Ethiopian Orthodoxs Daily

++ አበው ስለ እመቤታችን ዕረፍት እንዲህ አሉ ++

‹ሌሎች በድንግልና የኖሩ ሴቶች 'ለሞት የሚሆኑ ልጆችን አንሰጥህም" በማለት ሞትን ተቃወሙት፡፡ ድንግል ማርያም ግን አንድ ልጅ በመውለድ በልጅዋ ሞት ራሱ እንዲሞት አደረገችው፡፡ ከዐለት ጋር እንደተጋጨ የተፈረካከሰው በማሕፀንዋ ፍሬ ነውና ሞት ወደ እርስዋ ሲቀርብ ተብረከረከ›› ቅዱስ ጎርጎርዮስ ዘኑሲስ

‹‹ልጃቸው ተሰብስበው ወዳሉበት መጥታለችና አዳምና ሔዋን ዛሬ ደስ አላቸው … በዚህች ቀን ታላቁ ዳዊት በራሱ ላይ የተዋበ አክሊል የደፋችለትን ሴት ልጁን አይቶ ደስ አለው … በዚህች ቀን ነቢዩ ኢሳይያስ ትንቢት የተናገረላት ድንግል ወደ ሙታን ሥፍራ ልትጎበኘው መጥታለችና ደስ አለው … በዚህች ቀን ብርሃን ሲበራባቸው አይተዋልና ነቢያት ሁሉ ከመቃብራቸው ራሳቸውን ቀና አደረጉ … አርያም በጣፋጭ የመላእክት ዝማሬ ተሞላ ፣ ምድር ደግሞ ኀዘንን በተሞሉ በሐዋርያት ለቅሶ ተሞላች፡፡ ሙታንም ሕያዋንም ትርጉሙን ሊገልጹት በማይችሉት [የተለያየ] ዜማ ሰውና መላእክት በዚያች ዕለት አብረው ጮኹ›› ቅዱስ ያዕቆብ ዘሥሩግ (Homily on the Dormition)

‹‹የቃሉ አገልጋዮችና ምስክሮች የነበሩት ሐዋርያት በሥጋ የወለደችውን የእናቱን ዕረፍትና እርስዋን የሚመለከቱ የመጨረሻዎቹን ምሥጢራትም ማየት ነበረባቸው፡፡ ይህም የሆነው የክርስቶስ የዕርገቱ የዓይን ምስክሮች እንደሆኑ ሁሉ የወለደችውም እናቱ ወደዚያኛው ዓለም ለመሸጋገርዋ ምስክሮች መሆን ስላለባቸው ነው›› ቅዱስ ዮሐንስ ዘደማስቆ  (aka Doctor of Dormition)

ዲያቆን ሄኖክ ኃይሌ
አስተ ርእዮ ማርያም

“ማግባት ለሚሹ”
የቅዱስ ዮሐንስ አፈወርቅ ምክር

ከምንም በፊት የጋብቻ ዓላማን ማወቅ አለባችሁ፡፡ በሕይወታችን ለምን ጋብቻ እንደሚያስፈልገን መረዳት አለባችሁ፡፡ ከዚህ ውጪ ሌላ ነገርን አትጠይቁ፡፡ እናስ የጋብቻ ዓላማው ምንድነው? ለምንድነው እግዚአብሔር ጋብቻን የሰጠን? ብጹዕ ጳውሎስን እናድምጠው፤ እንዲህ ያለውን፦ "ስለ ዝሙት ጠንቅ ለእያንዳንዱ ለራሱ ሚስት ትኑሮው፤ ለእያንዳንዲቱ ደግሞ ለራሷ ባል ይኑራት" (1ኛ ቆሮ.7፥2)። "ከድህነት ይወጣ (ትወጣ) ዘንድ" ነው የሚለውን? ወይስ "ሀብት ለማግኘት ሲባል" ነው የሚለውን? አይደለም፡፡ ታዲያ ምንድነው የሚለው? ከዝሙት እንጠበቅ ዘንድ፤ ራሳችንን መቆጣጠር እንችል ዘንድ፤ ንጽህናን ገንዘብ እናደርግ ዘንድ፤ በትዳር አጋራችን ደስ ተሰኝተን እግዚአብሔርን እናመሰግን ዘንድ፡፡ አያችሁ ይኼ ነው የጋብቻ ስጦታው ይኼ ነው የጋብቻ ፍሬው፤ ይኼ ነው የጋብቻ ጥቅሙ፡፡

ስለዚህ ልጆቼ! እማልዳችኋለሁ ትልቁን ጥቅም ዘንግታችሁት ዓይናችሁን በትንሹ ላይ አታሳርፉ፡፡ የትዳር አጋርን ስትመርጡ የሀብት ጉዳይ የእናንተ ትልቅ አጀንዳ ሊኾን አይገባም፡፡ ስለ ሀብት ብሎ የትዳር አጋርን መምረጥ ድንቁርና ነው፤ ሀብት ነገ ሊጠፋ ይችላልና፡፡ ስለዚህ ለትዳር የምትመርጡት ሰው ከምንም በላይ መንፈሳዊ ሀብቱን ተመልከቱ፡፡ በዚህም ዓለም በወዲያኛውም ዓለም ይበልጥ የሚጠቅማችሁ ይኼ ነውና፡፡

አባቶች ሆይ! አብርሃምን ምሰሉት፡፡ አብርሃም ለልጁ ለይስሐቅ ሚስትን ሲፈልግለት፦ ሀብትን አላየም፤ የንጉሣውያን ቤተሰብን አልተመለከተም፤ አፍአዊ ውበትን መመዘኛ አላደረገም፤ ወይም ይህን የመሰለ ሌላ መስፈርትን አልደረደረም፡፡ የነፍስ ንጽህናን እንጂ፡፡

እናቶች ሆይ! ሴት ልጆቻችሁን እንደ ርብቃ አሳድግዋቸው፡፡

እናንተ ማግባትን የምትሹ ወጣቶች ሆይ! ይስሐቅን ምሰሉት፦ ዘፈንን፣ ዳንኪራን፣ ሳቅና ስላቅን፣ የከበሮንና የዋሽንት ጫጫታን፣ ሌላውንም የዲያብሎስ ትርኢት በሰርጋችሁ ቀን አታስቡ፡፡ ከዚህ ይልቅ በምታደርጉት ኹሉም ላይ እግዚአብሔር እንዲቀድማችሁ ለምኑት፡፡ ይህን ያደረጋችሁ እንደኾነ ትዳራችሁ ፍቺ፣ ዝሙት፣ ቅናት፣ ጭቅጭቅ፣ ንትርክ የሌለበት ኾኖ ይፀናላችኋል፡፡ ይህን ያደረጋችሁ እንደኾነ፥ ሌላው በረከትም ተትረፍርፎ ይመጣላችኋል፡፡ የአውሎ ነፋስ ዓይነት በዙሪያችሁ ቢነፍስም፥ አትነዋወፁም፡፡

እናንተ ልጃገረዶች ሆይ! ርብቃን ምሰሏት፡፡ የትዳር አጋራችሁን ፍጹም ለማፍቀር የተዘጋጃችሁ ኹኑ፡፡ ይህን ያደረጋችሁ እንደኾነ ቤታችሁ ፍጹም ሰላማዊ ባሎቻችሁ የምትልዋቸውን የሚያደርጉና በፍቅራችሁ የሚንበረከኩ ይኾናሉ፡፡ ትዳር እንዲህ ኾኖ ሲጀመር፥ እግዚአብሔርንና ወላጆቹን ደስ የሚያሰኝ ልጅ ይገኝበታል፡፡

የቤት ዕቃዎችን መግዛት ስንፈልግ፥ በጣም እንጠነቀቃለን፡፡ የሻጮቹን ማንነት አይተን፣ የዕቃዉንም ጥንካሬ አገላብጠን ተመልክተን ነው የምንሸምተው፡፡ ሚስት ስናገባም ከዚህ የበለጠ ልንጠነቀቅ ይገባናል፡፡ የገዛነው ዕቃ ችግር ቢኖርበት ለሸጠልን ሰው መመለስ እንችላለን፡፡ ሚስት ስናገባ ግን ወደ ቤተሰቦቿ መመለስ አንችልም፤ እስከ ዕድሜአችን ፍጻሜ ድረስ ከእኛ ጋር ነው የምትኾነው፡፡ ክፉ ናት ብለን ብንመልሳት፥ በሕገ እግዚአብሔር መሠረት አመንዝራ እንኾናለን፡፡ ስለዚህ፥ ሚስት ስትመርጡ የሀገራችሁን ሕገ መንግሥትን ብቻ አታንብቡ፤ ከኹሉም በፊት ሕገ ቤተ ክርስቲያንን አንብቡ እንጂ፡፡

✝️ የድጋፍ ጥሪ✝️

እህታችን ኖላዊት መለሰ ባጋጠማት የልብ ሕመም ምክንያት ዶክተሮች ቀዶ ጥገና እንድታደርግ አዘዋታል፡፡ ለዚህም ከፍተኛ ወጪ ተጠይቃለች ይህም በሷ አቅም ሊደረግ ስለማይችል ስለዚህ ሁላችንም ተረባርበን እናድትድንና አብራን በሙሉ ጤንነት እንድታገለግል እንድናግዛት በመልአኩ ቅዱስ ሚካኤል ስም በትህትና እንጠይቃለን፡፡

▶️ መደገፍ ለምትፈልጉ
- አቢሲኒያ ባንክ - 143265048
- ቴ-ሌ ብር - 0991667840
- ንግድ ባንክ - 1000450190792

‹‹ እውነት እላችኋለሁ ከሁሉ ከሚያንሱ ከነዚህ ወንድሞቼ ለአንዱ ስላደረጋችሁት ለእኔ አደረጋችሁት ይላቸዋል፡፡›› ማቴ.25፡40

ቃና ዘገሊላ:-
አንድ አምላክ በሚሆን በአብ በወልድ በመንፈስ ቅዱስ ስም ጥር ዐሥራ ሁለት በዚችም ቀን የክብር ባለቤት ጌታችን ኢየሱስ ክርስቶስ የገሊላ ክፍል በሆነች በቃና በሠርግ ቤት የሠራው የተአምራቱ መታሰቢያ ይደረግ ዘንድ የቤተ ክርስቲያን መምህራን ሥርዓት ሠሩ::

ቅዱስ ወንጌል እንደ ተናገረ ይህች የተአምራቱ መጀመሪያ ናት::

የእመቤታችን ድንግል ማርያም አማላጅነት የተገለጠበት ዕለት ነው:: ውኃውን ለውጦ መዓዛው የሚጥም ጣፋጭ ወይን አድርጎታልና::

በዚህም አሳዳሪው ምስክር ሆነ::

ሙሽራው በጠራው ጊዜ ሰው ሁሉ መልካሙን ጠጅ አስቀድሞ ያጠጣል ከሰከሩም በኋላ ዝቅተኛውን ያጠጣል:: አንተ ግን የተሻለውን ጠጅ ወደ ኋላ አቆይተህ አጠጣህ አለው::

ጌትነቱንም ገለጠ ደቀ መዛሙርቱም አመኑበት::

ዳግመኛም በዚህ ዕለት የከበረ መልአክ የመላእክት አለቃ የሚካኤል የበዓሉ መታሰቢያ ነው::

በዚህች ቀን እስራኤል ወደተባለ ያዕቆብ እግዚአብሔር ልኮታልና ከወንድሙ ከኤሳው ፈርቶ ሳለ አዳነው:: ዮርዳኖስንም አሻግሮ ወደ እናቱ ወንድም ወደ ላባ ሔደ::

እርሱም ሁለቱን ልጆቹን ልያንና ራኄልን አጋባው ከዚህም በኃላ ከብዙ ገንዘብና ከልጆቹ ጋር መንገዱን እየጠረገና እያቀና በሰላም በጤና ወደ አገሩ መለሰው:: ወንድሙ ኤሳውም በፍቅር በሰላም ተቀበለው::

ስለዚህም የሊቀ መላእክት ሚካኤል የበዓሉ መታሰቢያ ነው::

ለእግዚአብሔር ምስጋና ይሁን እኛንም በዚህ በከበረ መልአክ አማላጅነት ይማረን::

ለርሱም ከቸር አባቱ መሐሪና ይቅር ባይ ከሆነ መንፈስ ቅዱስም ጋር ምስጋና ይሁን ለዘላለሙ አሜን::
🇪🇹@ethiopianorthodoxs⛪️⛪️

"ጌታችን ኢየሱስ ክርስቶስ በመጠመቁ ምክንያት ከብሉይ ወደ ሐዲስ፥ ከኦሪት ወደ ወንጌል አሻገረን፤ የመንግሥተ ሰማያትን ደጅ ከፈተልን፤ ወደ ሀገራችን (ወደ ሰማይ) ይጠራን ዘንድ ብቻ ሳይኾን ሊነገር በማይችል ክብር ያከብረን ዘንድም ቅዱስ መንፈሱን ላከልን፡፡"
                       ቅዱስ ዮሐንስ አፈወርቅ
Share https://t.me/ethiopianorthodoxs /

🍡🍡🍡🍡🍡🍡🍡🍡🍡🍡🍡🍡
              የከተራ በዓል

ኢየሱስ ክርስቶስ አምላከ አማልክት የጌቶች ጌታ የነገሥታት ንጉሥ ሲሆን ወደ ዮርዳኖስ ወርዶ በዮሐንስ እጅ ተጠምቋል::

የሁሉ አስገኝ ፈጣሪያችን ኢየሱስ ክርስቶስ ወደ ዮሐንስ ሔዶ መጠመቁን ለማዘከር ማደሪያው የሆኑት ታቦታት ወደ ጥምቀተ ባህር ይሔዳሉ::

ጌታችን በዮርዳኖስ ወንዝ በመጠመቁ ዮርዳኖስን እንደ ቀደሰ ሁሉ ታቦታቱም ባህረ  ጥምቀቱን ሊቀድሱ ይወጣሉ::

በዚህ በከተራ ዕለት ምእመናን ሁሉ ታቦታትን አጅበው ነጭ ለብሰው እያሸበሸቡና እየዘመሩ ፍጹም መንፈሳዊ በሆነ ሥርዓት ያከብራሉ::

ታቦታቱ ከመንበራቸው ተነስተው ወደ ጥምቀተ ባህሩ ሲሔዱም ሆነ ሲመለሱ በሙሉ ኃይሉ ሕዝቡ ሁሉ እየተከተለ ይዘምራል:: ልክ እንደ ዳዊት "ዳዊት በሙሉ ኃይሉ በእግዚአብሔር ፊት ይዘምር ነበር::" እንዳለ:: መጽ. ሳሙኤል ካልዕ ም.5 -:-15::

በቃል ኪዳኑ ታቦት ፊት የምንፈጽማቸው ማንኛውም መልካምም ሆነ ክፉ ነገር በእግዚአብሔር ፊት እንደፈጸምነው ነው:: መጽሐፍ እንደሚለን::

ዳዊትም ሆነ ሕዝቡ የእግዚአብሔር ታቦት ወደ ከተማቸው ስትገባ በቅኔ በበገና በከበሮ በመስንቆ በነጋሪትh በጸናጽል ሆ እያሉ እየዘመሩ ይሔዱ ነበር ነው የሚለን:: ልብ እንበል በእግዚአብሔር ፊት ነው የሚለው መጽሐፍ:: በታቦታቱ ፊት የምንፈጽመው ዝማሬ በእግዚአብሔር ፊት ነው የምናደርገው:: መጽ. ሳሙኤል ም.5 በሙሉ እንመልከት::

ሁላችን የቤተ ክርስቲያን ልጆች በዚህ ቀን ደምቀን ነጭ ለብሰን የቃል ኪዳኑ ታቦት በሚያልፍበት አካባቢ ሙሉ ኃይላችን ተጠቅመን ልንዘምር ይገባል:: አካባቢውን ሙሉ ኃይላችን ተጠቅመን በጥቅስ በቅዱሳን ሥዕላት በምንጣፍ በቀጤማ በሽቶ በሰረገላ ልናከብረው ይገባል::

የእግዚአብሔር ቸርነት የድንግል ማርያም አማላጅነት የሁሉ ቅዱሳን በረከትና ረድሄት ከሁላችን ላይ ይኑር ለዘላለሙ አሜን::
መልካም የከተራ በዓል!!!
🇪🇹@ethiopianorthodoxs⛪️

🌼🌺🌼🌺🌼🌺🌼🌺🌼🌺🌼
"ሥላሴን" "ቅድስት ሥላሴ" እያልን የመጠራታችን ምስጢር፡-

አንድም ሴት ወይም እናት ልጆቿን አልወለደችም ተብላ አትጠረጠርም ሥላሴም ይህንን ዓለም ፈጥረዋል እናም አልፈጠሩም ተብሎ አይጠረጠሩም፡፡

አንድም ሴት በባህሪዋ ልጅን ታስገኛለች፣ሥላሴም ይህንን ዓለም ካለመኖር ወደ መኖር አምጥተው ስለፈጠሩት በሴት አንጻር ቅድስት ተብለው ይጠራሉ፡፡

አንድም ሴት አዛኝ ናት፣ለታናሹም ሆነ ለታላቁ ትራራለች ሥላሴም እንደዚሁ ለፍጥረት ሁሉ ያዝናሉ፣ ይራራሉ፣ ምህረትን ይሰጣሉ፡፡ ሊቁ አባ ጊዮርጊስ ዘጋስጫ እንዲህ ይላል ”ምህረታችሁ ከልክም በላይ የበዛ በሴት አንፃር ቅድስት ተብላችሁ የተጠራችሁ የምህረት ወንዶች ሥላሴ" በማለት ያመሰጥራል፡፡ ስለእዚህ ቅድስት ለምን ተባሉ ቢባል በረከታቸው፣ ርህራሄያቸውና፣ ይቅር ባይነታቸው መሆኑን ማወቅ አለብን፡፡

አንድም ሴት ልጇ ቢታመምባት አትወድም፣ ሥላሴም አንድም ልጅ በዲያቢሎስ እጅ ተይዞ በሐጥያት እንዲታመሙ አይወዱም፣ አይፈቅዱም በመሆኑም “ቅድስት” ይባላሉ፡፡

አንድም ሴት የልጇን ነውር አትፀየፍም ልጄ ቆሽሿል፣ ተበላሽቷል ብላ ፊቷን አታዞርም፣ ሥላሴም የሰውን በሐጥያት መቆሸሽ ሳይፀየፉ በቸርነታቸው ጎብኝተው ለንስሐ ያደርሱታል ይህንን የፅድቅ አየር የምንምገው ያማረውንም ብርሃን የለበስነው ስለ ፅድቃችን ሳይሆን በሥላሴ ቸርነት ነውና ስለዚህም ሥላሴን በሴት አንጻር ቅድስት እንላቸዋለን፡፡

አንድም ሴት ልጆቿን ፈጭታና ጋግራ ትመግባቸዋለች ሥላሴም እነደዛው ናቸው በዝናብ አብቅለው በፀሐይ አብስለው ፍጥረታትን ሁሉ ይመግባሉ፡፡ ስለእዚህ ሥላሴ እንደ እናት ሁሉንም ይመግባሉና በሴት አንፃር ቅድስት ይባላሉ፡፡

በዚህ ምክንያት ሥላሴን ቅድስት ሥላሴ እያልን በፍቅር እንጠራለን፡፡

የቅድስት ሥላሴ ረድኤት በረከት አይለየን፡፡
🇪🇹@ethiopianorthodoxs⛪️

ሐዋርያው ቅዱስ ዮሐንስ:-
አንድ አምላክ በሚሆን በአብ በወልድ በመንፈስ ቅዱስ ስም ጥር አራት በዚች ቀን የክብር ባለቤት ጌታችን ኢየሱስ ክርስቶስ የሚወደው የከበረና የተመሰገነ ወንጌልን የጻፈ የሐዋርያው ዮሐንስ የፍልሰቱ መታሰቢያ ነው::

አባቶቻችን ይህን ቅዱስ ዮሐንስን በተለያዩ ስሞች እንዲህ በማለት በዜማ ይጠሩታል። ዮሐንስ ወልደ ነጎድጓድ፤ ዮሐንስ ሐዋርያ፤ ዮሐንስ ወንጌላዊ፤ ዮሐንስ ወልደ ዘብዴዎስ፤ ዮሐንስ ፍቁረ እግዚእ፤ ዮሐንስ አቡቀለምሲስ፤ ሰአል ለነ ከመ ንስማዕ ወንግበር ቃለ ወንጌሉ ለወልደ ማርያም ድንግል። ይላሉ ዘወትር በሰዓታቱ።

ለዚህም ቅዱስ ወደ እስያ ሀገር ይሔድ ዘንድ ዕጣው በወጣ ጊዜ እጅግ አዝኖ አለቀሰ:: እነርሱ ክፉዎች ከሀዲዎች ልባቸው የደነደነ መሆናቸውን አውቋልና:: ግን ከጌታችን ኃይልን መጽናናትን አግኝቶ ከደቀ መዝሙሩ ከአብሮኮሮስ ጋር ወጥቶ ወደ ክፍሉ ሔደ::

ወደ ኤፌሶንም ሊሔድ ወዶ በመርከብ ላይ ተሳፈረ:: መርከቡም ተሰበረ:: እየአንዳንዱ በመርከብ ስባሪ ሠሌዳ ላይ ተንጠለጠለ:: ደቀ መዝሙሩን አብሮኮሮስንም የባሕሩ ማዕበል ወደ አንዲት ደሴት አደረሰው:: ቅዱስ ዮሐንስ ግን በባሕሩ ማዕበል መካከል አርባ መዓልት አርባ ሌሊት ኖረ::

