أصايل

@asae7

الشِّعر شيخ الكلام وسلّوة الطيّبين

أصايل (Arabic)

مرحبا بكم في قناة 'أصايل' على تطبيق تيليجرام! هذه القناة هي المكان المثالي لعشاق الشِّعر ومحبي الأدب العربي. فالشِّعر هو شيخ الكلام، وسلّوة الطيّبين، وهنا ستجدون أروع القصائد والخواطر الشعرية التي تفتح الأبواب نحو عوالم جديدة من الجمال والعاطفة. مهما كانت اهتماماتك الأدبية، ستجد في 'أصايل' ما يرضي ذوقك ويثري معرفتك بالشعر العربي الأصيل. كما ستتمكن من مشاركة قصائدك المفضلة والتعبير عن مشاعرك من خلال التفاعل مع أعضاء هذه القناة المميزة. انضم إلينا اليوم واستمتع بالجمال اللامتناهي لكلمات الشِّعر!

أصايل

23 Jan, 21:20

من عبرت بشاطي عيونك وأنا اللي ما أبالي
عارف أني لو نجيت من الغرق لازلت غارق

وين أودي باقي الذكرى اذا طال إرتحالي؟
ماحسبت حساب قلبك بالمواصل والمفارق

منعزل عن كل جرح وكل حزن وراس مالي
وجهك اللي في ليالي وحدتي لاقيه شارق

قلت أسافر خافت الخطوة وعاتبني ظلالي
قلت ببقى مالقيت لذكرياتي غصن وأرق

284

أصايل

22 Jan, 00:36

والله ان ذا جبينك وان ذي عيون خلّي
وان ذي الطله اللي من زمان أحتريها
يا شعور السكينه في صلاة المصلّي
يا طمأنينة الأنفس .. وما تحتويها
يا أعذب من البراءه وأطهر من التسلّي
صدفةٍ جابْتك . . ودي اقبل يديها
كيف أخليك ؟ وأنتي وهبة المعطي اللّي
لا عطى ما يهمه حمد من يقتنيها
لو لمحتي عيوني ؟ يوم أرحب وأهلّي
ما قويتى على ليله ! تغيبين فيها
لا تغيبين لو عني تغيبين ! من لي
من فقد ضحكتك معذور لو يشتهيها
«لو تولّي السنين ! امحْبتك ما تولّي
لين مالله يرثِ الأرض واللي عليها»

325

أصايل

21 Jan, 03:29

صباح الخير
يقولون ما أعز على البنت الا شعرها
وكنت ناقده على هالكلمة اللي جميع من حولي يرددها الا فجاءة … أتفقو صاحباتي أقص شعري وحرفيًا دمعت
أحب شعري جدًا ولا أقدر أتخلى عنه رغم أني كنت أقص كثير الا أن مستحيل أفرط في «جديلٍ على الامتان ميالي».

326

أصايل

21 Jan, 00:43

أدعيك في كل أسمٍ يسمونك فيه
يا أم الحسن
وأم الترف والدلالي
عودي لقلب صار ماعاد يمديه
يرقع اللي راح ياهملالي
وإذ أن قلبك وده أنا أدعيه
بإسلوب أفضل يرتقي للمعالي
ممكن أحاول أتحضر وأناديه
وأقول له إذا تحسن مقالي
ياجمرة الوجد المسمى وطاريه
وياعقد باحجار البحر واللآلئ
اليا ظهر بدرك مع الليل أسريه
ولا أختفى ماعاد صبح مثالي

315

أصايل

19 Jan, 18:36

‏محدِ يحس بجمرةِِ ما وّطاها

314

أصايل

17 Jan, 22:37

ويُقال بأنه من شدّة كرمه ابَـاد جميع حلاله في سبيل تقليط الضيوف ، وفي يوم من الأيام قدِم على عبدالله وجماعته عَرب وتوالفوا معهم وعندما اراد ان يُكرمهم عبدالله ماتَوارى عن طلب عيال عمه المعونة ولكن اللي مايدري عنه وهو انهم اتفقّوا مايمدون له اليد حتى يتوب من الكرم الزائد ..

