ፍቅር ናፍቆት ግጥም እና ትዝብት❤️❤️

አንቺን እንዲሰጠኝ - ሆንኩኝ አምላክ ለማኝ፤
ጧፍ መባ ገዛሁ - ልሰጠው ከሰማኝ፡፡

አንቺዬ...
ፀሎቴን ሳልጨርስ - ብትይ እመጣለሁ፤
እኔ እኮ ሞኝ ነኝ፣
ፈጣሪዬን ትቼ - እጠብቅሻለሁ፡፡
እጠብቅሻለሁ!!!

በተገተርኩበት፤
እጠብቅሻለሁ፤
በተፈጠረኩበት፡፡

ጊዜ አይፈራረቅ - አይጮኹም አእዋፍ፤
አንቺን ስጠብቅሽ...
ለኮስኩት ጨክኜ - ለስለት እንዲሆን የገዛሁት ጧፍ፡፡

ትመጫለሽ አይደል?

(ኤልያስ ሽታሁን)

ከወደዱት ለወዳጅዎ ያጋሩት!

ዝም ብለሽ ጠብቂኝ

እርግጥ በዚች ሀገር
የተካበው ሁሉ : በፈራረሰባት
ህልም ያለችው ሁሉ : ቅዠት በሆነባት
ሳመኝ ተው ስትለው : ጥርስ በነከሰባት
ፍቅር ስጠኝ ስትል : መርዝ በተላከባት
ያቀፈችው ሁሉ : ዞሮ በነደፋት
አለኝ ያለች ሁሉ : ባዶ በቀረባት
እርግጥ በዚች ሀገር
እርግጥ በዚች ሀገር
ወተት ስንለምናት : ደም ባዘነበችው
ገዳይ እና አራጇን : በሸላለመችው
ወዳጅ አፍቃሪዋን : ወደዳር ባለችው
እንውደድሽ ሲሏት : በማይገባት ፍቅር
ለሷ በሞቱላት : በሚላት ቅር ቅር
የአፍቃሪን ልብ እምነት : በሰባበረችው
ወዶ የቀረባትን : አንገት ባስደፋችው
እርግጥ በዚች ሀገር
መጠበቅ : ሰው መቅጠር
መጠራት : መቀጠር
ሰአት ሞልቶ : መገናኘት
የናፈቀን : ፍቅር ማግኘት
ቢከብድ እንኳን : ቢያስቸግርም
አንቺን ላገኝ
ሰአት ጠቦ : አያጥረኝም
(ብቻ አትቅሪ : አትቆይ እንጂ
በዚች ሀገር
ግድ የለውም : ብታረፍጂ...)

ግን በተራሽ : ከጠየቅሽኝ
እኔን ናፍቀሽ : ከጠበቅሽኝ
መቼ ትመጣለህ? ብለሽ ካልሽኝ

ጠብቂኝ ግራር ስር : ቁሚልኝ ከዋርካው
አልጣሽ ከዛፉ : ልይሽ ከጎዳናው
ላግኝሽ ከካፌ : በድልድዩ እለፊ
ኑሪ ሁሉም ቦታ : ከሀገሩ አትጥፊ
ዝም ብለሽ ጠብቂኝ : ድንገት እመጣለሁ
መቼስ በዚች ሀገር
እንደምን አምኜ : ነገን አቅዳለሁ?
ልክ ነበርሽ አንቺ
ዝም ብየ ምወዳት : ባልገባችኝ ነገር
እናት ሲሏት ባዳ : ባዳ ሲሏት ሀገር
በሆነች ምድር ላይ
የፊቱን ለማቀድ : ሆኖብኛል ፍርጃ
እንኳንስ ነገየን : ዛሬየን እኔእንጃ
ዝም ብለሽ ጠብቂኝ : ዝም ብየ እመጣለሁ
ምናልባትም ትናንት...
ምናልባትም ዛሬ...
ምናልባትም ነገ...
...እንጃ ምን አውቃለሁ

ብቻ ግን ጠብቂኝ...ጠብቂኝ...ጠብቂኝ


እስከመቼ???🤷‍♂️🤷‍♂️🤷‍♂️

በአቤኒ የተፃፈ✒️✒️

ከወደዱት ለወዳጅዎ ያጋሩት!

