Файзбоғ (ТемурМалик) टेलीग्राम पोस्ट

Оқ уйда АҚШ президенти Доналд Трамп ва вице-президент Жей Ди Венс ҳамда Украина президенти Володимир Зеленский ўртасида даҳанаки жанг юзага келди. Ўнлаб журналистлар қаршисида бўлиб ўтган ушбу баҳсдан кейин Зеленский АҚШни тарк этгани айтилмоқда. У Украинадаги фойдали ер қазилмалари тўғрисида шартнома имзолаш учун ташриф буюрган эди, бироқ бу келишув амалга ошмади.

Тортишувнинг қисқача тезислари қуйидагича: Зеленский Путин билан келишиб бўлмаслигини, Украинага тинчлик битимидан кейин қатъий кафолатлар кераклигини, Трамп эса Байден даврида Киевга 350 млрд доллар миқдорида ёрдам ажратилганини ва бундан кейин ўзига фойда олмагунча бир тийин ажратилмаслигини айтишган.

Кўплаб экспертлар Қўшма Штатларнинг ўз иттифоқчиси билан, бўлиб ҳам Овал кабинетда бундай тарзда уришиб қолганини аввал ҳеч қачон содир бўлмаган “тарихий воқеа” бўлганини таъкидлашмоқда. Financial Times эса Трамп ва Венс бундай бўлишини олдиндан билганини, бу томоша Зеленскийни янаям кучсизроқ позицияда қилиб кўрсатиш учун уюштирилганини ёзмоқда. Fox News телеканалига кўра, тортишувдан кейин Оқ уй расмийлари Зеленскийдан чиқиб кетишни талаб қилишган ва “тинчлик келишувини имзолашга тайёр бўлмагунча қайтмаслигини” сўрашган.

Бўлиб ўтган воқеадан кейин кўплаб Ғарб лидерлари, жумладан Франция, Германия, Полша, Испания, Португалия, Швеция, Норвегия, Чехия, Нидерландия, Молдова, Литва раҳбарлари, шунингдек Европа комиссияси раиси Урсула фон дер Ляйен ва Европа дипломатияси раҳбари Кая Каллас бўлиб ўтган воқеадан кейин Украина президенти ва халқини тўлиқ қўллаб-қувватлашларини билдиришди.

Қизиқ давр. Путиннинг энг ёқимли тушлари рўёбга чиқяпти.

🔥@fayzboguz

Бугун Тайланд ҳукумати мана шу деразасига қора пластик ёпиштирилган машиналарда 40 уйғурни Хитойга қайтариб берди. Халқаро Амнести буни "тасаввур қилиб бўлмас шафқатсизлик" деб атади. Бу уйғурлар 2014 йилдан бери Тайланд миграцион турмасида ёмон шароитларда ушлаб турилганди. Ўшанда 300 уйғур чегарада қўлга олинган ва қамаб қўйилган, баъзилари Хитойга қайтарилган ва баъзилари Туркияга берилганди. Беш нафари шу қамоқхонада ўлган. Ораларида аёллар ва болалар ҳам бўлган. Улар Шинжондаги босимлардан қочишган.

Тайланддан охирги ҳафталарда кўп ҳукуматлар ва ташкилотлар уйғурларни Хитойга қайтармасликни сўрашди. Халқаро қонунга кўра, қийноқ ва ўлимга юз тутувчи одамлар ватанига қайтарилмаслиги керак. Хитойда улар узоқ муддатга қамалиши ё ўлдирилиши мумкин. Бир неча ҳафта олдин Бангкокдаги бу уйғурларга ўзлари тушунмайдиган ҳужжатларга имзо чектирилганида шовқин кўтарилди, бизам Бибисида ёритдик. Минтақадаги уйғур фаолнинг менга ўшанда айтишича, Хитой билан Тайланд бу йил ўзаро алоқаларни ўрнатганларининг 50 йиллигини нишонлашга тайёрланишяпти ва бу Тайланднинг Хитойга ўзига хос "совға"си бўлиши мумкин.

