የጤና መረጃ

Vacancy Announcement:-

Organization: Benishangul Gumuz Regional State Health Bureau

Position: General Practitioner

Education: Medical doctor

Quantity required: 33

Minimum Experience: 0 year

https://www.facebook.com/103581151495839/posts/pfbid02xciNkCm8vvY4ndP5uJQ4cJr2hysCKrcbna5UsLbbDHMxrZB1GTQGsZJDiyLnUhoFl/

═════════════════
ልጆች መቼ ነው አልጋ ላይ መሽናት የሚያቆሙት?
═════════════════
አብዛኞቹ ህፃናት 5 ዓመት ሲሆናቸው ሌሊት ላይ ሽንታቸውን መቆጣጠር ይችላሉ:: ሆኖም 10-15% የሚሆኑ ህፃናት እስከ 7 አመታቸው ድረስ ይቸገራሉ፡፡ ሽንት ለሊት ሊያመልጣቸው ይችላል፡፡ጥናቶች እንደሚጠቁሙት ከሆነ ይህ ችግር ያለባቸው ህፃናት እድሜያቸው በ 1 ዓመት በጨመረ ቁጥር ቺግሩ በ15% እየቀነሰ ይሄድና እድሜያቸው 15 ዓመት ሲሞላ 99 በመቶ ህፃናት ከዚህ አይነቱ ችግር ሙሉ ለሙሉ ነፃ ይሆናሉ፡፡
::
ሆኖም አንድ ሕጻን 6 አመት እና ከዛ በላይ ሆኖ ሽንትን ለመቆጣጠር ካልቻለ ወላጆች ሐኪም መማከር አለባቸው፡፡ ሽንትን መቆጠጠር ያለመቻል ችግር በወላጆች ወይም አሳዳጊዎች ላይ ከሚፈጥረው ስነ-ልቦናዊና ማሕበራዊ ተፅዕኖ ይልቅ በልጆች ላይ የሚፈጥረዉ ስነ ልቦናዊ ተፅዕኖ እጅግ የበረታ ነው፡፡
ወላጆች ሊያወቁት የሚገባ ጉዳይ ቢኖር ልጆች ሆነ ብለው አሰበውና አቅደው ወይም በእነርሱ ግድ የለሽነትና ሥንፍና የሚመጣ ችግር እንዳልሆነ ልረዱ ይገባል፡፡ ስለዚህ እንዲህ አይነት ቺግር ያለባቸውን ህፃናት ማሸማቀቅ ማናደድ እንዲሁም በሰዉ ፊት ʺለሊት አልጋ ላይ ሸንቷል!ʺ ብሎ ማሳፈር በፍፁም ተገቢ አይደለም፡፡

ሽንትን ሌሊት ያለመቆጣጠር ችግር መንስኤው ምንድነው? ምክንያቱ ብዙ ቢሆንም ዋና ዋናዎቹ የምከተሉት ናቸው
═════════════════
1. ትልቅ የሆነ እንቅልፍ እና የሽንት ፊኛ ከመጠን በላይ ሲወጠር መንቃት አለመቻል
2. የጉሮሮ መጥበብ እና ትንፋሽ መቆራረጥ እና ማንኮራፋት (obstructive sleep apnea)
3. በቤተሰብ ተመሳሳይ ችግር ካለ(በተለይ እናት እና አባት ላይ በ ልጅነታ ቸው አጋጥሞቸው ከሆነ)
4. የሆርሞን መዛባት በተለይ የቫሶፕሬሲን (ADH) የሚባለው ሆርምን ማታ ላይ በአግባቡ የማይመረት ከሆነ
5. የሽንት ፊኛ ተገቢውን የሽንት መጠን መያዝ ወይም መሸከም አለመቻል(በነርቭ ቺግር ወይም የአፈጣጠር ችግር ምክንያት)
6. የአይምሮ ጭንቀት
7. አስቸጋሪና አሰቃቂ ሁኔታ ውስጥ ማለፍ እና ያን ተከትሎ ከፍተኛ ድንጋጤ እና ፍርሃት
8. አሰቃቂ አካላዊ ድብደባና ቅጣት
ወሲባዊ ጥቃት/የአስገድዶ መደፈር በተለይ ሴት ታዳጊዎች ላይ
10. የነርቭ ዘንግ(spinal cord) ችግሮች(spina bifida)
11. ከፍተኛ የሺንት መጠን ማምረት - polyuria (በስኳር ፣ በኩላሊት ችግሮች ወይም በሌሎች ምክንያቶች)
12. ረጅም ጊዜ የቆየ ሆድ ድርቀት
13. የሽንት ቧንቧ ኢንፌክሽን ሊሆኑ ይችላሉ፡፡

