند أبو طارق لا قمت آعدد خصاله
معه ما يجمع صفوف الجامعة لا غدت صفين
بشورٍ تزري اشوار الوجيه السود تغتاله
مع انه لو يحوف الناهية بالرمح ابو روحين
ما يثبت دونها غير الي عظامه ما تشتاله
إمارتنا التليدة من صقر و صقير لهالحين
و هي في ضفّ شيخٍ ما تجيه القوم عيّاله
على طاري عوْض بن صقر وش نعم وش نعمين
تعيد ونعم لين تشاف ف احفاده و فعياله
ياصفحات التواريخ اكتبي منّا ليوم الدين
لْو ان سيرة بني عمي تبي تاريخٍ لحاله
مغاتير النوايا و المكارم و الجناب الزين
ماهي والله سواليفٍ على فنجال و بياله
- متعب البقيلي
قصيدة
01 Jan, 21:22
يا صبا نجد وش عذر النديم ونديمه
والدهر ما كلا واديك والخير ضافي
كل ما لاح برق وهلّ فالقاع غيمه
قلت وش يدفع قلوب العرب للتجافي؟
في رحابك قصيد وفي ترابك غنيمه
وفي برادك علاج وفي سمومك عوافي
شاعرك وش يسوي فالجروح القديمه
كل ليله مريض وكل صبح متعافي
ياكل من الظنون ويشرب من الهزيمه
ويتحمل مشاريه الرفيق السنافي
عاشقٍ قلبي أخضر مير نفسي كريمه
مستحيل أتقدم والمبادي خلافي
حال بيني وبين الحب شيمه وقيمه
وجرحٍ آوله دمعة عين وآخره خافي
كل ليلة بعد فرقاك ، ليلة آليمه
تستثير الدموع وتستفز القوافي
لو تقوم القيامه ذكرياتك مقيمه
ماجفتك الضلوع اللي طواها جفافي
أعترف لك ضميرٍ فيه للحب قيمه
ليتني مت ما أعلنت لغلاك إعترافي
يوم أبادلك حب ويوم اسمّيك ديمه
ويوم اقول العتب مرفوع والبال صافي
اثر قلبك ما حس بقيمتي يوم آهيمه
وأثر عينك كفيفه ما تشوف اختلافي
جعل عمرك يطول ولا يطاولك ضيمه
وجعل جرحي مع طوال السنين متشافي
أنتهت كل حاجة والنهاية وخيمه
ولا بقى في محطات العمر شوط إضافي
قصتي معك: كانت خاتمتها عظيمه
تحمل اسمي وتوقيعي وجرحي وقافي
- مشاري محمد
والدهر ما كلا واديك والخير ضافي
كل ما لاح برق وهلّ فالقاع غيمه
قلت وش يدفع قلوب العرب للتجافي؟
في رحابك قصيد وفي ترابك غنيمه
وفي برادك علاج وفي سمومك عوافي
شاعرك وش يسوي فالجروح القديمه
كل ليله مريض وكل صبح متعافي
ياكل من الظنون ويشرب من الهزيمه
ويتحمل مشاريه الرفيق السنافي
عاشقٍ قلبي أخضر مير نفسي كريمه
مستحيل أتقدم والمبادي خلافي
حال بيني وبين الحب شيمه وقيمه
وجرحٍ آوله دمعة عين وآخره خافي
كل ليلة بعد فرقاك ، ليلة آليمه
تستثير الدموع وتستفز القوافي
لو تقوم القيامه ذكرياتك مقيمه
ماجفتك الضلوع اللي طواها جفافي
أعترف لك ضميرٍ فيه للحب قيمه
ليتني مت ما أعلنت لغلاك إعترافي
يوم أبادلك حب ويوم اسمّيك ديمه
ويوم اقول العتب مرفوع والبال صافي
اثر قلبك ما حس بقيمتي يوم آهيمه
وأثر عينك كفيفه ما تشوف اختلافي
جعل عمرك يطول ولا يطاولك ضيمه
وجعل جرحي مع طوال السنين متشافي
أنتهت كل حاجة والنهاية وخيمه
ولا بقى في محطات العمر شوط إضافي
قصتي معك: كانت خاتمتها عظيمه
تحمل اسمي وتوقيعي وجرحي وقافي
- مشاري محمد
قصيدة
01 Jan, 03:37
لَيكُن الصّدق رفيقك..
لا تنشر ليَرضىٰ أحد، ولا تكتب حتّى لا يُقال عنك، ولا تجتهد لِيُصَفِّق لك النّاس، ولا تُكابد إلّا فيما يستحقّ! ثُمّ لِيَكُن لك من الخَفاء نَصيب، لا تنشر كُلّ ما تكتب، لا تُصوّر كلّ لحظاتك، لا تُخبر تفاصيلك، لا تجعل مِعيارَ رِضاك، رضاهم عنك! ثمّ لِيَكُن لك حَظّ من السّماء، أخلِص خُطاك، كثّف دُعاك، هَذِّب أنّاك، خالِف هَواك، ثُمّ ليكن لك مساحة سِر، عِش لله حُرًّا، عَمِّق لله سِرًّا، راقِب الله دومًا، واستقم.
لا تنشر ليَرضىٰ أحد، ولا تكتب حتّى لا يُقال عنك، ولا تجتهد لِيُصَفِّق لك النّاس، ولا تُكابد إلّا فيما يستحقّ! ثُمّ لِيَكُن لك من الخَفاء نَصيب، لا تنشر كُلّ ما تكتب، لا تُصوّر كلّ لحظاتك، لا تُخبر تفاصيلك، لا تجعل مِعيارَ رِضاك، رضاهم عنك! ثمّ لِيَكُن لك حَظّ من السّماء، أخلِص خُطاك، كثّف دُعاك، هَذِّب أنّاك، خالِف هَواك، ثُمّ ليكن لك مساحة سِر، عِش لله حُرًّا، عَمِّق لله سِرًّا، راقِب الله دومًا، واستقم.
قصيدة
31 Dec, 21:38
الناس ماعادها صاحيه
يا عرب وش هالادعيه وهالتباريك حتى النصارى ما سووها والله لو انها ليلة القدر
هدّو اللعب واستغفروا ربكم
يا عرب وش هالادعيه وهالتباريك حتى النصارى ما سووها والله لو انها ليلة القدر
هدّو اللعب واستغفروا ربكم
قصيدة
31 Dec, 21:12
لم أرَ نصرانيًا يتسابق للتصوير مع أُضحية العيد، ولكني رأيت متخاذلي المسلمين يتسابقون للتصوير مع شجرة الكريسماس!
آمنتُ واللّٰهِ بأن من أخبرنا عن "جحر الضب" نبي مرسل لا ينطق عن الهوى!
مرتقى
آمنتُ واللّٰهِ بأن من أخبرنا عن "جحر الضب" نبي مرسل لا ينطق عن الهوى!
مرتقى
قصيدة
31 Dec, 20:16
لمستقرٍ لها ..تجري ركاب السنين
من غيّ عمري مداد، ومن رشاده كِفاف
على طلل عمري الماضي معي دمعتين
وعلى ضفاف الصبا للطيش باقي ضفاف
من وين أبشعب ركاب العمر.. ولا لوين
والأرض قفراء، وقربان المسافة عجاف
كانت مناهل سنيني معك ماءٍ معين
قبل يتمادى على وجه السنين الجفاف
لي منك ما للشكوك من إحتضار اليقين
ولك مني أستقبلك وجهة وعمري خلاف
- عبدالله البديري
من غيّ عمري مداد، ومن رشاده كِفاف
على طلل عمري الماضي معي دمعتين
وعلى ضفاف الصبا للطيش باقي ضفاف
من وين أبشعب ركاب العمر.. ولا لوين
والأرض قفراء، وقربان المسافة عجاف
كانت مناهل سنيني معك ماءٍ معين
قبل يتمادى على وجه السنين الجفاف
لي منك ما للشكوك من إحتضار اليقين
ولك مني أستقبلك وجهة وعمري خلاف
- عبدالله البديري
قصيدة
31 Dec, 18:25
وصل ركب الرحيل لشاطيء الغربة ودار اجناب
بعد طول الطريق اللي تمادى..واتعب اركابي
ضحك وجه المدينه للمسافر والوجيه أغراب
وانا عابر سبيل وضحكتي ماصافحت نابي !!
وقفت انظر على شط المدينه ،والجروح أسراب
ولعنت( أم الحنين)وسالت الدمعه على اهدابي
هنا كنت الغريب..بلا حبيب..و لاوطن..واقراب
حزين وماقدرت اجمع شتاتي،واحسب حسابي
حداني للسهر جرحٍ سجنّي بين ناب..وناب
وتركني بين صمت الذكريات.. بصفحة كتابي
حبيبي والغلا جرحٍ ذكرته وانفتح له باب
وانا لو ماذكرتك وانت ناسي .. ويش يبقى بي؟
صحى هم الفراق ..اللي فتح للذكريات ابواب
وغفيت وماصحيت الا وطيفك يطرق ابوابي ؟
حبيبي ترسم الغيمه ملامح وجهك الجذاب
واشوفك وين مالد النظر مع كل سردابي
ذكرت اول لقاء فيه اجتمعنا بالغرام احباب
الين آخر لقا منه افترقنا .. وآخر اتعابي
فداك الجرح ياوجهٍ تركني للملام وغاب
بقى له في حياتي طعنتين،وجرح ماطابي !!
وانا اللي كنت اضيع بنظرتك شوق و وله ،واعجاب
واضيق بغيبتك..وتضيق بي دنياي ..وثيابي
عطيتك قلب واشواق وحنين ..وفيك ظني خاب
احسب انك تمنى رجعتي.. واثرك تسلى بي !!
تبعتك مثل ضحضاح السراب ..وجيت لك مرتاب
واشوفك مثل الامس المستحيل .. وباكر الغابي؟
حبيبي وانت ماتسوى ملام..ولا انت قد عتاب !!
تعداك الملامه .. والعتاب.. وشرهة ذيابي ؟!
خطاي اني تماديت بغلاك .. وماحسبت حساب
احسب ان الوفاء طبع البشر .. واحبابي ..احبابي
وعزاي اني ردعت القلب عن باقي غلاك وتاب
وصحى في داخلي طفلٍ غرير ، وشايب اعرابي !!
حبيبي للصبر بالٍ طويل وللجروح اسباب
وانا مارحت ادور للجروح .. اعذار واسبابي
حبيبي يوم شفت ان الزمان برجعتك كذاب
تركتك للتجافي .. والغرور .. بزحمة اصحابي
رحلت وقلت اسافر عنك وأجزيك الغياب : غياب
أبـبعد واستريح من السهر .. وأريح اعصابي !!
هجرت ارض الجروح ابغى عن تراب الجروح تراب
عساي انساك ..وانسى رجعتك والجرح.. وترابي
يطيب الجرح والا ياعسى جرح الهوى..ماطاب
بكيفك داو جرحك واستريح ،وجرحي اولابي
طلع صبح الفراق بشاطيء الغربه ودار اجناب
ولعنت ام الحنين وسالت الدمعه على اهدابي !
- عادل الذيابي
بعد طول الطريق اللي تمادى..واتعب اركابي
ضحك وجه المدينه للمسافر والوجيه أغراب
وانا عابر سبيل وضحكتي ماصافحت نابي !!
وقفت انظر على شط المدينه ،والجروح أسراب
ولعنت( أم الحنين)وسالت الدمعه على اهدابي
هنا كنت الغريب..بلا حبيب..و لاوطن..واقراب
حزين وماقدرت اجمع شتاتي،واحسب حسابي
حداني للسهر جرحٍ سجنّي بين ناب..وناب
وتركني بين صمت الذكريات.. بصفحة كتابي
حبيبي والغلا جرحٍ ذكرته وانفتح له باب
وانا لو ماذكرتك وانت ناسي .. ويش يبقى بي؟
صحى هم الفراق ..اللي فتح للذكريات ابواب
وغفيت وماصحيت الا وطيفك يطرق ابوابي ؟
حبيبي ترسم الغيمه ملامح وجهك الجذاب
واشوفك وين مالد النظر مع كل سردابي
ذكرت اول لقاء فيه اجتمعنا بالغرام احباب
الين آخر لقا منه افترقنا .. وآخر اتعابي
فداك الجرح ياوجهٍ تركني للملام وغاب
بقى له في حياتي طعنتين،وجرح ماطابي !!
وانا اللي كنت اضيع بنظرتك شوق و وله ،واعجاب
واضيق بغيبتك..وتضيق بي دنياي ..وثيابي
عطيتك قلب واشواق وحنين ..وفيك ظني خاب
احسب انك تمنى رجعتي.. واثرك تسلى بي !!
تبعتك مثل ضحضاح السراب ..وجيت لك مرتاب
واشوفك مثل الامس المستحيل .. وباكر الغابي؟
حبيبي وانت ماتسوى ملام..ولا انت قد عتاب !!
تعداك الملامه .. والعتاب.. وشرهة ذيابي ؟!
خطاي اني تماديت بغلاك .. وماحسبت حساب
احسب ان الوفاء طبع البشر .. واحبابي ..احبابي
وعزاي اني ردعت القلب عن باقي غلاك وتاب
وصحى في داخلي طفلٍ غرير ، وشايب اعرابي !!
حبيبي للصبر بالٍ طويل وللجروح اسباب
وانا مارحت ادور للجروح .. اعذار واسبابي
حبيبي يوم شفت ان الزمان برجعتك كذاب
تركتك للتجافي .. والغرور .. بزحمة اصحابي
رحلت وقلت اسافر عنك وأجزيك الغياب : غياب
أبـبعد واستريح من السهر .. وأريح اعصابي !!
هجرت ارض الجروح ابغى عن تراب الجروح تراب
عساي انساك ..وانسى رجعتك والجرح.. وترابي
يطيب الجرح والا ياعسى جرح الهوى..ماطاب
بكيفك داو جرحك واستريح ،وجرحي اولابي
طلع صبح الفراق بشاطيء الغربه ودار اجناب
ولعنت ام الحنين وسالت الدمعه على اهدابي !
