دخيل موسى ابن جعفر ( حيدر شايع )

دخيل موسى ابن جعفر ( حيدر شايع ) pinned «تخلص الدنية وتبقة جلمة واحسيناه تخلص الدنية وبس دمعنه اهناك نلكاه باجر نموت وتبقه بينه اخيام ودموع ومن تجي الزهره نكلهه ابنج مانسيناه عينك تسدهه وكلشي انحسم وعمر الي عشته بلحظة انختم باجر نموت ويبقه الالم  .. للضل غريب واليوم الاول من الكبر غير ابو…»

https://youtu.be/JFuCmnRdY8I?si=ePd8pFquGyVs42Uu

https://youtu.be/qOYNnyG475I?si=gBqkuB4AYuA8HjWp

https://youtu.be/ZYTJZxbJ9KI?si=_rWMUFkE0QGR7JZL

https://youtu.be/2dMekDbM1fs?si=g4rw4BKJTpiXe3_t

https://youtu.be/4ziO0rb7q1o?si=CRfG6Q_zsXDKNDoD

تخلص الدنية وتبقة جلمة واحسيناه
تخلص الدنية وبس دمعنه اهناك نلكاه
باجر نموت وتبقه بينه اخيام ودموع
ومن تجي الزهره نكلهه ابنج مانسيناه

عينك تسدهه وكلشي انحسم
وعمر الي عشته بلحظة انختم
باجر نموت ويبقه الالم  .. للضل غريب

واليوم الاول من الكبر
غير ابو الاكبر لاتنتضر
لو ردته يحضر هسه انكسر .. وزيد النحيب

وطيح شكو دموع البقن
وابجي لعزيز ام الحسن
باجر يجيلك بالكبر .. بالكبر

ولمن يجيك لحفرتك
حضرله بيدك دمعتك
وخله يشوفك منكسر .. منكسر

وانه بسكوني  .. ميت ومدالي ادين
لاترجعوني .. فأنا عند الحسين

*****

موعد لقائك وي حبيبك وانت مدفون
لمن يجيك وتعتذرله بماي العيون
وتحجيله حالك من متت والتمت الناس
لا لا تشيعوني صحت لا لاتشيعون

لا لاتشيعوني بكل نعش
خلوني اواسي الهده العطش
محبوبي خدة بهيمه انفرش .. شهذا العذاب

شلون انه اتشيع وانت لاه
وتابوتي ناسي تمشي وراه
ونايم تضل انت بكربلاه  .. فوك التراب

ليش انت محد ضل الك
لاجفنك لا غسلك
وتبقه بغربتك ع الترب .. ع الترب

لا والله ابد ماتنعقل
يغسلوني وانت بلا غسل
ومحروم حتى امن  الشرب  .. امن الشرب

والشيعوني .. مادرو بجروحي وين
لاترجعوني .. فأنا عند الحسين

***


لو خيروني نفترض ارجع لدنياي
لو ابقه مدفون ابكبر وعيونك وياي
ماريد ارد لدنيتي وبيهه انت مذبوح
ماريدهه العزت عليك ابرودة الماي

مولايه عينك احله واحن
من دنيه بيهه يروح الضعن
وجتفت عزيزات ام الحسن .. فوك الهزل

ما ارجع الدنيه الغدرتك
شكد عالي قدرك بس عافتك
بضعن اختك برمحك شالتك .. ودمعك يهل

بدرب السبي دموعك تصب
تعبت عيونك بالدرب
كد ما على اختك باوعت .. باوعت

اتأشرلك وانت برمح
ياخويه اذاني الصبح
بدرب الضوه انه اطلعت .. واطلعت

عنك خذوني .. وبالدرب ذبيت عين
لاترجعوني .. فأنا عند الحسين


****

اكتب وصيتي على خدودي بدمعة العين
كتبو اعله كبري هذا خادم جان لحسين
خلو بحفرتي ثوبي الاسود يالتدفون
ثوب اللبسته بموكبة وضل بي اثر طين

بهاي الوصية  موصي الخدم
ويه الجفن لفوني بعلم
واقرولي مجلس لهل الخيم .. بجلمة حسين

