دموع الفاطميات للشاعره زهراء الحربي

اصدار الشاعره الجديد👆🏻👆🏻

منو يدور اطوار مختلفه بالمجلس
منو تحب اتنوع بأطوارها بالمجلس
يله حظري دفترج و القلم ....
هاي السنه الشاعره رغد البهادلي امحضره قصايد جديده و تجنن بسرعه اشتركي بقناتها و شوفي ابداعاتها


اشتركي من هنا 👇🏻👇🏻👇🏻


https://t.me/Ragadalbhadley

https://t.me/Ragadalbhadley

نعي للسيده زينب عليها السلام

ضهره انحنى والوجع چتال
وفراگك اخوتي دوهن الحال
والدمع صب عالوجنه همال


يمه يايمه

گربت من عـــــــندي المنيه
ومحد اجه ويسال عليه
وحيده ومنو اليسبل أديه


لامن هلي ولامن اخوتي
بالغرب يمه صارموتي
ياهو اليساعدني لبلوتي



جم جرح أعد وجروح بيه
ميته ويسموني السبيه
وكتبو عليه الـــخارجيه
ــــــــــــــــــــــــــــــــــــــــ
🖇تـمــت بتـــوفيــــق الله

🖊بـٲنامــل شاعرة ٲهـــل البيت عليهم السلام
زهـــراء الحــــربي


وغير مبري الذمه ٲمام الله واهل بيت محمد((ع)) من يحذف الاسم وينشرها ٲوينسب القصيده لــنفسه 🚫

💬ونسال الله التوفيق والقبول
وٲسالكم الدعاء👆


https://t.me/ECYULhLFeQ2NTYy

دموع الفاطميات للشاعره زهراء الحربي pinned «قصيده حزينه للسيده زينب عليها السلام يازهره تعالي وشوفي حالتها وحيده وهل تون من ضيم غربتها ــــــــــــــــــــــــــــــــــــــــــــــــــ يام الحسن شوفي الجاري اعليه وحيده وبالغرب من غير أهاليهه لاخوان يمهه وتسبل أيدهه تفت الصخر يم حسين ونتهه ــ…»

قصيده حزينه للسيده زينب عليها السلام

يازهره تعالي وشوفي حالتها
وحيده وهل تون من ضيم غربتها

ــــــــــــــــــــــــــــــــــــــــــــــــــ

يام الحسن شوفي الجاري اعليه
وحيده وبالغرب من غير أهاليهه
لاخوان يمهه وتسبل أيدهه
تفت الصخر يم حسين ونتهه

ـــــــــــــــــــــــــــــــــــــــــــ

ونتهه ثچيله وحالهه شلونه
المريض يعاين لحبابه بعيونه
وگت الموت يتمنه يحضرونه
وزينب تانت بكل لهفه اخوتهه

ـــــــــــــــــــــــــــــــــــــــــــــــــ

تعاين عالدرب وعيونهه تلالي
ويه الونه صاحت ردت كفالي
يشيل جنازتي لو گربت أجالي
مارادت غرب تحمل جنازتهه
ــــــــــــــــــــــــــــــــــــــــــــــ

رادت للجنازه گافل الخدر
يشيعها بديهه وبالدفن يحضر
ويهل الدمع لــــــــمدللة حيدر
زينب منو الشايف من مصيبتهه

ـــــــــــــــــــــــــــــــــــــــــــــــــــــ

ياهو الشاف مثل مصيبة الحره
من الصغر گضتها بالف حسره
حرگ باب وكسر ضلوع للزهره
لحد الموت ماتنطفي جمرتهه
ــــــــــــــــــــــــــــــــــــــــــــــــــــ

شيطفي لهيب الگلب من يسعر
مصاب ام عون جمر وبلحشا وجر
تمنت أمنيه كون الاهل تحظر
وگت الموت بلكي تطيب حسرتهه
ـــــــــــــــــــــــــــــــــــــــــــــــــــــ
🖇تـمــت بتـــوفيــــق الله

🖊بـٲنامــل شاعرة ٲهـــل البيت عليهم السلام
زهـــراء الحــــربي

وغير مبري الذمه ٲمام الله واهل بيت محمد((ع)) من يحذف الاسم وينشرها ٲوينسب القصيده لــنفسه 🚫

💬ونسال الله التوفيق والقبول
وٲسالكم الدعاء👆


https://t.me/ECYULhLFeQ2NTYy

قصيدة لفگد الاب


راح أبونه وراحت أيام المحنه
وياوسافه بعد شيرجع شملنه

بعد شيرده ابونه
راح أبو الروح الحنونه


راح أبونه
ـــــــــــــــــــــــــــــــــــــــــــــــــــــــــ

راح من عدنه وصفه خالي مچانه
غاب شخصه وبعد شيعوض حنانه
يازماني ليش اخذت الــــــــــدللانه
چان لــــــــــوبيده بنظر عينه فدانه

العمر مايسوه بدونه
راح أبو الروح الحنونه

راح أبونه
ــــــــــــــــــــــــــــــــــــــــــــــ
شيسوه عمري من بعد عينه اكمله
بعد أبوي منين اجيب المنه اغله
لويصح الروح انطيه واعدله
الفركه صعبه هواي ياهو الگال سهله

