احمد الزينبي

يبن امي ....... يبن امي

نام براحتك هل مره وارتاح
بعد لا خيل لا يلفيك ذباح
موت ولا تهم ورتاح يحسين
يا ميت يحس بطعن الرماح

صاح اخ من وصل نحره الرمح
نعاد شو جنه الذبح
ميت يحس بالجرح

اخ خويه
ضلوع صدرك ياهو داناها اعله ضهرك
اخ خويه
ميت ومشلوع كلبك يبجي نحرك
اخ خويه
ياهو دلاها الحوافر خويه صدرك



/////////////////


يالمكتول مو مثل اليموتون
يا ميت عليه وادم يسحكون
يلكاسر كلبنه وهادم الحيل
لا تنشد عليها شباقي بم عون

صار ليل والخيم صارت رماد
كلشي قل وضيمي زاد
عاد بس اشرلي عاد

اخ خويه
تايها وعل التل اباوع وين ادورك
اخ خويه
تيهت والردني يمك خويه عطرك
اخ خويه
هايمه ومابيه اشبكك خاف اعورك

//////////////




شواي شواي المن بيك يرباي
هاك وشوف خويه شصاير وياي
جا غير ادري ليل وضلمه يحسين
ليش اعليك ادور كسرت فياي

حيره هاي شلون يروه بلا شفاه
شجاب كلبه بسد كفاه
حسين موش حسين اه

اخ خويه
ليش هيج اعله التراب مطشرينك
اخ خويه
فوك ما مذبوح ليش مسلبينك
اخ خويه
تسع اصابع موش عشره الله يعينك

//////////////////////////




كمت من يمك ومكسوره جم روح
امشي والتفت صوبك يمذبوح
هلبت زينب تكلي وارد ليك
وتطيب دليلي وتجبر جروح

رح اروح ولا تكلي ليا مجان
بعد عينك وين امان
حسين طشرنه الزمان

اخ خويه
شفت نوك بلايه هودج حضروهن
اخ خويه
حبال جابو اسمع يكول أجتفوهن
اخ خويه
ذني مسبيات صارن مات اخوهن

احمد
الزينبي

https://youtu.be/gs-22y-uFJY?si=JgoJI_tfl0vuY1ca

https://youtu.be/w226gox-DJc?si=EVSsq8s-4TgetNES

بيده لم جروحه
حسين طلعت روحه
يباوع امه تفرهدت مثل الشمع

حيل ما ضل عنده
دمعه سومر خده
وشيضل بحيله وامه بلا ضلع

ضلعها مكسور عمت عين الكسرها
جا فاطمه شلون تعيش بلا ضلعها
ويه النفس اخ تصيح من وجعها

يمه هاج ضلوعي هاي روحي اخذيها
يمه هاي دموعي عل الضلع خليها

واماه يا زهراء

/////////



يا مصيبة حاله
الماتت امه كباله
وشيهود جرحه البيته بلايه ام

وشيضل بحاله
الباوع الكتاله
عايش ولا من ينسه ولا ينتقم

كيد الوصيه علي كيدها ايده
باب الرزيه اليذر حيدر وحيده
يلوجها ايده علي فاطم شهيده

بيا علي يصبرونه الخله رايح منه
جا علي شنكله حتى يحمل حزنه


////////////////




تيتم اول عمره
ماتت امه الزهره
والتموت امه يشيب من الزغر

استعجلت بفراكها
كلبه لو يشتاكها
يسهر وي دموعه لحد لون الفجر

ثاري الشمع موته من الحاوي كلبه
واليمشي بجنازة امه يعيش غربه
كل صعبه تسهل ولاكن هاي صعبه

البيده يدفن امه يعني دافن روحه
على مكابر دربه جدمه يندل نوحه

///////





فاتحه وخسرانه
علي سد بيبانه
يا ربح والماتتت ام بيته وهله

جرحه يلجم داره
ما تهود ناره
دام ماخذ ثاره وكص ايد العده

هل مره ابو تراب صفه تراب اعله خله
لو مر عليه هاب يعثر طوله كله
لو صد عله الباب يفز موقف يكتله

هيج يمه احوالنه والهظيم كاضينه
فاتحه وخسرانه ياهو يدري شبينه


احمد
الزينبي

لا تبجي يل مفرهدتك الخيل
يل عل كاع وزعهن عضامه
ضم دموعك لباجر يمذبوح
وراك العاشر ولوعة ظلامه
وراك اجم ذبح وطلابة الماي
باجر ما يمر يمه بسلامه

فوكك حوافر صلت واخت غريبه وطلعت
حسافه

حيلك يفارك جسمك والكاع تروه بدمك
حسافه

حسين
يمه باجر ماكو راي لاكو خوانك
باجر يشح بيك ماي يروي عدوانك
بهيمه ما فوكك فياي ونار صيوانك

//////////على المذبوح وا وايلاه


تبجي اعله الضلع يالماك ضلوع
باجر صدرك اعله كفاك طابك
باجر حافر يدوس السماوات
وتراب الأرض بالكمره لازك
تشهك بس شنو يفيده البلا ضلوع
ما يوصل هوى بدوس السنابك

طشر الرمل طش صدرك كلبك طلع من ضهرك
حسافه
يالجرحه سومر خدي ما يلتم المتبدي
حسافه

حسين

ثوب مالك لا كو في لا من خيمه
والعطش بالخيمه وي والزمن هيمه
يعينه الله الماله اخي يبتلي بضيمه


///////////على المذبوح واويلاه

من هسه العطش فطرهن اشفاك
مستعجل ييمه وياك جرحه
يا صبح المدنيه الراهي ممشاك
باجر شيبك يصلي اعله رمحه
شبيدي اعليك ردت الموت وياك
راسي وياك جان امنيته ذبحه

حيلي اعله جرحك ينهد يلما بقالك احد
مصيبه

يا ميت يخلونه بالهيمه ميدفوننه
مصيبه

حسين
تلث ليالي اعله تراب والشمس تسعر
لاكو في ولا ثياب بالفله مطشر
رسمك مضيعه العذاب يا ابو الأكبر

/////////////// على المذبوح واويلاه


موت ولا تباوع للخيم موت
صعبه تشوف مسبيه ام عبايه
صعبه اعليك فوك الهزل تفوت
وام خدور صارت ام سبايه
شافوها القبل ما طلعت صوت
وصاحو بت علي يا ناس هايه

ميت يبعد العافيه واختك غريبه وخايفه
مصيبه

فوك الهزل توميلك بس يمه رايح حيلك
مصيبه

حسين
لاكو خيمه ولاكو راي لا من رايه
هيه وانته بلا فياي يا زمن هايه
عطشت وتعبت اهواي لياهو شجايه

احمد
الزينبي