مجالس عاشورائية/خطباء المنبر الحسيني

اضغط على الرابط التالي

مجالس رحيل السيدة زينب عليها السلام

اضغط على الرابط التالي

مجالس شهادة الإمام الهادي عليه السلام

اضغط على الرابط التالي

مجالس للشهداء (رض)

اضغط على الرابط التالي

مجالس رحيل أم البنين عليها السلام

▪️▪️▪️◾
مجالس السيدة الزهراء عليها السلام
اضغط على الهاشتاغ التالي

#الليالي_الفاطمية

او على الرابط التالي
https://t.me/majalesmanbar/1503

◾◾◾◾

مجالس شهادة الإمام الحسن العسكري (ع)

#الحسن_العسكري

▪️▪️▪️▪️

مجالس شهادة الرسول الاكرم (ص)


#الرسول_الاكرم

مجالس عاشورائية/خطباء المنبر الحسيني pinned «مجالس الأربعين #الاربعين ◾️ مجلس الاربعين - لقاء الامام زين العابدين ع بجابر الانصاري [١٤٤١ه] ◾️ مجلس الاربعين - وقوف النساء على قبور الاحبة (٢) [١٤٤١ه] ◾️ مجلس الاربعين ١٤٤١ه لقاء الامام زين العابدين ع بجابر الانصاري(مجلس اخر) ◾️مجلس للاربعين الوقوف…»

🔴 *خطباء المنبر الحسيني*
🔴 *مجلس الأربعين+الرجوع الى المدينة-١٤٤٦ه‍ـ* (٢)
➖➖➖➖➖➖➖
◾المقدمة
◾القصيدة


بِفَيضِ الدُّموعِ وقَلبٍ حزين
أيا مُقلتي فارقُبي الأربَعين

فهٰذي العقيلةُ للطّفِّ عادَت
ورَكبٌ بهِ سيِّدُ السّاجدين

لِجابِرَ يَشكو رزايا الطُّفوف
بِحُزنٍ كوَتهُ جِمارُ الأنين

هُنا هُشِّمَت مِن حُسينَ الضُّلوع
وعبّاسُ أمسى قطيعَ اليدَين

أجابرُ قد ذبِحَت ذي النُّحور
لها إِذ همَت أَدمُعُ الخافِقَين

جُسومُ الكرامِ بِتُربِ العَراء
ثلاثًا غدَت؛ أدمَتِ المُقلتَين

ومِنها الرُّؤوسُ بأَعلى الرِّماح
تُقادُ أمامَ رُؤى النّاظرين

إلى الشّامِ تُسبى بَناتُ الهَواشِم
حفيداتُ ذا سيِّدِ المُرسَلين

وقَيدُ الأسى في اليَدينِ يَئِنُّ
أتَدري بِحالِ حبيبي الحُسين!

إذا ما العقيلةُ في المَتنِ تُضرَب
فتَهتَزُّ للصَّوتِ أَركانُ دين

أَجابِرُ ماتَت رُقيّةُ حُزنًا
فلَهفي لِرُزءِ صِغارِ السِّنين

لها كوثَرٌ في رياضِ الجِنان
لتُروى طهورًا وعذبَ المَعين

أجابِرُ مِنّي المَآقي تفيض
جَوًى، فالفُؤادُ كواهُ الحَنين

(زينب الموسوي)


 
رديت إلك خويه تراني
مسبيه ومغيّره الواني
دهري هظمني و عذباني

آني العقيله وجيتك بهم
للطفوف ودموعي من دم
قوم انظر لمتني تورم

شحكي  واعدّد لك مصايب
طحنا بعِبينا اعله الترايب
ونمنا بغصب خويه بخرايب

*# وكأني بها جلست عند القبر الشريف ، تشتمّ التراب وتنادي وا أخاااه ... وا حسيناااه ، تقله مهمومه ، تعبانه ، مشتاااقة خويه بوعلي* :

جايه وتعبانه من طول الدرب
حيل مهضومه ومدامعها تصب
راجعه وبظعونهه تحدي الغرب
وينه لينشف دمع عيناها



جايه امن الشام يوم الاربعين
تنادي دلوني عله گبر الحسين
يعينها الله زينب ام گلب الحنين
تفارگ حسين الوكت خلّاها


(أم محمد الحجاج)

# حضريني_يالزهرة
#طور_لمن_حدا_الحادي

خويه إلك رديت     مهمومه تعبانه
لو تنظر لحالي        مشتاقه ولهانه

قوم انفض اترابك   رديت إلك تَوى
جِيتك ينور العين   حنيّت إلى الخوه  

وين الهله خويه      قوم وتلقانه
جينا ومدامعنا       تروي ممشانه
  
إعذريني راح احكي    عالناقه خلوني
من كربله للشام          كم مرة بكّوني

*(يعني لمّن يسألوها بشماته وين اخوك الحسين ووين العباس)*

بقد حزني مشتاقة     أشتمن اترابك
واتمدّد بجنبك           وانعيلك احبابك

*#يا أحباب مولاتي يا زينب !!! وكأني بكل إمراة صارت تسأل عن قبر عزيزها ، عن قبر حبيبها ، عن قبر ولدها ، الشاعر يصور رمله تجلس عند قبر القاسم* :

💔يا يمه يا يمه
شلونك يبعد امك شلونك
بعدك حلو لو خرّب لونك


يبني أرد افكّ گبر النمت بيه
يا گبر جاسم عينك اعليه
ما يحمل ابني خاف تأذيه

عشت عرسك ييمّه بين الجفون
وكل ساعه اعلى بالي تمرون
لا حنّه لا هلاهل بس الينوحون

تمنيك بالحلم وتمرّ عليّه
واشكي الصار وجرى بالغاضريّه
امك سبوها وشمتت عداك بيّه

*#أم الرباب ٱرتمت على قبر الحسين ، تارة تصيح وا حسيناااه ، وتارة تصيح وا ولداه ، تقله* :

عـبـدالله يبني يـالـولـد يـالـغـالـي
مذبوح شفتك بيد ابوك اگبالـي

عـبـدالله يبنـي او يـا حياتــي او منـــواي
يا نـور عـيـني او ياعـزيـزي او رجـواي
تكـبــر قـلــت يـوليــدي و اتضل اوياي
تالي الدهر مني خذاك والحضن خالي

