دموع الأنين في رثاء الطاهرين 💔الشاعرة ليلى زغيب

#بضعة_الرسول
جديد بمناسبة شهادة السيدة فاطمة الزهراء عليها السلام قصيدة بعنوان (جمرة فقدها)



جينه ننشد بالحزن الدمعه نهلها
ابليل اظلم يا علي خافي قبرها


جينه نلطم عالصدر ننحب يحيدر
من ادفنت فاطم ام ضلع التكسر
شحال روحك يا علي وگلبك تصبر
وبيدك البضعه بويه انت التنزلها
▪️〰▪️〰▪️〰▪️〰▪️〰▪️〰▪️〰
جينه ننشد عالضلع ما لچمه التراب
لسه يآلمها الكسر من ذاك الصواب
بيوم دفعوا بالحقد صحبته الباب
ياعلي فاطم تنوح ظلت من وجعها
▪️〰▪️〰▪️〰▪️〰▪️〰▪️〰▪️〰
يا علي جينه بحزن ننشد وضعها
فاطم ام ابوها من كسروا ضلعها
من دم على الوجنه ينزل دمعها
چانت تنتظر يا علي وما تم حملها
▪️〰▪️〰▪️〰▪️〰▪️〰▪️〰▪️〰
شلون حالها زينب والمدمع همول
بحقد من هجموا على امها البتول
هتكو احجاب النبوه وثقل الرسول
ويم باب امها زينب يتسجل المها
▪️〰▪️〰▪️〰▪️〰▪️〰▪️〰▪️〰
ياعلي بالگبر لمن خليتها الزچيه
شلون وسدت خدها بذيچ العشيه
بچف الحقد مصفوع ياهاي الرزيه
بويه صفعتهم بروحي يحفر أثرها
▪️〰▪️〰▪️〰▪️〰▪️〰▪️〰▪️〰
روحي بحزن ظلت تنادي فگدها
بهيده من تنزلها بويه في لحدها
لا تلچم الوجنه الصفعه اعله خدها
والعين من دم ظل ينزف دمعها


تمت بعون الله تعالى
✍🏻 خادمة الزهراء // ليلى زغيب



دموع الأنين في رثاء الطاهرين 💔 الشاعرة ليلى زغيب

https://t.me/Doumooalanin

#يا_صاحب_الزمان
جديد للامام صاحب الزمان عجل الله فرجه الشريف أرواحنا لتراب مقدمه الفداء قصيدة بعنوان (يمته الفرج)



عجل ياابو صالح ذابت مهجنه
تدري شكثر غاير بغيابك جرحنه



جفت مدامعنا ونبچيلك دموم
ندري محترک گلبك آه من الهموم
ما لنا غيرك يمولاي الگلب مالوم
ننتظرك بفارغ صبر تمسح دمعنه
▪️〰▪️〰▪️〰▪️〰▪️〰▪️〰▪️〰
مولاي محنيه من الحزن الضلوع
نكتب لك والحبر دم ويه الدموع
وبالدرب مولاي اشعلنا مهجنا شموع
ويكسر الخاطر على غيابك وضعنه
▪️〰▪️〰▪️〰▪️〰▪️〰▪️〰▪️〰
انهدلت امتون الصبر عجل يغايب
أرواحنا من الحزن ذابت يبن الاطايب
بالدعا نرفع ايدينا والدمع ساچب
انت يا أمن يجيب ننتظرك عمرنه
▪️〰▪️〰▪️〰▪️〰▪️〰▪️〰▪️〰
وين گلي بيا ارض صاير واعتنيلك
يم فاطمه جالس وتبچيلها لو تبچيلك
لو انته بكربله ودم ينزف دليلك
وتستمع صوت النحر وتشاركه الونه
▪️〰▪️〰▪️〰▪️〰▪️〰▪️〰▪️〰
تعال يا من ساكن بروحي يمهدي
طيفك کبالي اشوفه ودمعاتي تبدي
بالگلب نار فرگاك والدمعه اعله خدي
يا يمته الفرج مولاي وتجبر كسرنه


تمت بعون الله تعالى
✍🏻 خادمة الزهراء // ليلى زغيب



دموع الأنين في رثاء الطاهرين 💔 الشاعرة ليلى زغيب

https://t.me/Doumooalanin

#بضعة_الرسول
جديد بمناسبة شهادة السيدة فاطمة الزهراء وحفيدتها فاطمة المعصومة سلام الله عليهما قصيدة بعنوان (احزان فاطمية)