ቋጠሮ

ዘመን አልፎ ዘመን መጣ ቀን በቀን ላይ ተጨመረ
የሳቅ ትርጉም ተረስቶኛል የሃዘን ተራ ከጀመረ

                       𝓔𝓡𝓞𝓢

ከወደዱት ለወዳጅዎ ያጋሩት!

"አንተን ይንሳኝ"
ልማል ደሞ ልማል፣
ስምህን ጠርቼ፣
ፊደላት አጥርቼ፣
አንተን ይንሳኝ ብየ ልማል ልገዘተው፣
እንደማልዋሽ ያውቃል ስምህን የሚያውቀው፣
ዛሬም አንተን ይንሳኝ ነገም አንተን ይንሳኝ፣
ስምህ አንደበቴን አስሬ ይዳብሰኝ፣
አንተን ይንሳኝ ሆዴ መማያ ታቦቴ፣
የማትመለክው አድባር ነህ ጣወቴ፣
ልማል ደሞ ልማል አንተን ይንሳኝ ብየ፣
ስምል እንዳይነሳኝ ሰቀቀን አዝየ፣
ለረገፈው ቅጠል ለተቃናው እንጨት፣
አንተን ይንሳኝ እያልኩ መንፈሴ ይደሰት፣
ቀሎብኝ አይደለም ማነሳህ ዘወትር፣
እንዲያምኑኝ ብየ ነው ንግግሬ እንዲያምር፣
ሠው ኪዳኑን ሚያስር በሚወደው አይደል፣
እኔም አንተን ጠራሁ አንተን ይንሳኝ ብየ መሀላየን ልምል።
                         ✍ትዕይንት
ከወደዱት ለወዳጆ ያጋሩ

ስሜትሽን አሽሽ......ፍቅሬን እንድነጥቅሽ


አቦ ግራ ገብኝ
እንዴት ነው ምረዳሽ፤
ያንቺ ነገር ለኔ
እየደፉ ማፈስ።
.
.
.
የምሰጠው የለኝ
አንቺም ምትመልሽው፤
ከኔ ተቀብለሽ
ለሰው ምታደርሽው፤
ውቀሽው
ው
ቀ
ሽ
ው
ይህ ልቤን እንደሆን ይበለው ግድ የለም፤
ፍቅሩ ሲበዛ ነው ያጣ አንዴውን አለም።
.
.
.
ግን እንዲህም ሁኖ አስብልሻለው፤
የሰጠሁሽ አንሶሽ
እንዴሆነስ ብዬ ውስጤን እሰድባለው።
.
.
.
ምናልባት አይሆንም
ሌላ ነው ሽሽትሽ ትዕግስት ይፈትናል፤
የወደደ አይርቅም በሚል ትምክህት ፈሊጥ አሰበሽ ይሆናል፤
ምናልባት አደለ.....
ደሞ በምናልባት ሀሳቤን ከእውነት በድምር ሰረዤ፤
ለራሴ እፈራለሁ
ጊዜን እንዳልሸኘው በዋዛ ፈዝዤ።
.
.
.
እኔም ሀቅ ሳላውቅ
አንቺም ኩራትሽን በትዕግሥት ዋጅተሽ
ከምትከረስሽ፤
በምትችይው አቅም ለገድልሽ ስትይ
ስሜትሽን አሽሽ፤
እኔም ለምፈራው ፍቅሬን እንድነጥቅሽ።