وفعلاً ماعطوه شيء واتضّح بأنه لم يتبقى لديه غير شيء واحد وهو ناقته الأخيرة مصَدر عيشته هو وعياله ، تهقون تركها ؟ لا الله يسلمكم ولّاه للقبله وطبخوها اهل بيته

ويوم غابت الشمس ولفَوا عليه المعازيم والضيوف وبعد ماشربوا القهوة قال لهم عبدالله :
‏"اقلطوا الله يحييكم "
‏واصحابه عارفين ماعنده شيء ومتوقعين انه بيجلسّهم على رز من دون لحم
‏ولكن اللي اذهلهّم انه برّك على الصينية ناقته وراس ماله وهو يرّدد قائِلاً :

يا جماعة كيف ما فيكم حميـّا
‏كيف صيّاح الضحى ما تسمعونه

‏من يعاوني على ربعٍ هنيـّا
‏من بغى درب المراجل يمنعونه

‏المراجـل مـا تهيـا هالسويـّا
‏كود من عض النواجذ في سنونه

‏ان بغيت الشح درب الجود عيـّا
‏حالفٍ ما أرضى لنفسي بالمهونه

وان بغيت الهون ساس الطيب عيّا
حالفٍ ما ارضى لنفسي بالمهونه

حالفٍ ما اجوز من جيّة هويّا
دام بيت الله خلقه يدهلونه

‏ ما علينا من مسردة القفيـّا
‏كان باب الرزق منهم يقطعونه

من لحومي الدانيه شفت الجفيّا
من بغى درب الشكاله يبهتونه

432

أصايل

17 Jan, 22:36

‏عبدالله بن هذال المطيري - رحمه الله - كان من اطيَب الناس في زمانه حتى في ظِل تردّي الحال قديماً لم يهجع صاحِبنا عن السخَاء

345

أصايل

17 Jan, 22:24

ياجماعة كيف مافيكم حميا؟

350

أصايل

17 Jan, 20:12

سلام عليكم
الي يفهمون بسماعات الايربودز ساعدوني بمشكلة بسيطه قبل أبكي😔
@uesraeayil

367

أصايل

16 Jan, 21:32

خلي يديني لين أشوف الدرب زين
أنتي عذية والمسافه مجهدة
قلبي يقول بنلتقي لو بعد حين
ياوجهٍ أعرف قيمته قبل أفقده
أقرا كلامك في وجيه العابرين
وأعمي عيوني قبل أترجم مقصده
وشلون ما أداريك وأنتي ياسمين
أنا معك حتى السكوت أفقده
أغضي بسودك لين أشوف طويق طين
ومِيلي بعودك لين ظلّه يسنده
اللي عظامه ماتشيله خطوتين
تقتاده طيوفك ويقتاده سهده

392

أصايل

15 Jan, 23:32

عيوني بالمدامع كل ما مرها الحنين تجود
‏مثل جود بدويٍ خايف يقصّر في حق ضيف.

392

أصايل

15 Jan, 21:38

أحتمال الواحد يشيل فوق الأحتمال
وأحتمال يصير حاجه يحب يصيرها
كل واحد له مزاجه وكلٍ له مجال
العقول تميز أوزانها تفكيرها
لكن اللي مستحيل ومحال ومستحال
آيةٍ فالأرض—نعجز على تفسيرها
تجتمع فيها النوابغ وتعجز عن سؤال:
دامها من طين وش فرقها عن غيرها؟
شيءٍ من وحي الانوثه وشيٍء من الخيال
صورةٍ سبحان من يبدع بتصويرها