بين فاطم وفاطم قصة اشجان
يروي بها الزمان مرارة الأحزان

فاطم الكبرى لهفي لها كم
عانت بعد سيد الأكوان

تنعى أباها بدمع من دم قانٍ
حيث صبت عليها مصائب الازمان

داروا عليها بدفع الباب حنقاً
على البشير النذير صاحب القرآن

فرحلت مسودّة المتن وآأسفي
لها مقرّحة العين والاجفان

وبضعة منها لأرض طوس
قد شدها الحنين عن الأوطان

"معصومة"ومن لا يدري بها
اخت الرضا علي من آل عدنان

تتوق النفس منها لرؤية أخ
هو شقيق الروح عظيم الشان

فشدت رحال شوقها وسرت
بظعن من الأهل والإخوان

غدروا بها فقضت مكلومة
لم ترَ إمام زمانها السلطان

لكنها لم تلق ما لاقت فاطم
من زمرة الشر حاملي الاضغان

لم يكسر لها ضلع لا ولا
جنين لها ملقى على التربان

ولم تعدو خلف إمام مكبل
قادوه قسراً عابدي الأوثان


تمت بعون الله تعالى
✍🏻 خادمة الزهراء // ليلى زغيب



دموع الأنين في رثاء الطاهرين 💔 الشاعرة ليلى زغيب

https://t.me/Doumooalanin

#بضعة_الرسول
جديد بمناسبة شهادة السيدة فاطمة الزهراء عليها السلام قصيدة بعنوان (مكسورة ضلوع)



الله وياچ رحتي مكسورة ضلوع الله وياچ
گلبي ينعاچ يمه يا يمه الزجيه کلبي ينعاچ


وداعة الله يلحنينه روحي تلوع
مصيبتچ يمه عظيمه تحني الضلوع
انظر البابچ يبمه وذيچ الجذوع
من دمه أهمل ييمه بعيني الدموع

روحي بحزان بروحتج ظلت تنادي روحي بحزان
الله وياچ رحتي مكسورة ضلوع الله وياچ
▪️〰▪️〰▪️〰▪️〰▪️〰▪️〰▪️〰
شايل النعش بيمينك بويه تانينه
بهيده خل اشبع اموادع من الحنينه
راحت أمنا من ادينا من يواسينه
شمعة البيت وطفوها أهل الضغينه

بدمعي انخى تاني بنعش الوديعه بدمعي انخى
الله وياچ رحتي مكسورة ضلوع الله وياچ
▪️〰▪️〰▪️〰▪️〰▪️〰▪️〰▪️〰
امي مهظومه يبويه  من اعاديها
بهيده يا بويه اسئلك بالك اعليها
لا تجس بيدك ضلعها تدري يآذيها
بالگبر بويه اعله هونك من تخليها

بهيده وياه بويه لا تلچم ضلعها بهيده وياه
الله وياچ رحتي مكسورة ضلوع الله وياچ
▪️〰▪️〰▪️〰▪️〰▪️〰▪️〰▪️〰
من ضلع امي التكسر باب المصاب
انفتح بويه اعله حيله بعتبة الباب
بهيده لو رايد تنزلها جوه التراب
ترى يابويه بصدرها صار الصواب

بعتبة الباب بدت هيه الغاضريه بعتبة الباب
الله وياچ رحتي مكسورة ضلوع الله وياچ
▪️〰▪️〰▪️〰▪️〰▪️〰▪️〰▪️〰
انتظرها امي بويه بأرض الطفوف
تجي ويايه وتلمها باگي الچفوف
اتلمه جسم الحسين التوزع بالسيوف
تنذهل تنسى ضلعها  وسط الصفوف

تنسى الكسور امي من تشوف النحر تنسى الكسور
الله وياچ رحتي مكسورة ضلوع الله وياچ



تمت بعون الله تعالى
✍🏻 خادمة الزهراء // ليلى زغيب




دموع الأنين في رثاء الطاهرين 💔 الشاعرة ليلى زغيب

https://t.me/Doumooalanin

يمه حيل مشتاگه وذابحني الحنين
مشتاگه اشم ترابچ يمه من اسنين
روحي لهفانه وتهمل دمعها العين
يتراب القبر سلم عليها عني بنيابه

رحمك الله يا امي💔

#بضعة_الرسول
جديد بمناسبة شهادة السيدة الزهراء عليها السلام قصيدة بعنوان (يمه عفتيني للهموم)


