قصائد مسلم الوائلي مكتوبه @abaas_alwaeli1 Channel on Telegram

قصائد مسلم الوائلي مكتوبه

@abaas_alwaeli1


عباس الوائليAbaas alwaeli
للتواصل 👇
@abaasam

حسابي على الانستقرام 👇 https://instagram.com/p58.1?igshid=ZDdkNTZiNTM
حسابي على الفيس بوك 👇
https://www.facebook.com/profile.php?id=100090711645788&mibextid=ZbWKwL
حسابي على التيك توك 👇
https://www.tiktok.

قصائد مسلم الوائلي مكتوبه (Arabic)

قناة "قصائد مسلم الوائلي مكتوبه" هي المكان المثالي لجميع عشاق الشعر العربي الراقي. عبر هذه القناة، ستجدون مجموعة متنوعة ورائعة من قصائد الشاعر الكبير مسلم الوائلي، مكتوبة بأسلوبه الفذ والمميز. اكتشفوا عالمًا مليئًا بالجمال والعواطف من خلال قراءة ومشاركة هذه القصائد الرائعة

من هو مسلم الوائلي؟ مسلم الوائلي هو شاعر عربي محبوب وموهوب يتمتع بقدرة استثنائية على التعبير عن المشاعر والأفكار بشكل فني وجذاب. قصائده تعبر عن الحب، الحزن، الجمال والإنسانية بشكل يلامس القلوب ويثير العواطف

تفضلوا بزيارة قناتنا للاستمتاع بأجمل قصائد مسلم الوائلي والمشاركة مع الآخرين في هذه الرحلة الشعرية المميزة. انضموا إلينا اليوم واستمتعوا بالإلهام والجمال التي تقدمها هذه القصائد الرائعة. نحن بانتظار تواصلكم ومشاركتكم في هذه التجربة الشعرية الرائعة!

قصائد مسلم الوائلي مكتوبه

30 Jan, 12:39


https://youtu.be/_CpU6JXeCvk?si=oJhEnup7ZuC4DWwU

قصائد مسلم الوائلي مكتوبه

30 Jan, 12:39


📜 القصيدة: باجر ناس يالعباس
🎤 أداء: مسلم الوائلي
🖋 كلمات: ملا مسلم الوائلي
~~~~
لحگوا علينه لحگوا علينه
~~~~
باجر ناس يالعباس
راح يحرگون الخيمه علينه
جبت ضعون لتنامون
لتنامون يشتمون سكينه
شفت الگوم يهوسون
اگعد لحگ يا والينه

شفت انه الخيل داستك حيل
~~~~
لتصدگون تبقى عيون
لو ما يرجعلي الجاباني
خل يگوم جتنه الگوم
ما اگدر احجي ولا اتاني
گوم وشوف ظل بطفوف
الجيش خلافك شافاني

گوموا يسباع تجوي الگاع
~~~~
علويات وين اتبات
يالجبتونه وخليتونه
اگعد شوف ها يحسين
عباس مطفين عيونه
وفوگ الظيم جابوا خيل
ويريد يسحگون متونه

صحت عباس جتك الناس
~~~~
وخر گوم يا مظلوم
لا تلجم صدرك خياله
شفت حسين گام وطاح
من هجمت گوم اعله اعياله
گام يصيح يا الله
لا تسحگ هالخيل اطفاله

ليه من گام بلايه هندام
~~~~
شلون يصير رحتوا بساع
فكروا بحالي وانه يتيمه
راح حسين وانته وياه
وما عاتب لو طر الهيمه
شفت حسين يزحف غاد
وينحب علما عدهن خيمه

شفته منحور وظهره مكسور
~~~~
شفت الگوم جوك اركاض
ويريدون يهوسون بنحرك
من بعيد اسمع صوت
خيل اعداك تريد تعورك
بس يا حيف من ادنيت
الحافر ماكل من صدرك

شما صحت گوم تركض الگوم
~~~~
ما ترضون ندخل سوگ
وتتفرج خلگ الله الحالي
شلون يصير يالكفال
تنمد غير ايدك لخيالي
فشله بسوگ ملتمين
يبيعون بكاروك الغالي

بلايه وليان وسفه يخوان
°°°°°°°°°°°°°°°°°°°°°°°°°°°°°°°°°°°°

قصائد مسلم الوائلي مكتوبه

21 Jan, 22:13


https://youtu.be/bX0O1FsgToc

قصائد مسلم الوائلي مكتوبه

21 Jan, 22:13


📜 القصيدة: ويلي على المسموم
🎤 أداء: مسلم الوائلي
🖋 كلمات: رعد الجريخي
~~~
ويلي على المسموم
ويلي على المسموم
~~
وين اليروح ويگطع البيد
يطوي الفيافي ودرب البعيد
يحشم هله وگومه الأجاويد
يگلهم طريح الكاظم وحيد
~
بلجن فرد فزعه يفزعون
ويمه الأهل كلهم يحضرون
هذا العليه اتهل العيون
وذاك اليشيله فوگ المتون
~~~
اليمه عويل النعش ينهاب
عازتها عازه دموع الأحباب
ننصب عزانه بهذا المصاب
لمن يجي للثار طلاب
~
ليش الجنازه محد الها
بس اربعه تولوا حملها
تنظر عليها الناس كلها
فوگ الجسر محد وصلها
~
عند العرب والگوم عاده
توگف على الميت أولاده
وكل السلف يعلن حداده
وتحضر هله بهمه وأراده
~
ضجه تصير العربان لمه
كبار العشيره تنوح يمه
وتهتف عمامه المات بأسمه
الشيل الجنازه تصير همه
°°°°°°°°°°°°°°°°°°°°°°°°°°°

