Файзбоғ (ТемурМалик) Telegram 帖子

Ўзбекистонга енгил автомобиллар импорти 5,6 баробарга қисқарди

2025 йилнинг январ ойида Ўзбекистонга қиймати 31 млн долларлик 1796 дона енгил автомобил импорт қилинди. Бу ҳақда Божхона қўмитасининг ойлик ҳисоботида келтирилган.

Таққослаш учун, ўтган йилнинг мос даврида 221,4 млн долларлик 10 минг 152 дона енгил автомобиллар импорти амалга оширилган. Ўтган бир йил давомида автомобил импорти қиймат жиҳатдан 7 баробардан кўпроққа, миқдор жиҳатдан эса 5,6 баробарга қисқарган.

Энг катта камайиш гибрид автомобиллар импортида кузатилган – 31 баробар. Электромобиллар ва бензинли енгил автомобиллар импортидаги қисқариш эса мос равишда 6,7 баробар ва 2,5 баробар бўлган.

Эслатиб ўтамиз, 2024 йил 1 ноябрдан бошлаб импорт қилинган автомобилларни божхона ҳудудида эмас, Пискентдаги полигонда техник синовлардан ўтказиш бошланганди. Шунингдек, якка тартибда ёки хусусий тадбиркорлар томонидан импорт қилинадиган машиналар учун электромагнит мослашувчанлик текшируви ҳам жорий қилинди. Унда текширув нархи бензинда юрадиган машиналар учун 9 млн 88 минг сўм, электромобиллар учун эса қарийб 6 млн 300 минг сўм этиб белгиланган.

🔥@fayzboguz

Машҳур тадбиркорнинг ўғли экани айтилган О.Валломов, шунингдек, М.Қодиров ҳамда Н.Маҳмуджоновга нисбатан қамоққа олиш тарзидаги эҳтиёт чораси қўлланди. Уларнинг яна уч нафар шеригига нисбатан эса маъмурий тартибда баённома расмийлаштирилган.

Бу ҳақда Фарғона вилояти ИИБ ахборот хизмати хабар берди.

Қайд этилишича, мазкур ҳолат юзасидан Жиноят кодексининг 277-моддаси 3-қисми “г” банди (жамоат тартибини сақлаш вазифасини бажариб турган ҳокимият вакили ёки жамоатчилик вакилига ёхуд безорилик ҳаракатларининг олдини олиш чорасини кўрган бошқа фуқароларга қаршилик кўрсатиб, безорилик қилиш) билан жиноят иши қўзғатилган.

🔥@fayzboguz

Фарғоналик машҳур тадбиркорнинг ўғли эканлиги айтилаётган шахс қидирувга берилди

Фарғона шаҳридаги компютер клубида шовқин солиб, бошқаларга халақит қилган 8 нафар йигит улардан тинчланишни сўраган ходимларни калтаклади.

Клубда шовқин-сурон кўтариб, фуқароларни калтаклашни бошлаган йигит ўзини «Отабек Валломов» деб таништирган ҳамда “керак бўлса клубни сотиб олиши”ни айтган.

Манбага кўра, у фарғоналик машҳур тадбиркор Бахтиёр Валломовнинг ўғли. Валломов 2018 йилда Марғилондаги “Файз-бинокор Олтиариқ” корхонаси раҳбари ўринбосари сифатида “Ўзбекистон Республикасида хизмат кўрсатган қурувчи” фахрий унвонини олган.

"KunUz ҳолатга ойдинлик киритиш учун Фарғона вилояти ИИБ матбуот хизмати билан боғланди. ИИБ расмийси ҳолатдан хабари йўқлигини, ўрганиб маълумот беришини билдирди", деб ёзилади мақолада.

Қайд этилишича, Валломовга ҳозирда Жиноят кодекси 277-моддаси 2-қисми (баданга ўртача оғир шикаст етказиб, безорилик қилиш)да назарда тутилган жиноятни содир қилишда айбланиб, қидирувга берилган. Ишқилиб, шахсни қидирувга берганларнинг ўзлари бу ҳақда хабардор бўлсалар бўлди.