405

أصايل

14 Jan, 21:26

‏تضحك معي تحسب حياتي تساهيل
‏ليته صحيح وخاطري مسفهلي

‏ماتدري أني شلت حمل الغرابيل
‏يالله دخيلك قبل وقته يحلي

‏للحزن تحت ضلوع صدري مداهيل
‏وأنا أبتسم لك كن عمري تسلَّي
‏😢😔

416

أصايل

14 Jan, 21:16

الغلا اللي كنت أخاف أنه يعدي؟ عدا
أسرع من الليله اللي مستحيل أنساها

403

أصايل

13 Jan, 21:00

المقصد من أن :البنفسج يفضح الفستان كناية على جمال محبوبته تكون فارقه بين النساء وماقدر يتحمل جمالها بتفضح مشاعره مثل الخزامى في وسط الأعشاب.

434

أصايل

13 Jan, 21:00

ياغزال شفته مسيان
‏يا محمد شاقني فنه
‏يامحمد والخفي لو بان
‏كان كل الناس منجنه
‏البنفسج يفضح الفستان
‏أخلفتني وأختلف ظنه
‏تنشدٍ عن ذيبي العطشان
‏قالت ... البارح ... يغننه
‏قلت له ياوردة البستان
‏خلي الخفرات يسقنه
‏يذكرونها طبت الميدان
‏كنها وأحترت وش كنه
‏العذارى وقفن يافلان
‏من طغى زينه يحسدنه

444

أصايل

13 Jan, 18:55

ماعاد لي بمطارد الصيد حاجه
الا غزالٍ صادني من قبل أصيده
ريمٍ لبس في عالم الزين تاجه
عزاه داري عن دياره بعيده
خشفٍ طعن قلبي وعنده علاجه ماله سلاحٍ غير عينه وجيده
الى أظلمت دنياي ولع سراجه يمشي على دربه فؤادٍ يريده
ياعذلين القلب هاذي سذاجه— خلوني أحبه وأحبه وأزيده-القلب قلبي والمخالج خلاجه وكثر الحكي يا أهل الحكي ما يفيده

445

أصايل

05 Jan, 21:39

‏أحبّك
‏والهوى فوق الكلام العذب والتفسير

232

أصايل

05 Jan, 09:53

«أرفع مقامك كنك الجدي وسهيل—وناسٍ تبادلك الأحترام أحترمها».

254

أصايل

03 Jan, 22:43

صباح الخير
أنا أدري وأنتم تدرون وهم يدرون
أن ما عن «المكتوب مهروب». بمعنى أنك لازم تتشجع وتواجه اللي تخافه في حياتك ,فراق عزيز أو أمرٍ من أمور الدنيا اللي مالك فيها حيله وقوه—‏راحت حياتي بين خيره ومقسوم
‏حيل الله أقوى .. ياحياة الخساره

311

أصايل

31 Dec, 17:41

عساك ما تشكين من الضيم والباس
‏يا نور نجد وملحها وثمرتها
‏VS
‏"وأصير لك شاطي إذا تعبك يصير أمواج
‏يرخص لك فرح قلبي إذا بديت تعاني

460

أصايل

30 Dec, 01:52

‏أببعد لين تحسبني رحلت لأخر الأوطان
‏عسى الله
‏لا ييسر لي طريقٍ
‏يوصل لدارك

504

أصايل

29 Dec, 10:39

أتعجب عبدالعزيز ولكنه كان متفق مع خويه فالفدى لمحبوبه ورد عليه وقال:
والله ما الومه لو فداني بخله
لابد جاري له من الحب جاري

قلبه صخيف الروح حالي يسلّه
سل السلوك المحكمة في الأباري

528

أصايل

29 Dec, 10:37

سمعتو شليويح يوم تفدى بخويه؟وقال:
يفدى عشيري من عظامه تشيله
والحضر اللي ينزلون البراري