بتشييعي بس اسمه ينذكر
ونزلو الجنازة بحد الكبر
وخلو دمعكم بس للخدر .. وابجوله عين

لحد علي يجري الدمع
ابجو لكسر ذاك الضلع
بجنازتي ابجو اله .. ابجو اله

ابجو على الحيله انهدم
من سمع طايحله علم
ابجو لغربته بكربله .. بكربله

وانه اتركوني .. وع الضعن كثرو الونين
لاترجعوني .. فأنا عند الحسين


حيدر شايع
جعفر اللامي

مو هاي عادتكم يهلنه
مكشوفة نوگ البيهه رحنه
والراية نزلت من سمانة
وبروسكم غطو ضعنه

غيمت فوگاي السمة روس الي بختوني
وبخدي نگط مستحة واحترگت عيوني
يامن يرجعني لهلي الجانو يخدموني

يامن يرجعني لهلي
والگه اليعدل محملي
عندي زلم تسوه الزلم
كلهم اسميهم علي

يهل الحجي الحار .. يامجمر النار .. ياماي العيون
راح الضعن راح .. وبنيانكم طاح .. يالماتردون

٠٠٠٠٠٠٠٠٠٠٠٠٠٠٠٠٠٠٠٠٠

ماينحمل درب النواعي
منكم رحت ضايع متاعي
يالجنت احب اسمع حجيكم
صوت الغرب محتل سماعي

مجروحة اذني امن الحجي .. وراحت سوالفكم
من فوگ ناكة امهزلة .. خلوني اودعكم
مدري احجي مدري اسكت بعد .. حرگو محاملكم

اشتاقيت اشوفنكم خيم
واغيابكم يطلع وهم
تفصالكم هذا الخدر
وانتم نصبتوله علم

جا وينه جا وين.. ضهرك يالحسين .. المن ايده ينباس
كل الضعن مال .. واتبدل الحال .. من غير عباس
٠٠٠٠٠٠٠٠٠٠٠٠٠٠٠٠٠٠٠٠

معگود حزني اعليه معگود
بس والله لو عباس موجود
جا جفة هسه يطفي الشموس
بس الزمن طيحلي عامود

جا ما صعدت التل ولا تدنالي نيراني
ولاتبقة بعيوني صور .. طيحات خواني
ولا ينمحي كل الالي .. ويسبون نسواني

من عيني شو كلشي انمسح
وشو جفي من حبلي انجرح
معقولة حرگو كلشي الي
معقولة عباس انذبح

كلش انتهى ومات .. وهسه الضعن بات .. والصحره صيوان
يصير البجي هواي .. من نشرب الماي .. ع المات عطشان

٠٠٠٠٠٠٠٠٠٠٠٠٠٠٠٠٠٠٠٠٠٠

ميلت حمل درب المشيناه
نتحاسب اعله دموعنه وياه
هذا العفاف يريد مركوب
مو زين مركوب الركبناه

وعيونكم مال الجتف .. والحيل مو هوه
كل العيون امغورگة .. ونبجيلكم گوه
بچلمة الشام شكد حجو .. واني احجي بالخوه

كلساع واذكر كربله
من جنت اميرت عايلة
بس كطعو احبال الخيم
وكالولي فري بالفلا

من حركو البيت .. مكسورة فريت .. نار اقسى من نار
الحرگولي الخيام .. يحجون بالشام .. احتاريت شحتار

٠٠٠٠٠٠٠٠٠٠٠٠٠٠٠٠٠٠٠٠٠٠٠٠

حسين .. سافر خيالي بجنح الالم
حسين .. وشفتك غريب ابين الخيم
وحيد .. تريد
من الشريعة ايرد العلم

تدير بعيونك تشوف
سهام ورماح وسيوف
وحيد بغربتك بقيت وعليك الطفوف

اذا تمشي خطوه تخاف
يروح الستر والعفاف
وخواتك ينوحن عليك وتدير الجتاف

محروگ قبل الخيم
والحيرة نيرانك
لمن تدير الضهر
يسبون نسوانك
وسكينه رادت بعد
تشبكهه ذرعانك