حيل مشتاگ لعيونه
راح ابو الروح الحنونه

راح أبونه
ــــــــــــــــــــــــــــــــــــــــــــــــــــــــ

حيل مشتاگ أمنياتي كون أشوفه
واركض بكل لهفتي الزم چفوفه
وكون اروح وياه ولالحضه أعوفه
چان أبوي الغالي لمساته رووفه

أعلينه تعبهن أمتونه
راح ابو الروح الحنونه

راح أبونه
ـــــــــــــــــــــــــــــــــــــــــــــــــ

تعب تعب أعلينه هداهن أجتافه
وجوده چان الخيمه والفي والترافه
بين أعليـــنه القهر ضعنا أخلافه
هو من يوم الرحل عشنا بحسافه

ضعنا مادري ضيعونه
راح أبو الروح الحنونه

راح أبونه
ـــــــــــــــــــــــــــــــــــــ

ضعنا بين الناس ضيعنه ومشينه
ضل أبونه چان الفياي العلينه
لو يرجعه النوح هم نحنا وبچينا
رايح اغله الناس أبو الروح الحنينه


الگلب شيطيب شجونه
راح ابو الروح الحنونه
راح أبونه
ــــــــــــــــــــــــــــــــــــــــــــــــــــ
🖇تـمــت بتـــوفيــــق الله

🖊بـٲنامــل شاعرة ٲهـــل البيت عليهم السلام
زهـــراء الحــــربي

وغير مبري الذمه ٲمام الله واهل بيت محمد((ع)) من يحذف الاسم وينشرها ٲوينسب القصيده لــنفسه 🚫

💬ونسال الله التوفيق والقبول
وٲسالكم الدعاء👆


https://t.me/ECYULhLFeQ2NTYy

https://youtu.be/vyvmh_Wyzcw?si=cbzTH26St8068fSa

https://vt.tiktok.com/ZS6P5eSdj/

قصيده لفكد الام 😭

هاي امي الحنينه العشت وياها
تجوي بالگلب نيران فرگاها
ـــــــــــــــــــــــــــــــــــــــــــــــــــــ

هاي امي الحنينه المايصح منهه
راحت من أيدينه بيش أعوضنه
جنات الخلد بأوصافها چنهه
لو أنطيها عمري مااجزي رباها


ماجازيها لو أنطيهه فص عيني
تعب أسنين تعبت واهي تربيني
حرمت روحها اللكمه وتغذيني
تطلبني المحنه شلون انساها


دين بركبتي الها شلون اوافيها
لو أنطيها عمري مأأجازيها
جعل ربي الجنه تحت رجليها
وجعل حتى رضاه مقترن برضاها


التموت امه يعيش بضيجه الحاله
وتضل كل مغرببه دموعه هماله
وبظل الحزن متعلكه ذياله
كل ايام عمره يضل ينعاها

ينعاها وتموت رويحته الخضره
مكسور الخواطر والگلب جمره
يجر الونه تتبعها الف حسره
ويصيح الحنينه فارگيناها

يايمه تعالي وشاهدي حالي
من بعدچ غريبه الناس تنعالي
نواعي الفاگد امه وفاگد الغالي
تفت حتى الحجر صرخات صحناها


ــــــــــــــــــــــــــــــــــــــــــــــــــــــ
🖇تـمــت بتـــوفيــــق الله

🖊بـٲنامــل شاعرة ٲهـــل البيت عليهم السلام
زهـــراء الحــــربي

وغير مبري الذمه ٲمام الله واهل بيت محمد((ع)) من يحذف الاسم وينشرها ٲوينسب القصيده لــنفسه 🚫

💬ونسال الله التوفيق والقبول
وٲسالكم الدعاء👆


https://t.me/ECYULhLFeQ2NTYy

من اجمل ماخط القلم وجسد ما في مشاعر المحبين من اآلآم الحسين وآلِ الحسين عليهم السلام حروف كتبت بشجن ودموع تاره... وبحسچه جنوبيه وحماس يجمع مابين سحر الوسط وحرارة الجنوب فخرجت تلك الاحرف الهادئة المبكيه والأحرف الصاخبه الضاجه بحب الحسين عليه السلام .....تعالو ويانه خل ندخل على قناة الشاعره الحاجه ام حسين العسكري ناصريه ونرى ما أبدعت في المجال الحسيني....ولايفوتكم دائما جديدها المستمر ومتاكده راح تدعولي وتدعولها يالله خل نشوف

https://t.me/Vvb313

https://t.me/Vvb313

https://youtu.be/2Wck_BZe8wM?si=5PN6Nd7KPE9VgWSE

اهازيج وافراح

مولاتي يازهراء يامولاتي
باسمج تغنت للفرح نغماتي

انتي غلاتي فاطمه
وكل امنياتي فاطمه

مولاتي يازهراء يامولاتي

يهواچ يامولاتي من لبه الگلب
من كوثر الجنه ارتوى بماي العذب
والمافرح هاليوم كافر ينحسب
وبدفتر الخدام لاماينكتب

حبچ بذاتي فاطمه
كل امنياتي فاطمه
مولاتي بازهراء يامولاتي

باسمج تغنى للفرح هذا الحفل
ورد وشموع وياس دلالي يهل
لدوم السرور اليوم كلبي يمتثل
وي السعاده والفرح لم الشمل

