Ethiopian Islamic Affairs Supreme Council

ጥር 14፣ 2017 ዓ.ል | ረጀብ 22፣ 1446 ዓ.ሒ

بِسْمِ ٱللَّهِ ٱلرَّحْمَٰنِ ٱلرَّحِيمِ
••••••••••••••••••••••••••••••••••••••••••••••
የጠቅላይ ምክር ቤቱ ፕሬዝደንት የፍልስጤምን አምባሳደር በጽህፈት ቤታቸው አነጋገሩ።
••••••••••••••••••••••••••••••••••••••••••••••
አዲስ አበባ |

የኢትዮጵያ እስልምና ጉዳዮች ጠቅላይ ምክር ቤት ፕሬዝደንት የክብር ዶክተር ሸይኽ ሐጂ ኢብራሂም ቱፋ አምባሳደር ፋሬስ አልቁብን በጽሕፈት ቤታቸው ተቀብለው አነጋገሩ።

በኢትዮጵያ የፍልስጤም አምባሳደር ፋሬስ አልቁብ እና የአንባሳደሩ ዋና ጸሐፊ ዲያዲን አል-ናሙራህ በጠቅላይ ምክር ቤቱ ተገኝተው ከጠቅላይ ምክር ቤቱ ፕሬዝደንት እና ከጠቅላይ ምክር ቤቱ ስራ አሰፈጻሚ አባላት ጋር በፍልስጤም ሰላም ዙሪያ ተዋይተዋል።

የጠቅላይ ምክር ቤቱ ፕሬዝደንት ሸይኽ ሀጂ ኢብራሂም የሃይማኖታችን መለያ እና የተቋሙ ተልዕኮ ሰላም በመሆኑ የፍልስጤምን እና የኢስራኤልን የተኩስ አቁም ስምምነት አላህ የዘላቂ ሰላም ምክንያት እንዲያደርገው ዱዓችን ነው ብለዋል።

ፍልስጤማዊያን ጸንቶ የመታገል ተምሳሌት፣ በአላህ የመወከል ከፍታንና ትዕግስትን ለዓለም በተግባር ያሳዩ መሆናቸውንም ፕሬዝደንቱ በውይይቱ አንስተዋል።

የክብር ዶክተር ሸይኽ ሀጅ ኢብራሂም አያይዘውም በተኩስ አቁም ሰምምነቱ ጦርነት እንዲቆምና ሰላም እንዲሰፍንም ያለመታከት ያደራደሩት አካላትን አመስግነዋል።

የፍልስጤም በኢትዬጵያ አምባሳደር ፋሬስ አልቁብን በውይይቱ ወቅት እንደተናገሩት የፍልስጤም ታሪክ ከነፃነት ትግል ጋር የተያያዘ መሆኑ ለዓለም ሕዝብ ሁሉ ግልፅ ነው ብለዋል።

አምባሳደሩ አያይዘውም በጦርነቱ መቆም መደሰታቸውን ገልፀው አሁን ያለው ሰላም ዘላቂ እንዲሆን ሙስሊሞች ዱዓ እንዲያደርጉ ጥሪ አቅርበዋል።

የጠቅላይ ምክር ቤቱ የስራ አሰፈጻሚ አባላትም ፍልስጤም በሁሉም ዘርፍ ተረጋግታ ማየት እንደሚመኙ ገልጸው ዘላቂ ሰላም እንዲሰፍንም ዘወትር ዱዓ እንደሚያደርጉ ተናግረዋል።

​•••••••••••••••
የኢት/እ/ጉ/ጠ ምክር ቤት ሕዝብ ግንኙነት
ይከታተሉን | Follow us፡
ፌስቡክ | Ethiopian Islamic Affairs Supreme Council
ቴሌግራም | t.me/eiasc1
ትዊተር | https://x.com/eias

ጥር13፣ 2017 ዓ.ል |  ረጀብ 22፣ 1446 ዓ.ሒ
بِسْمِ ٱللَّهِ ٱلرَّحْمَٰنِ ٱلرَّحِيمِ                  
•••••••••••••••••••••••••••••••••••••••••••

ትምህርቷንም ትማራለች፣ ሂጃቧንም ትለብሳለች  በሚል መሪ ቃል በመቐለ ከተማ የተደረገው ሰላማዊ ሰልፍ ተጠናቋል
••••••••••••••••••••••••••••••••••••••••

አዲስ አበባ


ትምህርቷንም ትማራለች፣ ሂጃቧንም ትለብሳለች
በሚል መሪ ቃል ከማለዳ ጀምሮ በክልሉ ዋና ከተማ መቐለ ሲደረግ የዋለው ሰላማዊ ሰልፍ በሮማናት አደባባይ  ተጠናቋል።

ከሰልፉ መጠናቀቅ በኋላ የትግራይ ክልል ጊዜያዊ አስተዳደር ፕሬዝደንት አቶ ጌታቸው ረዳ የህዝበ ሙስሊሙን ተወካዮች በጽ/ቤታቸው አነጋግረዋል።

በወይይታቸውም የሒጃብ ጉዳይ ፍጹም አጀንዳን መሆን የማይገባውና  ሆን ተብሎ አጀንዳ እንዲሆን የተደረገ መሆኑን ገልፀዋል።
ችግሩ በፍጥነት እልባት እንደሚሰጠውም ፕረዚዳንቱለተወካዮች ስለማስረዳታቸው ከስፍራው የደረሰን  መረጃ ያመለክታል ።
••••••••••••••••••••••••••••••••••••
የኢት/እ/ጉ/ጠ ምክር ቤት ሕዝብ ግንኙነት።
ይከታተሉን | Follow us፡
ፌስቡክ | Ethiopian Islamic Affairs Supreme Council
ቴሌግራም | t.me/eiasc1
ትዊተር | https://x.com/eiasc13

ጥር 8፣ 2017 ዓ.ል | ረጀብ 16፣ 1446 ዓ.ሒ

بِسْمِ ٱللَّهِ ٱلرَّحْمَٰنِ ٱلرَّحِيمِ
•••••••••••••••••••••••••••••••••••••••••••••••••
ለመልካም ስነ ምግባር ብሔራዊ ንቅናቄ ትግበራ መሰረት የሚሆን ረቂቅ ሰነድ ላይ ውይይት ተደረገ
••••••••••••••••••••••••••••••••••••••••••••••
አዲስ አበባ |

በኢትዮጵያ እስልምና ጉዳዮች ጠቅላይ ምክር ቤት የትምህርትና ማሕበራዊ አገልግሎት ዳሬክቶሬት የሥነምግባር ጥናት ብድን ያዘጋጀው ረቂቅ ሰነድ ላይ ውይይት ተደረገ።

የስነ ምግባር ጥናት ቡድኑ ያዘጋጀው ረቀቅ ሰነድ በሀገር አቀፍ ደረጃ በመልካም ስነ ምግባር (አኽላቅ) ዙሪያ ብሔራዊ ንቅናቄ ለመፍጠር ጠንካራ መነሻ ሊሆን እንደሚችል ተገልጿል።

በውይይት የመክፈቻ ንግግር ያደረጉት በዳይሬክቶሬቱ የማኀበራዊው ዘርፉ ሀላፊ ዶክተር ተውፊቅ ቢራራ ጠቅላይ ምክር ቤቱ እንደ መሪ ሃይማኖታዊ ተቋምነቱ የስነ ምግባር ጉዳይ ቅድሚያ ትኩረቱ መሆኑን ገልፀው በኃላፊነት የሚመሩት ዘርፍ የስነ ምግባር እሴቶች የሚሻሻሉበትን ሁኔታ የሚያሳይ ረቂቅ ሰነድ እንዲዘጋጅ ማድረጉን ጠቅሰዋል።

በጥናት ረቂቅ ሰነዱ ላይ ማብራሪያ ያቀረቡት ዑስታዝ አህመድ ሙስጠፋ ጥናቱ ኢስላማዊ አስተምህሮዎችን መሰረት ያደረገ መሆኑን አንስተዋል። ረቂቅ የጥናት ሰነዱ ዳብሮ ወደ ትግበራ ሲገባም ብልሹ ስነምግባርን በማስተካከል መልካም ስነምግባራዊ እሴት የተላበሰ ማኀበረሰብ ለመገንባት እንደሚያግዝም ኡስታዙ አክለዋል።

ጥናትና ምርምር እንዲሁም የስረዓተ ትምህርት (ካሪኩለም) ዝግጅት ከማስፈፀሚያ ስልቶች ዋናዎቹ እንደሆኑም ተነስቷል።

የስነ ምግባር ጥናት ቡድኑ የአኽላቅ ብሔራዊ ንቅናቄ የተሻለ መነቃቃት እንዲፈጥርና ተልዕኮው ከፍ ያለ ትውልድ ለማፍራት በጠቅላይ ምክር ቤቱ እውቅና የሚቋቋመው የአኽላቅ ግብረ ኃይል ከዑለማ ጉባኤ ጽፈት ቤት ጋር በመቀናጀት የሚሰራበት አቅጣጫ እንዳለም ተመላክቷል።

የውይይቱ ተሳታፊዎች ለጥናቱ ግብዓት የሚሆኑ ሀሳቦችን እና ተጨማሪ ማብራሪያ የሚያስፈልጋቸውን ጥያቄዎች አንስተው ማብራሪያ ተሰጥቷቸዋል።

በመጨረሻም የተሻለ ስነ ምግባር የተላበሰ ማኅበረሰብ ለመፍጠር ጥናቱ እንዲተገበር ሁሉም የበኩሉን ድርሻ እንዲወጣ አቅጣጫ ተሰጥቷል።

****
የኢ.እ.ጉ.ጠ. ም/ቤት ሕዝብ ግንኙነት
ይከታተሉን | Follow us፡
ፌስቡክ | Ethiopian Islamic Affairs Supreme Council
ቴሌግራም | t.me/eiasc1
ትዊተር | twitter.com/eiasc

https://youtu.be/XLU8HSIKoB8

ጥር 6፣ 2017 ዓ.ል |  ረጀብ 14፣ 1446 ዓ.ሂ

بِسْمِ ٱللَّهِ ٱلرَّحْمَٰنِ ٱلرَّحِيمِ                  
••••••••••••••••••••••••••••••••••••••••••••••
"በወንዶች ተጽእኖ ብቻ ከተመራ እንኳን ተቋም ቤትም አይስተካከልም"

         ሸይኽ ሙሐመድዘይን ዘህረዲን
••••••••••••••••••••••••••••••••••••••••••••••
አዲስ አበባ

በኢትዮጵያ እስልምና ጉዳዮች ጠቅላይ ምክር ቤት የዑለማእ ጉባኤ ጽሕፈት ቤት እና የሴቶችና ወጣቶች ዘርፍ በትብብር ያዘጋጁት የሴት ዳዒዎች ውይይት ተጠናቀቀ።

የምክር ቤቱን የለውጥ ጉዞ ለማሳካት በሁሉም አደረጃጀቶች ሴቶችን ማካተት ግዴታና ዘርፈ ብዙ ጠቀሜታ ያለው ነው በማለት መድረኩን በንግግር የከፈቱት የጠቅላይ ምክር ቤቱ ዋና ሥራ አስኪያጅ ሐጂ ከማል ሐሩን ጥቃቅን ልዩነቶችን በመተው ለህዝቡ ዘላቂ ጥቅም በአንድነት መሥራት ይገባል ብለዋል።

ውይይቱን የመሩት የምክር ቤቱ የዑለማእ ጉባኤ ጽህፈት ቤት ኃላፊ ሸይኽ ሙሐመድዘይን ዘህረዲን በበኩላቸው ሴቶች የነቢዩ ሙሐመድ ሶ.ዐ.ወ ወሳኝ የዳዕዋ አጋዦች እንደነበሩ አስታውሰው እነሱን ያላካተተ ተቋም ስኬታማ እንደማይሆን ገልጸዋል።

ሸይኽ ሙሐመድ ዘይን አያይዘውም በሕዝበ ሙስሊሙ ዘንድ ያሉ ችግሮች መፍትሔ የሚገኝላቸው ከሴቶች ጋር ተባብሮ በመሥራት መሆኑንና በወንዶች ተጽእኖ ብቻ ከተመራ እንኳን ተቋም ቤትም እንደማይስተካከል አስረድተዋል።

በጠቅላይ ምክር ቤቱ የሴቶችና ወጣቶች ዘርፍ ኃላፊ ኡስታዛ ፋጡማ ሑሴን ዘርፈ ብዙ የሕዝበ ሙስሊሙን ችግሮች ለመቅረፍ የቅድመና ድህረ ጋብቻ እንዲሁም በልጆች አስተዳደግ ዙሪያ ሰፋፊ ሥልጠናዎች መሰጠት እንዳለባቸው አንስተዋል።

በመሆኑም ሴት ዳዒዎች በጀት ተመድቦላቸው እንዲያስተምሩና የውጭ እስላማዊ ትምህርት ዕድል የሚያገኙበትን ሁኔታ ለማመቻቸት በጥረት ላይ እንደሆኑ ያነሱት ኡስታዛ ፋጡማ ሴት ዳዒዎች በየአካባቢያቸው በሚገኙ የመጅሊስ መዋቅሮች ውስጥ ገብተው እንዲሳተፉም መልዕክት አስተላልፈዋል።

ሴት ዳዒዎች በመከሩበት በዛሬው መድረክ በሀገር ደረጃ በሕዝበ ሙስሊሙ ዘንድ ያሉ ሥር የሰደዱ ችግሮች ተዳስሰው የመፍትሄ አቅጣጫዎችም ተቀምጠዋል።

••••••••••••••••••••••••••••••••••••
የኢት/እ/ጉ/ጠ ምክር ቤት ሕዝብ ግንኙነት።
ይከታተሉን | Follow us፡
ፌስቡክ | Ethiopian Islamic Affairs Supreme Council
ቴሌግራም | t.me/eiasc1
ትዊተር | https://x.com/eiasc13

ጥር 6፣ 2017 ዓ.ል | ረጀብ 14፣ 1446 ዓ.ሒ

بِسْمِ ٱللَّهِ ٱلرَّحْمَٰنِ ٱلرَّحِيمِ
•••••••••••••••••••••••••••••••••••••••••••••••
ከፌደራልና ከክልል መጅሊስ ለተውጣጡ የስራ ኃላፊዎችና ሰራተኞች የአሰልጣኞች ስልጠና እየተሰጠ ነው።
••••••••••••••••••••••••••••••••••••••••••••••
አዲስ አበባ |

በኢትዮጵያ እስልምና ጉዳዮች ጠቅላይ ምክር ቤት የዑለማ ጉባኤ ጽሕፈት ከቡንያን ዓለማቀፍ ኢስላማዊ ዩንቨርሲቲ ጋር በመተባበር ለፌደራልና ለክልል መጅሊስ የስራ ኃላፊዎችና ሰራተኞች የአሰልጣኞች ስልጠና እየሰጠ ይገኛል።

በስልጠናው ላይ የኢትዮጵያ እስልምና ጉዳዮች ጠቅላይ ምክር ቤት ፕሬዝደንት የክብር ዶክተር ሸይህ ሀጅ ኢብራሂም ቱፋን ጨምሮ ሌሎች የፌዴራልና የክልል የስራ ኃላፊዎችና ሰራተኞች እየተሳተፉ ይገኛሉ።

ስልጠናው ትኩረቱን በዳዕዋ፣ በኹጥባና በአስተዳደር ጥበብ ላይ ያደረገ ሲሆን ሰልጣኞች ከስልጠናው ያገኙትን ግንዛቤና ክህሎት ለመሻይኾች፣ ለዱዓቶች እና ለኡስታዞች የሚያሰለጥኑ ይሆናል።

በአወልያ የልማትና እርዳታ ድርጅት እየተሰጠ የሚገኘው ስልጠና ለ6 ቀናት የሚቆይ ሲሆን በስልጠናው ላይ ከትግራይና ከጋምቤል ክልል በስተቀር ሁሉም ክልሎች እየተሳተፉ ይገኛሉ።

••••••••••••••••••••••••••••••••••••
የኢት/እ/ጉ/ጠ ምክር ቤት ሕዝብ ግንኙነት።
ይከታተሉን | Follow us፡
ፌስቡክ | Ethiopian Islamic Affairs Supreme Council
ቴሌግራም | t.me/eiasc1
ትዊተር | https://x.com/eiasc13

ጥር 6፣ 2017 ዓ.ል | ረጀብ 14፣ 1446 ዓ.ሒ

بِسْمِ ٱللَّهِ ٱلرَّحْمَٰنِ ٱلرَّحِيمِ
•••••••••••••••••••••••••••••••••••••••••••••••••
ከአዲስ አበባና አካባቢዋ የተውጣጡ ሴት ዳዒዎችና የዐረብኛ መምህራን ውይይት እያደረጉ ነው።
••••••••••••••••••••••••••••••••••••••••••••••
አዲስ አበባ |

በኢትዮጵያ እስልምና ጉዳዮች ጠቅላይ ምክር ቤት የዑለማ ጽሕፈት ቤት ጉባኤ ከሴቶችና ወጣቶች ጉዳይ ዘርፍ ጋር በመተባበር ከተለያዩ የአዲስ አበባ ክፍለ ከተሞችና አካባቢዋ ከተውጣጡ ሴት ዳዒዎችና የዐረብኛ መምህራን ጋር ውይይት እያደረጉ ነው።

በግል ተነሳሽነት በየአካባቢያቸው ስለ ኢስላም በማስተማር ላይ ያሉ ሴቶች ተሰባስበው በመስራት የተሻለ ውጤት ማምጣት በሚችሉበት መንገድ ዙሪያ ላይ ዛሬ በጠቅላይ ምክር ቤቱ አዳራሽ እየመከሩ ያሉት።
••••••••••

የውይየቱን ዝርዝር ይዘን እንመለሳለን።
••••••••••••••••••••••••••••••••••••
የኢት/እ/ጉ/ጠ ምክር ቤት ሕዝብ ግንኙነት።
ይከታተሉን | Follow us፡
ፌስቡክ | Ethiopian Islamic Affairs Supreme Council
ቴሌግራም | t.me/eiasc1
ትዊተር | https://x.com/eiasc13

https://youtu.be/K-MCz2HaPrE

ታሕሣሥ 28፣ 2017 ዓ.ል | ረጀብ 6፣ 1446 ዓ.ሒ
بِسْمِ ٱللَّهِ ٱلرَّحْمَٰنِ ٱلرَّحِيم

#የአፋር እስልምናን ጉዳዮች ከፍተኛ ምክር ቤት በአክሱም ሙስሊም ማኀበረሰብ ላይ የሚፈጸመውን የእምነትና የሰብአዊ ጥሰት በፅናት እናቃወማለን ሲል መግለጫ አወጣ የመግለጫው ሙሉ ቃል ከላይ ይመልከቱ።

ታሕሣሥ 28፣ 2017 ዓ.ል |  ረጀብ 6፣ 1446 ዓ.ሒ
بِسْمِ ٱللَّهِ ٱلرَّحْمَٰنِ ٱلرَّحِيمِ                  
••••••••••••••••••••••••••••••••••••••••••••••••••
"ጠቅላይ ምክር ቤቱ የተሻለ ውጤት ለማስመዝገብ ጠንክሮ እየሠራ ነው።" -- ሐጂ ከማል ሐሩን
••••••••••••••••••••••••••••••••••••••••••••••••••
አዲስ አበባ |

የኢትዮጵያ እስልምና ጉዳዮች ጠቅላይ ምክር ቤት ለሠራተኞቹ ተከታታይ የአቅም ግንባታ ሥልጠና በመስጠት በበጀት ዓመቱ በተቋሙ የተያዘውን እቅድ ለማሳካት ተግቶ እየሠራ መሆኑን ዋና ሥራ አስኪያጁ ሐጂ ከማል ሐሩን ተናገሩ።

ሐጂ ከማል ይህን የተናገሩት ዛሬ በጠቅላይ ምክር ቤቱ  የስብሰባ አዳራሽ የተጀመረውንና ለሦስት ቀናት የሚቆየውን የእቅድ ዝግጅት፣ ክትትል፣ ግምገማና ግብረ መልስ ሥልጠና በንግግር በከፈቱበት ወቅት ነው።

ጠቅላይ ምክር ቤቱ የሠራተኞቹንና የክልል እስልምና ጉዳዮች ከፍተኛ ምክር ቤቶችን አቅም ለማሳደግ የተለያዩ የአቅም ግንባታ ሥልጠናዎችን እየሰጠ መሆኑን ዋና ሥራ አስኪያጁ ተናግረዋል።

ተቋሙ የአጭርና የረጅም ጊዜ እቅድ አውጥቶ እየተንቀሳቀሰ እንደኾነ የተናገሩት ዋና ሥራ አስኪያጁ፣  ሠልጣኞች በሥልጠና ያገኙትን ዕውቀት ወደ ተግባር በመቀየር የተቋሙን ለውጥ ማሳለጥ ይኖርባቸዋል ብለዋል።

በሥልጠና የዳበረ የሰው ኃይል የተቋሙን እቅድ በውጤት ያሳካል ያሉት ዋና ሥራ አስኪያጁ፣ ሠልጣኞች ከሥልጠናው የሚያገኙትን እውቀት ወደ ሥራ መቀየር እንደሚጠበቅባቸው ተናግረዋል።

በኢትዮጵያ ሥራ አመራር ኢንስቲትዩት የስትራቴጂክ ማኔጅመንት የሰው ሀብት ሥራ አስፈጻሚ፣ የሥልጠና ባለሙያ፣ ተመራማሪና አማካሪ የሆኑት አቶ አብዱልኻሊቅ ረሺድ ለአንድ ተቋም ውጤታማነት የእቅድ ዝግጅት፣ ክትትል፣ ግምገማ እና ግብረ-መልስ አስፈላጊ መሆኑን ተናግረዋል።

ሥልጠናው በንድፈ-ሐሳብ እና በተግባር  የታገዘ እንደሚኾን የተናገሩት አሠልጣኙ፣ ሠልጣኞች በሥልጠና ያገኙትን ዕድል ወደ ሥራ በመቀየር ወጤት ማስመዝገብ ይጠበቅባችዋል ብለዋል።

ዛሬ በጠቅላይ ምክር ቤቱ በተጀመረው የእቅድ ዝግጅት፣ ክትትል፣ ግምገማ እና ግብረ መልስ ሥልጠና ላይ የክልል እስልምና ጉዳዮች ከፍተኛ ምክር ቤት ተወካዮች፣ እንዲሁም የጠቅላይ ምክር ቤቱ የተለያዩ የሥራ ክፍል ኃላፊዎች እየተሳተፉበት ይገኛሉ።
••••••••••••
የኢት/እ/ጉ/ጠ ምክር ቤት ሕዝብ ግንኙነት።
ይከታተሉን | Follow us፡
ፌስቡክ | Ethiopian Islamic Affairs Supreme Council
ቴሌግራም | t.me/eiasc1
ትዊተር | https://x.com/eiasc13

ታሕሣሥ 27፣ 2017 ዓ.ል | ረጀብ 5፣ 1446 ዓ.ሒ
بِسْمِ ٱللَّهِ ٱلرَّحْمَٰنِ ٱلرَّحِيمِ
•••••••••••••••••••••••••••••••••••••••••••••••••
ክቡር ፕሬዚደንቱ "ለሕዝበ ሙስሊሙ እና ለአገር የሚሠሩ ማኅበራት ሊበራከቱ ይገባል" አሉ።

• የሙስሊም ባለሙያዎች ማኅበር መሥራች ጠቅላላ ጉባዔ አካሄደ።
•••••••••••••••••••••••••••••••••••••••••••••••••
አዲስ አበባ |

የኢትዮጵያ እስልምና ጉዳዮች ጠቅላይ ምክር ቤት ፕሬዚደንት የክብር ዶክተር ሸይኽ ሐጂ ኢብራሂም ቱፋ በሙስሊሙ ማኅበረሰብ ውስጥ ለሕዝበ ሙስሊሙ እና ከፍ ሲልም ለአገር የሚሠሩ ማኅበራት ሊበራከቱ ይገባል አሉ።

ክቡር ፕሬዚደንቱ ይህን ያሉት በኢትዮጵያ እስልምና ጉዳዮች ጠቅላይ ምክር ቤት ስር ካለው 'የተቋማትና ማኅበራት አስተዳደር' ሕጋዊ ፈቃድ የወሰደው የሙስሊም ባለሙያዎች ማኅበር በዛሬው ዕለት የምሥረታ ጠቅላላ ጉባዔውን በኤልያናሞል ያካሄደበትን መርኃግብር ሲከፍቱ ባደረጉት ንግግር ነው።

በማኅበሩ የምሥረታ ጉባዔ ላይ የተገኙት የጠቅላይ ምክር ቤቱ ፕሬዚደንት የክብር ዶክተር ሸይኽ ሐጂ ኢብራሂም ቱፋ፣ አዲሱ አመራር ወደ ኃላፊነት የመጣው ሠርቶ ለማሠራት መኾኑን ጠቅሰው፣ "ከማኅበሩ ጋራ በመተባበር ለአገር እና ለማኅበረሰቡ ጠቀሜታ ባላቸው ጉዳዮች ላይ አብረን በመሥራት ትውልዳዊ ኃላፊነታችንን እንወጣለን" ብለዋል።

ክቡር ፕሬዚደንቱ አክለውም፣ "ሥራችን ኃላፊነት ያለበት፣ ከኩራት የራቀ እና የዑለማ ይሁንታ ያለው እንዲሆን አደራ!" ብለዋል።

የሙስሊም ባለሙያዎች ማኅበር ምሁራዊ መሠረት ያለውና በተለያዩ ዘርፍ የሚገኙ ሙስሊም ባለሙያዎችን ያሰባሰበ ተቋም መሆኑ ከመድረኩ ተነግሯል።

ማኀበሩ ተጠናክሮ ማኅበረሰባዊ አገልግሎቱን እንዲያሰፋ የሙስሊሙ ማኀበረሰብ ድጋፍ እንዳይለየው ጥሪ አቅርቧል።

በማኅበሩ የምሥረታ እና የመጀመሪያ ጠቅላላ ጉባዔ ላይ የአዲስ አበባ እስልምና ጉዳዮች ከፍተኛ ምክር ቤት ፕሬዚደንት ሸይኽ ሡልጣን አማን እና የኢትዮጵያ ሙስሊም ወጣቶች ካውንስል ፕሬዚደንት ዑስታዝ ሐይደር ከድር መልዕክት ያስተላለፉ ሲኾን፣ የጠቅላይ ምክር ቤቱ ዋና ሥራ አሰኪያጅ ሐጂ ከማል ሀሩን፣ የሥራ አመራር አባላት እና ዑስታዝ አህመዲን ጀበልን ጨምሮ ጥሪ የተደረገላቸው በርካታ ምሁራን ታድመዋል።

ታሕሣሥ 27፣ 2017 ዓ.ል |  ረጀብ 5፣ 1446 ዓ.ሒ
بِسْمِ ٱللَّهِ ٱلرَّحْمَٰنِ ٱلرَّحِيم

#የደቡብ ምዕራብ ኢትዮጵያ እስልምን ጉዳዮች ከፍተኛ ምክር ቤት በአክሱም ሙስሊም ማኀበረሰብ ላይ የሚፈጸመውን የእምነትና የሰብአዊ ጥሰት በፅናት በመቃወም ከትግራይ ክልል እስልምና ጉዳዮች ከፍተኛ ምክር ቤት ጎን እንደሚሰለፍ መግለጫ አውጥቷል ።
የመግለጫው ሙሉ ቃል ከላይ ይመልከቱ

ታሕሣሥ 26፣ 2017 ዓ.ል | ረጀብ 3፣ 1446 ዓ.ሒ

بِسْمِ ٱللَّهِ ٱلرَّحْمَٰنِ ٱلرَّحِيم
አዲስ አበባ |
ፕሬዚደንቱ ሕዝበ ሙስሊሙ ለትምህርት ከፍተኛ ትኩረት እንዲሰጥ አሳሰቡ

"ልጆቻችንን አላስተማርንም፤ አሁን ያገኘነውን ዕድል ተጠቅመን ጠንክረን በቁጭት ልንጠቀምበት ይገባል!" ሲሉ የጠቅላይ ምክር ቤቱ ፕሬዚደንት ተናገሩ።

ፕሬዚደንቱ ይህን የተናገሩት፣ በኢትዮጵያ እስልምና ጉዳዮች ጠቅላይ ምክር ቤት የትምህርትና ማኀበራዊ አገልግሎት ዳይሬክቶሬት "የኢትዮጵያ ሙስሊሞች የትምህርት ተሳትፎ" በሚል ርዕስ ባዘጋጀው የምክክር መድረክ ላይ ነው።

የክብር ዶክተር ሼይኽ ሐጂ ኢብራሒም ቱፋ በመድረኩ ላይ ባደረጉት ንግግር በኢትዮጵያ ከትምህርት አጀማመር ታሪክ አንስቶ ሙስሊሞች መዋቅራዊ በኾነ መልኩ ከትምህርቱ ዓለም የተገለሉ እንደነበረ አስታውሰዋል።

"ሴት ልጆቻችን ዲናቸውን እንደጠበቁ ይማራሉ፤ ሕግና ሕግን መሠረት አድርገን ሕገ-ወጥ ድርጊቶች ሕጋዊ መፍትኄ እንዲያገኙ የሚመለከታቸውን አካላት በሮች እያንኳኳን ነው" ብለዋል።

ፕሬዚደንቱ አያይዘውም መስሊሞች የሁሉም ነገር መነሻ እውቀት መሆኑን ሳይዘነጉ፣ ያገኙትን ዕድል ተጠቅመው በቁጭት ልጆቻቸውን ሊያስተምሩ ይገባል" ብለዋል።

የጠቅላይ ምክር ቤቱ የሥራ አስፈጻሚ ኮሚቴ አባል እና የትምህርትና ማኅበራዊ አገልግሎት ዳይሬክቶሬት ተጠሪ ኢንጂነር አንዋር ሙስጠፋ፣ ትምህርት ማኅበረሰባዊም ሆነ ሀገራዊ ፈይዳው የላቀ እንደኾነ ጠቅሰው፣ ዳይሬክቶሬቱ የትምህርት ዘርፍ መመሪያ አጸድቆ እየሠራ መሆኑን እና የዛሬው የምክክር መድረክ የዚሁ አካል መሆኑን ተናግረዋል።

ለሁለት ቀናት በሚቆየው በዚህ መድረክ ላይ ሁለት ጥናታዊ ጽሑፎች ቀርበው ውይይት እየተደረገባቸው ይገኛል።

"የትምህርት ምንነት እና ትምህርት ለሀገር ዕድገት ያለው ፋይዳ" በሚል ርዕስ ጽሑፍ ያቀረቡት አቶ ባህሩ ሽኩር፣ 'የትምህርት ምንነትን'፣ 'የትምህርት ታሪካዊ እድገት'ን፣ 'የትምህርት አይነቶች'ን እና 'ትምህርት ያለውን ፋይዳ' በጽሑፋቸው ዳስሰዋል።

በትምህርት ዙሪያ የረጅም ጊዜ ተሳትፎ ያላቸውና በእስላማዊ የምርምር ማዕከል የቦርድ አባል የሆኑት ኢንጅነር ቢንመሊክ አብዶ "ትምህርት በእስልምና ዕይታ" በሚል ርዕስ ትምህርትና ዕወቀት በእስልምና ያለውን ቦታ የተመለከተ ጽንሰ ሐሳባዊ ማብራሪያ አቅርበዋል።

የመድረኩ አወያይ ወይዘሮ ዘቢባ መልኪ የፓናል ውይይት ተሳታፊዎች በቡድን ተከፍለው በቀረቡላቸው ጥያቄዎች ላይ ተወያይተው ለቀጣዩ ቀን ሪፖርት እንደሚያደርጉ ተናግረዋል።

መድረኩ ነገ እሑድ ሕዳር 27/2017 በሀገራችን የሕዝበ ሙስሊሙ የትምህርት ተሳትፎ በምን ደረጃ ላይ ነው? በሚለው እና መሰል የመወያያ ሪፖርቶችን በመስማት እንደሚቀጥል ተነግሯል።

••••••••••••
የኢት/እ/ጉ/ጠ ምክር ቤት ሕዝብ ግንኙነት።
ይከታተሉን | Follow us፡
ፌስቡክ | Ethiopian Islamic Affairs Supreme Council
ቴሌግራም | t.me/eiasc1
ትዊተር | https://x.com/eiasc13

ታሕሣሥ 26፣ 2017 ዓ.ል | ረጀብ 3፣ 1446 ዓ.ሒ
بِسْمِ ٱللَّهِ ٱلرَّحْمَٰنِ ٱلرَّحِيم
የኢትዮጵያ እስልምና ጉዳዮች ጠቅላይ ምክር ቤት የዑለማ ጉባኤ ጹፈት ቤት ለጠቅላለው ሕዝበ ሙስሊም መልዕክት አስተላለፈ የመልዕክቱ ሙሉ ቃል

ታሕሣሥ 25፣ 2017 ዓ.ል | ረጀብ 2፣ 1446 ዓ.ሒ

بِسْمِ ٱللَّهِ ٱلرَّحْمَٰنِ ٱلرَّحِيم
#ማዕከላዊ ኢትዮጵያ ክልላዊ መንግስት
ኢትዮጵያ እስልምና ጉዳዮች ከፍተኛ
ምክር ቤት የአክሱም ሙስሊም ማህበረሰብ መብቶች ሳይሸራረፋ እንዲከበር መግለጫ አወጣ !