ከዚህም በኋላ ደቀ መዝሙሩ አብሮኮሮስ ወዳለበት ወደ የብስ ባሕሩ ተፋው:: ስለ መገናኘታቸውም እግዚአብሔርን አመሰገኑት:: በዚያም ጊዜ ተነስተው ወደ ኤፌሶን ከተማ ገቡ:: ግን በክብር ባለቤት ጌታችን ኢየሱስ ክርስቶስ ስም ይሰብኩ ዘንድ አልተቻላቸውም እነዚያ ያገር ሰዎች እጅግ የከፉ ናቸውና::

ስለዚህ ምክንያት ፈጥረው ዮሐንስ ሮምና ለምትባል ሴት የውሽባ ቤት እሳት የሚያነድ ሆነ:: ረድኡ አብሮኮሮስም አጣቢ ሆነ:: ያቺ ሴትም እጅግ ታሰቃያቸው ነበር:: መጻተኞችም ስለሆኑ ታጎሳቁላቸዋለች:: ትደበድባቸዋለች:: ትረግማቸዋለች:: ባሮቿም እንደሆኑ ጽፈውላታልና ለእርሷ ባሮች አደረገቻቸው በዚህም በታላቅ ጉስቁልና ውስጥ ኖሩ::

ከዚህም በኋላ በአንዲት ዕለት ይታጠብ ዘንድ የአገር ገዥው ልጅ ገባ:: በዚያም የውሽባ ቤት ከተሠራ ጀመሮ የሰይጣን ኃይል አለ:: የመኰንኑንም ልጅ አንቆ ገደለው:: በዚያንም ጊዜ የአገር ሰዎች ለዚያ ለሞተው ሊያለቅሱለት ተሰበሰቡ:: የከበረ ዮሐንስም ከእርሳቸው ጋር መጥቶ እንደ ሰው ሁሉ ሊያይ በዛው ቆመ::

ሮምናም በአየችው ጊዜ ረገመችው አንተስ በጌታዬ ልጅ ሞት ደስ ብሎህ ልትዝትብኝ መጣህ አለችው:: ቅዱሱ ግን በቅንነት አይዞሽ አትዘኝ አላት:: ይህንንም ብሎ ወደ ሞተው ቀረብ ብሎ  በመስቀል ምልክት አማተበበት:: በፊቱም ላይ እፍ አለበት:: በዚያንም ጊዜ ያ የሞተው ድኖ ተነሣ:: የአገር ሰዎችም ደነገጡ::

ሮምናም ወዮልኝ  እግዚአብሔር የሚሉት አምላክ አንተ ነህን አለች:: እርሱም አይደለሁም እኔ አገልጋይ ሐዋርያው ነኝ እንጂ አላት:: በእነርሱ ላይ የሠራችውን በደል ሁሉ ይቅር ይሏት ዘንድ መሪር ለቅሶ በማልቀስ ሐዋርያትን ለመነቻቸው:: እነርሱም አረጋጓት አጽናኗትም::

ከሀገሩም ሰዎች ብዙዎቹ በክብር ባለቤት በጌታችን በኢየሱስ ክርስቶስ አመኑ:: የክርስትና ጥምቀትንም አጠመቃቸው::

በፊታቸውም ብዙዎች የሆኑ ድንቆች ተአምራትን አደረጉ:: ይህንንም አይተው የሀገሩ ሰዎች ሁሉም በጌታችን አመኑ::

ከጣዖታቱ አገልጋዮች በቀር እነርሱም ሰይጣን በእርሱ ላይ ስለሚያነሣሣቸው ሊገድሉት ይሹ ነበር:: ነገር ግን ምርጦቹን እግዚአብሔር ጠበቃቸው::

የከበረ ዮሐንስም ሁሉንም እግዚአብሔርን ወደ ማወቅ እስከመለሳቸው ድረስ ታላቅ ድካምና ጭንቅ የሆነ መከራ ደረሰበት:: የከበረ ሐዋርያ ጳውሎስም ስለ ልቡናቸው ደንዳናነት ጣዖታትን ስለመውደዳቸው ስለ እነርሱ መስክሮአል::

እርሱም ዮሐንስ በታላቅ ድካም ወደ ቀናች ሃይማኖት መለሳቸው:: ከዚህም በኋላ ኤጴስ ቆጶሳትን ቀሳውስትን ዲያቆናትን ሾመላቸው::

ከዚህም በኋላ ከእስያ በዙሪያዋ ወዳሉ አገሮች ሁሉ ወጥቶ አስተማረ እግዚአብሔርንም ወደ ማወቅ መለሳቸው::

ይህም የከበረና የተመሰገነ ዮሐንስ በዚህ ዓለም ዘጠና ዓመት ኖረ:: እጅግም ሸመገለ:: ግን እንደ ባልንጀሮቹ ሐዋርያት በመሰየፍ ሞትን አልቀመሰም::

ስለ ድንግልናውን ስለ ንጽሕናው ይህ ሆነ:: ሁሉም በክብር ይስተካከሉ ዘንድ እርሱም ወንጌልን ቀለምሲስ የሚባለውን ራእይ ሦስት መልአክታትን የጻፈ ነው::

ራት ሲበሉ በጌታ ኢየሱስ አጠገብ የተቀመጠውና አቤቱ የሚያሲዝህ ማን ነው ያለው እርሱ ነው::

ጌታችንም በተሰቀለ ጊዜ ከእመቤታችን ቅድስት ድንግል ማርያም ጋር በመስቀሉ አጠገብ የቆመ እናቱንም እንሆ ልጅሽ ያላት እርሱን ደቀ መዝሙሩን እንኋት እናትህ ያለው ነው::

ጴጥሮስም እርሱን ሲከተለው በአየው ጊዜ ስለርሱ ጌታ ኢየሱስን አቤቱ ይህስ እንዴት ነው ብሎ የተናገረ:: ጌታ ኢየሱስም እስክመጣ ድረስ ይኖር ዘንድ ከወደድኩ አንተ ምን አለህ አንተ ግን ተከተለኝ ያሉት ይህ ነው::

የተመሰገነ ዮሐንስም ከዚህ ዓለም የሚወጣበት ሰዓት እንደ ቀረበ በአወቀ ጊዜ ሕዝቡን ጠራቸው:: ጸሎትንም ጸለየና ኅብስቱን ባርኮ ቆረሰ ይህም የጌታችን ሥጋውንና ደሙን ሰጣቸው በቀናች ሃይማኖትም እንዲጸኑ አዘዛቸው:: ባረካቸው:: አጽናናቸውም::

ከዚህም በኋላ ደቀ መዝሙሩ አብሮኮስን ከወንድማቸው ሌሎች ሁለቱን መቆፈሪያ ይዘው ይከተሉት ዘንድ አዘዘ::

ከኤፌሶንም ከተማ ውጪ ወጣ ጉድጓድ እንዲቆፍሩም አዘዘ:: ከውስጥዎም ገብቶ ቆመ::  ልብሱንም አስወገደ:: ከአንድ የበፍታ ቀሚስ በቀር አላስቀረም እጆቹንም አንሥቶ ጸለየና ወደ ከተማ ይመለሱ ዘንድ አሰናበታቸው::

በክርስቶስም ሃይማኖት ይጸኑ ዘንድ ለሕዝቡ ይነግሩአቸው ዘንድ አዘዛቸው:: በጎ ሥራዎችንም ይሠሩ ዘንድ ጌታችን ለሁሉም እንደ ሥራው ይከፍለው ዘንድ አለውና::

ሁለተኛም እንዲህ አላቸው:: እኔ ከሁላችሁ ደም ንጹሕ ነኝ ከእግዚአብሔር ትእዛዝና ሕግ ሳልነግራችሁ የተውኩት ምንም ምን የለምና እናንተም ከእንግዲህ ከቶ ፊቴን አታዩኝም::

ይህንንም በተናገረ ጊዜ አለቀሱ እጆቹንና እግሮቹን ስመው በጕድጓድ ውስጥ ትተዉት ወደ መንደር ተመለሱና የሆነውን ሁሉ ለሰዎች ነገሩዋቸው:: ሁሉም ደንግጠው መጡ:: ግን ልብስና መጫሚያ እንጂ መቃብሩን አላገኙም:: እጅግም አደነቁ ደቀ መዝሙሩ ዮሐንስን በዚህ በጎ ዕረፍት ያሳረፈው እግዚአብሔርንም አመሰገኑት::

ለእግዚአብሔርም ምስጋና ይሁን እኛንም በዚህ በከበረ አባት በሐዋርያ ዮሐንስ ጸሎት ይማረን በረከቱም ከእኛ ጋር ትኑር ለዘላለሙ አሜን::
🇪🇹@ethiopianorthodoxs⛪️⛪️

“ስለተገለጠልን ምስጢር ምስጋና አቅርቡ ሰው የማይሆን ሰው ሆኗልና ቃል ተዋህዷልና ቅድምና የሌለው ሥጋ ጥንታዊ ቀዳማዊ ሆነ፣ ዘመን የማይቆጠርለት መለኮት ዘመን ተቆጠረለት” ቅዱስ ኤፍሬም
መልካም የልደት በዓል

"የጌታ ልደት በቅዱስ ዮሐንስ አፈወርቅ"
ቅዱስ ዮሐንስ አፈወርቅ የከበረ የክርስቶስን ልደት ነገር በተናገረበት አንቀፅ እንዲህ አለ ቀዳማዊ አምላክ ዛሬ ተወለደ ፤ ጥንቱን ገንዘቡ ባይደለ ባህርይ ተገኝ ፤ እርሱ ቀዳማዊ አምላክ ነው ፤ ሰው በመሆኑም ከባህርይው አልተለወጠም፡፡ የመለኮቱ መገኝትም ከእመቤታችን ከተወለደ ወዲህ አይደለም ፤ ከአብ ከመንፈስ ቅዱስ ጋር ዓለም ሳይፈጠር የነበረ ጥበብ ነውንጂ ፤ የማይታመም እርሱ ከባህርይ መለኮቱ ሳይለወጥ ሕማም የሚስማማውን ስጋን ተዋሃደ፡፡ ዳግመኛም በልዑል ዙፋን ላይ ተቀምጦ ያለ እርሱ በበረት ተጣለ ስጋ ሳይሆን የነበረ የማይዳሰስ ወልድ ዋህድ ዛሬ ስጋን በመዋሃድ ተዳሰሰ ፤ ሃጢአትን የሚያስተሰርይ እርሱ በጨርቅ ተጠቀለለ፡፡
መፅሃፍ እንዲህ አለ ፦ ብልህ ሽክላ ሰሪ የሚሰራውን የለዘበ ጭቃ በአገኝ ጊዜ ከእርሱ መልካም እቃ እንዲሰራ እንደዚሁ ጌታችን የዚህችን ድንግል ንፁህ ስጋዋን ንፅህት ነፍሷን ባገኘ ጊዜ ነፍስ ያለችውን ስጋ ሊዋሃደው ፈጠረ፡፡ እንደወደደ ከድንግል ነፍስን ስጋን ፈጥሮ ለበሰ እርሱንም ተዋህዶ ዛሬ ተወለደ ሕፀፅ ያለበት ነው ብሎ ባህርያችንን አልተወውም ፤ ስጋን በተዋህዶ ጊዜ ቃል ከምላቱ አልተወሰነም ፤ ስጋ የፈጣሪ አካል ባህርይ በሆነ ጊዜ ፍፁም አምላክነትን አገኝ እንጂ፡፡ ምን እላለሁ? ምንስ እናገራለሁ? ከዘመን አስቀድሞ የነበረ እርሱ ትንሽ ህፃን ሆኗልና፡፡
እኔ ፈፅሜ አደንቃለሁ ፤ ከሰማየ ሰማያት በላይ የሚሆን ፡ በዘላለማዊ ዙፋን የሚኖር እርሱ በበረት ተጣለ ፡ ከስጋዌ አስቀድሞ አይዳሰስ የነበረ አንዱ እርሱ በምድራውያን እጅ ተዳሰሰ ፡ ሃጢአትን የሚያስተሰርይ እርሱን በጨርቅ ጠቀለሉት ፤ ይህን ወዷልና፡፡ ክብሩ ተለይቶት የነበረ ስጋን ክቡር አምላክ ሊያደርገው ፤ የፀጋ ገዥነትን አጥቶ የነበረ ስጋንም የባህርይ ገዥ ሊያደርገው ወደደ ፤ አዳም ከእኛ እንዳንዱ ሆነ ያለውንም ሰው በመሆን ሊገልጠው ወደደ፡፡ ስለዚህ ስጋየን ተዋሃደ ፡ ወንጌልን ሲያስተምር እሰማው ዘንድ ስጋየን በተዋህዶ ገንዘብ አደረገ ፤ መንፈስ ቅዱስን ሰጠኝ ፡ ተቀበልኩ ፡ ለእኔም ፍፁም ህይወትን ገንዘብ አደረግሁ ፡ እርሱ ያከብረው ዘንድ ስጋየን ተዋሃደው ፡ የሚያድነኝ መንፈስ ቅዱስን ሰጠኝ፡፡ በቅዳሴውም እንዲህ አለ፡- ዳግመኛም የወልድ አነዋወሩ እንደምን እንደሆነ መውረዱም እንዴት እንደሆነ እንናገራለን፡፡ ከአባቱ ሳይወጣ መጣ ከአነዋወሩ ሳይለይ ወረደ ከሶስትነቱ ሳይለይ መጣ ከአንድነቱም ሳይለይ ወረደ ከዙፋኑም ሳይለይ በስጋ ልጅ አደረ ከምላቱ ሳይወሰን በማህጸን ተጸነሰ በላይ ሳይጐድል በማህፀን ተወሰነ በታችም ሳይጨመርበት ተወለደ ከኃጢአት በቀር ፈፅሞ ሰው ሆነ እንደ እግዚአብሔር እየሰራ እንደ ባርያ ታየ፡፡ ዳግመኛም እንዲህ አለ ፍቅር ሰሃቦ ለወልድ ኃያል እም መንበሩ ወአብጽሖ እስከለሞት /ፍቅር ኃያል ወልድን ከዙፋኑ አወረደው እስከ ሞትም አደረሰው።/
እንግዲህ እኛ ግን ከጨለማ ወደሚደነቅ ብርሃኑ የጠራን የእርሱን በጎነት እንድንነግር የተመረጥን ቅዱስ ሕዝብ ለርስቱ የተለየን ወገን መሆናችን አውቀን በብርሃን እንኑር ጨለማውም ያልፋልና እውነተኛውም ብርሃን ይበራል በቀን እንደሚሆን በጽድቅና በቅንነት ሆነን (1ጴጥ 2፡9 ፣ 1ዮሐ 2፡8) የጌታችንን የመድኃኒታችንን የኢየሱስ ክርስቶስን ልደት እናክብር።
🇪🇹@ethiopianorthodoxs⛪️⛪️

#በተለይ_ወጣቶች_ብትሰሙትና_ለወዳጆቻችሁ_ብታጋሩት_ይጠቅማችኋል።

https://youtu.be/BLCs4GmEC4E?si=6PsKRIdPsQWPGl4o

አንድ አምላክ በሚሆን በአብ በወልድ በመንፈስ ቅዱስ ስም ታኅሣሥ ዐሥራ ዘጠኝ በዚች ቀን የመላእክት አለቃ የመላኩ የቅዱስ ገብርኤል የበዓሉ መታሰቢያ ነው::

በዛሬው ቀን በያለንበት ቤተ ክርስቲያን አምላከ ቅዱስ ገብርኤል ማረን ይቅር በለን ከተቃጣብን ከመጣብን እሳት አድነን የምንልበት ቀን ነው።

እርሱም በባቢሎን አገር ከነደደ እሳት ውስጥ በጨመሩአቸው ጊዜ አናንያ አዛርያ ሚሳኤልን ያዳናቸው ተራዳኤ መልአክ ነው::

"ለገብርኤል መልአክኪ ዘፍሡሕ ገፁ" ፊቱን ደስ ያለው የተላላከልሽ የገብርኤል ድምፁን በመስማት ያለ አባት ፀነስሽው። በዚህም አብሳሬ ትብስኅት የተባለው ቅዱስ ገብርኤል ነው።

ከሰባቱ ሊቃነ መላእክት አንዱና በእግዚአብሔር ፊት የሚቆመው ታማኝ መልአክ ቅዱስ ገብርኤል ነው፡፡

በተረዳኢነቱና በአማላጅነቱ በክርስቲያኖች ዘንድ ይወደዳል፡፡ ምክንያቱም ያዘኑትን ለማፅናናት የምስራች ለመንገር ከእግዚአብሔር ወደ ምእመናን ይላካልና፡፡

ገብርኤል ማለት የእግዚአብሔርን ልጅ የሚመስል ጌታና አገልጋይ ማለት ነው፡፡

ብርሃናዊ መልአክ ቅዱስ ገብርኤል ቅዱሳን ሰማዕታት ገድላቸውን እንዲፈፅሙ እሳቱንና ስለቱን ተሳቀው ወደ ኋላ እንዳይመለሱ ይረዳቸዋል፡፡

ኦርቶዶክስ ተዋህዶ ቤተክርስቲያናችን የቅዱሳን መላዕክትን ወርሃዊና ዓመታዊ በዓላቸውን በፀሎትና በምስጋና ታከብራለች፤ በተለይ ታኅሣሥ ዐሥራ ዘጠኝ ቀን የሚከበርበት ምክንያት ብርሃናዊ መልአክ ቅዱስ ገብርኤል ሠለስቱ ደቂቅን ከዕቶን እሳት ያዳነበት ዕለት በመሆኑ ነው፡፡

በጣዖት ፍቅር እጅግ ያለመጠን ልቡ ተቃጥሎ የነበረው የባቢሎን መሪ ናቡከደነፆር ቁመቱ ስድሳ ወርዱ ስድስት ክንድ የሆነውን የወርቅ ምስል አሰርቶ መኳንንቱን ሰብስቦ ሕዝቡ በሙሉ ለጣዖቱ እንዲሰግድ አዋጅ አወጀ፡፡

ያ ዘመን ለእግዚአብሔር ወዳጆች የፈተና ዘመን ነበር፡፡ አስመሳዮች ለጣዖት ሰገዱ፤ ተረበረቡ፡፡ እውነተኛ አማኞች ግን በእግዚአብሔር ላይ ያላቸውን እምነት ‹‹ ንጉስ የወደደው፣ ጊዜ የወለደው›› በሚል አስተሳስብ አይለወጥም፡፡ በዚያ ፈታኝ ዘመን ነበር ሶስት ታማኝ የእግዚአብሔር ባለሟሎች የተገኙት፡፡

ንጉሱ ላቆመው ጣኦት ያልሰገደ ወደ እቶን እሳት ተጥሎ እንደሚሞት ቁርጥ ውሳኔው መሆኑን ወጣቶቹ በሚገባ ያውቁታል ግን ይህንን አልፈሩም፡፡

ንጉስ ሆይ አምላካችንን ክደን አንተ ላቆምከው ጣዖት አንሰግድም አሉት፡፡

ሶስቱ ወጣቶች የወሰዱት ይህ አቋም ለንጉሱ ታላቅ ራስ ምታትን  ፈጠረ፤ ንጉሱም አገልጋዮቹን ጠርቶ እሳቱ ሰባት እጥፍ እንዲነድ ትዕዛዝ ሰጠ፡፡

እሳቱም ሰባት እጥፍ ነደደ፡፡ ወዲያውኑ የንጉሱ አገልጋዮች አናንያ ፣ አዛርያን እና ሚሳኤልን እያንከበከቡ አንጠልጥለው ወደ ዕቶን እሳቱ ወረወሯቸው፡፡

በእሳቱ ኃይል የተነሳ አገልጋዮቹም በእሳቱ እየተጠለፉ እንደ ማገዶ ነደዱ፡፡ ሠልስቱ ደቂቅ ግን ከየት እንደመጣ ከማይታወቅ  እንግዳ ጋር በመሆን በዕቶን እሳት ውስት ይንሸራሸሩ ጀመር፡፡ ይህ ተዓማራት ንጉሡንና መኳንንቱን አስገረመ፡፡  ንጉሡም በዚህ ወቅት፦

‹‹ እነሆ እኔ በእሳቱ መካከል የሚመላለሱ አራት ሰዎች አያለሁ እሳቱ ምንም አላቆሰላቸውም አራተኛውም የአማልክትን ልጅ ይመስላል ፡፡ ››  አለ፡፡

ንጉሥ ናብከደነፆር በግልፅ ተመልክቶ እንደመሰከረው የነደደውን እሳት በማብረድ ለሠልስቱ ደቂቅ ቤዛ የሆናቸው ቅዱስ ገብርኤል ነው፡፡ 

በግዕዙ ‹‹ ወገፁ ለራብዓይ ወልደ እግዚአብኤር ይመስል›› አራተኛውም ፊቱ የእግዚአብሔርን ልጅ ይመስላል ይላል፡፡

አዎን፤ ከዚህ በላይ እንደተገለፀው ሊቀ መላዕክት ቅዱስ ገብርኤል ስለ ሃይማኖታቸው መከራ የተቀበሉትን ወጣቶች የነደደውን እሳት አብርዶ በሃይማኖታቸው እንደ አፀናቸው ተመልክተናል፡፡

የቅዱስ ገብርኤል አማላጅነት እኮ ጥንት የነበረ ብቻ ሳይሆን እስከ አለንብት ዘመን ደርሶ የመልአኩን አማላጅነት በዓይን የተመለከትነው ተጨባጭ ድርጊት ነው፡፡

የነደደ እሳት ውስጥ ገብቶ ከመውጣት ባልተናነሰ መከራ ውስጥ ገብተው በቅዱስ ገብርኤል አማላጅነት ከሞተ ስጋ እና ነፍስ ድነው እውነተኛ  ምስክርነታቸውን የሚሰጡ ብዙዎች ናቸው፡፡

በመልአኩ ስም በፈለቀው ፀበል ተጠምቀው ደዌ የራቀላቸው በምልጃው የተቋረጠው ሕይወታቸው የተቀጠለላቸው እጅግ በርካታ ናቸው፡፡

በየዓመቱ በተለያዩ በቅዱስ ገብርኤል ስም በታነፁ አብያተ ክርስቲያናት የሚሰባሰበው ምዕመን ስዕለቱ የሰመረለት ልመናው የተሰማለት ተምኔቱ የተፈፀመለት ብዙ እንደሆነ ግልፅ ነው፡፡