═════════════════
ዶ/ር ፋሲል መንበረ (በቅዱስ ጳውሎስ ሆስፒታል ሚሊኒየም ሕክምና ኮሌጅ የሕፃናት ስፔሻሊስት እና ረዳት ፕሮፌሰር)
═════════════════
Via:- SPMMC.
═════════════════
https://t.me/ethiomedhealth

ስለ ሴት ልጅ መካንነት ማወቅ ያለብን ነጥቦች።
═════════════════
≈≈≈≈≈≈≈≈ ክፍል ①≈≈≈≈≈≈≈≈≈≈≈≈
🔹እርግዝና አልከሰት ብሎሻል?
እነዚህን 20 ነጥቦች አስተውይ?
═════════════════
1. የወር አበባዬ በሰአቱ ይመጣል ወይ? ( ቀኑን ጠብቆ፣ መጠኑን ጠብቆ፣ ከመጣ 3- 5 ቀን የሚቆይ)
═════════════════
2. መከላከያ ተጠቅሜ አውቃለሁ ወይ? የትኛውን ነው? መቼ ነው ያቆምኩት?
═════════════════
3. በቂ እና ጊዜውን የጠበቀ ግንኙነት አለኝ ወይ?
═════════════════
4. እድሜዬ ከ40 በላይ ነው ወይ?
═════════════════
5. ከዚህ በፊት ከማህፀን የሚወጣ ሽታ ያለው ያልታከምኩት ፈሳሽ አለ ወይ ?ወይንም የማህፀን ኢንፌክሽን ተብዬ ታክሜ አውቃለሁ ወይ?
═════════════════
6. ከዚህ በፊት በሀኪም የተነገረኝ የማህፀን እጢ አለ ወይ?
═════════════════
7. በማህፀን አካባቢ እና ሽንጤ አካባቢ ለብዙ ጊዜ የቆየ ህመም አለኝ ወይ ወይንም ደግሞ በግንኙነት ጊዜ ከባድ ህመም አለኝ ወይ?
═════════════════
8. ከዚህ በፊት በተደጋጋሚ ውርጃ አጋጥሞኝ ያውቃል ወይ?
═════════════════
9. ከጡቶቼ የሚፈስ ወተት የመሰለ ፈሳሽ አለ ወይ?
═════════════════
10. በጣም መሞቅ(ሙቀት ባልሆነ ጊዜ)፣ ቶሎ ባልተለመደ እና በማያበሳጭ ነገር መነጫነጭ ፣ እና አንገት ላይ የወጣ እንቅርት አለ ወይ?
═════════════════
11. ከዚህ በፊት ካንሰር ተብዬ በመድሀኒት ወይም በጨረር ታክሜ አውቃለሁ ወይ?
═════════════════
12. ከመጠን ያለፈ በሰውነት ላይ የሚወጣ ብጉር ፣ የፀጉር መሳሳት ከፍተኛ የሆነ መነቃቀል ወይም መመለጥ እና በሰውነቴ ላይ መብቀል በሌለበት ቦታ ፀጉር መብቀል አለ ወይ( የወንድ ፂም ማብቀያ ቦታ ላይ፣ በደረት ላይ እና በላይኛው የጀርባዬ ክፍል ላይ)?
═════════════════
13. ከዚህ በፊት ኦፕራሲዬን (operation) ለሆድ ችግር ወይም ለማህፀንና ፅንስ ጉዳይ አድርጌ አውቃለሁ ወይ?
═════════════════
14. ከዚህ በፊት ለውርጃም ይሁን ለከፍተኛ የደም መፍሰስ ሀኪም ቤት ገብቼ በመሳሪያ ማህፀኔ ተጠርጎልኝ ያውቃል ወይ?
═════════════════
15. አመጋገቤ እንዴት ነው? በጣም ከመጠን ያለፈ ኪሎ መቀነስ ወይም መጨመር አለኝ ወይ?
═════════════════
16. ከባለቤቴ ጋር በግንኙነት ወቅት ችግር ወይም አለመጣጣም አለ ወይ(ባንቺም ይሁን በእርሱ በኩል)?
═════════════════
17. በሀኪም የተነገረኝ በማህፀን አካባቢ ያለ የአፈጣጠር ችግር አለ ወይ?
═════════════════
18. በሙያዬ(በስራዬ) በስፖርት ላይ የተሰማራሁ እና ከባድ እንቅስቃሴ የማደርግ አትሌት ነኝ ወይ?
═════════════════
19. ደባል ሱሶች ያሉብኝ በተለይ ደግሞ ሲጋራ የማጨስ፣ አልኮል ከመጠን በላይ መጠጣት፣ እና አደንዛዥ እፅ ተጠቃሚ ሰው ነኝ ወይ?
═════════════════
20. በህይወቴ ውስጥ በስራም ጉዳይ ይሁን በቤት ውስጥ የኑሮ አለመመቻቸትና ከፍተኛ ጭንቀት አለብኝ ወይ?
═════════════════
▫️ ስለዚህ ከላይ ከተጠቀሱት ነጥቦች ውስጥ አንቺን የሚመለከትሽ ካለ እና እርግዝና አልከሰት ካለሽ :- የማህፀን ሀኪምሽ በማማከር ተገቢውን ምርመራ ማድረግ ይኖርብሻል።

