ҒУЛОМЖОН НОРМАТ

@gulomjonnormat

Ғуломжон Норматнинг телеграмдаги расмий канали.Сирдарё вилояти, Сайхунобод тумани, Паймард махалласи. +998902425822

ҒУЛОМЖОН НОРМАТ (Uzbek)

Ғуломжон Норматнинг телеграмдаги расмий канали Сирдарё вилояти, Сайхунобод тумани, Паймард махалласида янги янги хабарлар ва фотолар билан тавфирланган. Ушбу каналга обуна бўлиш орқали жамоамиз учун муҳим маълумотларни олиш имкониятига эга бўламиз. Сизде Сирдарё вилоятига оид янгиликлар, хоним тавсиялари ва саволлар бор уларни тезкор жавоблар билан оладиган Ғуломжон Норматнинг телеграм каналига обуна бўлинг. Шу каналда коммуникация учун иштирок этинг ва ушбу худудда яшовчлар кўпчилиги орасида хамкорликла биласиз.

ҒУЛОМЖОН НОРМАТ

01 Mar, 17:38

@@@@ЙЎҚОТИБ ҚЎЙДИМ@@@@

Неча кунки юрак минг пора.
Жабрларда жонимдан тўйдим.
Ишқ қадрсиз шум дунё ора.
Мен "сиз" имни йўқотиб қўйдим.

Фойда бермас шароб, май, қимиз.
Тақдиримга чўкким келмас тиз.
Икки ёқда иккимиз ёлғиз.
Мен "биз" имни йўқотиб қўйдим.

Хаёлларга қўйиб бўлмас чек.
Бечора йўқ тўрт ёнда мендек.
Олдингизга борсам дейман, лек.
Мен "из" имни йўқотиб қўйдим.

Кўксим ковлар соғинч дер бигиз.
Қайлардасиз юзлари қирмиз.
Сизли кўклам, ёз ўтди сизсиз.
Мен "куз" имни йўқотиб қўйдим.

Бўлинг бахтли, ишқда панд емас.
Мен бахтсизни йўқлаш шарт эмас.
Нафасим жим, юрак ғинг демас.
Мен "жиз" имни йўқотиб қўйдим.

Неча тунки бағрим минг пора.
Аламларда жонимдан тўйдим.
Ишқи ёлғон шум дунё ора.
Мен "сиз" имни йўқотиб қўйдим.

Ғуломжон Нормат. 1/03/2024-й

https://t.me/GulomjonNormat

5,044

ҒУЛОМЖОН НОРМАТ

01 Mar, 16:48

МОЗОРЛАР КЎП МЕЗБОНИ БЎЛАК

Муаллиф: Ғуломжон Нормат.

Ижрода: Музаффар Хафизович.

t.me/Muzaffar_Xafizovich1975

t.me/Muzaffar_Xafizovich

3,886

ҒУЛОМЖОН НОРМАТ

01 Mar, 16:48

ШИВИРЛАБ СЎЗ БЕРГАН ЭДИНГ

Муаллиф: Ғуломжон Нормат.

Ижрода: Музаффар Хафизович.

t.me/Muzaffar_Xafizovich1975

t.me/Muzaffar_Xafizovich

3,503

ҒУЛОМЖОН НОРМАТ

27 Feb, 16:45

ВАҚТИНГ БЎЛСА КЕЛИБ КЕТ БОЛАМ
(ОНА фарёди)

Муаллиф: Ғуломжон Нормат.

Ижрода: Музаффар Хафизович.

t.me/Muzaffar_Xafizovich1975

t.me/Muzaffar_Xafizovich

3,573

ҒУЛОМЖОН НОРМАТ

27 Feb, 15:57

@ВАҚТИНГ БЎЛСА КЕЛИБ КЕТ БОЛАМ@

Йўлинг пойлаб етмишга етдим.
Хира тортиб бормоқда олам.
Соғинмадинг соғиниб кетдим.
Вақтинг бўлса келиб кет болам.

Тирик жонда тугамас ташвиш.
Эх кимлардан қолмаган бу иш.
Мадорим йўқ, пойларимда шиш.
Вақтинг бўлса келиб кет болам.

Кўнглим оғрир бағримни тилсанг.
Мен хам бунда ғанимат билсанг.
Шод бўламан мурувват қилсанг.
Вақтинг бўлса келиб кет болам.

Тун хаёлим хар ёнга кўчиб.
Яшаяпман ажалдан чўчиб.
Умр шами қолмасдан ўчиб.
Вақтинг бўлса келиб кет болам.