قصائد مسلم الوائلي مكتوبه

17 Jan, 00:20


https://youtu.be/lHgJnVnV4p4

قصائد مسلم الوائلي مكتوبه

17 Jan, 00:20


📜 القصيدة: ميته اختكم
🎤 أداء: مسلم الوائلي
🖋 كلمات: عباس طالب السعيدي
~~
وين الما يتحمل گلبه
زينب ميته بنص الغربه
سهله يموت ابنادم سهله
بس تابوته من يظل صعبه
~~~
شگد صحتكم .. ميته اختكم
ساعه وحده گابلوني وهاي هيه
زينب تصيح .. تگوم وتطيح
شيب گبل الدم طلع بجروح اديه

بنياتكم يم راسي گعدن
ويسولفن جم مره ركضن
من سولفن بركاضي يمي
ميته وأحس رجليه تعبن

يحسين اختك يا غربتها
مثلك مطروحه جنازتها
ألوان الدنيا المو حلوه
كلها متون اختك لمتها
~~
جرح الأيام .. الهيمه والشام
والله كل شلعان گلبي من وراهن
موتي بهداي .. من وره الماي
مثل گلبي جفوف ابو فاضل خذاهن

تدرون لو لا بالمصيبه
زينب لحد هسه غريبه
لا يمي وتزوروني مره
لا انه من عدكم جريبه

مو تدرون شصاير بيه
ميته ومتعوبه العلويه
ترضون ام عون الوحدها
مسبيه وماتت مسبيه
~~
اصعب احساس .. من تجي الناس
تسأل السجاد هايه فاتحتمن
تنحجي شلون .. الماتت ام عون
لا اخو لا من بنات عليها يبجن

عفتوني بالغربه وصحتكم
تحبوني ادري وانه احبكم
كون انه ما اگدر اجيكم
جا ما تجون انتم لختكم

من گدما جنت ابجي وانحب
ظهر عيوني عليكم حدب
زينب رادتكم جنازه
ياهو العطلكم عن زينب
~~~
ضيم حالي .. گبري خالي
الگبر ما ينهاب اذا فارغ مكانه
خويه عباس .. منعوا الناس
جا بعد ويامن ابجي عليكم انه

شلعان گلبي ودمعة العين
من گالوا العباس جا وين
متعوده وي كلمن يجيني
نتگابل ونبجي اعله الحسين

وحشه بلياكم ليليه
والوادم تتشمت بيه
محد منكم غمض عيني
ومحد سائل عني شبيه
~~~
هدت الحيل .. وحشة الليل
حته التنام بگبرها تريد اهلها
بيه دمعه .. ويمكم انعه
روحي بيها صياح بس كضها خجلها

يهلي الگبر هم يشبه الدار
مو حلوه اذا ما بيها خطار
زوروني لو بالسنه مره
ما أريد گبري بلايه زوار

ما شفت الراحه بعمري
خل اتدلل وانه بگبري
مثل ضلوع الزهره الراحن
مكسور من الوادم ظهري
°°°°°°°°°°°°°°°°°°°°°°°

قصائد مسلم الوائلي مكتوبه

11 Jan, 17:57


https://youtu.be/9TefS_vV764

قصائد مسلم الوائلي مكتوبه

11 Jan, 17:57


📜 القصيدة: ضيم الشام
🎤 أداء: مسلم الوائلي
🖋 كلمات: موسى حميد المحمداوي
~~
يا غريبه .. يا غريبه .. يا غريبه
~~
حزن شوگ الضريحج بيه ينشاف
حزن للغربه حدر عيوني راكد
عين ابجيج غربه وعين لشوگ
وانه ابينهن مولاتي گاعد
اخذيني ارد اعيش الضيم الهناك
ضيم الشام ما تحجي قصايد
نذر ما اخلي ماي يظل بالعيون
واخلي الثوب من دموعي بايد
~~~
انه المشتاگ انه الرايد يزورج
شكثر لدموعي يم بابج مواعد
هم يرتاح گلبج من نجي انزورج
والبالغربه اعرف من اهله رايد
عرف ويه اهلج احنه ارتاحي ماطول
بعدهي ابابج اتنوح الفواگد
عليج انسوي مثل انهار عاشور
نجفي دلالنه ونطفي المواگد
~~~~
غريبه اليا وكت تبقين بالشام
جا ما سد غربتج بينه واحد
الله يساعدج مدفونه بالشام
وألج بالشام ما تلگن فاگد
كون ابين اخوتج گبرج يصير
جا هسه ابو فاضل گلبه بارد
عافولج مكان ابينهم غاد
وتصير بكربله اتلث مراقد
~~
بس هنانه ألج ذكره ويه الأيتام
ألهم صرتي أم وصرتي والد
هنانه شگد ركضتي يخت الحسين
للمحروگ گلبج لو لشارد
هنانه دموع ضعنج لاحن الگاع
وبيهن يا غريبه شگد مشاهد
من الشام اهون كلشي شفتي
لهسه الشام يا مولاتي حاقد
°°°°°°°°°°°°°°°°°°°°°°°°°°°°

قصائد مسلم الوائلي مكتوبه

08 Jan, 22:54


زوارچ الخاطر يكسرونه | مسلم الوائلي | 1446هـ
https://youtube.com/watch?v=00tCFNIH3W8&si=UVWnCfYdKX-Hgbev

قصائد مسلم الوائلي مكتوبه

08 Jan, 22:54


📜 القصيدة: زوارج الخاطر يكسرونه
🎤 أداء: مسلم الوائلي
🖋 كلمات: علي مالك الموسوي
~~
ويلاه يا زينب .. ويلاه يا زينب
~~
هاي الأيام عيوني محتاره
بس لا تصير ومامش زياره

گلبي سالفته عجيبه
عجيبه .. عجيبه

روحه صارت بالغريبه
غريبه .. غريبه

عني گطعوا الدنيا كلها واعيش بسلامه

يمي بس خلوا الحبيبه
الحبيبه .. الحبيبه


بس لا صدگ دربج يگطعونه
يعني اليحبج تنعمي عيونه
~~~~
جربها مره وكشف جروحك
شوف التحبه يعذب بروحك