▪️ የደም ፣ የአልትራሳውንድ (Ultrasound)፣ የማህፀን ራጅ (HSG) እና ለእርግዝና እና ለወር አበባ የሚጠቅሙ የሰውነት ንጥረ ፈሳሽ መጠን(Hormone level) ምርመራ በየደረጃው ይደረጋሉ።

በነኚህ ከላይ በተጠቀሱት ምርመራዎች ላይ ችግር ካለ በየችግሩ መጠንና ሁኔታ የተለያዩ ህክምናዎች( ከመድሀኒት እስከ ቀዶ ጥገና) የተለያዩ ዘመኑ ባመጣቸው ቴክኖሎጂዎች በመታገዘ ህክምናው ሊደረግ ይችላል።

═════════════════
ዶ/ር ዳዊት መስፍን፤ የማህፀንና ፅንስ ስኜሻሊስት
═════════════════

እንቅልፍ ከመተኛትዎ በፊት ማድረግ የሌለብዎን ያውቃሉ?


▫️ የአካል ብቃት እንቅስቃሴ

የአካል ብቃት እቅስቃሴ ማድረግ ለጤናማ ሕይወት መሰረትና ለጥሩ እና ሰላማዊ እንቅልፍዎ ተመራጭ መፍትሔ ነው፡፡ ነገር ግን እንቅልፍ ከመተኛትዎ በፊት በ3 ሰዓታት ውስጥ የሚሰሩ ከሆነ የሰውነት ሙቀት መጠንዎ ስለሚጨምር እና በቶሎ ለመቀዝቀዝ ጊዜን ስለሚፈጅ ለመተኛት ይቸገራሉ፡፡ ስለዚህም አካል ብቃት እንቅስቃሴ በጠዋት ቢሰሩ ይመከራል፡፡

▫️ቴሌቪዢን ወይንም ኢንተርኔት መጠቀም

ጥናቶች እንደሚያሳዩት ከሆነ ከነዚህ ቁሳቁሶች የሚመጣ ከፍተኛ ብርሃን ሰውነታችን እንቅልፍ እንድንተኛ የሚረዳን ሆርሞን (ሜላቶኒን) እንዳይመነጭ ስለሚያደርግ እንቅልፍ ከመተኛትዎ ከአንድ ሰዓት በፊት ቴሌቪዢንዎን/ኮምፒተርዎን/ማጥፋት አይዘንጉ፡፡

▫️የሙቅ ሻወር መውሰድ /በሙቅ ውሃ ገላን መታጠብ

እንደ አካል ብቃት እንቅስቃሴ ሁሉ የሙቅ ሻወር መውሰድ ጥሩ እንቅልፍ እንዲተኙ የሚረዳ ሲሆን ለእንቅልፍ ችግር የሚሆነው ግን ከመተኛትዎ እጅግ ቀርቦ ሲተገብሩት ነው፡፡ የሰውነት ሙቀት እጅግ ከጨመረ ለመተኛት ሰለሚቸገሩ ሰውነትዎ እስኪቀዘቅዝ ጊዜ ይስጡ፡፡

▫️ብዙ ፈሳሽ መውሰድ

ካፌን ያላቸውና አልኮል መጠጦችን መውሰድ ሰላማዊ ቅንቅልፍ እንዳይወስድን የሚዳርጉ ሲሆን፣ ከዚህ በተጨማሪ ማንኛውንም ዓይነት ፈሳሽ ከአንድ ወይንም ሁለት ሰዓታት በፊት መውሰድ የውሃ ሽንት ለማስወገድ ከአንዴ በላይ እንዲነሱ ስለሚያደርግ አይመከርም፡፡ይህ ሲባል ግን እየጠማዎት ይተኙ ማለትም አይደለም፡፡ ምክንያቱም ውሃን ለመጠጣት መነሳትዎ አይቀርምና ስለዚህ ቀደም ብለው ተጥተው እና የውሃ ሽንት አስወግደው ሰላማዊ እንቅልፍ መተኛት ይችላሉ፡፡

▫️ ሥራ መስራት

በተቻለ መጠን ሥራዎን በጊዜ ለማጠናቀቅ ይሞክሩ ምክንያቱም ሥራን ዘግይቶ/አምሽቶ መስራት አንጎልዎን የማነቃቃትና ላልተፈለገ ጭንቀትም ሊዳርግዎ ስለሚችል ነው፡፡