💔 #طور_الفراق

ياصغيري.. يابعـد روحــي ودليــلي
ياصغيري.. ذَبحِتك هدت لي حيلي
ياصغيري.. اتخيّلك تِحبـي وتجيلي


(زينب_الخفاجي)

💫إنا لله وإنا إليه راجعون💫

◾المحاضرة
◾ المصيبة

*"فبعد كل ال مآسي التي جرت على آل بيت الحسين في الشام وما تجرعوه من غصص وأرزاء ، قرر اللعين يزيد ارسالهم الى مدينة جدهم قبل أن تقوم ثورة عليه . وعرض على الامام زين العابدين مبلغاً من المال تعويضاً على قتله لسيد الشهداء ، فاعتصر قلب الامام حزناً وكمداً ، فكنوز الدنيا كلها لا تساوي اصبع الحسين المقطوع . وطلب منه أن يعطيه الرؤوس لكي يدفنها مع أجسادها فسمح له بذلك ، وأرسل معهم دليلاً يقودهم في الطريق .*
*وقامت النساء تودع قبر رقية ، وعمتها زينب تبكي فراقها .*

*سار الركب في الطريق ولما وصلت القافلة الى مفترق الطرق أتى السجاد الى عمته زينب وقال : ( عمة زينب قد وصلنا الى مفترق الطرق ، هذا الطريق يؤدي بنا الى المدينة وهذا الطريق يؤدي بنا الى كربلاء . عمة زينب ماذا تأمرين )*

*فاشتمّت السيدة زينب نسيم كربلاء ورائحة الحسين الزكية ، فاشتاقت نفسها للقاء الأحبة فقالت : ( يابن أخي مر بنا الى كربلاء لكي نجدّد العهد بأبيك الحسين )*

# نعي

گولو لحادينا يمر بالغاضريّه     
انسلّم على الوالي وننصب له عزيّه

گولو الحادينا يمر بينا على حسين
نبغي نزور حسين وانشوفه اندفن وين
والله لروّي گبر اخويه ابدمعة العين     
وياليت فوگ الگبر تحضرني المنيّه

*#وصلت الى قبر أخيها الحسين  وقد ألمسها الإمام زين العابدين تراب القبر الشريف ،  ونادت بصوت حزين يقرِّح القلوب: وا أخاه وا حسيناه، وا حبيب رسول الله، وا ابن مكة ومنى، وا ابن فاطمة الزهراء، وا ابن علي المرتضى، آه ثم آه ووقعت مغشيا عليها، واجتمع النساء فرششن عليها الماء حتى أفاقت ( معالي السبطين)*

تقله جيتك يخويه انصب عزيّه
وابكي عليك واصفق بديّه
واشكي إلك الصار بيّه

رديت من الشام ليكم
وسلمت يالوالي عليكم
حسبالي واحد يفز بيكم
واسمع هلا وين من إجيكم

*#مما يُروى راحت تسأل أخاها  ، أخي حسين هل غسلوك .. هل كفنوك .. أم بغير كفن دفنوك ..*

ظلّت تنادي يا يتامى و يا نساوين
هيلوا تراب الگبر بَدْخل بنظر حسين
وبَنْظر تجفّن لو بگى من غير تجفين
واسكن معه ولا ريد هالدّنيا الدنيّه

  (الملا عطية الجمري)

#إختيار 👇
#طور_ الفراق

خويه اجيتك    غيّــرت وجهــي  النوايب
خويه اجيتك    إقعد احصيلك مصايب
خويه جيتك     من فراقك راسي ش ايب

ادري ادري     مــا تصــدّگ مــن ترانـــي
ادري ادري     غيّــر اعلــومــي  زمـانــي
ادري ادري     صـرت  مسبــيــة  ترانــي

( الشاعرة زينب الخفاجي)

#إختيار 👇
#طور مستهل يا ليل طول ساعاتك

خطار جيناك الليلة
خطار آنه والعيله
بالدمعة استقبلنه ..  وابهيده نزلنه

ماتقوم تستقبل اهلك
ماتقوم واتنزل رحلك
مضروبه وتعبانه .. لي هسه عطشانه

(الشاعرة زينب المؤيد)

*#ثم نظرت يمينا شمالا،وكأني بالسجاد عَلِم حالها ، وعن قبر من تبحث (تبحث عن قبر العباس )لتبث له الآمها واحزانها وما جرى عليها*

زينب القصدت كفيل العايله
عتب عدها تريد ليه اتوصله
انته موش الي جبتني لكربله
بس عذرت يا قمر عدنانها

تصيح ودمعاتها اعلى الخد جرن
يبوفاضل قوم ردنا للوطن
كل خوات حسين خويه اتمرمرن
كون ترجع هالحرم لاوطانها

(الشيخ سمير الصالحي)

#إختيار👇
#طور الجفيري

ردينا خويه من اليسر
وبقلبي احزان وقهر
ضمني يخويه بالقبر
وامسح دموعي الهامله

يا كافل اظعوني عجب
اعذرني من ابدي العتب
عقبك يخويه انضرب
وتشهد بهذا كربله

انهض يا عزي والدلال
صدقها تنظرني الرجال
واصعبها من فوق الجِمال
مشونا خويه بالفله

#إختيار👇
#طور_التغريد_الحزين

إجيتك شاكيه مصابي    شحكيلك يا راعي الجود
تِحدي بناقتي العدوان    يا ريتك حاضر و موجود
الحبل ما فارق لزندي    دَلالي وين يريت يعود
وين الملقى ذاك الكان    بزمن بويه  يرد ردود

ما تنهض إلك رديت      قوم وعاين الأحوال
انه زينب يبو الغيره       إجيت مكلفه بالِعيال     
متعوبه من العِشته        وبإيدي أثر الحبال
وكلمن شافني اتشمت   إلك مَظل يحُره ارجال

(خادمة أبي الفضل)

اي وا عباسااااه .. وا أخاااه

#  💔 *وبقيت زينب ثلاثة ايام من قبر الى قبر؟ فقال الامام زين العابدين ياقوم إنكم لاترون ما أرى ، أني أخشى على عمتي زينب أن تموت إنها تقوم من قبر إلى قبر وهي تمرغ جبينها على تراب أخيه الحسين تأسفا وحسرة عليه..*

*ولمّا قيل للعقيلة زينب عليها السلام قومي يابنت الطيبين قالت إلى أين؟ قالوا: إلى المدينة قالت: ومن ذا بقي لي في المدينة..* (معالي السبطين)
بعد شلنه يعمه بالمدينه 
وهاي قبور اهلنا يا ولينه

