الشاعر الحسيني سعد العبودي

اريد ابچي اعله زينب لا تلوموني
وخلي من البواچي يطيحن عيوني
**
هاي الي گضت دنيتها هم بهم
بشل أحوالها حيل الزمان اهتم
نار الدار تشبه نار المخيم
وگالت شاهدت چم نار تدروني
**
اريد ابچي عليها واعله حالتها
اشگد شافت مأسي بهاي دنيتها
ما يمها اخو وگربت منيتها
المن تلتفت ياناس خبروني
**
كفت وانتهت راح العمر وشل
وآيات الحزن هليله تترتل
كون اليوم اشگن زيجي فوگ التل
وكون بسوط اضرب وجهي ومتوني
**
زينب ياغريبه بيها من اسمع
وحگ عباس ماسيطر على المدمع
دوم من البواچي اعليها مااشبع
مجنون العقيله اتباهه بجنوني
**
اه يلشام يكسر گلبي طاريها
لأن مدفونه غاد ام الخدر بيها
چا دمعات عيني المن مخليها
كون ويه الدموع يطيحن اجفوني
**
يوم اخمسطعش من رجب بيه ماتت
غير الضيم زينب كلشي ماشافت
ماادري أخير انفاسها اشگالت
اضن نادت يخوتي ما تحضروني

سعد العبودي

غريبه زينب.    غريبه زينب

جنازتها الوحشه تغطيها*والحسرات تشيع بيها
ماتت وبعيدين إخوتها*محد منهم صلى اعليها

مهظومه وتستاهل دمعه*خل اليوم الزينب ننعه
تابوت نجيب بهاالذكرى*ونطلع فوگ الروس نشيعه
غريبه.  زينب            غريبه زينب
**
لليوم الغربه تعاشرهه*بيها يحس كلمن زايرهه
چن ذيج الخربه الطبتها*بيوت الداير مادايرهه

اليوصل ليها اتذبحه العبره*ويصرخ جن ماصارخ عمره
لليوم يخافون عليها. وبليل يسدون الحضره
غريبه زينب.          غريبه زينب
**
للتله حسين يروح الها*اليله وعن زينب يسألها
يتوجه للشام وينعى* ودموعه اعله الحره يهلها

زينب وابدن ماينساهه*اخته وخلص عمره وياهه
راحت روحه بذاك العاشر*من راحت زينب شافاهه
غريبه زينب.        غريبه زينب
**
باالدنيا اشگد ماتت هيه*من يوم الراحت مسبيه
من مرت عاالشاطي وشافت*بيرغهم طايح راعيه

رادت بلكي اتسمع اخوتها*حن فاگدحنت ناگتها
بذيچ الحضه تنز الناگه* لوزينب طاحت دمعتها
غريبه زينب.  غريبه زينب
**
زينب يامصدر عبرتنه*بس نذكرها تصب دمعتنه
مهما صار ولا ننساهه*والكل العالم اثبتنه

من راد يعيلون عليها*تطوعنه ورحنه نحاميها
وقسمنه بعباس وجوده*محد يگدر يوصل ليها
غريبه زينب.  غريبه زينب

سعد العبودي

كلمات سعد العبودي

الدعم الحسيني الزينبي دعم القنوات الحسينيه  الملتزمة وعدد مشتركيها لا يقل عن 500 مشترك من أفضل القنوات على التليكرام تنشر السته يوميا ثلاث مرات ساعتين كل مره ويتم الحذف من القناة  يكون الحذف من خلال البوت بعد انتهاء الوقت للاشتراك راسلنا على  الرابط 👇👇

https://t.me/Abas747

الدعم الحسيني الزينبي دعم القنوات الحسينيه  الملتزمة وعدد مشتركيها لا يقل عن 500 مشترك من أفضل القنوات على التليكرام تنشر السته يوميا ثلاث مرات ساعتين كل مره ويتم الحذف من القناة  يكون الحذف من خلال البوت بعد انتهاء الوقت للاشتراك راسلنا على  الرابط 👇👇

https://t.me/Abas747

https://t.me/HusseinHadiShaala

ياالرايد الجنه،، للقاسم اتعنه
ابن الميامين،،،،،  زوره

لو رايد الجنة عدن متشوقه عيونك
لحظرت القاسم اعتني وخلهم يدلونك
لو حاجه عندك لو طلب ميخيب اضنونك
زواره عنه اشگد قصص خلهم يسمعونك
تشهدله زواره،،،، ونعرفت اخباره
ابن الميامين،،،،، زوره

