الفيزياء الطبية - م.فراس الفيتوري

@engferasphy

قناة خاصة بمادة الفيزياء لـ :
العلوم الطبية تمهيدي جامعة طرابلس
كلية التحدي طرابلس
كلية ابن نفيس طرابلس
جامعة الخمس
جامعة الزاوية
جامعة زليتن

الفيزياء الطبية - م.فراس الفيتوري (Arabic)

هل تبحث عن مصدر موثوق لتعلم الفيزياء الطبية؟ إذا كانت إجابتك نعم، فقناة "الفيزياء الطبية - م.فراس الفيتوري" هي المكان المناسب لك! هذه القناة مخصصة لطلاب العلوم الطبية التمهيدية (عامة وطبية)، وكذلك طلاب التقنية الطبية في جامعة طرابلس. ولا تقتصر المنافع على طلاب التقنية الطبية فقط، بل تشمل أيضًا طلاب كلية الصيدلة وكلية الطب البشري في جامعة طرابلس، بالإضافة إلى جامعة التحدي الصيدلة وكلية ابن نفيس في طرابلس، وجامعة الطب الخمس. سواء كنت تبحث عن شروحات وافية للمواد الدراسية أو تمارين تطبيقية عملية، فإن هذه القناة توفر لك كل ما تحتاجه لتعزيز معرفتك في مجال الفيزياء الطبية. المحتوى المقدم على القناة يتميز بالدقة والجودة، حيث يشرحه مدرس متميز مثل م. فراس الفيتوري. انضم إلى قناة "الفيزياء الطبية - م.فراس الفيتوري" اليوم لتحصل على تجربة تعليمية فريدة وقيمة تساعدك على تحقيق النجاح في دراستك وفهم مفاهيم الفيزياء الطبية بشكل أفضل.

الفيزياء الطبية - م.فراس الفيتوري

28 Jan, 00:43

#مراجعات_الانقاذ #فيزياء_عامة 💡
غداً بعون الله في مركز الثقة حيكون عندنا مراجعة تجهيزية لإمتحان الفاينل وعلي يومين وبالنسبة لتوقيت الثلاثاء حتكون علي توقيتين ⬇️
#البنات من 1:00 - 3:00 ⏱
#الشباب من 3:00 - 5:00 ⏱

357

الفيزياء الطبية - م.فراس الفيتوري

19 Jan, 19:18

وزي ما وعدناكم! 🤩⭐

التحديث الأخير نزل🥳🔥

"منصة ترانيم التعليمية-Traneem Platform"، توفرلك جميع أنواع الدورات التدريبية، وبطريقة سلسلة وسهلة التعامل معها(إنشاء حساب + انضمام + اشراء الدورات التدريبية).

لو كان نازل عندك دير تحديث، ولو مش عندك #نزل التطبيق! 🫡🌟

مع تـرانيم، فورم وأنتَ مرتاح. 👀💪🏻

Ios
https://apps.apple.com/us/app/%D8%AA%D8%B1%D8%A7%D9%86%D9%8A%D9%85-%D8%A7%D9%84%D8%B9%D9%84%D9%85/id6670443864

أندرويد
https://play.google.com/store/apps/details?id=ly.traneem.app&hl=ar

1,255

الفيزياء الطبية - م.فراس الفيتوري

19 Jan, 18:49

#جامعة_طرابلس
#علوم_الطبية
جدول الامتحانات النهائية لطلبة العلوم الطبية (دفعة 2006) و (دفعة 2005)
__________________________________
دفعة 2005 تكميلي فصل الثاني "الفيزياء الطبية" الاستفتاحية علي خير يوم السبت✌🏻

اقرا المنصة كويس ومحتواها بالتفصيل وحنزل فيها حل اسئلة الامتحانات الفاينل الي فاتت 🫡

1,299

الفيزياء الطبية - م.فراس الفيتوري

15 Jan, 16:05

دعائي لجميع طلبتنا 🤲🏻🤍🕋

1,647

الفيزياء الطبية - م.فراس الفيتوري

10 Jan, 08:57

وفي يوم الجمعة 🤍 🕋
اللهم أغمرنا بجبرك ولطفك، ولا توقف الحياة
عند أول ابتلاء، وأسكب على قلوبنا من رحمتك
وسكينتك، وأجعلنا أهدأ بالً وأريح حالًا وأسعد
حياةً، ولا تجعل بيننا وبين أحلامنا سدًا ولا مانع 🤲🏻

