رثاء الاطهار للشاعرة والملا رغد البهادلي

@ragadalbhadley

قناة خاصة بنشر القصائد الحسينية والفواتح
للشاعرة ✍️ والملا🎤 رغد البهادلي
#ملاحظة اخواني الرواديد اذا متگدرون تذكرون اسم الشاعرة اقرأوها بأسم #(حسام البهادلي) وأحرم من يتلاعب بالاسماء

لاتغادرون من القناة فدوة🥺 انشرو الرابط خلي الرواديد والملايات يشتركو

رثاء الاطهار للشاعرة والملا رغد البهادلي (Arabic)

إذا كنت من محبي الشعر الحسيني والفواتح، فلا بد أن تنضم إلى قناة "رثاء الاطهار للشاعرة والملا رغد البهادلي" على تطبيق تيليجرام. هذه القناة تهتم بنشر قصائد الشاعرة والملا رغد البهادلي، وتحتوي على مجموعة من الأعمال الرائعة التي تستحق الاستماع والقراءة. تحتوي القناة على محتوى متنوع ومميز في عالم الشعر الحسيني، وتعتبر وجهة مثالية لكل عشاق هذا النوع من الشعر. انضم الآن وشارك الرابط مع أصدقائك لتعم الفائدة ويستمتع الجميع بقصائد رغد البهادلي والمزيد من الإبداعات الشعرية الرائعة.

رثاء الاطهار للشاعرة والملا رغد البهادلي

22 Nov, 04:44

انتي ملايه تعالي اوياي اخذج لقناة بكل حرف دمعة وحزن وشجن
قلم جنوبي راقي تألقت به الشاعرة المبدعه زينب المالكي ام آدم الزهرائيه

الأشتراك من هنا

👇🏻👇🏻👇🏻👇🏻👇🏻

https://t.me/amadamalmalke2

https://t.me/amadamalmalke2

رثاء الاطهار للشاعرة والملا رغد البهادلي

02 Nov, 17:00

قصيده لفاطمة الزهراء ع
طور (واسوها اوسوها ) للملا قحطان الابديري
.....................

شالوها شالوها
الزهره شالوها
ام الحسن بليل
راحو يدفنوها

متنگب عليها حيدر ابليل
شالاها و مشه و مهدم الحيل
دمعته امغورگه ما ناشفه اتسيل
و تبجي اوياه ياويلي المداليل

تبجي ايتامها و اتصيح يمه
و زينب تلطم و هضمتها هضمه
و ذاك حسين عينه شلون تهمه
وصاح الحسن يمه الدنيا ضلمه

حگه الفاگد امه يهمل العين
شحال الحسن واخته ويبجي الحسين
وحيدر صاح ويلي يامسلمين
بعد من هالورد ماحصل منين

يازهرة حياتي و سلوة الروح
يم حسين حگ ابهل مسه انوح
دمع العين ضل اعليج مسفوح
كلشي صار وحشه وكلشي مجروح

وحشه الدنيا من رحتي يزهره
و كسر افراگج اني ابيش اجبره
هم يرجع زماني و هم انطره
صدك فلت بعد خلصت العشره

حلوه عشرتي وياج حلوه
فارگنه الزمن ياحيف گوه
وهايه روحتج يم حسن بلوه
خذت حيلي و بعد بيش اني اگوه

-------------------------------------------------------
*تمت بأقلام خادمات اهل البيت ع*
*✍ آلــشــاعرة 🎤 والملا رغــد البهادلي*
✍آلــشــاعرة رغــد ام وسام الفرطوسية*
ذمة عدم حذف الاسم وغير مبرئ الذمة كل من ياخذ من الكلام وينسبه له
https://t.me/Omwiessam

4,121

رثاء الاطهار للشاعرة والملا رغد البهادلي

02 Nov, 17:00

💔هوسات فزاعيه لفاطمة الزهراء ع💔
.....................