Ўғлим эдинг ўғлимдек қолиб.
Қўш нонга қўш кабобни солиб.
Жуфт, ўғлингни ёнингга олиб.
Вақтинг бўлса келиб кет болам.

Куним бермас соғинчинг доғи.
Қулаб борар сабримнинг тоғи.
Мен Онангман унутдинг чоғи.
Вақтинг бўлса келиб кет болам.

Қўлим хасса тутмоқда аранг.
Деб асабинг қилмайман таранг.
Тушларимда рахматли Даданг.
Вақтинг бўлса келиб кет болам.

Нафақамдан йиққанларим бор.
Бир камингга келиб қолар кор.
Қиёматга қолмасин дийдор.
Вақтинг бўлса келиб кет болам.

Йўлинг пойлаб саксонга етдим...

Ғуломжон Нормат. 27/02/2023-й

https://t.me/GulomjonNormat

3,701

ҒУЛОМЖОН НОРМАТ

25 Feb, 14:54

@МОЗОРЛАР КЎП МЕЗБОНИ БЎЛАК@

Ёлғон дунё беш кунлик сафар.
Кимлар мағлуб, кимларда зафар.
Тўрт ёнимга ташласам назар.
Беморлар кўп дармони бўлак.

Кўзлар кулган, юраклар хунда.
Яшаб ўтар бандалар бунда.
Мохи чиққан, чиқмаган тунда.
Бедорлар кўп армони бўлак.

Бермоқ,олмоқ Аллох қўлида.
Ким офтобда, кимдир дўлида.
Тақдир дернинг турфа йўлида.
Сайёрлар кўп фармони бўлак.

Хар келганга топилар ёвлар.
Қоқилсин деб йўлга чох ковлар.
Оч бўридек ғўрларни овлар.
Айёрлар кўп нишони бўлак.

Тилда Рахмон, дилида Шайтон.
Хар ишида кўзлагани шон.
Мансаб учун зўрга дастурхон.
Тайёрлар кўп мехмони бўлак.

Кимнинг рисқи, кимнинг умри оз.
Фоний дунё сўнги инқироз.
Солим талаш абжир чавандоз.
Тулпорлар кўп майдони бўлак.

Ғулом Нормат Қиёматдан қўрқ.
Хато кетмас ажал узган ўқ.
Эшиги йўқ, деразаси йўқ.
Мозорлар кўп мезбони бўлак.

Қўхна дунё беш кунлик сафар...

Ғуломжон Нормат 25/02/2024-й

https://t.me/GulomjonNormat

3,899

ҒУЛОМЖОН НОРМАТ

22 Feb, 17:51

@ШИВИРЛАБ СЎЗ БЕРГАН ЭДИНГ@

Лайли бўлиб Мажнун билиб ишқда қаддим керган эдинг.
Кўклам келса чаманларда қувлашиб гул терган эдинг.
Бугун йўқсан эрта хам йўқ айрилиқдан аламдаман.
Ахир ташлаб кетмайман деб бағримда сўз берган эдинг.

Тотли эди хар дамимиз, суйдиргандик, суйган эдик.
Гох-гохида аразлашиб куйдиргандик, куйган эдик.
Ёдинг кетмас ёдларимдан, фироғингда фиғондаман.
Энди армон бўлган ўша ишқ лаззатин туйган эдик.

Сен кетгансан излаб изинг бизни билган сой йиғлади.
Бизни пойлар шум дунёдан пана қилган жой йиғлади.
Оввораман топмай чора, бўй баробар ғамга ботиб.
Бедор, тунга дардим айтсам тонг отгунча ой йиғлади.

Қолиб кетдим қийноқ аро, яшолмайман, ўлолмайман.
Жисмимдаги Аллох қарзи у олмаса тўлолмайман.
Боргим келар Жаннатингга, сенсизликдан зерикканман.
Нетай бебахт бир ошиқман Аллохдан зўр бўлолмайман.

Бахтим қуши ўзинг эдинг қўнмай туриб кетдинг учиб.
Сенсизликда ситамлар кўп, сенсизликдан қолдим чўчиб.
Сен фалакда мен ердаман Қиёматга қолди дийдор.
Ўлмоғимни кутганим рост суратингни махкам қучиб.

Ёлғизликда хузур бўлмас ғамда англаб етаяпман.
Бошим нишон ишқ дардини байтимга жо этаяпман.
Рангим самон, қомадим дол, сўниб борар кўксим бонги.
Безор бўлиб сенсизликдан сен тамонга кетаяпман.

Ширин бўлиб Фарход билиб ишқда кўксим керган эдинг.
Бахор келса боғлар кезиб, сўзлашиб гул терган эдинг.
Эрта йўқсан, индин хам йўқ азобларда аламдаман.
Ахир бахтли бўламиз деб шивирлаб сўз берган эдинг.