ስለዚህ ለመላዕክት አለቃ ለቅዱስ ገብርኤል የተሰጠውን ፀጋ ተረድተን መልአኩን ልናከብረውና ልናመሰግነው ይገባል፡፡

ለእግዚአብሔር ምስጋና ይሁን እኛንም መላኩ ቅዱስ ገብርኤል በአማላጅነቱ በፊታችን ቆሞ ይጠብቀን ያድነን ለዘላለሙ አሜን::
🇪🇹@ethiopianorthodoxs⛪️⛪️

አንድ አምላክ በሚሆን በአብ በወልድ በመንፈስ ቅዱስ ስም ታኅሣሥ ዐሥራ አንድ በዚህች ቀን የኤጲስ ቆጶሱ በርተሎሜዎስና የሰማዕቱ በጥላን መታሰቢያቸው ነው::

የአባቶቻችን በረከታቸው ድል የማትነሳ በክርስቶስ ደም የታነፀች ተዋሕዶ ሐይማኖታቸው ከእኛ ጋር ትኑር ለዘላለሙ በእውነት አሜን::
🏝🏝🏝🏝🏝🏝🏝🏝🏝🏝🏝🏝
#የሰው_ልጅ_ከሞት_በኋላ_ይህ_የምንመካበት #ሰውነት ,,,
በ3ኛው ቀን ጥፍሮቻችን ተነቅለው መውደቅ ይጀምራሉ,,,
በ 4ኛው ቀን ፀጉራችን መበስበስ ይጀምራል
በ 5ኛው ቀን አእምሮአችን በከፍተኛ ሁኔታ መበላሸት
ይጀምራል
በ 6ኛው ቀን የሆድ እቃችን በመቅለጥ በአፋችንና በተለያዩ
የሰውነታችን ቀዳዳዎች መፍሰስ ይጀምራል
በ 60ኛው ቀን ከአጥንታችን ውጪ አንዳችም ቀሪ አካል አይኖርም,,,,
ታዲያ ለዚህ ከንቱ አካል መጨካከን ፣ መጠላላት፣ መጎዳዳትና
ስስት ምን ይሰራል?
ዝናም ሀብትም እውቀትም ሁሉ ይህን የተፈጥሮ ህግ ሽሮ
አያቆመንም ቆመን ስንሄድ የማናልፍ ብርቱዎች ብንመስለም
ተሸክመን የምንዞረው በቀናት ውስጥ አፈር የሚበላውን ስጋ ነው።
ይልቅስ እንዋደድ፣ እንፋቀር ፣ በጎ ነገር እንስራ፣ ህሊናችንን የሚያስደስት ምግባር እንፈፅም።
ደስ ብሎን ውለን ደስ ብሎን እናድራለን።

🇪🇹@ethiopianorthodoxs⛪️

https://www.youtube.com/live/iOg7ycjcDaM?si=mxrQWZYLR0YrxkR6

አንድ አምላክ በሚሆን በአብ በወልድ በመንፈስ ቅዱስ ስም ኅዳር ሃያ አንድ የጽዮን የእመቤታችን ቅድስት ድንግል ማርያም በዓሏ ነው::

"ትውልድ ሁሉ ያመሰግኑኛል" እንዳለች እርሷ እመቤታችን በዛሬው ዕለት እስትንፋስ ያለው ፍጥረት ሁሉ ጽዮንን ከበው ያመሰግኗታል::

በእውነት ጽዮን እናታችን ናት፣ እርሷ መመኪያችን ናት፣ እሷን ከብን እናመሰግናታለን፣ ለጽዮን የጸጋ  ስግደት እንሰግድላታለን።

አባቶቻችን እንዳስተማሩን ቅዱሳን መጻሕፍት እንደመሰከሩልን ሰው እናታችን ጽዮን ይላል በውስጧም ሰው ተወለደ።

ጌታ ከእመቤታችን በስጋ ተወለደ ።
እርሱ እራሱ ልዑል መሰረታት ማለት እግዚአብሔር እመቤታችንን በንፅህና አጸናት በእመቤታችን ያመኑ ሁሉ ደስ ብሏቸው እንዲኖሩ ይናገራቸዋል ።
( መዝ 130÷131--18)

ጽዮን የሚላት በወርቁ እመቤታችንን ነው ይህም ይታወቅ ዘንድ ይህቺ ለዘለአለም ማረፊያዬ ናት ብሎ ለምድራዊቷ ጽዮን (ለምድሪቱ )አለመሆኑን ያረጋግጥልናል ።

ምክንያቱም ሰማይና ምድር ያልፋሉ ብሎ ራሱ ጌታ በማይታበል ቃል ተናግሯል ።

ስለሆነም ምድሪቱ የዘለዓለም ማረፊያ ልትሆነው አትችልም ለእመቤታችን ግን ይስማማል ይህቺ ለዘለአለም ማረፊያዬ ናት ሲል ለዘለአለም ወላዲተ አምላክ ስትባል የምትኖር ስለሆነ ነው።

ከእርሷ የነሳው (የወሰደው )ስጋ ለዘለዓለም መለኮትን ተዋሕዶ የሚኖር ስለሆነ መርጫታለሁና አድሬባታለሁ አለ
( ትቢ ኢሳ 60÷4) ።

የአስጨናቂዎችሽ ልጆች አንገታቸውን ደፍተው ወደ አንቺ ይመጣሉ የናቁሽም ሁሉ ወደ እግርሽ ጫማ ይሰግዳሉ የእግዚአብሔር ከተማ (ዘጠኝ ወር ከ 5 ቀን ማሕጸኗን አለም አድርጎ ተመስግኖባታል እና ከተማ አለው )የእስራኤል ቅዱስ የሆንሽ ጽዮን ይሉሻል ። ሲል ነው

ምስጋና በዛሬው ዕለት ማኅሌቱ ቅኔው ይፈሳል:: ዕንባዎች በተማፅኖ በደስታ ይፈሳሉ::

የፃድቃን እጆች ለምጽዋት ይፈተሉ:: ድሆች ይጠግባሉ የታረዙ ይለብሳሉ::

በዛሬው ዕለት አብያተ ክርስቲያናት በማኅሌት በሠዓታት በእግዚኦታ በኪዳን በቅዳሴ በትምህርተ ወንጌል ደምቀው አድረው ይውላሉ::

አባ ጊዮርጊስ በመጽሐፈ ሰዓታቱ ላይ:-
ጸጋን የተመላሽ ሆይ በምን ስም እንጥራሽ?
  የመድኃኒት በር ነሽ፤ የብርሃን መስኮት ነሽ፤ የመንግሥት ልጅ ነሽ:: ሰማይ እንበልሽ ይሆን!

✝ልጅሽ የእውነት ፀሐይ ነው፤ ሐዋርያት ኮከቦችሽ ናቸው፤ (እነዚያ) የልጆችሽ መቅረዞች::
የአትክልት ቦታ እንበልሽ ይሆን!

✝ልጅሽ የወይን ተክል ነው፤ ሐዋርያቱ ሐረጎችሽ ናቸው (እነዚያ) የበኵርሽ  ቅርንጫፎች::

✝መርከብ እንበልሽ ይሆን! ቀዛፊው ልጅሽ ነው፤ሐዋርያቱ መርከበኞችሽ ናቸው (እነዚያ) የበኵርሽ ምርጦች::

✝የግንብ ቤት እንበልሽ ይሆን ገንቢው ልጅሽ ነው ሐዋርያቱ ቤተሰቦችሽ ናቸው (እነዚያ) የበኵርሽ ምእመናን::

✝መሠዊያ (መንበር) እንበልሽ ይሆን! ልጅሽ ሊቀ ካህናት ነው፤ ሐዋርያት ተላላኪዎችሽ ናቸው::
(እነዚያ) የበኵርሽ ደቀ መዛሙርት::

✝መሶበ ወርቅ እንበልሽ ይሆን! ልጅሽ የሕይወት እንጀራ ነው ሐዋርያቱ አሳላፊዎችሽ ናቸው (እነዚያ) የበኵርሽ ሥጋ የሚሠዉ::

✝ጽዋ እንበልሽ ይሆን! ልጅሽ የመለኮት ወይን ነው
ዠሐዋርያቱ ካህናትሽ ናቸው (እነዚያ) የበኵርሽ ደም የሚቀዱ ይሏታል:: በማድነቅና በተመስጦም!

"የእግዚአብሔር ጥበብ እንዴት ድንቅ ነው የሥራው ኃይል ትልቅ ነው ፍርዱ ሁሉ ትክክል ነው የስሙ ምስጋና የተባረከ ነው በዕብራይስጢ ማሪሃም የተባለውን ይህችን ቅድስት በሁሉት በኩል ድንግል የሆነች ማርያምን የመረጣትና የወደዳት-:- ከፍ ከፍ ያደረጋት ያከበራት ነውና::

እንግዲህ ምን እንላለን! በእውነት ቅድስት ሆይ ለምኝልን ብቻ እንበላት እንጂ:: ለእርሷ ምስጋና ለማቅረብ የጸዳ ልቡናና አንደበት ያላቸው እንደምን ያሉ ናቸው!

የእግዚአብሔር ቸርነት የድንግል ማርያም አማላጅነት አይለየን ለዘላለሙ አሜን።

@ethiopianorthodoxs

ጾመ ነቢያት:-
አንድ አምላክ በሚሆን በአብ በወልድ በመንፈስ ቅዱስ ሰም ኅዳር ዐሥራ አምስት በዚህች ቀን የስብከተ ገና ጾም መጀመሪያ ነው::

ይህም ክብር ይግባውና ጌታችን ኢየሱስ ክርስቶስ ለተወለደበት በግብጽ የሚኖሩ ያዕቆባውያን ክርስቲያኖች የሠሩት ነው::

በሐዋርያት ቤተ ክርስቲያን ባሕልና ትውፊት መሠረት የኢትዮጵያ ኦርቶዶክስ ተዋሕዶ ቤተ ክርስቲያን ከመጀመሪያዎቹ አብያተ ክርስቲያናት አንዷ ስለሆነች የጾም ሥርዓት አላት::

እነዚህም ሰባቱ የጾም ወራት ናቸው::

1ኛ. ዓቢይ ጾም
2ኛ. የሐዋርያት ጾም
3ኛ. የፍልሰታ ጾም
4ኛ. ጾመ ነቢያት
5ኛ. ጾመ ገሀድ
6ኛ. ጾመ ነነዌ
7ኛ. ረቡዕና ዓርብ የተባሉት ናቸው::

እነዚህንም አጽዋማት ሀብተ ወልድና ሥመ ክርስትና በቅድስት ቤተ ክርስቲያን ያገኘ ምእመን ዕድሜው ከሰባት ዓመት በላይ የሆነ ክርስቲያን መምህረ ንስሐው በበሽታ ምክንያት ካልከለከላቸው በስተቀር ሰባቱንም አጽዋማት  እንዲጾም ሥርዓት ተሠርቶልናል::

  ከነዚህ አጽዋማት መካከል ዛሬ የምንጀምረው ጾም በ4ኛ. ደረጃ ላይ ያስቀመጥነውን ነው:: ይህም ጾም:- ጾመ ነቢያት ይባላል::

ከኅዳር 15 እስከ ታኅሣሥ 28 ቀን ያለው ነው:: ይህን ጾም የምንጾመው ነቢያት በየዘመናቸው ስለመሲህ መምጣት በናፍቆት በመጠባበቅ ይጾሙ ይጸልዩ ስለነበር የእነርሱን አርአያ ተከትለን ከዛሬ ከኅዳር 15 ጀምሮ የክርስቶስን ልደት ከማክበራችን ቀደም ብለን ይህን ጾም እንድንጾም በሐዋርያት ቤተ ክርስቲያን ሥርዓት ተሠርቷል:: በዚህም ምክንያት እንጾማለን::

ጾም ማለት ሰውነት ከሚፈልጋቸው ነገሮች ሁሉ መከልከል ማለት ነው:: ወይም ለሰውነት የሚያምረውን የሚያስጎመዥውን ነገር መተው ማለት ነው::

ሃይማኖት ባለበት ቦታ ሁሉ ጾም አለ:: ጾም ከሃይማኖት ጋር ዘላለማዊ ዝምድና አለው:: ይልቁንም በብሉይ ኪዳን ጾም ከፍተኛ ቦታ አለው::

የብሉይ ኪዳን ነቢያት ከእግዚአብሔር ጋር በሚገናኙበት ወራት እህል ውኃ ባፋቸው አይገባም ነበር:: ዘጸ. 34 -:- 28:: በኃጢአት ብዛት የታዘዘው የእግዚአብሔር መዓት የሚመለሰው ቁጣው የሚበርደው ሕዝቡ በጾም ሲለምኑትና ሲማልዱት ነበር::  ዮና.3-:-5-10::

በአዲስ ኪዳንም ጾም ሰው ሠራሽ ሕግ ሳይሆን ራሱ መድኃኒታችን ኢየሱስ ክርስቶስ በመዋዕለ ሥጋዌው የሥራ መጀመሪያ አድርጎ የሠራው ሕግ ነው:: ማቴ.4-:-2:: ሉቃ.4-:-2::

ስለዚህ ቤተ ክርስቲያናችን በሠራችልን ሥርዓት መሠረት መጾም አለብን:: የምንጾመውም ከመብል ከመጠጥ ብቻ ሳይሆን አባቶቻች "ከመብልና ከመጠጥ ብቻ እንጾማለን አትበሉ ከክፉ ነገር ጭምር ራቁ" እንዳሉን መራቅ ይገባናል::

ስለዚህ በረከት ረድሄት የምናገኝበት ከኃጢአት ከበደል የምንርቅበት ጾም ያድርግልን::

ይቅርታው ቸርነቱ በሁላችን ክርስቲያኖች ላይ ይኑር በአገራችን ኢትዮጵጰያ ላይ ሰላም ያምጣልን ለዘላለሙ አሜን::
🇪🇹@ethiopianorthodoxs⛪️⛪️

የቅዱስ ሚካኤል ዓመታዊ ንግስ ከዋዜማ እስከ ሰርክ ጉባኤ በፈለገ ዮርዳኖስ ሚዲያ በቀጥታ ስስጭት ይጠብቁ።
⁺⁺⁺⁺⁺⁺⁺⁺⁺⁺⁺⁺⁺⁺⁺⁺⁺⁺⁺⁺⁺⁺⁺⁺⁺⁺⁺⁺⁺⁺⁺⁺⁺⁺
ይህ ፈለገ ዮርዳኖስ ሚዲያ ነው Like Shear Follow Subscribe ያድርጉ


√ Telegram

√ Facebook

√ YouTube

√ Tiktok

√ Instagram

https://youtu.be/XCxgZjw93xc?si=HKPSnpWhQGpI4d42

አርባዕቱ እንስሳ:-
አንድ አምላክ በሚሆን በአብ በወልድ በመንፈስ ቅዱስ ስም ኅዳር ስምንት በዚች ቀን ሥጋ የሌላቸው የአርባዕቱ እንስሳ በዓላቸው ሆነ::

እሊህም መንበሩን የሚሸከሙ የእግዚአብሔር ሰረገላዎች ናቸው::

ስለ እሳቸውም ወንጌል የጻፈ ዮሐንስ እንዲህ ሲል እንደመሰከረ:: በዚያ ዙፋን ፊት በረድ የሚመስል ባሕር አለ:: በዙፋኑም ዙርያ አራት እንስሶች አሉ:: በፊትም በኋላም ዐይንን የተመሉ ናቸው::

የፊተኛው አንበሳ ይመስላል:: ሁለተኛውም ላም ይመስላል:: ሦስተኛው የሰው መልክ ይመስላል:: አራተኛውም የሚበር አሞራ ይመስላል::

የእሊህም የአራቱ እንስሶች እያንዳንዱ ክንፋቸው ስድስት ስድስት ነው::

ሁለንተናቸውም ዐይኖችን የተሞሉ ናቸው:: የነበረ የሚኖር የአማልክት አምላክ እግዚአብሔር ጽኑዕ ክቡር ልዩ ነው:: እያሉ በመዓልትና በሌሊት ዕረፍት የላቸውም::

ሁለተኛውም ስለ እርሳቸው ኢሳይያስ እንዲህ አለ:: ከዚህም በኋላ ንጉሥ ኦዝያን በሞተ ጊዜ አሸናፊ እግዚአብሔር  ሰፊ በሆነና ከፍ ባለ ዙፋን ላይ ተቀምጦ ብርሃኑም ቤቱን መልቶ ሱራፌልም በዙሪያው ቆመው አየሁት::

የአንዱም የአንዱም ክንፋቸው ስድስት ነው:: በሁለት ክንፋቸው ፊታቸውን: በሁለት ክንፋቸው እግሮቻቸውን ይሸፍናሉ:: በሁለት ክንፎቻቸው ከጽንፍ እስከ ጽንፍ ይበራሉ::

አንዱም አንዱም ከአንዱ ጋራ ፍጹም አሸናፊ የሆንክ እግዚአብሔር ቅዱስ ቅዱስ ቅዱስ ተብለህ የምትመሰገነው ምስጋናህ በምድርና በሰማይ የመላ ነው:: እያሉ ያመሰግናሉ::

ነቢይ ዳዊት በኪሩቤል ላይ ተቀምጦ በረረ አለ:: ሁለተኛም በኪሩቤል ላይ የተቀመጠ እርሱ ምድርን አናወጻት አለ::

አሕዝቅኤልም እንዲህ አለ:- ከወደ ሰሜን እንሆ ጥቅል ነፋስ ሲመጣ አየሁ ታላቅ ደመና አለ:: በዙሪያውም ብርሃን አለ ከእሱም እሳት ቦግ ብሎ ይወጣል::

በደመናው መካከል ባለ በእሳቱ ውስጥ እንደ አራት ራስ አሞራ መልክ የሚመስል አለ:: በመካከሉም እንደ አራቱ ኪሩቤል መልክ ያለ አለ::

መልካቸውም እንዲህ ነው:: በውስጣቸው የሰው መልክ አላቸው:: የአንዱም የአንዱ ፊት አራት ነው:: ክንፋቸውም አራት ነው::

እግራቸውም የቀና ነው:: ከእግራቸውም ክንፍ አላቸው:: ሰኰናቸው ግን እንደ ላም ሰኰና ነው:: ከሱም እሳት ቦግ ይላል:: እንደጋለ ብረት ፍንጣሪው ይበራል::

ወንጌላዊ ዮሐንስም ዳግመኛ እንዲህ አለ:: በዚያው ዙፋን ዙሪያ የብዙ መላእክትን ድምፅ የእንስሶቹንም የእነዚያ አለቆችንም ቃል ሰማሁ:: ቍጥራቸውም እልፍ አለቆች ያሉአቸው ብዙ የብዙ ብዙ ነው::

ለዚያ ለተገደለው በግ ኃይልን ባለጸግነትን ጥበብን ጽናትን መንግሥትን ክብርን ጌትነትን ምስጋናን ገንዘብ ሊያደርግ ብለው በታላቅ ቃል ተናገሩ::

በሰማይና በምድር ከምድር በታች በባሕር ውስጥ በእነዚያም ውስጥ የተፈጠረው ፍጥረት ሁሉ ጌትነት ክብር ኃይል በረከት በዙፋኑ ለተቀመጠው ለሱ ለበጉም ለዘላለም ይገባዋል አሉ:: በእውነት ይገባዋል::

እሊህም አራቱ እንስሶች አሜን ይላሉ:: እሊያም አለቆች ይሰግዳሉ::

ስለ ልዕልናቸውና ስለ ክብራቸው ለእሊህ አርባዕቱ እንስሳ ከብሉይና ከሐዲስ ብዙ መጻሕፍት መስክረዋል:: መሐሪና ይቅር ባይ እግዚአብሔር ስለ ሁሉ የሰው ፍጥረት ይለምኑት ዘንድ ቀራቢዎቹ አደረጋቸው::

ኢትዮጵያዊው ሊቅ አባ ጊዮርጊስ ዘጋስጫም በሰዓታት ላይ:-

ሰዓሉ ለነ ፬ቱ እንስሳ ገጸ ሰብእ ወገጸ እንስሳ ገጸ ንስር ወገጸ አንበሳ ሰአሉ ለነ አስተምሩ ለነ

የሰውና የእንስሳ የአሞራና የአንበሳ መልክ ያላችሁ አርባዕቱ እንስሳ ፈጸማቹ ለምኑልን። ሲል በሌሊት ፀሎተ ላይ ይጸልያል።

ዳግመኛም እንዲህ ተባለ:- ገጸ ሰብእ ስለ ሰው ፍጥረት ይለምናል::

ገጸ ላሕም ስለ እንስሳ ይለምናል::

ገጸ ንስርም ስለ አዕዋፍ ይለምናል:: ከሰማይ ሠራዊት ሁሉ እነርሱ በእግዚአብሔር ዘንድ በቧለሟልነት እጅግ የቀረቡ ናቸውና::

ስለዚህም በዓለም ሁሉ በስማቸው አብያተ ክርስቲያናት እንዲታነፁ:: በዚህች ቀን መታሰቢያቸው እንዲደረግ:: የቤተ ክርስቲያን መምህራን አዘዙ:: እነርሱ ስለ ሰው ወገን በእግዚአብሔር ዘንድ ይማልዳሉና::

ለእግዚአብሔር ምስጋና ይሁን እኛንም በቅዱሳን ኪሩቤል አማላጅነት ይማረን በረከታቸው ከእኛ ጋር ትኑር ለዘላለሙ አሜን::
🇪🇹@ethiopianorthodoxs⛪️⛪️