ياحب حياتي فاطمه
كل امنياتي فاطمه
مولاتي يازهراء يامولاتي


ياحب حياتي المايصح مثله عشگ
عاشگ كيانچ للابد مانفترگ
بيوم الولاده گلبي بالفرحه يدگ
صافن واخذني الشوگ جمر ومحترگ

ببها صفناتي فاطمه
كل أمنياتي فاطمه
مولاتي يازهراء يامولاتي
ـــــــــــــــــــــــــــــــــــــ
🖇تـمــت بتـــوفيــــق الله

🖊بـٲنامــل شاعرة ٲهـــل البيت عليهم السلام
زهـــراء الحــــربي

ووفقكم الله
وغير مبري الذمه ٲمام الله واهل بيت محمد((ع)) من يحذف الاسم وينشرها ٲوينسب القصيده لــنفسه 🚫

💬ونسال الله التوفيق والقبول
وٲسالكم الدعاء👆


https://t.me/ECYULhLFeQ2NTYy

#قصيده للام البنين عليها السلام امنيات

يازين العباد وگرة اعيوني
وصيتي بلا دفن يايمه خلوني
ثلث تيام مثل حسين
بلاغسل وبلا تجفين

على التربان خلوني
على التربان خلوني
ــــــــــــــــــــــــــــــــــــــــــــــــــــــــ


وصيه يمه أوصيكم وگلبي ينوح
ماريد اندفن خلوه الجسد مطروح
عالتربان ويواسي عزيز الروح
وياوسفه النحر مومثله مامذبوح

تمنيت النحر مگطوع
وهم مثله برمح مرفوع

على التربان خلوني
على التربان خلوني

ــــــــــــــــــــــــــــــــــــــــــــــــ

تمنيت الخيول الداسته ابصدره
تدوس اعله الجسد كمدلل الزهره
ولچن ابسط امالي التجر حسره
ثلث تيام جسمي يضل عالغبره

يعابد ابسط امالي
اواسي وليدي الغالي

عالتربان خلوني
عالتربان خلوني
ــــــــــــــــــــــــــــــــــــــــــــــ

توصي ام البنين وتنعه محزونه
وهي أبساعة الموت وحالهه شلونه
ياحسين الگلب ماهدات شجونه
الجسد يمه الجسد ماريد يدفنونه

جثتي لاتواروهه
وبلدمعات غسلوهه

وعالتربان خلوني
عالتربان خلوني
ــــــــــــــــــــــــــــــــــــــــــــــ

غسلوني بدمع من مدمعي الدامي
على وليدي الحسين المنذبح ضامي
خلصت العمـــــــر متكدره بآلامي
من بعد الحسين اسودت أيامي

سوده صارت ايامي
من ذبحوهن احلامي

عالتربان خلوني
عالتربان خلوني

ـــــــــــــــــــــــــــــــــــــــ
🖇تـمــت بتـــوفيــــق الله

🖊بـٲنامــل شاعرة ٲهـــل البيت عليهم السلام
زهـــراء الحــــربي

وغير مبري الذمه ٲمام الله واهل بيت محمد((ع)) من يحذف الاسم وينشرها ٲوينسب القصيده لــنفسه 🚫

💬ونسال الله التوفيق والقبول
وٲسالكم الدعاء👆


https://t.me/ECYULhLFeQ2NTYy

هوسات للام البنين عليها السلام

عن أم البنين اتسولف الاخبار
من نوصف كرمها عقولنا تحتار
جرب تنتخيها والگلب بي نار

تنطيك واقسملك بيها

تنطي الينتخيها وماترد واحد
واليعرف بختها بالسلف شاهد
اباب الحاجه عدها الكافل القائد

حلفها باسمه وانخاها

انخاها وعلي ماترجعك خايب
وانه احجيلك وعن علم مو راهب
مجربه بلشدد والينكر يشاهد

والينكر ماشاف بعينه


ـــــــــــــــــــــــــــــــــــــــــــــــــــــــــــــــــــــ
🖇تـمــت بتـــوفيــــق الله

🖊بـٲنامــل شاعرة ٲهـــل البيت عليهم السلام
زهـــراء الحــــربي

تنويه لاخواني الرواديد
يمكنكم ذكر اسم الشاعر حامد الاسدي بدل اسمي لتجنب الاحراج ووفقكم الله
وغير مبري الذمه ٲمام الله واهل بيت محمد((ع)) من يحذف الاسم وينشرها ٲوينسب القصيده لــنفسه 🚫

💬ونسال الله التوفيق والقبول
وٲسالكم الدعاء👆


https://t.me/ECYULhLFeQ2NTYy

جايتج الايام الفاطمية وعندج مجالس
ومحتاره تردين قصائد جديده 🔥
حزينه وتوجع 💔

تعالي وياي لمكتبة عاشورا۽
تلكين بيها اروع واجمل الكتب الفاطمية

لحجز الدواووين من هنا

@ABRAR5325


للأشتراك بالمكتبه اضغطي علرابط👇

https://t.me/AiDoiwwn19878

خادمات الحسين اليوم نورس الحلفي فاتحتلكم قناتها ونزلت الكم قصائد حماسيه حاره
والحلو قصائدها بالحسچه الشعبيه المرغوبه