وأبن رشيد الشمري فدوةٍ له
مودع فراقين القبايل وقاري

481

أصايل

22 Dec, 21:18

‏يمر العمر وأكبر كل ليلة تحت سقفي عام
‏ماعاد يهمني لو ضاع عشريني مع الوحده —تنزعت الثقه من ناس من عِشره ومن أيام
‏ماعاد أقدر أصدق فـ الحياة الا الشتاء وبرده
‏فقدت أكثر من اللازم دموع وعافيه وأحلام
‏وشعور وناس وزهرة شباب فـ ليلةٍ وحده

659

أصايل

22 Dec, 20:09

‏«أتبع الزين»: ويمكن هاذا عذروبي الوحيد.

578

أصايل

21 Dec, 19:59

‏ورا المدى سافري وانتي حدر رمشي
‏في فيّةٍ عن هجير الشمس والكنّه

‏واليا مشيتي انا تكفين وين امشي
‏وانتي من القلب في عشقه وفي ضنّه

‏قد مالت غصون قلبي وانكسر نعشي
‏من قدرك اللي عظاااامي مايشيلنّه

‏هبّت بصدري هبوبك وانثنى عرشي
‏من ريح طاريك والا ريحة الجنة
‏😢😔😢😔😢😔😢

607

أصايل

20 Dec, 02:40

‏هاذي عشرين العمر متبعثره مثل الرماد
‏ماكنها إلا ليلةٍ بين النضوج ومولدي

582

أصايل

14 Dec, 15:54

‏مساء الخير
‏والله يا مرت على عمري سنين — كانت تمشيني على الجمر حافي.

741

أصايل

11 Dec, 23:11

‏«شعور يقتل وأنت جالس تْراقب
‏عمرك يروح.. ومنت قادر تعيشه»
‏— فيصل العطاوي

790

أصايل

11 Dec, 20:28

‏«آه يا كبر الطموح اللي ما تكفيه العزيمة/ ليت عقلي ما خذا من قلبي الحسّاس شوره» — محمد ابن هرشان

772

أصايل

07 Dec, 21:44

‏ابن شايق -رحمه الله- يوم طلب:

تعالي واجلسي عندي ترى الأعمار محدودة
‏أخاف أموت و تموتين محدٍ حصّل الثاني

‏أخاف تموت ولا أموت محدٍ نال مقصودة
‏ولا أخاف مع طول البطى أنسى وتنساني

‏تراني بـ انتظارك والثقة ماهي بـ مفقودة
‏تكرّم يا حياتي وأجبر الخاطر على شاني
//

ولمن طابت نفسه قال/
أنا سمحت وطابت النفس وأقفيت
معاد لي صوب الرجوع التفاته

فات الاوان ولا تقولين ياليت
كلٍ عسى الله يسعده في حياته

971

أصايل

07 Dec, 20:23

أنا اللي تستحق مالا تملكون
من كنوز الارض ومن الحفاوة والرحاب

والله أني يوم أمشي بين العابرين
ودك أن الارض من تحتي ذهب ماهي تراب

716

أصايل

03 Dec, 13:49

https://x.com/uesraeayil?s=21&t=ZUKWbQcbGHTt0FlgxtBvdQ

846

أصايل

03 Dec, 13:48

أكثركم يجون بالتيل يطالبون بحسابي بتويتر الخاص
وأعتذرت كثير ولكن هالمرة بعطيكم
سمعٍ وطاعة جعنى فداكم بس

838

أصايل

03 Dec, 10:11

الأنسان بالمحبة يصير غبي لحد الجنون ومثل ذلك الشاعر خارجًا عن المألوف قائلاً /
«كل المخاليق مولوده على الفطره
الا أنتي أظن مخلوقه علشاني»

849

أصايل

02 Dec, 01:40

1 جمادى الثاني
«أقسم لي الخير والخيرة وعقلٍ رشيد
وأغفر لي اللي مضى من العمر واللي بقى»

842

أصايل

01 Dec, 19:32

‏التفدّي لغة الحب في السعودية.