2,702

الفيزياء الطبية - م.فراس الفيتوري

09 Jan, 21:50

مايحسابش انه دفعة 2005 بعد ماكملو زوز فيزيات لوحو الشيتات وعطوهم صدقة ولي حرقهم وطيب بيهم في زردة وحتي من دماغاتهم صفروهم علي شوي ناقص بيديرو نوبة بعد تفاصيتهم

تي هوا انا بروحي الHeat capacity نسيتها ياخمسي سامحني مش حننقذك

2,009

الفيزياء الطبية - م.فراس الفيتوري

06 Jan, 23:03

لما تقعمز وتقول أهو بنبدا نقرأ خلاص وتدير روحك تقرأ بصوت عالي علي أساس حتذكر لي قريته في الفيزياء وتبي دماغك يفيق :

2,273

الفيزياء الطبية - م.فراس الفيتوري

06 Jan, 19:59

#دفعة_2005
دكاترتنا لي خشيتو بشري 👀

ماتجيش تخلُّونا في الراجل يعيط هكي استرونا الله يستركم 🤣 وموفقين في البايو دكاترتنا 🤲🏻

2,399

الفيزياء الطبية - م.فراس الفيتوري

05 Jan, 14:52

من ضجيج الحياة إلى هدوء الروح 🕌🤍
#المدينة_المنورة #المسجد_النبوي

2,206

الفيزياء الطبية - م.فراس الفيتوري

02 Jan, 01:02

#تمهيدي_علوم_طبية
#جامعة_المرقب
#الخمس ✅
تم فتح الاشتراك لجزئية النهائي لمادة الفيزياء علي منصة ترانيم العلم 🖥

2,737

الفيزياء الطبية - م.فراس الفيتوري

31 Dec, 20:04

#فيزياء_عامة_الزاوية
تم اضافة حل أسئلة امتحانات سابقة في المنصة 📥

3,206

الفيزياء الطبية - م.فراس الفيتوري

29 Dec, 20:17

#تكميلي_دفعة_2005
#فيزياء_طبية 🎯
تم فتح التسجيل في المنصة لجزئية الفاينل لي تشمل جزئية الفيزياء النووية بالكامل ✌🏻

توكل علي ربي فيها المادة من توا لانه جزئية النووية دسمة ومحتاجة وقت وجزئية هادي تبي فهم وحفظ اثنين في واحد 👌🏻

ماتخليش قرايتها للأخير واعطيها حقها باش تعطيك حقك يوم الامتحان وتصفيها بمعدل باذن الله وموفقين ❤️

3,314

الفيزياء الطبية - م.فراس الفيتوري

27 Dec, 01:25

طلبة البشري دفعة 2005 لي تقرو في البايو 👀

بالله ماتحشموناش مع الخمسي
يقولكم الخلية تقاس السايز متاعها بـ 10ميكرومتر ماحد يقوله قداش الميكرومتر الله يربحكم 🤣🤣

وهادي صورة لقيتها في النت نغششكم بيها 😎

3,163

الفيزياء الطبية - م.فراس الفيتوري

23 Dec, 21:36

وتظن نفسك من اخترته ولكن هوا من اختارك، فالطب يختار الأبطال 👌🏻

3,909

الفيزياء الطبية - م.فراس الفيتوري

18 Dec, 20:08

دفعة 2005 بعد ما كملت الرحلة معاي في سنة كاملة في مادتين جي الدور أنه نتكلم علي شخص معين حنسلمله الرأية من بعدي
من الناس لي حتعيش معاه تجربة عملية حيوية لمدة طويلة وبدون ماتمل وحتلقي روحك واصلتلك المعلومة بطريقة أسهل من ماكنت متوقع
بالذات أنه المواد هادي مهمة جداً في مسيرة الطب البشري وزي مايعرف عنها #بايووووكيمستري ومش وحدة ولا زوز أربعة4️⃣
وهني نتكلم علي صديقي القامة الدكتور محمد الخمسي نسأل الله أن يوفقه وإياكم في رحلتكم القادمة 🤲🏻