ابليل شيعوها يا حيف الزجيه

لالا تلچومها ابهيده اويا النعش

الكسر ياذيها اخافن بالجنازه

بويه خليها خلي انودع امنه

اتبات ويانه تخليها يبويه

كون هالليله اموتن ويا امي

خلي اشمنها هاي امي الحنينه

شيلني اوياها يالشلت ابنعشها

حسين حاجيها بلكي امي تگوم

حيل ونينه على امصابج ييمه

سكتي ايتامج يالرحتي ابعجاله

ليش عفتينه بعدنه اصغار يمه

يلي هجرتينه بعدنه ابعازتج

وكت الاغروبيه شيحمل فرگتج

بكلشي اسومنها كون اترد عليه

-------------------------------------------------------
*تمت بأقلام خادمات اهل البيت ع*
*✍ آلــشــاعرة 🎤 والملا رغــد البهادلي*
✍آلــشــاعرة رغــد ام وسام الفرطوسية*
ذمة عدم حذف الاسم وغير مبرئ الذمة كل من ياخذ من الكلام وينسبه له
https://t.me/Omwiessam

2,468

رثاء الاطهار للشاعرة والملا رغد البهادلي

02 Nov, 17:00

بــسمِ أُلَلَﮭ أُلَــرٌحٌمِنً أُلـرحٌيْمِ
آللھہم َ صـل ۤ؏ـلى مـُحــمـدٍ وًآل مـُحــمـدٍ وَ ؏ـَجــل فــرجھہـم آلشِــريِہفہٰٰ يــآآللھہ🤲
🌺 قصيده لفاطمة الزهراء ع 🌺
على طور ( ما يحاجيها ) للرادود حيدر البياتي
-------------------------------------------------------

ما تحاجيني
ييمه من ندهتج ما تحاجيني

گعدت اگبالها امي و تهمل العين
صحت يالحسن خويه وخويه يحسين
فتحولي الجفن و انگعد امنه
شلون اتنام هاي ام گلب الاحنين
خلي احاجيها
بلكت تستمعلي خلي احاجيها

شلون اتنام هاي ام المحنيه
و ما گالت اضل اني بمهضميه
شلون اتروح منه ويلي شلون
بعدنه اصغار ما نحمل افراگيه
كون وياها
انموت احنه سويه كون وياها

شلون ايعيش هذا اللي تموت امه
الدنيا ابدونها يا ناس چن ضلمه
و بيت الحملت يوحشنه الاغروب
و تضل اعيونه بفرگتها بس تهمه
يعمن اعيوني
على افراگج ييمه يعمن اعيوني

تعمه العين و اتفارگ نواضرها
و اللي راحت امها شنو ايصبرها
گتلها ييمه امشي وياج
ترا روحي تضل مكسور خاطرها
حيل تاذينه
فرگتج يالحنينه حيل تاذينه

-------------------------------------------------------
*بقلم ✍آلــشــا؏ـرة وآلمـلا 🎤 رغــد آلـبــھہادليِہ*
ذمة عدم حذف الاسم وغير مبرئ الذمة كل من ياخذ من الكلام وينسبه له
https://t.me/Ragadalbhadley

1,953

رثاء الاطهار للشاعرة والملا رغد البهادلي

02 Nov, 16:47

قصيده فزاعيه سريعه لفاطمة الزهراء ع
-------------------------------------------

الزهره مالومه و تون
كسر الضلع ماذيها

الزهره تبجي امالمه
الصدر ضل ينزف دمه
وينك يحماي الحمه
بيدينك اتداويها

ياعلي شوف الطاهره
اتلوج تبجي امحيره
و الضلع شنهو اليجبره
وهيه شينو ايهديها

ما تهده موجعه ام حسن
و المنوجع ندري يون
جا ليش هيه ابهل حزن
اجروحها تخفيها

عميه عليها اعيوني
الليله ادگ خلوني
و لم الحسن عينوني
و اللي تجي اتجازيها

للطاهره خلي ندگ
و الگلب ليها محترگ
هيه النفس للمختنگ
بس جربي و انخيها

ما ترد للينخاها
كلنه المسه اندبناها
و يوم الحشر نلگاها
و هنيالج اتشوفيها

-------------------------------------------------------
*تمت بأقلام خادمات اهل البيت ع*
*✍ آلــشــاعرة 🎤 والملا رغــد البهادلي*
✍آلــشــاعرة رغــد ام وسام الفرطوسية*
ذمة عدم حذف الاسم وغير مبرئ الذمة كل من ياخذ من الكلام وينسبه له
https://t.me/Omwiessam

1,676

رثاء الاطهار للشاعرة والملا رغد البهادلي

02 Nov, 16:39

قصيده مربعه لفاطمة الزهراء ع
.....................

