️قصائِد حُسينية 🇮🇶

@hussainaltaa

القناة الرسمية للناشر حسين الطائي

🇮🇶العراق بغداد الكاظمية🇮🇶

القناة خاصة بنشر⬇
القصائد الحسينية+مقاطع الفيديو الحسينية
صور حسينية+قصص حسينية+روايات حسينية
هٰذهي القناة صدقة لوالدي ووالدتي ونسألكم الدعاء

تأسست القناة__2016/8/28

@Husseainw معرف الخاص

️قصائِد حُسينية 🇮🇶 (Arabic)

تتحدث القناة "قصائِد حُسينية 🇮🇶" عن مواضيع حسينية متنوعة ومتعلقة بالعراق وبغداد الكاظمية. إنها القناة الرسمية للناشر حسين الطائي، وتعتبر مكانًا مميزًا لنشر القصائد الحسينية ومقاطع الفيديو والصور والقصص والروايات الحسينية. تأسست القناة في 28 أغسطس 2016 وتمثل صدقة لوالدي ووالدتي. ندعوكم للانضمام إلى هذه القناة الثقافية الهادفة والاستمتاع بمحتواها الثري. تابعونا على @Husseainw للمزيد من المعلومات والتحديثات.

️قصائِد حُسينية 🇮🇶

11 Oct, 16:37

بكاء السيدة الزهراء ارواحنا لها الفداء

اللهم طهر قلبي بحب الزهراء..

#الرواية_الفاطمية_الاولى
#تراث_سيد_جواد_ذاكر

346

️قصائِد حُسينية 🇮🇶

30 Sep, 13:49

https://t.me/n4_up

440

️قصائِد حُسينية 🇮🇶

16 Aug, 19:23

https://youtu.be/AdtlPsLxVEE?si=ZRluaWHgiiPlXoA9&sfnsn=mo

780

️قصائِد حُسينية 🇮🇶

04 Aug, 09:48

https://youtu.be/eW9ngmSTdfk?si=cD8aTC9o5AMux_OG

902

️قصائِد حُسينية 🇮🇶

03 Aug, 17:51

The owner of this channel has been inactive for the last 11 months. If they remain inactive for the next 20 days, they may lose their account and admin rights in this channel. The contents of the channel will remain accessible for all users.

️قصائِد حُسينية 🇮🇶

23 Jul, 21:48

تم نقل نشر القصائد الحسينية الى هذه القناة يرجى الاشتراك والنشر بها جزاكم الله خير 👆👆

1,070

️قصائِد حُسينية 🇮🇶

23 Jul, 21:47

https://t.me/ooo313h

975

️قصائِد حُسينية 🇮🇶

23 Jul, 21:45

https://t.me/n4_up

852

️قصائِد حُسينية 🇮🇶

16 Jul, 19:28

واحسينا واحسين
واحسينا واحسين
ـــــــــــــــــــــــــــــــــــــــــــــــــــــــ
زيـنـب الـحـره تـنـادي
حسين يامهجت الهادي
هجمت اعلينه الاعادي
والـيـتـامى فـي أنـيـن
ــــــــــــــــــــــــــــــــــــــــــــــــــــــــ
الـمـهـر نـاده الظليمه
زينب ابحسره اوهظيمه
والخيم مابقت خيمه
حـرقـوهـا الـظـالمين
ــــــــــــــــــــــــــــــــــــــــــــــــــــــــ
اتوجهت صوب المدينه
اتگله ياجدي انولينه
عـالتـرب طايـح ولـينه
وذبـيـح الـودجـيـن
ــــــــــــــــــــــــــــــــــــــــــــــــــــــــ
يـمـه يـالـزهـره تـعالي
شوفي يايمه الجرالي
كربله اشسوت ابحالي
مات عطشانٱ حسين
ــــــــــــــــــــــــــــــــــــــــــــــــــــــــ
بويه ياحامي الدخيل
طاح يابويه الكفيل
سحگت اعلى ابنك الخيل
اين انت اليوم اين
ــــــــــــــــــــــــــــــــــــــــــــــــــــــــ
خويه نادت يالحسن
اظلوع اخوك اتهشمن
شوف اخيتك بالمحن
يبنى سـيد المرسلين
ــــــــــــــــــــــــــــــــــــــــــــــــــــــــ
وين ابوفاضل تصيح
انسحگت ايتامك تطيح
بالرمح راس الذبيح
وتــراه كـــل عـــيـن
ــــــــــــــــــــــــــــــــــــــــــــــــــــــــ
ويـنكم تـنـدب يهلنه
شبت النار ابخيمنه
عـالنهر طايح علمنه
وقـطيـع السـاعدين
ــــــــــــــــــــــــــــــــــــــــــــــــــــــــ
تصيح واسوني يشيعه
ذبحوحسين اورضيعه
واسـو الـزهره الوديعه
فـالـعـزاء كـــل حـيـن
ــــــــــــــــــــــــــــــــــــــــــــــــــــــــ
لشاعر اهل البيت عليهم السلام
خالد عامر الزيادي