يعمه فراقهم يصعب علينه
بقت ظلمه وخليّه ديار اهلنه

غابوا وما بقى منهم بقيّه
وعلى اگبور الأهل ننصب عزيّه

*#ابيات الدعاء، لما وصلت مولاتنا الى دار أخيها الحسين ، نظرت الدار خاليه من ساكنيها ، صارت تعاتب الدار* :

#طور_الجفيري

يادار اخويــــه المظلمــة
نورچ طفــاه حر الظمــه
جسمه تغســـل بالدمـــه
نوحي على فراگ الاهل

ريحة حسيني بعتبتـــچ
اشتم حنينـه بترتبتـــچ
ياداره طفـــوا بسمتـــچ
نوحي على فراگ الاهل

من چنت اجي لزيارتــه
يضمني العزيز ابلهفتـــه
واشلون اقبله ابجبهتــه 
نوحي على فراگ الاهل

اشتـاگ لحسين الهــــوه
أذكر طفولتنــــا ســـــوه
شوفتك صارتلــــي دوه
يااغلى من كل الاهل

(الشاعرة زينب الخفاجي)


مدينة جدنا لا تقبلينا
فبالحسرات والأحزان جينا
ألا فاخبر رسول الله عنّا
بأنا قد فجعنا في أخينا

مجالس عاشورائية/خطباء المنبر الحسيني pinned «مجالس الأربعين #الاربعين أعظم الله أجوركم 🏴»

#الاربعين

مجلس الاربعين -١٤٤٦ ه‍ـ (٢)

*الله يا جسم الربه إبحضن الزكيه*
*وابحضن طه المصطفى أوحيدر وصيّه*
*تالي الجسم هذا تگطْعه اسيوف أُميّه*
*وابنات حيدر تنسبي أوتمشي ويّالجناب*

*ثمّ قال: وأنّى لك بالجواب, وقد شخبت أوداجك على أثباجك, وفرّق بين بدنك ورأسك، فأشهد أنّك ابن خاتم النبيّين, وابن سيّد المؤمنين, وابن فاطمة سيّدة النساء..*
*بهذا خاطب جابر الأنصاري سيده ومولاه الحسين ، ونحنا نقول بقول الصادق عليه السلام*:

*أشهد انك طهر طاهر مطهر ، مِنْ طهر طاهر مطهر وطهرت بك البلاد ، وطهُرَت أر ض انت بها وطهر حرمك ...*


آآه وا حسيناااه

*#اذا كان هذا حال  المشتاقين الى كربلاء ، فما حال زينب بعد مضي أربعين يوما او أكثر ، زينب ما ودّعت الحسين ، ما شيّعته ، ما كفّنته ، ولا رأت له قبرا ، لذلك لما وصلت كربلاء يُروى نادت الإمام زين العابدين : "عمه يا زين العابدين خذ بيدي فقد غشيّ على بصري "*

*فأخذ الإمام بيدها وألمسها تراب القبر الشريف ، تقله :*

آني  العقيله  وجيت هليوم
للغاضريه  واشچي الهموم
من عصر عاشر گلبي ملچوم
أبچي واسيل دموع  بدموم
يحسين  ما  تگعد  يمظلوم
وتشوف حالي وحال چلثوم
چنه  حلِا لك  بالفله  النوم
ياخويه ردنه  للوطن  گوم

(سمير_ الصالحي)

خويه جينا وعلى قبرك قعدنا
ونخيناك ياعزنا وضمدنا
خويه هاي المحامل قوم ردنا
لارض المدينة وطن جدنا
مهي مناسبه نمشي وحدنا

*#نادت بضعيف الصوت وهي تتلمس تراب القبر الشريف :أخي حسين هل غسلوك .. هل كفنوك .. أم بغير كفنك دفنوك*
*وكأني تتمنى لو للقبر باب ، ليش مولاتي يا زينب ؟؟؟*

خويه يابوعلي لو ينكشف قبرك
أضم اللحد واتمدد بجنبك
ريت عمري دون عمرك
وانت اللي تكفني يا يالحسين

ارید اگعد عـلى گبره و انوحه آه آه
و بفيض الدموع اغسل اجروحه
بـلچن لو سمعني اتعود روحه آه آه
او يعود الفرح ليه او يذهب الهم

*#الأخت عند الأخو تشتكي همومها واحزانها ، وكأني بها نادت :(( أخي ضربونا ، نهرونا ، شتمونا ، عذبونا، أخي روعوا بناتك وعيالك ونساءك ، أخي سبونا من بلد إلى بلد ، وادخلونا الداووين ))* :

#إختيار👇

يلحباب    اجيت امن السبي ليكم يلحباب
ولاطاب     عكبكم جرح البگلبي ولاطاب
ولعتاب      يحگلي النايحه عليكم ولعتاب
بلحساب    ابد ما چان يخواني بلحساب
الاجناب     اروح ميسره ما بين الاجناب

(سيد زيد الفحام)

#إختيار👇
#طور الفراق

جيت ازورك حسين ياروح الزچيه
جيت ازورك تدري  زينبكم  سبيه
جيت ازورك ريت خويه ترد عليه

جيت ازورك روحي لهفانه عليكم
جيت ازورك من اليسر جيت اعتنيكم
جيت ازورك ما علمت اشصار بيكم

جيت ازورك من شفت گبرك حضنته
جيت ازورك وراسك  الوياي جبته
جيت ازورك بگبرك آني الي دفنته

*#مما يروى أن راس الحسين رُد الى الجسد الشريف ودفن في قبره* :

(يا ليل طول ساعاتك)

يا راس رديتك تالي
يا راس بيدي واتلالي
نزلتك ابگبرك * و ادفني ابكترك


بتراب متغطي ونايم
بتراب ما باقي سالم
يالمتگطعه أوصالك * وأبچي عاليا حالك


خطار جيناك الليله
خطار آنه والعيله
بالدمعه استقبلنه * و ابهيده نزلنه

(زينب المؤيد)


تقله جيتك وجبت الراس وياي ومن السبي وكانت بيه سلواي
او  هـسه يخويه صار منواي  إشـكي  لـك احوالي ابممشاي

*آجركم الله ، وأما سكينة ما حالها ، مدللة الحسين ، البنت زين أبيها ، البنت تتفيّ بخيمة أبوها ، وهو القائل* :

