غيّاب

@hi34r

طاب الخاطر ولو كل الليّالي أسفة ماعاد تفرق .

غيّاب (Arabic)

يسرنا أن نقدم لكم قناة Telegram الرائعة بعنوان 'غيّاب'، التي تديرها المستخدمة @hi34r. تتميز هذه القناة بمحتوى يبعث على الاسترخاء والهدوء، حيث تقدم لكم أقوالاً وأشعاراً تطرب القلوب وتجعل الروح تنطلق. تقدم القناة محتوى فني وأدبي يلامس أعماق النفس ويعيد البهجة والسرور إلى القلوب المنهكة. سواء كنت بحاجة إلى بعض الدعم العاطفي أو ترغب في الابتعاد عن ضوضاء الحياة اليومية، فإن قناة 'غيّاب' هي الوجهة المثالية لك. تفضل بالانضمام إلينا اليوم واستمتع بأجواء هادئة وموجبة تملأ حياتك بالإيجابية والهدوء.

غيّاب

22 Jan, 00:10

‏مرحوم ياوجهٍ ابكيه إلى اليوم
‏مرحوم يا كبد كبدي وفلذاتها

‏بعد فقدك غدا بخاطري علوم
‏عليك العيون تهمل دمعاتها

‏من بعدك ما هنا لعيني النوم
‏ترجعني لـ ايامك وضحكاتها

‏من بعد فقدك معاد علي لوم
‏إليا تاهت النفس بحد ذاتها
ِ

1,251

غيّاب

22 Dec, 07:31

‏ياوسيع البال ضيّقت الصدور
‏رحت ماعلّمتني وين أنت ساري

‏في غيابك مالـ خلق الله حضور
‏وفي حضورك مالهم بالبال طاري

‏صاحبى محتاج لك شعر وشعور
‏وإحتياجى شي .. ماكان إختياري

‏من متى والغصن يختار الطيور
‏من متى والبال يختار الطواري !
ِ

3,714

غيّاب

17 Dec, 00:50

‏على سور دارك صرت أشوف الورود أشواك
‏ولا عاد جيّاتي عليها .. تسلّيني

‏بكى كل طيرٍ كان يضحك على الشباك
‏يغرّد وكنّه في وداعك يواسيني

‏أنا منصدم وأعيش يومي بدون إدراك
‏ماباقي معي من عقلي اللي يقدّيني

‏أسولف على طيفك وأغني على ذكراك
‏عسى الله يضمّد جرح قلبي ويهديني
ِ

4,227

غيّاب

05 Dec, 00:33

‏تغاضي ياعيوني والسنين قصار
‏ما دام الوقت لا أنصفني ولا أنصفته

‏أحب إللي مضالي وأكره التكرار
‏وأشوف إللي يخوفني ولا خفّته

‏غريب شعور والواقع غريب أطوار
‏كثر ما كنت راضي ، كثر ما عفته

‏ياكثر إللي تحاشيته يصير وصار
‏ويا كثر إللي تمنيته ولا شفّته
ِ

5,308

غيّاب

10 Nov, 01:10

‏يوم الأيام السعيده علي متتاليه
‏حيّها مزين ظماها و مزين جوعها

‏راحت أيامٍ و مرّت علينا غاليه
‏عاد حنا في رجاها يعود رجوعها

‏تايهٍ في مجتمع ذا السنين التاليه
‏عالمٍ متغيرٍ سلمها و طبوعها
ِ

7,359

غيّاب

24 Oct, 06:37

السلام عليكم صباح الخير اصحاب غيّاب اللي عنده سالفه قصه قصيده اتحفوني
@qw_93

710

غيّاب

23 Oct, 21:05

‏من يوم ودّعتك وانا ماني مرتاح
‏يالله عسى النعيم يلازمك في قبرك

‏ماطاحت الدمعة إلا كلّ حيلي طاح
‏ولاغاب عنّا طاريك ولاغاب ذكرك

‏يالله عسى روحك من العنا ترتاح
‏وعساك بأعلى جنان ربي مستقرّ
ِ

8,594

غيّاب

20 Oct, 03:47

اذكرك ياقلبي قبل عده سنين
‏تعشق تفاصيل الحياة وصخبها

‏عايش بدون قيود وبدون روتين
‏تمشي ورا احلامك وتنسى تعبها

‏هاذا وتوك ما وصلت الثلاثين
‏موتت شغفك الغامضه وش سببها
ِ

8,079