በመግለጫቸው በሃይማኖት ግዴታ የሆነውን ሂጃብ ተማሪዎችን አውልቁ በማለት የጭለማ ዘመን ድርጊት የፈጸመውን ግለሰብ ህጋዊ አፋጣኝ እርምጃ እንዲወሰድ መንግስት እንጠይቃለን ብለዋል።

የመግለጫው ሙሉ ቃል

ሕዳር 22፣ 2017 ዓ.ል | ጁማዱል ኡላ 29፣ 1446 ዓ.ሒ
بِسْمِ ٱللَّهِ ٱلرَّحْمَٰنِ ٱلرَّحِيمِ             
•••••••••••••••••••••••••••••••••••••••••••••••
ኅብረተሰቡ ለመቄዶንያ የአዕምሮ ህሙማንና የአረጋውያን መርጃ ማኅበር ሁሉንአቀፍ ድጋፍ እንዲያደርግ ጥሪ ቀረበ።
••••••••••••••••••••••••••••••••••••••••••••••••
አዲስ አበባ |

የኢትዮጵያ እስልምና ጉዳዮች ጠቅላይ ምክር ቤት ሙስሊሙ ማኅበረሰብ ለመቄዶንያ የአዕምሮ ህሙማንና የአረጋውያን መርጃ ማኀበር የበኩሉን ድጋፍ እንዲያደርግ ጥሪ አቀረበ።

ጥሪው የቀረበው የኢትዮጵያ የሃይማኖት ተቋማት ጉባዔ አባል ቤተ-እምነቶችና የመቄዶንያ የአዕምሮ ህሙማንና የአረጋውያን መርጃ ማኀበር አባላት ለአገር ሰላም ፀሎት ባደረጉበትና ለማኅበሩ ድጋፍ ማሰባሰቢያ በተዘጋጀው መርኃግብር ላይ ነው።

በመርኃግብሩ ላይ የኢትዮጵያ እስልምና ጉዳዮች ጠቅላይ ምክር ቤትን በመወከል የተገኙት የሥራ አስፈፃሚ ኮሚቴ ና የሕዝብ ግንኙነት ዘርፍ ተጠሪው ሼይኽ ሑሴን ሐሰን  ነቢያችን ሙሐመድ (ሶ.ዐ.ወ) ለዓለማት እዝነት የተላኩ  መኾናቸውን አውስተው፣ መስሊሙ ማኅበረሰብ መቄዶንያ የበጎ አድራጎት ማኅበር እየሠራ ለሚገኘው የበጎ አድራጎት ሥራ ውጤታማነት ድጋፍ የማድረግ ሃይማኖታዊ ኃላፊነት አለበት ብለዋል።

የመቄዶንያ የአዕምሮ ህሙማንና የአረጋውያን መርጃ ማኀበር መሥራችና ኃላፊ የክብር ዶክተር ቢንያም በለጠ ማዕከሉ አዲስ አበባን ጨምሮ በአርባ አራት ከተሞች ከ8 ሺህ በላይ ራሳቸውን ችለው መንቀሳቀስ የማይችሉ የአልጋ ቁራኛ አረጋውያንና የአዕምሮ ሕሙማንን ከጎዳና በማንሳት በመንከባከብ ላይ እንደሚገኝ ተናግረዋል።

መቄዶንያ የአዕምሮ ህሙማንና የአረጋውያን መርጃ ማኀበር ዘር፣ ሃይማኖት እና ፆታ ሳይለይ ሰብዓዊ አገልግሎት የሚሰጥ የበጎ አድራጎት ድርጅት መኾኑን የጠቀሱት ክቡር ዶክተር ቢኒያም፣ በአሁኑ ጊዜ 2 ሺህ 900 የእስልምና ሃይማኖት ተከታይ ወገኖች በማዕከሉ እንክብካቤ እየተደረገላቸው እንደሚገኙ ተናግረዋል።

ክቡር ዶክተር ቢኒያም አክለውም ተቋሙ በማዕከሉ የሚገኙ ሙስሊሞች የሃይማኖት እውቀታቸውን ለማጎልበት የዲን ትምህርት አንዲማሩና ሶላታቸውን እንዲሰግዱ በማዕከሉ ግቢ ዉስጥ መስጂድ በማቋቋምና ዑስታዞችን በመቅጠር አገልግሎት እየሰጠ መኾኑንም ተናግረዋል።

ማኅበሩ በቀጣይ ጊዜያት ቅርንጫፎቹን ወደ 244 ለማሳደግ እየሠራ እንደሚገኝም የክብር ዶክተር ቢኒያም ተናግረዋል።

የኢትዮጵያ የሃይማኖት ተቋማት የጋራ ጉባዔ ዋና ፀሐፊ የኾኑት ቀሲስ ታጋይ ታደለ ጉባዔው ለአገር ሰላም በጋራ እየሠራ መሆኑን ጠቅሰው፣ በአገራችን አንዳንድ ቦታዎች ላይ እየታየ ያለው የሰላም እጦት እንዲያበቃ የጋራ ጉባዔው አባል ቤተ-እምነቶች በመቄዶንያ ከሚኖሩ ወገኖቻችን ጋር የዛሬውን የፀሎትና የዱዓ መርኃግብር ማዘጋጀታቸውን ተናግረዋል።

መቄዶንያ የአዕምሮ ሕሙማንና የአረጋውያን መርጃ ማዕከል "ሰውን ለመርዳት፣ ሰው መኾን በቂ ነው" በሚል ወርቃማ መርኅ በታሕሣሥ ወር 2002፣ አሥር ሰዎችን በመንከባከብ ሥራውን የጀመረ የበጎ አድራጎት ድርጅት መሆኑ ተነግሯል።

ዛሬ በመቄዶንያ የአዕምሮ ህሙማን እና የአረጋውያን መርጃ ማዕከል ግቢ ውስጥ ለአገር ሰላም በተደረገው ፀሎት እና ለማዕከሉ የድጋፍ ማሰባሰቢያ መርኃግብር ላይ የኢትዮጵያ የሃይማኖት ተቋማት የበላይ ጠባቂ አባቶች፣ የቦርድ አባላት፣ እንዲሁም የሃይማኖት አባቶች ተገኝተዋል።
••••••••••••••••
የኢት/እ/ጉ/ጠ ምክር ቤት ሕዝብ ግንኙነት
ይከታተሉን | Follow us፡
ፌስቡክ | Ethiopian Islamic Affairs Supreme Council
ቴሌግራም | t.me/eiasc1
ትዊተር | https://x.com/eiasc1

ሕዳር 22፣ 2017 ዓ.ል | ጁማዱል ኡላ 29፣ 1446 ዓ.ሒ
بِسْمِ ٱللَّهِ ٱلرَّحْمَٰنِ ٱلرَّحِيمِ
•••••••••••••••••••••••••••••••••••••••••••••••••••
"የሸሪዓ ፍርድ ቤት ማቋቋሚያ አዋጅ የሚሻሻልበት አዲስ ረቂቅ ይዘጋጃል።"
- የፌደራል ጠቅላይ ፍርድ ቤት ፕሬዚደንት
•••••••••••••••••••••••••••••••••••••••••••••••••••
አዲስ አበባ |

በሸሪዓ ፍርድ ቤቶች ውስጥ የሚታዩ ችግሮችን መርምሮ የመፍትኄ ሐሳብ እንዲያቀርብ የተቋቋመው ኮሚቴ በዛሬው ዕለት ጥናቱን ለባለድርሻ አካላት አቀረበ።

ኮሚቴው "የሸሪዓ ፍርድ ቤቶች የሕግ ማዕቀፍ፣ አደረጃጀት እና የሰው ኃይል አስተዳደር" በሚል ርዕስ ያጠናቀረውን ጥናት ክቡር አቶ መሐመድ አሕመድ ያቀረቡ ሲኾን፣ በሸሪዓ ፍርድ ቤቶች የአገልግሎት አሰጣጥ ላይ የሚታዩ ችግሮችን በተመለከተም በሕግ ባለሙያው አቶ አብዱልሀኪም ጀማል የተዘጋጀ የጥናት ሰነድ ቀርቦ ሰፋ ያለ ውይይት ተደርጓል።

በቀረቡት ጥናቶች ላይ ከሕግ ባለሙያዎችና ከባለድርሻ አካላት ሰፋ ያሉ አስተያየቶችና ተሻሽሎ ለሚዘጋጀው የማቋቋሚያ አዋጅ ግብዓት የሚኾኑ ሐሳቦች ቀርበዋል።

የፌደራል ጠቅላይ ፍርድ ቤት ፕሬዚደንት አቶ ቴዎድሮስ ምህረት ወደ ኃላፊነት ከመጡበት ጊዜ ጀምሮ ትኩረት ካደረጉባቸው ጉዳዮች አንዱ የሸሪዓ ፍርድ ቤቶች የአሠራር ሁኔታን ማሻሻል መኾኑን ተናግረዋል።

"የፌደራል ጠቅላይ ፍርድ ቤት በሸሪዓ ፍርድ ቤቶች ውስጥ ከሕግ፣ ከአደረጃጀት እና ከሰው ኃይል አስተዳደር አኳያ የሚታዩ ክፍተቶችን ለመድፈን ከኢትዮጵያ እስልምና ጉዳዮች ጠቅላይ ምክር ቤት ጋር በቅርበት አየሠራ ነው" ሲሉም ተናግረዋል።

ፕሬዚደንቱ አክለውም፣ "በዚህ የውይይት መድረክ ላይ በአካል መገኘቴ ጉዳዩን ከባለድርሻ አካል አኳያ ሁኔታውን በትኩረትና በቅርበት ለማየት አስችሎኛል" ብለዋል።

አያይዘውም የቀረቡትን ጥናቶች እና ከተሳታፊዎች የተሰጡ ግብዓቶችን መሠረት በማድረግ የሸሪዓ ፍርድ ቤቶች ማቋቋሚያ አዋጅ የሚሻሻልበት አዲስ ረቂቅ ማዘጋጀት መጀመር አለበት ብለዋል።

የኢትዮጵያ እስልምና ጉዳዮች ጠቅላይ ምክር ቤት ፕሬዚደንት የክብር ዶክተር ሸይኽ ሐጂ ኢብራሂም ቱፋ የኢትዮጵያ መስሊም ሃይማኖታዊ እሴቱን በጠበቀ መልኩ የሚዳኝበት የሸሪዓ ፍርድ ቤት ክብሩ የተጠበቀ እና ዘመኑን የዋጀ እንዲኾን ጠቅላይ ምክር ቤቱ ከፍተኛ ጥረት እያደረገ መሆኑን ተናግረዋል።

ክቡር ፕሬዚደንቱ አክለውም በሸሪዓ ፍርድ ቤት የማቋቋሚያ አዋጅ ላይ ያሉ ክፍተቶች ተገቢውን ትኩረት እንዲያገኙ ለማስቻል በተደረገው ጥረት የፌደራል ጠቅላይ ፍርድ ቤት ፕሬዚደንት ላደረጉት ትብብር አመስግነዋል።

በኢትዮጵያ እስልምና ጉዳዮች ጠቅላይ ምክር ቤት የፕሬዚደንቱ ጽሕፈት ቤት ኃላፊ የኾኑት ዑስታዝ አቡበከር አሕመድ በዚሁ ጊዜ የኢትዮጵያ ሙስሊም ማኅበረሰብ ከሸሪዓ ፍርድ ቤቶች ጋር ያለውን የትስስር ታሪክ አውስተዋል።

ዑስታዝ አቡበከር አክለውም በሸሪዓ ፍርድ ቤቶች ውስጥ የሚታዩ ዐበይት ችግሮችን በመለየት የሕግ፣ የአደረጃጀት እና የሰው ኃይል አስተዳደርን በተመለከተ ማሻሻያ የሚፈልጉ ጉዳዮችን ለመለየት የተቋቋመውን ኮሚቴ አመሠራረት፣ በኮሚቴው የተደረጉ ጥናቶችን እና ከባለድርሻ አካላት ጋር የተካሄዱ የውይይት ሂደቶችን አስመልክቶ ሰፋ ያለ ማብራሪያ አቅርበዋል።

የጠቅላይ ምክር ቤቱ ፕሬዚደንት የክብር ዶክተር ሸይኽ ሐጂ ኢብራሂም ቱፋ በውይይቱ ላይ የተገኙ የሕግ ባለሙያዎችና የባለድርሻ አካላት ተወካዮችን አመስግነው ጥናቱ ከመድረኩ ተሳታፊዎች በተሰጡ ግብዓቶች ዳብሮ፣ ሕገ መንግሥትን መሠረት ባደረገ መልኩ የሸሪዓ ፍርድ ቤቶችን አሠራር፣ አደረጃጀት እና የሰው ኃይል አስተዳደር ሕዝበ-መስሊሙን ያማከለ ለማድረግ የተጀመረው ጥረት ፍሬ እስከሚያፈራ ይቀጥላል ብለዋል።

በዘመናዊት ኢትዮጵያ የሸሪዓ ፍርድ ቤቶች ሕጋዊ አውቅና አግኝተው በመጀመሪያ የተቋቋሙት ከዛሬ 85 ዓመት በፊት በታወጀው አዋጅ ቁጥር 2/1934 ነው።
••••••••••••••••
የኢት/እ/ጉ/ጠ ምክር ቤት ሕዝብ ግንኙነት
ይከታተሉን | Follow us፡
ፌስቡክ | Ethiopian Islamic Affairs Supreme Council
ቴሌግራም | t.me/eiasc1
ትዊተር | https://x.com/eiasc1

ሕዳር 18፣ 2017 ዓ.ል | ጁማዱል ኡላ 25፣ 1446 ዓ.ሒ
بِسْمِ ٱللَّهِ ٱلرَّحْمَٰنِ ٱلرَّحِيمِ             
•••••••••••••••••••••••••••••••••••••••••••••••••
ጠቅላይ ምክር ቤቱ መላውን ሙስሊም ማኅበረሰብ በእኩልነት የማገልገል ተልዕኮና ኃላፊነቱን ለመወጣት በትጋት መሥራቱን እንደሚቀጥል ተነገረ።
••••••••••••••••••••••••••••••••••••••••••••••••
አዲስ አበባ |

የኢትዮጵያ እስልምና ጉዳዮች ጠቅላይ ምክር ቤት እስከ ታች ድረስ ባሉት መዋቅሮቹ መላውን ሙስሊም ማኅበረሰብ በእኩልነት የማገልገል ተልዕኮና ኃላፊነቱን ለመወጣት በትጋት መሥራቱን እንደሚቀጥል የምክር ቤቱ ዋና ሥራ አስኪያጅ ተናገሩ።

ዋና ሥራ አስኪያጁ ሐጂ ከማል ሐሩን ይህን የተናገሩት የጠቅላይ ምክር ቤቱ የማኅበራዊ አገልግሎት ዘርፍ ለአካል ጉዳተኞች ማኅበራት አመራሮች ያዘጋጀው የሁለት ቀናት የአቅም ግንባታ ሥልጠና ዛሬ ሲጠናቀቅ ባደረጉት ንግግር ነው።

ሐጂ ከማል ሐሩን የሙስሊሙ ማኅበረሰብ አካል የኾኑትን አካል ጉዳተኛ ወገኖች በማገልገል ዓላማ ለተቋቋሙ ማኅበራት ተከታታይነት ያለው ሥልጠና በመስጠት አቅማቸውን ማሳደግ አስፈላጊ እንደኾነ ጠቅላይ ምክር ቤቱ
ይገነዘባል ብለዋል።

ጠቅላይ ምክር ቤቱ አካል ጉዳተኛ ወንድምና እህቶቻችን በተለያዩ መልኮች የሚደርሱባቸውን ማነቆዎች ለማስቀረት የሚያስችሉ ተከታታይነት ያላቸው የአቅም ግንባታ ሥልጠናዎች ማዘጋጀቱን እንደሚቀጥልም ሐጂ ከማል ተናግረዋል።

የጠቅላይ ምክር ቤቱ የማኅበራዊ አገልግሎት ዘርፍ ኃላፊ ዶክተር ተውፊቅ ቢራራ፣ ዘርፉ እስላማዊ እሴቶችን መሠረት ያደረገ ማኅበረሰባዊ ተሳትፎን ይበልጥ በማጎልበት የግንዛቤ ማስጨበጫ ሥራዎችን እየሠራ እንደሚገኝ ተናግረዋል።

የጠቅላይ ምክር ቤቱ ሁሉም ዘርፎችና ዳይሬክቶሬቶች በሚሠሯቸው ሃይማኖታዊና የልማት ሥራዎች አካል ጉዳተኛና ልዩ ፍላጎት ያላቸውን ወገኖቻችንን ተሳታፊነት የሚያረጋግጡ እንዲኾኑ በትብብር እየሠሩ መኾኑን ዶክተር ተውፊቅ ተናግረዋል።

በቀጣይም ከሚመለከታቸው አካላት ጋር በመቀናጀት በአካል ጉዳተኞችና ልዩ ፍላጎት ባላቸው ወገኖቻችን መንፈሣዊ እና ዓለማዊ ሕይወት ላይ ትርጉም ያለው ለውጥ ለማምጣት የሚያስችል የአሠራር ሥርዓት እንዲኖር  ዘርፉ ተጠናክሮ እንደሚሠራ ዶክተር ተውፊቅ ተናግረዋል።

​​​​••••••••••••••••
የኢት/እ/ጉ/ጠ ምክር ቤት ሕዝብ ግንኙነት
ይከታተሉን | Follow us፡
ፌስቡክ | Ethiopian Islamic Affairs Supreme Council
ቴሌግራም | t.me/eiasc1
ትዊተር | https://x.com/eiasc1

ሕዳር 19፣ 2017 ዓ.ል | ጁማዱል ኡላ 26፣ 1446 ዓ.ሒ
بِسْمِ ٱللَّهِ ٱلرَّحْمَٰنِ ٱلرَّحِيمِ             
•••••••••••••••••••••••••••••••••••••••••••••••
የጠቅላይ ምክር ቤቱ የማኅበራዊ አገልግሎት ዘርፍ ለአካል ጉዳተኞች ማኅበር የአቅም ግንባታ ሥልጠና መስጠት ጀመረ።
•••••••••••••••••••••••••••••••••••••••••••••••
አዲስ አበባ |

የኢትዮጵያ እስልምና ጉዳዮች ጠቅላይ ምክር ቤት  የማኅበራዊ አገልግሎት ዘርፍ ለአካል ጉዳተኞች ማኅበራት  የሥራ ኃላፊዎች የሁለት ቀናት የአቅም ግንባታ ሥልጠና መስጠት ጀመረ።

የጠቅላይ ምክር ቤቱ የሥራ  አስፈጻሚ አባልና የፈትዋና ምርምር ዘርፍ ተጠሪ ሼይኽ ኢድሪስ አሊ ሑሴን (ደጋን) በሥልጠናው መክፈቻ ላይ ባደረጉት ንግግር፣ አካል ጉዳተኝነት በተፈጥሮና ከጊዜ በኋላ ሊመጣ የሚችል ክስተት መኾኑን አስታውሰዋል።

በእስልምና ታሪክ ውስጥ አካል ጉዳተኛ ኾነው ትልቅ ገድል ያስመዘገቡ የነቢያችን ሙሐመድ (ሶ.ዐ.ወ) ተከታዮች  እንደነበሩ የተናገሩት ሼይኽ ኢድሪስ፣ ለአብነት የአብደሏህ ኢብኑ ዑሚ መኽቱም ገድል ከፍተኛ እንደነበረ አውስተዋል።

በኢትዮጵያ እስልምና ጉዳዮች ጠቅላይ ምክር ቤት የዓሊሞች ጉባዔ ጽሕፈት ቤት ኃላፊ የኾኑት ሼይኽ ሙሐመድዘይን ዘኽረዲን ጠቅላይ ምክር ቤቱ በአዋጅ  በተሰጠው ሥልጣን መሠረት የሙስሊሙን ማኅበረሰብ ሃይማኖታዊና ልማታዊ  ጥያቄዎች ለመፍታት እየተጋ እንደሚገኝ ተናግረዋል።

በተለያየ ምክንያት የአካል ጉዳት የገጠማቸውን ወገኖች በማደራጀት ሃይማኖታዊና ዓለማዊ ችግሮቻቸው እንዲፈቱ ጠቅላይ ምክር ቤቱ የሚያደርገው ጥረት ይበል የሚያሰኝ እንደኾነ ሼይኽ ሙሐመድዘይን ተናግረዋል።

አካል ጉዳተኝነት አለመቻል ማለት እንዳልኾነ ከሚያሳዩ  ምሳሌዎች ውስጥ የታዋቂው ዓሊም የሼይኽ ኢብኑ ባዝን ገድል ያወሱት ሼይኽ ሙሐመድዘይን፣ በቀጣዮቹ ጊዜያት በእነዚህ ማኅበራት አማካይነት ብዙ ባለራዕዮች ይፈጠራሉ ብለው ተስፋ እንደሚያደርጉ ተናግረዋል።

ለዚህም እውን መኾን የሚመለከታቸው ሁሉ የበኩላቸውን አስተዋፅዖና እገዛ እንዲያበረክቱ ሼይኽ ሙሐመድዘይን ጥሪያቸውን አስተላልፈዋል።

በኢትዮጵያ እስልምና ጉዳዮች ጠቅላይ ምክር ቤት የተቋማት እና ማኅበራት ዳይሬክቶሬት ስር ተመዝግበው ከሚንቀሳቀሱ የበጎ አድራጎት ማኅበራት አራቱ የአካል ጉዳተኞች ማኅበራት ናቸው።

የጠቅላይ ምክር ቤቱ የማኅበራዊ አገልግሎት ዘርፍ ለአካል  ጉዳተኞች ማኅበራት የሥራ ኃላፊዎች እየሰጠ የሚገኘውና በአብደላ ኢብኑ ዑሚ መኽቱም ሕፃናት የዐይነ ስውራን አዳሪ ትምህርት ቤት ተማሪዎች በቁርኣን የተከፈተው ሥልጠና በዛሬው ዕለት ይጠናቀቃል ተብሎ ይጠበቃል።

​​​••••••••••••••••
የኢት/እ/ጉ/ጠ ምክር ቤት ሕዝብ ግንኙነት
ይከታተሉን | Follow us፡
ፌስቡክ | Ethiopian Islamic Affairs Supreme Council
ቴሌግራም | t.me/eiasc1
ትዊተር | https://x.com/eiasc1

ሕዳር 14፣ 2017 ዓ.ል | ጁማዱል ኡላ 21፣ 1446 ዓ.ሒ
بِسْمِ ٱللَّهِ ٱلرَّحْمَٰنِ ٱلرَّحِيمِ             
•••••••••••••••••••••••••••••••••••••••••••••••••
የዋኮ ሞጌሾ  ቤተሰቦች ሃያ ሺህ ሜትር ካሬ መሬት ለሶዶ ከተማ እስልምና ጉዳዮች ጽሕፈት ቤት ወቅፍ አደረጉ።
•••••••••••••••••••••••••••••••••••••••••••••••••
ሶዶ |
በደቡብ ኢትዮጵያ ክልል፣ ወላይታ ዞን፣ ሶዶ ከተማ ነዋሪ የኾኑት የአቶ ዋኮ ሞጌሾ ልጆችና የልጅ ልጆች ከአያት ቅድመ አያቶቻቸው ሲወራረስ የመጣውን ሃያ ሺህ ሜትር ካሬ መሬት ለዲን አገልግሎት እንዲውል ለከተማው እስልምና ጉዳዮች ምክር ቤት ወቅፍ አደረጉ።

በሶዶ ከተማ ኮካቴ ወዞ ቀበሌ ነዋሪ የኾኑት የአቶ ዋኮ ሞጌሾ ልጆችና የልጅ ልጆች የአያት ቅድመ አያቶቻቸው ይዞታ ኾኖ የተላለፈላቸውን መሬት ለሙስሊሙ ማኅበረሰብ መንፈሳዊ አገልግሎት እንዲውል ወቅፍ በማድረግ ትናንት (እሑድ) ለሶዶ ከተማ እስልምና ጉዳዮች ከፍተኛ ምክር ቤት በይፋ አስረክበዋል።

የአቶ ዋኮ ሞጌሾ ልጅና የደቡብ ክልል እስልምና ጉዳዮች ከፍተኛ ምክር ቤት ተቀዳሚ ምክትል ፕሬዚደንት የኾኑት ሸይኽ ዑስማን ዋኮ አሕመድ በርክክቡ ወቅት የአቶ ዋኮ ሞጌሾ ልጆችና የልጅ ልጆች ይህን መሬት ከአያት ቅድመ አያቶቻቸው በውርስ ማግኘታቸውን ተናግረዋል።

የቤተሰቡ አባላት በደቡብ ክልላዊ መንግሥት፣ በወላይታ ዞን የመጀመሪያ ደረጃ ሸሪዓ ፍርድ ቤት ቀርበው በወቅፍ ያስተላለፉትን መሬት የሶዶ ከተማ እስልምና ጉዳዮች ምክር ቤት እንዲያስተዳድረው ማስወሰናቸውን ሸይኽ ዑስማን ዋኮ ተናግረዋል።

ሼይኽ ዑስማን አክለውም በአካባቢው ከጊዜ ወደጊዜ የዲን ትምህርት የሚስሰጥባቸው ማዕከላት (መርከዞች) ቁጥር በማነሳቸው ምክንያት የአካባቢው ሙስሊም ማኅበረሰብ አባላት ሃይማኖታዊ እውቀት (ኢልም) ፍለጋ ራቅ ወዳለ አካባቢ ለመሄድ መገደዳቸውን ተናግረዋል።

ከብዙ ዓመታት በፊት በቅድመ አያቶቻቸው ኑዛዜ ወቅፍ የተደረገው ሃያ ሺህ ሜትር ካሬ መሬት፣ በአካባቢው ያለውን የዒልም ማዕከላት እጥረት ለመቅረፍ እና ለሙስሊሙ ማኅበረሰብ መንፈሳዊ አገልግሎት እንዲውል ማስረከባቸውን ሸይኽ ዑስማን ተናግረዋል።

ከአቶ ዋኮ ሞጌሾ ልጆችና የልጅ ልጆች የተሰጠውን የወቅፍ  ቦታ የተረከቡት የሶዶ ከተማ እስልምና ጉዳዮች ሰብሳቢ ሼይኽ አንዋር አወል፣ በአካባቢው የመስጂድና የእስላማዊ ትምህርት ማዕከላት (መድረሳ) ቁጥር አነስተኛ መሆኑን ተናግረዋል።

ሼይኽ አንዋር በዚሁ ጊዜ ወቅፉን ላበረከቱት የአቶ ዋኮ ሞጌሾ ልጆችና የልጅ ልጆች ፈጣሪያችን አሏህ (ሱ.ወ.) የሁለት ዓለም ምንዳ እንዲመነዳቸው ዱዓ አድርገዋል።

ከአቶ ዋኮ ሞጌሾ ልጆችና የልጅ ልጆች ለከተማው ሙስሊም ማኅበረሰብ በወቅፍ በተበረከተው ቦታ ላይ በአጭር ጊዜ ውስጥ ደረጃውን የጠበቀ መስጂድና መድረሳ ተገንብቶ መንፈሣዊ አገልግሎት እንዲሰጥ መላው ሙስሊም ማኅበረሰብ የድጋፍ እጁን እንዲዘረጋ ጥሪያቸውን አስተላልፈዋል።

በወቅፍ ርክክቡ ላይ የተገኙት የኢትዮጵያ ዓሊሞች ጉባዔ ጽሕፈት ቤት ኃላፊ ሸይኽ ሙሐመድዘይን ዘኽረዲን፣ "ላለፉት 37 ዓመታት በዳዕዋ ዘርፍ ኢትዮጵያ ውስጥ ተንቀሳቅሻለሁ፣ ነገር ግን እንዲህ ዓይነት ሰፊ መሬት በወቅፍ የሰጠ አንድም ቤተሰብ አላጋጠመኝም" በማለት ስሜታቸውን አጋርተዋል።