©ሚኪ

ከወደዱት ለወዳጆ ያጋሩ

https://youtu.be/d5ibQVTg6kw

https://fb.watch/8pOXUIQKWg/

https://youtu.be/ytTCOUx-zC0
የኔ ጎደኞች ግን እኔን መቸ ነዉ ማበረታታት ምትጀምሩት?ቆይ እናንተ ግን ምን አይነት ጎደኞች ናችሁ 🙄🙄🙄 በሉ ወደ ሰብስክራይብ 😜😜

https://youtu.be/LZSwpiOGKl0
ወድ ቤተሰቦች አንዳንድ መፀሀፍትና ወጎችን ለማዳመጥ የዮቲብ ቤተሰብ ይሁኑ

😔እርግጥ ነው አልክድም እብደቴን አምናለሁ ካልጠፋ ሸበላ ባንተ ሙጥኝ ብዬ ራሴን ጥያለሁ ከዚህ ወድያ ህመም እንዴት እሆናለሁ እመነኝ የኔ አለም እናፍቅሀለሁ በአካል ባላገኝህም በልቤ አስብሀለው አይገርምህም ማሬ ሰዎች እንደሚሉኝ ፍፁም አይደለሁም ልቤ ስር ተዳፍኖ ምላሴን አስሮ ደሜን እየመጠጠ አይታይክም እንጂ ፍቅር አዝያለሁ ገና እወድሀለሁ ብዙ አፈቅርሀለሁ💘
አሁንም እንደ አዲስ እ-ጠ-ብ-ቅ-ሀ-ለ-ሁ…

አላለችም😜

Hayat Ahmed Muhammed

😴

__________
አላወቅሽልኝም ፍቅርሽ በጋ ሆኖ ደርሶ እንዳቀለጠኝ
አላወቅሽልኝም ጠረኔ እስኪቀየር ላበት እንደዋጠኝ
_________

አላወቅሽልኝም ከናፍቆትሽ ባህር ስቦ እንዳሰመጠኝ
አላወቅሽልኝም እንደ ጥቅምት ወር እንዳንቀጠቀጠኝ
_________

አላወቅሽልኝም የታጠቀው አይንሽ በጥቅሻ እንደጣለኝ
አላወቅሽልኝም በምልከታው ብቻ አይቶ እንደነጠለኝ

__________
አላወቅሽልኝም ዕምነትን ታቅፌ ጎልምሼ እንደጃጀሁ
አላወቅሽልኝም ተስፋን ተደግፌ ቃል ይዤ እንዳረጀሁ
__________

አ
ላ
ወ
ቅ
ሽ
ል
ኝ
ም
_____
✍ አብዱል ከሪም የእናቱ ልጅ
😴

__🏃
ደስታን የሚሠውር ሣቅን የሚቀማ
ልብን የሚያቆስል ሆድን የሚያደማ
መከራን የሚያሳይ ሥቃይ የሚያበላ
መንፈስ የሚያጎድል ኪዳን የሚያላላ
ብሶት አለ ውስጤ
.
አድማስ የሚጋርድ ስኬት የሚያከስል
ህልምን የሚያዳፍን ቅዠት የሚያበስል
አንጀት የሚበጥስ ውስጥን የሚያቃጥል
ብሶት አለ ውስጤ
_
.
✍አብዱል ከሪም የእናቱ ልጅጅ 🙏
😭

🙏____
የሆነ የጎደለ ነገር እንዳለ ይሰማኛል
ምንም መረጋጋት አልቻልኩም የማይታወቅ ድብቅ
ስሜት በደምስሬ ሲርመሰመስ ሲሯሯጥ ሲፈራገጥ ይታወቀኛል ምናለ እንደ ወጥ ገንፍሎ ቢወጣልኝ ምን ያህል ደስ ባለኝ ነበር በቃ ውስብስብ ያለ ህይወት
____😴
''እየገነፈለ ድንገት ሆድ የሚያስብስ
ሒማ የሚያሳንስ አቅልን የሚበጥስ''
ስሜት አለ ውስጤ
__