‏«يفداك ما شافت عيونك من الزين» بدويّ لإبنته.

‏«يفدا عشيري كل برقا على روق» بدويّه لزوجها.

769

أصايل

28 Nov, 18:54

‏"أمانة كيف تنسيني؟
‏وأنا من ليلة التوديع إلين الحين أحس إيديك بيديني"
‏—-
‏"ملمس يديك لازال عالقًا في كفي، كيف ينزع المرء أثر الحب من الحواس؟"

808

أصايل

26 Nov, 15:12

‏«كرهت أشخاص عرّفني عليهم عنفوان الطيش
‏مثل ما يكره الشاعر قصيده في بداياته»
‏— محمد الذيابي

706

أصايل

25 Nov, 02:01

‏«مافيه موت اشد من موت الحماس
‏ تعيش فوق الارض كنك تحتها»
‏— جمال بندر

717

أصايل

24 Nov, 10:50

‏أيه أحبك
‏وأنا لك عاشقٍ من سنين

746

أصايل

23 Nov, 15:53

‏طلب الليلة
‏«ودي أبعد عن مدى الأنظار وأناظرك أنت»

758

أصايل

20 Nov, 15:52

أشتهرت قمرا الدعجانيه بسرعة بديهتها وسلاطة لسانها بين الرجال
وكان لها يعني مواقف كثير اثبتت من خلالها قدرتها على تحدي الرجل في التحكم بزمام الكلام
المهم
يسمونها قمره ( المرهوصه ) من الدعاجين من عتيبة امرأه اشتهرت بشاعريتها وجمالها بين نساء عتيبه بس كانت سليطة لسان و يوم من الأيام صادفت قمره على العد ( الماء ) رجل ويسمى زيد ابن صالح من العصمه من عتيبه وتولع بها وعشقها ( عشق شريف ) وهي بعد بادلته بنفس الشعور واستمرت فترة عشقهم الى سنه تقريباً الى ان قرر زيد ان يتقدم بخطبة قمره .. وكلم والده بس والده خاااف على ولده من قمره وسلاطة لسانه فأقسم وحلف على ولده زيد انه ما يتزوج قمره وأعطاه ريالات ذهبيه وقال له تزوج اللي تبي من اي بنات القبيلة بدلاً من قمره بس زيد مايبي الزواج الا من حبيبته قمره بس كالعادة ماقدر يكسر حلف والده فرضى بالمقسوم وراح لحبيبته قمره و قالها برأي والده وأعطاها الريالات الذهبيه وتركها وحذفت قمره الريالات الذهبيه بالماء وأنشدت تقول//

يامل قلبً من هوى زيد مطروق
طرق الحديد ملينٍ يالضويا

أمسيت قلبي فيّ وأصحبت مسروق
وشورّت في قلبي عميلٍ وعيا

يفدى عشيري كل برقا على روق
واللي بعيد الدار واللي هنيا

ويفداه من يركب الخيل بعروق
مع خيل ابن هند وخيل المحيا

ويفداه من يمشي على الأرض من فوق
واللي يشوفون القمر والثريا

ويفداه حضرًا جو العصر لسوق
وابن رشيد اللي عن الحكم عيا

612

أصايل

20 Nov, 15:50

كلنا سمعنا بالقصايد التفّدي ومن أخطرها وأعذبها

447

أصايل

20 Nov, 11:47

مشتاقيييين؟

461

أصايل

20 Nov, 11:47

مساء الخير

462

أصايل

10 Nov, 20:00

‏تسلّى بـ عمرٍ ما يعوِّد على راعيه
‏إلين الصبا ترجع لياليه للكاهل

‏أنا الظامي
‏اللي شاف وجهك سراب التيه
‏وتبعك السنين الممحلة وأنت تستاهل

648

أصايل

07 Nov, 21:00

وقال أيضًا //
تركي ليا من البلاوي غدٍ عوج
حمله عتيبه كلها ما تشيله

716

أصايل

07 Nov, 20:56

أحب بندر بن سرور
فكل مره أسمع له قصيده أحس ليتني كنت ف زمانه//
ياسخيف الذرعان ماني مرجوج
رجتني الدنيا بغدرٍ وحيله