تعالي وراي خلي نشترك بالقناة
ونقره قصيده قصيده وندعيلها بالتوفيق

الأشتراااك من هنا 👇🏻👇🏻👇🏻


https://t.me/nawrasalhalfy

https://t.me/nawrasalhalfy

للشاعره المبدعه ام علي الحلفي قلم حزين يخط ماجرى في كربلاء

تم تنزيل قصايد حزينه بالقناة من اروع القصائد
لتنسون اشتركو من هنا عبر الرابط

👇🏻👇🏻👇🏻👇🏻👇🏻

https://t.me/Om_Abeha

https://t.me/Om_Abeha

تم نشر قصائد جددة بقناة الحجيه ام علي من اروع القصائد تعالو وياي لقناة الشاعرة الحجيه ام علي البصره تحصلون بيها كولشي جديد

ماعليج بس تشتركين من هنا


👇🏻👇🏻👇🏻👇🏻👇🏻

https://t.me/ahzan2018

https://t.me/ahzan2018

اصدار جديد للسيدة فاطمة الجزء الثاني توفر بالمكاتب

من القصائد الحزينه المضبوطه عقائديآ تسر قلب مولاي الحجه عج ومولاتي فاطمه قصائد قويات سهلات وحزينات ماتصعب على اي ملايه
قناة الشاعرة ام علي الإماره

هذه قناتها اشتركي بيها قبل لانحذف الرابط

👇🏻👇🏻👇🏻

https://t.me/um_ali313

https://t.me/um_ali313


غير مبري الذمه الياخذ الأعلان ويضيفه لغير دعم 🚫🚫🚫🚫

تعالن وياي لقناة الشاعرة زينب المالكي اشتركي بقناتها الجديدة

انتي ملايه تعالي اوياي اخذج لقناة بكل حرف دمعة وحزن وشجن
قلم جنوبي راقي تألقت به الشاعرة المبدعه زينب المالكي ام آدم الزهرائيه

👇🏻👇🏻👇🏻👇🏻👇🏻


https://t.me/amadamalmalke2

https://t.me/amadamalmalke2

للشاعره المبدعه ام علي الحلفي قلم حزين يخط ماجرى في كربلاء

تم تنزيل قصايد حزينه بالقناة من اروع القصائد
لتنسون اشتركو من هنا عبر الرابط

👇🏻👇🏻👇🏻👇🏻👇🏻

https://t.me/Om_Abeha

https://t.me/Om_Abeha

منو يدور اطوار مختلفه بالمجلس
منو تحب اتنوع بأطوارها بالمجلس
يله حظري دفترج و القلم ....
هاي السنه الشاعره رغد البهادلي امحضره قصايد جديده و تجنن بسرعه اشتركي بقناتها و شوفي ابداعاتها


اشتركي من هنا 👇🏻👇🏻👇🏻


https://t.me/Ragadalbhadley

https://t.me/Ragadalbhadley

اصدارات جديده. 2024


اصدار ديوان الدمعة المقدسه ج 1


الشاعره سهام المالكي
والشاعرة مريم الحجيمي


يتضمن الكتاب قصائد السيدة الزهراء ع وأم البنين ع والسفرة وحديث الكساء
⬇️ للتواصل والاستفسار ⬇️
@ABRAR5325
@ABRAR5325

كروب اجهزة يفيد ملايات👇👇

https://t.me/+n-BgqsOHygw5OWNh

نعي لمولاتي فاطمة الزهراء عليها السلام للام


اريد امي تجيني بهدوة الليل
وعد راسي تنعي نواعي الفراگ
وتحاچيني وتسكت بچاياي
وتحضني أذا لحضانها أشتاگ
ماتدري الحنينه بحالي شلون
من فراگها حتى النفس ضاگ
وين امي الحنينه وترد للبيت
وتشوف البيت خالي شلون ينطاگ
ماينطاگ بيتك ياعلي اليوم
راحت منه زهرة بيتنه ذاگ

ــــــــــــــــــــــــــــــــــــــــــــــ
🖇تـمــت بتـــوفيــــق الله

🖊بـٲنامــل شاعرة ٲهـــل البيت عليهم السلام
زهـــراء الحــــربي

تنويه لاخواني الرواديد
يمكنكم ذكر اسم الشاعر حامد الاسدي بدل اسمي لتجنب الاحراج ووفقكم الله
وغير مبري الذمه ٲمام الله واهل بيت محمد((ع)) من يحذف الاسم وينشرها ٲوينسب القصيده لــنفسه 🚫

💬ونسال الله التوفيق والقبول
وٲسالكم الدعاء👆


https://t.me/ECYULhLFeQ2NTYy

نعي مجردات لفاطمة الزهراء عليها السلام
يايمه گولي شلون بينه
ومصيبتج صعبه علينه
مكسور ضلعج يالحنينه
زغار وبعدنه تيتمينه



هضمه شكثر صرنه يتامه
من كون ردبتي بسلامه
ياحنينه ياروح اليمامه
بعدچ نضل بس للملامه



وعليچ اون وشلون وني
صواب الضلع يمه فجعني
والباب اصد ليه ووجعني
ليش بعجاله رحتي عني


.. يمه البنت تحتاج أمها
تحظنها وبلهفة تضمها
وخلافها شيگضي هضمها
كل حيل ماضل بعضمها