ልብ አንጠልጣይ የሆኑ ልብ ወለድ መጻሕፍትን ማንበብ

አብዛኛውን ጊዜ አጓጊ እና ልብ አንጠልጣይ ልብ ወለዶችን ማንበብ እንቅልፍ ከመተኛት ሊያግዱን ይችላሉ ወይንም ከለመድነው ሰዓት እጅግ እንድንዘገይ ያደርጋሉ ይህም ሰውነታችን የሚገባውን የዕረፍት መጠን ስለሚሻ እንቅልፍ ሳንጨርስ መነሳት ለተቀረው ቀን የሚኖረንን ውጤታማነት በእጅጉ ይቀንሳል፡፡

▫️ከጥጋብ በላይ መመገብ እና ጨዋማ ምግቦችን መውሰድ

ከጥጋብ በላይ መመገብ እንዲጨነቁና እንቅልፍ በቶሎ እንዳይወስድዎ ስለሚያደርግ እራት ሲመገቡ በልኩ ቢሆን ይመከራል፡፡ጨው የበዛባቸው ምግቦችን በአራት ሰዓት መመገብ ሌሊት በውሃ ጥማት ስለሚቀሰቅስዎ እንዲመገቡ አይመከርም፡፡

▫️ ከህይወት አጋርዎ/ከቤተሰብዎ ጋር መጋጨት

እንቅልፍ ለመተኛት ቢያስቡ አዕምሮዎን ነጻ አድርገው መሆን ይኖርብዎታል፡፡ ጥናቶች እንደሚያመለክቱት ከጥል ወይንም ከአስደንጋጭ አጋጣሚ በኋላ ወዲያውኑ ለመተኛት እጅግ እንደምንቸገር ነው፡፡ ስለዚህ የሚፈታ ችግርም ካለ በጊዜ ተነጋግሮ ችግሩን መፍታት ለሰላማዊ እንቅልፍ ወሳኝ ነው፡፡

እብክዎ ለወዳጅዎ ያካፍሉ!!

Via በዶ/ር ሆነሊያት ኤፍሬም
ጤና ይስጥልኝ

Vacancy Announcement:-
≈≈≈≈≈≈≈≈≈≈ ≈≈≈≈≈≈≈≈≈≈
Organization: Ministry of Defense, Health Main Department

🔰No of positions: 55
≈≈≈≈≈≈≈≈≈≈
✅Minimum Experience: 0 year

Professionals needed:-
≈≈≈≈≈≈≈≈≈≈≈≈≈≈≈≈≈≈≈≈
▫️4 Medical doctor ( General Practitioner)

▫️2 BSc in Radiology Technology

▫️ 2 BSc in Anesthesiology

▫️8 BSc in Physiotherapy

▫️ 3 BSc in Pharmacy

▫️3 BSc in Medical Laboratory

▫️ 29 BSc in Nursing

▫️2 BSc in Public_health

▫️ 2 BSc in Dental Science


https://bit.ly/3at4Nb7

https://fb.watch/dj5hOqRWwB/

ለሕክምና ትምህርትፈላጊዎች በሙሉ፡
ምዝገባው በኦንላይን ብቻ ነው የሚካሄደው፡፡ ስለዚህ የምዝገባው ማስፈንጠሪያ ከዚህ በታች የተመለከተው ነው፡፡
መልካም ዕድል!
https://sphmmc.edu.et/

.....................................................
====ማረጥ (MENOPAUSE )===
.....................................................
ማረጥ ( Menopause ) የሚከሰተው በሰውነት ውስጥ ያለ Estrogen የሚባል ሆርሞን መጠን መቀነስ ሲሆን አብዝኛውን ጊዜ የሚከሰተው ከ 45-50 ዓመት እድሜ ክልል ውስጥ ያሉ ሴቶች ላይ ነው::

ይህ በድንገት የሚመጣ ሳይሆን ከብዙ ዓመት የወር አበባ መዛባት በኃላ የሚከሰት ነው ይህንንም ጊዜ ቅድመ ማረጥ ( Premenopause ) እንለዋለን::
.....................................................
አንዲት ሴት የmenopause ጊዜ ላይ ነች የምንለው ለተከታታይ 12 ወራት የወር አበባ ሳታይ ስትቀር ነው::
.....................................................
የ Menopause ምልክቶች
.....................................................
- ከፍተኛ ሙቀት (Hot flash)
- በለሊት ጊዜ በላብ መጠመቅ (Night sweat)
- የእንቅልፍ መዛባት ( Sleep problems )
- የብልት አካባቢ መድረቅ (Vaginal dryness)
- የባህርይ መለወጥ; ድብርት( Depression)
- የድካም ስሜት መኖር
- የሀሳብ መበተን ወይም ትኩረትን የመሰብሰብ ችግር