هادي قناته :
https://t.me/DrMohamedElkhomsi

ومن الغريب في الموضوع أنه السيمستر الجاي لدفعة 2006 حنكونو مع بعض في نفس السيمستر ولأول مرة في التمهيدي 😌
وحنشوفو من لي حتغلب الفيزياء ولا البايو 📣

3,910

الفيزياء الطبية - م.فراس الفيتوري

16 Dec, 22:47

#جامعة_طرابلس
#المرحلة_التمهيدية
#العلوم_الطبية
تحديث لجدول الامتحانات النصفية لطلبة العلوم الطبية

دفعة 2005 تكميلي فصل الثاني "الفيزياء الطبية" الاستفتاحية علي خير يوم السبت✌🏻

اقرا المنصة كويس ومحتواها بالتفصيل ومن ضمنه تلقا اسئلة دفعة 2004 نصفي

وحنزلهالكم في القناة هني اجابات الأسئلة لي جت سابقاً بالنسبة لجزئية الكهربائية 🔥

3,741

الفيزياء الطبية - م.فراس الفيتوري

06 Dec, 22:11

دعائكم لطلبتنا في التمهيدي علوم طبية #مصراته غداً امتحانهم النصفي في الفيزياء العامة علي خير 🤲🏻❤️

5,328

الفيزياء الطبية - م.فراس الفيتوري

06 Dec, 00:15

نصيحة مني لكل طالب طب بشري ويقرا في مادة أناتومي أنه ينزل البرنامج anatomy learning في موبايله او أيباده ويقرا بيه لأنه يربطلك الاسم متاع العضو بالصورة وهكي الذاكرة البصرية حتخدم أحسن وتساعدك في الحفظ ❤️
طبعا البرنامج في جزء منه مجاني جربوه ولي يلقا أنه حيفيده في مواد الاناتومي ويبي يشريه كامل حقه تقريباً 17‎دولار تاخد كرت ايتونز من اي محل وتعبيه في حسابك وتشريه وتقرا بيه ديما اما بالنسبة للاندرويد مزال ماجربتاش فيه ومانعرفش هل بفلوس أو لا غادي الخلاصة أنه حيفيدك هلبا لين تتخرج ان شاء الله وبالتوفيق ليكم 🤲🏻

6,632

الفيزياء الطبية - م.فراس الفيتوري

04 Dec, 18:35

طلبتنا في الفصل الثاني للعلوم الطبية دفعة 2005 تكميلي ✅

المقرر الداخل في الامتحان النصفي بعون الله حيكون جزئية الكهربائية فقط

3,722

الفيزياء الطبية - م.فراس الفيتوري

03 Dec, 23:10

طلبتنا من جميع الدفعات دعمكم للحلقة الأولى لسلسلة التجارب العملية في الفيزياء سوا للمرحلة الثانوية أو الجامعية ☄️

الحلقة علي صفحتي الفيسبوك 🖥🎥
://www.facebook.com/share/v/18Bc4z6NE2/?mibextid=WC7FNe

الحلقة علي الإنستقرام 🖥🎥
https://www.instagram.com/reel/DDId-zzKcJ2/?igsh=aDU2aDBobWVmZXNy

مشاهدة ممتعة ▶️

4,467

الفيزياء الطبية - م.فراس الفيتوري

01 Dec, 20:48

#جامعة_طرابلس
#المرحلة_التمهيدية
#العلوم_الطبية

جدول الامتحانات النصفية لطلبة العلوم الطبية (دفعة 2006) #الفترة_الثانية_والثالثة

وطلبة الفصل الثاني التكميلي (دفعة 2005) #الفترة_الأولى

التكميلي وتو روحكم الفيزياء الطبية أول يوم علي خير 🔥

3,435

الفيزياء الطبية - م.فراس الفيتوري

26 Nov, 22:14

#فيزياء_طبية_إعادة_استثنائي
للاحتياط والطمأنينة الأسئلة الخمسة متاع الكهربائية لي جو في نصفي "مأشرهم بالأخضر" ديرو دورة عليهم للحسبان مع أنه كلنا عارفين أنه حسب أخر كلام الكهربائية مش داخلة ولكن فرصة غدوة ماتضيعش منكم فا خمسة أسئلة تقروهم بالعين مش حياخدو منكم خمسة دقايق بالعين حتي لو حفظتهم لاقدر الله تلقا واحد منهم غدوة مانبوش يضيع ولا سؤال غداً باذن الله 🤲🏻

