تجارب عمليات التجميل 💉✂️

تخزين الدهون في الاماكن الغير مشفوطة ✨💡⚠️

تجارب البنات حبوب برايورين للشعر ✨💌

⭐️ ابر مونجاروا …… 💉

انا بعد تجربتي جميله معها الحمدلله
لكن اعاني من معدتي اذا اكلت زياده شوي
او شي فيه دهن ماادري عنه
فجأه اموووت من معدتي لازم مغذي

وتركتها الان لكن بعد اسبوعين من تركها اكلت شي فيه دهن مادريت عنه وعورتني بعد واخذت مغذي
والحين الحمدلله طلع مفعولها من جسمي


لكن شهيتي رجعت نفس قبل
الحين احاول اتصارع معها

لي من تركتها شهرين وزدت كيلو


وبعد ترى انا ماوصلت للوزن اللي ابيه باقي
وودي ارجع له اكمل المشوار بس خايفه من معدتي


وخوفوني يقولون اكشفي على معدتك يمكن عندك وعندك خفت صراحه

لكن حالياً راحت الاعراض الحمدلله

واخاف ارجع وزني ويروح تعبي خساره 🙊😟

⭐️ تجربة متابعه ابر تنحيف مونجارو🌼💉

هلا حبيبتي انا جربتها لمدة سنة كاملة ونزل وزني من ٩٥ الى ٤٨ طبعا بناء على رغبتي ووقفتها أعراضها دوخه غثيان الم بالعظام تساقط بالشعر شحوب الوجه وكله بسبب انك ماتقدرين تاكلين عن نفسي انا متقبله كل هذا مقابل الرشاقة تسد نفسك تماما عن الحلا كرهت اي شي حالي وانا كنت مدمنه تسبب وهن بالعضلات لاني ماكنت اسوي رياضه ابدا ابدا ولا اكل مصادر بروتين عشت على السوائل واغلب يومي مرهقه وتعبانه وابي انام وانسى اكل بالايام لاني ماحس بجوع من ناحية أخرى بما اني نسيت الاكل ركزت بحياتي وعلى كل شي يحتاج مني تركيز وصلت الوزن الي أبيه بفضل الله سبحانه ومنته لكن بالمقابل ترهل جسمي كامل وطبعا ما القي اللوم عليها انا تغذيتي سيئة ولا اسوي رياضه لاحظت شي مهم جدا وهو نتيجة ضعف العضلات حتى عضلات الحوض صارت ضعيفه ف سببت لي ارتخاء بالمنطقة وتوسع وصارت تطلع أصوات منها وهواء نتيجة ضعف العضلات وهالشي اكثر حاجه ضايقتني بعد ماكملت سنة ووصلت للي أبيه سويت عملية شد حزامي و شد ذراعين حسنت من تغذيتي بديت رياضة خفيفة اختفت أصوات المهبل وحسيت المنطقة مشدودة والتوسع راح تركت الإبر بالتدريج والحمدلله شهيتي معتدله ورجعت للحلا لكن بالمعقول ماعاد عندي شغف زي قبل وشفاحه اخذت فيتامينات تحسن التساقط وبشرتي تعدلت الحمدلله و الله يمتعنا وياك بالصحه والعافيه والمونجارو أجمل هدية قدمتها لنفسي مو ندمانه عليها ابد علما اني اخذتها بستشارة طبية من دكتور سمنه وتحاليل كل ٣ شهور عشان اتطمن على مستوى الدم والغدة واي سؤال انا حاضره

