INEFFECTUAL

- الرساله ؛ يسعد أوقاتكم

هذا بحث تخرجنا بعنوان
Incidence of Hirsutism among female medical students

https://forms.gle/8z4SnDSsTPi7HE2b9

إذا ممكن من حضرتكم تنشروه بقناتكم نكون جداً شاكرين 🌸🙏🏻

* البنات سواء عندهم Hirsutism او لا يملوه ✨

البوت الي كان مسؤول على تحويل السلايد ال ٢ في صفحه واحده
تقريبا اخذ مني خبره نصف سنه
واسبوع من الشغل يلا كملته
انا تارك الوضعية وناسي الكود اصلا
امس سويته بساعة ونص عن طريق الذكاء الاصطناعي وبدون جهد بس ادزله اوامر وينفذ!!
وطبعا صار افضل من الكنت مسوي بمراحل
يعني اي مشروع بسيط تكدر تسوي من خلاله صح كام بعض الاخطاء ويحتاج عندك خبره بسيطة حتى فقط ادزله الخطا ويعدله الك

ان شاء الله بس احصل سيرفر ارجع اشغله الكم

تروح تلعب طوبة
ترجع مكسر وتعبان وخسران وزعلان

وين الونسة والشحن بالموضوع 😂😂😂😂

الانسان لازم يكون عنده حصة للونسة
وتكون متوفرة دوما

مثلا عنده قائمة افلام يباوعها
او عنده جهاز العاب
او يروح جم
او يركض يومية

لازم جدا
بحيث مهما يفقد شحن
اكو شي يرجع يشحنه

صح قد تكولون المفروض هاي تكون بالصلاة والدعاء والزيارة

لكن الواقع الحالي هو مو هيج
فلازم على الاقل نسوي شي عام

والامور الدينية للخواص او لمن جرب ولم ينجح بالباقيات

- الرساله ؛ السلام عليكم


ممكن تنشرلي بلقناة يدعولي محتاجة دعاء الله يشافيني بجاه اهل البيت (عليهم السلام)🙏🏻💔



الله يشافي ويعافي الجميع ان شاء الله

اهم شي يفجرون الشيعة 🙂‍↔️🙂‍↔️

يقال ان العرض المُقدّم لفينيسوس من السعودية هو:

-200 مليون يورو سنوياً لمدة 5 مواسم

يعني بالعراقي
25 مليار بالشهر 🐸🐸

وين غزة وفلسطين ونصرة الدين

شو هاي الفلوس كلها تروح لشخص كافر يركض ورة طوبة

وبالاخير تبقى الفرق السعودية فاشلة

انسى التعيين بعد

اشتغل على نفسك وحاول تكون متميز جدا
سواء بشهادتك او بامور خارجية

حتى تكدر تعيش

والا راح تضطر تشتغل عند الوادم بابخس الاجور

لان سوق العمل بي تكديس عمال
وبعضهم يقبل يشتغل 10 ساعات
حتى يحصل 5 الف

اللغة الفرنسية

اي شخص عنده طالب سادس او شخص بعده اعدادية ( او حتى لو متوسطة )

خلي يقدم اله على دراسة اللغة الفرنسية

8 درجات على المجموع
بحد ادنى 4 ( شرط النجاح )

درجات ذهبية فعلا، تشقلب القبول.

منو عنده تجربة في النصيحة
وفي تغيير الاخرين؟

اكيد مو التغيير الي احنا نشوفه صح

انما التغيير من الي رب العالمين مخليه غلط
الى شي صح

تدرون لو الناس شوية صارت تفكر بغيرها
جان حياتنا صارت نعيم
ولو التزمنا بالاسلام الحق
جان عشنا بالجنة قبل وبعد الموت

لكن هيهات ان نحب للناس ما نحبه لانفسنا

سوالف التعيينات صارت مضحكة فعلا

بس هاي اخرت الي يضحك على المهندسين لان صارلهم سنين طويلة محد بحالهم

تالي المجموعة الطبية لحكتهم

وطبعا اكيد الفضل لاصحاب الاموال
الي هم سبب خراب البلد بكل النواحي

يعني النبي ما جان يغسل من الجنابة مباشرة

لعد اذا هيج
فالقول انك على خلق عظيم
هاي المقصود بيهة الامام علي

على الاقل بالنسبة النا 😉😉😉

شرح الحديث: النبي وكف يصلي جماعة وتذكر ان كان على جنابة
فكال الهم انتظروني وراح غسل ورجع صلى