🔥@fayzboguz

Ўзбекистон компанияси Европа иттифоқининг санкциялар рўйхатига тушди

Европа Иттифоқи Украинада уруш бошланганининг уч йиллиги муносабати билан Россияга қарши 16-санкция пакетини қабул қилди. Унда 48 нафар жисмоний ва 35 нафар юридик шахсга нисбатан чеклов чоралари қўлланган. Қайд этилишича, улар Украинанинг ҳудудий яхлитлиги, суверенитети ва мустақиллигига путур етказувчи ёки таҳдид солувчи ҳаракатлар учун жавобгар.

Санкциялар рўйхатига Ўзбекистоннинг Uzstanex компанияси ҳам киритилди.

Корхоналар ва ташкилотларнинг ягона давлат регистрига кўра, Uzstanex 2018 йил июл ойида рўйхатдан ўтган. Амалга оширадиган фаолият тури – механик дастгоҳларнинг улгуржи савдоси. Устав фонди 65 млн сўм. Ягона таъсисчиси – Абрамов Василий Витальевич, директори – Бойцов Дмитрий Александрович. Компания Тошкент шаҳри Яшнобод туманида жойлашган.

Аввалроқ бу компанияга АҚШ ва Буюк Британия ҳам санкция жорий қилганди. АҚШ Молия вазирлиги қарорида таъкидланишича, компания «Россияга қарши санкцияларни четлаб ўтишда иштирок этган», жумладан, Uzstanex томонидан харид қилинган дастгоҳлар Хитойда жойлашган компаниялар орқали Россияга етказиб берилган.

🔥@fayzboguz

Трамп Зеленский ва Путинни ўзаро учрашишга чақирди

АҚШ президенти Доналд Трамп 21 феврал, жума куни Оқ уйда журналистларга Владимир Путин ва Володимир Зеленский Россия ва Украина ўртасидаги урушни тугатиш учун учрашиши кераклигини айтди. «Менимча, президент Путин ва президент Зеленский учрашиши керак. Биласизми, нима учун? Чунки биз миллионлаб одамларнинг ўлдирилишини тўхтатмоқчимиз», — деди Трамп.

Ўша куни у Fox News Radio'га Россиянинг Украинага қарши урушини тугатиш бўйича Зеленскийнинг музокараларда иштирок этишига ҳожат йўқлигини айтди. Шу билан бирга, Америка етакчиси ҳар икки томон билан мулоқотни давом эттиришини таъкидлади.

Бундан ташқари, журналистлар билан ўша учрашувда Трамп 9 май куни Москвага ташриф буюриши ҳақидаги ОАВ хабарларини рад этди. Россияда Иккинчи жаҳон урушидаги Ғалаба кунини нишонлашда иштирок этадими, деган саволга Оқ уй раҳбари: «Йўқ, бормайман», деб жавоб берган.

🔥@fayzboguz

🇺🇸🇷🇺Politico: Доналд Трамп ўз президентлик муддатининг атиги биринчи ойида 29 марта Путин истагандек иш тутди

▪️Украинадаги ҳарбий можаронинг бошланганига деярли уч йил тўлганидан сўнг, Трамп Путин билан тўғридан-тўғри алоқани тиклашга қарор қилди — 12 февралда улар 90 дақиқалик суҳбат ўтказдилар;

▪️Трамп Россияни G7 таркибига "қайтаришни хоҳлашини" билдирди;

▪️АҚШ мудофаа вазири Пит Ҳегсет Украинанинг барча ҳудудларини қайтариб олиш истагини рад этиб, улар "мавжуд воқеликка тўғри келмаслигини" айтди;

▪️Трамп Россия Украина ерларининг сезиларли қисмини эгаллаб олгани ва энди тинчлик музокараларида устунликка эга эканлигини таъкидлади;

▪️Путиннинг Украинада NATО миссияси бўлмаслиги кераклиги ҳақидаги талаби қондирилди. Пит Ҳегсет Украинага алянс қўшинлари юборилган тақдирда, улар NATO Низомининг 5-моддасига кирмаслигини айтди;

▪️Украинага АҚШ қўшинларини киритиш имкониятини рад этди;

▪️Трамп Европани ўз хавфсизлиги ҳақида мустақил қайғуришга чақириб, АҚШ уларни ҳимоя қилишга мажбур эмаслигини таъкидлади;

▪️Саудия Арабистонида Россия билан музокаралар ўтказишга келишиб, Зеленский ва ЕИ вакилларини бу жараёнга киритмади;

▪️Украинани Россия босқинида айбдор дея кўрсатди;