وانه مرتاح بعذابي
عذابي .. عذابي

منهم وليهم مصابي
مصابي .. مصابي

حته من اگعد وتاني لضعنهم يجيني

اشتل عيوني اعله بابي
اعله بابي .. اعله بابي

امده عيوني الما توديني
لو اوصلج لو تنعمي عيني
~
تاكل بگلبي وتهظم هوايه
السنه وين انسوي القرايه

والله متعوده يروحي
يروحي .. يروحي

بصحنج يطيبن جروحي
جروحي .. جروحي

بويه تخنگني المشاهد وحير بدمعتي

يله گابلني اعله نوحي
اعله نوحي .. اعله نوحي

هاي المصيبه الدولبت حالي
هم رد ضريحج بت علي خالي
~
زوارج الخاطر يكسرونه
كلمن عليج يصبن عيونه

واحد يصيح ابتلينه
ابتلينه .. ابتلينه

ردت الغربه علينه
علينه .. علينه

واحنه سيرنه اعله اخوتج نسولف هظمنه

يم ابو فاضل بجينه
بجينه .. بجينه

ما اشوفها اتفض هاي بدموعي
يردن طعن يضلوعج ضلوعي
~~
اي واحد اباله يبجيني
خيگول زينب لا يحاجيني

هالأسم هذا كتلني
كتلني .. كتلني

دوم احبنه ويحبني
يحبني .. يحبني

ما اريد اسمع غريبه اعله زينب نسولف

هالحجي هوايه يغثني
يغثني .. يغثني

اصفن وغمض گول مسبيه
وتصور شگد ركضت رقيه
°°°°°°°°°°°°°°°°°°°°°°°°°°°

قصائد مسلم الوائلي مكتوبه

06 Jan, 21:53


https://youtu.be/lDBUhrD7F40

قصائد مسلم الوائلي مكتوبه

06 Jan, 21:53


📜 القصيدة: بيدك يا علي الراية
🎤 أداء: مسلم الوائلي
🖋 كلمات: علي الأكبر الغرابي
~~~~
رسالة وهالنزل وحي السمه بيها
هاي الأمة باجر انت راعيها

وصية من السمه هايه
بيدك يا علي الراية
انت راعيها .. انت راعيها
~~
باجر بالغدير انصب
بسمك يا علي منبر
وكلها البيعتك تهتف
بخٍ بخٍ يا حيدر

الله يريدك الأول
يل بأولها تتصدر
لو ما سيفك الباشط
جا دين الله ما خضر

لو ما جفك وفقاره
الدينك ما شفت مناره
سيفك للنصر شعاره
.. يا ابو اتراب

الله الخصك بكتابه
ورادك للإمامه بابه
رادك سيد الصحابه
.. يا ابو اتراب

لو ما سيفك الباشط يبو الحمله
ما جان انبنه الأسلام من أصله

وانت بكل وكت ثايه
بيدك يا علي الراية
انت راعيها .. انت راعيها
~~~~
ياهو الغيرك بسيفه
باشط بالحرب وابشط
أول واحد بكلهن
شفتك يا علي تنحط

بسيفك منجسم مرحب
ميزانك ولا يغلط
وغيرك بالحرب شفته
بسدك لابد ويفحط

يامه ويامه ذو الفقارك
رافع راية انتصارك
يا من بالحرب شعارك
.. انه الموت

لسه بأسمك المناقب
وترجف منك الحرايب
وانت الذاكه بعده كاتب
.. انه الموت

يا كرار مو فرار بالحومه
يالشاطر بسيفك مرحب وگومه

يالبسمك مسمايه
بيدك يا علي الراية
انت راعيها .. انت راعيها
~~
اليقره بمحتوى الآيه
لازم يفهم شيقره
الله أختارك ورادك
أول واحد اتنصره