٠٠٠٠٠٠٠٠٠٠٠٠٠٠
حسين.. من المخيم تمشي رحت
حسين..كوه اعله روحك بس كابرت
وداع ..ضياع
عندك بنات وعندك اخت

رحت كوه تمشي وأجوك
بعساكرهم استوحدوك
شجه ابالك ودم بجيت ٠٠ من حاوطوك

رفعت ايدك اعله الخيام
اعله زينب قريت السلام
طحت من مهرتك وحيد ٠٠وجثيره السهام

غير اليطب معركه
بس بالحرب باله
مويبجي وكت الذبح
جي عايف عياله
والوحده ماعنده اخو
وتسحكه خياله
...............................

حسين..حومه ومتاعب والغربه تل
حسين..الماعدهه والي ترديلهه حل

نحيب..غريب
ضعن التركته من دون اهل

يغافي بوسادت رمال
ركض بالبراري الدلال
ابي ياأخي ياحسين ..غريبه العيال

تعبنه ونريد الامان
الجمر صاير بكل مكان
كضن كل خيمنه وراك .. ونسينه الحنان

يحسين شوف الجمر
شسوه بعزيزاتك
طاحت رقيه وبجن
كلهن رقياتك
من الضوه يستحن
ورماد خيماتك

٠٠٠٠٠٠٠٠٠٠٠٠٠٠

حسين..گربت هزلهم يم الضعن
حسين..وانت بغربتك عاري البدن
بنات..خوات
ميت واجنك يمك شكن

يبويه مشينه اعله نار
واخذ اهلك الانكسار
العليل وأملنه الاخير ٠٠ يكول الفرار

ثكاله ويتامه وعليل
بلا حيله لاعدنه حيل
ركضنه بركض مستحين ٠٠ والحومه خيل

يحسين هذا التعب
امن المستحه البينه
بين الغرب والشمس
صارت بواجينه
ماشين عنك غصب
ترضه يوالينه

مو انة ياحزن
لا تحرگ الجفن
خاف جرحك هذا مو اليه

بعنوانك اغلطت
ياحزني وشكلت
هذا ضيمك لايگ لرقية

تدري بيه .. انه عشت بيا حضن
تدري بيه .. مو بكدك ياحزن
تدري بيه .. هاي اول مره اون

كوه فصلته عليه.. هذا دمعك مو افصالي
توني كمت امشي اعله جدمي .. والحرگ طلع اخيالي
كمت اصيحن انه بتمن .. من وكع مني دلالي

يابوية .. وينك تعال
يابوية .. وين الدلال
++++++++++++


شدلاني بالتعب
كمت اركض شعجب
اركض والتفت يعني عثرة

يسميني ابو العلم
ريحانة الخيم
ومشت ريحانتهم اعله جمرة

مو رقية .. جان ابوي يشمني شم
مو رقية .. جنت وردة بنص خيم
مو رقية .. هسه اذاني بيهه دم

جانت اخر شوفة اليه .. لوالدي حطني اعله صدرة
واسمعت دكات كلبة .. جنهه بيهه خيول عشرة
جانت امفطرة اشفافه .. وعينه مدري شبيهه حمرة

يابوية .. وشبگيني گال
يابوية .. وين الدلال

+++++++++++++++

مو هيج نفترك
جنت اشكد انشبك
جان يكعدلي واجي لشبكته

بس هسه لا ضعت
من هزلتي طحت
ومايقبلون ابجي على التركته

مانسيته .. وانه مجتوفة بهزل
مانسيته .. جان طولي وياه عدل
مانسيته .. احجي بي ويه الحبل

كتله ياحبلي اجاني بشفة مجروحة ابتسملي
شبيك كتله وكال ضامي .. وانتي هم عطشانه گلي
العطش خشن ملمس أيده .. وذايبه عيونه يحبلي

يابوية .. فوگ الجمال
يابوية .. وين الدلال

++++++++++++

وبليلة الدمع
صاير بچي الوضع
وانه انشد وينه بالسباية

مكسورة الگلب
ما اندل الدرب
ورحت ادوره اتخطة بالضحاية

ها يضامي .. شوف يابوية اشجبت
ها يضامي .. ماي منهم حصلت
ها يضامي .. الضهر مو كتلي اعطشت

