تحديات ال14 يوم

حاسي تربية أولادك صعبة ومغلباك؟
قدر ما حاولت فيهم مافي فايدة؟
استسلمت خلاص؟
بتكورك فيهم كل يوم؟
جربت الدق ما نفع؟

دقيقة.... الحل عندنا
انضم لينا في منصة بناء التربوية
أول منصة سودانية 100% تهتم بتربية الأطفال والمراهقين بخبرات سودانية
من إعداد : الفريق التربوي بروضة ارتقاء القرآنية المطورة ، أم درمان - الواحة شرق مربع 5

حاتلقى في القناة :
▪️ فهم طبيعة مرحلة الطفولة ومرحلة المراهقة
▪️ خلاصة خبرات التربويين في التربية الإيجابية الحديثة
▪️ حلول عملية لمواجهة مشاكل الأطفال والمراهقين
▪️ دعم مستمر للآباء والأمهات لتطوير مهارات أطفالهم
▪️ مقالات وفيديوهات موثوقة من خبراء في مجال تربية الأطفال
▪️ مواضيع طبية مهمة
▪️ورش مجانية  وبث مباشر عن تربية الأطفال والمراهقين وطرق التعامل معاهم
▪️ استشارات نفسية واجتماعية وتربوية
شارك معانا رحلتك في تربية أطفالك عشان سودان المستقبل

رابط القناة :
https://t.me/BINAASD/53

#كلنا_معاك
#روضة_ارتقاء

فهرس محتويات قناة الشيخ محمد سيد حاج رحمه الله:

أولاً : السلاسل العلمية :

1- سلسلة أسماء الله الحسنى

2- سلسلة شرح كتاب التوحيد

3- سلسلة القدوات

4- سلسلة لطائف المعارف

5- سلسلة إشارات

6- سلسلة معالم الشخصية المسلمة

7- سلسلة المتهمين

8- سلسلة معالم الانطلاقة الكبرى عند أهل السنة والجماعة

9- سلسة إنفلونزا النفوس

10- سلسلة تزكية النفوس

11- سلسلة السيرة النبوية

12- سلسلة المعارك الإسلامية

13- سلسلة الدار الآخرة

14- سلسلة مدارج السالكين

15- سلسلة فقه الخلاف

16- سلسلة شرح كتاب العواصم من القواصم

17- سلسلة الإيمان حقيقته وأركانه ونواقضه

18- سلسلة هذا نبينا صلى الله عليه وسلم

19- سلسلة شرح عمدة الأحكام (كتاب الطهارة وكتاب الصلاة)

20- سلسلة شرح جزء من مختصر صحيح البخاري

21- سلسلة مقامات تربوية

22- سلسلة فقه الحج وأسراره

23- سلسلة رمضانيات [مقاطع رمضانية قصيرة]


ثانياً : المحاضرات والخطب
جميع محاضرات وخطب الشيخ تجدونها هنا [ 250 محاضرة وخطبة ]

ثالثاً : المقاطع القصيرة للواتساب
جميع المقاطع القصيرة للواتساب تجدونها هنا [أكثر من 500 مقطع صوتي]

رابط القناة: https://t.me/msayedhaj

600 حديث للحفظ (للأطفال)
• مرتبة من الأقصر إلى الأطول
• جميعها من الصحيحين أو أحدهما
• مقسمة إلى أربعة مستويات بالألوان
• منسقة داخل جداول لتسهل على العين قراءتها

البرنامج ده غير حياة آلاف الناس حرفيا

القافلة الموصلية الثانية فتحت
وهي عبارة عن برنامج قوي جدا للرقية الشرعية بشتغلوهو معاك ناس بإشراف الشيخ عبد الرحمن الموصلي
حاليا وصل عدد المشتركين 6 آلاف
حايقفلوا الانضمام للقناة بعد فترة

الناس تحصل تعمل انضمام

https://t.me/ALQAFILAH2024MSL?fbclid=IwAR3JWdSTzUZSXJv4A-H5Jrdhncqmpu9-UbqMvTg6r7ZhlByI8C8RJhMtWO4

#كبسولات_تربوية
20 طريقة تفرح بيها أولادك بالعيد
إعداد: الفريق التربوي بروضة ارتقاء القرآنية الخاصة _ أم درمان الواحة شرق

مهما كانت صعوبة الحالة اللي بتمر بيها بلدنا لازم نحسس أولادنا بالفرحة بيوم العيد وننقل ليهم شعور السعادة والبهجة ،،
هنا بعض الأفكار اللي بتساعدكم :

1- العيدية
مهما كانت بسيطة لكن ليها طعم خاص وفرحة قوية في قلوب أولادك

2- المشاركة في ترتيب المنزل
خلي ولدك أو بنتك يشاركو معاك في ترتيب البيت ونظافة الغرف وقش الحوش ، كدة بتديهم إحساس بأنهم شاركو وأنو الفرحة دي فرحتهم

3- أناقة المظهر
حاول بقدر الإمكان تشتري لأطفالك ملابس جديدة ، أو على الأقل يظهرو بملابس نظيفة قدر الاستطاعة ، الحكاية دي بتأثر كتير في إحساسهم بالأناقة والثقة بالنفس

4- طيب الرائحة
اشتري لطفلك عطر خاص بيهو ، خليهو يتعطر بيهو في يوم العيد

5- حضور صلاة العيد
كلنا عارفين أنو حضور الأسرة كلها لصلاة العيد بيغرس فيهم تعظيم شعائر الله وهو أول فرحة حقيقة ليهم في يوم العيد