- عادل الذيابي
قصيدة
31 Dec, 18:24
ما كفاك الوقت تغفر لي وتترفق بصدّي ؟
الزعل يكبر وانا احسب كم بياخذ من سنيني
ما زهدتك لو مسكت الشمس والقمرا بيدّي
و ما تمنّى غير يدّك تمسك - براحه يديني-
- مها
الزعل يكبر وانا احسب كم بياخذ من سنيني
ما زهدتك لو مسكت الشمس والقمرا بيدّي
و ما تمنّى غير يدّك تمسك - براحه يديني-
- مها
قصيدة
30 Dec, 21:34
تذكير:
الانتقال من سنة ميلادية إلى سنة جديدة لا يعني للمسلم شيئًا وإنما هي أيام من أيام الله تعالى كسائر الأيام فلا دعاء خاص! ولا صلاة خاصة! ولا غيرها من العبادات، يعني باختصار .. الانتقال من تاريخ ٣١ / ١٢ إلى ١ / ١ هو حدثٌ لا يعني لك شيئًا .. فكُن طبيعيًا
و في نهاية 2024، ستكثر الرسائل التي تسبّ العام وتنسب كل ما حدث فيه إليه، وتنادي وتدعو سنة 2025 لتأتي بالرزق والخير والأمنيات، وهذا شرك صريح، السنوات لا تفعل، لا تغيّر، لا تُعطي، ولا تحقّق شيئًا
الانتقال من سنة ميلادية إلى سنة جديدة لا يعني للمسلم شيئًا وإنما هي أيام من أيام الله تعالى كسائر الأيام فلا دعاء خاص! ولا صلاة خاصة! ولا غيرها من العبادات، يعني باختصار .. الانتقال من تاريخ ٣١ / ١٢ إلى ١ / ١ هو حدثٌ لا يعني لك شيئًا .. فكُن طبيعيًا
و في نهاية 2024، ستكثر الرسائل التي تسبّ العام وتنسب كل ما حدث فيه إليه، وتنادي وتدعو سنة 2025 لتأتي بالرزق والخير والأمنيات، وهذا شرك صريح، السنوات لا تفعل، لا تغيّر، لا تُعطي، ولا تحقّق شيئًا
قصيدة
29 Dec, 17:02
على مغنّ الشمس باقي دمعتين
بتطيح و يقوم الضيا من مرقده
أنا آتحرى الفجر لي حول شهرين
كني عقيمٍ يحتري شوف ولده
يامعشر الي فوق كبدي سامرين
ما مرّكم صبحٍ يباريه جعده
هزيمتي لا مرّة و لا مرتين
لا قام مجدوله يمازح عسجده
العاتق المنتوق قبل أربع سنين
واعدني ب ليلة ولا اوفى بوعدهْ
كل المحبة نظرتين و كلمتين
ياقلبٍ تكذّب مناشيه رعدهْ
نصيبك البارح لعنةٍ الوالدين
و نصيبك اليوم إلتفاته و لهده
آحايل البسمة من الثغر الحزين
لاقام جمره يصطلي دون بْردهْ
كم لي و انا اواسيه بالعذر السمين
و اسهر على ناره ولا آذوق شهده
خلوني استنطق عيون الشعر لين
اقلّطه مثل الخليفة فبلده
في ضفّي الشعار و المتذوقين
مرّه تصفّق له و مره تحسده
تعدّ ما قدامك إلا الفرقدين
في واديٍ تهوي إليه الأفئدة
يا بِعد بيتك من ظنون الشامتين
قلته و لا قالو ياوجه الله عدِه
ليه تصدد عن بقايا الراحلين ؟
الموت مثل العمر مره وحّْده
العقلٍ ضيفٍ رايه الرأي الرزين
و القلبٍ ضيفٍ غدّه ولا تنشده
اللقمة الي دونها أنياب و عرين
آحلى من الي باردة و مبرّدة
يالله بيومٍ فرجته فرجه سجين
يشيّخ الايام قبله و بعده
يا اقسى طعوني شايبٍ سمّاك لين
وش عذره ان وارى طموحي فلحده
خلي يديني لين آشوف الدرب زين
انتي عذية و المسافة مجهدة
قلبي يقول بنلتقي لو بعد حين
ياوجهٍ اعرف قيمته قبل افقده
اقرى كلامك في وجيه العابرين
و اعمي عيوني قبل اترجم مقصده
وشلون ما اداريك وانتي ياسمين
أنا معك حتى السكوت افقّده
اغضي بسودك لين اشوف طويق طين
و ميِلي بعودك لين ظلّه يسنده
الي عظامه ما تشيله خطوتين
تقتاده طيوفك و يقتاد سهده
ان قال مابعد الحنان إلا الحنين
قولي بيرجع لي و يبشر بسعده
آنتي و أنا و الليل و الجرح الدفين
لحالنا يوم القلوب مجنّده
شوقٍ على حدّه كلامك ما يبين
أنا آعرف عيونك ماتقدر تجحده
و حبٍ تساومه الحياة بطعنتين
ما يملك إلا روحه الي فجسده
يآ اعذب قصيدي شاعرك خالي يدين
لو وقّف الدنيا على راحة يده
- متعب البقيلي
بتطيح و يقوم الضيا من مرقده
أنا آتحرى الفجر لي حول شهرين
كني عقيمٍ يحتري شوف ولده
يامعشر الي فوق كبدي سامرين
ما مرّكم صبحٍ يباريه جعده
هزيمتي لا مرّة و لا مرتين
لا قام مجدوله يمازح عسجده
العاتق المنتوق قبل أربع سنين
واعدني ب ليلة ولا اوفى بوعدهْ
كل المحبة نظرتين و كلمتين
ياقلبٍ تكذّب مناشيه رعدهْ
نصيبك البارح لعنةٍ الوالدين
و نصيبك اليوم إلتفاته و لهده
آحايل البسمة من الثغر الحزين
لاقام جمره يصطلي دون بْردهْ
كم لي و انا اواسيه بالعذر السمين
و اسهر على ناره ولا آذوق شهده
خلوني استنطق عيون الشعر لين
اقلّطه مثل الخليفة فبلده
في ضفّي الشعار و المتذوقين
مرّه تصفّق له و مره تحسده
تعدّ ما قدامك إلا الفرقدين
في واديٍ تهوي إليه الأفئدة
يا بِعد بيتك من ظنون الشامتين
قلته و لا قالو ياوجه الله عدِه
ليه تصدد عن بقايا الراحلين ؟
الموت مثل العمر مره وحّْده
العقلٍ ضيفٍ رايه الرأي الرزين
و القلبٍ ضيفٍ غدّه ولا تنشده
اللقمة الي دونها أنياب و عرين
آحلى من الي باردة و مبرّدة
يالله بيومٍ فرجته فرجه سجين
يشيّخ الايام قبله و بعده
يا اقسى طعوني شايبٍ سمّاك لين
وش عذره ان وارى طموحي فلحده
خلي يديني لين آشوف الدرب زين
انتي عذية و المسافة مجهدة
قلبي يقول بنلتقي لو بعد حين
ياوجهٍ اعرف قيمته قبل افقده
اقرى كلامك في وجيه العابرين
و اعمي عيوني قبل اترجم مقصده
وشلون ما اداريك وانتي ياسمين
أنا معك حتى السكوت افقّده
اغضي بسودك لين اشوف طويق طين
و ميِلي بعودك لين ظلّه يسنده
الي عظامه ما تشيله خطوتين
تقتاده طيوفك و يقتاد سهده
ان قال مابعد الحنان إلا الحنين
قولي بيرجع لي و يبشر بسعده
آنتي و أنا و الليل و الجرح الدفين
لحالنا يوم القلوب مجنّده
شوقٍ على حدّه كلامك ما يبين
أنا آعرف عيونك ماتقدر تجحده
و حبٍ تساومه الحياة بطعنتين
ما يملك إلا روحه الي فجسده
يآ اعذب قصيدي شاعرك خالي يدين
لو وقّف الدنيا على راحة يده
- متعب البقيلي
قصيدة
29 Dec, 14:53
لو يدفّي الصوف جلدي والضلوع تْطوّى
ما تدفّي برد جوفي جمرةٍ وقّادة
البرود اللي أحسّه غير برد آلاجوا
والشعور اللي بصدري غير حزن العادة
انتمي للعزله لْحالي واعاف الاضوا
واجفل مْن الناس وتمرّ الليالي سادة
وتنقضي ليلة بليّا انجاز وبْلا جدوى
وتبتدي ليلة بنفس شْعورها وزْيادة
- نوف العثمان
ما تدفّي برد جوفي جمرةٍ وقّادة
البرود اللي أحسّه غير برد آلاجوا
والشعور اللي بصدري غير حزن العادة
انتمي للعزله لْحالي واعاف الاضوا
واجفل مْن الناس وتمرّ الليالي سادة
وتنقضي ليلة بليّا انجاز وبْلا جدوى
وتبتدي ليلة بنفس شْعورها وزْيادة
- نوف العثمان
قصيدة
28 Dec, 20:29
هات لي من جعبة الورّاق.. للمطلع تتمّة
في ردون معتّق الغايات تبرير الوسايل
كل ما وارى المساء وجه النهار أطراف كمّه
أجمع شفوفٍ على كثرة مساعيها قلايل
يصعد الشاعر على مرأى من عيون الأئمّة
سلّم المحراب، ويفضّ الختوم من الرسايل
لو تماكن زلّة الكلمة على طرّاف فمّه
مقتفيته زلّة الخطوة على الجرف المهايل
كان ما عيّن مرَدّ الي كتب.. من نزف دمّه
لا تغارب ضيعته -من عقب ما دلّ- القوايل
أتهادى.. من خباري كل شعب لـ سفح قمة
كنّ في صدري ورى الزرفال طلّابة عقايل
داخلي من نزعة طيور السماء، للروح زمّة
جايزٍ عن بارد الفيّة من أطراف الخمايل
مستجدّ العمر ما عقب الظما ألا ورد جمة
و البقاء للي نذر لك وقفته، ولّا أنت زايل
في دروبك لا أستقامت خطوته، ميّل معمّه
يستحثّ لغايته ممشىً عدال.. وقلب مايل
لا تعدّاه الملام، ولا أقصرت عنه المذمّة
كان ما بلّ العروق الذاويات من المخايل
وأنت يا ملح القصيد، ودافعه، وأسباب همّه
شفني بعين الضمير الحيّ.. وتشوف الدلايل
سقت لك عمري، وسلّمتك جداه، وقلت سمّه
ما حملت ألا الشعور العفّ.. بضلوعٍ نحايل
هاك ثرّ الملح فوق الجرح وأليا ضقت لمّه
وخلّني في وجه مردود البرا عن كل عايل
حاول النسيان.. في بالٍ معك: بيّاع ذمّة
وأنتزع لك كل ما لا ينُتَزع عنوة؟ محايَل
وهذا أنا للدمع في عيني وعد مع برد كمّه
يا كثر ما لك ورى الضلع القصيّر من عمايل
كان جاذبك الرضا ليلة، تمثنى الركب يَمّه
في نحا الي ما أستعاض بطلّة عيونك بدايل
والله أنه بينه وبين النفَس والموت: ضمّة
جد بها، ولا أردم لمثوى الجسد حمر النثايل
- عبدالله البديري
في ردون معتّق الغايات تبرير الوسايل
كل ما وارى المساء وجه النهار أطراف كمّه
أجمع شفوفٍ على كثرة مساعيها قلايل
يصعد الشاعر على مرأى من عيون الأئمّة
سلّم المحراب، ويفضّ الختوم من الرسايل
لو تماكن زلّة الكلمة على طرّاف فمّه
مقتفيته زلّة الخطوة على الجرف المهايل
كان ما عيّن مرَدّ الي كتب.. من نزف دمّه
لا تغارب ضيعته -من عقب ما دلّ- القوايل
أتهادى.. من خباري كل شعب لـ سفح قمة
كنّ في صدري ورى الزرفال طلّابة عقايل
داخلي من نزعة طيور السماء، للروح زمّة
جايزٍ عن بارد الفيّة من أطراف الخمايل
مستجدّ العمر ما عقب الظما ألا ورد جمة
و البقاء للي نذر لك وقفته، ولّا أنت زايل
في دروبك لا أستقامت خطوته، ميّل معمّه
يستحثّ لغايته ممشىً عدال.. وقلب مايل
لا تعدّاه الملام، ولا أقصرت عنه المذمّة
كان ما بلّ العروق الذاويات من المخايل
وأنت يا ملح القصيد، ودافعه، وأسباب همّه
شفني بعين الضمير الحيّ.. وتشوف الدلايل
سقت لك عمري، وسلّمتك جداه، وقلت سمّه
ما حملت ألا الشعور العفّ.. بضلوعٍ نحايل
هاك ثرّ الملح فوق الجرح وأليا ضقت لمّه
وخلّني في وجه مردود البرا عن كل عايل
حاول النسيان.. في بالٍ معك: بيّاع ذمّة
وأنتزع لك كل ما لا ينُتَزع عنوة؟ محايَل
وهذا أنا للدمع في عيني وعد مع برد كمّه
يا كثر ما لك ورى الضلع القصيّر من عمايل
كان جاذبك الرضا ليلة، تمثنى الركب يَمّه
في نحا الي ما أستعاض بطلّة عيونك بدايل
والله أنه بينه وبين النفَس والموت: ضمّة
جد بها، ولا أردم لمثوى الجسد حمر النثايل
- عبدالله البديري
قصيدة
28 Dec, 19:39
جعل الرياض لبارد النسمة وهمّال السحاب
لين إتثنّى لي خزاماها وتلعب ريمها
ماعاد باقي غير أمدّ الشوف وأكفّ العتاب
وأضحك على سود الليال اللي لحقني ضيمها
كم عوّدت بي في مرابيها بعد طول الغياب
ريميةٍ ياما كتبت الشعر من ترنيمها
أنا بدويٍ لو يعنّ الأرض، ويشدّ الركاب
لا زال رحّال العيون الناعسة ومقيمها
- مشاري محمد
لين إتثنّى لي خزاماها وتلعب ريمها
ماعاد باقي غير أمدّ الشوف وأكفّ العتاب
وأضحك على سود الليال اللي لحقني ضيمها
كم عوّدت بي في مرابيها بعد طول الغياب
ريميةٍ ياما كتبت الشعر من ترنيمها
أنا بدويٍ لو يعنّ الأرض، ويشدّ الركاب
لا زال رحّال العيون الناعسة ومقيمها
- مشاري محمد
قصيدة
28 Dec, 18:04
انت معطيك الله .. اللي ما عطاه اجناسك
جعل ربـّي في وصالك ما يضيّق سُبلي
كل ما في راسك من اوهام .. يسلم راسك
تختفي لا من بديت اقرب لك .. وتقرب لي
وابتدت الاشواق تلعب في سياق أنفاسك
ولهفتي لك يمكن تنسـّيك عمرك قبلي !
حبّك اللي مبتليني فيك يا أجمل ناسك
ومنك محسوب البلا من كبر حظ المـَبلي
كل شيّ يخصـني في بالك وفـ احساسك
دمعتك تحسب علي..وضحكتك تحسب لي
- بدر بندر
جعل ربـّي في وصالك ما يضيّق سُبلي
كل ما في راسك من اوهام .. يسلم راسك
تختفي لا من بديت اقرب لك .. وتقرب لي
وابتدت الاشواق تلعب في سياق أنفاسك
ولهفتي لك يمكن تنسـّيك عمرك قبلي !