باب الحوائج والده وهوه نفس طبعه
محد يجيله بحاجته والقاسم ايرجعه
اليدعي يمه يقدره  واليهمل الدمعه
الرحمه وي المغفره يم بابه مجتمعه
يغفرلك اذنوبك،،، يسترلك اعيوبك
ابن الميامين،،،،،،،، زوره

اطيب عطر لو رايده اشتم عطر بابه
هذا الكريم بكل وكت ما ينسه احبابه
والزاره يركضله الهوى ويشبگ على ثيابه
اشگد ملوك اتعنته وسجدت على اعتابه
جده النبي هوه،، منبع للمروه
ابن الميامين،،، زوره

هاي المدينه اتشرفت، بوجوده بنواره
وشيريد من الله بعد هذا الصبح جاره
من حظرته ومن مرقده يصبح عطر داره
صبح ومسه وبكل وكت يقراله الزياره
والعايش بقربه،،، مايشعر بغربه
ابن الميامين،،، زوره

من مرقده وبكل حزن ابعث تحياتي
بلكي النسايم للرضا تاخذها دمعاتي
اتمنه ازوره لو گلت! تخنگني عبراتي
لكن الضامن ادري انه. يسمعها كلماتي
حلمي ازورنه،،، وشباچه اقبلنه
ابن الميامين،،، زوره

سعد العبودي

بت باالگلب والهم يعت باالبيت
الصاراوياچ ازيد صار باالبيت
ييمه من اجي وما الگاچ باالبيت
احيرن والوسيعه تضيگ بيه

سعد العبودي

ما تاخذ سلامي ياهو الها
ترى ليلة جفاهه ياهو الها
عگبچ گلها زينب ياهو الها
خمس اسنين وتيتمت هيه
سعد العبودي

تطفه الشمس لو غمضت امنه
ياهو البعد يحضنه ويضمنه
راح كلشي وياهه.   اه من فرگاهه
**
راحت عافيتنه ودعيناهه
وبعد هيهات ابد مانلتقي وياهه
حنينه الوالده وماينسي ارباهه
گعدتها گبل باالبيت محلاهه
كل كلمه منها تفيض، حنيه
اشگد حلوه بيها الدار يوميه
بليل ودعناهه.   اه من فرگاهه
**
انام اليل كله وهيه سهرانه
اشكثر شافت تعب ياناس بربانه
اليوم البيت تبچي عليها حيطانه
اول ليله امنه ماهي ويانه
باالضلمه من شالو جنازتها
زينب يتيمه اليله خلتها
يوم ماننساهه.  اه من فرگاهه
**
باب الدار ابد ماودنه ليه انصد
البيت بلايه ام مايسوه بيه نگعد
اليالي الحلوه راحت مستحيل ترد
صعبه الذكريات وباالگلب تمرد
بسمتنه راحت ما ترد ساعه
ثاري العزيز يموت وداعه
حين زتيناهه.    اه من فرگاهه
**
ضلعها والگلب نفس الكسر هنه
حيل مدللين وياهه من چنه
هليله اندفن باالگاع موطنه
الدفنها بليل كون وياهه دافنه
امنه العزيزه هيچ تاليها
باالخفيه والدنه يواريها
صاح من وارهه. اه من فرگاهه
**
مو مثل الخلگ نگصد گبرها احنه
نص اليل نمشي بخفيه لو رحنه
نبچي بسكته فوگ الگبر لو طحنه
ونخاف الظلمه لا تعرف ملامحنه
ننعه اعله امنه وخرسه النياحه
وحتى الگبر مانوصله براحه
ليش يادنياهه.   اه من فرگاهه
**
گبرهه المخفي شاهد عن ضلامتها
جيل الجيل حتى يعرف قصتها
ليش توصي نص اليل دفنتها
وليش اشچم نفر حضرو جنازتها
بهاي الوصايه وضحت فكره
عن الضلمهه فاطمه الزهره
هاي بضعة طه.  اه من فرگاهه

سعد العبودي

الدعم الحسيني الزينبي دعم القنوات الحسينيه  الملتزمة وعدد مشتركيها لا يقل عن 500 مشترك من أفضل القنوات على التليكرام تنشر السته يوميا ثلاث مرات ساعتين كل مره ويتم الحذف من القناة  يكون الحذف من خلال البوت بعد انتهاء الوقت للاشتراك راسلنا على  الرابط 👇👇

https://t.me/Abas747

الدعم الحسيني الزينبي دعم القنوات الحسينيه  الملتزمة وعدد مشتركيها لا يقل عن 500 مشترك من أفضل القنوات على التليكرام تنشر السته يوميا ثلاث مرات ساعتين كل مره ويتم الحذف من القناة  يكون الحذف من خلال البوت بعد انتهاء الوقت للاشتراك راسلنا على  الرابط 👇👇