شوفني شكد بوية احبك .. انطوني ماي وماشربته
رغم محروكات ادية .. ورغم كل ركض الركضته
ماكدرت اشرب واعوفك .. كوم هذا الماي جبته

يابوية .. هذا الزلال
يابوية وين الدلال

هالدنية صحرة وسجن .. مابيهه شي ينشاف
ينعاف بيهه الهوه .. وحسين ماينعاف
خليهه تمطر تعب .. مادام نبجي اضعاف
هوه المبلل دمع .. من المطر ميخاف


الدنية شما تبقة تحاربنه
من ايدينه الحب يلزمنه
ويودينه لباب المجلس
نتطشر وحسين يلمنه

مو صدفة حبينه .. انت التلم بينه
وصارت بواجينه برحمتك

كلشي بحكم حبك.. وارزاقنه بكلبك
رازقنه دمعاته وخدمته


دمعة الحب التزام
وغاية الحب مو كلام
اليحترك بالحب شهيد
والبرود اكبر حرام

ياحبيبي ياغريب
نور عيني ياغريب
..................

جينه لعزائك حطب .. جي شفنه حبك نار
واعيونه تصب جمر .. ما دام كلبك حار
يكبرنه حب الخيم .. وبالبجي انرد ازغار
نبجيك ردنه جرح .. ماردنه نبجي اعذار

يمته الحب من عدنه اتسمعة
يابو جروح الكلش وسعه
يمته نجازيك ونتعبلك
بلايه اعذار انصبلك دمعة

بس العذر منك .. عفنه الحجي بحزنك
وضلينه نحجيلك علينه

وانت العطش جاسك .. من طاح عباسك
ياكون نكطعلك ادينه

شنو الحب بلا جروح
وشنو الدمعة بلاية روح
انت دومك ما ايد
واحنه مانكدر نلوح

ياحبيبي ياغريب

شفناك خيمة ستر .. وبالحب تغطينه
انت الغريب الجنت .. ومازلت تحمينه
ياهو مثلك وكع .. بس ما غمض عينه
من فوك ذاك الرمح.. وتباوع اعلينه

من بابك رحنه وردينه
غيرك محد يرحم بينه
بس انت وبس حبك باقي
والدنيا خلافك مو زينه


نحلم يبو الاكبر .. وياك مانعثر
ونشيب واحنه بخدمتك

ولو متنة مولانه .. انت اتلگانه
وانطيح مولاي بشبكتك


حبنه هذا وهيج صار
بده نار ويبقه نار
كلشي يبرد بالوجود
ويبقه حبنه وياك حار


...................

نرسم صور ع الزمن .. ونلون اللوحات
بس انت لونك بقه .. عطشان عاري ومات
بالحومة ضل وحده .. وبكلبة علويات
وايام بعد الذبح .. فوك التراب يبات

صوته يصيح وضل يتعاله
عطشان ومحد يبراله
ندري اليعطش لازم يشرب
مو تسحك فوكة الخيالة

من ما شرب مايه .. دمة صعد اية
لهل السمه راحت دمائة

وكل الوجود اهتز .. من راسة ضل ينحز
مذبوح واتسلب ردائة

وانولد توه الضمير
لمن جمعوك بحصير
بجة كلشي ودمعة صار
بصحرة نايم وانت امير

لاتلتفت .. ماكو اليقدملك مهرتك
لاتلتفت .. محد بقة بس انت واختك
لاتلتفت .. ماتلگة عينك بس غربتك

منا اسهام امسممه .. ومنا خيام بلا زلم
منا علي الاكبر وگع .. والنهر ماخذلك شهم
واصحابك بذاك الكتر .. لا تنده الهم بالاسم
ضليت وحدك تلتفت .. وتشم هواك وتنلجم


لا يحسين .. اختك واعرف عيونك
اعرف زين .. المن تغير لونك
تباوع وين .. لا مسلمك لا جونك