*لعمـــــركَ أنّنـي لاُحـبّ داراً*  
*تـحلّ بهـا سَكيـنــة والربابُ*

تقله بــرضــاك لــــو غــصـب عـلـيـك
ضـربـني الـشمر وانـي حـواليك
أنـــا ادري مـروتـك مــا تـخـليك
مــعــذور يـالـحزوا وريدك

#طور العكراوي

اجيتك  يا حبيبي ويا ضوه العين آه آه آه
ر وحي امألّمـه  وچـم  ظيـم  بيّــه

يبويـه  وياعزيز  الزهـرة  يحسين آه آه آه
إفتــح لــي الگبــر وانظــــر إليّـــه

ضربنـي الشمر سلبونـي الملاعيـن
ستَّـرت   الـوجـه   بچفـوف  ادیّــه

اجيتك والگلب  يابـويــه  نصّيــن
نص يـم گبـرك ونص يــم  رقيـــة

(الشاعرة_زينب_الخفاجي)

#مقاطع من لطمية عليمن جايي العيد

ادورك بين العيون .. حلم ميت بالجفون
وحگ شوگي ولهفتي .. چنت كلمة يبنتي
يبويه اسمعها تجويد

واقبّله ابصدره واحتار .. اطفي ابدمعتي النار
واروحن بالنهايه .. انا وخدري سبايه
اسيره امچتفه الإيد

*#ساعد الله قلب مولاتنا زينب ، بعد هناك قبر عزيز على قلبها ..*
*قبر كفيلها ، وحامي خدرها ، وحارس خيامها ، وحامل الرايه ، تشتكي له جور الليالي والايام ، تشتكي له مرارة السبي وشماتة الأعداء ، تشتكي له دخلة الشام والديوان ،بعين القلب نسرع ناحية قبر العباس مع مولاتنا زينب لما وصلت إليه ، وكأني صاحت* :

#نعي مجاريد
        
حگي يخويه اعتب عليك
ماجاوبتني من احاچيك
عباس جاي امشي واخليك

فَلّت الخوه وهاي هيّه
ماگمت يابا الفضل ليّه
نرجع يبعد اختك سوية

يعباس ياعزي ودلالي
وياك حلوات الليالي
كونك تشوف شلون حالي

(ام محمد الحجاج)

#إختيار 👇

يبو فاضل تصیح ابگلب مالوم
لفينه امن اليسر يم گبرك اليوم
شسولفلك يخويه اشسووا الگوم
اعادي و العدو هـيهات يرحم

یخویه اگعد يراعي العلم و الجود
او شوف امتونه امن اسياطهم سود
وشوف امن الحبال اشحال الازنود
بگت لليوم مـنها ينضح الدم

(الشاعر عبد الحسين الشرع)

إختيار👇
#لحن اسمع عتابي

اجتكم سبيه~ يا اهل الحميه
من شام لحزان ~ للغاضريه

كافل ظعنه~ راع ي المحنّه
اگعد يعباس ~ حامي خدرنه

ما كانت ابال  ~ مشدودة بِحبال
ونمشي سبايا ~ ما بين الرجال

عالناگه مسراي~ ومچتوفه يمناي
صحت ونخيتك~ وينك يسقّاي

(خادمة آل محمد)

*أدمَت معالمُ  كربلاءَ عُيوني*
*فتهيجُ  يومَ الأربعينَ  شُجوني*

*أحسينُ عُذراً فالمصآئبُ جمةٌ* 
*أضمرتُها   في  قلبيَ   المَحزونِ*

🔴 *خطباء المنبر الحسيني*
🔴 *مجلس الأربعين- ١٤٤٦ه‍ـ* (١)
➖➖➖➖➖➖➖
◾المقدمة
◾القصيدة

نحوَ الحُسينِ فَسِر بِكُلِ وَقارِ
         واسبلْ دُمُوعَ  العينِ كالمدرارِ
والنعلَ فاخلَع ثُم طأطِأ وأخشَعّنْ
       وأمشِ الهوينىٰ فوقَ ذاكَ الذاري
فبِكربلا  جَسدٌ لهُ  مُتَوَزِعٌ
                تركُوهُ     أياماً    بِلا    إقبارِ
في الأربعين َ هناكَ تأتي زينَبٌ
            معَها رؤوسُ  العترةِ   الأطهارِ
جآءَت وزينُ العابدينَ بِجَنبِها
           بعدَ السِّبا   وقساوةِ   الأسفارِ
مُذ لاحَ قبرُ السبطِ أهوَت فوقَهُ
               تحثُو  الترابَ  بحرقةٍ ومَرارِ
أأخيّ نادَت ليتَ قبرَكَ ضَمَني
           لو  كنتَ  تعلمُ  فعلةَ  الأشرارِ
من بعدِ قتلِكَ بالحبالِ يجُرُني
           شمرُ     وأُركِبنا   على  الأكوارِ
أسفي لخِدريَ كيفَ صرتُ أسيرةً
            وأنا الأميرةُ يومَ  كنتُ بداري
لم أبغِ بثَ نوائبي لكننّي
              مضطرةٌ  لأبوحَها   أسراري
إن رُمتَ تسألُ عن رقيةَ فهيَ قد  
             ماتَت  هناكَ بخِربةِ  الفجارِ
ومَضَت إلى قبر ِالكفيلِ بعبرةٍ
        تشكُو وتندبُ يابنَ حامي الجارِ
عباسُ جِئتُكَ بعدَما فارقتُكُم
            والروحُ  أحرقَها   لهيبُ النارِ

(الشيخ سمير الصالحي)

يبوفاضل يبوفاضل يبوفاضل آه
يبوفاضل يبوفاضل يبوفاضل آه

عذبني الدّرب والسوط .. وعدوك أشْرّ عليّه
إلَك رديت يبوفاضل  .. من الشامات محنيّه

تركتوني ما بين ارجاس  .. شفت الما يمر عالبال
واحد يضرب ابمتني  ..  والثاني يشد الِ حبال
غريبه والدرب وحشه .. المثلي  ما تصدها ارجال
تصدقها الشمر حادي !! رافقني وشمت بيّه


حال الشام لوّعني  ..  وإجيت أشكي إلك همي
أحلفك بالضلع عباس .. محتاجه تجي يمي
اكتافي امورمه وقلبي .. تفطر هم عل ابن امي
هاي عيوني بس تنهض .. وإلك فدوه أمد دَيّه