https://t.me/Abas747

غريبه والأهل عنچ بعدين
يخت عباس توجع غربة الشام
ترى اليندفن عن أحبابه ابعيد
مو مثل الذي أبين اخوته ينام
تألمتي اشكثر من البعد الحسين
ابد ماساعه رحمت بيچ الايام
هم ضيم اليسرهم ضيم الافراگ
اعله بالچ دوم يمكن حرگ الخيام
التل الزينبي يبچي اعله طاريچ
ولحد الآن لچلچ لابس الثام
يزينب بينه حسره نزورچ نريد
ونبچي بحضرتچ يااخت الاكرام
كسر گلوبنه يازينب اعليچ
وحگچ صار يشبه كسرت الچام

سعد العبودي

الامام العسكري عليه السلام

أنت المعزى سيدي.  ياصاحب الزمان
**
اليوم ابوك العسكري عن داره راحل
البيت چنه يطيح اذا راعيه شايل
باالمدامع جينه نبعثلك رسايل
دنگينه ابابه چن روس السنابل

فاح العطر من مرقده. كنفحت الجنان

**
هاي فاتحته وجينه بعبره ليها
چنه نتمنه نشوفك انت بيها
اليله دارك للسمه يوصل بچيها
والامام العسكري مايرد ليها

هذا الرحيل المرتقب.هليله وكته حان

هاالمسه سامره اضلم كل سماهه
اليله حدر الگاع يتواره ضواهه
جنازت المسموم ياهو الشيعاهه
بذاك عمرك تنحب وتمشي وراهه

تبچي المصيبة والدك  ياسيد الحنان
**
اليله گلبك يابو صالح تدوي ناره
لوالدك ويانه من تقره الزياره
يبقه يتلاله الدمع مثل المناره
ويلي عاالمسموم تجرح هاالعباره

ثامن ربيع بكل الم.   يذكرها كل لسان
**
هسه وين بياكتر تصبح گعدتك
ياغريب من البشر يشبه غربتك
الون الاحمر تره يذكرنه بدمعتك
ياشمسنه بلهفه نتنطر طلعتك

ماضل امان ولا امن.بس قربك الامان
**
سعد العبودي

اليوم زينب عودت برچابها
جايه بحسره تزور احبابها
**
حيل مشتاگه واجت مستعجله
وباالدرب ماتستراح القافله
طگ گلبها تريد توصل كربله
الشوگ لخوتها الضياغم جابها
**
چان گبل الناگه يسبگها الگلب
باالبواچي خلصت كل الدرب
صعب حال ام الخدر كلش صعب
والحزن ناصبله خيمه أبابها
**
هيه درب الطف نواعي جابته
مساهره واليل أبد مانامته
هذا حاله الجاي لگبور اخوته
للي يسأل هچي چان اجوابها
**
جابها الشوگ واجت للمگبره
ومن على الناگه وهوت فوگ الثره
حگها زينب حيل معذوره تره
صار فتره مرافگه سلابها
**
حضنت اتراب الگبر وعليه هوت
وبچه التل الزينبي لمن بچت
حسين يبن امي عليه تلطم صفت
رغم كلشي ولا ماتسمعه اعتابها
**
تسولف وكل كلمه متروسه هظم
الفاگده باالمگبره تحب الطم
تره افراگ اهل الوفه يدگ باالعظم
حيل ذبلت والافراگ اسبابها
**

راحت الراعي الوفاء وگصدته
إنه ياعباس اجيتك ندبته
علم جابت فوگ گبره وخلته
والعيون ولانشف خنيابها

سعد العبودي

وينه اليروح العباس. ويگله يتلگه اخته
**
وينه اليروح الكافلي. ويگله چم احچايه
ويخبره زينب باالدرب. ليكم اجت مشايه
رجعت وهاضمها اليسر. ضيم بگلبها هوايه
وتتمنه ياراعي العلم تلاگي الضعن باالرايه

صاير الي انه هواي عباس ما شايفته
**
باالعبره ضليت اختنگ. من تستراح اضعوني
مااريدن اگعد باالدرب. هسه لهلي توصلوني
ارد اوصل حسين بعجل. ووصل كفيل اضعوني
لخواني ملهوفه وعلي. مشتاگه حيل اعيوني

بعاشر محرم لليوم ذاك العطر فارگته
**
عباس يابعد الگلب. عاالناگه ضليت انعه
صح انه ليكم راجعه. بس العمر شيرجعه
جبت الدرب يابوالفضل. ماعندي غير الدمعه
طشرنه يخواني الوكت. راحت هذيچ الجمعه