شنهي البنيه بلايه أهلهه
وتيتمت من دون حلهه
ميال من بعدچ حملهه
من دمي دمعاتي واهلهه

ـــــــــــــــــــــــــــــــــــــــــــــــ
🖇تـمــت بتـــوفيــــق الله

🖊بـٲنامــل شاعرة ٲهـــل البيت عليهم السلام
زهـــراء الحــــربي

وغير مبري الذمه ٲمام الله واهل بيت محمد((ع)) من يحذف الاسم وينشرها ٲوينسب القصيده لــنفسه 🚫

💬ونسال الله التوفيق والقبول
وٲسالكم الدعاء👆


https://t.me/ECYULhLFeQ2NTYy

°❀•✵🍃🕊🍃°❀•✵

﷼جديد محرم عام ١٤٤٣ه‍
ـ🔹🔹 ﷽
(اللهم صل علئ محمد وآل محمد وعجل فرجهم )


#قصيده بعنوان (انه ام الاربعه) ولسان حال مولاتنا ام البنين (ع) ومشاركتهه في عزاء الحسين ع


أنه أم الاربعه الراحو فداء
جيت لزهره اشاركهه العزاء
نلطم ونبچي سوه
على الضامي بنينوه
جيت لزهره اشاركهه العزاء

ــــــــــــــــــــــــــــــــــــــــــ

جيت ويـــــــــــاهه أشارك بالآنيـن
واحضر بكل مجلس باسم الحسـين
خاف توگـــــع من أثر لطـــم الجبين
وينغمي اعليهه أبنواعي الفـــاگديـن

وينلچم كسر الضلع
من تهل دم مو دمع
جيت لزهره اشاركهه العزاء
ــــــــــــــــــــــــــــــــــــــــــــــــــ

ينلچم كسر الضلع لــــأم الحسن
لمن اعلـه وليدهــــه أتحن بشجن
حتى عرش الله على الزهره حزن
من تون اعله الغريب مـــن الوطن

حزنت املاك السمه
على دمعة فاطــمه
جيت لزهره اشاركهه العزاء
ــــــــــــــــــــــــــــــــــــــــــــــــــــ

لمن أتون الــــــــــزجيه فـاطمه
توصل الصرخه لعد ســـابع سمــه
والمنادي ينادي ابچو من دمـــــــه
على المظلوم الگتل چبده الضمه

عازو أمه أبمحنته
ماكو مثل أمصيبته
جيت لزهره اشاركهه العزاء
ــــــــــــــــــــــــــــــــــــــــــــــــــــــ

مصاب ابو السجاد مامثله مصاب
ضل ثلث تــــــيام وأبحـر التراب
لاغسل لاكفن مسلـــــــوب الثياب
گلبي مايحــــمل واگمل بالخطاب

ياهو مثلــــه منذبح
وراسه مرفوع أبرمح
جيت لزهره اشاركهه العزاء
ـــــــــــــــــــــــــــــــــــــــــــــــــــــ

بعد ياأهـــات أسولف ياآلـــــــــــم
ذكرت وأنه احجيـــــلكم ذاك السهم
الصاب گلب احسيني وبروحي لچم
وبلســـــــان الحــــــــال بچيت القـلم

واحترگ گلبي حرگ
بخيلهم كون انسحگ
جيت لزهره اشاركهه العزاء
ـــــــــــــــــــــــــــــــــــــــــــــــــــــــــ

🖇تـمــت بتـــوفيــــق الله

🖊بـٲنامــل شاعرة ٲهـــل البيت عليهم السلام
زهـــراء الحــــربي

وغير مبري الذمه ٲمام الله واهل بيت محمد((ع)) من يحذف الاسم وينشرها ٲوينسب القصيده لــنفسه 🚫

💬ونسال الله التوفيق والقبول
وٲسالكم الدعاء👆


https://t.me/ECYULhLFeQ2NTYy

#لام البنين ع فزاعيه جنوبيه مع هوسات

وياعبــــاس شيعها بعراضات
تعال وشيل نعش ام الكلافات
❥┄✿➻✿━❀❥❃━┄❥❃

تعال وشيل نعش امك المحزونه
دنت ليهه المنيه وحالهه شلـــونه
وخيعونه ليشـــــيع امه خيعونه

((شيعها .. هالليله الحره))

❥┄✿➻✿━❀❥❃━┄❥❃
هالليله تريدك ليهه جنــازه
بهاي الساعه ابنها عازه عازه
كلبهه بهل المسيه يدور اعزازه

((محزونه وادور عليكم ))

❥┄✿➻✿━❀❥❃━┄❥❃

تون وتلوج باخر لحضه وتنادي
محزونه وادور ويـــــن اولادي
وين احسين يحضر مهجه افادي

((وتريده .. هالليله عيوني))

❥┄✿➻✿━❀❥❃━┄❥❃

تريد العين هسه تعاين الغالي
بس لحضات اشوف ضاله ابالي
اشبكنــــه واشمه ريــــع دلالي

((وجاوينه محبوب كليبي))