(خادمة ابي الفضل)

*#بعد اشصار مولاتي يا زبنب ، أربعين يوم بعيدة عن اهلها واخوتها ، اشكثر مشتاقة تشتكي همومها واحزانها لكفيلها ، وكل الذي قد جرى عليها ، تقله* :

خوان خوان
معروفه الأخت لو عِدها خوان
ما تنهان ما تنهان
العدو يهابها وابد ما تنهان
بديوان بديوان
من يصدقها زينب توقف بديوان
مكتوفه بحبل ويزيد يشتمها

تقله يبوفاضل
خليني اعاتب خويه خليني
واسولفلك بعد موقف مأذيني
إجه وتحد يبوفاضل وسطر عيني
وصارت عين زينب مثل عين امها

وا زينبااااه

اسولفلك يخويه لو بعد كافي آه آه
لو قلك شسوى السوط بإكتافي
لو اقلك لهسى يابسه شفافي آه آه
لو أقلك بعد زينب إشالمها

*#بعد يبوفاضل زينب عندها شكايه تلجم الروح ، كل المصائب تهون إلا هاي المصيبه يبو فاضل* 💔

دمعة عتب بعيوني يراعي الجود
شفت موقف ويا ريت كنت موجود ( اشفتي مولاتي يا زينب)
شفاف حسين قاموا يضربوه بعود
شفاف الكان جدي دوم يلثمها

# طور الفراق

يبوفاضل جيتك بقلبي مراره
يبوفاضل أبكي والمدمع تجارى
يبوفاضل ضربوا حسين بحجاره

انا زينب يبوفاضل وإجيت بنوح
عليكم اذرف الدمعات وعلى المذبوح

يابو فاضل طيحت إيدك مو وكتها
يا بو فاضل ضربوا امتوني و ردتها
يا بو فاضل زينب آنا الواعدتها...يا بو فاضل

# أبو ذيه

مـو مـره ولانـي الدهر مرات
و  أيـام  الـيـسر يعباس مُرات
اعـيـالـك  برض الشام مرات
و  لـلـكوفه  مشت وسفه سبيه

الـدهـر  مـا  يوم دلالي يساره
لـعـنـد  ايـزيد  ودونه يساره
ويـن  الـقـطعوا ايمينه و يساره
أخـبـره بـالـجره و الحل عليه

إنا لله وإنا إليه راجعون

◾المحاضرة

*يقول الإمام الصادق عليه السلام: زُرِ الحسين جائعاً عَطِشاً شعثاً مغبّراً, فإنّه قُتِلَ جائعاً عطشاناً، ومن هنا فإنَّ الإمام زين العابدين عليه السلام كلّما نظر إلى طعام أو شراب يبكي ويقول: كيف آكل وقد قُتِلَ والدي الحسين جائعاً؟ وكيف أشرب وقد قُتِلَ أبي عطشاناً ؟؟*

*ولعلّ أوّل من زار الحسين عليه السلام هو جابر بن عبد الله الأنصاريّ, وكان يولي الحسين محبّةً خاصّة, حتى عرف بحبيب الحسين عليه السلام, وكان قد فقد بصره, ويروى أنّه رأى رؤيا قبل خروجه إلى كربلا, نام ليلته فرأى رسول الله صلى الله عليه و آله و سلم في المنام وهو أشعث مغبّر مكشوف الرأس،فقال: ما لي أراك يا رسول الله أشعث؟ فقال*:

*يا جابر الآن رجعت من دفن ولدي الحسين، ثمّ تجهّز جابر للمسير إلى كربلاء، فجاء ومعه عطيّة وغلامه حتّى وافى كربلاء.*
*عن عطيّة العوفيّ قال: خرجت مع جابر بن عبد الله الأنصاريّ زائراً قبر الحسين عليه السلام، فلمّا وردنا كربلاء دنا جابر من شاطئ الفرات, فاغتسل ثمّ اتّزر بإزار وارتدى بآخر. ثمّ فتح صرّة فيها سُعدٌ  فنثرها على بدنه, ثمّ لم يخطو خطوة إلّا ذكر الله تعالى, حتّى إذا دنا من القبر قال: ألمسنيه..*

◾المصيبة:

*فألمستُهُ فخرّ على القبر مغشيّاً عليه, فرششت عليه شيئاً من الماء، فلمّا أفاق قال: يا حسين ثلاثاً ثمّ قال: حبيب لا يجيب حبيبه:*

#الاربعين
مجلس الاربعين -١٤٤٦ (١)

مجالس عاشورائية/خطباء المنبر الحسيني pinned «📌 مجالس شهادة الامام علي الرضا عليه السلام #الامام_الرضا ▪️ #مجلس_شهادة_الرضا_١٤٤٥ه‍ـ ◾️مجلس شهادة الرضا (ع)-خطباء المنبر الحسيني-١٤٤٢-ه‍ـ ◾️مجلس شهادة الرضا(ع)+الاكبر(ع)-١٤٤١-ه‍ـ ◾️مجلس شهادة الرضا(ع)-أرشيف ◾️مجلس شهادة الرضا(ع)-أرشيف ◾️مجلس الرضا(ع)وشوق…»

*تابعونا عبر قنواتنا على التلغرام*

*القصائد*
🔅https://t.me/manbarhoysayne1

*المجالس*
🔅https://t.me/majalesmanbar


*محاضرات*
🔅https://t.me/manbarhosyane3

*لطميات*
🔅https://t.me/latmiyatmanbar


*مقامات صوتية وأطوار* 🔅https://t.me/maqamatkhotabaa



*تطبيق خطباء المنبر الحسيني عبر آپ ستور وپلاي ستوي*

https://play.google.com/store/apps/details?id=com.cmesmart.almanbar

https://apps.apple.com/se/app/%D8%AE%D8%B7%D8%A8%D8%A7%D8%A1-%D8%A7%D9%84%D9%85%D9%86%D8%A8%D8%B1-%D8%A7%D9%84%D8%AD%D8%B3%D9%8A%D9%86%D9%8A/id1559016245

مجالس الأربعين
#الاربعين

أعظم الله أجوركم 🏴

مجالس عاشورائية/خطباء المنبر الحسيني pinned «مجالس شهادة الامام الحسن عليه السلام ▪️▪️▪️ https://t.me/majalesmanbar»