لمن طحت يم الماي. خويه الخدر ودعته
**
كلما گربنه الكربله. گلبي انه يركض بيه
عباس يدري بجيتي. هوه الضعن راعيه
چن اسمع يگلي هله. يازينب المسبيه
طولتي يابت فاطمه. عن اخوتچ ماهيه

وكت السبي ياعباس عني رحت وين انته
**
زين ورجعت الكم انه. بعدالمحن يخواني
وتمنه يمكم كون الي. يحفر گبر دفاني
اتمنه تصبح دفنتي. هليله يم ولياني
صرت بدمعتي اتوسلك ياموتي چا شمتاني

من ضيعيت الخوان. كل العمر ضيعته

سعد العبودي

https://youtu.be/nOkR_lcMvqQ?si=cahGeu6s1O6IvzbH

رحلت عمروياك من زغري من زغري
لوماخدمتك هاي مابيه طعم عمري
حسين حسين حسين
***
يحسين احبك من صدگ.. موبس شعر وحچايه
للباب چنت ازحف زحف.. لو يمرصوت اقرايه!
ماادري ليش من الزغر .. عيني تحب الرايه
واذكر تعلمت المشي ...وي طلعت المشايه!!
دوم انه اسولف بيك .. بحساسي بحساسي
مالي شغل باالناس هوه انته كل ناسي
حسين حسين حسين
***
طيبت خدمتك للأبد... ماشوفن اشبع منها
يحسين انه محبتك...وسط الگلب دافنها
جفيني تلطم بس الك ...من زغري وملقنها
النسمه التجي من مجلسك...اتمنه هيج احضنها!!
وبخدمتك امال مبنيه مبنيه
وبراسي مأتم صار . وقرايه يوميه
حسين حسين حسين
***
يحسين مرخوصات الك.. طول الزمان ادموعي
موضوع ماعندي ابد... بس خدمتك موضوعي
اشعل اشموع ابمأتمك... هم مثلي تبجي اشموعي
ومو بيدي اتمنه الطم..خيل وتدوس اضلوعي
اتمنه كون الخيل .. تسحگني تسحگني
ولا اسمع الزهراء .. اتنادي اه يبني
حسين حسين حسين
***
خادم تسميني الخلگ... والخدمه تاج ورفعه
يوميه ازورك سيدي ..مابيه اتاني الجمعه
يحسين انه بكل الوكت .. اقرالك ودوم انعه
عاالحرگه ولجاري الدمع.. انه المعلم الشمعه
ودوم انعه اه يحسين .. ومصابه ومصابه
للجله تضل العين .. كل لحظه سجابه
حسين حسين حسين
***
يوم اربعينك من تمر........... تتغير انه الواني
وابجي اعله زينب من ترد.. وتنادي وين اخواني
والموقف اليدمي الگلب ....والهزني والبجاني
زينب تسولف وي گبر ...وتتعاتب وي الثاني
وتنادي ياعباس ...حزنانه حزنانه
زينب اجيتك گوم ...ياخويه هاي انه
حسين حسين حسين
***
سعد العبودي

اليوم وصلت كربله بضعونها
زينب شغير الدمع بعيونها
**
جايتهم من سفر كله قهر
مفارگتهم صار أكثر من شهر
هيه تجري عيونها مثل المطر
وين أهلها هلبت يشوفونها
**
باالصحار گطعت دروب الألم
ركض بيها العمر چن ركضت سهم
تجري دمعتها اذا شافت علم
باالكفيل ورايته يذكرونها
**
لكربله متعنيه اجتهم زايره
چم مدينه وچم خرابه عابره
چم گبر صاح الها نرجو المعذره
على الفرگه زينب يحاچونها
**
من دمعها نگع اتراب الثره
شسوت بزينب هذيچ المگبره
ياخواني جيت اشوفنكم تره
صاحت ورادتهم يسمعونها
**
يهل گلبي تصيح صيحت فاجده
وعله گبر حسين خرت ساجده
جيت اشوفك كلشي أبد مارايده
وانه ادري الخوه انت تصونها
**
الافراگ هوايه اخذ منها عمر
مدلله وتجرعت ضيم وهجر
بكربله اخر مره يمكنها تمر
تموت برض الشام ويدفنونها
**
سعد العبودي

نعي. الاربعين

احتاميت لبن امي واجيته
ولاشفت وجها ولا لگيته
طحت اعله گبره وعاتبيته
وذاك البچي يمه بچيته
عندي حچي بس ماحچيته
لوبيت ضل عنده اعتنيته
وكضيت بابه وگابليته