٠٠٠٠٠٠٠٠٠٠٠٠٠٠٠٠٠٠٠

لاتنكسر .. خليني انشف بيدي عينك
لاتنكسر .. وانت امسح دموعي بدينك
لاتنكسر .. انه اختك وانه الاعينك

يالجرحك بروحك كبر .. يالما بقالك شي عدل
يحسين باقيلك اخت .. تتقاسم وياهه الحمل
هذا المهر جبته الك .. يالروحتك تكتل كتل
غمض عيونك لوشفت .. يم خيمتك جابو هزل

كلشي ولا .. بخدك تهل دمعاتك
كلشي انساه .. لتشيل هم خيماتك
انه هنا .. واحفضلك ابنياتك


٠٠٠٠٠٠٠٠٠٠٠٠٠٠٠٠٠

غض النضر .. يحسين احلفك بالزجية
غض النضر .. لاتاكل بروحك عليه
غض النضر .. متعوده انه اعله الاذية

من يوم ما طبرو علي .. ومن كسرو امن امي ضلع
ياخويه منهه تعودت .. وصارتلي عشرة ويه الدمع
اتذكرت ياخويه الحسن .. من شرب سم ماينجرع
واليوم اجتني كربله .. وبذبحك تريد انفجع

خويه الروح .. كل العمر متعلعله
راح تروح .. مني وشفافك ذابله
يامجروح .. جرحت حياتك كربله

٠٠٠٠٠٠٠٠٠٠٠٠٠

اخر هلي .. عطشان وهمومك تكسرك
اخر هلي .. من كون اذب عمري اعله عمرك
اخر هلي .. بس رايده تكشفلي صدرك

اكشفلي صدرك ياحسين .. وخليني اقبلك بالنحر
وخليني اشم اخر هوه .. وعني بعد دير الضهر
شويه ويصيحون انذبح .. ويوصلني عن ضلعك خبر
ومن الخيم أنه افر .. ولخدري مايبقه اثر

والنيران .. بالصحره تاخذ خدري
ياعطشان .. راح اصعد المو گدري
وبالميدان .. نايم تضل ياعمري

شوفي يالزهره غريبج
سوو اعلي دايره

هدو اللاف اعله واحد
هاي ابد ما صايره

ضهره كاسرته الشريعه
وعلى صدره الغايره

شلون نام حسين عاري
الكاع كلش حاره

طايح عطشان
ماعنده اخوان
وعيونه اتصب ماي وحيرة

طايح مخذول
تبراله خيول
والطارف لعياله يديره

يضاهي الجمر جان العطش ويسمعه جريان الماي
شكد صاح عطشان وبقت مفطورة شفة مولاي

#########

كومي يازهراء وشوفي
ابنج بيا حالة

طاح عطشان بغربته
وفارين اعياله

صاح يازينب سلامي
اعليه اجت خياله

طاح وتگاطر دمعته
وماكو واحد شاله

يازهره حسين
ماغمص عين .. ضلن مفتوحات عيونه

وينازع كام
حركوله اخيام .. وتركض بالبر شاف ضعونه

ماعنده اخو وماعنده ابن ولحيله يفزع تجاي
شكد صاح عطشان وبقت مفطورة شفت مولاي

############

شوفي يازهراء شصاير
الخيم وجت نارهه

وكلهه فرت على البيدة
ازغارهه واكبارهه

شسوت النار ابناتج
حيرت محتارهه

زينب امن الخيمة طلعت
ياهو يدري اخبارهه

تطلع من نار
واتطب ابنار .. ع التل صعدت ياحيرتهه

وين الخوان
يعمي الدخان .. ادركنا تصيح بغربتهه

يحسين صاحت ياكمر ياحيرتي ويابلواي
شكد صاح عطشان وبقت مفطورة شفت مولاي


############

كومي يازهراء احضري
لكربله بهالنايحة

وكولي ليش الوحده طايح
ومن كفاه شذابحة

واخته وسط الحومة طبت
عنه تنشد رايحة

شافته امدد وناحت
هاي كلش جارحة

لا ياعطشان
عندك نسوان .. كوم وشوف شصاير بيهن

ماعدنه اخيام
ولاعدنه ازلام .. كوم الحكهن يا واليهن

كالتله يبن امي بعد .. بس اليسر يرهم راي
شكد صاح عطشان وبقت مفطورة شفت مولاي

مجروحة عيني امن البجي ياناگة اصبري
خل انزل لذاك الشهم يمه احط خدري
ياناگة لا ما ودعت .. كلشي اخسرت .. شيصير صبري