🔴 *خطباء المنبر الحسيني*
🔴 *مجلس شهادة الإمام الحسن المجتبى (ع)-١٤٤٦ه‍ـ*
➖➖➖➖
▪️المقدمة
▪️ القصيدة¹

يامِحنةً مِنها  النواظرُ   تدمَعُ
            وقلوبُ  أحرارِ الوَرى  تتفَجَع ُ
قومٌ  تبايَنَت المواقِفُ عِندَهُم
            بينَ  الخِيانةِ  والدَهاءِ  تَوزَعُوا
نَكثُوا عُهودَ المُجتبى ياويحَهُم
             والكلُّ في  غَيِ ابن ِهِندٍ  يَرتَع ُ
ومظالماً  ومآسِياً لاقَى  وفِي
       الإصلاحِ والصُلحِ  العِلاجُ الأنجَع ُ
حَفظَ الدماءَ ولَم يَشأْ إهراقَها
          وبه  الغُمُومُ  عَن  الرَعيةِ  تُرفَع ُ
ولأَجلِ مَنهَجِهِ القَويّم تَواطَئُوا
           في  قتلِه ِحيثُ  الرزيةُ  أفظع ُ
غالُوه ُ في أرضِ ِالمدينةِ صائِماً
       ونُفُوسُهُم   مِنها  الضَغائِن ُ تنبَع ُ
ياويلَ  جُعدَةَ  مِن عذابِ جَهَنَم ٍ
         نَفَثَت  بِسُمِ  الشَّر ِ  فِيه ِ  تلَذّعُ 
دَسَّتهُ في لَبَنٍ إليهِ وقَد سَرَى
          في جَوفِه ِ وَحَشاهُ مِنهُ  تُقَطَع ُ
آهٍٍ لِكَبدِ  إمامِنا  في  طَشتِه ِ
      وحُسينُ  يَنظُرُه ُ ويَهمِي المَدمَع ُ  
و لِزينَبٍ نَوحٌ عليهِ معَ النِسا
       باللَطم ِ  جآءَته ُ  العَقيلة ُ  تَفزَع ُ
أأ كريمَ أهلي خاطَبَتهُ بِشَجوِها
            حَقاً  تَموُتُ ومُهجَتي تتلَوَع ُ
تَنعى  وإخوَتُها  تأن ُّ لِنَعيِها
         وقلوبُهُم   لِعَميدِهِم    تتَفجَع ُ
حاطُوهُ بالعَبرات ِ يَمزِجُها الأسَى
         وبِحُرقَةٍ  نَحوَ   المَنّيةِ ِ  وَدَعُوا

(سمير_الصالحي)


▪️القصيدة²

قَضَى الزَّكِيُّ فَنُوحُوا يَا مُحِبِّيهِ
    وابْكُوا عَلَيْهِ فَذِي الأَمْلاكُ تَبْكِيهِ

قَضَى ابْنُ فَاطِمَةَ الطُهْرِ البَتُولَةِ مَنْ                    
عَمَّ البَرايَا جَمِيعاً في أَيادِيهِ

مَضَى وَقَدْ قُطِّعَتْ أَحْشاؤُهُ قِطَعاً                        
وَصَارَ يَقذِفُهَا فِي الطَّشْتِ مِنْ فِيهِ

قَضَى وَأَظْلَمَ وَجْهُ الكائِناتِ أسًى
لمَّا أَصَاتَ بِصَوْتِ الحُزْنِ نَاعِيهِ

حَتَّى قَضَى بِنَقِيعِ السُّمِّ مُضْطَّهَداً
     وَجُرِّعَ الحَتْفَ قَسْراً مِنْ أَعادِيهِ

ومُذْ قَضَى أَحْدَقَتْ في نَعْشِهِ فِئَةٌ 
مِنْ قَوْمِهِ ومَوالِيهِ وأَهْلِيهِ

فَمالَ فِيهِ أَخُوهُ السِّبْطُ لا فَرَقَاً
لكِنَّما هُوَ قِدْماً كانَ مُوصِيهِ

إِلَى البَقِيعِ وَوَارَاهُ هُناكَ وقد
  أقَامَ عِنْدَ شَفِيرِ القَبْرِ يَرْثِيهِ

أَخِي سَأبْكِيكَ ما نَاحَ الحَمَامُ وَمَا                         
سَحَّ الغَمَامُ ومَا انْهَلَّتْ غَوادِيهِ

فاليَوْمَ بَعْدَكَ يا ذُخْرِيِ ويَا عَضُدِي
لمْ يَحلُ لِي مَجْلِسٌ إِذْ لَمْ تَكُنْ فِيهِ

(للسيّد مهدي الأعرجي)

*#العزاء لصاحبة العزاء في هذا اليوم.. مولاتي يا زهراء جينا مواسين ، معزين لك:*

وين اليندب المسموم .. وعلى امصابه يصب دمعه
ويحضر مجلسه مفجوع .. ويونّ لوليدي وينعه

وين اللي يساعدني .. على امصاب ابنيِ المسموم
بسواده يحضر المجلس .. ويِنـادي آه يا مظلـوم
ويساعدني بدمع عينه .. ويواسي گلبي المهموم
اوليدي چبده وَذْروها .. وزينب حايره اتودعه

شافت بالطشت چبده .. وازداد الجرح جرحين
بمثل هذا الطشت تدري .. راح تشوف راس حسين
منهـو اويـاها هالليله .. يون ويلطـم الخـديـن
تشوفه ويلي يم جده .. العده من دفنته اتمنعه

ما بين البقيع اليوم .. وما بين النصب مآتم
أفتر والله يا شيعه .. ودمع عيني يصب من دم
رحل مسموم ، رحل مظلوم .. ابني وگبره اتهدم
ومحد والله هالليله .. على گبره يوج شمعه

*#مأجورة يا زهراء* 💔
(طور فايزي)

نُـوحي  على  الاُولاد  يا  زهرا  الحزينَه
فـي  كـربلا واحد اُواحد في المدينه

واتـفرقوا عـنّك اُوصار الشّمل تبديد 
واحد من اجعيدة قضى واحد من ايزيد
واحـد  دفـن عـنّك اُواحد عنّك ابعيد
قبر الحسن عندك اُو قبر اِحسين وينه