يمه عفتيني مع همومي والدموع
متت من شفت يمه طگ الضلوع

روحي من الحزن صاحت ييمه
عگبچ اگليبي يظل عايش ابهمه
انتحب وحزني الگاع لا متلمه
وتنزل دموع فرگاچ يايمه بخشوع
▪️〰▪️〰▪️〰▪️〰▪️〰▪️〰▪️〰
حبيبه يا ازغيرة عمر يمه تروحين
اوکف اباب المصاب وتهمل العين
شحال گلبي من انظر يم الحسين
دارچ خليه من نورچ وروحي تلوع
▪️〰▪️〰▪️〰▪️〰▪️〰▪️〰▪️〰
عمري ما انسى حنانچ ابد يلغاليه
دوم اذكر وأنه بين احضانچ غافيه
رحتي يايمه وراحت وياچ العافيه
وعلى افراگچ دوم اگليبي موجوع
▪️〰▪️〰▪️〰▪️〰▪️〰▪️〰▪️〰
بالحجره اونن يمه والصدى يرجع
راحت شمعة البيت والوضع يفجع
من دم يمه جفن عيني يهمل المدمع
تدري شورث النه يايمه حرگ الجذوع
▪️〰▪️〰▪️〰▪️〰▪️〰▪️〰▪️〰
ورث النه مصايب يا يمه كثره
مصابچ يم حسن عم على العتره
واكبر سهم يا يمه المنگطع نحره
وكربله تخبرچ ييمه شطفت اشموع
▪️〰▪️〰▪️〰▪️〰▪️〰▪️〰▪️〰
يم حسن فگدچ عمانه يايمه
وگلبي حمل المصايب چان سهمه
من شفت كسر ضلعچ وسيل دمه
چانون فگدچ ييمه يسعر بالضلوع


تمت بعون الله تعالى
✍🏻 خادمة الزهراء // ليلى زغيب




دموع الأنين في رثاء الطاهرين 💔 الشاعرة ليلى زغيب

https://t.me/Doumooalanin

حل بنا الخطب الفظيع
تقطع له القلب الوجيع

فيا رب أفرغ علينا صبرا
قد سال منا بحر نجيع

#عظم_الله_لك_الأجر_يا_صاحب_الزمان
#اللــہـم_عجــل_لـولیڪ_الفــرج

إنا لله وانا اليه راجعون

اشتاقت لرؤياك قلوبنا العطشى
من اعماق الروح نهتف مدد

شخصت اليك حنايا القلوب
عجل ذابت المهج يبن احمد


#اللهم_عجل_لوليك_الفرج
#مدد_يا_صاحب_الزمان

#بضعة_الرسول
جديد بمناسبة شهادة السيدة فاطمة الزهراء عليها السلام قصيدة بعنوان (فقدك عماني)


عمري ابتدى بالنوح يا يمه يا زهره
بنتچ انه زينب تون روحي بالحسره


فگدچ ييمه اشلون انه اجرعنه
مسمار الهشم ضلعچ ضعلي يطگنه
عيني تظل عالباب طيفچ انطرنه
اگبالي ييمه يلوح واضلوعچ امكسره
▪️〰▪️〰▪️〰▪️〰▪️〰▪️〰▪️〰
يا يمه يا زهره هدومچ اشمنها
بيها اثر بسمار يا يمه اشوفنها
گلبي يون بالنوح دارچ اسمعنها
تنادي ينور البيت عفتينا يزهره
▪️〰▪️〰▪️〰▪️〰▪️〰▪️〰▪️〰
يشمعة البيت وانطفى يمه ضواچ
بيتچ خالي ييمه وتنحب يتاماچ
يم حسن عفتينه للحزن يمه وراچ
نصد للدار يايمه ونهمل العبره
▪️〰▪️〰▪️〰▪️〰▪️〰▪️〰▪️〰
دارچ خليه اليوم وتنحب ويانه
تبچي دمه الحيطان يمه على ابچانه
وحيدر ابونا اشلون اوصف أحزانه
وحده الباري يايمه يعلم بصبره
▪️〰▪️〰▪️〰▪️〰▪️〰▪️〰▪️〰
دربي ييمه اطويل خاتمته عاشور
ومن هسه اشوف مذبوحه النحور
وكل مصاب اصله ضلعچ المكسور
توالت مصايب عگبچ على العتره