.....................................................
ወደ ህክምና ተቋም መቼ መሄድ ያስፈልጋል?
.....................................................
ማረጥ (Menopause) የተፈጥሮ ዑደት ስለሆነ ሁሉም ሴቶች ህክምና አያስፈልጋቸውም::
.....................................................
በማረጥ ጊዜ የሚኖሩ ምልክቶችን በቤት ውስጥ እንዴት መቀነስ ይቻላል?
.....................................................
- ከፍተኛ ሙቀት ሲኖር ቀለል ያለ ልብስ መልበስ ; ትኩስ ነገር አለመጠጣት ; ቀዝቀዝ ያለ ፎጣ አንገት ላይ ማድረግ እና ሲጋራ የሚያጨሱ ከመሆነ ማቆም ይመከራል
- እንቅልፍን ሊከለክሉ የሚችሉ በውስጣቸው አነቃቂ ( Caffeine) የያዙ መጠጦችን መቀነስ
- ግንኙነት ከማድረግ በፊት የብልት ማለስለሻ ክሬም ወይም ጄል መጠቀም
- ከቤተሰብና ከጏደኛ ጋር መዋል ወይም የአካል ብቃት እንቅስቃሴ በማዘውተር ከድብርት እራስን ለመከላከል መሞከር
.....................................................
እነዚህን መንገዶች በመጠቀም ምልክቶች የማይቀሱ ከሆነና የዕለት ተዕለት ኑሮ ላይ ተፅዕኖ ማሳደር ከጀመሩ የህክምና ባለሙያዎችን ማማከር ያስፈልጋል::

💁‍♀ እንዲት ሴት ከ40 ዓመት በፊት የወር አበባ ማየት ካቆመች ጊዜውን ያልጠበቀ ቅድመ ማረጥ ወይንም በህክምና አጠራሩ Premature Menopause ይባላል:: በዚህም ጊዜ ወደ ጤና ተቋም በመሄድ ምርመራ ማድረግ ተገቢ ነው::

በዶክተር ኢየሩሳሌም ጌቱ

መልካም ጤንነት
----------------------------
@ethiomedhealth

በአንድ አካባቢ የሚኖሩ አንበሶች እና ጎሾች ነበሩ፡፡
አንበሶቹ ጎሾቹን ለምግብነት ይጠቀቸው ነበር፡፡የአንበሶች መኖር ደግሞ የጎሾቹ ቁጥር ከሚገባው በላይ አልፎ ጎሾች የሚመገቡት ምግብ አልቆ አደጋ ላይ እንዳይወድቁ የሚጨወተው ሚና ነበረው፡፡
እንደዚ በሚገርም መናበብ በመኖራቸው የተነሳ በመሀከላቸው መግባት ያልቻለው አያ ጅቦ ሁል ጊዜም ይብሰለሰል እና እንዴት አድርጎ መሀከላቸው እንደሚገባ ያስብ ነበር፡፡

ከለታት አንድ ቀን አያ ጅቦ አንበሳና ጎሽን ማጣላት መሀከላቸው ለመግባት ጥሩ ዘዴ ሊሆን እንደሚችል በመገመት ለመሞከር ተነሳ፡፡

በዚህም ተደብቆ እየጠበቀ አንበሳ ከገደለ በኋላ አንበሶች በጎሾች ተገደሉ የሚል ወሬ ያናፍሳል፡፡

ይህን የሰሙ አንበሶች ጎሾች ላይ ከፍተኛ ጥቃት ይሰነዝራሉ፡፡አያ ጅቦም ይቺን ወሬ ይዞ ጎሾች በብዛት ተሰብስበው ወደሚኖሩበት አካባቢ በመሄድ አንበሶች በጎሾች ላይ የዘር ማጥፋት እንደፈጸሙ ይናገራል፡፡

በዚ ነገር የተበሳጩ ጎሾች በተራቸው ጉዳዩ ውስጥ የሌሉ አብረዋቸው የሚኖሩ አንበሶች ላይ ጥቃት አደረሱ፡፡ይህ ችግር እየተባባሰ ሲመጣ አንበሶች አንበሳ ወደበዛበት ቦታ ሲሰደዱ ጎሾችም የጎሾች መንደር ዘለቁ፡፡

በዚህም የአንበሶቹ መንደር በሳር ተወረረ ልምላሜው ጨመረ ነገር ግን ለአንበሶቹ የሚሆን ምግብ አልነበረም እንዲሁ የጎሾች መንደር ተክል አልባ ሆነ፡፡በዚህም ከሁለቱም ወገን ብዙ ነፍስ እረገፈ፡፡

አያ ጆቦም የሞቱትን አንበሶች እና ጎሾች እያማረጠ ይመገብ ጀመረ፡፡ሁሌም መብላት ሊጀምር ሲል ለሙታኖቹ እንዲ ይላቸዋል
የሞታችሁት ዛሬ አይደለም የሞታችሁት ማንን ማመን እንዳለባችሁ ያላወቃችሁ ጊዜ ነው፡፡