ملاحظه/ هذه القصيده تنقره يوم العاشر ختام المقتل على الواحسينا اوواحسين النص مالها ثلاث اشطر شعبي والشطر الرابع فصيح

1,055

️قصائِد حُسينية 🇮🇶

15 Jul, 10:19

السلام عليكم ورحمة الله وبركاته
اعزائي المشتركين في قناة قصائد حسينيه
تحولة القناة والنشر في هذي القناة ولكم الاجر والثواب

🔘رابط القناة للأشتراك🎙🔘
⬇

⬇

⬇

https://t.me/ooo313h

932

️قصائِد حُسينية 🇮🇶

15 Jul, 07:25

يامحرم    شهر الاحزان
يامحرم    موعــدك حان
ضمه ونوح وسبي وخيمات محترگه
֍֍֍֍
شايل ابشهرك جرح   ومصحف الله اعله الرمح
دموع واطفال وذبح     مناحر
اشگد يتـامه عطّشت اشگد شفـــــــايف فطّـرت
ويلي واشگد اكسرت   خواطر
يا محــرم بينه واشخــــليت ڪافي
چم طفل من دون والد يمشي حافي

وابهلالك   مات چم حيد
وابهلالك   منـــي شتريد
طفل بگمــــــاطه ذبلان ويبس حلگه
ضمه ونوح وسبي وخيمات محترگه
֍֍֍֍
ابصدري دخـان وألم     ابراسي مرسومه الخيم
ابعيني دمعه وبيها دم     چـــــوتني
اشعر ابلـــــوعة طفل    ابچفــــي آثــــار الحبل
واشعر ابســوط النذل     اعله متني
كل وجع بالطف گمت باحساسه اشعر
گمت احس ابچـف اديّه ابلايه خنصر

والحوافر      تهجم اجموع
والحوافر      تهشم اظلوع
احس اخيول داست صدري واتسحگه
ضمه ونوح وسبي وخيمات محترگه
֍֍֍֍
كلشي بعـيوني اختلف    عالنهر رحت ابلهف
چنها ايدي ابلايه چف     وگطيعه
من اصد الڪـــــربله     ابلا ڪفيل العايله
يعني صــارت معظله      وفجيعه
شفت الحسـين انكسر عالشاطي ظهره
يعني راح اخيول اميه اتدوس صــدره

مات كلشي     والله يانـــاس
مات كلشي     ابموت عباس
ابوفاضل صــــريع اعيوني ممصدگه
ضمه ونوح وسبي وخيمات محترگه
֍֍֍֍
جايب اوياك السبي     اگلوب محروگه وعبي
وتمشي عائلة النبي     غريبه
عيـــــــالهم متسلّبه     حلــــــــوگــهم متيبّسه
حـــــــافيه وامتربه    مصيبه
وام گـلب محروگ تمشي گوه گوه
اخ يا عـــباس وينـــــــك والله بلوه

اتصيح زينب      حــامي الخدور
اتصيح زينب      اشسوه عاشور
بناتي امتــونهن مــــن الظرب زرگه
ضمه ونوح وسبي وخيمات محترگه
֍֍֍֍
الاسود ابروحي انفرش    وعايش ايام العطش
ابگلبي عاشـورك نهش      ذبحني
وين ياخــــــذني الگلب     طفله نامت عالترب
موقف اهـــوايه صعب       جرحني
ارحل ابأيامــــك الذيچ الخرابه
چم طفل مرعوب وينادي ييابه

چم سبيه       دامــعه العين
چم سبيه      اتريد الحسـين
أنه غير المــــأسي ابهل شهر شلگه
ضمه ونوح وسبي وخيمات محترگه
֍֍֍֍
كلشي بهلالك شفت       راس الحسين ابطشت
ابداله ڪونك ذبّلت        شفاهي
طفله عالاب دورَت       شبگت الراس وبچَت
عالطـشت واتيبسَت       الـــهي
وچانت اكبر فاجعه ابديوان اميه
مــــات ابو ارقيه على بنته رقيه

مااريدك      كلك اجــروح
مااريدك     عوفني وروح
بيك اتنفست حـــزن اويه كل شهگه
ضمه ونوح وسبي وخيمات محترگه
✿✿✿✿✿✿✿✿✿✿✿✿✿✿✿✿✿✿✿
وليد المندلاوي