شايف الحسره الي تضل بيك
من تحاچي گبره مايحاچيك
ومايمك بنادم يواسيك
وتحچي و يلحده شلونه راعيك
عطشان للملگه يخليك
وحچي المگابر مايرويك

رديت بس شلون رده
حسبالي اشوف اهل الموده
ذاك الوكت ماي وتبده
مثل الحلم راح وتعده


زينب انه وعمت ولدكم
خطار اجيت اليوم عدكم
اضم الحچي لو سولفلكم
متمرمره يابعد اختكم
تحاچوني احچايه ردكم
مشلوع گلبي الي يودكم


رديت ماكو بضعني رايه
وبالروس جيت الكم هدايه
توني ايست هاي النهايه
من گمت اسولف عا السبايه
حتى النهر بچيت مايه



سعد العبودي

الامام الحسن عليه السلام

فگد الحسن محتاره خلاهه
هذا الوداع هوايه بچاهه
زينب تصب دمعتها
تودع چبير إخوتها
**
واگفه زينب حزينه.......اليله يفجعها الزمن
اليله محنتها چبيره...محنت اوداع الحسن
سابع صفر بيه شافت اهموم
تعاين چبير البيت مسموم
تبچي وگلبها اعله الاخو يحوم
من البچي ما بطلت ساعه
هوه العزيز ايموت اوداعه
دنياهه مارحمتها...تودع چبير إخوتها
***
يلفظ أنفاسه الأخيرة........وكلها يمه گاعده
حسين فوگ الخد دمعته..والعقيله تشاهده
موت الاخو يترك علامه
يخليك ليلك ما تنامه
يشبه كسر جنح الحمامه
اليله الكريم يروح من يمها
من هسه طاحت اول اخيمها
قصت حزن قصتها....تودع چبير إخوتها
**
عاينت تشيع أخوها....هذا موقف موسهل
يابشر ميت سمعتو.....نعشه يرمونه بنبل
ماشايفه يوم من الايام
وسط النعش يرمونه بسهام
معذوره لو لطمت على الهام
هاي الجنازه الي يحملوها
من كل كتر بسهام يرموها
سهام الغدر صابتها... تودع چبير اخوتها
**
كسرت الخاطر عليها...بت محمد واضحه
راح اخوها الي توده... كل صباح اتصابحه
باالبيت ضلت زينب تلوب
وعلى المشو شيصبر الگلوب
تلتم صورهم وكت الغروب
والذكريات هواي تاذيها
تعاين الداره وهوه مو بيها
ما تنحمل وحشتها....تودع چبير إخوتها
**
دارت الدنيا عليها.... وچم مصاب الشافته
هاالسنه عا الناگه هيه.....راح تحي ذكرته
عدها بعد ماضلت احباب
ذيچ الصور غطاهه التراب
صارت غريبه بديرة اغراب
فوگ العواسل روس ولياهه
تالي الدهر للشام وداهه
رحلت الم رحلتها....تودع چبير إخوتها

سعد العبودي

ويلي.  على المسموم.    گضه العمر مالوم
**
هاي المجالس للحسن.          نحيها قررنه
منهج حياته وسيرته.        يوضحها منبرنه
كلنه حضرنه لمأتمه.            ولا ما تأخرنه
جيت عطاشه للنهر.            من ازغرنه لكبرنه

راعي الكرم مظلوم.   ويلي على المسموم
**
هذا الامام المجتبى.      بمتفرد بذاته
تارس الدنيا من فضل. عطفه وكرامته
چانت مفاتيح السمه.    مصدرهاكلماته
مظلوم هذا ويابشر.        عانه معاناته

عاش بضرف مشؤوم.    ويلي على المسموم
**
للمصلحه چان الصلح.    لليعرف اسراره
لو عنده انصار وزلم.      چا سله فقاره
ماضله واحد باالميه.     من خلص انصاره
محد يلومه المجتبى.       لو يگعد بداره

هذا الامر معلوم.        ويلي على المسموم
**
ماعنده باالدنيا اهم.    من سمعته ودينه
بحر العطايه والكرم.      صانعهن ايمينه
لهلحضه ماسدهن ابد.       فاتح دواوينه
فنجانه مو گهوه درس.      ليهسه ينطينه

خله اليلوم يلوم.      ويلي على المسموم
**
تاليهه باالسم نگضه.       سبط النبي عمره
وحسين من شاف الاخو.  حيل نكسر ضهره
ناده يبويه ياعلي.              يايمه يازهره
هليله ودعت الاخو.          ماينجبر كسره