#ኅዳር_6
#ደብረ_ቁስቋም

ኅዳር ስድስት በዚህች ዕለት ክብርት እመቤታችን ከተወደደ ልጇ ጋር ከስደት በሚመለሱበት ጊዜ ደብረ ቁስቋም ገብተው ካገኛቸው ድካም ዐረፉ፡፡

አምላክን የወለደች በድንጋሌ ሥጋ በድንጋሌ ነፍስ የጸናች ክብርት እመቤታችን ከስደት በተመለሰች ጊዜ እንዲህ ሆነ፡- የብርሃን እናቱ ክብርት እመቤታችን ልጇን ይዛ ከእነ ዮሴፍ ጋር ወደ ምድረ ግብፅ ስትሰደድ ግብፅ ደርሰው በዚያ ቢቀመጡም ነገርን ግብፅ አልተመቸቻውም፡፡ ሕዝቡም በሰላም አልተቀበላቸውም፡፡ እንዲያውም በምድረ ግብፅ ብዙ ተሠቃይተዋል፡፡ ከግብፅም ተነሥተው ወደ ኢትዮጵያ በመጡ ጊዜ ግን ኢትዮጵያ ሕዝብ ሁሉ በሰላምና በፍቅር ተቀበላቸው፡፡ ከመንገዱና ከርሃብ ጥሙ ጽናት የተነሣ እጅግ ደክማለችና የኢትዮጵያ ሰዎች እመቤታችንን አይተው እጅግ አዘኑላት፡፡ ‹‹ይህችስ የነገሥታት ዘር ትመሥላለች ነገር ግን አንዳች ችግር አጋጥሟት ተሰዳ ወደ ሀገራችን መጥታለች..›› ብለው እንክብካቤን አደረጉላት፡፡ እግራቸውን አጥበው በክብር ማረፊያዎች ላይ አሳረፏቸው፡፡ መልካም መስተንግዶም አደረጉላቸው፡፡ እመቤታችንም ከድካሟ ካረፈች በኋላ ሀገሪቱን በእጅጉ ወደደቻትና የተወደደ ልጇን ‹‹ይህን ሀገርና ሕዝቧን በመላ ወድጃቸዋልሁና በዚህ እስከ መጨረሻው እንኑር›› አለችው፡፡ ጌታችንም ክብርት እናቱን ‹‹ይህች ቅድስት ሀገር ናት፣ በኋለኛው ዘመን የቅዱሳን መነኮሳት ቦታ ትሆናለች፡፡ በውስጧም እስከ ዓለም ፍጻሜ ድረስ እመሰገንባታለሁ፤ የአንቺም ስም ሳይጠራ አይውልባትም›› አላት፡፡

ከዚህም በኋላ ጌታችን ደመና ጠቅሶ በእርሷ ላይ ተቀመጡ፡፡ መልአኩ ቅዱስ ዑራኤልም መጣና እየመራቸው መላ ኢትዮጵያን ጎበኟት፡፡ እመቤታችንም ሀገሪቱንና ሕዝቦቿን ወዳቸዋለች ደስም ተሰኝታባቸዋለችና ጌታችን ለክብርት እናቱ ‹‹ይህችን ቅድስት ሀገር አሥራት አድርጌ ሰጠሁሽ›› አላት፡፡ እመቤታችንም እጅግ ተደስታ ‹‹ልጄ አምላኬ›› ብላ አመሰገነችው፡፡ ከዚህም በኋላ ከአንዱ ቦታ ወደ አንዱ ቦታ እየተዘዋወሩ መላዋ ኢትዮጵያን በኪደተ እግራቸው ባረኳት፡፡ ጌታችንም ‹‹በዚህ ቦታ እንዲህ ዓይነት ቤተ ክርስቲያን ይታነጻል፤ እከሌ የሚባል እንዲህ ዓይነት ቅዱስ ይነሣል…›› እያለ ብዙ ምሥጢራትን ለክብርት እናቱ ነገራት፡፡ ከዚህም በኋላ የስደቱ ዘመን ሲያልፍ ሄሮድስም በመጨረሻ ክፉ አሟሟትን ሲሞት መልአኩ ወደ ገሊላ አውራጃ እንዲመለሱ ነገራቸው፡፡ እመቤታችንም ‹‹ከዚህች ሀገርስ ባንሄድ እመርጣለሁ›› ስትለው የተወደደ ልጇ ግን ‹‹እናቴ ሆይ ጽድቅንና ፈቃድን ሁሉ ልንፈጽም ይገባናል›› ብሎ አጽናናትና ወደ ሀገራቸው ተመልሰው ሄዱ፡፡

ተመልሰውም ሊሄዱ ሲነሡ የኢትዮጵያ ሰዎች ልዩ ልዩ አምሐ እጅ መንሻ ሰጧቸው፡፡ ልዩ ልዩ ልብሶች፣ ወርቅ፣ ዕጣን፣ ከርቤ፣ ሽቱ እና ሥንቀቸውን በግመሎች ላይ ጭነው እመቤታችንንና የተወደደ ልጇንም በበቅሎ ላይ አስቀምጠው በክብር ሸኟቸው፡፡ እመቤታችንም ልጇን ታቅፋ በበቅሎ ተቀምጣ በበረሃው በመጓዝ ወደ መጣችበት አገር ሄደች፡፡ ኢትዮጵያንም የሰጧትን ብዙ እጅ መንሻዎች በግመሎች ጭና ይዛ ወደ አገሯ በተመለሰች ጊዜ ከአንድ ባሕር ዳር ደረሰች፡፡ ከዚያም የጀልባውን ባለቤት ‹‹እግዚአብሔርን ስለመውደድ አሻግረኝ›› ብላ ለመነችው፡፡ ባለጀልባውም ‹‹እነሆ ዕቃ የተጫኑ አምስት ግመሎችና ከአንቺ ጋር ከዚህም ሕፃን ጭምር አምስት ሰዎች እመለከታለሁ፣ አንቺ የተቀመጥሽባት በቅሎም አለች፡፡ ጀልባዋም ታናሽ ናት፣ የመቀመጫ ክፍሏም በውስጧ የተሳፈሩት ሰዎችም ተጨናንቀው ነው ያሉት፡፡ ስለዚህ እንዴት ላሻግርሽ እችላለሁ? ነገር ግን እመቤቴ ሆይ! ይቅርታ አድርጊልኝ ይህን በክፋት አላደረግሁትምና›› አላት፡፡

ክብርት እመቤታችንም የጀልባው ባለቤት ሊያሻግራት እንዳልቻለ በተረዳች ጊዜ ‹‹ልጄ ሆይ የእግዚአብሔር ልጅ እንደመሆንህ ይህን ትልቅ ወንዝ ለመሻገር የአምላክነትህን ሥራ ትሠራ ዘንድ እለምንሃለሁ›› ስትል ማለደችው፡፡ ያንጊዜም ጌታችን ክብርት እናቱን ‹‹የወለደሽኝ እናቴ ሆይ! አትዘኝ›› ብሎ አረጋጋት፡፡ ዳግመኛም ‹‹በእኔ ፈቃድ በአባቴ ፈቃድ በመንፈስ ቅዱስ ፈቃድ ካንቺ ሰው ሆኛለሁና ሰው መሆኔንም ከአባቴ በቀር መስተፍሥሒ ከሚሆን ከመንፈስ ቅዱስም በቀር ያወቀ የለም፡፡ ዳግመኛም በሕያዋንና በሙታን ለመፍረድ ለሁሉም እንደየሥራው እከፍለው ዘንድ እመጣለሁ፡፡ ያችንም ሰዓት የሰማይ መላእክትም ቢሆኑ የአዳም ልጆችም ቢሆኑም ከእኔና ከአባቴ ከመንፈስ ቅዱስም በቀር የሚያውቃት የለም፡፡ ያንጊዜ ‹ዐመፅን የሚናገር አንደበት ሁሉ ይዘጋል› ብሎ አባትሽ ዳዊት እንደተናገረ እከራከራለሁ የሚል አንደበት እንደድዳ ምላሽ ያጣል›› አላት፡፡

ክብርት እመቤታችን ማርያምም ይህንን ሁሉ ምሥጢር የተወደደ ልጇ የነገራትን ታስተውለው በልቧም ትጠብቀው ነበር፡፡ ጌታችንም አምላካችን መድኃኒታችን ኢየሱስ ክርስቶስም ለክብርት እናቱ ይህንን ከነገራት በኋላ ቀኝ እጁን ዘርግቶ ከወንዙ ማዶ ጢር በሚባል ተራራ ያሉትን ድንጋዮች ጠቀሳቸው፡፡ ያንጊዜም እነዚህ ድንጋዮች እየተገለባበጡ መጥተው እንደ ጀልባ ሆነው በወራጁ ወንዝ ላይ ተንሳፈፉ፡፡ ከዚያም እመቤታችንን ከሕፃኑ ጋር ከነቤተሰቧና ከነጓዟ አሻገረሯት፡፡

እነዚህንም ድንጋዮች ያዩ ሰዎች ሁሉ እጅግ አድንቀው ‹‹ብቻውን ድንቅ ተአምራት ያደረገ፣ እስራኤልን የፈጠረ እግዚአብሔር ይክበር ይመስገን የጌትነቱም ስም የተመሰገነ ነው›› እያሉ አመሰገኑ፡፡ እነዚህም የተባረኩ ሰዎች ወንዙን ከተሻገሩ በኋላ በዚህች አገር ለስምንት ቀን ተቀመጡ፡፡ ከዚህም በኋላ አምላክን የወለደች በድንጋሌ ሥጋ በድንጋሌ ነፍስ የጸናች ክብርት እመቤታችን ስለደረገላት መልካም ሥራ ሁሉ እግዚአብሔርን ፈጽማ እያመሰገነች ወደ አባቷ ወደ ዳዊት አገር ተመለሰች፡፡

ዳግመኛም በኋለኛው ዘመን ጌታችን በዚህ በደብረ ቍስቋም ቅዱሳን ሐዋርያቶቹን ሰበሰባቸውና ታቦትንና ቤተ ክርስቲያንን አክብሮ የቍርባን መሥዋዕትንም ሠርቶ ቅዱስ ሥጋውንና ክቡር ደሙን ለወገኖቹ ሰጣቸው፡፡ ለዚህም ነገር የእስክንድርያ አገር ሊቃነ ጳጳሳት ቅዱሳን አባቶቻችን ቄርሎስና ቴዎፍሎስ ምስክሮቹ ሆኑ፡፡

ለእግዚአብሔርም ምስጋና ይሁን አምላክን የወለደች የእመቤታችን የቅድስት ድንግል ማርያም በረከቷ ከእኛ ጋር ይኑር ለዘላለሙ አሜን ።

( ስንክሳር ዘተዋሕዶ ፌስቡክ ገጽ)

✝መድኃኔዓለም በአበው አንደበት📖

ጽሐፉ የተወሰደው፡-ከመጽሐፍ ቅዱስ እና ከብሂለ አበው ነው።
"ቃልም እግዚአብሔር ነበረ።”        ዮሐንስ 1 : 2
“እኛ ወደ እርሱ መውጣት ሲያቅተን መድኃኔ ዓለም ወደኛ ወረደ” (አቡነ ሺኖዳ)

“ከሰማይም ከወረደ በቀር ወደ ሰማይ የወጣ ማንም የለም፥ እርሱም በሰማይ የሚኖረው የሰው ልጅ ነው” (ዮሐ 3፡13)

“ከእባብ ማሳት ምክንያት በበደልን ጊዜ ከዘለዓለማዊ ሕይወት ራቅን፣ ደስታ ካለበት ከገነትም ወጣን፣ አንተ ግን ለዘለዓለሙ አልጣልኸንም፤ … በኋላ ዘመንም በጨለማና በሞት ለምንኖር ለእኛ ታየህልን፣ በመንፈስ ቅዱስ ከድንግል ማርያም ሰው የሆነ የአንድ ልጁንም የጌታችን የኢየሱስ ክርስቶስ ብርሃን በእኛ ላይ አኖርህ” (ባስልዮስ ዘቂሳርያ)

“ማዳኑም ከወደረኞቻችንና ከሚጠሉን ሁሉ እጅ ነው ይህም ከላይ የመጣ ብርሃን በጐበኘበት በአምላካችን ምሕረትና ርኅራኄ ምክንያት ነው፡፡ ብርሃኑም በጨለማና በሞት ጥላ ተቀምጠው ላሉት ያበራል እግሮቻችንንም በሰላም መንገድ ያቀናል” (ካህኑ ዘካርያስ በሉቃ 1፡71-79)

“የሰው ልጅ በወደቀ ጊዜ እግዚአብሔር መምሰል ተነጥቆ ነበር፤ ኢየሱስ ክርስቶስ የመጣው ያጣነውን መልክ ሊመልስልን ነው” (ቅዱስ ሚናስ)

“ልጁ በብዙ ወንድሞች መካከል በኵር ይሆን ዘንድ፥አስቀድሞ ያወቃቸው የልጁን መልክ እንዲመስሉ አስቀድሞ ደግሞ ወስኖአል” (ቅዱስ ጳውሎስ ሮሜ 8፡29)

“ባለመታዘዝ የእንጨት ፍሬን በመብላት ምክንያት የመጣውን ሞት፣ መድኃኔ ዓለም ኢየሱስ ክርስቶስ በመታዘዝ በእንጨት መስቀል ላይ ተሰቅሎ ሞትን አስወግዶ ሕይወትን ሰጠን” (ቅዱስ ሄሬኔዎስ)

“በምስሉም እንደ ሰው ተገኝቶ ራሱን አዋረደ፥ ለሞትም ይኸውም የመስቀል ሞት እንኳ የታዘዘ ሆነ” (ፊልጵ 2፡8)
“እኛ ሁላችን አምላካችን እግዚአብሔር መሆኑንና መድኃኒታችን ኢየሱስ ክርስቶስ ሥጋ የለበሰው ቃል መሆኑን እናምናለን፡፡ እርሱ በመለኮቱና ሰው በመሆኑ ፍጹም እንደሆነ እናምናለን፡፡ አምላክነቱ ከሰውነቱ ለቅጽበት እንኳ እንዳልተለየም እናምናለን፡፡ ሰው መሆኑ ከመለኮተ ጋር ያለ መቀላቀል ያለ መለወጥ፣ ያለ መከፋፈልና መለያየት የሆነ ነው” (ቅዱስ ቄርሎስ)

“የጌታችንን የኢየሱስ ክርስቶስን ቸር ስጦታ አውቃችኋልና፤ሀብታም ሲሆን፥ እናንተ በእርሱ ድህነት ባለ ጠጎች ትሆኑ ዘንድ ስለ እናንተ ድሀ ሆነ” (ቅዱስ ጳውሎስ 1ኛ ቆሮ 8፡9)

“እርሱ በእግዚአብሔር መልክ ሲኖር ሳለ ከእግዚአብሔር ጋር መተካከልን መቀማት እንደሚገባ ነገር አልቈጠረውም፡፡ ነገር ግን የባሪያን መልክ ይዞ በሰውም ምሳሌ ሆኖ ራሱን ባዶ አደረገ” (ቅዱስ ጳውሎስ ፊልጵ 2፡6-7)

“ሔዋንን ዲያብሎስ አሳታት የሞት ምክንያት የሚሆን ቃልን ወለደች፡፡ ድንግል ማርያም ግን መልአክ በአበሠራት ጊዜ ሁሉን ወደ ዘለዓለም ሕይወት የሚመራ አካላዊ ቃልን በሥጋ ወለደች” (ቅዱስ ዮሐንስ አፈወርቅ)

“መልአኩም መልሶ እንዲህ አላት፦ መንፈስ ቅዱስ በአንቺ ላይ ይመጣል፥ የልዑልም ኃይል ይጸልልሻል ስለዚህ ደግሞ ከአንቺ የሚወለደው ቅዱስ የእግዚአብሔር ልጅ ይባላል” (ሉቃ 1፡35) “የዘመኑ ፍጻሜ በደረሰ ጊዜ እግዚአብሔር ከሴት የተወለደውን ልጁን ላከ” (ገላ 4፡4)

“የጠፋ በግ አዳምን የፈለገው ባገኘውም ጊዜ የተሸከመው እውነተኛ ቸር ጠባቂያችን ክርስቶስ ነው” (ተአምረ ማርያም)

“መቶ በግ ያለው ከእነርሱም አንዱ ቢጠፋ፥ ዘጠና ዘጠኙን በበረሃ ትቶ የጠፋውን እስኪያገኘው ድረስ ሊፈልገው የማይሄድ ከእናንተ ማን ነው?…ባገኘውም ጊዜ ደስ ብሎት በጫንቃው ይሸከመዋል…የጠፋውን በጌን አግኝቼዋለሁና ከእኔ ጋር ደስ ይበላችሁ ይላቸዋል” (ሉቃ 15፡ 4-6)

“ማንም ኢየሱስ ክርስቶስ በሥጋ እንደመጣ የማያምን ፀረ ክርስቶስ ነው፡፡
በመስቀል ላይ መከራን በመቀበል ኃጢአታችንን ተሸከመ” (ቅዱስ ፖሊካርፐስ)

“ክርስቶስ ደግሞ ፍለጋውን እንድትከተሉ ምሳሌ ትቶላችሁ ስለ እናንተ መከራን ተቀብሎአልና፡፡ እርሱም ኃጢአት አላደረገም፥ ተንኰልም በአፉ አልተገኘበትም፤ ሲሰድቡት
መልሶ አልተሳደበም መከራንም ሲቀበል አልዛተም፥ ነገር ግን በጽድቅ ለሚፈርደው ራሱን አሳልፎ ሰጠ…ለኃጢአት ሞተን ለጽድቅ እንድንኖር፥ እርሱ ራሱ በሥጋው ኃጢአታችንን በእንጨት ላይ ተሸከመ” (1ኛ ጴጥ 2፡22-24)

“በእውነት ደዌያችንን ተቀበለ ሕመማችንንም ተሸክሞአል…እርሱ ግን ስለ መተላለፋችን ቈሰለ፥ ስለ በደላችንም ደቀቀ የደኅንነታችንም ተግሣጽ በእርሱ ላይ ነበረ፥ በእርሱም ቍስል እኛ ተፈወስን እኛ ሁላችን እንደ በጎች ተቅበዝብዘን ጠፋን ከእኛ እያንዳንዱ ወደ ገዛ መንገዱ አዘነበለ እግዚአብሔርም የሁላችንን በደል በእርሱ ላይ አኖረ፡፡ ተጨነቀ ተሣቀየም አፉንም አልከፈተም ለመታረድ እንደሚነዳ ጠቦት፥ በሸላቾቹም ፊት ዝም እንደሚል በግ፥ እንዲሁ አፉን አልከፈተም” (ኢሳ53፡1-12)

“ኢየሱስ ክርስቶስ ሆይ ለእኛ ንስሐ ለገባነው ክቡር የሆነ ሰማያዊ አክሊልን ታቀዳጀን ዘንድ የእሾህ አክሊል ደፋህ” (ቅዱስ በርተሎሚዎስ)

“ኢየሱስ ክርስቶስ ድል አድራጊ ንጉሥ ነው የምንለው ተሰቅሎ ሞቶ ስለተነሣ ስላየሁት ብቻ አይደለም፤ እርሱ ለዘመናት ድል አድራጊ ነውና” (ዮሐንስ አፈወርቅ)

ለሚወጣ ሁሉ በክርስቶስም ትምህርት ለማይኖር ሰው አምላክ የለውም፤ በክርስቶስ ትምህርት ለሚኖር አብና ወልድ አሉት።1ዩሐ.1፥9

“አታልቅስ፤ እነሆ፥ ከይሁዳ ነገድ የሆነው አንበሳ እርሱም የዳዊት ሥር መጽሐፉን ይዘረጋ ዘንድ ሰባቱንም ማኅተም ይፈታ ዘንድ ድል ነሥቶአል” (ራእይ 5፡5)
“በጉም የጌቶች ጌታና የነገሥታት ንጉሥ ስለ ሆነ እነርሱን ድል ይነሣል” (ራእይ 17፡14)

“ኢየሱስ ክርስቶስ የማይጠልቅ ፀሐይ፣ የማይጠፋ መብራት፣ በቅዱሳን ላይ ዘወትር የሚያበራ ፀሐይ
ነው” (ባስልዮስ ዘቂሳርያ)

“እኔ ኢየሱስ በአብያተ ክርስቲያናት ዘንድ ይህንእንዲመሰክርላችሁ መልአኬን ላክሁ። እኔ የዳዊት ሥርና ዘር ነኝ፥ የሚያበራም የንጋት ኮከብ ነኝ” (ራእይ 22፡16)

"ክርስቶስ በስጋ መጣ እርሱም ከሁሉ በላይ ሆኖ ለዘላለም የተባረከ አምላክ ነው" ሮሜ 9-5

ወስብሀት ለእግዚአብሔር ወለወላዲቱ ድንግል ወለመስቀሉ ክቡር አሜን።
🇪🇹@ethiopianorthodoxs⛪️⛪️

ዛሬ ጥቅምት 20 የጻድቁ አባት ቅዱስ ዮሐንስ ሐፂር የእረፍታቸው መታሰቢያ ነው።

አባ ዮሐንስ ሐፂር ትምህርቶች፦

የጠላቱን ከተማ ለመቆጣጠር የዘመተ ንጉሥ አስቀድሞ የውኃውን መንገድ ይዘጋል፣ የእህሉንም መግቢያ ይይዛል። ያንጊዜ ጠላቶቹ ይራባሉ ይጠማሉ። በመጨረሻም እጃቸውን ይሰጣሉ። የነፍስን ፆር ለማሸነፍም በተመሳሳይ መንገድ መጠቀም ይገባል። አንድ ሰው በጾምና በረኃብ ከጸና የነፍሱ ጠላቶች ይዳከማሉ።