4,382

الفيزياء الطبية - م.فراس الفيتوري

20 Nov, 22:16

إنالله وإنا إليه راجعون
البقاء لله تعالى وحده

" يَا أَيَّتُهَا النَّفْسُ الْمُطْمَئِنَّةُ ارْجِعِي إِلَى رَبِّكِ رَاضِيَةً مَّرْضِيَّة فَادْخُلِي فِي عِبَادِي وَادْخُلِي جنتي "

و الَّذِينَ إِذَا أَصَابَتْهُم مُّصِيبَةٌ قَالُواْ إِنَّا لِلّهِ وَإِنَّـا إِلَيْهِ رَاجعون

بقلوب مؤمنه و طاهره انتقلت الى رحمة الله اخت صديقي وزميلي وخوي محمد رزق

اللهم اغفر لها و ارحمها واعفو عنها و اجعل قبرها روضه من رياض الجنه ولا حفره من حفر النار برحمتك يا عزيز يا جبار

945

الفيزياء الطبية - م.فراس الفيتوري

19 Nov, 15:57

#طلبة_الامتحان_الاستثنائي
الفيزياء العامة داخلة بالكامل اما الفيزياء الطبية داخلة جزئية النووية بس يعني الكهربائية لا

يعني نفس المقرر الداخل في الامتحان الفاينل لي فات ✅

حنزلكم في المنصة حل اسئلة الفاينل الماضي واقروها كويس ✅

باذن الله تفتكو منهم وتتخصصو زي ماتبو 🤲🏻

1,371

الفيزياء الطبية - م.فراس الفيتوري

17 Nov, 12:26

#كلية_التقنية_الطبية 🆕

🆕

#جامعة_طرابلس
حنكون معاكم في مادة فيزياء الأشعة في جزئية النصفي ✅
#كلية_ابن_نفيس
حنكون معاكم في مادة فيزياء الأشعة في جزئية النهائي ✅

2,241

الفيزياء الطبية - م.فراس الفيتوري

14 Nov, 20:01

#تمهيدي_علوم_طبية_طرابلس
التسجيل مفتوح في مادة الفيزياء العامة والطبية للطلبة لي عندهم امتحان استثنائي بعد أسبوع ✅
وموجود المنهج كامل ( نصفي ونهائي ) نازل في المنصة وحنرفق إليه حل أسئلة الامتحانات التي أقيمت مؤخراً ➕

ولأي استفسار بخصوص المنصة والتسجيل تواصل معاهم علي الصفحة وحيردو عليك علي طول : https://www.facebook.com/profile.php?id=61552463696429&mibextid=LQQJ4d

بالنسبة للمقرر الداخل في الامتحان لحد الآن الفيزياء العامة بالكامل أما الفيزياء الطبية حنزلكم تفاصيلهاً اليومين الجايات عند التأكد من جزئية الكهربائية داخلة أم لا وموفقين يارب 🤲🏻💙

2,412

الفيزياء الطبية - م.فراس الفيتوري

14 Nov, 19:54

#تمهيدي_علوم_طبية
#الجامعة_الأسمرية
#زليتن ✅

التسجيل لا يزال مفتوح للإشتراك في جزئية النصفي لمادة الفيزياء أونلاين ⚡️

طريقة التسجيل 🖥
عن طريق الحضور لمركز الثقة الكائن في كادوش طريق الحوريات مقابل المطافي مدينة زليتن 📌

او عن طريق مندوبين الكلية :
مندوب الطلبة : @malik_luka
مندوبة الطالبات : @soma_ali_al

1,719

الفيزياء الطبية - م.فراس الفيتوري

14 Nov, 19:47

#تمهيدي_علوم_طبية
#جامعة_المرقب
#الخمس ✅
الاشتراك مفتوح لجزئية النصفي لمادة الفيزياء في منصة ترانيم العلم 🖥
https://t.me/ferasPhyKhomes
وهادي قناتكم لي حتنزل فيها ملخصاتكم وكل شي يتعلق بيكم ونسأل الله التوفيق للجميع 🤲🏻

1,642

الفيزياء الطبية - م.فراس الفيتوري

14 Nov, 19:11

#كلية_ابن_نفيس #طرابلس ✅
تم فتح الاشتراك في جزئية النهائي لمادة الفيزياء علي منصة ترانيم العلم نسأل الله التوفيق للجميع 🤲🏻
https://t.me/ebn_nafis_physics
وهذا القروب الخاص بيكم تلقو فيه كل تفاصيل التسجيل في المنصة ⭐️