855

️قصائِد حُسينية 🇮🇶

10 Jul, 12:19

1,029

️قصائِد حُسينية 🇮🇶

10 Jul, 11:59

يمعشوگي ياحسين

يمعشوگي ياحسين

يمذبوحي. ...
گناطر شوگ تعبر روحي لمصابك
يمذبوحي ...
اتيه وبمحرم انلگي ابابك
يمذبوحي. ...
التعب ياخذني واغفه بطاري ترابك

اشد حزامي وعصابتي لمصابك ليليه
اجيك بطيفي لو مره طيفك مامر بيه
وارد انذر روحي لاذن بنيتك لوترچيه

الك ياخذني الحنين

يوجه الله. ....
الصبح ماجان هيج حسين جان اسمه
يوجه الله .....
الورد جان النده من جفك يلمه
يوجه الله. ....
عطرك وي رفيف الرايه اشتمه

بترافه احساسي يسجد وي حروفك
يكعبة شوگي وكلبي يحب يطوفك
اليحبك وي كل دكه بصدره يشوفك

ويشبگگ وي الونين

عله عيونك ....
شكثر مر العطش بس الغزل يحله
عله عيونك.....
. يحن گلبي والي مايسمح بمهله
عله عيونك ....
ميت كل حلم بس الخيم عدله

يكاسر گلب الدخان الي تارس انفاسك
يداعي لعدوانك جا گلي شكبراته احساسك
يمن منطيه لرمحك من طلباه منك راسك

يالمفحطها السنين

ذبل كلشي ....
بس خضر دماك اعله الاوض تربه
ذبل كلشي....
وبقينه نسجد اعليها الك
قربه
ذبل كلشي...
وبقه اسمك لهسه محد يغلبه

صدگ عروك اعله التربه ومسلوبات ثيابك
لچن الله خلاه يستر كل مضطر ترابك
لكيناك انته يالاول بينه برغم غيابك

ايا حبل الله المتين

طالب الصالحي

917

️قصائِد حُسينية 🇮🇶

10 Jul, 10:25

765

️قصائِد حُسينية 🇮🇶

09 Jul, 19:00

خدامك ونفخر بالخدمه باقين
ارواح الك ننطي ومانوفي يحسين

يلمحلى هالكلمه سمونه خدام
توه حيه گلبي ميت من العام
الهامك بروحي يااحلى الهام
ماينشره حبك والله ومينسام

ميت هلا بشهرك_خدامك تنطرك

بس نسمع بحزنك تتفايض العين

__________

لو رفت الرايه بالموكب نذوب
اسمك يمحلاته وعليها مكتوب
زغير وكهل رافع اسمه بالدروب
شسوه يبن فاطم عشكك بالكلوب

سابيها هالوادم _حبك يبن فاطم

مثلك منو نلگه ونحصل منين

___

خلونه نتشارك كلنه بالمصاب
نعوف الزعل هسه ونعوف العتاب
خل نهمل الدمعه للضل ع التراب
للكسرته عضمى من ضي اخوه غاب

للضل بلا ناصر _للينذبح باجر

يطلبنه مولانه خل نوفي الدين

___

خل فاطمه ترضى بهذا النقدمه
بلياها اي نعمه مااعدها نعمه
شمحلاها لو خادم يمها اتسمه
واحدنه بس يخدم خل هذا همه

ماضل وكت عدنه_كون اعلى موعدنه

ماندري ياساعه نصير احنه ميتين

___

واجب فرض لطمك عالشالته رماح
حاول شهر زينب مالحضه ترتاح
كثرو لطم ليها وزيدو بالنياح
شبعت هضهم بيها وشتيمه وصياح