ሸይኽ ሙሐመድዘይን አያይዘውም "እነዚህ ቤተሰቦች የአያት ቅድመ አያቶቻቸውን የኑዛዜ ቃል አክብረው መሬታቸውን ለሙስሊሙ ማኅበረሰብ ሰጥተዋል፤ መላው ሙስሊም ማኅበረሰብ ደግሞ በመሬቱ ላይ የመስጂድና መድረሳ ግንባታው ሥራ ላይ እንዲረባረብ ጥሪያቸውን አቅርበዋል።

በወቅፍ ርክክብ መርኃግብሩ ላይ የደቡብ ኢትዮጵያ ክልል እስልምና ጉዳዮች ከፍተኛ ምክር ቤት ሥራ አስፈጻሚዎች፣  ከሻሸመኔና ከወላይታ ሶዶ የመጡ መሻዒኾች እና ዓሊሞች፣ እንዲሁም የአከባቢው ማኅበረሰብ መታደማቸውን ከክልሉ እስልምና ጉዳዮች ሕዝብ ግንኙነት የደረሰን መረጃ ያመለክታል።
••••••••••••••••
የኢት/እ/ጉ/ጠ ምክር ቤት ሕዝብ ግንኙነት
ይከታተሉን | Follow us፡
ፌስቡክ | Ethiopian Islamic Affairs Supreme Council
ቴሌግራም | t.me/eiasc1
ትዊተር | https://x.com/eiasc1

ሕዳር 14፣ 2017 ዓ.ል | ጁማዱል ኡላ 21፣ 1446 ዓ.ሒ
بِسْمِ ٱللَّهِ ٱلرَّحْمَٰنِ ٱلرَّحِيمِ             
••••••••••••••••••••••••••••••••••••••••••••••••
በዓሊሞች ጉባዔ ሲሰጥ የነበረው የአመራርና የክህሎት ሥልጠና ተጠናቀቀ።
••••••••••••••••••••••••••••••••••••••••••••••••
ጋምቤላ |

በኢትዮጵያ እስልምና ጉዳዮች ጠቅላይ ምክር ቤት የዓሊሞች ጉባዔ ጽሕፈት ቤት አማካይነት ለጋምቤላ እስልምና ጉዳዮች ከፍተኛ ምክር ቤት የሥራ ኃላፊዎች፣ የመስጂድ ኢማሞች፣ ዑስታዞችና ዱዓቶች ሲሰጥ የነበረው የአመራርና የዳዕዋ ክህሎት ሥልጠና ተጠናቀቀ።

ከሕዳር 12፣ 2017 ዓ.ል ጀምሮ በጋምቤላ ከተማ ጊዋ ሆቴል ለተከታታይ ሦስት ቀናት የተሰጠው ይህ የአቅም ግንባታ ሥልጠና ውጤታማ እንደነበር በኢትዮጵያ እስልምና  ጉዳዮች ጠቅላይ ምክር ቤት የክልልና ዲያስፖራ ዘርፍ ምክትል ኃላፊና የጋምቤላ ክልል ተወካይ ሸይኽ ዛኪር ኢብራሂም ተናግረዋል።

ይህ ሥልጠና በክልሉ ለሚገኙ ዓሊሞች ሲሰጥ የመጀመሪያ መሆኑን የተናገሩት ሸይኽ ዛኪር፣ በክልሉ ባለው ተጨባጭ ሁኔታ ሥልጠናው በቀጣይ ጊዜያት ተጠናክሮ እንደሚቀጥል ተናግረዋል።

የጋምቤላ ክልል እስልምና ጉዳዮች ከፍተኛ ምክር ቤት ፕሬዚደንት ሸይኽ በሽር ሑሴን ኢብራሂም ከጠቅላይ ምክር ቤቱ የዓሊሞች ጉባዔ በተውጣጡ ዓሊሞች የተሰጠው ሥልጠና ለሠልጣኞቹ ቀጣይ ሥራዎች አቅም  እንደሚሆን ተናግረዋል።

የፌደራሉ የዓሊሞች ጉባዔ በክልሉ የዳዕዋ ሥራን ለዑማው ተደራሽ ለማድረግ በቀጣይም ተከታታይ የአመራርና የዳዕዋ ክህሎት ማሳደጊያ ሥልጠናዎች መዘጋጀት ይገባቸዋል ብለዋል።

••••••••••••
የኢት/እ/ጉ/ጠ ምክር ቤት ሕዝብ ግንኙነት።
ይከታተሉን | Follow us፡
ፌስቡክ | Ethiopian Islamic Affairs Supreme Council
ቴሌግራም | t.me/eiasc1
ትዊተር | https://x.com/eiasc13

ጥቅምት 14፣ 2017 ዓ.ል | ጁማዱል ኡላ 21፣ 1446ዓ.ሒ
بِسْمِ ٱللَّهِ ٱلرَّحْمَٰنِ ٱلرَّحِيمِ
••••••••••••••••••••••••••••••••••••••••••••••••••••••••
ጠቅላይ ምክር ቤቱ በአዳማ በትምህርት ሥራ መመሪያ አተገባበር ላይ የውይይት መድረክ አካሄደ።
••••••••••••••••••••••••••••••••••••••••••••••••••••••••
አዳማ |

በኢትዮጵያ እስልምና ጉዳዮች ጠቅላይ ምክር ቤት የትምህርትና ማኅበራዊ አገልግሎት ዳይሬክቶሬት የትምህርት ክፍል በትምህርት ሥራ መመሪያ አተገባበር ላይ የውይይት መድረክ አዘጋጀ።

የጠቅላይ ምክር ቤቱ የትምህርትና ማኅበራዊ አገልግሎት ዳይሬክቶሬት የትምህርት ክፍል ባዘጋጀው በዚህ የውይይት መድረክ ላይ የኦሮሚያ መጅሊስ፣ የዞን መጅሊስ ተወካዮች እና ባለድርሻ አካላት ተሳታፊ ኾነዋል።

በመርኃግብሩ መክፈቻ ላይ የኦሮሚያ እስልምና ጉዳዮች ከፍተኛ ምክር ቤት ምክትል ፕሬዚደንት ሸይኸ ዚያድ አልይ
ባደረጉት ንግግር በሙስሊሙ ማኅበረሰብ ውስጥ ለትምህርት በተሰጠው የተዛባ አመለካከት ሳቢያ ብዙዎች ከትምህርቱ ርቀው ወይም ስልታዊ በኾነ መንገድ ተገፍተው ቆይተዋል ብለዋል።

ምክትል ፕሬዚደንቱ ሸይኸ ዚያድ አልይ የሀገሪቱ ሙስሊሞች በአካዳሚክ ዘርፉ ሚናችን የሳሳ መኾኑ እንደ ሀገር ብዙ ዋጋ እያስከፈለን ነው ሲሉ ተናግረዋል።

አያይዘውም ጠቅላይ ምክር ቤቱ ሰፊ ቁጥር ያለው ሙስሊም ማኀበረሰብ መሪ በመኾኑ፣ ከዲን ትምህርት በተጨማሪ በአካዳሚክ ትምህርት ላይ ያለውን ክፍተት የመፍታት ሚና ይጫወት ዘንድ በትምህርት ሥራ መመሪያ ላይ ውይይት መደረጉ ትልቅ ኃላፊነትን የመወጣት ሥራ በመኾኑ ሊመሰገን ይገባል ብለዋል።

የዳይሬክቶሬቱ የትምህርትና ሥልጠና ኃላፊ አቶ ሙሐመድ ይመር ረቂቅ የትምህርት ሥራ መመሪያውን አስመልክተው ሰፋ ያለ ማብራሪያ ሰጥተዋል።

የውይይቱ ተሳታፊዎች ማብራሪያውን መነሻ ያደረጉ የግብዓት ሐሳቦችና ጥያቄዎችን ለመድረኩ አቅርበዋል።

የመድረኩ አወያይና የዳይሬክቶሬቱ የትምህርትና ሥልጠና ባለሙያ የኾኑት አቶ ዓሊ ሁሴን፣ አቶ መሐመድ ይመር፣ ወይዘሮ ነስራ ነኢም ለማብራሪያና ለጥያቄዎች መልስ ሰጥተዋል።

በመጨረሻም በቀረበው የትምህርት ሥራ መመሪያ አተገባበር ላይ ያተኮረ የመግባቢያ ሰነድ ተፈራርመዋል።

የመግባቢያ ሰነዱን በኦሮሚያ እስልምና ጉዳዮች ከፍተኛ ምክር ቤት በኩል የምክር ቤቱ ዋና ሥራ አስኪያጅ ሐጂ መሐመድ ጋሊ ሲፈርሙ፣ በኢትዮጵያ እስልምና ጉዳዮች ጠቅላይ ምክር ቤት በኩል የትምህርትና ማኅበራዊ አገልግሎት ዳሬክትሬት የትምህርት ክፍል አቶ መሐመድ ይመር ፈርመዋል።
​••••••••••••••••
የኢት/እ/ጉ/ጠ ምክር ቤት ሕዝብ ግንኙነት
ይከታተሉን | Follow us፡
ፌስቡክ | Ethiopian Islamic Affairs Supreme Council
ቴሌግራም | t.me/eiasc1
ትዊተር | https://x.com/eiasc1

Oduu Gammachiisaa Keessummoota Rabbii Bara 1446 AH (2017 AH) Hajjii Gochuuf Niyyatan Hundaaf.

Manni Marii Waliigalaa Dhimmoota Islaamaa Itoophiyaa bara 1446 AH (Dh.K.D bara 2017) galmee keessummoota Rabbii fedhii Hajjii godhuu qaban yeroo dhiyootti eegaluuf qophii xumuraa jira.
Kanaafuu, keessummoonni Rabbii bara kana Hajjii gochuuf niyyatan; Warri kanaan dura paaspoortii hin qabne, Paaspoortii yoo qabaattan ,garuu yeroon hojiirra ooluu waggaa tokkoo gadi yoo hafe, tajaajila immigireeshinii fi lammummaa isinitti dhihoo jirutti haaromsa akka gootan asumaan cimsinee isin beeksifna.

Mana Marii Waliigalaa Dhimmoota Islaamaa Itiyoophiyaa Damee Hajjii fi Umraa Irraa

••••••••••••••••••••••••••••••••••••••••••••••
በ1446 ዓ.ሒ (2017 ዓ.ል) የሐጅ ጉዞ ለማድረግ ላሰባችሁ የአሏህ እንግዶች።
••••••••••••••••••••••••••••••••••••••••••••••
አዲስ አበባ |

የኢትዮጵያ እስልምና ጉዳዮች ጠቅላይ ምክር ቤት በ1446 ዓ.ሒ (በ2017 ዓ.ል) የሐጅ ጉዞ ለማድረግ ያሰቡ የአሏህ እንግዶችን ምዝገባ ለመጀመር ዝግጅቱን በማጠናቀቅ ላይ ይገኛል።

ስለሆነም በዘንድሮው ዓመት የሐጅ ጉዞ ለማድረግ ያሰባችሁ የአሏህ እንግዶች፣ ከአሁን በፊት ፓስፖርት የሌላችሁ ከወዲሁ እንድታወጡ፣ ፓስፖርት ኖሯችሁ ነገር ግን የአገልግሎት ጊዜዉ ሊያበቃ ከአንድ ዓመት በታች የቀረው ከኾነ ከወዲሁ በአቅራቢያችሁ በሚገኘው የኢምግሬሽንና ዜግነት አገልግሎት በመቅረብ እንድታሳድሱ የኢትዮጵያ እስልምና ጉዳዮች ጠቅላይ ምክር ቤት የሐጅና ዑምራ ዘርፍ ለማስታወስ ይወዳል።

​​••••••••••••••••
የኢት/እ/ጉ/ጠ ምክር ቤት ሕዝብ ግንኙነት
ይከታተሉን | Follow us፡
ፌስቡክ | Ethiopian Islamic Affairs Supreme Council
ቴሌግራም | t.me/eiasc1
ትዊተር | https://x.com/eiasc1

ኅዳር 10፣ 2017 ዓ.ል | ጁማዱል ኡላ 18፣ 1446 ዓ.ሒ
بِسْمِ ٱللَّهِ ٱلرَّحْمَٰنِ ٱلرَّحِيمِ
••••••••••••••••••••••••••••••••••••••••••••••••
በጠቅላይ ምክር ቤቱ ግቢ ለሚገነባው የአፓርትመንት ሕንጻ የዲዛይን ጨረታውን ካሸነፈው ድርጅት ጋር የውል ስምምነት ተፈረመ።
••••••••••••••••••••••••••••••••••••••••••••••••
አዲስ አበባ |

የኢትዮጵያ እስልምና ጉዳዮች ጠቅላይ ምክር ቤት በቅጥረ ግቢው ውስጥ ለሚያስገነባው ባለ 2 ምድር ቤት እና ባለ 13 ወለል የአፓርትመንት ሕንጻ የዲዛይን ጨረታውን ካሸነፈው QTC ኤንጅነሪንግ ኮንሰልታንሲ ኃላፊነቱ የተወሰነ የግል ድርጅት ጋር ዛሬ የውል ስምምነት ተፈራረመ።

ስምምነቱን በኢትዮጵያ እስልምና ጉዳዮች ጠቅላይ ምክር ቤት በኩል ዋና ሥራ አስኪያጁ ሐጂ ከማል ሐሩን ሲፈርሙ፣ በQTC ኤንጅነሪንግ ኮንሰልታንሲ በኩል የድርጅቱ ዋና ሥራ አስኪያጅ አቶ መሐመድ ሐሰን ፈርመዋል።

QTC ኢንጅነሪንግ ኮንሰልታንሲ ኃላፊነቱ የተወሰነ የግል ድርጅት የሕንጻ ዲዛይኑን በውሉ መሠረት ሠርቶ ሲያቀርብ የግንባታ ጨረታ ወጥቶ በአጭር ጊዜ ውስጥ ወደ ግንባታ እንደሚገባ ተነግሯል።
​••••••••••••••••
የኢት/እ/ጉ/ጠ ምክር ቤት ሕዝብ ግንኙነት
ይከታተሉን | Follow us፡
ፌስቡክ | Ethiopian Islamic Affairs Supreme Council
ቴሌግራም | t.me/eiasc1
ትዊተር | https://x.com/eiasc1

ኅዳር 9፣ 2017 ዓ.ል | ጁማዱል ኡላ 17፣ 1446 ዓ.ሒ
بِسْمِ ٱللَّهِ ٱلرَّحْمَٰنِ ٱلرَّحِيمِ
አዲስ አበባ |

ከታላቁ የኢትዮጵያ ሕዳሴ ግድብ አቅራቢያ መስጂድ ለመገንባት የመሠረት ድንጋይ ተቀመጠ።

በቤኒሻንጉል ጉሙዝ ክልል፣ መተከል ዞን፣ ጉባ ወረዳ በታላቁ የኢትዮጵያ ሕዳሴ ግድብ አቅራቢያ 'አር ረህማን' በመባል የሚጠራ መስጂድ ለመገንባት የመሠረት ድንጋይ ተቀመጠ።

በቤኒሻንጉል ጉሙዝ ክልል፣ በሕዳሴ ግድብ አቅራቢያ ባምዛ ቀበሌ ለሚሠራው መስጂድ የመሠረት ድንጋዩን በጋራ ያኖሩት የኢትዮጵያ እስልምና ጉዳዮች ጠቅላይ ምክር ቤት የፈትዋና ምርምር ተጠሪ ሸይኽ እንድሪስ ዓሊ ሁሴን (ደጋን)፣ የቤኒሻንጉል ጉሙዝ ክልል እስልምና ጉዳዮች ከፍተኛ ምክር ቤት ፕሬዚደንት ሼይኽ ኢብራሒም ሲራጅ እና የአዲስ አበባ መጅሊስ ከፍተኛ አመራሮች መሆናቸው ታውቋል።

ከሕዳሴ ግድብ በቅርብ ርቀት ለመገንባት መሠረት የተቀመጠለት መስጂድ በአካባቢው ለሚገኘው ሙስሊም ማኅበረሰብ ትልቅ ጠቀሜታ እንደሚሰጥ በገቢ ማሰባሰቢያ ዝግጅቱ ላይ በስፋት ተነግሯል።

ሙስሊሙን ማኀበረሰብ ለማገልገል የሚገነባውን 'አርረህማን' መስጂድ ከቤኒሻንጉል ጉሙዝ ክልል መጅሊስ በተጨማሪ በአቅራቢያው የሚገኘው የታላቁ የኢትዮጵያ ሕዳሴ ግድብ ፕሮጀክት ጽ/ቤት በትብብር እንደሚገነባ ተነግሯል።

በኢትዮጵያ እስልምና ጉዳዮች ጠቅላይ ምክር ቤት ልዑካን ውስጥ የጠቅላይ ምክር ቤቱ የዑለማ ጉባዔ ጽ/ቤት ኃላፊ ሸይኽ ሙሐመድዘይን ዛኽረዲን፣ በጠቅላይ ምክር ቤቱ የቤንሻንጉል ጉሙዝ ክልል ተወካይ የፌደራል መጅሊስ የሥራ አስፈፃሚ አባልና የተቋማትና ማሕበራት ዘርፍ ተጠሪ ሸይኽ አልመርዲ አብዱላሂ እና የጠቅላይ ምክር ቤቱ የሕዝብ ግንኙነት ኃላፊ ሸይኽ ሑሴን ሐሰን ተገኝተዋል።

ከታላቁ የኢትዮጵያ ሕዳሴ ግድብ ከአንድ ኪሎ ሜትር ባልበለጠ ርቀት ላይ ለሚገነባው መስጂድ ግንባታ የመሠረት ድንጋይ በተቀመጠበት ስነ ሥርዓት ላይ የአዲስ አበባ መጅሊስ ከፍተኛ አመራሮች እንዲሁም የባምዛ ቀበሌ ነዋሪዎች ተገኝተዋል።

ኅዳር 7፣ 2017 ዓ.ል | ጁማዱል ኡላ 15፣ 1446 ዓ.ሒ
بِسْمِ ٱللَّهِ ٱلرَّحْمَٰنِ ٱلرَّحِيمِ
•••••••••••••••••••••••••••••••••••••••••••••••••
የኢትዮጵያ አየር መንገድ ፋውንዴሽን ለጠቅላይ ምክር ቤቱ ሃይማኖታዊ መጻሕፍትን አስረከበ።
•••••••••••••••••••••••••••••••••••••••••••••••••
አዲስ አበባ |
የኢትዮጵያ አየር መንገድ ፋውንዴሽን በተለያዩ ጊዜያትና ሁኔታ በመንገደኞች የተረሱ ቁርኣን እና ሃይማኖታዊ መጻሕፍትን ለኢትዮጵያ እስልምና ጉዳዮች ጠቅላይ ምክር ቤት አስረከበ።

የኢትዮጵያ አየር መንገድ ፋውንዴሽን የሥራ ኃላፊ አቶ ፈቲህ ካሚል አቡበከር ያመጡትን ቁርኣን እና ሃይማኖትዊ መጻሕፍት ለጠቅላይ ምክር ቤቱ የሥራ አስፈፃሚ አባል የሆኑት ሼይኽ አብዱልሐሚድ አሕመድ ተረክበዋል።

የኢትዮጵያ እስልምና ጉዳዮች ጠቅላይ ምክር ቤት ዋና ሥራ አስኪያጅ ሐጂ ከማል ሐሩን ከኢትዮጵያ አየር መንገድ ፋውንዴሽን ቁርኣን እና ሃይማኖታዊ መጻሕፍትን መረከባቸውን የሚገልጽ ማሥረጃ ሰጥተዋል።

በርክክብ ስነ-ሥርዓቱ ላይ የጠቅላይ ምክር ቤቱ ዋና ስራ አስኪያጅ ሐጂ ከማል ሐሩን የጠቅላይ ምክር ቤቱ አጋር የኾነው የኢትዮጵያ አየር መንገድ ታማኝነትና የተቀደሰ ተግባር ያስደሰታቸው መኾኑን ተናግረዋል።

ዋና ሥራ አስኪያጁ አክለውም ጠቅላይ ምክር ቤቱ ከኢትዮጵያ አየር መንገድ ጋር ያለው የረጅም ጊዜ መልካም ግንኙነት ተጠናክሮ እንደሚቀጥል ተናግረዋል።

የኢትዮጵያ አየር መንገድ ፋውንዴሽን የሥራ ኃላፊ አቶ ፈቲህ ካሚል አቡበከር በተመሳሳይ ለኢትዮጵያ ኦርቶዶክስ ተዋህዶ ቤተ ክርስቲያን እና ለአብሮኆት ቤተ መጻሕፍት ማስረከባቸዉን ተናግረዋል።

​​••••••••••••••••
የኢት/እ/ጉ/ጠ ምክር ቤት ሕዝብ ግንኙነት
ይከታተሉን | Follow us፡
ፌስቡክ | Ethiopian Islamic Affairs Supreme Council
ቴሌግራም | t.me/eiasc1
ትዊተር | https://x.com/eiasc1

ሕዳር 5፣ 2017 ዓ.ል | ጁማዱል ኡላ 13፣ 1446 ዓ.ሒ
بِسْمِ ٱللَّهِ ٱلرَّحْمَٰنِ ٱلرَّحِيمِ             
••••••••••••••••••••••••••••••••••••••••••••••••
ለከፍተኛ እስላማዊ የትምህርት ተቋማት ኃላፊዎች ሥልጠና ተሰጠ።
••••••••••••••••••••••••••••••••••••••••••••••••
አዲስ አበባ |

በኢትዮጵያ እስልምና ጉዳዮች ጠቅላይ ምክር ቤት የዓሊሞች ጉባዔ ጽሕፈት ቤት፣ ከሱዳን ዓለምአቀፍ እስላማዊ  ዩኒቨርሲቲ ጋር በመተባበር ለከፍተኛ እስላማዊ የትምህርት ተቋማት ኃላፊዎች የአቅም ግንባታ ሥልጠና ሰጠ።

የሱዳን ዓለምአቀፍ ዩኒቨርሲቲ ምክትል ፕሬዚደንት በኾኑት ፕሮፌሰር ጧሃ አብዲ የተሰጠው ይህ የአቅም ግንባታ ሥልጠና በከፍተኛ እስላማዊ የትምህርት ተቋማት አመሠራረት ላይ ያተኮረ መኾኑን በዓሊሞች ጉባዔ ጽሕፈት ቤት ሥርዓተ ትምህርት ማረጋገጫ ኃላፊ ዶክተር አብደላ ኸድር ተናግረዋል።

ጠቅላይ ምክር ቤቱ ሁለት ሀገርአቀፋዊ ከፍተኛ እስላማዊ የትምህር ተቋማት ለመመሥረት በጥናት ላይ መኾኑን የተናገሩት ዶክተር አብደላ፣ በሰባት ሀገራት ቅርንጫፎች ከፍቶ የማስተማር ከስድሳ በላይ ዓመታት ልምድ ካለው ከሱዳን ዓለምአቀፍ ዩኒቨርሲቲ ሰፊ ልምድ መገኘቱን ዶክተር አብደላ ተናግረዋል።

ዛሬ በጠቅላይ ምክር ቤቱ የዓሊሞች ጉባዔ ጽሕፈት ቤት  መሰብሰቢያ አዳራሽ በተሰጠው የአቅም ግንባታ ሥልጠና ላይ የስምንት ከፍተኛ እስላማዊ የትምህርት ተቋማት  ኃላፊዎች ታድመውበታል።
••••••••••••••••
የኢት/እ/ጉ/ጠ ምክር ቤት ሕዝብ ግንኙነት
ይከታተሉን | Follow us፡
ፌስቡክ | Ethiopian Islamic Affairs Supreme Council
ቴሌግራም | t.me/eiasc1
ትዊተር | https://x.com/eiasc1

ኅዳር 5፣ 2017 ዓ.ል | ጁማዱል ኡላ 12፣ 1446 ዓ.ሒ
بِسْمِ ٱللَّهِ ٱلرَّحْمَٰنِ ٱلرَّحِيمِ
•••••••••••••••••••••••••••••••••••••••••••••••••
"ወጣቶች የየትኛውም ዘርፍ የጀርባ አጥንት፣ የጠቅላይ ምክር ቤቱ ምሰሶ እና የዲኑ ብርሃን ናቸው።"
- የክብር ዶክተር ሸይኽ ሐጂ ኢብራሂም ቱፋ።
•••••••••••••••••••••••••••••••••••••••••••••••••
አዲስ አበባ |

"ወጣቶች የየትኛውም ዘርፍ የጀርባ አጥንት፣ የጠቅላይ ምክር ቤቱ ምሰሶ እና የዲኑ ብርሃን ናቸው" ሲሉ የክብር ዶክተር ሸይኽ ሐጂ ኢብራሂም ቱፋ ተናገሩ።

የኢትዮጵያ እስልምና ጉዳዮች ጠቅላይ ምክር ቤት ፕሬዚደንት የክብር ዶክተር ሸይኽ ሐጂ ኢብራሂም ይህን የተናገሩት በዛሬው ዕለት በተካሄደው የኢትዮጵያ ሙስሊም ወጣቶች ካውንስል የምሥረታ ጉባዔ ላይ ነው።

በምሥረታ ጉባዔው ላይ የጠቅላይ ምክር ቤቱ የጽሕፈት ቤት ኃላፊ ዑስታዝ አብበከር አሕመድ የኢትዮጵያ ሙስሊም ወጣቶች በለውጡ ሂደት ውስጥ ጉልህ አሻራቸውን ያሳረፉ መኾናቸውን ተናግረዋል።

የኢትዮጵያ ሙስሊም ወጣቶች በድምጻችን ይሰማ የመብት ትግል ታሪክ የጎላ ሚና የተጫወቱ መኾናቸውንም ዑስታዝ አቡበከር አስታውሰዋል።

በኢትዮጵያ እስልምና ጉዳዮች ጠቅላይ ምክር ቤት ስር ለተመሠረተው የኢትዮጵያ ሙስሊም ወጣቶች ካውንስል አሥራ አንድ የአመራር አባላት ተመርጠዋል።

የኢትዮጵያ ሙስሊም ወጣቶች ካውንስል የኃላፊነት ቦታ ውክልናን፣ የትምህርት ዝግጅትን፣ ማኅበረሰባዊ አበርክቶንና ጠንካራ ኃላፊነትን የመወጣት ዝግጁነትን ከግንዛቤ ያስገባ መኾኑን ተናግረዋል።

ለኢትዮጵያ ሙስሊም ወጣቶች ካውንስል በአመራርነት የተመረጡት የሚከተሉት ወጣቶች ናቸው፦

ዑስታዝ ሐይደር ከድር አብዱልቃድር (ፕሬዚደንት)
ዑስታዝ አብዱልዓዚዝ ሙሐመድ (ምክትል ፕሬዚደንት)
ኢንጂነር ዑስታዝ ከማል አረቦ አሕመድ (ዋና ፀሐፊ)
ዑስታዝ ፈናን ሙሐመድ - አባል
ዑስታዝ አማር ሸይኽ አሚኖ ኢብሮ - አባል
ዑስታዝ ዳውድ ዓሊ - አባል
ዑስታዝ ፋሩቅ ሰዒድ - አባል
ዑስታዝ ሰዒድ ሃይማኖት - አባል
ዑስታዝ ሙሐመድ አሕመድ - አባል
ዑስታዝ አብዱልፈታህ አብዱረህማን - አባል
ዑስታዝ ኢሳም አብዱረህማን - አባል ተደርገው መመረጣቸው ይፋ ሆኗል።

የኢትዮጵያ እስልምና ጉዳዮች ጠቅላይ ምክር ቤት ፕሬዚደንት የክብር ዶክተር ሸይኽ ሐጂ ኢብራሂም ቱፋ በጠቅላይ ምክር ቤቱ ስር ለተመሠረተው የኢትዮጵያ ሙስሊም ወጣቶች ካውንስል ባደረጉት ንግግር፣ ወጣቶቹ በጥንቃቄና ጊዜ ተወስዶ ወደ ኃላፊነት እንደመጡ ተናግረዋል።

አንድነትን መሠረት አድርገው፣ ሁሉንም ወጣት አስተሳስረው እና አስተባብረው፣ ከምንም በላይ ለሰላም ቅድሚያ በመስጠት የሀገሪቱ ሙስሊም ወጣቶች ሀገራዊ ሚና የጎላ እንዲሆን ትልቅ ኃላፊነት አለባችሁ ብለዋል።

በመጨረሻም፣ የዓሊሞች ጉባዔ ምክትል ሰብሳቢና የፈትዋ ኮሚቴ ዋና ሰብሳቢው ዶክተር ጀይላን ኸድር ለተመረጡት የካውንስሉ አመራር አባላት የአደራ ቃል አስገብተዋቸዋል።

በኢትዮጵያ እስልምና ጉዳዮች ጠቅላይ ምክር ቤት የስብሰባ አዳራሽ በተከናወነው የኢትዮጵያ ሙስሊም ወጣቶች ካውንስል ምሥረታ ላይ የጠቅላይ ምክር ቤቱ ምክትል ፕሬዚደንት ሸይኽ አብዱልዓዚዝ አብዱልወሊ፣ የአዲስ አበባ እስልምና ጉዳዮች ከፍተኛ ምክር ቤት ፕሬዚደንት የክብር ዶክተር ሸይኽ ሱልጣን አማን ኤባ፣ የጠቅላይ ምክር ቤቱ ሥራ አስፈጻሚዎች፣ የዑለማ ጉባዔ ጽሕፈት ቤት አባላት፣ የጠቅላይ ምክር ቤቱ ዋና ሥራ አስኪያጅ ሐጅ ከማል ሐሩን፣ የሴቶችና የወጣቶች ዘርፍ ኃላፊዋ ዑስታዛ ፋጡማ ሐሰን እና
ጥሪ የተደረገላቸው እንግዶች ተገኝተዋል።

​••••••••••••••••
የኢት/እ/ጉ/ጠ ምክር ቤት ሕዝብ ግንኙነት
ይከታተሉን | Follow us፡
ፌስቡክ | Ethiopian Islamic Affairs Supreme Council
ቴሌግራም | t.me/eiasc1
ትዊተር | https://x.com/eiasc1

ኅዳር 4 ፣ 2017 ዓ.ል | ጁማዱል ኡላ 12፣ 1446 ዓ.ሒ
بِسْمِ ٱللَّهِ ٱلرَّحْمَٰنِ ٱلرَّحِيمِ
………………………………………………………………………
በጠቅላይ ምክር ቤቱ ግቢ ለሚገነባ መስጂድና የቅጥረ ግቢ አጥርና ዋና በር ግንባታ የወጣው ጨረታ ተከፈተ።
………………………………………………………………………
አዲስ አበባ |