غيّاب

04 Sep, 01:34

جف صوت الحروف وشح فكر الكلام
‏وانعقد حبل .. فوقه عبرة جانيه

‏كل ماقلت هانت بذكر الله .. وانام
‏ناخ ركب الجروح اللي لفت عانيه

‏كل ليلة بـ صدري .. مؤتمر لسلام
‏وينقصف ما يكمل بالفرح ثانيه

‏الطف الكذب قولة بـ أن حالي تمام
‏والمعارك بـ صدري طحن متفانيه

بين خابت ظنوني بين كثر الملام
ارجي الله جزانا ثمرة دانيه

كيف بقنع عزومي تستمر ل الامام
وانا حكمة حياتي فانيه فانيه

10,969

غيّاب

29 Jul, 03:44

‏ياصدري فتحت ازرار ثوبي وشلت الكوت
‏ابي تنطفي نار في الأضلاع مشبوبه

‏انا معي ضيقة شايب سمع طاري الموت
‏يشوف الحكي صوبه وهم ماهم صوبه

‏يعرف ان وقته زل وان العمر موقوت
‏ولا هو بعايش كثر عمر انقضى دوبه

‏فنو جيله اللي عمرو في البلاد بيوت
‏ليا شافها من عقبهم ضاق به ثوبه

ولا عاد به ناس تزوره ترد الصوت
‏يقضي فراغه منطوي يحسب ذنوبه

‏الا ياصدر لا ضايقك همك المكبوت
‏توجه لـ رب يشفي ويقبل التوبه

‏لو انك ب ليل وموج بحر وفي بطن الحوت
‏اذا انك دعيت الله .. نجاك بأعجوبه

14,129

غيّاب

27 Jun, 02:18

أخلفني الوقت مخلف كل متنبّي
‏أنا اشهد إني بحاجة من يواسيني

‏بين الرفاقه مثل خطوات متصبّي
‏أكنا من اللي على يسراي ويميني

‏أسرق من الونّه اللي ضيقت لبّي
‏ولا أزعج الدمع إلين الدمع يعميني

14,277

غيّاب

18 Jun, 05:53

‏كنّي بديت أخاف عُمر الثلاثين
‏خايف لا اجيه بدون حلم وهوايه

‏بفقد شعور القادم افضل وبعدين
‏وبفقد آمان التجربّه و الغوايه

‏وبتغيب عني الوان و ابقى بـ لونين
‏ويبدا يناظرني القلق فـ المرايه

‏وبشوف فـ عيوني شعور المسنين
‏و المنتصف ما بعده الا النهايه

13,909

غيّاب

18 Jun, 05:52

‏أغلب رفوف الكتب ما حرَّكت ساكن
‏كثر ما حرَّك شعور القلب "مسودّة"

‏مثل الهوامش وأمان شْعوري الراكن
‏يدرى إختلاس العيون العابرة : ودّه

‏وش أنتظر له ؟ لـ طيف أن مرَّ الأماكن؛
‏صدري يجرّ النسم، كنّ النسم نِدّه؟

‏" قرَّبت منّه قميصي ليلة ، ولكن
‏لا من دُبر قدَّه ، ولا من قُدم قدَّه "

12,999

غيّاب

17 Jun, 00:26

صباحَ الخير وعيدكم مبارك وعساكم من عواده🖤🖤 : لا تنسون أمي من دعواتكم الطيّبة يا رِفاق لعل أحدكم أقرب إلىٰ الله مني🖤.

11,735

غيّاب

17 Jun, 00:26

اتى العيد يا فقيدتي و انا من الفاقدين و انتِ من المفقودين كل عام و قبرك نور و نعيم و كل عام و رحمة الرحمن تظلك كل عام و دعائي لك لا يفارق لساني ، اللهُم ارحم امي 🖤.

11,227

غيّاب

17 Jun, 00:26

وجودي على اللي لا ذكرته جلست ابکیه
‏خذاه الذي يجعل جدا الناس في العبره
‏
يوم ان راسه حي هم الدهر ما اشكيه
‏يا طيبه على زلة خطايه ويا صبره

اشوف الحياه امان في ضحكة حجاجيه
واشوفه سند المجتمع كله بكبره
‏
لا جات الامور الكایده یاقف ويكفيه
‏ويدرا على غاليه حتى من الابره
‏
ضغوط الحياه القاسيه عودتني اجيه
‏اسلم عليه واشكي همومي على قبره
ِ