يشيال النعش خلي امي شويه
اريد اشبع اموادع منها الامسيه

يشيال النعش ارجوك تسمعني
خلي الوالده الليله تضل يمي
اشمنها و احطها هالمسه ابحضني
و احاجيها عسنها تنتبه ليه

اريد احجي اوياها و ارد اگللها
بتج من مشيتي جا منو الها
ترا الفرگه ثگيله و حيل تكتلها
ما فكرتي يم حسين جا بيه

ما گلتي اضلن بعدج ابهومه
و گلبي اخلاف عينج تكثر اهمومه
اضل انعاج يمه و حيل مهضومه
عفتيني صغيره وعيني مجريه

تعمه اعليج يمه العين لو رحتي
ابداعة عشرتي وياج بس ردي
اموت اوياج يم حسين انه ودي
اضل شلون و امي يمي ماهيه

صغيرونه و فرگتج حيل تاذيني
احجي اوياي يمه و سمعي اونيني
لا تمشين انه ارجوج حاجيني
فتحيلي الچفن بس ردي اعليه

صحت بويه چفنها فتحه بس ساعه
اريد اشتم عطرها و يصعب اوداعه
عنه حملت و الروح مرتاعه
فلت عشرتي اويا امي الحوريه

-------------------------------------------------------
*تمت بأقلام خادمات اهل البيت ع*
*✍ آلــشــاعرة 🎤 والملا رغــد البهادلي*
✍آلــشــاعرة رغــد ام وسام الفرطوسية*
ذمة عدم حذف الاسم وغير مبرئ الذمة كل من ياخذ من الكلام وينسبه له
https://t.me/Omwiessam

1,661

رثاء الاطهار للشاعرة والملا رغد البهادلي

02 Nov, 16:28

بــسمِ أُلَلَﮭ أُلَــرٌحٌمِنً أُلـرحٌيْمِ
آللھہم َ صـل ۤ؏ـلى مـُحــمـدٍ وًآل مـُحــمـدٍ وَ ؏ـَجــل فــرجھہـم آلشِــريِہفہٰٰ يــآآللھہ🤲
🌺 قصيده فزاعيه لفاطمة الزهراء ع 🌺
-------------------------------------------------------

اليوم اخسفك ياصدر
عالحملت مضلومه

اليوم اكسرلي ضلع
عالحملت تجري الدمع
و ال( اه ) منها تنسمع
من كثر ما ملچومه

عالحملت مقهوره
و اعيونها مسطوره
و اضلوعها مكسوره
و ضلت تون مالومه

شالت و ما طاب الكسر
من العده شبعت قهر
و الليل يخلص بس سهر
و تالي مشت مهضومه

يا هضم گلبج يم حسن
اليوم ادگ لجلج و اون
و بالگلب مولاتي الحزن
و ادموعنه مسجومه

كل عام مولاتي الج
ننصب عزيه و مأتمج
و هناك كلنه نطلبج
اتحضرينه يا مضلومه

-------------------------------------------------------
*بقلم ✍آلــشــا؏ـرة وآلمـلا 🎤 رغــد آلـبــھہادليِہ*
ذمة عدم حذف الاسم وغير مبرئ الذمة كل من ياخذ من الكلام وينسبه له
https://t.me/Ragadalbhadley

2,174

رثاء الاطهار للشاعرة والملا رغد البهادلي

02 Nov, 16:27

بــسمِ أُلَلَﮭ أُلَــرٌحٌمِنً أُلـرحٌيْمِ
آللھہم َ صـل ۤ؏ـلى مـُحــمـدٍ وًآل مـُحــمـدٍ وَ ؏ـَجــل فــرجھہـم آلشِــريِہفہٰٰ يــآآللھہ🤲
🌺 قصيده فزاعيات حماسيه لفاطمة الزهراء ع 🌺
-------------------------------------------------------

هدم افادي
يومج يالزجيه هدم افادي

يومج يالحنينه صعب منحمله
و هايه روحتج كتلتني مو سهله
ردي اوياي ابنج جا شنو انگله
يوجه العافيه يالخلتج خله
زينب اتريدج
جا شنو اگلها زينب اتريدج

عفتي اصغارج و عفتيني يازهره
العيشه اخلاف وجهج يم حسن مره
راح الحيل مني و روحي منكسره
و المكسور كون احبابه اتجبره
حيل تاذيني
فرگتج يالحبيبه حيل تاذيني

يم البيت و يا ام المحنيه
رحتي امصوبه ويلاه محنيه
اشبيدي اعليج يالرحتي من ايديه
الله اوياج و الليله الوداعيه
كون بگليبي
ادفنج يالزجيه كون بگليبي