من متابعه 🤍🤍✨

حقيقي كل طبيب له قناعاته وكل وحدة فينا تقريبا تجربتها مختلفة
لكن فيه خطوط عريضة انت كمريضة التزمي فيها لنتيجة افضل
وبعض الأطباء احيانا يفتقدوا للدقة في التعليمات مو دلالة على عدم جدارتهم بس لكثرة المرضى وظنهم انه المريضة عندها علم ببعض الامور
اهم الاشياء اللي اشوف انها مهمة جدا وإن أغفلها بعض الأطباء :
المساج اللمفاوي / تجمعات السوائل في الجسم عموما وعلى الجراحة يزيلها بفضل الله واعرف اكثر من وحدة كملت قريب السنة ماعملت مساج لمفاوي ولازالت عندهم تكتلات ، لكن برضو مايعني انه كل وحدة ماعملت مساج لمفاوي عندها مشاكل الا انه الافضل والاسلم ولنتايج كويسة ومهم جدا جدا الخبير فيه مو اي احد
الفوم للشفط والنحت / مهم جدا لتشكيل ونحت الجسم ، يعني لاحظت مع تجمع السوائل الجسم بياخد شكل الفوم وبيخصر الوسط مثلا وانحناءة الظهر لجوى حتى يبرز المؤخرة
الترطيب / كثير اطباء مايقولوا عنه لكن تبدا تظهر تشققات ونبدا هنا نسأل ونكتشف انه انشغلنا بالتعب والالم لحد مالاحظنا التشققات ونبدا نرطب والترطيب مهم يكون بزيت او حتى فازلين
العناية بالجرح / لاحظت كل مين له طريقة لكن المهم التعقيم بكحول والفيوسيدين لفترة شهر ع الاقل هو الاضمن لمنع الالتهابات
السرة / المفترض قد مانقدر ماتوصلها موية الفترة الاولى منعا لتجمع الموية داخلها وعدم التئامها واول ماتلاحظي فيها نفخ بلغي طبيبك لانه نسبة يصير عندهم تجمع سوائل داخلها ولازم اعادة تشكيلها بالسدادة وفي حالات نادرة لو استمرت منتفخة لمدة ستة شهور يبنجها الطبيب بنج موضعي ويصحح وضعها
تمدد الندبة / البعض استخدم سيليكون واتمددت الندبة واعرف ناس مااستخدمت شي وبرضو اتمددت بسبب طبيعة البشرة احيانا
الاستحمام / الاغلب يخاف يستحم والصحيح الاستحمام بمجرد مارحت موعدك مع طبيبك بعد العملية والغالب بعد يومين او ٣
والاستحمام يكون بمساعدة طبعا ولقيت افضل طريقة اجلس على كرسي والف حولين بطني سفرة نظيفة وفوقها منشفة كبيرة
واميل راسي ع الجنب واحد يغسلي هو مرة وحدة تنظيف عميق ورش الموية بهدوء ومباشرة يلف شعري بالمنشفة
والجسم صابون اطفال او بدون ريحة ونقطة موية وفرك خفيف للجسم من فوق والمناطق المخفية وانتو بكرامة وبمنشفة فيها شوية موية ويتمسح فيها
واخر شي منطقة البكيني الله يعزكم بغسول نسائي وغالبا دي انا بانظفها وبمساعدة بأرجع ارطب جسمي والبس وضروري كل يومين ٣ الاستحمام يفرق كثير في تنشيط الدورة الدموية
المغنيسيوم / لاحظت يخفف لي شد العضلات لاني مسوية ربط والانفصال كان عندي جدا كبير
وجبته من ايهرب والنهدي اكيد متوفر
مستلزمات العملية / حقيقي لاتخسري وتشتري بناء على كلامنا هنا ارجعي للمنسقة وشوفي ايش احتياجك لانه في الغالب تتكدس الاشياء عندك ومااحتجت كل شيء
بس الاساسيات الله يعزك المبولة او مايقوم مقامها ومفارش السرير وقت الدرنقات ومسحات طبية ومستلزمات العناية بالجرح بناء على توصية طبيبك
ونصيحة اخيرة ارجعي لطبيبك اول شيء هو الاعرف بوضعك ومافي مشكلة تستأنسي برأي البنات هنا بس المرجع الاول طبيبك

شفط البطن والظهر #⃣تتفاوت بالتعب من وحده لوحده ❤️✨

😠ريحة بعد حقن البكيني 😅

هل صادفتكم نفس هالمشكله ..
اكتبوا مشاركاتكم اذا جربتو 💨⤵️

⛔️⤴️

☺️توصية متابعه 👍✨بنات مااعرف اذا ممكن يفيدكم
انا كنت مقررة عمليتي مع الدكتورة سماح عابد في البداية وسمعتها في حسابها في الانستجرام تتكلم عن حبوب مستخلصة من عشبة ومعتمدة الحبوب في تأهيل المرضى في فرنسا قبل العمليات بأسبوع وخاصة عمليات التجميل ، وفائدتها تخفيف الكدمات والالام
طلبتها من امازون وبدأت استخدمها ٣ مرات في اليوم ، كل مرة حبتين تحت اللسان تذوب بسرعة ، وبعدها سبحان الله استخرت وغيرت لطبيب ثاني ، ولقبل يوم العملية باستخدمها
اللي لاحظته واستغربه الدكتور تبارك الله مافي عندي كدمات مكان الحقن الا شيء لايذكر ، وانا عادة لو عملت تحليل يدي خضرا وزرقا
لكن فيما يخص الالم مااتوقع لها تأثير يذكر لانه الالم بالنسبة لي كان قوي والله 💔
عموما اللي حابة وتفرق معاها الكدمات تقرأ وتبحث وتسأل عنها