بس شفت البعض بيهم
جهز للسقيفه امره
باجر من يشيل ايدك
ووجوه الزلم صفره

الله اختارك الخليفه
الهاي الوادم العفيفه
بس ما رادت السقيفه
.. انت تصير

باجر يا حبيبي باجر
تكظم غيضك وتكابر
باجر ديره للخناجر
.. انت تصير

على ألسان الوحي هالآيه مصدرها
أول واحد انت وانت آخرها

واضح محتوى الآيه
بيدك يا علي الراية
انت راعيها .. انت راعيها
~~~~
إسمك وشحلات إسمك
بلسان الوحي ترتل
من كنت انا مولاه
مولاه حيدر تحول

وذيج الوادم تريدك
رابع ما تصير أول
وإسمك من گبل آدم
أول واحد مسجل

كلمن ضايع بسؤاله
وراد يفسرك بخياله
شافك معدن الرساله
.. يا ابو حسين

بيت العصمه والإمامه
منك يبتدي نظامه
وجفك باجر العلامه
.. يا ابو حسين

إلك ما لاگت الغيرك بعد طه
هاي الأمه باجر انت مولاها

وجانت آخر احجايه
بيدك يا علي الراية
انت راعيها .. انت راعيها
~
شذكر من بطولاتك
ما تحصه ولا تنعد
جم مره الوحي بصوتك
بسمك يا علي انشد

غيرك لا فتى شفته
وحد سيفك ولا كل حد
يامه ويامه تفديني
وتصير المحمد سد

عندك للحرب هوايه
وسيفك للمعاجز آيه
بيدك جانت احله رايه
.. من تصول

غيرك ماكو واحد ألها
ولا ضرباتك بمثلها
بهاي الدنيه تدري كلها
.. من تصول

علي ولا فتى غيرك الله گايلها
وشاهد جان سيفك عالرگب كلها

وجانت واضحه هوايه
بيدك يا علي الراية
انت راعيها .. انت راعيها
°°°°°°°°°°°°°°°°°°°°°°

قصائد مسلم الوائلي مكتوبه

28 Nov, 12:01


https://youtu.be/FxiHVstgiBY?si=wPXGkuUnbkAP7FPp

قصائد مسلم الوائلي مكتوبه

28 Nov, 12:01


📜 القصيدة: اللهم عجل لوليك الفرج
🎤 أداء: مسلم الوائلي
🖋 كلمات: قاسم رضا
~~
اللهم عجل لوليك الفرج
اللهم عجل لوليك الفرج
~~~~
گوم يبن الزهره شد احزامك
فزعه منتظرين كل خدامك
اعزل الصمصام عن اگرابه
وبدمه العادوك طفي خيامك
~~~
يله يا خيالها وراعيها
هيه هاي الطلعه المتانيها
امك بدارك تناطر فزعه
گوم واخذ الثار يا حاميها
~
يبن هاشم صولتك معروفه
گوم يالخليت بيهم خوفه
بس يحين الثار يا مهدينه
نركض من بيوتنه اعله الكوفه
~
خادم يحط ايده بيد الخادم
ونصيح يا مية هله بالقائم
والشعار اليعله بين الشيعه
يالثارات الحسين وفاطم
~
يله يا حماي هد بالثايه
وشيل بيدك يبو صالح رايه
وصيح بيهم مو غريبه ونادي
لا عقيلة بني هاشم هايه
°°°°°°°°°°°°°°°°°°°°°°°°°°

قصائد مسلم الوائلي مكتوبه

28 Sep, 19:42


https://youtu.be/TMlJXJmdMxc?si=O2QHRakDO02E_TcY

قصائد مسلم الوائلي مكتوبه

28 Sep, 19:41


📜 القصيدة: يساره الشام
🎤 أداء: مسلم الوائلي
🖋 كلمات: المرحوم عبد الأمير الفتلاوي والحي علي أكبر الغرابي
~~~~
اجيناكم يساره الشام ومن الشام اجيناكم
يخوتي لو بدينه الموت يهنه الموت وياكم
~~~~
انه وياكم وشفت الصار واگول يجون اخوتي يجون
عزمي الجابني يحسين الضعن الحرم تتلگون
لاجن فوگ غيبة موت هذا الگبر بي مدفون
لاهي جروح اداويكم ولا غياب ورجاكم
~~~~
يالحدر الترب غافين ياهو البيكم امتاني
هاي انه العزيزه ام عون المذبوحه عله خواني
لا واحد فزعلي وگام منكم لا تلگاني
رديتلكم من الشام واشرح ضيم بلواكم
~~~
حط الراس جدامه ونشد عن النسه وعني
زينب هاي وسكينه ورباب اتشوفهن ذني
طاب العيش دگ العود يالمغني ولك غني
يهاشم روسكم ذني وسبي اعيال زدناكم
~~~~
فرحانه وتدگ طبول اهل الشام ومعيدين
كلها تصيح جا عباس وينه وين اخوج حسين
وانه الروسكم ضليت كلساعه وادير العين
وزينب خارجيه تصير بعد ما جانت وياكم
~~
زدناكم بسبي اعيال واخذنه العين والعينه
وگلب راس اخوي حسين يضحك والتفت لينه
يگلها يا رباب الراس هذا ألمن تعرفينه
تگله الراس لحمانه ويگلها گوض حماكم
~~~
يضرب راس اخوي حسين گام بعصته الظالم
وما صحلي بهذاك الحال واحد من بني هاشم
جا ترضون طول ام عون فرجه يصير للوادم
وانه الظلي ما ينشاف لمن جنت بحماكم
°°°°°°°°°°°°°°°°°°°°°°°°

قصائد مسلم الوائلي مكتوبه

16 Sep, 18:08


https://youtu.be/1fT_Pvsijr4

قصائد مسلم الوائلي مكتوبه

16 Sep, 18:08


📜 القصيدة: گوم وياي
🎤 أداء: مسلم الوائلي
🖋 كلمات: عباس طالب السعيدي
~~
يحسين اگعد رد وياي
وهناك اعطش وشرب ماي

خل نرد البيتنه ونلتم سويه
مو حبل يحسين خل ايدك بديه
يا خويه .. يا خويه
~~~
جيت بطلب ليك
بي اقسم عليك
وخر التراب من الگبر ونفض عباتك

والطاحن هواي
گوملهن فياي
ركضن سوه وحتارت الگاع ابناتك

جيناك كل احنه سبايه
نبدل الحصيره بالعبايه
والباقيه من حرگ الخيام
يحسين سويناها رايه

يالمذبوح عليك انميل
كون اترد مثل اسماعيل

هاي اول مره احلفك بالخويه
مو حبل يحسين خل ايدك بديه
يا خويه .. يا خويه
~~~
خل نلتم اخوان
ما بينه عطشان
يا ميت ومايك عدل والله هظيمه

يالثوبك تراب
جبنالك اثياب
يالطشروك من الخيم لآخر يتيمه

الناگه لو بيها محنه
يحسين ودتنه لهلنه
بس هيه هم مثل الخرابه
كلساع بالبر طيحتنه

يحسين اول ما عفناك
مثل ضلوعك طحنه وياك

ونشلع گلبي وي ترجية رقيه
مو حبل يحسين خل ايدك بديه
يا خويه .. يا خويه
~~~
ما تگعد شلون
وانه اختك ام عون
مثل الشمس وجه وگفه مشتعله روحي

الما يگدر ينوح
من گلبه مذبوح
صاحتلي حته المگبره وگالتلي نوحي

يحسين والناس بغربتي
سئلوني جم مره ركضتي
بالغريه اكثر شي هظمني
من ابجي ويگلولي سكتي

يله امشينه لذاك الليل
لا بي نار ولا بي خيل

كون أردن لا غريبه ولا سبيه
مو حبل يحسين خل ايدك بديه
يا خويه .. يا خويه
~~
الخنصر لگيناه
والراس جبناه
بس الضلوع مطشره ولمتها صعبه