حبّك اللي مبتليني فيك يا أجمل ناسك
ومنك محسوب البلا من كبر حظ المـَبلي
كل شيّ يخصـني في بالك وفـ احساسك
دمعتك تحسب علي..وضحكتك تحسب لي
- بدر بندر
قصيدة
28 Dec, 18:02
متغير ، و لحيتك بيّن عليها المشيب
ذبلت مثل السرور اللي بـ صدرك ذبل
سعادتك غايبه ، و انا ما بيها تغيب
لو انها في يدي جتك السعاده دبل
انت الابو و الاخو و العايله و الحبيب
لو هزك الحزن تبقى في عيوني جبل
اللي بنفسك تحت حكم القدر والنصيب
ويكفيني اسعى على شانك بشتى السبل
الحزن يصنع من المألوف وجهٍ غريب
واخاف لاشفتك أسأل وين شفتك قبل ؟
- العنود الواصلية
ذبلت مثل السرور اللي بـ صدرك ذبل
سعادتك غايبه ، و انا ما بيها تغيب
لو انها في يدي جتك السعاده دبل
انت الابو و الاخو و العايله و الحبيب
لو هزك الحزن تبقى في عيوني جبل
اللي بنفسك تحت حكم القدر والنصيب
ويكفيني اسعى على شانك بشتى السبل
الحزن يصنع من المألوف وجهٍ غريب
واخاف لاشفتك أسأل وين شفتك قبل ؟
- العنود الواصلية
قصيدة
28 Dec, 14:39
اسرفي بالسلهمه يام المظاليل الوساع
كلّ نظره من عيونك كنّها تجديد بيعه
يا نعيمي فالحياة وجنتي واغلى متاع
يوم قلبي مهلكه برد الشتا صرتي ربيعه
من خلالك عشت لهفه ورّدتني للضياع
انتي اكثر شخص ادلّ دروبه وأرجع اضيعه
يوم كنت اخشى المفارق صرت لعيونك شجاع
وعمري اللي تفتدينه؟ مستعدّ اني ابيعه
والله اني من بعدْك انسان يغريه الوداع
وكلّ تلويحه موادع جعلها لْفقدك شفيعه
- مها
كلّ نظره من عيونك كنّها تجديد بيعه
يا نعيمي فالحياة وجنتي واغلى متاع
يوم قلبي مهلكه برد الشتا صرتي ربيعه
من خلالك عشت لهفه ورّدتني للضياع
انتي اكثر شخص ادلّ دروبه وأرجع اضيعه
يوم كنت اخشى المفارق صرت لعيونك شجاع
وعمري اللي تفتدينه؟ مستعدّ اني ابيعه
والله اني من بعدْك انسان يغريه الوداع
وكلّ تلويحه موادع جعلها لْفقدك شفيعه
- مها
قصيدة
27 Dec, 03:41
تستحبُ الصدقة يومَ الجمعة، فقد جاء عن كعبٍ أنّ الصدقةَ فيه، أعظمُ من الصدقة في سائر الأيام
قصيدة
24 Dec, 20:41
يلاعبك الهوى والارض خضرا ياعويد الراك
يناديني حفيفك ليه ظلّك مايناديني ؟
لو أفواه الشماتة بالملام تحطّني مسواك
عزاي الطهر في وجه الشبه مابينك وبيني
من الاسوار ياسورٍ دخلتك كنت أخاف حمْاك
تخيّلتك ضياعي .. ماتخيّلتك تقدّيني !
من أحداث الليالي؟ لاغريب تشوفني شكّاك
ياليت ان كثرة الاحداث ترحم قلّة سنيني
أنا يرضيني انك تكسب بفعل الصحيح رضاك
ولا يرضيني انك تفعله من شان ترضيني
على كثر الشكوك اللي تطولك من كلام عداك
طرى مشواري اللي فالبداية كاد ينهيني
لقيت الاحترام بداخلك والصدق في مبداك
أنا في كل خطوة ضايعة قبل أوصلك ويني؟
حزين ان الستاير واقفة ماتشكر الشبّاك
على صفق الهبايب؟ وقفة الشباك تعنيني
صحيح آخاف بس آخاف من تقصيري بذكراك
ولا احط البلا فالناس .. لاصار البلا فيني
بدون إدراك كنت بكل حرف مْن القصيد أدراك
تخلّيني جسد لكن " قصايد " لاتخليني
أقول لرايتك لارفرفت جعل السنين فداك
تراني جيت لك ماعندي الا الشعر بيديني
لو تْطيحين من عيني قدرت اوادعك وانساك
لكنّك في خيالي واقفة والطايحة عيني
- أيمن الرويلي
يناديني حفيفك ليه ظلّك مايناديني ؟
لو أفواه الشماتة بالملام تحطّني مسواك
عزاي الطهر في وجه الشبه مابينك وبيني
من الاسوار ياسورٍ دخلتك كنت أخاف حمْاك
تخيّلتك ضياعي .. ماتخيّلتك تقدّيني !
من أحداث الليالي؟ لاغريب تشوفني شكّاك
ياليت ان كثرة الاحداث ترحم قلّة سنيني
أنا يرضيني انك تكسب بفعل الصحيح رضاك
ولا يرضيني انك تفعله من شان ترضيني
على كثر الشكوك اللي تطولك من كلام عداك
طرى مشواري اللي فالبداية كاد ينهيني
لقيت الاحترام بداخلك والصدق في مبداك
أنا في كل خطوة ضايعة قبل أوصلك ويني؟
حزين ان الستاير واقفة ماتشكر الشبّاك
على صفق الهبايب؟ وقفة الشباك تعنيني
صحيح آخاف بس آخاف من تقصيري بذكراك
ولا احط البلا فالناس .. لاصار البلا فيني
بدون إدراك كنت بكل حرف مْن القصيد أدراك
تخلّيني جسد لكن " قصايد " لاتخليني
أقول لرايتك لارفرفت جعل السنين فداك
تراني جيت لك ماعندي الا الشعر بيديني
لو تْطيحين من عيني قدرت اوادعك وانساك
لكنّك في خيالي واقفة والطايحة عيني
- أيمن الرويلي
قصيدة
23 Dec, 15:59
تمايل يا غصين الراك وارم الشال
على حْضورٍ مُهيب ونفس غوّايه
ودقّ قلوبهم مع دقة الخلخال
جعل من يجهله مايطرب لنايه
أنا لو امشي بهوني مشيت اختال
كذا طبع الغزال ان كان هو الغايه
مع النسمات اميل ويلعب السلسال
سعيد انه على جيد المها تايه
انا اعطي للجماد احساس ما ينطال
وأبثّ الروح فيه و تنخلق آيه
مثل ما اعطي محبّيني من الأفضال
عطيتك يا حبيبي أعذب حكايه
بتبطي وانت يالغايب حبيب البال
وأكيييد ان ما لقصّة حبّك نهايه
شربت الشوق ماهزيت لك فنجال
أراضي خاطرٍ ما دوّر رضايه
جعل ربي يغيثك ماطرٍ همّال
لعلّ الله يبلّ ظماك وظمايه
بعد فرقاك يا كم نحت عالاطلال
جعل حزني عليك البارح كْفايه
تأكّد ما لغيرك فالحشا منزال
ولا احدٍ غيرك اشجاني من اقصايه
ولا ادري كيف عقبك ماتت الآمال
وشعري صار يكسر قلب قرّايه
غريبه كيف يهنى لك غيابٍ طال
مع انّ عيوني الثنتين -سبّايه-
حزينه.. والليالي صمتها قتّال
ياليت الدمع للأحزان محّايه
ذرفت دموع عيني لين كحلي سال
انا لي قلب هشّ وعين بكّايه
وقصيدي كلما هِلّت دموعي انهال
كأنه عالمواسى ماخذ وْصايه
لقيته عن هجير الذكريات ظلال
لو انه للملا يوشي بي وشايه
حبيبي..يا حبيب الحلّ والترحال
أنا وياك .. لو ما كنت ويّايه
سريتك يا حبيبي والدروب طوال
لعلّ الدرب يرحم ضعف سرّايه
واذا مريت دربك وابتدا الموّال؟
دخيلك .. شرّبوني موية قرايه
غزالك لو سهامك صابته لازال
يحبّ آخر جراحك فيه للغايه
- مها
على حْضورٍ مُهيب ونفس غوّايه
ودقّ قلوبهم مع دقة الخلخال
جعل من يجهله مايطرب لنايه
أنا لو امشي بهوني مشيت اختال
كذا طبع الغزال ان كان هو الغايه
مع النسمات اميل ويلعب السلسال
سعيد انه على جيد المها تايه
انا اعطي للجماد احساس ما ينطال
وأبثّ الروح فيه و تنخلق آيه
مثل ما اعطي محبّيني من الأفضال
عطيتك يا حبيبي أعذب حكايه
بتبطي وانت يالغايب حبيب البال
وأكيييد ان ما لقصّة حبّك نهايه
شربت الشوق ماهزيت لك فنجال
أراضي خاطرٍ ما دوّر رضايه
جعل ربي يغيثك ماطرٍ همّال
لعلّ الله يبلّ ظماك وظمايه
بعد فرقاك يا كم نحت عالاطلال
جعل حزني عليك البارح كْفايه
تأكّد ما لغيرك فالحشا منزال
ولا احدٍ غيرك اشجاني من اقصايه
ولا ادري كيف عقبك ماتت الآمال
وشعري صار يكسر قلب قرّايه
غريبه كيف يهنى لك غيابٍ طال
مع انّ عيوني الثنتين -سبّايه-
حزينه.. والليالي صمتها قتّال
ياليت الدمع للأحزان محّايه
ذرفت دموع عيني لين كحلي سال
انا لي قلب هشّ وعين بكّايه
وقصيدي كلما هِلّت دموعي انهال
كأنه عالمواسى ماخذ وْصايه
لقيته عن هجير الذكريات ظلال
لو انه للملا يوشي بي وشايه
حبيبي..يا حبيب الحلّ والترحال
أنا وياك .. لو ما كنت ويّايه
سريتك يا حبيبي والدروب طوال
لعلّ الدرب يرحم ضعف سرّايه
واذا مريت دربك وابتدا الموّال؟
دخيلك .. شرّبوني موية قرايه
غزالك لو سهامك صابته لازال
يحبّ آخر جراحك فيه للغايه
- مها
قصيدة
21 Dec, 13:00
من دروبٍ، فتك فيها الزمن ما قلت : قافي شاب
عساني .. لا أستمالت خطوتي ما أضيّع أهدافي!
وقفت، وما وقفت إلا عشان أدخل مع أكبر باب
معي طاروقٍ .. أسمع له صدى في راس مشرافي
أعرف مهيَّب الصامل، وأعرف مجري الهيَّاب
وأعرف أفرق مثل ما يفرق الطيب عن الهافي
لا شفت اللي تدرهم به ركابه للعلا، و يهاب!
عقرت بعيري و رحت أخذ أحلامي وأنا حافي
طموحي، يوم أسج البال و أعدّي على المرقاب
أفوز بـ ليلةٍ .. يحضر قمرها ( مولد أنصافي )!
طرقت من الشعر ما يدفع الناقد على الاعجاب
و جنيت من الهوى ما يجني المجفي من الجافي
"معاذير الغلا" تجعل دوافع جيتي بأسباب!
وانا لولا أشتياقي ، كان ما شالتني أطرافي
تخطّيت المشاعر والعيون تقول يا كذاب
كلامٍ تكشفه عيني.. طبيعي يكشفه قافي
يكفيني .. ليا مريت داره والهوى غلاب؟
أعسّ الدار وأمدّ النظر واللي حصل كافي
ضحايا الحب ! ما فيهم طرف ينقال له منصاب
سكاكين الحبيب .. تخلي الموات متعافي !!
على كثر الكلام اخترت لي كلمة بدون إسهاب
ترا ما زال عندي ما يسلي جرحي الخافي
معي قلب بدويٍ .. ما يعرْف يعاتب الغياب؟
أعَرْف أغيب .. لكن مستحيل أناظر خلافي.
- فهد الشلاحي
عساني .. لا أستمالت خطوتي ما أضيّع أهدافي!
وقفت، وما وقفت إلا عشان أدخل مع أكبر باب
معي طاروقٍ .. أسمع له صدى في راس مشرافي
أعرف مهيَّب الصامل، وأعرف مجري الهيَّاب
وأعرف أفرق مثل ما يفرق الطيب عن الهافي
لا شفت اللي تدرهم به ركابه للعلا، و يهاب!
عقرت بعيري و رحت أخذ أحلامي وأنا حافي
طموحي، يوم أسج البال و أعدّي على المرقاب
أفوز بـ ليلةٍ .. يحضر قمرها ( مولد أنصافي )!
طرقت من الشعر ما يدفع الناقد على الاعجاب
و جنيت من الهوى ما يجني المجفي من الجافي
"معاذير الغلا" تجعل دوافع جيتي بأسباب!
وانا لولا أشتياقي ، كان ما شالتني أطرافي
تخطّيت المشاعر والعيون تقول يا كذاب
كلامٍ تكشفه عيني.. طبيعي يكشفه قافي
يكفيني .. ليا مريت داره والهوى غلاب؟
أعسّ الدار وأمدّ النظر واللي حصل كافي
ضحايا الحب ! ما فيهم طرف ينقال له منصاب
سكاكين الحبيب .. تخلي الموات متعافي !!
على كثر الكلام اخترت لي كلمة بدون إسهاب
ترا ما زال عندي ما يسلي جرحي الخافي
معي قلب بدويٍ .. ما يعرْف يعاتب الغياب؟
أعَرْف أغيب .. لكن مستحيل أناظر خلافي.