لاننسى كسرتها_من طاحو اخوتها

ياجثة تنضرها تلكاها نصين

___

طالب الصالحي

793

️قصائِد حُسينية 🇮🇶

09 Jul, 14:47

يمته الثار يمهدي يمته الثار
֍֍֍֍
الك جيش يغـايب
على النار وگف وامتاني كلمة ظهر
والجنــود مواكب
بالامـــال بقــت منتظره منـــك خبر
يلطمــون الـى ان
يسمعــون ابو صـــالح لجلهم حظر
يمـــوعود أمـــاني
يخــــدمون ابلواء الخــدمه يالمنتظر
بيهم نار يمهدي يمته الثار
֍֍֍֍
الــك ثـــار نـريده
يمولاي بدايـت ثـــارك ابڪربله
والاصوات تنـادي
بالدمــــوع وأين الطالبُ ابدم هله
يمحجـــوب حُسينك
بقه ايلوب شفت يبن الحسن مقتله
والجـــروح چــثيره
والخدور وسف ربطوهن ابسلسله
يالمختار يمهدي يمته الثار
֍֍֍֍
نخـــــــت بيك علـــــيله
غبت وين بعــدني انتظرهم هلي
مـــن الشــــام رقـيــــه
تنــاديك على راس الابــو مقتلي
ومن ام اعون تصيحك
توصـيك ترف بيدك علم ڪافلي
للجـــــيــــوش تطــــبها
وبالچفوف يرد فقاره جدك علي
شنهو الصار يمهدي يمته الثار
֍֍֍֍
اخو حسين گمركم
الك عاف چفوفه ورايه صوب النهر
على الشاط تركهن
امــــانات يريــــدك تستلـــمها الگمر
خبـــــر راد يسمعه
من سنين تره المهــدي طلع وانتصر
والاعـــــداء تردها
والاخبـــار تگول الحــق يناس انتشر
سيفك غار يمهدي يمته الثار
֍֍֍֍
ينصـــرون قضيتك
يمولاي علي السيستاني جهز حشد
والك صاح امر من
ابوحسين نطــاني الفتوه هوه ابمجد
يصـــيرون يميــنك
على الموت الف مره يطب مستعد
ابعزيـــــات تربــوا
فــــدائين يجـــون ولا يهمـــهم لحد
صوت انصار يمهدي يمته الثار
֍֍֍֍
متى الصوت نسمعه
لقد جاء اخير اولاده حامي الحمه
نضل طـــول عمرنه
بالامـــال على الجمعه يبن فاطمه
من اتصـــــير يمهدي
عالاڪوان زعـيم الدنيه بالخاتمه
تشڪــــــلون حكومه
للاسلام المقر الڪوفه والعاصمه
حامي الجار يمهدي يمته الثار
✿✿✿✿✿✿✿✿✿✿✿✿✿✿✿✿
وليد المندلاوي

767

️قصائِد حُسينية 🇮🇶

09 Jul, 02:36

الزهره نشرت ثوب حزنه الليله
السمه كبل الارض دم تبجيله

انشر ثوب حسين مثل الرايه
يرفرف ويگطر گطر دمايه
ولاكتر من عنده مادايسته خيل
مرمل بتربان المسنايه

بالسمه صار صياح
شالت حسين ارماح

العرش يامنحور بس ترتيله

فاطمه استقبلت شهر دموعها
فقط عزيات ولطم موضوعها
تدور الينعى ويبجيها عليه
شلون بالحافر طفوها شموعها

المشهد اعليها نعاد
اطفال تشرد ليغاد

حزنه مايخلص شما تنعيله

شلون شافت ضهر يوم العاشر
حافر يسابک بسحكه الحافر
اخوانه والانصار كلها اعله الثرى
يصيح بآخر نفسه الا من ناصر

ضل وحيد بلا ناس
وعالنهر ضل عباس

ياهو منهم حايره تمشيله

فوک چتل حسين حرک خيامه
وفرت العيله تدک ع الهامه
زينب من الخيمه للتل اركضت
بوسط دخانه تدور ايتامه

حايره بهاي ام عون
تلم هالاطفاال شلون

حسين من بعيد بس توميله

الزهره شافت بالسبي بنياتها
وي كل سوط اعتلت اهاتها
حاضره بكل الجره والحاصل
شكبره مايخلص بحر مأساتها

من مصاب لغيره
الوجه وين تديره

اعليها الاسود مايصح تبديله

طالب الصالحي

727

️قصائِد حُسينية 🇮🇶

07 Jul, 11:31

امن يرد هذا الضعن المضطر للديار
امن يحامي كل طفل من لسعة النار
مااسألك رد القضا ياربي لطفك
هاي الهوادج لايجي يوم الها تحتار

لاتعطش ومامش ماي
لاتصرخ حسين هواي
لاطفله بالخيمه تصيح
يابابا دسمع مبچاي

_______

قافله وقايدها نحر متانيته السيوف
تترقبه ارمال الفلا وعينوها تشوف
شايل گلب شوگه رجف من بين الگلوب
هزه الحنين لخالقه ماهازه الخوف

تسبيحته مامن موت
ماريد يارب تابوت
گلها تعاليلي الروح
وبرحمتك خلها تفوت
_____

قا
يتمايز الموت بشكل ينشاف بين الخيمات
كلساع الحسين ايعثر ويكول كثرة اللجمات
خيط البقه من الامل مضمومله نبلة موت
مسألة جم صرخة عطش وتسمع بعبد الله المات

نيشان دمه على الكاع
خاف انسحك جسمة وضاع
وحسين ضل بين ثنين
بين الطفل بين اوداع

___

يحتار لو دمعة نزل ياصوب عينه
منا عده ومنا هله الكل كاصدينه
بس الفرق لهفة عدو عن لهفة احباب
بين اليشمون الصدر والساحكينه

فرق المطر عن النار
بثنينهن تبقى اثار
بس شجرة الله انداست
ونترست اسهم وحجار

----------

طالب الصالحي

854