يابنت لولا اللي على تاسع الفوج
تركت نجد وعزوةٍ بالقبيله

لا شك حاديني على نجد هيدوج
مسقي الفيافي لين يدرج مسيله

712

أصايل

06 Nov, 14:00

قريت قصيده جدًا عظيمه وكل شخص عنده ذائقه شعرية بتنال أعجابه ولازم أشارككم

600

أصايل

03 Nov, 21:29

يالله برزق مالحد فيه منه
ينسي المحتاج وش كان محتاج

ويا الله بمحتاجٍ ليا سِد عنّه
يذكر مواقفنا بدعوه وهو حاج

603

أصايل

29 Oct, 17:10

‏طق راسك في الجدار أهم حاجه
‏لاتطق الارض جداني تحتها
‏😢😢

763

أصايل

25 Oct, 17:54

‏أنا والله أحبك
‏كثر ما ربي خلق وسط الصدور أسرار
‏وكثر ما سالت أحلامي
‏على دربي وأخليها
‏وأبيك تحبني بذنبي/بحزني/والعيوب كثار
‏ولا أملك
‏ غير باقي روح إذا إنه خاطرك فيها
‏فأنا مالي يقين إلا أكون بحضرتك محتار
‏وسوى حبك
‏ دروبٍ واضحة مااااااا ودي أمشيها

892

أصايل

22 Oct, 22:10

ردت عليه شاهه وقالت /

‏يا حسين ما أحفينا عليك المراسيل
‏و لالك خطبنا يامروي السلايل
‏
ولا بك على الاد الجريسي تنافيل
‏وساع الصحون و مشعلين الفتايل

815

أصايل

22 Oct, 22:08

‏هكذا طلّق حسين بن عليق الدويش زوجته شاهه العتيبيّه:

‏أنا لقيت اللي يُردّ العوض فيك
‏ غـروٍ على متنه يقضّ الجدايل

‏تخيَّري في ربوعك اللي حواليك
‏ايضاً ولا تشفين في كل طايل

758

أصايل

22 Oct, 21:48

‏مدّي يدينٍ عاهدتها يديّا
‏ياللي سماك ملبده برق وغيوم
‏لا تشتكين اللوم و أنا هنـيّا
‏أنا هنيّا لأجل مايلحقك لـوم
‏ياللي جبينك من غلاه الثريا
‏ما عاشرت شمسٍ ولا خاوت نجوم
‏إن كان ماجتني عليك الحميّا
«‏ما عاد لي في باقي العمر ملزوم»

683

أصايل

19 Oct, 15:29

‏وش هالتناقض بالهوى؟
‏أنتي الجروح الموجعة وأنتي الدواء

740

أصايل

16 Oct, 21:15

وقال في قصيدته //
حبك حرمني عن جميع المزايين
‏حبك مكفيني عن الحي كله

‏لو أن قربك ينشرى بالملاييـــن
والله لسوق المــال دقــه

حان الممات ولا حصل نقضي الدين
والحضن دونك واحدٍ واقف له

مري شمال أن كان ودك تمرين
‏مري على قبري وشوفي محله

بأرض الشمال وقبلة القبر رجمين
الرجم الأيسر يحلق القبر ظله

وأن جيت فوق قبري وأسمي تنادين
وأجاوب اللي جعلني روحي فدى له
‏
وأن كان ودك فوق قبري تصلين
‏أليا سجدتي فلي الراس كله
‏
أشــم ريــح ٍ مثل وردالبســاتيــن
‏وجسم ٍ كلاه الدود وصلك يبلـــه
‏
وعند الوداع خطي على القبر حرفين
‏مرحــوم يلي صاحبه ماحصله