2,657

الفيزياء الطبية - م.فراس الفيتوري

03 Nov, 14:23

#تمهيدي_دفعة_2006 ✅
#جامعة_الزاوية
غدا #الاثنين البداية علي خير في مادة الفيزياء العامة في مركز النور 📌

حتكون من 10:30 - 12:00 🕛

الحضور #مجانا للجميع وغدا حيتم اعلامكم بجدول لي حنمشو بيه السيمستر كله ✅

طبعا طلبة لي بيشتركو الحضور حياخدو المنصة #مجانا يعني اثنين في واحد ومنها يراجعو بيها في الحوش وحيكون فيها محاضرات تمارين ومراجعات اضافية ✌🏻

وهادي قناة الخاصة بيكم ⬇️
https://t.me/ferasPhyZawia

وحيكون في اشتراك #اونلاين بس علي منصة ترانيم العلم تقدرو تشتركو من مركز النور علي طول 🌀

4,390

الفيزياء الطبية - م.فراس الفيتوري

01 Nov, 20:06

#تمهيدي_دفعة_2006
#جامعة_الزاوية ✅
حنكون معاكم في مادة الفيزياء العامة والطبية في مركز النور 📌
والبداية حتكون الأسبوع هذا علي خير ☝🏻
حنزلكم جدول محاضراتكم وتفاصيل المنصة كلها علي قناتكم :
https://t.me/ferasPhyZawia

4,062

الفيزياء الطبية - م.فراس الفيتوري

01 Nov, 19:11

#جامعة_طرابلس
#المرحلة_التمهيدية
#العلوم_الطبية
جدول المحاضرات لطلبة الفصل الثاني لطلبة العلوم الطبية الذين انجزوا جميع مواد الفصل الاول(التكميلي)
علما بأن الدراسة سوف تبدأ من يوم غدا ألسبت الموافق 2024/11/02

3,623

الفيزياء الطبية - م.فراس الفيتوري

01 Nov, 18:41

#جامعة_طرابلس
#المرحلة_التمهيدية
#العلوم_الطبية
على طلبة العلوم الطبية الذين انجزوا جميع مواد الفصل الاول (التكميلي) الدخول الى المنظومة وتسجيل مقررات الفصل الثاني
————————————————————
غدا يتم فتح التسجيل في مادة الفيزياء الطبية علي منصة ترانيم العلم ✅

3,208

الفيزياء الطبية - م.فراس الفيتوري

29 Oct, 19:43

#العلوم_الطبية_جامعات_ليبيا ☝🏻
حتكون القناة هاذي السيمستر هذا مخصصة لي مادة الفيزياء للكليات الآتية :

◾️تكميلي 2005 فيزياء طبية طرابلس
◾️جامعة الزاوية
◾️جامعة الخمس
◾️جامعة زليتن
◾️جامعة بنغازي
◾️كلية ابن نفيس طرابلس
◾️كلية التحدي طرابلس

وحنزلكم روابط القنوات لكل كلية علي حدا باش يكون فيها شيتاتها وشروحاتها وكوزاتها ✅

والسيمستر القادم حتكون معاكم في الفصل الثاني لدفعة 2006 طرابلس في الفيزياء الطبية ✅

4,829

الفيزياء الطبية - م.فراس الفيتوري

29 Oct, 11:24

#العلوم_الطبية_دفعة2006
النظام الجديد ليكم دارو فيه تحديثات بحيث صار دمج للمواد يعني بدل 7 مواد حتقرو 4 في السيم الاول وهما :

◾️كيمياء ( عامة وعضوية )
◾️عربي ( دمج عربي 1 و 2 )
◾️انجليزي ( دمج انجليزي 1 و مصطلحات )
◾️علم الأحياء ( دمج نبات و حيوان )

بالنسبة لمواد السيمستر الثاني حتي هيا 4 كالتالي :
Biochemistry كيمياء حيوية◾️
physiology علم وظائف الأعضاء◾️
medical physics الفيزياء الطبية◾️
statistics الإحصاء ◾️

"مواد السيم الأولى حتنقرا بالعربي ولكن مواد السيم الثاني حتكون بالانجليزي"