ውስጤ ይጨሳል
ሆዴ ተቀጣጥሎ እንደ ሰው ፊት ደርሶ ይገርፈኛል
በማይመከት ወላፈን ድኩም ሰውነቴን ያነደኛል
በቃ እንደ ሰደድ እሳት እየተንቀለቀለ ትኩስ ትንፋሼን እያበዛ በጭሱ ሳምባዬን ይገርፈኛል
ወላፈኑም ያለ ከልካይ ልፍስፍስ ጅስሜን ያቃጥለኛል
''
😴በቃ ያኮረፈ ስሜት
ደስታን የሚሠውር ሣቅን የሚቀማ
ልብን የሚያቆስል ሆድን የሚያደማ

ስቃይን የሚያሳይ ፍዳን የሚያበላ
ልብን የሚያቆሽሽ ዕምነት የሚያላላ
ውስጤ ስሜት አለ
__
ሁሉም ነገር ተዘበራርቋል
ውል አልባ ማንነቴን ለመፈለግ ሳስብ ይደክመኛል
ምክንያቱም :- መንገዴ ከመንገዱ ጋር ተለያይቷል
ሀሳቤም ከሀሳቡ ጋር ተራርቋል ለዛ ነው የተረበሽኩት በቃ ውስብስብ ያለ ህይወት
🙏
የዘመን ድካም ልፋቱ በቀን ጎደሎ ሲበላሽ
የሚኖርለት ሕይወቱ በሰው ባለጌ ሲኮላሽ
ስታይ ምን ትላለህ ??

ተስፋ
ታጣለህ
በኑሮህ ለህይወት ምንም አትጓጓም

የቱንም
ያህል ብትጥር አቲዝም የደስታ ልጓም

__😴
ለዛም ነው
ብዙ ጊዜ ስሜቴን በፅሁፍ እንጂ በንግግር
ለመግለፅ የሚከብደኝ ማንም የሚረዳኝ ያለ አይመስለኝም አለ አደል ውስጤ እንዲነው የሚሰማኝ
😭
የውስጣችን ስንኝ
የልባችን ጩኸት የሆዳችን ዜማ
የታፈነ ህመም ስቃይ ነው ሲሰማ
_
ሁሉም ነገር ተዘበራርቋል
ውል አልባ ማንነቴን ለመፈለግ ሳስብ ይደክመኛል
ምክንያቱም :- መንገዴ ከመንገዱ ጋር ተለያይቷል
ሀሳቤም ከሀሳቡ ጋር ተራርቋል ለዛ ነው የተረበሽኩት በቃ ውስብስብ ያለ ህይወት
🙏

ስለዚህ ! በቃ በዚች ስንኝ
ሀሳቤን ልቋጭላችሁ መሰለኝ
👇
ህይወት እንዲሰምር ተስፋህ እንዲታደስ
የሰይጣንን ዕምነት በጌታህ ስም ገርስስ
በልብህ ዙፋን ላይ አምላክን ብቻ አንግስ ።
🙏
_
_✍በ አብዱል ከሪም የእናቱ ልጅ

ያንቺ ፍቅርማ..
ሰባተኛ ሰማይ ይቀረቅረኛል፣
መሬት ያወርድና በቅፅበት ያስረኛል፣
ያብርሀምን ጎጆ በህልም ያሳዬኛል፣
እንደ ሙሴ በትር..
ያልፈሰፍስና ባህር ይከተኛል፣
በያዕቆብ መሰላል..
ሰማይ ያወጣና ድንገት ይጥለኛል፣

ጅልም ያደርገኛል፣
ከመቤቴ ጋራ እራት ያስበላኛል፣
ከመላዕክት ጋር ያጨዋውተኛል፣
መለስ ያደርግና...
ጨለማ ላይ ወስዶ በገመድ ያስረኛል፣
ያስረኛል..ያስረኛል..ያስረኛል...
የጥቋቁር ጭፍሮች ፀጉራቸው የበዛ፣
አይኖቻቸው ነጫጭ ሽታው የጠነዛ!፣
ፊቴ ላይ ገትሮ ያቁለጨልጨኛል፤
የገሀነም መንገድ ይሄነው ይለኛል፣
ያስለፈልፈኛል ያስቀባጥረኛል፣
የታሰረ ቅኔ በህልም ያስፈታኛል።