የሞታችሁት አርቆ ማሰብ ያቃታችሁ ጊዜ ነው፡፡
እናስብ እርስ በእርስ በመባለት ማንም አሸናፊ አይሆንም ብቸኛው አሸናፊ አያ ጆቦ ብቻ ነው።

የጤና መረጃ

የማህፀን ኢንፌክሽን
(ፐልቪክ ኢንፍላማቶሪ ዲዚስ PID)
======================
የማህፀን ኢንፌክሽን (ፐልቪክ ኢንፍላማቶሪ ዲዚስ PID) እንዴት ይከሰታል?
.....................................................
በሴት መራቢያ አካል ላይ የሚደርስ ኢንፌክሽን ሲሆን በወሲብ ወቅት የሚተላለፍ ባክቴሪያ ወደ ማህፀን ፤ የማህፀን ቱቦ እና የማህፀን በር ውስጥ ሲገባ ነው ኢንፌክሽኑ የሚይዘን፡፡ ኢንፌክሽኑ መጀመሪያ በሴት ብልት ውስጥ ይፈጠር እና በቆይታ ወደ ማህፀን ይስፋፋል፡፡

የማህፀን ኢንፌክሽን የሚያመጡ ባክቴሪያዎች ብዙ አይነት ቢሆኑም በተለይ ግን ጨብጥ እና ክላይሚዲያ የሚያመጡ ባክቴሪያዎች በዋናነት ይጠቀሳሉ፡፡ ጨብጥ እና ክላይሚዲያ በግብር ስጋ ግንኙነት ወቅት የሚተላለፉ የአባላዘር በሽታዎች ናቸው፡፡
.....................................................
ለማህፀን ኢንፌክሽን የሚያጋልጡን ነገሮች ምንምን ናቸው?
.....................................................
 ከ25 አመት በታች ሆኖ ወሲብ ማድረግ
 ከአንድ በላይ ወንድ ጋር (ከተለያዩ ወንዶች ጋር) የግብር ስጋ ግንኙነት ማድረግ
 ኮንዶም አለመጠቀም
 ለመታጠብ ሸተፍ መጠቀም (በሀይል ውሃ የሚረጭ የቧንቧ አይነት ነው)
 ከዚህ በፊት የማህፀን ኢንፌክሽን ከያዝን ተመልሰን የመያዝ እድላችን ከፍ ይላል፡፡

የማህፀን ኢንፌክሸን ምልክቶች ምን ምን ናቸው?
.....................................................
አንዳንድ ሴቶች የማህፀን ኢንፌክሽን ቢይዛቸውም ምንም ምልክት ሳያዩ ወይም ህመም ሳይሰማቸው ሊኖሩ ይችላሉ፡፡

የማህፀን ኢንፌክሽን እንዳለባቸው ለማርገዝ ሲቸገሩ ወይም በጣም አሳሳቢ የሆነ የወገብ ህመም ሲያጋጥማቸው ሊታወቅ ይችላል፡፡

አንዳንድ ሴቶች ደግሞ የተለያዩ የህመም ምልክቶች ሊያጋጥማቸው ይችላል፡፡
.....................................................
1. የማህፀን እና የወገብ ህመም
2. በወሲብ ጊዜ የሚያጋጥም ህመም
3. ከብልት የሚወጣ ፈሳሽ (ሽታ ያለው)
4. ሽንት በሚሸናበት ጊዜ የሚያጋጥም ህመም
5. ትኩሳት ወይም ብርድ ብርድ ማለት
6. ድካም፤ ማቅለሽለሽ፤ ማስመለስ
7. በወር አበባ ጊዜ የሚመጣ ህመም መጨመር

የማህፀን ኢንፌክሸን ህክምና
.....................................................
አንዲት ሴት የማህፀን ኢንፌክሽን እንደያዛት የሚታወቀው ወደ ሃኪም ጋር ሄዳ አስፈላጊ የሆኑ ምርመራዎች ከተደረጉላት በኋላ ነው፡፡

ከነዚህ ምርመራዎች መካከል የሽንት/የደም ምርመራ፤ የማህፀን ምርመራ ወይም አልትራሳውንድ ናቸው፡፡

ከምርመራዎቹ በኋላ ሃኪሙ አስፈላጊ የሆኑ ፀረ- ባክቴሪያ መድሃኒቶችን ያዛል፡፡

የሚታዘዝልንን መድሃኒት በትክክል እና በሰአቱ ካልወሰድን በስተቀር የማህፀን ኢንፌክሽን አይድንም፡፡ በተቻለ አቅም የፍቅር ጓደኛሽ አብሮሽ ቢታከም ይመረጣል፡፡
እንዲሁም መድሃኒቱን በትክክል ከወሰዳችሁ በኋላ እንደገና ተመርምራችሁ ነፃ መሆናችሁ እስኪታወቅ ድረስ ወሲብ እንዳታረጉ ይመከራል፡፡