❥┄✿➻✿━❀❥❃━┄❥❃

تـםـت بـعــون اللـه تــعالئ

ونـسـال اللـه القــبول والتـوفيق

✍🏻الشـــاعره زهـــــراء الحــــــربـــــي
حســـــينيه الهــــوى

لا أجيز من يحذف اسمي وغير مبري الذمه ٲمام الزهراء ونسال الله القبول والتــوفيق🙏


https://t.me/ECYULhLFeQ2NTYy

#هوسات لسان حال مولاتي الزهرا ع وهي تخاطب ام البنين

كفيـــــتي وفيتـــي وياي يٲم البنين
ماقصرتي عازيتيــــني بٲبني احسين
بدور اربعه نطيتي مثل ضي العين

((وفايه .. من فدوه لكلبـﭾ))

ـــــــــــــــــــــــــــــــــــــــــــــــــ

ماانســـه وكفتج يــــــاعزيزتنه
ونيتـــــي وبجيتي ويه ونـــتنه
ضحيتي ونطيتي الضنه بمحنتنه

((وكفاتـﭾ .. تسجلت عدي))
ـــــــــــــــــــــــــــــــــــــــــــــــــ

ربج شرفـﭾ وٲسمـﭾ ٲمسجلينه
بنص كلبي كــــتبته وبشراينــه
ابو فاضل وليدي وانت تدرينه

((بدلالي .. عباس ٲوليدي))

ـــــــــــــــــــــــــــــــــــــــــــــــــ

ابو فاضل وليدي وٲعز من روحي
جفينه ٲهظمتني وزيدت جروحي
عليه دمعي نزل عالوجن مسفوحي

((صابوني .. من گطعو جفه))

ـــــــــــــــــــــــــــــــــــــــــــــــــ

صابو مهجتي من گطعو جفوفه
رحت ليهه وحضنته وهو بالحوفه
بيوم الطاح والعدوان مصـــفوفه

((كابلته .. والطمت ٲضلوعي))
ـــــــــــــــــــــــــــــــــــــــــــــــــ

بيوم الحشر ماطالب بنحر احسين
اجيبن بيدي موش الراس لاجفين
اشكي لربي والدمعات ترس العين

((واخذ حيفي من العادانه))

ـــــــــــــــــــــــــــــــــــــــــــــــــ

تـםـت بـعــون اللـه تــعالئ

ونـسـال اللـه القــبول والتـوفيق

✍🏻الشـــاعره زهـــــراء الحــــــربـــــي
حســـــينيه الهــــوى

لا أجيز من يحذف اسمي وغير مبري الذمه ٲمام الزهراء ونسال الله القبول والتــوفيق🙏


https://t.me/ECYULhLFeQ2NTYy

خلص شهر الحزن وابتدت قصة باب
وانعصرت الورده بين ضلعانه
ناتجهه الجريمه الفجعت الاسلام
ام وطفل دمه يسيل بمچانه
سقط محسن وسف مابين.
نار، وباب
وحتارت الزهره بين نيرانه
نار الفاجعه ونار، الحطب بلباب
لسه موجره بنص گلب مولانه
الحجه المابطل دمعه يهل لليوم
الف عام المضى وبنوح بحزانه
يايوم ويعود وياخذ الثارات
ثار المحسن وثارات خوانه
وثار الداسته الخياله بلميدان
وتطشر وصل والراس بسنانه
يلولح عالرمل ومكابل اخته ام عون
بدروب اليسر مفجوعه خلصانه
تعاين للرماح البيها بس اعزاز
والاعضم صبرها البجه عدوانه


ــــــــــــــــــــــــــــــــــــــــــــ
🖇تـمــت بتـــوفيــــق الله

🖊بـٲنامــل شاعرة ٲهـــل البيت عليهم السلام
زهـــراء الحــــربي

تنويه لاخواني الرواديد
يمكنكم ذكر اسم الشاعر حامد الاسدي بدل اسمي لتجنب الاحراج ووفقكم الله
وغير مبري الذمه ٲمام الله واهل بيت محمد((ع)) من يحذف الاسم وينشرها ٲوينسب القصيده لــنفسه 🚫

💬ونسال الله التوفيق والقبول
وٲسالكم الدعاء👆


https://t.me/ECYULhLFeQ2NTYy

قصيده رجاليه للرسول الاكرم صلئ الله عليه واله وسلم


لم يمت سيد الرسل
بـــــل بايديهم قتل
مات مسموم الرسول
.مات مسموم الرسول

*~❥━──➸➽❥🖤❥━──➸➽❥.~*

حرفو موتت نبينه وادعـو موت الله مات
واضحه وضوح القضيه والعذر مابي ثبات
طفوا شــموع الرسـاله وانعدم نور الحيات
ندري استشهد بديهم مات بلسم مو وفات

واضحُ جرماً اكيد.. وقضئ المرسل شهيد
قتلو فحل الفحول .. مات مسموم الرسول

*~❥━──➸➽❥🖤❥━──➸➽❥.~*

تامروا اهل السقيفه وقرروا قتـــل النبي
ﭼان كل ضنهم خرافه والحقيقه تختبي
وضــح القران ايـــه بيها واضـــح مطلبي
توضح اعلوم القضيه لكل مخالف ناصبي