807

أصايل

16 Oct, 21:14

هاذا شاعر جدًا عظيم توفاه الله بحادث مروري الله يرحمه ويغفر له
له أبيات لازلت تتردد لهاذا اليوم ومن ضمنها قصيدته الشهيره وهو يرجي محبوبته نوف أنها تجيه في ديرته «حايل»

571

أصايل

16 Oct, 21:11

اللي يقول//
في محيط الحب في بحر الغرام
كادت الامواج تغرق مركبي

في سواد الليل في عتمة الظلام
حقق الله بعد يأسي مطلبي

جيتها في بيتها وقلت السلام
‏قالت الله لايحيك وش تبّي

‏قلت ابي عطفٍ ولطفٍ واحترام
‏وفي شعور أهل الهوا لا تلعبّي

‏وابي اضمك لي وترخين اللثام
‏حيث بين شفاك يوجد مطلبّي

‏قالت ابعد مطلبك هذا حرام
‏قلت لكن صار في عصر النبّي

‏الحرام الصد يابدر التمام
‏الحرام البعد لكن قربّي

606

أصايل

16 Oct, 21:11

تعرفون الشاعر منصور سعد الرمالي ؟

562

أصايل

16 Oct, 21:10

صباح الخير

570

أصايل

16 Oct, 19:50

‏«ودي الأيام ترجع بي .. غليّم
‏قبل أعرف أن الحياة أم المعارك»
‏— عكاش العتيبي

599

أصايل

13 Oct, 21:24

مرتاح
‏لا خايف أحدٍ يروح ولا منادي اللي راح
‏- شعار المرحلة

680

أصايل

12 Oct, 22:00

‏يا أعذب من البراءه وأطهر من التسلي
‏ليلة جابتك ودي أقبل يديها

719

أصايل

11 Oct, 08:04

اللهم صلِّ وسلم وبارك على نبينا محمد

775

أصايل

08 Oct, 17:03

‏ودريت أني أحبك كثر رمشة كل عين
‏و إن كل الأرض عندي
‏كلها سورك و بابك

905

أصايل

05 Oct, 18:31

‏احب الحوارات الشعرية التاريخية احب قصص الأولين احب علوم البل والحيا وعلوم محبوبي علوم الناس مادانيها ولا اشفق لها لله
وأحب الي يقول
مالك بالطويله
تهقى
مير
ميدك

تحس بأنتعاش ماودك سوالفه تخلص وإذا خلصت ترنه بالدله والله الله

1,164

أصايل

04 Oct, 19:45

يا أطيب قلب لا يا أغلى من الياقوت والألماس
‏يا أكثر شي فالدنيا على الدنيا مصالحني

935

أصايل

03 Oct, 21:36

كنه خلق مني وكني بعد منه
والله مادري مين اللي يموت فالثاني

935

أصايل

30 Sep, 00:57

‏«ما ضَرّني أنْ تجهلَ الناسُ سيرتي
‏إذا كنتُ معروفًا لديها فلا ضَيرُ»
‏/
‏«ما دام إنّ كل من يحيا على وجه التراب تْراب
‏عسى تنساني الدّنيا ما دام أنتي ذكرتيني»

1,004

أصايل

28 Sep, 20:51

‏قلطي يا مرحبا والليل توه بادي
‏لا يروح الليل دام أنتي وأنا من دونه

‏باللسان وبالعيون وبالمشاعر نادي
‏أسمع مناداك قبل الناس لا يوحونه

‏من سمع صوتك ولا جاوبك هذا غادي
‏ودك الله يحرمه سمعه وضحك سنونه

‏هايمٍ في عينك وصوتك وضارب وادي
‏واديٍ من هام فيه الله يكون بعونه

914