يا ناگة امشي وياي
بسدج اسوي افياي
ساعه اكعد أنه وياه
ماشفته صار هواي

نمشي اله .. لمصرعه ونشوفه
نمشي اله .. نضوك امان جفوفه
نمشي اله .. برملته وياه اكعد .. حتى لو مجتوفة

+++++++++++

امن البارحة وصار الهجر واتوادعينه
هوه انرفع راسة برمح واحنه انسبينه
هوه مشه يخط بالجدم .. واحنه الخيم .. طاحت علينه

لمن صرخ عطشان
ضل يصعد الدخان
كل الزلم ع الكاع
وع التل بجت نسوان

عايله .. ناحت امن افراگة
عايله .. شاردة ومشتاگة
عايله .. تريد بس تشوفه .. وانذبح ياناگة

+++++++++++

ياناگة روحة اتمرمرت .. وبروحة مطعون
ذاك الي نايم ع الوجه .. ماغمض عيون
جم كسرة بالموت انكسر.. هاي البشر .. منه شيريدون

ياناگة خل نروح
نبرد كلب مذبوح
نصب اعله نحره الماي
ويمه ارد اذب الروح

كربله .. مارضت تبراله
كربله .. كسرته بعياله
كربله .. من درت بي عاري .. غطته بخياله

++++++++++++

ياناگة اخر شوفة الي .. واخذيني بحبال
خليني احضنه اخر حضن .. واشكيله ع الحال
خليني اشيله امن الترب .. وادري صعب .. ماعندي شيّال

خل ينطي لخته اوداع
وخل يدري ياهو الضاع
واستأذنه ببمشاي
وبدمعي ارطب الكاع

هازله .. اخته صعدت بيهه
هازله .. والحبل بيديهه
هازله .. رايحة وتتلافت .. عينهه لواليهه

نار الخيم بيه
واحبالي بيدية ..
وعيوني نشفهه الزمن من طاحو اخواني

كلمن اخذ دربة
التجمعنة بس غربة
للنار خيماتي مشن والحادي مشاني

ياخيمتي .. تذكرين لو كلشي نسيتي
ياخيمتي .. راح الخدر يالجنتي بيتي
ياخيمتي .. ع الكاع اثر ضل من مشيتي

ضليت انشد وين الشيمه
ماترهم وياي الهيمة
اطلع منج لا ياخيمه ..
وكلشي انوخذ مني


لا ياخيمة انطيني ايامي
لتحرگين ابعيني احلامي
بصحرة وحاطت بيه ايتامي
ومحد سأل عني

٠٠٠٠٠٠٠٠٠٠٠٠٠٠٠٠٠٠٠٠

ياخيمتي عيوني
رادت الكفلوني
ورادت خيم اهل الخيم مو مشعل العايل
من اصعدت تلي
كلت انكشف ضلي
معناهه يم المشرعه مذبوح ابو فاضل

معقولة .. محروكة ياخيمة عفافي
معقولة .. بالهيمة افر بجدم حافي
معقولة .. ضلي انرسم يادنية كافي

مجروحة عيوني امن الشفته
همت بروحي وعفت العفته
اخسرت اخواني وخدري اخسرته
واخسرت جم غالي

وهموم البيه اتكفيني
ع الناگة وسولفت بعيني
ياهاشم ياهو يدليني
راح امشي بحبالي

٠٠٠٠٠٠٠٠٠٠٠٠٠٠٠٠٠٠٠٠٠٠

خوفة اقسى من خوفة
وضعوني مجتوفة
ومانكدر انصب الدمع كدام اليشوفة

كدامنه الغربة
مانبجي لا صعبة
حتى دمعنه انحجبه وامصابنه نعوفة

نبجيهم .. بس مانشوفهم دمعنه
نبجيهم .. من نختلي ونكعد وحدنه
نبجيهم .. بالسكته نندب يازلمنة