تمت بعون الله تعالى
✍🏻 خادمة الزهراء // ليلى زغيب


دموع الأنين في رثاء الطاهرين 💔 الشاعرة ليلى زغيب

https://t.me/Doumooalanin

هو اشرف الخلق طراً واعتلى القا
هو احمد المنعوت في السموات

نوراً تجلى منذ بدء الخليقة
من حول عرشٕ كامل الصفات

من نوره الكون تلألأ باسماً
فأضاء  كل من في الكائنات

هو أول الانوار في ملكوته
وكان في الدنيا به ختم الرسالات

هو المحمود لدى أهل السما
وفي الأرض هو من به الكمالات

محمد هو وعند ذكر اسمه
تتعطر الارجاء بالصلوات

يا ربِّ صل عليه وآله كلما
تنفس الصبح حامل النسمات


تمت بعون الله تعالى
✍🏻 خادمة الزهراء // ليلى زغيب


دموع الأنين في رثاء الطاهرين 💔 الشاعرة ليلى زغيب

https://t.me/Doumooalanin

عجباً كيف يطيب لنا عيش
وإمام زماننا أمسى حزينا

قلبه اكتوى بنار يتم فأصبح
في غياهب الزمان سجينَ

روحه تنعى في كل يوم
اضلعاً مهشمة بفعل الحاقدينَ



اعظم الله أجوركم سيدي يا صاحب الزمان بمصاب والدك الامام الحسن العسكري

✍🏻 خادمة الزهراء // ليلى زغيب

دموع الأنين في رثاء الطاهرين 💔 الشاعرة ليلى زغيب

https://t.me/Doumooalanin

#الامام_العسكري
جديد بمناسبة شهادة الامام الحسن العسكري عليه السلام قصيدة بعنوان (نعزي القائم)



والد الحجه قضى نحبه هاليوم
والمهدي عليه ايون والگلب مالوم


گضى نحبه العسكري وسامره ظلمه
وينحب اعليه المنتظر ويل وزاد همه
يگله يبويه الحسن فگدك للدين ثلمه
برحيلك يبويه تبدي غربتي معلوم
▪️〰▪️〰▪️〰▪️〰▪️〰▪️〰▪️〰
وين الذي يوصل طارش للمدينه
يخبر الزهره تحضر المهدي وتعينه
يجهز والده ويل وتهل الدمع عينه
المهدي على فراگ الابو ويل مهموم
▪️〰▪️〰▪️〰▪️〰▪️〰▪️〰▪️〰
يجهز والده المهدي واتهل عبرته
وين الذي يگصد لطيبه يخبر جدته
يگلها يزهره المهدي بدت غيبته
تعالي شوفي ابنچ يم ضلع مهشوم
▪️〰▪️〰▪️〰▪️〰▪️〰▪️〰▪️〰
نواسي المنتظر هالليله جينه يزهره
يون فگد العسكري وحده يحسره
غيبته تعمي النواظر وتتجدد العصره
بدت رحلة نايباته ويل وينزف دموم
▪️〰▪️〰▪️〰▪️〰▪️〰▪️〰▪️〰
يعين الله المنتظر اچبيره حسرته
فاگد الليله العسكري وبانت غربته
همه طويل يرافگه برحلة غيبته
ينحب ضلوع امهشمه لو ينحب المسموم




تمت بعون الله تعالى
✍🏻 خادمة الزهراء // ليلى زغيب



دموع الأنين في رثاء الطاهرين 💔 الشاعرة ليلى زغيب

https://t.me/Doumooalanin

#بضعة_الرسول
جديد بمناسبة الهجوم على دار الزهراء عليها السلام قصيدة بعنوان (بعدك ولوني)



