هاديّ .

‏ساريات الليالي ما عليها قرار
‏استجار البقا فيها ولا جارته

‏يوهمون البشر فيها بـ طول العمار
‏وعندها فارسٍ ماتنومن غارته

‏كنها الصدفة اللي تحت سقف المطار
‏بعدها كلٍ يدور لـ طيارته

‏آحسن الناس من يؤمن بحسن الجوار
‏عند الاجناب ولّا عند قبّارته

‏واسقط الناس خُلقاً في جميع الديار
‏واحدٍ تسقط عيونه على جارته

‏"أنا اكثر انسان يظلم نفسه بنفسه
‏ياكم حاجةٍ .. أبيها وقلت ما ابيها"
‏- سعد علوش

طرّف الليل وأنسام الهبايب هبايب
‏ليت مسباح كفي خصلةٍ من شعرها

‏ودي أخزل بيوتي بين سود الذوايب
‏وأنتصر للعيون اللي ملتها صورها

‏قبلها كان لي في كل ديره حبايب
‏وبعدها كن مابه ديره الا دِيْرها

"مسافة السعي خلف الحلم ماهيب يوم
‏مسافة العمر ما بين المهد واللحّد

‏وإن وقفوا ضدك اللي يحبطون العزوم
‏وقّف لهم وقفة اللي ما عليه من أحد "

‏" إسكني بين الضلوع الكايدات و زمّي
‏وإنحري قلبي بحدّ السيف و الشبريّه "

‏- محمد بن الذيب

‏يابريئه وانتي ابعد ما يكون من البراءه
‏تفعلين اللي تبينه بالخفى وأنتي بريئه

‏كل عاقل .. يابريئه كان واثق من ذكائه
‏في ذهابة يفقد اللي كان ملكه في مجيئه

‏ينظرك والكون كلّه ما يفكّر في نسائه
‏والصبايا في عيونه كاالنطيحه والرديئه

‏ياغرامه يامرامه ياعذابه ياشفائه
‏ياسريعه فالصدود .. وفالمواصل يابطيئه

‏دام حبك من نصيبي والقدر والرب شائه
‏حب مثلك كيف ما ارضابه وهو قدر ومشيئه

‏يحفظك ربي من الحسّاد واصحاب الإسائه
‏صانك الله عن هوى الشيطان ودروب الخطيئه

‏يامرام القلب يادمّه وياصافي هوائه
‏يا أمل .. ياشمعةٍ بانت على دربه مضيئه

‏ما نظرتي بأم عينك فيه وشلون امتلائه ؟
‏بالغلا .. وأيضا الجوارح كلبوها به مليئه

‏ما نظرتي واعترفتي في غلاه وفي وفائه
‏كيف ياتيلك بلا ميعاد والخطوه جريئه

‏انكسر واحتار في الجيّه ووقفّ من حيائه
‏والحيا شعبه من الأيمان .. والأيمان بيئه

‏فالنهايه أكتشفت انك دواء قلبي ودائه
‏والحقيقه والله اني كنت احسب انك بريئه

"حنيتك من العتب يوم أن بعض العتاب
أقطع من السيف وأصدق من دموع اليتيم"

‏الحياء يرفع مقام المرء ويبّين علوّه
‏دوّر الأخلاق قبل إنّك تدوّر من ترافق

‏النقي مابينه وبين الدِني عُصْبة أخوّة
‏و الضحى مابينه وبينه المساء أوجُه توافق

‏السموّ سْموّ الأنفس والفقر فقر المروّة
‏قاتل الله النفاق وقبّح الله المنافق

‏انا اعترف مانيب مرهف وحسّاس
‏لو كان اعيش احسان جو الحزينين

‏عندي من الافكار مايتعب الراس !
‏وعندي قناعه م اكتب الشعر روتين

‏ولاقد كتبت عن المشاعر والاحساس
‏الاّ يجيييني من وراها محبّييين

‏يعني القصيد الزين يستهوي الناس
‏عاد انت لاتكتب قصيد ٍ مهب زين

مرحببّا .

‏كيف أكمّل رحلتي والريح ما تبغي شراعي؟
‏في مواقيفي إنتصار و في محاتاتي هزيمة
‏- صالح بن حمد

‏تشع الشمس من مشرق سناها والحياة تدبّ
‏عسى في نورها غفران ذنب وعفو وهداية

‏هني اللي لقا ف اية كتاب الله علاج وطبّ
‏ماهو باللي يحسب الذكر دعوه والحديث آية

‏رحاة الوقت تطحن والليالي ماتخلّي حَبّ
‏ولا استغرب لو آشوف الدليلة ينشد التايه

‏أنا شعري هوية يرتبط ب ارض ومشيئة ربّ
‏ولا اعتبره هواية لو تقول العالم هواية

‏رجعت من الغياب اللي تركني في غيَابة جُبّ
‏على شان الحضور اللي يجي ب ادراك وعناية

‏ابثّ الروح وتصير البيوت من المهار القبّ
‏ويظهر نجم وتدندن رعود وترتكز راية

‏لايرفعني مديح ولا ينزل من مقامي سبّ
‏انا مدرك ولي عقل استشيره وآخذ ب راية

‏حبيبي من يشوف الشعر صورة ثانيه للحبّ
‏يشوفك مختصر كل الطموح وذروة الغاية

‏على نبرتْك تهتال المسامع والضلوع تشبّ
‏ومن منطق كلامك عازف الناي يعزف نايه

‏متى ماقامت تلوح السحايب والهبوب تهبّ
‏تطالع ف السما ماكنك الا تطالع مراية

‏تجي مثل البرد مدري تجي مثل المطر لا صبّ
‏يداعبك النسيم وينتظرك ايامه الجاية

‏أنا مهما بلغت من المحبة والشعور الصبّ
‏آحس إني الين اليوم ماحبيتك كفاية

مشكله . .

‏أحياناً يكرس العاشق سنين من حياته وأحياناً كامل حياته في سبيل السعي خلف محبوبه ولا يرى ذلك كافياً

‏"ما دفعت إلا حياتي لك..ثمن
‏وكان ما تكفي حياتي وش أجيب!"

‏وأيضاً
‏"وأنا ما عطيتك غير وردة وسبع سنين
‏قليله، لكن والله ما عندي إلا هي"

مرحبّا ، صباح الخير

‏نباً هام:
‏"مافيه غير الصبر حيل الله اقوى
‏طيب وحظي ماش ماهو بطيب".

زرعان بن سعود .

‏مؤسف أن يكون لديك خبر سعيد فلا تجد من يستحق السبق

‏فتتركه يصل للجميع بالتساوي .

‏الاجاويد اذا حبّوا تصير اسرارهم مدفونة

‏تدري إنّ عذرك ليا ابديته سمين وتدري
‏كل سرٍ يلزمك باموت قبل اذيعه
‏-
‏وداع الربوع و سالفتنا ضحى الأثنين
‏ما اعلم بها لو أن الأجرب على رقبتي
‏-
‏حبيبي حافظك بين الحنايا والقلوب اسرار
‏ترى ما بيني وبينك بقى ما بيني بينك "