وبالمناسبة اكتشفت انه فيه ناس تستخدمها قبل الحقن ( فيلر وبوتكس )

نصيحة متابعه ✨✅
بنات الي عندها جروح او اثار جراحه لا تتعدى ذا اخذته من مستشفى حكومي بس مدري لو ينباع ماشاءالله صراحه الجرح حقي تحسن و نشففففف مررره حمدالله يارررب

من متابعه 💖✨

اهلين صباح الخير بنات
اليوم كملت ١١ يوم من عمليتي الحمدلله..

حابه اقولكم كم حاجه ؛

القروب فادني كثير الله يبارك لكم خاصه ان نبهتوني لكثير اشياء وعطيتوني معلومات .. مع اني يوم اكتب اسأله قليل احد يرد بس بشكل عام القروب فيه معلومات مفيده ..
بنفس الوقت جت اوقات ندمت دخولي القروب قبل العمليه لان فيه كثير ناس تكتب اشياء تخوف والواحد مو ناقص ينرعب قبل العمليه ..
ف حبيت اقول للي لسى ما تمت عملياتهم لاااااا تخااااافوووون والله التجربه تختلف من شخص لشخص وحسب انتي وجسمك وتحملك ووضعك و الاجراء والاجهزه المستخدمه … مافيه تجربه مكرره نفسها بالضبط كل شخص له تجربته الخااااااصه .. أكبر غلط انكم تخوفون بعض انتبهو يابنات حتى اللي بتنبه ع شي تكتب ب اسلوب حلو ..

والله كنت ارجف قفل العمليه وشلت هم مررره .. لكن الامور طيبه.. اذا صار فيه الم فهو محتمل وبسيط .. ومايخلونك بدون مسكن .. هي عمليه بالنهايه صحيح فيه تعب وكذا بس صدقوني مو زي ما تتخيلون .. ويوم عن يوم تصيرين احسن .. كل يوم احسن من اللي قبله ..

النفسيه مرررره مهمه قبل وبعد العمليه عشان كذا لاتخلون الخوف يسيطر عليكم ..

واشوف فيه بنات يكذبون بنات ودكاتره عشان التجارب تختلف وهذا فيه اجحاف وغلط!! حتى لو جسمك نفس جسمها وسويتي نفس الاجراء وعند نفس الدكتور وبنفس الاجهزه ترا مو معناه تكون تجربتك نفسها صدقوني يختلف من شخص لشخص مهما كان ..

برضو بليز لاحد يتفلسف ترا ماحنا افضل من الدكاتره اللي درسو وتعلمو تجيك وحده مسويه نفسها دكتوره وتنصحك بشي الدكتور ماشافه!!! انتبو واتقو الله بنفسكم

فيه حاجه بعد بعض البنات تقولك كل دكتور له كلام وانه سبب للتشكيك فيهم! ترا كل دكتور له نظره وعنده اسباب .. بس انتي شوفي الدكتور اللي يقنعك بنظرته واللي يناسبك ..

اهم حاجه قبل العمليه بوقت استعدي نفسياً ، وحتى صحياً يعني اهتمي بصحتك واكل صحي وكذا لانه هالشي يساعدك بعد العمليه تتشافين بسرعه ..
ولا ترفعين سقف توقعاتك لتجربتك بس خليك متفائله وواثقه ب الله و موكلته امرك..
و جهزي كل شي تحتاجينه وترا الاحتياجات تفرق من شخص لشخص لاني شريت اشياء على كلام القروب وما احتجتها فـ افضل تسألين منسقه دكتورك وش تجهزين من قبل ووش تحتاجين ..
يختلف من شخص لشخص وحسب العمليه اذ تحتاجين مرافق او لا، بس بشكل عام غالباً اول اسبوع تحتاجين خاصه لو فيه شفط او شد للبطن او الظهر ..
جمعي اسألتك والجوال واذا رحلتي للـ الدكتور اسألي كل. ششششي ببالك هو افضل شخص ممكن يجاوبك ..
استخيري قبل كل شي وبكل خطوه واستخيري ب اختيار الدكتور ..