11,923

غيّاب

11 Jun, 01:22

‏اتركوني من النشده وبحث الخوافي
‏وابعدوني من الديره لـ دارً فسيحه

‏جعل مامر صدري مايمر السنافي
‏عفت شوف الحضور ومطرويً القريحه

‏ضايقً من فراق وضايقً من تجافي
‏اتقوى وانا حالي دنى من مطيحه

‏يكذب اللي يقول ان المفارق عوافي
‏لا يحس بشعور ولا يعرف النصيحه
ِ

11,843

غيّاب

25 May, 01:12

‏يفز الحنين من آخر الصمت والفقدان
‏وتهيج الجروح اللي عن الشِعر حابسها

‏فقدتك وفقدانك على وجه عمري بان
‏وانا اخترتك بـ معشب سنيني ويابسها

‏عيون ٍ روَت وجهك عمر ماملاها انسان
‏يغني لها الملح .. وترفرف نوارسها

‏ياكثرك بـ ذاكرتي تمر وتسيل أشجان
‏وتفاصيلك بـ كل الوجيه اتلمسها

‏تمر الحياه وليت الاقدار بالامكان
‏واعرف الليالي وش تخفي بواهسها

‏يا كيف اتجاوز ما مضى واقدر النسيان
‏ولك ضحكة ٍ في تربة البال غارسها
ِ

13,382

غيّاب

15 May, 22:27

‏قبل الأيام تسرق وجهي الهادي
‏بعيش من الليالي عمري الأجمل

‏وقبل تقبل سنه و أحلامي تنادي
‏وقبل أطفي الشموع وهالسنه ترحل

‏أبتمنى .. يارب في يوم ميلادي
‏بأن الحظ يعطيني لي .. ولا يبخل
ِ

12,924

غيّاب

14 May, 21:47

‏تحاذف على راسي من البارحه لليوم
‏همومً مع هوج المراويح تومي به

‏انا من دموع العين والله ماحولي نوم
‏ماغير اسكب دموعي من الفجر لـ الغيبه

‏يا دمعي عداك اللوم والله ما حولك لوم
‏تصبر على موته وماجت به تجيبه

صديقي خذاه الموت والموعد المحتوم
وحزني على كبدي تراكت مشاهيبه

قبرته وصدري من خبر موته مزحوم
هذي والله الغيبه ليا قالو الغيبه

لو ان البكاء بيفيد ببكيه لين يقوم
خذته الليالي من يدي كيف بتجيبه

ياوجدي وياويلي وكبدي ومال القوم
على اللي خذاه الله وانا عاد ودي به
ِ

11,747

غيّاب

11 May, 03:10

‏البارحة مابين ذكرى وتذكار
‏عيا يطب النوم سود الجفوني

‏ياغايبي والشوق مخلوق من نار
‏ماهنت لو غيرك عليا يهوني

‏وشلون تتركني على عتبة الدار
‏وانت الوحيد اللي بكت له عيوني

‏اسألك في وجه الولي رب الابرار
‏رازق ضعيف الطير فوق الغصوني

‏ان كان باقي لي معزة ومقدار
‏عوود ترا شوفتك تشفي طعوني
ِ

11,746

غيّاب

20 Apr, 02:34

‏بكت عيني من الدنيا عقب ماغدا دمعها همال
‏وإذا ضاق صدري قامت العالم مع الدنيا تحاديني

‏هذا قلبي وهذا جرحي وهذا الحزن باقي ولازال
‏وأنا معاد أقدر أخبي وأنا خاطري تفضحه عيني

‏فيا قلب أنا طالبك ترا حمولي من الدنيا ثقال
‏طموحي علو لكن ظروف الزمن والدنيا تعنيني

‏أبصبر وأصابر وأنا داري مايفيد الصبر لاطال
‏لكن الفرج ياتي يالله عسى الفرج ياتي يداويني

‏ياكم بيت قصدته وأنا خاطري دايم وسيع البال
‏لكني هدمت البيت من عقب راعيه ولاعاد يعنيني

12,816

غيّاب

20 Apr, 02:34

افا ياصدري ضقت من جاير الوقت
‏خابرك ياصدري تشيل الثقايل

‏وش فيك علمني لك ايام ما رقت
‏ضايق و فيك الهم صايل و جايل

‏خابرك ما عمرك للأحزان رافقت
‏و اليوم كنك شايل جبل حايل

10,592

غيّاب

19 Apr, 00:11

‏انا الحزين الحزين اللي عليه الكلام
‏وأنا الغريب الغريب المغترب بـ وطنه

‏وأنا الي أقصى طموحاته يعيش بـ سلام
‏فاقد شعور السلام الداخلي كم سنه

‏بعض الليالي مامرتني مرور الكرام
‏احداثها مُحزنه وامراضها مُزمنه

‏ياصاحبي صاحبك ماهو على مايرام
‏الحزن مثّر على نفسّيته وبدنه
ِ

10,521

غيّاب

19 Apr, 00:10

‏مشغلني التفكير في بعض الأمور
‏تجمعت في وقت واحد كلهّا

‏محتاج لي مخرج ومنفذ للعبور
‏للشجره اللي تحتويني ظلها

‏صبرت فالدنيا وانا مّاني صبور
‏شيّبت من كثر الهموم و حملها

من كثر مااعشق ملذات الشعور
اهم لذه ماعرفت اسعى لها

‏أحلام في عقلي و في راسي تدور
‏بس النهايه ما قدرت اوصل لهّا
ِ

10,051

غيّاب

16 Apr, 22:38

‏وين أتوجه والليالي ماتطاق؟
‏وأنت الوحيد اللي دموعي تألفه

‏ما عاد لي عقبك اصحاب ولا رفاق
‏لا ولا لقى قلبي قلوب موالفه

‏ملّ الجفن يذرف دموعي الرقاق
‏خذني بـ صدرك ما بقى وجـه آلفه

‏وعلم شعوري لانزف جرحي وفاق
‏ إن الندوب اللي بـ صدري تـالفه
ِ

9,512