نادت الزهره بدمعها يبويه من رحت عني
هجم بن صهاك اعله داري يبويه وهظمني


تدري بموتك بالنبي هجمت اعلينه الصحابه
چن دين ويطلبوه ومنه رادو يأخذونه ييابه
واول اسهام الغدر دارك يبويه وجروا بابه
والطاغي يبويه بصفعة غدر عگبك لطمني
▪️〰▪️〰▪️〰▪️〰▪️〰▪️〰▪️〰
ريتك تعاين الحاله يا ابو الزهره الامينه
عگب عينك قامت اعلينه أهل الضغينه
ولا چن شيدت بيهم دين وانقلبوا علينه
وأجر الموده الطاغي ورا بابي عصرني
▪️〰▪️〰▪️〰▪️〰▪️〰▪️〰▪️〰
ورا بابي اعصروني من عگب عينك يمختار
ومحسن علعتب طاح وبالصدر نبت بسمار
بويه وتدري بالجرى مچتف گادوا الكرار
وصيتك هيه الچتغت حيدر ووضعه فجعني
▪️〰▪️〰▪️〰▪️〰▪️〰▪️〰▪️〰
محسني جالك يبويه وانشده عن احوالي
تلگه بيه اثر عصرتي بالباب وكل الجرالي
هظموني يبويه ودمي سال والحزن يبرالي
والبابي كل ما اصد بويه يهمل دمه جفني
▪️〰▪️〰▪️〰▪️〰▪️〰▪️〰▪️〰
من غمضت عينك يابويه وليه تولوني
گصدوا الداري اورى بابي عمد ادفعوني
ضلوعي اكسروها بويه وبالحقد اعصروني
بغدرها أمتك بويه چن دين اطلبتني



تمت بعون الله تعالى
✍🏻 خادمة الزهراء // ليلى زغيب



دموع الأنين في رثاء الطاهرين 💔 الشاعرة ليلى زغيب

https://t.me/Doumooalanin

❉❉❉❉❉❉❉﷽❉❉❉❉❉❉❉
لسـتة #دعم_المهدوي 🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ2  سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 100 عضو فما فوق
━━━━━━━━━━━━━━━
للإشـــتِـراك 👇🏻.
إرفع البوت ادمِن بقناتك : @Hashed5611_bot
وإرسل قناتك هُنا 👈 : @sayaddd
للمحظورين 👈 : @Alsayad123_bot
------------------------------------------------------

قناة الدعم 👈👈👈
https://t.me/joinchat/AAAAAFLKOx5nRih2adM0UA

#النبي_الاكرم
جديد بمناسبة شهادة النبي محمد صلى الله عليه وآله قصيدة بعنوان (اختفى نور المصطفى)


علي يجهز بطه ويهمل دموع المصيبه
ينوح وداعة الله يارسول الله وحبيبه


علي يغسل بخير البشر ويصيح ويلاه
شيصبرها البتول اعله فگدك يارسول الله
على مصابك جفنها يهل وي الدموع دماه
لو تعاين فاطمه وابناك ادموعهم سچيبه
▪️〰▪️〰▪️〰▪️〰▪️〰▪️〰▪️〰
علي ايغسله والهادي يتقلب اشمال ويمين
وقبل ما يلفه بچفن نادى يم حسن وحسين
تعالي يزهره اتودعي من والدچ خير النبيين
اتودعي من حلو الاطباع يازهره النجيبه
▪️〰▪️〰▪️〰▪️〰▪️〰▪️〰▪️〰
يزهره راح النبي واظلمت الدنيا بغيابه
نور النبي من غاب هجمت اعلينه الصحابه
واول رزيه يزهره المنعوه يكتب اكتابه
وگالوا النبي يهجر آه يا عظم المصيبه
▪️〰▪️〰▪️〰▪️〰▪️〰▪️〰▪️〰
تدري يزهره گلها الوصي ويهمل دموع
من عگب النبي استعدي لكسر الضلوع
ومن بيتي يزهره يبتدي طفي الشموع
واول سلسال المصايب دمومچ عالتريبه
▪️〰▪️〰▪️〰▪️〰▪️〰▪️〰▪️〰
سهام المصايب بدت أولها النبي مسموم
بغدر سموه يازهره وخلوا الدين مالوم
بفگده يم حسن شكثر تتغير اعلوم
الامه ردت عالقب والعتره صارت غريبه



تمت بعون الله تعالى
✍🏻 خادمة الزهراء // ليلى زغيب



دموع الأنين في رثاء الطاهرين 💔 الشاعرة ليلى زغيب

https://t.me/Doumooalanin

#النبي_الاكرم
جديد بمناسبة شهادة النبي محمد صلى الله عليه وآله قصيدة بعنوان (من غاب نورك يالنبي)