كون ابگلبي ادفنج يا بعد حيلي
يا زهرة حياتي و نجمتي و ليلي
عليج انحب و اصيحن اه واويلي
مهضومه مشيتي و صبتي ادليلي
كون بمجانج
اموت اني يزهره كون بمجانج

-------------------------------------------------------
*بقلم ✍آلــشــا؏ـرة وآلمـلا 🎤 رغــد آلـبــھہادليِہ*
ذمة عدم حذف الاسم وغير مبرئ الذمة كل من ياخذ من الكلام وينسبه له
https://t.me/Ragadalbhadley

3,425

رثاء الاطهار للشاعرة والملا رغد البهادلي

15 Oct, 21:42

قصيده مربعه لفاطمة الزهراء ع
-------------------------------------------

شيال النعش بهداي عالبضعه
لا تلجم صدرها منكسر ضلعه

شيال النعش بهداي ويه امي
تانيني اريد احجيلها همي
عافتني و بعد بس البجي سهمي
خل تكعد تنشف مني الدمعه

خلي اتكوم اريد اسمع حجاياها
بعدني ابعوزها مكدر بلياها
يا شيالها وديني وياها
كون بصفها انام و ما الي رجعه

كون ابصفها اتوسد على الغبره
هاي ام المحنه فاطمه الزهره
مكسوره مشت عافتلي الحسره
اصغيرونه و عليها انحب و انعه

ابهيده ويه الزچيه من تنزلها
اذاها الضلع و المرض نحلها
عزيزه الوالده والروح فدوه الها
روحي ويه النعش طلعن فرد طلعه

كون اتوسد وياها ابفرد تربه
شلي بدنيتي چن عايشه ابغربه
البت ابلايه ام بحضانمن تربه
مشت عني ام هلا وحالي صعب وضعه

مشت عني الاحبيبه و بالهظم ضليت
و ضل يوحش نزلنه بعد ام البيت
رحت الشيلت امي و بيها انه شميت
صبح اظلم نزلنه و طافيه الشمعه

-------------------------------------------------------
*تمت بأقلام خادمات اهل البيت ع*
*✍ آلــشــاعرة 🎤 والملا رغــد البهادلي*
*✍ آلــشــاعرة 🎤 والملا ام بهاء الكربلائيه*
ذمة عدم حذف الاسم وغير مبرئ الذمة كل من ياخذ من الكلام وينسبه له
https://t.me/Omwiessam

5,581

رثاء الاطهار للشاعرة والملا رغد البهادلي

08 Oct, 08:11

قصيده فزاعيه مع هوسه لفاطمة الزهراء ع
-------------------------------------------

ايعينها الله الفارگتها الغاليه
تبقه دمعتها عليها جاريه

ايعينها الله اليوم كلمن فاگده
اخلاف الاحبيبه گلبها شيسعده
راحت الطيبه الحنونه الوالده
( بلياها .. ما تحله الگعده )

ما ترهم الگعده اخلاف عيناها
راحت و المحنه راحت اوياها
بعد للدار ما نهوه بناياها
( حزنانه .. الدار اخلافج )

حزنان النزل من مشت راعيته
بتج و الولد عدمن امخليته
ما ضلي دمع بجفاج هليته
( عاميني .. يايمه افراگج )

يعمي العين يمه افراگج شصعبه
و اليفگد اميمه ينهضم گلبه
شماله البين ياخذ كلمن انحبه
( ماذينه .. البين ابفگدج )

اه يفراگها امنه حيل دولبنه
صحت بصوت وينج يم الامحنه
بعد شوفة اعيونج بالنزل ردنه
( رديله .. ضل خالي المنزل )

ضلت شيلتج بالدار يا يمه
اشم بيها و اصيح و دمعتي تهمه
رديلي تراها عيشتي ضلمه
( مهضومه .. من دونج يمه )

-------------------------------------------------------
*تمت بأقلام خادمات اهل البيت ع*
*✍ آلــشــاعرة 🎤 والملا رغــد البهادلي*
✍آلــشــاعرة رغــد ام وسام الفرطوسية*
ذمة عدم حذف الاسم وغير مبرئ الذمة كل من ياخذ من الكلام وينسبه له
https://t.me/Omwiessam

4,964

رثاء الاطهار للشاعرة والملا رغد البهادلي

08 Oct, 07:30

قصيده فزاعيات حماسيه لفاطمة الزهراء ع
.....................