የማህፀን ኢንፌክሸን የሚያመጣቸው ችግሮች ምን ምን ናቸው?
.....................................................
የማህፀን ኢንፌክሽን ሳይታከም በሰውነታችን ውስጥ ከቆየ የተለያዩ እክሎችን በጤናችን ላይ ያስከትላል፡፡
1. ለረጅም ጊዜ የሚቆይ እና ሃይለኛ የማህፀን እና የወገብ ህመም
2. ከማህፀን ውጪ የሚፈጠር እርግዝና
3. ለማርገዝ መቸገር (መውለድ አለመቻል)
4. በማህፀን ቱቦ እና በእንቁላል ማምረቻ ላይ የሚፈጠር እባጭ

የማህፀን ኢንፌክሸን እንዳይዘን ምን ማድረግ አለብን?
• በወሲብ ወቅት ሁል ጊዜ ኮንዶም መጠቀም
• ለመታጠብ ሸተፍ አለመጠቀም
• የአባላዘር በሽታዎች እንዳይዙን መጠንቀቅ እና በየጊዜው መመርመር

በምንፀዳዳበት ጊዜ ከፊት ወደ ኋላ መጥረግ፡፡ ይሄ ባክቴሪያ ወደ ሴት ብልት እንዳይገባ ይከላከላል፡፡

ለጤና የሚጠቅሙ ፅሁፎችን ለማንበብ ገፃችንን ሼር ያድረጉ. @ethiomedhealth

የጤና መረጃ

መልካም ጤንነት


.....................................................
ጤናማና ደስ የሚል ቀን. ይሁንላችሁ፡፡

የጉበት ስብ ክምችት በሽታ
≈≈≈≈≈≈≈≈≈≈≈≈≈≈≈≈≈
(Fatty Liver Diseases)
በዶ/ር ሃይለማሪም አወቀ
(የዉስጥ ደዌ ሕክምና ረዳት ፕሮፌሰር)

ትርጉም፡-
ከርዕሱ እንደሞንረዳው የሥብ ክምችት በጉበት ውስጥ ከመጠን በላይ ሲሆን የሚከሰት ነው፡፡ ይህም ችግር በጉበት የሚመረተው የሥብ (ቅባት) መጠንና የሚወገደው ቅባት መጠን አለመመጣጠን የሚያመጣው ችግር ነው፡፡

ችግሩ እንዴት ሊፈጠር ይችላል/የሚከተሉት ሊሆኑ ይችላል ተብሎ ይታሰባል፡- 

1. በጉበት ውስጥ ያሉ ህዋሳቶች የስብ አፀግብሮችን በትክክል ማካሄድ ሳይችሉ ሲቀሩ፣
2. ከመጠን በላይ ስብ ሲመረት ወይም ከመጠን በላይ ስብ ወደ ጉበት ሲገባ፣
3. የጉበት ህዋሳቶች የተመረተውን ስብ በትክክል ከጉበት እንዲወጣና ወደ ሌላ ህዋሳት ክፍል እንዲሸራሸር ማድረግ ሳይችሉ ሲቀሩ ነው፡፡

የችግሩ መነሻ ምክንያቶች
1. ከ60 ግራም መጠን በላይ  አልኮል በቀን በመጠጣት፣
2. ሌሎች በሽታዎች እንደ ውፍረት(በተለይ የማዕከላዊ ሰውነት ውፍረት)፣ የስኳር በሽታ፣የምግብ እጥረት እና ሌሎች፤
3. ልዩ ልዩ መድሃኒቶች፣
4. በእርግዝናም ሊፈጠር ይችላል፣

ሆኖም ግን የችግሩ መነሻ በአብዛኛው የአልኮል መጠጥ ነው፡፡

የበሽታው ምልክቶች
ድካም፣የምግብ ፍላጎት መቀነስ፣የሆድ ህመምና የዓይን ቢጫ መሆን፤
የችግሩ መጠን ከፍ እያለ ሲሄድ ደግሞ የሆድ እብጠት እና የእግር እብጠት ያመጣል፤
የጉበት እብጠት ሊከሰት ይችላል፤
ከፍ ሲልም በአፍ ደም መምጣት (የጨጓራ መድማት)፤
ህሌናን መሳት ሊያስከትል ይችላል፡፡

የጉበት ምርመራ
ደም ከጉበት ናሙና በመውሰድ እና በልዩ ልዩ ምስል ምርመራዎች ይካሄዳል፡፡

የህክምና አይነቶች፡-
-   መጠጥ ማቆም ወይም የችግሩን ምንጭ ማቆም ወይም መቀነስ፣
-   ክብደት መቀነስ ከ10% ያላነሰ፣
- የተመጣጠን እንቅስቃሴ ማድረግ፣
- አመጋገብን ማስተካከል፣
-  ፍቱን የተባለ መድሃኒት ባይኖረውም የስብ መቀነሻ መድሃኒቶችና የተለያዩ ንጥር ነገሮች ሊጠቅሙ ይችላሉ፡፡