ضعني انكلبت بيض عيونه
ع الطاح ولاجمته ضعونه
غير المذبوح يتركونه
مو تنسبي اعيالة

ينازع ضل وطلعت روحه
مات وعينه تضل مفتوحة
ما طلعت من كلبة جروحة
ولا رحنه عن باله

٠٠٠٠٠٠٠٠٠٠٠٠٠٠٠٠٠٠٠٠٠

بضعني ابقه محتارة
بزغارة وكبارة
لازم اصبر بالضعن وانه جمر عيني

المالت اعدلهه
والتبجي اروحلهه
والنامت احرسهه واضل ابجي على حسيني

مجروحة .. جي ودعت ع الناگة خدري
مجروحة .. جي ع الترب خليت عمري
مجروحة .. بيه دره الماجان يدري

ماطالع اسمي لجيراني
جنت اسكن بكلوب اخواني
عباس يضل يمي متاني
شطلب يسويلي
هسه الهم اتوجه صوبي
والهيمات تصير دروبي
صار بلا هودج مركوبي
ع الهزله ياويلي

https://youtu.be/uC1qpeDyHbY?si=b-QDNMcuBe21tPK_

https://youtu.be/qYIy3QEspII?si=WcifZWhYVu6UWA_0

https://youtu.be/i9CunjgHGPA?si=BOb2M6cVpbTlGPts

شبعد ياگلبي شمتاني
اليوم الوگفة .. مو مثل الجزن ع الروح
اخذ كلشي بمحرم واغرف احزاني
اخذني لديرة الغربة وحجي الشمات
وعاني شتگدر تعاني
وامن النوح غيرلي شكل سويني مو اني
زينب واكفة اليوماعله باب الشام
هذا العاشر الثاني