حسين هالليله
طر ثوبه على امه حسين هالليله

طر ثوبه و ينادي ااه يا يمه
روحي اعليج اه يالوالده امعلمه
لا ترحين عيني من البجي تعمه
ترضيها اضلن عايش ابضلمه
شلون من دونج
اضلن يالزجيه شلون من دونج

اضل اشلون لو ترحين من عندي
ما گلتي بعد جا منهو الولدي
جرح افراگ وجهج بالگلب يدي
گومي اوياي احلفج بالنبي جدي
ما ترهم اخلافج
ييمه گعدّتي ما ترهن اخلافج

ما ترهم ييمه الگعده من دونج
يحبيبه اگعدي و فتحي اعيونج
اسوم الروح والله لو يسومونج
شلي بعيشتي و راحو يدفنونج
انروح دفانه
اني و كل اخوتي انروح دفانه

صعبه اللي يروح و امه يدفنها
كون ابدالها روحه يجّفنها
اخلاف الوالده العيشه شلي منها
اليوم حسين صاح امي اريدنها
بالبيت مريوده
شمعه الوالده بالبيت مريوده

شمعه الوالده و بالبيت محلاها
مثل شجرة محنه و كلنه جواها
امنه شكد عطوفه و ضيعيناها
ما نلگه مثلها الحلو طرواها
و ضيعيناها
يا حيف الزجيه ضيعيناها

ضيعنه الحنينه و هاي مو سهله
البيت ابلايه ام جا منهو يدخله
توحشنه الثنايه و خلتج خله
يمه افراگ شخصج ابد منحمله
و حيل ياذينه
افراگج هدمانه و حيل ماذينه

-------------------------------------------------------
*تمت بأقلام خادمات اهل البيت ع*
*✍ آلــشــاعرة 🎤 والملا رغــد البهادلي*
✍آلــشــاعرة رغــد ام وسام الفرطوسية*
ذمة عدم حذف الاسم وغير مبرئ الذمة كل من ياخذ من الكلام وينسبه له
https://t.me/Omwiessam

3,618

رثاء الاطهار للشاعرة والملا رغد البهادلي

08 Oct, 05:27

قصيدة مربعه لفاطمة الزهراء ع
.....................

تلوج اگبالي امي مدري شبيها
گوه اترد عليه من احاجيها

تلوج اگبالي امي و تهل عيناها
و مخنوگة نفس من احجي وياها
مدري شبي صدرها و هيج اذاها
و طول الليل حيرانه شيسليها

گولي شيوجعج يا نسمة اعذيبي
منين ادواج اجيبه و كونج اتطيبي
ضل دمعي اويا دمعج يمه اسچيبي
احس ابلچمتج و العين اجريها

تهل وياج عيني و شنهو الحيله
صغيرونه تراني و انتي انحيله
حالج حيل اذه گليبي هالليله
و عينج عني يمه ليش تخفيها

شبيها اعيونج و عني تضميها
حاجيني ييمه و روحي ارحميها
لتلوجين و الحسره تجريها
اويلي اعليها امي حيل ما بيها

الوجع يندار بيه يمه يا ريته
كون بصدري كسرج اني خليته
الليل اوياج كله گوه سهريته
و اگل للروح هاي امي و اباريها

طول الليل اون وياج يا وسفه
ما اگدر انام و عيني ما تغفه
كلساع و اگولن بلكي لو تشفه
بيها شلون امي و وين اوديها

-------------------------------------------------------
*تمت بأقلام خادمات اهل البيت ع*
*✍ آلــشــاعرة 🎤 والملا رغــد البهادلي*
✍آلــشــاعرة رغــد ام وسام الفرطوسية*
ذمة عدم حذف الاسم وغير مبرئ الذمة كل من ياخذ من الكلام وينسبه له
https://t.me/Omwiessam

3,316

رثاء الاطهار للشاعرة والملا رغد البهادلي

01 Sep, 16:13

بــسمِ أُلَلَﮭ أُلَــرٌحٌمِنً أُلـرحٌيْمِ
آللھہم َ صـل ۤ؏ـلى مـُحــمـدٍ وًآل مـُحــمـدٍ وَ ؏ـَجــل فــرجھہـم آلشِــريِہفہٰٰ يــآآللھہ🤲
🌺 قصيده فزاعيات حماسيه للرسول ص 🌺
-------------------------------------------------------