ان شاء الله التحديث الجديد يكون فيه فائدة ليكم وإن شاء الله بداية خير للجميع وبالنسبة للفيزياء نلتقي بيكم بعون الله السيم الثاني ولكن حنكون معاكم في القناة ونساعدكم في مواد السيم الأول في القناة ونزلكم حاجات تفيدكم ان شاء الله☝🏻

4,336

الفيزياء الطبية - م.فراس الفيتوري

28 Oct, 21:08

#العلوم_الطبية_دفعة_2005
تعليقي بعد ما نزلو المرحلة التمهيدية ورقة اجابة الامتحان النهائي لمادة الفيزياء الطبية لي صلحو عليها ولا يقال عنها نموذجية لأنه توجد فيها أخطاء غريبة جداً وبعيدة عن مستوى التعليم الجامعي المتعارف عليه !

سؤال 11 تم اعطاء درجته للجميع

سؤال 26 مش فاهم كيف اجابتين صحيحات اصغر من واكبر من ! هل عملية التعديل عشوائية او مبنية علي أساس علمي ! السؤال في الأصل ماخدوشي الطلبة وليس في ضمن الشيت المقرر للطلبة من الكلية، ولم يتم اعطائهم أو إقرار كتاب مرجعي يقدرو يتعمقو فيه في الحاجات هادي، ومن المفترض درجته للكل وليس اجابتين ومتناقضات !

سؤال 2 هوا السؤال لي كان من المفترض اعطاء درجته للطلبة لي دارو الاجابة A و D لأن كلمة الوحدة لخبطت جميع الطلبة !

سؤال 9 من المؤلوف لينا أنه الاجابة الأقرب هيا A بحكم هوا الوحيد لي تعريف للسؤال ولكن كلمة اصطدام بالنواة لا تعني مر من قرب نواة وانحرف فا في من طلبة ماختاروش الاجابة A لأنهم فاهمين فرق المعني للحاجتين هادو وحتي في المراجع العالمية مش مذكور اصطدام بتاتاً ومن المفترض أن تؤخد بعين الاعتبار !

تنزيل الاجابة النموذجية متأخرة بعد ما تم التنسيب شيء غير مرضي للجميع والحاجة هادي كانت المفروض تنزل بعد الامتحان علي طول او في يوم النتيجة أقصى شيء لأن تأخيرها يأثر علي الطالب ودرجاته وكل درجة بحسابها !

هذا رأيي الشخصي ونسأل الله التوفيق للجميع

4,402

الفيزياء الطبية - م.فراس الفيتوري

26 Oct, 16:32

#العلوم_الطبية_دفعة_2005
من المفترض علي الجامعة أنها تنزل الاجابة النموذجية وشن الأسئلة لي نعطت درجتها وشن لا سوا مادة الفيزياء العامة أو الطبية باش تكون في شفافية بين الطلبة والجامعة وماينظلم حد وللأسف لحد اليوم مافيش حاجة نزلت وكان المفروض ينزلو فور تنزيل الدرجات في المنظومة ‼️

4,221

الفيزياء الطبية - م.فراس الفيتوري

26 Oct, 16:21

#تمهيدي_طبيات_زليتن_2006
بالتعاون مع مركز الثقة للدورات المنهجية ✅

حنكون معاكم غدا يوم الأحد باذن الله تعالى في محاضرة هامة لمادة الفيزياء ⚡️

حيكون في توقيتين :
الأول للشباب 10:00 🕧
والثاني للبنات 11:30 🕧

المحاضرة #مجانية للجميع وحتكون لشرح أفكار الشيت الأول للكلية ⭐️

الموقع : مركز الثقة
https://maps.app.goo.gl/VSq3zSFsh4xCrASX9?g_st=ac

وهذه القناة الخاصة بيكم :
https://t.me/ferasPhyZliten

5,060

الفيزياء الطبية - م.فراس الفيتوري

25 Oct, 20:15

زملائي الأعزاء،

بعد مراجعة الجدول الزمني الخاص بالدفعة 57 لفصل ربيع 2024، والتي تختتم امتحاناتها النهائية في 12 ديسمبر 2024، من المتوقع أن تبدأ الدراسة للدفعة 58 - دفعة الخريف 2005 إما في نهاية شهر ديسمبر 2024 أو في بداية يناير 2025.