2015 йилда бу гуруҳдаги бошқа уйғурлар Хитойга қайтарилганида катта шов-шув бўлганди, халқаро ҳамжамият кескин норозилик билдиришидан Тайланд уялган. Лекин, ҳозир Трамп келиши билан алғов-далғов бўлаётган дипломатик саҳнада халқаро қонунларга ҳурмат йўқолиб боряпти ва ҳукуматлар аҳлоқий нормалардан очиқчасига юз ўгиряпти.

Ибрат Сафо

🔥@fayzboguz

Ўзбекистонда сўнгги икки йилда фаолият кўрсатаётган корхоналар сони 25 фоизга камайди

Ўзбекистонда фаолият юритаётган корхоналар сони қисқариб бормоқда. Бунга Статистика агентлиги маълумотларини ўрганган "Kunuz" сайти эътибор қаратди.

2025 йил 1 феврал ҳолатига, фаолият кўрсатаётган корхона ва ташкилотлар сони 431,5 мингтани ташкил этган. Бу – бир йил олдингидан 10,7 фоизга, 2 йил олдинги кўрсаткичдан 24,6 фоизга кам. Улардан 367,3 мингтаси – тадбиркорлик субъектлари, шундан 363,6 мингтаси кичик корхона ва микрофирмалардир.

Айни пайтда, янги ташкил этилган корхоналар сони ҳам камаяпти. 2021 йилда 103 мингга яқин янги корхона ва ташкилот очилган бўлса, 2022 йилда 94 минг, 2023 йилда 89 минг, 2024 йилда 80 мингга яқин янги корхона рўйхатдан ўтказилган.

Аввалроқ Марказий банк “Бизнес кайфияти шарҳи”ни эълон қилганди. Унга кўра, 2024 йилнинг 4-чорагида “бизнес муҳити яхшиланди” деб ҳисобловчи тадбиркорлар сони камайган. Сўровда қатнашганларнинг 53 фоизи жойларда бизнес муҳити яхшиланганини билдирган, 3-чоракда эса бундай деб ҳисобловчилар сони 57 фоиз бўлган.

🔥@fayzboguz

Биринчи харита капиталистик Германия федератив (ГФР) ва коммунистик Германия демократик республикаси (ГДР) харитаси.

Иккинчи харита куни кеча бўлиб ўтган Германия парламентига сайловлар харитаси.

Собиқ ГФР аҳолисининг катта қисми мўътадил ХДИ/ХСИ партиясига овоз берган (қора рангда). СССР тузган ва иттифоқчиси бўлган ГДР ҳудудлари эса миллатчи, ксенафоб, диний тоқатсиз "Германия учун муқобил" партиясига овоз берган (кўк ранг).

Хулоса қилиш учун ажойиб имконият. Ўрисда нега инсонлар бунчалик миллатчи кайфиятда экани ва уларнинг оёғи етган ерларда миллатчилик кайфияти қанчалик ортиши ҳақида.

🔥@fayzboguz

Ўзбекистонда оширилган нарх эвазига чиройли рақамли ID-карта, паспорт ва ҳайдовчилик гувоҳномаларини сотиб олиш мумкин бўлади

Ички ишлар вазирлиги фуқароларга хорижга чиқиш биометрик паспорти, идентификацияловчи ID-карта, ҳайдовчилик ва автомототранспорт воситасининг рўйхатдан ўтказилгани тўғрисида гувоҳноманинг оширилган тўлов ставкалари бўйича комбинациялашган рақамларни бериш бўйича давлат хизматларини кўрсатиш тартибини такомиллаштириш тўғрисидаги ҳукумат лойиҳасини муҳокамага қўйди.

Лойиҳада қайд этилишича, бугунги кунда фуқароларда ўзлари хоҳлаган рақамлар комбинациясига эга бўлган идентификацияловчи ID-карта, хорижга чиқиш биометрик паспорти, ҳайдовчилик ва автомототранспорт воситасини рўйхатдан ўтказилганлик тўғрисидаги гувоҳномани олишга талаб ошиб бормоқда.