و شال هيبتها
تون ام الحسين    و شال هيبتها

تون ام الحسين اليوم للهيبه
شال ابعيد عنها و بعد شيجيبه
و يا نار الابو بكليبها لهيبه
صاحت يا خلك هاي اعضم امصيبه
يصعب اغيابه
نبيكم راح عنكم      يصعب اغيابه

فكده شكد كلف ياوادم اعلينه
راح البي محنه و ما يرد لينه
يشيال النعش خله يحاجينه
اريد الطم و اگله شلون جا بينه
عدمن امخليني
ايهضومني ترا     عدمن امخليني

من باجر ترا بويه يهضموني
و اني اخلافك ايتيمه يسموني
حاجيني يبويه و يا ضوه اعيوني
بعدني ابعازتك بعدك يأذوني
باجر يفجعوني
لو ترحل ترا        باجر ايفجعوني

يبويه ادخيل ارحم حالتي وارجع
اني الزهره بتك تقبل اتوجع
صح امر الله لاجن يالولي اسمع
انه اخلافك اعيوني دم ترا تدمع
راعي المحنيه
وين الگه بعد      راعي المحنيه

من راعي المحنه نطلب الليله
و كلنه ابصوت واحد كلنه نشكيله
يبو الزهره نريدك همنه اتشيله
و نضره انريد كلمن روحه اعليله
كون هالليله
نريد امرد منك     كون هالليله

-------------------------------------------------------
*بقلم ✍آلــشــا؏ـرة وآلمـلا 🎤 رغــد آلـبــھہادليِہ*
ذمة عدم حذف الاسم وغير مبرئ الذمة كل من ياخذ من الكلام وينسبه له
https://t.me/Ragadalbhadley

11,990

رثاء الاطهار للشاعرة والملا رغد البهادلي

31 Aug, 20:30

قصيده فزاعيه للنبي ص
-------------------------------------------------------

ايعينها الله الفاگده واليها
تبجي الزهره النبي امخليها

ايعينها الله ام الحسن هالليله
راح هيبتها و دمعها اتسيله
اتصيح يا فرگاك منهو ايشيله
و الادموع ادموم بس تجريها

تجري مدمعها دمه لجل الحبيب
اليوم ام حسين عاليها النحيب
اتصيح يا فرگاك مو هين صعيب
بنتك اخلافك تضل تاليها

بنتك اخلافك تضل امعذبه
و باجر اضوعي تصير امصوبه
تبقه دمعاتي اعله فگدك ساچبه
و روحي من فرگاك شيهديها

روحي ما تهده يبويه يالرسول
شلون اضن بالهضم واني البتول
ابد ما بيه اعله فگدك بس اجول
و ااخ يا عازاتك اني احجيها

ايعين كل بنيه ابوها الفارگت
اني روحي اعليك بويه فرفحت
هايمه و روحي يبويه ما هدمت
و راح يا روحي الذي امربيها

-------------------------------------------------------
*بقلم ✍آلــشــا؏ـرة رغــد ام وسام*
ذمة عدم حذف الاسم وغير مبرئ الذمة كل من ياخذ من الكلام وينسبه له
https://t.me/Omwiessam

7,215

رثاء الاطهار للشاعرة والملا رغد البهادلي

30 Aug, 13:30

قصيدة فلة و فزاعية للنبي محمد ص
-------------------------------------------------------

بوية يل نبي المختار
لاترحل وتهجرني

بوية يابعد عيني
فراگك حيل ياذيني
ردلي ولا تاذيني
ترا بفرگاك تكسرني

اضل مكسورة يلوالي
وبعدك بلهضم حالي
والونات تحلالي
تدري البعد يهضمني

اضل يابوي مهضومة
ومن شوفتك محرومة
بوية اعليك مهدومة
واعداكم تمرمرني

اضل امرمرة بلحال
ونار البعد بلدلال
مو هينة ولا تنگال
يا بوية تيتمني

يتيمة ومارعوني الگوم
وانعاك بگلب ملجوم
بعدك يلولي مهضوم
ومحد بوية يرحمني

ونن للنبي الهادي
الزهرة تنوح واتنادي
افراگه خامش افادي
يحبيبات عازني

عزن هل مسة الزهرة
ضلت تجذب العبرة
اويلي شلون منكسرة
وما بطل عليه وني

-------------------------------------------------------
*بقلم ✍آلــشــا؏ـرة رغــد ام وسام*
ذمة عدم حذف الاسم وغير مبرئ الذمة كل من ياخذ من الكلام وينسبه له
https://t.me/Omwiessam