የኢትዮጵያ እስልምና ጉዳዮች ጠቅላይ ምክር ቤት በቅጥረ ግቢው ውስጥ ሊያስገነባ ላሰበው መስጂድ እና ደረጃውን የጠበቀ የቅጥረ ግቢ አጥርና ዋና በር ግንባታ ሥራ ያወጣው የዲዛይንና የኮንትራት አስተዳደር ጨረታ በይፋ ተከፈተ፡፡

የጠቅላይ ምክር ቤቱ የፕሮጀክት ጽሕፈት ቤት ኃላፊ አቶ አብዱልሃዲ ሙሐመድ በጠቅላይ ምክር ቤቱ ቅጥር ግቢ ውስጥ ሊገነባ ለታቀደው መስጂድና የቅጥረ ግቢ አጥርና ዋና በር ግንባታ ሥራ የወጣውን ጨረታ ሰነድ የገዙት ተጫራች ድርጅቶች አሥራ አንድ መኾናቸውን ተናግረዋል፡፡

ከእነዚህ መካከል የጨረታውን ሰነድ ሞልተው በማስገባት ዛሬ በይፋ በተከፈተው የጨረታ ሰነድ መክፈት ስነ ሥርዓት ላይ የተገኙት ሰባቱ ድርጅቶች መኾናቸውን ተናግረዋል።

ታዛቢዎች በተገኙበት በተካሄደው የጨረታ መክፈቻ ስነ ሥርዓት ላይ በተጫራቾች የቀረቡት የቴክኒክ እና የፋይናንስ ሰነዶች መኾናቸውን ጠቅሰው፣ በጨረታው ስነ ሥርዓት መሠረት የቴክኒክ ሰነዱ ተከፍቶ በባለሙያዎች ከተገመገመ በኋላ 70 ከመቶ ያሟላ ሆኖ ሲገኝ፣ የፋይናንስ ሰነዶቹ እንዲሁ በይፋ እንደሚከፈቱ ተናግረዋል።

………………………………………………………………………
የኢት/እ/ጉ/ጠ ምክር ቤት ሕዝብ ግንኙነት።
ይከታተሉን | Follow us፡
ፌስቡክ | Ethiopian Islamic Affairs Supreme Council
ቴሌግራም | t.me/eiasc1
ትዊተር | https://x.com/eiasc1

ሕዳር 4፣ 2017 ዓ.ል | ጁማዱል ኡላ 11፣ 1446 ዓ.ሒ
بِسْمِ ٱللَّهِ ٱلرَّحْمَٰنِ ٱلرَّحِيمِ
………………………………………………………………………
የጠቅላይ ምክር ቤቱ ሠራተኞች የምስጋና መርኃግብር አካሄዱ፡፡
………………………………………………………………………

አዲስ አበባ |

የኢትዮጵያ እስልምና ጉዳዮች ጠቅላይ ምክር ቤት ሠራተኞች በዛሬው ዕለት በጠቅላይ ምክር ቤቱ የመሰብሰቢያ አዳራሽ ለአዲሱ የለውጥ አመራር የምሥጋና መርኃግብር አዘጋጁ፡፡

በምሥጋና መርኃግብሩ ላይ አዲሱ የለውጥ አመራር ሥራ ከጀመረ በኋላ ባሉት ሁለት ዓመታት ለተቋሙ ሠራተኞች በጥናት ላይ የተመሠረተ የደሞዝ ጭማሪና የጥቅማ ጥቅም ማስተካከያ ማድረጉ ተነግሯል።

በመርኃግብሩ ላይ የተቋሙን ሠራተኞች በመወከል ንግግር ያደረጉት ሐጂ አብዱልፈታህ ብርሃኑ፣ በተለያዩ ጊዜያት ጠቅላይ ምክር ቤቱን የመሩ ኃላፊዎች የሠሯቸው በጎ ተግባራት እንደተጠበቁ ሆነው፣ አዲሱ የለውጥ አመራር ከሐምሌ 2014 ዓ.ል ጀምሮ የሕዝበ ሙስሊሙ የጋራ ተቋም ጠንካራ እንዲኾን፣ በሰው ኃይል፣ በአደረጃጀት እና በአሠራር በርካታ ጠቃሚ ተግባራት ማከናወኑን አስታውሰዋል።

ሐጂ አብዱልፈታህ መጅሊሱ ለሕዝበ ሙስሊሙ ማኅበራዊና ኢኮኖሚያዊ ጥያቄዎች ምላሽ መስጠት የሚችል ጠንካራ ሀገራዊ እና ዓለም አቀፋዊ ግንኙነት ያለው ተቋም እንዲኾን አዲሱ አመራር እየሠራ ያለው የለውጥ ሥራ የሚመሠገን መኾኑን ተናግረዋል።

አመራሩ ሠራተኛው ያለበትን ተጨባጭ የኑሮ ሁኔታ በመረዳት ለሠራተኞቹ ያደረገው የደሞዝ ጭማሪና ጥቅማ ጥቅም የአመራሩን አርቆ አሳቢነትና መልካምነት እንደሚያሳይ የጠቀሱት ሐጂ አብዱልፈታህ፣ ይህ በጎ እርምጃ ሠራተኛው ሥራውን በበለጠ የኃላፊነት ስሜት እና በጥሩ መንፈስ እንዲያከናውን የሚያተጋ መሆኑን ተናግረዋል።

የጠቅላይ ምክር ቤቱ ዋና ሥራ አስኪያጅ ሐጂ ከማል ሐሩን ባለፉት ሁለት ዓመታት አስተዳደሩ ከዚህ ቀደም የነበረውን ዝቅተኛ የሠራተኞች ደሞዝ በጥናት ላይ በመመሥረት ሶስት ጊዜ የደረጃው ማስተካከያ ማድረጉን ተናግረዋል።

ተቋሙ ብቃት ላለው የሰው ኃይል ከፍተኛ ትኩረት የሚሰጥ መኾኑን የጠቀሱት ዋና ሥራ አስኪያጁ፣ አዲሱ የሠራተኞች የደሞዝ ማስተካከያ የተቋማዊ ለውጡ ውጤታማነት አንዱ ማሳያ መኾኑን ተናግረዋል።

በቀጣይም ተቋሙ ሕዝበ ሙስሊሙ የጣለበትን አደራ ለመወጣት ከሠራተኛው ጋር ይበልጥ ተቀራርቦ እንደሚሠራ ሐጂ ከማል ሐሩን ተናግረዋል።

መርኃግብሩን መነሻ በማድረግ የጠቅላይ ምክር ቤቱ ፕሬዚደንት የክብር ዶክተር ሼይኽ ሐጂ ኢብራሂም ቱፋ ባስተላለፉት መልዕክት፣ የጠቅላይ ምክር ቤቱ ሠራተኞች ለበርካታ ዓመታት ዝቅተኛ ደሞዝ ተከፋይ ኾነው መቆየታቸውን የተገነዘበው አመራሩ የሠራተኛውንና የቤተሰቡን ሕይወት ለማሻሻል በጥናት ላይ የተመሠረተ ሥራ ሲሠራ መቆየቱን ተናግረዋል።

በዚህም በየደረጃው የደመወዝና የጥቅማጥቅም ማስተካከያ መደረጉን አስታውሰው፣ ይህ በቂ ነው ብለው እንደማያምኑ ተናግረዋል።

አመራሩ በቀጣይም ከሠራተኞች ጋር ተከታታይ የምክክር መድረክ እንደሚያዘጋጅ የተናገሩት ክቡር ፕሬዚደንቱ፣ ሠራተኛው በሥራው ውጤታማ እንዲኾንና ከአሁኑ በተሻለ መሥራት እንደሚጠበቅበት ተናግረዋል።
…………………………………
የኢት/እ/ጉ/ጠ ምክር ቤት ሕዝብ ግንኙነት
ይከታተሉን | Follow us፡
ፌስቡክ | Ethiopian Islamic Affairs Supreme Council
ቴሌግራም | t.me/eiasc1
ትዊተር | https://x.com/eiasc1

ኅዳር 3 ፣ 2017 ዓ.ል | ጁማዱል ኡላ 11፣ 1446 ዓ.ሒ
بِسْمِ ٱللَّهِ ٱلرَّحْمَٰنِ ٱلرَّحِيمِ
••••••••••••••••••••••••••••••••••••••••••••••••
የጠቅላይ ምክር ቤቱ ፕሬዚደንት የሱዳን ዓለምአቀፍ ዩኒቨርሲቲ ምክትል ፕሬዚደንትን ተቀብለው አነጋገሩ።
••••••••••••••••••••••••••••••••••••••••••••••••
አዲስ አበባ |

የኢትዮጵያ እስልምና ጉዳዮች ጠቅላይ ምክር ቤት ፕሬዚደንት የክብር ዶክተር ሸይኽ ሐጂ ኢብራሂም ቱፋ የሱዳን ዓለምአቀፍ ዩኒቨርሲቲ ምክትል ፕሬዚደንት የኾኑትን ፕሮፈሰር ጧሃ አብዲ ጧሃን በጽሕፈት ቤታቸው ተቀብለው አነጋገሩ።

የትምህርት (Education) ባለሙያ የኾኑት ፕሮፈሰር ጧሃ አብዲ በኢትዮጵያ የዓረብኛ ትምህርትን ለማጠናከር በሚቻልባቸው መንገዶች ዙሪያ ከጠቅላይ ምክር ቤቱ ፕሬዚደንት እና ሌሎች የጠቅላይ ምክር ቤቱ አመራሮች ጋር ሰፋ ያለ የሐሳብ ልውውጥ አድርገዋል።

የጠቅላይ ምክር ቤቱ ፕሬዚደንት የክብር ዶክተር ሸይኽ ሐጂ ኢብራሂም ቱፋ ጠቅላይ ምክር ቤቱ የአረብኛ ትምህርትን ለማሳደግ ተግቶ እንደሚሠራ በውይይቱ ላይ ተናግረዋል።

በኢትዮጵያ የሦስት ቀናት ይፋዊ የሥራ ጉብኝት በማድረግ ላይ የሚገኙት ፕሮፌሰር ጧሃ አብዲ ከአዲስ አበባ ዩንቨርሲቲ ቀጥሎ በትምህርት ሚኒስቴር ዓረብኛን ለማስተማር እውቅና የተሰጠውን አወልያ የዓረብኛ ኮሌጅን መጎብኘታቸውን ለማወቅ ተችሏል።

በጉብኝታቸው ወቅትም፣ በኮሌጁ ስለሚሰጠው የዓረብኛ ትምህርት ይዘቶች እና በሥርዓተ ትምህርቱ ዙሪያ ሰፋ ያለ ገለጻ እንደተደረገላቸው ታውቋል።

ፕሮፌሰር ጧሃ አብዲ ጧሃ ከክቡር ሸይኽ ሐጂ ጋር በተወያዩበት ወቅት የአወልያ የዓረብኛ ኮሌጅ መምህራንን አቅም በመገንባት ኮሌጁን ወደ ዩኒቨርሲቲ ማሳደግ በሚቻልበት መንገድ ዙሪያ ከጠቅላይ ምክር ቤቱ ጋር አብሮ ለመሥራት ፍላጎት ያላቸው መኾኑን ተናግረዋል።
========
የኢት/እ/ጉ/ጠ ምክር ቤት ሕዝብ ግንኙነት።
ይከታተሉን | Follow us፡
ፌስቡክ | Ethiopian Islamic Affairs Supreme Council
ቴሌግራም | t.me/eiasc1
ትዊተር | https://x.com/eiasc1

የኢትዮጵያ እስልምና ጉዳዮች ጠቅላይ ምክር ቤት በምክር ቤቱ ቅጥር ግቢ ውስጥ ለሚያስገነባው ባለ 2 ምድር ቤት እና ባለ 13 ወለል የአፓርትመንት ሕንጻ ተጫራች የዲዛይን አማካሪ ድርጅቶች ያቀረቡት የአፓርትመንት ሕንጻ የዲዛይን እና የኮንትራት አማካሪ የፋይናንስ ሰነድ
ጥቅምት 28፣ 2017 ዓ.ል | ጁማዱል ኡላ 5፣ 1446 ዓ.ሒ ተከፍቶ መነበቡ ይታወሳል።

የጊዜያዊ የጨረታዊ ውጤት መግለጫ እንደሚከተለው ቀርቧል።

ሕዳር 2፣ 2017 ዓ.ል | ጁማዱል ኡላ 9፣ 1446 ዓ.ሒ
بِسْمِ ٱللَّهِ ٱلرَّحْمَٰنِ ٱلرَّحِيمِ
••••••••••••••••••••••••••••••••••••••••••••••••
በሸሪዓ ፍርድ ቤቶች በሚታዩ ችግሮችና መፍትኄዎቻቸው ላይ ጥናት ያካሄደው ኮሚቴ የጥናቱን ሰነድ ለጠቅላይ ምክር ቤቱ ፕሬዚደንት አስረከበ።
••••••••••••••••••••••••••••••••••••••••••••••••
አዲስ አበባ |

በፌዴራል የሸሪዓ ፍርድ ቤቶች በሚታዩ ችግሮችና መፍትኄዎቻቸው ላይ ያተኮረ ጥናት ለማካሄድ የተቋቋመው ኮሚቴ የጥናቱን ሰነድ ለኢትዮጵያ እስልምና ጉዳዮች ጠቅላይ ምክር ቤት ፕሬዚደንት ለክቡር ዶክተር ሼይኽ ሐጂ ኢብራሒም ቱፋ አስረከበ።

የጥናት ኮሚቴው በጠቅላይ ሸሪዓ ፍርድ ቤት፣ በሸሪዓ ፍርድ ቤት እና በኢትዮጵያ እስልምና ጉዳዮች ጠቅላይ ምክር ቤት አማካይነት መዋቀሩን ክቡር ሼይኽ ሐጂ ኢብራሂም ተናግረዋል።

የጥናት ኮሚቴው ስብጥርን በተመለከተ ከጠቅላይ ምክር ቤቱ የዓሊሞች ጉባዔ ጽሕፈት ቤት የተመረጡ ዓሊሞችና ሦስቱ ከፍተኛ የሕግ ባለሙያዎች ዳኞች መኾናቸውን የክብር ዶክተር ሼይኽ ሐጂ ኢብራሂም ተናግረዋል።

ሚያዚያ 30፣ 2016 ዓ.ል የተመሠረተውና በፌደራል የሸሪዓ ፍርድ ቤቶች አደረጃጀት፣ በሰው ኃይል አስተዳደርና በአገልግሎት አሰጣጥ፣ እንዲሁም በሕጉ ማዕቀፍ ላይ የሚታዩ ችግሮችን በመለየት የመፍትኄ ሐሳብ ያቀረበውን ሰነድ፣ የጥናት ኮሚቴው አባላት ዶክተር ሼይኽ ሙሐመድ ሐሚዲንና የሕግ ባለሙያው አብዱልሐኪም ጀማል ለክቡር ሼይኽ ሐጂ ኢብራሂም አስረክበዋል።

በሰነዱ ርክክብ ወቅት ፕሬዚደንቱ ሲናገሩ የሸሪዓ ፍርድ ቤቶች አገልግሎት አሰጣጥና መፍትኄው ላይ ያተኮረውን ይህን ጥናት ደከመኝ ሰለቸኝ ሳይሉ ላከናወኑት የጥናት ቡድኑ አባላት በራሳቸውና በጠቅላይ ምክር ቤቱ ስም ምስጋናቸውን አቅርበዋል።

ፕሬዚደንቱ ይህን ሰነድ ከጠቅላይ ምክር ቤቱ የዓሊሞች ጉባዔ ምክትል ሰብሳቢና የፈትዋ ኮሚቴ ሰብሳቢ ከኾኑት ከዶክተር ጀይላን ኸድር ጋር አብረው መቀበላቸውን ጠቅሰው ጥናቱን ወደ ሥራ ለመተርጎም ከሚመለከተው አካል ጋር በመኾን እንሠራለን ብለዋል።
••••••••••••••••
የኢት/እ/ጉ/ጠ ምክር ቤት ሕዝብ ግንኙነት
ይከታተሉን | Follow us፡
ፌስቡክ | Ethiopian Islamic Affairs Supreme Council
ቴሌግራም | t.me/eiasc1
ትዊተር | https://x.com/eiasc1

የኢትዮጵያ እስልምና ጉዳዮች ጠቅላይ ምክር ቤት የልማት ክንፍ ለኾነው ለኢትዮጵያ ሙስሊሞች የልማት ኤጀንሲ የቢሮ ማስፋፊያ ግንባታ ግልፅ ጨረታ መስከረም 28፣ 2017 ዓ.ል በተቋሙ የፌስቡክ ገጽ፣ በኤጀንሲውና በተለያዩ መስጂዶች የግልፅ ጨረታ ማስታወቂያውን ለሕዝብ ይፋ  አድርጎ ጥቅምት 19፣ 2017 ዓ.ል | ረቢዑል ሳኒ 26፣ 1446 ዓ.ሒ  የተከፈተው ጨረታ ፣ ጊዜያዊ የጨረታ ውጤት

ጥቅምት 28፣ 2017 ዓ.ል | ጁማዱል ኡላ 5፣ 1446 ዓ.ሒ
بِسْمِ ٱللَّهِ ٱلرَّحْمَٰنِ ٱلرَّحِيمِ
••••••••••••••••••••••••••••••••••••••••••••••••••••
የሕንጻ ዲዛይን አማካሪ ተወዳዳሪ ድርጅቶች የፋይናንስ ሰነድ ተከፈተ።
••••••••••••••••••••••••••••••••••••••••••••••••••••
አዲስ አበባ |

የኢትዮጵያ እስልምና ጉዳዮች ጠቅላይ ምክር ቤት በምክር ቤቱ ቅጥር ግቢ ውስጥ ለሚያስገነባው ባለ 2 ምድር ቤት እና ባለ 13 ወለል የአፓርትመንት ሕንጻ ተጫራች የዲዛይን አማካሪ ድርጅቶች ያቀረቡት የፋይናንስ ሰነድ በዛሬው ዕለት በተጫራቾችና በታዛቢዎች ፊት ተነበበ።

በዛሬው ዕለት የፋይናንስ ሰነዳቸው በጠቅላይ ምክር ቤቱ የመሰብሰቢያ አዳራሽ ተከፍቶ የተነበበው የዲዛይን አማካሪ ድርጅቶች ጥቅምት 21፣ 2017 ዓ.ል. በዚሁ አዳራሽ በይፋ በተከፈቱ የቴክኒክ ሰነድ : ሰነዶቻቸው መስፈርቶቹን ማሟላታቸው በቴክኒክ ኮሚቴ የተረጋገጠላቸው ድርጅቶች መኾናቸው ተነግሯል።

በጠቅላይ ምክር ቤቱ የፕሮጀክት ፅ/ቤት አማካሪዎች ጠቋሚነት በፕሮጀክት አፈጻጸማቸው መልካም ስም ካላቸው የመንግሥት እና የግል ድርጅቶች ወደ ፋይናንስ ሰነድ ውድድር ምዕራፍ ካለፉት ተወዳዳሪዎች መካከል አንደኛውየመወዳደሪያ ሰነድ ማቅረቢያ መስፈርቱን ባለሟሟላቱ ከጨረታው መሰረዙ ተነግሯል።

በኢትዮጵያ እስልምና ጉዳዮች ጠቅላይ ምክር ቤት ቅጥር ግቢ ውስጥ የሚገነባው ባለ 2 ምድር ቤት (B2)፣ 13 ወለል (G+13) የአፓርትመንት ሕንጻ የዲዛይን አማካሪ ድርጅቶች ጨረታ በተመረጡ ድርጅቶች መካከል ብቻ የተከናወነ እንደኾነ መነገሩ ይታወሳል።

የጨረታውን ሂደት አስመልክቶ የጠቅላይ ምክር ቤቱ ምክትል ሥራ አስኪያጅ አቶ አብዱልዓዚዝ አሎ ጠቅላይ ምክር ቤቱ የፋይናንስ ግልፀኝነትን ለማረጋገጥ የሚያስችሉ የአሠራር ሂደቶችን ተግባራዊ በማድረግ ላይ እንደኾነ ተናግረዋል።

ጠቅላይ ምክር ቤቱ ሕግን መሠረት አድርጎ እየሠራ ለመሆኑ ይህኛውን ጨምሮ ለተለያዩ ፕሮጀክቶች እየወጡ ያሉ ጨረታዎች እየተካሄዱ ያሉበት ሂደት አመላካች እንደኾነ አቶ አብዱልዓዚዝ ተናግረዋል።

ዛሬ በተጫራቾችና በታዛቢዎች ፊት በይፋ ተከፍቶ የተነበበው የዲዛይን አማካሪ ድርጅቶች የፋይናንስ ሰነድ ተጣርቶ ከቀናት በኋላ አሸናፊው ድርጅት ለሕዝብ ይፋ እንደሚሆን ምክትል ሥራ አስኪያጁ ተናግረዋል።

​========
የኢት/እ/ጉ/ጠ ምክር ቤት ሕዝብ ግንኙነት።
ይከታተሉን | Follow us፡
ፌስቡክ | Ethiopian Islamic Affairs Supreme Council
ቴሌግራም | t.me/eiasc1
ትዊተር | https://x.com/eiasc13

ጥቅምት 28፣ 2017 ዓ.ል | ጁማዱል ኡላ 6፣ 1446 ዓ.ሒ
بِسْمِ ٱللَّهِ ٱلرَّحْمَٰنِ ٱلرَّحِيمِ
•••••••••••••••••••••••••••••••••••••••••••••••••••••
የጠቅላይ ምክር ቤቱ ፕሬዚደንት የዓረብ ሊግ ተጠባባቂ ኃላፊን በጽሕፈት ቤታቸው ተቀብለው አነጋገሩ።
•••••••••••••••••••••••••••••••••••••••••••••••••••••
አዲስ አበባ |

የኢትዮጵያ እስልምና ጉዳዮች ጠቅላይ ምክር ቤት ፕሬዚደንት የክብር ዶክተር ሐጂ ኢብራሂም ቱፋ የዐረብ ሊግ ተጠባባቂ ኃላፊ የኾኑትን ሰዒዳ (Saida) ሙሐመድ ዑመር በጽሕፈት ቤታቸው ተቀብለው አነጋገሩ።

ፕሬዚደንቱ የዓረብ ሊግ ተወካይን በጽሕፈት ቤታቸው ተቀብለው ሲያነጋግሩ የአሁኑ የመጀመሪያቸው መኾኑ በውይይቱ ወቅት ተነስቷል።

በአፍሪካ ሕብረት እና በተባበሩት መንግሥታት የአፍሪካ ኢኮኖሚክ ኮሚሽን የዓረብ ሊግ ተወካይ የሆኑት ሰዒዳ ሙሐመድ ዑመር የዓረብ ሊግ ጽሕፈት ቤት ከኢትዮጵያ ጠቅላይ ምክር ቤቱ ጋር በትምህርት፣ በማኀበራዊ ጉዳይ እና በልማት አብሮ ለመሥራት ፍላጎት እንዳለው ተናግረዋል።

በጠቅላይ ምክር ቤቱ ፕሬዚደንት ጽሕፈት ቤት በተደረገው ውይይት ኢትዮጵያ የዓረብ ሊግ አባል በምትኾንበት መንገድ ጉዳይ ዙርያ ሐሳብ ተነስቷል።

የዐረብ ሊግ ተጠባባቂ ኃላፊዋ ጥያቄው ተገቢውን መስፈርት አሟልቶ በኢትዮጵያ መንግሥት የውጪ ጉዳይ ሚኒስቴር በኩል ከቀረበ ሁኔታዎችን በቅርበት ለመከታተል ያስችላል ብለዋል።

የጠቅላይ ምክር ቤቱ ፕሬዚደንት የክብር ዶክተር ሐጂ ኢብራሂም የውይይቱን በጎነት ገልፀው፣ የተፈጠረውን ዕድል ተጠቅመን መስሊሙን እና ሀገርን በሚጠቅም መልኩ ከዐረብ ሊግ ጋር ተቀራርቦ ለመሥራት የሚታየው ፍላጎት አበረታች እንደኾነ ተናግረዋል።

በውይይቱ ላይ የዐረብ ሊግ የፕሬስ ክፍል ኃላፊ ኢብራሂም አል ሱዳኒ፣ የጠቅላይ ምክር ቤቱ ዋና ጸሐፊ ሸይኽ ሐሚድ ሙሳ እና የውጪ ግንኙነት ዘርፍ ኃላፊው ረዳት ፕሮፈሰር አደም ካሚል ተገኝተዋል።
========
የኢት/እ/ጉ/ጠ ምክር ቤት ሕዝብ ግንኙነት።
ይከታተሉን | Follow us፡
ፌስቡክ | Ethiopian Islamic Affairs Supreme Council
ቴሌግራም | t.me/eiasc1
ትዊተር | https://x.com/eiasc13

ጥቅምት 27፣ 2017 ዓ.ል | ጁማዱል ኡላ 4፣ 1446 ዓ.ሒ
بِسْمِ ٱللَّهِ ٱلرَّحْمَٰنِ ٱلرَّحِيمِ
•••••••••••••••••••••••••••••••••••••••••••••••
የጋምቤላ እስልምና ጉዳዮች ከፍተኛ ምክር ቤት ዓመታዊ የሥራ ግምገማ አደረገ።
•••••••••••••••••••••••••••••••••••••••••••••••
አዲስ አበባ |

የጋምቤላ ክልል እስልምና ጉዳዮች ከፍተኛ ምክር ቤት የሥራ አስፈጻሚ ኮሚቴ ዓመታዊ የሥራ አፈጻጸም ግምገማ (ተቅዪም) ጋምቤላ ከተማ ውስጥ በሚገኘው የምክር ቤቱ ጽሕፈት ቤት አካሄደ።

ትላንት የተጀመረው የጋምቤላ እስልምና ጉዳዮች ከፍተኛ ምክር ቤት የሥራ አስፈጻሚ ኮሚቴ ዓመታዊ የሥራ አፈጻጸም ግምገማ በ2016 ዓ.ል በምክር ቤቱ በተከናወኑ ሥራዎች ላይ ትኩረት ማድረጉን የግምገማ መድረኩን የመሩት የኢትዮጵያ እስልምና ጉዳዮች ጠቅላይ ምክር ቤት የሕዝብ ግንኙነት ዘርፍ ተጠሪ ሸይኽ ሑሴን ሐሰን ተናግረዋል።

ዛሬ የተጠናቀቀው የጋምቤላ ክልል እስልምና ጉዳዮች ከፍተኛ ምክር ቤት ዓመታዊ ግምገማ በ2016 ዓ.ል በምክር ቤቱ የተመዘገቡ ውጤቶችን በማስቀጠል፣ በታዩ ውሱንነቶች ላይ የማስተካከያ እርምጃ እንደሚወሰድ ሸይኽ ሑሴን ተናግረዋል።

የኢትዮጵያ እስልምና ጉዳዮች ጠቅላይ ምክር ቤት ነሐሴ 18፣ 2016 ዓ.ል በአዲስ አበባ ባደረገው የ2ኛ ዓመት፣ 4ኛ መደበኛ ጉባዔ፣ የክልልና የከተማ አሥተዳደር የእስልምና ጉዳይ ምክር ቤቶች የ2016 ዓ.ል የሥራ አፈጻጸማቸውን እንዲገመግሙ ውሳኔ ማሳለፉ ይታወሳል።

የጋምቤላ እስልምና ጉዳዮች ከፍተኛ ምክር ቤት የሥራ አፈጻጸም ገምጋሚ ቡድን በዛሬ ውሎው በከፍተኛ ምክር ቤቱ የተከናወኑ የልማት ሥራዎችን ተዘዋውሮ መጎብኘቱን ከሸይኽ ሑሴን የተገኘው መረጃ ያመለክታል።
••••••••
የኢት/እ/ጉ/ጠ ምክር ቤት ሕዝብ ግንኙነት።
ይከታተሉን | Follow us፡
ፌስቡክ | Ethiopian Islamic Affairs Supreme Council
ቴሌግራም | t.me/eiasc1
ትዊተር | https://x.com/eiasc13

ጥቅምት 27፣ 2017 ዓ.ል | ጁማዱል ኡውላ 5፣ 1446 ዓ.ሒ
بِسْمِ ٱللَّهِ ٱلرَّحْمَٰنِ ٱلرَّحِيمِ
••••••••••••••••••••••••••••••••••••••••••••••••••••
የዑለማ ጉባዔ ጽ/ቤት ለክልል የዑለማ ጉባዔ ጽሕፈት ቤቶች ሥጦታ አበረከተ።
••••••••••••••••••••••••••••••••••••••••••••••••••••
አዲስ አበባ |

በኢትዮጵያ እስልምና ጉዳዮች ጠቅላይ ምክር ቤት ስር ያለው የዑለማ ጉባዔ ጽ/ቤት ከጠቅላይ ምክር ቤቱ ጋር በመተባበር የክልል ዑለማ ጉባኤ ጽሕፈት ቤቶችን ለማጠናከር የኮምፒዩተር፣ የፎቶኮፒ ማሸን እና የፕሪንተር ሥጦታዎች አበረከተ፡፡

ለክልል የዑለማ ጉባዔ ጽሕፈት ቤቶች ሥጦታ በተበረከተበት ስነ-ሥርዓት ላይ የተገኙት የጠቅላይ ምክር ቤቱ ፕሬዚደንት
እና የዑለማ ጉባዔ ሰብሳቢው የክብር ዶክተር ሸይኽ ሐጂ ኢብራሂም ቱፋ እንደተናገሩት፣ "ሥጦታው ለክልል የዑለማ ጉባዔ ጽሕፈት ቤቶች ምቹ የሥራ ሁኔታ ለመፍጠር ያለመ ነው" ብለዋል።

"የኢትዮጵያ ዓሊሞች ከመቀበል አልፈው እንዲህ እንደዛሬው መስጠት መቻላቻው ትልቅ ለውጥ በመሆኑ፣ አልሃምዱሊላህ ለዚህ ያደረሰን አላህ (ሱ.ወ.) ምሥጋና ይገባዋል" ብለዋል፡፡

ክቡር ሸይኽ ሐጂ ኢብራሂም አያይዝውም "የቀድሞ ዓሊሞች እኛን ጨምሮ በሉህ (አነስተኛ መክተፊያ የሚያህል ዝርግ ጣውላ) እየተጻፈና እየታጠበ ስንማር (ስንቀራ) የነበረበት ጊዜ ሩቅ አይደለም" ሲሉ አስታውሰዋል፡፡

"ዓሊሞቻችን ዛሬ ዓለም የደረሰበትን የቴክኖሎጂ ደረጃ የሚወክል እና የዳዕዋ ሥራቸውን የሚያቀልል ዘመናዊ መገልገያ ለመጠቀም መድረሳቸው ትልቅ የለውጥ ሂደት ነው" ብለዋል፡፡ ቀኑንም "የሥጦታ ቀን" በማለት ደስታቸውን አካፍለዋል።