✟✟✟✟✟✟✟✟✟✟✟✟✟✟✟✟✟✟✟✟✟

እኔ በትልቅ ዋርካ ሥር የተቀመጠንና አራዊት ሊጣሉት የመጣን ሰው እመስላለሁ። ሊቋቋማቸው እንደማይችል ከተረዳ ሸሽቶ ወደ ዛፉ በመውጣት ነፍሱን ያድናል። በእኔም የተፈጸመው ይኼው ነው። በበዓቴ ተቀምጬ ክፉ ሐሳቦች ሊቃወሙኝ ሲመጡ፣ ልቋቋማቸው እንደማልችል ባወቅኹ ጊዜ በጸሎት ወደ እግዚአብሔር ሸሽቼ እመሸጋለሁ። በዚያም ከጠላቶቼ ፍላፃ እድናለሁ።

✟✟✟✟✟✟✟✟✟✟✟✟✟✟✟✟✟✟✟✟

መለወጥ የምትፈልግ ነፍስ በተመለከተ አባ ዮሐንስ እንዲህ አለ፦ በአንዲት ከተማ ውስጥ ብዙ ወዳጆች የነበሯት አንዲት አመንዝራ ሴት ነበረች። ከገዥዎቹ አንዱ ቀረባትና "መልካም ሴት ለመሆን ቃል ግቢልኝና አገባሻለሁ" አላት። እርሷም ቃል ገባችለትና ተጋቡ። ወደ ቤቱም ወሰዳት። የቀድሞ አፍቃሪዎቿ ያቺን ሴት ፈለጓት። እርስ በእርሳቸውም "ያ ልዑል ወደ ቤቱ ወስዷታል፤ ወደ ቤቱ ብንሄድ ይቀጣናል። ነገር ግን በጓሮ በኩል እንሂድ፣ ለእርሷም እናፏጭላት፥ የፉጨቱን ድምጽ ስትሰማ ከድርሱ ወርዳ ወደኛ ትመጣለች፤ በዚህም ያለ ችግር እናገኛታለን" ተባባሉ። ወደ ቤቷም ጓሮ ተጉዘው ያፏጩ ጀመር። እርሷ ግን የፉጨቱን ድምጽ ስትሰማ ጆሮዎቿን ደፈነች። ወደ ውስጣዊው እልፍኝም ገባች። በሩንም ጥርቅም አድርጋ ዘጋች። ይህች ሴት የእኛ ነፍስ ምሳሌ ናት። ወዳጆቿ የተባሉም ፈተናዎቿ ናቸው፣ ገዥ የተባለውም ክርስቶስ ነው፣ እልፍኝ የተባለውም ዘለዓለማዊው ቤት ነው። እነዚህም የሚያፏጩት ክፉዎች አጋንንት ናቸው፣ ነገር ግን ነፍስ ሁልጊዜም በክርስቶስ አምባነት ትሸሸጋለች።

✟✟✟✟✟✟✟✟✟✟✟✟✟✟✟✟✟✟✟

አባ ዮሐንስ ልቡናው ከእግዚአብሔር ጋር ስለነበረ ምድራዊ ነገሮችን ይዘነጋ ነበር። አንድ ቀን አንድ ወንድም ቅርጫት ሊወስድ ወደ አባ ዮሐንስ በአት መጣ። አባ ዮሐንስም ምን ፈልጎ እንደሆነ ጠየቀው። ያም ወንድም "ቅርጫት ፈልጌ ነው" አለው። አባ ዮሐንስ ወደ በኣቱ ተመለሰና ዘንግቶት ወደ ሽመና ሥራው አመራ። ጥቂት ቆይቶ ያ ወንድም አንኳኳ አባ ዮሐንስም ወጥቶ "ምን ፈልገህ ነው?" አለው። "ቅርጫት ስጠኝ ብየህ ነበር" ሲል መለሰለት።  ተመልሶ ወደ በኣቱ ሲገባ ልቡናው በሰማያዊ ነገር ስለተመሰጠ ዘንግቶት ወደ ሽመና ሥራው እንደገና ገባ። ለሦስተኛ ጊዜ ያ ወንድም ሲያንኳኳ አባ ዮሐንስ ተመልሶ መጣና "ምን ፈልገህ ነው?" አለው። "ቅርጫት ስጠኝ ብየህ ነበር" አለና መለሰለት። አባ ዮሐንስም እጁን ይዞ እየጎተተ ወደ በኣቱ አስገባውና "ቅርጫት ከፈለግህ ያዝና ሂድ፣ በእውነቱ እንዲህ ላሉት ነገሮች እኔ ጊዜ የለኝም" አለው።

✟✟✟✟✟✟✟✟✟✟✟✟✟✟✟✟✟✟✟✟✟

አንድ ቀን አንድ ሰው ወደ አባ ዮሐንስ ሐጺር በኣት መጣና ሥራውን እያየ ያመሰግነው ጀመር። አባ ዮሐንስ ዝም አለውና ገመድ መሥራቱን ቀጠለ። እንግዳውም እንደገና ወሬውን ቀጠለ ፣ አባ ዮሐንስም ጸጥ አለው። ለሦስተኛ ጊዜ እንግዳው ወሬ ሲያበዛ "አንተ ወደ በኣቴ በመግባትህ እግዚአብሔር ወጥቶ ሄደ" ብሎ ተናገረው።

✟✟✟✟✟✟✟✟✟✟✟✟✟✟✟✟✟✟✟✟

አባ ዮሐንስ እንዲህ አለ፦ "የብሕትውናን ኑሮ በከተማ ውስጥ የሚኖር አንድ ሽማግሌ ነበረ። ያ ሰው በከተማው ውስጥ ከፍተኛ ቦታ የሚሰጠውና ባለዝናም ነበር። አንድ አረጋዊ አባት ከማረፉ በፊት ያንን ሰው ሊያየው እንደሚፈለግ ለዚያ ሰው ጥሪ ደረሰው። ያም ሰው በቀን ከተጓዝኩ ሰዎች ስለሚከተሉኝ ለኔ የተለየ ክብር ይሰጡኛል ብሎ አሰበ። ስለዚህም በሌሊት ሰው ሳያየው ለመጓዝ ወሰነ። በመሸ ጊዜም አሁን ማንም አያየኝም ብሎ ተነሣና ጉዞ ጀመረ። ነገር ግን ሁለት መላእክት ታዝዘው ፣ መብራት ይዘው መንገዱን ይመሩት ነበር። ይህንን የተመለከቱ የከተማው ሰዎች ወደ እርሱ ተሰበሰቡ ፣ መላ ከተማው ያንን የመላእክት ብርሃን እያየ ከኃላ ተከተለው።  ከክብር በሸሸ ቁጥር የበለጠ ክብርን አገኘ። በዚህም "ራሱን ከፍ የሚያደርግ ሁሉ ይዋረዳል ፤ ራሱንም የሚያዋርድ ሁሉ ከፍ ከፍ ይላል።" የሚለው የወንጌል ቃል ተፈጸመ (ሉቃ. ፲፬፥፲፩)።

የአበው በረከት ይደርብን

ንብ የምትሞተው መቼ ነው?
በቅዱስ ዮሐንስ አፈወርቅ

“የጥበበኛ ነፍስ መገለጫዋ ይሄ ነውና ሁል ጊዜ የምታመሰግኑ ሁኑ፡፡ ክፉ ደረሰባችሁን? ይህስ እናንተ ከፈቀዳችሁ ክፉ አይደለም፡፡ ሁል ጊዜ አመስግኑ፤ ክፉ የሆነባችሁም መልካም ይሆንላችኋል፡፡ ከተወደደው ኢዮብ ጋር ሆናችሁ “የእግዚአብሔር ስም የተባረከ ይሁን” እያላችሁ አመስግኑ /ኢዮብ.1፥21/፡፡

እስኪ ንገሩኝ! ደረሰብኝ የምትሉት ክፉ ነገር ምንድነው? በሽታ ነውን? ታድያ ይሄ እኮ አዲስ ነገር አይደለም፡፡ ምክንያቱም ሥጋችን መዋቲና ለስቃይ የተጋለጠ ነውና፡፡ ሀብት ንብረት ማግኘት አለብኝ የሚል መሻት ነውን? ታድያ ይሄ እኮ ምግኘት የሚቻል ነው፤ ካገኙት በኋላ ግን መልሶ የሚጠፋና በዚህ ዓለም ብቻ የሚቀር ነው፡፡ ከወንድሞች የሚደርስ ሐሜትና የሐሰት ወቀሳ ነውን? ታድያ ተጐጂዎቹ’ኮ የሚያሙንና በሐሰት የሚመሰክሩብን እንጂ እኛው አይደለንም፡፡ “ኃጢአት የምትሠራ ነፍስ ትሞታለች” እንዲል ተጐጂዎቹ ይህን ኃጢአት የሚሠሩት እንጂ እኛው አይደለንም /ሕዝ.18፥4/፡፡ ተጐጂው ምንም በደል ሳይኖርበት ክፉ የሚደርስበት ሰው ሳይሆን ክፉ የሚያደርሰው ሰው ነው፡፡ ስለዚህ በዚህ ምዉት በሆነ ሰው ልትቈጡ አይገባም፤ ከዚያ ይልቅ ከሞት ይድን ዘንድ ልትጸልዩለት ይገባል፡፡

ንብ መቼ እንደምትሞት አይታችሁ ታውቃላችሁን? የምትሞተው ሌላውን ስትናደፍ ነው፡፡ እግዚአብሔር በዚህች ፍጥረት በወንድሞቻችን ላይ ልንቈጣ እንዳይገባን ያስተምረናል፡፡ እኛው የምንቈጣ (የምንናደፍ) ከሆነ ግን ቀድመን የምንሞተው እኛው ነን፡፡ ስንቈጣቸው የጐዳናቸው ይመስለን ይሆናል፤ ነገር ግን እንደዚያች ንብ ተጐጂዎቹ እኛው ነን፡፡”

ከመቅረዝ ዘተዋህዶ ብሎግ

Telegram / Facebook

ቅዱስ ፊልጶስ:-
አንድ አምላክ በሚሆን በአብ በወልድ በመንፈስ ቅዱስ ስም ጥቅምት ዐሥራ አራት በዚች ቀን ከሰባ ሁለቱ አርድእት ውስጥ የሆነ አንዱ ቅዱስ ሐዋርያ ፊልጶስ አረፈ::

ጌታችንም በቂሣርያ አገር ውስጥ በአለፈ ጊዜ በውስጧ አስተማረ:: ትምህርቱንም ሰምቶ ክብር ይግባውና ጌታችንን አምኖ ተከተለው ከሰባ ሁለቱ አርድዕትም ጋር ተቆጠረ::

ጌታችን ይሰብኩ ዘንድ ሁለት ሁለት አድርጎ በላካቸው ጊዜ ከእርሳቸው አንዱ ይህ ደቀ መዝሙር ፊልጶስ ነው:: ከመድኃኒታችንም ዕርገት በኋላ ሐዋርያት ከሾሟቸው ከሰባቱ ዲያቆናት ውስጥ የተቆጠረ ነው::

እርሱም ወደ ሰማርያ ወርዶ አስተማረ:: ብዙዎችንም አሳምኖ የክርስትና ጥምቀትን አጠመቃቸው::

ከዚህም በኋላ የተጎዳውን ሥራየኛ ሲሞንንም አጥምቆት ነበር:: እርሱ የመንፈስ ቅዱስን ጸጋ በገንዘብ ሊገዛ አስቧልና::

ፊልጶስ ግን ይህን ሲሞን ገሰጸው። የእግዚአብሔርን ፀጋ በገንዘብ ሊገዛ ሽታልና።

ከዚህም በኋላ ወደ ጋዛ በሚወስደው መንገድ ይሔድ ዘንድ መንፈስ ቅዱስ ፊልጶስን አዘዘው::

በሔደም ጊዜ ለኢትዮጵያ ንግሥት ለህንደኬ በጀሮንዷ የሆነ ጀንደረባውን አገኘው:: "እርሱም እንደ በግ ሊታረድ መጣ" የሚለውን የነቢይ ኢሳይያስን መጽሐፍ ያነብ ነበር::

ፊልጶስም ጀንደረባውን "የምታነበውን ቃል ታስተውላለህን?" አለው:: ጀንደረባውም "ያስተማረኝ ሳይኖር እንዴት አውቃለሁ አለ::" ፊልጶስም ስለ ጌታችን ስለ መከራው ለዓለሙ ሁሉ ድኅነት ስለሆነው ሞቱ እንደተነገረ ተረጎመለት::

ጀንደረባውም ጌታችን ኢየሱስ ክርስቶስ የሕያው እግዚአብሔር ልጅ እንደሆነ አመነ:: ያን ጊዜም በፊልጶስ እጅ ከወንዝ ውኃ ውስጥ ተጠመቀ:: ከውኃውም በወጣ ጊዜ መንፈስ ቅዱስ ፊሊጶስን ነጥቆ ወሰደው:: ጀንደራባውም ሁለተኛ አላየውም::

ፊልጶስም ወደ አዛጦን ከተማ ደረሰ እያስተማረም  እስከ ቂሣርያ ሔደ በከተሞችም ሁሉ በመዞር ወንጌልን ሰበከ::

ከአይሁድና ከሳምራውያንም ብዙዎችን ክብር ይግባውና ጌታችን ኢየሱስ ክርስቶስን ወደ ማመን መልሶ የክርስትና ጥምቀትን አጠመቃቸው::

ለሐዋሪያ ፊልጶስም ከእርሱ ጋር ወንጌልን የሚሰብኩ አራት ሴቶች ልጆች ነበሩት:: አገልግሎቱንም ፈጽሞ በሰላም አረፈ::

በዛሬው መልዕክት የምንማረው የኢትዮጵያ ጀንደረባ ትኅትና በተለይም መፅሐፍ ቅዱስ አንባቢነቱን ነው።

መፅሐፍትን ማንበብ ያልገባንን መምህራነ ቤተ ክርስቲያንን መጠየቅ የኢትዮጵያ ኦርቶዶክስ ተዋሕዶ አማኝ መገለጫ መሆኑን እንረዳለን።

እኛንም በቅዱስ ሐዋርያው ፊልጶስ ጸሎት ይማረን:: በአባታችን አቡነ ሐረጋዊና ገብረ ክርስቶስ ጸሎትና ምልጃ ይጠብቀን:: በረከታቸውም ከእኛ ጋር ይኑር ለዘላለሙ አሜን::
🇪🇹@ethiopianorthodoxs⛪️⛪️

+  መልአኩ ነው +

       ሰዓቱ ሌሊት ነው ፤ እንደ አጋጣሚ ሆኖ በዚያ ሌሊት መላው የቤተሰባችን አባል አምሽቶ እየተጫወተ ነው፡፡ ከዚህ የቤተሰብ ስብስብ መካከል ሳይገኝ የቀረው አንድ በወኅኒ ቤት የታሰረ ወንድማችን ብቻ ነበር፡፡ ድንገት ግን የጊቢው በር በተደጋጋሚ ተንኳኳና ሁላችንም ጨዋታችንን አቋረጥን፡፡ በሌሊት ደግሞ የሚያንኳኳው ማን ነው ? አልን በልባችን

ሠራተኛችን ሮጣ ሔደች:: ወዲያው ግን በሩን ሳትከፍተው ተመልሳ እየሮጠች መጣች፡፡ በደስታ ሰክራ ‹‹የታሰረው ልጃችን በር ላይ ቆሟል!›› ብላ ተናገረች፡፡ "በድምፁ አወቅኩት!› እያለች ዘለለች፡፡ ከሁኔታዋ የተነሣ ‹አብደሻል እንዴ!?› አላት ቤተሰቡ ሁሉ፡፡

እስዋ ግን በእርግጠኝነት ተናገረች! በቀን የታሰረው ልጅ በሌሊት ተፈቶ መምጣቱ ፈጽሞ ሊታመንን የማይችል ነገር ነው፡፡ ቤተሰቡ ሁሉ የታሰረው ልጅ መጣ ብሎ አላመነም፡፡ ባይሆን የመንግሥት ወታደሮች የቀረነውን ሊወስዱን ይሆን? ማን ሊሆን ይችላል? ብሎ ተብሰለሰለ:: በመጨረሻም የሁሉም ግምት አንድ ነገር ላይ አረፈ:: ሁሉም ሰው በአንድ ድምፅ አንድ ቃል ተናገረ "መልአኩ ነው!"

  መልአኩ የሰው ስም አይደለም:: ቤተሰቡ የተስማማው "ደጅ የቆመው የታሰረው ልጃችን ሳይሆን እሱን ለመጠበቅ ከእግዚአብሔር የተሠጠው ጠባቂ መልአኩ ይሆናል›› ብሎ ነበር፡፡ የበሩ መንኳኳት አሁንም ስላልቆመ ቤተሰቡ ግር ብሎ ወጣና ተቻኩሎ በሩን ከፈተ፡፡ በደጅ የቆመው ግን እንደተባለው የታሰረው ልጅ ራሱ ነበር፡፡ ሁሉም ተደሰተ!!!

      ይህ ገጠመኝ በአሁን ዘመን የተፈጸመ ነው ብዬ ብናገር ማን ያምነኛል? እውነት በሌሊት የቤታችን በር ሲንኳኳ  መልአክ ነው ብለን እንገምታለን? ይህን የገመተው ቤተሰብ ምን ዓይነት ቤተሰብ ነው?

በሌሊት ሲንኳኳ በብዙዎቻችን አእምሮ ውስጥ መጀመሪያ የሚመጣው ጥርጣሬ ‹ሌባ ሊገባ ይሆን?› የሚል ስለሚሆን ዱላ ፍለጋ እናማትራለን፡፡ ወይ ደግሞ ሌሊቱ ወደ መንጋቱ እየተቃረበ ከሆነ ‹‹የምን መርዶ ሊያረዱኝ ይሆን? የቱ ዘመዴ ሞቶ ይሆን?› የሚል ጭንቀት ይፈጠራል፡፡

‹የሚያንኳኳው የእግዚአብሔርመልአክ ይሆናል› ብሎ የሚጠረጥር ሰው ግን በዚህ ዘመን ለማግኘት ያስቸግራል፡፡ እንዲህ ብሎ ግምቱን የሚናገር ሰው ከቤተሰባችንመካከል ቢገኝ እንኳን እንደ ዕብድ ልንቆጥረው እንችላለን፡፡ ታዲያ ይህን ገጠመኝ ከየት አመጣኸው ትሉኝ ከሆነ መልሱ ከመጽሐፍ ቅዱስ የሚል ነው፡፡

      በሐዋርያት ዘመን ሔሮድስ የተባለው ንጉሥ ሐዋርያው ቅዱስ ጴጥሮስን ወኅኒ ቤት ውስጥ ወርውሮት ነበር፡፡ የቀሩት ደቀመዛሙርትና ክርስቲያኖች በዚያ ሰሞን ሲጸልዩ ከርመዋል፡፡ በአንድ ሌሊት በማርቆስ እናት ቤት ውስጥ ተሰብስበው አምሽተው ነበር፡፡ ድንገት የቤቱ በር ሲንኳኳ ሮዴ የምትባል የቤት ሠራተኛ ደጁን ልትከፍት ወጣች፡፡ ማነው ብላ ስትሰማ የቆመው እስረኛው ቅዱስ ጴጥሮስ መሆኑን በድምፁ አወቀች፡፡ ደስታ ግራ ሲያጋባት በሩን መክፈትን ረስታ ወደ ውስጥ ሮጠችና ጴጥሮስ መምጣቱን ተናገረች፡፡ እነርሱ ግን አላመኑአትም፡፡ ጤንነቷን ተጠራጥረው ‹አብደሻል› አሏት፡፡ እርግጠኛ ሆና ተናገረች፡፡ እነርሱ ግን መልሰው ‹‹የቆመው ጴጥሮስ ሳይሆን መልአኩ ነው፡፡›› አሉ፡፡ ይደንቃል የመጀመሪያዎቹ ክርስቲያኖች እንዲህ በር ሲንኳኳ ‹መልአክ ነው› ብለው የሚገምቱ መንፈሳዊያን ነበሩ፡፡ (ሐዋ. 12፡12-15)

ክርስትናን ከመላእክት ውጪ አይታሰብም:: ከመጽሐፍ ቅዱስም እንደ ትንቢተ ሐጌና መጽሐፈ አስቴር ያሉ ጥቂት መጻሕፍት በቀር ስለ መላእክት የማይናገር መጽሐፍ የለበትም:: ክርስትና የጀመረው በገብርኤል ብሥራት ነው:: ልደቱ በመላእክት የታጀበ ነው:: ስቅለቱ ትንሣኤውም ከመላእክት ጋር ነው:: የጌታ ምጽአቱም በመላእክት የታጀበ ነው::
     

ቅዱሳንመላእክት እኛ የሰው ልጆች ከመፈጠራችን ቀድመው የተፈጠሩ ታላቅ ወንድሞቻችን ናቸው፡፡ እንዲያውም ምድርና የሰው ልጅ ሲፈጠር ደስ እያላቸው ‹‹እልል›› ይሉ ነበር፡፡ (ኢዮ. 38፡6) ቅዱሳን መላእክትን እግዚአብሔር ለእንዳንዳችን ጠባቂዎች አድርጎ ሠጥቶናል፡፡ መላእክት ለሰው ባልተናነሰ ቁጥር ምድር ላይ አሉ:: እነርሱን ለማየት ግን ቅድስና ይጠይቃል::

ከክርስቶስ እግር ሥር ቁጭ ብለው የተማሩት ቅዱሳን ሐዋርያት ስለ መላእክት ጠባቂነት ጋር ይህን ያህል እምነት ከነበራቸው እኛም የመላእክቱን ጠባቂነት ማመን ለዚህ ዘመን ክርስቲያኖችም ምን ያህል ይገባን ይሆን? ቅዱሳን መላእክት በክርስትና ሕይወት ለሚኖርሰው ሁሉ የመላእክት ረዳትነት እጅግ አስፈላጊ ነው፡፡ ለሁሉ ብርታት የሆነው ጌታችን ኢየሱስ ክርስቶስ እንኳን በሥጋው ወራት በተያዘባት ምሽት ሲጸልይ ‹‹ከሰማይም መጥቶ የሚያበረታው መልአክ ታየው›› ተብሎ ተጽፏል፡፡ (ሉቃ. 22፡43) ይህም ቀርበው አገለገሉት‹ለከ ኃይል› እያሉ አመሰገኑት ማለት ሲሆን ለእኛም የመላእክት ርዳታ አያስፈልገኝም እንዳንል የሚያስተምረን ነው፡፡