- فهد الشلاحي
قصيدة
21 Dec, 12:50
عليك ازكى السلام المعتبر يالشامخ النواف
ماني بـ اللي يهمّش موقفك يالمرقب العالي
ميانتنا تراها دمعتين ووقفتين وقاف
بعض الاحيان مثل ميانة الجالي على الجالي
لايفجعك الفراق الا بديت اطرّي المنكاف
ترى ربي خلقك لحالك وخالقني لحالي
انا ليه اكترث للشمس لا هفّت وراء المشراف
وهي لاهفّت اول مايقفّي عني ظلالي
على كثر العباد اللي على مترامية الاطراف
مايجذبني حنين الا الحنين لـ ربعها الخالي
اوقّف واتباهى لا دعتني ساعة الميقاف
حسب مبدا الثقه ماني بـ متغطرس ومتعالي
ماعفت من الطلوع الا الطلوع اللي على الاكتاف
ولا احب من النزول الا النزول لـ رغبة الغالي
وانا يافاتنة نجد العذيه ماعلي خلاف
لا قفّيتي على فال الغلا وانا على فالي
بداية كل ثورة كبرياء من نظرة استعطاف
وش اسوي وانا راسي عزيز وقلبي موالي
دفعنا بـ المشاعر كلها في حرب الاستنزاف
ماباقي غير يفصل في الامور ويلحق التالي
بدايتها تراني معتبرها رحلة استكشاف
ولا ادري كيف وصّلنا الطريق لـ وضعنا الحالي
يقولون الحذر لمّاح واقول الحذر خواف
كلام اللي يغامر والعمر في دبرة الوالي
تشوفين الحمول ثقال واشوف الحمول خفاف
عموماً يمكن اني مشتبه ولا يورّالي
مثل مايحفظ المصلاح قدر الفارع الميلاف
تمثني روض صدري وازبني من قسوة اهمالي
وإلا دارت صواديف الزمان وقلتي اسمي حاف
فـ امانه لاتجين لـ جرحي اللي كان متشالي
- معلّقه صالح النشيرا
ماني بـ اللي يهمّش موقفك يالمرقب العالي
ميانتنا تراها دمعتين ووقفتين وقاف
بعض الاحيان مثل ميانة الجالي على الجالي
لايفجعك الفراق الا بديت اطرّي المنكاف
ترى ربي خلقك لحالك وخالقني لحالي
انا ليه اكترث للشمس لا هفّت وراء المشراف
وهي لاهفّت اول مايقفّي عني ظلالي
على كثر العباد اللي على مترامية الاطراف
مايجذبني حنين الا الحنين لـ ربعها الخالي
اوقّف واتباهى لا دعتني ساعة الميقاف
حسب مبدا الثقه ماني بـ متغطرس ومتعالي
ماعفت من الطلوع الا الطلوع اللي على الاكتاف
ولا احب من النزول الا النزول لـ رغبة الغالي
وانا يافاتنة نجد العذيه ماعلي خلاف
لا قفّيتي على فال الغلا وانا على فالي
بداية كل ثورة كبرياء من نظرة استعطاف
وش اسوي وانا راسي عزيز وقلبي موالي
دفعنا بـ المشاعر كلها في حرب الاستنزاف
ماباقي غير يفصل في الامور ويلحق التالي
بدايتها تراني معتبرها رحلة استكشاف
ولا ادري كيف وصّلنا الطريق لـ وضعنا الحالي
يقولون الحذر لمّاح واقول الحذر خواف
كلام اللي يغامر والعمر في دبرة الوالي
تشوفين الحمول ثقال واشوف الحمول خفاف
عموماً يمكن اني مشتبه ولا يورّالي
مثل مايحفظ المصلاح قدر الفارع الميلاف
تمثني روض صدري وازبني من قسوة اهمالي
وإلا دارت صواديف الزمان وقلتي اسمي حاف
فـ امانه لاتجين لـ جرحي اللي كان متشالي
- معلّقه صالح النشيرا
قصيدة
19 Dec, 15:39
يغفَل الشباك و يوصي على النور الستاره
والستاره ما تغط النور و النور يتسلل
ماحدٍ يعشق نهاية ليله و مبدا نهاره
غير قلبٍ لا يحرم فـ الهوى ولا يحلل
يابعد من كنت ولا أزال له رهن الاشاره
جف سمعي وان بخلت بعذب صوتك ماتبلل
كان مالك في ليالي عمري الباقي زياره ؟
لاتزور القبر لين يبيد عظمي و أتحلل
أنتظرني لين اجي غيمه لـ ماطرها غزاره
حالفه لا آنساب بين اصابع إيدك و آتخلل
من قدر قبلك يشوف الدره بدون المحَاره ؟
من سمع صوت الظلام؟ وعلم الليل يتجلل ؟
ياحبيبي يوم أغني " هل رأى الحب سكارى "
مامعي غير الخيال اللي يجيبك و آتعلل
ولا انا لو ضاع معك العمر ماشفته خساره
ناصل السبعين و أنت بـ عيني الطفل المدلل
هات عذرك قبل لا يقفي جديلٍ في شقاره
مثل مجدول الشليل اللي مع الريح يتفلل
- العنود الواصلية
والستاره ما تغط النور و النور يتسلل
ماحدٍ يعشق نهاية ليله و مبدا نهاره
غير قلبٍ لا يحرم فـ الهوى ولا يحلل
يابعد من كنت ولا أزال له رهن الاشاره
جف سمعي وان بخلت بعذب صوتك ماتبلل
كان مالك في ليالي عمري الباقي زياره ؟
لاتزور القبر لين يبيد عظمي و أتحلل
أنتظرني لين اجي غيمه لـ ماطرها غزاره
حالفه لا آنساب بين اصابع إيدك و آتخلل
من قدر قبلك يشوف الدره بدون المحَاره ؟
من سمع صوت الظلام؟ وعلم الليل يتجلل ؟
ياحبيبي يوم أغني " هل رأى الحب سكارى "
مامعي غير الخيال اللي يجيبك و آتعلل
ولا انا لو ضاع معك العمر ماشفته خساره
ناصل السبعين و أنت بـ عيني الطفل المدلل
هات عذرك قبل لا يقفي جديلٍ في شقاره
مثل مجدول الشليل اللي مع الريح يتفلل
- العنود الواصلية
قصيدة
30 Nov, 15:20
ياربّ فـ ارضي قفر وبصدري جفاف
هلّ المزون اللي تفيض بْها الفيافي
محتاجه لغيمة مطر باوّل مطاف :
يبتلّ منها قلبي و باقي ضفافي
أزريت أدوّر في شتا عمري لحاف
والبرد مع شحّ المطر صعب التلافي
هذي حياتي بين طرق وبين قاف
شحّت قصايدها تجود بـ بيت دافي
واللي خلق ضلعيني العوج الرهاف
ما ارجي من قلوب البشر شال التحافي
وحدك يَـ ربّ الناس أدعي بارتجاف
وألقى على كثر التذلّل لك - مَنافي -
ماكنت اعرف ان الحياه صعبة طواف
كنّي طفل ؛ يمشي على رجليه حافي
وماكنت اخاف من الظما لكن أخاف
من ذنب حايل بيني و بين العوافي
من نظرة استخفاف لي نظرة مخاف
انهالت ابيات الرجا و سخّرت قافي
ياربّ سقيا تمحي سنينٍ عجاف
تروي بها أرض الفلا وجدب المنافي
ياربّ من رحمتْك بقلوب الضعاف
كان الأمل يكبر رغم مـ الغيم جافي
- مها
هلّ المزون اللي تفيض بْها الفيافي
محتاجه لغيمة مطر باوّل مطاف :
يبتلّ منها قلبي و باقي ضفافي
أزريت أدوّر في شتا عمري لحاف
والبرد مع شحّ المطر صعب التلافي
هذي حياتي بين طرق وبين قاف
شحّت قصايدها تجود بـ بيت دافي
واللي خلق ضلعيني العوج الرهاف
ما ارجي من قلوب البشر شال التحافي
وحدك يَـ ربّ الناس أدعي بارتجاف
وألقى على كثر التذلّل لك - مَنافي -
ماكنت اعرف ان الحياه صعبة طواف
كنّي طفل ؛ يمشي على رجليه حافي
وماكنت اخاف من الظما لكن أخاف
من ذنب حايل بيني و بين العوافي
من نظرة استخفاف لي نظرة مخاف
انهالت ابيات الرجا و سخّرت قافي
ياربّ سقيا تمحي سنينٍ عجاف
تروي بها أرض الفلا وجدب المنافي
ياربّ من رحمتْك بقلوب الضعاف
كان الأمل يكبر رغم مـ الغيم جافي
- مها
قصيدة
29 Nov, 09:58
ياربّ بك نبتلّ من نشفة الريق
ونعوذ بك من كلّ وسواس خنّاس
الأرض ماضاقت ولا تشتكي الضيق
الناس هُم من ضيّقوها على الناس
- عبدالمجيد الزهراني
ونعوذ بك من كلّ وسواس خنّاس
الأرض ماضاقت ولا تشتكي الضيق
الناس هُم من ضيّقوها على الناس
- عبدالمجيد الزهراني
قصيدة
29 Nov, 09:57
اصبحت يا رب السماوات بجلالتك استجير
من غفلة الدنيا تحت عفوك عزومي فاتره
انا الضعيف اللي ظلم نفسه وحملها الكثير
وانت الحليم اللي تزيده من نعمك وساتره
- عبدالله آل لزيوح
من غفلة الدنيا تحت عفوك عزومي فاتره
انا الضعيف اللي ظلم نفسه وحملها الكثير
وانت الحليم اللي تزيده من نعمك وساتره
- عبدالله آل لزيوح
قصيدة
29 Nov, 09:16
طلبتك، وانت غفّار الخطايا رازق النشّاد
تفيض برحمتك عاللي هلَك من كثرت ذنوبه
انا ياربّ احبك حبّ مايطري على العبّاد
واخافك خوف لو وزّع على اهل الأرض ماتوا به
تفيض برحمتك عاللي هلَك من كثرت ذنوبه
انا ياربّ احبك حبّ مايطري على العبّاد
واخافك خوف لو وزّع على اهل الأرض ماتوا به
قصيدة
27 Nov, 20:50
هذا هو من مولده لآخر فصوله
من يِجسّ النبض مايقدر يجسّه
يبتسم ، والابتسامات الخجولة
امّا يِرخي " حبلها " .. ولا يمسّه
القليل " يبيّنه " لـ الناس حوله
والكثيير اللي عن العالم يدسّه
والله إن كل الكلام .. اللي يقوله
ما يجي ربع الشعور اللي يحسه
- عبدالله السراهيد
من يِجسّ النبض مايقدر يجسّه
يبتسم ، والابتسامات الخجولة
امّا يِرخي " حبلها " .. ولا يمسّه
القليل " يبيّنه " لـ الناس حوله
والكثيير اللي عن العالم يدسّه
والله إن كل الكلام .. اللي يقوله
ما يجي ربع الشعور اللي يحسه
- عبدالله السراهيد
قصيدة
27 Nov, 18:33
عثى فيني الحزن وازريت ادوّر فالحياة ضماد
على الوجه المليح احزان مقريّه ومكتوبه
بعد ما كانت الضحكات تسبقني رضا وعناد
شفاتي عقبها صارت على الضحكات مغصوبه
دخيلك لا تشحّين القصايد يا حروف الضاد
من اللي يسعف الشاعر اذا ضاقت به دروبه؟
بعد ما ناحت الورقى وغنّت بالشعور الحاد
تأرجح قلبي المنهك ما بين الذنب والتوبه
طلبتك، وانت غفّار الخطايا رازق النشّاد
تفيض برحمتك عاللي هلَك من كثرت ذنوبه
انا ياربّ احبك حبّ مايطري على العبّاد
واخافك خوف لو وزّع على اهل الأرض ماتوا به
الافراح بحياتي دائمًا تلبس ثياب حداد
متى ياربّ تفرجها وْ أبدّل للفرَح ثوبه
تعبت اساير الأيام و اوطى جمرة المعتاد
والأيام السعيده من كِتاب العمر مسلوبه
احايل دمعتي من خوف اشمّت فيني الحسّاد
سنه واكثر وانا اجاهد دموع العين بصعوبه
ظميتك يا ملذات الحياة ونورها الوقّاد
انا ايامي قبل لا القى الفرج ماهيب محسوبه
- مها
على الوجه المليح احزان مقريّه ومكتوبه
بعد ما كانت الضحكات تسبقني رضا وعناد
شفاتي عقبها صارت على الضحكات مغصوبه
دخيلك لا تشحّين القصايد يا حروف الضاد
من اللي يسعف الشاعر اذا ضاقت به دروبه؟
بعد ما ناحت الورقى وغنّت بالشعور الحاد
تأرجح قلبي المنهك ما بين الذنب والتوبه
طلبتك، وانت غفّار الخطايا رازق النشّاد
تفيض برحمتك عاللي هلَك من كثرت ذنوبه
انا ياربّ احبك حبّ مايطري على العبّاد
واخافك خوف لو وزّع على اهل الأرض ماتوا به
الافراح بحياتي دائمًا تلبس ثياب حداد
متى ياربّ تفرجها وْ أبدّل للفرَح ثوبه
تعبت اساير الأيام و اوطى جمرة المعتاد
والأيام السعيده من كِتاب العمر مسلوبه
احايل دمعتي من خوف اشمّت فيني الحسّاد
سنه واكثر وانا اجاهد دموع العين بصعوبه
ظميتك يا ملذات الحياة ونورها الوقّاد
انا ايامي قبل لا القى الفرج ماهيب محسوبه
- مها
قصيدة
27 Nov, 10:09
من تلاقينا وانا ادري إن الوداع إلزامي
من قبل وقت اللقاء وأقدارنا مكتوبه :(
من قبل وقت اللقاء وأقدارنا مكتوبه :(
قصيدة
27 Nov, 10:09
وين انا يا تضحياتي عن بلوغ احلامي
كلّ ما زاد العزم دربي يزيد صعوبه
ليه احسّ المجريات اللي تمرّ اعوامي
ما تشابه للطموح اللي مشيت دروبه
خايف اسهب بالكتابه ثم تجفّ اقلامي
وخايف اذخر فكرتي وتْمرّني مكتوبه
المدى اللي في سكونه تستهيض اوهامي
كلّ ما اغواني الطريق اعلنت عنه التوبه
من يعذرب في غيابي ما حكى قدّامي
هذا أنا لا جيت كلٍّ ينشغل بـ عيوبه
يا خفوقي لا تهزّك بـ الحياة آلامي
جعلها تكفير لإنسان اثقلته ذنوبه
السحاب اللي جحدني يوم اجي له ظامي
لا يجيني .. لا ارتويت و دمعته مصبوبه
والشروق .. اللي تمنّيته .. يزيل عتامي
ما قدرت اشرق معاه ولا لحقت غروبه
الفضا اللي ما يعاتب بالغياب أنسامي
ليه الومه يوم غابت عن فضاي هبوبه
والله إنّ الدمع ما جرّب يضمّ أكمامي
كيف اصافح بسمةٍ من خاطري مسلوبه
يا حبيبي لا تغرّك نظرة إستسلامي
الجمال اليوسفي يفضح وله يعقوبه
القصايد قبل اعرفك ما تعرف إلهامي
وذا قصيدي من عرفتك منفرد باسلوبه
كلّ ما غنّيت وإجتاح الحنين أنغامي
ذكرياتك زادت ابياتي طرب وعذوبه
يا نديمي لو تذكّرت بـ مداك أيّامي
من بعيد إذكر هوانا لا تقرّب صوبه
من تلاقينا وانا ادري إن الوداع إلزامي
من قبل وقت اللقاء وأقدارنا مكتوبه
بين عثرات الرحيل و رجعتي وإقدامي
ما نجا غير الرحيل اللي نجا بـ أُعجوبه
- فيصل القاضي
كلّ ما زاد العزم دربي يزيد صعوبه
ليه احسّ المجريات اللي تمرّ اعوامي
ما تشابه للطموح اللي مشيت دروبه
خايف اسهب بالكتابه ثم تجفّ اقلامي
وخايف اذخر فكرتي وتْمرّني مكتوبه
المدى اللي في سكونه تستهيض اوهامي
كلّ ما اغواني الطريق اعلنت عنه التوبه
من يعذرب في غيابي ما حكى قدّامي
هذا أنا لا جيت كلٍّ ينشغل بـ عيوبه
يا خفوقي لا تهزّك بـ الحياة آلامي
جعلها تكفير لإنسان اثقلته ذنوبه
السحاب اللي جحدني يوم اجي له ظامي
لا يجيني .. لا ارتويت و دمعته مصبوبه
والشروق .. اللي تمنّيته .. يزيل عتامي
ما قدرت اشرق معاه ولا لحقت غروبه
الفضا اللي ما يعاتب بالغياب أنسامي
ليه الومه يوم غابت عن فضاي هبوبه
والله إنّ الدمع ما جرّب يضمّ أكمامي
كيف اصافح بسمةٍ من خاطري مسلوبه
يا حبيبي لا تغرّك نظرة إستسلامي
الجمال اليوسفي يفضح وله يعقوبه
القصايد قبل اعرفك ما تعرف إلهامي