افمن مات اوقتل ... انــــقلبتم بالـفعل
خالفو كل الاصول .. مات مسموم الرسول

*~❥━──➸➽❥🖤❥━──➸➽❥.~*

نقضو العهد الصحابه وغــدروا الامه غـدر
رجعو لعصر الــــجهاله وردو لـــفعل الكفر
من بعد ماطمسوها هالحقيقه بكل عصر
الله احياها وعرفنه الجاني ابو بكر و عمر

حفصةًُ وعائـــشه ... وايـــادي طـائشه
حيروا كل العقول .. مات مسوم الرسول

*~❥━──➸➽❥🖤❥━──➸➽❥.~*

ماكفـاهم هالجريمه كعدو بضل السقيفه
يخططون بكل نذاله نصبو الهم خلــيفه
ماروعو حرمة نبيهم هذي عمله مو شريفه
فوك كل هــــذا تمادوا غصبو بحق العفيفه

حـــرموها حقها.. غصبوها ارثها
ماهو ذنبُ البتول...مات مسموم الرسول

*~❥━──➸➽❥🖤❥━──➸➽❥.~*

من بعد قتل وخيانه هجمو علئ ام الحسن
حركوا الدار اعصروها وابتدت قصة محن
بيــــــها الآم وماسي وكـــل نواحيها شجن
الـــﭼانو بٲسم الــــصحابه تحولو كتله فتن

اسقطو منها الجنين .. سطر الخد اللعين
دمعها دما همول ...مات مسموم الرسول

*~❥━──➸➽❥🖤❥━──➸➽❥.~*

تـםـت بـعــون اللـه تــعالئ

ونـسـال اللـه القــبول والتـوفيق

✍🏻الشـــاعره زهـــــراء الحــــــربـــــي
حســـــينيه الهــــوى

لا أجيز من يحذف اسم الشاعره أو من ينسب القصيده له غير مبرئ الذمه أمام الله وأمام الزهراء عليها السلام


✍🏻🧿


https://t.me/ECYULhLFeQ2NTYy

#قصيده في رثاء الرسول الاكرم )(صلى •اللّـہ‌ عليه واله وسلم) بندريه علـّۓ. طورقصيده اروحن وين خويه بعد الوداع

،،،،المستهل

غاب النور والدنيا مظلمه
فكدنه الًيَوُمًِ ضيه نبي الرحمه
►┄❈❖🌹❖❈┄◄
غاب الًيَوُمًِ نوره سيد الكون
لمصابه الحسن وحسين يبجون
•اللّـہ‌ يعين گلب الزهره محزون
م‌ـــِْن تون كلب حيدر تلجمه
►┄❈❖🌹❖❈┄◄
تلجم ونه البضعه علـّۓ. ابوها
حته م‌ـن البچي عليه يمنعوها
ازعجتينه صاحوا و ابعدوها
مارحموا گلب بت نبي الامه
►┄❈❖🌹❖❈┄◄
بكل حقد وعداوه عاملوها
وصية النبي شو جنهم نسوها
وصه بعترته وهمه اعكسوها
نسميهم صحابه حته زحمه
►┄❈❖🌹❖❈┄◄
شنو ذنب الزجيه والموها
غصبوا حقها ‏​‏​منـِْها واحرموها
وصية النبي بيها ومارعوها
واحدهم ففط دنياه تهمه
►┄❈❖🌹❖❈┄◄
دار احزانها تون علـّۓ. ونها
لحد الموت مافلت حزنها
فكد الغالي هد حته متنها
كلبها انثلم ياهالناس ثلمه
►┄❈❖🌹❖❈┄◄
#تمت
بقلم 🖊
✍الشاعره حسينية الهوى
زهراء الحربي
،،،،،،،ونسالكم الدعاء

غير مبري الذمه م‌ـــِْن يحذف اسمي م‌ـــِْن جمبع قصائدي❌

https://t.me/ECYULhLFeQ2NTYy

قصيده موجعه للرسول ص


اويلاه يافاطمه

بهل ليله بس نوح وقهر
هادينا ناوي على السفر
وبفگده ينشق القمر
وتموج لمصابه السمه

اليله محمد يرتحل
ونعرف رحيله موسهل
وشلون کلبچ يحتمل
على فراگه موش أمعلمه

ياچف بعد بابچ يدگ
راحل حبيبچ من صدك
وخلافه دارچ يحترگ
بيد الايادي الاثمه

تبقين بعده محسره
تعيشين فگده مرمره
حقچ تغصبه الكفره
وبعلچ الحاقد يشتمه

بدارچ تشب نارالحقد
وضلعچ الطاهر ينمرد
بنت الرسول وتنضهد
وتنسطر خد العالمه

ينكسر من عدها الضلع
وتنمنع حتى من الدمع
تذبل مثل خيط الشمع
هاي الفجيعه المولمه

ــــــــــــــــــــــــــــــــــــــــــــــــــ
🖇تـمــت بتـــوفيــــق الله

🖊بـٲنامــل شاعرة ٲهـــل البيت عليهم السلام
زهـــراء الحــــربي

وغير مبري الذمه ٲمام الله واهل بيت محمد((ع)) من يحذف الاسم وينشرها ٲوينسب القصيده لــنفسه 🚫