⚠️ سنوافيكم بالتفاصيل الرسمية فور صدورها.

3,619

الفيزياء الطبية - م.فراس الفيتوري

25 Oct, 12:37

للإستفادة ✅
القناة الخاصة بدفعة 2005 (طب بشري)
https://t.me/doctors2005a

القناة الخاصة بدفعة 2005 (صيدلة)
https://t.me/medical20058

القناة الخاصة ب كلية الأسنان ابن المنظور
https://t.me/doctors2005k
———————————————
يسعدنا أن نعلن عن إطلاق القناة الرسمية للدفعة الخريفية 58، والتي ستخصص لنقل جميع الأخبار والإعلانات المتعلقة بالكلية. ستجدون هنا كل ما يهم دفعتنا من تحديثات أكاديمية ومواد ومعلومات مفيدة تسهّل مسيرتنا الجامعية.

https://t.me/+gAibWaSaAtQ4MWI0

4,343

الفيزياء الطبية - م.فراس الفيتوري

24 Oct, 22:32

خلي في بالك أنه دار الظالم ظلام ولو بعد حين، وإن الحُكم القائم على الظلم لا يدوم، وعلى الباغي تدور الدوائر فإن الحياة تدور ثم يُصاب كل ظالم بما ظَلم، وكل شامت بما شمت، وكل مسيء بما اساء به، فلا تحزن إن ربك أعدل العادلين، يأخذ حقك ولو بعد حين 👌🏻

4,137

الفيزياء الطبية - م.فراس الفيتوري

24 Oct, 17:42

#جامعة_طرابلس
#المرحلة_التمهيدية
#العلوم_الطبية_دفعة2006

3,936

الفيزياء الطبية - م.فراس الفيتوري

22 Oct, 20:48

#كلية_ابن_نفيس_دفعة_2006 ✅
البداية الرسمية لمادة الفيزياء لجزئية النصفي حتكون الاحد القادم في ترانيم حي دمشق نفسه مبنى مركز أويا 📌
التوقيت 5:30 - 6:30 🕧
علما بأن الطلبة لي حيحضرو حيدخلوهم للمنصة مجاناً ⭐️
مع العلم أنه تم فتح الاشتراك في المنصة للطلبة لي يبو المنصة بس وخطوات التسجيل موجودة في القروب الخاص بيكم 👇🏻
https://t.me/ebn_nafis_physics

4,751

الفيزياء الطبية - م.فراس الفيتوري

22 Oct, 17:31

#تمهيدي_طبيات_الخمس_2006
بالتعاون مع مركز الفاروق للدورات المنهجية ✅

حنكون معاكم في مدينة الخمس في أول محاضرة تجمعني بيكم يوم الخميس باذن الله تعالى في مادة الفيزياء ⚡️

المحاضرة #مجانية للجميع وحتكون لشرح ملخص الشيت الحرارة وحل الأفكار عليه ⭐️

وحيكون في أونلاين بعون الله وحنعطيكم كل التفاصيل عليه وكيف التسجيل فيه ✅

توقيتها : من 10:30 - 12:30 ⏱️

الموقع : مركز الفاروق - الخمس📌
https://maps.app.goo.gl/qKvuNUy52TkrrzGb8?g_st=com.google.maps.preview.copy

وهادي القناة الخاصة بيكم :
https://t.me/ferasPhyKhomes

4,114

الفيزياء الطبية - م.فراس الفيتوري

21 Oct, 23:23

حيمر الوقت وحيمر علينا بسرعة بدون مانحسو حنقولو مسرع كملنا سنة التمهيدي ومش كنا نشوفو في التنسيب بعيد اهو اليوم وصلناله ونلقو أنه فاتت علينا سنة في الجامعة وتوا بنبدو نفكرو في حاجات أدق في تخصصاتنا وتفاصيل أكثر في مسيرتنا وكإنه في مرحلة جديدة بنبدوها وزعما كيف حتكون وهل حتكون اصعب أو أسهل

هلبا أفكار وأسئلة في بالنا وهذا الطبيعي ونقدرو نقولو أنه جوابها حيكون مع الأيام غير نتوكلو علي الله وزي ماكملنا هالسنة نكملو لي بعدها وبعدها وبعدها لين نكملو المرحلة الجامعية وحنقولو ياحسرة الوقت قداش مايجري

قاعد نتفكر في أول دفعة قريتهم تمهيدي وكيف كانت أول مرة يديروها ومرحلة جديدة للجامعة مع 2003 سيمستر واحد كان وبعدها 2004 سيمسترين لأول مرة يديرو زوز فيزيات وبعدها دفعتكم 2005 سيمسترين وتوا يجو يقولولي راه في دفعة بتبدا 2006 !