ቅዱሳን መላእክት በምድር የሚሆነውን ያውቃሉ:: (2 ሳሙ 14:20) በበደላችን ስንጸጸት "ኃጢአትህ ተሠረየችልህ" ይላሉ (ኢሳ 6:7) በክፋታችን ጸንተን ከቀጠልን ደግሞ "ይቅር አይሉም" (ዘጸ 23:20)
ስለእኛ በእግዚአብሔር ፊት ቆመው "የማትምራቸው እስከ መቼ ነው?" ብለው ያማልዳሉ:: (ዘካ 1:12)

አንዳንድ ሰዎች መላእክትን ለረዳትነት ስንጠራ ሲሰሙ እነርሱ በምን ያውቃሉ በሁሉ ቦታ የሉም እኮ ሊሉን ይሞክራሉ:: ሰይጣን "ፈተነኝ" ስንል ግን "እሱ በሁሉ ቦታ የለም ምን ያውቃል አይሉም:: እኛ ግን መላእክት በሁሉ ባይሞሉም ለትንሽዋ ፕላኔት ምድር ግን እንደማያንሱና አንዱ መልአክ ብቻ ለምድር እንደሚበቃ እናምናለን:: (ራእ 18:1)
ለመላእክት ስንዘምር የሚቃወሙ ሰዎች "ጠላቴ ሆይ" ብለው ስለ ሰይጣን ክፉነት እያነሱ ብዙ መዝሙር ሲዘምሩ ስንሰማ ግራ እንጋባለን::

እኛ ግን በመላእክቱ ረዳትነትና ምልጃ እናምናለን:: ባለንበት ዘመን በየሆስፒታሉ በዓለም ሁሉ በበሽታ የሚሠቃየው ብዙ ነው::  በሕመም ለሚሠቃየው ሁሉ

"መልአክ ቢገኝለት እየራራለት [ለእግዚአብሔር] ፡— ቤዛ አግኝቻለሁና ወደ ጕድጓድ እንዳይወርድ አድነው፡ ቢለው፥ ሥጋው እንደ ሕፃን ሥጋ ይለመልማል፤ ወደ ጕብዝናውም ዘመን ይመለሳል" ኢዮ 33:23-25

ዲያቆን ሄኖክ ኃይሌ
ሰኔ ሚካኤል - 2007 ዓ ም የተጻፈ

ለተጨነቀች ነፍስ ዕረፍት የሆነው የእግዚአብሔር ቃል ለሁሉ ይዳረስ ዘንድ :: እኔም ለእናንተ ከሰበክሁ በኁዋላ የተጣልሁ እንዳልሆን ስለ እኔ ዘንድ ጸልዩ! ሌሎች እንዲያነቡትም የሚከተሉት አድራሻዎች Like እና Share ያድርጉ
FB: https://www.facebook.com/officialHenokhaile/
Telegram: https://t.me/deaconhenokhaile
Instagram: https://www.instagram.com/p/CBnMF0nnhcQ/?igshid=549jvl607bv4
Youtube: https://www.youtube.com/channel/UCOaVsWC05aUjeqIEW3fWj7g

አንድ አምላክ በሆነ በአብ በወልድ በመንፈስ ቅዱስ ስም ጥቅምት አምስት በዚህች ቀን ተአምራቱና ትሩፋቱ እንደ ሰማይ ከዋክብት የበዛ የእግዚአብሔር ማደርያ የሆነ ቅዱስ አባት ተጋዳይ የአባ ገብረ መንፈስ ቅዱስ የመታሰቢያ ቀኑ ነው::

ይህ ጻድቅ ዕረፍቱ በመጋቢት ሲሆን ቃል-ኪዳን የተቀበሉበት ቀን በጥቅምት ነው:: በመጋቢት ወር በስፋት እና በጥልቀት መልእክቱን ልኬ ክብር ይግባውና ከቃል-ኪዳኑ በረከት ተካፋይ ሆነናል::

ገድለ አቡነ ገብረ መንፈስ ቅዱስን በማንበብ በረከትና ቃል-ኪዳኑን በእምነት መቀበል ነው:: ይባረኩበታል:: ይቀደሱበታል::

ገድለ ገብረ መንፈስ ቅዱስን በማንበቦ ወይ ሲነበብ በመስማቶ: በስማቸው የታነጸ ቤተ ክርስቲያን ሔደው በመሳለሞ: ማኅሌቱን ቆመው: ቅዳሴ አስቀድሰው: ቃለ ወንጌሉን ሰምተው: ዕጣን ጧፍ ሰጥተው: ለነዳያን እንደ አቅሞ መጽውተው ጻድቁ የተሰጣቸው ቃል-ኪዳን በእምነት ይቀበላሉ::

በዛሬው ቀን ጥቅምት አምስት ቀን እንድናከብረው መምህራነ ቤተ ክርስቲያን ያዘዙን በመጋቢት ወር ዐቢይ ጾም ምክንያት ወደዚህ የዞረ ባዓል ነው:: ለበረከት ያህል ግን እንሆ......
            ++++ ለበረከት +++++

ይህም ቅዱስ አባት በተወለደበት ቀን ድንቅ የሆነ ሥራን ሠራ:: እንደተወለደ ተነሥቶ ከእናቱ እቅፍ ወርዶ ከጨለማ ወደ ብርሃን ላወጣኽኝ ለአብ ለወልድ ለመንፈስ ቅዱስ ምስጋና ይሁን እያለ ለሥላሴ ሰግዷል ምስጋናም አቅርቧልና::

በበረሀም ብዙ ዘመናት ሲኖር:: ነፍሱን ነፍስ ሆይ ዕወቂ በእግዚአብሔር ፊት ራቁትሽን ትቆሚ ዘንድ እንዳለሽ እንግዲህስ ጽኚ በርቺ ታገሺ ይላት ነበር::

ከብዙ ዘመናት በኋላም ለአባታችን ለገብረ መንፈስ ቅዱስ እግዚአብሔር እንዲህ አለው:: ከእንግዲህ በዓለም ካሉ ሰዎች ከካህናት ከመነኰሳት ወይም ከምእመናን ሕዝባውያን እንዳያውቁህ አደርግሃለሁ:: እንዳንተ ካሉ በቀረ አንተ ራስህ ብትፈቅድ እንጂ መላእክትም ይጎበኙሃል::

የብርሃን ሠረገላም ይሁንል መድረስ ወደምትሻበት ሁሉ ብረር:: እኔንም ማየት በምትፈልግበት ጊዜ አባቴን ከመንፈስ ቅዱስ ጋር በሦስትነቴ ታየኛለህ::

ስልሳ አንበሶች ስልሳ ነብሮች በፊት በኋላ አጅበውት ወደ ኢትዮጵያ ምድር ተጓዙ:: የእግዚአብሔር መልእክተኛ ቅዱስ ገብርኤልም ከአንበሶችና ከነብሮች ጋር በነፋስ ሠረገላ አሳፍሮ ይመራው ነበር:: ወደ ምድረ ከብድም አደረሰው ከዚያም ወደ ልዩ ተራራ ወደ ደብረ ዝቋላ ወሰደው::

አባታችን መላው ኢትዮጵያን ያስማረ ፈጣሪም አብዝቶ ቃል ኪዳን የሰጠው ነው:: ስለ ሕዝቡ ምሕረት ልመና መቶ ዓመት በባሕር ኖረ::

በሽተኞችን እንዲፈውስ ሙታንን እንዲያስነሳ አምላካችን ሥልጣን ሰጥቶታል:: ስሙን ለሚጠራና መታሰቢያውን ለሚያደርግ እስከ አሥራ አምስት ትውልድ የምሕረት ቃል ኪዳን ሰጠው::

የጸሎቱ ኃይል ሁላችንን የክርስቲያን ወገኖች ይጠብቀን ለዘለዓለሙ አሜን::

ለእግዚአብሔር ምስጋና ይሁን የአባታችንም የአቡነ ገብረ መንፈስ ቅዱስ ምልጃ ቃል ኪዳንና በረከት አይለየን ለዘላለሙ አሜን::
🇪🇹@ethiopianorthodoxs⛪️⛪️

🌻እንኳን ለፆመ ፅጌ በሰላም አደረሰን!
አንድ አምላክ በሚሆን በአብ በወልድ በመንፈስ ቅዱስ ስም መስከረም ሃያ ስድስት በዚህች ቀን እግዚአብሔር የመላእክት አለቃ ገብርኤልን ወደ በራክዩ ልጅ ዘካርያስ ልኮት መጥምቁ ዮሐንስ ከእርሱ ስለ መወለዱ አበሠረው::

ስሙ የተመሰገነ እግዚአብሔር ልጅን ይሰጠው ዘንድ አስቀድሞ ሁል ጊዜ በመጸለይ ወደ እግዚአብሔር ይማልድ ነበር::

ልጅ ያልወለደውን እግዚአብሔር ብዙ ተባዙ ምድርን ምሉዋት ያለውን በረከት ያጣ ነው በማለት እስራኤል ይገዳደሩት ነበርና::

ልመናውንም ሰማ በቤተ መቅደስ ቁሞ ዕጣንን ሲያሳርግ  መልአኩን ላከለት በከበረ ወንጌልም እንደተባለ መንገዱን ይጠርግ ዘንድ በንጉሥ ክርስቶስ ፊት እንደሚሔድ የተነገረለት ታላቅ ነቢይ ዮሐንስ ከእርሱ መወለዱን አበሠረው::

ዘካሪያስም የሰውነቱን መድከም የመወለጃውም ዘመን እንዳለፈና ፈጽሞ እንዳረጀ የሚስቱም እንዲሁ ዘመኗ እንዳለፈና ፈጽሞ እንዳረጀች መካንም እንደሆነች ያውቃልና ስለዚህ ይህ ነገር እንዴት  ይሆንልኛል እኔ ያረጀሁ ሽማግሌ ነኝ ሚስቴም እንዲሁ ዘመኗ አልፎ መካን ሁናለች  ብሎ የእግዚአብሔር መልአክ ተከራከረው::

መልአኩም እኔ ልንገርህ ከእግዚአብሔር ዘንድ ወዳንተ ተልኬ ነበር ልትጠራጠር ባልተገባህም  ነበር አሁንም ይህ በጊዜው እስቲፈጸም ዲዳ ሁነህ መናገር ይሳንሃል ብሎ ገሠጸው::

ዘካርያስም የወልደ እግዚአብሔርን መንገድ የሚጠርግ ዮሐንስ እስከሚመለድበት ጊዜ ድረስ ዲዳ ሆነ::

በሚገረዝበትም ቀን የሕፃኑን ስም ምን ብለው እንደሚሰይሙት ጠየቁት እርሱም ብራና ለምኖ ስሙ ዮሐንስ ነው ብሎ ጻፈ በዚያም ጊዜ አንደበቱ ተፈትቶ እግዚአብሔርን አመሰገነው::

ስለ ልጁ ዮሐንስም እርሱ የልዑል ነቢይ እንዲባል መንገዱንም ይጠርግ ዘንድ በእግዚአብሔር ፊት እንደሚሔድ ትንቢት ተናገረ::

ለእግዚአብሔርም ምስጋና ይሁን እኛንም በዘካርያስና በኤልሳቤጥ በልጃቸው በዮሐንስም ጸሎት ይማረን በረከታቸውም ከእኛ ጋር ትኑር ለዘላለሙ አሜን::
🇪🇹@ethiopianorthodoxs⛪️⛪️

ማኅሌተ ጽጌ፤ ምንጩ ትርጉሙና መልእክቱ

በዲያቆን ያረጋል አበጋዝ

አንድ አምላክ በሚሆን በአብ በወልድ በመንፈስ ቅዱስ ስም መስከረም ዐሥራ ዘጠኝ በዚችም ቀን ደግሞ የከበረ መስቀል የበዓሉ መታሰቢያ ነው::

በተገኘ ጊዜ ሦስት ቀኖች ያህል በፍጹም ደስታ በዓልን አድርገውለት ነበርና::

እኛም እንዲሁ በታላቅ ደስታ የበዓሉን መታሰቢያ ልናደርግ ይገባል:: ከጠላታችን እጅ ድኅነታችን በእርሱ ተደርጎልና::

ከጠላታችን ያዳነን በፍጹም ፍቅሩ ነው:: መስቀልን ስናከብር ታዲያ በጠላት መንገድ በፌሽታ በጭፈራ በዝሙት በስካር አብዝቶም በመብላት መሆን የለበትም:: ይህ የጥፋትና የጠላት መንገድ ነውና::

የመስቀሉ መንገድ ጸጥታ÷ ፍቅር÷ ሰላም÷ መከራ÷ ሰማዕትነት÷ ጾም÷ ጸሎት÷ ስግደት÷ ያጡትን መርዳትና መጎብኘት መልካም መሥራትና መፈጸም ነው::

በመስቀሉ ለአዳነን ለእግዚአብሔር ኢየሱስ ክርስቶስ ምስጋና ይሁን::

ሁላችን የሐዋርያት የሆነች የከበረች የአንዲት ቤተ ክርስቲያን ልጆች ስለ እኛ የተቀበለውን መከራውን የምናምንና የምናስበውን በባለሟልነትና በፍቅሩ ወደ እርሱ ያቅርበን ለዘላለሙ አሜን::

የእግዚአብሔር ቸርነት የድንግል ማርያም አማላጅነት የቅዱስ ገብርኤል ረዳትነት አይለየን ለዘላለሙ አሜን::
🇪🇹@ethiopianorthodoxs⛪️⛪️

መስቀል

➕➕➕ ነደ እሳትን የተሸከመ የኪሩቤልም ባልንጀራ የሆነ እንደ ድንግል ማርያም ስም አራት ፊደል ያለው ነበልባላዊ የእሳት መንበር።

✣✣✣ አዳምን ከሞት ያወጣው የሕይወት ዛፍ።

✥✥✥ የኃጢአትን ቀላይ የገታ መርከብ።

❖❖❖ ባሕረ እሳትን ያሻገረ የድኅነት ትርክዛ።

✞✟✟ነፍሳት የሕይወት እንጀራን የጠገቡበት ማዕድ!

✟✟✟ክርስቶስና ቤተክረስተያን የተሞሸሩበት የሠርግ ቦታ።

✝️✝️✝️ምእመናን የተጸነሱበት መካነ ክርስትና።

🔸🔸🔸 ቤተክርስቲያን የጸናችበት መሠረተ ሃይማኖት።

🔹🔹🔹የፍስሐ ኩሉዓለም ክርስቶስ ደም የፈለቀበት ሙሐዘ ትፍሥሕት!

🔶🔶🔶 ከሕይወት ውኃ ከክርስቶስ የተተከለ ሁል ጊዜ የሚያፈራ የሕይወት ዛፍ።

🔷🔷🔷 የንጉሥ ልጅ በአባቱ ኅልቀተ ወርቅ ማኅተም እንዲመካ፥ የንጉሠ ነገሥት ክርስቶስ ልጆች የምንለይበት የምንመካበት ትእምርተ ድኂን።

✔️ የጨለማውን አበጋዞችን ድቅድቅ የምንገፍበት
ጸዳለ ኩሉ ዓለም።

✔️ የሚወረወረውን ፍላጻ የምንሰብርበት ልብሰ ሃይማኖት ጥሩር።

✟✟✟✔️ጦር ከነቀነቀ ጋሻ ከታጠቀ ከቀን ወራሪ ከሌሊት ሰባሪ የምንመክትበት ንዋየ ሐቅል።

✅ ቢዋጉ ማሸነፊያ ቢሸሹ መጠጊያ ጸወነ ሥጋ ወነፍስ ወልታ የጽድቅ።
መስቀል መልእልተ ኲሉ ነገር

አንድ አምላክ በሚሆን በአብ በወልድ በመንፈስ ቅዱስ ስም መስከረም ዐሥራ ስድስት በዚህች ቀን ከጌታችን ኢየሱስ ክርስቶስ መቃብር ላይ ቤተ ክርስቲያን የታነጸችበትና የተቀደሰችበት ቀን ነው::

ይህም እንዲህ ነው ቅድስት ዕሌኒ ልጇ ቊስጥንጥንዮስ በነገሠ በሃያ ዓመት ቅዱሳን የሆኑ 318 አባቶችን  በኒቂያ ከተማ ከሰበሰበ በኋላ ቅድስ እናቱ ዕሌኒ እንዲህ አለችው ልጄ ሆይ እኔ ወደ ቅድስት አገር ኢየሩሳሌም በመሔድ የክብር ንጉሥ የሆነ የክርስቶስን ዕፀ መስቀል ፈልጌ አወጣ ዘንድ ለእግዚአብሔር ስዕለትን ተስያለሁ አለችው::

ቈስጠንጢኖስም ሰምቶ በዚህ ነገር ደስ አለው ከብዙ ሠራዊት ጋር ገንዘብ ሰጥቶ የከበሩ የግምጃ ልብሶችንም ሰጥቶ ላካት እርሷም ወደ ኢየሩሳሌም በደረሰች ጊዜ ከከበሩ ቦታዎች ተባረከች::

ከዚህም በኋላ ስለ ከበረና አዳኝ ስለሆነ ዕፀ መስቀል መረመረች በታላቅ ድካምም አገኘችውና ታላቅ ክብርም አከበረችው በታላቅ ምስጋናም አመሰገነችው:: (ስለዚህ ቦታ ታሪክ ስለ መስቀሉ አወጣጥ በነገው ዕለት ከብዙ በጥቂቱ ለበረከት እጽፋለሁና ይከታተሉኝ::)

በኢየሩሳሌምም ስሙ መቃርስ የሚባል ኤጴስ ቆጶስ ንግሥት ዕሌናኒን ስለምታንጸው ቤተ መቅደስ እንዲህ ብሎ መከራት ጠንካራ የሆነ የማይናወጽና የማይፈርስ ጥሩ ሕንፃ ልታሠሪ ይገባል ከዚህ የሚተርፈውንም ለድሆችና ለችግረኞች ስጪአቸው አላት::

ከዚህም በኋላ በጎሎጎልታ በቤተ ልሔምም ክብር ይግባውና ጌታችን ኢየሱስ ክርስቶስ በተወለደበት ዋሻ ደግሞ በጽርሐ ጽዮን የእመቤታችን ማርያም ሥጋዋ በተቀበረበት በጌቴሴማኒ በደብረ  ዘይትም በከበሩ ቦታዎች ሁሉ የቤተ መቅደስ መሠዊያ እንዲሠሩ አዘዘች::

ንጉሥ ቈስጠንጢኖስም በነገሠ በ30 ዓመቱ የከበረ ቦታዎች ሕንፃቸው በተፈጸመ ጊዜ ንዋየ ቅድሳትን ላከ::

በየአህጉራት ያሉ ኤጴስ ቆጶሳቶቹን ሰብስቦ አቢያተ ክርስቲያናቱን በዛሬው ቀን አከበራቸው ቅዳሴም ተቀድሶ ሁሉም ሥጋወ ደሙን ተቀበሉ በዚያ ቀን ታላቅ ደስታ ሆነ:: 

የከበረ መስቀልንም በመሸከም በነዚያ በከበሩ ቦታዎች ዞሩ በውስጣቸውም ለእግዚአብሔር ሰገዱ አመሰገኑትም መስቀሉንም አከበሩት ወደ ሀገሮቻቸውም በሰላም በፍቅር ተመልሰው ገቡ::

በዛሬው ዕለት የመስቀልን ደመራ ደምረን በአደባባይ በተለያዩ አብያተ ክርስቲያን በየሰፈራችንም ተሰብስበን የምናከብርበት ዕለት ነው::

በዚህ ዕለት የሚከበረው ደመራ በየሰፈራ ሰፈሩና በየመንደራ መንደሩ የተለየ መንፈሳዊ ያልሆነ አከባበር እየተደረገ ሲከበር እየተመለከትን ነውና መንፈሣዊ ይዘቱን ጠብቆ እንዲከበር የቤተ ክርስቲያን ልጆች በያለንበት ቦታ ልንቆጣጠረው ይገባል::

መንፈሣዊ ይዘት እንዲኖረው በያለንበት ቦታ ለበዓሉ የሚዘጋጁትን ነገሮች መንፈሣዊ ይዘት እንዲኖራቸው በማድረግ ኃላፊነት ወስደን መሥራት ይጠበቅብናል::

በመዝሙር ተጀምሮ በመዝሙር እንዲያልቅ በመንፈሣዊ ተጀምሮ በሥጋዊ እንዳያልቅ ማስተማርና መምከር ከእኛ ይጠበቃል::

መልካም የደመራና የመስቀል በዓል ይሁንልን አሜን!