حـطّوا   يـزهرا   اليوم   في  دارك  عزيّه
بـالـدار  نـاصبها  غريب  الغاضريّه
وانـتـي   يـزهـرا   بالصفايح   مختفيّه
ليتك يزهرا اليوم حاله تنظرينه

*#وا حسناااه .. وا مظلوماااه .. وولداه..وين اليساعدها ، وين اليوّن مع الزهراء روحي فداها ،بعاشر محرم بكت الحسين ولطمت صدرها ، واليوم تبكي على الحسن المسموم ، المظلوم* :

# طور مجاريد :

ونّوا على ابني وساعدوني
وبالمجلس ابچوا وگابلوني
بيه الأعــادي مرمــرونـي

مسموم چبده گطعــوها
ويم النبي جثته امنعوها
وتالي الزمن گبْته هدّموها

*#يقول النبي محمد ص:من بكاه لم تعم عينه يوم تعمى العيون ومن حزن عليه لم يحزن قلبه يوم تحزن القلوب*

#ابو ذية

عليك الدهر گلبي بحزن ينشد
تگطــع چبــدك وما بعــد ينشـد
اليجي لدارك يخويه وبعد ينشد
يشوف الدار من بعدك خليـــه

جِرَع مِنِّ المَحَن أكبــر سَهمهــــا
وتِغيَّر بالسَمِ ارسومـه سَهمهــــا
اشعدها اعداه واترامِـي سَهمهـا
وتصيب ابنعشه گلب أمه الزچیه

(فاطمة_كريم)

لا حول ولا قوة إلا بالله العلي العظيم

▪️ المحاضرة
▪️ المصيبة

*وعن جنادة بن أبي أميّة، قال: دخلت على الحسن بن عليّ بن أبي طالب عليه السلام في مرضه، الذي توفّي فيه, وبين يديه طست يقذف عليه الدم, ويخرج كبده9 قطعة قطعة من السمّ، الذي أسقاه معاوية...*

*فقلت: يا مولاي، ما لك لا تعالج نفسك؟ فقال: "يا عبد الله، بماذا أعالج الموت؟" قلت: إنّا لله، وإنّا إليه راجعون.*

*ثمّ التفت إليَّ، فقال: "والله، لقد عهد إلينا رسول الله صلى الله عليه واله وسلم، أنّ هذا الأمر يملكه اثنا عشر إماماً من ولد عليّ وفاطمة، ما منّا إلّا مسموم أو مقتول"، ثمّ رفعت الطست، وبكى صلوات الله عليه وآله...*

*قال: ثمّ انقطع نفسه، واصفرّ لونه، حتى خشيت عليه، ودخل الحسين عليه السلام، والأسود بن أبي الأسود، فانكبّ عليه، حتى قبَّل رأسه وبين عينيه، ثمّ قعد عنده، فتسارّا جميعاً، فقال أبو الأسود: إنّا لله، إنّ الحسن قد نعيت إليه نفسه ( لا إله إلا الله)*

*ولمّا نظر إليه الحسين عليه السلام وقد تغيّر لونه بكى،*
*فقال له الحسن عليه السلام: "ما يبكيك يا أبا عبد الله؟*
*قال: "أبكي لما يصنع بك"، فقال له الحسن عليه السلام: "إنّ الذي يؤتى إليّ سمّ يدسّ إليّ فأقتل به، ولكن لا يوم كيومك، يا أبا عبد الله، يزدلف إليك ثلاثون ألف رجل، يدَّعون أنّهم من أمّة جدّنا محمّد صلى الله عليه واله وسلم، وينتحلون دين الإسلام، فيجتمعون على قتلك، وسفك دمك, وانتهاك حرمتك، وسبي ذراريك ونسائك، وانتهاب ثقلك، فعندها تحلّ ببني أميّة اللعنة، وتمطر السماء رماداً ودماً، ويبكي عليك كلّ شيء، حتى الوحوش في الفلوات، والحيتان في البحار".*

قاله يبو السجاد لا تبكي ولا تنوح 
أنا على ما بي أعالج طلعة الروح
وإنت تظل بكربلا عريان مطروح
مرضوض صدرك بالثرى ومقطوع اليدين

#اطوار مختلفه

مصابي يهون يبو السجاد   وانت مصابك الأصعب
اموت وسالمه دياري          بس خيامك التلهب
صدق كبدي ترى اتفتت      و ونيني اتهوّنه و تنحب
بس جسمك يظل دامي      ولا واحد إلَك يقرب

تمسح شِيبتي بيدك       وتحضني قبل الِوداع
ومني سالمه اضلوعي   مو مسحوقه فوق القاع
طِشت كبدي بعجل تخفينه   عن عيالي بقلب ملتاع
بس انت سهم قلبك       منو يخفيه بهذيك الساع

*#وبينما هما كذلك واذا بالعلويات ، الفاطميات عند الباب وزينب تنتحب وتنادي وا حسناااه..وكأني نظرت لأخيها الحسين تشاطره احزانه ، أم يشاطرها أحزانها :*

# طور تمنيته يدوم الليل

صاحت زينب ابهمها صدق رايح أبنْ أمي
وجهه غايرة رسومه و ونينه زَوّد لهمي
عساها مُوتتي يا حسين وولوج السّم ترى بجسمي
عساه بهالطشت كبدي ولا شاهد طشت ثاني

(خادمة_ابي_الفضل)

*#آه مولاتي يا زينب ، إشحالك يا أم المصائب، وقد نظرت إلى كبد الحسن المسموم في ذلك الطشت، وقد قال الحسن للحسين أخي نحِّ الطشت جانباً ، يخاف على قلب زينب كما خاف أمير المؤمنين على قلبها وهو محمولاً على الأكتاف يوم ضربته على راسه.. وا ويلاه* :

صاحت انا الفاقدة امي وبييّ
وآني الجايه اتعافه للحسن خيّ
انا خوفي يخويه يزول فييّ

💔ساعد الله قلبك يا زينب ...