غمضت عين النبي وانطفى نور المدينه
وفاطمه من عگب ابوها ثكله وحزينه


غاب نور المصطفى وبين بفاطم هظمها
نادت بصوت الحزن يارسول الله بألمها
يبويه عگبك صحبتك تعنت لي بحطبها
الچانت تدعي صحابك انقلبت علينه
▪️〰▪️〰▪️〰▪️〰▪️〰▪️〰
اليهجر گالوا يبويه ومنعوا تكتبها الوصيه
هجموا على داري بحقد عگبك هلناصبيه
حرگروا الباب بحطب واورثونا الغاضريه
بنومتك باللحد من دمه الدمعه بچينه
▪️〰▪️〰▪️〰▪️〰▪️〰▪️〰
تدري ياخير الورى ضلوع صدري كسروها
اتجراوا كلهم علينه والوصيه انكروها
عگب عينك آيبويه بنار بابي وجروها
اعله العقب ردت يبويه والوصي الله يعينه
▪️〰▪️〰▪️〰▪️〰▪️〰▪️〰
يارسول الله وصيتك ما چن انت گلتها
شكثر وصيت بينه يبويه والوصيه اكدتها
ثقلين چنه يبويه وصحبه للوصيه انكرتها
وأول غدرهم بويه بيه باب داري اموجرينه
▪️〰▪️〰▪️〰▪️〰▪️〰▪️〰
اعله المغتسل يالنبي والامه ردت عالعقب
هجموا اعلينه بويه ولا چنهم من الصحب
ضلوعي اكسروها ودمي سال اعله الترب
انه بضعتك يارسول وحقي بويه هاظمينه



تمت بعون الله تعالى
✍🏻 خادمة الزهراء // ليلى زغيب



دموع الأنين في رثاء الطاهرين 💔 الشاعرة ليلى زغيب

https://t.me/Doumooalanin

#الاربعين
جديد بمناسبة رجوع الركب الحسيني إلى مدينة رسول الله صلى الله عليه وآله قصيدة بعنوان (جيتك بالجروح)



طبت للمدينه وانفتحت كل الجروح
نادت يا رسول الله انهدمت صروح


طبت المدينة جدها زينب الكبرى
تتنفس الم وهموم والشهگه حسره
تنادي يارسول الله مدلل الزهره
عفته براضي نينوى اموسد ومذبوح
▪️〰▪️〰▪️〰▪️〰▪️〰▪️〰
جيتك من كثر البچي عميه العيون
ديارك خلت من اهلها يا سيد الكون
خذوا ثاراتهم وبينا ظلوا يشمتون
واخر شماتتهم بنتك سبيه تروح
▪️〰▪️〰▪️〰▪️〰▪️〰▪️〰
من رحلة سبي وعگب ذبحة المظلوم
جيتك يجدي وگلبي متروس بهموم
جيت أخبرك واخبر ام ضلع مهشوم
يجدي بنينوى وي اهلي اندفنت الروح
▪️〰▪️〰▪️〰▪️〰▪️〰▪️〰
يجدي ناديتك تعال وي امي الزچيه
هدمت حيلي ياجدي عملة الغاضريه
رديت المدينه وايدي من اهلي خليه
رديت ودمعي دمه اعله خدي مسفوح
▪️〰▪️〰▪️〰▪️〰▪️〰▪️〰
يجدي من امي اورثت كل المصايب
ضلوع امهشمه وزاد سبي ونوم الخرايب
من نبتة المسمار چم دم سال عالترايب
وچم متن للفواطم بسوط العدو مجروح



تمت بعون الله تعالى
✍🏻 خادمة الزهراء // ليلى زغيب



دموع الأنين في رثاء الطاهرين 💔 الشاعرة ليلى زغيب

https://t.me/Doumooalanin

#الاربعين
جديد بمناسبة أربعين الامام الحسين عليه السلام قصيدة بعنوان (روحي تحوم بالغاضريه)



روحي بشوگ تسافر لرض الغاضريه
تواسي بالحزن فاطمه الزهره الزچيه


روحي لرض الطفوف تتعنى بحزنها
تنحب آه يبو السجاد وتهمل دمعها
راحت تشارك الحره بهظمة گلبها
ردت بيوم الاربعين والونه شجيه
▪️〰▪️〰▪️〰▪️〰▪️〰▪️〰
روحي حامت عالضريح تهمل دمع
تنادي وتحن وتلوع ياحسين المنصرع
شلون حال العايله العاشت هالوضع
ردت تزور الاجساد الظلت عالوطيه
▪️〰▪️〰▪️〰▪️〰▪️〰▪️〰
روحي شافت سكنه والحرم وايتام
تحوم بحزنها فوگ گبر ضم الامام
وزينب بلوعه تنوح وتهل الدمع سچام
جيت وجبت راسك يبن خير البريه
▪️〰▪️〰▪️〰▪️〰▪️〰▪️〰
روحي وي زينب وسمعتها تنادي
گوم يا مهجة علي وريحانة الهادي
يامن عفتك اموذر وذر ابهالوادي
يخويه رديت الك واضلوعي محنيه
▪️〰▪️〰▪️〰▪️〰▪️〰▪️〰
فك باب الگبر خويه واخذ مني الراس
ناشده يحسين عالالم وذاك الاحساس
يخبرك بديوان اميه وشماتة الناس
وشلون صارت اختك بعدك سبيه
▪️〰▪️〰▪️〰▪️〰▪️〰▪️〰
وچلمه سمعتها روحي وظلت تنوح
چلمه من زينب فتحت كل الجروح
عگبك زينب بدرب السبي تجي وتروح
وبالشام يمذبوح ماتت الطفله رقيه