ለእግዚአብሔር ምስጋና ይሁን በመስቀሉ ኃይልም ሁላችን የክርስቲያን ወገኖችን ይጠብቀን ለዘላለሙ አሜን::
🇪🇹@ethiopianorthodoxs⛪️⛪️

(የሉቃስ ወንጌል ምዕ. 16)
----------
19፤ ቀይ ልብስና ቀጭን የተልባ እግር የለበሰ አንድ ባለ ጠጋ ሰው ነበረ፥ ዕለት ዕለትም እየተመቸው በደስታ ይኖር ነበር።

20፤ አልዓዛርም የሚባል አንድ ድሀ በቍስል ተወርሶ በደጁ ተኝቶ ነበር፥

21፤ ከባለ ጠጋውም ማዕድ ከሚወድቀው ፍርፋሪ ሊጠግብ ይመኝ ነበር፤ ውሾች እንኳ መጥተው ቍስሎቹን ይልሱ ነበር።

22፤ ድሀውም ሞተ፥ መላእክትም ወደ አብርሃም እቅፍ ወሰዱት፤ ባለ ጠጋው ደግሞ ሞተና ተቀበረ።

23፤ በሲኦልም በሥቃይ ሳለ አሻቅቦ አብርሃምን በሩቅ አየ አልዓዛርንም በእቅፉ።

24፤ እርሱም እየጮኸ። አብርሃም አባት ሆይ፥ ማረኝ፥ በዚህ ነበልባል እሣቀያለሁና የጣቱን ጫፍ በውኃ ነክሮ መላሴን እንዲያበርድልኝ አልዓዛርን ስደድልኝ አለ።

25፤ አብርሃም ግን። ልጄ ሆይ፥ አንተ በሕይወትህ ሳለህ መልካም እንደ ተቀበልህ አስብ አልዓዛርም እንዲሁ ክፉ፤ አሁን ግን እርሱ በዚህ ይጽናናል አንተም ትሣቀያለህ።

26፤ ከዚህም ሁሉ ጋር ከዚህ ወደ እናንተ ሊያልፉ የሚፈልጉ እንዳይችሉ፥ ወዲያ ያሉ ደግሞ ወደ እኛ እንዳይሻገሩ በእኛና በእናንተ መካከል ታላቅ ገደል ተደርጎአል አለ።

27፤ እርሱም። እንኪያስ፥ አባት ሆይ፥ ወደ አባቴ ቤት እንድትሰደው እለምንሃለሁ፤ አምስት ወንድሞች አሉኝና፤

28፤ እነርሱ ደግሞ ወደዚህ ሥቃይ ስፍራ እንዳይመጡ ይመስክርላቸው አለ።

29፤ አብርሃም ግን። ሙሴና ነቢያት አሉአቸው፤ እነርሱን ይስሙ አለው።

30፤ እርሱም። አይደለም፥ አብርሃም አባት ሆይ፥ ነገር ግን ከሙታን አንዱ ቢሄድላቸው ንስሐ ይገባሉ አለ።

31፤ ሙሴንና ነቢያትንም የማይሰሙ ከሆነ፥ ከሙታንም እንኳ አንድ ቢነሣ አያምኑም አለው።
🇪🇹@ethiopianorthodoxs⛪️⛪️

የቅዱስ ሚካኤል ተአምር:-
አንድ አምላክ በሆነ በአብ በወልድ በመንፈስ ቅዱስ ስም መስከረም ዘጠኝ በዚህች ቀን በሮም አገር ፍሩምያ በምትባል ከተማ ቅዱስ ሚካኤል ላደረገው ተአምር መታሰቢያ ሆነ::

ነገሩም እንዲህ ነው የሰማይ ሠራዊት አለቃ በሆነ በከበረ መልአክ በቅዱስ ሚካኤል ቤተ ክርስቲያን ውስጥ በሚታዩ ድንቆችና ተአምራቶች ምክንያት ዮናናውያን ሰዎች ሰይጣናዊ ቅናት አደረባቸው::

ከመቅናታቸውም ብዛት የተነሣ በዚያ አካባቢ የሚወርደውን የወንዝ ውኃ በዚያች ቤተ ክርስቲያን ላይ አቅጣጫውን አስቀይረው ወደ ቤተ ክርስቲያኑ ሊመልሱትና ከሚጠብቃት መጋቢዋ ጋር በውኃ ስጥመት ሊአጠፋት አሰቡ::

የሰማያዊያን ሠራዊት አለቃ ቅዱስ ሚካኤልም ለቤተ ክርስቲያኑ መጋቢ ለናርጢኖስ ተገለጠለት ወደ ርሱም ቀርቦ ጽና አትፍራ አለው ይህንን ብሎ በእጁ ውስጥ ባለ በትር ወንዙ ሊመጣ ባለበት አቅጣጫ አለቱን መታው አለቱም ተሰንጥቆ እንደ በር ሆነ የዚያ ወንዝ ውኃው በውስጡም አልፎ ሔደ::

ይህንንም ያዩ ምንም ማድረግ የማይሳነውን ምስጉን እግዚአብሔርን አመሰገኑት የመላእክት አለቃ ቅዱስ ሚካኤልንም አከበሩት::

ከዚያች ቀን እስከ ዛሬ የወንዙን ውኃ በዚያች በተሠነጠቀች አለት ውስጥ አልፎ ሲሔድ ያዩታል ወደ መላእክት አለቃ ሚካኤል ቤተ ክርስቲያን ከቶ አይቀርብም::

እንግዲህ እናስተውል የእግዚአብሔርን ድንቅ ሥራ እንመልከት በእምነታችን ፀንተን ከታመንን መልአኩን ልኮ ሊመጣብን ከታቀደው ፈተናና መከራ ፈጥኖ ያድነናል!

እንግዲህ ማናቸውንም አንፍራ ከሁሉ ነገር እርሱ ያድነናልና።

ዘወትር ወደ ቤተ ክርስቲያን መመላለስን አናቋርጥ በጎ ሥራንም አንተው ከክፉ ሥራ እንራቅ በእምነታችን ጸንተን ከሚመጣው መከራ እንዲጠብቀን በጾም በጸሎት እንታጋ።

ለእግዚአብሔር ምስጋና ይሁን እኛንም በቅዱስ ሚካኤል አማላጅነት ይማረን ይጠብቀን ለዘላለሙ አሜን::
🇪🇹@ethiopianorthodoxs⛪️⛪️

ነብዩ ኢሳያስ:-
አንድ አምላክ በሆነ በአብ በወልድ በመንፈስ ቅዱስ ስም መስከረም 6 በዚህች ቀን ታላቅ ነቢይ የአሞጽ ልጅ ኢሳይያስ አረፈ::

ይህም ነቢይ ለይሁዳ በነገሡ 5 ነገሥታት ዘመን አስተማረ እኒህም ኢዮአታም: አካዝ: ሕዝቅያስና ምናሴ ናቸው::

በአካዝ ዘመን እንዲህ ብሎ ትንቢት ተናገረ::

እንሆ ስለዚህ እግዚአብሔር ምልክት ይሰጣችኋል:: እንሆ ድንግል ፀንሳ ወንድ ልጅን ትወልዳለች ስሙንም አማኑኤል ትለዋለች:: ትርጎሜውም እግዚአብሔር ከእኛ ጋር እንደሆነ ማለት ነው:: እርሱም በኃጢአታቸው ከሚመጣባቸው ፍዳ ወገኖቹን የሚያድናቻው ወደ ሃይማኖቱም የሚአስገባቸው እንደሆነ የእስራኤልም ልጆች መስዋዕታቸውንና ክህነታቸውን እንደሚሽር ከሐዲስ ወገኖችም የሚያመሰግኑት ካህናት እንደሚሾሙ ተናገረ::

የፋርስ ንጉሥ ሰናክሬምም ኢየሩሳሌምን ከቦ የስድብ ቃልን በክብር ባለቤት እግዚአብሔር ላይ በተናገረ ጊዜ የፋርስ ንጉሥ ሰናክሬም ያጠፋው ዘንድ እግዚአብሔር እንዳለው ለሕዝቅያስ ትንቢትን ተናገረ::

በዚያች ሌሊትም እግዚአብሔር የላከው የመላእክት አለቃ ቅዱስ ሚካኤል ወደ ሠናክሬም ሰፈር መጥቶ ከፋርስ ሠራዊት 185ሺ አርበኞችን ገደለ::

ሕዝቅያስም ታሞ ለሞት በተቃረበ ጊዜ ኢሳይያስ ወደርሱ መጥቶ እግዚአብሔር ትሞታለህ እንጂ አትድንም ብሏልና ቤትህን አዘጋጅ አለው።

እሱም ፊቱን ወደ ግድግዳው መልሶ ወደ እግዚአብሔር ለመነ ፈጽሞ ጽኑ ልቅሶንም አለቀሰ:: ልቅሶው ተሰማለት የአባትህ የዳዊት ፈጣሪ ጸሎትህን ሰማሁ ዕንባህንም አየሁ እንሆ በዘመንህ ላይ ዐሥራ አምስ ዓመት ጨመርኩልህ አለው::

እዚህ ጋር ስናስተውል ንስሐ መግባት በዕድሜ ላይ ዕድሜ እንደሚጨምር ነው ስለዚህ ስለሠራነው በደልና ኃጢአት ንስሐ ገብተን ፊታችንን ወደ እግዚአብሔር ልንመልስ ይገባል።

ምናሴም ኢሳይያስን በመጋዝ ሰንጥቆ ገደለው::

ከክ.ል.በ 910 ዓመት አስተማረ ትንቢት እየተናገረም ሰባ ዓመት ከዚህም በላይ ይሆናል::

ለእግዚአብሔር ምስጋና ይሁን እኛንም በጸሎቱ ይማረን በረከቱም ከሁላችን ጋር ትኑር አሜን::
🇪🇹@ethiopianorthodoxs⛪️⛪️

ቀሪ ዘመናችንን  ሁሉ እንደ ልበ አምላክ ቅዱስ ዳዊት የእግዚአብሔርን አሳብ በመፈጸም የምንባረክበት ዘመን እንዲሆንልን፤ ዘመን ለፍስሐ ዕድሜ ለንሰሐ እንዲያድለን፤ 2017 ዓ.ም የሰላም የፍቅር የአንድነት እንዲሁም የመተሳሰብ እንዲያደርግልን መልካም ምኞቴን እገልፃለሁ። መልካም አዲስ ዓመት🌼

የመላእክት አለቃ ቅዱስ ሩፋኤል:-
አንድ አምላክ በሆነ በአብ በወልድ በመንፈስ ቅዱስ ስም ጳጒሜ ሦስት በዚህች ቀን የመላእክት አለቃ የከበረ መልአክ የሩፋኤል የበዓሉ መታሰቢያ ነው::

እርሱም ከመላእክት አለቆች ሦስተኛ የሆነ ነው::

ሩፋኤል ማለት ደስ የሚያሰኝ ቸር መሐሪ ቅን የዋህ ማለት ነው::

እኔ ሩፋኤል ኃጢአተኛችን በእግዚአብሔር ዘንድ አልከሳቸውም ከኃጢአታቸው በንስሐ እስኪመለሱ ስለ ቅንነቴ በእነርሱ ላይ እታገሳለሁ::

ሩፋኤል ራሱ በሃያ ሦስት የመላእክት ነገድ ሠራዊት ላይ እግዚአብሔር የሾመኝ እኔ ሩፋኤል ነኝ::

እግዚአብሔር አብን ይቅር ባይ ልጁን አጽናኝ አዳኝ የሆነ መንፈስ ቅዱስን እናመሰግነው ዘንድ::

በደብረ ጽዮን በሚደረገው የሺ ዓመት ተድላ ደስታ የክብር ባለቤት ጌታችን ኢየሱስ ክርስቶስ የክብር ጽዋን በሚሰጣቸው ጊዜ ለቅዱሳኖቹ በጎ ነገርን እንደ ሰጣቸው እግዚአብሔር ያዘዘኝ ሩፋኤል እኔ ነኝ::

ደግሞም በዚህች ቀን ከዕፀ ሕይወት ዐጽቅ ወስጄ ለተመረጡ ክርስቲያኖች በእጄ እንድሰጣቸው ያዘዘኝ እኔ ሩፋኤል ነኝ::

የሰማይ መዛግብት ከእጄ በታች ተጠብቀው የሚኖሩ እኔ ሩፋኤል ነኝ::

እግዚዚአብሔር እንዳዘዘኝ እከፍታቸዋለው እዘጋቸዋለሁ::

በምድር ሰው ለባልንጀራው ስለ ስሜ በጎ ነገር ቢያደርግ እኔ በመከራው በችግሩ እረደዋለሁ ወይም የሹመቴን ነገር የሚጽፍ ወይም ከቅዱሳን ጋር ስሜን የሚያስብ ወይም በስሜ ለቊርባን የሚሆነውን የሚሰጥ ይኸውም እግዚአብሔር በሊቃነ መላእክት ክብር የሾመኝና ያከበረኝ ጳጒሚን ሦስት ቀን ነው::

ወደ ኢየሩሳሌም ሰማያዊት እስከሚገባ በብርሃን ሠረገላ እኔ እሸከመዋለሁ::

በምድር ላይ ከቶ እንደርሱ ያለ የማይገኝ መዐዛው እጅግ ጣፋጭ በሆነ ሽቱ ነፍሶቻቸው እርሱን በማሽተት ደስ እንዲላቸው አደርጋለሁ::

ሐዋርያት ሆይ በእግዚአብሔር ፊት እስከምትቆሙ እጠብቃቹ ዘንድ ከእኔ ርዳታን ሹ::

የዚህ መልአክ ሩፋኤል ታምራቶቹ ብዙ ናቸው ስለ እኛም ይማልዳል::

በዛሬው ዕለት አፍላጋት ወንዞች ውቅያኖሶች ሁሉ ይባረካሉ ከሰማይ የእግዚአብሔር መልአክ በመስቀል ሁሉንም ውኃ ይባርካል ምእመናንም በመጠመቅ በረከትን ይወስዳሉ::

ምእመናንም ይህን ስለሚያውቁ ከሌሊቱ ስምንት ሰዓት ጀምረው በየአጥቢያቸው ወዳሉ መጠመቂያ ሔደው ይጠመቃሉ ከሰማይ በሚወርደውም ዝናብ ይጠመቃሉ::

በዚህ ዕለት መምህረ ንስሐቸውን ወደ ቤት ጠርተው ጸበል ያስረጫሉ:: በቤታቸው ያሉትን ዕቃዎች ሁሉ እደጅ አውጥተው ጠበል ያስረጫሉ::

በዚህች ቀን የበረታ የዳዊትን መዝሙር በሙሉ ይጸልያል አባታችን ሆይ እና ሰላም ለኪንም በጥሞና በዓመቲቱ ልክ ሦስት መቶ ስሳ ስድስት ጊዜ ይጸልያሉ::

ይህ ለመላኩ ለቅዱስ ኡራኤል የተሰጠው ቃል ኪዳን ነውና::

ለእግዚአብሔር ምስጋና ይሁን እኛንም በዚህ መልአክ አማላጅነት ይማረን በረከቱም ከእኛ ጋር ትኑር ለዘላለሙ አሜን::
🇪🇹@ethiopianorthodoxs⛪️⛪️

ፈረስ የሚጋልብ ሰው ልጓሙን በአግባቡ ካልያዘው በቀር ፈረሱም ጋላቢውም ይጎዳሉ፡፡ አንድ እባብ የነደፈው ሰው ባለመድኃኒቶችን አግኝቶ መርዙ ወደ ሰውነቱ ኹሉ እንዳይሰራጭ ካላደረገ በቀር ወደ ሞት ሊደርስ ይችላል፡፡ በተመሳሳይ መልኩ አንድ ትንሽ ቁስል በጊዜው ጊዜ ካልታከሙት በቀር ሰፍቶና ተስፋፍቶ ትልቅ ቁስል ወደ መኾን ያድጋል፡፡

በእኛ በክርስቲያኖች ዘንድም እንደዚህ ነው፡፡ የኃጢአት ቁስል የሚሰፋው ችላ ሲባል ነው፡፡ ገና ትንሽ ነው በሚባልበት ደረጃ ካላራቅነው በቀር ነገ ከነገ ወዲያ ትልቅ ቁስለ ነፍስ ይኾናል፡፡

ተመልከቱ! ዛሬ ላለመቈጣት የሚታገል ሰው ነገ ሰዎችን የሚጎዳበት ዘዴን አይዘይድም፡፡ ሰዎችን የሚጎዳበት ዘዴ ካልዘየደም ብዙ ባልንጀሮች ይኖሩታል፡፡ ብዙ ባልንጀሮች ካሉት የሚጠላቸውም የሚጠሉትም ሰዎች አይኖሩም፡፡ ባልንጀራ እንጂ ጠላት የሌለው ሰውም የምግባር ኹሉ ፍጻሜ የኾነውን ፍቅር ገንዘብ ያደርጋል፡፡

ስለዚህ ተወዳጅ ሆይ! ወደዚህ ምግባር ታድግ ዘንድ ወደዚህ እንዳታድግ የሚያደርጉህን ጥቃቅን ኃጢአቶችን ከአንተ አርቅ፡፡ ሰፍቶ ተስፋፍቶ ነገ እንዳይቸግርህ ዛሬ በእንጭጩ እያለ ችላ አትበለው፡፡

ይሁዳ ገና የገንዘብ ፍቅር ደረጃ ላይ እያለ ራሱን ቢመረምርና ይህን ለማራቅ ቢጥር ኖሮ በኋላ ከተሰበሰበው ገንዘብ ወደ መስረቅ ባላደገ ነበር፡፡ ገና ከመጀመሪያው ደረጃ እያለ ችላ ባይል ኖሮ የኃጢአት ኹሉ ራስ የኾነው ኃጢአት ወደ መፈጸም ባልደረሰ ነበር፡፡

ጌታችንና መድኃኒታችን ኢየሱስ ክርስቶስም እንደዚህ ልናደርግ እንደሚገባን ሲያስተምረን ከዝሙት ብቻ እንድርቅ ሳይኾን የእርሱ ሥር የኾነውንና አይቶ መመኘትን ችላ ልንለው እንደማይገባን ነገረን (ማቴ.5፡28)፡፡ ኃጢአት ሥር ሰዳና ሰፍታ ከመቸገራችን በፊት በችግኝ ደረጃ ላይ እያለች ነቅለን መጣል ቀላል ነውና፡፡

#ቅዱስ_ዮሐንስ_አፈወርቅ

መድኃኒታችንም እንዲህ አለው ወዳጄ ሆይ አንተ በመከራዬ መሰልከኝ እኔም በመንግሥቴ

ከእኔ ጋራ እንድትመስለኝ አደርግሃለሁ::

እነሆ የዚህ ዓለም ድካምህ ተፈጸመልህ በእኔ ዘንድም የምቀበለው ሆነ ከእንግዲህስ መንግሥተ ሰማያትን ትወርስ ዘንድ ና::

እንሆ ስምህን ለሚጠራ መታሰቢያህን ለሚያደርግ ገድልህን ለሚጽፈው ለሚያነበውና ለሚሰማውም ቤተ ክርስቲያንህን ለሚሰራ በስምህ መባ ለሚሰጥ ለድኆችም በስምህ ለሚመጸውት በመታሰቢያህ ቀን ለሚቆርብ ስለ አንተ በጎ ሥራ ለሚሠራ ሁሉ እኔ እስከ ዐሥር ትውልድ እምርልሃለሁ::

አባታችንም እጅግ ደስ አለው ለጌታችንም ሰገደ ጌታችንም ከእርሱ ዘንድ በታላቅ ክብር ወደ ሰማይ ዐረገ::

ከዚህም በኋላ አባታችን በንዳድ በሽታ ጥቂት ታመመ ዕድሜውም ዘጠና ዘጠኝ ዓመት ከስምንት ወር ከአንድ ቀን ሆኖት በለመለመ ዕርግና አረፈ::

በመዘመርና በማመስገን አክብረው ገንዘው በዋሻው ውስጥ ቀበሩት::

ይህንን በማሰብ ከዋዜማው ጀምሮ ታላቅ በዓል እናደርጋለን በተክለ ሃይማኖት ስም በተሰራች ቤተ ክርስቲያን በገዳማት ተሰባስበን እግዚአብሔርን እናመልካለን::

እግዚአብሔር ሆይ በፃድቁ ስም ተሰባስበን ስናመሰግንህ በፃድቁ ስም መልካም ስንሰራ ቃል ኪዳንህን አታስቀርብን ና ባርከን ፈውሰን አሜን እንላለን::

ለእግዚአብሔር ምስጋና ይሁን እኛንም በአባታችን ተክለ ሃይማኖት ጸሎት ይማረን በረከቱም ከሁላችን የክርስቲያን ወገኖች ጋራ ትኑር ለዘላለሙ አሜን::
🇪🇹@ethiopianorthodoxs⛪️⛪️

አንድ አምላክ በሆነ በአብ በወልድ በመንፈስ ቅዱስ ስም ነሐሴ ሃያ አራት በዚህች ታላቅ ዕለት የከበረ ሐዲስ ሐዋርያ የትሩፋትም መምህር የሆነ አባታችን ተክለ ሃይማኖት አረፈ::

የዚህም ቅዱስ የአባቱ ስም ጸጋ ዘአብ የእናቱ ስም እግዚእ ኀርያ ነው::

እሊህም ቅዱሱን ለኢትዮጵያ የሃይማኖት ብርሃንን ላበሩ ካህናት ከወገኖቻቸው የሆኑ ናቸው::

እግዚእ ኀረያም መካን ስለሆነች ልጅን ይሰጣቸው ዘንድ ወደ እግዚአብሔር እያዘኑ ሲጸልዩ ኖረ::

በዚህም ነገር እያሉ የዳሞት ገዥ ሞተለሚን ሰይጣን አነሣሣው የሸዋን አውራጃዎች እስከ ጅማ እስከ ገዛ ድረስ::

የየሀገሩ መኳንንቶችም በየተራቸው ሚስቶቻቸውን ይሰጡታል:: ከማረከውም ደምግባት ያላቸውን ሴቶች ያገኘ እንደሆነ ቁባቶቹ ያደርጋቸዋል::

በዚያ ወራት ወደ ጽላልሽ ደርሶ ብዙ ክርስቲያኖችን ገደለ ከእርሳቸውም የሚበዙትን ማረከ ጸጋ ዘአብም ከግድያ ፍርሃት የተነሳ ሸሸ::

አንድ ወታደርም ተከተለው እርሱም ወደ ባሕር ተወርውሮ ገባ በእግዚአብሔርም ፈቃድ በባሕሩ ውስጥ ተሸሸገ::

ሚስቱን እግዚእ ኀረያንም ወታደሮቹ ማረኳት ወደ ሞተለሚም አደረሷት በአያትም ጊዜ ውበቷንና ላህይዋን አደነቀ::