Ғуломжон Нормат. 22/02/2024-й

https://t.me/GulomjonNormat

2,628

ҒУЛОМЖОН НОРМАТ

21 Feb, 03:27

Shohruxxon Abdug'ofurov - Alvidolar aytildimi (audio 2024)
https://youtube.com/watch?v=3T_ROJmtVX8&si=8cUmXiZa4hvr_BX0

2,307

ҒУЛОМЖОН НОРМАТ

18 Feb, 13:26

СОЯДА ҚОЛГАННИ СОЯСИ ҚОЛМАС

Муаллиф: Ғуломжон Нормат.

Ижрода: Музаффар Хафизович.

t.me/Muzaffar_Xafizovich1975

t.me/Muzaffar_Xafizovich

2,327

ҒУЛОМЖОН НОРМАТ

18 Feb, 13:26

ДЕМАК ҚИЁМАТДАН ҚЎРҚМАЙ ҚЎЙИБМИЗ

Муаллиф: Ғуломжон Нормат.

Ижрода: Музаффар Хафизович.

t.me/Muzaffar_Xafizovich1975

t.me/Muzaffar_Xafizovich

2,315

ҒУЛОМЖОН НОРМАТ

17 Feb, 21:58

@ДЕМАК ҚИЁМАТДАН ҚЎРҚМАЙ ҚЎЙИБМИЗ@

Халолни хақ билиб харомни тотдик.
Савобни мадх қилиб гунохга ботдик.
Дўстликка интилиб дўстларни сотдик.
Айтинг Қиёматдан қўрқмай қўйдикми?

Оқибат кўзларин ўйганмиз қаранг.
Хар тошга туртиниб юрибди аранг.
Бўлдик маккорликда устаси фаранг.
Айтинг Қиёматдан қўрқмай қўйдикми?

Қаёққа боқсангиз қалб кўзи кўрлар.
Хўрларни додлатиб шодланар зўрлар.
Сомсани шумлар ер, хақ тўлар ғўрлар.
Айтинг Қиёматдан қўрқмай қўйдикми?

Ишонч йўқ Булбулга, ишонч йўқ гулга.
Виждонни алишдик бир даста пулга.
Олтмиш ёш гап отар ўттиз ёш тулга.
Айтинг Қиёматдан қўрқмай қўйдикми?

Муслима қўлида шароб қалқир жом.
Маст бўлиб даврада айлашди хиром.
Гунохга тўла кун, фахш тўла оқшом.
Айтинг Қиёматдан қўрқамай қўйдикми?

Хеч кимга ёқмайди хақиқатни дер.
Хақиқат дерларни ташвишлари сер.
Хотини хаёдан, рашкдан кечди эр.
Айтинг Қиёматдан қўрқмай қўйдикми?

Алданган ўзимиз, алдаган хам биз.
Дўзохга бошлайди бизлар босган из.
Эй Ғулом байтини ўқиётган сиз.
Айтинг Қиёматдан қўрқмай қўйдикми?

Нафс сабаб панд бериб имтихонига.
Тўқ бўлиб талашдик очнинг нонига.
Айландик Шайтоннинг қадрдонига.
Айтинг Қиёматдан қўрқмай қўйдикми?

Халолни хушламай харомни тотдик.
Савобдан юз буриб гунохга ботдик.
Ёмонга дўст бўлдик яхшини сотдик.
Демак Қиёматдан қўрқмай қўйибмиз.

Ғуломжон Нормат. 18/02/2024-й

https://t.me/GulomjonNormat

3,126

ҒУЛОМЖОН НОРМАТ

17 Feb, 21:50

🎙 Sarbadorlar sardori...

Meni unutganing rostdir ehtimol.

✍Gʻulomjon Normat

2,087

ҒУЛОМЖОН НОРМАТ

17 Feb, 20:27

@СОЯДА ҚОЛГАННИ СОЯСИ ҚОЛМАС@

Қарғага қарғалик хар кўйга солма.
Бургутдек бўлолмас, қояси бўлмас.
Шон учун ўзингни сояга олма.
Сояда бўлганнинг сояси бўлмас.

Бу дунё беш кунлик келган кетгувчи.
Камайиб бормоқда англаб етгувчи.
Бунда бир Аллохдир насиб этгувчи.
Сояда бўлганнинг сояси бўлмас.

Бандага суянма, Аллохга ёқмас.
Аллохга суянсанг кўз ёшинг оқмас.
Биламан баъзилар байтимга боқмас.
Сояда бўлганнинг сояси бўлмас.