የኢትዮጵያ ዓሊሞች ጉባዔ ጽሕፈት ቤት ከሦስት ሚሊዮን ብር በላይ ወጪ በማድረግ ለ12 ክልሎች እና ለሁለት የከተማ አስተዳደር የዑለማ ጉባዔ ጽሕፈት ቤቶች ያበረከተው ሥጦታ ዋና ዓላማው ለዳዕዋ ሥራ ምቹሁኔታን መፍጠር በመኾኑ፣ የየክልሉ የዑለማ ጉባዔ ጽሕፈት ቤቶች ይህን አማና ተቀብላችሁ በዳዕዋ ሥራ አንድትበረቱ ሲሉ አደራ ሰጥተዋል።

በጠቅላይ ምክር ቤቱ አዳራሽ በተካሄደው የሥጦታ ርክክብ ስነ-ሥርዓት መረኃግብር ላይ የኢትዮጵያ እስልምና ጉዳዮች ጠቅላይ ም/ቤት ተቀዳሚ ምክትል ፕሬዚደንት ሸይኽ አብዱልከሪም ሸይኽ በድረዲን፣ የዓሊሞች ጉባዔ ምክትል ሰብሳቢና የፈትዋ ኮሚቴ ዋና ሰብሳቢው ዶክተር ጄይላን ኸድር፣ ምክትል ፕሬዚደንትና የሐጅ እና ዑምራ ዘርፍ ኃላፊው ሸይኽ አብዱልዓዚዝ አብዱልወሊ፣ የጠቅላይ ምክር ቤቱ ዋና ሥራ አስኪያጅ ሐጅ ከማል ሐሩን፣ የኦሮሚያ መጅሊስ ፕሬዚደንት እና የጠቅላይ ምክር ቤቱ የሥራ አስፈጻሚ ኮሚቴ እና የዑለማ ጉባዔ ምክር ቤት አባላት ተገኝተዋል።
••••••••
የኢት/እ/ጉ/ጠ ምክር ቤት ሕዝብ ግንኙነት።
ይከታተሉን | Follow us፡
ፌስቡክ | Ethiopian Islamic Affairs Supreme Council
ቴሌግራም | t.me/eiasc1
ትዊተር | https://x.com/eiasc13

ጥቅምት 25፣ 2017 ዓ.ል | ጁማዱል ኡላ 2፣ 1446 ዓ.ሒ
بِسْمِ ٱللَّهِ ٱلرَّحْمَٰنِ ٱلرَّحِيمِ
••••••••••••••••••••••••••••••••••••••••••••••••••••
የጠቅላይ ምክር ቤቱ የሴቶችና ወጣቶች ዘርፍ እና ዳብሊ ፋውንዴሽን አብሮ ለመሥራት የመግባቢያ ሰነድ ተፈራረሙ።
••••••••••••••••••••••••••••••••••••••••••••••••••••
አዲስ አበባ |

የኢትዮጵያ እስልምና ጉዳዮች ጠቅላይ ምክር ቤት የሴቶችና ወጣቶች ዘርፍ ዳብሊ (DABLIE) ከተባለ ሀገር በቀል ድርጅት ጋር የወጣቶችን አቅም በመገንባት፣ የሙስሊም ሴቶችን ሁለንተናዊ ዕድገት ከፍ የሚያደርጉ የተቀናጁ ፕሮግራሞች በትብብር በማዘጋጀትና በመተግበር ዙሪያ አብሮ ለመሥራት የመግባቢያ ሰነድ ተፈራረሙ።

የመግባቢያ ሰነዱን የጠቅላይ ምክር ቤቱ ምክትል ሥራ አስኪያጅ አቶ አብዱልዓዚዝ አሎ እና የዳብሊ ፋውንዴሽን ዋና ሥራ አስኪያጅ አቶ ኢማድ አብዱልመጂድ ፈርመዋል።

በዚሁ ጊዜ የዳብሊ ፋውንዴሽን ባልደረባ ድርጅቱ ስለሚያካሂዳቸው እንቅስቃሴዎች በስላይድ የተደገፈ ሰፋ ያለ ማብራሪያ ሰጥተዋል።

ፋውንዴሽኑ ከጠቅላይ ምክር ቤቱ የሴቶችና ወጣቶች ዘርፍ ጋር የሚሠራበት ማዕቀፍ እና የጋራ ዓላማ በመግባቢያ ሰነዱ ውስጥ መካተቱ ተነግሯል።

የሙስሊም ወጣቶችን ክህሎት ማጎልበት እና በማኅበረሰብ ውስጥ ንቁ ተሳትፎ እንዲኖራቸው የሙያ ሥልጠና መስጠት የመግባቢያ ሰነዱ አካል መሆኑን ሥራ አስኪያጁ ተናግረዋል።

የጠቅላይ ምክር ቤቱ ምክትል ሥራ አስኪያጅ አቶ አብዱልዓዚዝ አሎ ጠቅላይ ምክር ቤቱ መስሊሙን እና በአጠቃላይም ሀገርን በሚጠቅም ጉዳይ ላይ አቅምና ብቃት ካላቸው ድርጅቶችና ተቋማት ጋር ለመሥራት በሩ ክፍት ነው ሲሉ ተናግረዋል።

በመግባቢያ ሰነዱ ፊርማ ስነ ሥርዓት ላይ የጠቅላይ ምክር ቤቱ የሴቶችና የወጣቶች ዘርፍ ኃላፊ ዑስታዛ ፋጡማ ሐሰን፣ የመጅሊሱ ሥራ አስፈጻሚ አባልና የትምህርትና ማኅበራዊ ዘርፍ ተጠሪ ኢንጅነር አንዋር ሙስጠፋ፣ እንዲሁም የዳብሊ ፋውንዴሽን አመራር አባላት ተገኝተዋል።

••••••••••••••••••••••••••••••••••
የኢት/እ/ጉ/ጠ ምክር ቤት ሕዝብ ግንኙነት።
ይከታተሉን | Follow us፡
ፌስቡክ | Ethiopian Islamic Affairs Supreme Council
ቴሌግራም | t.me/eiasc1
ትዊተር | https://x.com/eiasc13

ጥቅምት 25፣ 2017 ዓ.ል | ጁማዱል ኡውላ 2፣ 1446 ዓ.ሒ
بِسْمِ ٱللَّهِ ٱلرَّحْمَٰنِ ٱلرَّحِيمِ
••••••••••••••••••••••••••••••••••••••••••••••
የጠቅላይ ምክር ቤቱ ፕሬዚደንት በዓለም አቀፍ የሃይማኖት ጉባዔ ላይ ጽሑፍ አቀረቡ።
••••••••••••••••••••••••••••••••••••••••••••••
አዲስ አበባ |

የኢትዮጵያ እስልምና ጉዳዮች ጠቅላይ ምክር ቤት ፕሬዚደንት የክብር ዶክተር ሼይኽ ሐጂ ኢብራሒም ቱፋ  በአዲስ አበባ ዛሬ በተከፈተው ዓለም ዓቀፍ የሃይማኖት ጉባዔ ላይ ጽሑፍ አቀረቡ።

ክቡር ፕሬዚደንቱ ያቀረቡት ጽሑፍ "የመከባበርና የመቻቻል ባህልን ለማዳበር የሃይማኖት ተቋማት የሚያደርጉት አስተዋጽዖ" የሚል ርዕስ ያለው ሲኾን፣ ሸይኽ ሐጂ ከ1440 ዓመታት በፊት እስልምና ወደ ኢትዮጵያ በገባበት ጊዜ በሐበሻው ንጉሥ አስሐመተል ነጃሺ እና ወደ ሐበሻ በስደት የመጡት የነቢዩ (ሶ.ዐ.ወ.) ባልደረቦች መሪ በነበረው ታላቁ ሶሃባ ጃዕፈር ቢን አቡ ጧሊብ መካከል እምነትን አስመልክቶ የተካሄደውን ውይይትና መተማመን የመቻቻል አብነት እንደኾነ ተናግረዋል።

ኢትዮጵያ ነብያችን ሙሐመድ (ሶ.ዐ.ወ) "ከእናቴ ቀጥላ ሁለተኛ እናቴ (ሞግዚቴ)" ያሏት የዑሙ አይመን አገር መሆኗን የጠቀሱት ሸይኽ ሐጂ ኢብራሂም፣ ታላቁ ነብይ (ሶ.ዐ.ወ) ቀደምት ተከታዮቻቸው በመካ የቁረይሽ ባላባቶች ግፍ እና መከራ በደረሰባቸው ጊዜ፣ "ወደ ሐበሻ ሂዱ፤ እርሷ እርሱ ዘንድ አንድም ሰው የማይበደልበት እውነተኛ መሪ ያለባት የፍትኅ አገር ናት" ማለታቸው በጽሑፋቸው ጠቅሰዋል።

ሼይኽ ሐጂ አክለውም አገራችን ኢትዮጵያ የነቢዩ (ሶ.ዐ.ወ) ሙአዚን የቢላል ኢብኑ ረባህ አገር እንደኾነችና የታላቁ ነቢይ (ሶ.ዐ.ወ) ቀደምት ባልደረቦች ቀብር የሚገኝባት ታላቅ አገር መሆኗን ተናግረዋል።

ኢትዮጵያ ልዩነትን የማስተናገድ ከአስሐመተል ነጃሺ የተወረሰ የረጅም ዘመን ታሪክ ያላት አገር መሆኗን የጠቀሱት ሸይኽ ሐጂ ኢብራሂም፣ ዓለም ይህንን ልምድ ከኢትዮጵያ ሊወስድ ይገባዋል ብለዋል።

ዛሬ በተጀመረው ዓለምአቀፍ የሃይማኖት ጉባዔ ላይ ከፍተኛ የመንግሥት ባለሥልጣናት፣ የሃይማኖት ተቋማት ጉባዔ አባል ቤተ እምነት አባቶች፣ አሜሪካ፣ አውሮጳ እና ኤዥያን ጨምሮ ከአሥራ ሦስት ሀገራት የመጡ የሃይማኖት ሊቃውንት፣ አሥራ አምስት ዩኒቨርሲቲዎችን ጨምሮ ከሦስት መቶ በላይ ሰዎች በጉባዔው ላይ ተሳታፊ ሆነዋል።

ለሁለት ቀናት በሚካሄደው በዚህ ዓለም አቀፍ ጉባዔ ላይ በምሁራን የተለያዩ ጥናታዊ ጽሑፎች መቅረባቸው እንደሚቀጥል ተነግሯል።

••••••••••••
የኢት/እ/ጉ/ጠ ምክር ቤት ሕዝብ ግንኙነት።
ይከታተሉን | Follow us፡
ፌስቡክ | Ethiopian Islamic Affairs Supreme Council
ቴሌግራም | t.me/eiasc1
ትዊተር | https://x.com/eiasc13

ጥቅምት 25፣ 2017 ዓ.ል | ጁማዱል አወል 2፣ 1446 ዓ.ሒ
بِسْمِ ٱللَّهِ ٱلرَّحْمَٰنِ ٱلرَّحِيمِ
•••••••••••••••••••••••••••••••••••••••••••••••••
ዓለምአቀፉ የሃይማኖት ጉባዔ  በአዲሰ አበባ ተጀመረ
•••••••••••••••••••••••••••••••••••••••••••••••••
አዲስ አበባ |

የሰላም ሚኒስቴር ከሙሐመድ ቢን ዛይድ ፎር ሂዩማኒቲ ዩኒቨርሲቲ ጋር በመተባበር ያዘጋጀው ዓለም አቀፍ የሃይማኖት ጉባዔ አዲስ አበባ በሚገኘው ኃይሌ ግራንድ ሪዞርት ተጀመረ።

የኢፌዴሪ ፕሬዚደንት ታዬ አጽቀሥላሴ ለሁለት ቀናት የሚቆየውን ይህን ዓለምአቀፍ ጉባዔ ሲከፍቱ ባደረጉት ኢትዮጵያ ለአያሌ ዘመናት የኖረ የሃይማኖቶች የመከባበርና የመቻቻል ታሪክ ያላት አገር መሆኗን ተናግረዋል።

በዓለማችን ከቅርብ ጊዜ ወዲህ ይህን የአብሮነት ባህል የሚንዱ ትርክቶች በማኅበራዊ ትስስር ገፆች እየተነዙ ለክቡሩ የሰዎች ሰላም እጦት ምክንያት መኾናቸውን ተናግረዋል።

ፕሬዚደንቱ የሃይማኖት አባቶች አሁን ዓለም ያለችበትን ዉስብስብ ሁኔታ በመቀየር በሰላምና በጋራ አብሮ መኖር ላይ የምንናፍቃትን ዓለም እንድንጨብጥ አባታዊ ትምህርታቸውን አጠናክረው እንዲቀጥሉ ጥሪያቸውን አቅርበዋል።

የሰላም ሚኒስትሩ አቶ ብናልፍ አንዷለም በበኩላቸው ሃይማኖቶች የአገር አንድነትና የጥንካሬ ምንጭ መኾናቸውን ተናግረዋል።

የሃይማኖት ተቋማት በአገር ላይ ያላቸውን ከፍተኛ ኃላፊነት በመጠቀም የሰዎች በሰላም አብሮ የመኖር እሴት እንዲጠናከር መሥራት እንደሚጠበቅባቸው ተናግረዋል።

አገራችን ኢትዮጵያ በሃይማኖት ብዝኃነት የተገነባች መሆኗን የተናገሩት ሚኒስትሩ፣ ሰላምና መቻቻል የሰፈነባት አገር እንድትሆን መስሪያ ቤታቸው ከሁሉም የሃይማኖት ተቋማት ጋር ተቀራርቦ እየሠራ መሆኑን ተናግረዋል።

የኢትዮጵያ የሃይማኖት ተቋማት ጉባዔ ጠቅላይ ፀሐፊ ቀሲስ ታጋይ ታደለ፣ ሀገራችን ኢትዮጵያ በዕምነት መጻሕፍት የተወሳች አገር ነች ካሉ በኋላ፣ ዓለማችን የሰላም እጦት ላይ በመሆኗ የሃይማኖት አባቶችን ልብ የሰበረ ክስተት መሆኑን ተናግረዋል።

የሃይማኖት አባቶች ለሰው ልጆች ሁለንተናዊ ሰላም በቀጣይ ተጠናክረው እንደሚሠሩ ተናግረዋል።

የተባበሩት አረብ ኤሚሬት መሐመድ ቢን ዛይድ  ፎር ሂዩማኒቲ ዩኒቨርሲቲ ቻንስለር ዶ/ር ኸሊፋ ሙባረክ ዳኽሪ በአገራቸው እና በኢትዮጵያ መካከል የሰላም እሴትን በማጠናከር ማኅበራዊ ሰላምን ለማጎልበትና ወንድማማችነትን ለማጠናከር ያለመ አዲስ የግንኙነት ምዕራፍ መከፈቱን ተናግረዋል።

ዩኒቨርሲቲው ከሰላም ሚኒስቴር ጋር በመተባበር በሕዝቦች መካከል የመነጋገር ባሕልን የሚያጎለብቱ ሥራዎች መሥራት እንደሚሻ ተናግረዋል።

በጉባዔው ላይ ከፍተኛ የመንግሥት የሥራ ኃላፊዎች፣ የሃይማኖት ተቋማት ጉባዔ አባል ቤተ እምነት አባቶች፣ አሜሪካ፣ አውሮጳ እና ኤዥያን ጨምሮ ከአሥራ ሦስት ሀገራት የመጡ የሃይማኖት ሊቃውንት፣ አሥራ አምስት ዩኒቨርሲቲዎችን ጨምሮ ሦስት መቶ ሰዎች በጉባዔው ላይ ተሳታፊ ሆነዋል።

ዛሬን ጨምሮ ለሁለት ቀናት በሚካሄደው ዓለም አቀፍ የሃይማኖት ጉባዔ ላይ የተለያዩ ጥናታዊ ጽሑፎች በምሁራን እንደሚቀርቡ ለማወቅ ተችሏል።

••••••••••••
የኢት/እ/ጉ/ጠ ምክር ቤት ሕዝብ ግንኙነት።
ይከታተሉን | Follow us፡
ፌስቡክ | Ethiopian Islamic Affairs Supreme Council
ቴሌግራም | t.me/eiasc1
ትዊተር | https://x.com/eiasc13

ጥቅምት 23፣ 2017 ዓ.ል | ጁማዱል አወል፣ 1446 ዓ.ሒ
بِسْمِ ٱللَّهِ ٱلرَّحْمَٰنِ ٱلرَّحِيمِ
••••••••••••••••••••••••••••••••••••••••••••••••••••••
የጠቅላይ ምክር ቤቱ ስትራቴጂያዊ እቅድ ንድፈ ሐሳብ ለጠቅላይ ምክር ቤቱ ሥራ አስፈጻሚዎች ቀርቦ ፀደቀ።
••••••••••••••••••••••••••••••••••••••••••••••••••••••
አዲስ አበባ |
የኢትዮጵያ እስልምና ጉዳዮች ጠቅላይ ምክር ቤት ስትራቴጂያዊ እቅድ ንድፈ ሐሳብ ለጠቅላይ ምክር ቤቱ ፕሬዚደንት የክብር ዶክተር ሸይኽ ሐጂ ኢብራሂም ቱፋ እና ለሥራ አስፈጻሚዎች ቀርቦ ማሻሻያዎችን በማከል ወደ ሥራ እንዲገባ ፀድቋል።

የጠቅላይ ምክር ቤቱ ፕሬዚደንት ስትራቴጂያዊ እቅድ ምክር ቤቱ በ50 ዓመት ታሪኩ ያላሳካው የሕገ-መጅሊሱ አካል በመኾኑ ሁሉን አካታች የለውጥ ብርሃን ሆኖ በታሪክ ትልቅ መሠረት የሚጥል ነው ሲሉ ተናግረዋል።

ባለንበት የሃለፊነት ጊዜ የአላህ ባሪያዎች የሚገለገሉበት እንደ ዘመናቸውና ተጨባጩ እያሳደጉ የሚሰሩበት ትልቅ ታሪክ ነው ብለዋል።

ፕሬዚደንቱ አያይዘውም የሥራ አስኪያጅ ጽሕፈት ቤት ኃላፊነት ወስዶ ከቦርዱ ጋር ተቀናጅቶ የስትራቴጂያዊ እቅዱን ንድፈ ሐሳብ ለፍሬ በማብቃቱ ምሥጋና አቅርበዋል።

የምክር ቤቱ ምክትል ሥራ አስኪያጅና የስራትራቴጃዊ እቅድ ዝግጅት ዐብይ ኮሚቴ ዋና ሰብሳቢው አቶ አብዱልዓዚዝ አሎ የስትራቴጂያዊ እቅድ ንድፈ ሐሳቡን ለማበልፀግ ላለፈው አንድ ዓመት የተከናወኑትን የፕሮሲጀርና የዝግጅት ሂደቶችን ያብራሩ ሲኾን፣ እቅዱ በስድስት ወር ተጠናቅቆ ወደ ሥራ እንደሚገባ ተናግረዋል።

የስራትራቴጂያዊ እቅድ ዐብይ ኮሚቴ አባላት ላለፈው አንድ ዓመት ያህል ያለምንም ክፋያ ላደረጉት የጊዜና የሙያ አስተዋጽዖ ክቡር ፕሬዚደንቱ ሸይኽ ሐጂ ኢብራሂም ቱፋ ምሥጋና አቅርበዋል።

የስራትራቴጂያዊ እቅድ ዝግጅት ዐብይ ኮሚቴው ያወጣውን መስፈርት ያሟሉ የመስኩ ባለሙያና በእስላማዊ ትምህርት በቂ ዝግጅት ያላቸው አማካሪው አቶ ሺሃቡዲን ሼኽ ኑራ በተቋሙ ስራትራቴጂያዊ እቅድ ንድፈ ሐሳብ ዙሪያ ሰፊ ገለጻ አድርገዋል።

ባለሙያው የጠቅላይ ምክር ቤቱ የሥራ ስትራቴጂያዊ እቅድ ለተቋማዊ ለውጥና ለሁለንተናዊ እድገት ያለውን ፋይዳ፣ አቃፊነት እና ዘላቂነት ያለው እድገት ለማምጣት ለመሪዎች ትልቅ መሣሪያ እንደሆነም በንድፈ ሐሳብ አሳይተዋል።

የእቅዱ ንድፈ ሐሳብ ዝግጅት ዐብይ ኮሚቴ አባላት ስትራቴጃዊ እቅድ በመሪዎች ንቁነትና ተግባራዊነት የሚታገዝ በመሆኑ፣ የጠቅላይ ምክር ቤቱ ሥራ አስፈጻሚዎች እስከታች በመውረድ የለውጥ መሣሪያ እንዲያደርጉት አደራ ብለዋል።

የጠቅላይ ምክር ቤቱ ሥራ አስፈጻሚዎችም በቀረበው የስትራቴጂያዊ እቅዱ ንድፈ ሐሳብ ላይ ግብዓት ሰጥተው፣ ማብራሪያ የሚስፈልገውን ጠይቀው ምላሽ ተሰጥቷቸዋል።

እቅዱ የተበታተነ ሥራችን መርኅ እና ስትራቴጂን የተከተለ እንዲሆን እገዛ የሚያደርግ፣ ሁለን የሚያስተናግድ፣ ከአካባቢያዊና ከተጨባጩ ሁኔታ ጋር እየተገናዘበ ሊሻሻልና ሊጎለብት የሚችል በመኾኑ በኃላፊነት ለመሥራት የሚያነሳሳ ነው ሲሉም ተናግረዋል።

በዚህ ስትራቴጂያዊ እቅድ ንድፈ ሐሳብ ማብራሪያ መድረክ ላይ የጠቅላይ ምክር ቤቱ ተቀዳሚ ምክትል ፕሬዚደንት ሸይኽ አብዱልከሪም ሸይኽ በድረዲን፣ ምክትል ፕሬዚደንትና የሐጅ እና ዑምራ ዘርፍ ኃላፊ ሸይኽ አብዱልዓዚዝ አብዱልወሊ፣ የጠቅላይ ምክር ቤቱ ዋና ጸሐፊ ሸይኽ ሐሚድ ሙሳ፣ እንዲሁም ባለሙያዎችና የቦርድ አባላት ተገኝተዋል።

••••••••••••
የኢት/እ/ጉ/ጠ ምክር ቤት ሕዝብ ግንኙነት።
ይከታተሉን | Follow us፡
ፌስቡክ | Ethiopian Islamic Affairs Supreme Council
ቴሌግራም | t.me/eiasc1
ትዊተር | https://x.com/eiasc13

ጥቅምት 22፣ 2017 ዓ.ል | ረቢዑል ሳኒ 29፣ 1446 ዓ.ሒ
بِسْمِ ٱللَّهِ ٱلرَّحْمَٰنِ ٱلرَّحِيمِ
•••••••••••••••••••••••••••••••••••••••••••••••••
በአዲስ አበባ ዓለምአቀፍ የሃይማኖት ጉባዔ ሊካሄድ ነዉ።
•••••••••••••••••••••••••••••••••••••••••••••••••
አዲስ አበባ |

የሰላም ሚኒስቴር ከሙሐመድ ቢን ዛይድ ዩኒቨርሲቲ ጋር በመተባበር በአዲስ አበባ ዓለምአቀፍ የሃይማኖት ጉባዔ ሊያካሂድ መሆኑን ተናገረ።

ጥቅምት 25 እና 26፣ 2017 ዓ.ል (ሰኞና ማክሰኞ) በአዲስ አበባ ኃይሌ ግራንድ ሪዞርት የሚካሄደውን ይህን ዓለምአቀፍ ጉባዔ አስመልክቶ ሚኒስቴሩ ዛሬ ለመገናኛ ብዙኃን ተቋማት ጋዜጣዊ መግለጫ ሰጥቷል።

በሰላም ሚኒስቴር የሰላም ግንባታና ብሔራዊ መግባባት ዘርፍ ሚኒስትር ደዔታ ዶክተር ኸይረዲን ተዘራ በጋዜጣዊ መግለጫው ላይ ሲናገሩ ኢትዮጵያ ቀደምት የሰዎች መገኛ ብቻ ሳትሆን፣ እስልምናና ክርስትና ለዘመናት በሰላምና በሃገር ግንባታ ከፍተኛ አስተዋፅኦ ያደረጉባት ታሪካዊ ሀገር መሆኗን አውስተዋል።

በዓይነቱ የመጀመሪያ የኾነው ይህ ዓለምአቀፍ ጉባዔ ሃይማኖቶች ለሀገራችን ሰላምና አብሮነት ያደረጉትን ጉልህ አስተዋፅዖ ይበልጥ ለማጠናከር የሚያግዝ መሆኑን ሚኒስትር ደዔታው ተናግረዋል።

ለዚህም ዓላማ መሳካት የሚኒስቴር መሥሪያ ቤቱ ከሁሉም የሃይማኖት ተቋማት ጋር ተቀራርቦ እየሠራ እንደሚቀጥል ሚኒስትር ደዔታው ተናግረዋል።

ለሁለት ቀናት በሚቆየው በዚህ ዓለምአቀፍ ጉባዔ ላይ ከፍተኛ የመንግሥት የሥራ ኃላፊዎች፣ የሃይማኖት ተቋማት ጉባዔ አባል ቤተ እምነት አባቶች፣ አውሮጳና ኤዥያን ጨምሮ ከአሥራ ሦስት ሀገራት የሚመጡ የሃይማኖት ሊቃውንት፣ አሥራ አምስት ዩኒቨርሲቲዎችን ጨምሮ ሦስት መቶ ሰዎች በጉባዔው ላይ እንደሚሳተፉ ተነግሯል።

በጉባዔው ላይ በምሑራን የተለያዩ ጥናታዊ ጽሑፎች እንደሚቀርቡ የሚኒስቴር መሥሪያ ቤቱ ተናግሯል።

••••••••••••
የኢት/እ/ጉ/ጠ ምክር ቤት ሕዝብ ግንኙነት።
ይከታተሉን | Follow us፡
ፌስቡክ | Ethiopian Islamic Affairs Supreme Council
ቴሌግራም | t.me/eiasc1
ትዊተር | https://x.com/eiasc13

ጥቅምት 21፣ 2017 ዓ.ል | ረቢዑል ሳኒ 28፣ 1446 ዓ.ሒ
بِسْمِ ٱللَّهِ ٱلرَّحْمَٰنِ ٱلرَّحِيمِ
••••••••••••••••••••••••••••••••••••••••••••••••
በጠቅላይ ምክር ቤቱ ቅጥር ግቢ ሊገነባ ለታቀደ ው ሕንጻ የዲዛይን እና የኮንትራት አማካሪ ጨረታ በይፋ ተከፈተ።
••••••••••••••••••••••••••••••••••••••••••••••••
አዲስ አበባ |

የኢትዮጵያ እስልምና ጉዳዮች ጠቅላይ ምክር ቤት በጠቅላይ ምክር ቤቱ ቅጥር ግቢ ውስጥ ሊያስገነባ ላቀደው ባለ 2 መሠረትና ባለ 13 ወለል የአፓርትመንት ሕንጻ የዲዛይን እና የኮንትራት አማካሪ ጨረታ በይፋ ከፈተ።

የጠቅላይ ምክር ቤቱ የፕሮጀክት ጽሕፈት ቤት ኃላፊ አቶ አብዱልሃዲ ሙሐመድ በጠቅላይ ምክር ቤቱ ቅጥር ግቢ ውስጥ የሚገነባው B+2፣ G+13 የአፓርትመንት ሕንጻ የዲዛይን እና የአማካሪ ጨረታ በተመረጡ ድርጅቶች መካከል ብቻ የተከናወነ መሆኑን ተናግረዋል።

በዚህ ጨረታ ላይ እንዲሳተፉ ስምንት (8) ድርጅቶች የተመረጡ ሲኾን፣ ከመንግሥት ድርጅቶች ሦስት (3)፣ ከግል አምስት (5) መሆናቸውን ኃላፊው ተናግረዋል።

በጨረታ መክፈቻ ስነ ሥርዓቱ ላይ ከስምንቱ (8) ድርጅቶች አራቱ (4) የተገኙ ሲኾን፣ ጨረታው ታዛቢዎች በተገኙበት ተከፍቷል።

ድርጅቶቹ በፕሮጀክት አማካሪዎች የተጠቆሙና በፕሮጀክት አፈጻጸም ጥሩ ስም ያላቸው መሆናቸውንም ኃላፊው ተናግረዋል።

ጥቅምት 20፣ 2017 ዓ.ል | ረቢዑል ሳኒ 26፣ 1446 ዓ.ሒ
بِسْمِ ٱللَّهِ ٱلرَّحْمَٰنِ ٱلرَّحِيمِ
••••••••••••••••••••••••••••••••••••••••••••••••••
በሐጅ ወቅት በጀዳ አውሮፕላን ማረፊያ #ሻንጣ_ለጠፋባችሁ የ1445 ዓ.ሒ (2016 ዓ.ል) ሐጃጆች።
••••••••••••••••••••••••••••••••••••••••••••••••••
የኢትዮጵያ እስልምና ጉዳዮች ጠቅላይ ምክር ቤት በ1445 ዓ.ሒ (2016 ዓ.ል) የዘመነ መስተንግዶ ለአል ረሕማን እንግዶች በሚል መሪ ሐሳብ ሐጃጆችን ማስተናገዱ ይታወሳል።

የሐጅ ሥርዓታችሁን አጠናቅቃችሁ ሻንጣችሁን ከመካ ወደ ሀገር ቤት ለመላክ ከመካ የሽኝት አስተባባሪ የሻንጣ ታግ ወስዳችሁ፣ ነገር ግን ሻንጣችሁ በጀዳ ዓለምአቀፍ አውሮፕላን ማረፊያ የጠፋባችሁ ሐጃጆች፣ የኢትዮጵያ አየር መንገድ በጀዳ አውሮፕላን ማረፊያ የተገኙ የኢትዮጵያውያን ሐጃጆች ሻንጣዎችን ወደ አገር ቤት አምጥቶ ለጠቅላይ ምክር ቤታችን ያስረከበ በመሆኑ፣ ሻንጣ የጠፋባችሁ ሐጃጆች የፓስፖርታችሁን ቅጂ (ኮፒ) እና የሻንጣችሁን ታግ ቅጂ ከዚህ በታች በተቀመጠው ስልክ ቁጥር 0911 82 19 15  (በቴሌግራም) እንድትልኩ እንጠይቃለን።