በልቡም እጅግ ደስ ብሎት ብዙ ሽልማትን ጌጥን ሰጥቷት በሽልማትና በጌጥ ሁሉ ሸለማት አስጌጣትም የጋብቻ ሥርዓትንም ማዘጋጀት ጀመረ:: ለሠርጉም እንዲሰበሰቡ ወደ መኳንቶቹ ሁሉ ላከ::

እግዚእ ኀርያም ይህን በሰማች ጊዜ ከአረሚ ጋር አንድ ከመሆን ያድናት ዘንድ በብዙ ልቅሶ ወደ እግዚአብሔር ጸሎትን አደረገች::

ያን ጊዜ የመላእክት አለቃ ቅዱስ ሚካኤል በብርሃናዊ ክንፉ ተሸክሞ ከዳሞት አገር ወደ ምድረ ዞረሬ አድርሶ ወዲያውኑ ወደ ቤተ መቅደስ አስገብቶ በሴቶች መቆሚያ አቆማት::

ባሏ ጸጋ ዘአብም ከማዕጠንት ጋራ በወጣ ጊዜ እንደተሸለመች ቁማ አያት አድንቆ በልቡ ይቺ ሴት ምንድ ናት ወደዚህስ ማን አመጣት አለ::

የማዕጠንቱንም ሥራ ጨርሶ ወጣ በጠየቃትና በመረመራት ጊዜ እርሷ ሚስቱ እግዚእ ኀርያ እንደሆነች አገኛት:: እርሷም ከመጀመሪያው እስከ መጨረሻው እግዚአብሔር ያደረገላትን ነገረችው::

ከዚህም በኃላ የእግዚአብሔር መልአክ በአንዲት ሌሊት ተገለጠላቸው::

የዜናው መሰማት በዓለም ሁሉ የሚደርስ የተባረከ ልጅ ይወልዱ ዘንድ እንዳላቸው ነገራቸው አበሠራቸው::

ከጥቂት ቀኖች በኋላ ይህ ቅዱስ ተፀንሶ በታኅሣሥ ወር በሃያ አራት ተወለደ::

በጸጋ ዘአብና በእግዚእ ኀረያ በቤታቸው ታላቅ ደስታ ሆነ ከዘመዶቻቸው ጋራ ደስ አላቸው:: ለክርስትና ጥምቀት ባስገቡት ጊዜ ፍስሐ ጽዮን ብለው ሰየሙት::

ሕፃኑም አደገ ድንቅ ተአምራትንም እያደረገ ዕውቀትንና ኃይልንም ተመልቶ በመንፈስ ቅዱስ ጸና::

ከዚህም በኋላ ዲቁና ይሾም ዘንድ አባ ጌርሎስ ወደ ተባለ ጳጳስ ወሰዱት ::

በዚያ ዘመን በዛጔ መንግሥት የእስክንድርያ ሊቀ ጳጳስ አባ ቢንያሚ ነበር:: ወደ ጳጳሱ ባደረሱት ጊዜ ይህ ልጅ የተመረጠ ዕቃ ይሆናል ብሎ ትንቢት ተናገረለት::

የዲቁና ሹመትን ተቀብሎ ወደ ሀገሩ ተመለሰ ጎልማሳም በሆነ ጊዜ አራዊትን ሊያድን ወደ ዱር ሔደ::

ቀትር ሲሆንም የክብር ባለቤት ጌታችን ኢየሱስ ክርስቶስ መልኩ በሚያምር ጎልማሳ አምሳሎ በቅዱስ ሚካኤል ክንፍ ላይ ተገለጠለትና እንዲህ አለው::

ወዳጄ አትፍራ እንግዲህስ የኃጢአተኞችን ነፍስ ወደ ሕይወት የምታጠምድ ትሆናለህ እንጂ አራዊትን የምታድን አትሆንም ስምህም ተክለ ሃይማኖት ይሁን::

እንደ ኤርሚያስና አጥማቂው ዮሐንስ እኔ ከእናትህ ማኅፀን መርጬ አክብሬሃለውና::

እንሆ በሽተኞችን ትፈውስ ዘንድ ሙታንንም ታሥነሣ ዘንድ ሥልጣንን ሰጠሁህ ርኵሳን አጋንንትንም ከሁሉ ቦታ ታሳድዳቸዋለህ::

ወደ ቤቱም በተመለሰ ጊዜ ገንዘቡን ሁሉ ለድሆችና ለምስኪኖች በተነ:: ዓለሙንም ሁሉ ቢያተርፍ ነፍሱንም ቢያጠፋ ለሰው ምን ይጠቅመዋል እያለ ቤቱን እንደተከፈተ ትቶ ምርጒዙን ይዞ በሌሊት ወጣ::

ከዚህም በኋላ ወደ ጳጳስ ሒዶ የቅስና ሹመት ተቀብሎ ለሸዋ አገር ሁሉ ወንጌልን መስበክ ጀመረ::

ዐሥራ ሁለት ሽህ ሦስት መቶ ነፍስ ያህል አጠመቀ:: ለጣዖት የሚሰዉበትን ሁሉ ሻረ:: በውስጡ የሚኖሩ አጋንንትን እስኪሸሹ ድረስ ዐፀዶቻቸውን ሁሉ ቆረጠ::

ሁለተኛም ወደ ዳሞት ምድር ሒዶ ብዙ ሟርተኞችንና አስማተኞችን ጠንቋዮችን አሳመነ::

ከሀዲ ሞተለሚም ብዙ ወራት ተቃወመው:: በጉማሬ ማጥመጃ ውስጥ በመጨመር ብዙ ጊዜ ወደ ገደል ወረወረው::

እርሱ ግን በደኅና ይመላለሳል ደግሞ ሊወጋው ጦር ወረወረ ጦሩም ተመልሶ እጁን ወግቶ ተጠመጠመበት በተሰቃየም ጊዜ አባታችንን ለመነው እርሱም የክብር ባለቤት በሆነ በጌታችን በኢየሱስ ክርስቶስ አሳምኖ አዳነው የተጠመጠመበትን ጦርም ፈታለት ቀናውን መንገድ የሚያጣምሙ ሟርተኞችንም አጠፋቸው::

ከዚህ በኋላ በክብር ባለቤት ጌታችን ስም ያደረገውን ድንቅ ተአምራቱን አይተው የአገር ሰዎች ሁሉም ከንጉሣቸው ጋራ አመኑ::

የክርስትና ጥምቀትንም አጠመቃቸው:: ቤተ ክርስቲያንም ሠርቶላቸው የቤተ ክርስቲያንን ሥርዓት አስተማራቸው:: በቀናች ሃይማኖትም አጸናቸው ከዚህም ሁሉ ጋራ በጾም በጸሎት በስግደት ሁል ጊዜ ያለ ማቋረጥ ተጠምዶ ይጋደል ነበር::

ዜናውንም ሰምተው ወደርሱ የሚመጡትን የነፍሳቸውን ድኅነት ያስተምራቸዋል የክብር ባለቤት የሆነ ጌታችን ኢየሱስ በማመንም ያጸናቸዋል::

ከዚህም በኋላ በኤልያስ ሠረገላ ተቀምጦ ወደ አምሐራ ሀገር ሔደ:: በገድል ተጸምዶ ወደ ሚኖር መነኰስ ወደ አባ በጸሎተ ሚካኤል በአንዲት ቀን ደርሶ በዚያ እንደ ባሪያ ሲያገለግል ኖረ::

በአንድነት የሚኖሩ መነኮሳትንም ያገለግላቸው ነበር የሞተውንም እስከማንሳት ድረስ ከደዌያቸው ይፈውሳቸው ነበር:: 

በዚያም ዐሥራ ሁለት ዓመት ከሆነው በኋላ ሐይቅ በሚባል ቦታ ወደ ሚኖረው ወደ ኢየሱስ ሞዓ የእግዚአብሔር መልአክ እንዳዘዘው ሔደ:: ከእርሱም የምንኩስና ልብስ ቀሚስና ቅናትን ተቀበለ::

ሁለተኛም ወደ ኢየሩሳሌም ሔዶ ከከበሩ ቦታዎችና ከሊቀ ጳጳሳቱ ቡራኬን ተቀበለ::

ከዚያም ወደ ሸዋ ምድር ተመልሶ የአባቱ ወንድም ልጅ የሆነ አባ ዜና ማርቆስን አገኘው በወግዳ በረሀም በአንድነት ኖሩ::

ከዚያም ግራርያ ወደሚባል አገር ሒዶ በኮረብታ መካከል ዋሻ አዘጋጅቶ ተቀመጠ:: በቀንም በሌሊትም ከዚያ አይወጣም ነበር ከጥቂት ቅጠልም በቀር እህልን አይቀምስም መጠጡም ጥቂት ውኃ ነው::

ብዙ ወንዶችና ሴቶች ወደርሱ መጥተው መነኮሳቶች ሆኑ በአንድ ቤት ውስጥ በአንድ መኝታ ላይ ተኝተው ያድራሉ እርስ በእርሳቸውም አይተዋወቁም::

እነርሱም እንደ ሕፃናት ናቸው: በጸሎትና በቅዳሴ ጊዜም በአንድነት ይቆማሉ በዘመኑ ሰይጣን ስለ ታሠረ ወንዱ ሴቷን ሴት እንደሆነች አያውቅም እንዲሁም ሴቷ ወንዱን ወንድ እንደሆነ አታውቅም::

ከዚህ በኋላ መጠጊያ ሠርቶ በፊቱ በኋላም በቀኙ በግራው የተሳሉ ፍላጻዎችን ተከለ ይህንንም ማድረጉ በመደገፍና በመተኛት እንዳያርፍ ነው በዚያም እግሩ ከቅልጥሙ እስቲሰበር ሰባት ዓመት ቆመ::

በዚያም ወራት ምንም የዕንጨት ፍሬ ወይም ቅጠል ሳይቀምስ ውኃም ሳይጠጣው ኖረ::

ከዚህም በኋላ የክብር ባለቤት ጌታችን ኢየሱስ ክርስቶስ ወደርሱ መጣ ከእርሱም ጋራ እመቤታችን ቅድስት ድንግል ማርያም ደግሞ የከበሩ ነቢያትና ሐዋርያት ሁሉም ሰማዕታትና ጻድቃን የጳጳሳት አለቆች የመላእክት አለቆችም ከሠራዊቶቻቸው ጋራ አሉ::

(የማቴዎስ ወንጌል ምዕ. 21)
----------
18፤ በማለዳም ወደ ከተማ ሲመለስ ተራበ።

19፤ በመንገድም አጠገብ በለስ አይቶ ወደ እርስዋ መጣ፤ ከቅጠልም ብቻ በቀር ምንም አላገኘባትምና። ለዘላለሙ ፍሬ አይገኝብሽ አላት። በለሲቱም ያንጊዜውን ደረቀች።

20፤ ደቀ መዛሙርቱም ይህን አይተው። በለሲቱ ያንጊዜውን እንዴት ደረቀች? ብለው ተደነቁ።

21፤ ኢየሱስም መልሶ። እውነት እላችኋለሁ፥ እምነት ቢኖራችሁ ባትጠራጠሩም፥ በበለሲቱ እንደ ሆነባት ብቻ አታደርጉም፤ ነገር ግን ይህን ተራራ እንኳ። ተነቅለህ ወደ ባሕር ተወርወር ብትሉት ይሆናል፤

22፤ አምናችሁም በጸሎት የምትለምኑትን ሁሉ ትቀበላላችሁ አላቸው።
https://t.me/ethiopianorthodoxs

የነሐሴ ፩፱ ቅዳሴ ምንባብ 📖
(1ኛ የጴጥሮስ መልእክት ምዕ. 3)
----------
8፤ በመጨረሻው ሁላችሁ በአንድ ልብ ሁኑ፥ የሌላው መከራ ለእናንተ እንደሚሆን አድርጉ፥ እንደወንድሞች ተዋደዱ፥ ርኅሩኆችና ትሑታን ሁኑ፤

9፤ ክፉን በክፉ ፈንታ ወይም ስድብን በስድብ ፈንታ አትመልሱ በዚህ ፈንታ ባርኩ እንጂ፥ በረከትን ልትወርሱ ለዚህ ተጠርታችኋልና።

10፤ ሕይወትን ሊወድ መልካሞችንም ቀኖች ሊያይ የሚፈልግ ሰው፥ መላሱን ከክፉ ከንፈሮቹንም ተንኰልን ከመናገር ይከልክል፤

11፤ ከክፉ ፈቀቅ ይበል፥ መልካምንም ያድርግ፥ ሰላምን ይሻ ይከተለውም፤

12፤ የጌታ ዓይኖች ወደ ጻድቃን ናቸውና፥ ጆሮዎቹም ለጸሎታቸው ተከፍተዋል፥ የጌታ ፊት ግን ክፉ ነገርን በሚያደርጉ ላይ ነው።

13፤ በጎንም ለማድረግ ብትቀኑ የሚያስጨንቃችሁ ማን ነው?

14፤ ነገር ግን ስለ ጽድቅ እንኳ መከራን ብትቀበሉ ብፁዓን ናችሁ። ማስፈራራታቸውንም አትፍሩ አትናወጡም፥

15፤ ዳሩ ግን ጌታን እርሱም ክርስቶስ በልባችሁ ቀድሱት። በእናንተ ስላለ ተስፋ ምክንያትን ለሚጠይቁዋችሁ ሁሉ መልስ ለመስጠት ዘወትር የተዘጋጃችሁ ሁኑ፥ ነገር ግን በየዋህነትና በፍርሃት ይሁን።
🇪🇹@ethiopianorthodoxs⛪️⛪️

አንድ አምላክ በሆነ በአብ በወልድ በመንፈስ ቅ ዱስ ስም የተወደዳቹ የዚህ ጹሑፍ ቤተሰቦች እንኳን አደረሳችሁ ሰባኤውን በሰላም አስፈጽሞ ለዚህ ታላቅ ቀን ያደረሰን አምላክ ይክበር ይመስገን።

የዛሬን መልዕክት ከብዙ በጥቂቱ በሦስት ክፍል ከፍዬ አቅርቢዋለሁና በረከቷ ረድኤቷ ይድረሰን አሜን!

ነሐሴ 16 በዚህች ቀን አምላክን የወለደች የእመቤታችን ድንግል ማርያም ሥጋዋ ያረገበት መታሰቢያዋ ሆነ::

ከዕረፍቷም በኋላ ከእርሳቸው ስለመለየቷ ሐዋርያት ፈጽሞ እያዘኑ ነበር::

ከዚህም በኋላ የክብር ባለቤት ጌታችን ኢየሱስ ተገለጠላቸው እርሷን በሥጋ ያዩ ዘንድ እንዳላቸውም ተስፋ ሰጣቸው::

ወንጌላዊ ዮሐንስም እስያ በሚባል አገር እያስተማረ ሳለ በነሐሴ ወር 16 ቀን ተድላ ደስታ ወዳለበት ገነት በመንፈስ ቅዱስ ተነጠቀ::

የክብር ባለቤት ጌታ ኢየሱስ ክርስቶስን የእመቤታችን ማርያም ሥጋዋ ካለበት ከዕፀ ሕይወት ሥር ተቀምጦ አየው::

የንጽሕት እናቱን ሥጋ ታወጣ ዘንድ ምድርን እንዲጠሩዋት ሰባቱን የመላእክት አለቆች አዘዛቸው::

እነርሱም የንጽሕት እናቱን ሥጋ ታወጪ ዘንድ እግዚአብሔር አዞሻል አሏት::

ያን ጊዜም ከዕፀ ሕይወት በታች ካለ መቃብር የእመቤታችን ማርያም ሥጋዋ ወጣ::

የክብር ባለቤት ጌታችንም እንዲህ እያለ አረጋጋት የተወደድሽ የወለድሽኝ እናቴ ሆይ ዘላለማዊ ወደ ሆነ መንግሥተ ሰማያት አሳርግሽ ዘንድ ነዪ::

ያን ጊዜም በገነት ያሉ ዕፅዋት ሁሉ አዘነበሉ መላእክት የመላእክት አለቆች ጻድቃን ሰማዕታትም እየሰገዱላትና ፈጽሞ እያመሰገኗት አሳረጓት::

አባቷ ዳዊትም ንግሥት እመቤታችን ወርቀ ዘቦ ለብሳ ደርባ ደራርባ በቀኝህ ትቀመጣለች እያለ በበገና አመሰገናት::

በኪሮቤል ሠረገላ ተቀምጣ ከዐረገች በኋላ በልጅዋና በፈጣሪዋ ቀኝ በታላቅ ክብር ተቀመጠች::

2...ወንጌላዌ ዮሐንስ ከእርሷ በረከትን ተቀብሎ ሰግዶላት ተመልሶ ወረደ።

ሐዋርያትን ተሰብስበው ስለ እመቤታችን ቅድስት ድንግል ማርያም ሥጋ ፈጽመው ሲያዝኑና ሲተክዙ አገኛቸው::

እርሱም እንዳየ እንደሰማ ሥጋዋንም በታላቅ ክብር በምስጋና እንዳሳረጓት ነገራቸው::

ሐዋርያትም በሰሙ ጊዜ ዮሐንስ እንዳየና እንደሰማ ባለማየታቸውና ባለመስማታቸው እጅግ አዘኑ::

ከዚህ በኋላ እያዘኑ ሳለ እንሆ የክብር ባለቤት ጌታችን ኢየሱስ ክርስቶስ ተገለጠላቸውና የፍቅር አንድነት ልጆች ሰላም ይሁንላቹ ስለ እናቴ ማርያም ሥጋ ለምን ታዝናላችሁ::

እንሆ እርሷን በሥጋ ላሳያችሁ ልባችሁም ደስ ሊለው ይገባዋል አላቸው ይህንንም ብሎ ከእርሳቸው ዘንድ ወደ ሰማያት ዐረገ::

ሐዋርያትም ዓመት ሙሉ ቆዩ የነሐሴ ወር በባተ ቀን ለሐዋርያት ዮሐንስ እንዲህ አላቸው አምላክን የወለደች የእመቤታችንን ሥጋዋን ለማየት የተዘጋጀን አድርጎ ያሳየን ዘንድ ኑ ይህን ሁለት ሱባዔ በመጾም የክብር ባለቤት ጌታችን ኢየሱስ ክርስቶስን እንለምነው በልጅዋ በወዳጅዋ ቀኝ ተቀምጣ አይተን በእርሷ ደስ እንዲለን::

በዚያን ጊዜም ዮሐንስ እንዳላቸው በጾም በጸሎት ሱባዔ ያዙ የነሐሴ ወር እንደ ዛሬ ዐሥራ ስድስተኛ ቀን በሆነ ጊዜ የክብር ባለቤት ጌታችን ኢየሱስ ክርስቶስ ሁሉኑም ሐዋርያት ወደ ሰማይ አወጣቸው በታላቅ ክብር በተወደደ ልጅዋ ቀኝ ተቀምጣ ከሥጋዋ ተዋሕዶ ተነሥታ እመቤታችን ማርያምን አዩዋት::

እጆቿንም ዘርግታ የከበሩ ሐዋርያትን እየአንዳንዳቸውን ባረከቻቸው በልባቸውም እጅግ ደስ አላቸው::

የክብር ባለቤት ኢየሱስ ክርስቶስም በከበረ ሥጋውና ደሙ ላይ ሠራዔ ካህን ሆነ::

እስጢፋኖስም አዘጋጀ ዮሐንስም በመፍራት ቁሙ አለ::

ሁሉም ሐዋርያት በመሠዊያው ዙሪያ ቆሙ በዚያን ጊዜ ከቶ እንደርሱ ሁኖ የማያውቅ ታላቅ ደስታ ሆነ::

3.....ጌታችንም የቅዳሴውን ሥርዓት በፈጸመ ጊዜ ሥጋ ውንና ደሙን አቀበላቸው::

ከዚያም በኪሩቤልና በሱራፌል ሠረገላ ተቀምጣ በምታርግ ጊዜ የክብር ባለቤት ጌታችን ኢየሱስ ክርስቶስ እናቱ እመቤታችን ማርያምን እንዲህ ብሎ ተናገራት::

በዚህች ቀን የሆነ የዕርገትሽን መታሰቢያ በዓለም ውስጥ እንዲሰብኩ ልጆችሽ ሐዋርያትን እዘዣቸው::

መታሰቢያሽን የሚያደርገውን ሁሉ ተጠብቆም በዚህች ቀን ቅዱስ ቁርባንን የሚቀበለውን ኃጢአቱን እደመስስለታለሁ::

የእሳትን ሥቃይ ከቶ አያያትም መታሰቢያሽን ለሚያደርጉ ሁሉ በዚህች ቀን ለድኆች በስምሽ ለሚመጸውቱ ቸርነቴ ትገናኘዋለች ይህም ሥጋሽ ወደ ሰማይ ያረገበት ነው::

እመቤታችንም ድንግል ማርያምም ክብር ይግባውና ጌታችንን እንዲህ አለችው።

ልጄ ሆይ እንሆ በዐይኖቻቸው አዩ በጆሮቻቸው ሰሙ በእጆቻቸውም ያዙ ሌሎችም ታላላቅ ድንቆች ሥራዋችን አዩ::

እመቤታችንም ይህንን ስትናገር በታላቅ ደስታ ወደ ደብረ ዘይት ተመለሱ::

የተወደዳቹ ወንድሞች ሆይ በፍጹም ደስታ መታሰቢያዋን እናደርግ ዘንድ ይገባናል እርሷ ስለ እኛ ወደተወደደ ልጅዋ ሁል ጊዜ ትማልዳለችና::

ለእግዚአብሔር ምስጋና ይሁን እኛንም በእመቤታችን በቅድስት ድንግል ማርያም አማላጅነት ይማረን በረከቷም ሐዋርያት ከሰበሰቧት ከቅድስት ቤተ ክርስቲያን ልጆች ከሁላችን ጋራ ይኑር ለዘላለሙ አሜን::
@ethiopianorthodoxs