ناعي المصاب يحوم.    ويلي على المسموم
**
هليله زينب بت علي.            هماله دمعتها
بهمها وحزنها تفارگه.          هذا اكبر اخوتها
لو يدري بخته المجتبى.   يبچي اعله حالتها
مسبيه من كتر الكتر.            الدنيا خلتها

تمشي بگلب مهظوم.   ويلي على المسموم

سعد العبودي

مشايه الك طلعت سويه......أكبر مسيره عالميه

٠٠٠
ملاين.   موالين. ...... طلعو سويه وكربله تعنوها
ها الايام..عاالجدام..هاي المسافات بفخرگطعوها
مثل النهر من يمشي مايه
تملي الشوراع باالروايه
هذا العشگ مابيه نهايه
ليك اعتنت أهل الحميه...اكبر المسيره العالميه
**
هلا بيك..تحيك..كل الخدم ها الواگفه لعيونك
شنو تريد ..من ابعيد..ميت هلا باالزايريحيونك
چنة عدن چنها المواكب
الماشايف يشوف العجايب
مشايه من كل المذاهب
حب الحسين اشرف هويه... أكبر مسيره عالميه
**
الزغار...والكبار..كل الدرب واحد يشجع واحد
يطلعون...يسيرون..كلهم سوى ام وابن والوالد
چم عائله متعنيه كلها 
لمن نوت قفلت نزلها
اسمع ام اتحاچي طفلها
وتگله هاي اعله الوطيه.... أكبر مسيره عالميه
**
الدروب ..والگلوب...كلها سويه تتطلع تلاگيكم
على الدار ..يزوار ..مروني خلونه نتبرك بيكم
تسمعها كلها اتصيح الدور
مر بينه يامن رايح تزور
ياالماشي صوب حسين مأجور
لاتجزي سولك مره بيه.... أكبر مسيره عالميه
**
حسيناه..عشگناه..اقدس عشگ باالدنيا احنه نشوفه
فردصوت..إلى الموت..وداعت علي لوننذبح منعوفه
مثل الهوى اي والله عدنه
عن شوفته محد يردنه
هاي السنه اضعاف زدنه
هاي الجموع الحيدريه..... أكبر مسيره عالميه

سعد العبودي

https://youtu.be/QmuoNDuJAM0?si=eVRnXj2JdqNrlqxd

مشايه   اجيناك         مشايه
وفايه    وگصدناك       وفايه
عشاگ ومجانين.  ننعد با الملاين.بدربك احنه ماشين.
وفايه
نحسب جينه خطوات  ياذيچ المسافات،تصبح  كلها رايات.   وفايه
**
هذا الزحف مليوني ليك اعتنه
بعون الله اكثر من العام السنه
ناس الاجتك باالعشگ مؤمنه
كل الجمع هذا الوفه معدنه
نطويها هاالدروب نطويها
نمشيها يمحبوب نمشيها
تخلص اجمل ايام،زاير ويه خدام،، يسهر عينه متنام
جنه تصبح الگاع، لهفه والمشي بساع، بيرغ ينعد اشراع
وفايه
**
من خارجه ومن داخله هاالبلد
وبس الله يعلم هاالسنه باالعدد
اليمشي عاالعكازه وال باالمهد
طلگ الدنيا وللزياره گصد
محلاهه الصور هاي محلاهه
ارعاهه يمولاي ارعاهه
سفره هاذي، لله. دربك كله جبناه.  نهتف واحسيناه
يامحله الوفه وياك  احنه عاهديناك، لحضه مانسيناك
وفايه
**
موكب على موكب لحد حضرتك
وكلها تصير الوادم بخدمتك
عهد الله عاهدنه وحگ غربتك
مهما جره مانترك زيارتك
نحيها الجمع صاح نحيها
نفديها باالرواح نفديها
مانهتم للأخطار  ، تلتم كل القطار، لجلك نفدي الاعمار
ادينه الزيارات، وكت الانفجارات، مامنعتنه هيهات
مشايه
**
من كل مدينه وقريه من كل فرع
راياتنه ضلت الك ترتفع
هاي الزياره هيه روح الشرع
چنه نزورك حتى وكت المنع
زوارك الى موت زوارك
انصارك فرد صوت انصارك
حبك ياضوه العين.  يسوه الدنيا يحسين، مثلك ينعشگ وين
يمك لمن انروح، تشفى كل الجروح، عطرك للسمه يفوح
مشايه
**
لابرد لا حر ابد نهتم اله
وبكل حزن نستقبل العايله
مكسوره ذيچ الچانت مدلله
باچر سوه نتجمع بكربله
احبابك والعيال احبابك
يم بابك دمع سال يم بابك