የበሽታው ደረጃዎች
ይህ በሽታ የተለያዩ ደረጃዎች አሉት

እነዚህም ፡-
-  የስብ ክምችቶች ብቻ (Simple steatostais )፣
- ቁስለት ያለው የስብ ክምችት (Steatohepatitis)፣
- ከፍተኛ የሆነ የጉበት ጠባሳ (Cirrhosis)፣

የህመሙ የመጨረሻ ውጤት
· የመጀመሪያ ሁለቱ ደረጃዎች ሙሉ በሙሉ ወደ ነበረበት ጤናማ ጉበት ሊመለሱ ይችላሉ፤ ስለሆነም ሁሉም መንስኤዎች ቶሎ በማስወገድ እና የላይኞችን ምክሮች መተግበር ያስፈልጋል፡፡
· የመጨረሻው ደረጃ ግን ሙሉ በሙሉ ሊመለስ የሚችል አይደለም፤ መሻሻል ግን ይኖረዋል፡፡
· አንድ ጊዜ ከጠፋ በኋላ የመመለስ እድል ስለሚኖረው ከላይ የተዘረዘሩትን ምክንያቶች ሙሉ  በሙሉ ማስወገድ ይኖርብናል፡፡



Follow,like now and Invite your friends to our page
የጤና መረጃ #Health info

https://www.facebook.com/ethiomedhealth/

ጤና መረጃ
Stroke በተለምዶ "መጋኛ" የሚባለው በሽታ ሁለት አይነት ሊሆን ይችላል
፩; ወደ ጭንቅላት የሚሄድ ደም መቋረጥ ወይም
፪; ጥንቅላት ውስጥ ደም መፍሰስ

🏹 በምን ምክንያት ሊመጣ ይችላል?
፩; መቆጣጠር የምንችላቸው
√ የደም ግፊት
√ የስኳር ህመም
√ የልብ ህመም
√ የሰውነት የስብ መጠን መብዛት
√ ሲጋራ ማጨስ
√ አልኮል መጠጣት

፪; መቆጣጠረ የማንችላቸው
√ እድሜ"እርጅና"
√ በቤተሰብ የስትሮክ ታማሚ መኖር

✍ ምልክቶቹ ምንድን ናቸው?
√ ከፍተኛ የሆነ እራስ ምታት
√ ማስታወክ
√ የሰውነት አካላት መስነፍ
√ የፊት መጣመም
√ ሽንት አና ሰገራ መቆጣጠር አለመቻል
√ የንቃተ ህሊና መቀነስ
√ ማውራት አለመቻል ወይም መኮላተፍ

🏹 ስትሮክን እንዴት እንከላከላለን?
🚭 ሲጋራ ማጨስ ማቆም
🍺 የአልኮል መጠጥ መቀነስ
🛑 የደም ግፊትና ኮሌስትሮል መጠንን ማስተካከል
✅ ስኳር ህምን ባግባቡ መቆጣጠር
🏋🏾‍♀‍ ቦርጭና ክብደትን ማስተካከል
🍏 ጤናማ አመጋገብ
🏃🏾‍♂‍ በቀን ለ30ደቂቃ ያክል እስፖርታዊ እንቅስቃሴ ማድረግ

ምንጭ
ዶ/ር ካሳዬ ደመቀ ፤ የድንገተኛ እና ፅኑ ህክምና ስፔሻሊስት

Pharmacology & others medical updated books free pdf
✅USMLE 2021 Note 🗒
✅Video lecture
✅qbank book with explanation
.
.
.✅others whatever you needs

join 👇
Free Medical book

ብቃት ምዘና ፈተና ተፈታኞች በሙሉ
≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈
በህክምና፣ ነርሲንግ፣ ጤና መኮንን፣ ፋርማሲ፣ ሜዲካል ላብራቶሪ ቴክኖሎጂ፣ ሚድዋይፈሪ፣ አንስቴዥያ፣ ዴንታል ሜድስን እና ሜዲካል ራዲዮሎጂ ቴክኖሎጂ ሙያዎች ተመርቃችሁ
የጤና ሚኒስቴር የሚሰጠውን የብቃት ምዘና ፈተና ለመውሰድ የተመዘገባችሁ ጤና ባለሙያዎች ፈተናው የሚሰጠው ከታህሳስ 21-27/2014 ዓ.ም ድረስ መሆኑን አውቃችሁ አስፈላጊውን ዝግጅት እንድታደርጉ እያሳሰብን የፈተናውን ፕሮግራም በቅርብ የምናሳውቅ
መሆኑን እንገልፃለን።

Via: FMOH