የኢትዮጵያ እስልምና ጉዳዮች ጠቅላይ ምክር ቤት የሐጅና ዑምራ ጉዞ ማስተባበሪያ ዳይሬክቶሬት።

ጥቅምት 20፣ 2017 ዓ.ል | ረቢዑል ሳኒ 26፣ 1446 ዓ.ሒ

ጥቅምት 19፣ 2017 ዓ.ል | ረቢዑል ሳኒ 26፣ 1446 ዓ.ሒ
بِسْمِ ٱللَّهِ ٱلرَّحْمَٰنِ ٱلرَّحِيمِ
••••••••••••••••••••••••••••••••••••••••••••••
ለኢትዮጵያ ሙስሊሞች የልማት ኤጀንሲ የማስፋፊያ ግንባታ ጨረታ ተከፈተ።
••••••••••••••••••••••••••••••••••••••••••••••
አዲስ አበባ |

የኢትዮጵያ እስልምና ጉዳዮች ጠቅላይ ምክር ቤት የልማት ክንፍ ለኾነው የኢትዮጵያ ሙስሊሞች የልማት ኤጀንሲ የቢሮ ማስፋፊያ ግንባታ በወጣው ጨረታ መሠረት የቀረቡ የመጫረቻ ሰነዶች በይፋ ተከፈቱ።

የኢትዮጵያ እስልምና ጉዳዮች ጠቅላይ ምክር ቤት የፕሮጀክት ጽሕፈት ቤት ከመስከረም 28፣ 2017 ዓ.ል ጀምሮ በተቋሙ የፌስቡክ ገጽ፣ በኤጀንሲውና በተለያዩ መስጂዶች የጨረታ ማስታወቂያውን ለሕዝብ ይፋ አድርጎ እንደነበረ የጽሕፈት ቤቱ ኃላፊ አቶ አብዱልሐዲ ሙሐመድ አስታውሰዋል።

የኢትዮጵያ ሙስሊሞች የልማት ኤጀንሲ (ኢሙልኤ) እየሰጠ ያለውን አገልግሎት ለማስፋት በማሰብ በወጣው የቢሮ ማስፋፊያ ግንባታ ጨረታ ላይ ለመሳተፍ አሥራ ሁለት የግንባታ ድርጅቶች የጨረታ ሰነድ መግዛታቸውን ኃላፊው ተናግረዋል።

ዝግ የሥራ ቀናትን ጨምሮ ለአሥራ ዘጠኝ ቀናት በአየር ላይ የዋለውና ዛሬ 8:00 ሰዓት ላይ የተዘጋው ጨረታ፣ 8:30 ላይ ተጫራቾችና ታዛቢዎች በተገኙበት በይፋ ተከፍቷል።

በዚሁ ጊዜ በጨረታ ሂደቱ ላይ ቅሬታ ያለው ተጫራች ካለ ቅሬታውን እንዲገልጽ የፕሮጀክት ጽሕፈት ቤት ኃላፊው ዕድል የሰጡ ሲኾን፣ ተጫራቾች ምንም ቅሬታ እንደሌላቸው ተናግረዋል።

በጠቅላይ ምክር ቤቱ የመሰብሰብያ አዳራሽ የጨረታ ሰነዶች በይፋ ከተከፈቱ በኋላ፣ ሁለት ድርጅቶች የጨረታውን መስፈርት ባለማሟላታቸው በአጫራች ኮሚቴው ከጨረታው መሰረዛቸው ተነግሯል።

በጠቅላይ ምክር ቤቱ የፕሮጀክት ጽ/ቤት የወጣውና ዛሬ በተወዳዳሪዎች ፊት የተከፈተው የጨረታ ሰነድ፣ በተጫራቾች የቀረቡ የመጫረቻ ሰነዶች የፋይናንስና የቴክኒክ ምክረሐሳብ በጨረታ ኮሚቴ ተጣርቶ ከቀናት በኋላ አሸናፊው ድርጅት ይፋ እንደሚደረግ አቶ አብዱልሐዲ ሙሐመድ ተናግረዋል።
••••••••••••••••••
የኢት/እ/ጉ/ጠ ምክር ቤት ሕዝብ ግንኙነት
ይከታተሉን | Follow us፡
ፌስቡክ | Ethiopian Islamic Affairs Supreme Council
ቴሌግራም | t.me/eiasc1
ትዊተር | https://x.com/eiasc1

ጥቅምት 18፣ 2017 ዓ.ል | ረቢዑል ዓ. 25፣ 1446 ዓ.ሒ
بِسْمِ ٱللَّهِ ٱلرَّحْمَٰنِ ٱلرَّحِيمِ
•••••••••••••••••••••••••••••••••••••••••••••••••
የጠቅላይ ምክር ቤት ፕሬዝደንት የክብር ዶክተር ሸይኽ ሐጂ ኢብራም ቱፋ የሥራ ጉብኝት አድረጉ።
••••••••••••••••••••••••••••••••••••••••••••••••••••
አዲስ አበባ |

በኢትዮጵያ እስልምና ጉዳዮች ጠቅላይ ምክር ቤት ፕሬዝደንት የክብር ዶክተር ሸይኽ ሐጂ ኢብራም ቱፋ የተመራ ልዑካን በአዲስ አበባ ከተማ እስልምና ጉዳዮች ከፍተኛ ምክር ቤት በመገኘት የሥራ እንቅስቃሴ ጉብኝት አደረጉ።

የአዲስ አበባ መጅሊስ የከፍተኛ ምክር ቤቱ ዋና ስራ አስኪያጅ አቶ ሪያድ ጀማል የየክፍሎቹን የሥራ ሁኔታና የሠራተኞቹን ማንነት በጠቅላይ ምክር ቤቱ ለተመራው ልዑካን ቡድኑ አብራርተዋል።

አመራሮቹም የከፍተኛ ምክር ቤቱን የስራ ክፍሎች ተዘዋውረው የጎበኙ ሲሆን በየክፍሎቹ የተመለከቱት የሥራ እንቅስቃሴ በጣም አስደሳችና አበረታች መሆኑን የልዑካን ቡድኑ መሪና የጠቅላይ ምክር ቤቱ ፕሬዝደንት የክቡር ዶክተር ሸይኽ ሐጂ ኢብራሂም ቱፋ ተናግረዋል።

የጠቅላይ ምክር ቤቱ የልዑክ ቡድን በአዲስ አበባ ከተማ እስልምና ጉዳዮች ከፍተኛ ምክር ቤቱ ቆይታው እስካሁን የተከናወኑ ተግባራትን በመመልከት ቀጣይ የሥራ አቅጣጫ የሚያስቀምጥ ይሆናል

በጠቅላይ ምክር ቤት ፕሬዝደንት የክብር ዶክተር ሸይኽ ሐጂ ኢብራም ቱፋ በተመራው የልዑካን ቡድኑ ውስጥ የተካተቱት የጠቅላይ ምክር ቤቱ ተቀዳሚ ምክትል ፕሬዝደንት ሸይኽ አብዱልከሪም ሸይኽ በድረዲን፤ የጠቅላይ ምክር ቤቱ ዋና ፀሐፊ ሸይኽ ሐሚድ ሙሳ የተገኙ ሲሆን የአዲስ አበባከፍተኛ እስልምና ጉዳዮች ከፍተኛ ምክር ቤት ፕሬዝደንት የክቡር ዶክተር ሸይኽ ሱልጣን አማን ኤባ፣ የአዲስ አበባ መጅሊስ ምክትል ፕሬዝደንቱ ፈትሁዲን ሐጂ ዘይኑ ሙቅና፣ ዋና ፀሐፊው ሸይኽ ሁሴን በሽር እና የስራ አስፈጻሚ አባላት ተገኝተዋል።

ጉብኝቱ በተለያዩ የሐገሪቱ አካባቢዎች እየተንቀሳቀሱ የሥራ ጉብኝት በማድረግ የሚከናወኑ ተግባራት አካል መሆኑ ታውቋል።

#የዜናው ምንጭ:-#የአዲስ አበባ ከተማ እስልምና ጉዳዮች ከፍተኛ ምክር ቤት ሕዝብ ግንኙነት ነው።

የኢት/እ/ጉ/ጠ ምክር ቤት ሕዝብ ግንኙነት
ይከታተሉን | Follow us፡
ፌስቡክ | Ethiopian Islamic Affairs Supreme Council
ቴሌግራም | t.me/eiasc1
ትዊተር | https://x.com/eiasc1

ጥቅምት 16፣ 2017 ዓ.ል | ረቢዑል ዓ. 23፣ 1446 ዓ.ሒ
بِسْمِ ٱللَّهِ ٱلرَّحْمَٰنِ ٱلرَّحِيمِ
••••••••••••••••••••••••••••••••••••••••••••••••••••
የዑለማ ጉባዔ ጽሕፈት ቤት ኃላፊ የኢሰመኮ ልዑካንን ተቀብለው አነጋገሩ።
••••••••••••••••••••••••••••••••••••••••••••••••••••
አዲስ አበባ |

በኢትዮጵያ እስልምና ጉዳዮች ጠቅላይ ምክር ቤት የዑለማ ጉባዔ ጽሕፈት ቤት ኃላፊ ሸይኽ ሙሐመድዘይን ዘኽረዲን በዛሬው ዕለት በኢትዮጵያ ሰብአዊ መብቶች ኮሚሽን (ኢሰመኮ) የሴቶች፣ ሕጻናት፣ አካል ጉዳተኞች እና አረጋውያን መብቶች ኮሚሽነር የኾኑት ወ/ሮ ርግበ ገብረኃዋሪያን በጽሕፈት ቤታቸው ተቀብለው አነጋገሩ።

በዚሁ ጊዜ ኮሚሽነሯ በኢሰመኮ ሕጋዊ ቁመናና ተልዕኮ ዙርያ ሰፋ ያለ ገለጻ ካደረጉ በኋላ፣ ኢሰመኮ ግርዛት በሴቶች እና በሕጻናት ላይ የሚያደርሰውን የከፋ ጉዳት በማስቀረት ዓላማ ከጠቅላይ ምክር ቤቱ የሙስሊም ሊቃውንት ጉባዔ ጋር ተቀራርቦ ለመሥራት ፍላጎት እንዳለው ተናግረዋል።

የዑለማ ጉባዔ ጽሕፈት ቤት ኃላፊው ሸይኽ ሙሐመድዘይን ዘኽረዲን የኢትዮጵያ ሰብአዊ መብቶች ኮሚሽን (ኢሰመኮ) በግርዛት ሳቢያ በሴቶችና በሕጻናት ላይ ለሚደርሱ የከፉ የጤና ችግሮች መፍትኄ በመሻት ከዑለማ ምክር ቤቱ ጋር በጋራ ለመሥራት ያሳየውን መነሳሳት በማድነቅ ምሥጋና አቅርበዋል።

ኃላፊው አያይዘውም በእስልምና አስተምህሮ፣ አላህ በሰዎች ላይ ጉዳት የሚያደርስ ምንም ዓይነት ትዕዛዝ ያዝዛል ተብሎ እንደማይታመን፣ ሰዎችም ራሳቸውን ከሚጎዱ ድርጊቶች እንዲታቀቡ የታዘዙ መኾናቸውን ተናግረዋል።

ሸይኽ ሙሐመድዘይን ሴቶች በእስልምና አስተምህሮ ከፍተኛ ቦታ እንዳላቸው፣ ነገር ግን በዚህ ዙሪያ በርካታ የተዛቡ መረጃዎች እንደሚነዙና የተሳሳቱ አካሄዶችም መኖራቸውን አውስተው፣ በእስልምና የእናትን ሐቅ በአግባቡ መወጣት ጀነት እስከማስገባት የሚደርስ ከፍ ያለ ደረጃ እንዳለውና በአጠቃላይም እስልምና ለሴት ልጅ ትልቅ ክብር እንደሚሰጥ ተናግረዋል።

ሴቶችና ሕጻናት በግርዛት ሳቢያ ለአካላዊም ኾነ ለስነ ልቦናዊ ጉዳት እንዲጋለጡ ማድረግ የእስልምና አስተምህሮ እንዳልኾነ የጠቀሱት ሸይኽ ሙሐመድዘይን፣ ሰዎች የሃይማኖቱን ሕግጋት (ትዕዛዛት) በውል ባለመረዳትና የግል ስሜታቸውን በመከተል ስህተት የሚፈጽሙባቸው፣ በሂደትም ስህተት እንደ ባህል ስር እየሰደደ የሚሄድባቸው ሁኔታዎች እንዳሉ ተናግረዋል።

በእስልምና ስም ብዙ ሃይማኖቱን መሠረት ያላደረጉ ድርጊቶች ሲፈፀሙና በዚህም ሳቢያ በሴቶችም ኾነ በሕጻናት ላይ ጉዳትና ችግሮች ሲፈጠሩ ስለሚታይ፣ ይህን ለመቅረፍ የጋራ ሥራ እንሚያስፈልግ ተናግረዋል።

ኢሰመኮ የሴቶች ግርዛትን አስመልክቶ ያለውን ሃይማኖታዊ እሳቤ፣ በጤና ላይ ሊያስከትል የሚችለውን ጉዳት ደግሞ በህክምና ባለሙያ ሙያዊ አስተያየት ላይ በመመስረት፣ በልማዳዊ ድርጊቶች ሳቢያ የሚፈጠሩ ችግሮችን ለማስወገድ ከኢትዮጵያ እስልምና ጉዳዮች ጠቅላይ ምክር ቤት የዑለማ ጉባዔ ጽሕፈት ቤት ጋር አብሮ ለመሥራት ፈቃደኛ እንደኾነ ኮሚሽነሯ ተናግረዋል።

በውይይቱ ላይ የጠቅላይ ምክር ቤቱ የሴቶችና የወጣቶች ዳይሬክተሯ ዑስታዛ ፋጡማ ሐሰን፣ በኢሰመኮ አፋር፣ የሰመራ ጽሕፈት ቤት ኃላፊው አቶ መሐመድ አሕመድ፣ በኢሰመኮ የሰብኣዊ መብቶች ምርምርና ክትትል ዳሬክተር፣ እንዲሁም ከፍተኛ የሰብኣዊ መብቶች ባለሙያዋ ፈዲላ ሸሂባ ተገኝተዋል።

ኢሰመኮ በሰብኣዊ መብቶች መከበር ዙሪያ የሚሠራና ተጠሪነቱ ለሕዝብ ተወካዮች ምክር ቤት የኾነ መንግሥታዊ ተቋም ነው።



የኢት/እ/ጉ/ጠ ምክር ቤት ሕዝብ ግንኙነት
ይከታተሉን | Follow us፡
ፌስቡክ | Ethiopian Islamic Affairs Supreme Council
ቴሌግራም | t.me/eiasc1
ትዊተር | https://x.com/eiasc1

ጥቅምት 12፣ 2017 ዓ.ል | ረቢዑል ሳኒ 19፣ 1446 ዓ.ሒ
بِسْمِ ٱللَّهِ ٱلرَّحْمَٰنِ ٱلرَّحِيمِ
••••••••••••••••••••••••••••••••••••••••••
የደቡብ ምዕራብ ኢትዮጵያ እስልምና ጉዳዮች ከፍተኛ ምክር ቤት ሥራ አስፈጻሚ ዓመታዊ የሥራ ግምገማ ተጀመረ።
••••••••••••••••••••••••••••••••••••••••••••••
አዲስ አበባ |

የደቡብ ምዕራብ ኢትዮጵያ ክልል እስልምና ጉዳዮች ከፍተኛ ምክር ቤት ሥራ አስፈጻሚ ዓመታዊ የሥራ አፈጻጸም ግምገማ (ተቅዪም) ቦንጋ ከተማ በሚገኘው የምክር ቤቱ ጽሕፈት ቤት እየተካሄደ ነው።

ዛሬ የተጀመረውና በኢትዮጵያ እስልምና ጉዳዮች ጠቅላይ ምክር ቤት የሕዝብ ግንኙነት ዘርፍ ተጠሪ ሸይኽ ሑሴን  ሐሰን የተመራው የደቡብ ምዕራብ ኢትዮጵያ እስልምና ጉዳዮች ከፍተኛ ምክር ቤት ሥራ አስፈጻሚ ዓመታዊ የሥራ አፈጻጸም ግምገማ በ2016 ዓ.ል በምክር ቤቱ በተከናወኑ ሥራዎች ላይ ትኩረት አድርጓል።

ግምገማው በ2016 ዓ.ል በከፍተኛ ምክር ቤቱ የተመዘገቡ ውጤቶችን በማስቀጠል የታዩ ውሱንነቶችን በመለየትና የማስተካከያ እርምጃ በመውሰድ በ2017 ዓ.ል. ለክልሉ እስልምና ምክር ቤት አቅም መፍጠር መሆኑን ሸይኽ ሑሴን ተናግረዋል።

የኢትዮጵያ እስልምና ጉዳዮች ጠቅላይ ምክር ቤት ነሐሴ 18፣ 2016 ዓ.ል በአዲስ አበባ ባደረገው የ2ኛ ዓመት፣ 4ኛ መደበኛ ጉባዔ ባሳለፈው ውሳኔ መሠረት የክልልና የከተማ አስተዳደር የእስልምና ጉዳይ ምክር ቤቶች የ2016 ዓ.ል  የሥራ አፈጻጸማቸውን እንዲገመግሙ አቅጣጫ ማመላከቱ ይታወሳል።

ዛሬ በቦንጋ ከተማ በክልሉ እስልምና ጉዳዮች ከፍተኛ ምክር ቤት የተጀመረው የደቡብ ምዕራብ ኢትዮጵያ እስልምና ጉዳዮች ከፍተኛ ምክር የሥራ አፈጻጸም ግምገማ በነገው ዕለትም እንደሚቀጥል ከቦታው የሚገኘው    ቃል አቀባያችን የላከው መረጃ ያመለክታል።



የኢት/እ/ጉ/ጠ ምክር ቤት ሕዝብ ግንኙነት
ይከታተሉን | Follow us፡
ፌስቡክ | Ethiopian Islamic Affairs Supreme Council
ቴሌግራም | t.me/eiasc1
ትዊተር | https://x.com/eiasc1

ጥቅምት 12፣ 2017 ዓ.ል | ረቢዑል ሳኒ 19፣ 1446 ዓ.ሒ
بِسْمِ ٱللَّهِ ٱلرَّحْمَٰنِ ٱلرَّحِيمِ
••••••••••••••••••••••••••••••••••••••••••
የጠቅላይ ምክር ቤቱ የሥራ ክፍሎች የሩብ ዓመት የሥራ አፈጻጸም ግምገማ ተካሄደ።
••••••••••••••••••••••••••••••••••••••••••••••
አዲስ አበባ |

የኢትዮጵያ እስልምና ጉዳዮች ጠቅላይ ምክር ቤት በዛሬው ዕለት የልዩ ልዩ የሥራ ክፍሎች የ2017 ዓ.ል. የመጀመሪያ ሩብ ዓመት የሥራ አፈጻጸም ግምገማ አካሄደ።

በምክር ቤቱ የመሰብሰቢያ አዳራሽ የተካሄደውን የግምገማ መድረክ የከፈቱት የጠቅላይ ምክር ቤቱ ዋና ሥራ አስኪያጅ ሐጂ ከማል ሐሩን፣ የመድረኩ ዓላማ በምክር ቤቱ የሚገኙ የሥራ ክፍሎች በ2017 ዓ.ል የመጀመሪያ ሩብ ዓመት በሥራ አፈጻጸም ረገድ ያሳዩዋቸውን መልካም ውጤቶች ማስቀጠል እና ክፍተቶችን ማረም ነው ብለዋል።

በዚሁ የግምገማ መድረክ ላይ በምክር ቤቱ ውስጥ የሚገኙ ሀያ የሥራ ክፍሎች የመጀመሪያ ሩብ ዓመት የሥራ አፈጻጸም ሪፖርታቸውን ያቀረቡ ሲኾን፣ ከቤቱ ለተነሱ ጥያቄዎችና ለተሰጡ አስተያየቶች ምላሽና ማብራሪያ ሰጥተዋል።
•••••••••••••
የኢት/እ/ጉ/ጠ ምክር ቤት ሕዝብ ግንኙነት
ይከታተሉን | Follow us፡
ፌስቡክ | Ethiopian Islamic Affairs Supreme Council
ቴሌግራም | t.me/eiasc1
ትዊተር | https://x.com/eiasc1
​

ጥቅምት 12፣ 2017 ዓ.ል | ረቢዑል ሳኒ 19፣ 1446 ዓ.ሒ
بِسْمِ ٱللَّهِ ٱلرَّحْمَٰنِ ٱلرَّحِيمِ
••••••••••••••••••••••••••••••••••••••••••
ጠቅላይ ምክር ቤቱ የክልልና የከተማ እስልምና ምክር ቤቶችን የሦራ አፈፃፀም ግምገማ በማድረግ ላይ ይገኛል።
••••••••••••••••••••••••••••••••••••••••••••••
አዲስ አበባ |


በኢትዮጵያ እስልምና ጉዳዮች ጠቅላይ ምክር ቤት ፣ የሱማሌ :የሐረ ር : የድሬደዋ እና  የአፋር  ክልል  እስልምና  ጉዳዮች  ምክር ቤቶች የ2016 ዓ.ል የሥራ  አፈፃፀም  ግምገማ (ተቅዪም) መጠናቀቁን የግምገማ ቡድኑ አባል ሼይኽ ኢድሪስ ዓሊ ሁሴን (ደጋን)ተናገሩ።

የኢትዮጵያ  እስልምና ጉዳዮች ጠቅላይ ምክር ቤት ነሐሴ 18/2016 ዓ.ል በአዲስ አበባ  ባደረገው 2ኛ ዓመት 4ኛ መደበኛ ጉባዔ   የክልልና የከተማ አስተዳደሮች እስልምና ምክር ቤቶች የ2016 ዓ.ል  የስራ ዕቅድ  አፈፃፀም ክንውናቸውን  እንዲገመግም አቅጣጫ መሠረት ያደረገው የክልልና የከተማ  እስልምና ጉዳዮች የሦራ  አፈፃፀም ግምገማ በሶስት ቡድን ተከፍሎ እየተሰራ መሆኑን ሼይኽ ኢድሪስ ተናግረዋል።

  የእስልምና  ምክር ቤቶቹ ያስመዘገቡት ውጤት   እንደ ክልሎቹ  ነባራዊ  ሁኔታ እንደሚለያይ   ሼይኽ ኢንድሪስ ተናግረዋል።

ዓመታዊ የሥራ አፈጻጸም ግምገማው  (ተቅዪም) በ2016 ዓ.ል በምክር ቤቱ በተከናወኑ ሥራዎች አፈፃፀም ላይ ትኩረት ማድረጉን  የተናገሩት ሼይኽ  ኢድሪስ ፤ በበጀት ዓመቱ የተመዘገቡ  ውጤቶችን  ይበልጥ በማሰቀጠል  የታዩ ክፍተቶችን  በመለየትና  የማስተካከያ  እርምጃ በመውሰድ  በያዝነው 2017 ዓ.ል እስልምና ምክር ቤቶቹ  የተሻለ ውጤት እንዲያስመዘግቡ አቅም ይፈጥርላቸዋል ብለዋል።

በኢትዮጵያ እስልምና ጉዳዮች ጠቅላይ ምክር ቤቱ የተጀመረው  የክልል እስልምና ጉዳዮች ከፍተኛ ምክር ቤቶች የ2016 ዓ.ል በጀት ዓመት ስራ አፈፃፀም  ግምገማ  (ተቅዪም) ግምገማ ባልተደረገባቸው ክልሎች እንደቀጠለ ሼይኽ ኢድሪስ ተናግረዋል።



•••••••••••••
የኢት/እ/ጉ/ጠ ምክር ቤት ሕዝብ ግንኙነት
ይከታተሉን | Follow us፡
ፌስቡክ | Ethiopian Islamic Affairs Supreme Council
ቴሌግራም | t.me/eiasc1
ትዊተር | https://x.com/eiasc1

ጥቅምት 11፣ 2017 ዓ.ል | ረቢዑል ሳኒ 18፣ 1446 ዓ.ሒ
بِسْمِ ٱللَّهِ ٱلرَّحْمَٰنِ ٱلرَّحِيمِ
••••••••••••••••••••••••••••••••••••••••••••••••••••••••••
በኢትዮጵያ የመጀመሪያው እስላማዊ ዩኒቨርሲቲ በጠቅላይ ምክርቤቱ ፕሬዚደንት ተመርቆ ተከፈተ።
••••••••••••••••••••••••••••••••••••••••••••••••••••••••••
ባሌ |
የኢትዮጵያ እስልምና ጉዳዮች ጠቅላይ ምክር ቤት ፕሬዚደንት የክብር ዶክተር ሸይኽ ሐጂ ኢብራሂም ቱፋ በዛሬው ዕለት በኢትዮጵያ የመጀመሪያው የኾነውን የባሌ ሮቤ እስላማዊ ዩኒቨርሲቲ መርቀው ከፈቱ።

በምረቃ ስነ ሥርዓቱ ላይ የጠቅላይ ምክር ቤቱ ተቀዳሚ ምክትል ፕሬዚደንት ሸይኽ አብዱልከሪም ሸይኽ በድረዲን እና ከፍተኛ ዓሊሞች ተገኝተዋል።

የባሌ ሮቤ እስላማዊ ዩኒቨርሲቲ መሥራችና ዋና አስተባባሪ ዶክተር ጀይላን ገለታ በምረቃ ስነ ሥርዓቱ ላይ ባደረጉት ንግግር፣ የዩኒቨርሲቲው መከፈት በአካባቢው ማኅበረሰብ የእስልምና እውቀት ላይ ትልቅ አሴት ይጨምራል ብለዋል።

የዩንቨርሲቲው መሥራች ለባሌ እስላማዊ ዩኒቨርሲቲ መከፈት ከአካባቢው ማኅበረሰብና ከበጎ አድራጊዎች ትብብር ባሻገር መንግሥትም ትልቅ ድጋፍ በማደረጉ ምስጋና አቅርበዋል።

የጠቅላይ ምክር ቤቱ ፕሬዚደንት በዩኒቨርሲቲው ምረቃ ላይ ሲናገሩ፣ ባሌ ሮቤ በኢትዮጵያ የእስልምና ትምህርት ላይ ትልቅ አሻራ ያሳረፈ የዓሊሞች መፍለቅያና ትልቅ ታሪክ ያለው አካባቢ መኾኑን ጠቅሰው፣ ይህን መሰል ዩኒቨርሲቲ መከፈቱ ለእስላማዊው ትምህርት ጥራት ትልቅ የብርሃን ጎዳና እንደሚሆን ተናግረዋል።

በአሁኑ ጊዜ 80 በመቶ ግንባታው የተጠናቀቀው ይህ ዩንቨርሲቲ ከሃይማኖታዊ ትምህርት ባሻገር በተለያዩ የአካዳሚ ዘርፎች ትምህርት የሚሰጥበትና ማኅበረሰቡን የሚያገለግል በመኾኑ፣ ሙስሊሙም ሆነ ሙስሊም ያልሆኑ ወገኖች ዩኒቨርሲቲውን እንደ ሃብታቸው እንዲንከባከቡት ፕሬዚደንቱ መልዕክት አስተላልፈዋል።

የባሌ ሮቤ እስላማዊ ዩኒቨርሲቲ መከፈት ማኀበራዊ ችግርን በእውቀት ለመፍታት፣ ለመንፈሳዊ ሕይወት ልዕልና፣ እንዲሁም ለትምህርት ጥራት አስተዋጽዖ እንደሚያበረክት ክቡር ሸይኽ ሐጂ ተናግረዋል።

የጠቅላይ ምክር ቤቱ ፕሬዚደንት በዚሁ ጊዜ በዩኒቨርሲቲው ምሥረታ ሂደት ላይ የተሳተፉትን የአካባቢው ማኅበረሰብ አባላት፣ ከፍተኛ የመንግሥት ባለስልጣናትን፣ እንዲሁም ዓሊሞችን አመሥግነዋል።

መንግሥት የትምህርት ጥራትን ለማምጣት ከሚያደርገው ጥረት አኳያ የዩኒቨርሲቲው መከፈት ለሀገር ትልቅ ዕድል መኾኑ የተጠቀሰ ሲኾን፣ የኢትዮጵያ እስልምና ጉዳዮች ጠቅላይ ምክር ቤት በሚቻለው ሁሉ ከዩኒቨርሲቲው ጎን ለመቆም ቃል ገብቷል።

በባሌ ሮቤ እስላማዊ ዩኒቨርሲቲን የክብር ዶክተር ሸይኽ ሐጂ ኢብራሂም ቱፋ መርቀው በከፈቱበት ስነ ሥርዓት ላይ የጠቅላይ ምክር ቤቱ ተቀዳሚ ምክትል ፕሬዚደንት ሸይኽ አብዱልከሪም ሸይኽ በድረዲን፣ የመንግሥት ተወካዮች፣ የዑለማ ጉባዔ ተወካዮች እና ታዋቂ ሰዎች ተገኝተዋል።
•••••••••••••
የኢት/እ/ጉ/ጠ ምክር ቤት ሕዝብ ግንኙነት
ይከታተሉን | Follow us፡
ፌስቡክ | Ethiopian Islamic Affairs Supreme Council
ቴሌግራም | t.me/eiasc1
ትዊተር | https://x.com/eiasc1

ጥቅምት 9፣ 2017 ዓ.ል | ረቢዑል ሳኒ 16፣ 1446 ዓ.ሒ
بِسْمِ ٱللَّهِ ٱلرَّحْمَٰنِ ٱلرَّحِيمِ
••••••••••••••••••••••••••••••••••••••••••••••••••
በሀዲያ ዞን በሙስሊሞችና በፕሮቴስታንት እምነት ተከታዮች መካከል የተፈጠረ ግጭትና አለመግባባት በእርቀ ሰላም ተፈታ።
•••••••••••••••••••••••••••••••••••••••••••••••••
ወራቤ |

በማዕከላዊ ኢትዮጵያ ክልል፣ በሀዲያ ዞን፣ አንሌሞ ወረዳ በ2015 ዓ·ል ከገና በዓል አከባበር ጋር በተያያዘ በጭንጎ ቀበሌ ነዋሪ ሙስሊሞች እና በበንደሊቾ ቀበሌ ነዋሪ የፕሮቴስታንት እምነት ተከታዮች መካከል ተፈጥሮ የነበረው ግጭትና አለመግባባት በእርቀ ሰላም መፈታቱ ተሰምቷል።

ግጭትና አለመግባባቱ በእርቀ ሰላም መፈታቱን ለማብሰር የሰላም ኮንፈረንስ መርኃግብር ተካሂዷል።

እርቁ የተካሄደው የሁለቱም ሃይማኖት የበላይ መሪዎች እና የሀገር ሽማግሌዎች ባደረጉት ያልተቋረጡ ጥረቶች እና ተከታታይ ውይይቶች መኾኑ ተነግሯል።