ይህ ነው ያንቺ ፍቅር...
(ሶላ የእናቱ)

🙏____
የሆነ የጎደለ ነገር እንዳለ ይሰማኛል
ምንም መረጋጋት አልቻልኩም የማይታወቅ ድብቅ
ስሜት በደምስሬ ሲርመሰመስ ሲሯሯጥ ሲፈራገጥ ይታወቀኛል ምናለ እንደ ወጥ ገንፍሎ ቢወጣልኝ ምን ያህል ደስ ባለኝ ነበር በቃ ውስብስብ ያለ ህይወት
____😴
''እየገነፈለ ድንገት ሆድ የሚያስብስ
ሒማ የሚያሳንስ አቅልን የሚበጥስ''
ስሜት አለ ውስጤ
__

ውስጤ ይጨሳል
ሆዴ ተቀጣጥሎ እንደ ሰው ፊት ደርሶ ይገርፈኛል
በማይመከት ወላፈን ድኩም ሰውነቴን ያነደኛል
በቃ እንደ ሰደድ እሳት እየተንቀለቀለ ትኩስ ትንፋሼን እያበዛ በጭሱ ሳምባዬን ይገርፈኛል
ወላፈኑም ያለ ከልካይ ልፍስፍስ ጅስሜን ያቃጥለኛል
''
😴በቃ ያኮረፈ ስሜት
ደስታን የሚሠውር ሣቅን የሚቀማ
ልብን የሚያቆስል ሆድን የሚያደማ

ስቃይን የሚያሳይ ፍዳን የሚያበላ
ልብን የሚያቆሽሽ ዕምነት የሚያላላ
ውስጤ ስሜት አለ
__
ሁሉም ነገር ተዘበራርቋል
ውል አልባ ማንነቴን ለመፈለግ ሳስብ ይደክመኛል
ምክንያቱም :- መንገዴ ከመንገዱ ጋር ተለያይቷል
ሀሳቤም ከሀሳቡ ጋር ተራርቋል ለዛ ነው የተረበሽኩት በቃ ውስብስብ ያለ ህይወት
🙏
የዘመን ድካም ልፋቱ በቀን ጎደሎ ሲበላሽ
የሚኖርለት ሕይወቱ በሰው ባለጌ ሲኮላሽ
ስታይ ምን ትላለህ ??

ተስፋ
ታጣለህ
በኑሮህ ለህይወት ምንም አትጓጓም

የቱንም
ያህል ብትጥር አቲዝም የደስታ ልጓም

__😴
ለዛም ነው
ብዙ ጊዜ ስሜቴን በፅሁፍ እንጂ በንግግር
ለመግለፅ የሚከብደኝ ማንም የሚረዳኝ ያለ አይመስለኝም አለ አደል ውስጤ እንዲነው የሚሰማኝ
😭
የውስጣችን ስንኝ
የልባችን ጩኸት የሆዳችን ዜማ
የታፈነ ህመም ስቃይ ነው ሲሰማ
_
ሁሉም ነገር ተዘበራርቋል
ውል አልባ ማንነቴን ለመፈለግ ሳስብ ይደክመኛል
ምክንያቱም :- መንገዴ ከመንገዱ ጋር ተለያይቷል
ሀሳቤም ከሀሳቡ ጋር ተራርቋል ለዛ ነው የተረበሽኩት በቃ ውስብስብ ያለ ህይወት
🙏

ስለዚህ ! በቃ በዚች ስንኝ
ሀሳቤን ልቋጭላችሁ መሰለኝ
👇
ህይወት እንዲሰምር ተስፋህ እንዲታደስ
የሰይጣንን ዕምነት በጌታህ ስም ገርስስ
በልብህ ዙፋን ላይ አምላክን ብቻ አንግስ ።
🙏
_
_✍በ አብዱል ከሪም የእናቱ ልጅ