طب الضعن عابر صحاري اشكثر
ومن البجي اعلى حسين ناقص عمر

النسوان من كد الخجل ع الهزل
رجفة اديهن ابد ماتستقر

طبن فواطم من ستر فاطمة
والشام ضلت تشم ريحة ستر

ومن كثر عفتهن اتأذه الضوه
وصار النهار اسود بعز الضهر

من كثر مابيهن بخت من اجن
الباوع عليهن ينعمي وينسطر

والسمه نزلت على ضلهن خيم
واتگبعن بحجاب من الصبر

صب الدمع والدنية مطرت عبي
وربهن حجب واحجابه ماينعبر

يسبّحن ويمشن ياعلي و ياعلي
ياهنه هنه وياهو هذا الذكر

بيهن علو امن حسين لاح السمه
يمهن احجاره ازغيرة صار القصر

بيهن علو بس كعدن اعله الترب
غدرت قدرهن ديرة اهل الغدر

كعدن بكاع تضوج من الشرف
ما سامعين احجايه اسمهه الخدر

رغم السبي ورغم التعب والحبل
من راس ابو فاضل يطلبن عذر

يتعذرن من يعله صوت البچي
ما طالع الهن صوت قبل اليسر

عدهن زلم يسوون كل الزلم
اعليهن اتقدر كلشي مايستمر

وين امس وين اليوم لا يازمن
وين الحمر وين الجفافي الخدر

اجت ناگة وخذت خدري
وبقيت لهودجي اتلفت

وعشت منتظره فزعتكم
بين الهسه والبلكت

بلكت يرجع الطايح
ويعمر كلبي المفتت

وهسه ترف علي راية
وارد لخيمتي الشبت

ارد لخيمتي وخدري
وايدك تمسح التجري
هم يرجع دلال الجان
بي بس عينك التدري

هم ترجع خيم راحت
هم الينذبح يكعد

واشوفن عالرمح راسك
وياك احجي وعليك انشد

ابقه اتاني
ترد اخواني
وانا على ناگة
وكتي خذاني

٠٠٠٠٠٠٠٠٠٠٠٠٠٠٠٠

ظعن ماشي وجسم عاري
انحسب هذا عليه وداع

مشت نوگي ونحت سكته
جي ظلوا وراي سباع

درت وجهي وكلت خويه
اعذرني مشيت بساع

لو ما حبلي بجفوفي
ماخليك فوك الكاع

وسفه بحومة خليتك
وعليّه هواي بچيتّك
خذوني ورحت مسبية
وصرت عالنوك ناعيتك

وحقك والمحنة البيك
وحليب البيه تشاركنا

لو ما گوه مشونا
چا عنك فلا رحنا

خويه مشينا
وجتفو ادينا
رحنه سبايا
وسكته بجينا

٠٠٠٠٠٠٠٠٠٠٠٠٠٠٠٠

اه يحسين من رحنا
كل جرة نفس خوفه

بلا هودج يخويه النوگ
رحنا بنوگ مكشوفه

انغمض من نطب ديرة
حتى الشاف منشوفه

ومن جابوا طواري الشام
نسينا شصار بالكوفه

اه الشام اه الشام
بخرايبهه تريد انام
وانا بكربلا عندي
حزم خوان موش حزام

جان بكربلا عندي
خيم ماكو مثيل الها

هضيمه وانا اخت حسين
الخرايب وسفه ادخلها


شلون ادخل الها
وشمات اهلها
خويه خواتك
بخربه نزلها

هاي ايامكم ياسادة السادة
وهاي ايام غربتكم
الله يعابي گلبي المنكم امرادة
اذا فارگ مصيبتكم

منبوذه الايام المالكم بيهه
ومكروه العمر من دون دمعتكم

مدري شلون جاي نعيش مرتاحين
وانتم ع الهزل راحت عقيلتكم

راحت والقيامة تأخرت لليوم
عجيبه اتأخرت من طاح بيرغكم

ما ساخت الكاع ولا اشتعلت نار
من طاحت عليهن ذيج خيمتكم

مدري شلون نشتم الهوى ودخان نازل بيهه ريتّكم

مدري شلون نشرب ماي بارد
والحسين يصيح انا عطشان

خسرانين ونضل نمشي بالخُسران

كون الي يضوك الماي .. ييجي هواي
ويذكر شنهي صار بيوم .. انجفت ع الكاع جربتكم

مدري شلون ما قامت قيامتكم

جبيرة يا مصيبتكم

ادگ بيبانكم كلهه
واتنقل دمع جاري اعله عتبتكم

وعلي الدنية واهلهه تروح فدوه لشوف گبتكم

طلبتي الگه كسر لجناح مامكسور
والگالي دليل لگلبي واندل وين غايتكم

يمته الغارگ يشوف الوطن غالي
ويجي ازحوف لسفينتكم

لاحت صدري غربة .. وجيت اخبركم

من غربيلكم خايف لذت بيكم
وعلي مجبور احاجيكم
انه المستني رحمة وخير اياديكم

وانه الريتي بعدهه تشيل ريحتكم

الوصال الما تجرحة النوگ .. مايعرف غريبتكم

وحجي الحب ماله كل تأثير .. اذا ما عاش هزلتكم

العزاء دموعكم مو دمع اليحبون
الجروح جروح غيرتكم

العزاء لا مو مجرد لطم واقرايات
العزاء يعني بخرابة تنام علويات

العزاء يعني خرابتكم

العزاء مو دمعة التجار
العزاء طيحت عشيرتكم

منو اليدري التطب للشام
شني من عيشة عيشتهه

ومنو اليدري العقيلة شلون وكفتهه

المشت جوه الشمس ع النوگ
شينسيهه خيمتهه

ماتنسى ولا تنسى
ولا تنسون روحتهه اسيرة بلا هوادجكم

لمن تطلع امن الشام
يضيعون العرف بيهه ..
شكلهه اتغير امن الشام عمتكم

وبيوم اربعين حسين ..
تجي وتنزف معاصمهه ..
من احبال غربتكم

ترد بس شترد زينب
اذا جانت عقيلتكم .. لا هسه سبيتكم

ترد من دون رايتكم

ترد مكسورة ماجابت رقيتكم

https://youtu.be/23IqjfKniNs?si=SHMHvPKJmSJBsRXu