تمت بعون الله تعالى
✍🏻 خادمة الزهراء // ليلى زغيب



دموع الأنين في رثاء الطاهرين 💔 الشاعرة ليلى زغيب

https://t.me/Doumooalanin

رَوَى الشيخ الطوسي ( قدَّس الله نفسه الزَّكية ) عن جماعة ، عَنْ صَفْوَانَ بْنِ مِهْرَانَ الْجَمَّالِ ، أنه قَالَ : قَالَ لِي مَوْلَايَ الصَّادِقُ صَلَوَاتُ اللَّهِ عَلَيْهِ فِي زِيَارَةِ الْأَرْبَعِينَ : " تَزُورُ عِنْدَ ارْتِفَاعِ النَّهَارِ وَ تَقُولُ :
السَّلَامُ عَلَى وَلِيِّ اللَّهِ وَ حَبِيبِهِ ، السَّلَامُ عَلَى خَلِيلِ اللَّهِ وَ نَجِيبِهِ ، السَّلَامُ عَلَى صَفِيِّ اللَّهِ وَ ابْنِ صَفِيِّهِ ، السَّلَامُ عَلَى الْحُسَيْنِ الْمَظْلُومِ الشَّهِيدِ ، السَّلَامُ عَلَى أَسِيرِ الْكُرُبَاتِ وَ قَتِيلِ الْعَبَرَاتِ .
اللَّهُمَّ إِنِّي أَشْهَدُ أَنَّهُ وَلِيُّكَ وَ ابْنُ وَلِيِّكَ ، وَ صَفِيُّكَ وَ ابْنُ صَفِيِّكَ ، الْفَائِزُ بِكَرَامَتِكَ ، أَكْرَمْتَهُ بِالشَّهَادَةِ ، وَ حَبَوْتَهُ بِالسَّعَادَةِ ، وَ اجْتَبَيْتَهُ بِطِيبِ الْوِلَادَةِ ، وَ جَعَلْتَهُ سَيِّداً مِنَ السَّادَةِ ، وَ قَائِداً مِنَ الْقَادَةِ ، وَ ذَائِداً مِنَ الذَّادَةِ ، وَ أَعْطَيْتَهُ مَوَارِيثَ الْأَنْبِيَاءِ ، وَ جَعَلْتَهُ حُجَّةً عَلَى خَلْقِكَ مِنَ الْأَوْصِيَاءِ ، فَأَعْذَرَ فِي الدُّعَاءِ ، وَ مَنَحَ النُّصْحَ ، وَ بَذَلَ مُهْجَتَهُ فِيكَ ، لِيَسْتَنْقِذَ عِبَادَكَ مِنَ الْجَهَالَةِ وَ حَيْرَةِ الضَّلَالَةِ ، وَ قَدْ تَوَازَرَ عَلَيْهِ مَنْ غَرَّتْهُ الدُّنْيَا ، وَ بَاعَ حَظَّهُ بِالْأَرْذَلِ الْأَدْنَى ، وَ شَرَى آخِرَتَهُ بِالثَّمَنِ الْأَوْكَسِ ، وَ تَغَطْرَسَ وَ تَرَدَّى فِي هَوَاهُ ، وَ أَسْخَطَ نَبِيَّكَ ، وَ أَطَاعَ مِنْ عِبَادِكَ أَهْلَ الشِّقَاقِ وَ النِّفَاقِ ، وَ حَمَلَةَ الْأَوْزَارِ الْمُسْتَوْجِبِينَ النَّارَ ، فَجَاهَدَهُمْ فِيكَ صَابِراً مُحْتَسِباً ، حَتَّى سُفِكَ فِي طَاعَتِكَ دَمُهُ ، وَ اسْتُبِيحَ حَرِيمُهُ ، اللَّهُمَّ فَالْعَنْهُمْ لَعْناً وَبِيلًا ، وَ عَذِّبْهُمْ عَذَاباً أَلِيماً .
