تيم السجاجه💪🏻💯
شكرا لدخولكم قناه "تيم السچاچه"
محتوى القناه "نصائح عن الدراسه"
﴿وَأَن لَّيۡسَ لِلۡإِنسَٰنِ إِلَّا مَا سَعَىٰ ﴾
─┄── ─┄── ─┄── ─┄
تيم السجاجه💪🏻💯 (Arabic)
مرحبًا بكم في قناة 'تيم السجاجه'! هذه القناة مخصصة لنشر نصائح حول الدراسة والتعليم. مهمتنا هي تقديم محتوى قيم ومفيد يساعد الطلاب والمتعلمين على تحقيق أهدافهم الأكاديمية. نحن نؤمن بأن لا يحصل الإنسان إلا على ما يسعى له، ولذلك نسعى جاهدين لتقديم المعلومات والنصائح التي تسهم في نجاح الجميع. انضموا إلينا اليوم واستفيدوا من محتوانا القيم والمميز! 📚✨
تيم السجاجه💪🏻💯
07 Sep, 14:43
١-بالنسبة للاقلام والمساحات والمقطاطات والمساطر هذني لازم تشتروهن حسب حاجتكم انتوا ، اخذوا اهلكم وياكم او روحوا بنفسكم للسوق و اشتروا الي محتاجي على كد نصف السنة وبعدين اذا خلصن ورة نصف السنة تشترون للفصل الثاني ❤️😇
٢-نجي هسة على الملابس ، اذا عدكم ملابس جديدة مال العام وبعدها نظيفة تكدرون تشترون اشياء بسيطة يعني قطعة قطعة من كل شيء و توفرون على نفسكم الباقي ☑️👀🟩
٣-بالنسبة للدفاتر راح نجي على مادة مادة نحجي :
-الاسلامية دفتر ابو 30 او 60 كلش كافي عليها
-العربي دفتر ابو 100 او 200 حسب المنهج مال الصف الي انتوا بي
-الانكليزي يفضل دفتر ابو ال 100
-الرياضيات دفتر ابو ال 200 يفضل او 100 عادي ماكو مشكلة
-الاحياء والكيمياء والفيزياء حسب المنهج انتظروا لبداية الدوام واشتروا ، اكو مدرسين يكتبون واكو لا ف تأكدوا يلة 💗
-الاجتماعيات والعلوم هم كذلك مثل الاحياء والكيمياء والفيزياء انتظروا 😃
شاركوا القناة لكل اصدقائكم وانشروها بكل مكان حتى الكل يستفاد 😍🔴💗
تيم السجاجه💪🏻💯
07 Sep, 14:11
شلون نكدر نعدل نومتنا بطريقة صحيحة و مضبوطة وبعد ما نخربها ؟ 🥱💗🌐
-خل نعترف ان ماكو واحد بينا ما يسهر الا القليل كلش كلش وحتى الي ما يسهر ينام ب 1 و 2 بالليل 😁❤️ ، فشيء كلش طبيعي ان انت كاعد تسهر حالك حال الكل خاصة بهذا الوكت بوجود النت والموبايل و الجو حار الصبح ميساعد 🥲💔
-ضروري نعدل نومتنة على بداية الدوام حتى انام من وكت ونكعد من وكت بنشاط وحيوية للمدرسة لان الي مينام زين مستحيل يكدر يركز وية الدروس والامتحانات وراح تأثر علينا بشكل سلبي كلش 😰💔
-اكو عدنا طريقتين حتى نعدل النوم ، اول طريقة نكدر نتحمل نبقى كاعدين نهار كامل بدون ما انام ، يعني مثلاً انت تنام ب 6 الصبح ، بعد متنام تجرها كعدة نهار كامل لحد ما تصير فد ب 7,8 بالليل ثاني يوم وتنام ، وهيج راح تكعد ب 6,5 الصبح 😍♥️
-الطريقة الثانية تكدر تنام ساعتين او تلاثة وتكعد نهار كامل ، مثلاً تنام ب 6 الصبح وتكعد ب 9 او 10 وتجرها نهار كامل وتنام بالليل ب 12 وهيج راح تحل المشكلة واني اشوف هاي احسن طريقة 👀❤️🔥
لا تنسون تشاركون القناة لكل الاصدقاء وبكل مكان حتى الكل يستفاد 😍🫶🏻
تيم السجاجه💪🏻💯
05 Sep, 12:13
-اول شيء لازم تاخذ نظرة اولية على مرحلتك الجديدة ، يعني تتعرف على المواد وشنو التفاصيل مالتهن وكم فصل بكل مادة وهكذا 😇
-ثاني شيء تسوي لنفسك جدول تلتزم بي من يوم 9/22 ، يعني كون يناسب حياتك وظروفك و طبيعة بيتكم ودوامك و مدرستك ♥️
طبعاً اني راح اسويلكم جداول تخبل وتناسبكم كلكم لا تخافون 💜😘
-ثالث شيء لازم تعدل نومتك اذا بعدها مخربطة ، يعني اقصى حد كون تنام فد ب 1 منا ورايح حتى تكعد الصبح ب 7 نشيط كلش ومن تروح للمدرسة تروح مسيطر ماعندك اي مشاكل ولا نعسان 🥱❤️
-رابع شيء تحضر مستلزماتك ، يعني تشتري جنطة اذا جنطتك القديمة مو زينة و تشتري ملابس جديدة اذا محتاج وتشتري قرطاسية كذلك حسب احتياجك(لا تجيب اشياء هواي اكثر من حاجتك) 🫶🏻💗
-خامس شيء لازم تعرف نفسك انت ع شنو تكدر تقرأ ؟ على ملازم لو كتب ، بصورة عامة الكتاب شامل ويحتاج انت تكعد تلخص المادة وانت تطلع التعاريف والتعاليل يعني ما موضح كلشي . بينما الملزمة ملخصة كاملة مكملة الك وتختصر عليك وقت ، فشوف نفسك اذا تكدر تلخص وعندك الوقت الكافي اقرا ع الكتاب واذا لا ، اشتري ملازم وريح راسك 🧠😁♥️
-سادس شيء واخر شيء هو تحفز نفسك وتحمس روحك للسنة الدراسية ، خليك متفائل ونظم وقتك بالصلاة والدراسة واللعب و النوم والاكل ، يعني خلي حياتك نظامية شكد متكدر وصدكني راح ترتاح كلش 😍💗
لا تنسون تشاركون القناة لكل اصدقائكم حتى يستفادون 🫶🏻♥️