Ўзбекистон фуқароси, доимий яшовчи хорижий ва фуқаролиги бўлмаган шахсларнинг идентификацияловчи ID-карта рақамини оширилган ставкада ахборот тизимидан сотиб олиш схемаси қуйидагича:

- Талабгор ЯИДХП ёки электрон платформадан рўйхатдан ўтади;
- электрон платформага жойланган рақамни танлайди;
- танланган рақам учун тўлов амалга оширилиши ҳақида инвойс рақами тақдим этади;
- тақдим этилган инвойс рақамига белгиланган маблағларни тўлиқ миқдорда ўтказади;
- тўлов амалга оширилгандан сўнг сотиб олинган ID-карта рақами талабгорнинг ЖШШИР рақамига боғланади ва бу ҳақида шахсий кабинетига хабар юборилади;
- хабар келгандан сўнг талабгор 90 кун ичида ўзига қулай бўлган маълумотларни йиғиш пунктларига бориб, ID-карта олиш бўйича мурожаат қилади ва ўрнатилган тартибда ID-карта расмийлаштириб берилади.

🔥@fayzboguz

Ўзбекистоннинг давлат қарзи 40 млрд 199 млн долларга етди

2025 йилнинг 1 январ ҳолатига, Ўзбекистоннинг давлат қарзи 40 млрд 199 млн долларни ташкил этди.

Давлат қарзининг 33,7 млрд доллари – ташқи қарз, 6,48 млрд доллари эса – ички қарзни ташкил этади.

Давлат қарзи 2023 йилга нисбатан 5 млрд 272 млн долларга кўпайган. ЯИМга нисбатан улуши ҳам 0,6 фоизга ошиб, 34,4 фоиздан 35 фоизга етган.

Таққослаш учун, 2024 йилнинг 1 январ ҳолатига давлат қарзи 34 млрд 927 млн долларни ташкил этган. Бир йил ичида ушбу кўрсаткич 5,3 млрд долларга ёки 15 фоизга ошган. Аҳоли жон бошига ҳисоблаганда ҳам давлат қарзи 1070 долларга етган.

Ўзбекистон кимлардан қарз олган?

Жорий йил 1 январ ҳолатига давлат ташқи қарзининг кредиторлар кесимида тақсимланиши қуйидагича:

- Жаҳон банки — 7,6 млрд доллар;
- Осиё тараққиёт банки — 7,4 млрд доллар;
- Халқаро инвесторлар (халқаро евробондлар) — 4,1 млрд доллар;
- Хитой молия ташкилотлари – 3,8 млрд доллар;
- Япония молия ташкилотлари — 2,9 млрд доллар;
- Осиё инфратузилма инвестициялари банки — 1,6 млрд доллар;
- Ислом тараққиёт банки — 944 млн доллар;
- Франция молия ташкилотлари – 977 млн доллар;
- Корея молия ташкилотлари — 740 млн доллар;
- Халқаро валюта жамғармаси — 669 млн доллар;
- Германия давлат банки — 415 млн доллар;
- Европа тикланиш ва тараққиёт банки — 341 млн доллар;
- Бошқа молиявий ташкилотлар — 1,9 млрд доллар.

🔥@fayzboguz

Исроилнинг энг кучли жосуси Эли Коэн қандай қилиб Миср ҳукуматига ишончли шахс сифатида кириб борган? Уни кучли жосусга айлантирган қобилиятлари қандай эди? Унинг жосуслиги Исроилга қандай фойда келтирган?

Буларнинг барчаси ҳақида Эли Коэн ҳақидаги видеодан билиб олинг: https://youtu.be/0Jk3SChPsaU?si=3QTMbB4JIvDEFtq9

​​Руминияда Путинга сиғинувчи президентликка номзод Калин Георгеску ниҳоят бугун ҳибсга олинди. Ўтган йил охиридаги сайловлардан сал олдин осмондан тап этиб тушган Георгеску тезда ижтимоий тармоқларда ўзини қаттиқ тарғиб қилиб, сайловларнинг 1-босқичига чиқиб олганди. 2-босқичдан олдин Руминия махсус хизматларининг махфий ҳужжатлари тарқалиб кетти, уларда Георгескуни қўллаб-қувватлаган ва янги очилган минглаб ТикТок аккаунтлар ортида Россия тургани аниқлангани айтилган. Шунда судлар сайловни бекор қилишди. Георгеску бу йил майида бўладиган сайловга ҳам номзодини қўймоқчи эди.