نتجمع باالاحزان، يم گبرك يعطشان، ويه الفگدت اخوان
نواسيها باالاهات.  نبچي وياهه دمعات، عاالهم والمعنات
مشايه


سعد العبودي

https://youtu.be/UOez74qjRhI?feature=shared

https://youtu.be/O2LQEYl-BCE?si=vS6p6uQexadDY8Si

دموع زينب

ارد اسولف قصتي للزائرين
من اجيت لكربله باالاربعين.  
دربي حسرات والالم
لامواكب لا خدم
**
انه ياالمشايه.  ضعني مابيه رايه، وماسمعت احچايه.  
                      لوكلمه ترحيب
هذا گلبي وضيمه، لاذره ولا خيمه، دربي هيمه بهيمه
                     مابيه معازيب
محد الحياني، وباالهله تلگاني، گبالي روس اخواني
                  عن عيني متغيب
حايره بأيتامي، چم طفل ضل ضامي،، هيچي جبت ايامي.           ياجرح الي يطيب

باالشمس لوردنه نگعد نستريح
ماكو واحد هلا باالزاير يصيح
ماشفت رفة علم.   لامواكب لا خدم
**
من الهزل تعبانه، مانمت سهرانه، شرد اصيرن انه
                      من هاي الاحزان
دمعتي الحراگه، تچوي ضهر الناگه، وي اخوتي اتلاگه
                      ويلاه عاالخوان
الشمس كل مره، اذا صارت حمره، حسين اذكر نحره
                   واندب يعطشان
دربي يهل الغيره. خلصيته بحيره، گمت احس كل ديره،                مابيها بيبان
اليل اذا چلچل انوم عيلتي
وانه اگعد ابچي يم روس اخوتي
گلبي نصين نجسم.    لامواكب لاخدم
**
ابچي سكته وانعه..ماگطعت الدمعه ، راجعه وهاالرجعه
                      ماخلت ارواح
دنيا دارت بيه، وانهظم يوميه،زينب المسبيه
                     والحادي ذباح
موتتني الفرگه، بعد راح الملگه، مدري باالطف شلگه         بس هم و الجراح
لاخدم لاموكب، طلع بينه يرحب، من يصير المغرب
                     باالهيمه نرتاح
ولو هيه الراحه وين واحنه وين
بعد ياراحه وانه مضيعه الحسين
نگعد ونغفه عله هم.   لامواكب لا خدم
**
الخادم الحياكم، بلهفته وناداكم.  علي علي وياكم،
                     ضلت المسافات
لكربله ياالتمشي، واصل وماضل شي، بعد عيني ورمشي.          تصيح الخدم بات
وسفرتي اشگد صعبه، كلها غربه بغربه، يابلد لنطبه
                       تطلعي شمات
العطش أذانه،، وكل يتيمه ويانه، ذابله وعطشانه
                         حال اليتيمات
ماكو واحد جاب ماي اوزعه
شبيدي والعباس يم المشرعه
عينه صوبها السهم.    لامواكب لاخدم
**
من وصلت حسيني، دمع صبت عيني، عشره بينه وبيني.                   حب مااله حدود
جيت ادور گبره، روحي مثل الجمره، گلبي الله يصبره
                            عاالخوه ممرود
صحت من يسمعني، الزمن رجعني، وينه كافل ضعني،
                           ماضن الي عود
كلمه ماحاچاني، بهضمتي خلاني، ادري ماتنساني
                          ياصاحب الجود
گتله كلش خايفه يابن علي
خاف ازورك اخر زياره الي
وصرت اشم اترابه شم.   لامواكب لا خدم

سعد العبودي

شلون زينب بيها هاي ايامها
تمشي روس اخوانها گدامها
**

باالصحاري وعاالهزل متألمه
عاالتعب بت علي ما متعلمه
يعينها الله عااليالي القادمه
الدنيا ماخلت حلم بحلامها
**
تميل بيها الناگه ويميل الگلب
ابد ما ساعه استراحت باالدرب
بچفها تحمي اطفالها من الضرب
هيه كل خطوه تزيد الامها
**
كلشي راح من ايدها لمح البصر
اودعت وكت الدلال اعله النهر
عيونها اعله حسين يبسها السهر
رغم كلشي ما تدنگ هامها
**
تمشي لكن كل جدم يترك جرح
روس أهلها معلگه برأس الرمح
الشمس عدها تموت يوميه الصبح
تبچي حگها والفراگ الهامها
**
تبچي سكته ومن بچيها ماتمل
لمن اتگابل ام عبدالله الطفل
جرح زينب للأبد ما يندمل
وعدله ما ضنها تكمل عامها

سعد العبودي

حتى من  اندفن
   مابطل الحزن
ماانسه ذكراك.     وبگبري وانعاك.