💬ونسال الله التوفيق والقبول
وٲسالكم الدعاء👆


https://t.me/ECYULhLFeQ2NTYy

#قصيده للرسول صلى الله عليه وآله وسلم مواساة الى قلب البتول صلوات الله عليها


فاطمــــــــه يافاطـــــــمه يافاطمه
لحالتج تبجي الارض وي السمه
ـــــــــــــــــــــــــــــــــــــــــــــــــــــ

كون هاي الليله مايمشي الزمن
وكل مــــدارات الفلك يتوقفن
مصايب ولوعات واهاتج بدن
تودعـــين النبي ودمعاتچ دمه
ـــــــــــــــــــــــــــــــــــــــــــــــــــــ

دمعتج صبـــــــــت وناتج علت
وروحج بروح الرسول تعلگت
لحالتج حتى السمه ليله بچت
الليله من دون ليالي مضـلمه
ـــــــــــــــــــــــــــــــــــــــــــــــــــــ

ويلي يام الحسن گلـــــــبج يون
تارس عيونچ يمولاتي الحزن
يعينج الله من يجي وگت الدفن
كسر گلبج يــــبس رياج الضمه
ـــــــــــــــــــــــــــــــــــــــــــــــــــــ

كسر گــــــــــــــــلبج بعد بيمن ينجبر
وعگب أبوج المصطفى شيحمل صبر
وصدرچ الطــــــــاهر خلافه ينعـصر
وتاكل النــيران باب العالـــــــــــــمه
ـــــــــــــــــــــــــــــــــــــــــــــــــــــ

يعينج الله عكب عينه بيا وضع
باب دارج عـــــــلى صدرج يندفع
ويلي والمسمار ينـــــــبت بالضلع
السطر خدچ ريـــــت بعيونه العمه

ـــــــــــــــــــــــــــــــــــــــــــــــــــــ
🖇تـمــت بتـــوفيــــق الله

🖊بـٲنامــل شاعرة ٲهـــل البيت عليهم السلام
زهـــراء الحــــربي

وغير مبري الذمه ٲمام الله واهل بيت محمد((ع)) من يحذف الاسم وينشرها ٲوينسب القصيده لــنفسه 🚫

💬ونسال الله التوفيق والقبول
وٲسالكم الدعاء👆


https://t.me/ECYULhLFeQ2NTYy

#أبوذيات لاستشهاد الرسول صلى الله عليه وآل وسلم


كضه روحي الالم بويه ولاهه

ولفكدك جرى دمعي ولاهه

وناري ماهدت واهدت ولاهه

يكت دمعي غده صبح ومسيه


شجه دهري النوايب حين نابت

يبويه وبثجـــــــيل الحقد نابت

وغده المسمار وسط الضلع نابت

والباب انـــــــــــــــدفع عنوه عليه


دمع الوجــــــــــع بويه هاج مني

وزماني والمــــــصايب هاج مــني

كــــــــلهن فرد مـــــــره هاجمني

وحقدهم بان من رحت من اديه

ـــــــــــــــــــــــــــــــــــــــــــــــــــــــــــــ


🖇تـمــت بتـــوفيــــق الله

🖊بـٲنامــل شاعرة ٲهـــل البيت عليهم السلام
زهـــراء الحــــربي

وغير مبري الذمه ٲمام الله واهل بيت محمد((ع)) من يحذف الاسم وينشرها ٲوينسب القصيده لــنفسه 🚫

💬ونسال الله التوفيق والقبول
وٲسالكم الدعاء👆


https://t.me/ECYULhLFeQ2NTYy

#قصيده في رثاء الرسول الاكرم )(صلى •اللّـہ̣̥ عليه واله وسلم) بندريه علـّۓ. طورقصيده اروحن وين خويه بعد الوداع

،،،،المستهل

غاب النور والدنيا مظلمه
فكدنه الًيَوُمًِ ضيه نبي الرحمه
►┄❈❖🌹❖❈┄◄
غاب الًيَوُمًِ نوره سيد الكون
لمصابه الحسن وحسين يبجون
•اللّـہ̣̥ يعين گلب الزهره محزون
م̷ـــِْن تون كلب حيدر تلجمه
►┄❈❖🌹❖❈┄◄
تلجم ونه البضعه علـّۓ. ابوها
حته م̷ـن البچي عليه يمنعوها
ازعجتينه صاحوا و ابعدوها
مارحموا گلب بت نبي الامه
►┄❈❖🌹❖❈┄◄
بكل حقد وعداوه عاملوها
وصية النبي شو جنهم نسوها
وصه بعترته وهمه اعكسوها
نسميهم صحابه حته زحمه
►┄❈❖🌹❖❈┄◄
شنو ذنب الزجيه والموها
غصبوا حقها ‏​‏​منـِْها واحرموها
وصية النبي بيها ومارعوها
واحدهم ففط دنياه تهمه
►┄❈❖🌹❖❈┄◄
دار احزانها تون علـّۓ. ونها
لحد الموت مافلت حزنها
فكد الغالي هد حته متنها
كلبها انثلم ياهالناس ثلمه
►┄❈❖🌹❖❈┄◄
#تمت
بقلم 🖊
✍الشاعره حسينية الهوى
زهراء الحربي
،،،،،،،ونسالكم الدعاء

غير مبري الذمه م̷ـــِْن يحذف اسمي م̷ـــِْن جمبع قصائدي❌


https://t.me/ECYULhLFeQ2NTYy