У Украинага ёрдам беришга қарши, Путинни ватанпарвар лидер деб билади, НАТО ва Европа Иттифоқини ёқтирмайди. Хуллас, Путин билан хоббилари бир хил. Ҳатто Путинга тақлидан от миниб, совуқ сувда сузиб, дзюдо тушиб суратлар тарқатган. Агар у президент бўлиб Руминия ҳам Венгрия ва Словакия каби Путин таъсирига тушса, НАТО ва Европанинг ҳоли яна вой, чунки Руминия Европа мудофааси учун ўта муҳим шарқий чизиқ ҳисобланади.

АҚШ Вице-президенти Жей Ди Ванс яқинда Мюнхенда Европа лидерларини урушиб берганида айни Руминиядаги сайловлардан Георгеску четлатилганини қоралади. Илон Маск ҳам Георгескуни қўллаб чиқди. АҚШ ҳукуматининг бу қадар Россия таъсири остига тушиб қолаётгани Европада кўпларни карахт қилган.

Бир неча йил олдин Руминиянинг Тимишоара шаҳрига бориб, халққа қарата отилган ўқ излари ҳали ҳам бош ҳиёбон атрофидаги уйлар деворларида қолаётганини кўргандим. 1989 йилда руминлар Москва таъсирига қарши айнан шу ерда норозилик намойишларини бошлашган. Улар коммунистларга қарши қаттиқ туришган ва жон беришган. Георгеску уларни ўтмишга қайтаришга уринаётгандек.

Ибрат Сафо

🔥@fayzboguz

Трамп Украинадан кейин Россия билан ҳам ерости бойликлари тўғрисида битим имзолайди

АҚШ президенти Доналд Трамп «Россиянинг нодир ер металларига (америкалик инвесторлар томонидан) кириш бўйича келишувга эришмоқчи»лигини айтди.

Аввалроқ, 24 феврал куни Трамп Украинадаги урушни тугатиш бўйича Россия билан «жиддий музокаралар» олиб бораётганини ва «(Москва билан) иқтисодий ривожланиш соҳасида бир қатор битимлар тузишга ҳаракат қилаётганини» айтганди. Бунда у Россия Федерациясидаги «нодир металларнинг кенг захиралари»ни эслатиб ўтди, деб эслайди CNN ўз веб-сайтида.

24 феврал куни Россия президенти Владимир Путин ВГТРК мухбири Павел Зарубинга берган интервюсида Москва Қўшма Штатларга нодир металларни қазиб олиш ва алюминий ишлаб чиқариш соҳасида ҳамкорлик қилишни таклиф этишга тайёрлигини айтди. «Биз чет эллик ҳамкорларни янги деб аталган ҳудудларга жалб қилишга тайёрмиз (...) У ерда ҳам маълум захиралар бор», — деди у Украинанинг янги босиб олинган ерларини назарда тутиб.

NBC News билдирган тахминга кўра, бундай келишув Россияга Донбасс ва Запороже ҳудудлари устидан назоратни мустаҳкамлаш имконини беради.

"Трамп — бизнесмен, шунинг учун Путин буни тушуниб, ўзига хос юриш амалга оширди", — дейди телеканал билан суҳбатда бўлган АҚШнинг собиқ дипломати.

🔥@fayzboguz

Че Гевара ўзининг инқилобий ташаббуслари адолат ва тенгликка асосланганини кўп бора таъкидлаб келарди. У капитализм ва империализмга қарши курашишни мақсад қилган. Революция даҳоси Кубадаги инқилобда Фидел Кастро билан иттифоқ тузади ва герилла уруши стратегиясини ишлаб чиқиб, уни муваффақиятли амалга оширади. Кейинчалик, у Конго ва Боливияда ҳам инқилобий ҳаракатларни йўлга қўйишга ҳаракат қилиб кўрди, бироқ бу уринишлар муваффақиятсизликка учради.

"Хурмо" лойиҳасининг бу сони таниқли инқилобчи Эрнесто Че Гевара ҳақида бўлади.

Тўлиқ видеога ҳавола:
https://youtu.be/u68TfundD54?si=tvE79wcubqtqDxkO