 أُقِيمَتِ الصَّلَاةُ، فَقُمْنَا، فَعَدَّلْنَا 
الصُّفُوفَ، قَبْلَ أَنْ يَخْرُجَ إلَيْنَا 
رَسولُ اللهِ صَلَّى اللَّهُ عليه وسلَّمَ، فأتَى رَسولُ اللهِ صَلَّى اللَّهُ عليه وسلَّمَ حتَّى إذَا قَامَ في مُصَلَّاهُ قَبْلَ أَنْ يُكَبِّرَ، ذَكَرَ فَانْصَرَفَ، وَقالَ لَنَا: مَكَانَكُمْ، فَلَمْ نَزَلْ قِيَامًا نَنْتَظِرُهُ حتَّى خَرَجَ إلَيْنَا، وَقَدِ اغْتَسَلَ يَنْطُفُ رَأْسُهُ مَاءً، فَكَبَّرَ فَصَلَّى بنَا.

الراوي : أبو هريرة | المحدث : مسلم | المصدر : صحيح مسلم
الصفحة أو الرقم : 605 | خلاصة حكم المحدث : [صحيح]
التخريج : أخرجه البخاري (275)، ومسلم (605)

منشور خريج اسنان اهلية
ينتظر التعيين

بين قوسين
طور نفسك ومهاراتك
ولا تعتمد على شي اسمه تعيين مركزي ومضمون وراتب شهري مليون ( واكو اشخاص يطلعون هذا الرقم بحركة اصبع )

التعليم متوجه الى شغلتين
اولا الفشل باعتبار الطلاب جدا ما مهتمة بالموضوع
ثانيا الغاء مجانية التعليم
كون مقاعد الموازي صارت اكثر والاهليات بكد التمن

فبالاخير
لا تتذمر
ولا تتباطأ
ولا تباوع لغيرك

عيش كأنك وحدك بهاي الدنيا
تنافس نفسك فقط
والا اذا تريد تنافس الاخرين
فاكو اشخاص يحققون ما تسعى اليه سنين طويلة
في لحظات بسيطة

هذا الفرق بينك وبين اصحاب الاموال

صاحب المال يدخل مدرسة اهلية وخصوصي بالسادس
ويعيش افضل حياة مع توفر جميع سبل الراحة واحسن قرطاسية واحسن اساتذة
مع دورات خاصة ومراجعة
وكل الملازم

وانت يمكن بالحكومي تدرس

بالاخير اثنيناتكم حصلتوا معدل 99

انت اذا ما حصلت
ترضى بالي اجاك او تحاول تعيد سنة

صاحب المال
يروح موازي او اهلي
او موازي دولي

بالاخير ورة 6 سنين

اثنيناتكم تتخرجون اطباء
يمكن بنفس المعدل
بس بالمقابل هو يمكن دخل خصوصي بالكلية
وجان يروح ويجي بسيارته
وياكل بالنادي يومية
وكل اجواء الراحة متوفرة اله

اما انت
تظل تصعد كية
تنزل كية
لو تمشي
وتاخذ وياك لفة من البيت او اصلا متاكل

تخرجتوا بمعدل 75

انت دخلت تنافسي وحالفك الحظ
هو هم دخل تنافسي وما حالفه الحظ
فدفع فلوس وراح على الخاص

بالاخير اثنيناتكم راح تدرسون بنفس التخصص
هو اثناء الدراسة يمكن يقل الراتب مالتك وتضطر تشتغل وتدرس
هو ميهمه الراتب لان اصلا عنده فلوس وبس يدرس

حصلتوا البورد
وهو فتح عمارة طبية مباشرة

اما انت تظل تحاول تجيبها منا وتخليها منا حتى تفتح عيادة بسيطة ايجار

بالاخير اثنيناتكم صرتوا اطباء

لكن الطريق شلونه؟

فهل الاجر على قدر المشقة لو الاجر على تحقيق الغاية؟