وفالكم الصحه والعافيه والجمال والرشااقه 😍💖💖💖💖💖

من متابعه ⭐️✨

☀️الحمدلله على السلامة هذي تعليمات ما بعد العملية ارجو الالتزام بها قدر المستطاع ✨

١- الالتزام بنصائح الجراح لها تأثير هام جداً على نجاح العملية


٢-الالتزام بالأدوية الموصوفة من قبل الجراح و عدم التهاون في اخذها :

⁃ اخذ المسكنات بصفة مستمرة في اول يومين بعد العملية . و حسب الحاجة بعد ذلك
⁃ الالتزام بإبر السيولة اذا كانت موصوفة من قبل الجراح و ذلك لتفادي خطر الإصابة بجلطات الساق و الرئتين .

⁃ المضاد الحيوي في حال وصفه الجراح .


٤-يجب ان يتحرك المريض في اقرب وقت بعد العملية ( اول مرة بمساعدة الممرضة ) و ذلك لتفادي التجلطات أيضاً .

٥- اول استحمام يكون عادة بعد يومين من العملية او حسب ما يراه الجراح و بالمناسبة افضل الغيارات هو الاستحمام بالماء و الصابون الغير معطر بدون فرك الجرح او توجيه الدش مباشرةً عليه مع التنشيف جيداً بعد الانتهاء من الدش.

٦- زيارة الجراح بعد العملية مهمة جداً للاطمئنان على المريض و الجرح و الرد على أسئلة المريض و إعطاء النصائح (يتراوح عدد الزيارات بعد العملية بين ٤ الى ٦ زيارات ) عادةً بعد ٧ أيام و ٣ اسابيع و ٦ اشهر و سنة بعد العملية و أحياناً بينهم اذا احتاج المريض .

٧- عدم تعريض الجرح لأشعة الشمس لمدة ٦ اشهر و ذلك لتجنب تغيير لون الأثر (في حال جراحة الوجه او منطقة ظاهرة يتم وضع واقي الشمس بقوة ٥٠ او اكثر )

٨- عدم القيام بنشاط رياضي بمدة ٦-٨ أسابيع (حسب نوع العملية)

٩- يمنع السباحة او حمام البخار او الحمام المغربي لمدة ٨ أسابيع بعد العملية .

١٠- عدم استعمال اي مرهم او كريم لتحسين مظهر الخياطة الا بعد مرور شهر على العملية .

١١ - لبس المشد (طوال اليوم ليلا وًنهاراً ) لمدة ٦
اسابيع ،، هام جداً للحصول على افضل نتائج .

١٢- بالنسبة للعمليات تصغير او تكبير الثدي ، يفضل لبس ملابس سهلة >> لها ازارير او سحّاب من الامام .

١٣- بالنسبة للعلاقة الزوجية : يفضل الانتظار من ٣ اسابيع الى شهر بعد العملية لضمان التئام الجروح و عدم حدوث مضاعفات مثل فتح الخياطة لا سمح الله .

مع تمنياتي لكي بالشفاء العاجل 💕

د.سماح عابد

تجربة متابعه ⭐️✨

يسعد صباحكم جميعاً ❤️🫡أنا مو منسقه الدكتور 🤣كل البنات اللي بالقروب يعرفوني 🤭🫣

هذي تجربتي الشخصيه بعد مرور شهر على عمليتي الحمد لله


عمليتي كانت شفط ظهر وشد بالفيزر
وشفط وشد بطن جراحي وربط عضلات البطن
وحقن مؤخرة وخفسات
كانت مع الدكتور محمد سوار الذهب سوداني الجنسيه
في عيادات الرحيمي بالدمام كلفتني ٣٥ الف شامله التوب بلوك وكيس دم بعد العمليه
من غير التحاليل والمشد
تشمل يوم بالمستشفى فقط
طبعاً الدكتور ماله اي حسابات في التواصل الاجتماعي وماحصلت له الا تجربتين شخصيات
تواصلت مع البنات اللي سوو عندة ووروني اجسامهم قبل وبعد وانبسطت لهم الله يسعدهم
الدكتور لما تروحون له تحسون براحه عجيبه بشوش وحبوب ويفهمك وش بيسوي ويرسم لك على الورق جسمك قبل وبعد كيف يكون