السَّلَامُ عَلَيْكَ يَا ابْنَ رَسُولِ اللَّهِ ، السَّلَامُ عَلَيْكَ يَا ابْنَ سَيِّدِ الْأَوْصِيَاءِ ، أَشْهَدُ أَنَّكَ أَمِينُ اللَّهِ وَ ابْنُ أَمِينِهِ ، عِشْتَ سَعِيداً وَ مَضَيْتَ حَمِيداً ، وَ مِتَّ فَقِيداً مَظْلُوماً شَهِيداً ، وَ أَشْهَدُ أَنَّ اللَّهَ مُنْجِزٌ مَا وَعَدَكَ ، وَ مُهْلِكٌ مَنْ خَذَلَكَ ، وَ مُعَذِّبٌ مَنْ قَتَلَكَ ، وَ أَشْهَدُ أَنَّكَ وَفَيْتَ بِعَهْدِ اللَّهِ ، وَ جَاهَدْتَ فِي سَبِيلِهِ حَتَّى أَتَاكَ الْيَقِينُ ، فَلَعَنَ اللَّهُ مَنْ قَتَلَكَ ، وَ لَعَنَ اللَّهُ مَنْ ظَلَمَكَ ، وَ لَعَنَ اللَّهُ أُمَّةً سَمِعَتْ بِذَلِكَ فَرَضِيَتْ بِهِ .
اللَّهُمَّ إِنِّي أُشْهِدُكَ أَنِّي وَلِيٌّ لِمَنْ وَالَاهُ ، وَ عَدُوٌّ لِمَنْ عَادَاهُ ، بِأَبِي أَنْتَ وَ أُمِّي يَا ابْنَ رَسُولِ اللَّهِ ، أَشْهَدُ أَنَّكَ كُنْتَ نُوراً فِي الْأَصْلَابِ الشَّامِخَةِ ، وَ الْأَرْحَامِ الطَّاهِرَةِ ، لَمْ تُنَجِّسْكَ الْجَاهِلِيَّةُ بِأَنْجَاسِهَا ، وَ لَمْ تُلْبِسْكَ الْمُدْلَهِمَّاتُ مِنْ ثِيَابِهَا ، وَ أَشْهَدُ أَنَّكَ مِنْ دَعَائِمِ الدِّينِ ، وَ أَرْكَانِ الْمُسْلِمِينَ ، وَ مَعْقِلِ الْمُؤْمِنِينَ ، وَ أَشْهَدُ أَنَّكَ الْإِمَامُ الْبَرُّ التَّقِيُّ الرَّضِيُّ الزَّكِيُّ الْهَادِي الْمَهْدِيُّ ، وَ أَشْهَدُ أَنَّ الْأَئِمَّةَ مِنْ وُلْدِكَ ، كَلِمَةُ التَّقْوَى ، وَ أَعْلَامُ الْهُدَى ، وَ الْعُرْوَةُ الْوُثْقَى ، وَ الْحُجَّةُ عَلَى أَهْلِ الدُّنْيَا ، وَ أَشْهَدُ أَنِّي بِكُمْ مُؤْمِنٌ ، وَ بِإِيَابِكُمْ مُوقِنٌ ، بِشَرَائِعِ دِينِي ، وَ خَوَاتِيمِ عَمَلِي ، وَ قَلْبِي لِقَلْبِكُمْ سِلْمٌ ، وَ أَمْرِي لِأَمْرِكُمْ مُتَّبِعٌ ، وَ نُصْرَتِي لَكُمْ مُعَدَّةٌ ، حَتَّى يَأْذَنَ اللَّهُ لَكُمْ ، فَمَعَكُمْ مَعَكُمْ ، لَا مَعَ عَدُوِّكُمْ ، صَلَوَاتُ اللَّهِ عَلَيْكُمْ ، وَ عَلَى أَرْوَاحِكُمْ وَ أَجْسَادِكُمْ ، وَ شَاهِدِكُمْ وَ غَائِبِكُمْ ، وَ ظَاهِرِكُمْ وَ بَاطِنِكُمْ ، آمِينَ رَبَّ الْعَالَمِينَ .
وصلى الله على محمد وال محمد الطيبين الطاهرين
(ثم تصلي ركعتين وتنصرف )