በእርቀ ሰላም ኮንፈረንሱ ላይ ለመገኘት ከኢትዮጵያ አስልምና ጉዳዮች ጠቅላይ ምክር ቤት የሰላም ክልልና የዲያስፖራ ጉዳይ ዋና ተጠሪ ሐጂ ሙስጠፋ ናስር፣ የሕዝብ ግንኙነት ተጠሪ ሼይኽ ሑሴን ሐሰን፣ የወጣቶችና የሴቶች ጉዳይ ተጠሪ ሼይኽ አብዱል ሐሚድ አህመድ ወደ ስፍራው መጓዛቸውን ለማወቅ ተችሏል።

በኮንፈረንሱ ላይ የማዕከላዊ ኢትዮጵያ ክልል እስልምና ጉዳዮች ከፍተኛ ም/ቤት ፕሬዚደንት ሐጂ ሙሐመድ ኸሊል፣ የክልሉ መጅሊስ ተቀዳሚ ምክትል ፕሬዚደንት ሸይኽ አብዱልወሃብ ሸይኽ በድረዲን ሱሩር ፣ ምክትል ፕሬዚዳንቱ ሸይኽ ዑመር ሙስጠፋ፣ ዋና ፀሐፊው ኡስታዝ ሳዲቅ ወጌቦ፣ የሰላምና እርቅ ተጠሪው ሸይኽ ሙዘይን ሰዒድ፣ የሐጅና ዑምራ ዘርፍ ተጠሪው ሸይኽ አባስ ያሲን፣ የክልሉ የመንግሥትና የፀጥታ አካላት፣ የሀዲያ ዞን አስተዳዳሪ አቶ ማትዮስ አኒዮ፣ የዞኑ የመንግሥትና የፀጥታ አካላት፣ የአንሌሞ ወረዳ አስተዳዳሪ አቶ አማኑዔል እና የወረዳው የመንግስትና የፀጥታ አካላት ተገኝተዋል።

በመጨረሻም ለእርቀ ሰላሙ አስተዋፅዖ ላበረከቱ ተቋማትና ግለሰቦች የዕውቅናና የሰርተፊኬት ሽልማት ተበርክቶ፣ ኮንፈረንሱ በሁለቱም ሃይማኖቶች መሪዎች ዱዓ እና ፀሎት ተጠናቋል።
•••••••••••••
የኢት/እ/ጉ/ጠ ምክር ቤት ሕዝብ ግንኙነት
ይከታተሉን | Follow us፡
ፌስቡክ | Ethiopian Islamic Affairs Supreme Council
ቴሌግራም | t.me/eiasc1
ትዊተር | https://x.com/eiasc1

ጥቅምት 8፣ 2017 ዓ.ል | ረቢዑል ሳኒ 15፣ 1446 ዓ.ሒ
بِسْمِ ٱللَّهِ ٱلرَّحْمَٰنِ ٱلرَّحِيمِ
••••••••••••••••••••••••••••••••••••••••••••••
መስማት የተሳናቸው ወገኖች ቁርኣን የሚቀሩባቸው ተቋማት እንዲስፋፉ ተጠየቀ።
••••••••••••••••••••••••••••••••••••••••••••••
አዲስ አበባ |

መስማት የተሳናቸው ወገኖች ቁርኣን የሚቀሩባቸው ተቋማት ሊስፋፉ እንደሚገባ በኢትዮጵያ መስማት የተሳናቸው ሙስሊሞች ማኅበር ፕሬዚደንት አቶ ኑርሰፋ ኸሊል ተናገሩ።

ፕሬዚደንቱ ይህን የተናገሩት ማኅበሩ ዛሬ በኢትዮጵያ እስልምና ጉዳዮች ጠቅላይ ምክር ቤት የስብሰባ አዳራሽ፣ "እኛም በቋንቋችን ቁርኣን መቅራት እንችላለን" በሚል መሪ ሐሳብ ለአባላቱ ባካሄደው የዳዕዋ መርኃግብር ላይ ነው።

በኢትዮጵያ እስልምና ጉዳዮች ጠቅላይ ምክር ቤት በተፈጥሮ እና ሰው ሠራሽ አደጋዎች ሳቢያ የአካል ጉዳት የደረሰባቸው ወገኖችን የሚደግፍ የትምህርትና ማኅበራዊ አገልግሎት ዳይሬክቶሬት መከፈቱን የጠቅላይ ምክር ቤቱ የትምህርትና ማኅበራዊ አገልግሎት ኦፊሰር ሲስተር ኢንትሳር አየለ ተናግረዋል።

ጠቅላይ ምክር ቤቱ ለ'በኢትዮጵያ መስማት የተሳናቸው ሙስሊሞች ማኅበር' የሕጋዊነት ፈቃድ እና ቢሮ ሰጥቶ ድጋፍ እያደረገ መሆኑንም ሲ/ር ኢንትሳር ተናግረዋል።

በመድረኩ ላይ የተገኙት የሳዑዲ አረቢያ ዜግነት ያላቸው ሼይኽ ኢህሳም ሙሐመድ አል-አንሷሪ ኢትዮጵያ ውስጥ መስማት የተሳናቸው ሙስሊሞች በማኅበር ተደራጅተው ዲናቸውን እንዲያውቁ የሚሠራ ድርጅት በመኖሩ ደስታ እንደተሰማቸው ተናግረዋል።

በኢትዮጵያ እስልምና ጉዳዮች ጠቅላይ ምክር ቤት ሕጋዊ እውቅና የተሰጠው ''በኢትዮጵያ መስማት የተሳናቸው ሙስሊሞች ማኅበር'' በተፈጥሮና ሰው ሠራሽ አደጋ ሳቢያ መስማት የተሳናቸው ወንድምና አህቶችን በምልክት ቋንቋ  የቅዱስ ቁርኣንና የዲን ትምህርት ፒያሳ አካባቢ በሚገኘው  አወሊያ የመጀመሪያ ደረጃ ትምህርት ቤት፣ በአዲስ አበባ አሥራ አምስት መስጂዶችና በአራት ክልሎች ትምህርት እየሰጠ እንደሚገኝ ለማወቅ ተችሏል።

ዛሬ በተካሄደው የዳዕዋ መርኃግብር ላይ በተለያዩ ጊዜያት በምልክት ቋንቋ የዲን ትምህርት በመስጠትና በማስተርጎም ማኅበሩን ላገለገሉ በጎ ፈቃደኞች የምሥጋና የምስክር ወረቀት የተሰጠ ሲኾን፣ የተለያዩ አስተማሪ ፕሮግራሞች በማኅበሩ አባላት ለታዳሚው ቀርበዋል።


•••••••••••••
የኢት/እ/ጉ/ጠ ምክር ቤት ሕዝብ ግንኙነት
ይከታተሉን | Follow us፡
ፌስቡክ | Ethiopian Islamic Affairs Supreme Council
ቴሌግራም | t.me/eiasc1
ትዊተር | https://x.com/eiasc1

ጥቅምት 8፣ 2017 ዓ.ል | ረቢዑል ሳኒ 15፣ 1446 ዓ.ሒ
بِسْمِ ٱللَّهِ ٱلرَّحْمَٰنِ ٱلرَّحِيمِ
••••••••••••••••••••••••••••••••••••••••••
"ጠቅላይ ምክር ቤቱ የሚሰጠን ድጋፍና የሚያደርገው ክትትል አቅም ሆኖናል" - ሼይኽ ሙሐመድ ኸሊል
••••••••••••••••••••••••••••••••••••••••••••••
አዲስ አበባ |
"የኢትዮጵያ እስልምና ጉዳዮች ጠቅላይ ምክር ቤት እየሰጠን ያለው ድጋፍና የሚያደርገው ወቅታዊ ክትትል አቅም ሆኖናል" ሲሉ የማዕከላዊ ኢትዮጵያ እስልምና ጉዳዮች ከፍተኛ ምክር ቤት ፕሬዚደንት ሼይኽ ሙሐመድ ኸሊል ተናገሩ።

ፕሬዘደንቱ ይህን የተናገሩት ትላንት ሐሙስ የማዕከላዊ  ኢትዮጵያ ክልል እስልምና ጉዳዮች ከፍተኛ ምክር ቤት የሥራ አስፈጻሚ ዓመታዊ የሥራ አፈጻጸም ግምገማ (ተቅዪም)   ወራቤ ከተማ በሚገኘው የምክር ቤቱ ጽ/ቤት በተካሄደበት መድረክ ላይ ነው።

ጠቅላይ ምክር ቤቱ በ2016 ዓ.ል የበጀት ዓመት ለክልሉ የእስልምና ጉዳይ ከፍተኛ ምክር ቤት የተለያዩ የአቅም ግንባታ ድጋፍ ሲያደርግ መቆየቱን የተናገሩት ፕሬዚደንቱ፣ በቀጣይም መሰል ድጋፉን አጠናክሮ መቀጠል ይኖርበታል ብለዋል።

ዓመታዊ የሥራ አፈጻጸም ግምገማው በ2016 ዓ.ል በምክር ቤቱ በተከናወኑ ሥራዎች ላይ ትኩረት ማድረጉን የጠቅላይ ምክር ቤቱ የሕዝብ ግንኙነት ዘርፍ ተጠሪ ሼይኽ ሑሴን ሐሰን ተናግረዋል።

በበጀት ዓመቱ የተመዘገቡ ውጤቶችን አጠናክሮ በማስቀጠል፣ በታዩ ክፍተቶች ላይ የማስተካከያ እርምጃ በመውሰድ በያዝነው 2017 ዓ.ል የበጀት ዓመት የክልሉ  እስልምና ምክር ቤት ካለፈው ዓመት የተሻለ ውጤት  ያስመዘግባል ብለው እንደሚጠብቁ ሸይኽ ሑሴን  ተናግረዋል።

የኢትዮጵያ እስልምና ጉዳዮች ጠቅላይ ምክር ቤት ነሐሴ 18፣ 2016 ዓ.ል ባደረገው 2ኛ ዓመት 4ኛ መደበኛ ጉባዔ  በወሰነው ውሳኔ መሠረት፣ የክልልና የከተማ አስተዳደር የእስልምና ጉዳይ ምክር ቤቶች የ2016 ዓ.ል ክንውናቸውን እንዲገመግሙ ባመላከተው አቅጣጫ መሠረት የተጀመረው ዓመታዊ ግምገማ ዉጤታማ መሆኑ ተነግሯል።

ትላንት በወራቤ ከተማ የተጀመረው የማዕከላዊ ኢትዮጵያ እስልምና ጉዳዮች ከፍተኛ ምክር ቤት ሥራ አስፈጻሚ ዓመታዊ የሥራ አፈጻጸም ግምገማ ነገ ይጠናቀቃል ተብሎ እንደሚጠበቅ በቦታው የሚገኘው ቃል አቀባያችን መረጃ ያመለክታል።
•••••••••••••
የኢት/እ/ጉ/ጠ ምክር ቤት ሕዝብ ግንኙነት
ይከታተሉን | Follow us፡
ፌስቡክ | Ethiopian Islamic Affairs Supreme Council
ቴሌግራም | t.me/eiasc1
ትዊተር | https://x.com/eiasc1

ጥቅምት 6፣ 2017 ዓ.ል | ረቢዑል ሳኒ 13፣ 1446 ዓ.ሒ
بِسْمِ ٱللَّهِ ٱلرَّحْمَٰنِ ٱلرَّحِيمِ
••••••••••••••••••••••••••••••••••••••••••
የደቡብ ኢትዮጵያ እስልምና ጉዳዮች ከፍተኛ ምክር ቤት ሥራ አስፈጻሚ ዓመታዊ የሥራ ግምገማ ተጀመረ።
••••••••••••••••••••••••••••••••••••••••••••••
አዲስ አበባ |

የደቡብ ኢትዮጵያ ክልል እስልምና ጉዳዮች ከፍተኛ ምክር ቤት ሥራ አስፈጻሚ ዓመታዊ የሥራ አፈጻጸም ግምገማ (ተቅዪም) ወላይታ ሶዶ ከተማ በሚገኘው የምክር ቤቱ ጽሕፈት ቤት እየተካሄደ ነው።

ዛሬ የተጀመረውና በኢትዮጵያ እስልምና ጉዳዮች ጠቅላይ ምክር ቤት የሕዝብ ግንኙነት ዘርፍ ተጠሪ ሸይኽ ሑሴን ሐሰን የተመራው የደቡብ ኢትዮጵያ እስልምና ጉዳዮች ከፍተኛ ምክር ቤት ሥራ አስፈጻሚ ዓመታዊ የሥራ አፈጻጸም ግምገማ በ2016 ዓ.ል በምክር ቤቱ በተከናወኑ ሥራዎች ላይ ትኩረት አድርጓል።

ግምገማው በ2016 ዓ.ል በከፍተኛ ምክር ቤቱ የተመዘገቡ ውጤቶችን በማስቀጠል የታዩ ውሱንነቶችን በመለየትና የማስተካከያ እርምጃ በመውሰድ በ2017 ዓ.ል. የክልሉ እስልምና ምክር ቤት ከባለፈው ዓመት ተመሳሳይ ወቅት የተሻለ ውጤት ያስመዘግባል ብለው እንደሚጠብቁ ሸይኽ ሑሴን ተናግረዋል።

የኢትዮጵያ እስልምና ጉዳዮች ጠቅላይ ምክር ቤት ነሐሴ 18፣ 2016 ዓ.ል በአዲስ አበባ ባደረገው የ2ኛ ዓመት፣ 4ኛ መደበኛ ጉባዔ ባሳለፈው ውሳኔ መሠረት የክልልና የከተማ አስተዳደር የእስልምና ጉዳይ ምክር ቤቶች የ2016 ዓ.ል  የሥራ አፈጻጸማቸውን እንዲገመግሙ አቅጣጫ ማመላከቱ ይታወሳል።

በዚሁ መሠረት የተጀመረው የደቡብ ኢትዮጵያ እስልምና ጉዳዮች ከፍተኛ ምክር የሥራ አፈጻጸም ግምገማ ከኦሮሚያ እና ከሲዳማ እስልምና ጉዳዮች ከፍተኛ ምክር ቤቶች በመቀጠል የተጀመረ ዓመታዊ የሥራ አፈፃፀም ግምገማ መሆኑ ተነግሯል።

በቀጣይ በሌሎች የክልልና የከተማ አስተዳደር የእስልምና ጉዳይ ምክር ቤቶች እንደሚቀጥል ከቦታው የሚገኘው    ቃል አቀባያችን የላከው መረጃ ያመለክታል።

ዛሬ በወላይታ ሶዶ ከተማ የተጀመረው የደቡብ ኢትዮጵያ እስልምና ጉዳዮች ከፍተኛ ምክር ቤት ሥራ አስፈጻሚ ዓመታዊ የሥራ አፈጻጸም ግምገማ ነገ ይጠናቀቃል ተብሎ ይጠበቃል።

•••••••••••••
የኢት/እ/ጉ/ጠ ምክር ቤት ሕዝብ ግንኙነት
ይከታተሉን | Follow us፡
ፌስቡክ | Ethiopian Islamic Affairs Supreme Council
ቴሌግራም | t.me/eiasc1
ትዊተር | https://x.com/eiasc1

ጥቅምት 4፣ 2017 ዓ.ል | ረቢዑል ሳኒ 11፣ 1446 ዓ.ሒ
بِسْمِ ٱللَّهِ ٱلرَّحْمَٰنِ ٱلرَّحِيمِ
••••••••••••••••••••••••••••••••••••••••••
የሲዳማ እስልምና ጉዳዮች ከፍተኛ ምክር ቤት ሥራ አስፈጻሚ ዓመታዊ የሥራ ግምገማ ተጀመረ።
••••••••••••••••••••••••••••••••••••••••••••••
አዲስ አበባ |

የሲዳማ ክልል እስልምና ጉዳዮች ከፍተኛ ምክር ቤት ሥራ አስፈጻሚ ዓመታዊ የሥራ አፈጻጸም ግምገማ (ተቅዪም) ሐዋሳ በሚገኘው የምክር ቤቱ መሰብሰቢያ አዳራሽ እየተካሄደ ነው።

ዛሬ የተጀመረውና በኢትዮጵያ እስልምና ጉዳዮች ጠቅላይ ምክር ቤት የሰላም፣ የክልል እና የዲያስፖራ ዘርፍ ተጠሪ ሐጂ ሙስጠፋ ናስር የተመራው የሲዳማ እስልምና ጉዳዮች ከፍተኛ ምክር ቤት ሥራ አስፈጻሚ ዓመታዊ የሥራ አፈጻጸም ግምገማ በ2016 ዓ.ል በምክር ቤቱ በተከናወኑ ሥራዎች አፈፃፀም ላይ ትኩረት አድርጓል።

በ2016 ዓ.ል በከፍተኛ ምክር ቤቱ የተመዘገቡ ውጤቶችን በማስቀጠል በታዩ ውስንነቶች ላይ ማስተካከያ እንደሚደረግ ሐጂ ሙስጠፋ ተናግረዋል።

የኢትዮጵያ እስልምና ጉዳዮች ጠቅላይ ምክር ቤት ነሐሴ 18፣ 2016 ዓ.ል በአዲስ አበባ ባደረገው የ2ኛ ዓመት፣ 4ኛ መደበኛ ጉባዔ ባሳለፈው ውሳኔ መሠረት የክልልና የከተማ አስተዳደር የእስልምና ጉዳይ ምክር ቤቶች የ2016 ዓ.ል የሥራ አፈጻጸማቸውን እንዲገመግሙ አቅጣጫ ማመላከቱ ይታወሳል።

በዚሁ መሠረት የተጀመረው የሲዳማ እስልምና ጉዳዮች ከፍተኛ ምክር የሥራ አፈፃፀም ግምገማ ባለፈዉ ሳምንት በኦሮሚያ እስልምና ጉዳዮች ከፍተኛ ምክር ቤት መካሄዱን መዘገባችን ይታወሳል።

በቀጣይ በሌሎች የክልልና የከተማ አስተዳደር የእስልምና ጉዳይ ምክር ቤቶች እንደሚቀጥል ከቦታው የሚገኘው ቃል አቀባያችን የላከው መረጃ ያመለክታል።

ዛሬ በሐዋሳ ከተማ የተጀመረው የሲዳማ እስልምና ጉዳዮች ከፍተኛ ምክር ቤት ሥራ አስፈጻሚ ዓመታዊ የሥራ አፈጻጸም ግምገማ ነገ ይጠናቀቃል ተብሎ ይጠበቃል።

•••••••••••••
የኢት/እ/ጉ/ጠ ምክር ቤት ሕዝብ ግንኙነት
ይከታተሉን | Follow us፡
ፌስቡክ | Ethiopian Islamic Affairs Supreme Council
ቴሌግራም | t.me/eiasc1
ትዊተር | https://x.com/eiasc1

ጥቅምት 2፣ 2017 ዓ.ል | ረቢዑል ሳኒ 9፣ 1446 ዓ.ሒ
بِسْمِ ٱللَّهِ ٱلرَّحْمَٰنِ ٱلرَّحِيمِ
••••••••••••••••••••••••••••••••••••••••••••••
"ኢትዮጵያ ለአፍሪካ-አረብ የዲፕሎማሲ ግንኙነት መጀመር  ቀደምት ሀገር ናት።"
- ረ/ፕሮፌሰር አደም ካሚል
••••••••••••••••••••••••••••••••••••••••••••••
አዲስ አበባ |
አገራችን ኢትዮጵያ የአፍሪካ እና የአረቡ ዓለም የዲፕሎማሲ ግንኙነት ፈር ቀዳጅ እንደኾነችረ/ፕሮፌሰር አደም ካሚል ተናገሩ::

ረ/ፕሮፌሰርአደም ካሚል ይህን የተናገሩት "Africa: Challenges of Fragility and Capitalizing of International Competitions በሚል መሪ ሐሳብ   የውጪ ጉዳይ ኢንስቲትዩት ከአል ጀዚራ የጥናትና ምርምር ተቋም ጋር በመተባበር በስካይላይት ሆቴል ባሰናዱት ቀጠናዊ ጉባዔ ላይ ነው።

በኢትዮጵያ እና በአረቡ ዓለም መካከል እስልምና በታላቁ ነቢይ (ሶ.ዐ.ወ.) ከመሰበኩ አስቀድሞም የረዥም ዘመናት የንግድ እና የፖለቲካ ግንኙነት እንደነበረ ያወሱት ዑስታዝ አደም፣ የዛሬ 1 ሺህ 440 ዓመት የነቢዩ ቀደምት ተከታዮች በጃዕፈር ቢን አቡ ጧሊብ መሪነት ወደ ኢትዮጵያ በስደት ሲመጡ ይህ ግንኙነት ወደላቀ ደረጃ ማደጉን ተናግረዋል።

በዚህም መነሻነት "ኢትዮጵያ ለአፍሪካ-አረብ የዲፕሎማሲ ግንኙነት ፈር ቀዳጅ አገር ናት" ሲሉ ፕሮፌሰር አደም ካሚል ተናግረዋል።

በዚሁ ጊዜም እንኳን ወደ ታላቁ የኢትዮጵያ ንጉሥ ነጃሺ አገር በሰላም መጣችሁ በማለት ለጉባዔው ታዳሚዎች የመልካም ምኞት መግለጫቸውን አቅርበዋል።

ነብያችን ሙሐመድ (ሶ.ዐ.ወ) "እርሱ ዘንድ አንድም የማይበደልበት ንጉሥ አለ" በማለት በጃዕፈር ኢብኑ አቡ ጧሊብ መሪነት ሶሐቦቻቸውን "የእውነት አገር" ወዳሏት ሐበሻ፣ በተለይም ፍትኃዊ መሪ መኾኑን ወደመሰከሩለት ንጉሥ አስሐመተል ነጃሺ መላካቸውን ተናግረዋል።

በውጪ ጉዳይ ኢንስቲትዩት እና በአል-ጀዚራ የጥናትና ምርምር ማዕከል የተዘጋጀው ቀጠናዊ ጉባዔ በኢትዮጵያ  ሲካሄድ ይህ የመጀመሪያ መሆኑ ተነግሯል።

በጉባዔው ላይ ኢትዮጵያን ጨምሮ ከተለያዩ የአፍሪካ እና የመካከለኛው ምሥራቅ ሀገራት የተወከሉ ከፍተኛ የመንግሥታት ተጠሪዎች፣ የውጭ ግንኙነትና የደኅንነት አሰላሳዮች እና አማካሪዎች መሳተፋቸው ተነግሯል።
•••••••••••••
የኢት/እ/ጉ/ጠ ምክር ቤት ሕዝብ ግንኙነት
ይከታተሉን | Follow us፡
ፌስቡክ | Ethiopian Islamic Affairs Supreme Council
ቴሌግራም | t.me/eiasc1
ትዊተር | https://x.com/eiasc1

ጥቅምት 1፣ 2017 ዓ.ል | ረቢዑል ሳኒ 8፣ 1446 ዓ.ሒ
بِسْمِ ٱللَّهِ ٱلرَّحْمَٰنِ ٱلرَّحِيمِ
••••••••••••••••••••••••••••••••••••••••••
መሠረታዊ የኮምፒዩተር ሥልጠና እየሰጠ ይገኛል።
••••••••••••••••••••••••••••••••••••••••••
አዲስ አበባ |
የኢትዮጵያ እስልምና ጉዳዮች ጠቅላይ ምክር ቤት በኢንፎርሜሽን ቴክኖሎጂ አገልግሎት ዘርፍ በሥራ አመራር ኢንስቲትዩት መሠረታዊ የኮምፒዩተር ሥልጠና እየሰጠ ይገኛል።

በሥልጠናው መክፈቻ ላይ የተገኙት የኢትዮጵያ እስልምና ጉዳዮች ጠቅላይ ምክር ቤት ምክትል ሥራ አስኪያጅ አቶ አብዱልዓዚዝ አሎ ጠቅላይ ምክር ቤቱ አሥተዳደራዊ አሠራሮቹን ለማዘመን በሚያደርገው ጥረት በተለያዩ ዘርፍ ሠራተኞች ላይ ያሉ ክፍተቶችን በመፈተሽ የአቅም ግንባታ ሥልጠናዎችን በመስጠት ላይ እንደሚገኝ ተናግረዋል።

የጠቅላይ ምክር ቤቱን የሥራ ክፍሎች በኔትወርክ የማስተሳሰር ሥራዎች መጀመራቸውን ያስታወሱት ምክትል ሥራ አስኪያጁ፣ የትስስር ቅድሚያ ከተሰጣቸው የሥራ ክፍሎች የፋይናንስ፣ የሰው ኃይልና የንብረት ክፍል መሆናቸውን ተናግረዋል።

በመሰጠት ላይ የሚገኘው የኮምፒዩተር ሥልጠና ከድርጅቱ ፍላጎት ጋር የተናበበ መሆኑንም አቶ አብዱልዓዚዝ ተናግረዋል።

የጠቅላይ ምክር ቤቱ የኢንፎርሜሽን ቴክኖሎጂ ባለሙያ አቶ ሐሰን ሙሐመድ ሥልጠናው ለተቋሙ አሠራር በሚያመች ሁኔታ የሠራተኛውን አቅምን እንዲገነባ የተመቻቸ መሆኑን ተናግረዋል።

ሥልጠናው ለስድስት ቀናት ይቆያል።

መስከረም 30፣ 2017 ዓ.ል | ረቢዑል ሳኒ ዓ.ሒ. 7፣ 1446 ዓ.ሒ
بِسْمِ ٱللَّهِ ٱلرَّحْمَٰنِ ٱلرَّحِيمِ
••••••••••••••••••••••••••••••••••••••••••
የትምህርት ሥራ መመሪያ የትውውቅና አተገባበር ውይይት መድረክ ተጀመረ።
••••••••••••••••••••••••••••••••••••••••••••••
አዲስ አበባ |
የኢትዮጵያ እስልምና ጉዳዮች ጠቅላይ ምክር ቤት የትምህርትና ማኅበራዊ አገልግሎት ዳይሬክተር በሥራ ላይ የሚያውለውን የትምህርት ሥራ መመሪያ የትውውቅ እና አተገባበር ውይይት በጠቅላይ ምክር ቤቱ የመሰብሰቢያ አዳራሽ ማካሄድ ጀመረ።

የውይይት መድረኩን በንግግር የከፈቱት የጠቅላይ ምክር ቤቱ ዋና ፀሐፊ ሼይኽ ሐሚድ ሙሳ በንግግራቸው እስልምና ለትምህርት ከፍተኛ ቦታ መስጠቱን አስታውሰው፣ የትምህርት ሥራ በመመሪያ መደገፉ ሥራውን ይበልጥ ውጤታማ እንደሚያደርገው ተናግረዋል።

ለአዲስ አበባ ከተማና ለክፍለ ከተማ የእስልምና ጉዳይ ምክር ቤቶች የሥራ ኃላፊዎች እየተሰጠ ያለውና በቀጣይ ጊዜያት በሥራ ላይ የሚውለው የትምህርት ሥራ መመሪያ የጠቅላይ ምክር ቤቱ የትምህርትና ሥልጠና ዘርፍ ከፍተኛ ኤክስፐርት በሆኑት ሐጂ ሙሐመድ  ይመር ቀርቦ ውይይት ተደርጎበታል።

በትምህርትና ሥልጠና ዘርፍ ተዘጋጅቶ የካቲት 11፣ 2016 ዓ.ል. በአዲስ አበባ ስተይ ኢዚ ሆቴል ለውይይት ቀርቦ የነበረው ረቂቅ መመሪያ ከትግራይ ክልል በስተቀር የሌሎች የክልልና የከተማ እስልምና ጉዳይ ከፍተኛ ምክር ቤቶች  ተወካዮች ተሳትፈውበት መሻሻል ይኖርበታል የተባሉ ሐሳቦች በውይይቱ ተሳታፊዎች መቅረባቸውን በጠቅላይ ምክር ቤቱ የትምህርት ና ማሕበራዊ  አገልግሎት  ዳይሮክቶሬት ተጠሪ ኢንጂነር አንዋር ሙስጠፋ አስታውሰዋል።

ዛሬ በጠቅላይ ምክር ቤቱ መሰብሰቢያ አዳራሽ በትምህርትና ማኅበራዊ አገልግሎት ዘርፍ የቀረበው የትምህርት ሥራ  መመሪያ ላለፉት ስድስት ወራት በተሳታፊዎች የተሰጡ የማዳበሪያ ሐሳቦችን በማካተት መቅረቡን በጠቅላይ ምክር ቤቱ የትምህርት ና ማሕበራዊ  አገልግሎት  ዳይሮክቶሬት ተጠሪ ኢንጂነር አንዋር ሙስጠፋ ተናግረዋል።

የኢትዮጵያ እስልምና ጉዳዮች ጠቅላይ ምክር ቤት ከተቋቋመ ካለፉት አምስት አሠርት ዓመታት ጀምሮ የትምህርትና ማኅበራዊ አገልግሎት ለመስጠት መሞከሩን የጠቀሱት ኢ/ር አንዋር እንዲህ ዓይነት መመሪያ አውጥቶ ሥራ ላይ ማዋል ባለመቻሉ በሚፈለገው መልኩ ሙስሊሙን ማኅበረሰብ ተጠቃሚ ማድረግ አለመቻሉን ተናግረዋል ።

በጠቅላይ ምክር ቤቱ የትምህርትና ማኅበራዊ አገልግሎት  ዳይሬክተር የተዘጋጀውና ይፀድቃል ተብሎ የሚጠበቀው ይህ የትምህርት ሥራ መመሪያ፣ ልዩ ፍላጎት ያላቸውን የአካል ጉዳተኞች ሁኔታ ያማከለ፣ እስላማዊ እሴቶችን ያከበረና መማር ማስተማሩ ጤናማ እንዲሆን አዎንታዊ አስተዋፅኦ  የሚያደርግ፣ በዋነኛነትም የሕዝበ መስሊሙን የትምህርት ተሳትፎ የሚያሳድግ በመሆኑ ታሪካዊ እንደሚያደርገው ኢ/ር አንዋር ተናግረዋል።

የሥራ መመሪያው በጠቅላይ ምክር ቤቱ ሲፀድቅ በቀጣይ ቀሪ ክልሎች እንደየአካባቢያቸው ተጨባጭ ሁኔታ  ተግባራዊ በማድረግና የጋራ ትስስር ለመፍጠር ጠቀሜታው ከፍ ያለ መሆኑም ከመድረኩ ተነግሯል።
•••••••••••••
የኢት/እ/ጉ/ጠ ምክር ቤት ሕዝብ ግንኙነት
ይከታተሉን | Follow us፡
ፌስቡክ | Ethiopian Islamic Affairs Supreme Council
ቴሌግራም | t.me/eiasc1
ትዊተር | https://x.com/eiasc1

መስከረም 30፣ 2017 ዓ.ል | ረቢዑል ሳኒ ዓ. 7፣ 1446 ዓ.ሒ
بِسْمِ ٱللَّهِ ٱلرَّحْمَٰنِ ٱلرَّحِيمِ
••••••••••••••••••••••••••••••••••••••••••