▪️Зеленскийнинг легитимлигини шубҳа остига олди, уни "диктатор" деб атади ва Украинада сайловлар ўтказишни талаб қилди;

▪️Путинга ишониш мумкинлигини ҳамда "у тинчлик истаётганини" таъкидлади;

▪️Сайлов кузатувчилари ҳамда уларнинг хавфсизлигини таъминловчи кибер-агентликларни молиялаштиришдан бош тортди;

▪️Келажакда АҚШ-Россия "инвестицион" битимлари тузилиши мумкинлигини эълон қилди;

▪️Трамп маъмурияти демократик дастурларни молиялаштиришни тўхтатиб, USAID қўллаб-қувватлашини қисқартирди, бу Кремлнинг "рангли инқилоблар" ҳақидаги тезисига мос келади;

▪️Путиннинг трансгендерлар ҳуқуқлари бўйича қарашларига ўхшаш позицияда бўлиб, ижтимоий адолат ғоясига қарши курашмоқда;

▪️Европани миграция масаласидаги муваффақиятсизликлари учун танқид қилди;

▪️Германиянинг ўта ўнгларга қарши курашини кескин равишда қоралаб чиқди;

▪️Германиядаги сайловларда Россияга мойил AfD партиясини қўллаб-қувватлаганини маълум қилди;

▪️Трамп маъмурияти Украина бўйича G7 баёнотидан "Россия агрессор" иборасини чиқариб ташлашни талаб қилди;

▪️Трамп АҚШ конституциясига учинчи муддат президентлик лавозимида қолиш имконини берувчи ўзгартиш киритилишига қарши эмаслигига ишора қилди.

🔥 @burchakostida

Ўзбекистон ЖСТга 2026 йилда қўшилиши мумкин

Ўзбекистон президентининг ЖСТ масалалари бўйича махсус вакили Азизбек Уруновнинг маълум қилишича, йиғилишда ташкилот бош директори Нгози Оконджо-Ивеала 2024 йилда Тимор-Лесте ва Комор ороллари ЖСТ аъзоси бўлишгани, эндиликда 2026 йил 26-29 март кунлари Камерунда бўлиб ўтадиган ЖСТ саммитига қадар Ўзбекистон, Босния ва Герцеговина ҳамда Эфиопиянинг ташкилотга қўшилишига эътибор қаратишни таклиф этган.

Бу масала юзасидан ЖСТнинг 26 аъзоси ўз фикрини билдирган. Хусусан, 16 аъзо мамлакат Ўзбекистонни аниқ ва қатъий қўллаб-қувватлашини таъкидлаган.

Азизбек Урунов ушбу мамлакатларга миннатдорчилик билдириб, уларнинг рўйхатини келтирди: Аргентина, Бразилия, Ботсвана, Хитой, Ҳиндистон, Индонезия, Корея, Малайзия, Покистон, Филиппин, Жанубий Африка, Туркия, Буюк Британия, Қозоғистон, Қирғизистон, Тожикистон.

“Қарор қатъий, 2026 йилга кўп вақт қолмади”, дея ёзди Урунов LinkedIn саҳифасида.

🔥@fayzboguz

Доналд Трамп Зеленскийни “сайловсиз диктатор” деб атади. Буюк Британия, Франция ва Германия бу баёнотларга қарши чиқди

"Зеленский Украинада сайловлар ўтказишдан бош тортиб, мамлакатни кундан кунга парчаланишига сабаб бўляпти", — деб айтмоқда Доналд Трамп. У бир кун аввал X ижтимоий тармоғида Зеленскийни “сайловсиз диктатор” деб атади ва унинг Украинадаги рейтинги жуда паст эканини билдирди.

"Нисбатан муваффақиятли комик Володимир Зеленский Қўшма Штатларни ғалаба қозониб бўлмайдиган ва бошланмаслиги керак бўлган урушга 350 миллиард доллар сарфлашга ишонтирди. Учинчи жаҳон уруши ҳеч кимнинг манфаатига тўғри келмайди, Байденнинг сиёсати эса бир йил ичида бунга олиб келиши мумкин эди", — дейди АҚШ президенти.

Трамп Украинага берилган маблағларни қайтариб олишга ҳаракат қилишини ва тарихда тинчликпарвар президент сифатида қолиш режалари борлигини айтди.