أنه يابويه دمعتي،،، هوايه الك اجريها
ذبحتك عاشر محرم،،، والله ماناسيها
كربله وقصة المها،،، دوم اسولف بيها
تسحگ الخيل اعله صدرك،، وانه اصدن ليها
صدرك أمن انهشم،،،، تلتفت  للخيم
مشبوحه عيناك،،،، وبگبري انعاك

شنسه من الدنيا هاذي،، شنسه من الأمي
شفت عماتي سبايا،،،   عاالهزل گدامي
ونكسر گلبي يبويه،، من دفنتك ضامي
هذا اخر يوم اليه،،،   راح اودع ايامي
لو صرت با الگبر،،،اشكي ضيم اليسر
ذابحني فرگاك،،، وبگبري انعاك

اه من الشام ذيچه،، ليها من طبينه
گامت اعيون الشماته،، كلها تنظر لينه
هذا يشمرنه بحجاره،، واذاكه يحچي علينه
صعبه من سألونه گالو،، چا گمركم وينه
راسك ال باالطشت،،، انه يمه متت
ذاك الوكت ذاك،،، وبگبري انعاك

عمري خلصته بواچي،،، وحالتي ياحاله
واليطب شام النوايب،،،، لو يموت اشواله
لَيَتٌ أمًيَ لَمً تٌلَدٍنِي،،،، ولا اشوف اهواله
انه ذاكه الراس ابيه،، اعله الرمح يبراله
ينزف اعله الرمح،،، وانه گلي جرح
ومفطره اشفاك،، وبگبري انعاك
**
خلي ارحل من حياتي،،، الحزن ملاني
للحسين اليوم رايح،،،، راح اشوف اخواني
باالگبر عباس عمي،،       هسه يتلگاني
ترجع المه هذيچه ،، وغادي نلتم ثاني
طولت ياالاجل،،، خل اشوف الأهل
مربيه وياك،، وبگبري انعاك

سعد العبودي

عمتنه رايه وتمشي گدام
وما حسستنه بحرگ الخيام
طول الدرب لمن مشينه چن خيمه وتظلل علينه

احنه من نمشي ويه زينب،، لا تسمينه يتامه
هيه امنه وهيه ابونه،، وهيه عباس وحسامه
ادت الدور بجداره،، وخيمه چانت عاالامامه
اسره لكن هيه گدرت،، الاسر تگلب نظامه
رغم الالم وفراگ الحسين،، بس وعلي شالتنه باالعين
ونذهلت احبال البدينه،، چن خيمه وتظلل علينه

تعجبت من هاالاراده،، حته القيود البديهه
والحبل صبح ومسيه،، يصلي ويسلم عليهه
هيه طف ثاني العقيله،، وبتده بساعة سبيهه
من كثر مابيها هيبه،، چنها ابو فاضل وليهه
چنهه علي من هدم الات،،بس هيه حمزه تصير مرات
تسطر عدوها وتطفي عينه چن خيمه وتضلل علينه

مالمسنه الگاع مره هيه شالتنه بچفنهه
واحنه كل معنه الشجاعه والابه تعلمنه منهه
انه الحره هاشميه هاذي نغمتهه ولحنهه
كل دواوين الاميه من حچت ضمت لسنهه
وفايه والكافلهه وفاي كلما عطشنه تحولت ماي
تمطر محنه لو ضمينه چن خيمه وتضلل علينه

خيمه لو گلنه قليله هيه چانت كلشي هيه
چن علي لمرحب تقدم هيچ من طلعت سبيه
هيه عمتنه العظيمه شويه لو گلنه الابيه
الستر يمهه يصلي والشرف ياخذ تحيه
ام العفاف وام الحجاب بيه نفتخر لوسمها ينجاب
عن الاهل لو ناشدينه چن خيمه وتظلل علينه
**
الهوه مرات يوگف يمنه يصفن عاالعنايه
عمره ماشايف سبيه هيچ تعطف عاالسبايه
مره ذوالفقار تصبح مره تصبح هيه رايه
چن کتاب الله العقيله وحفضت اشچم ايه بايه
مادنگت لو هبطت هام رغم المأسي وذيچ الايام
كعبه وعليها اتجمعينه چن خيمه وتظلل علينه

سعد العبودي