وذا قصيدي من عرفتك منفرد باسلوبه
كلّ ما غنّيت وإجتاح الحنين أنغامي
ذكرياتك زادت ابياتي طرب وعذوبه
يا نديمي لو تذكّرت بـ مداك أيّامي
من بعيد إذكر هوانا لا تقرّب صوبه
من تلاقينا وانا ادري إن الوداع إلزامي
من قبل وقت اللقاء وأقدارنا مكتوبه
بين عثرات الرحيل و رجعتي وإقدامي
ما نجا غير الرحيل اللي نجا بـ أُعجوبه
- فيصل القاضي
قصيدة
24 Nov, 20:10
هنا يبدأ القصيد العذب مايبدأ القصيد الحاف
على دارٍ لها أكثر من ثلاث أيام ممطوره
أنا اللي ماسرى قلب الحبيبه بين وزن وقاف
لو إن الشعر يشرح حالته ويلامس شعوره
يقولون أستر جروح الغرام وقلبك الشفّاف
وأنا أقول القلوب الواضحة فالحب معذوره
عطيت ولا خذيت الّا الذنوب اللي على الأكتاف
عسى كل الذنوب اللي على الأكتاف مغفوره
ماخفت من الدروب اللي تقصّر خطوة الخوّاف
أخاف إن المنازل خالية والدار مهجوره
أهيجن لك طواريق الغلا يالناعم الهفهاف
أنا مشكور وأبيات القصيدة فيك مشكوره
وصلتك من طويلات الدروب ومن زمانٍ طاف
عشان الغرّة اللي مع مهبّ الريح مغروره
لا شحّت بك مشاوير الليالي ماعليك خلاف
تجين مع الصباح اللي عليك تغرّد طيوره
لا تغلبك الشكوك اللي تحاوط قلبك الميلاف
معاك الأرض مليانه فرح والنفس مسروره
لو أنزل في مداهيل الهوى من عالي المشراف
لا زالت رايتي في عالي المشراف منشوره
علاقتنا عفيفة والقلوب من القلوب نظاف
تصوّرها النجوم الساريه بالصوت والصوره
تمررك الطواري في تفاصيلي وأنا مزهاف
وأشوف الليل يرخي منكبه والريح مذعوره
ركنت العمر في راحة يدينك والحياة أهداف
وأنا فوق دهماً من مربط التاريخ مذخوره
سليل اللي سلايلهم فخر والمعجزات: إنصاف
من يلومه لا شافك معجزه وعيونك اسطوره
- مشاري محمد
على دارٍ لها أكثر من ثلاث أيام ممطوره
أنا اللي ماسرى قلب الحبيبه بين وزن وقاف
لو إن الشعر يشرح حالته ويلامس شعوره
يقولون أستر جروح الغرام وقلبك الشفّاف
وأنا أقول القلوب الواضحة فالحب معذوره
عطيت ولا خذيت الّا الذنوب اللي على الأكتاف
عسى كل الذنوب اللي على الأكتاف مغفوره
ماخفت من الدروب اللي تقصّر خطوة الخوّاف
أخاف إن المنازل خالية والدار مهجوره
أهيجن لك طواريق الغلا يالناعم الهفهاف
أنا مشكور وأبيات القصيدة فيك مشكوره
وصلتك من طويلات الدروب ومن زمانٍ طاف
عشان الغرّة اللي مع مهبّ الريح مغروره
لا شحّت بك مشاوير الليالي ماعليك خلاف
تجين مع الصباح اللي عليك تغرّد طيوره
لا تغلبك الشكوك اللي تحاوط قلبك الميلاف
معاك الأرض مليانه فرح والنفس مسروره
لو أنزل في مداهيل الهوى من عالي المشراف
لا زالت رايتي في عالي المشراف منشوره
علاقتنا عفيفة والقلوب من القلوب نظاف
تصوّرها النجوم الساريه بالصوت والصوره
تمررك الطواري في تفاصيلي وأنا مزهاف
وأشوف الليل يرخي منكبه والريح مذعوره
ركنت العمر في راحة يدينك والحياة أهداف
وأنا فوق دهماً من مربط التاريخ مذخوره
سليل اللي سلايلهم فخر والمعجزات: إنصاف
من يلومه لا شافك معجزه وعيونك اسطوره
- مشاري محمد
قصيدة
24 Nov, 19:58
ما يرد القلب عن همه وعن سطوة جروحه
غير صبحٍ يعتق قلوب الحيارى صوت أذانه
فالرحاب اللي تمد العزم لـ النفس الطموحه
كني آخذ من معالم مجدها .. حلم و رزانه
الجبل مالي عيون الناس من شدة وضوحه
ما اخلفت فيه الرياح الهوج شي من إتزانه
في ذراه .. يغنّي الشاعر طرب ويمدّ شوحه
بين فكرة من مخيّلته !.. و كلمة من لسانه
استعاد الروح من يوم استعاد الشعر روحه
من يشوفه يحسبنّ الشعر واحد من خوانه
البلا إنه ، كل ما يبعد على البيدا .. شبوحه
ما يشوف الا رسوم أطلال من ماضي زمانه
العيون اللي من اللهفة !.. مطالبها لحوحه
ودها تبكي .. ولا أدري من تبي تبكي عشانه
صاحبي !.. ما مرّ يوم ألا ، ولك جيه و روحه
وش بقى غير الطيوف اللي لها قدر و مكانه
كنت أقول إن المشاعر عنك توبتها نصوحه
وأثرها عمرٍ ما يعطَى فيه .. عهد ولا ضمانة
الغلا .. في كل يوم يطيح صرحٍ من صروحه
أدرِك اللي باقي من الحب قبل يفوت أوانه
لا تحمّلك الخطايا !.. هم عذر ولا سموحه
إرجع أنت .. وكل شيٍ فات يرجع في مكانه
- عبدالله السراهيد
غير صبحٍ يعتق قلوب الحيارى صوت أذانه
فالرحاب اللي تمد العزم لـ النفس الطموحه
كني آخذ من معالم مجدها .. حلم و رزانه
الجبل مالي عيون الناس من شدة وضوحه
ما اخلفت فيه الرياح الهوج شي من إتزانه
في ذراه .. يغنّي الشاعر طرب ويمدّ شوحه
بين فكرة من مخيّلته !.. و كلمة من لسانه
استعاد الروح من يوم استعاد الشعر روحه
من يشوفه يحسبنّ الشعر واحد من خوانه
البلا إنه ، كل ما يبعد على البيدا .. شبوحه
ما يشوف الا رسوم أطلال من ماضي زمانه
العيون اللي من اللهفة !.. مطالبها لحوحه
ودها تبكي .. ولا أدري من تبي تبكي عشانه
صاحبي !.. ما مرّ يوم ألا ، ولك جيه و روحه
وش بقى غير الطيوف اللي لها قدر و مكانه
كنت أقول إن المشاعر عنك توبتها نصوحه
وأثرها عمرٍ ما يعطَى فيه .. عهد ولا ضمانة
الغلا .. في كل يوم يطيح صرحٍ من صروحه
أدرِك اللي باقي من الحب قبل يفوت أوانه
لا تحمّلك الخطايا !.. هم عذر ولا سموحه
إرجع أنت .. وكل شيٍ فات يرجع في مكانه
- عبدالله السراهيد
قصيدة
24 Nov, 19:34
كفكف دموعك وشفني خير قدوه تقتديها
ماخذه من كلّ حاجه محزنه حقّ الدفاع
اختلق ضحكة بريئة أغلب الأحزان فيها
انتصر من ضحكتي والحاجه أم الاختراع
ماذرفت دموع عيني لجْل شخصٍ يحتريها
وما اخاف فراق لاني صاحبة قلبٍ - شجاع -
لو تقاس الاهتمامات بـ مدى بكيي عليها
مابكيت الا على فستان قصْر و روج ضاع
اشبه لطفلة تحَبس العبرة اللي تعتريها
ليين تبكيها على لعبة سقط فيها القناع
حالفه إنّ المسرّة ياااا تجيني يااا اجيها !
ذاخره لدروبها من معمعة صبري اقتناع
ابتغيها تضمّ حزني مثلما ضمّت يديها
للفقير اللي خلق من سلوة احلامه متاع
مختلف مفهوم تقديري للاشيا اللي ابيها
يشبه لطبع الكريم اللي هدا أكله و جاع
امي تقول ايّ حاجه ودكّ بْها - اتركيها -
وانت شخصٍ من غلاته رحت واهديته وداع
- مها
ماخذه من كلّ حاجه محزنه حقّ الدفاع
اختلق ضحكة بريئة أغلب الأحزان فيها
انتصر من ضحكتي والحاجه أم الاختراع
ماذرفت دموع عيني لجْل شخصٍ يحتريها
وما اخاف فراق لاني صاحبة قلبٍ - شجاع -
لو تقاس الاهتمامات بـ مدى بكيي عليها
مابكيت الا على فستان قصْر و روج ضاع
اشبه لطفلة تحَبس العبرة اللي تعتريها
ليين تبكيها على لعبة سقط فيها القناع
حالفه إنّ المسرّة ياااا تجيني يااا اجيها !
ذاخره لدروبها من معمعة صبري اقتناع
ابتغيها تضمّ حزني مثلما ضمّت يديها
للفقير اللي خلق من سلوة احلامه متاع
مختلف مفهوم تقديري للاشيا اللي ابيها
يشبه لطبع الكريم اللي هدا أكله و جاع
امي تقول ايّ حاجه ودكّ بْها - اتركيها -
وانت شخصٍ من غلاته رحت واهديته وداع
- مها
قصيدة
20 Nov, 18:07
عسى الله يمدّ ظلال عمرك ياغصن الراك
يعزّيني إنك في حياتي: تعزّيني
أنا أبحث عن شعور السعاده هنا وهناك
لو أشوف موتي دونها قلت يمديني
بعد ما فقدت الحلم ياقلبي الشكّاك
ماعاد الدروب اللي تودي.. توديني
مزاجيّتي في كل الأحوال ما تخفاك
هي اللي تضيّع كل حاجة من يديني
ما ألومك ليا شفت الهبايب تجيب أقصاك
أنا مثلك أشوف الموسيقى تبكّيني
يامحبوبتي: عمري على طلّة محيّاك
لو يطيح دمعك طاح عمرٍ من سنيني
يا لولا لياليك القديمه ويا لولاك
تركت الحياه بدون أودّع محبيني
من المستحيل أنسى حياتي معك وأنساك
وأنا أشوف وجهك وين ماتلتفت عيني
لا زالت تسرّيني دروبي على مرباك
ولا زال صوتك رغم فقدك يناديني
أدوّرك في كل الأماكن عشان ألقاك
وأضيييع وتمر أيام ما يندرا ويني
قتلني رحيلك وأنقضى العمر مع فرقاك
تعالي وردّيني من الموت وأحييني
على سور دارك صرت أشوف الورود أشواك
ولا عاد جيّاتي عليها ، تسلّيني
بكى كل طيرٍ كان يضحك على الشباك
يغرّد وكنّه في وداعك يواسيني
أنا منصدم وأعيش يومي بدون إدراك
ماباقي معي من عقلي اللي يقدّيني
أسولف على طيفك وأغني على ذكراك
عسى الله يضمّد جرح قلبي ويهديني
مع إني ماعاد اعرف وين الزمن ودّاك
إلى الآن أقدّس ماحصل بينك وبيني
لو إني خسرتك عمر قلت: السنين فداك
لكن الخسارة في حياتي وفي ديني
- مشاري محمد
يعزّيني إنك في حياتي: تعزّيني
أنا أبحث عن شعور السعاده هنا وهناك
لو أشوف موتي دونها قلت يمديني
بعد ما فقدت الحلم ياقلبي الشكّاك
ماعاد الدروب اللي تودي.. توديني
مزاجيّتي في كل الأحوال ما تخفاك
هي اللي تضيّع كل حاجة من يديني
ما ألومك ليا شفت الهبايب تجيب أقصاك
أنا مثلك أشوف الموسيقى تبكّيني
يامحبوبتي: عمري على طلّة محيّاك
لو يطيح دمعك طاح عمرٍ من سنيني
يا لولا لياليك القديمه ويا لولاك
تركت الحياه بدون أودّع محبيني
من المستحيل أنسى حياتي معك وأنساك
وأنا أشوف وجهك وين ماتلتفت عيني
لا زالت تسرّيني دروبي على مرباك
ولا زال صوتك رغم فقدك يناديني
أدوّرك في كل الأماكن عشان ألقاك
وأضيييع وتمر أيام ما يندرا ويني
قتلني رحيلك وأنقضى العمر مع فرقاك
تعالي وردّيني من الموت وأحييني
على سور دارك صرت أشوف الورود أشواك
ولا عاد جيّاتي عليها ، تسلّيني
بكى كل طيرٍ كان يضحك على الشباك
يغرّد وكنّه في وداعك يواسيني
أنا منصدم وأعيش يومي بدون إدراك
ماباقي معي من عقلي اللي يقدّيني
أسولف على طيفك وأغني على ذكراك
عسى الله يضمّد جرح قلبي ويهديني
مع إني ماعاد اعرف وين الزمن ودّاك
إلى الآن أقدّس ماحصل بينك وبيني
لو إني خسرتك عمر قلت: السنين فداك
لكن الخسارة في حياتي وفي ديني
- مشاري محمد
قصيدة
20 Nov, 11:11
يوم اقفو بنعْشك خليين القلوب
كانو يشيلونك عشان تظْلّهم
ليت النهار اطول من لسان الكذوب
على الرجال الي بعدك ، الله لهم
قومٍ على فقدك محاجرهم تذوب
والله مالوم الصبر يوم يملّهم
استاحشت حتى المباني و الدروب
متّ ، و تقول الناس ماتو كلّهم
- متعب البقيلي في رثاء جده رحمه الله
كانو يشيلونك عشان تظْلّهم
ليت النهار اطول من لسان الكذوب
على الرجال الي بعدك ، الله لهم
قومٍ على فقدك محاجرهم تذوب
والله مالوم الصبر يوم يملّهم
استاحشت حتى المباني و الدروب
متّ ، و تقول الناس ماتو كلّهم
- متعب البقيلي في رثاء جده رحمه الله
قصيدة
16 Nov, 19:35
من شقوق الحنين ودورٍ امست خراب
دوّر النور في صدري على مهربه
ليل واحساس مابين الزعل والعتاب
واكثر احساس ينبش في الصدور أغربه
يا حبيبة عيوني طال ليل الغياب
و الصباحات ماظني على مقربه
افتحي لي درايش وصل ماقول باب
وقولي الله عطاك النور هاك اسر به
وجهك اللي تماها بين شمس وسحاب
وشعرك اللي مسيل الشمس في مغربه
وان تثنّت على اللحن القديم الثياب
جنّوا ( الطار والمزمار والمطربه )
والله انك سراب وعارف انك سراب
و والله اني لا اصبه في يدي و اشربه
جيت ما كن مرتني سنين الشباب
و كن مالي حبايب قبلك و تجربه
- محمد العمري
دوّر النور في صدري على مهربه
ليل واحساس مابين الزعل والعتاب
واكثر احساس ينبش في الصدور أغربه
يا حبيبة عيوني طال ليل الغياب
و الصباحات ماظني على مقربه
افتحي لي درايش وصل ماقول باب
وقولي الله عطاك النور هاك اسر به
وجهك اللي تماها بين شمس وسحاب
وشعرك اللي مسيل الشمس في مغربه
وان تثنّت على اللحن القديم الثياب
جنّوا ( الطار والمزمار والمطربه )
والله انك سراب وعارف انك سراب
و والله اني لا اصبه في يدي و اشربه
جيت ما كن مرتني سنين الشباب
و كن مالي حبايب قبلك و تجربه
- محمد العمري
قصيدة
10 Nov, 21:03
على الطاري الي ينفض الشعر والهوجاس
حزمت العمر والشوق تلفى مراسيله
أشدد ركابٍ .. قد تطاول عليها الياس
من العام والساري .. يردد مواويله
تغيبني الذكرى .. عن الناس والجلّاس
واعيش الزمان الي مضى، في طرف ليله
معي للمدى دربٍ قديم وخطى عساس
ودارٍ مشاها العام .. والحين تمشي له
وصلني، وهو يدري عن السور والحرّاس
يشوف الحنايا كلبوها مداهيله
ماقنّد مزاجي ريحة البن في المحماس
لو يْغرف من بطن السحاب لمعاميله
يقنّد قصيدي شوفة الثاير المياس
على ميلته سقت القصيد وتعاليله
اغني على لعب الجديلة مع النساس
واجيب القصيد الفارق الي سبق جيله
أنا لا وصلت معتّق الكحل والنعّاس
تقاضيت من عمرٍ خذتني غرابيله
تعالي هنا .. وأروي عروقٍ بعدك يباس
مجيّك حياه، وغيبة الشعر منهي له؟
أنا شاعرٍ لا خطّ حبره على القرطاس
دريتي محد يرضي غرورك .. وجيتي له!