7,293

رثاء الاطهار للشاعرة والملا رغد البهادلي

30 Aug, 13:30

قصيدة مربعة و فزاعية للنبي محمد ص حال ابنته الزهراء ع
-------------------------------------------------------

الشايل عنها ابوها حالها اشلونه
اليوم ام الحسن عالنبي محزونة

الشايل عنها ابوها شلون حالتها
مكسورة الخاطر   راح   هيبتها
ابألم فقدانه توجع حيل ونتها
مهضومة تضل لو غمض اعيونة

مهضومة الابنية الشال واليها
امشنة للزجية و خل نواسيها
ننحب عالنبي و نسمع نواعيها
تگله خايفة اخلافك يهضمونة

امگابل لطمت المختار اعدلنها
الزهرة امحزمة الليلة دعزنها
يستاهل ابوها اليوم اسمعنها
عونه اللي يدگ وايهلن اعيونة

وين الفاگدة وياها خل تحظر
تلطم عالحنين و حالها يقهر
اليوم ام الحسن دلالها اموجر
ابو ملگة الحلو وسفة يدفنونة

شال البي محنة و تگعد ابسده
حگها الزاجية تنحب على فگده
يرحل ليش عنه   كلمن انوده
و تضل بگلوبنة نيرانه جانونة

نيران   العزيز   شكثر   سعرية
اليوم امحزمة و تلطم الحورية
رايح منها ابوها و ما اله جية
و نعشه اگبالها ويلي يشيلونه

-------------------------------------------------------
*بقلم ✍آلــشــا؏ـرة رغــد ام وسام*
ذمة عدم حذف الاسم وغير مبرئ الذمة كل من ياخذ من الكلام وينسبه له
https://t.me/Omwiessam

5,420

رثاء الاطهار للشاعرة والملا رغد البهادلي

30 Aug, 13:30

قصيدة فزاعية جنوبية مع هوسة للنبي ص
.....................

*نعي قبل القصيدة*
😭
الليلة ام الحسن مهضومة و اتنادي
صدك فلت يبويه اوياك يالهادي
هذا افراگ موت و يمرد افادي

......

اليوم حد افراگنة و طش الضعون
شال ابوي المصطفى و بچة العيون

اليوم حد افراگنة و خلصت بعد
فلت العشره يبويه و ما ترد
و گلبي من شالوك يا حيد انمرد
( يعميني .. يفراگك بويه )

ذبّل اعيوني السهر ويا البچي
الراح ابوها شلون بعده تنتچي
وحشة بعده الدار صعبه مو حچي
( شينساها .. ايامك گلي )

شينسة ايامنة و الگعد يمعدل
يبوابراهيم تدري لو رحت انذل
عليك النوح اجيمه والدمع يهمل
( ايبجيني .. بُعدك كل يوم )

تدري الروح لو حنت ايا يابه
تذوب لفرگتك و اتنوح مرتابه
اجي يم الگبر وانحب على اترابه
( و حاجيني .. يا بويه اگعدلي )

اصيح اگعد يبويه الروح هضموها
و بتك يبو الزهرة شلون روعوها
طاح المحسن و ظلعيني كسروها
( سطروني .. من اندب بسمك )

سطروني يبويه و حيل هضموني
حرگو باب بيتي و ببني فجعوني
ليش الناس عگبك هيج اذوني
( كسروني .. من بعد افراگك )

-------------------------------------------------------
*تمت بأقلام خادمات اهل البيت ع*
*✍ آلــشــاعرة 🎤 والملا رغــد البهادلي*
✍آلــشــاعرة رغــد ام وسام الفرطوسية*
ذمة عدم حذف الاسم وغير مبرئ الذمة كل من ياخذ من الكلام وينسبه له
https://t.me/Omwiessam

3,947

رثاء الاطهار للشاعرة والملا رغد البهادلي

30 Aug, 13:23

قصيده فزاعيه مع هوسه للنبي ص
-------------------------------------------------------

اليون الزجيه عالي ونها
شال النبي يا حيف منها
كلجن حبايب ساعدنها

اليوم ام الحسن گومن انساعدها
شايل يا حسافه و راح والدها

اليوم ام الحسن گومن نعازيها
راح الدللاها و ينشد اعليها
نشد احزامنه كلنه اعله واليها
( وياها .. نتكابل كلنه )