وين ابجي ورتاح
والوادم اصياح
ما ميته من كثر العطش ميته انه غربه

گد ما رمل بعيوني الأثنين
ما ظل مجان الدمعة العين
لو تگعد تگابلني مگبل
لو للخرابه ارجع يالحسين

راسك جبناه حته انروح
خل نعتبرك ما مذبوح

اسمي بس تگوله يرجع كلشي بيه
مو حبل يحسين خل ايدك بديه
يا خويه .. يا خويه
~~~~
انته انسه الخيام
وانسالك الشام
ونرد لهلنه بلا سبي والحادي عباس

لا هزل النوگ
لا ندخل بسوگ
ديرتنه ما بيها ركض وتباوع الناس

لو أيد ابو فاضل بدينه
جا والله ما ضحكوا علينه
لو ندري مو ترفه الحصيره
جا جبنه تابوت من اجينه

يل نص جسمك ما مدفون
ومطشر دمعات عيون

ردتك اتگابلني وتسولف عليه
مو حبل يحسين خل ايدك بديه
يا خويه .. يا خويه
°°°°°°°°°°°°°°°°°°°°°°

قصائد مسلم الوائلي مكتوبه

29 Aug, 13:21


https://vt.tiktok.com/ZS2BLUqhK/

قصائد مسلم الوائلي مكتوبه

27 Aug, 22:33


https://youtu.be/6GWfB-2tmH0

قصائد مسلم الوائلي مكتوبه

27 Aug, 22:33


📜 القصيدة: زينب صاحت السجاد
🎤 أداء: مسلم الوائلي
🖋 كلمات: المرحوم عبد الحسين الشرع وعلي الأكبر الغرابي
~~~
زينب صاحت السجاد
ما تحجي ويه حادينه
خله اعله الطفوف يفوت
حته انزور اهالينه
~~~
يعمه گلوبنه ذابت
ونار الهظم بيها توج
جنه بوليت العدوان
ليل انهار بينه اتسج
ما تامر عله الجمال
بينه الكربله يعرج

حته انزور گبر حسين
ونخبره شعمل هالبين
ونهل دمع عالخدين

وننصب عالگبر ماتم
ونگضي هناك اربعينه
~~~
مر بيه اعله اخوي الصار
يوجع زينب فراگه
ولا تنشدني يالسجاد
راح شلون نتلاگه
فوگ تراب گبر حسين
لوگع من عله الناگه

آمر عمه عالجمال
خل ياخذنه ليه بالحال
حته اگعد وشوفه شضال

بالعيله الأجت وياه
وهسه شلون ردينه
~~
نار گلوبنه تسعر
والون ما يطفيها
نريد اعله الگبور انجيم
ونوح اعله اهاليها
ما تامر دليل النوگ
يسري الكربله بيها

حته انوح عالعطشان
ونجري الدمع عالوليان
ونسايل گمر عدنان

لو ردنه الوطنه انعود
ياهو اللي يودينه
~~
خل ننشد گمر عدنان
عن الحال وشرايه
ويا رايه الترف لو راد
يرجع ضعني يا رايه
لا يبقه اعله هذا الحال
يم العلگمي ومايه

بلجن لو سمع مبجاي
يرجع للوطن وياي
وترف رايته فوگاي

ونرد للمدينه اردود
بس كافل يرد بينه
~~
من يثرب طلعنه وياه
ودگ صدره وتجفلنه
ونطانه بخت عباس
ونريد البخت منه
الشاطي العلگمي گله
الحادي الضعن يتعنه

نريد انجيم يم گبره
انوح ونسجب العبره
ونشوف الضيغم شعذره

ما ضنتي يهون عليه
ضيم اللي جره علينه
~~
ما ضنتي تهون عليه
زينب والسده عليها
وياهو الراح ياهو الراد
يتشمت بگه بيها
وموش الخيم جمر الشام
زينبهم الجاويها

وهسه من اليسر رديت
وانه ودمعتي اتبديت
ولگبور الأهل حنيت

ولوح علم گبر حسين
بس ما لوحت عينه
~~
ون وصاح يالحادي
وعينه يسيل مجراها
سير عالطفوف تريد
عمتي اتزور ولياها
وبس ما علم گبر حسين
لوح لعد عيناها

غابت روحها وراحت
يويلي وعالگبر طاحت
صفگت بيدها وصاحت

ليك اليوم يا مظلوم
جينه وگوم بارينه
~~~
طاحت من عله الناگه
ودارت عينها وتنشد
هذا ألمن يعمه وذاك
يا گبر العلي مبعد
ساعه اعله الحسين تروح
ساعه اعله الكفلها اترد

من ضيم السبي وجوره
ردت لجن مكسوره
لگبر حسينها تزوره

ويم عباس ساعه تروح
وتنوح اعله جفينه
°°°°°°°°°°°°°°°°°°°°°°°°°

قصائد مسلم الوائلي مكتوبه

19 Aug, 16:00


https://youtu.be/1XtUJNurYsY

قصائد مسلم الوائلي مكتوبه

19 Aug, 16:00


📜 القصيدة: يالماشي لحسين
🎤 أداء: مسلم الوائلي
🖋 كلمات: محمد الموسوي
~~~~
يالماشي لحسين
لا تنسه حال ام الخدر
يالماشي لحسين

من الدواوين
يالراده بدرب اليسر
من الدواوين 
~~
الله يعينج يم عون وشصار مدري بحالج
رديتي محد وياج لا رايه لا كفالج
كلساع طيحه من النوگ كلساع يالمجتوفه
منا عيون اهل الشام منا عيون الكوفه