"Ар-Риёддаги музокаралар Россия ва АҚШ ўртасидаги алоқаларнинг яхшиланиши сари катта қадам бўлди. Урушни бир йил ичида ҳал қилишга ишониш керак, акс ҳолда учинчи жаҳон уруши бошланиши мумкин", — дея таъкидлали у.

Унинг қўшимча қилишича, айни дамда Россия Украинадаги музокараларда катта ҳудудларни назорат қилгани учун “кучли карталарга” эга.

АҚШ президентининг кескин баёнотларига Германия канцлери Олаф Шолц, Франция президенти Эммануел Макрон ва Буюк Британия бош вазири Кир Стармер муносабат билдирди. Шолц Украинадаги Конституция ва сайлов қонунчилигида уруш шароитида сайлов ўтказиш ман этилганини, Кир Стармер эса Иккинчи жаҳон урушида Британия ҳам сайлов ўтказмаганини эслатиб ўтди. Шунингдек, Германия ташқи ишлар вазири Анналена Бербок ZDF телеканалига берган изоҳида Трампнинг сўзларини «абсурд» деб атади. Макрон эса ўзини Украинани қўллаб-қувватлаш кафили, деб ҳисоблашини айтди.

АҚШ баёнотлари қанчалик кескин ва телбанамо кўринмасин, ҳозирча Европа мутлақо унга қарши риторикаларни қўллаб, Зеленскийни тўлиқ қўллаб-қувватлаш позициясида содиқ қолмоқда. АҚШ Байден маъмурияти даврида Россия ички низолар домига қолиб кетиб, охири бўлиниб кетишига умид билдирганди. Лекин бугун бунинг аксини кўряпмиз — бўлинишлар Россияда эмас, балки Коллектив Ғарбда бўлиб ўтяпти. АҚШ сайловида Путин ғалаба қозонди деганим, бекоргамас эди.

🔥@fayzboguz

Мубашшир Аҳмад тахаллуси билан танилган диний блогер Алишер Турсунов қидирувга берилди

Маълум қилинишича, Алишер Аҳмадович Турсунов Жиноят кодексининг 244−2-моддаси (Диний экстремистик, сепаратистик, фундаменталистик ёки бошқа тақиқланган ташкилотлар тузиш, уларга раҳбарлик қилиш, уларда иштирок этиш) 1-қисми бўйича қидирувга берилган.

Мубашшир Аҳмад бир неча йилдан буён Туркияда истиқомат қилади. У 2023 йил охирида Туркия полицияси томонидан ўзи яшаб турган уйидан олиб кетилган ва ушлаб турилган. Кейинроқ унга қўйилган айбловлар исботини топмаган ва қўйиб юборилган.

🔥@fayzboguz

АҚШ Европадек иттифоқчисидан юз ўгириб шарафсиз йўлни тутаётгани аён. У Ироқ ва Афғонистонга бостириб кирганида, бир ўзи босқинчи бўлиб қолмаслиги учун “коалицион кучлар” дея Европа давлатларини ҳам урушларга қўшилишга мажбурлади, НАТО аъзоларидан қанча европаликлар Америка учун жон берди, чунки Европа учун урушга киришга арзигулик хавф йўқ эди. Британияда Тони Блейр Жорж Бушнинг қистови билан ўз парламентига “Ироқдаги атом бомба бизни 45 дақиқада ўлдиролади” дея ёлғон гапиришга мажбур бўлди. Испанияда Ироқ урушига иштирокдан норози халқ ҳукуматни қулатди. Иккинчи Жаҳон урушидан сўнг АҚШ бутун Европа бўйлаб ўз таъсирини ушлаб туриш учун ўнлаб ҳарбий базаларга юз минглаб аскарларини жойлаштирганди.

Европада 2015 йиллардан бери кучайган миграция муаммоси айнан АҚШ урушларининг оқибати. Ироқдаги уруш арилар инини очиб юбориб, бутун Яқин Шарқ минтақасини беқарорлик домига ташлади. Қабилалар, диктаторлар ва радикал гуруҳларнинг ўзаро қонли урушларидан қочган миллионлаб аҳоли Европага келди (Америкага бормайди-ку океанни сузиб). Европада ўсаётган нацист кайфиятга шу мигрантлар сабаб, АҚШ қилган урушларлан қочган аҳоли сабаб.

Ибрат Сафо

🔥@fayzboguz