6- المشاركة في تكبيرات العيد
خليهم يشاركوا في التكبير ، وعلق ليهم أنه أصواتهم جميلة وأنك بتحب تسمعها

7- تزيين غرفة الأطفال
ودي مهمة الأم والأخوات أكتر ، خليهم يشاركوا في تزيين الغرفة بالبالونات وشرايط الزينة المختلفة

8- رائحة الكعك
لو عاملين كعك أو خبيز ، خلي الولد يكون موجود في اللحظات الأولى اللي بطلع فيها الكعك ، خليهو يشم ريحة الكعك وأديهو كعكة أو اتنين يدخل بيها في جو العيد

9- تصميم كيس هدايا
دي من الأفكار الجميلة شديد ، اشتري أكياس كيلو ، وخت ليهم في أي كيس : (كلمات حب / شوكولاتة أو حلاوة / بالونات / مبلغ مالي)

10- شراء ألعاب جديدة
من أجمل اللحظات اللي بفرح بيها الولد لمن تسوقوا محل ألعاب وتخليهو يختار لعبته بنفسه ، حدد ليهو مبلغ معين وخلي ليهو الاختيار

11- تخصيص وقت كافي للأطفال فقط
فضي وقت كافي لأطفالك يوم العيد ، ما تنشغل عنهم بحاجة تانية ، وجودك معاهم ومشاركتك ليهم في الفرحة واللعب ليهو طعم خاص

12- عدم الصراخ على الطفل أو معاقبته يوم العيد
مهما كانت أخطاء طفلك يوم العيد ما تخرب فرحته بالصراخ أو الضرب مهما حصل ، هو يوم واحد خليهو يعدي بفرحة

13- الرسم على وجوه الأطفال
من الحاجات اللي بحبوها الأطفال جداً أنو يشوفو وجههم وهو مرسوم وملون ، حاول ترسم ليهم أو وديهم لزول بعرف يرسم

14- توزيع هدايا على أطفال الغير
خلي أولادك يتعلموا العطاء ، خليهم يوزعوا هدايا للجيران أو أولاد الأهل ، مثلاً حلويات / بسكويت / بالونات ...إلخ

15- اللعب مع أطفال الأقارب والجيران
أسمح ليهم يوم العيد يلعبوا مع أولاد الجيران أو الأهل في الشارع لأوقات أطول

16- عمل مسابقات للأطفال
ممكن تعمل ليهم مسابقات وألعاب ، نزل مسابقات من الإنترنت وقسم أولادك لفريقين وخلي الإجابات بجوائز

17- زيارة الأقارب
عود أطفالك يزوروا الأهل ويتعرفوا عليهم ، الزيارة حاتزيد علاقتهم بأهلهم وتدربهم على الونسة مع الناس

18- السلام على الأقارب من خلال رسالة واتساب صوتية
خلي أولادك يسجلوا رسائل واتساب صوتية بصوتهم ويرسلوها لأعمامهم وأخوالهم وأقاربهم اللي ما بقدروا يصلوهم


19- التسامح والعفو عن الناس
أشرح لأطفالك أهمية التسامح يوم العيد وأنك ما حاتحس بفرحة العيد لو قلبك شايل على زول

20- تصوير اللحظات الجميلة بكاميرا الجوال
في الأخير ما تنسى تصور اللحظات الجميلة دي بتلفونك ,, ما عشان تنشرها عبر الفيس والانستغرام ، لا ، عشان تخليها تفضل ليهم ذكريات حلوة يرجعوا ليها كل فترة ، وتترسخ في أذهانهم

نتمنى ليكم عيد سعيد
وكل عام وأنتم بخير

#روضة_ارتقاء_القرآنية_الخاصة
#أم_درمان_الواحة_شرق_مربع5
#معانا_طفلك_غير

كتاب: 1200 حديث للحفظ

جمعنا فيه أهم ما يحتاجه المسلم من الأحاديث في حياته اليومية
▪شاملة للعقيدة، وفقه العبادات والمعاملات، والزهد والرقائق، والأخلاق والآداب، والترغيب والترهيب، والأدعية والأذكار
▪صحيحة وحسنة وأكثرها في الصحيحين
▪مرتبة من الأقصر إلى الأطول ليسهل حفظها
▪مقسمة إلى ستة مستويات ملونة
▪مجدولة لتسهل على العين قراءتها

السلام عليكم يا ناس
صباحكم خير

الليلة تمرين بسيط
دايرك تكتب أكتر معصية إنت بتعملها ونفسك تتخلص منها قبل تموت
وأكتر طاعة نفسك تكون عملتها قبل ما تموت

والحاجة التانية نضفت الموبايل واللابتوب بتاعك

السلام عليكم صباح الخيرات
بخصوص حق الناس كدة مفترض لو شلت حاجة حتى لو قبل سنين تكون رجعتها او اتصلت بي صاحبها كلمتو يعفي ليك
ولو عليك دين أقل حاجة أكتبو في ورقة ووصي الناس اللي حواليك
وفي الغيبة تدعي للناس اللي اتكلمت فيهم ، وتمدحهم قدام الناس بالحاجة السمحة فيهم ، وتتصل عليهم تستسمح منهم لو ما حاتجيب مشكلة أكبر
وبعد ده كله لازم تكتر من الأعمال الصالحة زي قراءة القران لانو في ناس ماحايسامحوك وحايقتصو منك يوم القيامة ويشيلو من حسناتك