تغارين؟ أنتي ماعلى الأرض بعدك ناس
فرقتي بشيء، وصرت أنا مامعي حيله
تقولين لي لاباس .. وأقول مامن باس
فداك العمر، والي بقى من مقابيله
- عبدالرحمن
حزمت العمر والشوق تلفى مراسيله
أشدد ركابٍ .. قد تطاول عليها الياس
من العام والساري .. يردد مواويله
تغيبني الذكرى .. عن الناس والجلّاس
واعيش الزمان الي مضى، في طرف ليله
معي للمدى دربٍ قديم وخطى عساس
ودارٍ مشاها العام .. والحين تمشي له
وصلني، وهو يدري عن السور والحرّاس
يشوف الحنايا كلبوها مداهيله
ماقنّد مزاجي ريحة البن في المحماس
لو يْغرف من بطن السحاب لمعاميله
يقنّد قصيدي شوفة الثاير المياس
على ميلته سقت القصيد وتعاليله
اغني على لعب الجديلة مع النساس
واجيب القصيد الفارق الي سبق جيله
أنا لا وصلت معتّق الكحل والنعّاس
تقاضيت من عمرٍ خذتني غرابيله
تعالي هنا .. وأروي عروقٍ بعدك يباس
مجيّك حياه، وغيبة الشعر منهي له؟
أنا شاعرٍ لا خطّ حبره على القرطاس
دريتي محد يرضي غرورك .. وجيتي له!
تغارين؟ أنتي ماعلى الأرض بعدك ناس
فرقتي بشيء، وصرت أنا مامعي حيله
تقولين لي لاباس .. وأقول مامن باس
فداك العمر، والي بقى من مقابيله
- عبدالرحمن
قصيدة
08 Nov, 13:07
"إيّاك يا صاحبي؛ أن تترك الدعاء مهما تأخّرت بوادر الإجابة، فهناك دعاء من كثرة إلحاح صاحبه وشدّة توسّله وقوّة يقينه بالله، غيّر نواميس الكون لأجله وغلب أقداراً تنزّلت وشارفت على الوقوع، اعلم أن الله يسمعك وهو السميع القريب، وأن غيث الإجابة سيهطل في الوقت الذي يقدّره العليم الخبير"
قصيدة
06 Nov, 17:15
آتتقّى في ذرى امي كلّما خارت قواي
وارجع الطفلة ويرجع كلّ غايب لوطنه
قلت يمّه احضنيني؛ واتركي العالم وراي
واسمحي لي آتذرّى بـ بيت حبّك واسكنه
آتحالى في كنفها -الآه- واحصّل دواي
من يلوم النفس لا ذاقت من الرفق احسنه؟
كلّ ربته من يديها الحانيه فيها شفاي
كفها الميمون سوّى المستحيله ممكنه
كلّما ظلّم فؤادي؟ اشرقت تضوي سماي
في حياتي نورها البرّاق لا يُغنى عنه
كلّما ضاقت بي الدنيا؟ لها انساقت خُطاي
هي جهاتي الأربعه لا ضاق صدر الأمكنه
وحدها اللي تدري بحالي قبل تنطق شفاي
من عيوني تعرف احوالي لو الغيبه سنه
غالي الأثمان يرخص لجلها بدافع غلاي
عقد الألماس بنحرها كم تشاويت ثمنه
ودّي اني ألحق المعروف واسرف في عطاي
صادق شعوري لها واجب عليّ آبرهنه
راهنه احلامها واغلى ذهبها لمبتغاي
ما بقى الا قلبها لو هو بيدها؟ بترهنه
لجلها يا كم سعيت من الصفر رايح وجاي
واستمدّيت الأمل من كلّ ذكرى محزنه
المدى هذا مداها والمدى ذاته مداي
مَا اختلف درب الأكابر باختلاف الأزمنه
الأمومه: غيمةٍ هتّانها بلّل ظماي
جعلني للغالية مدهال بيتٍ تأمنه
- مها
وارجع الطفلة ويرجع كلّ غايب لوطنه
قلت يمّه احضنيني؛ واتركي العالم وراي
واسمحي لي آتذرّى بـ بيت حبّك واسكنه
آتحالى في كنفها -الآه- واحصّل دواي
من يلوم النفس لا ذاقت من الرفق احسنه؟
كلّ ربته من يديها الحانيه فيها شفاي
كفها الميمون سوّى المستحيله ممكنه
كلّما ظلّم فؤادي؟ اشرقت تضوي سماي
في حياتي نورها البرّاق لا يُغنى عنه
كلّما ضاقت بي الدنيا؟ لها انساقت خُطاي
هي جهاتي الأربعه لا ضاق صدر الأمكنه
وحدها اللي تدري بحالي قبل تنطق شفاي
من عيوني تعرف احوالي لو الغيبه سنه
غالي الأثمان يرخص لجلها بدافع غلاي
عقد الألماس بنحرها كم تشاويت ثمنه
ودّي اني ألحق المعروف واسرف في عطاي
صادق شعوري لها واجب عليّ آبرهنه
راهنه احلامها واغلى ذهبها لمبتغاي
ما بقى الا قلبها لو هو بيدها؟ بترهنه
لجلها يا كم سعيت من الصفر رايح وجاي
واستمدّيت الأمل من كلّ ذكرى محزنه
المدى هذا مداها والمدى ذاته مداي
مَا اختلف درب الأكابر باختلاف الأزمنه
الأمومه: غيمةٍ هتّانها بلّل ظماي
جعلني للغالية مدهال بيتٍ تأمنه
- مها
قصيدة
05 Nov, 21:22
قصّر الليل عمر الشمس والبرد قاسي
كنّ عنده على رجفة يديني وصاية
الشجر ماجرحت ظلاله بْـ حدّ فاسي
ليه أحدّه يموت ويبكي الظلّ نايه
ولاّ أنا لو تحدّ صْدوف الايام باسي
قلت "مافاتَن" الايام "فاتِن" معايه
ياقرب الناس يوم الهم يسرق نعاسي
عينٍ تْشوفك اخت وعينٍ تشوفك آيه
كم رفعتي تدنّي مستواي الدراسي
كان فرق الخطوط بكل واجب وشاية !
ياحشيمة فرحك لوسع صدري مراسي
ماغلب وسع صدري غير وسع العباية
ماقدر آكون في عثرات دربك مواسي
اقدر إنّي أشيلك فيه لين النهاية
بدّلي يابعد راسي بـ ياقبل راسي
لاتصيرين لكسور المراية مراية !
والله اني معاك مْن الجبال الرواسي
ماسمح إنك وراي الا بموضع حماية
جيت أخلّد بك أصدق ماكُتب بالاماسي
انتي أكبر من استعطاف شاعر لـ غاية
حقك مْن الشموخ اللي يجمّل لباسي
يكسب رهان راي اللي نصرني برايه
ان وقفت؟ أدري ان الشعر ماهو بـ ناسي
وان تقدّمت؟ هذي ماهي الا البداية
- أيمن الرويلي
كنّ عنده على رجفة يديني وصاية
الشجر ماجرحت ظلاله بْـ حدّ فاسي
ليه أحدّه يموت ويبكي الظلّ نايه
ولاّ أنا لو تحدّ صْدوف الايام باسي
قلت "مافاتَن" الايام "فاتِن" معايه
ياقرب الناس يوم الهم يسرق نعاسي
عينٍ تْشوفك اخت وعينٍ تشوفك آيه
كم رفعتي تدنّي مستواي الدراسي
كان فرق الخطوط بكل واجب وشاية !
ياحشيمة فرحك لوسع صدري مراسي
ماغلب وسع صدري غير وسع العباية
ماقدر آكون في عثرات دربك مواسي
اقدر إنّي أشيلك فيه لين النهاية
بدّلي يابعد راسي بـ ياقبل راسي
لاتصيرين لكسور المراية مراية !
والله اني معاك مْن الجبال الرواسي
ماسمح إنك وراي الا بموضع حماية
جيت أخلّد بك أصدق ماكُتب بالاماسي
انتي أكبر من استعطاف شاعر لـ غاية
حقك مْن الشموخ اللي يجمّل لباسي
يكسب رهان راي اللي نصرني برايه
ان وقفت؟ أدري ان الشعر ماهو بـ ناسي
وان تقدّمت؟ هذي ماهي الا البداية
- أيمن الرويلي
قصيدة
05 Nov, 15:15
ميقنه ان كلّ حاجه قابله للاعتياد
ما عدا لحظة وداعك عاجزه آلف ألمها
لحظةٍ فيها الثواني ارتدت ثوب الحداد
لحظةٍ خرّت قواي وما عدا وجهك هزمها
مارحلت الا وانا احسب كم تبقّى للمعاد
وما يهوّن وحشة ايامي سوى لحظة عدمها
يوم ألهج بالدعا واستودعك ربّ العباد
واذكر ان الله توفّى روحك وامره حكمها
كنّ قلبي من حرارة ما شعر أصبح رماد
والملامح شلّها واقع - بكفّينه لطمها -
عشت مابين الوعي واللاوعي قصّة جهاد
واغتراب الروح أضرم نار في صدري حممها
ضحكتك صوتك و وجهك كلها كانت ضماد
"ذكرياتك" سلوةٍ فيها لقت روحي عشمها
كيف باسلاك وأنا مـ افقد بشر .. أفقد بلاد !
والحياه رغم اتساع الأرض يخنقني نسمها
من تجرّع مرّ فقدك واغتراب الافتقاد !
مايلوم المغترب ان لاذ بالذكرى و ألمها
- مها
ما عدا لحظة وداعك عاجزه آلف ألمها
لحظةٍ فيها الثواني ارتدت ثوب الحداد
لحظةٍ خرّت قواي وما عدا وجهك هزمها
مارحلت الا وانا احسب كم تبقّى للمعاد
وما يهوّن وحشة ايامي سوى لحظة عدمها
يوم ألهج بالدعا واستودعك ربّ العباد
واذكر ان الله توفّى روحك وامره حكمها
كنّ قلبي من حرارة ما شعر أصبح رماد
والملامح شلّها واقع - بكفّينه لطمها -
عشت مابين الوعي واللاوعي قصّة جهاد
واغتراب الروح أضرم نار في صدري حممها
ضحكتك صوتك و وجهك كلها كانت ضماد
"ذكرياتك" سلوةٍ فيها لقت روحي عشمها
كيف باسلاك وأنا مـ افقد بشر .. أفقد بلاد !
والحياه رغم اتساع الأرض يخنقني نسمها
من تجرّع مرّ فقدك واغتراب الافتقاد !
مايلوم المغترب ان لاذ بالذكرى و ألمها
- مها
قصيدة
04 Nov, 19:49
أنت عمرٍ لا سألوني وش تمنى؟ قلت أعيده
وأنت فرحة يوم جت لي ماتت أحزاني بعَدها
أنت لو للناس دنيا.. ! صرت لي دنيا جديده
ما حييت إلا عليها ولا أندفنت إلا فـ لحَدها
أنت خيرٍ جابه الله خصني به من عبيده
وأنت نعمة قلبي اللي كل ما ينبض حمَدها
أنت ضحكه ساندتني رغم الأوقات العنيده
مثل ماني بالوجود، وفوق هالدنيا سندها
أنت غيمة مرّت بـ قاعٍ، شكت للغيم بيده
وأرتوت فيك الصحاري من جفافٍ قد حصَدها
أنت حبٌ مع مرور الوقت يتزايد، و أزيده
وحدك اللي مكتفي بك، والبشر ينقص عددها
الله يديمك لـ قلبي، عمر، وأعوامك مديدة
أنت حاجة ما يعيش إنسان لو قلبه فقدها
أنفجر لأجلك شعوري لين صارت هالقصيدة
كل ما جا لك فضولك عن غلاك أقرأ وعدها
- عادل العصيمي
وأنت فرحة يوم جت لي ماتت أحزاني بعَدها
أنت لو للناس دنيا.. ! صرت لي دنيا جديده
ما حييت إلا عليها ولا أندفنت إلا فـ لحَدها
أنت خيرٍ جابه الله خصني به من عبيده
وأنت نعمة قلبي اللي كل ما ينبض حمَدها
أنت ضحكه ساندتني رغم الأوقات العنيده
مثل ماني بالوجود، وفوق هالدنيا سندها
أنت غيمة مرّت بـ قاعٍ، شكت للغيم بيده
وأرتوت فيك الصحاري من جفافٍ قد حصَدها
أنت حبٌ مع مرور الوقت يتزايد، و أزيده
وحدك اللي مكتفي بك، والبشر ينقص عددها
الله يديمك لـ قلبي، عمر، وأعوامك مديدة
أنت حاجة ما يعيش إنسان لو قلبه فقدها
أنفجر لأجلك شعوري لين صارت هالقصيدة
كل ما جا لك فضولك عن غلاك أقرأ وعدها
- عادل العصيمي
قصيدة
03 Nov, 15:54
حبيبي .. من يقول اني رضيت اطيح ؟
مطيحي في غرامك كان .. في غَفله
مثل عطرٍ لفت به .. كفّتين الريح
طرق قلبٍ ورا صدري .. و سرق عَقله
عشقتك كنّ ما ثلث الهوى .. تجريح
ولا كنّ المحبه .. ما هي بـ سَهله
طمعتك كنّ ما ذقت الوله تبريح
ولا كنّ الليالي … باللقى خَجله
و زرعتك في قفار القلب : نبتة شيح
وغدى صدري رياضٍ منتشي نَفله
مع ان ما ميّلت لك .. كفّة الترجيح
و لكن قلبي اختارك ، وتحسَب له
أعرْف الحب ، ما يحتاج للتصريح
وانا لي روح .. من كثر العنا وَجله
سرت بك في دروب الشك والتلميح
تحَسْب العشق ماهو ينعرف شَكله :)
لجل هذا .. فوادي عن هواك يشيح
يظن أحلى ليالي عاشها ... قبله
و يعوّد في غرامك مهتدي ، وآطيح
كأن توي عشقتك .. من قبل وهله
- ليالِ
مطيحي في غرامك كان .. في غَفله
مثل عطرٍ لفت به .. كفّتين الريح
طرق قلبٍ ورا صدري .. و سرق عَقله
عشقتك كنّ ما ثلث الهوى .. تجريح
ولا كنّ المحبه .. ما هي بـ سَهله
طمعتك كنّ ما ذقت الوله تبريح
ولا كنّ الليالي … باللقى خَجله
و زرعتك في قفار القلب : نبتة شيح
وغدى صدري رياضٍ منتشي نَفله
مع ان ما ميّلت لك .. كفّة الترجيح
و لكن قلبي اختارك ، وتحسَب له
أعرْف الحب ، ما يحتاج للتصريح
وانا لي روح .. من كثر العنا وَجله
سرت بك في دروب الشك والتلميح
تحَسْب العشق ماهو ينعرف شَكله :)
لجل هذا .. فوادي عن هواك يشيح
يظن أحلى ليالي عاشها ... قبله
و يعوّد في غرامك مهتدي ، وآطيح
كأن توي عشقتك .. من قبل وهله
- ليالِ
قصيدة
02 Nov, 21:04
ياحبيبي لو وقفت بصفّ الاعدا والخصوم
عادني بحماك ألوذ وعادني بك مستجيره
ادري انك شمت عن حبي تحسْب اني بشوم
كيف اعافك وانت داري يوم ما للناس ديره
والله ان مْحبتي لك عرضها عرض السلوم
ما فرضها الله وَلكنْها فريضه عالعشيرة
يا حبيبي سامح الله قلبك القاسي الرحوم
ما سمح لي آتخطى غلطة الحبّ الكبيرة
مشكلتك انك عصيّ الترْك وجراحك تدوم
ولو تملّلت الوجع؟ يا جعلني للجرح اسيره
انحبس قلبي بدايرة المفارق والهموم
يستخير الله على الفرقى ويرجع يستخيره
كلّ ليلة ارسل الأشواق وآعدّ النجوم
يمكن الشوق يْتعدّاني ويوصل لك أثيره
كنت احبك من وعي وادراك والعقل مْغروم
وقالوا انّ الحب أعمى لو عطاك الله بصيره
يا سليل المجد عذري بالهوى انّك راس قوم