ከመፅሀፍ ገፅ የተወሰደ 📖📖📖


አዎ ማመን የዋህነት ይፈልጋል ። አንተ ደግሞ በጣም ብዙ ጥሩ ነገሮች አሉህ ፣የዋህ ግን አደለህም ።በዚህ ምክንያት ማመን የሚለው እሳቤ ልብህ ውስጥ ሊገባም ፣ሊቆይም ሊኖርም አይችልም ።ፀጥታ ሰፈነ ፣ ሰከንዶች ነጎዱ ፣ትንፈሽ ሳበችና ቀጠለች ፣

ሁሌም አስበህ መኖር እንዴት ይቻላል ብለህ እንደምታምን ግራ ይገባኛል ።አንዳንድ ጊዜ እኳ የምትረግጠው መሬት ያመው ይሆን? ብለህ የምትፈራ ነው የሚመስለኝ ራስህን ፍታው ፣ትንሽ ለቀቅ አድርገው ።ያን ጊዜ ሂወት ደስ የሚል ነገር እንዳላትም ይታይህ ይሆናል ።አለች

ከምንድነው የምፈታው? አላት በንግግሯ በጣም ተመስጧል ።

ጠፍሮ ከያዘህ ወሰን የለሽ ኩራትና የአዕምሮ ጀብደኝነት ።የማወቅ ጉጉትኽን አብርደው ፣ምናልባትም የምታውቀው ይበቃህ ይሆናል ።ዘና በል! አከባባቢህ እይ ፣የምትፈልገው ነገር ሁሉ በዙሪያህ ነው ።

" በርግጥ ከምፈልጋቸው ነገሮች መካከል አንዷ ከፊት ለፊቴ ነች " አለ በአንድ ወገን ከልቡ ነው ። በሌላ ወገን ነገሩን ማብረድ ፈልጓል።

ሁልጊዜም ነገር ሲከር ወደ ቀልድ ትወስደዋለው ።ይህም የፈሪነትህ ሌላ ምልክት ነው። የማታሽንፍ ከመሰለህ መጋፈጥ አትፈልግም ።


አሚራ 🤪ነኝ ✍️✍️

በገዛ እጅህ

አንተን አንተን ሳስብ ኦንዲህ ያደርገኛል
ጨረቃን ጎትተሽ
ቁልቁል ወደ መሬት አፍርጫት ይለኛል
ከዋክብትን አፍሰሽ
እንዳይበታተኑ ያዣቸው እፍን አርገሽ
ሰማይን ጠቅልለሽ
እጥር ምጥን ያለች አንድ ድንኳን ስሪ
ይህንን ሁሉ ሰው
ላይን የማይሞላውን ከፊትሽ አባሪ
እምትወጣውን ፀሀይ
ዳግም እንዳትመጪ አይንሽን እንዳላይ
እንዲያ ብለሽ በያት
እሷ አትቀርብሽም አንቺው ቀረሽባት
የምድር ውሀዎችን
ጠብታ አድርጊያቸው እርሽው ጥማትሽን
ሁሉ የከንቱ ከንቱ
ምድር ምድረ በዳ እሱ አለልሽ እቱ
................
........................................
ከመፈቀር በላይ እያነገሰኝ ፍቅርህ😍
ሁሉን ንቄ ጠላሁ ባንተው በገዛ እጅህ።

@ ነቢያት ሙላት

ከወደዱት ለወዳጆ ያጋሩ

Channel photo updated

መምጣት እና መቅረት
መዉደድ እና መጥላት
የሰዉ ተፈጥሮን ነዉ
ወይ መርጥህ አለመጣህ
ወይ ቆርጠህ አልቀረህ
እንዳዉ ያንተ ነገር ከቶ ምን ተሻለህ?🤔🤔

ጎደኞቸ ሰብስክራይብ አድረገዉ ቤተሰብ ይሁኑ