وقت العمليه:
اخذت معي لبس خفيف مفتوح من قدام وسليبر وفرشاة ومعجون بس

ماقلت لاحد عن عمليتي نهائياً حتى عيالي
الصباح قبل العمليه عطيت اختي خبر بس وقلت لها ماتقول شي لحد مااخلص
والحمد لله بعد مادروا انبسطوا💃🏻💃🏻👏🏻

طاقم الممرضات اللي كانوا معي بعد العمليه يهبلون وحنونات مرة

العمليه كانت جداً سهله بعد تيسير ربي
دخلت ١٢ الظهر
وصحيت ٥ العصر
وكنت بغرفتي لما صحيت والدكتور والممرضات عندي

حطوا لي كيس دم من عندهم
جابوا لي اكل وعصير شمندر
جاني استغراغ بعد الاكل وقالوا عادي من البنج وحطوا لي مغذي وادويه استغراغ والحمد لله ماعاد استغرغت
الدكتور جدا شاطر ومتفهم وطيب جداً جننته من كثر ماادق عليه واجيه بالعيادة ( صابر علي مرة)🤣


بس عندة قناعاته الخاصه اللي ماقدرت اغيرها على كثر ماانق عليه وادق وارسل واتس وانط له بالعيادة عندة مبداء وماشي عليه ولما قررت اخالفه قال اذا خالفتي تعليماتي لاتكملين مراجعات معي
والصدق ماخالفت تعليماته نهائياً ومشيت عليها بالضبط.
نظريته : مايلبسك المشد الا بعد مرور اربع ايام الى اسبوعين من العمليه يقول عشان الجرح يرتاح ويلم على بعضه وانا لبسني المشد بعد مرور ١٥ يوم


المساج قال لي بعد شهر
ولما صار لي ٢٥ يوم بديت مساج

الفوم بعد مرور ٢٤ يوم لبسني يقول ماابغى شي يضغط على الجرح



الحين لي شهر الجرح تقفل تماما اللهم لك الحمد وخط بسيط جداً

باقي بطني منفوخه جداً
التحجر بداء يخف مع المساج وانا بعد استخدم الجهاز ساعدني كثير




اول ايام العمليه لازم تلتزمون بالادويه وعلاج الامساك والغازات ضروري جداً
واذا معك كحه على طول اشربي دواء


بالنسبه للالم نسبي يختلف من شخص لشخص
بس لازم اول اسبوعين أحد يساعدك بالقومه والنومه لان ربط العضلات لازم تنتبهين له وماتشدين على نفسك
العدو الاول لربط العضلات االامساك انتبهوا منه كنت اشرب ملين من اول يوم طلعت من العمليه
انا كنت اكل مسكنات ومضاد اول اسبوعين والحمد لله كل شي تمام


بعد ماخلص المضاد اشرب مرة مع القهوة

كنت حريصه على المويا
وعلى المياة الغازيه اصبها بكوب واحط معها ليمون ونعناع واشربها

واشرب بقدونس يوميا كوب

وكنت أمشي يوميا بالبيت



بعد اسبوعين طلب مني الدكتور ارفع ظهري ولا احنيه الا وقت لما اكون تو صاحيه من النوم امشي شوي وبعدها ارفعه
واحيانا يشدني بطني لتحت واحاول مااحني ظهري عشان مايصير زي الانفصال بين المعدة والبطن
رفعته تماماً تماماً ولا عاد انحنيت لما كملت ٢٥ يوم


الدرنقات ركبها لي وفكها بعد اسبوع
ماحسيت فيها لما شالها كانت يدة خفيفه مرة الله يسعدة

كنت اروح لضماد كل ٣ ايام يغيرون على الجرح ماكنت اغير له بالبيت نهائياً


طبعاً الحقن ماكان اوفر لان الدكتور رافض يسوي الاوفر يقول هو مايسويه 🙄حقن لي شوي
طبعاً اغلبه اغلبه تبخر وراح لاني كنت تعبانه اول الايام وكنت اجلس عليه ولا هتميت فيه😫



هذا اللي أذكرة حاليا واي أستفسار انا حاضرة❤️

لبس النقاب بعد عملية تجميل الانف 🗣️