لي خفوقٍ ما لقى مثلك على شبه الجزيره
الشعور اللي تملّكني من اللي به ألوم؟
قلبي المغرم؟ أو انسانٍ مَـ يدرى وش مصيره
ضايقه دنياي فيني والنفَس شبه مْعدوم
يعلم الله مابقى الا الطير اغبطه فـ مطيره
قول -خيره- فالبعاد وفالمجافى عالعموم
بس دخيلك لا تقول ان الفراق آكيد خيره
- مها
عادني بحماك ألوذ وعادني بك مستجيره
ادري انك شمت عن حبي تحسْب اني بشوم
كيف اعافك وانت داري يوم ما للناس ديره
والله ان مْحبتي لك عرضها عرض السلوم
ما فرضها الله وَلكنْها فريضه عالعشيرة
يا حبيبي سامح الله قلبك القاسي الرحوم
ما سمح لي آتخطى غلطة الحبّ الكبيرة
مشكلتك انك عصيّ الترْك وجراحك تدوم
ولو تملّلت الوجع؟ يا جعلني للجرح اسيره
انحبس قلبي بدايرة المفارق والهموم
يستخير الله على الفرقى ويرجع يستخيره
كلّ ليلة ارسل الأشواق وآعدّ النجوم
يمكن الشوق يْتعدّاني ويوصل لك أثيره
كنت احبك من وعي وادراك والعقل مْغروم
وقالوا انّ الحب أعمى لو عطاك الله بصيره
يا سليل المجد عذري بالهوى انّك راس قوم
لي خفوقٍ ما لقى مثلك على شبه الجزيره
الشعور اللي تملّكني من اللي به ألوم؟
قلبي المغرم؟ أو انسانٍ مَـ يدرى وش مصيره
ضايقه دنياي فيني والنفَس شبه مْعدوم
يعلم الله مابقى الا الطير اغبطه فـ مطيره
قول -خيره- فالبعاد وفالمجافى عالعموم
بس دخيلك لا تقول ان الفراق آكيد خيره
- مها
قصيدة
02 Nov, 19:57
بنتك بحاجه دعاك يعمّها بسجدة قنوتك
ودي لو أرجع صغيره ؛ من قيود الهمّ حُرّه
آتدلّل في كنفْك وآتبختر في ثبوتك
ما أهاب وما يكدّر خاطري مثقال ذرّه
و لابغيت اهرب من الدنيا تخبيني فـ كوتك
و آتذرّى بين يدّينك من العالم وشرّه
- مها
ودي لو أرجع صغيره ؛ من قيود الهمّ حُرّه
آتدلّل في كنفْك وآتبختر في ثبوتك
ما أهاب وما يكدّر خاطري مثقال ذرّه
و لابغيت اهرب من الدنيا تخبيني فـ كوتك
و آتذرّى بين يدّينك من العالم وشرّه
- مها
قصيدة
02 Nov, 18:47
ما يصغّر همي الا صوت تكبير المساجد
فانتظار اللي مضى يِخلي سبيلي وآتحرّر
صاحبي ماعاد باقي لي سوى عض النواجد
لا تَعذّر لك بـ « عذرٍ » لا يِمرّ .. ولا يمَرَّر
اتفقنا إنّك سليل أمجاد وإنّي نسل آماجد
واختلفنا فـ الخطا اللي لا يِعاد ولا يبَرَّر
ما قدرنا نتّجه حتى لو الوجهات واجد
مشكلتنا في جميع الاتجاهات نتضرَّر
أنت غايب مستحيل إنّه مع الوقت يتواجد
وآنا شاعر مستحيل انّه مع الوقت يتكرَّر
- عبدالله السراهيد
فانتظار اللي مضى يِخلي سبيلي وآتحرّر
صاحبي ماعاد باقي لي سوى عض النواجد
لا تَعذّر لك بـ « عذرٍ » لا يِمرّ .. ولا يمَرَّر
اتفقنا إنّك سليل أمجاد وإنّي نسل آماجد
واختلفنا فـ الخطا اللي لا يِعاد ولا يبَرَّر
ما قدرنا نتّجه حتى لو الوجهات واجد
مشكلتنا في جميع الاتجاهات نتضرَّر
أنت غايب مستحيل إنّه مع الوقت يتواجد
وآنا شاعر مستحيل انّه مع الوقت يتكرَّر
- عبدالله السراهيد
قصيدة
02 Nov, 16:43
حبيبي والمسا فلّت جديل وهفهفة نسناس
وعينٍ تستلذ إسهابك وتظمى تفاصيلك
لا تاقف سالفتك الا لا كمّل عودك الميّاس
سواليفٍ تخلي كل شارد ذهن يصغيلك
تثنّيه الهبايب ويتثنّى .. ما لحقه يْباس
وجودي يوم اغني كل ما دقت خلاخيلك
مزينك الغلا ما زينّك فضة وعقد الماس
كثر ماهو بمغريك الترف مغريك حبي لك
اراقب جيّتك واحفظ عيونك من عيون الناس
واجاذب خصلةٍ لوّن طوارفها دجا ليلك
على النجم المعتّق مستقرّك والسحاب لباس
ولا اشرح من مداهيل الديار إلا مداهيلك
يخايلك بدوّي ماهو بطرقي ولا عسّاس
لقى فيك الحيا اللي رد روحه في مخاييلك
مجيّك ما يخطْفْ انظار عشّاقك يخطْفْ انفاس
ولا أبرك من مجيّك يالمهاه الا مجيّي لك
ما مليت الدروب وكثرها لو خاطري حسّاس
ليا مني سريتك شوق تسري بي مواويلك
أنا مهما شكيت من المسافة ما شكيت الياس
ترا كل الدروب اللي تودّيني .. تودّي لك
- أحمد تركي
وعينٍ تستلذ إسهابك وتظمى تفاصيلك
لا تاقف سالفتك الا لا كمّل عودك الميّاس
سواليفٍ تخلي كل شارد ذهن يصغيلك
تثنّيه الهبايب ويتثنّى .. ما لحقه يْباس
وجودي يوم اغني كل ما دقت خلاخيلك
مزينك الغلا ما زينّك فضة وعقد الماس
كثر ماهو بمغريك الترف مغريك حبي لك
اراقب جيّتك واحفظ عيونك من عيون الناس
واجاذب خصلةٍ لوّن طوارفها دجا ليلك
على النجم المعتّق مستقرّك والسحاب لباس
ولا اشرح من مداهيل الديار إلا مداهيلك
يخايلك بدوّي ماهو بطرقي ولا عسّاس
لقى فيك الحيا اللي رد روحه في مخاييلك
مجيّك ما يخطْفْ انظار عشّاقك يخطْفْ انفاس
ولا أبرك من مجيّك يالمهاه الا مجيّي لك
ما مليت الدروب وكثرها لو خاطري حسّاس
ليا مني سريتك شوق تسري بي مواويلك
أنا مهما شكيت من المسافة ما شكيت الياس
ترا كل الدروب اللي تودّيني .. تودّي لك
- أحمد تركي
قصيدة
26 Oct, 12:46
"يومه ضحك..
طاح الكلام من السكوت
والوقت وقّف مندهش
عيّا يفوت
يومه ضحك
كل الجماد اللي على الشُرفة حيا
إلّا أنا .. بغيت أموت"
طاح الكلام من السكوت
والوقت وقّف مندهش
عيّا يفوت
يومه ضحك
كل الجماد اللي على الشُرفة حيا
إلّا أنا .. بغيت أموت"
قصيدة
25 Oct, 21:51
حضرة الاستاذ مالي عن تغرّابي عتاد
ونفسي الولهى تبايع شوقها وتجدّده
الطموح الأوّلي ماعاده يْشبّ العناد
والحنين ان لاح لي طيفه عجزت اتصدّده
موقف الشوق الحقيقي ماهو بْـ موقف حياد
تلّ روحي صوب دربٍ كم رجيت اتردّده
بطلبك يوم العذر يوسع من اشواقي بلاد
عشرة ايامٍ تلملم ما الفراق مْبدّده :(
- مها
ونفسي الولهى تبايع شوقها وتجدّده
الطموح الأوّلي ماعاده يْشبّ العناد
والحنين ان لاح لي طيفه عجزت اتصدّده
موقف الشوق الحقيقي ماهو بْـ موقف حياد
تلّ روحي صوب دربٍ كم رجيت اتردّده
بطلبك يوم العذر يوسع من اشواقي بلاد
عشرة ايامٍ تلملم ما الفراق مْبدّده :(
- مها
قصيدة
25 Oct, 10:24
وصلت القناة لعشر آلاف متابع، حياكم الله في قناة تهتم بالشعر واهله، اسأل الله ان يجعلكم شاهدين لي لا علي♥️
قصيدة
24 Oct, 14:10
يا مقفي / لا تحسب أني ليا قفيت «تابع»
رح — و تدفن جرتك قصيدةٍ يسري لحنها
كنت ثالث من قبلته / و ابشر إن فـ الباب رابع
ينتظرك تضيّع الفرصة "غرور" و يحتضنها
لا تحراني على أبواب "المصايف و المرابع"
أنا روحٍ ودعت ، من يرجع الروح لبدنها ؟
والله لتبكي ندم / و ليجرح الناب الأصابع
و لا أنت لاقي عن ليالينا ليال تعوض عنها
كيف حالك ؟ و أنت متخفي من بعيد و تتابع
تحتري حزني على الفرقا و أنا ما ضقت منها !
مشكلتك أنك تقابع من قضى عمره يقابع
لذته لا عيّت الخيل و شكمها في رسنها
خذ جزا اللي نزل الأحرار منزال القوابع
و ذق طعونٍ ما حدٍ كد ذاقها ولا طعنها
ولا تشكى من طغَيان الزوابع ، و الزوابع
كنت تقدر من ولادتها تمهدها كفنها
كنت تقدر ما تشاور بي مجابيع الروابع
عالمٍ عن رايها ينهى العقل و القلب ينهى
علمّوك إن جات يا أمّا البيع ولا أمّا شرى بع
و أنت ما علمتهم بـ علومٍ ضلوعك طوَنها
يا خسارة فيك كل اللي من الأعماق نابع
عمري و شعري و آمالٍ كانت تحسبك وطنها
و يا خسارة حبري اللي سال فأوراق المطابع
و أطرب العشاق في شام الديار و في يمنها
الوكاد إن ضاقت الأرض و تكدرنْ المنابع
و جيت في بالك ، نصيحة : نفسك من الذل صنها
أما عاد أن كانك من الذل متروي و شابع
لا تسمن فالعذار ولا تكبر لي صحنها
انحدر من تحت سابع قاع و ارقى فوق سابع
قبة ، و لا حزت غال كنوزها و أندر فتنها
انخ واسطتك و وقف في سراك و هات طابع
و اطلب الله و انتظر ردي عليك و يمكن أنها :)
- سلطان الحوالي
رح — و تدفن جرتك قصيدةٍ يسري لحنها
كنت ثالث من قبلته / و ابشر إن فـ الباب رابع
ينتظرك تضيّع الفرصة "غرور" و يحتضنها
لا تحراني على أبواب "المصايف و المرابع"
أنا روحٍ ودعت ، من يرجع الروح لبدنها ؟
والله لتبكي ندم / و ليجرح الناب الأصابع
و لا أنت لاقي عن ليالينا ليال تعوض عنها
كيف حالك ؟ و أنت متخفي من بعيد و تتابع
تحتري حزني على الفرقا و أنا ما ضقت منها !
مشكلتك أنك تقابع من قضى عمره يقابع
لذته لا عيّت الخيل و شكمها في رسنها
خذ جزا اللي نزل الأحرار منزال القوابع
و ذق طعونٍ ما حدٍ كد ذاقها ولا طعنها
ولا تشكى من طغَيان الزوابع ، و الزوابع
كنت تقدر من ولادتها تمهدها كفنها
كنت تقدر ما تشاور بي مجابيع الروابع
عالمٍ عن رايها ينهى العقل و القلب ينهى
علمّوك إن جات يا أمّا البيع ولا أمّا شرى بع
و أنت ما علمتهم بـ علومٍ ضلوعك طوَنها
يا خسارة فيك كل اللي من الأعماق نابع
عمري و شعري و آمالٍ كانت تحسبك وطنها
و يا خسارة حبري اللي سال فأوراق المطابع
و أطرب العشاق في شام الديار و في يمنها
الوكاد إن ضاقت الأرض و تكدرنْ المنابع
و جيت في بالك ، نصيحة : نفسك من الذل صنها
أما عاد أن كانك من الذل متروي و شابع
لا تسمن فالعذار ولا تكبر لي صحنها
انحدر من تحت سابع قاع و ارقى فوق سابع
قبة ، و لا حزت غال كنوزها و أندر فتنها
انخ واسطتك و وقف في سراك و هات طابع
و اطلب الله و انتظر ردي عليك و يمكن أنها :)
- سلطان الحوالي
قصيدة
24 Oct, 14:06
اشمخي يا نفسي اللي كلها عزة وأنافة
لك عليّ إني ما اعرضك المهانة والمسبة
كل ماشفت العباد اللي يعيشون بضعافة
قمت أعرض راسي المرفوع للريح ومهبّه
فالمذلة دايمًا عذر الذليل يكون تافه
لو مايلقى له سبب للذل.. ذل بدون سبة
والوجيه اللي ماترجي من عباد الله مرافة
لو تموت من الضما والجوع ماها ماتصبّه
إكتشفت إن الحياة بكبرها قطعة مسافة
تغوي المفتون لين العقل يصحى ويتنبّه
وإستعذت من الدروب اللي نهايتها حسافة
قبل ترميني ملذات الزمن في جوف غبّة
مايخاف المؤمن: اللي فيه من ربّه مخافة
مصدر الخوف الحقيقي واحدٍ ماخاف ربّه
والمحبّة بعد كره تكون من داعي نظافة
البلا .. فاللي يحس بكره من بعد المحبّة
شيمة الإنسان میزان.. اعتداله وانحرافه
تنذره لا شافت الأوضاع ما هي مستتبّه
إن عجزت إنك ترد النفس عن شي تعافه
ماقدرت تحط نفسك فالمكان اللي تحبّه
- عبدالله السراهيد
لك عليّ إني ما اعرضك المهانة والمسبة
كل ماشفت العباد اللي يعيشون بضعافة
قمت أعرض راسي المرفوع للريح ومهبّه
فالمذلة دايمًا عذر الذليل يكون تافه
لو مايلقى له سبب للذل.. ذل بدون سبة
والوجيه اللي ماترجي من عباد الله مرافة
لو تموت من الضما والجوع ماها ماتصبّه
إكتشفت إن الحياة بكبرها قطعة مسافة
تغوي المفتون لين العقل يصحى ويتنبّه
وإستعذت من الدروب اللي نهايتها حسافة
قبل ترميني ملذات الزمن في جوف غبّة
مايخاف المؤمن: اللي فيه من ربّه مخافة
مصدر الخوف الحقيقي واحدٍ ماخاف ربّه
والمحبّة بعد كره تكون من داعي نظافة
البلا .. فاللي يحس بكره من بعد المحبّة
شيمة الإنسان میزان.. اعتداله وانحرافه
تنذره لا شافت الأوضاع ما هي مستتبّه
إن عجزت إنك ترد النفس عن شي تعافه
ماقدرت تحط نفسك فالمكان اللي تحبّه
- عبدالله السراهيد
قصيدة
23 Oct, 02:48
سقى الله يوم خطواتي قصايد و المدى قرطاس
تحت ليلٍ ،تحته يضحّي العاشق بمعشوقه
يابوي ، الشاعر الي حطّ حتى فالجماد إحساس
يشوف ان كل فكرة تنحني لرضاك مطروقه
لكسرك ليت مالي ذاكرة ، و اسلى مع الجلّاس
نديم الذكريات تقطّع الانفاس معلوقه
لي أكثر من ثلاث سنين وضلوعي وكر قرناس
متى و الحرّ من كسر الهداد يوالف سبوقه !