تتفرج الناس
رحتي واجيتي بلا ولي
تتفرج الناس

ماهوه عباس
يا حيرتج يا بت علي
ماهوه عباس
~~
يالماشي لحسين اتزور جم موكب الگدامك
لا منعوا عليك الماي لا حارگين اخيامك
مشاي لكن مرتاح ومدلل من تزوره
وام عون لا شربت ماي لا سمعت الماجوره

تسمع علي وياك
من بيتك الحد كربله
تسمع علي وياك

بس زينب هناك
ما سمعت احجاية هله
بس زينب هناك
~~
طول الدرب عدنه افياي وبيوت نگعد بيها
وام عون يشمرها احجار يا بيت اللي يلاگيها
گدام تمشي الرايات عند المواكب عاده
گدام زينب يمشون برماح روس الساده

نمشي بتشابيه
جا هلبت انحس بجرح
نمشي بتشابيه

وزينب تلاگيه
كلساع واحد عالرمح
زينب تلاگيه
~~~
نلمح ضريح من بعيد ونشوف گبه ورايه
زينب لگت گبره اتراب لمن اجت مشايه
بيبان نلگه وشباج ونزور خوش زياره
زينب يگلها السجاد نيشان گبره حجاره

وتگله ما اشوف
يا عمه دليني الگبر
وتگله ما اشوف

وتمد الجفوف
أثار بيها من اليسر
وتمد الجفوف
~~~
تگضي اربعينك والناس كلمن يرد البيته
زينب دربها العباس يومين ما لاگيته
تلفي المدينه وتشتاگ للكافل ولعيونه
عباس اذا مو بالبيت ظلمه النزل من دونه

مو حلوه البيوت
بخلافكم يهل الوفه
مو حلوه البيوت

زينبكم اتموت
ما عودوها اعله الجفه
زينبكم اتموت
°°°°°°°°°°°°°°°°°°°°°°°°

قصائد مسلم الوائلي مكتوبه

13 Aug, 20:29


https://youtu.be/E0yC7Jsf85I?si=2B1cgHZhWpQ_Y3YN

قصائد مسلم الوائلي مكتوبه

13 Aug, 20:28


📜 القصيدة: هبوا إلى الجنة
🎤 أداء: مسلم الوائلي
🖋 كلمات: عباس طالب السعيدي
~
كل احنه بالخدمه
زوار ابو اليمه
من كل بقاع الدنيه شرفتونه 
~
كل الدول طلعت
والخارطه اكتملت
وبكربله رفت
.. رايات للمشايه

نقره بجناسيكم
زوار اساميكم
مية هله بيكم
.. شرفتوا كل ولايه

حياكم الله وهله يا كحلة العين
بالدنيه ماكو احله من زوار الحسين
حته الهوه يختلف لو رايه رفت
وأفيش گال البحر هذا الهوه منين

اول رقم هيه
الخدمه الحسينيه
نهوه التعب من انتم اتعبونه
من كل بقاع الدنيه شرفتونه
~~
لو هل شهر حزنه
يبدي محرمنه
واحنه المشي عدنه
.. هلاله راس البيشه

الموتى ومگابرهم
مشايه اجو كلهم
كل ميت يگلهم
.. يوم الله راح انعيشه

لو ما مشي كربله قد حان يومه
جا ضلوا اهل الكهف ليهسه نومه
موسوعة اهل العجب شگت سجلها
گعدت خذاها الشلل ما بيها گومه

كتبت مواكبنه
ثامن عجايبنه
واسم الله جا من عين اليحسدونه
من كل بقاع الدنيه شرفتونه
~~~
صحنه بفرد نبره
كل خطوه للحضره
سجليها يالزهره
.. حته الله يرضا علينه

كل اعمه تدرونه
وياكم تجيبونه
يفتحهن عيونه
.. ونطاه ابو فاضل عينه

من صحنه يالبوصله وين النويه
گالت جميع الطرق لبن الزجيه
مدينه سفره إلى ان خلصت الگاع
تگضي السمه لو نمد سفرة رقيه

خدام اهل فزعه
كل واحد وربعه
والشيب الأبيض اسود يرجعونه
من كل بقاع الدنيه شرفتونه
~
صاحت مواكبنه
هبوا إلى الجنه
حب غيره ما عدنه
.. هو اتجاه القبله

بالأربعينيه
صارت حسينيه
الگهوه العراقيه
.. منها تغار الكحله

عباس البكربله وملاگي ناسه
ما عنده جف والهله ريشه اعله راسه
كل زاير يعوف أثر من يمشي خطوه
وترابه نلگاه حرز لو جدمه داسه

طول الدرب نقره
تسبيحة الزهره
واليبجي يتوضه بواجي عيونه
من كل بقاع الدنيه شرفتونه
~~~~
فرض الصلاه عدكم
اديتوا بي حبكم
صليتوا خطوتكم
.. جي بيها واجب شرعي

والزاير اليتعب
يبجي الركض زينب
ومن البجي حدب
.. گال إلا اكسر ضلعي

عدنه الصلاه والمشي نعمتهن هواي
واليوگف بكل فرض هذا احله مشاي
واليعطش من التعب ورياگه تنشف
مثل الذي يحترگ نركضله بالماي

يشبع بجي الزلمه
من تخلص الخدمه
واهل السمه هذا البجي يسجلونه
من كل بقاع الدنيه شرفتونه
°°°°°°°°°°°°°°°°°°°°°°°

قصائد مسلم الوائلي مكتوبه

09 Aug, 20:06


https://youtu.be/rmZELSOjqog

قصائد مسلم الوائلي مكتوبه

09 Aug, 20:06


📜 القصيدة: جا هو غير العباس
🎤 أداء: مسلم الوائلي
🖋 كلمات: علي حسن علوان
~~~~
مو مسألة جربه وماي
لا مسألة رايح جاي
گالوا يشبهونه هواي
.. وين اربعينه

جا هو غير العباس
لا ينوصف لا ينقاس
گبل السهم تدري الناس
.. متروسه عينه
~~~
لو وگف عالماي يسوه الماي حته الماي منه يغار
براسه شايل ريشه حته الجيش گام يصيح يا ستار
من بعد يرمون محتارين شيلاگون راسه الحار
لو برد يدرون ما مضمون صعبه يموت مثل الثار