بيني وبين نفسي نقول أمتي صار هذا كله الوقت مشي بسرعة ماحد يتوقعها، وان شاء الله نستغلوه في طاعته وفي التقرب لي ربي أكثر من مشاغل الدنيا ونحاولو نوازنو حياتنا بين العمل والدراسة والدين وحتي نقصرو في حاجة منهم نفيقولها بسرعة ونرجعو الوزنة من جديد

دفعة 2005 حتقعدو في الذاكرة زي باقي الدفعات السابقة وان شاء الله نلقاكم في الوقت الطيب وحتقعدو صحابي وخوتي وقراب عليا وان شاء الله بعد وقت وربي يعطينا الصحة ونجي نعاين عند واحد منكم حنكون فرحان وقتها بإلي وصلتوله وحنكون فخور بيكم والله

4,122

الفيزياء الطبية - م.فراس الفيتوري

21 Oct, 21:35

كل واحد يرسم قدامه هدفه ويسعاله ويدير كل جهده في سبيله مهما يكلفه الأمر، صح الطريق حتكون واعرة وحيكون قدامك هلبا عقبات وحيجو ناس يحبطوك وناس يشوشوك وناس يتشمتو فيك وقت تعثر ومع هذا في ناس حتكون معاك وحتدعمك وحتشجعك وهادي الدنيا وهادي الطبيعة البشرية الموجودة في كل العالم

المهم كل عثرة تفيق بعدها وتكمل والشي لي انت تبي توصله وراسمه سيوره يجي يوصل لأنه كل يوم يكمل يعني ينقص من الفترة الزمنية بينك وبين هدفك

وخليك ديما مرن وماعمرك تخلي طريق وحدة بس توصلك لمرادك مرات تتسكر طريق تمشي تخش زنقة لي بعدها وتكمل مرات تلقي زنقة تانية احسن تختصر منها الطريق وهكذا أهم شيء المرونة في كل شي تديره في حياتك

العثرة لي تصيرلك مرات تحسها صعبة ومحتاجة منك تحمل وصبر وخطة بديلة باش تفوتها وتكمل المهم ماتخليهاش تسيطر علي مشاعرك وتركيزك وتخليك تقول انا عييت ولا أنا فشلت ولا أنا مش قادر نتحرك، صدقني توكل وكمل وكمل وكمل وكمل لين تفوت هالعثرة وترجع للسكة الصح

مهما يصيرلك خليك مؤمن بالقدر لي ربي كاتبه ليك حيصير تبي ولا ماتبيش لأنه حاجة إلاهية مكتوبة مش حاجة نتحكمو فيها وكلها امتحانات من الله فا نقولو الحمدلله مهما كانت حلوة أو مرة، لو كانت حلوة نشكروه ولو كانت مرة حتي هيا نشكروه ونعتبروها امتحان دنيوي يخفف علينا من بعدين

نسأل الله أن يرزقكم الشيء لي تتمنوه وتبوه وتبو توصلوله وتكونو حاجة تفتخرو بيها ويفتخرو بيها ناسكم وعيلتكم وتكونو فخر حتي لبلادكم

7,426

الفيزياء الطبية - م.فراس الفيتوري

21 Oct, 16:58

#تمهيدي_طبيات_زليتن_2006
بالتعاون مع مركز الثقة للدورات المنهجية ✅

حنكون معاكم في مدينتي زليتن في أول محاضرة تجمعني بيكم يوم الاربعاء باذن الله تعالى في مادة الفيزياء ⚡️

المحاضرة #مجانية للجميع وحتكون لشرح ملخص الشيت الأول وحل الأفكار عليه ⭐️

وحيكون في أونلاين بعون الله وحنعطيكم كل التفاصيل عليه وكيف التسجيل فيه ✅

توقيتها : من 10:00 - 12:30 ⏱️

الموقع : مركز الثقة
وهذه القناة الخاصة بيكم :
https://t.me/ferasPhyZliten

5,855