خليل الجود من عاد الزمن جوع و ظما و عماس
علامه شحّ دوني بمرضه و عروقي عروقه !
لا حنّه من مجاهيم الليالي كل طيّب ساس
شلون اصدّ و انا اول حفيد يشيل طاروقه
رغم ما به لا زالت مرحباه تسابق النسناس
لو ان باقي كلامه ينجرح من ثقل منطوقه
لا مرّ اسمه و شفت ونعم ماتسبق عسى ما باس
تقف روحي وقوف الدمعة الي في طرف موقه
اشوف الموت يوم اشوف ضعفه في عيون الناس
وجودي ليت كبدي من حيود الأرض مخلوقه
آحايل خطوته و ادرى تعب ساقه من المجلاس
لااخذ منه الكْبر حيله وهو ماتوخذ حقوقه
اسولف له بوقع الرايح الي يجذب العسّاس
و لو ما عاد يجذبه الحيا لا لاحت بروقه
عليّ ارضيه و احرر يدينه من قيود الياس
و لا ايّس منه دام الأرض تحته و السماء فوقه
- متعب البقيلي
تحت ليلٍ ،تحته يضحّي العاشق بمعشوقه
يابوي ، الشاعر الي حطّ حتى فالجماد إحساس
يشوف ان كل فكرة تنحني لرضاك مطروقه
لكسرك ليت مالي ذاكرة ، و اسلى مع الجلّاس
نديم الذكريات تقطّع الانفاس معلوقه
لي أكثر من ثلاث سنين وضلوعي وكر قرناس
متى و الحرّ من كسر الهداد يوالف سبوقه !
خليل الجود من عاد الزمن جوع و ظما و عماس
علامه شحّ دوني بمرضه و عروقي عروقه !
لا حنّه من مجاهيم الليالي كل طيّب ساس
شلون اصدّ و انا اول حفيد يشيل طاروقه
رغم ما به لا زالت مرحباه تسابق النسناس
لو ان باقي كلامه ينجرح من ثقل منطوقه
لا مرّ اسمه و شفت ونعم ماتسبق عسى ما باس
تقف روحي وقوف الدمعة الي في طرف موقه
اشوف الموت يوم اشوف ضعفه في عيون الناس
وجودي ليت كبدي من حيود الأرض مخلوقه
آحايل خطوته و ادرى تعب ساقه من المجلاس
لااخذ منه الكْبر حيله وهو ماتوخذ حقوقه
اسولف له بوقع الرايح الي يجذب العسّاس
و لو ما عاد يجذبه الحيا لا لاحت بروقه
عليّ ارضيه و احرر يدينه من قيود الياس
و لا ايّس منه دام الأرض تحته و السماء فوقه
- متعب البقيلي
قصيدة
22 Oct, 16:59
ساد غيم ولاح برق وطاح دمع وسال وادي
يا عيوني وش بقى من دمعك اللي تذرفينه
بين (لا تبحث خفاك) و (لا حياه لـ من تنادي)
أنقطع حبل الرجا المربوط في النفس الحزينه
لا نويت أسلى عن الحزن بـ طويلات المبادي
قامت الذكرى وراي تقول:جعل الله يعينه
من كثر ما تضغط الدنيا علي وأقول عادي
صرت أواجه وقتي الغلاب وأصافح يمينه
الهجر يقدر يسوي ما تسويه الأعادي
والوصل يقدر يعيش صاحبه وضع السكينه
يا حفيدٍة متعبين الخيل مروين الهنادي
كل بيت فيك يلبس له عن الأبيات زيِنه
لا تلوميني ليا جيت لك كلي مفادي
من يشوفك مستعد يسوق لك عمره رهينه
في وصوفك يعجز لساني ولا يعجز فؤادي
يوصلك شعري من الأعماق كنّك تخطفينه
أتعذّر كل ليله بـ الشعور اللا إرادي
كن ما ذا بـ الشعور اللي من أول تعرفينه
لا يهمّك لو يقولون البحر ما هو بـ هادي
المهم أن البحر ما طيّر شراع السفينه
أطلبيني كل شي إلا التهاون في المبادي
من تهاون في المبادي يا عسى ربي يهينه
عاشقً غادي بـ حبك والله أن ماهو بـ غادي
لو ورا حبك يبيع العمر و يضيّع سنينه
- فهد بن خشمان
يا عيوني وش بقى من دمعك اللي تذرفينه
بين (لا تبحث خفاك) و (لا حياه لـ من تنادي)
أنقطع حبل الرجا المربوط في النفس الحزينه
لا نويت أسلى عن الحزن بـ طويلات المبادي
قامت الذكرى وراي تقول:جعل الله يعينه
من كثر ما تضغط الدنيا علي وأقول عادي
صرت أواجه وقتي الغلاب وأصافح يمينه
الهجر يقدر يسوي ما تسويه الأعادي
والوصل يقدر يعيش صاحبه وضع السكينه
يا حفيدٍة متعبين الخيل مروين الهنادي
كل بيت فيك يلبس له عن الأبيات زيِنه
لا تلوميني ليا جيت لك كلي مفادي
من يشوفك مستعد يسوق لك عمره رهينه
في وصوفك يعجز لساني ولا يعجز فؤادي
يوصلك شعري من الأعماق كنّك تخطفينه
أتعذّر كل ليله بـ الشعور اللا إرادي
كن ما ذا بـ الشعور اللي من أول تعرفينه
لا يهمّك لو يقولون البحر ما هو بـ هادي
المهم أن البحر ما طيّر شراع السفينه
أطلبيني كل شي إلا التهاون في المبادي
من تهاون في المبادي يا عسى ربي يهينه
عاشقً غادي بـ حبك والله أن ماهو بـ غادي
لو ورا حبك يبيع العمر و يضيّع سنينه
- فهد بن خشمان
قصيدة
22 Oct, 16:58
تعال ارقد على كف الحنان وودع الترحال ..
يلـمّـك ساعدٍ لـمّه عذابٍ ماهو بـ قده
تعال وركّد وصالك على جال الضلوع دلال
ولحّق باقي ضلوعي ونار الشوق ممتده
بقهوي لمة جروحي واصب لخاطري فنجال
وأمدّه للخفوق اللي غدا ندّي وأنا ندّه
تكسَّر خاطر الفرحه وأنادي للجفا بوصال ..
أثاري هالجفا سيفٍ غرس في هالحشا حده
أنا حروة نذير الموتْ بدا في خافقي يجتال
طفقت أخصف على عورة ذنوبي من ورق وده
تعالي لعنبوا وقتٍ يدنِّي قيمة الرجّال ..
يمد لخافقه موته ولا يقوى على رده
تعالي وامسحي دمعٍ على خد الشهامة سال ..
نزف من قوة الرجّال ضَعفٍ باح لك سده
تعالي شوفي قليبي على حطة يدك لازال ..
على حد الشعور اللي تفارقنا على حده
- فواز المقبل
" خمرة فاء "
يلـمّـك ساعدٍ لـمّه عذابٍ ماهو بـ قده
تعال وركّد وصالك على جال الضلوع دلال
ولحّق باقي ضلوعي ونار الشوق ممتده
بقهوي لمة جروحي واصب لخاطري فنجال
وأمدّه للخفوق اللي غدا ندّي وأنا ندّه
تكسَّر خاطر الفرحه وأنادي للجفا بوصال ..
أثاري هالجفا سيفٍ غرس في هالحشا حده
أنا حروة نذير الموتْ بدا في خافقي يجتال
طفقت أخصف على عورة ذنوبي من ورق وده
تعالي لعنبوا وقتٍ يدنِّي قيمة الرجّال ..
يمد لخافقه موته ولا يقوى على رده
تعالي وامسحي دمعٍ على خد الشهامة سال ..
نزف من قوة الرجّال ضَعفٍ باح لك سده
تعالي شوفي قليبي على حطة يدك لازال ..
على حد الشعور اللي تفارقنا على حده
- فواز المقبل
" خمرة فاء "
قصيدة
20 Oct, 17:36
عليك الغلا والشوق ينساق لك بإهدار
أساس المشاعر انت يا سيّد اشواقي
فدا طلّتك قدامي الدار واهل الدار
ابيع العمر كلّه فدا حْضورك الراقي
أنا كلّما شفتك نبت فـ ضلوع ازهار
دخيل العيون الناعسه ترخي وثاقي
وش الحب لولا طلةٍ تخطف الانظار
من المبسم الآسر مغيبي ومشراقي
أملّ الاماكن والبشر واكره التكرار
ومعاك اعشق صغار التفاصيل باعماقي
سريتك عمر ماقلت يا طول هالمشوار
على جرتك سقت الخطى وانكسر ساقي
كبير القدر دايم جروحه تصير كْبار
وانا مابكيت إلا على هونت فراقي
عقوقك دمَحْها الحبّ لانّه الابن البار
عداك الملام وشرهتي واشين اخلاقي
عذرتك جعل عذري فدا كذبة الاعذار
اذا ماتت الاعذار؟ ظلّ العمر شاقي
عسى قلبك الخيّر يخالف هوى الاشرار
وترجع على خبري وعلى هقوة الهاقي
عرفتك كريم ومجلسك مدهل الخطّار
جعل دكّة خطاهم فدا صيتك الباقي
أمانه تشحّ بضحكتك كبْر واستهتار
بلا ضحكتك وشلون ينشاف برّاقي؟
اببقى على عهدك مدام الغلا مدرار
لنا ماضيٍ لاجله رميت آخر اوراقي
خطاطيبي الواجد رفضت ايهم اختار
أنا ما أبي إلا -انت- يا كلّ عشاقي
يهون الفراق وسيفه الدامي البتّار
اذا ان الوفا ما وقّف بوجه خفّاقي
- مها
أساس المشاعر انت يا سيّد اشواقي
فدا طلّتك قدامي الدار واهل الدار
ابيع العمر كلّه فدا حْضورك الراقي
أنا كلّما شفتك نبت فـ ضلوع ازهار
دخيل العيون الناعسه ترخي وثاقي
وش الحب لولا طلةٍ تخطف الانظار
من المبسم الآسر مغيبي ومشراقي
أملّ الاماكن والبشر واكره التكرار
ومعاك اعشق صغار التفاصيل باعماقي
سريتك عمر ماقلت يا طول هالمشوار
على جرتك سقت الخطى وانكسر ساقي
كبير القدر دايم جروحه تصير كْبار
وانا مابكيت إلا على هونت فراقي
عقوقك دمَحْها الحبّ لانّه الابن البار
عداك الملام وشرهتي واشين اخلاقي
عذرتك جعل عذري فدا كذبة الاعذار
اذا ماتت الاعذار؟ ظلّ العمر شاقي
عسى قلبك الخيّر يخالف هوى الاشرار
وترجع على خبري وعلى هقوة الهاقي
عرفتك كريم ومجلسك مدهل الخطّار
جعل دكّة خطاهم فدا صيتك الباقي
أمانه تشحّ بضحكتك كبْر واستهتار
بلا ضحكتك وشلون ينشاف برّاقي؟
اببقى على عهدك مدام الغلا مدرار
لنا ماضيٍ لاجله رميت آخر اوراقي
خطاطيبي الواجد رفضت ايهم اختار
أنا ما أبي إلا -انت- يا كلّ عشاقي
يهون الفراق وسيفه الدامي البتّار
اذا ان الوفا ما وقّف بوجه خفّاقي
- مها
قصيدة
19 Oct, 19:09
أنا أحق بـ انسام الهوا من غصون الراك
لو أني ما اميل أن هبت النود بزياده
معي من بعد هذا الغياب الطويل ادراك
ادراك اللي يدري بـ الخطا كل ماعاده
افك الستاير و انتظر من ورا الشباك
متى الليل يجبر خاطري واكسر سهاده
حبيبي من الـ لبيه لا يا عساه فداك
ماعندي لك الا قلبٍ بما نبض جاده
يناديني النسيان و اسمعّه ذكراك
على صوت فيروز وعلى القهوة الساده
يازين الحظوظ اللي رمتني على مرماك
عنودٍ تقود الصيد و اليوم منصاده
لا تستغرب اللهفه على ضحكتك ورضاك
رضاك السحاب و ضحكتك صوت رعاده
تماديت في قلبٍ جبره الحنين و جاك
و معجبني انه فيك مسلوب الإراده
تمادى علي أكثر ، مادام الغلا ولاّك
لك القلب منقاد و لك النفس منقاده
أحبك ، قبل لا أختار في وصلك و فرقاك
ولا فيه احد يختار موته و ميلاده
وش الورد و ليال الهوى و الشعر لولاك ؟
يا فرحة ملذات العمر و اجمل أعياده
انا لو دريت اني بـ احبك قبل لا القاك
ماعشت آتمنى حظ " ليلى و ولادّه "
وانا لو عرفت أسمك قبل طلة محياك
تبي تشوف حرف "الباء" على عنقي قلاده
- العنود الواصلية
لو أني ما اميل أن هبت النود بزياده
معي من بعد هذا الغياب الطويل ادراك
ادراك اللي يدري بـ الخطا كل ماعاده
افك الستاير و انتظر من ورا الشباك
متى الليل يجبر خاطري واكسر سهاده
حبيبي من الـ لبيه لا يا عساه فداك
ماعندي لك الا قلبٍ بما نبض جاده
يناديني النسيان و اسمعّه ذكراك
على صوت فيروز وعلى القهوة الساده
يازين الحظوظ اللي رمتني على مرماك
عنودٍ تقود الصيد و اليوم منصاده
لا تستغرب اللهفه على ضحكتك ورضاك
رضاك السحاب و ضحكتك صوت رعاده
تماديت في قلبٍ جبره الحنين و جاك
و معجبني انه فيك مسلوب الإراده
تمادى علي أكثر ، مادام الغلا ولاّك
لك القلب منقاد و لك النفس منقاده
أحبك ، قبل لا أختار في وصلك و فرقاك
ولا فيه احد يختار موته و ميلاده
وش الورد و ليال الهوى و الشعر لولاك ؟
يا فرحة ملذات العمر و اجمل أعياده
انا لو دريت اني بـ احبك قبل لا القاك
ماعشت آتمنى حظ " ليلى و ولادّه "
وانا لو عرفت أسمك قبل طلة محياك
تبي تشوف حرف "الباء" على عنقي قلاده
- العنود الواصلية
قصيدة
19 Oct, 19:07
أتحرى مجيّك وأتشوّق لقاك
والمُتيّم عقارب ساعته تقرصه
كيف ضحّيت في قلبٍ يدوّر رضاك ؟
الذهب ما يفرّط فيه من يبخصه
ليه تجبرني اكره كل ذكرى معاك
من ملك في الحياة أحباب وش ينقصه ؟
لا تراهن على الحُب ويغّرك غلاك
قلبي أثمن من إن إنسان يسترخصه
- سعود مهدي
والمُتيّم عقارب ساعته تقرصه
كيف ضحّيت في قلبٍ يدوّر رضاك ؟
الذهب ما يفرّط فيه من يبخصه
ليه تجبرني اكره كل ذكرى معاك
من ملك في الحياة أحباب وش ينقصه ؟
لا تراهن على الحُب ويغّرك غلاك
قلبي أثمن من إن إنسان يسترخصه
- سعود مهدي
11,627
subscribers
412
photos
35
videos