راجلاً بس دخيله مركض الخياله
جفوفه حلوات يذبهن تصير احلاله
حسبوا مات بعد ما يهم للتالي
راسه مگطوع والحسين يدور اباله

يوصل مثل ملك الموت
ياخذ الروح بلا صوت
حته الهوه اليمه يفوت
.. يصبح رهينه

جا هو غير العباس
لا ينوصف لا ينقاس
گبل السهم تدري الناس
.. متروسه عينه
~~
باقي قلع الباب ويصدگون ويسموه داحي الباب
براسه يطلع شيب بس والله يم حسين يرجع شاب
بالخيم نسوان علويات عطشانات مدمع صاب
لو هوه اعله الگاع هالنسوان فوگ الروس تلگه اتراب

من بده حسين يطيح عمود الخيمه
حضروا نوگ والأطفال نذر للهيمه
صاح الحسين يعباس مكانك خالي
ويا فراغك بعد ما تسده الغيمه

صعدن خواتك عالنوگ
باجر يدخلوهن سوگ
مثل الهوه ويه المخنوگ
.. هم مو بدينه

جا هو غير العباس
لا ينوصف لا ينقاس
گبل السهم تدري الناس
.. متروسه عينه
~
ما يرد خسران من يطيح عطره يگوم مثل الهيل
سوره من قرآن ما ينهان عالتعبان يمطر حيل
كلهم يعرفون لو شمسين من يغتاض يبدي الليل
السرعه مو مقياس شفنه هناك من الخوف ثگلت خيل

ثگلت الخيل عله الگاع ركض ما بيها
الرايه ترتاح اذا گام يهوس بيها
من السهم صاب جربته وتطشر مايه
گامت الناس عله الناس يطشر بيها

خط رجعه للدم خليت
بجفوفك ولا حسيت
صاحت رقيه اشتاگيت
.. يلما تجينه

جا هو غير العباس
لا ينوصف لا ينقاس
گبل السهم تدري الناس
.. متروسه عينه
~
من الخيم للماي صوت ازغار من بعيد عمي تصيح
من سمع بالصوت مدري شصار كلشي اندار حته الريح
ظل يصد عالجيش گام الراس من الخوف وحده يطيح
كلشي گام يخاف حته الماي صار الروج بي تسبيح

خايف الماي عله الماي يذب بروحه
جربه وشلون للخيام ترد مذبوحه
هنانه تشعر طعم بالوفه شمحلاته
كون الخوان للخوان ترد مذبوحه

تربية داحي البيبان
عطشان شابگ عطشان
تلاگينه دم بشريان
.. واحد مشينه

جا هو غير العباس
لا ينوصف لا ينقاس
گبل السهم تدري الناس
.. متروسه عينه
~~
يختلف عالناس عنده عيون ما تنشاف نار ونور
تعدل الميتين من يفوت جنه تگول نافخ صور
مثله يحصل وين ماي العين ظهر حسين بس مكسور
هو حي حسين والعباس گبل الناس جان يزور

من يسلم عالحسين يرد يطوفه
هيه الخوان للخوان تهم معروفه
رجع الماي عله الماي بعد ما ضاگه
وجه الحسين عله الماي طلع بجفوفه

خل شفته عليها فطور
خل ظهره محني ومكسور
المهم يرجع معذور
.. ويخف بجينه

جا هو غير العباس
لا ينوصف لا ينقاس
گبل السهم تدري الناس
.. متروسه عينه
~~~
يسوي جسمه تراب كون ام عون ما ينشاف ألها اخيال
بالمخيم خوف من يروح من يعود راحت بال
عمره عاش اعگال ويعرفون بس عالراس من ينشال
المعركه اعله الدين والعباس جان بهاي راس المال

رفعت الراس اذا سولفوا عن زوده
يشرب الغيم اذا صار عطش من جوده
دوروا رادوا السر شنو البرايه
عگدت ام البنين بفخر مشدوده

اكبر درس لليوفون
يتلگه السهام عيون
بحسين كلهم يدرون
.. باجر سفينه

جا هو غير العباس
لا ينوصف لا ينقاس
گبل السهم تدري الناس
.. متروسه عينه
°°°°°°°°°°°°°°°°°°°°°

قصائد مسلم الوائلي مكتوبه

08 Aug, 00:25


https://youtu.be/WhjUJskR0FA

قصائد مسلم الوائلي مكتوبه

08 Aug, 00:25


📜 القصيدة: مواكبنه ابتدت
🎤 أداء: مسلم الوائلي
🖋 كلمات: محمد باقر الكربلائي
~~
كل الهله بزوار الحسين
كل الهله بزوار الحسين
~~~~
مواكبنه ابتدت .. حسين
اهل غيره اجت .. حسين
شوارعنه امتلت .. حسين
زوار ابو علي

درب خير امتله .. حسين
من البصره الكربله .. حسين
تصيح يا هله .. حسين
يزوار الولي

مواكب شدت الهمه
بدرب حسين ملتمه
تتسابگ عله الخدمه
وتأدي الأربعينيه

خدم زوار بدروبه
بسم حسين محسوبه
تمشي وأله متعوبه
وتبقه صادقه النيه
~
درب نخوة عشگ .. حسين
للي يحب من صدگ .. حسين
مشي للمنسحگ .. حسين
المهم نوصل أله