تِصد الطشت بي چبدته المسمومه
ياوسفه ابو محمد گرب يومه 
السم سرى بجسمه وغيّر رسومه
لخوها ام عون إجت تلطم على الهامه

زينب وابو اليمه يم ابو محمد
بفراش المنيه خيهم تمدد
يتوادع وياهم والدمع بالخد
تشتت ياشملنه وراحت ايامه

*#وكأني بالجواب من الإمام الحسن* 💔

ابو محمد يگل زينب المهظومة
اخوچ حسين مايوم المثل يومه 
من يبگه وحيد وصرعى كل گومه
والعسكر يغير ويحرگ خيامه

(أم_محمد_الحجاج)

#طور الفراق

آه ياخويه... يــاسنـد چــان الأخيّه
آه ياخويه... غيبتـك  صعبـة  عليــه
آه ياخويه... الكـون أظلم راح ضيّـه
آه ياخويه... يـاحبيب امـي الزچيــة

(الشاعرة_زينب_الخفاجي)

*#بعد بما أوصى الحسن إلى الحسين* :

*يا أخي ! إذا أنا متّ ، فغسّلني وحنّطني وكفّنّي ، واحملني إلى قبر جدّي (ص) ، حتّى تلحدني إلى جانبه ..*

*وورد في البحار فان أبت عليك( الامرأة) فأنشدك الله بالقرابة التي قرب الله عز وجل منك، والرحم الماسة من رسول الله صلى الله عليه وآله ، أن لا تهرق فيّ محجمة من دم، حتى نلقى رسول الله صلى الله عليه وآله فنختصم إليه ونخبره بما كان من الناس إلينا ...واردد جنازتي من فورك إلى البقيع*

#طور الجفيري

خلي النعش يم الطهر (يا فاطمة)
مشتاقه روحي من الصغر
تنظرني أمي هم بعد
وابقى بحجرها لا القبر

راح اشكي لامي هالجره
الفظها كبدي امفطره
وزينب تعاينها وتصيح
حضريني يُمّه الطاهره

(ام_جواد)

#إختيار
#لحن جاوبني يا علي

لا تبكي يالغريب
يبو الخد التريب
يالظامي ومنذبح
وشيبك دمه خضيب

اتضل مرمي اِ بعرى
وجسمك فوق الثره
وانا سالم انْدِفن
وراسك نحره انبرى

لا تبكي يا ذبيح
جسمك يضل طريح
ثلاثه عالترب
ودم النحر يسيح

(خادمة آل محمد)

*#آجركم الله .. إنا لله وإنا إليه راجعون.. وبينما هم مجتمعون من حوله واذا بالحسن مدد رجليه .. وأسبل يديه .. وفاضت روحه الطاهره ..اي وا حسنااااه ، وا مظلوماااه ((الله يساعد قلب زينب ))*

صاحت يالحسن نارك أبـد ما تنطفـــي نـارك   وتعوف اختك يا بعد اختك متحيّرة بزوارك
شگلها من تجي الوفّاد ومن توقف علــى دارك  من يطلع يحييها وعلى المعتاد ينطيها

*#مأجورة مولاتي يا زينب ، مأجور يا اباعبدالله ، ثم غسّله الحسين..وكفّنه .. وشيّعه .. وتوجه به إلى قبر جده وجرى ما جرى من تلك اللعينة ، وأبت ان يُدفن الحسن عليه السلام جنب جده ورُميت جنازة الحسن بسبعين سهماً .. وا ويلااااه*

*#وكأني بالحسين يقله*:
يشيال نعش الحسن خلّه ( ليش يا مولاي)
عالگاع كلمات ارد اگله
سلام لأمي الزهره يوصله
وسلام لوالدي وخير البرية

واريد احچي بعد وي ابن امي
واشكي له احزاني وضيم همي
حزنك يبو محمد زاد هضمي
يابو الجود والطلعه البهية

(الشاعرة_زينب_الخفاجي)

*#لهفى نفسي لك مولاي يا الحسن..ما من زائر يشعل شمعة  عند قبرك ... ولا زائر يقبّل ضريحك .. ولا من ناعي يقرأ مصيبتك ..الشاعر يصور الجواب من الحسن عليه السلام* :

#طور_إسمع_عتابي

واللهِ صعبه وابروحي نَدبه
لا حضرة عندي ما عندي قُبْه

لا حضرة ليه ابواسي الزكيّه
واسيها أمي بقاع الوطيه

لا رايه تُرفع ولا ناعي أسمع
ولَ اربعينيه لزواري أشفع

مثل امي مظلوم بس قبر مهدوم
ولا يَمّي زاير ويحضرني مهموم

*#هناك أمنية عند الحسن ع للرايحين الى زيارة الحسين (ع)*:

يل تزورنه بساع التوصلونه
عني ابنيابه عني تِقْبّلونه

(خادمة ابي الفضل)

*#دفنه الإمام الحسين بجنب أمه فاطمة ع في تربة البقيع وجلس باكيا حتى تبللت لحيته الشريفة من دموع عينيه قائلاً* :

*"أدهن رأسي أم اطيّب مجالسي*
*و رأسك معفور و أنت سليب"*

*بكائي طويل و الدموع غزيرة*
*و أنت بعيد و المزار قريب*
*غريب و أطراف البيوت تحوطه*
*ألا كلّ من تحت التراب غريب*

#نعي _ مجاريد

وسفه الگبر خالي المسيه
و لحد نصب يَمّه عزيه
و لا زاير لفى ادموعه جريه

لا ناعي و يونّ ابكتره بهداي
ولا واحد علی قبره ويصب ماي
أويلاه يالحسن يا بعد عيناي

إختيار 👇
#طور_الفراق

آيا گبرك .. ابلا شُموع او لا مناره
آيا گبرك .. اعلينه ممنوعه الزياره
آيا گبرك .. مَحَّد الليله جِواره

منهو يمك .. وإعله گبرك يوج شمعه
منهو يمك .. يالحسن واعليك ينعه
منهو يمك .. فوگ گبرك يصب دمعه

#إختيار👇
#طور نار

اتراب .. اتراب .. اتراب .. اتراب
صار الضريح اتراب
باب .. باب .. باب .. باب
ابلا قبه ويلي او باب

مشتاگ .. مشتاگ .. مشتاگ .. مشتاگ
والله الگلب مشتاق
افراگ .. افراگ .. افراگ .. افراگ
راح العمر بفراگ

(فاطمة كريم)

رشقوا الجنازةَ بالسّهامِ فبغضُهم
أعمى القلوبَ، فأُعمِيتْ أبصارُ

ومضى الحسينُ بنعشهِ متألماً
نحوَ البقيعِ وقلبهُ محتارُ
(منال بجيجي)


يا الله

▪️مجلس شهادة الامام الحسن المجتبى عليه السلام -١٤٤٦ه‍ـ

#الامام_الحسن