امگابل لطمة المختار عالهامه
وين اويا الزجيه تجي لطامه
راح اعزيزها و اعليه محتامه
( يا يابه .. و اتصيح الزهره )

يا يابه تصيح و حيل مهضومه
اتگول ادليلي منهو اليشرك اهمومه
يوجع يالنبي وسط الكلب يومه
( ماردناه .. افراگك بويه )

ما ريد الافراگ و حيل ياذيني
يبويه ارجع عليه يابعد عيني
بعدني ابعازتك بس لا تجافيني
( مانهواه .. فگدك يكلف )

كلف يومك يبو ابراهم بجانه
حزنانه عليك الروح حزنانه
شيال النعش من راح هضمانه
( ما رداه .. الشايل نعشك )

-------------------------------------------------------
*بقلم ✍آلــشــا؏ـرة رغــد ام وسام*
ذمة عدم حذف الاسم وغير مبرئ الذمة كل من ياخذ من الكلام وينسبه له
https://t.me/Omwiessam

3,580

رثاء الاطهار للشاعرة والملا رغد البهادلي

30 Aug, 13:23

قصيده فزاعيه سريعه للنبي ص
-------------------------------------------------------

شال النبي من منزله
و ام الحسن مهضومه

شال النبي من داره
و ام الحسن محتاره
و اتصيح تلهب ناره
و هالصبحت مهدومه

مهضومه لجله صبحت
و اتصيح يابويه و بجت
و شافت ادياره و فرفحت
و امعلگات اهدومه

حگها الزجيه ام الحسن
شال النبي و لجله تون
و هاليوم كاتلها الحزن
و اتگول يكلف يومه

يومك يبويه اشيحمله
اليوم الزجيه اموجله
و العين تجري هامله
بدموعها مسجومه

سجام دمع ابنيته
و اتصيح توجع فرگته
هاليوم تبجي رادته
و اتگول كون انسومه

بالروح اشري لو يرد
يوجعني شيحمله الفگد
يابعد روحي و الضمد
خليتني مالومه

-------------------------------------------------------
*بقلم ✍آلــشــا؏ـرة رغــد ام وسام*
ذمة عدم حذف الاسم وغير مبرئ الذمة كل من ياخذ من الكلام وينسبه له
https://t.me/Omwiessam

7,533

رثاء الاطهار للشاعرة والملا رغد البهادلي

30 Aug, 13:23

نعي للنبي ص
-------------------------------------------------------

من راح
اخذ حيلي الحنين ابساع من راح
و احس چن نار بالدلال من راح
و صحت عالشال نعشه ترد من راح
ريض خل اگله شلون بيه

ريض بالنعش خايب يجناز
هذا الحنين و ليه نعتاز
افراگه ترا للگلب بزاز

ما نحمل افراگه ترانه
و انوح كل احنه حزانه
محله گعدته والله اويانه

شيال نعشه رده لينه
هذا الحسن بس تجري عينه
و حسين ينشد جدي وينه

راعي المحنه و المروه
يالعشرته ما منها حلوه
ردته اليه دوم تچوه

يا تجايه ابنيتك يوالي
و معتازتك يا سور عالي
لو رحت يخرب كل دلالي

يمدللني و امدلل الاولاد
بعدني ابعازتك يازين الاجواد
بويه ابروحتك مصيوب الافاد

مصيوب بويه ضل دلالي
و اخلاف عينك باد حيلي
و اكول لعيني دمعج دوم سيلي

يمنشف الدمعات ارجع
ترضاها تضل اعيوني تدمع
بويه الگلب لجلك تصدع

بويه تصدع راس گلبي
و العين للبيبان تربي
و ادعي تجيني بلكي ربي

ياربي خل يرجع عليه
معتازته و شلون بيه
على افراگه مالي قابليه

ثاري الابو ياناس مريود
شمحلات اطب للبيت موجود
هيبه يبويه راعي الزود

يا هيبتي و هيبة اولادي
عني رحت يالنبي الهادي
و ابروحتك مردو افادي

مصيوب لمن راح گلبي😭💔

-------------------------------------------------------
*بقلم ✍آلــشــا؏ـرة رغــد ام وسام*
ذمة عدم حذف الاسم وغير مبرئ الذمة كل من ياخذ من الكلام وينسبه له
https://t.me/Omwiessam

3,634