Хушомад зеб бермас мўмин зотига.
Лойиқ бўл Аллохнинг илтифотига.
Хар ким жавоб берар ўз хаётига.
Сояда бўлганнинг сояси бўлмас.

Оч қол лек қўл чўзма миннат ошига.
Бирдек бўл бой-ғариб,кекса- ёшига.
Бил қайтиб бўлмайди йўлнинг бошига.
Сояда бўлганнинг сояси бўлмас.

Қабрингга кирмайди ўзингдан бўлак.
Эгнингда оқ сурпдан чўнтаксиз кўйлак.
Хор бўлма Жаннатга тополмай йўлак.
Сояда бўлганнинг сояси бўлмас.

Яшагин Шер бўлиб, наъралар тортиб.
Халқинг ташвишларин елканга ортиб.
Айтаман кимларга кетса хам ботиб.
Сояда бўлганнинг сояси бўлмас.

Зоғ зоғдек қолади, минг кўйга солма.
Тоғдан ин қуролмас, қояси бўлмас.
Қуёшга пешвоз чиқ, сояда қолма.
Сояда қолганни сояси қолмас.

Ғуломжон Нормат. 18/02/2024-й

https://t.me/GulomjonNormat

2,502

ҒУЛОМЖОН НОРМАТ

16 Feb, 18:30

ЁЙЛАР ЎЗГАРИБ КЕТДИ

Муаллиф: Ғуломжон Нормат.

Ижрода: Музаффар Хафизович.

t.me/Muzaffar_Xafizovich1975

t.me/Muzaffar_Xafizovich

1,996

ҒУЛОМЖОН НОРМАТ

16 Feb, 18:06

@ЁЙЛАР ЎЗГАРИБ КЕТДИ@

Шу замин, осмон ўша.
Кун бошланар ён ўша.
Аллох қарзи жон ўша.
Лойлар ўзгариб кетди.

Мардни енгар мард эмас.
Панд едирар панд емас.
Отлар ор дер, ор демас.
Тойлар ўзгариб кетди.

Шоқол тўрда, пойда Шер.
Эр қўйнида ухлар эр.
Борми байтинг ёлғон дер.
Жойлар ўзгариб кетди.

Аксар очкўз, шум, айёр.
Азал қонда шайтон бор.
Қишда офтоб, ёзда қор.
Ойлар ўзгариб кетди.

Тўрт тарафда талаш шон.
Шон талашиб тўкар қон.
Нафи йўқми, йўқ эхсон.
Бойлар ўзгариб кетди.

Табиат хор, беқадр.
Дош синди, битди сабр.
Уммон, чўл, боғ, тоғ, адир.
Сойлар ўзгариб кетди.

Тиллар ростни сўзламас.
Биров бундан бўзламас.
Хақ фойдасин кўзламас.
Ёйлар ўзгариб кетди.

Шу замин, осмон ўша...

Ғуломжон Нормат. 16/02/2024-й

https://t.me/GulomjonNormat

2,807

ҒУЛОМЖОН НОРМАТ

14 Feb, 18:00

@ТУШЛАРИМГА КЕЛМАЙ ҚЎЙДИНГ@

Зор кўзимга ёшлар тўлди.
Кетдинг, кетиб кўксим ўйдинг.
Мана бугун беш кун бўлди.
Тушларимга келмай қўйдинг.

Армонларим борар бойиб.
Хуморинг кун бермас койиб.
Хушбўй бўлиб, сочинг ёйиб.
Тушларимга келмай қўйдинг.

Дардман этиб, соғинтириб.
Хор кўнглимни оғринтириб.
Енгилгина тамоқ қириб.
Тушларимга келмай қўйдинг.

Ўйларимда сенсан хамон.
Ох бунчалар жабринг ёмон.
Эй Хур юзли, қоши камон.
Тушларимга келмай қўйдинг.

Ишонмайсан арзим айтсам.
Имкон бўлса ортга қайтсам.
Суйдириб, сўнг чектириб ғам.
Тушларимга келмай қўйдинг.

Сен ухлайсан ёт қўйнида.
Қўлинг тумор ёт бўйнида.
Бор йўғимдан айлаб жудо.
Тушларимга келмай қўйдинг.

Дош сўнгига келди етиб.
Бахтлимисан мендан кетиб.
Жон бермоққа мажбур этиб.
Тушларимга келмай қўйдинг.

Қон кўксимга ғурбат тўлди.
Битган байтим мишга йўйдинг.
Мана бу тун ўн кун бўлди.
Тушларимга келмай қўйдинг.

Ғуломжон Нормат. 14/02/2024-й

https://t.me/GulomjonNormat

3,150