عشگ بجه الزلم .. حسين
اهم من كل مهم .. حسين
منو يوگف الجدم .. حسين
تريد الكربله

حسين تلگه خدامك
اجوك بهيبة اعلامك
احسبهم تره ايتامك
ويتامك تلگاها

اجت بالشهگه والدمعه
عله المسبيه منفجعه
اعله گبرك كلها منجمعه
مغطي الدمع عيناها
~~~~
عشرين بصفر .. حسين
حمل اجمل صور .. حسين
ويه المنتظر .. حسين
نجي انواسي الضعن

الدمعنه ما نمل .. حسين
وهليله الشمل .. حسين
ويه ابو الفضل .. حسين
الحرم يجمعن

ما نتوله أبد عنه
خل وأبو وصاحبنه
درب حسين جن جنه
ومنو ما رايد الجنه

جنة كربله الأجمل
الها بالحزن نوصل
اسم حسين يترتل
بالدمعات والونه
~~
دمع فيض الجفن .. حسين
عزا لم الحزن .. حسين
بمدامعها تون .. حسين
سبيها اللي صعب

كفي ام الخدر .. حسين
كلنه الكم ستر .. حسين
بعد ماكو شمر .. حسين
ولا سبي الغرب

زينب تاج عالرايه
تمشي اول المشايه
نصيح ام الخدر هايه
زينب عشگ ابو اليمه

وغلات الطاحن جفوفه
نمشي بدمع مذروفه
بحزنها الشيعه معروفه
لزهره انطت الكلمه
°°°°°°°°°°°°°°°°°°°°°°°

قصائد مسلم الوائلي مكتوبه

07 Aug, 17:21


https://youtu.be/TUENWIwYH4w

قصائد مسلم الوائلي مكتوبه

07 Aug, 17:21


📜 القصيدة: الخيل هدت
🎤 أداء: مسلم الوائلي
🖋 كلمات: محمد الغزي
~~~~
يا ابن امي .. يا ابن امي
~
عاذرتك ونومك هني نومك هني ما ترهم جروح وهظم
انجانك تفكر بالستر خويه الخدر مزاود عليه خيل وزلم

ارتاح بسك كافي تتعب عينك المن بعد دمعت
انجانك تفكر بزينب خاف تطلع خويه طلعت
التهي بروحك عوف زينب عليها خيل وزلم فزعت
~
طحت وبعد كلشي انتهى كلشي انتهى نطلع متت والما متت
بس دني روحك لا تنسحگ لا تنسحگ عثره لحوافرهم صرت

الخيل هدت وانته نايم حسين عن الخيل وخر
موت لاجن موت سالم خاف بيك ضلوع تكسر
عوف زينب عدل تركض خيل فوگك راح تعبر
~~
تطلبني خوه مو ركض صارت ركض ما بين ميتين وغرب
تفزعلي رايد تنتهض يا تنتهض بسك يشلعان الگلب

خاطرك كاسرته زينب وانته كاسر خاطر اختك
تشوفني محترگه وركض وانه بين الخيل شفتك
شلون مدري شلون هسه لا عفتني ولا انه عفتك
~~
محتاره اجيك وما اجي ما ادري اجي حيره الصيحك عن بعد
ما ادري يحسين شصحت گلي شگلت اتهدد امشيلك وارد

راي ما خليت لختك ساعه صوتك ساعه ايد
اتصيح زينب موش زينب ما ادري حسين شتريد
موش بس موتك يحير حته صوتك يالبعيد
~
شفتك تكابر عالنفس بس النفس ما ينفع الشابع طعن
ردت انشد شلونك گلت بس ما گلت يالحته بشلونك تون

هيه ما ضلت شلونك يا شلونك من اجيك
البيك حته من اصفن الهن ما عرف ياهنه بيك
حسين حته الموش يمك هم اجو عبروا عليك
°°°°°°°°°°°°°°°°°°°°°°°°

قصائد مسلم الوائلي مكتوبه

03 Aug, 22:05


📜 القصيدة: حيهم للحرب
🎤 أداء: مسلم الوائلي
🖋 كلمات: حمزة الحسناوي
~~~
علي بويه علي بويه صيح حيهم للحرب
~~~~
صيح حيهم صول بيهم وانته گد الملحمه
كون ملك الموت يتعب جثث ينگل للسمه
فوگ گاع الطف اريدن تمطر عظام ودمه
كون عفيه ابني تصيحك من گبرها فاطمه

وسحگ اطراف الشريعه وخلها بيهم تنگلب
~~~
صوتهم للخيمه واصل هد ابن هاشم الحيد
ما يحط درع اعله صدره يخسف بصدره الحديد
ايس الواگف اگبالك گالك اخذ شتريد
ليش من گدامك اشرد وانته تكتل من بعيد

وين جا عن سيفك اشرد إلا جوه الگاع اطب
~~~
ناس فوگ الماي تركض ناس تركض ليوره
صاحوا اعله الروس نعبر ألمن انحط گنطره
عطوه راد الجيش منك ضاگت علينه الثره
بالسره اذبحنه اعله كيفك محد يخرب السره

وين ما تفتر رگبنه علي انشوفه بكل درب
~~
للحرب وعيون زينب شيلت امك تنعگد
قل هو الله اعله وجهك قرن خافن تنحسد
يبن الثگال الهواشم يبن ابوك الما يرد
مثل جدك ما تذبحه اتگسمه نصين اليهد

والنهر ما ردنه مايه ماي وجهك ينشرب
~~~
ناس تسحگ ناس گامت ركض ركضت نينوه
انطيح بس بروح ابوك نريد نشتم الهوه
يا ضوه وتخطف علينه وبيمن انكض الضوه
جيشهم يتعب بكبره ويوگف ويركض سوه

وانته عود بطرگ سيفك واحد وكلش صعب
°°°°°°°°°°°°°°°°°°°°°°°°°

قصائد مسلم الوائلي مكتوبه

03 Aug, 22:05


https://youtube.com/watch?v=zkdy5K95tmc&si=uaLL8Ntvy9Ae-2mD

قصائد مسلم الوائلي مكتوبه

02 Aug, 21:21


https://youtu.be/s13xffohEjg

2,808

subscribers

2

photos

2

videos