ኢትዮጵያ እና ሞሮኮ በባህል እና በሃይማኖት ያላቸውን መመሳሰል የሀገራቱን ግንኙነት ለማጠናከር መጠቀም ይገባል - የሠላም ሚኒስቴር

*

ኢትዮጵያ እና ሞሮኮ በባህል እና በሃይማኖት ያላቸውን መመሳሰል የሀገራቱን ግንኙነት ለማጠናከር መጠቀም እንደሚገባ የሰላም ሚኒስትር ዲኤታ ዶ/ር ከይረዲን ተዘራ ተናግረዋል፡፡

በሰላም ሚኒስቴር አስተባባሪነት በሞሮኮ ይፋዊ የሥራ ጉብኝት በማድረግ ላይ የሚገኘው የኢትዮጵያ ልዑክ ከሞሮኮ የኢንዶውመንት እና የሃይማኖት ጉዳዮች ሚኒስትር አሕመድ ተውፊቅ ጋር ተወያይቷል።

ኢትዮጵያ እና ሞሮኮ በባህል እና በሃይማኖት ተመሳስሎሽ እንዳላቸው የጠቆሙት ሚኒስትር ዲኤታው፤ “እነዚህ ዕሴቶች በሀገራቱ መካከል እያደገ የመጣውን የሁለትዮሽ ግንኙነት ይበልጥ ለማጠናከር መጠቀም ይገባል” ብለዋል፡፡

የሞሮኮ የኢንዶውመንትና የሃይማኖት ጉዳዮች ሚኒስትር አሕመድ ተውፊቅ በበኩላቸው ኢትዮጵያ ሃይማኖቶችን በመገናዘብ እንዲኖሩ ማድረጓ እና ለእንግድነት አቀባበል ያላት ታሪካዊ ቅርስ የሁሉም ኩራት መሆኑን አንስተዋል፡፡

ሚኒስትሩ ኢትዮጵያ የነቢዩ መሐመድ (ሰ.ዐ.ወ) ቤተሰቦችን እና ባልደረቦችን በዚያ ፈታኝ ወቅት በማስተናገድ የዋለችው ውለታም በሙስሊሙ ዓለም ታሪክ ውስጥ በደማቁ የተጻፈ መሆኑን አበክረዋል፡፡

በሁለቱ ሀገራት ሕዝቦች መካከል ያለውን የባህል፣ የታሪክና የሃይማኖት ግንኙነት ለማጠናከር ሚኒስቴር መሥሪያ ቤታቸው ከሰላም ሚኒስቴር ጋር በቅርበት እንደሚሠራ አስታውቀዋል፡፡

የኢትዮጵያ የልዑካን ቡድን የሁለቱ ሀገራትን የሁለትዮሽ ግንኙነት የሚያጠናክሩ የልምድ ልውውጥ መረድኮችን ለማከናወን በሞሮኮ ይፋዊ ጉብኝት እያደረገ እንደሚገኝ ከሠላም ሚኒስቴር የተገኘው መረጃ ያመላክታል፡፡



•••••••••••••
የኢት/እ/ጉ/ጠ ምክር ቤት ሕዝብ ግንኙነት
ይከታተሉን | Follow us፡
ፌስቡክ | Ethiopian Islamic Affairs Supreme Council
ቴሌግራም | t.me/eiasc1
ትዊተር | https://x.com/eiasc1

መስከረም 29፣ 2017 ዓ.ል | ረቢዑል ሳኒ ዓ. 6፣ 1446 ዓ.ሒ.
بِسْمِ ٱللَّهِ ٱلرَّحْمَٰنِ ٱلرَّحِيمِ
•••••••••••••••••••••••••••••••••••••••••••••••
የኦሮሚያ እስልምና ጉዳዮች ከፍተኛ ምክር ቤት ዓመታዊ የሥራ አፈጻጸም ግምገማ እያካሄደ ነው።
•••••••••••••••••••••••••••••••••••••••••••••••
አዲስ አበባ |
የኦሮሚያ እስልምና ጉዳዮች ከፍተኛ ምክር ቤት ሥራ አስፈፃሚ ኮሚቴ አዲስ አበባ ስታዲየም አካባቢ በሚገኘው የምክር ቤቱ ጽ/ቤት መሰብሰቢያ አዳራሽ ዓመታዊ የሥራ አፈጻጸም ግምገማ (ተቅዪም) እያካሄደ ነው።

ማክሰኞ ዕለት የተጀመረው የኦሮሚያ እስልምና ጉዳዮች ከፍተኛ ምክር ቤት የ2016 ዓ.ል የሥራ አፈጻጸም የግምገማ መድረክ ላይ የተገኙት የኢትዮጵያ እስልምና ጉዳዮች ጠቅላይ ምክር ቤት ዋና ፀሐፊ ሼይኽ ሐሚድ ሙሳ ባደረጉት ንግግር፣ መድረኩ በዓመቱ በምክር ቤቱ የተመዘገቡ መልካም ውጤቶችን ለማስቀጠልና የታዩ ውሱንነቶች ላይ የእርምት አቅጣጫ ለማስቀመጥ ጠቃሚ መኾኑን ተናግረዋል።

የኢትዮጵያ እስልምና ጉዳዮች ጠቅላይ ምክር ቤት ነሐሤ 18፣ 2016 ዓ.ል ባደረገው 2ኛ ዓመት 4ኛ መደበኛ ጉባዔ ባሳለፈው ውሳኔ የክልልና የከተማ አስተዳደር የእስልምና ጉዳይ ምክር ቤቶች የ2016 ዓ.ል የሥራ እቅድ ክንውናቸውን እንዲገመግሙ አቅጣጫ መስጠቱ ይታወሳል።

በዚሁ መሠረት የተጀመረው የኦሮሚያ እስልምና ጉዳዮች ከፍተኛ ምክር ቤት የሥራ አፈጻጸም ግምገማ በሌሎች የክልልና የከተማ አስተዳደር እስልምና ጉዳይ ከፍተኛ ምክር ቤቶች እንደሚቀጥል ሼይኽ ሐሚድ ሙሳ ተናግረዋል።

ትላንት የተጀመረው የኦሮሚያ እስልምና ጉዳዮች ከፍተኛ ምክር ቤት የሥራ አፈጻጸም ግምገማ ነገ (መስከረም 30) ይጠናቀቃል ተብሎ ይጠበቃል።



•••••••••••••
የኢት/እ/ጉ/ጠ ምክር ቤት ሕዝብ ግንኙነት
ይከታተሉን | Follow us፡
ፌስቡክ | Ethiopian Islamic Affairs Supreme Council
ቴሌግራም | t.me/eiasc1
ትዊተር | https://x.com/eiasc1

መስከረም 29፣ 2017 ዓ.ል | ረቢዑል ሳኒ ዓ. 6፣ 1446 ዓ.ሒ
بِسْمِ ٱللَّهِ ٱلرَّحْمَٰنِ ٱلرَّحِيمِ
••••••••••••••••••••••••••••••••••••••••••

ከተለያዩ ተቋማት የተውጣጣ የኢትዮጵያ የልዑካን ቡድን በሞሮኮ የልምድ ልውውጥ እያደረገ ነው
.............................................

ከተለያዩ ተቋማት የተውጣጣ የኢትዮጵያ መንግሥት የልዑካን ቡድን በሞሮኮ የልምድ ልውውጥ እያደረገ ይገኛል።

ቡድኑ የመንግሥት የሰላምና ፀጥታ የሥራ ኃላፊዎች፣ የፌዴራልና የክልል የጸጥታ ኃላፊዎች እንዲሁም የሃይማኖት አባቶች የተካተቱበት ነው።

ጉብኝቱ በሁለቱ ሀገራት ያለውን ጠንካራ የሁለትዮሽ ግንኙነት የበለጠ እንደሚያጠናክር የገለጹት የሰላም ሚኒስትር ዴኤታ ከይረዲን ተዘራ (ዶ/ር)፤ ሞሮኮ የተለያዩ ሃይማኖቶችና ሕዝቦችን ተከባብረው እንዲኖሩ በማድረግ በአፍሪካ ጠንካራ ኢኮኖሚ የገነባችበት መንገድ ለሀገራችን ጥሩ ልምድ ይሆናል።

የልዑካን ቡድኑ የሞሮኮ ዋና ከተማ ራባት እና ዋና የንግድ ከተማ ካዛብላንካን ጨምሮ በአራት ትላልቅ ከተሞች የሚገኙ ታሪካዊ፣ ባህላዊ እና ሃይማኖታዊ ተቋማትን እንደሚጎበኝ እና ከከተሞቹ የሥራ ኃላፊዎች ጋር እንደሚወያይ ተገልጿል።

ጉብኝቱን ያስተባበረው የሰላም ሚኒስቴር መሆኑ ገልፆ ኢትዮጵያ ብሮድካስቲንግ ኮርፖሬት ዘግቦታል።



•••••••••••••
የኢት/እ/ጉ/ጠ ምክር ቤት ሕዝብ ግንኙነት
ይከታተሉን | Follow us፡
ፌስቡክ | Ethiopian Islamic Affairs Supreme Council
ቴሌግራም | t.me/eiasc1
ትዊተር | https://x.com/eiasc1

መስከረም 21፣ 2017 ዓ.ል | ረቢዑል ዓ. 28፣ 1446 ዓ.ሒ
بِسْمِ ٱللَّهِ ٱلرَّحْمَٰنِ ٱلرَّحِيمِ
•••••••••••••••••••••••••••••••••••••••••••••••••••••••••
የትምህርት ተቋማት አመራሮች የአቅም ግንባታ ሥልጠና ተጠናቀቀ።
•••••••••••••••••••••••••••••••••••••••••••••••••••••••••
አዲስ አበባ |
የኢትዮጵያ እስልምና ጉዳዮች ጠቅላይ ምክር ቤት "የአካዳሚያዊ አመራር ክህሎት ለከፍተኛ ትምህርት ተቋማት" በሚል መሪ ሐሳብ ለእስላማዊ የትምህርት ተቋማት መሪዎች ያዘጋጀው የአቅም ግንባታ ሥልጠና ዛሬ ተጠናቀቀ።

በኢትዮጵያ እስልምና ጉዳዮች ጠቅላይ ምክር ቤት የዑለማ ጉባዔ ምክትል ዋና ጸሐፊና ቋሚ የፈትዋ አባል ዶክተር አብደላ ኸድር ሥልጠናው የእስላማዊ የትምህርት ተቋማትን የአመራር ብቃት ለማሻሻል ጠቀሜታ እንዳለው ተናግረዋል።

በምክር ቤቱ የሥርዓተ-ትምህርት ክፍል ግምገማ መሠረት ብዙዎቹ የከፍተኛ ደረጃ የእስላማዊ የትምህርት ተቋማት መስፈርቱን ያሟሉ ባለመሆኑ፣ ይህን ሥልጠና ማዘጋጀት አስፈልጓል ብለዋል።

ለእስላማዊ የትምህርት ተቋማት አመራሮች በተዘጋጀው የአቅም ግንባታ ሥልጠና ላይ የ16 የትምህርት ተቋማት አመራሮች ተሳትፈዋል።

ሥልጠናውን የተካፈሉት የከፍተኛ እስላማዊ ትምህርት ተቋማት አመራሮች ከሥልጠናው ተጠቃሚ መሆናቸውን ተናግረዋል።

ተሳታፊዎቹ፣ "ሥልጠናው ራሳችንን የመዘንንበት፣ ምን ደረጃ ላይ እንደምንገኝ ያወቅንበትና ክፍተታችንን ያየንበት ለሥራ ያነሳሳን ነው" ሲሉ በመግለጽ፣ ጠቅላይ ምክር ቤቱ ትውልዳዊ ኃላፊነቱን እየተወጣ በመሆኑ አመስግነዋል።

የአቅም ግንባታ ሥልጠናውን ላጠናቀቁ የእስላማዊ ትምህርት ተቋማት አመራሮች የምስክር ወረቀት የሰጡት የጠቅላይ ምክር ቤቱ ተቀዳሚ ምክትል ፕሬዚደንት ሸይኽ አብዱልከሪም ሸይኽ በድረዲን ሱሩር፣ ሥልጠናው ለሙስሊሙ ማኅበረሰብ መንፈሳዊ ከፍታ፣ አብሮ ለመሥራት፣ የጋራ ርዕይ ለመሰነቅ ትልቅ መሳሪያ በመሆኑ ተቋማትን ማጠናከር ያስፈልጋል" ብለዋል።

ጠቅላይ ምክር ቤቱ በየዘርፉ የተቋማትን አቅም በማሳደግ ለሰላምና ለአብሮነት የቻለውን ያህል ድጋፍ ያደርጋል ብለዋል።

በሥልጠናው ማጠናቀቂያ ላይ የዓሊሞች ጉባዔ ምክትል ሰብሳቢና የፈትዋ ኮሚቴ ሰብሳቢ ዶክተር ጄይላን ኸድር፣ በጠቅላይ ምክር ቤቱ የዓሊሞች ጉባዔ ዋና ፀሐፊ ሼይክ ሙሐመድ ሐሚዲን (ዶ/ር)፣ በአፍሪካ እና በዓለምአቀፍ እስላማዊ ዩንቨርሲቲ ከ30 ዓመት በላይ የማስተማር ልምድ ያላቸው ሸይኽ ሲዲቅ በረካት (ዶ/ር) ተገኝተዋል።


•••••••••••••
የኢት/እ/ጉ/ጠ ምክር ቤት ሕዝብ ግንኙነት
ይከታተሉን | Follow us፡
ፌስቡክ | Ethiopian Islamic Affairs Supreme Council
ቴሌግራም | t.me/eiasc1
ትዊተር | https://x.com/eiasc1

መስከረም 20፣ 2017 ዓ.ል | ረቢዑል ዓ. 27፣ 1446 ዓ.ሒ
بِسْمِ ٱللَّهِ ٱلرَّحْمَٰنِ ٱلرَّحِيمِ
••••••••••••••••••••••••••••••••••••••••••••••••••••••••
ለእስላማዊ የትምህርት ተቋማት አመራሮች የአቅም ግንባታ  ሥልጠና መስጠት ተጀመረ።
••••••••••••••••••••••••••••••••••••••••••••••••••••••••
አዲስ አበባ |
በኢትዮጵያ እስልምና ጉዳዮች ጠቅላይ ምክር ቤት የዑለማ ጉባዔ ጽሕፈት ቤት በአገራችን በሥራ ላይ ለሚገኙና አዲስ ለሚመሠረቱ ከፍተኛ እስላማዊ የትምህርት ተቋማት አመራሮች የሁለት ቀናት የአቅም ግንባታ ሥልጠና መስጠት  ጀመረ።

"የአካዳሚያዊ አመራር ክህሎት ለከፍተኛ ትምህርት ተቋማት" በሚል መሪ ሐሳብ ዛሬ በጠቅላይ ምክር ቤቱ  የስብሰባ አዳራሽ የተጀመረው ይህ ሥልጠና በጠቅላይ ምክር ቤቱ የዓሊሞች ጉባዔ ዋና ፀሐፊ በሼይክ ሙሐመድ ሐሚዲን (ዶ/ር) ንግግር ተከፍቷል።

ሼይኽ ሙሐመድ ሐሚዲን በንግግራቸው እስልምና ትልቅ ቦታ ከሚሰጣቸው ጉዳዮች አንዱ ትምህርት መኾኑን ጠቅሰው፣ የትምህርት ተቋማትን ለሚመሩ ኃላፊዎች የሚሰጡ እኒህን መሰል ተከታታይ ሥልጠናዎች ሥራቸው ውጤታማ እንዲሆን ይረዳቸዋል ብለዋል።

የጠቅላይ ምክር ቤቱ ፕሬዚደንት ክቡር ሼይኽ ሐጂ ኢብራሒም ቱፋ ለሁለት ቀናት በሸይኽ ሲዲቅ በረካት (ዶ/ር) የሚሰጠው የአቅም ግንባታ ሥልጠና የተሳካ እንዲሆን ላደረጉት ጥረት ምስጋና ቀርቦላቸዋል።

ዛሬ በተጀመረው የአቅም ግንባታ ሥልጠና መክፈቻ ላይ በጠቅላይ ምክር ቤቱ የዓሊሞች ጉባዔ ምክትል ሰብሳቢና የፈትዋ ኮሚቴ ሰብሳቢ ዶክተር  ጄይላን ኸድር እና ሌሎችም ጠቅላይ ምክር ቤቱ የሥራ ኃላፊዎች ተገኝተዋል።


የኢትዮጵያ እስልምና ጉዳዮች ጠቅላይ ምክር ቤት።
•••••••••••••
የኢት/እ/ጉ/ጠ ምክር ቤት ሕዝብ ግንኙነት
ይከታተሉን | Follow us፡
ፌስቡክ | Ethiopian Islamic Affairs Supreme Council
ቴሌግራም | t.me/eiasc1
ትዊተር | https://x.com/eiasc1

መስከረም 18፣ 2017 ዓ.ል | ረቢዑል ዓ. 25፣ 1446 ዓ.ሒ
بِسْمِ ٱللَّهِ ٱلرَّحْمَٰنِ ٱلرَّحِيمِ
•••••••••••••••••••••••••••••••••••••••••••••
የጠቅላይ ምክር ቤቱ የልማት ኤጀንሲ የአመራር ለውጥ አደረገ።
•••••••••••••••••••••••••••••••••••••••••••••
አዲስ አበባ |
የኢትዮጵያ እስልምና ጉዳዮች ጠቅላይ ምክር ቤት የልማት ክንፍ የኾነው የኢትዮጵያ ሙስሊሞች የልማት ኤጀንሲ (ኢሙልኤ) አዲስ ለተሾሙት ዋና ሥራ አስፈጻሚ አቶ ጁደዲን ሰይድ የኃላፊነት ርክክብ አካሄደ።

በልማት ኤጀንሲው ቅጥረ ግቢ ዛሬ በተካሄደው መርኃ ግብር ላይ የጠቅላይ ምክር ቤቱ ዋና ሥራ አስኪያጅ ሐጂ ከማል ሐሩን ጠቅላይ ምክር ቤቱ በለውጥ ሂደት ላይ መኾኑን ጠቅሰው፣ ከለውጦቹ አንዱ የልማት ኤጀንሲውን በቀጣይ ለሕዝብ ተደራሽ ማድረግ መኾኑን ተናግረዋል።

ጠቅላይ ምክር ቤቱ ላለፉት ዘጠኝ ወራት የተቋሙን የወደፊት አቅጣጫ ለመቅረጽ በባለሙያ ጥናት ሲያስደርግ መቆየቱን ሐጂ ከማል ተናግረዋል።

የኢትዮጵያ ሙስሊሞች የልማት ኤጀንሲ ቀደም ሲል በነበረበት የአቅም ውሱንነት ሳቢያ ሰፊውን ሙስሊም ማኅበረሰብ ተጠቃሚ ማድረግ አለመቻሉን ተናግረዋል።

የኢሙልኤ የቦርድ ሰብሳቢ አቶ አሕመድ ሑሴን ኤጀንሲው የሚሰጠውን አገልግሎት ለሕዝብ ተደራሽ ለማድረግና አቅሙን ለማሳደግ የተለያዩ ጥናቶች ሲያስጠና መቆየቱን ጠቅሰው፣ ጥናቱን ወደተግባር ለመለወጥ የተቋሙን ሥራ ወደ ከፍታ ሊያደርሱ የሚችሉ የሙያ ዘርፎች ላይ ቦርዱ ቅጥር መፈፀሙን ተናግረዋል።

ኢሙልኤ ከተቋቋመበት ዓላማ አኳያ ሰፊ ሥራ መሥራት ይጠበቅበታል ያሉት የቦርድ ሰብሳቢው በቀጣይ ከሚመለከታቸው አካላት ጋር ተባብሮ በመሥራት አዲሱ አመራር ለውጥ ማምጣት ይጠበቅበታል ብለዋል።

አዲሱ የኢሙልኤ ዋና ዳይሬክተር አቶ ጁደዲን ሰዒድ ኤጀንሲው የሚሰጠውን ሰብኣዊ አገልግሎት በማሳደግ እንደ አገር የተጣለበትን ኃላፊነት ለመወጣት አዲሱ አመራር ከመቼውም በላይ ዝግጁ መኾኑን ተናግረዋል።

ኤጀንሲው የተለያዩ የሰብኣዊ አገልግሎቶች ላይ የሚሠራውን ሥራ እንደሚያሰፋ የተናገሩት ዳይሬክተሩ፣ ዘር፣ ቀለም እና ሃይማኖት ሳይለይ ለሁሉም ኢትዮጵያዊ የሰብዓዊ አገልግሎት እንደሚሰጥ ተናግረዋል።

በቀጣይም ሰዎች ከተረጂነት ወጥተው ወደ ረጂነት እንዲቀየሩ የተለያዩ የአቅም ግንባታ ሥልጠናዎች እና የገቢ ማስገኛ ሥራዎች ላይ እንደሚሰማራና፣ "ከከጃይ እጅ የላይ እጅ ይበልጣል" የሚለውን የነቢያችን ሙሐመድ (ሶ.ዐ.ወ) ሐዲስ አስታውሰዋል።

አገራችን ኢትዮጵያ የመልማት ተፈጥሯዊ ፀጋ የታደለች አገር መሆኗን የተናገሩት ዳይሬክተሩ፣ በቀጣይ ከሚመለከተው ባለድርሻ አካላት ጋር በመተባበር የድህነት ቅነሳ ፕሮጀክቶች ላይ ትኩረት አድርገው እንደሚሠሩ ተናግረዋል።

የጠቅላይ ምክር ቤቱ ሥራ አስፈፃሚ አባልና የትምህርትና ማኅበራዊ ዘርፍ ተጠሪ ኢንጅነር አንዋር ሙስጠፋ በአንዳንድ የአገራችን ክፍሎች በደረሱት የተፈጥሮና ሰው ሠራሽ ችግሮች ሳቢያ የእርዳታ ፈላጊዎች ቁጥር ከዕለት ወደ ዕለት እየጨመረ በመምጣቱ የዕለት ደራሽ ሥራዎች ላይ ኤጀንሲው ጥናት በማድረግ መሥራት ይጠበቅበታል ብለዋል።

መስከረም 16፣ 2017 ዓ.ል | ረቢዑል ዓ. 23፣ 1446 ዓ.ሒ
بِسْمِ ٱللَّهِ ٱلرَّحْمَٰنِ ٱلرَّحِيمِ
•••••••••••••••••••••••••••••••••••••••••••••
በ1445 ዓ.ሒ. የሐጅ ጉዞ በግል ቲኬት ቆርጣችሁ ለተጓዛችሁ ሐጃጆች፣ እንዲሁም ክፍያ ፈጽማችሁ ጉዞውን ማድረግ ላልቻላችሁ በሙሉ!
•••••••••••••••••••••••••••••••••••••••••••••
የኢትዮጵያ እስልምና ጉዳዮች ጠቅላይ ምክር ቤት በ1445 ዓ.ሒ. (2016 ዓ.ል.) የሐጅ ጉዞ በጠቅላይ ምክር ቤቱ የባንክ ሒሳብ ቁጥር ሙሉ ክፍያ አስገብታችሁ፣ ነገር ግን በግላችሁ የአውሮፕላን የደርሶ መልስ ቲኬት ቆርጣችሁ በመጓዛችሁ ምክንያት የቲኬት ክፍያ ተመላሽ ገንዘብ ለጠየቃችሁ፣ እንዲሁም በ1445 ዓ.ሒ የሐጅ ጉዞ ለማድረግ ተመዝግባችሁ፣ ገር ግን በተለያየ ምክንያት መጓዝ ላልቻላችሁ፤ ጠቅላይ ምክር ቤቱ አስፈላጊውን ማጣሪያ ካደረገ በኋላ ተመላሽ ገንዘብ በሐጃጅ ስም በተከፈተው የባንክ ሒሳብ ቁጥር ገቢ ማድረጉ ይታወቃል።

ሆኖም አንዳንድ ሐጃጆችና ምዝገባውን አከናውነው ነገር ግን ጉዞ ማድረግ ያልቻሉ ተመዝጋቢዎች፣ ተመላሹ ብር በባንክ ሒሳብ ቁጥራቸው እንዳልገባላቸው ለተቋማችን ተናግረዋል።

ስለሆነም፣ በባንክ ሒሳብ ቁጥራችሁ ገቢ ያልተደረገላችሁ የአውሮፕላን ቲኬት ክፍያ ተመላሽና ለሐጅ ጉዞ ተመዝግባችሁ ነገር ግን በተለያየ ምክንያት ጉዞውን ማድረግ ያልቻላችሁ ተመላሽ ገንዘብ ጠያቂዎች፣ ለጠቅላይ ምክር ቤቱ ገቢ ያደረጋችሁበትን ሰነድ ቅጂ በቴሌግራም ቁጥር +251-920400400 እንድታያይዙልን በአክብሮት  እናሳስባለን።

የኢትዮጵያ እስልምና ጉዳዮች ጠቅላይ ምክር ቤት።
•••••••••••••
የኢት/እ/ጉ/ጠ ምክር ቤት ሕዝብ ግንኙነት
ይከታተሉን | Follow us፡
ፌስቡክ | Ethiopian Islamic Affairs Supreme Council
ቴሌግራም | t.me/eiasc1
ትዊተር | https://x.com/eiasc1

መስከረም 16፣ 2017 ዓ.ል | ረቢዑል ዓ. 23፣ 1446 ዓ.ሒ
بِسْمِ ٱللَّهِ ٱلرَّحْمَٰنِ ٱلرَّحِيمِ
•••••••••••••••••••••••••••••••••••••••••••
ጠቅላይ ምክር ቤቱ ለትግራይ እስልምና ጉዳዮች ከፍተኛ ምክር ቤት የተሽከርካሪ ድጋፍ አደረገ።
•••••••••••••••••••••••••••••••••••••••••••••
አዲስ አበባ |

የኢትዮጵያ እስልምና ጉዳዮች ጠቅላይ ምክር ቤት ከክልልና የከተማ አስተዳደር እስልምና ጉዳዮች ከፍተኛ ምክር ቤቶች ጋር በመተባበር ለትግራይ እስልምና ጉዳዮች ከፍተኛ ምክር ቤት የተሽከርካሪ ድጋፍ አደረገ።

ዛሬ በጠቅላይ ምክር ቤቱ ቅጥረ ግቢ በተካሄደው የርክክብ ስነ ሥርዓት ላይ ንግግር ያደረጉት የጠቅላይ ምክር ቤቱ ዋና ጸሐፊ ሸይኽ ሐሚድ ሙሳ የትግራይ እስልምና ጉዳዮች ከፍተኛ ምክር ቤት እንደ ሀገር ተከስቶ በነበረው ጦርነት ለከፍተኛ ችግር ከጠቅላይ ምክር ቤቱ ጋር መዋቅራዊ ግንኝነቱ ተቋርጦ እንደነበር አስታውሰዋል።

በተፈጠረው የሰላም አጋጣሚ ጠቅላይ ምክር ቤቱ ለአቃፊነትና ለሰላም ባደረገው ጥረት ከትግራይ መጅሊስ ጋር ተቋርጦ የነበረው ትስስር እየተጠናከረ መምጣቱን ተናግረዋል።

በኢትዮጵያ እስልምና ጉዳዮች ጠቅላይ ምክር ቤት አስተባባሪነት በጉዳት ላይ የነበረውን የትግራይ መጅሊስ ለማገዝ በተደረገው ንቅናቄና የክልል መጅሊሶች ባደረጉት ትብብር የሕዝብ ለሕዝብ ትስስሩን ለማጠናከር ለትግራይ መጅሊስ ተሽከርካሪ መገዛቱን ተናግረዋል።

በርክክብ ስነ ሥርዓቱ ላይ የተገኙት የጠቅላይ ምክር ቤቱ ተቀዳሚ ምክትል ፕሬዚደንት ሸይኽ አብዱልከሪም ሸይኽ በድረዲን ሱሩር መረዳዳት የሃይማኖቱ ትልቁ ባህርይ መኾኑን አውስተው፣ የትግራይ መጅሊስ በጦርነቱ ብዙ ማኅበራዊና መንፈሳዊ ጉዳቶችን እንዳስተናገደ አስታውሰዋል።

ለትግራይ እስልምና ጉዳዮች ከፍተኛ ምክር ቤት ለተበረከተው ተሽከርካሪ ፌደራል መጅሊስን ጨምሮ 14 የክልል መጅሊሶች የመዋጮ ትብብር ማድረጋቸው ተነግሯል።

ጠቅላይ ምክር ቤቱ አቅሙ በፈቀደ መጠን ተሽከርካሪ ለሌላቸው የክልል መጅሊሶች ተመሳሳይ ድጋፍ ለማድረግ ጥረት እንደሚያደርግ የተናገሩት ተቀዳሚ ምክትል ፕሬዚደንቱ የተሽከርካሪውን ቁልፍ ለትግራይ እስልምና ጉዳዮች ከፍተኛ ምክር ቤት ፕሬዚደንት ሸይኽ አብዱልቃድር አደም አስረክበዋል።

የትግራይ መጅሊስ ፕሬዚደንት ሸይኽ አደም አብዱልቃድር
በጠቅላይ ምክር ቤቱ አስተባባሪነት የክልል እስልምና ጉዳዮች ከፍተኛ ም/ቤቶች በጦርነት ያሳለፍነውን ችግር ከግምት በማስገባት ለትግራይ መጅሊስ ላበረከቱት ሥጦታ በራሳቸውና በክልሉ መጅሊስ ስም አመስግነዋል።

በመጨረሻም ሸይኽ አደም አብዱልቃድር ሀገራችን የሰላም፣ የመተሳሰብ የፍቅር ሆና ለሁላችንም አላህ የደስታ ብርሃን ያግናጽፈን በማለት ዱዓ አድርገዋል።

በርክክብ ስነ ሥርዓቱ ላይ የኦሮሚያ መጅሊስ ፕሬዚደንት፣ የአዲስ አበባ መጅሊስ ተወካይ፣ የዑለማ ጉባዔ ተወካይ፣ እንዲሁም የጠቅላይ ምክር ቤቱ ሥራ አስፈጻሚዎችና ጥሪ የተደረገላቸው እንግዶች ተገኝተዋል።

ቀደም ሲል የክልል መጅሊስ አመራሮች በተገኙበት መድረክ ለትግራይ መጅሊስ የሰባት ሚሊዮን ብር ድጋፍ መደረጉ ይታወሳል።

••••••••••
የኢ.እ.ጉ.ጠ. ም/ቤት ሕዝብ ግንኙነት
ይከታተሉን | Follow us፡
ፌስቡክ | Ethiopian Islamic Affairs Supreme Council
ቴሌግራም | t.me/eiasc1
ትዊተር | twitter.com/eiasc1